Hoxe é xoves 17 de maio, temos 20ºC e prevese algo nubrado
en Santiago de Compostela
Arquitecto: Alfonso Penela.
Data: 1989-2002.
Zona: coroa exterior.
O Centro Sociocultural deseñado por Alfonso Penela, un arquitecto caracterizado pola solvencia coa que manexa solucións formais experimentais, sitúase fronte á impoñente fachada barroca do Convento de Conxo, hoxe hospital psiquiátrico. O obrigado diálogo entre o edificio histórico e o pequeno equipamento sociocultural abordouse con ousadía, ao tratar a nova construción como un elemento abstracto, complexo e fragmentado.
O conxunto componse do centro cultural e dunha gardaría que se construíu máis tarde. O conxunto queda definido por unha serie de panos de peche, de pedra na súa planta baixa e de cristal na superior, que se pregan e xiran sen lei aparente, quedando cubertos por unha serie de planos inclinados, independentes e solapados, cuxa superficie excede á do recinto pechado de forma que, apoiados nuns finos soportes de tubo de aceiro pintados de branco, xeran un pórtico cheo de movemento que vai ocultando e revelando, no percorrido ao seu través, a presenza do grande edificio conventual. A complexa cuberta é concibida como un paraugas que parece flotar, independente do volume, fragmentado e cheo de movemento, das dependencias que acubilla.
O contraste de continuos termos contrarios (pesado-lixeiro, uniforme fragmentado, escuro-claro, plano-pregado) é o que permite que o resultado de enfrontar unha forma intencionalmente contemporánea a un nobre conxunto monumental resulte tan feliz e tamén tan interesante.
O edificio está aberto ao público, salvo algunhas dependencias que, pola actividade que se desenvolve nellas, non é posíbel visitalas.
A súa inmellorábel situación na parte nova da cidade, xunto ao Campus Universitario, preto da estación de ferrocarril...
A tan só 20 minutos andando da Catedral de Santiago e do seu centro histórico, levántase o GH Santiago, hotel de dez plantas...
Atópase na zona nova de Santiago de Compostela, moi próximo á estación de Ferrocarril e preto da Praza Roxa. A...
Hotel estratexicamente situado, a escasos metros do centro comercial Hipercor, rodeado polo Parque Eugenio Granell (de 100.000 m2) e de doado...
Siza, Eisenman, Kleihues, Hejduk, Portela, Nouvel... algúns dos mellores arquitectos do mundo teñen obras en Santiago de Compostela.
