O Festival de música de referencia en Santiago volve en 2025 con artistas como Kings of Leon, Estopa, Bryan Adams, Duki ou Bad Gyal.

+INFO 

Ao longo da súa carreira, lanzaron numerosos álbums que revitalizaron o surf rock, colaborando con artistas como Big Sandy e Deke Dickerson. Os seus shows en vivo son vibrantes, combinando virtuosismo musical cun toque teatral que os converteu nunha das bandas máis queridas do xénero.

O icónico DJ internacional David Guetta, coñecido por revolucionar a música electrónica e polos seus éxitos globais das últimas décadas,  actuará cos seus convidados especiais o 6 de xullo no Monte Do Gozo, dentro da programación de O Gozo Festival, curated by BBF Festival e co apoio da Xunta de Galicia a través da Axencia Turismo de Galicia.

+INFO

O Monte Gaiás convértese o sábado 30 de agosto nun gran club ao aire libre coa chegada de Wake Up! no Gaiás, unha maratón de música electrónica que se prolongará desde as 16:00 ata as 06:00 da mañá. O DJ brasileiro Mochakk, unha das figuras máis explosivas da escena internacional, será o gran protagonista dunha noite que promete ritmo, vangarda e celebración.

Delaporte é un proxecto musical formado por Sandra Delaporte e Sergio Salvi, que combina música electrónica, pop e indie. Co seu estilo fresco e innovador, están a gañar cada vez máis recoñecemento no panorama musical. O 10 de outubro ás 21:00h presentan na Sala Capitol a súa xira “Déixate querer”, un espectáculo vibrante e enérxico.

Banda en directo e sesión DJ para unha nova “Clássica Fiesta Ochentera” en Santiago de Compostela. A mellor época do pop volve á Sala Capitol co grupo "Da Igual" como protagonista da noite. As entradas poñeranse á venda o 15 de setembro en salacapitol.com , é o momento de avisar aos teus amig@s, é o momento de ir preparando de novo a reunión de xeracións dos 60´s e 70´s de composteláns, que como en cada edición da Clássica fiesta Ochentera, volven ver as caras.

Prepárate para unha noite inesquecible! Chegou a gran festa de ALUMNI para revivir a maxia dos 80’s e 90’s, unha época dourada chea de ritmo, enerxía e nostalxia. Ven a gozar dos mellores éxitos que marcaron xeracións, mesturados en directo por Christian B (Movimiento 80), que nos fará viaxar no tempo a través da música e dos videoclips máis emblemáticos.
Organiza: ALUMNI (Asociación de antigos alumnos e alumnas, amigos e amigas da Universidade de Santiago de Compostela)
Recadación da venda de entradas destinada a: ASANOG (Asociación de Cáncer Infantil e Xuvenil de Galicia)

Karaoke con Esteban regresa ao Riquela como a gran gala de Nadal, un clásico imprescindible das festas en Santiago. Unha noite para cantar, compartir e celebrar, na que o escenario se abre ao público nun ambiente festivo e cheo de bo humor. O 26 de decembro ás 21:00 h, o Riquela convértese, un ano máis, no punto de encontro do Nadal compostelán.

Unha proposta vibrante que une orquestra sinfónica e DJ para reinterpretar grandes himnos do pop e da música electrónica.
De Coldplay a Daft Punk, de Pont Aeri a Avicii, o concerto ofrece unha experiencia inesquecible onde a enerxía da pista de baile se mestura coa elegancia sinfónica.
A Royal Film Concert Orchestra, xunto co DJ Symphonic e baixo a dirección de Fernando Furones, transforma éxitos como Viva la vida, Titanium ou Bohemian Rhapsody nun espectáculo de pura emoción.

Anabel Lee chega co que é, sen dúbida, o seu maior punto forte: un directo demoledor. Enerxía sen freo, un set list de luxo e unha comunión total co público. A banda —formada por Víctor Mejías, Albert Perdices (Perdi), Jordi Orellana e Vio— foxe de etiquetas e constrúe un son propio que brilla en concertos intensos, viscerais e inesquecibles. Tras os discos Anabel Lee e Ganamos Perdiendo, seguen ampliando o seu repertorio con temas como Harto de paredes, adianto do novo álbum, ou Ven a jugar, xunto coa súa celebrada versión de Si Antes Te Hubiera Conocido de Karol G. Un estoupido de indie-punk que, como eles din, “há nos vai facer sangrar”.

Despois dun tempo en silencio, Raíñas volve máis local, máis nosa e cunha nova etapa chea de cambios. Unha noite para celebrar o drag, a escena e as ganas de seguir creando xuntas. Se xa estiveches antes, sabes do que falamos; e se non, esta é a túa sinal. Nesta edición, Syndra conducirá a velada entre fantasía e glamour, acompañada por Yasmine Lutar e Moira Lutar, irmás drag con dúas enerxías distintas e un mesmo liñaxe. Completa o cartel Liteah, pura actitude e poder sobre o escenario. 

O Son do Camiño 2026 celebrarase os días 18, 19 e 20 de xuño no emblemático recinto do Monte do Gozo en Santiago de Compostela. Katy Perry e Linkin Park son os primeiros cabezas de cartel coñecidos nesta edición.

Organizado por Esmerarte e Bring The Noise, co apoio da Xunta de Galicia a través de Concertos do Xacobeo, o festival consolidouse como un dos maiores e máis relevantes do norte de España, reunindo a miles de asistentes de todo o mundo.

A súa capacidade de esgotar entradas en cada edición e a súa aposta por unha programación de calidade, que combina artistas internacionais e locais, fan de O Son do Camiño unha cita imprescindible no calendario musical europeo.

DATAS APROXIMADAS

WOS Festival é un evento indoor de carácter anual que se celebra no mes de setembro en diferentes espazos de alto valor patrimonial de Santiago de Compostela. O festival presenta un amplo programa multidisciplinar cun enfoque en música electrónica e avant-garde, artes visuais, cinema, instalacións, talleres e conferencias.

O evento defende unha visión ampla da cultura alternativa que permite abordala desde múltiples perspectivas, albergando na súa programación innovadoras propostas en torno ao risco e a exploración onde teñen protagonismo destacados artistas internacionais en contextos únicos, creando así unha atmosfera irrepetible en cada actividade. WOS Festival é un proxecto da axencia creativa especializada en xestión cultural WORK ON SUNDAY e nace en 2016 co obxectivo de converterse nunha cita de referencia a nivel internacional.

+ info: wosfestival.es

DATAS APROXIMADAS

WOS Festival é un evento indoor de carácter anual que se celebra no mes de setembro en diferentes espazos de alto valor patrimonial de Santiago de Compostela. O festival presenta un amplo programa multidisciplinar cun enfoque en música electrónica e avant-garde, artes visuais, cinema, instalacións, talleres e conferencias.

O evento defende unha visión ampla da cultura alternativa que permite abordala desde múltiples perspectivas, albergando na súa programación innovadoras propostas en torno ao risco e a exploración onde teñen protagonismo destacados artistas internacionais en contextos únicos, creando así unha atmosfera irrepetible en cada actividade. WOS Festival é un proxecto da axencia creativa especializada en xestión cultural WORK ON SUNDAY e nace en 2016 co obxectivo de converterse nunha cita de referencia a nivel internacional.

+ info: wosfestival.es

As Festas da Ascensión 2025 encherán Compostela de música, actividades e tradición na última semana de maio. Esta celebración, unha das máis queridas pola cidadanía compostelá, volve con concertos ao aire libre, espectáculos infantís, mercados tradicionais, atraccións na Alameda e exhibicións de cultura popular galega.

O grupo Tanxugueiras será o cabeza de cartel dun programa no que non faltarán, por suposto, os cabezudos, as bandas de música, os pasarrúas, as atraccións da Alameda e a tradicional Feira Cabalar.

As festas arrancan o mércores 28 cos Cantos de Taberna e co concerto Santiago 40 Pop ás 21.00 h na praza da Quintana con Depol como un dos artistas principais.

O día grande da Ascensión, o xoves 29, comeza con alboradas e continúa cun concerto da Banda Municipal ás 12 h na praza da Quintana, acompañada de Ultreia. Os cabezudos animarán a xornada a partir das 12.30 h e quen o prefira poderá darse unha volta polo recinto feiral de Amio para ver a tradicional feira cabalar. Xa pola tarde será o tempo do completo programa de Folk na rúa e do concerto da Real Filharmonía (ás 20.30 h no Auditorio de Galicia). O prato forte chegará ás 21 h na praza da Quintana co concerto de Tanxugueiras. Na alameda estará a Orquestra Marbella. 

O venres 30 gozaremos con outro clásico, o Composfest, cheo de boa música. Tamén terá lugar o XLVIII Torneo da Chave na Alameda. O día complétase con alborada pola mañá e orquestra pola noite. 

O sábado 31 de maio será a xornada da Festas dos Maiores, da exposición de vehículos clásicos e contemporáneos ou das escolas de baile tradicional nas prazas da zona vella e da Romaría das Flores en Belvís. A praza da Quintana acollerá o concerto de Queralt Lahoz, dentro do ciclo SON Estrella Galicia. 

O último día das festas, o domingo 1, celebrarase a XXIV Carreira da Ascensión e un novo concerto da Banda Municipal, neste caso con Ailá. Tamén haberá circo para a cativada na praza de Mazarelos. Guadi Galego será a encargada de poñer o broche final ás festas picheleiras por excelencia cun concerto ás 20.30 h na praza da Quintana. 

Todas as actividades son de balde e acceso libre ata completar a capacidade, salvo cando se indique outra modalidade.

As atraccións estarán na Alameda dende o día 17 de maio ao 3 de xuño. Horario inclusivo sen ruído: Os días 23 e 31 de maio e 1 de xuño en horario de 17 h a 19 h

Punto Lila na caseta lila da Alameda de 20 a 01 h do 28 ao 31 de maio

Coincidindo coas Festas de San Xoán, que enchen a cidade de vistosas e máxicas cacharelas, a Praza de Mazarelos acolle diversidade de actividades, obradoiros e actuacións para a posta en valor dos ritos e tradicións galegas desta época do ano, marcada polo solsticio de verán. Ademais, haberá paseos pola senda fluvial do Sar para recollida das herbas de San Xoán.

PROGRAMA

MAÑÁ E TARDE : PUNTO DE INFORMACIÓN DAS CACHARELAS

TARDE: ESPAZO PALLEIRO + PHOTOCALL  + AUGA MÁXICA

• 16:00h – 21:00h Pasarrúas de A.C. Argalleiros
• 17:00h Obradoiro de Herbas de San Xoán-Inscrición aquí
• 17:00h Obradoiro de baile galego-Inscrición aquí 
• 18:00h Obradoiro de Herbas de San Xoán-Inscrición aquí
• 18;00h Obradoiro de pandeireta e percusións -Inscrición aquí
• 19:00h Obradoiro de Herbas de San Xoán-Inscrición aquí
• 19:00h Obradoiro de Xogos con música-Inscrición aquí
• 20:00 h Obradoiro de Herbas de San Xoán-Inscrición aquí 
• 21:00h Obradoiro de Herbas de San Xoán-Inscrición aquí
• 21:30h “Colle e vai” de Herbas de San Xoán
• 21:30h Actuación de Cantigas e Agarimos 
• 22:00h Foliada aberta con Cantigas e Agarimos  

*Recoméndase reserva previa 

Paseos Botánicos 
Recollida de herbas de San Xoán

• 10:00h
• 11:30h
• 17:00h 
• 18:30h

Punto de encontro: Ponte de Sar
Percorrido: Senda do río Sar – Restollal
*Recoméndase reserva previa 

INFORMACIÓN DE CACHARELAS E SARDIÑADAS AQUÍ

Cinco días de música, danza, teatro, cabezudos, lectura, contos, ciencia e moito máis nun dos barrios máis senlleiros de Santiago. 

+INFO

A Praza Roxa será un dos puntos neurálxicos do Nadal de Santiago. Concertos, xogos, actuacións e atraccións encherán de luz e cor o Ensanche compostelán.

TREN DE NADAL

• Do 19 ao 7 de xaneiro: de 11.00 a 14.00 h e de 17.00 a 20.30 h.
• 24 e 31 de decembro: só horario de mañá.
• 25 de decembro, 1 e 6 de xaneiro: pechado
• Fóra do período vacacional (do 12 ao 18 de decembro): De luns a xoves: de 18.00 a 20.00 h. Venres de 17.00 a 20.30 h. Sábados e domingos de 11.00 a 14.00 h e de 17.00a 20.30 h.

CARPA ROXA

A partir do 5 de decembro
Concertos, obradoiros, contacontos, xogos de mesas… de todo pode acontecer na Praza Roxa este Nadal!

A Asociación de Municipios do Camiño de Santiago (AMCS) celebrará o vindeiro 25 de xuño, ás 19:00 horas, na Aula 26 da Facultade de Ciencias Económicas e Empresariais da Universidade de Santiago de Compostela, unha sesión aberta ao público na que se presentarán os primeiros resultados do “Estudo sobre a Sustentabilidade Económica e Social do Camiño de Santiago Francés”, financiado pola Secretaría de Estado de Turismo no marco da Estratexia de Sustentabilidade Turística en Destinos.

A xornada artellarase arredor de tres intervencións complementarias. En primeiro lugar, Maribel Martínez e Pablo Soria, directora e analista, respectivamente, da firma Abay Analistas, explicarán a metodoloxía e as principais conclusións da investigación que están a desenvolver para a AMCS. O seu diagnóstico aborda as fortalezas e debilidades do tecido produtivo vinculado á Ruta Xacobea, a evolución do emprego directo e indirecto, as oportunidades e os obstáculos para o emprendemento local, así como os retos do relevo xeracional e a continuidade dos negocios ao longo do Camiño. O estudo contrasta fontes oficiais (INE, SEPE, Cámaras de Comercio) con entrevistas selectivas a axentes económicos e aliñase cos indicadores da Estratexia de Sustentabilidade Turística, co obxectivo de que os seus resultados sexan útiles para a toma de decisións por parte de concellos e PEMES.

A continuación, intervirá Andrés Precedo Ledo, catedrático emérito de Xeografía Humana da USC e actual presidente do Comité Científico da AMCS, recoñecido internacionalmente como un dos maiores expertos en ordenación territorial e desenvolvemento local. Precedo ampliará as conclusións do seu coñecido traballo “O turismo cultural como factor estratéxico de desenvolvemento: o Camiño de Santiago”, centrado na capacidade da marca Xacobeo para dinamizar tanto áreas rurais en declive coma a propia cidade de Santiago, e salientará a necesidade de integrar o turismo nun modelo de desenvolvemento equilibrado que fortaleza o capital social do territorio.

Pechará a xornada Melchor Fernández Fernández, doutor en Economía pola Universitat Autònoma de Barcelona, profesor titular e director do Departamento de Fundamentos da Análise Económica da USC, coordinador do Grupo de Análise e Modelización Económica (GAME) e premio “Valentín Paz Andrade” de investigación en economía de Galicia polos seus estudos sobre o Camiño. Cunha traxectoria de máis de oitenta proxectos e contratos de investigación como investigador principal, Fernández abordará as claves da súa liña de traballo sobre a percepción da poboación residente e a convivencia entre veciñanza e peregrinos, baseándose no estudo “O impacto do Camiño de Santiago a escala local. A percepción da poboación de dous municipios galegos”, que revela unha valoración maioritariamente positiva e ausencia de saturación turística, aínda que advirte de tensións latentes en materia de vivenda ou servizos. A súa intervención tratará tamén a cuestión da turismofobia emerxente en Santiago de Compostela e proporá medidas de gobernanza participativa para preservar a cohesión social.

Despois das tres intervencións abrirase un coloquio co público. Ao desenvolver este estudo e promover encontros coma este, a Asociación de Municipios do Camiño de Santiago quere demostrar como dotar aos municipios de instrumentos obxectivos para garantir que os beneficios económicos asociados ao Camiño se redistribúan localmente, que o emprego e o emprendemento se asenten no territorio e que a convivencia entre residentes e peregrinos se produza nun contorno de respecto e con servizos públicos reforzados. O obxectivo último é que o Camiño siga a ser un motor de prosperidade inclusiva e benestar social, sen renunciar á esencia patrimonial que o converte nun referente internacional.