Museo do Pobo Galego

O antigo convento de Santo Domingo de Bonaval, situado nun outeiro extras muros da cidade histórica, xunto ao camiño polo que os peregrinos chegaban a Compostela, acolle hoxe o Museo do Pobo Galego, que a través dun amplo e variado conxunto de pezas ofrece unha panorámica das manifestacións máis representativas da cultura propia de Galicia. Nas súas salas permanentes móstranse diversos aspectos do mundo do mar, os oficios tradicionais, o campo, a indumentaria e a arquitectura popular. Dispón, ademais, de seccións de arqueoloxía, pintura e escultura galegas. Regularmente organízanse exposicións temporais de temática diversa.

O Museo do Pobo Galego constituíuse baixo os auspicios dun Padroado integrado por entidades e persoas que traballan nas distintas áreas da cultura galega e por representacións de institucións públicas e académicas. Inaugurouse en outubro de 1977, no edificio cedido polo Concello de Santiago de Compostela.

O antigo convento de Bonaval, fundado no século XIII por San Domingos de Guzmán, foi reconstruído en estilo Barroco nos séculos XVII e XVIII. A parte máis notable foi proxectada polo arquitecto Domingo de Andrade. No interior pódese admirar unha orixinal escaleira helicoidal triple.

A igrexa data da época da fundación. É de estilo gótico, e sufriu diversas reformas e adicións ata o século XVI. Nela está situado o Panteón de Galegos Ilustres, no que repousan os restos da poeta Rosalía de Castro, o político rexionalista Alfredo Brañas, o escultor Francisco Asorey, o poeta Ramón Cabanillas, o xeógrafo Domingo Fontán e o artista e político nacionalista Alfonso R. Castelao.

Galería de imaxes

Mais información

Localización

Rúa de San Pedro, 1, Santiago de Compostela, 15703

Teléfono

981 583 620

E-mail

museodopobo@interbook.net

Fax

981 554 840

Prezo

Entrada ordinaria: 3 € Entrada reducida: 1 € (maiores de 65 anos, estudantes maiores de 16 anos) Entrada gratuíta: socios do Museo, menores de 16 anos e traballadores no paro Grupos a partir de 8 persoas, ou de 4 persoas con carné de familia numerosa: 2 € por persoa Visita a exposicións temporais: gratuíta A entrada será libre para todo o público os domingos, o 18 de maio (Día dos Museos) e o 29 de outubro (aniversario do MPG).

Horario

Mar. a Sáb.: 10:00-14:00, 16:00-20:00. Dom. e festivos: 11:00-14:00. Luns: pechado

Tempada

Todo o ano

Enviar información por SMS

Se detecta algún erro nesta páxina, por favor comuníqueo a ot@santiagoturismo.com

Google Street View é un servizo automático de Google que obtén imaxes a pé de rúa en base a súa localización xeográfica. Turismo de Santiago non é responsable do seu contido, encadre ou punto de vista. A inclusión deste recurso é só a título informativo.