O evento Micro Abierto (Poesía & Música) ofrecerá a oportunidade de que cada participante teña 6 minutos para compartir a súa poesía, música ou calquera outra proposta artística.

Trátase dunha actividade gratuita, por e para todas e todos. Organizado por Amarelo Millo / Amarillo Trigo, este encontro de eventos literarios e música terá lugar o sábado 20 de setembro de 2025 ás 21:00 h en A Cona da Vella (Rúa Nova de Abaixo, 19), con entrada libre.

O espectáculo Luna. Oda a Federico García Lorca, dirixido e interpretado pola bailaora Rocío Pozo, é unha proposta flamenca que homenaxea a fascinación do poeta granadino pola lúa. A través da danza, a poesía e a música en directo, explora a obsesión de Lorca pola lúa como símbolo da morte e da paixón. A compañía, composta por Pozo, a cantaora Marta Bolaños, a bailaora Cristina Rivero, o guitarrista Yuniel Rascón, o pianista Oliver Curbelo e o percusionista Samuel Medina, ofrece unha experiencia sensorial que fusiona o flamenco coa poesía lorquiana.

“As Rhumorosas” é un espectáculo que mestura monólogos, sketches cómicos, poesía e música, achegándose aos detalles máis descoñecidos de grandes mulleres ilustres galegas como Emilia Pardo Bazán, María Casares ou incluso lendas como a de Pepa A Loba.

Escrita, dirixida e interpretada por Carmen Méndez, Ledicia Sola e Marta Doviro.

Dúas personaxes, dous camiños, dúas olladas: as de Afonso Daniel Rodríguez Castelao e Boris Savelev. A proposta escénica Olladas converxentes, de Oístes? Teatro en coprodución con Teatro En Punto, presenta unha obra inmersiva, creada especificamente para a segunda planta do Museo Centro Gaiás, que acolle neste momento as exposicións Castelao. Mirar por Galicia e Boris Savelev. Viewfinder, unha forma de mirar.

Dous corpos, un camiñar e un espazo museístico convertido en escenario vivo, onde o público se move libremente e se ve inmerso nunha acción dramática que se desenvolve en paralelo e simultaneamente en distintos puntos da sala. Cun elenco composto por Tyler McKechnie e Gloria Rico, esta peza semi-improvisada inspírase nas vidas e obras de Castelao e Savelev, máis próximas do que poidan parecer grazas aos seus trazos atemporais e universais.

Unha proposta na que o desprazamento e a participación activa do público, así como o contraste entre luz e escuridade —real e metafórico—, teñen un forte protagonismo nunha peza que busca superar os esquemas tradicionais de divulgación museística, dando vida ao contido expositivo ao integrar teatro e museo nun formato non convencional.

Dúas personaxes, dous camiños, dúas olladas: as de Afonso Daniel Rodríguez Castelao e Boris Savelev. A proposta escénica Olladas converxentes, de Oístes? Teatro en coprodución con Teatro En Punto, presenta unha obra inmersiva, creada especificamente para a segunda planta do Museo Centro Gaiás, que acolle neste momento as exposicións Castelao. Mirar por Galicia e Boris Savelev. Viewfinder, unha forma de mirar.

Dous corpos, un camiñar e un espazo museístico convertido en escenario vivo, onde o público se move libremente e se ve inmerso nunha acción dramática que se desenvolve en paralelo e simultaneamente en distintos puntos da sala. Cun elenco composto por Tyler McKechnie e Gloria Rico, esta peza semi-improvisada inspírase nas vidas e obras de Castelao e Savelev, máis próximas do que poidan parecer grazas aos seus trazos atemporais e universais.

Unha proposta na que o desprazamento e a participación activa do público, así como o contraste entre luz e escuridade —real e metafórico—, teñen un forte protagonismo nunha peza que busca superar os esquemas tradicionais de divulgación museística, dando vida ao contido expositivo ao integrar teatro e museo nun formato non convencional.

Desde 2023, Galiza Cultura promove o Samaín a través da obra de Castelao Un ollo de vidro. Memorias dun esquelete (Ed. Céltiga, 1922). O esqueleto protagonista narra as súas memorias e as peripecias máis alá da morte, reflexionando sobre o mundo dos vivos. O 3 de novembro, ás 20:00 h, o Teatro Principal acollerá a montaxe, con membros da Coral de Solfa de Santiago e da Agrupación Cultural O Galo, baixo dirección de Lucho Penabade. A través desta mirada, o público poderá rir, reflexionar e recoñecerse nas loitas labregas, a emigración, o caciquismo ou a defensa do galego, temas que seguen vixentes. Entrada libre ata completar aforo.

Nova función da adaptación teatral da obra de Castelao 'Un ollo de vidro (Memorias dun esquelete)', despois do éxito acadado na función realizada de novembro.

Esta obra mestura o humor e a crítica social (na que se denuncian as desigualdades e inxustizas de principios do século XX), dirixida por Lucho Penabade. O esqueleto protagonista narra as súas memorias e as peripecias máis alá da morte, reflexionando sobre o mundo dos vivos. A través desta mirada, o público poderá rir, reflexionar e recoñecerse nas loitas labregas, a emigración, o caciquismo ou a defensa do galego, temas que seguen vixentes. 

O evento está impulsado pola federación de asociacións culturais Galiza Cultura e conta coa participación de membros da Coral Solfa e a Agrupación Cultural O Galo, e coa colaboración do Concello de Santiago e da Deputación da Coruña. 

A entrada é gratuíta previa retirada de convites, que se poden o día antes da función despacho de billetes da Zona C Punto de Información Cultural (na rúa do Preguntoiro número 1 en horario de 11.00 a 14.00 e de 16.00 a 19.00 horas) ou o mesmo día do espectáculo dende unha hora antes do comezo do mesmo no Teatro Principal. 

Hamlet é sen lugar a dúbidas a peza teatral máis famosa da historia, escrita arredor do 1600 por un home que pretendeu, como Atlas, coller a esfera da Terra nas súas mans, e con ela todos os asuntos humanos, e plantalos no seu pequeno teatro do sur de Londres, The Globe. Desde ese lugar o teatro pasaría a ser un espello no que a humanidade puido observarse dun xeito critico a través de pezas que son obras mestras inesgotables de pura paixón e acción escénica.

Ficha artística

• Texto original: William Shakespeare
• Dramaturxia: Vanesa Sotelo e Tito Asorey
• Dirección: Tito Asorey
• Elenco: Sergio Abelaira, Cristina Andrade, Belén Constenla, Raquel Espada, Isabel Garrido, César Goldi, Alejandro Jato, Marita Martínez, Iolanda Muíños, Anxo Outumuro, Pedro Placer, Adrián Ríos, Machi Salgado, Toni Salgado, Inés Salva.
• Escenografía: Carlos Alonso.
•  Iluminación: Laura Iturralde. 
• Vestiario: Saturna. 
• Música: Xavier Bértolo. 
• Maquillaxe e caracterización Lorena Calvo. Coreografía Rut Balbís. 
• Loita escénica Xosé Piñeiro. 
• Asistencia de texto Melania Cruz. 
• Asesoramento lingüístico:Rosa Moledo. 
• Axudante de dirección: Sara Rey

Varios establecementos hostaleiros de Santiago ofrecerán este fin de semana Caldo de Gloria, no marco das actividades do Día de Rosalía.

A asociación Hostalaría.gal súmase ao Concello e á Fundación Rosalía de Castro para render homenaxe á nosa escritora máis universal.

Os que se acheguen a estes locais poderán probar este prato histórico, que aparece nos escritos da galega máis universal, como tapa de cortesía, lembrando a sinxeleza e a calor do fogar que Rosalía celebraba na súa poesía.

LISTADO DE LOCAIS PARTICIPANTES 

• Orixe – Do venres 20 ao luns 23
• Ostrería – Do venres 20 ao luns 23
• Bicoca – Do venres 20 ao luns 23
• Cantina – Do venres 20 ao luns 23
• Frebas – Do venres 20 ao luns 23
• Mariscomanía – Do venres 20 ao luns 23
• Nómade – Do venres 20 ao luns 23
• Salvaxe – Do venres 20 ao luns 23
• Taberna Tarabela – Do venres 20 ao luns 23
• A Nave de Vidán – Do venres 20 ao luns 23
• Bodeguilla Santa Marta – Do venres 20 ao luns 23
• Bodeguilla San Lázaro – Do venres 20 ao luns 23
• Restaurante Central – Do venres 20 ao luns 23
• Don Gaiferos – Do venres 20 ao luns 23
• Bar Raíces Galegas – Venres 20, sábado 21 e luns 23
• Restaurante Paz Nogueira – Venres 20 e sábado 21
• Vinoteca A Que Vino – Venres 20 e sábado 21
• Pub Século IX – Sábado 21
• Bar A Gramola – Venres 20 e sábado 21
• Taberna de Álvaro – Do venres 20 ao domingo 22
• Bar Rial – Luns 23
• Viñoteca Ventosela – Do venres 20 ao domingo 22
• Viñoteca O Tixola – Do venres 20 ao domingo 22
• Restaurante Cacao – Do venres 20 ao luns 23
• O Piorno – Luns 23
• A Fuego Lento – Do venres 20 ao luns 23
• Bodegón Casas Chico – Do venres 20 ao luns 23
• Redes Mariscos & Tapas – Do venres 20 ao luns 23
• Mesón O 42 – Venres 20 (mediodía) e sábado 21 (mediodía)
• Casa de Xantar O Dezaseis – Do venres 20 ao domingo 22
• Taberna do Tarela – Venres 20 e sábado 21
• María Castaña – Venres 20
• Café Bar Rey – Do venres 20 ao luns 23
• Café Casino – Venres 20 (mediodía) e sábado 21 (mediodía)
• Restaurante Solleiros – Do venres 20 ao luns 23
• Café Mercedes – Do venres 20 ao luns 23
• O Balcón das Brañas- Luns 23

Celebramos o Día da Poesía co contacontos “Poemas encantados” da man de Servando Barreiro. Coplas tradicionais e poemas para brincar e cantar desde os primeiros anos utilizando a música e a poesía como medios para expresar as nosas emocións e sentimentos.

No salón de actos. Para nenas e nenos de 3 a 8 anos. A entrada é libre ata completar a capacidade da sala.

Cando Castelao morre en 1950, vivíanse uns tempos nos que non era posible chorar a súa perda. Daquelas, o dramaturgo Daniel Varela Buxán decide render, nun acto privado diante da súa veciñanza, a súa particular homenaxe ao rianxeiro. Agora, a compañía Fantoches Baj recrea esa escena adaptándoa á cativada para achegalos á figura de Castelao a través do teatro de marionetas de fío, narración oral e teatro de máscaras. Así, con motivo do Día do Teatro, a Biblioteca de Galicia trae a estrea absoluta da obra Castelao. Un corazón á intemperie. 

 A obra, dirixida a cativada a partir de 6 anos, detense nos momentos literarios e artísticos máis significativos da vida de Castelao cunha linguaxe adaptada a nenos e nenas. Esta peza escénica representa con marionetas parte da obra do autor: contos de 'Cousas'; narracións de 'Retrincos', escenas de 'Os vellos non deben namorarse' e o monólogo do esqueleto en 'Un ollo de vidro'. 

Esta proposta, que ve a luz no 75 aniversario da morte de Castelao, pretende, ademais, contribuír á normalización e difusión da lingua nas idades máis novas e no contexto familiar e cultural. Ademais, darase a coñecer a figura de Castelao como político, intelectual, escritor e personaxe clave na promoción e normalización do galego debido ao seu profundo compromiso coa identidade cultural de Galicia e a súa convicción de que a lingua é un piar fundamental desa identidade.

Con motivo do Día do Libro achegarémonos aos inicios da escritura para comprender a importancia desta ferramenta na comunicación e rexistro de información. Coñeceremos e experimentaremos con distintos soportes e utensilios empregados para a escrita ao longo da historia, centrándonos nesta ocasión no antigo Exipto.

Público infantil de 6 a 12 anos

Actividade gratuíta

Imprescindible reserva previa: https://mupega.edu.xunta.gal/inscricion-actividades-e-obradoiros

“As lendas do Conde Breixo” é o nome dunha peza de teatro en teatro de papel en clave de contacontos, narrada a través de Emakis e Kamishibai tradicional xaponés.

O seu guión está baseado en varias lendas e mitos tradicionais galegos, nas que se combinan a manipulación do teatro de papel tradicional xaponés (kamishibai), coa técnica emaki (teatro lumínico tradicional xaponés a partir de pergamiños ilustrados).

No salón de actos. Para nenas e nenos de 3 a 8 anos. A entrada é libre ata completar a capacidade da sala.

Rimas, xogos de palabras, cancións e moito humor! Migallas Teatro trae á Biblioteca de Galicia o espectáculo Brincadeiras de lingua.  Unha proposta que mestura  narración oral, monicreques e música para redescubrir a enorme riqueza da literatura popular infantil galega en conmemoración do Día Europeo das Linguas.

A través dunha divertida escolma de ditos tradicionais a cativada poderá gozar, rir e participar, ao tempo que se fomenta a transmisión destas expresións tamén no ámbito familiar.

Un plan perfecto para que pequenos e maiores compartan a maxia das palabras da nosa tradición!

Catro décadas despois do reenterro de Castelao, diferentes «ollos de vidro» únense neste faladoiro para analizar o pensamento político e estético de Castelao na mostra Ollos de Vidro do Auditorio de Galicia. Por unha parte o vidro de Tareixa Navaza a través das cámaras de television que retransmitiron a cerimonia de reinhumación, por outra banda o vidro a través do que Xan Carballa tomou as súas fotografías dese mesmo 28 de xuño de 1984, e para rematar o vidro da pantalla do ordernador do investigador Jorge Linheira. A estes cristais que ollan xúntanselles os raios-X artísticos da exposición comisariada por Germán Labrador con acompañamento de María Bella. E, así, neste faladoiro –moderado por Branca Novoneyra– lembraremos non só as disputas institucionais e políticas por ver, facer ver e ocultar o esquelete de Castelao, senón tamén os modos de relacionarnos hoxe cos diferentes retornos do seu fantasma. 

Libros de vello e de ocasión, exemplares antigos e raros, xoias descatalogadas e até algún artigo de coleccionismo que non podes deixar escapar. 

Participantes:

- Madrid Books (Madrid)
- O Fiandón (A Coruña)
- A Tobeira de Oza (A Coruña)
- Libros Quique (València)
- Arcadia (A Coruña)
- Lorca Libros (Madrid)
- A Gata Tola (Santiago de Compostela)
- O Corvo (A Coruña)
- Cajón Desastre (Ponferrada)

O Festival de Narración Oral trae a contadores e contadoras de historias chegados de todo o mundo, e unha amplísima mostra de talento galego e novas voces que están a xurdir.

+INFO

Como dicía Castelao: lectura pública de textos polo 75 cabodano do autor no Panteón de galegas e galegos ilustres

O acto, aberto á participación colectiva, enmárcase na programación do XIII edición do Festival Atlántica e conta coa colaboración do Museo do Pobo Galego, xunto coa Fundación Castelao e o Arcebispado de Santiago de Compostela.

A Libraría Couceiro acollerá o día 1 ás 19:00 h unha conversa arredor do libro Ensaio sobre o efémero, de Vítor Vaqueiro, organizada pola Asociación Cultural O Galo. A obra, composta por setenta e dous relatos breves, percorre a historia desde a Antigüidade clásica ata a contemporaneidade a través de personaxes reais e ficticias. O autor, poeta, narrador e fotógrafo vigués, membro destacado da Xeración dos 80, dialogará con Marga do Val, tamén viguesa, poeta, narradora e crítica literaria, autora de A cidade sen roupa ao sol (Premio da Crítica 2010). Un encontro para descubrir dúas voces imprescindibles das letras galegas actuais.

A SELIC (Semana do Libro de Compostela) é un encontro arredor do libro e da lectura que transforma a Praza da Quintana nun espazo cultural aberto, con presentacións, recitais, obradoiros e actividades para todos os públicos.

Programa completo próximamente

Sobre la obra de Emily Brönte

Otra sesión de las Mañanas Poéticas, actividad coordinada por Carlos Arias, voluntario del programa de Voluntariado Cultural de la Red de Bibliotecas de Galicia, destinada a acercar la poesía a las personas interesadas.

En estas sesiones, que se celebrarán los últimos miércoles de cada mes, se realizará una lectura libre de textos de un poeta o poeta y un diálogo abierto sobre las impresiones de la lectura. El miércoles 28 de enero se dedicará a Emily Brönte. Para completar esta sesión, intentaremos establecer un pequeño diálogo entre tres épocas y tres sensibilidades muy distintas: Emily Brönte, Teresa de Ávila y Ausiàs March.

En la sala de trabajo A, tercera planta. La entrada es libre hasta un máximo de 15 participantes.

A AC. O Galo presenta o libro Personaxes da Galiza Medieval IV, unha nova entrega do proxecto co que a entidade continúa a contribuír á recuperación da memoria histórica de Galicia. Este volume percorre os séculos nos que o país era un reino de seu e desenvolvía unha estrutura económico-social protofeudal e feudal que define esa época. A obra reúne textos de diversos autores que abordan figuras clave da nobreza galega e o contexto político “atlantista” fronte ao modelo “mediterranista” impulsado por Aragón e Castela ata finais do século XV. As persoas asistentes recibirán un exemplar de agasallo. É necesario inscribirse en comunicacion@ogalo.gal antes do 26 de febreiro ás 17.00 h.

A AC. O Galo organiza a presentación do caderno 170 Anos do Banquete de Conxo, un volume no que o filólogo Xoán Costa mergulla a memoria colectiva deste acontecemento histórico cunha escrita precisa, culta e ao tempo divulgativa, que ilumina a dimensión social, política e simbólica daquela xornada fundacional do galeguismo.

O acto, de entrada libre até completar capacidade, celebrarase o luns 2 de marzo ás 20:00 h no Centro Sociocultural Aurelio Aguirre de Conxo, e contará tamén coa participación da alcaldesa de Compostela, Goretti Sanmartín, e de María Antonia Pérez, presidenta da entidade organizadora.

Celebramos o Día da Poesía co obradoiro de creación poética Que como o sol sexa o meu verso da man de Apiario. Que como o sol sexa o meu verso son palabras do poeta Miguel Hernández e con elas poñemos nome a este obradoiro. Unha proposta na que converxen o descubrimento do poético e da experiencia literaria a través da lectura activa, o comentario en grupo e unha proposta práctica para a escrita.

Nas súas tres horas de duración atravesaremos unha unidade de lectura especificamente deseñada para mergullar no extraordinario, no efémero, no misterio, no arroubo e sucar o emoción, o silencio, os ocos, a memoria. Pezas angulares e ferramentas que nos leven á escritura, mais tamén a ampliar a capacidade lectora e crítica. Alimentarse na fascinación que provoca a palabra. 

Apiario é un proxecto literario onde se tecen obradoiros de escrita e cursos de formación cun selo editorial independente. Factoría onde esmelgar ao redor da palabra. Laboratorio que deseña contextos para a creación. 

Para 15 persoas adultas. Inscrición a través do seguinte formulario: https://bibliotecas.xunta.gal/gl/santiago/formulario-de-inscricion-no-obradoiro-de-creacion-poetica-que-como-o-sol-sexa-o-meu-verso-da-man-de-apiario

Nova sesión das Mañás poéticas, unha lectura aberta e libre de textos de diferentes autoras e autores, que no mes de marzo adicamos á poeta Alejandra Pizarnik.

Filla dunha familia ruso-xudía, naceu en Buenos Aires o 29 de abril de 1936. Seu pai e súa nai tiñan 27 e 26 anos, respectivamente, e chegaran procedentes de París, depois de pasar unha tempada co tío paterno. Coa chegada do nazismo, desapareceu practicamente toda a familia. Só sobreviviron o tío co que estiveran en París e outra tía, irmá da nai, que se trasladara tamén a Buenos Aires. Tivo unha etapa infantil liberal, de acordo co ambiente familiar. Pasou polas aulas de Filosofía e de Xornalismo, na capital arxentina, onde o catedrático de Literatura Moderna, Juan Jacobo Barjalía, a anima a tentar unha carreira literaria. Por esas datas comeza a manifestar unha especie de fascinación pola morte, presente en toda a súa obra, e tamén entra en contacto co surrealismo, a través do pintor Batlle Planas.

Explora tamén o camiño de reporteira, con algún traballo realizado, pero deixa esta vocación por outros mundos que lle tiraban máis. Cunha saúde fráxil, pola súa condición de asmática, seu pai ofrécelle coidado. O seu negocio de xoieiro permitíalles vivir con desafogo e paga a publicación do seu primeiro libro, La última inocencia (1956), que aparece en Botella al Mar, do grande editor galego Arturo Cuadrado, na que tamén participaba Luís Seoane.Tamén lle paga as consultas psicolóxicas, coas que tentaba pór orde nunha mente desbocada.

Tentou un cambio de residencia e trasladouse a París, de 1960 a 1964, pero a súa insatisfacción crónica mantívose máis aló de calquera remedio que experimentase. En 1971 escríbelle unha carta ao seu grande amor, Sylvina Ocampo -que non respondeu-, na que fala de problemas respiratorios moi molestos e dunha potente sensación de proximidade coa morte, no plano anímico, no literario e quizais tamén no físico, que pode resumirse nestas dúas pasaxes da propia carta:

¿Por qué, Silvina adorada, cualquier mierda respira bien y yo me quedo encerrada y soy Fedra y soy Ana Frank?

Además la muerte tan cercana a mí (tan lozana!) me oprime. (…) Sylvette, no es una calentura, es un re-conocimiento infinito de que sos maravillosa, genial y adorable.

Outra relación importante na súa vida mantívoa coa poeta Olga Orozco, que lle dedicou o poema “Pavana del hoy para una infanta difunta que amo y lloro”.

Na sala de traballo A do terceiro andar. A entrada é libre ata un máximo de 15 participantes.

DATAS APROXIMADAS

A SELIC (Semana do Libro de Compostela) é a gran cita literaria da cidade. Durante varios días, a Praza da Quintana énchese de libros, autores e actividades que celebran a lectura con presentacións, recitais, obradoiros e propostas para todas as idades.

DATAS APROXIMADAS

A SELIC (Semana do Libro de Compostela) é a gran cita literaria da cidade. Durante varios días, a Praza da Quintana énchese de libros, autores e actividades que celebran a lectura con presentacións, recitais, obradoiros e propostas para todas as idades.

DATAS APROXIMADAS PENDIENTES DE CONFIRMACIÓN

Feira anual que se celebra durante máis dunha semana no Paseo Central da Alameda. Alí expóñense e comercialízanse libros de diferentes editoriais, librerías e organizacións, tanto galegas coma do resto de España; que aproveitan estes días para achegar os seus produtos ao público e vendelos a bos prezos. Nesta feira pódense atopar una gran variedade de libros sobre Santiago e Galicia. 

Ademáis da exhibición e compra de libros hai unha serie de actividades complementarias: firma de libros por parte de autores coñecidos, sorteos, campañas de promoción da lectura, visitas guiadas, etc.

Foto: ©Luis Miguel Bugallo Sánchez

DATAS APROXIMADAS

Atlántica, Festival Internacional de Narración Oral, naceu no ano 2013 con sede en Santiago de Compostela cunha clara vocación de ser un encontro de voces e historias de perfil atlanticista e agora xa navega por toda a xeografía galega.

+ INFO

Obradoiro de creación literaria As Compostelas que hai en min, con Daniel Asorey

A Asociación de Escritoras e Escritores en Lingua Galega, en colaboración co Concello de Santiago, organiza o obradoiro de creación literaria As Compostelas que hai en min, impartido por Daniel Asorey no marco da Escola de Escritoræs da AELG na Zona C, punto de información cultural na praza de Cervantes.

Esta proposta convida a descubrir Santiago como territorio literario, emocional e simbólico. A través de diferentes dinámicas de observación e escritura, exploraranse as múltiples capas da cidade e abriremos novas vías para a creación persoal.

Roteiro que repasa a historia e as persoas homenaxeadas no Día das Letras Galegas desde o seu primeiro ano (1963) ata hoxe. Prestaremos especial atención ás persoas e obras relacionadas con Santiago.

Para persoas de 14 a 99 anos. Máximo 30 participantes. As persoas interesadas poden retirar o convite no mostrador de Información da biblioteca dende 30 minutos antes do comezo da actividade.

Trae o teu libro  e ven a ler connosco. Se non tes ningún libro da temática, non te preocupes, teremos unha selección de préstamo.

O libro en galego centra os vindeiro días as actividades do Outlet Área Central. Desde mañá xoves 29 de xaneiro ata o sábado 7 de febreiro, Área Central e o Consorcio Editorial Galego organizan o I Outlet do libro galego.

Nesta nova actividade haberá centros de libros escritos en galego á venda, de todos os xéneros e para todas as idades. Os seus prezos, moi económicos, rondarán entre 1 e 10 euros. Este espazo de venda ubicarase na zona outlet do Outlet Área Central. O I Outlet do libro galego promove a lectura en galego preto de dúas datas importantes: o 21 de febreiro como Día Internacional da Lingua Materna, e o 23 de febreiro, como día do nacemento de Rosalía de Castro. Ademais da exposición e venda de libros en galego, os sábados 30 de xaneiro e o 7 de febreiro, haberá actividades complementarias:

O sábado 30 de xaneiro ás 18.00 horas celébrase o obradoiro de ilustración “Pintando a Rosalía”. As mellores obras levarán premio. O sábado 7 de febreiro ás 18:00 horas celébrase a actividade "Rosalía era unha xacia". Baseada no libro de Baia Edicións "A xacia Luviñas" os asistentes descubrirán con contos, cantos e cantigas que Rosalía de Castro era unha xacia, unha muller peixe de auga doce. Ao finalizar, farase a entrega de premios do obradoiro de ilustración “Pintando a Rosalía”.

Conversa entre o actor Quico Cadaval e o escritor Carlos Callón.

Ao remate abrirase un coloquio, no que o público fará cantas preguntas desexe.

Conferencia para conmemorar o Día das Letras Galegas titulada «Eu cantar, cantar, cantei. As cantareiras e a poesía popular oral», que estará impartida por Malores Villanueva, editora, crítica literaria e Doutora en Filoloxía Galega pola USC.

Escolma da obra de Bernardino Graña, un dos membros fundadores do grupo Brais Pinto, membro numerario da Real Academia desde 2010 e unha das voces máis recoñecidas polo público e a crítica das letras galegas contemporáneas. Sirva esta mostra como homenaxe polo seu pasamento.

Novelista tardío, publica en 2005 a obra Protoevanxeo do neto Herodes, sobre a vida de Xesús, e tamén teatro con obras como Vinte mil pesos crime ou Os burros que comen ouro (nunca cabalos serán). Poeta vangardista cunha obra moi política na que os temas destacados son o amor, a natureza e Galicia; Bernardino é tamén, en palabras de Manuel María, o grande poeta do mar.

Pode visitarse no segundo andar durante o horario de apertura da biblioteca.

Ao longo da súa vida, e mesmo despois do seu falecemento, o poeta, narrador, ensaísta e tradutor galego José Ángel Valente (Ourense, 1929-Xenebra, 2000) foi retratado en diversas ocasións e baixo distintas técnicas artísticas (pintura, debuxo, caricatura).

Parte dese material poderá contemplarse na exposicion Iconografía artística de José Ángel Valente 1955-2024 que se poderá ver na Facultade de Filoloxía e que se inclúe nas actividades programadas polo 50 aniversario do centro.

Con motivo da celebración do 75 aniversario de Editorial Galaxia, ponse en marcha a exposición itinerante «Crear porvir. 75 aniversario de Editorial Galaxia», unha mostra que percorre a historia da editorial, desde a súa fundación en 1950 ata a actualidade, salientando o seu papel clave na evolución cultural da Galicia contemporánea e a súa proxección exterior.

A inauguración tivo lugar esta tarde no Auditorio da Sede Afundación de Santiago de Compostela nun acto ao que asistiu a alcaldesa de Santiago de Compostela, Goretti Sanmartin Rei; o conselleiro de Cultura, Lingua e Xuventude, José López Campos; o director xerente de Afundación, Pedro Otero Espinar; os máximos responsables de Editorial Galaxia, o seu presidente, Antón Vidal Andión; e o director da editorial, Xosé Manuel Soutullo; e unha ampla representación do mundo editorial e da cultura galega. 

A exposición «Crear porvir. 75 aniversario Editorial Galaxia» está comisariada por un equipo de referencia no ámbito dos estudos académicos en Galicia e a nivel internacional, dirixido polo catedrático da Universidade de Santiago de Compostela, director da Cátedra Castelao da mesma universidade e da revista Grial, Henrique Monteagudo, acompañado pola profesora de literatura galega, María Dolores Villanueva Gesteira, e polo catedrático da Facultade de Filoloxía e Tradución da Universidade de Vigo, Xosé Manuel Dasilva Fernández. 

Neste proxecto destaca o labor de autoras e autores como Castelao, Otero Pedrayo, Eduardo Blanco Amor, Paco Martín, Xohana Torres, Carlos Casares, Fina Casalderrey, Manuel Rivas, Yolanda Castaño, Paula Carballeira, Domingo Villar, Xesús Fraga, Xosé Manuel Núñez Seixas, Marilar Aleixandre…; de editores como Carlos Casares e Víctor F. Freixanes…; e dos fundadores da editorial, como Otero Pedrayo, Ramón Piñeiro, Xaime Isla Couto e Francisco Fernández del Riego; ademais de títulos que axudaron a conformar o panorama literario de Galicia, configurando unha visión global da edición galega durante o franquismo e a democracia.

A mostra articúlase en catro bloques temáticos que convidan a percorrer a literatura e os seus autores e autoras, desde o Rexurdimento ata a xeración do novo milenio; o ensaio e o pensamento galegos, con estudos sobre a lingua, a historia, a sociedade e a ecoloxía, así como proxectos de referencia como a revista Grial; a tradución e a proxección internacional, co galego como lingua de recepción e creación universal; e a literatura infantil e xuvenil, na que Galaxia foi pioneira con coleccións e espazos dirixidos ao público máis novo. A exposición conta tamén cun espazo para público infantil que convida a ler e gozar da edición para as idades máis novas.

Con Jim Botón, Momo e A historia interminable, Michael Ende (1929-1995) creou clásicos intemporais da literatura infantil e xuvenil, traducidos a máis de 40 idiomas e con máis de 35 millóns de exemplares vendidos, que seguen cativando lectores de todas as idades. Isto convérteo nun dos autores alemáns máis exitosos do século XX.

A biografía de Michael Ende non estivo exenta de xiros inesperados, pero a súa vida estivo sempre dedicada á arte e á creatividade en diversas formas. A exposición, ricamente ilustrada, presenta as etapas clave da súa vida e obra, ofrecendo unha visión vívida da súa evolución como escritor e das súas obras máis emblemáticas.

O Día Mundial da Poesía é unha efeméride que se vén celebrando desde 1999, cando a Conferencia Xeral da UNESCO fixou o 21 de marzo, coincidindo co inicio da primavera, como o día elixido para conmemorar a arte poética e promover a lectura e escritura da poesía en tódalas súas manifestacións.

Dende a biblioteca Ánxel Casal queremos aproveitar esta oportunidade para render unha homenaxe ao poeta Antonio Machado (1875-1939), do que neste ano 2025 cúmprese o 150 aniversario do seu natalicio.

O ilustre poeta sevillano foi un dos primeiros representantes da famosa Xeración do 98; introduciu en España o modernismo (eido tamén cultivado polo seu irmán Manuel, do cal tamén expoñemos algunha obra coescrita con Antonio). Máis tarde, desenvolveu unha poesía de corte intimista e simbólica, inmortalizada na súa obra máis coñecida, Campos de Castilla.

A pegada de Antonio Machado na literatura e na cultura españolas e universais do século XX é inabarcable. Pintores como Picasso e Miró, poetas como Jorge Guillén e García Lorca, e cantautores como Joan Manuel Serrat, homenaxearon ao xenio.

Que mellor ocasión que recibir a chegada da primavera e o Día Mundial da Poesía con estes versos que Machado escribiu nun dos seus poemas máis coñecidos:

Mi corazón espera también, hacia la luz y hacia la vida, otro milagro de la primavera.

No 2º andar do 21 de marzo ao 19 de abril. Pode visitarse no horario de apertura da biblioteca.

Mostra sobre Castelao na súa dobre vertente de docente no Instituto de Pontevedra así como de cidadán que compartiu, a través da súa obra, a súa visión crítica sobre a situación da escola na Galicia que lle tocou vivir.
 

A mostra Ollos de Vidro. As formas doutra historia de Galicia conclúe o seu período expositivo cunha actividade que transcende o recinto de exhibición para dar vida ás palabras de Alfonso Daniel Rodríguez Castelao sobre o escenario. Dous contadores excepcionais, Quico Cadaval e Celso F. Sanmartín toman a Sala Mozart do Auditorio para agasallarnos cunha contada libre de Un ollo de vidro. Memorias dun esquelete.

Quico Cadaval, actor, director, escritor e adaptador teatral, é unha das voces máis recoñecibles e recoñecidas da narración oral galega e portuguesa, un contista autodidacta que espallou alén fronteiras a arte de relatar en galego. En 2011 recibiu o Premio Cultura Galega das Artes Escénicas.

Celso Fernandez Sanmartín é tamén narrador oral, etnógrafo e poeta de longa traxectoria no asociativo e na acción sociocultural. Recibiu en 2022 o Premio Rebulir da Cultura Galega.

O contacto entre Camilo José Cela e as mulleres que conforman esta mostra foi, sobre todo, epistolar, de aí a presenza de diversas cartas manuscritas e/ou mecanografadas, onde as palabras das persoas destinatarias e remitentes dan fe dos seus sentires

Castelao. Mirar por Galicia representa a experiencia tecnolóxico-cultural máis avanzada ata o momento ao redor de Alfonso Daniel Rodríguez Castelao, un percorrido para atravesar o devir persoal, literario, artístico e político dunha das figuras máis senlleiras da historia de Galicia.

Intelixencia artificial, hologramas, videoproxeccións ou realidade virtual combínanse nun relato que nos traslada unha visión anovadora da súa vida, das súas achegas e do seu universo artístico, recreado aproveitando o potencial das tecnoloxías de animación 3D e dos motores de intelixencia artificial. O proxecto, que abrirá as súas portas no Museo Centro Gaiás o 26 de xuño de 2025, conta coa asesoría e dirección histórico-artística de Miguel Anxo Seixas Seoane, presidente da Fundación Castelao e posiblemente o maior especialista na biografía, obra e achegas da figura de Castelao.

As animacións e produción dixital recaen no estudio Maxina, empresa galega especialista no deseño de efectos visuais, animación 3D, visualización e experiencias inmersivas, fundada polos irmáns Noela e Carlos Seijo. Maxina combina sensibilidade artística e novas tecnoloxías e conta con máis de 10 anos de experiencia nos que colaborou co Guggenheim de Bilbao, a Xunta de Galicia, Afundación, Ferrovial ou Netflix, sendo responsables de proxectos do Gaiás como Orixes ou Hábitats.

Dirección artística: Carlos Seijo. Asesoría histórica: Miguel Anxo Seixas Seoane

A Fundación Gonzalo Torrente Ballester inaugura o vindeiro 3 de xullo de 2025, ás 18:00 h, a exposición permanente Gonzalo Torrente Ballester. Itinerario de vida e creación. Comisariada por Carmen Becerra Suárez, especialista na obra do autor, a mostra propón un percorrido vital e creativo polas diferentes etapas de Torrente Ballester, desde a súa infancia en Ferrol ata os últimos anos en Salamanca, ofrecendo unha mirada profunda a este autor poliédrico, un dos grandes nomes da literatura española do século XX. Reúne materiais bibliográficos, documentais e persoais dos fondos da Fundación, incluíndo primeiras edicións de obras emblemáticas como La saga/fuga de J.B., Los gozos y las sombras ou Don Juan, fotografías familiares, manuscritos, obxectos persoais, premios e recoñecementos. Ao final do percorrido poderá verse o documental GTB x GTB, realizado por Luis Felipe Torrente e Daniel Suberviola, que achega unha visión próxima e emocionante sobre o home, o escritor, profesor, crítico e guionista.

Aenea naceu hai vinte e seis anos co desexo de crear un espazo de encontro para o crecemento persoal e grupal. A exposición colectiva Tecendo o Un, que se poderá visitar do 18 de xullo ao 28 de agosto na sede de Aenea en Santiago, é a expresión simbólica deste camiño compartido. O resultado do traballo dun pequeno grupo “aenero” que, a través da arte, quixo agradecer e celebrar a enerxía, o coidado e o amor que alimentaron o proxecto durante todo este tempo. Cada participante achegou o seu fío para crear unha peza común, tecida desde o individual ao colectivo.

A exposición “Lorca e Galicia: 90 aniversario da primeira edición de Seis poemas galegos” inaugúrase o 22 de outubro no Colexio de Fonseca para conmemorar os noventa anos da publicación da obra galega de Federico García Lorca. A mostra, organizada pola Biblioteca Universitaria de Santiago de Compostela (BUSC), exhibe dous exemplares orixinais da edición de 1935 e diversos materiais —fotografías, documentos, recortes de prensa e edicións posteriores— que ilustran a relación de Lorca coa lingua e cultura galegas. Estruturada en seis eixos temáticos, inclúe tamén un mapa que localiza as bibliotecas do mundo que conservan exemplares da primeira edición. A exposición poderá visitarse presencialmente e tamén de forma virtual a través dunha guía con códigos QR.