Uxía Senlle, unha das grandes voces da música do país e unha figura clave na preservación e difusión da nosa cultura, celebra 40 anos nos palcos cun concerto inesquecible en Compostela.

Nesta ocasión especial, estará arroupada por un feixe de artistas e amizades que compartiron con ela músicas e percorrido nunha noite que lembrará os momentos máis especiais dunha traxectoria chea de emoción, irmandade e vencello coa terra. Diversidade de voces e sons para festexar a andaina desta cantora imprescindible.
 

A banda da Loba presenta o seu novo traballo discográfico: «Lovismo», que xira arredor da idea do amor.

Lovismo é un canto para as lobas amigas, para quen nos dá a man día a día, para as lobiñas que nacen no cubil, para a terra que nos acolle. Lovismo é unha festa polo amor libre e os diversos amores. Lovismo é unha declaración do que queremos. 

Tras anos converténdose nun secreto a voces en Santiago subindo cancións de corte doméstico, mariagrep decidiu ser a raíña dun urban melódico tan conectado co bedroom pop como coa vaporwave. Ofreceu decenas de directos nalgúns dos festivais máis importantes do país, e na súa música habita unha sensación de estar a dar a volta ao pop electrónica, cunha actitude tan preto da música industrial como dos medios tempos de estética noventera ou mesmo o punk-pop. 

Benvidos ao Jardín del Deseo Tour. O paraíso final no que remata Perro Deseo. Unha xira para celebrar e despedir, un xogo entre a luz e o son a través das cancións. 

Jordana B. presentan o seu segundo álbum, “Otra vez el mismo drama”, unha apnea no imaxinario de Jordana B. que eleva a súa proposta a outro nivel e co que se adentran nun territorio máis profundo pero mantendo a esencia única que lles caracteriza.

Unha continuación natural do seu traballo anterior, “Tú y Cuántos Más”, pero cunha sonoridade moito máis consolidada e unha narrativa máis complexa. 

Shego irrumpe neste 2024 coa frescura de sempre, pero con máis seguridade que nunca, presentando os primeiros adiantos do que será o seu segundo disco. A fiesta é a primeira proba diso. Cunha melodía que engancha e non solta dende o primeiro acorde e unha letra que convida a berrar, resulta imposible sair deste tema. Un adianto que deixa o listón moi alto. E isto é só o principio.

FAIA presenta o seu segundo disco en solitario, Alvela, un traballo complexo e sutil, con dez temas que transitan pola experiencia da maternidade, a memoria do corpo e as violencias que o atravesan, mais tamén sobre a forza que reside no íntimo, no desexo e no pracer. FAIA revisita arrolos, romances e outras cantigas tradicionais acompañada unicamente por instrumentos de corda e grabacións de campo manipuladas, unha constrición creativa que lle confire a Alvela unha coherencia sónica e unha organicidade singular.  

Neste concerto de estrea FAIA estará acompañada da arpista bretoa Bleuenn Le Friec e o cuarteto vigués de cordas Suelen Estar Cuartet, integrado por Elena Vázquez (violín), María José Pámpano, (violín/ viola), Macarena Montesinos (violonchelo) e Saúl Puga (contrabaixo). A proposta musical completarase  coa escenografía e o vestiario de Melania Freire e o deseño de luz a cargo de Nonon Lab.

Segundo encontro de tocadoras e gran foliada aberta á cidadanía.

A primeira asociación de tocadoras galegas promove na tarde do 17 de maio a segunda Xornada Pública Somos Pandeireteiras, apoiada polo Concello de Santiago a través de Compostela Cultura.

Nas vindeiras semanas abrirase a inscrición para participar no encontro e darase a coñecer a súa programación completa en somospandeireteiras.gal

Tamara, a Raíña dos Boleros, celebra 25 anos de música cunha xira espectacular e o seu espectáculo Piano e Voz. Un formato íntimo no que presentará novos temas, lembrará os seus grandes éxitos e interpretará versións moi especiais.

Única no seu estilo, Tamara conecta co público dun xeito próximo e emocionante. En Piano e Voz, a súa sobrecolledora voz toma o protagonismo sen artificios, acompañada unicamente polo seu inseparable piano. Tamén haberá espazo para versións especiais, como as que estreou en homenaxe a Manuel Alejandro e Rocío Jurado, e presentará en directo algúns dos novos temas incluídos no seu álbum de aniversario.

O grupo de pandeireteiras integrado por María, Carme e Uxía da Pontragha e Maca do Pinheiro traerán ao Xardín do Claustro o seu traballo Termando os Marcos. 

As Bouba defínense como "herdeiras e transmisoras da cultura do país e da festa ben feita". Co seu novo traballo resitúanse, nas súas propias palabras, "na aldea que nos pariu, a que nos deu o nome e nos mostrou que sen nós non había futuro", para crear algo novo, pequeno, local e desde as marxes.

Entrada libre até completar capacidade. 

Nikki Hill é unha doce sedución, unha ameaza máis doce e unha enerxía ardente. Unha forza orixinal na música estadounidense, é tenra e dura, extravagante, enxeñosa e perigosa.

ARTISTA CONVIDADO:  SR. SALVAJE

Natalia Lafourcade ofrecerá un concerto único a guitarra e voz, levando ao público nunha viaxe íntima pola súa música. A cantautora e produtora mexicana é unha das voces máis influentes da música latina.

Presenta Cancionera, un álbum que explora a dualidade da súa arte, onde tradición e modernidade se entrelazan. Producido xunto a Adan Jodorowsky e gravado en directo cun proceso analóxico, conta con colaboracións de Hermanos Gutiérrez, Israel Fernández, Diego del Morao e El David Aguilar. Inclúe composicións inéditas e reinterpretacións do repertorio mexicano, con temas como Amor Clandestino, Cancionera e Luna Creciente. Ademais, o público poderá gozar dalgúns dos seus grandes éxitos, como Hasta la raíz, Tú sí sabes quererme e Nunca es suficiente.

O sábado, 13 de setembro, ás 12:30 horas, o Museo do Pobo Galego acollerá unha actuación do grupo de pandeireteiras Raigañas, que terá lugar no xardín do Claustro. En caso de choiva, o concerto trasladarase ao Auditorio do Museo do Pobo Galego.

O grupo de Pandeireteiras Raigañas naceu en 1994 dentro do seo da Asociación Xuvenil Raigañas, colectivo cultural fundado en 1979 na parroquia de Cerqueda (Malpica de Bergantiños), co obxectivo de recoller e conservar música popular, máis concretamente o legado musical bergantiñán. Fórmano as pandeireteiras Olaya García, Sofía Vila, Helena Sanmamede, Susana Suárez, Ana Abelenda, Andrea Souto, Raquel Uxía Lema, Rosario Álvarez, Carme Álvarez, Uxía Corral e Mar Suárez. Dirixe o grupo Sonia Reborido. 

Na súa traxectoria, publicaron un disco, Baila que podes bailare, e acadaron diversos premios pola súa calidade musical e o seu labor de conservación do patrimonio musical. Ademais, participaron en diversas iniciativas, como o Proxecto Somos Pandeireteiras, de Mercedes Peón.

A entrada é libre até completar capacidade.

Esta proposta fai parte da programación do Museo do Pobo Galego ao redor das Letras Galegas 2025.

Felisa Segade é raíz, tradición, ferreñas, e voz. Esa voz que agroma coa tintura e a personalidade conxugada da muller e da terra galegas. É mestra, pandereteira, cantareira, colaboradora, e transmisora. Neste concerto inaugural de MARÉ, Felisa presenta un proxecto totalmente novo e preparado ad hoc para a ocasión. Sen fuxir da súa esencia, asume con afouteza o reto de xogar con outros sons e xéneros, coa calidez
doutros instrumentos nun novo proxecto que arrequece, sen perder a tradición de seu, sen se extraviar, como non podía ser doutro xeito, desa raíz, do que Felisa é.
Haberá un concerto previo de Carabela, banda galega que navega entre o pop alternativo e a electrónica con letras cargadas de emoción e paisaxes sonoras envolventes. Unha das apostas máis prometedoras da escena galega actual, gañadora do Premio Narf 2024.

Baldur Brönnimann, director
Ilse Eerens, soprano

Cometa: Encarga a Inés Badalo. Estrea absoluta
Hans Abrahamsen: Let me tell you.
Piotr Ilich Chaikovski: Sinfonía núm. 1 en Sol menor, Op. 13, TH 24 “Soños de inverno”

Inés Badalo presenta a primeira estrela dun firmamento sonoro co que dezaseis compositores homenaxean a Real Filharmonía de Galicia no seu 30º aniversario e que titulamos Proxecto Cometas. Aberto tamén ao infinito, o ciclo de cancións Let me tell you, do danés Hans Abrahamsen, contén as 481 palabras que Shakespeare pon nos beizos de Ofelia, quen medita poeticamente sobre o fascinio do pasado, do presente e do porvir. Este entresoño enlaza con Soños de inverno, a primeira das sinfonías dun Piotr Ilich Chaikovski de tan só 26 anos. A súa escrita foi esgotadora e tortuosa, acentuada pola difícil relación que Chaikovski tiña co director do Conservatorio de Moscova, Nikolái Rubinstein, insatisfeito coa partitura; cando finalmente se interpretou completa, foi saudada pola crítica como unha grande obra, que só podería ser escrita por un verdadeiro ruso.

CONVERSANDO CON… Baldur Brönnimann 
Sala Mozart, 19:45 h

Coa participación do alumnado da EAEM

O grupo instrumental Siglo XX presenta o concerto Mamá, eu quero ser de auga, unha proposta que combina voces, instrumentos e audiovisuais para percorrer obras de compositores contemporáneos como George Crumb, Kaija Saariaho, Helena Cánovas i Parés e Earl Kim. A interpretación ofrece unha experiencia sensorial rica, combinando cancións para nenos, poemas musicais e creacións de cámara innovadoras.

Concerto do Dúo Pava con Lucía Aldao e Pablo Silva na súa versión máis íntima e acústica. PAVA é a proposta musical da poeta e compositora coruñesa Lucía Aldao. Un directo eléctrico e pegadizo que vai da psicodelia ao pop rock máis alternativo con tintes de crúas guitarras velvetianas. Nos traballos discográficos de Aldao sobrevoan as sombras de xigantas como PJ Harvey, a personalidade da súa voz e a forza das súas letras orbitan na elipse das novas voces femininas xurdidas nos últimos anos ao outro lado do Atlántico. Emoción e sorna, revisión e identidade, amizade e crítica son o fío condutor dos traballos de PAVA, unha das propostas máis orixinais e contundentes do pop galego actual.

No salón de actos. A entrada é libre ata completar a capacidade da sala.

Guadi Galego é unha das artistas máis relevantes da escena galega actual, froito dunha carreira musical que comeza sendo moi nova.

A xira “Síntese Horizonte”, chega ao seu fin cun concerto especial que terá lugar na sala Capitol de Santiago de Compostela.

Tras unha primeira volta de concertos na primavera de 2025 colgando o cartel de ‘entradas esgotadas’ en varias cidades, entre elas Madrid; Vega confirma a segunda volta da súa xira de presentación de ‘Ignis‘, onde ademais, repasará outros éxitos da súa carreira para delicia dos seus seguidores.

Ruth Reinhardt, directora

• Cometa: Encarga a Núria Giménez-Comas. Estrea absoluta
• Hubert Parry: Elexía para Brahms
• Detlev Glanert: Idyllium. Estrea en España
• Johannes Brahms: Serenata núm. 2 en La maior, Op. 16

Coa participación do alumnado da EAEM

Núria Giménez-Comas dá luz coa súa Cometa ao compositor, aínda na escuridade, Hubert Parry. Pacifista e sufraxista convencido, Parry iniciou o renacemento da música británica con obras tan emotivas como Elexía para Brahms, que non escoitou en vida. A obra de Detlev Glanert, Idyllium é unha homenaxe ao Brahms alegre e refinado da Segunda Sinfonía; por iso, só podía ser Brahms quen puxese o broche final ao programa coa Serenata núm. 2, dedicada á que foi a súa musa, Clara Schumann. Os seus cinco movementos despregan o inconfundible melodismo brahmsiano, a través dunha elección instrumental tan insólita como reveladora

CONVERSANDO CON… Ruth Reinhardt
Sala Mozart, 19:45 h

Zahara será a protagonista do ciclo Momentos Alhambra Acustiquísimos, cun concerto íntimo que terá lugar o sábado 22 de novembro no Patio de Cristal do Hotel Monumento San Francisco de Santiago de Compostela. Este espectáculo en formato acústico, en solitario e acompañada únicamente por guitarra, piano e pedais, foi descrito como “cru e desgarrador”, cunhas interpretacións que viaxan tanto polas súas composicións máis recentes como por cancións emblemáticas que marcaron a toda unha xeración.

A pianista compostelá Isabel Dobarro regresa á súa cidade cun recital centrado na creación feminina internacional. Kaleidoscope é unha viaxe sonora que percorre distintas xeografías e linguaxes, desde Karen Tanaka a Zulema de la Cruz, pasando por Ann Southam, Consuelo Díez ou a galega Carme Rodríguez.

As obras reunidas converten o piano nun instrumento líquido e cambiante, capaz de reflectir o fluxo da auga como metáfora da transformación e da liberdade creadora. O concerto destaca tamén pola súa dimensión simbólica: nove compositoras e nove maneiras de entender o diálogo entre natureza, emoción e son.

Concerto de Giulia Ballarè, guitarra clásica
A guitarrista italiana Giulia Ballarè ofrecerá un concerto para todos os públicos no auditorio do Conservatorio Profesional de Música de Santiago (R/ Monte dos Postes S/N). O acceso será libre ata completar aforo. Giulia é profesora visitante do programa Erasmus+.
Data: Venres 28 de novembro, 20:00 h

Programa:

• 5 Preludios (1940) de Heitor Villa-Lobos

• 12 Estudos (versión manuscrito, 1928) de Heitor Villa-Lobos

De Vacas celebra o seu 10º aniversario co espectáculo Vacanal Sinfónica.

Inés Salvado, Paula Romero, Faia Díaz e Guillerme Fernández presentan unha proposta de gran formato que revisa a historia musical da banda nunha clave operística e sinfónica creada para a ocasión.

O concerto contará con arranxos e dirección musical do compositor Lucas Rei, a participación do Coro da Ra, unha orquestra creada especificamente para este proxecto e unha posta en escena a cargo de As dúas e punto.

No comezo de 2024, Xabier Díaz & Adufeiras de Salitre publicaron o seu último disco, Axúdame a sentir, o que foi o cuarto da súa carreira en conxunto. Con este albúm, e tras 10 anos de traxectoria e máis de 400 concertos, continúan traballando na recuperación e dignificación da música tradicional transmitida polas mulleres das aldeas do país.

A artista publicou en 2022 o seu primeiro álbum longo, Tiene que ser para mí, no que amosa unha evolución compositiva e unha sólida madurez en directo. Forma parte dunha xeración que desafía o mainstream desde a independencia estética e o control absoluto sobre o proceso creativo. As súas influencias inclúen Billie Eilish, James Blake, Bon Iver, Nina Simone e Charles Aznavour, e a súa música combina melancolía, intimidade e unha sensibilidade vocal xa plenamente formada. Hoxe mantense como unha das voces máis singulares e coherentes da súa xeración, cunha aposta firme pola sinceridade artística.

Un supergrupo de k-pop usa os seus poderes secretos para protexer aos seus fans de ameazas sobrenaturais e dunha banda rival de rapaces decididos a roubar non só miles de corazóns senón tamén almas. A través da música, o grupo Huntrix, as cazadoras, protexen o Honmoon dos demos, que forman un grupo musical chamado “Saja Boys”, liderado polo tenor Jinu, co obxectivo de conquistar aos fans e devorar as súas almas, para destruír o Honmoon e que o tenebroso Wimax conquiste o mundo.

Unha loita de bandas, cazadoras vs. demos, que usan a música para combater polo Honmoon

A presentación oficial de Zorra Despiadada terá lugar en Santiago de Compostela, cidade de residencia de Queen Rendi, nun concerto que marca o inicio dunha nova etapa e será o primeiro desde o lanzamento do álbum. A actuación celebrarase no Riquela Club, un espazo emblemático do centro histórico onde a proximidade co público e a intensidade do directo crean unha experiencia singular.
O espectáculo está concibido ao detalle, cun repertorio que percorrerá por primeira vez en directo o novo disco e contará con artistas convidados e colaboracións especiais. As entradas están xa á venda e o aforo é limitado.

ANTÍA MUÍÑO

MÚSICA · CICLO FIESTRA ABERTA

Antía Muíño presenta Anfibia Por Veces, o seu segundo disco, un traballo precioso e contemporáneo no que a canción continúa no centro. Entre a música de raíz e o jazz-pop, a intimidade das súas autorías dialoga co pulso do canto e da percusión tradicional, consolidando esa linguaxe propia que a situou como unha das revelacións da nova canción galega. Para este concerto especial na súa cidade, Antía Muíño propón un directo luminoso e cheo de forza colectiva, arroupada por todas as artistas que participan no álbum.

Amaia Miranda, guitarrista, compositora, produtora e cantautora destacada pola súa maneira única de habitar a guitarra e pola poética íntima das súas cancións, presenta o seu novo traballo "Cada vez que te veo lo entiendo". Despois dos aclamados discos Cuando se nos mueren los amores e Mientras vivas brilla (Vida Records, 2022 e 2024), este álbum supón un xiro cara á experimentación e á liberdade creativa, nacido da intuición, do xogo e da curiosidade. Coa complicidade de Nacho Mur na produción e no directo, Amaia converte o espazo e a súa resonancia en instrumentos vivos, celebrando o ensaio, o erro e a descuberta como camiños cara a unha verdade sonora propia. Un disco de amor en todas as súas formas: á nai, ás amigas, á lingua, ao oficio e a referentes como Gloria Fuertes.

Kid Mount actuará na Primavera Cultural nun concerto que está programado para o xoves 12 de marzo ás 21.00 horas na Igrexa da Universidade.

O acceso é de balde, previa recollida de entradas (máx. 2/persoa) desde as 20.30 horas na Igrexa da Universidade o mesmo día do concerto. A apertura de portas será ás 20.50 horas.

CICLO FIESTRA ABERTA

SÉS presenta ao vivo o seu novo traballo, "Nadando na incerteza", un traballo no que a canción sitúase no centro absoluto, sen sobreproducións nin artificios, nun exercicio de artesanía e autenticidade que reivindica a súa condición de cantora e facedora de cancións. O disco, composto por 13 cancións orixinais, caracterízase pola tendencia á sinxeleza instrumental, as voces que respiran con peso e temas concibidos para sosterse por si mesmos, coa palabra e a melodía como eixos arredor dos que todo xira.

Luz Casal presenta en xira o seu novo disco Me voy a permitir, o traballo máis ecléctico e inclasificable da súa carreira. Neste álbum concédese o capricho de mostrar dez facetas, tantas como cancións: dez actitudes e dez maneiras de mirar e entender o mundo. Móvese coa liberdade de quen non ten xa nada que demostrar, amosando as súas cartas como dama da chanson francesa, voz contemporánea do cancioneiro latinoamericano, cronista do cotián e rockeira que nunca colgou os pantalóns de coiro. Tal e como advertiu Pablo Guerrero, Luz pode soar suave como a seda ou desgarrar coma os colmillos dun animal ferido, capaz de cantar desde o despeito ou a esperanza, canalla ou luminosa, sempre libre.

Este novo espectáculo é unha ponte entre pasado e futuro, e certifica a súa dobre condición de compositora intuitiva e talentosa e de intérprete excepcional, capaz non só de cantar senón de habitar as cancións, sexan propias ou alleas.

Allea á pirotecnia e aos artificios, permítese seguir unicamente o seu propio instinto, unha liberdade que lle ten brindado a admiración do público, o respecto da crítica e a complicidade das súas colegas, un triplo recoñecemento que só se alcanza en contadas ocasións.

ROCÍO MÁRQUEZ

MÚSICA · CICLO FIESTRA ABERTA

Rocío Márquez é unha das figuras fundamentais da música flamenca do século XXI. Á hora de posicionarse coma cantaora, toma o testigo de grandes renovadores do xénero. Nas súas tres décadas de carreira artística, aúna rigor investigador, vocación creadora e excelencia interpretativa. O resultado, unha rotunda contribución a que o flamenco esté hoxe situado na vangarda da música actual.

Nesta ocasión, acompañada polo guitarrista Pedro Rojas- Ogayar, presenta HIMNO VERTICAL. O réquiem, tradicionalmente un canto de despedida, unha misa que rende tributo aos mortos, convírtese neste proxecto nunha obra que honra non so o final, senon tamén o comezo, o fluir e a transformación. Este réquiem non segue os dictados da autoría, nin pertence a unha única voz. É un eco coral que resoa desde o colectivo, un ritual de despedida e benvida á vez, unha cerimonia circular que invita a cuestionar o ciclo da vida e a morte como polos opostos e a asumilos coma unha única danza.

Desde Cádiz, La Perra Blanco leva oito anos incendiando escenarios por toda Europa. Liderada por Alba Blanco, guitarrista, cantante e compositora, a banda consolidouse como unha das propostas de rock’n’roll máis potentes e auténticas do momento. Completa o cuarteto Guillermo González ao contrabaixo, Jesús López á batería e Gerard Vercher ao teclado e saxo.

A súa enerxía en directo foi recoñecida pola prensa como “o mellor directo de España”. O seu último traballo, Get It Out (Folc Records, 2024), confirma o seu lugar como unha das grandes promesas do rock and roll europeo. En 2026 espérase o estreo do seu próximo traballo e xira nacional e internacional.

Sílvia ten novas cancións orixinais para compartir, con sons familiares e novos horizontes, novas formas. Desde que soubo que cantaría no soñado Olympia de París, o seu imaxinario non deixou de xerar sons e imaxes ata concibir esta nova viaxe, que comeza a tomar forma en 2023 e culminará en febreiro de 2026.

Oral-abisal propón un cambio de estado.
Como fai o canto, como fai o río, como fai a auga.

Amandine Beyer, directora

• Georg Friedrich Händel: Suite núm. 1 en Fa maior, da Música Acuática, HWV 348
• Carl Friedrich Abel: Sinfonía núm. 4 en Do maior, Op. 17 
• Johann Christian Bach: Abertura e Suite de Amadis de Gaula

CONVERSANDO CON… Amandine Beyer, directora
Sala Mozart, 19:45 h

Este programa desta noite viaxa desde o corazón do Barroco ata o Clasicismo, ofrecéndonos a posibilidade de apreciar a transformación estética dunha época. Haendel compuxo A música acuática para reconciliarse co seu protector, recentemente coroado rei de Inglaterra, tras dous anos de ausencia. Establecido tamén en Londres, Carl Friedrich Abel naceu en Köthen en 1723, cando remataba a súa estadía alí Johann Sebastian Bach. As dúas familias mantiveron unha relación estreita, consolidada cando Carl Friedrich organizou en Londres os concertos Bach-Abel xunto a Johann Christian Bach. O alcoholismo de Abel precipitou unha carreira brillante, na que destaca a Sinfonía núm. 4, na que se albisca toda a perfección formal que florecería no Clasicismo. Masón como Abel, Johann Christian Bach sobresaíu como compositor de óperas como Amadis de Gaula, un fito da época.

En Aurora Boreal exponse a permanencia das cousas. Reflexiónase sobre a durabilidade dunha obra escénica. Pode cambiar co tempo? Precisa mudar, ou quedar conxelada? A fugacidade como unha esixencia social xa constituída aparentemente aprobada pola sociedade. Aurora Boreal parte deste concepto do ser exposto ante unha sociedade de consumo efémero, onde a atención humana cada vez é máis escasa. Como a danza que realiza a luz nas xeografías nórdicas, esas luminosidades fugaces aparentes, que só acontecen nunha época determinada do ano, cultívase a paciencia, e é tan rápida que nos deixa unha sensación de serenidade fuxidía: o efémero e o cambiante, onde o obxecto é moi importante en relación co corpo a modo de paralelismo ou interacción.

Dirección: Rut Balbís
Cocreación: Rut Balbís e Paula Quintas
Interpretación: Paula Quintas
Iluminación: Octavio Mas
Vestiario: Jandro Villa
Composición musical: Macarena Montesinos e Nacho Muñoz
Composición audiovisual: Carla Andrade
Asesoría de movemento: Tanit Cobas
Asesoría artística: Manu Lago- Galicia Danza Contemporánea.
Foto: Alberte Peiteavel
Audiovisual: Miramemira
Distribución: Lilian Portela- AMARELO Distribución Escénica

Idade recomendada: > 12 anos
Duración: 50 min
Lingua: sen texto
Foco Creadoras de escena

É un espectáculo de danza que se constrúe como un ritual iniciático á vida e no que música, luz e movemento atenden o proceso cognitivo dos máis pequenos. É unha coidada produción internacional realizada entre España e Alemaña, que parte dunha idea: a imitación como vía de relación co mundo. Aprendemos porque repetimos aquilo que vemos.

O público acomódase 360 graos ao redor da acción nun espazo voluble que convida á atención e o descubrimento...

Concepto, coreografía e interpretación: Estrella García e Miguel Quiroga
Dirección artística: Estrella García
Música orixinal e interpretación: Miguel Pérez Iñesta e Emmanuelle Bernard
Acompañamento: Blanca del Barrio
Espazo escénico: Miguel Quiroga e Luís Mosquera
Vestiario: Zig Zag Danza
Realización de vídeo dos músicos: Philipp Meise
Vídeo, imaxe e mapping: Zig Zag Danza e Secundino García
Imaxe promocional: Muel de Dios
Vídeo promocional: Gabriela Alguero
Fotografía: Gabriela Alguero, Miguel Llamas, Javier Jarquín e Artur Gavalda
Modista: Inma F. Pertierra
Colaboradores en prácticas: Javier Herrero e Ángela Clemente
Comunicación: Cultproject
Produción executiva: Secundino García
Produción e distribución: Zig Zag Danza S.L.
Imaxe evento: Miguel Lamas

Idade recomendada: de 0 a 3 anos
Duración: 40 min
Lingua: sen texto
Foco Creadoras de escena

O obxectivo desta actividade é enriquecer o coñecemento sobre a historia da danza, visibilizar as sinerxías entre diferentes estilos, crear espazos de diálogo e debate que fomenten o pensamento crítico, colaborar coa comunidade abrindo as artes do movemento á cidadanía, reunir axentes do sector e contribuír a sensibilizar o público cara á danza contemporánea.

Nesta actividade con Laura Kumin desentrañaremos os elementos estilísticos, coreográficos e conceptuais da danza, promovendo desta maneira a comprensión profunda da creación artística para afondar na análise crítica de calquer obra de danza contemporánea.

Laura Kumin, formada como bailarina e docente nos Estados Unidos, foi asesora de danza da Comunidade de Madrid entre 1989 e 1995 e responsable de programación de danza do Teatro Pradillo de 1997 a 2011. Dirixe o Certamen Coreográfico de Madrid dende 1987. Socia fundadora da rede europea Aerowavese e académica da Academia de Artes Escénicas de España.

PROTO (SN1806) é o resultado de investigación de dez anos de traballos en solitario de Janet Novás, caracterizados fundamentalmente pola súa relación co enerxético a partir do movemento, a música, a caixa escura, a iluminación e coa mirada do espectador. Todas estas relacións permitírona achegarse a un tipo específico de fisicalidade, de presenza corporal, un determinado tipo de imaxes e accións e unhas relacións específicas cos obxectos. Unha viaxe introspectiva que agora necesita expandirse e tomar outras formas máis aló do seu corpo. 

Dirección: Janet Novás 
Elenco: Yuantao Gorriz, Julia Kayser e Danielle Mesquita
Dramaturxia: Ricardo Santana
Acompañamento artístico: Pablo Lilienfeld
Deseño sonoro: Carlos Parra, L´Voix e Julián D’Avino
Deseño de iluminación: Cristina Bolívar
Vestiario: Raquel Buj
Produción: Adriana Reyes
Coprodución: Xunta de Galicia a través do Centro Coreográfico Galego, Festival TNT e Auditorio de Tenerife
Co apoio de: Centro de Danza Canal, Losdedae e La Caldera

Foto: Virginia Rota

É un espectáculo de danza que se constrúe como un ritual iniciático á vida e no que música, luz e movemento atenden o proceso cognitivo dos máis pequenos. É unha coidada produción internacional realizada entre España e Alemaña, que parte dunha idea: a imitación como vía de relación co mundo. Aprendemos porque repetimos aquilo que vemos.

O público acomódase 360 graos ao redor da acción nun espazo voluble que convida á atención e o descubrimento...

Concepto, coreografía e interpretación: Estrella García e Miguel Quiroga
Dirección artística: Estrella García
Música orixinal e interpretación: Miguel Pérez Iñesta e Emmanuelle Bernard
Acompañamento: Blanca del Barrio
Espazo escénico: Miguel Quiroga e Luís Mosquera
Vestiario: Zig Zag Danza
Realización de vídeo dos músicos: Philipp Meise
Vídeo, imaxe e mapping: Zig Zag Danza e Secundino García
Imaxe promocional: Muel de Dios
Vídeo promocional: Gabriela Alguero
Fotografía: Gabriela Alguero, Miguel Llamas, Javier Jarquín e Artur Gavalda
Modista: Inma F. Pertierra
Colaboradores en prácticas: Javier Herrero e Ángela Clemente
Comunicación: Cultproject
Produción executiva: Secundino García
Produción e distribución: Zig Zag Danza S.L.
Imaxe evento: Miguel Lamas

Idade recomendada: de 0 a 3 anos
Duración: 40 min
Lingua: sen texto
Foco Creadoras de escena

Carmen, a cantareira de aldea é un contacontos que te adentra nunha fermosa aventura cunha nena dunha aldea galega que soña con viaxar polo mundo coa súa pandeireta máxica. A través da música tradicional, Carmen descubrirá novas amizades, vivirá momentos máxicos e aprenderá importantes valores como o respecto e o amor pola súa cultura.

Nesta actividade interactiva, as crianzas gozarán dunha historia chea de música, xogos e participación, mentres se mergullan nas raíces da tradición galega. Non faltarán cantigas, ritmos e moita diversión!

No salón de actos. Actividade dirixida a nenas e nenos de 3 a 6 anos. Entrada libre ata completar a capacidade da sala.

En tempos de María Castaña, cando os animais falaban, había un neno miudiño, miudiño coma un garavanzo. Tan pequeniño que ir ao mercado era unha aventura.

Contacontos a cargo de Sara Cruz.

No salón de actos. Para nenas e nenos de 3 a 8 anos. A entrada é libre ata completar a capacidade da sala.

Pum, pum! Quen é? Quen chama á miña casa, casiña, casona? Imos visitar casas grandes, diminutas, casas que caben na man, casas-zapato, casas de fío, casas-maleta que viaxan polo mundo...Tamén imos coñecer aos seus habitates: animais que falan, obxectos cotiás e máxicos, familias diversas e asombrosas...A casa é o símbolo do colo amoroso que nos acolle nos primeiros anos de vida, o colo que nos arrola, abraza e protexe. A casa é o fogar, o centro do mundo na primeira infancia. E está chea de portas e ventás que se abren ao mundo e que nos convidan a descubrilo. Cadaquén ao seu ritmo, levada pola súa propia curiosidade.

Un espectáculo para a primeira infancia e as súas familias baseado no asombro, a transmisión do amor a través da lingua galega e a palabra, dos primeiros cantos, xogos, cancións de dedos, trabalinguas, arrolos, poemas… que forxan os cimentos da casa que construímos ao longo das nosas vidas.

No salón de actos. Para nenas e nenos de 0 a 3 anos. A entrada é libre ata completar a capacidade da sala.

Polos camiños da terra van quen queren chegar lonxe, de vagar, atopando atrancos, e persoas descoñecidas, e aventuras fantásticas ou pequenas peripecias, perigos, sorpresas.

Polos camiños do aire van quen adiviñaron como voar, coa axuda de paxaros ou alfombras, de vasoiras ou de rachas de vento.

Polos camiños do mar van quen esperan atopar illas misteriosas, música feita por ondas e sereas, baleas brancas, luras xigantes, tesouros que poden non ser de ouro nin de prata senón de corais e criaturas das profundidades.

E os contos viaxan, de boca en boca, pola terra, polo mar e, sobre todo, polo aire.

No salón de actos. Para nenas e nenos de 3 a 8 anos. Entrada libre ata completar a capacidade da sala.

Unha proposta de Cris de Caldas na que mestura a maxia dos contos e a ilusión do Nadal. O resultado: contos mesturados e divertidos onde nada é o que parece, nin nada parece o que é.

Contos de todo tipo para ser narrados durante o Nadal ou cando se precise un extra de ilusión!

Dirixido a público de 3 a 8 anos de idade. No salón de actos. Entrada libre ata completar a capacidade da sala.

Cando Rosalía soñaba, nacían historias que facían sorrir á lúa. Hoxe escoitaremos contos que falan de amizade, de natureza e de soños pequenos pero grandes. Habitarás mundos máxicos feitos de palabras e cores.

Un paseo divertido pola fantasía que nace dos versos. Porque celebrar a Rosalía é contar e cantar xuntos!

No salón de actos. Para nenas e nenos de 3 a 8 anos. A entrada é libre ata completar a capacidade da sala.

PAULA QUINTAS · ARTURO COBAS
ROYAL
EN FAMILIA · ARTES ESCÉNICAS · CIRCO · DANZA

Idade recomendada: a partir de 3 anos
Duración: 50 min
Lingua: galego

ROYAL é un espectáculo de circo-danza cheo de ritmo, humor, emoción e acrobacias, no que a linguaxe do corpo se converte na tinta dunha historia escrita no aire. A peza combina o clown poético de Arturo Cobas cos equilibrios e a danza de Paula Quintas, creando unha fusión única de movemento, estética e xogo escénico.

Elegancia, enredos e complicidades danse cita nunha proposta fresca e chea de sensibilidade que fará rir, sorprender e emocionar a toda a familia, ofrecendo unha experiencia artística tan divertida como evocadora.

Os contos, ás veces, son coma as cereixas, cando botas un á boca parece imposible deixar de botar máis. En conmemoración polo Día da Narración Oral, Vero Rilo e Atenea García traen á Biblioteca de Galicia o espectáculo Bailan as vellas. Os contos das cereixas.

 A través deste espectáculo trasládannos o legado das que non calaron, das que cantaron e bailaron para, así, traelas aos escenarios. Unha proposta de narración oral para público adulto que reivindica a cultura, a música e a poesía de transmisión oral galega. Estas historias chegan agora a escena para que non se perdan, para que as vellas canten e bailen tamén no noso presente.

Cando a fotógrafa Maribel Longueira escoitou os primeiros sons da piqueta tívoo claro: o Papagaio víñase abaixo. Ou, mellor dito: tiraban abaixo o Papagaio e con el un fragmento da cidade que moitas coruñesas non querían mirar.

O barrio popular, o barrio obreiro, o barrio das putas e doutras traballadoras explotadas debía facerlle sitio a unha mole de cemento e pretensións. A cidade da xente de ben devoraba o que non lle valía. Esta afinadísima intuición de Maribel levouna a documentar, cámara en man, o declinar dun tempo e unha xeografía propias, domésticas, gloriosamente prosaicas.

E coas imaxes recollidas convidou a varias poetas a poñer a palabra necesaria. A idea primeira era que aquel fose un traballo coral, colectivo. Mais Luísa Villalta, unha desas convidadas, chegoulle pola porta cun rosario de poemas, unha xema por cada imaxe.

Texto e dramaturxia: Lorena Conde
Dirección: A Feroz
Elenco: Inés Salvado, Lorena Conde, Gustavo Freire e Bea Romero
Escenografía e iluminación: Nononlab
Deseño, escenografía e vestiario: A Feroz
Espazo sonoro: Manuel Abraldes
Produción: A Feroz
Distribución: Lilian Portela - Amarelo

Idade recomendada: > 16 anos
Lingua: galego
Foco Creadoras de escena
Foco Memoria en escena

En 2001, por primeira vez en España, unha muller gañou un xuízo por acoso sexual a un político. Nevenka Fernández sentou por primeira vez un alcalde no banco dos acusados, converténdose no primeiro caso de #MeToo nun país que lle deu a razón nos tribunais, pero que a estigmatizou publicamente. Hoxe este caso devólvenos a imaxe do que fomos para sinalar os avances, pero tamén as feridas. Nevenka segue a ser ese espello no que se miran as mulleres que a precederon e que a seguiron; un reflexo dunha sociedade que cambiou ou, quizais, non tanto.

Autoría e dirección: María Goiricelaya
Elenco: Gema Matarranz, Alex Furundarena e Marta Megías
Deseño e construción de escenografía: Álvaro Gómez Candela
Deseño de iluminación: David Alcorta
Deseño e realización de vestiario: Laura León
Espazo sonoro: Ibon Aguirre
Música orixinal: Ibon Belandia
Vídeo: Jorge Girálvez e Paul Walter
Axudante de dirección: Ane Pikaza
Imaxe do cartel: Palen
Fotografía: Gerardo Sanz
Deseño gráfico: Ulises Martín
Técnicos en xira: Juan Felipe «Tomatierra» e Ernesto Monza
Produción executiva: Nines Carrascal e Sonia Espinosa
Coprodución: Histrión Teatro e Portal 71
Comunicación: Divina Palabra
Distribución: Nines Carrascal e Rocío Pindado (Portal71)
Proxecto coproducido con Portal 71

Idade recomendada: >14 anos
Lingua: castelán
Foco Creadoras de escena
Foco Memoria en escena

“As Rhumorosas” é un espectáculo que mestura monólogos, sketches cómicos, poesía e música, achegándose aos detalles máis descoñecidos de grandes mulleres ilustres galegas como Emilia Pardo Bazán, María Casares ou incluso lendas como a de Pepa A Loba.

Escrita, dirixida e interpretada por Carmen Méndez, Ledicia Sola e Marta Doviro.

Vitória é o retrato dunha denuncia. Unha peza de teatro autobiográfico que conta o proceso xudicial ao que se someteu a actriz Iria Pinheiro cando interpuxo unha denuncia por acoso sexual contra o director do programa de televisión no que traballaba. A peza reconstrúe a historia que vai dende 2017 a 2023 intercalando a documentación xudicial do proceso co xogo e a ironía características do cabaré.

Escrita: Iria Pinheiro
Dirección: Vanesa Sotelo e Ricardo Correia
Elenco: Arantza Villar, Iria Pinheiro,  Salva Del Río
Iluminación e espazo escénico: Dani Abalo
Sonoridades: Mónica De Nut

Idade recomendada: > 16 anos
Lingua: galego
Posfunción ao remate do pase
Foco Creadoras de escena

O Centro Dramático Galego e o colectivo portugués ASTA-Teatro e Outras Artes coproducen a montaxe Rosalía, cartografía de ásperas ortigas., mediante o que se suman ás actividades de conmemoración do 188º aniversario do nacemento de Rosalía de Castro coa estrea deste espectáculo.

Coa dirección escénica e dramaturxia do compostelán Roberto Salgueiro á fronte de catro intérpretes galegos e portugueses, as dúas compañías crean unha proposta teatral actual que reflicte o pensamento e o legado da poeta padronesa. Así, a partir de textos e, sobre todo, versos da escritora tomados de Cantares Gallegos, Follas Novas e En las orillas del Sar, construíuse durante os ensaios un texto literario propio que afonda na transcendencia da autora. 

O espectáculo está interpretado por Antía Cortegoso, Sérgio Novo, Alberto Medeiros e Marta Casais e nel cobra importancia o espazo sonoro achegado por varios instrumentos, as coreografías interpretadas polo elenco e un espazo escénico cuberto de flores.       

Espectáculo de humor e crítica social de Irantzu Varela

Nun xogo de máscaras e deformidades faciais, Julia investiga a perda de identidade e a procura dun outro que poida cubrir esa carencia. As ilusións creadas con luces e sombras e as posibilidades de expandir e deformar o corpo con outros materiais, amplifican o movemento dinámico e preciso de Waacking, transformando o artista nunha masa cambiante, cargada de posibilidades e en constante mutación.

Dirección: Julia Laport Rivas
Creación e interpretación: Martín Gonçalves, Laura Iturralde e Julia Laport
Deseño de Iluminación e audiovisuais: Laura Iturralde
Deseño de escenografía e vestiario: Martín Gonçalves
Confeción: Raquel Crespo
Espazo sonoro: Julia Laport
Axuda á produción: AGADIC - Xunta de Galicia
Foto: Martín Gonçalves

Idade recomendada: Todos os públicos
Duración: 60 min
Lingua: galego
Foco Creadoras de escena

Sobria e Serena veñen rirse de si mesmas e da vida. Xuntas. Porque non hai nada máis san que a risa, porque catro ollos ven máis que dous, e porque o bo, se dobre, dúas veces bo.

Espectáculo no que mediante o uso de diferentes técnicas: narración oral, proxeccións holográficas, música ou teatro de obxectos poñemos en valor o legado das mulleres excepcionais homenaxeadas nas Letras Galegas, dende Rosalía de Castro ata as cantareiras. Mulleres que deixaron unha pegada imborrable na literatura e no teatro galegos e que destacaron pola súa creatividade, compromiso e contribución á nosa rica cultura.

No salón de actos. Para público familiar. A entrada é libre ata completar a capacidade da sala.

Adaptación do clásico de August Strindberg de 1888. A señorita Xulia decide aproveitar unha ausencia do seu pai, o Conde, para organizar unha festa secreta cos criados.  Durante a velada, seduce a Xoán, criado predilecto do Conde. Os dous amantes caen nun perigoso xogo de paixón, violencia, inocencia e amor. Dúas criaturas brillantes, vítimas do condicionamento social e moral dos seus mundos, tan diferentes... O texto de Strindberg sorprende –e atemoriza– por actual e contundente. É posible a igualdade entre home e muller? Entre ricos e pobres? Entre rei e escravo?

• Dirección: Xoán C. Mejuto e Iria Ares
• Elenco: Xoán Carlos Mejuto e Iria Ares
• Deseño de iluminación: Antón Arias
• Deseño sonoro: Alberto Beade
• Caracterización: Mara Collazo Vestiario: Estudo Momento
• Deseño de escenografía: Xoán C. Mejuto
• Produción: Estudo Momento
• Co-Produción e residencia técnica: Concello de Arteixo

PROTO (SN1806) é o resultado de investigación de dez anos de traballos en solitario de Janet Novás, caracterizados fundamentalmente pola súa relación co enerxético a partir do movemento, a música, a caixa escura, a iluminación e coa mirada do espectador. Todas estas relacións permitírona achegarse a un tipo específico de fisicalidade, de presenza corporal, un determinado tipo de imaxes e accións e unhas relacións específicas cos obxectos. Unha viaxe introspectiva que agora necesita expandirse e tomar outras formas máis aló do seu corpo. 

Dirección: Janet Novás 
Elenco: Yuantao Gorriz, Julia Kayser e Danielle Mesquita
Dramaturxia: Ricardo Santana
Acompañamento artístico: Pablo Lilienfeld
Deseño sonoro: Carlos Parra, L´Voix e Julián D’Avino
Deseño de iluminación: Cristina Bolívar
Vestiario: Raquel Buj
Produción: Adriana Reyes
Coprodución: Xunta de Galicia a través do Centro Coreográfico Galego, Festival TNT e Auditorio de Tenerife
Co apoio de: Centro de Danza Canal, Losdedae e La Caldera

Foto: Virginia Rota

Dentro dunha tormenta de néboa, Poncia, a criada de Bernarda Alba, reza pola morte de Adela. A casa sumiuse nun mar de silencio. Poncia fala soa e tamén con elas, con Bernarda Alba e as súas fillas

Texto: Luis Luque (A partir de La Casa de Bernarda Alba de Federico García Lorca)
Dirección: Luis Luque
Elenco: Lolita Flores
Deseño de espazo escénico: Mónica Boromello
Deseño de iluminación: Paco Ariza
Composición de música orixinal: Luis Miguel Cobo
Deseño de vestiario: Almudena Rodríguez Huertas
Axudante de dirección: Álvaro Lizarrondo
Fotografía: Javier Naval
Produtor: Jesús Cimarro
Produción: Pentación Espectáculos e Teatro Español

Fotos: Javier Naval

Idade recomendada: > 16 anos
Duración: 70 min
Lingua: castelán

Lo que se permite se repite é unha experiencia colectiva de reflexión que permite detectar a importancia extrema que lle damos ao insignificante e o pouco valor que lle outorgamos ao verdadeiramente importante.

A través da proximidade, da sinceridade, de argumentos contundentes e do seu enxeño, Alejandra consegue mergullarse na intimidade das persoas asistentes, creando unha poderosa conexión de reflexión e humor que che permitirá saír da rutina.

Todo o que crías saber sobre sexo seguro, amor e relacións… posto patas arriba con humor e un toque de mala uva.
Se queres descubrir ata onde pode chegar un condón —en sentido literal e metafórico—, este é o teu espectáculo.

Antagonista Teatro presenta o seu novo espectáculo, Insubmisa. Trátase dunha montaxe baseada nun texto propio escrito por Jose Vaquero, que se inspira no personaxe mitolóxico de Medea para construír unha reflexión sobre un dos mecanismos de control máis insidiosos do patriarcado: a reconstrución do relato.

Argumento:
Pode que ela cometese un crime terrible, pero a cuestión agora non é a súa culpabilidade, senón o seu estado mental. Non abonda con declarála culpable. Ademais, debe quedar claro que é unha enferma, unha tola. Ninguén durmirá tranquilo mentres pensemos que pode existir alguén así. De xeito que ela permanece encerrada para ser avaliada.

Proposta:
Insubmisa é unha avaliación sobre as posibilidades reais de ser libre máis alá das etiquetas individuais ou de xénero. É unha denuncia sobre a gaiola dourada que constrúe o patriarcado e sobre os estigmas que as mulleres sofren mesmo baixo unha ollada progresista. As personaxes fluctúan entre a súa realidade e a nosa para amosarnos que son a mesma, sen adornos, sen edulcorantes. Dirixen a mirada do espectador cara a si mesmas para evitar seren consumidas polas expectativas. Insubmisa é drama, pero tamén é danza, música, vídeo e teatro social ao servizo da reflexión.

O texto nace da man do arquetipo de Medea construído por Eurípides, que foi unha reelaboración do mito previo e que se asentou no imaxinario colectivo. A través desta historia, denunciamos como a cultura do patriarcado emprega a escrita dos relatos para crear unha superestrutura simbólica que consolide os seus valores.

Ficha artística e técnica:

• Dirección: Marta Alonso e Pepe Domínguez

• Elenco: Iria Sobrado, Jose Vaquero e Javier Octavio de Toledo

• Deseño de espazo escénico e vestiario: Diego Valerias

• Música orixinal: Christian Casas

• Vídeo, filmes e deseño gráfico: Aitor-Víctor Fernández

Público: Adulto
Idioma: Galego
Duración: 65 minutos aproximadamente

Que farías se herdases un caderno dunha amiga íntima de Begoña Caamaño? Nesta peza teatral coñecemos a historia dunha xornalista que decide gravar un podcast en vivo para contalo. Con motivo do Día Internacional da Muller, a Biblioteca de Galicia tráenos a estrea absoluta de Begoña Caamaño: o transgredir das ondas, unha peza que narra a historia de Begoña a ollos da súa íntima amiga África, a quen coñeceu un 8 de marzo de 1997.

A partir da relación entre as anotacións no diario e os diferentes momentos da vida profesional de Begoña, vaise reconstruíndo ante o público a traxectoria dunha creadora excepcional, implicada co feminismo e cos diversos movementos sociais nos que participou. Porén, durante a gravación deste podcast aparecerán diversos problemas técnicos que transformarán as ideas iniciais da xornalista e influirán de forma decisiva no seu relato, como se o propio espírito de Begoña quixese puntualizar algunhas das pasaxes narradas e, ao igual que as protagonistas das súas novelas, ser dona da súa historia.

Nesta obra con dramaturxia de Paula Carballeira, actuación de Rocío González e dirección de Chiqui Pereira conflúen teatro documental, teatro radiofónico e o xogo dramático baixo a forma de comedia de pantasmas, tratando temas como a autosuficiencia, a igualdade de xénero ou a importancia da liberdade de expresión no xornalismo.

Así, a Biblioteca de Galicia afonda, a través do teatro, na figura de Begoña Caamaño, a quen se lle dedican este ano as Letras Galegas. Unha escritora e xornalista, así como feminista e activista, que pasou a ser unha figura esencial da nosa historia. 

Todos coñecemos ás princesas dos contos infantís: sempre fermosas, alegres, bondadosas… e, por suposto, todas saben cantar. Pero, ¿coñecemos realmente a súa vida? ¿Sabemos o que supuxo para elas o seu propio conto de fadas? ¿Que foi delas despois do “e viviron felices e comeron perdices”?

No me toques el cuento amósanos como catro princesas (Brancaneves, Cenicenta, Bella e Aurora) se rebelan e esixen contar a outra cara do conto. Unha comedia musical gamberra e reivindicativa que reflicte a dor, os traumas e os complexos que nunca se contaron. Escrita e dirixida por Olivia Lara, a obra libera a estas mulleres dos seus roles ideais para amosar o seu lado máis humano, interactuando co público e rompendo a cuarta parede.

Patricia Espejo, natural, espontánea e moi divertida.

Cun humor totalmente afastado da realidade pero que á vez che mergulla no esencial dela, a túa risa será inevitable e a gargallada continúa, non soamente aprenderás cousas novas, tamén esquecerás todo o que sabías ata o de agora. Case unha hora e media de risas.

No momento que a coñezas xa non poderás vivir sen ela.

La vida secreta de las madres con Andrea Ros e Paola Roig, en directo.

O videopodcast que fala do que lles pasa ás nais mentres son nais. Nesta ocasión, sae á rúa para que a convidada sexas ti. Súmate ao círculo de mulleres máis grande de todos para dicir en voz alta todos os segredos que calamos ata agora.

Os nenos e nenas menores de 3 anos que non ocupen butaca teñen entrada gratuíta.

CONTRA ANA
LA CONTRARIA · TEATRO

Idade recomendada: a partir de 14 anos
Duración: 75 min
Lingua: castelán

CONTRA ANA é unha autoficción baseada na experiencia real da súa autora, Alma García, que aborda a anorexia e os Trastornos da Conduta Alimentaria desde unha mirada íntima e complexa. A obra céntrase no período que pasou ingresada nunha clínica e reflexiona sobre a identidade, os porqués da enfermidade e a responsabilidade social no seu desenvolvemento e mantemento.

O espectáculo de Susi Caramelo chega cun monólogo tan divertido como provocador, no que a humorista desprégase con total liberdade e sinceridade. Cun estilo directo e sen filtros, combina anécdotas persoais, crítica social e humor descarado, conectando co público a través do seu carisma, frescura e personalidade inconfundible.

Varios establecementos hostaleiros de Santiago ofrecerán este fin de semana Caldo de Gloria, no marco das actividades do Día de Rosalía.

A asociación Hostalaría.gal súmase ao Concello e á Fundación Rosalía de Castro para render homenaxe á nosa escritora máis universal.

Os que se acheguen a estes locais poderán probar este prato histórico, que aparece nos escritos da galega máis universal, como tapa de cortesía, lembrando a sinxeleza e a calor do fogar que Rosalía celebraba na súa poesía.

LISTADO DE LOCAIS PARTICIPANTES 

• Orixe – Do venres 20 ao luns 23
• Ostrería – Do venres 20 ao luns 23
• Bicoca – Do venres 20 ao luns 23
• Cantina – Do venres 20 ao luns 23
• Frebas – Do venres 20 ao luns 23
• Mariscomanía – Do venres 20 ao luns 23
• Nómade – Do venres 20 ao luns 23
• Salvaxe – Do venres 20 ao luns 23
• Taberna Tarabela – Do venres 20 ao luns 23
• A Nave de Vidán – Do venres 20 ao luns 23
• Bodeguilla Santa Marta – Do venres 20 ao luns 23
• Bodeguilla San Lázaro – Do venres 20 ao luns 23
• Restaurante Central – Do venres 20 ao luns 23
• Don Gaiferos – Do venres 20 ao luns 23
• Bar Raíces Galegas – Venres 20, sábado 21 e luns 23
• Restaurante Paz Nogueira – Venres 20 e sábado 21
• Vinoteca A Que Vino – Venres 20 e sábado 21
• Pub Século IX – Sábado 21
• Bar A Gramola – Venres 20 e sábado 21
• Taberna de Álvaro – Do venres 20 ao domingo 22
• Bar Rial – Luns 23
• Viñoteca Ventosela – Do venres 20 ao domingo 22
• Viñoteca O Tixola – Do venres 20 ao domingo 22
• Restaurante Cacao – Do venres 20 ao luns 23
• O Piorno – Luns 23
• A Fuego Lento – Do venres 20 ao luns 23
• Bodegón Casas Chico – Do venres 20 ao luns 23
• Redes Mariscos & Tapas – Do venres 20 ao luns 23
• Mesón O 42 – Venres 20 (mediodía) e sábado 21 (mediodía)
• Casa de Xantar O Dezaseis – Do venres 20 ao domingo 22
• Taberna do Tarela – Venres 20 e sábado 21
• María Castaña – Venres 20
• Café Bar Rey – Do venres 20 ao luns 23
• Café Casino – Venres 20 (mediodía) e sábado 21 (mediodía)
• Restaurante Solleiros – Do venres 20 ao luns 23
• Café Mercedes – Do venres 20 ao luns 23
• O Balcón das Brañas- Luns 23

Do 21 ao 22 de febreiro celebramos en Santiago o 189 aniversario do nacemento de Rosalía de Castro e o 160 da publicación de Las literatas. Actividades para todos os públicos, de acceso libre ata completar capacidade. Organizado pola Área de Lingua da Deputación da Coruña en colaboración co Concello.

+INFO

Celebramos o Día da Poesía co obradoiro de creación poética Que como o sol sexa o meu verso da man de Apiario. Que como o sol sexa o meu verso son palabras do poeta Miguel Hernández e con elas poñemos nome a este obradoiro. Unha proposta na que converxen o descubrimento do poético e da experiencia literaria a través da lectura activa, o comentario en grupo e unha proposta práctica para a escrita.

Nas súas tres horas de duración atravesaremos unha unidade de lectura especificamente deseñada para mergullar no extraordinario, no efémero, no misterio, no arroubo e sucar o emoción, o silencio, os ocos, a memoria. Pezas angulares e ferramentas que nos leven á escritura, mais tamén a ampliar a capacidade lectora e crítica. Alimentarse na fascinación que provoca a palabra. 

Apiario é un proxecto literario onde se tecen obradoiros de escrita e cursos de formación cun selo editorial independente. Factoría onde esmelgar ao redor da palabra. Laboratorio que deseña contextos para a creación. 

Para 15 persoas adultas. Inscrición a través do seguinte formulario: https://bibliotecas.xunta.gal/gl/santiago/formulario-de-inscricion-no-obradoiro-de-creacion-poetica-que-como-o-sol-sexa-o-meu-verso-da-man-de-apiario

A fita, patrocinada pola Deputación da Coruña e a Vicepresidencia da Deputación de Lugo e coa colaboración para a preestrea do Concello de Santiago, é un ensaio que indaga nas relacións entre a arte fotográfica e a expresión do desexo desde unha ollada feminista.

A Sala Mozart acollerá ás 19.30 horas a primeira mostra desta película, cuxo acceso será de balde até completar a capacidade, e un coloquio coas súas directoras: Pilar Abades, Sabela Iglesias e Adriana P. Villanueva.

Esta película reflexiona sobre o acto fotográfico, a construción da mirada hexémónica e a transformación que experimentou ao longo da historia a representación do corpo das mulleres , coa perspectiva e as escollas discursivas desta disciplina. Unhas escollas que serviron para afianzar roles e estereotipos de xénero aínda vixentes hoxe en día.

En definitiva, Altas luces é un ensaio que indaga nas relacións entre a arte fotográfica e a expresión do desexo desde unha ollada feminista.

Presentación de Ferro, madeira e pel, dirixido por Paco Guitián, integrante do Seminario Galán, que reivindica o papel das cantareiras homenaxeadas no Día das Letras 2025.  

Unha historia contada a través das voces de Tanxugueiras, Bieito Romero, Haydn, Xabier Díaz, Carlos G. Casás e Aldara Palmeiro.

Proxección da curtametraxe dirixida por Fernando Tato e protagonizada por Ángela Andrada e Gemma do Carmo. Alicia chega á casa dos seus pais na Pobra do Caramiñal para elixir a roupa que levará a súa nai no velorio. Alí reencóntrase coa súa irmá Berta, que acaba de saír do centro de rehabilitación onde estaba ingresada.

A xornada “Cartografía en 20 trazos. Rolda de micropresentacións”, enmarcada no programa Enreda-Delas. I Encontro Profesional de Mulleres da Arte Urbana, ofrece un espazo dinámico onde artistas, xestoras e investigadoras amosan as súas traxectorias a través de pecha-kuchas, permitindo coñecer estilos, proxectos e novas formas de comunicación cultural. As curadoras internacionais Lara Seixo Rodrigues e Anna Dimitrova acompañarán a sesión, retroalimentando as presentacións das 20 profesionais seleccionadas pola equipa de Acción Cultural da Cidade da Cultura. A actividade busca fomentar redes profesionais, abrir novas vías de colaboración entre axentes públicos e privados e poñer en valor a diversidade e innovación da arte urbana en Galicia.

A artista Neves Seara impartirá na Fundación DIDAC de Santiago de Compostela o obradoiro performativo Luz infinda, unha proposta na que o corpo, a emoción e a poesía se entrelazan a través de xogos de luz e sombra.

Enmarcado na programación da VI edición de Plataforma. Festival de artes performativas, o obradoiro desenvolverase durante dúas xornadas: o sábado 17 de maio de 10.00 a 14.30 e de 16.00 a 19.30 horas, e o domingo 18 en horario de mañá, de 10.00 a 14.30.

Partido da OK Liga Iberdrola, na primeira temporada dun equipo compostelán de hockey sobre patíns na máxima competición nacional.

Partido da OK Liga Iberdrola, na primeira temporada dun equipo compostelán de hockey sobre patíns na máxima competición nacional.

Partido da 3ª xornada da OK Liga Plata, no que o H.C. Raxoi buscará fronte ó equipo pamplonés unha nova victoria para afianzarse na zona alta da clasificación

XACOBEO DE XIMNASIA RÍTMICA – IV TORNEO INTERNACIONAL + V GALA VIRAVOLTA JAEL

Os días 25 e 26 de outubro de 2025, Santiago de Compostela acolle os clubes internacionais de ximnasia rítmica no 4º Torneo Internacional Viravolta-Jael, que culminará coa 5ª Gala Internacional de ximnasia rítmica. Unha cita imprescindible para os amantes deste deporte, onde o talento, a precisión e a beleza da ximnasia danse cita no Multiúsos Fontes do Sar.

A cita, ademais, é solidaria, xa que o recadado coa entrada da gala irá destinado á asociación ASANOG.

10€ ENTRADA SOLIDARIA ÚNICA*/ Entrada gratuita para menores de 5 anos.

O equipo feminino do Hockey Club Raxoi continúa a súa tempada de hóckey sobre patíns con novos encontros esta fin de semana.

O equipo feminino do Hockey Club Raxoi continúa a súa tempada de hóckey sobre patíns con novos encontros esta fin de semana.

O equipo feminino do Hockey Club Raxoi continúa a súa tempada de hóckey sobre patíns con novos encontros esta fin de semana.

O equipo feminino do Hockey Club Raxoi continúa a súa tempada de hóckey sobre patíns con novos encontros esta fin de semana.

O equipo feminino do Hockey Club Raxoi continúa a súa tempada de hóckey sobre patíns con novos encontros esta fin de semana.

DATAS APROXIMADAS

Tres días de celebración para lembrar o convite que reuniu arredor da mesma mesa a estudantes universitarios, obreiros e artesáns o 2 de marzo de 1856 para reivindicar a igualdade e a liberdade, permanece na memoria colectiva como un dos acontecementos fundacionais do galeguismo.

A programación do Banquete de Conxo comezará o venres 23 de maio cun percorrido de Cantos de Taberna por distintos bares do barrio de Conxo. Será ás 21:00 h e contará coa participación dos grupos Can de Ghaiteiro, Colexiata de Sar, Esfolladores, Muiñeiros do Sarela, Recandea e Sapamamas.

Xa o sábado 24, a programación centrarase na praza de Aurelio Aguirre e estará especialmente dirixida ao público infantil e familiar. Para os máis pequenos haberá xogos populares en horario de mañá e de tarde.

Celebrarase o mercado do libro e da artesanía, unha mostra de oficios con diversas actividades de dinamización e espectáculos para público familiar, ademais dunha sesión vermú coa participación das bandas que ensaian no Centro Xove. Ademais, volverán a festa da poesía, unha sesión de canto fraterno con algunhas das corais da cidade, e o tren do Banquete de Conxo. Repetirase tamén a ruta literaria con Quique Alvarellos, titulada As voces do Bosque.

No gran día da Festa do Banquete, o domingo 25, continuarán o mercado do libro, da artesanía e a mostra de oficios; haberá diferentes actividades para as nenas e nenos como actuacións de maxia ou xogos infantís, e tamén propostas musicais durante toda a xornada.

Os actos centrais serán o desfile teatralizado con Os Quinquilláns, que sairá ás 11:00 h da praza do Toural, e a posterior comida de confraternidade.

TREN DO BANQUETE DE CONXO

DATAS APROXIMADAS

Tres días de celebración para lembrar o convite que reuniu arredor da mesma mesa a estudantes universitarios, obreiros e artesáns o 2 de marzo de 1856 para reivindicar a igualdade e a liberdade, permanece na memoria colectiva como un dos acontecementos fundacionais do galeguismo.

A programación do Banquete de Conxo comezará o venres 23 de maio cun percorrido de Cantos de Taberna por distintos bares do barrio de Conxo. Será ás 21:00 h e contará coa participación dos grupos Can de Ghaiteiro, Colexiata de Sar, Esfolladores, Muiñeiros do Sarela, Recandea e Sapamamas.

Xa o sábado 24, a programación centrarase na praza de Aurelio Aguirre e estará especialmente dirixida ao público infantil e familiar. Para os máis pequenos haberá xogos populares en horario de mañá e de tarde.

Celebrarase o mercado do libro e da artesanía, unha mostra de oficios con diversas actividades de dinamización e espectáculos para público familiar, ademais dunha sesión vermú coa participación das bandas que ensaian no Centro Xove. Ademais, volverán a festa da poesía, unha sesión de canto fraterno con algunhas das corais da cidade, e o tren do Banquete de Conxo. Repetirase tamén a ruta literaria con Quique Alvarellos, titulada As voces do Bosque.

No gran día da Festa do Banquete, o domingo 25, continuarán o mercado do libro, da artesanía e a mostra de oficios; haberá diferentes actividades para as nenas e nenos como actuacións de maxia ou xogos infantís, e tamén propostas musicais durante toda a xornada.

Os actos centrais serán o desfile teatralizado con Os Quinquilláns, que sairá ás 11:00 h da praza do Toural, e a posterior comida de confraternidade.

TREN DO BANQUETE DE CONXO

Roteiro organizado pola Asociación Cultural o Galo e impartido por Antonia Pérez, no marco das xornadas Santiago de Compostela 1923-1936.

Percorrido pola cidade para descubrir figuras clave da Universidade e da cultura galega entre a ditadura de Primo de Rivera e a II República. Desde científicos como Isidro Parga Pondal, Fernando Calvet ou Roberto Novoa Santos ata intelectuais e activistas como María Miramontes, Anxel Casal, Luís Tobío, Cunqueiro, Fole, Fernández del Riego ou Xoán Xesús González. Un itinerario que amosa o compromiso coa ciencia, a educación, o galeguismo e a liberdade nun tempo de profundos cambios políticos e sociais.

Punto de inicio: Rúa Carreira do Conde, nº 14.

Durante os meses de outubro, novembro e decembro volven os Itinerarios Patrimonio C, unha serie de rutas temáticas guiadas e de balde coas que descubrir elementos e espazos patrimoniais pouco coñecidos de Compostela, alén das vivencias, relatos e persoas que os habitaron.

Baixo o título “Servas de Deus, donas de si”, a proposta desta edición céntrase nas historias das mulleres que habitaron os conventos de clausura composteláns. Trátase dun percorrido que vai máis alá da visión romántica ou piadosa da clausura para achegarse a un relato de poder, resistencia e protagonismo feminino.
Abadesas e prioresas, moitas delas pertencentes á nobreza, gobernaban comunidades complexas e autosuficientes, xestionaban patrimonios e propiedades de gran envergadura e mesmo se implicaban en conflitos políticos e sociais que trascendían os muros conventuais.

Para afondar na súa historia e nos espazos que habitaban, as visitas terán lugar os mércores ás 19.00 horas, cunha duración aproximada de 90 minutos. Están programadas para os días 15 e 29 de outubro, 12 e 26 de novembro e 10 e 17 de decembro. O prazo de inscrición para todas elas abrirá o luns 13 de outubro ás 12.00 horas na web de Compostela Cultura, e tanto a confirmación da praza como o punto de encontro comunicarase ás persoas inscritas por correo electrónico.

No marco da exposición "Tras a pegada das musas", a artista compostelá Mareiras pintará un cadro en directo.

Esta acción busca reivindicar o papel da muller como creadora, máis alá do tradicional de musa ou pupila.  

No marco da exposición "Tras a pegada das musas", a artista compostelá Mareiras pintará un cadro en directo.

Esta acción busca reivindicar o papel da muller como creadora, máis alá do tradicional de musa ou pupila. 

Neste 2025 realizaranse dúas intervencións murais en Santiago, a cargo dos pinceis e sprais de María Peña-Mapecoo (Oviedo, 1989), artista multidisciplinar e muralista, que pintará en Santa Isabel e Hanna Lucatelli, (Sao Paulo, 1990), deseñadora de moda, artista plástica ilustradora e muralista, que realizará a súa intervención entre os barrios de Vite-Vista Alegre. Será entre os días 10 e 16 de xullo. As outras intervencións realizaránse en Brión e Negreira.

Antes, entre os días 7 e 9 de xullo, terán lugar distintas actividades nas que María Peña e Hanna Lucatelli se mergullarán na idiosincrasia dos barrios de Vite, Vista Alegre e Santa Isabel. O martes 8, xunto a Encarna Otero, realizarase un roteiro ao redor dos oficios femininos vinculados á auga; pola tarde celebrarase o encontro de anfitrioas no CSC Antón Fraguas coa veciñanza dos barrios antes citados. O mércores 9, coñecerán o barrio de Vite a través dun paseo, en colaboración con Vite Arquiva. Rematarase coa visita ao CSC José Saramago onde se conserva o arquivo veciñal. Antes de comezar coas intervencións, as catro artistas terán cadansúa segunda xuntanza para amosar o bosquexo.

Colectivo RPM, en colaboración co Auditorio de Galicia, impulsa un laboratorio coa artista Tânia Carvalho dirixido a artistas do campo das artes performativas con interese de compartir unha experiencia colectiva arredor do universo artístico desta coreógrafa portuguesa.

O laboratorio –que terá lugar entre os días 11 e 14 de agosto na Casa das Máquinas de Santiago de Compostela– navegará entre dúas das súas obras, A tecedura do caos e Ventre do vulcão. O obxectivo desta iniciativa é construír unha versión colectiva que se poderá ver na Casa das Máquinas o día 14 de agosto, dentro do marco do Festival C de Compostela Cultura. A participación é de balde previa inscrición.

Inspirándose nas rupturas visuais de Picasso, PICASSa é unha peza site-specific concibida especialmente para espazos museísticos, que explora a desafección, a pegada do efémero e a procura de novas formas de expresión. A través dun exercicio de descontextualización e transformación do espazo expositivo, a obra establece unha estreita relación co cubismo e convida a repensar a realidade desde múltiples perspectivas.

Mediante unha relectura do corpo e da súa ligazón co espazo e co espectador, PICASSa propón unha viaxe creativa máis alá dos límites escénicos convencionais, abrindo novas posibilidades de relación entre forma, percepción e imaxinación.

O espazo, sempre cambiante, convértese no fío condutor desta enciclopedia visual en movemento, que guía tanto á artista como ao público a través dunha serie de paisaxes sensoriais e creativos. A obra transforma o museo en punto de partida para un proceso de autoexploración, propoñendo unha experiencia única que transforma o acto de mirar.

FICHA ARTÍSTICA

• Idea e dirección artística: Lorena Nogal

• Coreografía e interpretación: Lorena Nogal

• Produción: Àngela Boix

• Asistencia coreográfica: Marina Rodríguez

• Asistencia artística: Álvaro Esteban

• Vestiario: Mar García Jiménez – Marlota

• Deseño de son: Manuel Rodríguez e Rafael Heredia Horimoto

• Fotografía: Lourdes Cabrera

Coprodución: Graner, centro de creación de danza e artes vivas, e Museu Picasso, no marco do programa Creación y Museos do Institut de Cultura de Barcelona co apoio da Xarxa de Fàbriques de Creació de Barcelona. Coa colaboración do Festival Grec de Barcelona e o Festival Escena Patrimonio.

Conferencia para conmemorar o Día da Muller, titulada «Paseando Compostela coas súas mulleres», que estará impartida por Encarna Otero, historiadora e escritora.

Pilar Albarracín (Sevilla, 1968) foi unha das creadoras claves na renovación das linguaxes artísticas en España durante os anos noventa. Nunha escena ata entón dominada pola pintura e a escultura, o seu traballo foi pioneiro no uso da fotografía, a performance ou a instalación como medios de expresión artística, e contribuíu a formular algunhas das cuestións fundamentais para entender a evolución das prácticas artísticas nas últimas décadas. 

Mandala (Arc en ciel) (2012) forma parte dunha serie máis ampla integrada por outras cinco pezas que actualmente pertencen ás coleccións do CAAC de Sevilla e o MUSAC de León. A obra exposta no hall do CGAC está constituída por un conxunto de bragas usadas de diversas cores e tamaños dispostas en círculos concéntricos. Neste contexto, as pezas de roupa interior femininas adquiren un significado novo e profundamente simbólico, modelando un universo sagrado onde se combinan harmoniosamente o individual e o colectivo.

No marco do seu programa de artistas de media carreira, o CGAC presenta unha mostra individual da artista Mar Caldas, pioneira da arte feminista en Galicia. A súa obra, fundamentalmente fotográfica, renova sempre o seu cariz reivindicativo para atender aos diferentes atrancos que, pola súa condición, atenazan a vida das mulleres.

Desta volta, convídanos a un percorrido pola súa obra recente, na que o traballo das mulleres e a denuncia da súa escasa consideración, pasada e presente, ocupan a centralidade do discurso. A súa proposta fálanos da realidade laboral das mulleres galegas durante tres xeracións. Neta de sindicalista fusilado, Caldas reclama a súa identidade como vítima transxeracional do franquismo: neta de viúva abocada á escaseza e as privacións e filla de nai telefonista que perdeu o seu traballo polo feito de contraer matrimonio. A exposición desenvólvese en tres salas e conta, ademais, cun anexo documental. Coa fotografía como protagonista, desprega un amplo abano de formalizacións: colaxe fotográfica con imaxes apropiadas, series fotográficas de creación propia en grande formato, a imaxe fotográfica proxectada a modo de instalación e como base dunha obra fílmica... e mesmo unha peza fotográfica en formato “tarxeta para levar”. A terceira sala está dedicada ao proxecto Retrato de familia, realizado ad hoc para esta exposición.

A obra de Mar Caldas é conceptualmente densa, froito dun continuo e laborioso traballo de investigación, mais sintética desde un punto de vista formal, e procura sempre primar a comunicación coa persoa espectadora. A súa investigación atinxe tanto aos límites e á historia do medio fotográfico —aos seus usos e formalizacións fóra e dentro do eido da arte— como a outros campos segundo as necesidades específicas de cada proxecto.

A indagación que a artista fai nos eidos da historia contemporánea e da historia da arte moderna faise patente en forma de cadro ou escena de xénero. Dun xeito que diriamos poético, Caldas fai un exercicio de arqueoloxía, ao buscar, achar e analizar artefactos xerados mediante a arte académica e a fotografía profesional. Deste xeito, por medio da arte, reconstrúe o contexto en que determinadas pezas da cultura material de Galicia foron realizadas, para desvelar a presenza soterrada das mulleres no rexistro histórico.

A exposición “Lo que cabe en una almendra” da artista coruñesa Lara Pintos, mostra unha visión moi persoal da cidada de de Santiago de Compostela.

Unha mirada cara diferentes lugares do casco histórico que evocan as propias vivencias da artista. Espacios exteriores de tránsito, rúas ou soportais, conviven nesta exposición con escenas ambientadas en localizacións máis cálidas, como a intimidade de un café, todos eles escenarios reais que se encontran no corazón da cidade de Santiago, para ser exactos, dentro da súa améndoa medieval. Escenas que parecen evocar no espectador as palabras de Gaston Bachelard “nas ensoñacións do rincón pódese ser outro”.

A mostra consiste en oito paneis dedicados a esas pioneiras cos que a Biblioteca da USC quere contribuír a poñer en pé de igualdade as súas figuras. 

As protagonistas da exposición son Áurea Rodríguez, a primeira gaiteira da que se ten noticia; Maruxa Villanueva, actriz, cantante e emprendedora teatral en Galicia e alén do Atlántico; Elisa Patiño, a primeira aviadora galega e unha das primeiras en Europa; María Wonenburger, investigadora en álxebra e primeira muller española que obtivo unha bolsa Fullbright; María Luz Morales, primeira directora dun xornal en España; Ángela Ruiz Robles, mestra e inventora dun dispositivo precursor do libro electrónico; Concepción Pérez Iglesias, mestra e primeira alcaldesa de Galicia e unha das primeiras de España, e María Barbeito, educadora que achegou precozmente a Galicia as máis modernas teorías pedagóxicas que se estaban a xestar en Europa.

Un proxecto expositivo-colaborativo de investigación emocional, plástica e estética sobre o trastorno narcisista xestado por Ana Costas para oito artistas coa colaboración de Carlos Villanueva. 

A mostra consta de oito pezas, resultado da interpretación dos 8 conceptos que se lle asignou a cada artista e unha peza en audio que reproducirá en bucle a voz da súa propia creadora, Rita Más Ibáñez: interpretación da 'Envexa' por Montse Rego, do 'Egoísmo' por María Xosé Díaz, da 'Mezquindade' por María X. Fernández, da 'Traizón' por Ana Costas, da 'Mentira' por Ricardo de Campos, da 'Vanidade' por Ruth Lodeiro, da 'Hipocrisía' por Marita Carmona, da 'Mediocridade' por Alma Pérez, e da 'Narcisa' por Rita Más Ibáñez.

Ao longo da historia, as mulleres sempre foron relegadas nas marxes da educación artística. Expedientes para o establecemento dunha escola de nenas nos que se especificaba que o interese que existía para que as mulleres aprenderan a debuxar era, unicamente, que puideran despois trasladar a aprendizaxe a labores de bordado, citas nas que se expoñía que as nenas debían sentarse lonxe dos nenos para non distraelas, ou escritos nos que se explicaba que as nenas tiñan que atender a clase polas mañás porque ningún pai querería que a súa filla volvese a casa de noite.

A escaseza de alumnas matriculadas e a súa práctica inexistencia dentro dos cadros de persoal do profesorado demostran as grandes dificultades que tiñan as mulleres para accederen a ensinanzas artísticas. Con motivo do Día Internacional da Muller, o Arquivo de Galicia inaugura a exposición Mulleres artistas: aprendendo o oficio, que reflicte o difícil camiño ao que moitas tiveron que enfrontarse para conseguir o recoñecemento social da súa capacidade creadora, así como o acceso á educación artística.

A mostra exhibe un total de 39 documentos orixinais de entre 1785 e 1962 procedentes dos fondos da Real Sociedade Económica de Amigos do País e a Escola de Artes e Oficios. Informes, regulamentos de funcionamento das escolas, fotografías, láminas utilizadas como modelos para a aprendizaxe do debuxo ou exercios realizados polas alumnas son algúns dos materiais que podemos atopar nesta mostra e que reflicten a situación das mulleres na educación artística en Santiago de Compostela.

Exposición de abstración xeométrica contemporánea asinada por Anabel Álvarez Goyanes.

O traballo recente da Álvarez Goyanes representa o rigor na exploración das posibilidades plásticas da xeometría, a delicadeza na construción da paleta cromática e a sensibilidade no uso combinado de forma e cor para xerar a ilusión de volume, movemento e profundidade a partir da linealidade do soporte plano.

É unha man tendida ao espectador, unha invitación a transcender as limitacións físicas do noso espazo tridimensional e a participar no xogo das realidades visuais alternativas.

Nova exposición individual que ten como protagonista a exuberancia sensorial e a explosión cromática da pintura da artista zaragozana Alejandra Atarés (Zaragoza, 1987). 

En Flores: resistencia, poder e renovación volveremos atopar o personalísimo código estético da súa pintura, onde a cor saturada e un xesto decidido póñense ao servizo do matérico e da desbordante personalidade da artista. Unha exuberancia floral menos naturalista, máis conceptualizada que en traballos anteriores, que evoluciona no espazo pictórico cunha forza inusitada. En sazón, as flores de Atarés dan lugar a unha trasfega visual que flúe desde o fondo das pezas cara ao público conectando desde o sensorial, bordeando o sinestésico. 

Rosalía de Castro nace no mesmo ano no que, por vez primeira, unha muller consegue entrar na Biblioteca Nacional. Non se sabe se a escritora galega repetiu esa xesta durante os seus anos madrileños, mais o certo é que nunca puido cursar estudos universitarios. Con todo, hoxe en día coñécese que a nai da autora, dona Teresa Castro Abadía, se preocupou, de xeito moi consciente, pola súa educación. Na adolescencia, Rosalía beneficiouse da instrución musical, dramática, literaria e pictórica recibida como froito da súa vinculación aos círculos progresistas do Liceo de la Juventud e desde o seu nacemento (ao parecer, asistido polo catedrático Varela de Montes) ata o matrimonio co Murguía, con certeza a escritora participou das ideas xeradas desde a Universidade, incluídas as científicas e, máis especificamente, as botánicas. 

Porén, o certo é que Rosalía nunca entrou en Fonseca, e a xulgar por un fragmento da súa novela Ruinas (1866), a súa visión da Universidade compostelá non era, naqueles anos, favorable. Con estes antecedentes, ao abeiro da recén estreada Cátedra Rosalía de Castro, baixo o auspicio do Museo de Historia Natural da USC, e grazas ao financiamento dunha bolsa Leonardo da Fundación BBVA, semella chegada a hora dunha restitución que permita o ingreso simbólico, con honores, da autora Rosalía de Castro na Universidade de Santiago de Compostela.

A exposición é o resultado dun primeiro proxecto sobre as mariscadoras de Muros, coas que Cris Romero traballou durante tres anos fotografando a súa vida cotiá na ría. “O seu esforzo e tesón contra todo pronóstico, o mal tempo e o cesamento da actividade foron unha constante no meu esforzo por reflectilo nas miñas fotografías, por valoralas, e por darlles unha plataforma para dar a coñecer o seu traballo, algo que todos coñecen en Galicia pero non no resto de España”, asegura a autora. O resultado foron dúas exposicións, unha en xullo de 2023 no Molino de Mareas de Muros e outra en marzo de 2024, en Madrid con motivo do Día da Muller, e a edición dun libro.

Desde a Biblioteca Ánxel Casal queremos presentar un percorrido que vai desde a trasmisión oral da literatura popular ata o verso cantado para unírmonos á celebración do Día das Letras Galegas 2025 dedicado ás cantareiras Adolfina e Rosa Casás, Eva Castiñeira e Manuela Lema, representación colectiva de todas aquelas mulleres que foron custodias e divulgadoras deste tesouro cultural.

Os materiais fotográficos incluídos nestes traballos publícanse por cortesía do Arquivo do Patrimonio Oral da Identidade (Instituto de Estudos das Identidades do Museo do Pobo Galego) no que se alberga o fondo Schubarth-Santamarina ao que pertencen as fotografías.

Na sala infantil. Pode visitarse ao longo do mes de maio durante o horario de apertura da biblioteca.

Beatriz Mosés é una muller de mediana idade soñadora e imaxinativa. Tras a perda da mobilidade da man que empregaba para todo tivo que volver a empezar.

Hai pouco máis dun ano, decidiu retomar a pintura, un camiño que, pouco a pouco, a levou ata o día de hoxe, onde ten o pracer de presentar a súa obra ao público.

Beatriz traballa con acuarela e pluma de tinta, acrílico, algúns óleos, así como diversos materiais e tamaños. Ademais, explora tamén outras técnicas como o debuxo a lapis, carboncillo ou rotulador, e complementa as súas obras con poesías propias, creando un espazo onde a pintura e as palabras se funden en harmonía.

Esta é a súa terceira exposición, que se presentará o martes  6 de maio ás 19h, Beatriz estará pintando en vivo e realizará unha visita comentada, onde explicará en detalle o proceso creativo e as emocións que inspiran cada unha das súas pezas que van acompañadas tamén de poesías da autora.

Exposición das artistas madrileñas Consuelo Chacón e Patricia Mateo e o artista, tamén madrileño, José Luis López Moral.

Este proxecto multidisciplinar, que transita fotografía, pintura, vídeo, instalación e son, adéntrase dende a arte, a experiencia e a natureza no universo das meigas, do patrimonio botánico e da tradición galega, no imaxinario das lendas e das supersticións, nos saberes populares que tan firmes alicerces teñen construído na cultura senlleira do noso país. 

A partir dunha profunda investigación e un intenso traballo de campo, percorrendo moitas trazas da xeografía galega e indagando nas febras da tradición e da memoria, con obras de pintura, fotografía e instalación, Consuelo Chacón, Patricia Mateo e Jose Luis López Moral sumérxennos en mundos máxicos, cheos de simbolismo e ambigüidade, atmosferas de ensoñación e simulacro que transitan entre o real e o ficticio, reivindicando o valor da sabedoría popular e da natureza, a rica raíz da identidade cultural galega, o papel das 'bruxas' e dos relatos que se tecen nas marxes do discurso sistémico. Sempre na procura de interpelar e situar ao público, nun estado simbiótico de cuestionamento, estrañeza e fascinación, para que, na procura de respostas, só atisven preguntas, nas que tal vez, atoparse a un mesmo, a unha mesma.

Comisariada por Paula Cabaleiro.

Unha exposición para poñer o foco en todas as mulleres que mantiveron viva a poesía e a música de tradicional oral e para coñecer tamén como foi evolucionando a súa recollida e posta en valor ao longo dos tempos. Tesoureiras do noso é unha mostra na que a Biblioteca de Galicia, con motivo do Día das Letras Galegas 2025, recompila libros, cancioneiros e material audiovisual para comprender a todas esas mulleres que comezaron a tocar e cantar con pratos e sachos por pura necesidade de diversión e goce ata chegar co seu legado aos escenarios. 

A exposición Boutique Amparo, comisariada por Eduardo Valiña forma parte das mostras conmemorativas do trinta aniversario do museo.      

A exposición "Tras a pegada das musas" invita aos asistentes a realizar un percorrido expositivo polas obras da artista plástica Mareiras, que falan de oito mulleres artistas cunha creatividade poderosa e singular: a condesa Oldini, Isabel Rawsthorne, Suzanne Valadon, Bella Chagall, Lidia Delectorskaya, Teresa Arijón, Celia Paul e Ethel Warwick. Ademais, Mareiras inclúe a súa propia musa masculina, Fausto.

Deste xeito, a artista rompe co discurso artístico hexemónico e reivindica a posibilidade de que os homes encarnen o papel de musa. Inspirada polo libro "A muller pintada" de Teresa Arijón, a intención das obras de Mareiras é revalorizar os nomes destas grandes creadoras, devolvéndolles o lugar na historia que se merecen e que o relato canónico lles negou.

Terceira exposición individual en Galicia da artista Laura Nieto. A mostra reúne 12 pinturas nas que a artista propón un percorrido visual e simbólico por paisaxes nas que a natureza e a pegada humana coexisten nunha constante ambigüidade.

Facémolo co corpo. A performance é cousa de mulleres recolle o traballo dun importante número de artistas, capaces de sustentar por si mesmas un relato en relación á historia da performance dende finais dos anos sesenta, cando este tipo de linguaxe se desenvolve con forza.

A performance emerxe como unha das formas de creación máis interesantes, intensamente vinculada á necesidade de volver unir as prácticas artísticas coa vida, e asumir novos compromisos sociais, algo que a arte esquecera dende os realismos de finais do século XIX. A performance aparece tamén como consecuencia da loita das mulleres artistas por entrar nas institucións, sendo o seu carácter efémero o que facilitaría a súa presenza nos espazos da arte.

En Facémolo co corpo, hai unha selección de obras a través da cal poder falar da performance en Galicia, protagonizada en gran parte por mulleres que tiveron presenza nas programacións de institucións e festivais, e tamén en exposicións e eventos independentes durante as últimas décadas. Algunhas delas son galegas, outras, contribuíron co seu traballo á formación dos públicos e das artistas que teñen nas artes performativas o seu maior campo de expresión dentro do noso territorio.

A galería Dupla presenta ata mediados de agosto a exposición Common people, das artistas Natalia Umpiérrez (Pontevedra, 1982) e Nuria Figueiredo (Ourense, 1986), quen ofrecen dúas miradas complementarias sobre a realidade: mentres Umpiérrez recorre ao humor, á irreverencia e ao grotesco nas súas pezas de cerámica e papel que exploran medos e anhelos, Figueiredo constrúe un universo onírico e místico a través de cerámicas que fusionan o humano e o animal en delicados exvotos e retablos. Ambas artistas, recoñecidas con premios como o Novos Valores da Deputación de Pontevedra e participantes en importantes bienais e circuítos internacionais, conflúen nesta mostra que convida o espectador a transitar entre a ironía e a ensoñación.

O Claustro Alto do Colexio de Fonseca acolle a mostra As primeiras profesoras da Universidad Complutense de Madrid, dedicada a dar visibilidade ás pioneiras da docencia e da investigación na UCM, entre as que figuran as galegas Emilia Pardo Bazán, Antonia Ferrín Moreiras e Jimena Fernández de la Vega.

A exposición, parte do proxecto Académicas UCM, recupera a memoria das primeiras mulleres que impartiron clases na antiga Universidade Central. 

A Fundación Eugenio Granell acolle ata o 17 de xaneiro a exposición Montaña sobre montaña. Saltamontes, da artista Lúa Gándara, nun proxecto comisariado por Eduardo Valiña. A mostra é o resultado do traballo desenvolvido pola creadora durante a súa estadía na IX edición de Artista en Residencia da Fundación.

A proposta de Lúa Gándara transita entre diferentes linguaxes artísticas —desde a pintura ata a performance ou o son— para construír un espazo plástico cheo de ritmo, cor e movemento. A artista combina signos e símbolos que establecen diálogos co cotián e coa colectividade, utilizando o humor como ferramenta expresiva e emocional. O proxecto convértese así nunha estrutura aberta e colaborativa, onde conflúen outras creadoras e prácticas que amplían o discurso cara ao público, o urbano e o vital.

A galería DUPLA inaugura o venres 14 de novembro, ás 19:30 h, a mostra colectiva She’s so inusual, con obras das artistas Ana Jarén, Cristina Fernández Núñez, Lara Pintos e Lula Goce.
Comisariada por Laura Darriba, a exposición celebra a diferenza como forza creativa e aborda a liberdade coa que as artistas conciben a súa obra, afastadas das normas e fieles á súa voz propia. A través de estilos e linguaxes diversos, as catro creadoras transforman a pintura nun exercicio de pensamento e resistencia, unha afirmación da autenticidade como forma de liberdade.
A mostra poderá visitarse ata o 7 de xaneiro na galería DUPLA (rúa Fonte de Santo Antonio, 9).
Horario: luns a venres, de 11:00 a 14:00 h e de 17:00 a 21:00 h. Sábados, con cita previa (info@galeriadupla.art ).

A mostra, comisariada polo historiador Miguel García-Fernández e con ilustracións orixinais do artista Héitor Picallo, rescata e pon en valor o papel desempeñado na Galicia baixomedieval polas mulleres da liñaxe Moscoso a través de paneis divulgativos, ampla bibliografía e reproducións de documentación medieval na que se reúnen unha gran selección de materiais conservados en diversos arquivos galegos e estatais.

A mostra “Virando o rosa”, da fotógrafa Diana Fajardo Rama, inaugúrase o 16 de febreiro ás 12:00 h no Claustro Alto do Colexio de Fonseca, no marco das celebracións do 8M. O proxecto reflexiona sobre a atención ás mulleres diagnosticadas de cancro desde unha perspectiva de xénero, combinando exposición fotográfica, libro gráfico e relatorios públicos. A mostra busca dar visibilidade ás experiencias reais das afectadas, superando imaxes simplificadas de recuperación e empoderamento.

Este proxecto site specific “descende o ceo” simbólicamente, levando o debuxo e a pintura sobre papel ao espazo, nun xogo de sensacións entre o corpo, a pintura e a arquitectura.

O ceo tórnase vulnerabilidade, pel e memoria, mesmo corpo, case como se descendesen séculos de historia dese rico teito mudéxar volvéndose febras de paisaxe. Nesta obra da artista arxentina Luciana Rago, os papeis de febras vexetais son traballados con tinta e acuarela, nun interesante xogo visual na súa fascinación polo ambiguo, desdebuxando o anverso e o reverso, investigando múltiples posibilidades nunha sorte de tensión entre o leve, o etéreo e o denso, o permanente. A obra propónse así como unha experiencia vital para ser transitada: unha escenografía envolvente que ofrece diferentes puntos de vista e interpela activamente a quen a percorre.

“O ceo aos meus pés”, que toma o título dunha antoloxía de poesía chinesa contemporánea, é unha metáfora complexa, mais tamén sensorial: un ceo que se deconstrúe en luz, levidade e emoción, mentres a súa derme actúa como rexistro de memoria, pegada e resistencia. A artista dialoga, así, coa tradición pictórica oriental, mais o trazo e a mancha irrompen agora na tridimensionalidade para interpelar o corpo e a súa temporalidade imperativa.