estado do tempo
Hoxe é mércores 23 de maio, temos 21ºC e prevese algo nubrado en Santiago de Compostela

Pazo de Xelmírez

S. XII. Románico.

Apoiado no costado norte da Catedral, e de cara á Praza do Obradoiro, érguese este pazo episcopal que mandou construír o arcebispo Diego Xelmírez para substituír a antiga residencia episcopal derrubada durante as revoltas. No século XVIII engadíuselle un novo andar sobre os dous inicias, que desentoa da primitiva construcción románica, e que obrigou a reforzar os muros cunha nova fachada a modo de contraforte.

Accédese ao interior deste edificio a través da porta que dá á praza do Obradoiro. Ao traspasar a porta podemos ver o primitivo pórtico románico que quedou oculto trala nova fachada do século XVIII. No segundo andar destacan a interesante cociña medieval e o salón de festas e comidas do século XIII. Destacan neste salón as ménsulas encol das que se apoian os nervios dos arcos que sustentan a bóveda de crucería, todas elas decoradas con escenas dun festín medieval.

Galería de imaxes

Pazo de Xelmírez Pazo de Xelmírez Pazo de Xelmírez

Mais información

Localización
Praza do Obradoiro, Santiago de Compostela, 15705
Uso actual

Forma parte do Museo da Catedral. Web: www.catedraldesantiago.es.

Observacións

VISITABLE nos horarios de apertura do Museo da Catedral. Horario inverno: 10:00-13:30 e 16:00-18:30. Horario verán 2007 (1 xuño-30 setembro): 10:00-14:00 e 16:00-20:00. Pechado: domingos pola tarde, 25/12, 1/01, 25/07 y 15/08.



Se detecta algún erro nesta páxina, por favor comuníqueo a ot@santiagoturismo.com

Etiquetas: Cidade histórica Románico Visitable Recomendado! Pazo
Canto che gustou esta entrada?
Compárteo en:
Que opinas?
Para poder comentar esta entrada debes estar rexistrado.
Introduce o teu usuario e contrasinal. aquí.