As horas

Comparada con outras cidades, a noite en Santiago empeza máis tarde e alóngase máis:

Entre as 20:30 e as 22 h. é o intre dos locais de viños, moi concorridos a estas horas calquera día da semana. Na maioría deles, os viños sérvenos acompañados de ‘tapas’, pequenos bocados, a veces suculentos -de embutidos, queixo, tortilla e outros-, que axudan a beber e que en Santiago, a diferenza doutros lugares, son gratuítos.

Cos viños adoitase pedir ‘racións’, que apañan unha cea informal. As racións dispoñíbeis nas cartas -luras, polbo, tortilla, pementos de Padrón... - están pensadas para ser compartidas, e é habitual que se collan có garfo directamente da bandexa.

Dende as 22 é a hora da cena para os que optan por unha opción máis formal. A maioría dos restaurantes admiten reservas ata as 22:30 ou incluso as 23 h., có que a sobremesa, co café -é típico o ‘de pota’- ou os espirituosos -licor café ou caña, pura, tostada ou de herbas -, pode chegar ata as 24 h. ou incluso a 1 a.m.

O horario de copas empeza ás 23 h. e se alárgase ata as 3:30, hora na que pechan os locais de primeira hora. A partires de aquí aínda quedan varios sitios nos que poder sentarse e falar, aínda que entramos xa na franxa horaria das zonas de baile, ás que non adoita irse antes da 1 da madrugada, a menos que se optara polos locais específicos de ritmos latinos.

O peche dos pubs coincide coa hora punta das discotecas, e pasadas as 5 empezan a abrir os locais de última hora. E ás 6, xa se pode almorzar: chocolate á cunca con churros é o tradicional, e para algúns tamén o polo.