Multiúsos Fontes do Sar

Arquitectos: Xosé Manuel Casabella, Josep María de Arenaza e Joaquín Pujol.
Data: 1991-1996
Zona: coroa exterior

Co edificio Multiusos do Sar a cidade conta con un equipamento capaz de acoller grandes acontecementos deportivos ou concertos multitudinarios. Para resolver esta necesidade, os arquitectos cataláns Arenaza e Pujol, proxectaron un grande cilindro composto por estratos que dende a base e en sentido ascendente serían, en primeiro lugar, un zócalo que absorve as irregularidades do terreo, despois unha banda acristalada, que forma unha galería perimetral, á que segue o corpo macizo, forrado en pedra, totalmente cego que flota sobre a liña de vidro inferior e, por último, os volumes crebados dos lucernarios da cuberta que coroan o edificio.

A espectacular estructura que cubre o edificio está resolta con cimbros de madeira laminada, atirantada por arames metálicos, que salvan unha distancia máxima, sen apoios, de noventa metros. Sobre elas, as bandas acristaladas dos lucernarios introducen unha gran cantidade de luz natural no interior do grande espazo.

A presenza do grande volume do edificio tratouse, na súa relación coa cidade, como unha peza singular illada no medio dunha ampla zona verde, delimitada pola beira de crecemento comprendida entre a vía do tren e a pendente do monte no que se constrúe a Cidade da Cultura de Peter Eisenman. Este parque urbano, presidido polo Multiusos desenvólvese lonxitudinalmente á volta da canle do río Sar, nun paraxe natural de grande beleza e significado

Galería de imaxes

Mais información

Localización

Rúa de Diego Bernal

Observacións

Visitas: o edificio está aberto ao público na celebración de diversos espectáculos deportivos ou culturais.

Enviar información por SMS

Se detecta algún erro nesta páxina, por favor comuníqueo a ot@santiagoturismo.com

Google Street View é un servizo automático de Google que obtén imaxes a pé de rúa en base a súa localización xeográfica. Turismo de Santiago non é responsable do seu contido, encadre ou punto de vista. A inclusión deste recurso é só a título informativo.