FAIA presenta o seu segundo disco en solitario, Alvela, un traballo complexo e sutil, con dez temas que transitan pola experiencia da maternidade, a memoria do corpo e as violencias que o atravesan, mais tamén sobre a forza que reside no íntimo, no desexo e no pracer. FAIA revisita arrolos, romances e outras cantigas tradicionais acompañada unicamente por instrumentos de corda e grabacións de campo manipuladas, unha constrición creativa que lle confire a Alvela unha coherencia sónica e unha organicidade singular.  

Neste concerto de estrea FAIA estará acompañada da arpista bretoa Bleuenn Le Friec e o cuarteto vigués de cordas Suelen Estar Cuartet, integrado por Elena Vázquez (violín), María José Pámpano, (violín/ viola), Macarena Montesinos (violonchelo) e Saúl Puga (contrabaixo). A proposta musical completarase  coa escenografía e o vestiario de Melania Freire e o deseño de luz a cargo de Nonon Lab.

Concerto de presentación do EP "3" da banda PAVA, formada por Analís, David Santos, Pablo Silva e liderada por Lucía Aldao. 

Mondra presenta DE RONDA, o seu segundo traballo discográfico: un álbum para seducir ou ser seducido. A sexualidade, o amor propio, a comunidade e o valor da mocidade son os temas que atravesan estas 11 cancións ou, máis ben, estes 11 estados do corpo. Un álbum persoal e íntimo, á vez que irreverente e desenfadado; un traballo autoral, mais sempre en diálogo con elementos propios da nosa tradición oral.
Mondra presenta así un novo son, orgánico e fresco, da man de Hevi á produción, no seu Laboratorio Soyuz. 

Tradición renovada, sons de raíz en harmonía co presente. Un microcosmos folclórico no que as identidades converxen e crean comunidade. Achégate a gozar da intimidade, frescura e personalidade da música de Abril na Biblioteca de Galicia con motivo do Día das Letras Galegas.

Abril é un proxecto formado por Claudia Abril (voz e percusións) e Marina Carpente (violín e voz), no que melodías tradicionais galegas e ibéricas se reinterpretan con sonoridades actuais, marcadas por certa intimidade, personalidade e frescura. Unha proposta de folk contemporáneo na que instrumentos da música tradicional como a pandeireta, o pandeiro ou o violín folk dan lugar a un coidado repertorio que contribúe a poñer en valor a música tradicional galega sen renunciar á modernidade.

O Concello de Santiago súmase á celebración do Día das Letras Galegas, que neste 2025 recoñece as cantareiras e pandeireteiras autoras de música tradicional de transmisión oral cun concerto de cinco corais da cidade. 

Trátase da coral Ponte Mantible, o coro Asubío, a coral Amigos do Castiñeiriño, o Coro Crecente de Voces Graves e a coral Solfa. 

A entrada é libre ata completar aforo.

Segundo encontro de tocadoras e gran foliada aberta á cidadanía.

A primeira asociación de tocadoras galegas promove na tarde do 17 de maio a segunda Xornada Pública Somos Pandeireteiras, apoiada polo Concello de Santiago a través de Compostela Cultura.

Nas vindeiras semanas abrirase a inscrición para participar no encontro e darase a coñecer a súa programación completa en somospandeireteiras.gal

CONCERTO DAS LETRAS GALEGAS

Banda Municipal de Música de Santiago de Compostela & Pandeireteiras Cantigas e Agarimos

Temporada 2024/25
“PASEOS”
Ciclo de inverno-primavera

“De Paseo co cantar da nosa transmisión oral”

Director: Casiano Mouriño Maquieira
Gaita: Xaquín Xesteira

O grupo de pandeireteiras integrado por María, Carme e Uxía da Pontragha e Maca do Pinheiro traerán ao Xardín do Claustro o seu traballo Termando os Marcos. 

As Bouba defínense como "herdeiras e transmisoras da cultura do país e da festa ben feita". Co seu novo traballo resitúanse, nas súas propias palabras, "na aldea que nos pariu, a que nos deu o nome e nos mostrou que sen nós non había futuro", para crear algo novo, pequeno, local e desde as marxes.

Entrada libre até completar capacidade. 

O noso baile e música de raíz volven ateigar o Gaiás de muiñeiras e aturuxos, de alalás e pandeiradas: o Serán regresa á Cidade da Cultura —encadrado na programación destas Letras Galegas 2025— e coincidindo co arranque do verán e a celebración do Día Europeo da Música.

Entre o 20 e o 22 de xuño de 2025, ata un milleiro de artistas, intérpretes e especialistas na música e o baile tradicional de Galicia reuniranse na Cidade da Cultura neste IV Encontro Galego de Cultura Popular.

Novamente con Quique Peón como director artístico, o Serán’04 convídate a tres días de foliada nun encontro para tocar, cantar e bailar, para reencontrarnos, celebrar a nosa cultura propia e amosar a todo tipo de público a creatividade e riqueza da música e do baile galego.

A Fundación SGAE, por iniciativa do Consello Territorial da SGAE en Galicia, presenta a sexta edición do festival Acento. A programación busca ofrecer unha mostra das sonoridades urbanas na escena musical galega: o dúo compostelán Boyanka Kostova, a brasileira-viguesa Lua de Santana e o rimador 9Louro, de Muros.

O evento, que conmemora o Día Internacional da Música, celebrarase na terraza da SGAE en Santiago de Compostela (Parque Vista Alegre) o sábado 21 de xuño a partir das 20:30 horas. Trátase dun evento de acceso público e gratuíto que conta co apoio da Xunta de Galicia a través da Axencia Galega das Industrias Culturais (AGADIC).

Horarios
20:30 horas: 9Louro
21:45 horas: Lua de Santana
23:00 horas: Boyanka Kostova

Atardecer no Gaiás é un ciclo de concertos ao aire libre organizado pola Cidade da Cultura.

Gratuito e deseñado para gozar dos solpores de verán en Santiago de Compostela, presenta unha programación musical diversa: rap, neo‑tradicional, pop indie, electrónica e ritmos tropicais, entre outros. Desenvólvese na Praza Central do Gaiás os xoves e venres durante xullo e agosto, comezando ás 21:00 h .

The Rapants case non necesitan presentación. A banda, formada en Muros en 2018, leva animando desde entón festas e festivais por toda a Península Ibérica. Co seu último álbum La máquina del buen rollo (Premio MIN ao Mellor álbum en galego), e un son que surfea entre o pop, o garage e o disco, veñen a contaxiar a súa enerxía "rapante" e a facernos saltar ata gastar as zapatillas no primeiro concerto de Atardecer no Gaiás.

Feito a Man é un festival de rúa que nace no ano 2003 e que está organizado pola Asociación Cultural Cidade Vella nos espazos singulares da cidade de Santiago de Compostela.

Durante o mes de agosto, Feito a Man deseña e pon en escena un ciclo continuado de actuacións no que caben actividades artísticas de diverso xénero: música, cabaret, instalacións, performance, teatro, dj’s… Un festival de diversidade. Un fenómeno espacial onde interactúan os suxeitos dunha colectividade a través da creación.

PROGRAMA:

Luns 4
Praza da Quintana
20:30 h · SUMRRÁ (jazz)
22:15 h · BANDA DAS CRECHAS (folk, tradicional galega)

Martes 5
Virxe da Cerca – MOMO...A RÚA
20:45 h · TATO LÓPEZ & CIA (música de autor)
Praza de Feixóo
22:30 h · LUIS CARACOL TRIO · Portugal/Galicia (afroportuguesa)

Sesión OFF
Tras San Fiz de Solovio
22:30 h · COUSA NOSA (urbano, rap)

Mércores 6
Praza das Praterías
20:30 h · GOLDEN GALOS FURANCHO (blues)
Praza de San Martiño Pinario
22:15 h · JULIÁN MAESO TRIO (soul, funk, R’n’B)

Xoves 7
San Paio de Antealtares
21:30 h · AMOEBA SPLIT (rock progresivo, psicodelia)

Venres 8
Tras Salomé
20:30 h · ROCKMERO Y LOS DETERGENTES · Canarias (rock de autor)
Praza da Quintana
22:30 h · LENI PÉREZ & SEKADRA (fusión tradicional-jazz-rock-electrónica)

Sábado 9
Rúa Santo Agostiño – Ameas
20:30 h · LACANDONA · Arxentina/Galiza (rock de autor, reggae, rap, folklore latinoamericano)
Rúa de Xelmírez
22:15 h · LIDIA INDIA (folk, world music)

Sesión OFF
Praza de Cervantes
13:30 h · XISCO FEIJOO (tradicional galega)

Luns 11
Rúa da Fonte de San Miguel
21:30 h · MALABESTA (bluegrass do país)

Martes 12
Praza dos Gatos
21:00 h · A BANDA DA LOBA (pop-rock, folk)

Mércores 13
Tras Salomé
20:30 h · RADIO ZAPA (rock psicodélico)
Rúa de Xelmírez
22:15 h · SANTI ARAÚJO (rock alternativo)

Xoves 14
Praza das Praterías
20:00 h · XENTE. The Momento Impro (teatro de rúa)
San Martiño Pinario
21:30 h · ATEMPO Cuba (son cubano)

Venres 15
Virxe da Cerca – MOMO...A Rúa
20:30 h · IRIA PEÑA TRÍO (flamenco fusión)
Praza da Quintana
22:30 h · CANDORKA (folk-jazz-rock fusión)

Sábado 16
Rúa Santo Agostiño – Ameas
20:30 h · CHEKAN (funk, progresiva, psicodelia)
Tras San Fiz de Solovio
22:30 h · BATTOSAI (rock alternativo)

Luns 18
Praza de San Martiño Pinario
21:30 h · DJ PIMP & DJ MIL (house, rap, funk)

Martes 19
Vía Sacra
20:30 h · OS ENXEBRES DE SAN LÁZARO (tradicional)
San Paio de Antealtares
22:15 h · LA PAQUI MATA (soul, rhythm & blues)

Mércores 20
Tras San Fiz de Solovio
20:30 h · BEIRARRÚA (rock alternativo/de autor)
Praza dos Gatos
22:15 h · GUAYABERAS NEGRAS (rhythm & blues, groove, soul)

Xoves 21
Praza das Praterías
20:45 h · SUPERGLÚ (indie-pop, rock)

Praza de Feixóo
22:30 h · NANI GARCÍA TRÍO & TON RISCO (jazz)

Venres 22
Praza de San Martiño Pinario — Escenario NARF
20:30 h · LUCIANA JURY (folklore arxentino, tango)
21:30 h · SERGIO TANNUS & AGORATÁ Brasil/Galiza (samba, MPB, choro, rock)
23:30 h · RUBIA & THE BANDITS (rock psicodélico, acid rock)
Sesión OFF
San Paio de Antealtares
17:00 h · NANEIN DJ (nu-disco, house, electrónica)
Praza de San Martiño
21:30 h · UN DÍA CUALQUIERA (IMPRO teatro)

Luns 25
Sesión OFF
Rúa da Fonte de San Miguel
20:00 h · Mostra de alumnos de WAX! CULTURA DJ (house, latin house, dancehall, denbow)

+INFO

O sábado, 13 de setembro, ás 12:30 horas, o Museo do Pobo Galego acollerá unha actuación do grupo de pandeireteiras Raigañas, que terá lugar no xardín do Claustro. En caso de choiva, o concerto trasladarase ao Auditorio do Museo do Pobo Galego.

O grupo de Pandeireteiras Raigañas naceu en 1994 dentro do seo da Asociación Xuvenil Raigañas, colectivo cultural fundado en 1979 na parroquia de Cerqueda (Malpica de Bergantiños), co obxectivo de recoller e conservar música popular, máis concretamente o legado musical bergantiñán. Fórmano as pandeireteiras Olaya García, Sofía Vila, Helena Sanmamede, Susana Suárez, Ana Abelenda, Andrea Souto, Raquel Uxía Lema, Rosario Álvarez, Carme Álvarez, Uxía Corral e Mar Suárez. Dirixe o grupo Sonia Reborido. 

Na súa traxectoria, publicaron un disco, Baila que podes bailare, e acadaron diversos premios pola súa calidade musical e o seu labor de conservación do patrimonio musical. Ademais, participaron en diversas iniciativas, como o Proxecto Somos Pandeireteiras, de Mercedes Peón.

A entrada é libre até completar capacidade.

Esta proposta fai parte da programación do Museo do Pobo Galego ao redor das Letras Galegas 2025.

AmiguiS é unha formación a trío que nace como extensión do proxecto musical Migui Bouzó. Conformada por: Andrés Real (Baixo), Sara Rodríguez (Voz) e Migui Bouzó (Voz e Guitarra), o proxecto manten o concepto orixinal do artista en solitario, que recentemente editou o disco "cine i amor", e as adapta ás sensibilidades e instrumentación acústica. O proxecto fusiona a canción de autor coutros sons e ritmos contemporáneos, evocando así a artistas como Juan Quintero ou Jorge Drexler, polo seu peculiar estilo compositivo. A súa vez, a parte lírica é fundamental centrada na súa maioría na xuventude e o amor. 

Kreze é unha banda nacida na Coruña. Formada por guitarra, violoncello, viola, piano e voces. A súa música é unha viaxe a través das emocións e do seu propio mundo onírico. Procuran crear un ambiente de escoita e de conexión coas persoas oíntes para mergullarnos nas profundidades das súas melodías de corda e voces. En 2024 gravaron o seu primeiro disco “Ser”. Un álbum conceptual de 11 pezas que nos transportan desde a dozura e a inocencia ata o desgarramento dun mundo inxusto.

A II edición de AmalxGaza contará coa participación de artistas recoñecidos do país, como Mondra, Monoulious DOP, Wöyza ou Ruxe Ruxe, así como coa actuación do grupo de baile palestino Watani. A implicación desta serie de artistas de gran renome reflicte o compromiso do pobo galego coa causa palestina.

Todos os beneficios recadados serán destinados á UNRWA, axencia encargada de ofrecer asistencia humanitaria á poboación palestina.

As persoas que estén interesadas en facer unha doazón directa á UNRWA: EMERGENCIA EN GAZA: NECESITAN TU AYUDA. ES URGENTE. Bizum: 33369. Número de conta: ES09 2100 2262 14 0200346635

O dúo pioneiro de trap galego Boyanka Kostova, formado por Cibrán García e Chicho do Funk (Ortiga), actuará o 22 de outubro no Outono Cultural. O concerto será ás 21:00 h na Igrexa da Universidade, e as entradas poderanse recoller de balde ese mesmo día a partir das 20:30 h, cun máximo de dúas por persoa.

A súa música mestura retranca galega, folclore, ritmos tradicionais e sons urbanos, contemporáneos e electrónicos, con loops, samples e caixa de ritmos, mostrando a variedade de influencias do dúo santiagués.

Concerto do Dúo Pava con Lucía Aldao e Pablo Silva na súa versión máis íntima e acústica. PAVA é a proposta musical da poeta e compositora coruñesa Lucía Aldao. Un directo eléctrico e pegadizo que vai da psicodelia ao pop rock máis alternativo con tintes de crúas guitarras velvetianas. Nos traballos discográficos de Aldao sobrevoan as sombras de xigantas como PJ Harvey, a personalidade da súa voz e a forza das súas letras orbitan na elipse das novas voces femininas xurdidas nos últimos anos ao outro lado do Atlántico. Emoción e sorna, revisión e identidade, amizade e crítica son o fío condutor dos traballos de PAVA, unha das propostas máis orixinais e contundentes do pop galego actual.

No salón de actos. A entrada é libre ata completar a capacidade da sala.

C@nto contigo é un espectáculo no que Paco Nogueiras fai un percorrido por cancións dos seus traballos “Brinca Vai!”, “Radio Bulebule” e “Extra!” sacando a nosa lingua a voar de xeito lúdico e divertido. Neste Grandes éxitos hai retrousos e cancións para participar activamente, bailando sen complexos, acompañando coa voz, coas palmas ou con acenos. Paco Nogueiras chega acompañado dos seus instrumentos facendo un percorrido por un amplo abano de estilos musicais, dende o techno ao rock, pasando polo reggae ou a música electrónica, aínda que sen esquecer as influencias tradicionais.

C@nto contigo convértese así, nunha oportunidade de cantar con amigos e amigas nun particular concerto onde a música e o humor transformarán a biblioteca nunha festa moi especial onde ti es protagonista. C@nto contigo viaxa alí onde alguén queira cantar, rir, bailar ou simplemente escoitar coas mans e as orellas ben abertas! Asi que … colle aire, saca o teu mellor sorriso e … cantemos!

No salón de actos. Para público familiar. Entrada libre ata completar a capacidade da sala.

Un cantante punk e un cantante infantil condenados a compartir escenario acaban creando un delirio musical chamado “Concerto PunkInfantil”. Tras descubrirse e recoñecerse van confluíndo, progresivamente, nun espazo común dando como resultado este espectáculo musical e de clown para todos os públicos, no que está presente o concepto punk máis alá dos aspectos máis superficiais. Vencellado directamente co mundo infantil e as inquedanzas das cativas e cativos.

No salón de actos. Para público familiar. A entrada é libre ata completar a capacidade da sala.

Guadi Galego é unha das artistas máis relevantes da escena galega actual, froito dunha carreira musical que comeza sendo moi nova.

A xira “Síntese Horizonte”, chega ao seu fin cun concerto especial que terá lugar na sala Capitol de Santiago de Compostela.

O artista de pop alternativo Barry B actuará en Santiago o 30 de outubro na Sala Capitol, nun concerto gratuíto organizado ao abeiro dos Orzamentos Participativos de Mocidade. Compartirá escenario con tres bandas galegas vinculadas ao Centro Xove da Almáciga —Ginko Biloba, Futuro Alcalde e Amaramar— dentro do ciclo “Música no atardecer”.

A iniciativa busca apoiar o talento local e ofrecer á mocidade compostelá unha proposta musical atractiva. As entradas son de balde e poden recollerse previamente no Centro Sociocultural do Ensanche e no Centro Xove da Almáciga

Ruido. Así podería resumirse ‘III’, o terceiro disco de Grande Amore, publicado baixo o selo Ernie Records. Nuno, Clara e María lograron plasmar no estudio o son dos seus directos. Por isto, neste disco entrase, pero de aquí nunca se sae. 

A Escola Municipal de Música de Santiago de Compostela celebra o vindeiro venres 12 de decembro, ás 19:00 horas, no Auditorio de Galicia, o seu xa tradicional Festival de Nadal, unha cita moi agardada pola comunidade educativa e musical da cidade.

O concerto contará coa participación de todas as grandes formacións da Escola: a Bandiña, a Banda, a Orquestriña, a Orquestra, os Coros, a Agrupación de Música Tradicional, o Combo de Música Moderna e a Big Band, que ofrecerán un repertorio variado e pensado para todos os públicos, combinando música galega, clásica, contemporánea e moderna.

A Escola Municipal de Música, que na actualidade suma 434 persoas matriculadas, acolle alumnado dende os 3 anos e sen límite de idade, consolidándose como un espazo inclusivo no que toda a cidadanía compostelá, independentemente da súa condición ou capacidade, pode descubrir, aprender e compartir música. Este carácter aberto e integrador converte a Escola nun proxecto educativo e cultural de referencia en Galicia.

O Festival de Nadal preséntase como unha mostra do traballo desenvolvido polo profesorado e polo alumnado nos últimos meses, así como unha celebración colectiva que destaca o valor da educación musical na vida cultural de Santiago. A entrada será libre ata completar capacidade. Para máis información, pódense consultar as redes sociais e os canais oficiais da Escola Municipal de Música de Santiago de Compostela.

O Teatro Principal acolle o venres 19 de decembro o recital Cantar a Nación, para conmemorar a estrea institucional do Himno Galego en 1907 na Habana. Diferentes corais e agrupacións musicais percorren Galicia para celebrar colectivamente esta obra fundacional da identidade galega.

En Compostela, o acto estará presentado por Xurxo Souto e contará con De Ninghures e Coro da Ra, nun encontro que reivindica a forza da música como expresión comunitaria e memoria viva da nación.

De Ninghures mestura música tradicional galega con ritmos e influencias doutros países, combinando mestría musical e actitude desenfadada.
Coro da Ra destaca pola súa versatilidade, conectando Galicia coa Lusofonía, con máis de trinta anos de traxectoria e recoñecida con premios como o Martín Códax da Música.

Abraham Cupeiro presenta “Loira”, o seu novo álbum.

Mentres escribo estas liñas, ela, Loira, está o meu carón, como cando facia vídeos na cuarentena no sofá da miña casa. Quizais teña que ver que estea cega para que lle guste tanto a música.

Ela é mestiza, coma este disco que ten temas dispares, pezas que pasan da euforia ao recollemento, cancións que son unha escolma de temas perdidos nun caixón dende hai anos e que me apetecía que quedaran rexistrados para que os poidades desfrutar.

(Abraham Cupeiro)

No comezo de 2024, Xabier Díaz & Adufeiras de Salitre publicaron o seu último disco, Axúdame a sentir, o que foi o cuarto da súa carreira en conxunto. Con este albúm, e tras 10 anos de traxectoria e máis de 400 concertos, continúan traballando na recuperación e dignificación da música tradicional transmitida polas mulleres das aldeas do país.

A Asociación Cultural O Galo organiza o Concerto de Nadal a cargo do grupo de música antiga 1500. De pratos e cantos, que terá lugar o 29 de decembro no Museo das Peregrinacións. A cita propón unha viaxe musical por repertorios históricos vinculados á tradición vocal e instrumental, nun espazo de alto valor patrimonial. Como peche do acto, a Asociación Cultural O Galo regalará ás persoas asistentes o libro Fernando Ruis de Castro. Ou Prófugas e apóstatas. As monxas touquinegras de Galiza, reforzando o diálogo entre música, historia e divulgación cultural.

Familia Caamagno presentan o seu novo LP Disco Comarcal nun espectáculo único acompañado pola "Orquestra do Quince". Mercando a entrada anticipada, os primeiros 100 fans poderán conseguir o vinilo a un prezo especial de 20 € (pvp 25 €), dispoñible o día do concerto no posto de merchandising.

A asociación Breizh Galiza organiza un fest-deiz bretón o domingo 8 de febreiro, de 17:00 a 20:30 h, na Nave de Vidán. Trátase dun encontro convivial con música en directo a cargo de Da VAB (Xacobe Varela, Xavier Agra e María Blanco) e do grupo ferrolán As Pías, no que o público poderá bailar danzas tradicionais de Bretaña e da Galiza arredor da celebración da chandeleur, vencellada á elaboración e degustación de crêpes. A partir das 19:00 h haberá foliada libre e tamén un sorteo. Entrada: 5 €; 3 € para persoas socias e menores de 10 anos.

O trío Alana actuará na Primavera Cultural nun concerto que está programado para o xoves 19 de febreiro ás 21.00 horas na Igrexa da Universidade.

O acceso é de balde, previa recollida de entradas (máx. 2/persoa) desde as 20.30 horas na Igrexa da Universidade o mesmo día do concerto. A apertura de portas será ás 20.50 horas.

No marco do ciclo CIRCUM, Alba María e Nacho Muñoz presentan Aira, un espazo aberto de creación onde a tradición oral, a palabra improvisada e as artes do son conflúen nunha proposta performática, volátil e chea de humor. Nacido dunha foliada espontánea entre instrumentos tradicionais, electrónica e poesía fonética, o proxecto mestura sintetizador analóxico, piano, cantigas, ruidismo e palabra viva para construír unha experiencia sonora orgánica e nómade. Aira dialoga coa memoria colectiva e co pulso contemporáneo, evocando tanto o lume da celebración como os espazos cotiáns onde se traballa, se canta e se transmite a cultura de xeración en xeración.

ANTÍA MUÍÑO

MÚSICA · CICLO FIESTRA ABERTA

Antía Muíño presenta Anfibia Por Veces, o seu segundo disco, un traballo precioso e contemporáneo no que a canción continúa no centro. Entre a música de raíz e o jazz-pop, a intimidade das súas autorías dialoga co pulso do canto e da percusión tradicional, consolidando esa linguaxe propia que a situou como unha das revelacións da nova canción galega. Para este concerto especial na súa cidade, Antía Muíño propón un directo luminoso e cheo de forza colectiva, arroupada por todas as artistas que participan no álbum.

Martín Louro presenta o seu novo disco Amorrer na Sala Capitol, nunha festa para celebrar que estamos vivos. Será unha noite con música galega feita con verdade e cariño, convidados especiais, sorpresas e un novo directo pensado para a ocasión. A Nuite Dos Non Mortos promete emoción, baile e brindis pola música que segue medrando en Galicia.

CICLO FIESTRA ABERTA

SÉS presenta ao vivo o seu novo traballo, "Nadando na incerteza", un traballo no que a canción sitúase no centro absoluto, sen sobreproducións nin artificios, nun exercicio de artesanía e autenticidade que reivindica a súa condición de cantora e facedora de cancións. O disco, composto por 13 cancións orixinais, caracterízase pola tendencia á sinxeleza instrumental, as voces que respiran con peso e temas concibidos para sosterse por si mesmos, coa palabra e a melodía como eixos arredor dos que todo xira.

Unto Vello estreará en directo o seu primeiro disco, Inmaterial, nun concerto concibido como un acto colectivo no que a música tradicional galega se converte nun espazo de encontro, memoria e celebración. O dúo, formado por Bieito Pereira e Xabi Gómez, estará acompañado por diversas colaboradoras. O disco recompila cantares recollidos por todo o país e conta coa produción de Hevi (Laboratorio Soyuz).

A estrea en directo do novo álbum da banda galega The Rapants chegará o 28 de marzo. A gran inauguración de Rapants Club, o seu cuarto LP, terá lugar o último sábado de marzo no Multiusos Fontes do Sar de Santiago de Compostela.

Os muradáns escolleron a súa cidade de adopción, Santiago de Compostela, para dar a coñecer este novo traballo, un álbum cunha sonoridade moi especial que amosa a evolución do grupo ao tempo que mantén a esencia e identidade ‘rapante’. Con Rapants Club, que tamén verá a luz en marzo, The Rapants atrévense a experimentar. O cuarteto abre a porta a diferentes estilos musicais e ofrece letras máis escuras, pero non renuncia a potenciar o baile, as guitarras frenéticas e os retrousos memorables, todo aderezado coa naturalidade e honestidade que caracterizan á banda.

A inauguración de Rapants Club será unha gran festa para a música en directo en Galicia, na que os ‘rapantes’ darán as “jrasias por confiar” no seu proxecto. A alegría, o bo rollo, os pogos e, por suposto, un intenso tráfico aéreo daranse cita o sábado 28 de marzo na pista do Sar, nun evento que conta co apoio do Concello de Santiago de Compostela. Será unha noite na que, ademais de gozar dos novos temas da banda, o público — e moi especialmente os ‘rapants fan juligans’ — “viaxarán ao profundo” da man do grupo para vibrar con himnos que identifican a toda unha xeración galega.

ROCÍO MÁRQUEZ

MÚSICA · CICLO FIESTRA ABERTA

Rocío Márquez é unha das figuras fundamentais da música flamenca do século XXI. Á hora de posicionarse coma cantaora, toma o testigo de grandes renovadores do xénero. Nas súas tres décadas de carreira artística, aúna rigor investigador, vocación creadora e excelencia interpretativa. O resultado, unha rotunda contribución a que o flamenco esté hoxe situado na vangarda da música actual.

Nesta ocasión, acompañada polo guitarrista Pedro Rojas- Ogayar, presenta HIMNO VERTICAL. O réquiem, tradicionalmente un canto de despedida, unha misa que rende tributo aos mortos, convírtese neste proxecto nunha obra que honra non so o final, senon tamén o comezo, o fluir e a transformación. Este réquiem non segue os dictados da autoría, nin pertence a unha única voz. É un eco coral que resoa desde o colectivo, un ritual de despedida e benvida á vez, unha cerimonia circular que invita a cuestionar o ciclo da vida e a morte como polos opostos e a asumilos coma unha única danza.

CICLO FIESTRA ABERTA

Concerto de presentación do disco Amorodios de Xan Campos 

Xan Campos é unha das voces máis persoais e recoñecidas do jazz ibérico contemporáneo. Nacido en Cangas en 1987, formouse en conservatorios de Alemaña, Países Baixos e Dinamarca, desenvolvendo unha linguaxe musical que bebe do jazz europeo máis aberto e da exploración constante das formas e os timbres. Con cinco discos como líder e máis de trinta como sideman, participou en festivais de referencia en Europa e América Latina e colaborou con algunhas das figuras máis importantes do jazz internacional. A súa música destaca pola experimentación rítmica, as harmonias expresivas e a mestura de influencias que van da música electrónica ao impresionismo, sempre cunha clara vontade de fuxir do establecido.

Amorodios é o seu proxecto máis recente e, ao mesmo tempo, un punto de inflexión na súa traxectoria. Sen abandonar a identidade musical que definiu os seus traballos anteriores, este novo cuarteto abre unha vía nova no seu universo sonoro: por primeira vez, as letras e a voz entran no centro da proposta, grazas á presenza de Faia Díaz, cantante profundamente conectada coa tradición oral galega e que achega co seu canto unha forza nova, unha verdade que transforma a música e a volve raíz. Completan a banda dous músicos fundamentais do jazz galego: o batería Iago Fernández, recoñecido internacionalmente pola súa capacidade expresiva, e  o guitarrista e baixista Virxilio Da Silva, que aporta unha gran riqueza tímbrica con ecos do rock. Amorodios é unha catarse e unha síntese, unha música viva, honesta, sen artificios, que conxuga mundos distintos para contar algo novo.

MUSICALMENTE

Idade recomendada: de 0 a 3 anos
Duración: 45 min
Lingua: non verbal

Monteverdi, Bach e Mozart son algúns dos anfitrións dunha ampla lista de compositores que nos levan do clásico ao jazz, do tradicional portugués ás músicas do mundo, da electrónica á improvisación e ao movemento compartido entre familias e crianzas. 
Saxofóns, clarinetes, birimbaos, cavaquiños e outros instrumentos, conforman un universo sonoro amplo e estimulante, pensado para acompañar a curiosidade do público máis pequeniño.

CICLO FIESTRA ABERTA

Concerto de presentación do disco A estrela mostrada de Pablo Sanmamed.
Unha viaxe sonora entre o medieval e o contemporaneo. Logo do éxito de Ben vennas Maio, Pablo Sanmamed regresa con A Estrela Mostrada, un novo proxecto que se editará en maio de 2026 e volve iluminar o diálogo entre a música antiga e o jazz contemporáneo. Inspirado nas cantigas da lírica galego-portuguesa e noutras tradicións medievais — occitana, arábigo-andalusí—, Sanmamed propón unha obra de sonoridades actuais e profundamente emocionais, onde o pasado resoa como materia viva no presente.

Eris Mackenzie é o proxecto do produtor e compositor coruñés Carlos Eirís, que fusiona electrónica de vangarda con elementos da tradición galega. O artista combina electrónica, minimal-techno ou hardstyle con alalás, jotas e melodías populares para construír un son propio. Autodidacta, crea desde un espazo moi persoal no que o piano e a produción dixital dialogan para dar forma a unha identidade sonora única.

Contemporáneas. Sarela Caudal Sonoro
Colectivo Galicia Emocional, dinamización e coordinación
Nacho Muñoz, músico
Sol Álvarez e Marcos PTT, Demiúrgo

Un paseo acústico
Desde a Ponte do Carme até o Muíño de Parente (aprox. 75 min.)
(Máximo 20 persoas en cada paseo previa inscrición en compostelacultura.gal)

A auga é vida, memoria e transformación. O Sarela foi alimento e motor do lecer, da vida e da economía de Compostela, desde que a cidade era tan só unha pequena vila, servindo de testemuña silenciosa do paso do tempo… Mais isto tan só é unha frase feita. Porque o Sarela é de todo menos silencioso. O seu constante borboriñar define a súa contorna, e ese son é o que imos amplificar e redescubrir nestes paseos sonoros en vivo realizados polo Colectivo Galiza Emocional.

Cunha importancia económica e industrial moito menor na actualidade, vemos estes lugares como zonas residenciais periféricas ou áreas de lecer para descansar do asfalto. Pero o Sarela reborda moita máis vida da que se ve a simple vista. Nas súas beiras garda segredos, intimidades e a pegada do tempo.

Nestes paseos seguiremos un itinerario por fontes, lavadoiros, aceas ou canais de rega, lembrando a importancia que as infraestruturas fluviais do Sarela tiveron para esculpir a moderna Compostela. Revelarase ao longo do paseo o xeito no que as comunidades aproveitaban os recursos naturais, e a necesidade actual de coidar deles. Non convén dar por feita a auga: preto de 2.200 millóns de persoas continúan sen acceso á auga potable.

Sarela Caudal Sonoro consiste nun paseo sonoro amplificado que permite a escoita atenta e consciente das múltiples formas de auga, vida, paisaxe e memoria existentes na contorna do río Sarela. A experiencia é inmersiva: mediante un sistema Silent Disco de alta calidade, captaremos e transformaremos en directo os sons do percorrido, creando unha peza sonora única en cada ruta.

Empregaranse distintas técnicas e dispositivos de captación de audio —micrófonos binaurais, cardioides, xeófonos ou hidrófonos—, pero máis aló do tecnolóxico, o obxectivo é evocar emocións. O percorrido está deseñado para conectar coa memoria do lugar, a través das súas ruínas, casas e lavadoiros.

Unha persoa guía o grupo, propoñendo dinámicas e xerando contrastes poéticos co escoitado. As persoas paseantes atoparanse con breves intervencións artísticas —instalacións, performances ou música—, así como con testemuñas da veciñanza. Durante a creación do proxecto, o colectivo falou con habitantes e persoas da zona para incorporar historias e lembranzas que enriquezan a experiencia.

Deste xeito, mantense a identidade do Colectivo Galiza Emocional: combinar a emoción que habita no territorio e a creación sonora contemporánea coa divulgación da historia e o presente do territorio. Para loitar por un futuro que pague a pena.

Evento solidario coas Escolas de Ensino Galego Semente, unha rede asociativa sen ánimo de lucro que promove unha educación autocentrada, multilingüe, inclusiva, laica e pedagoxicamente renovadora.

A xornada combinará intervencións institucionais cunha coidada programación artística, que contará coa participación de Sés, Mondra, Ukestra do Médio, As Bouba, Peter Punk e o Regueifa Tour. A través da música e do humor, a festa busca crear un espazo de encontro para a comunidade educativa da Semente e para todas aquelas persoas que apoian esta iniciativa.

Un dos momentos centrais será a presentación pública da Federación de Escolas de Ensino Galego Semente, unha nova estrutura que reforza a coordinación e o crecemento do proxecto, consolidando a súa presenza no territorio e ampliando o seu impacto social e educativo.

Un cantante punk e un cantante infantil condenados a compartir escenario acaban creando un delirio musical chamado “Concerto PunkInfantil”. Tras descubrirse e recoñecerse van confluíndo, progresivamente, nun espazo común dando como resultado este espectáculo musical e de clown para todos os públicos, no que está presente o concepto punk máis alá dos aspectos máis superficiais. Vencellado directamente co mundo infantil e as inquedanzas das cativas e cativos.

No salón de actos. Para público familiar. A entrada é libre ata completar a capacidade da sala.

MUSICALMENTE

Idade recomendada: de 0 a 3 anos
Duración: 45 min
Lingua: non verbal

Monteverdi, Bach e Mozart son algúns dos anfitrións dunha ampla lista de compositores que nos levan do clásico ao jazz, do tradicional portugués ás músicas do mundo, da electrónica á improvisación e ao movemento compartido entre familias e crianzas. 
Saxofóns, clarinetes, birimbaos, cavaquiños e outros instrumentos, conforman un universo sonoro amplo e estimulante, pensado para acompañar a curiosidade do público máis pequeniño.

Celebramos o Día do Libro co espectáculo “Mans” a cargo de Pablísimo. “Mans” é un espectáculo de teatro e narración oral onde as historias se contan con palabras e as personaxes aparecen nas mans.

Contos populares, contos de creación propia, fábulas e xogos coas mans son dramatizados con sombras chinesas, monicreques, luvas e moita imaxinación. Un orixinal espectáculo onde as mans non pararán de falar.

No salón de actos. Para público familiar. A entrada é libre ata completar a capacidade da sala.

Con motivo do Día do Libro achegarémonos aos inicios da escritura para comprender a importancia desta ferramenta na comunicación e rexistro de información. Coñeceremos e experimentaremos con distintos soportes e utensilios empregados para a escrita ao longo da historia, centrándonos nesta ocasión no antigo Exipto.

Público infantil de 6 a 12 anos

Actividade gratuíta

Imprescindible reserva previa: https://mupega.edu.xunta.gal/inscricion-actividades-e-obradoiros

Celebramos o Día do Teatro co espectáculo de monicreques “O traxe novo do rei” da man de Tarabelos. Un traxe especial, para un rei especial. Aquel traxe novo e máxico prometía ser un capricho inigualable e unha ferramenta perfecta para saber o nivel de intelixencia de calquera habitante da corte. Podería ser certo? Funcionaría? Dalgún xeito si; pero non como el o esperaba. Tarabelos emprega a técnica de narración ilustrada con monicreques de boca, monicreques de mesa e miniaturas.

No salón de actos. Para nenas e nenos de 3 a 8 anos. A entrada é libre ata completar a capacidade da sala.

EN FAMILIA · XOGAMOS NA CASA!

Idade recomendada: de 1 a 12 anos
Duración: 2 h 
Lingua: galego

SORORAS

SororAs é un espazo de creación e aprendizaxe en igualdade dende a aplicación da perspectiva de xénero. A través dos xogos tradicionais, constrúen un espazo de diversión para a rapazada de 1 a 12 anos, no que aprender cos brinquedos de hoxe e de sempre. Pensados principalmente para poñer a proba a axilidade mental das persoas que participen, así como fomentar o traballo en equipo dende unha experiencia interxeracional, inclusiva e con perspectiva de xénero.

Espectáculo de narración oral con obxectos e monicreques da man de Raquel Queizás.

No marco dunhas Letras Galegas dedicadas á poesía popular oral e á figura das nosas cantareiras, no Gaiás convidámosvos a un obradoiro familiar de cantigas tradicionais e percusión miúda para deconstruírmos xuntas as letras da tradición galega, propoñer outras novas e aprender a tocar con obxectos cotiáns: desde culleres ata cunchas.

As pandeireteiras e cantareiras son símbolo de resistencia e sororidade: cantadoras, tocadoras e bailadoras lideraban seráns e foliadas e a súa figura foi fundamental na preservación e transmisión da nosa cultura popular oral. Porén, as cantigas tradicionais tiñan a miúdo nas súas letras unha compoñente sexista na que non sempre reparamos.

Partindo deste contexto, chega esta proposta especialmente concibida para público infantil e adolescente e pensada para realizar en familia. Comezando cunha análise con perspectiva de xénero de coplas do cancioneiro tradicional, as persoas participantes crearán xuntas novos textos baseados en conceptos de igualdade e non violencia. Todo isto acompañado da aprendizaxe de instrumentos de percusión miúda: elementos da vida cotiá como cunchas, culleres, botellas ou piñas, cos que acompañar musicalmente esta nova copla afastada dos estereotipos sexistas.

Re—cantos | Interpretación compartida de cantigas de Adolfina e Rosa 

Ao remate do obradoiro, as persoas participantes no mesmo —acompañadas de todas aquelas que visiten o Gaiás e se animen a sumarse a esta proposta— realizarán unha interpretación compartida de dúas das cantigas das irmás Adolfina e Rosa Casás Rama. Unha actividade participativa que convida a cidadanía a unirse arredor da nosa música tradicional coa celebración das Letras Galegas como marco xeral.

Con este chamamento aberto a cantar xuntas nunha improvisada foliada e co acompañamento de percusión de man, procúrase poñer en valor a música tradicional e a súa transmisión interxeracional. A partir da actividade elaborarase un vídeo que será compartido posteriormente nas redes sociais da Cidade da Cultura, servindo como memoria audiovisual do evento e como ferramenta de difusión do patrimonio inmaterial galego.

Información práctica

— Obradoiro didáctico, para público infantil (a partir de 4 anos) e adolescente. O obradoiro está concibido para realizar en familia: os nenos e nenas deberán estar acompañadas dunha persoa adulta responsable, que participará activamente da actividade e deberá tamén mercar entrada

— Entradas: 3€

— Duración: 90 minutos

Coincidindo co ano das Letras Galegas 2025, dedicado ás cantareiras e á tradición popular, e no marco dos festexos do Banquete de Conxo, xorde esta foliada para reivindicar o patrimonio oral galego-portugués, un patrimonio compartido coa lusofonía e que Ponte...Nas Ondas! vén divulgando e transmitindo ás novas xeracións.

A foliada vai xuntar en Compostela a grupos de música, baile e pandeireteiras de 15 centros educativos de Galicia e Portugal nunha romaría das Letras Galego-Portuguesas. 

 A iniciativa conta coa colaboración do Concello, da Deputación da Coruña, do Consello da Cultura Galega e da Xunta.

Carmen, a cantareira de aldea é un contacontos que te adentra nunha fermosa aventura cunha nena dunha aldea galega que soña con viaxar polo mundo coa súa pandeireta máxica. A través da música tradicional, Carmen descubrirá novas amizades, vivirá momentos máxicos e aprenderá importantes valores como o respecto e o amor pola súa cultura.

Nesta actividade interactiva, as crianzas gozarán dunha historia chea de música, xogos e participación, mentres se mergullan nas raíces da tradición galega. Non faltarán cantigas, ritmos e moita diversión!

No salón de actos. Actividade dirixida a nenas e nenos de 3 a 6 anos. Entrada libre ata completar a capacidade da sala.

O carteiro de Ximaraos é unha peza teatral de pequeno formato para a infancia profundamente conmovedora, baseada na obra gañadora do Premio Manuel María de Literatura Dramática 2024 polo seu autor, Carlos Labraña.

A historia mestura maxistralmente realidade e fantasía para abordar dúas temáticas de gran relevancia: o impacto emocional do alzhéimer nas familias e o papel da memoria ligada ao correo postal como fío condutor das relacións humanas.

A obra céntrase na relación entre un avó, antigo carteiro da vila de Ximaraos, e o seu neto, que descobre na saca do avó un tesouro de cartas esquecidas. A través desta conexión, o espectáculo reflexiona sobre como as historias, as memorias compartidas e os pequenos rituais familiares poden enfrontarse ao esquecemento. A obra aborda con sensibilidade e honestidade a enfermidade do alzhéimer, mostrando como afecta á persoa que a padece e aos que están ao seu redor. O avó, cada vez máis afastado da realidade, atopa refuxio nas súas historias e nos recordos das postais que acumulou durante a súa vida como carteiro. Estes recordos convertéronse no único vínculo que lle permite manter certa conexión co presente. A través das súas vivencias e relatos, reflíctese o poder curativo da imaxinación e a importancia de preservar a dignidade e o afecto fronte ás limitacións da memoria.

Promoven o Centro Dramático Galego e Os Monicreques de Kukas.

Contacontos para bebes da man de Raquel Queizás.

Unha historia tenra e chea de aprendizaxes, que pon en valor a identidade, a lingua e a riqueza da diversidade desde a primeira infancia.

Actividade familiar. Axeitada para nenos/as de 1-4 anos

Actividade de animación á lectura a través da maxia mediante historias, contos e xogos.

O Mago Paco é un personaxe moi peculiar que non para de argallar novas maxias para as nenas e nenos. Desta volta mestura a risa como elemento principal para sorprender ás máis pequenas e pequenos coas súas historias cheas de maxia a través dos contos. A maxia está nos contos.

No salón de actos. Para público familiar. Entrada libre ata completar a capacidade da sala.

Nuno é un gato curioso, irreverente e cheo de imaxinación. Vive no seu mundo felino como se fose un rei, e cada día é unha nova aventura: perseguir sombras, soñar con paxaros imposibles ou facerlle trampas ao reloxo da casa. Nos "Contos Michiños", as súas pequenas trapalladas convértense en contos cheos de humor, tenrura e algunha que outra reflexión miúda sobre o mundo dos humanos.

Contacontos a cargo de Sole Felloza.

No salón de actos. Para nenas e nenos de 3 a 8 anos. A entrada é libre ata completar a capacidade da sala.

A xornada pretende lembrar os beneficios do xogo no desenvolvemento integral das persoas. Xogar favorece un crecemento equilibrado do corpo, a intelixencia, a afectividade e a sociabilidade, de modo que unha crianza que xoga é unha crianza sá. 

As actividades no Paseo Central da Alameda desenvolveranse a partir das 17.30 horas e a participación é aberta e de balde. Haberá un espazo de xogos tradicionais galegos, outro para xogos grupais e cooperativos, inchables., tirolina e tiro con arco. Tamén  se vai acondicionar un circuito-ximcana, que os nenos e nenas poderán percorrer coas súas bicicletas; e un xogo de xeocaching dirixido a nenos e nenas a partir de 10 anos, e para o que é precisa inscrición. A xornada complétase coa representación de “Ghop!”, unha proposta de Teatro ao Cubo para o público familiar, na que se combinan malabares, monicreques, acrobacias e maxia. 

O artigo 31 da Convención dos dereitos do neno, recoñece “o dereito dos nenos e as nenas ao descanso e ao lecer, ao xogo e ás actividades recreativas propias da súa idade e a participar libremente na vida cultural e nas artes. Respectaranse e promoverase o seu dereito a participar plenamente na vida cultural e artística e propiciaranse oportunidades apropiadas, en condicións de igualdade, de participar na vida cultural, artística, recreativa e de lecer”.

Partindo dese artigo, no acto do venres daráselle lectura a un manifesto que recoñece que o xogo é unha actividade esencial para o desenvolvemento das persoas, que favorece a súa saúde física e mental, fomenta a comunicación, potencia a creatividade e o talento, e incide directamente na súa intelixencia emocional.

Que pasaría se puidésemos coñecer a Castelao cando era neno? Un neno de 8 anos, aventureiro, pícaro e cheo de imaxinación, xogando polos peiraos de Rianxo, debuxando máscaras de Entroido e escoitando historias da Santa Compaña dende o campanario. Esta obra achéganos a ese pequeno Daniel, que está a piques de marchar para a Arxentina… pero antes, ¡desaparece!

A Biblioteca de Galicia acolle esta proposta teatral con motivo do Ano Castelao: un espectáculo vibrante e cheo de humor dirixido por Fina Calleja e protagonizado por Mónica Caamaño e Cris Collazo. Unha peza pensada para o público infantil que convida a participar activamente nunha historia chea de maxia e memoria.

A tensión dramática medra co reloxo: hai que atopar a Castelao antes de que zarpe o barco. A súa compañeira de viaxe é Baltasara, unha figura misteriosa que vive en todas partes e en ningunha, e que nos guía por un percorrido máxico polos recunchos máis lendarios da vila. Entre xogos, palabras e debuxos, o neno Castelao terá que superar os desafíos que lle agardan antes de cruzar o océano.

Un espectáculo divertido, trepidante e cheo de poesía visual que achega por primeira vez a figura de Castelao ao público infantil, poñendo en valor a súa creatividade, o seu amor polo país e a súa maneira única de mirar o mundo.

Contacontos a cargo de Marisa Irimia.

Contos de sabores, olores e sons, contos chegados doutros lares, contos doutros tempos e outras falas, contos de risas e cancións, contos.. Un espazo íntimo e irreal onde os sentidos e a maxia das palabras cobran especial protagonismo, un espazo no que só teremos que deixarnos levar.

No salón de actos. Para nenas e nenos de 3 a 8 anos. A entrada é libre ata completar a capacidade da sala.

En tempos de María Castaña, cando os animais falaban, había un neno miudiño, miudiño coma un garavanzo. Tan pequeniño que ir ao mercado era unha aventura.

Contacontos a cargo de Sara Cruz.

No salón de actos. Para nenas e nenos de 3 a 8 anos. A entrada é libre ata completar a capacidade da sala.

O Parque Eugenio Granell acollerá o vindeiro 22 de xullo, unha xornada de divertimento dedicada especificamente á cativada de Compostela, a Festa Pícara. Trátase dunha xornada encadrada na programación das Festas do Apóstolo que contará con actividades variadas de teatro, música, títeres, obradoiros na lingua propia e poñendo en valor a cultura do país e achegando os pequenos e pequenas á lusofonía a través da música.

Programa:

12 H Consertasso na horta. Brais das Hortas
13 H Foliada pícara. Pesdelán
14 A 16 H Xantar no parque
16.30 H Canto contigo. Paco Nogueiras
17.30 H Home orquestra e cabezudos
18 H 25 Aniversario de Mamá Cabra
19 H Home orquestra e cabezudos
19.30 H Tributo Lembra Xabarín

Actividades durante toda a xornada: obradoiros, xogos, maquillaxe…

Coñecedes a Rosiña? É unha galiña moi especial: pon ovos de conto! Dentro de cada un agocha personaxes sorprendentes que agardan ser descubertos. Mais a pobre está nun apuro: encargáronlle varias ducias de ovos para a feira e soa non pode con tanto traballo. Queredes botarlle unha man?

Neste obradoiro creativo en conmemoración do Día da Alfabetización, a narración oral e a plástica danse a man para convidar á rapazada a mergullarse nunha historia que medra coa súa participación. Primeiro coñecerán a vida da galiña e escoitarán o que acontece no seu galiñeiro máxico. Despois, entre todas e todos, irán recollendo ovos, descubrindo os personaxes que se esconden no seu interior e dando forma a un conto colectivo. Para iso, aprenderán a modelar novos bonecos cos que darlle vida aos seus personaxes. Ademais, levarán consigo a receita da masa para seguir xogando e inventando na casa.

A galiña dos ovos de conto é unha proposta participativa, lúdica e creativa, na que literatura, artes plásticas e fantasía se mesturan para promover o desenvolvemento artístico dende idades temperás. 

“As lendas do Conde Breixo” é o nome dunha peza de teatro en teatro de papel en clave de contacontos, narrada a través de Emakis e Kamishibai tradicional xaponés.

O seu guión está baseado en varias lendas e mitos tradicionais galegos, nas que se combinan a manipulación do teatro de papel tradicional xaponés (kamishibai), coa técnica emaki (teatro lumínico tradicional xaponés a partir de pergamiños ilustrados).

No salón de actos. Para nenas e nenos de 3 a 8 anos. A entrada é libre ata completar a capacidade da sala.

O espectáculo conta a viaxe de Fazulas, o gato persa de dona Adelaida, na súa teima por saber de que cor é o vento. Para dar resposta a ese misterio emprenderá unha fantástica aventura collido á empuñadura dun paraugas.

Un espectáculo ideal para traballar en valores. O contacontos mergúllanos no eido da curiosidade infantil, naquela etapa na que as cativas e os cativos son exploradores do mundo, comezando o camiño da súa aprendizaxe. Tamén quere sensibilizar aos máis pequenos e pequenas en temas como a violencia machista, os conflitos bélicos ou a indefensión que sofren en moitos países do terceiro mundo.

No salón de actos. Para nenas e nenos de 3 a 8 anos. A entrada é libre ata completar a capacidade da sala.

Cedemos o espazo e celebramos o Día Europeo das Linguas co contacontos e posterior obradoiro en inglés “The king´s servant” a cargo de Kids&Us. Convidámoste ao fantástico castelo dun rei moi peculiar. Grazas ao criado do rei, o amable (e estresado) Jenkins, poderemos participar nun auténtico baile medieval.

No salón de actos. Para nenas e nenos de 3 a 7 anos. A entrada é libre ata completar a capacidade da sala.

Celebramos o Día Internacional das Linguas de Signos co contacontos “Unhas lentes como as do avó” da man de Gema Santos e Caxoto. A primeira vez que Laura viu a dúas persoas falar en lingua de signos pasoulle o mesmo que a todos... non entendía nada!. Pero aquela idea de falar coas mans gustoulle moito así que aquela tarde, despois de facer os deberes, saíu ao xardín para imaxinar un mundo onde as persoas falasen coas mans.

Neste espectáculo a lingua de signos e a lingua oral conviven por igual no escenario. Un espectáculo para persoas xordas e ouvintes. Un espectáculo integrador cheo de fantasía, maxia e humor.

No salón de actos. Para público familiar. A entrada é libre ata completar a capacidade da sala.

Pum, pum! Quen é? Quen chama á miña casa, casiña, casona? Imos visitar casas grandes, diminutas, casas que caben na man, casas-zapato, casas de fío, casas-maleta que viaxan polo mundo...Tamén imos coñecer aos seus habitates: animais que falan, obxectos cotiás e máxicos, familias diversas e asombrosas...A casa é o símbolo do colo amoroso que nos acolle nos primeiros anos de vida, o colo que nos arrola, abraza e protexe. A casa é o fogar, o centro do mundo na primeira infancia. E está chea de portas e ventás que se abren ao mundo e que nos convidan a descubrilo. Cadaquén ao seu ritmo, levada pola súa propia curiosidade.

Un espectáculo para a primeira infancia e as súas familias baseado no asombro, a transmisión do amor a través da lingua galega e a palabra, dos primeiros cantos, xogos, cancións de dedos, trabalinguas, arrolos, poemas… que forxan os cimentos da casa que construímos ao longo das nosas vidas.

No salón de actos. Para nenas e nenos de 0 a 3 anos. A entrada é libre ata completar a capacidade da sala.

A Casa das Máquinas retoma a súa actividade como espazo aberto ao xogo e á imaxinación para a rapazada de 1 a 12 anos.

Os Xogos do Paporrubio son un compendio de brinquedos autónomos e animados de temática agraria, que nos permitirá coñecer un dos paxaros máis pequenos, rebuldeiros e cantaruxeiros da nosa fauna.
A finalidade é facer accesible, a través da diversión en familia, unha cultura agraria que de por si adoita fascinar e marabillar.

Polos camiños da terra van quen queren chegar lonxe, de vagar, atopando atrancos, e persoas descoñecidas, e aventuras fantásticas ou pequenas peripecias, perigos, sorpresas.

Polos camiños do aire van quen adiviñaron como voar, coa axuda de paxaros ou alfombras, de vasoiras ou de rachas de vento.

Polos camiños do mar van quen esperan atopar illas misteriosas, música feita por ondas e sereas, baleas brancas, luras xigantes, tesouros que poden non ser de ouro nin de prata senón de corais e criaturas das profundidades.

E os contos viaxan, de boca en boca, pola terra, polo mar e, sobre todo, polo aire.

No salón de actos. Para nenas e nenos de 3 a 8 anos. Entrada libre ata completar a capacidade da sala.

O Samaín en Galicia é unha celebración estreitamente relacionada co Día dos Defuntos e co magosto. Está baseada na tradición de tallar cabazas o Día de Defuntos que eran deixadas nos camiños para asustar aos viandantes.

Tradicionalmente, tamén era habitual que a mesa non se recollese despois de cear por se as ánimas dos defuntos acudían de visita durante a noite. Ademais, deixábase o lume aceso para que non pasasen frío… E arredor dese lume contábanse historias de medo… Queres escoitalas?

No salón de actos. Para nenas e nenos de 3 a 8 anos. A entrada é libre ata completar a capacidade da sala.

Na Casa das Máquinas de Galeras ábrese un espazo ao xogo e a imaxinación cun regueiro de trebellos para pór a proba e aguilloar a habilidade, a destreza, a coordinación e o enxeño da rapazada.

Todos eles construídos grazas á reciclaxe de trastes que alguén considerou vellos pero que, no fondo, tiñan aínda moitas cousas que achegar. Case tantas como teñen as xogadoras e xogadores participantes que, de seguro inventarán novos xeitos de brincar nos que ninguén pensara.  

Misteriosos retos e arrevesadas pistas agóchanse nos corredores da exposición Castelao. Mirar por Galicia... A vosa misión? Resolvelos todos para descubrir as palabras agochadas e formar con elas a mensaxe oculta que resume o espírito da mostra, e tamén a vida e o pensamento de Castelao.

Nesta xincana por equipos en formato escape room atoparedes un feixe de enigmas para poñer a proba o voso enxeño, ao tempo que vos achegades dunha forma lúdica e inmersiva á figura e ao legado dunha das figuras máis senlleiras da historia de Galicia. Aceptades o reto?

Gaiás Inspira
Castelao e as palabras agochadas está encadrada en Gaiás_Inspira, unha nova liña de programación que abrangue diferentes actividades divulgativas, lúdicas e didácticas ao redor das exposicións do Museo Centro Gaiás, dirixidas tanto a público adulto como infantil e xuvenil, con propostas innovadoras que converten as salas do Museo nun espazo vivo, aberto á participación do público, ao xogo e á aprendizaxe compartida.

Información importante para a reserva
A actividade está concibida para público mozo e familiar e para realizar en equipos de entre 2 e 6 persoas. A idade recomendada é a partir de 12 anos.
En caso de que algún/ha integrante do grupo sexa menor de 12 anos, deberá estar acompañado/a dunha persoa adulta responsable (que tamén forme parte do equipo).
Cando realicedes a inscrición (nesta mesma páxina), debedes cubrir os nomes de todas as persoas integrantes do equipo, cun mínimo de 2 e un máximo de 6 persoas por grupo.

O día da actividade
Punto de encontro: á vosa chegada, dirixídevos ao mostrador de entrada do Museo Centro Gaiás, onde recibiredes as instrucións antes de subir á sala de exposicións.
Para realizar a actividade é imprescindible traer un dispositivo móbil con batería cargada e acceso á rede, no que se recibirán as pistas e enigmas para avanzar na aventura.
A duración máxima da proba é dunha hora, aínda que poderá ser menor dependendo da vosa rapidez na resolución dos enigmas.

Teatro ó Cubo presenta esta obra na que Trepas é o alcume dun habitante de Vilatriste enredado inesperadamente nunha singular aventura: salvar á vila das fauces dun malvado dirixente.
Xunto a unha inusual superheroína descobren a fórmula para vencer ao seu inimigo pero... funcionará?
De Vilatriste a Vilalegre é unha divertidísima creación de Teatro ó Cubo para pequenas e maiores, en coprodución co Centro Dramático Galego no seu 40 aniversario.

FICHA ARTÍSTICA
Dirección: Sofía Espiñeira e Roberto C. Mouriño
Elenco e manipulación: Uxía Algarra e Roberto Casal
Texto: Roi Vidal
Deseño e plástica: Beatriz de Vega

Idade recomendada: a partir de 3 anos
Duración: 50 min
Lingua: galego

Un espectáculo para público infantil e familiar que combina música, narración e ilustracións ao vivo na Biblioteca de Galicia en conmemoración do Día da Música. Ramona Órbita, unha súper muller labrega da Serra do Courel, é xefa na horta, boa coa tecnoloxía, ecoloxista e inventora dunha horta cibernética de patacas automáticas e dunha incrible máquina do tempo, o seu mellor invento.

Con ela viaxamos ao pasado e ao futuro en busca de tecnoloxía para crear un mundo máis ecolóxico e con enerxías limpas. A través de cancións, historias e ilustracións, descubrimos diferentes épocas: desde a prehistoria, onde compartimos churrasco de mamut con Manolo Cavernario, ata o Renacemento, co encontro con Leonardo da Vinci, ou o Antigo Exipto, con Ramsés e as súas curiosas aventuras.

Paco Cedeira, Pakolas, guiaranos coa súa forza interpretativa e o seu humor por todo un universo musical e Laura Romero será a ilustradora a cargo de aportar unha nova dimensión visual coa creación en directo de debuxos.

Unha experiencia divertida, educativa e musical que ensina sobre ciencia, historia e sustentabilidade.

Celebramos o Día da Música con este espectáculo da man de Magín Blanco. O Caderno de cores e cancións é un percorrido pola creación musical e literaria das cancións.

Magín Blanco convida ás crianzas a achegarse ao proceso creativo e a xogar cos elementos que compoñen as cancións. As melodías, as harmonías e a musicalidade poética das rimas.

Para público familiar.

No salón de actos, a entrada é libre ata completar a capacidade da sala.

EN FAMILIA · A TROPA NA CASA · XOGAMOS!

Idade recomendada: de 1 a 12 anos
Duración: 2 h 
Lingua: galego

ASOCIACIÓN DO XOGO TRADICIONAL

Aros, cordas, maiolas, chaves, zancos ou ras son só algúns dos trebellos característicos dos xogos tradicionais e populares que ao longo dos anos fixeron brincar á rapazada. A Asociación do Xogo Tradicional leva á Casa das Máquinas unha feixe de propostas para xogarmos coma antes, ou coma sempre, e redescubrir e gozar do patrimonio lúdico galego.

Na semana do Día Internacional para a Eliminación da Violencia contra as Mulleres, dedicamos a sesión de contos ás mulleres valentes e libres que deciden o seu propio camiño demostrando que a verdadeira felicidade nace de ser unha mesma, romper cos moldes impostos e rir coa forza de quen elixe o seu propio destino.

Dirixido a nenas e nenos de 3 a 8 anos.

No salón de actos. A entrada é libre ata completar a capacidade da sala.

A Toupiña saíu do seu tobo e algo lle caeu na cabeza… a modo de pucho cheirento! Así comeza a historia de "A Toupiña que quería saber quen lle fixera aquilo na cabeza"

Moi indignada, percorre a granxa decidida a descubrir quen dos animais —a pomba, o cabalo, a lebre...— foi o responsable de semellante agravio.

Trátase dunha obra divertida, escatolóxica e chea de humor, que provoca gargalladas e fai que o público empatice coa pequena toupiña, ferida no seu orgullo.

O ecoloxismo, a reutilización e a reciclaxe están tamén presentes nun espectáculo que convida a ter unha visión diferente dun tema tan natural como a vida mesma, ao tempo que propón unha reflexión sobre o final do conto: A vinganza é realmente a opción correcta?

Con esta peza foméntase a curiosidade, o coñecemento e respecto polos animais, e estímase a intelixencia emocional, o recoñecemento das diferenzas e o gusto pola investigación, nun ambiente de misterio e diversión.

PÚBLICO: A partir dos 2 anos

Obradoiro no que as pequenas e pequenos farán deseños personalizados de modelos diferentes de calcetíns de Nadal (de feltro vermello ou arpilleira) ou de saquiños de tea de arpilleira e poderán decoralos con rotuladores téxtiles, feltros, apliques, cascabeis e cintas, quedando modelos moi diferentes e orixinais segundo o gusto de cada un.  

Dirixido a nenas e nenos de 6 a 12 anos. Hai 12 prazas.

Na sala infantil da biblioteca.

As persoas interesadas poden recoller a entrada no mostrador de información dende 30 min antes do comezo da actividade. 

Sesión de narración oral para as pequenas e pequenos da casa, da man da educadora e narradora oral Vero Rilo.

Toupas, carneiros, raposos, vacas e ata cabalos azuis! Vindes con nós?

Dirixido a público familiar. No salón de actos. Entrada libre ata completar a capacidade da sala.

ASSIRCÓPATAS

Despois de Rogelio un pallaso en recuperación e Abracadaver. volve a personaxe máis querida do circo galego para pechar a triloxía da soidade. Rogelio está de aniversario. Pero está el só. Está todo listo: agasallos, karaoke, e tamén clown, malabares, corda frouxa, música e, por suposto, moito humor para toda a familia. Só faltan os seus amigos. Hai que esperar. Na vida hai que saber esperar. Agora non están porque non viñeron, pero cando veñan xa van estar. Pero tamén podemos divertirnos mentres esperamos. A traxicomedia da vida. Un espectáculo de clown, no que fartaremos a rir.

Un espectáculo de circo que fala sobre a importancia de coidar ás amizades. Un alegato contra o absurdo das guerras. Unha reflexión sobre a a paciencia. E, sobre todo, un circo que nos ensina a valorar as cousas que temos ao noso redor, e que son o noso verdadeiro tesouro.

Idade recomendada: a partir de 3 anos
Duración: 55 min 
Lingua: galego

EN FAMILIA · A TROPA NA CASA · XOGAMOS!

Idade recomendada: de 1 a 12 anos
Duración: 2h
Lingua: galego

XOGOS VAIDAVAI

Velaquí unha sesión chea de diversión, aprendizaxee creatividade para a cativada. A través de xogos obradoiros e actividades participativas, unimos educación e lecer para vivir momentos únicos onde cadaquén pode experimentar, inventar e expresarse libremente. O obxectivo é que a rapazada marche cun sorriso na cara, novas amizades no corazón e algún descubrimento sorprendente no peto. Un espazo seguro, inclusivo e aberto á imaxinación. Aprender nunca foi tan divertido!

O ciclo 'A Tropa na Casa · Xogamos" abre na Casa das Máquinas un espazo para se divertir en familia, para descubrir e redescubrir xogos e xoguetes cos que deixar voar a imaxinación e o tempo. 

Unha proposta de Cris de Caldas na que mestura a maxia dos contos e a ilusión do Nadal. O resultado: contos mesturados e divertidos onde nada é o que parece, nin nada parece o que é.

Contos de todo tipo para ser narrados durante o Nadal ou cando se precise un extra de ilusión!

Dirixido a público de 3 a 8 anos de idade. No salón de actos. Entrada libre ata completar a capacidade da sala.

Neste obradoiro a rapazada creará postais de Nadal empregando papel con sementes, da man de Árbore azul.

Decorarán as súas tarxetas e enviarán bos desexos ás familias e amizades ao mesmo tempo que fan un agasallo que non contamina e respecta a natureza.

Dirixido a nenas e nenos de 4 a 8 anos. Hai 15 prazas.

No salón de actos. As persoas interesadas poden retirar a invitación no mostrador de Información da biblioteca dende 30 minutos antes do comezo da actividade.  

Os Ratos de Lonxedetodo, uns simpáticos ratiños e ratiñas, veñen contarnos á biblioteca o que non sabemos do Nadal, a que devecedes por saber?

Dirixido a público de 3 a 8 anos de idade. No salón de actos. Entrada libre ata completar a capacidade da sala.

Tres feirantes percorren o mundo co seu carromato contando vellas historias da cultura popular que removerán pesadelos nos incautos oíntes.

Coincidindo co seu 20 aniversario, Teatro Ghazafelhos recupera un dos seus primeiros espectáculos de rúa facendo uso do seu característico humor.
Repasarán historias como as de A Cabra Montesina, As Lavandeiras, A Santa Compaña...
A participación do público será imprescindible para poder representar estas historias para escagarriñarse, un espectáculo cómico de rúa para todos os públicos.

FICHA ARTÍSTICA
Dirección e interpretación: Compañía Teatro Ghazafelhos

Duración: 50 min
Lingua: galego
Idade recomendada: público familiar

Canta, Buguina, canta!

Soprando a buguina, comezaremos a nosa viaxe nun Barquiño de Pau.

Barquiño de Pau é un espectáculo de teatro de obxectos, narración oral e música para a primeira infancia. Explóranse os sentidos dunha maneira amena, coa participación das crianzas. E tamén con moita música, ao son do acordeón, da mandola portuguesa, do dizi chinés ou co propio corpo.

Dirixido a nenas e nenos de 0 a 3 anos. No salón de actos. A entrada é libre ata completar a capacidade da sala.

Os tres osos: oso grande, oso mediano e oso pequeno están preparando a súa casa para o Nadal.

Osiño pequeño ten unha idea, ir ao bosque a buscar piñas e ramas para engalanar a súa casa. Mentres os tres osos dan un paseo, Rizos de Ouro chega a casa dos osos e abre a porta…

Teatro, cancións, narración oral e bonecos nesta proposta para a primeira infancia na que unha maleta é unha casa, un caldeiro un asento e unha manchea de calcetíns… unha familia  de osos!

Para público familiar. No salón de actos. A entrada é libre ata completar a capacidade da sala.

Celebramos o Día Mundial do Cine co Cinema Marabillas, Ver para ler  da man de Raquel Queizás.

Gozaremos vendo as primeiras adaptacións cinematográficas inspiradas nos contos marabillosos e nos libros clásicos da literatura.

O obxectivo é facerlles ver ás crianzas e ás súas familias que esas historias que coñecen poden contarse de diferentes maneiras, que descubran que o cine mudo é unha expresión que pode resultar moi divertida. Non faltará aventura, humor, misterio, tenrura, maxia, fantasía e sobre todo moita imaxinación.

A literatura é e sempre será unha gran fonte de inspiración para o cine. O cinema tamén se le. 

Alicia no País das Marabillas, Peter Pan, O Mago de Oz, Polgariño, as protagonistas destas historias son nenas e nenos que teñen preocupacións e reflexionan sobre o mundo no que viven. Son fortes, sensatas e pensan por si mesmas. Reflicten as etapas evolutivas das espectadoras máis cativas. Axudan a formar o seu pensamento crítico, e a súa capacidade reflexiva sobre temas como a amizade, o amor, a igualdade de xénero, o respecto polo diferente… Estas historias nacen dentro de nós cando somos crianzas. A unha nena, a un neno gústalles vivir aventuras, explorar diferentes lugares, xogar a ser piratas…

Para público familiar.

No salón de actos. A entrada é libre ata completar a capacidade da sala.

Imaxina un lugar no que cada habitación garda un sentimento, cada corredor conta unha historia e cada parede asubía un segredo.

Este espectáculo de narración oral levarache a percorrer as habitacións da alegría, do medo, do amor, da ira ou da esperanza.

Ven hospedarte ao Hotel Paraíso onde cada palabra é unha chave e cada emoción unha porta por abrir!

Dirixido a nenas e nenos de 4 a 8 anos.

No salón de actos. A entrada é libre ata completar a capacidade da sala. 

Pulpiño Viascón músico, performance circense e multiintrumentista galego, cóntanos a historia do Apalpador a partir dunha banda sonora aventureira creada cos seus instrumentos máxicos: o serrucho musical, acordeón diatónico (trikitixa), pandeireta do pé, game boy chiptune, e, por suposto, coa poderosa voz do Apalpador.

E como non podía ser doutro xeito... o apalpador levará agasallos para a rapazada co bandullo baleiro.

Para público familiar. No salón de actos. A entrada é libre ata completar a capacidade da sala

Espectáculo de contos marabillosos para viaxar por un mundo máxico. Cando abres ben as orellas podes escoitar historias de xigantes e ananos, bruxas e trasnos, apócemas máxicas, viaxes marabillosas, princesas e dragóns… Queres abrir moito, moito as orellas para viaxar por este mundo máxico? No salón de actos. Para nenas e nenos de 3 a 8 anos. A entrada é libre ata completar a capacidade da sala.

Contacontos a cargo de Ubú Teatro Desde pequeno, Sonólicus quere chegar á lúa. Busca no reflexo das pozas e dos espellos, sube ás caixas esmoreadas e aos tellados e tantos esforzos fai por conseguilo e tanto estira os brazos cara á lúa que lle medran ata a deformidade. O seu empeño semella unha fantasía infantil da que a nai é testemuña. Unha noite acaba de medrar e, non só acada o seu obxectivo de acompañar á lúa, senón que se converte para sempre no vixiante do sono e dos soños infantís. No salón de actos. Para nenas e nenos de 3 a 8 anos. A entrada é libre ata completar a capacidade da sala.

EN FAMILIA · XOGAMOS NA CASA!

Idade recomendada: de 1 a 12 anos
Duración: 2 h 
Lingua: galego

MIUDIÑO

Velaquí unha oportunidade para redescubrir brinquedos clásicos como como os zancos, os aros, a ferradura, ou o tiracroios alén de trebellos para a exploración musical e outros pequenos xoguetiños especialmente pensados para o público miúdo. A diversidade dos materiais que se empregan neste espazo de diversión permite brincar, experimentar e gozar, pór a proba habilidades de puntería, equilibrio, velocidade ou estratexia con diferentes xogos e xoguetes que van mudando para poder explorar novas posibilidades de enredo. 

A VELA CIRCO-A TROPA C NA CASA

Que pasaría se un pallaso herdase unha vella empresa familiar? Con toda a ilusión do primeiro día imaxina un futuro próspero, pero axiña descobre que as instalacións precisan algo máis que uns retoques.
Maquinaria enferruxada, engrenaxes desaxustadas e estruturas inestables convértense no escenario perfecto para torpezas e habilidades inesperadas. Cun entrañable humor, destrezas circenses e poesía visual, os imprevistos van enredándose e resolvéndose ata que todo encaixa no seu lugar.

Idade recomendada: a partir de 3 anos
Duración: 50 min
Lingua: galego

Esta é a historia de Mariña, unha nena que grazas ao aburrimento se converte en idea! O seu pensamento ten forma de tarabela de cores. Unha tarabela de 2.20m de altura que cada vez que xira fará que se lle vaian ocorrendo un lote de ideas mentres xoga na súa habitación. Así, irase enfrontando a dragóns, a xigantes, aprenderá a usar o inxenio e ata tocará o violoncello. Usará a linguaxe do xogo, mediante a cal poderemos entrar no seu universo, no que encarnará a distintos personaxes fantásticos. E a iso tamén nos axudarán os seus enormes xoguetes, a música, os efectos visuais e sonoros e o vestiario.

Cando Rosalía soñaba, nacían historias que facían sorrir á lúa. Hoxe escoitaremos contos que falan de amizade, de natureza e de soños pequenos pero grandes. Habitarás mundos máxicos feitos de palabras e cores.

Un paseo divertido pola fantasía que nace dos versos. Porque celebrar a Rosalía é contar e cantar xuntos!

No salón de actos. Para nenas e nenos de 3 a 8 anos. A entrada é libre ata completar a capacidade da sala.

Un bosque perde a súa maxia. A moura e o trasno tentarán salvalo descifrando os seus misterios e probas coa axuda do público. Un conto ritual con narración cantada, malabares e música en directo, dirixido á infancia e ao público familiar. Sábado 21 de febreiro ás 12:00h. Reservas: @proxecto_materna .Entrada: Taquilla inversa.

Bolboretas é un espectáculo de narración oral para público infantil e familiar no que as protagonistas son nenas e mulleres que escoitan o seu corazón e atrévense a cambiar o seu camiño. A través da voz de Laia e dun baúl cheo de recordos chegan contos cheos de imaxinación, humor e emoción. Relatos próximos e poéticos que convidan ás máis pequenas e pequenos a pensar na axuda, na identidade e na forza de contar xuntas.

No salón de actos. Para nenas e nenos de 3 a 8 anos. A entrada é libre ata completar a capacidade da sala.

Contos para nenas e nenos, que teñen os mesmos soños e que contan coas mesmas posibilidades para acadalos. Nenos e nenas cos mesmos dereitos e deberes, pero todos e todas diferentes, como tesouros únicos que hai que coidar, que temos que coidar. Para nenas e nenos de 3 a 8 anos.

No salón de actos. A entrada é libre ata completar a capacidade da sala.

Celebramos o Día da poesía co contacontos A poesía tamén conta da man de Charo Pita. Esta é a chave do reino da poesía. Rimas, cancións que son poemas, poemas que se bailan, poesías que se miran, que fan rir, chorar, que nos arrolan. O reino da poesía é tan grande como a música, tan intenso como a palabra. Cábenos na boca, nas orellas, na mirada. No reino da poesía todo é xogo, todo é conto. Xogamos? Contamos?

No salón de actos. Para nenas e nenos de 3 a 8 anos. A entrada é libre ata completar a capacidade da sala.

Celebramos o Día do Teatro e o décimo oitavo aniversario da biblioteca co espectáculo Contamos contos de lobos? da man do Teatro dos Ghazafelhos. Espectáculo no que a participación activa do público e unha alta porcentaxe de improvisación colectiva son os ingredientes fundamentais. Dúas personaxes, Mon e Pe, achéganse ao público para contar distintas historias populares onde hai lobos como protagonistas.

Facendo unha escolla aleatoria de propostas como Carapuchiña, Os tres porquiños, Pedro e o lobo ou Os sete cabuxos propoñemos interpretar esas historias coa axuda das nenas e nenos do público. Ao participar na dramatización da peza, trabállanse valores como a escoita activa, a empatía, entender outros puntos de vista e todo dun xeito lúdico e dende o teatro.

No salón de actos. Para nenas e nenos de 3 a 8 anos. A entrada é libre ata completar capacidade da sala.

Celebramos o Día Internacional do Libro Infantil e Xuvenil con Extra! de Paco Nogueiras, un espectáculo baseado no libro-CD homónimo editado por Kalandraka Editora que combina cancións e interpretacións nos rexistros máis divertidos. A proposta presenta un xornal moi especial no que as noticias se organizan en diferentes seccións: sucesos, actualidade nacional e internacional, cultura, deportes, opinión, pasatempos e mesmo unha axenda de actividades. Unha experiencia musical e participativa pensada para gozar en familia. Se non queres que cho conten, ven vivilo ti! No salón de actos. Para público familiar. Entrada libre ata completar capacidade.

Travesía Unicornio chega á Biblioteca de Galicia co gallo do Día do Libro Infantil e Xuvenil, da man de Teatro Ghazafellos.

A obra, adaptación teatral de Pepablo Patinho do libro de María Canosa, gañador da primeira edición do Premio Anisia Miranda de teatro infantil e publicado por Edicións Embora en marzo de 2023, conta a historia dun neno e o seu unicornio que se atopan cunha xenio que lles promete cumprir os seus desexos. Para conseguilo, deberán escoitarse, aceptarse e respectar tamén os desexos dos demais.

Un espectáculo cheo de humor que cuestiona os roles tradicionais de xénero e abre a porta a que nenas e nenos elixan libremente os seus gustos.

Contacontos da man de Bea Iglesias. Un peto é un lugar ideal para gardar de todo: unha pedra bonita do camiño, un papel cun debuxo, unha chave que abre portas coñecidas ou unha canica que brilla ao sol. Ás veces tamén gardan silencios, pensamentos pequenos ou segredos que non queremos que se perdan polo vento. Co paso do tempo, todas esas cousas comezan a falar entre elas e, sen decatarnos, dentro do peto nacen historias que medran ata converterse en contos. Unha proposta chea de imaxinación para escoitar, sentir e deixarse levar. No salón de actos. Para nenas e nenos de 3 a 8 anos. Entrada libre ata completar capacidade.

XOTRAMU
A TROPA C NA CASA!

Idade recomendada: 1 a 12 anos
Duración: 2 h
Lingua: galego

Preparádevos para unha mañá chea de movemento e risas! A Tropa C convida a probar xogos tradicionais galegos como cordas para saltar, birlos, peóns, xogos de puntería, memoria e habilidade, entre outros. Un espazo participativo onde as nenas e nenos son protagonistas, gozando xuntos dun patrimonio lúdico vivo que nos une como comunidade.

Espectáculo infantil para nenas e nenos de 3 a 9 anos. Sábado 18 de abril ás 18:00h.

Juna é unha camareira nova que viaxa polas noites cunha caixa máxica aos lugares máis insólitos do Planeta Terra. Martín, o gardián da caixa, precisa a axuda de Juna para salvar o Ártico, cuxos glaciares se están separando e desfacendo. Coa axuda de Ninuk, unha esquimó que quere ser cantante de pop, terán que derrotar ao malvado Capitán Focum, que pretende converterse no gobernante máis poderoso do mundo. Xuntos salvarán animais, conservarán iglús e loitarán para mellorar a situación catastrófica do cambio climático.

Os tres porquiños é unha obra musical con bonecos a tamaño real. Unha revisión da tradicional fábula para adaptala aos novos tempos, incluíndo a figura de Xan e Xiana, dous exploradores moi afeccionados aos contos, que se adentran no bosque para coñecer os seus personaxes favoritos. Na súa viaxe, ademais de descubrir a historia, os tres porquiños bailarán ao ritmo das cinco cancións -cantadas en directo- que compoñen o espectáculo, e que teñen unha clara misión didáctica para que os máis pequenos aprendan ou reforcen coñecementos como os números, as cores ou as prendas de vestir.

Duración: 55 minutos + fotos ao final cos protagonistas.
Idades recomendadas: a partir de 2 anos.

GRAN GALA DO CIRCO
PISTACATRO · CIRCO · ARTES ESCÉNICAS

Idade recomendada: Todos os públicos
Duración: 90 min
Lingua: galego

A Gran Gala do Circo celebra no Auditorio de Galicia o Día Internacional do Circo. Coordinado por Pistacatro, o espectáculo reúne artistas locais e internacionais nunha festa de malabares, acrobacias, humor, equilibrio e maxia para toda a familia. Non esperes que cho conten: vén vivir en directo esta gran cita circense.

DESASTRONAUTS
CIRCO CONTEMPORÁNEO

Idade recomendada: a partir de 3 anos
Duración: 45 min
Lingua: galego

Raquel e Girisho presentan o seu quinto espectáculo de circo contemporáneo. Dous artistas esforzándose por demostrar quen é o mellor: ela, metódica e hábil; el, entusiasta pero pouco intelixente. Trapecio, tela aérea, hula hoops e moito máis nunha proposta áxil, divertida e sorprendente para toda a familia.

O obxectivo desta actividade é enriquecer o coñecemento sobre a historia da danza, visibilizar as sinerxías entre diferentes estilos, crear espazos de diálogo e debate que fomenten o pensamento crítico, colaborar coa comunidade abrindo as artes do movemento á cidadanía, reunir axentes do sector e contribuír a sensibilizar o público cara á danza contemporánea.

Nesta actividade con Laura Kumin desentrañaremos os elementos estilísticos, coreográficos e conceptuais da danza, promovendo desta maneira a comprensión profunda da creación artística para afondar na análise crítica de calquer obra de danza contemporánea.

Laura Kumin, formada como bailarina e docente nos Estados Unidos, foi asesora de danza da Comunidade de Madrid entre 1989 e 1995 e responsable de programación de danza do Teatro Pradillo de 1997 a 2011. Dirixe o Certamen Coreográfico de Madrid dende 1987. Socia fundadora da rede europea Aerowavese e académica da Academia de Artes Escénicas de España.

DANIEL RODRÍGUEZ
TRANSEÚNTE
DANZA CONTEMPORÁNEA · ARTES ESCÉNICAS

Idade recomendada: Todos os públicos
Duración: 50 min
Lingua: galego
Foco NeoTrad

TRANSEÚNTE explora a dualidade entre o permanente e o transitorio nos corpos das novas xeracións, atravesados polo folclore e a tradición. Un espectáculo que celebra a diversidade cultural, honra o pasado, vive o presente e abraza o futuro.

Escenas do cambio 2026 propón un programa no que laten tres correntes interconectadas: o impulso do que persiste, o do que se revela e o do que se reinventa. Revelesencia é o termo —entre revelación, efervescencia e esencia— co que Kirenia Martínez, directora artística do festival, define unha liña de programación que interrelaciona estes tres camiños a través das artes escénicas.

O festival de teatro, danza e arte en acción da Cidade da Cultura celebra a súa duodécima edición do 7 ao 10 de maio con 11 propostas escénicas transnacionais nas que conviven artistas e compañías de Galicia, Euskadi, Cataluña, Illas Baleares, Illas Canarias, Madrid e tamén de Alemaña, Bélxica, Brasil, Colombia, Cuba, Guinea Ecuatorial, México, Portugal e Lituania.

A programación constrúese como un diálogo transnacional entre prácticas que entenden a creación escénica como unha forma de coidado, de escoita e de recomposición do presente, na que teñen cabida os saberes ancestrais, as memorias dos territorios, os afectos, os corpos fóra da norma e as ecoloxías sensibles.

As artes escénicas como territorio libre e cooperativo
O programa integra ata oito coproducións internacionais (El Vacío, La Cura, Fear:less, Hecatombe II, Arder Épica, Black Box, Horizontes Errantes, Entrecruzad@as) e tres a nivel nacional (52-Blau, Este himno llevará la palabra Euforia e La Calidesa). As obras con ADN galego non son alleas a esta tendencia, e así vemos a conexión Galicia-Euskadi-Navarra da compañía iXa, e o enlace Galicia-Portugal na obra que Hugo Torres estrea co apoio do Centro Dramático Galego, Trigo Limpio (PT) e o FITEI de Oporto.

Escenas do cambio 2026 conta con 3 estreas absolutas: 52-Blau, da compañía iXa, na que participa o Centro Coreográfico Galego como co-produtor; Black Box. Unha saga épica, de Hugo Torres, e a última creación de La Intrusa, Este himno llevará la palabra euforia, coa que a compañía vasca celebra o seu 30 aniversario precisamente no festival.

Escenas do cambio será tamén onde veremos por primeira vez en España as producións internacionais Fear:less, da artista alemá Silke Z., e dúas coproducións cubano-colombianas de danza e gran formato: El Vacío e La Cura, dirixidas por Julio César Iglesias Ungo cun elenco da Compañía Colombiana de Danza Contemporánea.

Juliana Reyes en Entrecruzad@as e a instalación escénica La Calidesa, de Société Mouffette, abordan as soledades actuais nas súas propostas. En rescatar memorias, saberes antigos, pegadas humanas e máis que humanas e construír relatos á marxe da historia oficial afánanse Arder Épica (Cap. 1), do brasileiro Reinal Ribeiro; Hecatombe II - Movementos e rituais para a renovación do mundo, da artista colombiana de orixe indígena Martha Hincapié Charry; e Horizontes errantes, a peregrinación artística de Laura Aris e Jakob Jautz a través da Selva Negra e o Camiño de Santiago.

ando o lobo comía verzas e as vacas miañaban había casas nas que soñaban as crianzas con mesas que, só con mandarllo, se cubrían de manxares; ou burras que levantaban o rabo e cagaban ouro a moreas se sabías o que había que dicirlles nas orellotas: Briclebrit!

Éticapeleticapeluda!

Mentres tanto na mesma mesa da cociña, e a uns céntimos a peza, as súas nais cosían petos e botóns, bordaban moedeiros para fóra ou ensamblaban xoguetes. E contaban por milésima vez aquilo de cando as ras tiñan pelo e as galiñas barbas houbo un xastre con tres fillos e unha única cabra...

As obreiras, nais das futuras obreiras, tenden o pan con chocolate e énchense de dicirlles hai que traballar para vivir e tamén isto era un rei que tiña tres princesas, pechounas en tres artesas e botounas ao mar. Vólvocho contar?

Pero que sucede cando o traballo invade a mesa da cociña e a vida doméstica coma un gramón de raíz ávida e a mesiña dos manxares rompe e a burra escapa axitando as orellotas e hai que andar atraéndoa con astucias e cenorias? Outro conto terá que comezar...

Pois este é o conto de fadas dunha familia obreira galega naqueles tempos nos que era máis doado crerlles os contos ás avoas que as promesas aos patróns.

O Centro Dramático Galego e o colectivo portugués ASTA-Teatro e Outras Artes coproducen a montaxe Rosalía, cartografía de ásperas ortigas., mediante o que se suman ás actividades de conmemoración do 188º aniversario do nacemento de Rosalía de Castro coa estrea deste espectáculo.

Coa dirección escénica e dramaturxia do compostelán Roberto Salgueiro á fronte de catro intérpretes galegos e portugueses, as dúas compañías crean unha proposta teatral actual que reflicte o pensamento e o legado da poeta padronesa. Así, a partir de textos e, sobre todo, versos da escritora tomados de Cantares Gallegos, Follas Novas e En las orillas del Sar, construíuse durante os ensaios un texto literario propio que afonda na transcendencia da autora. 

O espectáculo está interpretado por Antía Cortegoso, Sérgio Novo, Alberto Medeiros e Marta Casais e nel cobra importancia o espazo sonoro achegado por varios instrumentos, as coreografías interpretadas polo elenco e un espazo escénico cuberto de flores.       

Nun xogo de máscaras e deformidades faciais, Julia investiga a perda de identidade e a procura dun outro que poida cubrir esa carencia. As ilusións creadas con luces e sombras e as posibilidades de expandir e deformar o corpo con outros materiais, amplifican o movemento dinámico e preciso de Waacking, transformando o artista nunha masa cambiante, cargada de posibilidades e en constante mutación.

Dirección: Julia Laport Rivas
Creación e interpretación: Martín Gonçalves, Laura Iturralde e Julia Laport
Deseño de Iluminación e audiovisuais: Laura Iturralde
Deseño de escenografía e vestiario: Martín Gonçalves
Confeción: Raquel Crespo
Espazo sonoro: Julia Laport
Axuda á produción: AGADIC - Xunta de Galicia
Foto: Martín Gonçalves

Idade recomendada: Todos os públicos
Duración: 60 min
Lingua: galego
Foco Creadoras de escena

Moby Dick é un espectáculo creado a partir da afamada novela de Herman Melville, unha peza que xoga coa figura do gran cachalote protagonista da novela, un gran cachalote de tres metros e que conta a historia de Ismael, un mozo que decide embarcar nun baleeiro no que vivirá unha morea de perigosas aventuras.

No salón de actos. Para público familiar. A entrada é libre ata completar a capacidade da sala.

Profetas presenta o encontro dunha parella que xa non o é. Dúas persoas que fan balance da súa historia común por medio doutras historias do cinema e da literatura. Cuestións como o compromiso político e artístico, o amor e a creación están presentes nunha peza que funciona como un xogo de agochados, de abismos e de saltos entre realidade e ficción. Un conto que se conta para contarnos.

Noite de Luar. Encrucillada de camiños. Entra en escena un home miúdo e melancólico. É o personaxe d’O Xestal. Cun candil na man, vestido de repoludo gaiteiro rosaliano, sáelle ao paso un mozo novo e garrido. É a morte. O Xestal négase a recoñecer a morte en tan atípica fasquía. Cando finalmente a recoñece resístese a seguila, establecéndose entre eles unha dinámica e amena tirapuxa na que se entreverán os episodios máis significativos da vida d’O Xestal con algún dos seus contos máis divertidos.

Autoría e texto: Cándido Pazó
Dirección: Cándido Pazó
Elenco: Avelino González e Toni Salgado
Espazo sonoro e musical: Xurxo Souto e Richi Casás
Iluminación e técnica: Miguel Cabaleiro e Afonso Castro
Escenografía: Pablo Giráldez «O Pastor»
Vestiario: De Cotío
Asesoría no baile: Chus Caramés
Cartel: Juan Gende
Técnico de gravación: Tomás Ageitos

Idade recomendada: > 10 anos
Duración: 75 min
Lingua: galego
Posfunción ao remate do pase do 9 de maio
Foco Memoria en escena

Espectáculo no que mediante o uso de diferentes técnicas: narración oral, proxeccións holográficas, música ou teatro de obxectos poñemos en valor o legado das mulleres excepcionais homenaxeadas nas Letras Galegas, dende Rosalía de Castro ata as cantareiras. Mulleres que deixaron unha pegada imborrable na literatura e no teatro galegos e que destacaron pola súa creatividade, compromiso e contribución á nosa rica cultura.

No salón de actos. Para público familiar. A entrada é libre ata completar a capacidade da sala.

Adaptación do clásico de August Strindberg de 1888. A señorita Xulia decide aproveitar unha ausencia do seu pai, o Conde, para organizar unha festa secreta cos criados.  Durante a velada, seduce a Xoán, criado predilecto do Conde. Os dous amantes caen nun perigoso xogo de paixón, violencia, inocencia e amor. Dúas criaturas brillantes, vítimas do condicionamento social e moral dos seus mundos, tan diferentes... O texto de Strindberg sorprende –e atemoriza– por actual e contundente. É posible a igualdade entre home e muller? Entre ricos e pobres? Entre rei e escravo?

• Dirección: Xoán C. Mejuto e Iria Ares
• Elenco: Xoán Carlos Mejuto e Iria Ares
• Deseño de iluminación: Antón Arias
• Deseño sonoro: Alberto Beade
• Caracterización: Mara Collazo Vestiario: Estudo Momento
• Deseño de escenografía: Xoán C. Mejuto
• Produción: Estudo Momento
• Co-Produción e residencia técnica: Concello de Arteixo

Uxío Rodas, escultor e pintor, é considerado polos seus contemporáneos unha auténtica «gloria nacional». As súas esculturas están nos mellores museos internacionais. Agora está no seu estudio, apartado da civilización, tentando concentrarse no seu traballo máis importante.

O goberno do seu país, a través do seu presidente, vello camarada de Uxío, encárgalle unha escultura monumental que se colocará na praza principal da capital. Unha escultura que represente e simbolice a nación. A Uxío cústalle encarar o seu traballo, está en crise creativa, e nesas recibe a visita, primeiro da súa representante e marchante nos mercados internacionais e despois a da propia ministra de Cultura do seu país. O actual debate, arte, cultura, mercados e política está servido.

Dirección e deseño de iluminación: Eduardo Alonso
Elenco: Luma Gómez, Miguel Pernas e Manuela Varela 
Selección musical: Brais Morán 
Vídeos: César Seijas 
Axudante de dirección: Imma António 
Produción: Eva Alonso 

Idade recomendada:> 16 anos
Duración: 90 min
Lingua: galego
Posfunción ao remate do pase
Foco Teatro do Noroeste
Foco Memoria en escena

Chega o último chow da tempada do COLECTIVO DO FLOW nas Noites de T.R.A.C.A. e veñen montar a festa definitiva!Desta volta estará a impro con máis flow ao completo - Sergio Alfonso Agra, Martín Blanco, Hugo Castro, Antía Costas, Carlota Rosón Rojo, Carlota Mosquera e Pedro Placer- que rematará en festa segura coa PINCHADA FINAL de SEÑORA Dj!

Chega o último chow da tempada do COLECTIVO DO FLOW nas Noites de T.R.A.C.A. e veñen montar a festa definitiva!Desta volta estará a impro con máis flow ao completo - Sergio Alfonso Agra, Martín Blanco, Hugo Castro, Antía Costas, Carlota Rosón Rojo, Carlota Mosquera e Pedro Placer- que rematará en festa segura coa PINCHADA FINAL de SEÑORA Dj!
Fin de tempada e coa enerxía renovada tras a noitede San Xoan.

Acrobacias imposibles, aéreos impactantes comedia hilarante, danza, clown e unha historia cautivadora. Serie Clopen é un espectáculo multidisciplinar que reflexiona, en tono de humor, sobre os retos que ten que afrontar a xuventude nestes tempos de incerteza.

Alicia é unha rapaza que está nese momento vital onde comeza a construír a súa identidade e investiga o mundo que a arrodea. O seu cuarto segue cheo de bonecas e xoguetes, pero as preguntas invaden a súa mente. Ela, no seu afán de darlles resposta, abre unha canle onde explica curiosidades acerca dunha das súas paixóns: as Matemáticas.

Pero todo o que descobre, xera mais preguntas...

Poderán as Mates explicar o momento político actual: o auxe dos absolutismos, dos fascismos, o aumento da desigualdade, ou o novo contexto bélico?

Poderá a nosa mocidade superar os retos que lles impón a súa xeración?

E, sobre todo, poderá o Circo, a arte do momento presente, do físico, do risco, da cooperación, ofrecer alternativas nun mundo absolutamente dixitalizado?

Carlos Blanco e Xosé A. Touriñán poñen o punto final a un dos proxectos máis exitosos do teatro galego nas últimas décadas cun novo espectáculo que xirará por toda Galicia neste 2025.

Falta pouco máis dunha hora para o fin do mundo. En Galicia, unha nave, a Arteixo II, está a piques de despegar con uns poucos elixidos a bordo cara a un planeta onde comezarán unha nova vida. Os capitáns da nave, Carlos Blanco e Touriñán, son os encargados de que a evacuación se leve a cabo con éxito e de meter nesta Arca de Noé galega todo o noso patrimonio humano, material e inmaterial máis prezado, para que a nova terra á que emigremos siga sendo criminal.

Acrobacias imposibles, aéreos impactantes comedia hilarante, danza, clown e unha historia cautivadora. Serie Clopen é un espectáculo multidisciplinar que reflexiona, en tono de humor, sobre os retos que ten que afrontar a xuventude nestes tempos de incerteza.

Alicia é unha rapaza que está nese momento vital onde comeza a construír a súa identidade e investiga o mundo que a arrodea. O seu cuarto segue cheo de bonecas e xoguetes, pero as preguntas invaden a súa mente. Ela, no seu afán de darlles resposta, abre unha canle onde explica curiosidades acerca dunha das súas paixóns: as Matemáticas.

Pero todo o que descobre, xera mais preguntas...

Poderán as Mates explicar o momento político actual: o auxe dos absolutismos, dos fascismos, o aumento da desigualdade, ou o novo contexto bélico?

Poderá a nosa mocidade superar os retos que lles impón a súa xeración?

E, sobre todo, poderá o Circo, a arte do momento presente, do físico, do risco, da cooperación, ofrecer alternativas nun mundo absolutamente dixitalizado?

Acrobacias imposibles, aéreos impactantes comedia hilarante, danza, clown e unha historia cautivadora. Serie Clopen é un espectáculo multidisciplinar que reflexiona, en tono de humor, sobre os retos que ten que afrontar a xuventude nestes tempos de incerteza.

Alicia é unha rapaza que está nese momento vital onde comeza a construír a súa identidade e investiga o mundo que a arrodea. O seu cuarto segue cheo de bonecas e xoguetes, pero as preguntas invaden a súa mente. Ela, no seu afán de darlles resposta, abre unha canle onde explica curiosidades acerca dunha das súas paixóns: as Matemáticas.

Pero todo o que descobre, xera mais preguntas...

Poderán as Mates explicar o momento político actual: o auxe dos absolutismos, dos fascismos, o aumento da desigualdade, ou o novo contexto bélico?

Poderá a nosa mocidade superar os retos que lles impón a súa xeración?

E, sobre todo, poderá o Circo, a arte do momento presente, do físico, do risco, da cooperación, ofrecer alternativas nun mundo absolutamente dixitalizado?

Acrobacias imposibles, aéreos impactantes comedia hilarante, danza, clown e unha historia cautivadora. Serie Clopen é un espectáculo multidisciplinar que reflexiona, en tono de humor, sobre os retos que ten que afrontar a xuventude nestes tempos de incerteza.

Alicia é unha rapaza que está nese momento vital onde comeza a construír a súa identidade e investiga o mundo que a arrodea. O seu cuarto segue cheo de bonecas e xoguetes, pero as preguntas invaden a súa mente. Ela, no seu afán de darlles resposta, abre unha canle onde explica curiosidades acerca dunha das súas paixóns: as Matemáticas.

Pero todo o que descobre, xera mais preguntas...

Poderán as Mates explicar o momento político actual: o auxe dos absolutismos, dos fascismos, o aumento da desigualdade, ou o novo contexto bélico?

Poderá a nosa mocidade superar os retos que lles impón a súa xeración?

E, sobre todo, poderá o Circo, a arte do momento presente, do físico, do risco, da cooperación, ofrecer alternativas nun mundo absolutamente dixitalizado?

Acrobacias imposibles, aéreos impactantes comedia hilarante, danza, clown e unha historia cautivadora. Serie Clopen é un espectáculo multidisciplinar que reflexiona, en tono de humor, sobre os retos que ten que afrontar a xuventude nestes tempos de incerteza.

Alicia é unha rapaza que está nese momento vital onde comeza a construír a súa identidade e investiga o mundo que a arrodea. O seu cuarto segue cheo de bonecas e xoguetes, pero as preguntas invaden a súa mente. Ela, no seu afán de darlles resposta, abre unha canle onde explica curiosidades acerca dunha das súas paixóns: as Matemáticas.

Pero todo o que descobre, xera mais preguntas...

Poderán as Mates explicar o momento político actual: o auxe dos absolutismos, dos fascismos, o aumento da desigualdade, ou o novo contexto bélico?

Poderá a nosa mocidade superar os retos que lles impón a súa xeración?

E, sobre todo, poderá o Circo, a arte do momento presente, do físico, do risco, da cooperación, ofrecer alternativas nun mundo absolutamente dixitalizado?

Acrobacias imposibles, aéreos impactantes comedia hilarante, danza, clown e unha historia cautivadora. Serie Clopen é un espectáculo multidisciplinar que reflexiona, en tono de humor, sobre os retos que ten que afrontar a xuventude nestes tempos de incerteza.

Alicia é unha rapaza que está nese momento vital onde comeza a construír a súa identidade e investiga o mundo que a arrodea. O seu cuarto segue cheo de bonecas e xoguetes, pero as preguntas invaden a súa mente. Ela, no seu afán de darlles resposta, abre unha canle onde explica curiosidades acerca dunha das súas paixóns: as Matemáticas.

Pero todo o que descobre, xera mais preguntas...

Poderán as Mates explicar o momento político actual: o auxe dos absolutismos, dos fascismos, o aumento da desigualdade, ou o novo contexto bélico?

Poderá a nosa mocidade superar os retos que lles impón a súa xeración?

E, sobre todo, poderá o Circo, a arte do momento presente, do físico, do risco, da cooperación, ofrecer alternativas nun mundo absolutamente dixitalizado?

Vente Vindo é un espectáculo de narración oral da man de Celso Fernández Sanmartín, poeta, colleitador e contador de historias que chega á Biblioteca de Galicia con motivo do Día do Patrimonio Inmaterial.

Celso leva anos percorrendo escenarios por toda a xeografía española e por boa parte de Europa, levando consigo o seu repertorio de contos, lembranzas e emocións compartidas. Como poeta, publicou varios libros; como contador, converte cada historia nun lugar ao que volver.

En 2022 foi recoñecido co Premio Rebulir da Cultura Galega polo seu labor na preservación e difusión da tradición oral da Comunidade.

Neste espectáculo Celso F. Sanmartín comparte un ramallo de historias de antano, lembranzas e contos recollidos da tradición oral que forman parte da súa maneira de mirar e contar o mundo.

Vente Vindo é unha oportunidade para escoitar historias contadas con verdade, humor e emoció

Acrobacias imposibles, aéreos impactantes comedia hilarante, danza, clown e unha historia cautivadora. Serie Clopen é un espectáculo multidisciplinar que reflexiona, en tono de humor, sobre os retos que ten que afrontar a xuventude nestes tempos de incerteza.

Alicia é unha rapaza que está nese momento vital onde comeza a construír a súa identidade e investiga o mundo que a arrodea. O seu cuarto segue cheo de bonecas e xoguetes, pero as preguntas invaden a súa mente. Ela, no seu afán de darlles resposta, abre unha canle onde explica curiosidades acerca dunha das súas paixóns: as Matemáticas.

Pero todo o que descobre, xera mais preguntas...

Poderán as Mates explicar o momento político actual: o auxe dos absolutismos, dos fascismos, o aumento da desigualdade, ou o novo contexto bélico?

Poderá a nosa mocidade superar os retos que lles impón a súa xeración?

E, sobre todo, poderá o Circo, a arte do momento presente, do físico, do risco, da cooperación, ofrecer alternativas nun mundo absolutamente dixitalizado?

Desde 2023, Galiza Cultura promove o Samaín a través da obra de Castelao Un ollo de vidro. Memorias dun esquelete (Ed. Céltiga, 1922). O esqueleto protagonista narra as súas memorias e as peripecias máis alá da morte, reflexionando sobre o mundo dos vivos. O 3 de novembro, ás 20:00 h, o Teatro Principal acollerá a montaxe, con membros da Coral de Solfa de Santiago e da Agrupación Cultural O Galo, baixo dirección de Lucho Penabade. A través desta mirada, o público poderá rir, reflexionar e recoñecerse nas loitas labregas, a emigración, o caciquismo ou a defensa do galego, temas que seguen vixentes. Entrada libre ata completar aforo.

Berenguela na Gaiola é unha obra familiar coproducida por Galeatro e Xarope Tulú, co apoio do Centro Dramático Galego, a Fundación Manuel María e o festival FIOT Carballo. A dramaturxia e dirección corren a cargo de Paula Carballeira, a partir do texto de Manuel María, e o elenco está formado por Alba Bermúdez, Atenea García e Tone Martínez. A obra foi gañadora do 4º Certame Manuel María de Proxectos Teatrais, recibindo apoio económico e unha xira prevista de varias representacións por Galicia.

A historia transcorre nunha residencia de persoas maiores, onde Berenguela decide fugarse e regresar á súa aldea. Xunto a Aurora e Tomás, os protagonistas utilizan o teatro para recuperar a liberdade, a imaxinación e o dereito a soñar. A obra mestura humor, emoción e reflexión, e está recomendada para todos os públicos a partir de 6 anos, cunha duración aproximada de 50 minutos.

En 1983, José Afonso, xa gravemente debilitado pola enfermidade que o levaría á morte catro anos despois, subiu aos escenarios de Lisboa e Oporto nos seus últimos concertos, acompañado de músicos e amigos de toda a vida. O concerto de Lisboa, gravado por RTP, converteuse nun fito da memoria colectiva portuguesa e foi inmortalizado nun álbum, unha película e recentemente nunha edición restaurada que recupera case por completo a actuación.

 José Afonso, En directo nos Coliseos, 1983 é un espectáculo multidisciplinar que mestura música, teatro, performance e poesía, reinterpretando o legado de Zeca desde unha perspectiva contemporánea inspirada no Gig Theatre.

O espectáculo xorde da despedida simbólica que estes concertos representaron: non só a despedida dun artista, senón tamén o fin dunha era. Conscientes do contexto histórico da Revolución de Abril e as transformacións de Portugal, a proposta evoca a valentía, a melancolía e a perseveranza dun pobo, celebrando a memoria dun dos seus grandes cantantes e o eco imborrable da súa voz na construción da democracia portuguesa.

Un relato mítico revisitado en clave contemporánea: unha taberneira dun porto galego —nai do monhillista Cadaval— comenta o mito de Edipo mentres desbota a versión clásica e comparte a receita da carne asada. Gastronomía, épica, alta cultura, cotilleos, psicanálise e noticias sorprendentes sobre a monarquía española reúnense nun monólogo de setenta e un minutos tan trepidante como tráxico e ridículo.

Adaptación teatral do clásico de Xosé Neira Vilas, dirixida por Cándido Pazó, con escenografía de Pablo Giráldez “O Pastor”, vestiario de Martina Cambeiro, música de Xosé Lois Romero e iluminación de Afonso Castro.

No reparto: Xúlio Abonjo, Manuel Cortés, Iris Darriba, Mónica García, Federico Pérez Rey, Santi Romay e Ana Santos.

A historia segue a Balbino, un neno de aldea que medra entre silencios, traballo e obediencia, ofrecendo unha memoria persoal e colectiva da Galicia rural dos anos corenta, entre emoción, humor e humanidade.

Celso Fernández Sanmartín, Mofa e Befa e Quico Cadaval volven coas Noites de retranca, o espectáculo de humor máis antigo de Galicia.

O espectáculo de comedia por excelencia de Galicia cumpre 16 anos en 2026, levando risas e máis risas por todo o país.

Nova función da adaptación teatral da obra de Castelao 'Un ollo de vidro (Memorias dun esquelete)', despois do éxito acadado na función realizada de novembro.

Esta obra mestura o humor e a crítica social (na que se denuncian as desigualdades e inxustizas de principios do século XX), dirixida por Lucho Penabade. O esqueleto protagonista narra as súas memorias e as peripecias máis alá da morte, reflexionando sobre o mundo dos vivos. A través desta mirada, o público poderá rir, reflexionar e recoñecerse nas loitas labregas, a emigración, o caciquismo ou a defensa do galego, temas que seguen vixentes. 

O evento está impulsado pola federación de asociacións culturais Galiza Cultura e conta coa participación de membros da Coral Solfa e a Agrupación Cultural O Galo, e coa colaboración do Concello de Santiago e da Deputación da Coruña. 

A entrada é gratuíta previa retirada de convites, que se poden o día antes da función despacho de billetes da Zona C Punto de Información Cultural (na rúa do Preguntoiro número 1 en horario de 11.00 a 14.00 e de 16.00 a 19.00 horas) ou o mesmo día do espectáculo dende unha hora antes do comezo do mesmo no Teatro Principal. 

IBUPROFENO TEATRO

RECONVERSIÓN é un espectáculo de gran formato para público adulto, con oito actores-músicos que forman unha charanga e interpretan a banda sonora en directo. Entre o íntimo e o político, a peza, escrita e dirixida por Santiago Cortegoso, é un exercicio de memoria histórica arredor da reconversión do sector naval na Ría de Vigo. A obra céntrase na peripecia vital do pai do autor, que traballou no estaleiro Ascón durante trinta anos, unha figura que sintetiza as vivencias dunha xeración marcada polo peche da factoría en 1984 e polas mobilizacións históricas dos anos 70 e 80.

Posfunción: 29 de xaneiro ao remate do pase
Público: Adulto
Lingua: Galego

FRAN SIEIRA E CAAMAÑO&AMEIXEIRAS

Benquerer, querer, querer ben e quererse ben son algúns dos termos nos que afonda o novo espectáculo de Fran Sieira, desta vez acompañado en directo polo dúo galego ligado á música e ao baile de raíz, Caamaño&Ameixeiras.
Desde un punto de vista case autobiográfico, a peza cuestiona que é quererse ben a un mesmo. É posible benquerer outras persoas sen quererse ben? Algunha vez antepoñemos o benquerer ao querernos ben? Ata que punto a benquerenza pode ser real se non vai acompañada de amor e respecto propio? Estes cuestionamentos formúlanse tamén desde as marxes, sempre cunha perspectiva de xénero.
O auto-coidado emocional é o eixo central deste proceso creativo tan persoal e íntimo para o creador, onde a través do seu propio relato pon o foco na importancia do coidado, de quererse ben, de aceptarse e de respectarse a un mesmo.

Idade recomendada: público adulto
Duración: 70 min
Lingua: Galego

CHÉVERE
ICTUS
ARTES ESCÉNICAS · TEATRO

Estrea absoluta
Foco Castelao en Escena
Conversando: 20 de febreiro

Idade recomendada: a partir de 13 anos
Duración: 105 min, sen intermedio
Lingua: galego, lingua de signos (LSE)

ICTUS é unha obra sobre a memoria: sobre o vínculo profundo entre unha boa memoria e unha boa democracia, e sobre as feridas aínda abertas da nosa memoria histórica. O seu fío condutor é A derradeira leición do mestre, a última pintura que Castelao asinou no exilio, cando estaba xa case cego.

A proposta de Chévere traza unha viaxe inversa no tempo, acompañando o cadro desde o seu recibimento en Galicia en 2018 —organizado polo Goberno galego para incorporalo a unha exposición dedicada á educación— ata a súa primeira presentación pública no Centro Ourensán de Bos Aires, o 17 de agosto de 1945. Esta data, noveno cabodano do fusilamento de Alexandre Bóveda polos militares golpistas, foi declarada Día dos Mártires de Galicia pola colectividade galega no exilio.

A compañía artella un dispositivo documental no que múltiples voces e testemuñas dialogan coa historia persoal dunha muller que sofre unha perda de memoria por un dano cerebral adquirido, tras un ictus sufrido precisamente durante o acto de recepción do cadro na Cidade da Cultura en 2018.

O resultado é unha viaxe escénica que nos convida a comprender como se constrúen —e como se disputan— as narrativas da memoria.

SARABELA TEATRO
ARTES ESCÉNICAS · TEATRO

Idade recomendada: a partir de 12 anos
Duración: 70 min
Lingua: galego

Unha noite, nun edificio de varios pisos nalgún lugar de Europa, as vidas de distintos personaxes crúzanse arredor dun restaurante de comida rápida tailandesa-chinesa-vietnamita chamado O Dragón de Ouro. Alí, un mozo chinés sofre unha intensa dor de moas mentres procura á súa irmá desaparecida, sen permiso de residencia.

Sobre o restaurante, un ancián soña con retroceder no tempo mentres a súa neta, embarazada, afronta a ruptura coa súa parella. No piso inferior, un home abandonado pola súa muller visita un amigo tendeiro, un personaxe enigmático que explota unha moza chinesa. Dúas azafatas cean no local; unha delas atopa unha moa na súa sopa.

Un mosaico de historias cruzadas que revela, con crudeza e ironía, as fendas da Europa contemporánea.

Tramoia · Anatomía dunha peza teatral  é un espazo de análise compartida dos procesos de creación escénica, impulsado polo Servizo de Mediación Cultural do Auditorio de Galicia.

Nesta sesión, que terá lugar apenas unha semana despois da estrea do novo espectáculo de Chévere, Ictus (anatomía de 'A derradeira leición do mestre' de Castelao), abordarase a peza cando aínda está viva, en movemento e en diálogo co público. A actividade propón diseccionar o proceso creativo: desde as primeiras intuicións e liñas de investigación ata as decisións finais de posta en escena.

Ao longo da conversa coa compañía, analizaranse tamén os materiais, ideas e camiños que quedaron fóra do resultado final, mais que foron fundamentais na construción do espectáculo. TRAMOIA permite así achegarse ao método de creación colectiva de Chévere, ás súas dinámicas de investigación e ás tensións entre proceso, contexto e resultado artístico.

Un espazo para comprender como se fai teatro hoxe e para seguir pensando a escena desde dentro.

O Monstro de Cores esperta hoxe algo confundido: todas as súas emocións mesturáronse e agora non sabe que lle pasa. Para poñer orde neste caos, contará coa axuda da súa amiga, unha nena chea de curiosidade e ganas de axudar. Xuntas vivirán unha divertida e emocionante aventura onde aprenderán a recoñecer, nomear e expresar sentimentos como a alegría, a tristeza, o medo, a rabia e a calma.

Este espectáculo teatral, baseado no popular libro de Anna Llenas, convértese nunha viaxe chea de cores, música e xogo, onde as nenas e nenos, xunto coas súas familias, descubrirán que as emocións son amigas que hai que coidar e entender.

Das creadoras de “A toupiña que quería saber quen lle fixera aquilo na cabeza”

PÚBLICO: A partir dos 2 anos

Representación teatral do AUTO DOS SIMULADOS DA CARAVILLA de Manuel María. Produción do Grupo de Teatro da S.C: Medulio, dirixido por Francisco Rodríguez. Colabora a A.C O Galo.

A obra, unha adaptación cómica en clave de esperpento, revisita o chamado tributo das cen doncelas que os cristiáns debían pagar aos mouros e propón unha sátira da figura de Santiago como guerreiro e da súa suposta intervención milagrosa na batalla de Clavixo.

A peza mestura personaxes históricos como Carlo Magno co almirante Balán, inspirado nos libros de cabalaría recollidos en A historia do emperador Carlo-Magno e dos doce pares de Francia, para ofrecer unha visión crítica e verosímil dos feitos.

Este auto convértese así nunha proposta divulgativa que reivindica a diversidade cultural do medievo fronte a unha historiografía uniforme que adoita simplificar a realidade da Península Ibérica, Europa e África.

Que farías se herdases un caderno dunha amiga íntima de Begoña Caamaño? Nesta peza teatral coñecemos a historia dunha xornalista que decide gravar un podcast en vivo para contalo. Con motivo do Día Internacional da Muller, a Biblioteca de Galicia tráenos a estrea absoluta de Begoña Caamaño: o transgredir das ondas, unha peza que narra a historia de Begoña a ollos da súa íntima amiga África, a quen coñeceu un 8 de marzo de 1997.

A partir da relación entre as anotacións no diario e os diferentes momentos da vida profesional de Begoña, vaise reconstruíndo ante o público a traxectoria dunha creadora excepcional, implicada co feminismo e cos diversos movementos sociais nos que participou. Porén, durante a gravación deste podcast aparecerán diversos problemas técnicos que transformarán as ideas iniciais da xornalista e influirán de forma decisiva no seu relato, como se o propio espírito de Begoña quixese puntualizar algunhas das pasaxes narradas e, ao igual que as protagonistas das súas novelas, ser dona da súa historia.

Nesta obra con dramaturxia de Paula Carballeira, actuación de Rocío González e dirección de Chiqui Pereira conflúen teatro documental, teatro radiofónico e o xogo dramático baixo a forma de comedia de pantasmas, tratando temas como a autosuficiencia, a igualdade de xénero ou a importancia da liberdade de expresión no xornalismo.

Así, a Biblioteca de Galicia afonda, a través do teatro, na figura de Begoña Caamaño, a quen se lle dedican este ano as Letras Galegas. Unha escritora e xornalista, así como feminista e activista, que pasou a ser unha figura esencial da nosa historia. 

Despois de encher auditorios con Corentena e Corentena · Game Over, Perdomo e Touriñán volven coa súa parella máis perigosa: o amor.

Un espectáculo de citas tolas, paixóns imposibles e personaxes que non deberían xuntarse… pero xúntanse igual. Un First Dates á galega, humor salvaxe e moito corazón.

Mala Vida e Pior Morte de Ricardo III é un espectáculo unipersonal protagonizado por Evaristo Calvo, no que o difunto rei Ricardo III de Inglaterra diríxese ao público para rebatir o relato que Shakespeare deixou sobre os últimos anos da súa vida en La vida y la muerte del rey Ricardo III. Unha proposta revisionista que combina historia, humor e contradicións entre personaxe e intérprete.

TALÍA TEATRO
ARTES ESCÉNICAS · TEATRO

Idade recomendada: Público adulto
Duración: 90 min
Lingua: galego

ARTUR UI, O OVO DA SERPE explora o momento actual a través da lente crítica e irónica do teatro épico. Unha homenaxe a un clásico do século XX que analiza os mecanismos de poder, a natureza do autoritarismo e as súas manifestacións, establecendo paralelismos coas ameazas fascistas do presente.

Partimos dun feito real: no ano 1880, Curros Enríquez foi denunciado polo bispo de Ourense por varios poemas do seu libro Aires da miña terra, unha das obras fundamentais do Rexurdimento Galego. A pesar do criterio contrario do fiscal, o proceso seguiu adiante e o escritor foi finalmente condenado. A partir destes feitos históricos, Cándido Pazó construíu O proceso, unha peza teatral en ton de sainete cómico que revive con humor, música e poesía este episodio pouco coñecido, abordando tamén temas sempre vixentes como a lingua, a cultura, a identidade e cuestións como o que hoxe se coñece como “lawfare”.

Tres actores e unha actriz dan vida a once personaxes distintos: figuras populares como un zapateiro, unha lavandeira, un taberneiro ou un músico militar; perfís burgueses como un boticario e a súa esposa; figuras institucionais como un crego, un bispo ou un xuíz; a figura intelectual do propio Curros Enríquez; e unha figura simbólica e poética, o “maio de flores cuberto”, dedicado á esperanza e lembrado nun dos poemas máis célebres do autor.

Diálogos áxiles e brillantes, humor, cancións, poesía e emoción combínanse nesta proposta que se presenta na Biblioteca de Galicia con motivo do Día do Teatro, achegando ao público un episodio histórico moi significativo da cultura galega.

Mala Vida e Pior Morte de Ricardo III é un espectáculo unipersonal protagonizado por Evaristo Calvo, no que o difunto rei Ricardo III de Inglaterra diríxese ao público para rebatir o relato que Shakespeare deixou sobre os últimos anos da súa vida en La vida y la muerte del rey Ricardo III. Unha proposta revisionista que combina historia, humor e contradicións entre personaxe e intérprete.

Mofa e Befa: Pedriño e Rañolas
Idade recomendada: a partir de 13 anos | Duración: 95 min | Lingua: galego | Posfunción o 15 de abril tras o pase

Pedriño e Rañolas son amigos contraditorios e antagónicos, un soñador arriscado e outro materialista e pusilánime. Inspirados en personaxes clásicos como Quixote e Sancho Panza, entran nun universo de bufóns e pallasos que Castelao admirou. O espectáculo mestura corpo, alma, nenos, tolos e animais, construíndo un retábulo da risa absoluta e da comedia humana do pobo galego.

Escenas do cambio 2026 propón un programa no que laten tres correntes interconectadas: o impulso do que persiste, o do que se revela e o do que se reinventa. Revelesencia é o termo —entre revelación, efervescencia e esencia— co que Kirenia Martínez, directora artística do festival, define unha liña de programación que interrelaciona estes tres camiños a través das artes escénicas.

O festival de teatro, danza e arte en acción da Cidade da Cultura celebra a súa duodécima edición do 7 ao 10 de maio con 11 propostas escénicas transnacionais nas que conviven artistas e compañías de Galicia, Euskadi, Cataluña, Illas Baleares, Illas Canarias, Madrid e tamén de Alemaña, Bélxica, Brasil, Colombia, Cuba, Guinea Ecuatorial, México, Portugal e Lituania.

A programación constrúese como un diálogo transnacional entre prácticas que entenden a creación escénica como unha forma de coidado, de escoita e de recomposición do presente, na que teñen cabida os saberes ancestrais, as memorias dos territorios, os afectos, os corpos fóra da norma e as ecoloxías sensibles.

As artes escénicas como territorio libre e cooperativo
O programa integra ata oito coproducións internacionais (El Vacío, La Cura, Fear:less, Hecatombe II, Arder Épica, Black Box, Horizontes Errantes, Entrecruzad@as) e tres a nivel nacional (52-Blau, Este himno llevará la palabra Euforia e La Calidesa). As obras con ADN galego non son alleas a esta tendencia, e así vemos a conexión Galicia-Euskadi-Navarra da compañía iXa, e o enlace Galicia-Portugal na obra que Hugo Torres estrea co apoio do Centro Dramático Galego, Trigo Limpio (PT) e o FITEI de Oporto.

Escenas do cambio 2026 conta con 3 estreas absolutas: 52-Blau, da compañía iXa, na que participa o Centro Coreográfico Galego como co-produtor; Black Box. Unha saga épica, de Hugo Torres, e a última creación de La Intrusa, Este himno llevará la palabra euforia, coa que a compañía vasca celebra o seu 30 aniversario precisamente no festival.

Escenas do cambio será tamén onde veremos por primeira vez en España as producións internacionais Fear:less, da artista alemá Silke Z., e dúas coproducións cubano-colombianas de danza e gran formato: El Vacío e La Cura, dirixidas por Julio César Iglesias Ungo cun elenco da Compañía Colombiana de Danza Contemporánea.

Juliana Reyes en Entrecruzad@as e a instalación escénica La Calidesa, de Société Mouffette, abordan as soledades actuais nas súas propostas. En rescatar memorias, saberes antigos, pegadas humanas e máis que humanas e construír relatos á marxe da historia oficial afánanse Arder Épica (Cap. 1), do brasileiro Reinal Ribeiro; Hecatombe II - Movementos e rituais para a renovación do mundo, da artista colombiana de orixe indígena Martha Hincapié Charry; e Horizontes errantes, a peregrinación artística de Laura Aris e Jakob Jautz a través da Selva Negra e o Camiño de Santiago.

Porque nunca se sabe.

Carlos Blanco presenta A Penúltima, un novo espectáculo no que volve combinar humor, memoria e unha ollada irónica sobre o paso do tempo. Imaxes, historias novas e outras xa coñecidas entrelázanse nun monólogo no que a risa está garantida.

Durante 70 minutos —que sempre saben a pouco— Carlos Blanco ofrece un espectáculo divertido, lúcido e, en certo modo, curativo. A Penúltima chega este ano… e despois, xa se verá.

Un espectáculo imprescindible.
Para non perdérselo.

NORTEAR
COLUMNA BALTEIRA · ARTES ESCÉNICAS

Idade recomendada: Todas as idades
Duración: 80 min
Lingua: galego

NORTEAR é unha peza escénica onde o real e o espectral, o político e o onírico, o etnográfico e o poético se entrelazan. Un grupo de mulleres habita un espazo despoboado do Norte, movéndose entre o traballo, a danza e a espera, nunha procura constante dun lugar onde ancorarse e seguir turrando pola utopía.

O medo máis antigo da humanidade é o medo ao descoñecido. Din que Prometeo roubou o lume aos deuses, e que desde entón arde en nós o desexo de crear. Mais toda creación leva consigo a sombra do erro. Como intuía Aristóteles: o monstro é o que se afasta da esencia, o que rompe a orde natural das cousas. Criaturas nace desa fenda, desa chispa prometeica que nos empurra a inventar, modificar, mellorar… ata perder de vista o que nos fai humanos. 

+14 anos

IRIBARNE
BUTACAZERO, CENTRO DRAMÁTICO NACIONAL E MIT RIBADAVIA

Idade recomendada: a partir de 18 anos
Duración: 180 min (con intermedio de 15 min)
Lingua: galego

IRIBARNE é unha investigación escénica irreverente sobre unha figura clave da historia recente de Galicia e España. Seguimos a vida dun home nacido na vila de Rouco Varela durante a Monarquía de Alfonso XIII, emigrado a Cuba e retornado para navegar a política, sempre coa ambición de influír no seu tempo. A obra analiza o poder, a ambición e os discursos sen filtro dun personaxe que deixou pegada na política galega, sen ser un biopic convencional.

A artista Neves Seara impartirá na Fundación DIDAC de Santiago de Compostela o obradoiro performativo Luz infinda, unha proposta na que o corpo, a emoción e a poesía se entrelazan a través de xogos de luz e sombra.

Enmarcado na programación da VI edición de Plataforma. Festival de artes performativas, o obradoiro desenvolverase durante dúas xornadas: o sábado 17 de maio de 10.00 a 14.30 e de 16.00 a 19.30 horas, e o domingo 18 en horario de mañá, de 10.00 a 14.30.

Obradoiro de creación literaria As Compostelas que hai en min, con Daniel Asorey

A Asociación de Escritoras e Escritores en Lingua Galega, en colaboración co Concello de Santiago, organiza o obradoiro de creación literaria As Compostelas que hai en min, impartido por Daniel Asorey no marco da Escola de Escritoræs da AELG na Zona C, punto de información cultural na praza de Cervantes.

Esta proposta convida a descubrir Santiago como territorio literario, emocional e simbólico. A través de diferentes dinámicas de observación e escritura, exploraranse as múltiples capas da cidade e abriremos novas vías para a creación persoal.

O festival Electrofauna, a vibrante chamada do bosque como latexo creativo terá lugar en Santiago de Compostela este sábado e domingo con entrada libre e actividades para todo tipo de públicos. O proxecto terá lugar no parque de Bonaval como localización principal, e contará con programación musical, obradoiros e actividades medioambientais de balde a partir das 11h, animando a toda a cidadanía a participar da iniciativa a modo de pícnic.

PROGRAMACIÓN SÁBADO 6 SETEMBRO

• 11h Roteiro guiado dende Bonaval ata o parque Berce do Sar con volta á igrexa de Sar
• 11h Demostración de máscaras follateiras a cargo da Asoc. Follateiros de Lobios
• 11:30h a 14h Obradoiro aberto de acubillos de vimbio con Julia de La Cal - La Parabólica
• 12h Obradoiro aberto de movemento creativo da man da Asoc. BStudio Danza
• 13:30 Meiga-i, a fantasía galega
• 14:30 Electropicnic con DJ Mr. Fishman
• 16h a 19h Obradoiro aberto de acubillos de vimbio a cargo de Julia de La Cal – La Parabólica
• 18h Electrocharla: fauna e flora autóctonas
• 20h Salvar Doñana en concerto
• 21h Electronoite con DJ Daasanach Je

PROGRAMACIÓN DOMINGO 7 SETEMBRO

• 11h Apertura de electroespazos
• 11:30h a 14h Obradoiro con aforo reducido de máscaras de fibras vexetais a cargo de Julia de La Cal – La Parabólica
• 13h Aborigen en concerto
• 14h Electropicnic con DJ Rapante
• 17h Mani Dii en concerto
• 18h Obradoiro libre de movemento creativo da man da Asociación BStudio Danza
• 20h Roteiro nocturno de descuberta dende o parque de Bonaval
• 20h Castora Herz & La Quadrilla en concerto

(*) A duración estimada dos roteiros é de 2-3 horas. Para os obradoiros de movemento creativo non é necesaria experiencia, formación previa en danza, nin condicións físicas específicas. O obradoiro de máscaras de fibras vexetais será de aforo reducido para as primeiras persoas que se anoten no espazo quince minutos antes do comezo da actividade e ata cubrir capacidade.

Do 21 ao 22 de febreiro celebramos en Santiago o 189 aniversario do nacemento de Rosalía de Castro e o 160 da publicación de Las literatas. Actividades para todos os públicos, de acceso libre ata completar capacidade. Organizado pola Área de Lingua da Deputación da Coruña en colaboración co Concello.

+INFO

DATAS APROXIMADAS

Durante o verán, danza, circo, teatro, poesía, música, patrimonio, artes visuais e moito máis nas rúas de Compostela. Toda a programación en compostelacultura.gal

DATAS APROXIMADAS

Durante o verán, danza, circo, teatro, poesía, música, patrimonio, artes visuais e moito máis nas rúas de Compostela. Toda a programación en compostelacultura.gal

DATAS APROXIMADAS

Tres días de celebración para lembrar o convite que reuniu arredor da mesma mesa a estudantes universitarios, obreiros e artesáns o 2 de marzo de 1856 para reivindicar a igualdade e a liberdade, permanece na memoria colectiva como un dos acontecementos fundacionais do galeguismo.

A programación do Banquete de Conxo comezará o venres 23 de maio cun percorrido de Cantos de Taberna por distintos bares do barrio de Conxo. Será ás 21:00 h e contará coa participación dos grupos Can de Ghaiteiro, Colexiata de Sar, Esfolladores, Muiñeiros do Sarela, Recandea e Sapamamas.

Xa o sábado 24, a programación centrarase na praza de Aurelio Aguirre e estará especialmente dirixida ao público infantil e familiar. Para os máis pequenos haberá xogos populares en horario de mañá e de tarde.

Celebrarase o mercado do libro e da artesanía, unha mostra de oficios con diversas actividades de dinamización e espectáculos para público familiar, ademais dunha sesión vermú coa participación das bandas que ensaian no Centro Xove. Ademais, volverán a festa da poesía, unha sesión de canto fraterno con algunhas das corais da cidade, e o tren do Banquete de Conxo. Repetirase tamén a ruta literaria con Quique Alvarellos, titulada As voces do Bosque.

No gran día da Festa do Banquete, o domingo 25, continuarán o mercado do libro, da artesanía e a mostra de oficios; haberá diferentes actividades para as nenas e nenos como actuacións de maxia ou xogos infantís, e tamén propostas musicais durante toda a xornada.

Os actos centrais serán o desfile teatralizado con Os Quinquilláns, que sairá ás 11:00 h da praza do Toural, e a posterior comida de confraternidade.

TREN DO BANQUETE DE CONXO

A Libraría Couceiro acollerá o día 1 ás 19:00 h unha conversa arredor do libro Ensaio sobre o efémero, de Vítor Vaqueiro, organizada pola Asociación Cultural O Galo. A obra, composta por setenta e dous relatos breves, percorre a historia desde a Antigüidade clásica ata a contemporaneidade a través de personaxes reais e ficticias. O autor, poeta, narrador e fotógrafo vigués, membro destacado da Xeración dos 80, dialogará con Marga do Val, tamén viguesa, poeta, narradora e crítica literaria, autora de A cidade sen roupa ao sol (Premio da Crítica 2010). Un encontro para descubrir dúas voces imprescindibles das letras galegas actuais.

A SELIC (Semana do Libro de Compostela) é un encontro arredor do libro e da lectura que transforma a Praza da Quintana nun espazo cultural aberto, con presentacións, recitais, obradoiros e actividades para todos os públicos.

Programa completo próximamente

Celebramos o Día do Patrimonio inmaterial co espectáculo “Xeografía do imaxinario: contos, versos e lendas de Galicia” da man de Sole Felloza. Esquece o XPS, ven percorrer o mapa do imaxinario de Galicia. Precisas só ollos de curuxa, botas de tres leguas e orellas espreitando. Acharás (toparás, atoparás) así contos e lendas, ritos e mitos da tradición oral sobre esta nosa terra encantada.

Galicia ten un mapa que non sempre vemos, agochado para algúns, esquecido para moitos, devecendo por ser percorrido e revelado de novo, para non morrer no esquecemento. Nel moran ocultos pequenos e grandes seres máxicos, vivos grazas ás contadas das eiras nos abafantes veráns ou á calor do lume nas frías tardes de inverno.

Xa for escoitando aduanadas dos trasnos, sentados a carón dun castro ou dunha fervenza, vendo voar bruxas a cabalo de vasoiras, descubrindo pedras que agochan tesouros ou covas que gardan dragóns, escoitando cantos de xacias e sereas…sabedores sempre de cal é o momento preciso no que se acenden os fachos da memoria colectiva… Tracemos xuntos ese mapa de novo, para sermos quen de descubrir unha xeografía diferente, única.

No salón de actos. Para público adulto. Entrada libre ata completar a capacidade da sala.

De corpo e palabra é unha viaxe pola poesia a través da linguaxe da danza e o teatro. Ao tempo, é unha peza de loita contra un sistema social e económico que nos atrapa. Coa poesía en directo de Eva Veiga e Andrea Nunes e a voz e ambiente sonoro dun collage musical e Su Garrido.

Un homenaxe ao máxico mundo das palabras e como estas habitan todo tipo de corpos.

Sobre la obra de Emily Brönte

Otra sesión de las Mañanas Poéticas, actividad coordinada por Carlos Arias, voluntario del programa de Voluntariado Cultural de la Red de Bibliotecas de Galicia, destinada a acercar la poesía a las personas interesadas.

En estas sesiones, que se celebrarán los últimos miércoles de cada mes, se realizará una lectura libre de textos de un poeta o poeta y un diálogo abierto sobre las impresiones de la lectura. El miércoles 28 de enero se dedicará a Emily Brönte. Para completar esta sesión, intentaremos establecer un pequeño diálogo entre tres épocas y tres sensibilidades muy distintas: Emily Brönte, Teresa de Ávila y Ausiàs March.

En la sala de trabajo A, tercera planta. La entrada es libre hasta un máximo de 15 participantes.

Nova sesión das Mañás poéticas, unha lectura aberta e libre de textos de diferentes autoras e autores, que no mes de febreiro adicamos ao poeta vanguardista máis destacado da literatura catalana da primeira metade do século XX, Joan Salvat Papasseit.

De vida moi curta e intensa, naceu en 1894, en Barcelona. Especialmente coñecido como poeta, tamén escribiu artigos e manifestos, especialmente na súa etapa máis dedicada a cuestións políticas e sociais, na que mesmo acaba no cárcere durante dous meses, polo seu artigo “Un pueblo, Portugal”.

A AC. O Galo presenta o libro Personaxes da Galiza Medieval IV, unha nova entrega do proxecto co que a entidade continúa a contribuír á recuperación da memoria histórica de Galicia. Este volume percorre os séculos nos que o país era un reino de seu e desenvolvía unha estrutura económico-social protofeudal e feudal que define esa época. A obra reúne textos de diversos autores que abordan figuras clave da nobreza galega e o contexto político “atlantista” fronte ao modelo “mediterranista” impulsado por Aragón e Castela ata finais do século XV. As persoas asistentes recibirán un exemplar de agasallo. É necesario inscribirse en comunicacion@ogalo.gal antes do 26 de febreiro ás 17.00 h.

A AC. O Galo organiza a presentación do caderno 170 Anos do Banquete de Conxo, un volume no que o filólogo Xoán Costa mergulla a memoria colectiva deste acontecemento histórico cunha escrita precisa, culta e ao tempo divulgativa, que ilumina a dimensión social, política e simbólica daquela xornada fundacional do galeguismo.

O acto, de entrada libre até completar capacidade, celebrarase o luns 2 de marzo ás 20:00 h no Centro Sociocultural Aurelio Aguirre de Conxo, e contará tamén coa participación da alcaldesa de Compostela, Goretti Sanmartín, e de María Antonia Pérez, presidenta da entidade organizadora.

Celebramos o Día da Poesía co obradoiro de creación poética Que como o sol sexa o meu verso da man de Apiario. Que como o sol sexa o meu verso son palabras do poeta Miguel Hernández e con elas poñemos nome a este obradoiro. Unha proposta na que converxen o descubrimento do poético e da experiencia literaria a través da lectura activa, o comentario en grupo e unha proposta práctica para a escrita.

Nas súas tres horas de duración atravesaremos unha unidade de lectura especificamente deseñada para mergullar no extraordinario, no efémero, no misterio, no arroubo e sucar o emoción, o silencio, os ocos, a memoria. Pezas angulares e ferramentas que nos leven á escritura, mais tamén a ampliar a capacidade lectora e crítica. Alimentarse na fascinación que provoca a palabra. 

Apiario é un proxecto literario onde se tecen obradoiros de escrita e cursos de formación cun selo editorial independente. Factoría onde esmelgar ao redor da palabra. Laboratorio que deseña contextos para a creación. 

Para 15 persoas adultas. Inscrición a través do seguinte formulario: https://bibliotecas.xunta.gal/gl/santiago/formulario-de-inscricion-no-obradoiro-de-creacion-poetica-que-como-o-sol-sexa-o-meu-verso-da-man-de-apiario

Cal foi a última vez que escoitaches un disco de principio a fin conscientemente? O clube de escoita do Modus Vivendi, é un espazo no que partillar o amor pola música, afondando en compañía en discos de diferentes xéneros e épocas.

Santi Araujo encargarase de dirixir este encontro un domingo ao mes: unha cita a cegas cun disco na que accederemos a curiosidades e datos que nos axudarán a comprender mellor cada un deles.

A atención, estar atento , é a base do amor….tamén pola música.

O I Festival Dálle Xogo celebraráse na tarde do venres 21 de novembro, e ao longo de toda a xornada do sábado 22. Coa participación dunha ducia de editoriais de xogos de mesa e máis de vinte entidades colaboradoras, o evento contará con espazos de xogo libre, torneos, charlas e expositores de diferentes marcas tanto galegas como estatais.

Así, poderanse probar os produtos de recoñecidas firmas como Mercurio, Diset, Top Toys, Asmodee, Old Teddys, Rey Mono, Brain Picnic, Upple Games ou Cayro. O festival contará, ademais, coa presenza de entidades locais vinculadas á educación, a inclusión e o lecer educativo, como Latento Servio Integral Altas Capacidades, o Espazo de Lecer María Miramontes ou Down Compostela, que achegarán ao público as súas propostas.

A programación finalizará cun concerto, en colaboración coa Concellaría de Xuventude e co Centro Xove da Almáciga. Todas as actividades de Dálle Xogo serán de balde.

+INFO

Amparo Segarra. Corpos de papel. Revisando a nosa arte – A xornada comeza ás 16:45 h coa presentación. Ás 17:00 h terá lugar a conferencia de Carmen Gaitán Salinas, investigadora do Instituto de Historia do CSIC. Ás 18:15 h comeza a sesión de relatorios con Rosario Sarmiento, Lorena Rodríguez e Susana Cendán, seguida dun debate moderado por Eduardo Valiña. A xornada pecha ás 20:00 h.

O Festival Internacional de Cinema Curtocircuíto, organizado polo Concello de Santiago de Compostela, celebra a súa vixésimo segunda edición volvendo ás rúas, coa proposta de xerar espazos de intercambio entre a cidadanía e as artistas nos que compartan e reflexionen sobre o seu traballo.

O festival manterá unha programación internacional e interdisciplinar que seguirá tendo o cinema como eixo principal. Ademais de conservar as seccións competitivas Planeta GZ, Supernova e Cosmos, o encontro e a convivencia entre artistas, cineastas e público serán o punto de partida para xerar lugares de debate, reflexión e coexistencia fóra das estruturas competitivas.

+INFO

Buscando a Santa Compaña é un documental de Fernando Cortizo que recolle a busca contrarreloxo das últimas testemuñas dun fenómeno que marcou a nosa cultura. A través de entrevistas con persoas expertas en antropoloxía, etnografía e relixión, xunto con relatos de quen asegura ter vivido experiencias coa estadea, o filme constrúe unha roadmovie que tenta esclarecer que se agocha tras esta crenza milenaria. O director, xa nomeado aos Premios Goya pola súa longametraxe O Apóstolo, volve situar o cinema galego no panorama internacional. A obra é candidata aos Premios Mestre Mateo da Academia Galega nas categorías de Mellor Documental, Mellor Banda Sonora, Mellor Dirección e Mellor Montaxe.

No marco da conmemoración do 65 aniversario da Operación Compostela, terá lugar a preestrea da curta documental Expediente Velo (2026), dirixida por Aser Álvarez (30 min.), dentro do Ciclo de Cinema Filosófico da Facultade de Filosofía da USC.

O acto contará coa presenza do director, quen realizará unha breve visita guiada á exposición Love Velo, instalada actualmente na entrada da facultade. A continuación, terá lugar a presentación do filme, rodado ao longo dos últimos dez anos en Celanova, São Paulo, Caracas, Santiago, Lisboa e outras localizacións, seguida dun coloquio e debate arredor do valor da utopía como motor de transformación da realidade.

Esta actividade inscríbese no programa “Xosé Velo: 65 anos da Operación Compostela”, unha homenaxe colectiva á figura de Xosé Velo Mosquera (1916–1972), escritor e político galego, protagonista dunha das accións máis simbólicas da loita contra as ditaduras franquista e salazarista.

Máis información e materiais do proxecto documental transmedia en: www.xosevelo.org 

Antes de Maio é un audiovisual de Aqueladas que mestura ficción e documental, premiado co Premio a Proxectos Culturais Singulares para a Mellora Social da Deputación da Coruña. En formato de novela visual, sitúa ao público na pel dunha estudante de primeiro curso no ano 1967-68, que terá que decidir como implicarse nas protestas estudantís. As persoas participantes toman decisións que condicionan o desenvolvemento do relato. A narración céntrase na perspectiva das mulleres da época e incorpora testemuños reais. Ao avanzar a historia, a protagonista reúne un inventario de materiais que o público pode consultar nos seus teléfonos móbiles.

Basal é un documental que retrata a vida da cantautora Ugia Pedreira, coñecida como A Pedreira, xunto á súa filla Lua Awel, que ten parálise cerebral e unha relación “curiosa e espléndida” coa música. O relato percorre desde as sesións de Feldenkrais de Gaia Kiel en Donostia ata a participación de Lua na gravación do álbum tamén chamado Basal.

Este formato docudisco convídanos a un paseo sonoro polas cancións da artista, transitando pola súa casa familiar paterna e polo canto da súa nai, Isabel, unha cantora popular de quen herdou o “patrimonio musical galego” do seu territorio, A Mariña de Lugo, así como polo occidente asturiano. Lua e Ugia forman parte da comunidade da Fundación Edes, un centro que promove a diversidade funcional, encadrado na xeografía cantábrica.

A narración conta coa presenza en Nova York de Cristina Pato, quen reflexiona sobre o arte como un dereito, non como un privilexio, e ambas destacan a necesidade de actividades culturais accesibles para todos os públicos, independentemente das súas capacidades.

Basal é un relato íntimo, cargado de tenrura e paisaxes sonoras e visuais rotundas. Musicalmente, comeza cunha improvisación gravada nos estudios de Kaki Arkarazo con Ibai Arrieta de cámara, en Donostia, cidade onde tamén conclúe o proxecto documental, cunha Lua que nos lembra como un movemento pode cambiar a forma de pensar.

Ugia Pedreira, directora e guionista do filme, e o realizador Óscar Górriz presentarán a proxección e manterán, ao seu remate, un coloquio co público. A sesión enmárcase na programación especial do Día Mundial da Arte que a Deputación da Coruña promove co apoio do Concello de Santiago.

O Museo do Pobo Galego e a Fundación Otero Pedrayo convidan á presentación do documental Ramón Otero Pedrayo, dereito á paisaxe, dirixido por María José Bravo.

A proxección terá lugar o 16 de abril ás 19:00 horas no auditorio do museo, con entrada libre ata completar a capacidade. A peza afonda na figura de Ramón Otero Pedrayo e na súa relación coa paisaxe, ofrecendo unha nova ollada sobre o seu legado cultural e intelectual.

Festas patronais desta parroquia compostelá en honra a San Antón e San Xosé. Con actuacións de Soprano, Fania Blanco Show e a Charanga BB+.

As Festas da Ascensión 2025 encherán Compostela de música, actividades e tradición na última semana de maio. Esta celebración, unha das máis queridas pola cidadanía compostelá, volve con concertos ao aire libre, espectáculos infantís, mercados tradicionais, atraccións na Alameda e exhibicións de cultura popular galega.

O grupo Tanxugueiras será o cabeza de cartel dun programa no que non faltarán, por suposto, os cabezudos, as bandas de música, os pasarrúas, as atraccións da Alameda e a tradicional Feira Cabalar.

As festas arrancan o mércores 28 cos Cantos de Taberna e co concerto Santiago 40 Pop ás 21.00 h na praza da Quintana con Depol como un dos artistas principais.

O día grande da Ascensión, o xoves 29, comeza con alboradas e continúa cun concerto da Banda Municipal ás 12 h na praza da Quintana, acompañada de Ultreia. Os cabezudos animarán a xornada a partir das 12.30 h e quen o prefira poderá darse unha volta polo recinto feiral de Amio para ver a tradicional feira cabalar. Xa pola tarde será o tempo do completo programa de Folk na rúa e do concerto da Real Filharmonía (ás 20.30 h no Auditorio de Galicia). O prato forte chegará ás 21 h na praza da Quintana co concerto de Tanxugueiras. Na alameda estará a Orquestra Marbella. 

O venres 30 gozaremos con outro clásico, o Composfest, cheo de boa música. Tamén terá lugar o XLVIII Torneo da Chave na Alameda. O día complétase con alborada pola mañá e orquestra pola noite. 

O sábado 31 de maio será a xornada da Festas dos Maiores, da exposición de vehículos clásicos e contemporáneos ou das escolas de baile tradicional nas prazas da zona vella e da Romaría das Flores en Belvís. A praza da Quintana acollerá o concerto de Queralt Lahoz, dentro do ciclo SON Estrella Galicia. 

O último día das festas, o domingo 1, celebrarase a XXIV Carreira da Ascensión e un novo concerto da Banda Municipal, neste caso con Ailá. Tamén haberá circo para a cativada na praza de Mazarelos. Guadi Galego será a encargada de poñer o broche final ás festas picheleiras por excelencia cun concerto ás 20.30 h na praza da Quintana. 

Todas as actividades son de balde e acceso libre ata completar a capacidade, salvo cando se indique outra modalidade.

As atraccións estarán na Alameda dende o día 17 de maio ao 3 de xuño. Horario inclusivo sen ruído: Os días 23 e 31 de maio e 1 de xuño en horario de 17 h a 19 h

Punto Lila na caseta lila da Alameda de 20 a 01 h do 28 ao 31 de maio

Trátase dunha xornada de músicas diversas, actividades para todos os públicos e oferta gastronómica variada no marco das Festas da Ascensión 2025.

A Romaría das Flores será o escenario no que se presenten en concerto Tona. Esta nova banda fai ‘música da ribeira’, sons populares que se reinventan nunha formación de acordeón, trikititxa, batería, baixo e a voz inconfundible de Miguel Cernadas (Terbutalina) que actuarán no Parque de Belvís nas primeiras horas xusto despoisdoutro dos grupos que veñen de renovar o panorama musical galego, Ulex. Os composteláns presentan primeiro disco, ‘Lonxe de ti’. Rock atolondrado - como din eles - con aires cumbieiros e letras que poden ser a banda sonora da mocidade galega. A tarde traerá dúas propostas que revisan as súas tradicións con novas sonoridades. Por unha banda chegan dende Cádiz a Compostela Yeli, Yeli: o proxecto do cantaor Álvaro Romero mestura a electrónica con batería en directo, a tradición do flamenco co kuduro.

Pola outra, unha das bandas referentes da nova potente e rica escena actual en Galicia, De Ninghures, traerán ao parque de Belvís a frescura da súa ‘Feira’, novo disco e espectáculo que están a presentar esta primavera. Xa á tardiña o power pop das francesas Alvilda sorprenderá coa mestura de melodías luminosas, guitarras punk e un particular toque yeyé. Porannos a bailar xusto antes de que o cuarteto italiano The Peawess peche os concertos da Romaría das Flores co seu garaxe rock e os seus vinte anos de traxectoria que os converten nunha das bandas de referencia do seu estilo na escena europea. A festa rematará cando erga a agulla do último vinilo do día a picadiscos Wanda Buluba.

Ao par dos concertos o Parque de Belvís contará tamén durante a xornada cun espazo de lecer para crianzas dinamizado por Xogos Miudiño e cun concerto despois do xantar de Uxía Lambona e a Banda Molona. A ‘Romaría das Flores’ está organizada polo Concello de Santiago, a través das concellarías de Festas e de Xuventude, coa produción de Tremendo Audiovisual, co patrocinio principal de Deleite e co apoio de Estrella Galicia, Bodegas Lodeiros e Paco & Lola.

Nova edición da festa do comercio local con música e actividades para toda a familia.

O “Prima 25” comezará o xoves 5 de xuño, con pasarrúas musical polo Ensanche, a cargo de Brassica Rapa a partir das 18.00 horas. Ao día seguinte, María Faltri presentará o seu espectáculo musical “Soñando inventei” en Conxo, a partir das 18.00 horas, e a esa mesma hora, a compañía Pedras de Cartón levará o seu espectáculo “Moby Dick” á Praza Roxa. Tamén na Praza Roxa, a partir das 19.00 horas a compañía Golfiños presentará o seu espectáculo “Silforiña”, que combina música e narración. Por último, por San Pedro e Fontiñas haberá pasarrúas a cargo de Paporrubio coa súa “Transhumancia sonora”, un grupo animais cabezudos acompañados por dous músicos que no seu percorrido interpretan diferentes escenas dramáticas, cómicas e coreográficas.

Na xornada do 7 de xuño están previstas diferentes actividades ao longo de todo o día. Unha delas será a exhibición de ourivería que terá lugar na Praza do Obradoiro, en horario de 10.00 a 14.00 e de 16.00 a 20.00 horas. No eido das artes escénicas haberá dúas propostas: Inventi Teatro con “A Libraría Máxica”, ás 12.00 na Praza Roxa; e AS Sircópatas con “Rogelio III. La fête”, ás 18.00 horas na praza do Toural. En canto á música, haberá dous concertos na praza de Feixóo: Catuxa Salom, ás 13.00 horas; e Abril, ás 20.00 horas. O programa do día complétase cos pasarrúas de Tanto nos Ten, ás 12.00 horas polo Ensanche e a Praza de Abastos.

Ruleta de agasallos

No “Prima 25” non faltará a xa tradicional ruleta de agasallos “Eu merco aquí”, que estará instalada o venres pola tarde na praza Roxa, en horario de 17.00 a 19.30 horas;  e o sábado pola mañá na praza do Toural, de 11.30 a 14.00 horas. Nela poden participar todas as persoas maiores de 16 anos que presenten un tícket de compra do comercio de Santiago de importe igual ou superior a 5 euros, realizada entre o 2 e o 7 de xuño de 2025.

Cinco días de música, danza, teatro, cabezudos, lectura, contos, ciencia e moito máis nun dos barrios máis senlleiros de Santiago. 

+INFO

Cuarta edición deste festival que supón un encontro coa comunidade local e o patrimonio rupestre da zona a través de propostas culturais próximas e sostibles.

A PEDRA QUE FALA

• 10:30 – 14:00 – Roteiro rupestre sonoro guiada polo Clube Espelelóxico Maúxo
• 11:00 – Actuación “O Berro Seco” por Xurxo Souto

CAMPO DA FESTA DE LAMASCAL

• 14:30 – 16:00. Xantar popular
• 16:30 – Entrega do FECHIÑO DE HONRA a Aurora de Freira
• 17:00 – Alba María & Andrea Nunes Brións: Todas as formigas percorréndome en mandas
• 18:30 – Baile Assalto con Montse Rivera

SAN XOÁN DE FECHA E CASTROMAIOR – FONTOADE

• 17:00 – 20:00 Roteiro “Tres Fortalezas para tres tempos” guiado por Manuel Gago

 CAMPO DA FESTA DE LAMASCAL

• 21:00 – Concerto de Abril
• 22:15 – Tres Pesos

O Festigal é un festival que se celebra no Campus Vida e que está promovido pola organización xuvenil Galiza Nova e pola Fundación Galiza Sempre.

Ten lugar durante os días grandes das Festas do Apóstolo e contará coas actuacións de Hugo Guezeta, DJ Misa, Dakidarría, Alana, Brassica Rapa, Pataghulhøs e Gallego Común, xunto cunha ampla programación cultural gratuíta e para todos os públicos.

+INFO

A Praza Roxa será un dos puntos neurálxicos do Nadal de Santiago. Concertos, xogos, actuacións e atraccións encherán de luz e cor o Ensanche compostelán.

TREN DE NADAL

• Do 19 ao 7 de xaneiro: de 11.00 a 14.00 h e de 17.00 a 20.30 h.
• 24 e 31 de decembro: só horario de mañá.
• 25 de decembro, 1 e 6 de xaneiro: pechado
• Fóra do período vacacional (do 12 ao 18 de decembro): De luns a xoves: de 18.00 a 20.00 h. Venres de 17.00 a 20.30 h. Sábados e domingos de 11.00 a 14.00 h e de 17.00a 20.30 h.

CARPA ROXA

A partir do 5 de decembro
Concertos, obradoiros, contacontos, xogos de mesas… de todo pode acontecer na Praza Roxa este Nadal!

DATAS APROXIMADAS

Tres días de celebración para lembrar o convite que reuniu arredor da mesma mesa a estudantes universitarios, obreiros e artesáns o 2 de marzo de 1856 para reivindicar a igualdade e a liberdade, permanece na memoria colectiva como un dos acontecementos fundacionais do galeguismo.

A programación do Banquete de Conxo comezará o venres 23 de maio cun percorrido de Cantos de Taberna por distintos bares do barrio de Conxo. Será ás 21:00 h e contará coa participación dos grupos Can de Ghaiteiro, Colexiata de Sar, Esfolladores, Muiñeiros do Sarela, Recandea e Sapamamas.

Xa o sábado 24, a programación centrarase na praza de Aurelio Aguirre e estará especialmente dirixida ao público infantil e familiar. Para os máis pequenos haberá xogos populares en horario de mañá e de tarde.

Celebrarase o mercado do libro e da artesanía, unha mostra de oficios con diversas actividades de dinamización e espectáculos para público familiar, ademais dunha sesión vermú coa participación das bandas que ensaian no Centro Xove. Ademais, volverán a festa da poesía, unha sesión de canto fraterno con algunhas das corais da cidade, e o tren do Banquete de Conxo. Repetirase tamén a ruta literaria con Quique Alvarellos, titulada As voces do Bosque.

No gran día da Festa do Banquete, o domingo 25, continuarán o mercado do libro, da artesanía e a mostra de oficios; haberá diferentes actividades para as nenas e nenos como actuacións de maxia ou xogos infantís, e tamén propostas musicais durante toda a xornada.

Os actos centrais serán o desfile teatralizado con Os Quinquilláns, que sairá ás 11:00 h da praza do Toural, e a posterior comida de confraternidade.

TREN DO BANQUETE DE CONXO

Roteiro que repasa a historia e as persoas homenaxeadas no Día das Letras Galegas desde o seu primeiro ano (1963) ata hoxe. Prestaremos especial atención ás persoas e obras relacionadas con Santiago.

Para persoas de 14 a 99 anos. Máximo 30 participantes. As persoas interesadas poden retirar o convite no mostrador de Información da biblioteca dende 30 minutos antes do comezo da actividade.

Como colofón á exposición Ollos de vidro, o comisario Germán Labrador e a investigadora María Bella, axudante curatorial  de Germán para este proxecto, convídannos a participar nun percorrido aberto ao público na que será  a última oportunidade de ver a mostra da man dunha visita comentada.

Germán e María desenvolveron un proxecto que ben de ocupar a sala de exposicións do Auditorio desde o pasado mes de xaneiro, tomando como punto de partida a publicación 'Ollo de vidro' (Castelao, 1992) aquela obra que falaba das relacións entre os mortos e os vivos na cultura galega.

Un ollo de vidro poliédrico que durante estos meses convocou na sala de exposicións a artistas e autores participantes e que se foi enriquecendo con aportacións e miradas a que se suma nesta ocasión a de María Bella.

Andaina guiada polo barrio do Castiñeiriño promovido pola Asociación Fonte da Virxe, Amigos do Castiñeiriño e o Centro Sociocultural do Castiñeiriño. Actividade enmarcada nunha acción titulada "Castiñeiriño coa saúde mental". 

A andaina está aberta a toda a cidadanía, co obxectivo de compartir un momento de encontro inclusivo entre veciñanza, persoas afectadas por enfermidades mentais e as súas familias. 

Durante o percorrido daranse a coñecer espazos singulares do Castiñeiriño, promovendo a conexión co entorno e coas persoas. O percorrido de 4km será accesible e adaptado a todo tipo de persoas e capacidade física.

A Asociación Cultural O Galo organiza o roteiro “Lugares de xuntanza e socialización. Santiago 1923-1936”, unha viaxe pola memoria da cidade que nos achega aos espazos onde se escribiu a vida social e cultural de Compostela no primeiro terzo do século XX. As explicacións correrán a cargo de Antonia Pérez, quen guiará ás persoas participantes por diferentes lugares emblemáticos cheos de historia e lembranzas.

A actividade terá lugar o sábado 27 de setembro de 2025 ás 12:00 h, con saída dende a Porta do Camiño (esquina coa rúa Casas Reais). Para participar é necesario inscribirse previamente no correo comunicación@ogalo.gal  antes do 26 de setembro ás 24:00 h. O itinerario inclúe nove paradas en rúas e prazas significativas, como Casas Reais, Cervantes, San Agostiño, Mazarelos, a Rúa Nova, a Conga, o Vilar, San Clemente e o Pombal.

Como complemento á charla sobre a fotógrafa estadounidense que vai impartir Encarna Otero o xoves 9 de outubro ás 19h, ofrecémosvos acompañarnos neste roteiro de dúas horas de duración no que visitaremos algúns dos espazos da nosa cidade que Ruth M. Anderson recolleu coa súa cámara.

Ruth Matilda Anderson realizou cinco viaxes por España na década dos anos vinte do século pasado incluíndo a cidade de Santiago de Compostela. Foi entre 1924 e 1926 cando a fotógrafa norteamericana percorreu a comunidade, documentando coa súa cámara a vida cotiá, as tradicións e a paisaxe galega baixo o encargo da The Hispanic Society of America. As súas fotografías, que hoxe forman parte dun arquivo histórico de valor incalculable, ofrecen un testemuño visual único da Galicia rural e urbana de principios do século XX.

Dirixido a 35 persoas de 16 a 99 anos. As persoas interesadas poden retirar o convite no mostrador de Información da biblioteca dende 30 minutos antes do comezo da actividade.

Durante os meses de outubro, novembro e decembro volven os Itinerarios Patrimonio C, unha serie de rutas temáticas guiadas e de balde coas que descubrir elementos e espazos patrimoniais pouco coñecidos de Compostela, alén das vivencias, relatos e persoas que os habitaron.

Baixo o título “Servas de Deus, donas de si”, a proposta desta edición céntrase nas historias das mulleres que habitaron os conventos de clausura composteláns. Trátase dun percorrido que vai máis alá da visión romántica ou piadosa da clausura para achegarse a un relato de poder, resistencia e protagonismo feminino.
Abadesas e prioresas, moitas delas pertencentes á nobreza, gobernaban comunidades complexas e autosuficientes, xestionaban patrimonios e propiedades de gran envergadura e mesmo se implicaban en conflitos políticos e sociais que trascenderon os muros conventuais.

Para afondar na súa historia e nos espazos que habitaban, as visitas terán lugar os mércores ás 19.00 horas, cunha duración aproximada de 90 minutos. Están programadas para os días 15 e 29 de outubro, 12 e 26 de novembro e 10 e 17 de decembro. O prazo de inscrición para todas elas abrirá o luns 13 de outubro ás 12.00 horas na web de Compostela Cultura, e tanto a confirmación da praza como o punto de encontro comunicarase ás persoas inscritas por correo electrónico.