Concerto benéfico a favor do proxecto "Wawa Wasi", organizado pola Parroquia de Santa María de Salomé, no que participarán:

• A Escolanía da Catedral de Santiago

• O Coro Cardenal Quiroga

A entrada será libre ata completar o aforo.

A II edición de AmalxGaza contará coa participación de artistas recoñecidos do país, como Mondra, Monoulious DOP, Wöyza ou Ruxe Ruxe, así como coa actuación do grupo de baile palestino Watani. A implicación desta serie de artistas de gran renome reflicte o compromiso do pobo galego coa causa palestina.

Todos os beneficios recadados serán destinados á UNRWA, axencia encargada de ofrecer asistencia humanitaria á poboación palestina.

As persoas que estén interesadas en facer unha doazón directa á UNRWA: EMERGENCIA EN GAZA: NECESITAN TU AYUDA. ES URGENTE. Bizum: 33369. Número de conta: ES09 2100 2262 14 0200346635

O vindeiro 25 de outubro celebrarase en Santiago de Compostela o Concerto Góspel Solidario, organizado por Alcer Coruña a prol da doazón de órganos. O evento terá lugar ás 18:00 horas no Centro Cívico de Santa Marta. As entradas teñen un prezo de 10 € e poden reservarse no teléfono 670 339 066 ou a través do correo info@alcercoruna.org. As persoas que desexen colaborar tamén poden facelo mediante a fila 0 e o Bizum co código 05242.

O mércores 29 de outubro, ás 20:00 h, no Salón de Actos do Colexio Maior Universitario San Agustín, terá lugar un espectáculo profundamente emotivo e educativo, con Irina Gruia, violinista da Real Filharmonía de Galicia e directora da Asociación ConcertArt. A través da música, a narración e a participación activa, o espectáculo aborda os horrores da guerra desde a perspectiva de catro nenas, cada unha atrapada no seu tempo e lugar, pero todas unidas pola experiencia común do sufrimento. Donativo suxerido: 5€.

O sábado 15 de novembro, ás 19:00h, celebrarase no salón de actos do CIFP Politécnico de Santiago un concerto solidario con motivo do 25 aniversario da asociación Dano Cerebral Santiago de Compostela. O evento contará coas actuacións da Bandiña e Coro da Escola Municipal de Santiago, o coro Harmonía Stellae e o Grupo Charamuscas de música tradicional, conducido polo xornalista Ramón Castro. As entradas teñen un prezo de 20€ e a recadación irá íntegramente destinada á asociación. Poden adquirirse a través da web https://www.danocerebralsantiagodecompostela.org/es/campanas-colaboracion/concerto-solidario, na sede da asociación (Rúa Pedro Cabezas s/n), nos locais colaboradores Lupe’s Coffee & Beer e Trisquel Artesanía, ou na taquilla o día do concerto. Tamén está dispoñible a opción de fila 0.

Concerto coral solidario a beneficio dos proxectos africanos de HARAMBEE ONGD, co obxectivo de apoiar bolsas escolares e de formación profesional en Camerún, Costa de Marfil, Kenya e Congo.

Participan:

• Coro Xuvenil Aires do Atlántico de Noia

• Coral Agustín González de Louro-Muros

• Coral Feminina Barbanza de Noia

Dirección musical:
Profesor Alejandro Guillermo

Entrada: Libre
Donativos: Voluntarios, destinados a bolsas escolares e de formación profesional en Camerún, Costa de Marfil, Kenya e Congo.

O 30 de decembro, na Igrexa de Santa María de Salomé, terá lugar o concerto solidario Desafío Wawa Wasi, a cargo do grupo Sí vis me canere. Unha oportunidade única para gozar da música e colaborar cunha causa solidaria. Podes participar tamén a través da fila cero: ES90 2080 0316 2930 4001 8072.

Festival de música en directo no que participan distintos combos de alumnado de A Casa do Rock. Unha tarde de concertos con variedade de estilos, pensada para público xeral, que combina formación musical, experiencia escénica real e compromiso social. Todo o recadado destinarase a Aldeas Infantiles SOS Galicia.

Bandas participantes: 

Monday Monkeys · Q.D.L. · Bruto · Smoken Crow · Steelberries · Rocke Experience · ParaZmol · Namentres · Hombres Hell · Busstop

Neste 2025, Danza Alfaia celebra o seu XV Festival de fin de curso, con unha equipa de larga traxectoria creando escena, para que o alumnado disfrute da experiencia artística, onde presentaremos trabajos coreográficos de diferentes  disciplinas. 

A danza e os corpos vibrantes acompañarnos nunha tarde chea de celebracións. 

Nesta ocasión, os mestres de ceremonias son os fantásticos artistas galegos Arturo Cobas e Aitor Garuz. 

Festival de fin de curso da escola Sondanza solidario a favor de Asotrame.

A Gala Solidaria Mandala celebrarase o vindeiro 21 de xuño de 2025 no Auditorio Abanca de Santiago de Compostela. Organizada polo centro de benestar Mandala, esta gala ten como obxectivo recadar fondos para Itínera, Asociación de Voluntarixs para a Integración Social de Persoas con Trastornos Mentais, combinando danza e solidariedade nunha noite especial. O evento contará con actuacións de diversas escolas de danza e artistas locais, ofrecendo un espectáculo cheo de enerxía e compromiso social.

A escola profesional de Danza de Santiago de Compostela, SILIRIA Dance Center, ofrécenos 90 minutos de espectáculo cun percorrido musical e artístico polas músicas deste último milenio.
Nesta VII Gala poderanse ver actuacións de diferentes estilos e idades que non deixarán indiferente a ninguén.
Un ano máis, a recadación irá destinada á ONG ~ TDH_infancia, “Unha viaxe pola vida” ~

O Outlet Área Central organiza este sábado unha masterclass solidaria de zumba a favor da investigación do cancro de mama, coa colaboración do ximnasio Dreamfit e da Asociación Española Contra o Cancro (AECC). Baixo o lema Muévete contra el cáncer de mama, a actividade, aberta e gratuíta, terá lugar de 18:00 a 19:30 horas e combinará baile, solidariedade e concienciación. Ademais, a AECC contará cun posto informativo e produtos solidarios. A iniciativa enmárcase no programa de accións do Día Mundial contra o Cancro de Mama, que se conmemora cada 19 de outubro.

“FOOT” é un monólogo poético e cómico no que un futbolista palestino relata o imposible camiño da súa selección para participar nun Mundial de fútbol. A obra, escrita polo dramaturgo Ismail Khalidi, nacido en Beirut de pais palestinos e criado nos Estados Unidos, está dirixida e interpretada por Samy Khalil, actor e director madrileño de pai palestino.
Ao remate da representación, que comezará ás 19:30 horas, celebrarase un coloquio co activista Mohamed Safa.

Esta obra chega a Santiago grazas á colaboración entre a Concellaría de Dereitos e Servizos Sociais, a través da UAMI, e a plataforma Compostela Por Palestina.

As entradas son de balde e poden retirarse desde hoxe e ata o propio xoves na Zona C, en horario de 11:00 a 14:00 e de 16:00 a 19:00 horas. O xoves tamén haberá entradas dispoñibles na billeteira do Teatro Principal.

Recadación solidaria para os billetes de avión dunha nai e os seus catro fillos –un neno e tres nenas– que virán a Galicia cun visado humanitario para reunirse co seu pai e evitarlles a mutilación xenital programada. O evento contará cun DJ Set de Mok Groove.

XACOBEO DE XIMNASIA RÍTMICA – IV TORNEO INTERNACIONAL + V GALA VIRAVOLTA JAEL

Os días 25 e 26 de outubro de 2025, Santiago de Compostela acolle os clubes internacionais de ximnasia rítmica no 4º Torneo Internacional Viravolta-Jael, que culminará coa 5ª Gala Internacional de ximnasia rítmica. Unha cita imprescindible para os amantes deste deporte, onde o talento, a precisión e a beleza da ximnasia danse cita no Multiúsos Fontes do Sar.

A cita, ademais, é solidaria, xa que o recadado coa entrada da gala irá destinado á asociación ASANOG.

10€ ENTRADA SOLIDARIA ÚNICA*/ Entrada gratuita para menores de 5 anos.

Andaina guiada polo barrio do Castiñeiriño promovido pola Asociación Fonte da Virxe, Amigos do Castiñeiriño e o Centro Sociocultural do Castiñeiriño. Actividade enmarcada nunha acción titulada "Castiñeiriño coa saúde mental". 

A andaina está aberta a toda a cidadanía, co obxectivo de compartir un momento de encontro inclusivo entre veciñanza, persoas afectadas por enfermidades mentais e as súas familias. 

Durante o percorrido daranse a coñecer espazos singulares do Castiñeiriño, promovendo a conexión co entorno e coas persoas. O percorrido de 4km será accesible e adaptado a todo tipo de persoas e capacidade física.

Andaina nocturna solidaria de 3 km na que nos adentraremos en recunchos pouco coñecidos, simboloxía oculta e lugares con historia que moitas veces pasan desapercibidos... Un evento solidario enmarcado no programa Santiago en Vivo.

A camiñada estará guiada por un guía especializado que nos amosará eses espazos "raros" de Santiago —un xesto solidario en favor de Art for Dent, a asociación beneficiaria do evento, que loita por dar visibilidade á enfermidade de Dent, unha patoloxía rara que afecta ao funcionamento dos riles.

Seis magos presentan un espectáculo de maxia solidario a favor da infancia e da adolescencia con cancro en Galicia.

Todo o recadado coa venda das entradas destinarase integramente a ASANOG, a asociación que ofrece apoio e acompañamento ás familias que están a pasar por un cancro infantil en Galicia.

A achega á Fila 0 pode facerse no número de conta: ES61 2100 1453 2102 0025 9900

Máis información sobre o seu labor en www.asanog.org .

O IES Rosalía de Castro celebra o vindeiro 17 de decembro, de 16:30 a 21:00 horas, a IV edición do seu Mercado de Nadal, unha iniciativa solidaria organizada polo alumnado de 1º de Bacharelato Internacional no marco da materia CAS (Creatividade, Actividade e Servizo). O mercado contará con postos de venda de roupa, libros e xoguetes, propostas gastronómicas, actividades e obradoiros infantís, ademais de photocall, muro dos desexos e música en directo. A recadación íntegra destinarase a Cruz Vermella. Esta xornada de portas abertas busca fortalecer a participación da comunidade e ofrecer un espazo lúdico no propio centro, contribuíndo ao mesmo tempo a apoiar a familias que máis o precisan durante o Nadal.

As representacións de Francisco de Asís na arte compostelá presentan iconografías propias e singulares, ligadas á lenda, historia e tradición da súa presenza en Santiago. A conferencia de José Manuel García Iglesias, catedrático de Historia da Arte da USC, explorará a riqueza e especificidade destas obras, case exclusivas da cidade, pero cunha clara influencia na súa contorna. O recadado irá a favor do Albergue Xoán XXIII.

A profesora de Historia da Arte, Marta Cendón ofrece esta conferencia con fins benéficos. Os fondos irán destinados a Cáritas Interparroquial.

IX conferencia do 525 aniversario da Confraría do Rosario de Santiago.

O Festival Solidario Nosolocoaching 2026 celebrarase o domingo 15 de marzo, de 9:30 a 14:30 h, no Auditorio ABANCA de Santiago de Compostela.
Trátase dun evento anual de carácter solidario e transformador centrado no desenvolvemento persoal, o liderado humanista e o crecemento integral. Combina conferencias inspiradoras, talleres prácticos, experiencias artísticas, actividades de humor e espazos de networking, co obxectivo de inspirar, conectar e potenciar o benestar persoal e profesional dos asistentes.
A recadación íntegra das entradas destínase a proxectos solidarios, especialmente á infancia vulnerable en Nepal a través da Fundación Vicente Ferrer.

Unha viaxe solidaria e creativa á vida é unha exposición colectiva de máis de 30 artistas coordinados por Manuel Nieto a beneficio do proxecto "Viaje hacia la vida". 

A mostra está organizada por Tierra de Hombres.

Exposición organizada anualmente pola Asociación Fonte da Virxe, que reúne unha selección de obras creadas polas súas persoas usuarias.