Paseo fluvial do río Sarela

Este paseo é un mundo á parte que se introduce no bosque e discorre completamente alleo á cidade suxerindo excursión, aventura, descubrimento e contacto directo coa natureza. Corre paralelo ás augas do pequeno río Sarela e permite constatar a importancia histórica que na articulación do territorio tiveron as canles fluviais: pontes, regos, canais, muíños, fábricas de curtidos... Estas últimas tiveron un papel moi relevante no desenvolvemento económico da cidade desde mediados do século XIX ata a metade do XX, tal e como queda patente ao longo deste percorrido que comeza nunha destas construcións fabrís, a da Ponte Sarela, e remata na do Carme de Abaixo, hoxe rehabilitada como urbanización de vivendas.
O sendeiro está sombreado, como se dunha pérgola natural se tratase, por carballeiras e vexetación típica das ribeiras galegas: ameneiros, bidueiros, salgueiros, etc.

Ficha técnica:
 
Duración percorrido: 30 minutos
Topografía: pendente suave
Horario: 24 horas
Especial Interese botánico: flora de ribeira e de chan
Especial interese monumental / patrimonial: muíños, pontes, fábricas de curtidos
Amplas zonas de sombra
Posibilidade de recorrelo en bicicleta
Cursos de auga: río
Proximidade de zonas de aparcamento

Mais información

Localización

Rueiro das Figueiriñas, Santiago de Compostela, 15705

Enviar información por SMS

Se detecta algún erro nesta páxina, por favor comuníqueo a ot@santiagoturismo.com

Google Street View é un servizo automático de Google que obtén imaxes a pé de rúa en base a súa localización xeográfica. Turismo de Santiago non é responsable do seu contido, encadre ou punto de vista. A inclusión deste recurso é só a título informativo.