Aloxamentos

Santiago conta cunha histórica tradición de acollida; boa mostra é a oferta hoteleira que permite o aloxamento de miles persoas repartidas entre os máis de 120 establecementos distribuidos entre os pequenos hoteis con encanto da zona vella e os novos complexos de recoñecidas cadeas, que se asentaron nos últimos anos na cidade e que continúan propiciando a expansión do sector en Compostela. 

Os visitantes atoparán na capital galega unha ampla oferta de hospedaxe, caracterizada por adaptarse a tódalas preferencias dos usuarios, sen que estes deban renunciar a ninguna das comodidades. A rede hoteleira ofrécelles ós visitantes a posibiblidade de gozar dun lugar de descanso e de ocio durante a súa estancia en Compostela.