Grandes del Gospel, a marca do gospel en España, despois de producir concertos dedicados a grandes figuras da música negra como Aretha Franklin, Whitney Houston e B.B. King, renderá tributo no Nadal de 2025 a Michael Jackson, a lenda do pop que cambiou para sempre a historia do espectáculo.

O repertorio do concerto, a cargo de The South Carolina Gospel Choir dirixida polo Reverendo Michael Brown, incluirá unha selección de temas profundamente espirituais do rei do pop, entre outros Keep The Faith, algúns dos seus grandes éxitos e clásicos do soul e do gospel interpretados co inconfundible estilo urbano desta gran coral de Carolina do Sur.

The South Carolina Gospel Chorale é unha mostra vibrante do emotivo soul tradicional e do gospel contemporáneo. Baixo a dirección de Wayne Ravenell, The South Carolina Gospel Chorale converteu as súas actuacións nunha viaxe inesquecible pola historia da música negra americana, desde os cantos dos escravos afroamericanos ata os sons actuais das modernas congregacións.

Estes son os principais beléns de gran formato que poderemos visitar este Nadal en Santiago de Compostela [a lista irase ampliando a medida que se teñan as confirmacións dos organizadores/montadores dos distintos beléns]:

BELÉN DE SAN FIZ DE SOLOVIO | 28 nov - 6 xan
Belén tradicional. Preto de 500 figuras, pezas móbiles, río con auga corrente, ciclo día/noite e efectos especiais.

Inauguración: venres 28 de novembro, de 16:00 a 21:00 h.
Luns 1 a xoves 18 de decembro: 11:00 a 14:00 e 16:00 a 19:00 h.
Venres, sábados, domingos e vacacións escolares: 11:00 a 14:00 e 16:00 a 21:00 h.
HORARIOS ESPECIAIS: 24 e 31 de decembro: 11:00 a 14:00 e 16:00 a 19:00 h. / 25 de decembro e 1 de xaneiro: 17:00 a 21:00 h.

BELÉN NAPOLITANO DA CATEDRAL DE SANTIAGO DE COMPOSTELA | 12 dec -11 xan

Belén de estilo napolitano (50m², 500 figuras realizadas de modo artesanal, moitas delas con automatismos)

Lugar: Igrexa do Convento do Carme.
Abre: Todos os días de 10:00 a 14:00 e de 16:00 a 21:00 h. Datas especiais: 25 decembro e 1 de xaneiros só pola mañá. 

BELÉN POPULAR DA CATEDRAL DE SANTIAGO DE COMPOSTELA |12 dec - 11 xan

Belén de estilo popular, con figuras de Nicolás Almansa (70m², 530 figuras realizadas de modo artesanal, algunhas delas con automatismos).

Lugar: Igrexa de Santo Agostiño.
Abre: Todos os días de 10:00 a 14:00 e de 16:00 a 20:00 h. Datas especiais: 25 decembro e 1 de xaneiros só pola mañá.

BELÉN FAMILIAR DE CONXO | 6 dec - 7 xan 

Un dos beléns familiares máis antigos da cidade, que alcanza o seu 78º aniversario. Este ano, o nacemento está dedicado a José Moreira e Maruja Conde. Máis de 45 m³ de montaxe, 1.250 figuras (135 en movemento), 210 pezas decorativas, 1.935 puntos de luz, 40 m de murallas almenadas, 39 escenas bíblicas, auga e vexetación natural, etc.

Lugar: Ruela de Torrente, 6-8 – Conxo
Abre: de luns a sábado: 17:00 a 20:00 h; domingos e festivos: 11:00 a 13:00 e 17:00 a 20:00 h. O domingo 15 de decembro o belén pechará ás 18:00 h.
Aforo máx.: 8 persoas dun mesmo grupo familiar ou colectivo.

BELÉN FAMILIAR DE MALLOU | 30 nov - 6 xan

Belén de 30m² e máis de 1.500 pezas, que esta familia exhibe desde hai máis de 50 anos no local anexo á súa casa de Mallou e que gañou varios premios ao longo da súa historia. Con elementos mecanizados, non lle falta detalle, e ata medran as verduras na horta!

Lugar: Rúa de Mallou, 24
Abre: luns a sábado, de 17:00 a 20:30 h. / Domingos e festivos de 11:00 a 14:00 e 17:00 a 20:30 h.

NACEMENTO DA COLEXIATA DE SAR | 15 dec - finais xaneiro 

Exhibición de escenas tradicionais con figuras móbiles, que conta con máis de 30 anos de historia.

Lugar: Claustro da Colexiata de Sar (Entrada polo Museo)
Abre: lunes a venres, de 10:00 a 14:00h h e 16.00 a 18.00h. Sábados de 10:00 a 13:30h. Sábados tarde e domingos suxeito a culto.

IGREXA DE SAN CAETANO | 15 dec - 2 feb

Con figuras de todo o mundo, especialmente de América (Brasil, Arxentina, México...) e tamén do belén francés, do filipino, de Terra Santa, de Mozambique (con figuras de madeira de ébano), Bangladesh, etc.

Lugar: Rúa de San Caetano, s/n. (Sala de exposicións, a carón da igrexa)
Abre: todos os días, 10:00 a 13:00 e 17:00 a 18:00 h. Domingos: 10:00 a 13:00h

BELÉN SURREALISTA DA FUNDACIÓN EUGENIO GRANELL | 17 dec - 12 xan 

Belén artístico cunha perspectiva diferente, surrealista e multicultural.

Lugar: Pazo de Bendaña. Praza do Toural
Abre: martes a venres: 11:00 a 14:00 e 16:00 a 20:00h. / Sábados: 10:30 a 14:30h. Luns, domingos e festivos e 24 e 31 de decembro: pechado.

CAFÉ CASINO| 4 dic - 6 xan

Belén realizado por Javier Varela, con réplicas de edificios de Compostela. Ademais, exposición de pezas de cerámica antigas (algunha ronda os 100 anos) do Neno Xesús. Consumición necesaria. 

Lugar: Rúa do Vilar, 35
Abre: Domingos, luns, mércores e xoves, 10:00 a 18:00h.
Venres e sábado, 11:00 a 21:00h. Martes pechad

BELÉN DO PAZO DE RAXOI-XUNTA DE GALICIA | 2 dec - 7 xan 

Belén artesanal integrado por un cento de figuras de grande tamaño e unha ambientación desenvolvida por expertos belenistas de Oviedo, recrea pasaxes do nacemento de Jesús e reflicte tamén a vida tradicional no campo galego. 

Lugar: Pazo de Raxoi (Acceso pola presidencia da Xunta de Galicia)
Abre: 11:00 a 14:00h e de 17:00 a 21:00h.

BELÉN DA HOSPEDERÍA SAN MARTIN PINARIO – 5 dec a 5 xan

Lugar: Monasterio San Martin Pinario (entrada pola tenda da Hospedería)
Abre: horario da tenda 11:00-20:30h (do 22 ao 26 de decembro pechado)

EXPOSICIÓN DE BELÉNS DO MUNDO -4 dec A 31 dec

Mostra que organiza Manos Unidas na súa tenda solidaria con nacementos cedidos por Teresa Rey Barreiro

Lugar: Rúa de Alfredo Brañas, 24
Abre: de luns a venres de 10:30 a 14:00 e de de 17:00 a 20:00h
Festivos: de 11:00 a 11.30h e de 17:30 a 20:00h

NOTA: Turismo de Santiago  non se responsabiliza das variacións ás que poidan estar suxeitos datas e horarios.

Do venres 28 de novembro ao luns 5 de xaneiro poderedes gozar do impresionante belén cedido e montado polo belenista José Uzal: máis de 500 figuras compoñen este nacemento que inclúe diferentes escenas, pezas en movemento e tamén efectos especiais de iluminación e son.

A isto hai que engadir o atractivo da propia igrexa de San Fiz, fundamental na historia fundacional de Santiago, e cuxo tímpano acolle unha fermosa representación gótica da Epifanía ou Adoración dos Reis Magos.

Unha acción promovida e organizada por Turismo de Santiago de Compostela, coa colaboración do Arcebispado de Santiago e do Mercado de Abastos.

HORARIOS:
Inauguración: venres 28 de novembro, de 16:00 a 21:00 h.
Luns 1 a xoves 18 de decembro: 11:00 a 14:00 e 16:00 a 19:00 h.
Venres, sábados, domingos e vacacións escolares: 11:00 a 14:00 e 16:00 a 21:00 h.
HORARIOS ESPECIAIS: 24 e 31 de decembro: 11:00 a 14:00 e 16:00 a 19:00 h. / 25 de decembro e 1 de xaneiro: 17:00 a 21:00 h.

Neste Nadal no Gaiás construiremos un milleiro de soños para que viaxen como barcos polo tempo.

Na Cidade da Cultura agárdavos Soños de Argonautas, unha paisaxe máxica habitada por esferas luminosas e corredores inchables: un lugar onde agroman historias tan repletas de aventuras como as dos lendarios tripulantes do Argos, que sucaron os mares da imaxinación ata os nosos días.

Obradoiros para vivir nas nubes e para engalanar a árbore de Nadal con grilandas ateigadas de desexos. Un espectáculo teatral dentro do primeiro globo estático da historia, un escape room no Museo para poñer a proba o voso enxeño, unha aventura virtual para visitar o Apalpador, e moito máis!

+INFO

Regresa á Cidade da Cultura a edición especial do Galiverso de Nadal, pensada para que os máis pequenos e pequenas da casa entren virtualmente na casa do Apalpador e descubran como vive esta figura da Navidad en Galicia.

Esta experiencia interactiva en realidade virtual está adaptada para nenos e nenas a partir de 6 anos*, cunha duración aproximada de 5 minutos, seguindo as recomendacións de uso de realidade virtual para idades temperás. O límite de tempo serve tanto para evitar a fatiga asociada a un uso prolongado das gafas como para que o maior número de persoas poida acceder á instalación.

A experiencia é gratuita, pero é necesaria a reserva de praza en Ataquilla.com ou no despacho de billetes do Museo Centro Gaiás. Rogamos comprobar os horarios e días de apertura no enlace de reserva.

Información práctica:

• Acceso gratuíto con reserva previa en Ataquilla ou no despacho de billetes do Museo Centro Gaiás.

• A partir de 6 anos. Menores de 12 anos deben estar acompañados/as por un adulto responsable durante toda a experiencia.

• Horario mañá: 11.00 a 14.30 h (última entrada 14.00 h)

• Horario tarde: 16.00 a 20.00 h (última entrada 19.30 h)

• Aforo: 5 postos individuais simultáneos

• Duración aproximada: 5 minutos

*Menores de 12 anos deben ir acompañados/as dun adulto responsable.

Durante un mes completo, o noso parque máis insigne lucirá unha iluminación artística especial. Desde o venres 28 de novembro ao martes 6 de xaneiro, o Paseo da Ferradura na Alameda brillará máis que nunca: a instalación lumínica simula un río luminoso cuberto de árbores polas que penetra a luz da lúa e no que brincan as estrelas da Vía Láctea, que son tamén as Estrelas de Compostela.

Esta iluminación consegue unha experiencia inmersiva, que nos convida a pasear pola Alameda coma se fose un río sagrado. Un paseo de fantasía, onde os peques poden brincar, bailar, case tocar as estrelas e retratarse e filmarse. A instalación comeza coa benvida na Porta dos Leóns, coa mensaxe “Compostela, a Estrela do Nadal”. Tras o percorrido entre estrelas polo paseo da Ferradura, chégase ao Banco dos Namorados, con un imperdible “photocall”.

Organiza: Turismo de Santiago / Concello de Santiago. Co apoio de: Deputación da Coruña.

Como cada ano, composteláns e visitantes poderán facer as súas compras de nadal nos 70 postos de decoración, alimentación gourmet e artesanía (xoias, madeira, cerámica, vidro, coiro, xoguetes, téxtil, regalo orixinal, deseño...) do mercado ademais da ampla oferta de comercios locais da cidade.

Ademais, haberá un espazo infantil con diferentes obradoiros para a cativada.

Do 22 de decembro ao 5 de xaneiro: tamén en Área Central

+ info: mercadonadal.com

Como cada ano, composteláns e visitantes poderán facer as súas compras de nadal nos 70 postos de decoración, alimentación gourmet e artesanía (xoias, madeira, cerámica, vidro, coiro, xoguetes, téxtil, regalo orixinal, deseño...) do mercado ademais da ampla oferta de comercios locais da cidade.

Ademais, haberá un espazo infantil con diferentes obradoiros para a cativada.

Do 22 de decembro ao 5 de xaneiro: tamén en Área Central

+ info: mercadonadal.com

A Real Filharmonía de Galicia afronta a súa temporada 2025-2026, que leva por título ‘Historias’. Coincidindo coa celebración do seu 30 aniversario, a programación aposta polo talento galego, a creación contemporánea e pola proxección da orquestra cara ao futuro.

+INFO

Dar a coñecer a música de vangarda dos séculos XX e XXI, fomentar a creación de novas composicións e pór a dialogar a innovación sonora coa doutras artes son os obxectivos de Contemporáneas, un novo programa do Concello de Santiago co apoio da Deputación da Coruña. A primeira edición de Contemporáneas ofrecerá de outubro a maio oito concertos, un cada mes, que incluirán cinco estreas absolutas e tres composicións especificamente creadas para a ocasión.

+INFO

Obradoiro de danza galega dirixida a visitantes. Unha experiencia cultural para gozar da música local e do baile tradicional, aberta a todas as persoas, con ou sen experiencia previa. Imparten: Rebeca Tallón e Manu Seoane. Prezo:28€

No corazón do Xardín das 8 Pontas brilla o tradicional árbore de Nadal, unha árbore de 20 metros integrado nun espazo pensado para o lecer dos máis pequenos. Xunto a esta árbore, a praza conta cun espectáculo lumínico na fachada do Pazo de Raxoi e distintas atraccións.

NORIA, BARCA E CARRUSEL DE MADEIRA

• Do 5 ao 19 de decembro: aberto venres, sábados e domingos de 17:30 a 20:30 h
• Do 20 de decembro ao 7 de xaneiro: aberto de luns a domingo de 17:30 a 20:30 h
• 24, 25 e 31 de decembro e 1 e 6 de xaneiro: pechado

Entrada de balde ata completar capacidade

Campus Stellae é a forma toponímica latina utilizada para referirse a Compostela. A súa tradución literal é ‘campo da estrela’, polo que, nunha versión libre, o nome da cidade sería ‘Santiago do Campo da Estrela’. Alude ás milagrosas luces que as primeiras narracións (ss. XI-XII) do descubrimento do sepulcro de Santiago sinal que indicaron o seu lugar. É a forma etimolóxica máis popular referida á orixe do termo ‘Compostela’, sen dúbida pola súa forza evocadora. 

Por outra parte, a cultura popular mantivo unha relación constante entre o mundo xacobeo e o universo estelar, e fixo da Vía Láctea o camiño de estrelas cara a Santiago de Compostela.

Aínda que a case totalidade dos estudosos actuais rexeitan a validez etimolóxica deste topónimo, o certo é que forma da estrela tivo un grande éxito na iconografía, converténdose nun dos símbolos xacobeos e, xa que logo, desta cidade.

É habitual que peregrinos e visitantes pregunten polo significado da estrela que observan en moitos lugares destacados. A estrela de Compostela, representada case sempre como unha estrela de oito puntas, está presente no escudo da cidade, na fachada do Tesouro da Catedral, no cumio da Casa do Cabido, no remate da fonte dos Cabalos da praza das Praterías, no escudo da Universidade de Santiago e por extensión no escudo dos abondosos edificios históricos dos  que foi propietaria. E tamén por suposto no interior da catedral, onde a máis notable presencia localízase na cripta, sobre a arca dos restos do Apóstolo Santiago.

Durante un mes completo, o noso parque máis insigne lucirá unha iluminación artística especial. Desde o venres 28 de novembro ao martes 6 de xaneiro, o Paseo da Ferradura na Alameda brillará máis que nunca: a instalación lumínica simula un río luminoso cuberto de árbores polas que penetra a luz da lúa e no que brincan as estrelas da Vía Láctea, que son tamén as Estrelas de Compostela.

Esta iluminación consegue unha experiencia inmersiva, que nos convida a pasear pola Alameda coma se fose un río sagrado. Un paseo de fantasía, onde os peques poden brincar, bailar, case tocar as estrelas e retratarse e filmarse. A instalación comeza coa benvida na Porta dos Leóns, coa mensaxe “Compostela, a Estrela do Nadal”. Tras o percorrido entre estrelas polo paseo da Ferradura, chégase ao Banco dos Namorados, con un imperdible “photocall”.

Organiza: Turismo de Santiago / Concello de Santiago. Co apoio de: Deputación da Coruña.

Durante un mes completo, o noso parque máis insigne lucirá unha iluminación artística especial. Desde o venres 28 de novembro ao martes 6 de xaneiro, o Paseo da Ferradura na Alameda brillará máis que nunca: a instalación lumínica simula un río luminoso cuberto de árbores polas que penetra a luz da lúa e no que brincan as estrelas da Vía Láctea, que son tamén as Estrelas de Compostela.

Esta iluminación consegue unha experiencia inmersiva, que nos convida a pasear pola Alameda coma se fose un río sagrado. Un paseo de fantasía, onde os peques poden brincar, bailar, case tocar as estrelas e retratarse e filmarse. A instalación comeza coa benvida na Porta dos Leóns, coa mensaxe “Compostela, a Estrela do Nadal”. Tras o percorrido entre estrelas polo paseo da Ferradura, chégase ao Banco dos Namorados, con un imperdible “photocall”.

Organiza: Turismo de Santiago / Concello de Santiago. Co apoio de: Deputación da Coruña.

Ao longo da historia, as mulleres sempre foron relegadas nas marxes da educación artística. Expedientes para o establecemento dunha escola de nenas nos que se especificaba que o interese que existía para que as mulleres aprenderan a debuxar era, unicamente, que puideran despois trasladar a aprendizaxe a labores de bordado, citas nas que se expoñía que as nenas debían sentarse lonxe dos nenos para non distraelas, ou escritos nos que se explicaba que as nenas tiñan que atender a clase polas mañás porque ningún pai querería que a súa filla volvese a casa de noite.

A escaseza de alumnas matriculadas e a súa práctica inexistencia dentro dos cadros de persoal do profesorado demostran as grandes dificultades que tiñan as mulleres para accederen a ensinanzas artísticas. Con motivo do Día Internacional da Muller, o Arquivo de Galicia inaugura a exposición Mulleres artistas: aprendendo o oficio, que reflicte o difícil camiño ao que moitas tiveron que enfrontarse para conseguir o recoñecemento social da súa capacidade creadora, así como o acceso á educación artística.

A mostra exhibe un total de 39 documentos orixinais de entre 1785 e 1962 procedentes dos fondos da Real Sociedade Económica de Amigos do País e a Escola de Artes e Oficios. Informes, regulamentos de funcionamento das escolas, fotografías, láminas utilizadas como modelos para a aprendizaxe do debuxo ou exercios realizados polas alumnas son algúns dos materiais que podemos atopar nesta mostra e que reflicten a situación das mulleres na educación artística en Santiago de Compostela.

Esta mostra supón un percorrido expositivo polas diferentes etapas artísticas e vitais de Eugenio Granell dende a súa vinculación con Galicia como referente de moitas das súas producións ao longo de toda a súa vida, neste senso faise unha alusión especial á obra do seu irmán, Mario Granell.

Nestes 30 anos, a Fundación Granell pasou por diferentes etapas, sempre baixo unha única traxectoria: protexer, difundir e estudar o legado de Granell e do Surrealismo, dende diferentes ópticas e dando a oportunidade a moitos artistas de amosar o seu traballo ademais de  facer participe aos diferentes públicos dende o local ao internacional.

A exposición Boutique Amparo, comisariada por Eduardo Valiña forma parte das mostras conmemorativas do trinta aniversario do museo.      

Castelao. Mirar por Galicia representa a experiencia tecnolóxico-cultural máis avanzada ata o momento ao redor de Alfonso Daniel Rodríguez Castelao, un percorrido para atravesar o devir persoal, literario, artístico e político dunha das figuras máis senlleiras da historia de Galicia.

Intelixencia artificial, hologramas, videoproxeccións ou realidade virtual combínanse nun relato que nos traslada unha visión anovadora da súa vida, das súas achegas e do seu universo artístico, recreado aproveitando o potencial das tecnoloxías de animación 3D e dos motores de intelixencia artificial. O proxecto, que abrirá as súas portas no Museo Centro Gaiás o 26 de xuño de 2025, conta coa asesoría e dirección histórico-artística de Miguel Anxo Seixas Seoane, presidente da Fundación Castelao e posiblemente o maior especialista na biografía, obra e achegas da figura de Castelao.

As animacións e produción dixital recaen no estudio Maxina, empresa galega especialista no deseño de efectos visuais, animación 3D, visualización e experiencias inmersivas, fundada polos irmáns Noela e Carlos Seijo. Maxina combina sensibilidade artística e novas tecnoloxías e conta con máis de 10 anos de experiencia nos que colaborou co Guggenheim de Bilbao, a Xunta de Galicia, Afundación, Ferrovial ou Netflix, sendo responsables de proxectos do Gaiás como Orixes ou Hábitats.

Dirección artística: Carlos Seijo. Asesoría histórica: Miguel Anxo Seixas Seoane

Phygital Land explora a construción do espazo virtual desde a dimensión física, reflexionando sobre como percibimos o dixital e o tanxible cando ambos mundos se entrelazan. O termo phygital —que combina physical (físico) e digital (dixital)— define unha experiencia híbrida que atravesa toda a intervención e nos convida a repensar a relación entre o natural e o tecnolóxico. Empregando técnicas como a fotogrametría e a impresión 3D, xéranse esculturas que son ao tempo datos e materia, así como proxeccións animadas que revelan a mirada da máquina.

Un proxecto artístico concibido e dirixido por Carlos Martínez Casanova e Ana Dorrego, que propón unha revisión visual, simbólica e crítica dalgunhas das obras máis icónicas da historia da arte occidental.

A través de recreacións fotográficas contemporáneas, o proxecto encarna e desborda cadros clásicos como A morte de Marat, Ofelia, As señoritas de Avignon, A dama do armiño, O berro ou A muller co paraugas, entre outros. As imaxes non se limitan a reproducir: provocan, cuestionan e reescriben o canon desde corpos actuais, conscientes, diversos e cargados de significados propios.

O resultado é unha serie de pezas cargadas de tensión estética e conceptual, que xorden do cruce entre o pictórico e o fotográfico, entre o simbólico e o carnal, entre a historia da arte e a súa relectura desde o presente.

O vindeiro xoves 25 de setembro ás 19:00h horas a Fundación Eugenio Granell inaugura a exposición De arriba para abaixo e de dentro para fóra do artista Iago Fernández Díaz, un proxecto comisariado por Eduardo Valiña que poderá visitarse ata o 17 de xaneiro do vindeiro ano.

Iago Fernández formouse en Belas Artes na Universidade de Vigo e conta cun mestrado en Creación e Investigación de Arte Contemporánea. Esta mostra supón un percorrido polas pezas máis representativas da súa produción, amosando diferentes disciplinas como instalacións, obxectos intervidos, téxtil, colaxe ou fotografía, entre outras.

O seu proxecto artella diferentes dispositivos partindo da pegada que deixamos como seres humanos a través de diversos elementos alleos que establecen un relato sobre a memoria, un pretexto para sublimar cuestións xeracionais dende a autorepresentación.

En 1999, o CGAC, baixo a dirección de Miguel Fernández-Cid e en colaboración coa Escola Internacional de Teoría nas Humanidades da USC —impulsada polo entón reitor Darío Villanueva—, organizou un ciclo de conferencias sobre ciencia, tecnoloxía e arte titulado The Special Plenary Series on Science , Technology and the Arts. Aquel simposio reuniu figuras destacadas de distintos ámbitos do coñecemento e da creación, como o poeta e premio nobel de química Roald Hoffmann, o novelista francés Michel Rio ou a artista serbia Marina Abramović. Segundo Margery Arent Safir, coordinadora do evento, o seu propósito era “ser un encontro especial de práctica e teoría, lóxica e estética, de feitos, imaxinación e expresión: unha exhaustiva gramática do coñecemento e da sensibilidade humana na ciencia e na arte”.

Vinte e seis anos despois, nun contexto no que urxe recuperar unha visión menos fragmentada e máis global da realidade, ese diálogo entre ciencia e humanidades resulta, se cabe, máis necesario. A arte, na súa transformación continua, sempre estivo ligada aos avances tecnolóxicos e ás novas ideas que estes impulsan. Pero na actualidade, debido á incidencia directa que os avances científicos e tecnolóxicos teñen na nosa vida cotiá, a relación da ciencia e a tecnoloxía cos campos da creación é máis estreita ca nunca. A tecnoloxía non só transformou as prácticas artísticas; tamén contribuíu a moldear e a enriquecer a nosa maneira de percibir e comprender o mundo, incorporando un principio positivo e dinámico: a incerteza, que opera ao mesmo tempo como límite e como resorte crítico.

Neste sentido, a computación cuántica abriu un novo escenario de intelixencia artificial, capaz de despexar incógnitas do saber, pero tamén de suscitar dilemas éticos sobre o seu uso.

Percepción e incerteza non é unha exposición de tese, senón unha experiencia inmersiva que, desde a imaxe e os seus límites, propón reformular a tensión entre a percepción e a incerteza. Para iso reúne as obras de tres artistas que traballan coa imaxe en movemento desde perspectivas moi distintas e con propostas experienciais diversas: Jaione Camborda desde o cinema, e Joan Fontcuberta e Max de Esteban desde a fotografía e o vídeo.

Cada unha das pezas seleccionadas aborda as ideas de percepción e incerteza desde un ángulo diferente. En Génesis.IA (Xénese.IA), Joan Fontcuberta explora a maxia da intelixencia artificial e o seu potencial como xeradora de experiencias visuais inéditas. Nas obras de Max de Esteban, reunidas nun díptico de ton distópico, advírtese sobre os riscos de manipular a ciencia ao servizo da bioeconomía e da infopolítica global. Finalmente, a instalación de Jaione Camborda introdúcenos, desde a empatía, no universo perceptivo dunha persoa xordocega e ofrécenos unha metáfora das infinitas posibilidades e contradicións do mundo cuántico.

Un Breviario é un resumo dunha obra extensa. Tamén é un libro de memoria, ou un libro de apuntamentos. Nesta ocasión o Breviario de Tamara Feijoo é unha pequena colección de pezas que funcionan como mostras e experimentos pictóricos. Trátase de escollidos espazos de pensamento sobre a propia pintura, ensaios de taller, recorrencias e descartes, que dan forma a unha imaxinería persoal que funciona como resumo de toda a súa traxectoria.    

A mostra está comisariada por Mónica Maneiro, directora artística da Fundación DIDAC.

Tamara Feijoo é licenciada en Belas Artes pola Universidade de Vigo. Foi merecedora de recoñecementos en case todos os certames dedicados á promoción da arte en Galicia: Bolsa do Certame Novos Valores da Deputación de Pontevedra, Premio de Adquisición no Certame de Artes Plásticas Isaac Díaz Pardo, Bolsa de Creación Artística no Estranxeiro Gas Natural Fenosa ou Premio Julián Trincado na 12 Mostra Internacional de Arte Gas Natural Fenosa.

A súa obra atópase en importantes coleccións como a Colección CGAC, Colección DKV, entre outras.

Nicasso é unha obra de Carlos Pazos (Barcelona, 1949) realizada en 2006 e adquirida pouco despois polo CGAC para integrarse na mostra A sombra da historia, unha exposición centrada nos arquivos e coleccións persoais ou secretas de distintos artistas.

A peza funciona como unha mirada crítica e irónica sobre as diferentes lecturas e interpretacións populares das obras de Picasso e toma como punto de partida a soada cerámica de Vallauris. Esta localidade, onde o artista malagueño residiu entre 1948 e 1955, converteuse no escenario dunha intensa produción cerámica.

A relación de Picasso con Vallauris comezou mentres vivía en Golfe-Juan. Alí coñeceu a Suzanne e Georges Ramié, propietarios do taller Madoura, e pronto empezou a experimentar no seu obradoiro. Pouco despois, trasladouse con Françoise, a súa parella, e o fillo de ambos, Claude, á vila La Galloise, situada nun outeiro próximo.

Ata entón, Vallauris era coñecida pola súa cerámica de enxoval resistente ao lume, de carácter funcional pero sen un atractivo especial. Picasso revolucionou este panorama: asinou un acordo cos Ramié e empezou a producir pezas de todo tipo, desde pratos e xerras convencionais pero decorados de forma agresiva con motivos mediterráneos (faunos, peces, máscaras), ata figuras que se achegaban ao escultórico. A súa influencia estimulou tanto a outros artistas como aos propios artesáns locais, que comezaron a experimentar con formas e cores novas, orientadas cara ao decorativo. Estas innovacións atraeron o público e o turismo crecente na Costa Azul e transformaron Vallauris converténdoo nun dinámico centro cerámico, diverso e moderno, marcado tamén por un certo kitsch propio da época.

A exposición recupera agora a peza Nicasso, que reúne unha colección de cerámicas representativas do Vallauris posterior á etapa picassiana. A obra acompáñase de diversas pezas relacionadas, entre as que destaca Nicasso, el film (Nicasso, o filme), onde Pazos compón unha colaxe de escenas tomadas de películas comerciais realizadas entre os anos 1950 e 2000 nas que Picasso aparece citado ou evocado como símbolo de extravagancia. Ademais, inclúese un vídeo documental de Vacca sobre a primeira presentación pública da obra no Museu Abelló de Mollet del Vallès. Nesa ocasión, a instalación exhibiuse nun espazo con forma de escaparate, aberto á mirada dos transeúntes as vinte e catro horas do día, coma se dunha tenda se tratase.

O premio Auditorio de Galicia chega a súa décima cuarta edición como cita consolidada da creación contemporánea galega, como lugar de difusión dos traballos das e dos artistas e como espazo de encontro con un público amplo e diverso que abrangue tamén o ámbito profesional.

A sala Isaac Díaz Pardo recolle a selección que o xurado realiza sobre as propostas recibidas, nunha sempre dificultosa escolla pola alta calidade dos traballos presentados.

O percorrido ben de reflexar a riqueza e pluralidade de perspectivas das persoas que se presentan individualmente ou como colectivo, artistas menores de coarenta anos, nados ou residentes en Galicia. Unha riqueza que se manifesta tamén nas diversas disciplinas e soportes que utilizan, pintura, escultura e tamén instalacións, performances, vídeo creación e outros. Experimentan con materiais, a veces pouco comúns dando lugar a estilos propios e diferenciados. Desafían as convencións e tratan temas que indagan en moitas preocupacións comúns que son tamén a toda a sociedade da que son reflexo. As fronteiras entre disciplinas diluense, transcenden límites e ofrecen un achegamento a sociedade plural que somos.

ARTISTAS SELECIONADAS / OS

Pablo Agma, Alberto Ardid, Manuel Alejandro Balsas Navarro, Blanca Castro, Lara e Noa Castro Lema, Cristian Cerqueira, Fabián Cidrás Pérez, Matías Daporta, Carlos Fer, Nuria Figueiredo, Alejandro Fuertes, Lúa Gándara, Doa Oa, Alberto Ovejero, Lucía Perdiz, Manuela Pereira Enríquez, Sara Piñeiro, Nicolás Pisada, Denis Protopopov, Mar Ramón Soriano, Sara Ricoy Rajoy, Andrés Rodís, Fran Rodríguez Casal, Ariadna Silva Fernández, Cris Souto, Taro, Dennise Vaccarello, Aldara Vázquez, Verónica Vicente, Lucía Villar e Breogán Xague.

A galería de arte José Lorenzo de Santiago acolle a exposición Luz Atlántica, dedicada aos artistas vigueses José Frau (1898-1976) e Ángel Sevillano (1942-1994).
A mostra reúne trinta obras que exploran a luz, a cor e a forma desde dúas perspectivas complementarias dun arte figurativo de identidade atlántica. Frau aborda paisaxes e interiores cheos de emoción e lirismo, mentres que Sevillano amosa escenas populares de estética naïf e cromatismo intenso.
As salas do fondo da galería completan o percorrido cunha ampla panorámica da arte galega contemporánea, desde os mestres de comezos do século XX ata o Grupo Atlántica dos anos oitenta.

Dano Cerebral Galicia inaugura a exposición fotográfica “Contemos multitudes” o mércores 22 de outubro ás 11:00 horas no Museo Gaiás, Cidade da Cultura, Santiago de Compostela. Subtitulada “Dano cerebral adquirido, onde as cousas perdidas volven estar ben”, a mostra reúne imaxes de Fuco Reyes das persoas participantes no Laboratorio Artístico e Creativo, unha iniciativa que ofrece formación en fotografía a persoas con dano cerebral adquirido, promovendo a expresión, o goce do tempo libre e o enriquecemento persoal.

A exposición está organizada pola Asociación Dano Cerebral Galicia e comisariada por Fuco Reyes e Carla Miranda, co deseño gráfico de Xaime Fandiño e produción de Axeitos&Co. Contará con dous bloques: retratos realizados polo docente con apoio de testemuños manuscritos das persoas fotografadas, e 37 traballos fotográficos resultantes das prácticas do Laboratorio, centrados no relato biográfico e na reflexión sobre as secuelas do dano cerebral.

A inauguración contará con representantes institucionais, intervencións de Fuco Reyes e dunha das persoas participantes, e unha visita guiada para todas as persoas asistentes. A mostra poderá visitarse ata o 8 de decembro no horario habitual do Museo Gaiás.

É o último gran proxecto expositivo do ano na Cidade da Cultura. Unha mostra coa que afondar, desde unha ollada contemporánea, no complexo mundo estético do artista que soubo sintetizar as novas correntes escultóricas europeas coa raíz galega.

 A exposición aborda, desde unha óptica contemporánea, o complexo mundo creativo do artista de Cambados, figura imprescindible na historia da arte galega e un dos renovadores da escultura española do século XX.

Comisariada por Miguel Fernández-Cid e coordinada por Carmen Asorey, neta do artista e figura esencial na reivindicación da súa obra e vida, a mostra reúne unha selección das obras máis importantes do escultor. Desde as pezas iniciais nas que podemos apreciar as súas primeiras eleccións estéticas, ata as esculturas en madeira nas que desenvolve unha iconografía de claras raíces populares e un tratamento singular da policromía, así como tamén a súa obra monumental, presente en toda a xeografía galega. Un conxunto formado por esculturas, escaiolas, debuxos, audiovisuais, documentos da época e ferramentas de traballo, ademais das cerámicas coas que se popularizaron algunhas das súas obras máis significativas, para contextualizar e dar a coñecer da maneira máis completa a relevancia artística e histórica de Asorey.

A Fundación Eugenio Granell acolle ata o 17 de xaneiro a exposición Montaña sobre montaña. Saltamontes, da artista Lúa Gándara, nun proxecto comisariado por Eduardo Valiña. A mostra é o resultado do traballo desenvolvido pola creadora durante a súa estadía na IX edición de Artista en Residencia da Fundación.

A proposta de Lúa Gándara transita entre diferentes linguaxes artísticas —desde a pintura ata a performance ou o son— para construír un espazo plástico cheo de ritmo, cor e movemento. A artista combina signos e símbolos que establecen diálogos co cotián e coa colectividade, utilizando o humor como ferramenta expresiva e emocional. O proxecto convértese así nunha estrutura aberta e colaborativa, onde conflúen outras creadoras e prácticas que amplían o discurso cara ao público, o urbano e o vital.

No 75 aniversario do pasamento de Daniel Castelao, a Universidade de Santiago súmase aos actos de conmemoración con a exposición Cousas de Familia. O dereito de familia galego no 75 aniversario do cabodano de Castelao e no 30 aniversario da Lei 4/1995, do 24 de maio, de Dereito Civil de Galicia, comisariada pola profesora Belén Trigo García.

A coordinación da exposición correu a cargo de Mª Paz García Rubio e Antonia Nieto Alonso, coa coordinación bibliográfica de José Rodríguez Dopazo, contando co apoio financeiro da Consellaría de Educación, Ciencia, Universidades e Formación Profesional da Xunta de Galicia e do grupo de investigación De Conflictu Legum.

Stéphane  Levallois, un dos grandes creadores do cine fantástico, reflexiona sobre os monstros que Francisco de Goya pintou hai máis de 200 anos, e recrea este universo en diálogo con Hellboy, unha das criaturas do cómic e o cinema fantástico máis populares do século XXI na exposición «Goya-Hellboy.

Unha iconografía de monstros por Stéphane Levallois». Inaugurada hoxe, «Goya-Hellboy. Unha iconografía de monstros, por Stéphane Levallois» reúne 72 ilustracións orixinais nas que o prestixioso debuxante francés Stéphane Levallois reflexiona e captura a iconografía do pintor e gravador español en creacións feitas a partir do universo do superheroe contemporáneo Hellboy.

As persoas que a visiten tamén atoparán dúas das series máis destacadas dos gravados de Goya, cuxa influencia é especialmente sobresaínte na obra de Levallois: «Os caprichos» e «Os disparates», procedentes da Colección de Arte Afundación. Tamén se poderán contemplar dúas láminas cedidas e asinadas polo creador da saga Hellboy, o lendario autor de cómics estadounidense Mike Mignola, quen no 2008 xa lle rendera unha interesante homenaxe a Goya a través dunha banda deseñada presente na exposición e que confirma a enorme pegada de Goya nos creadores de xénero fantástico.

A exposición, comisariada polo recoñecido especialista en cinema e banda deseñada Asier Mensuro, permanecerá aberta ata o 24 de xaneiro.

Figura destacada da arte contemporánea galega, LOMARTI (Lugo, 1957) é un creador multidisciplinar que explora a pintura, a escultura, a instalación e a performance, movéndose entre linguaxes plásticas e conceptuais con liberdade expresiva constante. A súa traxectoria, iniciada en 1977, levouno a participar en bienais e exposicións nacionais e internacionais, consolidándose como unha das voces máis singulares da súa xeración. A súa obra, marcada pola experimentación formal e unha ollada crítica sobre a condición humana, o consumo e a natureza, busca provocar unha relación de complicidade co espectador, liberando a cor e a materia nun espazo que convida á reflexión e á dúbida.

A Galería Luisa Pita inaugura o venres 14 de novembro ás 20:00 h a exposición Óxido, terceira mostra individual do artista Arturo Álvarez (Pontevedra, 1964). A través de sete esculturas inéditas elaboradas en ferro e malla metálica, o creador abre unha nova liña de investigación arredor do tempo, a materia e o proceso de oxidación.

Óxido aborda o deterioro e a transformación como metáforas da sociedade contemporánea, mais tamén como exercicio de esperanza e renovación. Inspirado na natureza e na súa capacidade de rexeneración, Álvarez propón un percorrido visual e simbólico que explora a beleza contida do material e a súa forza expresiva.

A galería Trinta celebra o seu 40 aniversario con “Piezas que nunca debín vender”, unha exposición que percorre catro décadas de traxectoria, 288 exposicións e 97 feiras nacionais e internacionais. A mostra rende homenaxe a artistas e coleccionistas que fixeron posible este percorrido, presentando obras que reflicten gustos compartidos, confianza mutua e eleccións arriscadas.

A Fundación Eugenio Granell celebra os aniversarios de Eugenio Granell e Amparo Segarra cunha programación especial que inclúe Xornadas de Portas Abertas e un maratón de lectura.