Hoxe é xoves 17 de maio, temos 20ºC e prevese algo nubrado
en Santiago de Compostela
Arquitecto: Antón García Abril.
Data: 1998-2001.
Zona: Cidade Histórica.
No interior da finca Simeón, unha antiga propiedade dunha liñaxe compostelá, na beira oeste da cidade histórica, constrúense diferentes edificacións vinculadas a estudos universitarios especializados. César Portela e Arata Isozaki son os encargados da reorganización da finca, presidida pola antiga casa, rehabilitada por César Portela.
A Escola de Altos Estudos Musicais, un dos edificios universitarios construídos no interior da Finca Simeón, foi deseñada polo mozo arquitecto madrileño Antón García Abril, fillo do famoso compositor do mesmo nome. Esta peza foi concebida como un grande cubo de pesadas pezas graníticas, de textura tosca, cortadas á contra, deixando vistas as marcas das trades para os barrenos que creban as lousas da canteira. A pesada mole do edificio apóiase no terreo axardinado, case sen tocalo, dispoñendo o acceso baixo un longo lintel metálico que permite que unha esquina da base do pesado volume flote sobre a suave ondulación do chan. O interior está presidido por un baleiro que percorre toda a altura e conecta os diferentes espazos. Este baleiro, de complexo volume, vaise pechando no sentido ascendente e fica bañado en luz, dende o lucernario disposto na cuberta plana.
Os requerimentos acústicos do programa foron determinantes no proceso de deseño. Os usos e condicións acústicas, ditaron a súa organización espacial e a elección dos materiais de revestimento.
Para visitalo é preciso solicitar permiso á dirección do centro.
En pleno casco antigo da cidade, a 150 metros da Catedral e a 50 metros do parking de Xoán XXIII érguese un dos edificios con maior...
No hotel Altaïr, a beleza excepcional da zona vella de Compostela únese coas liñas vangardistas que caracterizan o...
Está situado en pleno casco histórico, na rúa Porta da Pena, así chamada por ser unha das sete portas que daban...
Dentro dun marco incomparábel como é a zona monumental, este hotel con encanto alzase nun edificio histórico do...
O edificio atópase na praza máis emblemática da cidade compostelana, a Praza do Obradoiro, arrodeado pola Catedral de...
Siza, Eisenman, Kleihues, Hejduk, Portela, Nouvel... algúns dos mellores arquitectos do mundo teñen obras en Santiago de Compostela.
