O segundo lugar máis visitado da cidade despois da Catedral, o Mercado de Abastos é un lugar para comprar e para admirar.

Ademais de admirar a súa  arquitectura e percorrer os postos de moluscos, peixes, carnes, queixos e verduras acabados de saír do mar e da horta, o visitante pode:

• Comprar e degustar ao momento no bar do Mercado

Por unha pequena porcentaxe do prezo da compra, en Churro Manía, o bar do Mercado, cocíñanche ao momento os produtos adquiridos no Mercado, para saborear toda a súa frescura in situ.

• Probar a famosa “cociña en miniatura” do Abastos 2.0

No mini-restaurante “chic” situado nas casetas da parte exterior do Mercado, practican a “cociña sen neveira”: cada día escollen os mellores manxares frescos dispoñibles no Mercado para deseñar un menú composto de deliciosos mini-pratos. O menú (tamén se pode pedir un só mini-prato) varía cada xornada en función dos produtos presentes ese día no Mercado.

• Aproveitarse de innovadores servizos

O Mercado de Abastos conta con innovadores servizos e comodidades que fan del todo un exemplo de boas prácticas na integración de la modernidade nun mercado do máis tradicional:

• Máquina distribuidora de leite fresquísimo do día: as botellas podes traelas da casa, ou compralas na propia máquina.

• Pedidos on-line e pedidos telefónicos.

• Shopper: aos clientes que queiran comprar a distancia pero no se decanten por ningún establecemento, mércalles o shopper seguindo as súas preferencias.

• Servizo a domicilio.

• Consigna, máquina de envasado ao baleiro.