Extranet de santiagoturismo.com

Información e Comunicación Local, S.A. (Turismo de Santiago de Compostela) informa de que a ferramenta informática que pon á súa disposición para a difusión das súas visitas guiadas, excursións radiais e outra oferta complementaria, non ten custo algún para vostede. Igualmente, infórmaselle de que o usuario e contrasinal fornecido para acceder á aplicación informática é persoal e intransferible, sendo da súa responsabilidade a custodia, así como a obriga de non comunicalo a terceiros alleos ao establecemento. O uso desta aplicación é voluntario e non supón a creación de ningunha relación mercantil entre Información e Comunicación local, S.A (Turismo de Santiago de Compostela) e o usuario.

Vostede, como usuario autorizado desta ferramenta informática está obrigado a non introducir datos de carácter persoal na aplicación. Igualmente, comprométese a introducir na mesma datos veraces sobre actividades relacionadas con visitas guiadas, excursións e outra oferta complementaria, estando obrigado a manter actualizados os datos con carácter permanente. Todas as actividades que se carguen terán lugar no municipio de Santiago de Compostela e deberán ter saída garantida, sen estar condicionadas a un número mínimo de participantes, e, no caso das excursións radiais, deberán ter en Santiago de Compostela o seu punto de partida e chegada final. Así mesmo, o usuario desta ferramenta está obrigado a cumprir en todo momento coa legalidade vixente no exercicio da súa actividade.

O usuario será o único responsable diante do visitante ou posible cliente final da veracidade da información introducida, así como das consecuencias do servizo prestado. A este respecto, informase de que Información e Comunicación Local, S.A (Turismo de Santiago de Compostela) non actúa como mediador nin presta servizos de reservas ou axencia de viaxes, polo que toda a responsabilidade sobre o uso da ferramenta diante dos usuarios finais é do titular do establecemento. A non observancia destas condicións facultará a Información e Comunicación Local, S.A. (Turismo de Santiago de Compostela) a dalo de baixa no servizo.