Hoxe é xoves 17 de maio, temos 20ºC e prevese algo nubrado
en Santiago de Compostela
Arquitectos: Albert Viaplana, Helio Piñón
Data: 1991-1994
Zona: cidade histórica
O eixo da avenida Xoán XXIII, aberto nos anos sesenta converteuse no eixo do acceso fundamental ao mesmo corazón do casco histórico. A reordenación, encargada aos arquitectos Albert Viaplana e Helio Piñón, resolveu as esixencias funcionais do acceso de tráfico, as necesidades de estacionamento de coches e autobuses, remodelando un aparcamento existente, obra de Julio Cano Lasso, e estableceu un diálogo interesante entre o novo e as pezas monumentais dos edificios conventuais de San Francisco e San Martiño Pinario, que constitúen o fondo perspectivo da avenida.
Todo o complexo se resolve con planos graduados pavimentados en granito, desde a plataforma da avenida, que pregan os seus bordes para ofrecer asento e protección aos viandantes, pavimentados en granito. O elemento protagonista do conxunto é unha longa marquesiña de soportes de aceiro e cuberta de cristal, que protexe o recorrido dos peóns cara o acceso ao casco histórico. Esta marquesiña apoiase en grosos soportes cónicos de aceiro no seu lateral cara o tráfico e finos tubos, deste mesmo material, cara a paisaxe presidida polo monte Pedroso. No seu longo recorrido cara a mole pétrea de San Francisco vai diminuíndo de altura acompañando o recorrido cara o corazón da cidade histórica, xogando cos fondos perspectivos ela percepción de distancias.
Visitas: espazo público e de libre acceso.
No hotel Altaïr, a beleza excepcional da zona vella de Compostela únese coas liñas vangardistas que caracterizan o...
Está situado en pleno casco histórico, na rúa Porta da Pena, así chamada por ser unha das sete portas que daban...
En pleno casco antigo da cidade, a 150 metros da Catedral e a 50 metros do parking de Xoán XXIII érguese un dos edificios con maior...
Dentro dun marco incomparábel como é a zona monumental, este hotel con encanto alzase nun edificio histórico do...
Siza, Eisenman, Kleihues, Hejduk, Portela, Nouvel... algúns dos mellores arquitectos do mundo teñen obras en Santiago de Compostela.
