SANTIAGO(é)TAPAS abre o prazo de inscripción

Os estabelecementos interesados en participar en SANTIAGO(é)TAPAS poden facer a súa inscripción entre o día 18 de marzo e o 6 de abril. Establécese o número de locais participantes nun máximo de 50, inscritos por rigorosa orde de presentación da súa solicitude. O concurso enmárcase dentro do programa de actividades do Consorcio para celebrar o 800 aniversario da Consagración da Catedral, como un xeito de facer constar que a gastronomía compostelá é tamén unha dimensión cultural da cidade.

Nesta cuarta edición, o concurso cambia de datas pola petición da Asociación Hostelería Compostela, coorganizadora do evento xunto con Turismo de Santiago. Nas tres primeiras edicións celebrouse na segunda quincena de xuño e os primeiros días de xullo. Pero nesta ocasión adiántase á segunda quincena do mes de maio, concretamente entre o 13 e o 29 de maio, co obxecto de dinamizar ao sector nese mes.

SANTIAGO(é)TAPAS, pese a súa xuventude, é xa un evento consolidado na axenda da cidade. No ano 2010 celebrou unha edición especial por motivo do Ano Santo, ampliando a súa duración normal de 17 a 24 días. Neste periodo, composteláns e turistas consumiron máis de 35.000 tapas nos estabelecementos participantes no concurso.

O “Xurelo afumado”, do Calderón, foi a tapa gañadora do Primeiro Premio do xurado da edición do 2010. En segundo lugar quedou o “Queixo con marmelo”, e en terceiro o “Mexillón con casca”, do Acio. A Tapería Castelao obtivo o Premio do público, coa súa “Hamburguesa de Xoubiña”, e o “Premio (é)xcelente”, tamén outorgado polo público, foi para El Olivo.

Nesta cuarta edición potenciarase a promoción do concurso e a participación dos usuarios a través das principais redes sociais, coa páxina oficial de Turismo de Santiago en Facebook, www.facebook.com/TurismodeSantiago e a través da conta de Twitter da empresa municipal de promoción turística, @santiagoturismo.