O Concello de Santiago súmase á celebración do Día das Letras Galegas, que neste 2025 recoñece as cantareiras e pandeireteiras autoras de música tradicional de transmisión oral cun concerto de cinco corais da cidade. 

Trátase da coral Ponte Mantible, o coro Asubío, a coral Amigos do Castiñeiriño, o Coro Crecente de Voces Graves e a coral Solfa. 

A entrada é libre ata completar aforo.

TARAB é un espectáculo que invita á emoción intensa. 

Baixo esta poética, Film Symphony Orchestra e o seu carismático director Constantino Martínez-Orts, propoñen unha fascinante experiencia musical inspirada en melodías de películas como Dune, Origen, Oppenheimer, Troya, La sirenita, Gravity, Frozen, El regreso de la momia, La lista de Schindler, Leyendas de pasión, Forrest Gump, The Martian, Star Wars: el ascenso de Skywalker o Animales fantásticos, entre moitas outras. 

Concerto benéfico a favor do proxecto "Wawa Wasi", organizado pola Parroquia de Santa María de Salomé, no que participarán:

• A Escolanía da Catedral de Santiago

• O Coro Cardenal Quiroga

A entrada será libre ata completar o aforo.

O noso baile e música de raíz volven ateigar o Gaiás de muiñeiras e aturuxos, de alalás e pandeiradas: o Serán regresa á Cidade da Cultura —encadrado na programación destas Letras Galegas 2025— e coincidindo co arranque do verán e a celebración do Día Europeo da Música.

Entre o 20 e o 22 de xuño de 2025, ata un milleiro de artistas, intérpretes e especialistas na música e o baile tradicional de Galicia reuniranse na Cidade da Cultura neste IV Encontro Galego de Cultura Popular.

Novamente con Quique Peón como director artístico, o Serán’04 convídate a tres días de foliada nun encontro para tocar, cantar e bailar, para reencontrarnos, celebrar a nosa cultura propia e amosar a todo tipo de público a creatividade e riqueza da música e do baile galego.

Banda Municipal de Música de Santiago de Compostela & Banda Sinfónica del Ateneo Musical del Puerto de Valencia

Temporada 2024/25 “PASEOS”
Ciclo de verán

Director: Casiano Mouriño Maquieira & Luis Serrano Alarcón

Atardecer no Gaiás é un ciclo de concertos ao aire libre organizado pola Cidade da Cultura. Gratuito e deseñado para gozar dos solpores de verán en Santiago de Compostela, presenta unha programación musical diversa: rap, neo‑tradicional, pop indie, electrónica e ritmos tropicais, entre outros. Desenvólvese na Praza Central do Gaiás os xoves e venres durante xullo e agosto, comezando ás 21:00 h .

Eris MacKenzie é o nome do proxecto en solitario de Carlos Eirís. Unha combinación de electrónica minimalista con música tradicional galega a través da que fala das experiencias felices ou non tanto que o marcaron (relacións afectivas, problemas familiares, autoesixencia excesiva...). O coruñés vén de sacar Meu Ceu: Cantigas industriais e brutalismo emocional (AAldea, 2025) un álbum de 14 temas concibido como un proceso de duelo e liberación.

Atardecer no Gaiás é un ciclo de concertos ao aire libre organizado pola Cidade da Cultura. Gratuito e deseñado para gozar dos solpores de verán en Santiago de Compostela, presenta unha programación musical diversa: rap, neo‑tradicional, pop indie, electrónica e ritmos tropicais, entre outros. Desenvólvese na Praza Central do Gaiás os xoves e venres durante xullo e agosto, comezando ás 21:00 h .

Ana Lua Caiano explora a fusión do folclore portugués coa electrónica, incorporando os sons do cotián e da tradición en melodías superpostas e letras poéticas que conectan fondamente co público. O seu nome emerxeu na escena portuguesa hai pouco máis dun ano e co lanzamento do seu disco debut Vou Ficar Neste Quadrado (Glitterbeat, 2024) logrou consquistar á crítica especializada internacional e a festivais como o Primavera Sound. 

Atardecer no Gaiás é un ciclo de concertos ao aire libre organizado pola Cidade da Cultura. Gratuito e deseñado para gozar dos solpores de verán en Santiago de Compostela, presenta unha programación musical diversa: rap, neo‑tradicional, pop indie, electrónica e ritmos tropicais, entre outros. Desenvólvese na Praza Central do Gaiás os xoves e venres durante xullo e agosto, comezando ás 21:00 h .

Calle Mambo veñen de Chile para presentar o seu terceiro disco, Retumba la Tierra, que editaron a comezos deste mes de xuño. O seu son busca unificar o folclore latinoamericano cos beats electrónicos e os ritmos urbanos, mostrando a riqueza das músicas do continente. Ata dez instrumentos tradicionais (quena, quenacho, charango, ronroco…) para invocar o baile e facer viaxar ao público pola diversidade de ritmos do outro lado do Atlántico. 

Tres nomes destacados no panorama da música urbana actual xúntanse no festival urbano de Atardecer no Gaiás, unha xornada especial na que alongamos aínda máis o solpor con Santa Salut, Dirty Suc e Al Safir.

Atardecer no Gaiás é un ciclo de concertos ao aire libre organizado pola Cidade da Cultura. Gratuito e deseñado para gozar dos solpores de verán en Santiago de Compostela, presenta unha programación musical diversa: rap, neo‑tradicional, pop indie, electrónica e ritmos tropicais, entre outros. Desenvólvese na Praza Central do Gaiás os xoves e venres durante xullo e agosto, comezando ás 21:00 h .

Banda Municipal de Música de Santiago de Compostela
XXI Encontro Galego do Saxofón
Temporada 2024/25 “PASEOS”
Ciclo de verán

Director: Casiano Mouriño Maquieira
Saxofóns: Alicia Fermoselle Martín e Diego Mateo
Iriarte (Gañadores do Concurso Ramón Guzmán)

Viguesa con raíces brasileiras, Lua de Santana mestura pop, música club e soul en cancións nas que explora a súa identidade e os ritmos afrolatinos para estimular o baile. Inspirada por artistas como SZA, Nina Simone, Beyoncé e FKA Twigs, Lua comezou en 2024 unha carreira ascendente grazas ao éxito do single PiRi PiRi e o seu EP Ginga, que a deron a coñecer ao público e lle abriron as portas a colaboracións con artistas como Nathy Peluso.

Atardecer no Gaiás é un ciclo de concertos ao aire libre organizado pola Cidade da Cultura. Gratuito e deseñado para gozar dos solpores de verán en Santiago de Compostela, presenta unha programación musical diversa: rap, neo‑tradicional, pop indie, electrónica e ritmos tropicais, entre outros. Desenvólvese na Praza Central do Gaiás os xoves e venres durante xullo e agosto, comezando ás 21:00 h .

Banda Municipal de Música de Santiago de Compostela
TradFest
Temporada 2024/25 “PASEOS”
Ciclo de verán-FESTAS DO APÓSTOLO 2025

Director: Casiano Mouriño Maquieira
Pandeireteira: Merchi Rodríguez (integrante do grupo Leilía)
Gaita: Pedro Lamas

Feito a Man é un festival de rúa que nace no ano 2003 e que está organizado pola Asociación Cultural Cidade Vella nos espazos singulares da cidade de Santiago de Compostela.

Durante o mes de agosto, Feito a Man deseña e pon en escena un ciclo continuado de actuacións no que caben actividades artísticas de diverso xénero: música, cabaret, instalacións, performance, teatro, dj’s… Un festival de diversidade. Un fenómeno espacial onde interactúan os suxeitos dunha colectividade a través da creación.

PROGRAMA:

Luns 4
Praza da Quintana
20:30 h · SUMRRÁ (jazz)
22:15 h · BANDA DAS CRECHAS (folk, tradicional galega)

Martes 5
Virxe da Cerca – MOMO...A RÚA
20:45 h · TATO LÓPEZ & CIA (música de autor)
Praza de Feixóo
22:30 h · LUIS CARACOL TRIO · Portugal/Galicia (afroportuguesa)

Sesión OFF
Tras San Fiz de Solovio
22:30 h · COUSA NOSA (urbano, rap)

Mércores 6
Praza das Praterías
20:30 h · GOLDEN GALOS FURANCHO (blues)
Praza de San Martiño Pinario
22:15 h · JULIÁN MAESO TRIO (soul, funk, R’n’B)

Xoves 7
San Paio de Antealtares
21:30 h · AMOEBA SPLIT (rock progresivo, psicodelia)

Venres 8
Tras Salomé
20:30 h · ROCKMERO Y LOS DETERGENTES · Canarias (rock de autor)
Praza da Quintana
22:30 h · LENI PÉREZ & SEKADRA (fusión tradicional-jazz-rock-electrónica)

Sábado 9
Rúa Santo Agostiño – Ameas
20:30 h · LACANDONA · Arxentina/Galiza (rock de autor, reggae, rap, folklore latinoamericano)
Rúa de Xelmírez
22:15 h · LIDIA INDIA (folk, world music)

Sesión OFF
Praza de Cervantes
13:30 h · XISCO FEIJOO (tradicional galega)

Luns 11
Rúa da Fonte de San Miguel
21:30 h · MALABESTA (bluegrass do país)

Martes 12
Praza dos Gatos
21:00 h · A BANDA DA LOBA (pop-rock, folk)

Mércores 13
Tras Salomé
20:30 h · RADIO ZAPA (rock psicodélico)
Rúa de Xelmírez
22:15 h · SANTI ARAÚJO (rock alternativo)

Xoves 14
Praza das Praterías
20:00 h · XENTE. The Momento Impro (teatro de rúa)
San Martiño Pinario
21:30 h · ATEMPO Cuba (son cubano)

Venres 15
Virxe da Cerca – MOMO...A Rúa
20:30 h · IRIA PEÑA TRÍO (flamenco fusión)
Praza da Quintana
22:30 h · CANDORKA (folk-jazz-rock fusión)

Sábado 16
Rúa Santo Agostiño – Ameas
20:30 h · CHEKAN (funk, progresiva, psicodelia)
Tras San Fiz de Solovio
22:30 h · BATTOSAI (rock alternativo)

Luns 18
Praza de San Martiño Pinario
21:30 h · DJ PIMP & DJ MIL (house, rap, funk)

Martes 19
Vía Sacra
20:30 h · OS ENXEBRES DE SAN LÁZARO (tradicional)
San Paio de Antealtares
22:15 h · LA PAQUI MATA (soul, rhythm & blues)

Mércores 20
Tras San Fiz de Solovio
20:30 h · BEIRARRÚA (rock alternativo/de autor)
Praza dos Gatos
22:15 h · GUAYABERAS NEGRAS (rhythm & blues, groove, soul)

Xoves 21
Praza das Praterías
20:45 h · SUPERGLÚ (indie-pop, rock)

Praza de Feixóo
22:30 h · NANI GARCÍA TRÍO & TON RISCO (jazz)

Venres 22
Praza de San Martiño Pinario — Escenario NARF
20:30 h · LUCIANA JURY (folklore arxentino, tango)
21:30 h · SERGIO TANNUS & AGORATÁ Brasil/Galiza (samba, MPB, choro, rock)
23:30 h · RUBIA & THE BANDITS (rock psicodélico, acid rock)
Sesión OFF
San Paio de Antealtares
17:00 h · NANEIN DJ (nu-disco, house, electrónica)
Praza de San Martiño
21:30 h · UN DÍA CUALQUIERA (IMPRO teatro)

Luns 25
Sesión OFF
Rúa da Fonte de San Miguel
20:00 h · Mostra de alumnos de WAX! CULTURA DJ (house, latin house, dancehall, denbow)

+INFO

Banda Municipal de Música de Santiago de Compostela
Temporada 2024/25 “PASEOS”
Ciclo de verán
Director: Casiano Mouriño Maquieira

PROGRAMA 

Ricardo DORADO (1907-1988)
TORRE DEL ORO, Pasodobre (1969)
Franz von SUPPÉ (1819-1895) Arr. P.J. Molenaar
 DIE SCHÖNE GALATHEA, Abertura (1865)
Federico CHUECA (1846-1908) y Joaquín VALVERDE (1846-1910)
LA GRAN VÍA, Selección (1886)
Kees VLAK (1938-2014)
OS PÁSSAROS DO BRASIL
I.- Pássaros Coloridos
II.- Pomba Triste
III.- Os Pássaros no Carnaval
Bernardo del RÍO (1893-1952), Trans. Javier Jurado
A LENDA DE MONTELONGO, Escenas Galegas (1924)
I. – Na fiada
II. – Canción popular
III. – Camiño da Foliada

O sábado, 13 de setembro, ás 12:30 horas, o Museo do Pobo Galego acollerá unha actuación do grupo de pandeireteiras Raigañas, que terá lugar no xardín do Claustro. En caso de choiva, o concerto trasladarase ao Auditorio do Museo do Pobo Galego.

O grupo de Pandeireteiras Raigañas naceu en 1994 dentro do seo da Asociación Xuvenil Raigañas, colectivo cultural fundado en 1979 na parroquia de Cerqueda (Malpica de Bergantiños), co obxectivo de recoller e conservar música popular, máis concretamente o legado musical bergantiñán. Fórmano as pandeireteiras Olaya García, Sofía Vila, Helena Sanmamede, Susana Suárez, Ana Abelenda, Andrea Souto, Raquel Uxía Lema, Rosario Álvarez, Carme Álvarez, Uxía Corral e Mar Suárez. Dirixe o grupo Sonia Reborido. 

Na súa traxectoria, publicaron un disco, Baila que podes bailare, e acadaron diversos premios pola súa calidade musical e o seu labor de conservación do patrimonio musical. Ademais, participaron en diversas iniciativas, como o Proxecto Somos Pandeireteiras, de Mercedes Peón.

A entrada é libre até completar capacidade.

Esta proposta fai parte da programación do Museo do Pobo Galego ao redor das Letras Galegas 2025.

C@nto contigo é un espectáculo no que Paco Nogueiras fai un percorrido por cancións dos seus traballos “Brinca Vai!”, “Radio Bulebule” e “Extra!” sacando a nosa lingua a voar de xeito lúdico e divertido. Neste Grandes éxitos hai retrousos e cancións para participar activamente, bailando sen complexos, acompañando coa voz, coas palmas ou con acenos. Paco Nogueiras chega acompañado dos seus instrumentos facendo un percorrido por un amplo abano de estilos musicais, dende o techno ao rock, pasando polo reggae ou a música electrónica, aínda que sen esquecer as influencias tradicionais.

C@nto contigo convértese así, nunha oportunidade de cantar con amigos e amigas nun particular concerto onde a música e o humor transformarán a biblioteca nunha festa moi especial onde ti es protagonista. C@nto contigo viaxa alí onde alguén queira cantar, rir, bailar ou simplemente escoitar coas mans e as orellas ben abertas! Asi que … colle aire, saca o teu mellor sorriso e … cantemos!

No salón de actos. Para público familiar. Entrada libre ata completar a capacidade da sala.

Un cantante punk e un cantante infantil condenados a compartir escenario acaban creando un delirio musical chamado “Concerto PunkInfantil”. Tras descubrirse e recoñecerse van confluíndo, progresivamente, nun espazo común dando como resultado este espectáculo musical e de clown para todos os públicos, no que está presente o concepto punk máis alá dos aspectos máis superficiais. Vencellado directamente co mundo infantil e as inquedanzas das cativas e cativos.

No salón de actos. Para público familiar. A entrada é libre ata completar a capacidade da sala.

• Miguel Ángel Cajigal “El Barroquista”, concepto e narración
• Sebastian Zinca, director

A música é unha linguaxe propia, que varía segundo as necesidades de cada momento e situación. Detrás de cada melodía, do uso de cada instrumento e da elección de cada compás agóchanse intencións diversas, que o noso cerebro aprende a interpretar dende que temos as nosas primeiras experiencias musicais. Neste programa exploraremos algunhas das principais ideas e emocións da música ao longo da historia, coma se elaborásemos a nosa propia playlist de momentos musicais.

Proxecto para alumnado de Secundaria

O sábado 15 de novembro, ás 19:00h, celebrarase no salón de actos do CIFP Politécnico de Santiago un concerto solidario con motivo do 25 aniversario da asociación Dano Cerebral Santiago de Compostela. O evento contará coas actuacións da Bandiña e Coro da Escola Municipal de Santiago, o coro Harmonía Stellae e o Grupo Charamuscas de música tradicional, conducido polo xornalista Ramón Castro. As entradas teñen un prezo de 20€ e a recadación irá íntegramente destinada á asociación. Poden adquirirse a través da web https://www.danocerebralsantiagodecompostela.org/es/campanas-colaboracion/concerto-solidario, na sede da asociación (Rúa Pedro Cabezas s/n), nos locais colaboradores Lupe’s Coffee & Beer e Trisquel Artesanía, ou na taquilla o día do concerto. Tamén está dispoñible a opción de fila 0.

Amor en la Tierra é o primeiro musical flamenco de gran formato nacido da raíz xerezana. Inspirado na tradición da Zambomba de Nadal, este espectáculo transforma a esencia popular nunha obra narrativa, visual e emocional.

Unha experiencia para todos os públicos que une o compás flamenco cunha historia universal que forma parte da nosa memoria colectiva. Música, danza e emoción en estado puro.

O 30 de decembro, na Igrexa de Santa María de Salomé, terá lugar o concerto solidario Desafío Wawa Wasi, a cargo do grupo Sí vis me canere. Unha oportunidade única para gozar da música e colaborar cunha causa solidaria. Podes participar tamén a través da fila cero: ES90 2080 0316 2930 4001 8072.

O concerto Gallaecia XXI, a cargo da Banda Municipal de Santiago de Compostela baixo a dirección de David Fiuza, propón unha viaxe pola creación musical galega do século XXI. O programa reúne obras de autores contemporáneos cunha forte conexión co folclore, reinterpretado desde a linguaxe do sinfonismo actual, e inclúe a estrea absoluta de composicións premiadas no XVIII Concurso Galego de Composición, en colaboración coa Federación Galega de Bandas de Música Populares.

Concerto da Banda Municipal de Santiago de Compostela, dirixida por David Fiuza, dentro da tempada 2025/26 – Escoita, sinte e desfruta, co programa Souvenir impressioniste. Unha coidada selección do repertorio impresionista francés, con obras de Debussy, Caplet, Ravel e Milhaud, en transcricións realizadas especificamente para a formación polo seu director titular. O programa pon en valor a flexibilidade e a riqueza tímbrica da banda, explorando todas as cores sonoras propias do simbolismo musical.

Un supergrupo de k-pop usa os seus poderes secretos para protexer aos seus fans de ameazas sobrenaturais e dunha banda rival de rapaces decididos a roubar non só miles de corazóns senón tamén almas. A través da música, o grupo Huntrix, as cazadoras, protexen o Honmoon dos demos, que forman un grupo musical chamado “Saja Boys”, liderado polo tenor Jinu, co obxectivo de conquistar aos fans e devorar as súas almas, para destruír o Honmoon e que o tenebroso Wimax conquiste o mundo.

Unha loita de bandas, cazadoras vs. demos, que usan a música para combater polo Honmoon

A asociación Breizh Galiza organiza un fest-deiz bretón o domingo 8 de febreiro, de 17:00 a 20:30 h, na Nave de Vidán. Trátase dun encontro convivial con música en directo a cargo de Da VAB (Xacobe Varela, Xavier Agra e María Blanco) e do grupo ferrolán As Pías, no que o público poderá bailar danzas tradicionais de Bretaña e da Galiza arredor da celebración da chandeleur, vencellada á elaboración e degustación de crêpes. A partir das 19:00 h haberá foliada libre e tamén un sorteo. Entrada: 5 €; 3 € para persoas socias e menores de 10 anos.

O venres 13 de febreiro ás 19:00 horas o dúo Al-Jus ofrecerá un concerto no auditorio do Conservatorio Profesional de Santiago (R/ Monte dos Postes S/N). Al-Jus está formado polos guitarristas portugueses Davide Amaral e António Justiça, que ofrecerán un recital monográfico sobre a obra do compositor Bernardo Sassetti (1970-2012), do que o dúo presenta adapatacións das súas creacións máis significativas. A entrada é libre ata completar a capacidade da sala e a actividade está pensada para todos os públicos. 

A Banda Municipal de Música de Santiago e a Banda CMUS Santiago de Compostela únense para ofrecer un programa centrado nos valores da amizade, a paz e a liberdade. A través de obras de Thomas Doss e Jan van der Roost, a música convértese nun espazo de reflexión colectiva e colaboración educativa.

A Banda Municipal de Música de Santiago revisita a zarzuela desde unha perspectiva renovada, interpretando obras inspiradas en grandes títulos do xénero lírico madrileño cunha linguaxe actual e contemporánea.

A Banda Municipal de Música de Santiago achégase ao universo do rock nun concerto que explora este xénero desde a óptica bandística, combinando linguaxes contemporáneas coa forza expresiva da banda.

La Maquiné, compañía de teatro
Dramaturxia e dirección artística: Joaquín Casanova e Elisa Ramos
Director musical: José López-Montes
Intérpretes: Noé Lifona e Elisa Ramos
Música de José López-Montes

Son salvaxe! é a emocionante historia de Mona, unha nena criada na selva por un gorila chamado Koko. Un día, os seres humanos invaden e destrúen o seu fogar, levan a Mona á civilización para educala e encerran a Koko nun zoolóxico. Aínda que Mona se adapta ao novo mundo que lle impoñen, non é feliz. Con valentía e amor, emprende unha viaxe para rescatar a Koko. A historia de Mona e Koko inspirará a moitas persoas a reflexionar sobre a importancia de protexer o noso planeta e tomar medidas para conservar a súa beleza e biodiversidade. Unha aventura familiar chea de emoción e ensinanzas inesquecibles.

As superestrelas do K-Pop Rumi, Mira e Zoey forman parte da banda HUNTR/X, pero teñen unha identidade secreta: son cazadoras de demos. Estas famosas cantantes sempre intentan protexer á humanidade—e especialmente aos seus fans—dunha ameaza sobrenatural escura e dos seus demos que rouban almas. A última ameaza é unha xove boyband rival chamada Saja Boys, formada por cinco demos disfrazados cun motivo oculto.

A representación é apta para todos os públicos e ten unha duración de 80 minutos.

MUSICALMENTE

Idade recomendada: de 0 a 3 anos
Duración: 45 min
Lingua: non verbal

Monteverdi, Bach e Mozart son algúns dos anfitrións dunha ampla lista de compositores que nos levan do clásico ao jazz, do tradicional portugués ás músicas do mundo, da electrónica á improvisación e ao movemento compartido entre familias e crianzas. 
Saxofóns, clarinetes, birimbaos, cavaquiños e outros instrumentos, conforman un universo sonoro amplo e estimulante, pensado para acompañar a curiosidade do público máis pequeniño.

Un concerto centrado no espírito vangardista do ballet de comezos do século XX, con obras clave de Stravinsky e Manuel de Falla que marcaron un punto de inflexión na música europea.

Evento solidario coas Escolas de Ensino Galego Semente, unha rede asociativa sen ánimo de lucro que promove unha educación autocentrada, multilingüe, inclusiva, laica e pedagoxicamente renovadora.

A xornada combinará intervencións institucionais cunha coidada programación artística, que contará coa participación de Sés, Mondra, Ukestra do Médio, As Bouba, Peter Punk e o Regueifa Tour. A través da música e do humor, a festa busca crear un espazo de encontro para a comunidade educativa da Semente e para todas aquelas persoas que apoian esta iniciativa.

Un dos momentos centrais será a presentación pública da Federación de Escolas de Ensino Galego Semente, unha nova estrutura que reforza a coordinación e o crecemento do proxecto, consolidando a súa presenza no territorio e ampliando o seu impacto social e educativo.

Disfruta da mellor música nominada ao Óscar das películas de Harry Potter nunha velada única con The Magical Film Orchestra & Choir, ilusións máxicas, un quiz de Harry Potter e participación do público.

Escoita a música máis emblemática do cinco veces gañador do Óscar John Williams, así como as obras de Patrick Doyle, Nicholas Hooper e do gañador do Óscar Alexandre Desplat: desde Hedwig’s Theme ata Dumbledore’s Farewell, desde o tema da entrada de Voldemort ata Witches, Wands, and Wizards.

Blanca é unha nena curiosa e intelixente, pero decidiu que os contos xa non son para ela. Cre que son cousas de nenos pequenos e, por iso, négase a escoitar un máis, a pesar dos intentos da súa nai por compartir con ela esas historias máxicas que antes a emocionaban tanto. Pero todo cambia nunha noite moi especial, cando, de forma inesperada, o seu libro favorito cobra vida grazas a unha maxia misteriosa que a transporta directamente ao corazón do mundo dos contos de Disney.

Alí, Blanca embarcarase nunha aventura inesquecible, acompañada por personaxes entrañables como Aladino, Elsa, Bela e a Besta, entre moitos outros. Con eles, descubrirá o verdadeiro valor da amizade, a valentía e o amor, mentres revive as cancións máis queridas e emblemáticas.

Este fermoso musical familiar é unha celebración da fantasía, da música e das emocións que todas e todos levamos dentro, sen importar a idade. Un espectáculo cheo de cor, coreografías espectaculares e momentos máxicos que fará vibrar a grandes e pequenos. Porque, ás veces, só necesitamos volver soñar para lembrar que os contos tamén poden cambiar o mundo real.

Un cantante punk e un cantante infantil condenados a compartir escenario acaban creando un delirio musical chamado “Concerto PunkInfantil”. Tras descubrirse e recoñecerse van confluíndo, progresivamente, nun espazo común dando como resultado este espectáculo musical e de clown para todos os públicos, no que está presente o concepto punk máis alá dos aspectos máis superficiais. Vencellado directamente co mundo infantil e as inquedanzas das cativas e cativos.

No salón de actos. Para público familiar. A entrada é libre ata completar a capacidade da sala.

• Miguel Ángel Cajigal “El Barroquista”, concepto e narración
• Sebastian Zinca, director

A música é unha linguaxe propia, que varía segundo as necesidades de cada momento e situación. Detrás de cada melodía, do uso de cada instrumento e da elección de cada compás agóchanse intencións diversas, que o noso cerebro aprende a interpretar dende que temos as nosas primeiras experiencias musicais. Neste programa exploraremos algunhas das principais ideas e emocións da música ao longo da historia, coma se elaborásemos a nosa propia playlist de momentos musicais.

Proxecto para alumnado de Secundaria

MUSICALMENTE

Idade recomendada: de 0 a 3 anos
Duración: 45 min
Lingua: non verbal

Monteverdi, Bach e Mozart son algúns dos anfitrións dunha ampla lista de compositores que nos levan do clásico ao jazz, do tradicional portugués ás músicas do mundo, da electrónica á improvisación e ao movemento compartido entre familias e crianzas. 
Saxofóns, clarinetes, birimbaos, cavaquiños e outros instrumentos, conforman un universo sonoro amplo e estimulante, pensado para acompañar a curiosidade do público máis pequeniño.

É un espectáculo de danza que se constrúe como un ritual iniciático á vida e no que música, luz e movemento atenden o proceso cognitivo dos máis pequenos. É unha coidada produción internacional realizada entre España e Alemaña, que parte dunha idea: a imitación como vía de relación co mundo. Aprendemos porque repetimos aquilo que vemos.

O público acomódase 360 graos ao redor da acción nun espazo voluble que convida á atención e o descubrimento...

Concepto, coreografía e interpretación: Estrella García e Miguel Quiroga
Dirección artística: Estrella García
Música orixinal e interpretación: Miguel Pérez Iñesta e Emmanuelle Bernard
Acompañamento: Blanca del Barrio
Espazo escénico: Miguel Quiroga e Luís Mosquera
Vestiario: Zig Zag Danza
Realización de vídeo dos músicos: Philipp Meise
Vídeo, imaxe e mapping: Zig Zag Danza e Secundino García
Imaxe promocional: Muel de Dios
Vídeo promocional: Gabriela Alguero
Fotografía: Gabriela Alguero, Miguel Llamas, Javier Jarquín e Artur Gavalda
Modista: Inma F. Pertierra
Colaboradores en prácticas: Javier Herrero e Ángela Clemente
Comunicación: Cultproject
Produción executiva: Secundino García
Produción e distribución: Zig Zag Danza S.L.
Imaxe evento: Miguel Lamas

Idade recomendada: de 0 a 3 anos
Duración: 40 min
Lingua: sen texto
Foco Creadoras de escena

Bob Marley for babies é a segunda parte da triloxía que La petita malumaluga iniciou co éxito internacional Bitels para bebés (concerto tributo a The Beatles). Catro bailarinas que cantan, ou catro cantantes que bailan, e unha violonchelista que interpretan sofisticados arranxos dos grandes temas de Bob Marley, unha das principais iconas culturais afroamericanas do século XX. Unha explosión de enerxía cantada e bailada, onde o público, situado no interior dunha escenografía inmersiva a 360 graos, é en todo momento o protagonista.

Autoría: Albert Vilà e Eva Vilamitjana
Dirección e dramaturxia: Eva Vilamitjana e Albert Vilà
Dirección musical: Albert Vilà
Dirección vocal: Tanja Schilinski
Elenco: Carla Gaya, Ona Pla, Elsa Meneses, Sara Sambola, M. Rosa Pons e Alba Cayuela
Coreógrafa: Eva Vilamitjana
Arranxos: Lucas Peire e Frank Montasell
Escenografía: Albert Vilà
Deseño de iluminación: David Bofarull
Vestiario: AiCarmela
Deseño de son e concepción sonora: Albert Compte
Creación de videomapping: V.P.M
Deseño gráfico: Hermes LeBleu
Coordinación técnica: Alfredo Díaz Produción executiva: Cristina Rodríguez
Distribución e comunicación: Mònica Grau
Coproducen: La petita malumaluga, Grec Festival de Barcelona e Madrid Destino (Teatro Español e Naves del Español en Matadero) 
Co soporte do Institut Català de les Empreses Culturals da Generalitat de Catalunya (ICEC) e o Instituto Nacional das Artes Escénicas e da Música (INAEM).

Idade recomendada: 0-3 anos e as súas familias
Duración: 40 min
Lingua: sen texto

Marti non sabe onde viven os medos. Habita nunha vila costeira con olor a salitre. Seu pai é mariñeiro e pasa moito tempo no mar. Un día gris de espera no porto sorpréndea unha gran tormenta que a tirará ao mar. Marti comezará unha viaxe profunda ao longo do fondo mariño; para a que terá que aprender o idioma dos medos e os peixes.

Idea orixinal e poemas: Leire Bilbao
Dramaturxia: Mar·Mar Teatro
Dirección: Javi Tirado e Mar·Mar Teatro
Elenco: Irene Hernando, Aritza Rodríguez e Maitane Serrano
Monicreques e decorados: Javi Tirado
Deseño de luces: Maitane Serrano
Vestiario: Noemi Loiti
Música: Unai Laso
Espazo sonoro: Igor Iglesias
Deseño gráfico: Markel Idigoras
Cartel: Ane Pikaza
Produción: Mar·Mar Teatro

Idade recomendada: 3 anos
Duración: 50 min
Lingua: castelán

Aracaladanza mergúllase no universo de Johann Sebastian Bach con Va de Bach, un espectáculo de danza contemporánea cheo de humor, imaxinación e maxia visual.

Dirixida por Enrique Cabrera, a peza combina música, luz, movemento e escenografía para crear un soño escénico no que cinco bailaríns e un gorila dan vida a un mundo de globos que cantan, mans xigantes, pianos diminutos ou portas que se abren a universos duplicados.

Pensada para público de todas as idades a partir dos cinco anos, esta coprodución do Real Teatro de Retiro e a Comunidade de Madrid, apoiada polo Ministerio de Cultura, é unha festa para a imaxinación que confirma a traxectoria recoñecida de Aracaladanza como unha das compañías máis premiadas e queridas do panorama internacional.

Espectáculo familiar da compañía Alodeyá..

Dous enxeñeiros con case vinte anos de traxectoria escénica mesturan física, circo e humor para crear en escena unha máquina de Rube Goldberg que desencadea sorprendentes efectos dominó. Malabares con tubos imantados, bolas, diábolos e mazas de luz programadas ao milisegundo dan vida a un espectáculo hipnótico no que os obxectos voan e a maxia reside nas leis da física.

Idade recomendada: a partir de 6 anos · Duración: 55 min · Lingua: castelán

Cía Voël – Nanuq

Soñei, como soñan os osos no inverno. Un soño cálido, longo e baixo terra. E espertéi! Soa, e quixen volver soñar, pero xa non era no soño, era aquí, tan presente e tan efémera como a neve que cae do ceo. Este ceo, cos seus cores, anuncia que algo está por pasar.

Nanuq é unha historia de amizade sen barreiras, contada a través da poesía visual, a acrobacia, a danza e as marionetas. Dous corpos e dúas máscaras xeran un mundo onírico onde todo está ao bordo do abismo. O espectáculo convídanos a viaxar a un universo universal, pensado especialmente para os máis pequenos.

Cia Voël é o encontro de dúas persoas diferentes que se complementan, desenvolvendo un estilo propio de poética visual e imaxes simbólicas. A compañía creou espectáculos de sala como Ex-libris, Boira e Nanuq, así como o proxecto “Reditus”, un circo site-specific que reinterpreta lendas locais.

Idade recomendada: a partir de 2 anos · Duración: 45 min · Lingua: sen texto

CAMPI QUI PUGUI

Idade recomendada: a partir de 6 anos
Duración: 65 min
Lingua: castelán

Un neno medra nunha pequena aldea rodeado de paxaros, flores de camomila e tres mulleres de tres xeracións: nai, avoa e tía. As tres nais de Jordi.

Catro intérpretes dan vida a unha historia sobre a maternidade e a morte, pero sobre todo sobre a vida. Un relato de perda na infancia no que a emoción e o humor conviven con naturalidade, entre aventuras, superación e zapatillas voadoras.

O proxecto do Galiverso estrea unha nova experiencia de realidade virtual, Galiverso no corazón da pedra que propón unha viaxe ás entrañas da nosa terra para descubrir marabillas naturais, arqueolóxicas, etnográficas e históricas do noso territorio nas que a pedra, a que nos moldea e que, grazas á cantería esculpimos desde tempo inmemorial, será a protagonista.

A través do Galiverso no corazón da pedra poderás entrar sen risco en lugares inaccesibles como a cova de Eirós, cos seus gravados e pinturas rupestres, e nalgunhas das salas máis espectaculares da cova do Rei Cintolo. Tamén explorar enclaves singulares como o xacemento romano de Aquis Querquennis, a praia de area negra de Teixidelo ou o afloramento granítico do Penedo de Noiteboa. Ao poñer as lentes tan só tes que escoller no mapa virtual un dos sete destinos que ofrece a experiencia.

Para conseguir trasladalos á contorna dixital, o equipo de produción e gravación contou coa colaboración de expertos en arqueoloxía, historia e patrimonio, como os investigadores Arturo de Lombera Hermida e Tania Mosquera Castro, integrantes do equipo de escavación do xacemento de Eirós, así como persoal da asociación de espeleoloxía ao cargo das visitas á cova do Rei Cintolo, que fixeron de guías e axudaron a documentar da mellor maneira posible cada un dos enclaves.

O Galiverso no corazón da pedra tira proveito, ademais, das tecnoloxías dixitais para introducir elementos interactivos que fan máis interesante e espectacular a experiencia. Móvete con espírito curioso e intenta tocar coas túas mans virtuais calquera cousa que che chame a atención. De seguro atoparás máis dunha sorpresa!

Erupcións volcánicas, impactos de meteoros, grandes dioivos, xigantescos dinosauros, abraiantes criaturas mariñas... Orixes recrea unha natureza salvaxe onde volven á vida seres hoxe desaparecidos, pero tamén descubrimos outros que habitan a Terra desde hai millóns de anos, desde moito antes de que o ser humano pisara o noso planeta.

A experiencia sensorial inmersiva Orixes atravesa catro mil millóns de anos de evolución do noso planeta: desde unha inhabitable bóla incandescente, ata a extinción do temible tiranosauro-rex, pasando pola explosión da vida nos océanos ou a aparición dos primeiros grandes bosques na superficie terrestre.

A experiencia é accesible a partir dos 8 anos de idade, e as nenas e nenos menores de 12 deben realizala co acompañamento e vixilancia dunha persoa adulta responsable que deberá adquirir tamén unha entrada.

Con motivo do Día do Libro achegarémonos aos inicios da escritura para comprender a importancia desta ferramenta na comunicación e rexistro de información. Coñeceremos e experimentaremos con distintos soportes e utensilios empregados para a escrita ao longo da historia, centrándonos nesta ocasión no antigo Exipto.

Público infantil de 6 a 12 anos

Actividade gratuíta

Imprescindible reserva previa: https://mupega.edu.xunta.gal/inscricion-actividades-e-obradoiros

Na Cidade da Cultura festexamos o Día Mundial do Circo con Xampatito Pato e un espectáculo no que o teatro de monicreques e o mundo do circo se entretecen nunha fermosa historia onde todos os engrenaxes xiran á perfección. Un mundo surrealista e onírico e un relato sen palabras que hipnotizan a cativada e abraian a nena ou neno que todas as persoas adultas fomos nun tempo. 

Xampatito Pato é o proxecto escénico de Jesús Velasco Otero, artista multidisciplinar que destaca pola súa destreza e creatividade, calidades que se materializan na escena en espectáculos de gran beleza cos que o público conecta desde o primeiro momento. Con diferentes compañías e espectáculos, xirou e levou a súa arte a cidades de China, Rusia, Croacia, Suiza, Francia, Italia, Portugal e todo o territorio nacional.

Coa Gran Gala do Circo celébrase no Auditorio de Galicia o Día Internacional do Circo. Este espectáculo de variedades coordinado por Pistacatro congrega en escena un feixe de artistas locais e vidos doutras terras nunha festa para o goce do público miúdo e tamén do grande. Non esperedes que volo conten e vide ver o espectáculo máis grande do mundo. Pasen e vexan!

Idade recomendada: Todos os públicos
Duración: 75 min
Lingua: galego

Celebramos o Día do Teatro co espectáculo de monicreques “O traxe novo do rei” da man de Tarabelos. Un traxe especial, para un rei especial. Aquel traxe novo e máxico prometía ser un capricho inigualable e unha ferramenta perfecta para saber o nivel de intelixencia de calquera habitante da corte. Podería ser certo? Funcionaría? Dalgún xeito si; pero non como el o esperaba. Tarabelos emprega a técnica de narración ilustrada con monicreques de boca, monicreques de mesa e miniaturas.

No salón de actos. Para nenas e nenos de 3 a 8 anos. A entrada é libre ata completar a capacidade da sala.

EN FAMILIA · XOGAMOS NA CASA!

Idade recomendada: de 1 a 12 anos
Duración: 2 h 
Lingua: galego

SORORAS

SororAs é un espazo de creación e aprendizaxe en igualdade dende a aplicación da perspectiva de xénero. A través dos xogos tradicionais, constrúen un espazo de diversión para a rapazada de 1 a 12 anos, no que aprender cos brinquedos de hoxe e de sempre. Pensados principalmente para poñer a proba a axilidade mental das persoas que participen, así como fomentar o traballo en equipo dende unha experiencia interxeracional, inclusiva e con perspectiva de xénero.

Espectáculo de narración oral con obxectos e monicreques da man de Raquel Queizás.

No marco dunhas Letras Galegas dedicadas á poesía popular oral e á figura das nosas cantareiras, no Gaiás convidámosvos a un obradoiro familiar de cantigas tradicionais e percusión miúda para deconstruírmos xuntas as letras da tradición galega, propoñer outras novas e aprender a tocar con obxectos cotiáns: desde culleres ata cunchas.

As pandeireteiras e cantareiras son símbolo de resistencia e sororidade: cantadoras, tocadoras e bailadoras lideraban seráns e foliadas e a súa figura foi fundamental na preservación e transmisión da nosa cultura popular oral. Porén, as cantigas tradicionais tiñan a miúdo nas súas letras unha compoñente sexista na que non sempre reparamos.

Partindo deste contexto, chega esta proposta especialmente concibida para público infantil e adolescente e pensada para realizar en familia. Comezando cunha análise con perspectiva de xénero de coplas do cancioneiro tradicional, as persoas participantes crearán xuntas novos textos baseados en conceptos de igualdade e non violencia. Todo isto acompañado da aprendizaxe de instrumentos de percusión miúda: elementos da vida cotiá como cunchas, culleres, botellas ou piñas, cos que acompañar musicalmente esta nova copla afastada dos estereotipos sexistas.

Re—cantos | Interpretación compartida de cantigas de Adolfina e Rosa 

Ao remate do obradoiro, as persoas participantes no mesmo —acompañadas de todas aquelas que visiten o Gaiás e se animen a sumarse a esta proposta— realizarán unha interpretación compartida de dúas das cantigas das irmás Adolfina e Rosa Casás Rama. Unha actividade participativa que convida a cidadanía a unirse arredor da nosa música tradicional coa celebración das Letras Galegas como marco xeral.

Con este chamamento aberto a cantar xuntas nunha improvisada foliada e co acompañamento de percusión de man, procúrase poñer en valor a música tradicional e a súa transmisión interxeracional. A partir da actividade elaborarase un vídeo que será compartido posteriormente nas redes sociais da Cidade da Cultura, servindo como memoria audiovisual do evento e como ferramenta de difusión do patrimonio inmaterial galego.

Información práctica

— Obradoiro didáctico, para público infantil (a partir de 4 anos) e adolescente. O obradoiro está concibido para realizar en familia: os nenos e nenas deberán estar acompañadas dunha persoa adulta responsable, que participará activamente da actividade e deberá tamén mercar entrada

— Entradas: 3€

— Duración: 90 minutos

O 17 de maio, a Asociación Circonove celebra o Día das Letras Galegas cunha gala moi especial chea de maxia, acrobacias e emocións. Un espectáculo de circo e danza pensado para gozar en familia, onde a expresión corporal e a arte se dan a man para homenaxear a nosa lingua e cultura cun sorriso e moita fantasía.

Carmen, a cantareira de aldea é un contacontos que te adentra nunha fermosa aventura cunha nena dunha aldea galega que soña con viaxar polo mundo coa súa pandeireta máxica. A través da música tradicional, Carmen descubrirá novas amizades, vivirá momentos máxicos e aprenderá importantes valores como o respecto e o amor pola súa cultura.

Nesta actividade interactiva, as crianzas gozarán dunha historia chea de música, xogos e participación, mentres se mergullan nas raíces da tradición galega. Non faltarán cantigas, ritmos e moita diversión!

No salón de actos. Actividade dirixida a nenas e nenos de 3 a 6 anos. Entrada libre ata completar a capacidade da sala.

Narración oral, música, obxectos e novas tecnoloxías para exaltar a herdanza de todas as mulleres homenaxeadas no Día das Letras Galegas ao longo do tempo.

A Biblioteca de Galicia acolle o obradoiro Desde Rosalía ata as cantareiras, unha proposta multidisciplinar dirixida a nenos e nenas de entre 5 e 12 anos para exaltar a herdanza de todas as mulleres homenaxeadas no Día das Letras Galegas, desde Rosalía de Castro ata as Cantareiras, facendo especial fincapé nestas últimas e no Cancioneiro Popular.

Esta proposta de A Xanela do Maxín pon en valor as mulleres que deixaron unha pegada inesquecible na literatura, na música e no teatro galegos, e que destacaron pola súa creatividade, compromiso e contribución á nosa cultura, co fin de achegar as súas historias aos máis pequenos.

O carteiro de Ximaraos é unha peza teatral de pequeno formato para a infancia profundamente conmovedora, baseada na obra gañadora do Premio Manuel María de Literatura Dramática 2024 polo seu autor, Carlos Labraña.

A historia mestura maxistralmente realidade e fantasía para abordar dúas temáticas de gran relevancia: o impacto emocional do alzhéimer nas familias e o papel da memoria ligada ao correo postal como fío condutor das relacións humanas.

A obra céntrase na relación entre un avó, antigo carteiro da vila de Ximaraos, e o seu neto, que descobre na saca do avó un tesouro de cartas esquecidas. A través desta conexión, o espectáculo reflexiona sobre como as historias, as memorias compartidas e os pequenos rituais familiares poden enfrontarse ao esquecemento. A obra aborda con sensibilidade e honestidade a enfermidade do alzhéimer, mostrando como afecta á persoa que a padece e aos que están ao seu redor. O avó, cada vez máis afastado da realidade, atopa refuxio nas súas historias e nos recordos das postais que acumulou durante a súa vida como carteiro. Estes recordos convertéronse no único vínculo que lle permite manter certa conexión co presente. A través das súas vivencias e relatos, reflíctese o poder curativo da imaxinación e a importancia de preservar a dignidade e o afecto fronte ás limitacións da memoria.

Promoven o Centro Dramático Galego e Os Monicreques de Kukas.

Contacontos para bebes da man de Raquel Queizás.

Unha historia tenra e chea de aprendizaxes, que pon en valor a identidade, a lingua e a riqueza da diversidade desde a primeira infancia.

Actividade familiar. Axeitada para nenos/as de 1-4 anos

Actividade de animación á lectura a través da maxia mediante historias, contos e xogos.

O Mago Paco é un personaxe moi peculiar que non para de argallar novas maxias para as nenas e nenos. Desta volta mestura a risa como elemento principal para sorprender ás máis pequenas e pequenos coas súas historias cheas de maxia a través dos contos. A maxia está nos contos.

No salón de actos. Para público familiar. Entrada libre ata completar a capacidade da sala.

Nuno é un gato curioso, irreverente e cheo de imaxinación. Vive no seu mundo felino como se fose un rei, e cada día é unha nova aventura: perseguir sombras, soñar con paxaros imposibles ou facerlle trampas ao reloxo da casa. Nos "Contos Michiños", as súas pequenas trapalladas convértense en contos cheos de humor, tenrura e algunha que outra reflexión miúda sobre o mundo dos humanos.

Contacontos a cargo de Sole Felloza.

No salón de actos. Para nenas e nenos de 3 a 8 anos. A entrada é libre ata completar a capacidade da sala.

Ava é unha experta observadora de paxaros. Alegre, curiosa e aventureira, a súa paixón é o bosque e toda a vida que cada día podemos descubrir nel. Tamén lle encanta animar ás pequenas e pequenos espectadores a prestar moita atención a todo o que acontece entre as árbores…

A Banda do Bosque recibe por parte do Señor Moucho a misión de atopar un misterioso tesouro. Robin, Carpin, Pegui e Merli enfróntanse durante a busca a distintos obstáculos, pero tamén a momentos emocionantes arredor de todo o que ofrece a natureza no bosque, os cambios meteorolóxicos ou o paso do día á noite.

No medio da aventura, moita música: doce cancións orixinais xa coñecidas polo público de Bibopalula, como ‘O Terremoto’, ‘As Estrelas’ ou ‘A Poza’, con coreografías, efectos especiais e unha espectacular iluminación para unha experiencia teatral inédita en Galicia pensada para nenas e nenos de 4 a 8 anos.

A xornada pretende lembrar os beneficios do xogo no desenvolvemento integral das persoas. Xogar favorece un crecemento equilibrado do corpo, a intelixencia, a afectividade e a sociabilidade, de modo que unha crianza que xoga é unha crianza sá. 

As actividades no Paseo Central da Alameda desenvolveranse a partir das 17.30 horas e a participación é aberta e de balde. Haberá un espazo de xogos tradicionais galegos, outro para xogos grupais e cooperativos, inchables., tirolina e tiro con arco. Tamén  se vai acondicionar un circuito-ximcana, que os nenos e nenas poderán percorrer coas súas bicicletas; e un xogo de xeocaching dirixido a nenos e nenas a partir de 10 anos, e para o que é precisa inscrición. A xornada complétase coa representación de “Ghop!”, unha proposta de Teatro ao Cubo para o público familiar, na que se combinan malabares, monicreques, acrobacias e maxia. 

O artigo 31 da Convención dos dereitos do neno, recoñece “o dereito dos nenos e as nenas ao descanso e ao lecer, ao xogo e ás actividades recreativas propias da súa idade e a participar libremente na vida cultural e nas artes. Respectaranse e promoverase o seu dereito a participar plenamente na vida cultural e artística e propiciaranse oportunidades apropiadas, en condicións de igualdade, de participar na vida cultural, artística, recreativa e de lecer”.

Partindo dese artigo, no acto do venres daráselle lectura a un manifesto que recoñece que o xogo é unha actividade esencial para o desenvolvemento das persoas, que favorece a súa saúde física e mental, fomenta a comunicación, potencia a creatividade e o talento, e incide directamente na súa intelixencia emocional.

Que pasaría se puidésemos coñecer a Castelao cando era neno? Un neno de 8 anos, aventureiro, pícaro e cheo de imaxinación, xogando polos peiraos de Rianxo, debuxando máscaras de Entroido e escoitando historias da Santa Compaña dende o campanario. Esta obra achéganos a ese pequeno Daniel, que está a piques de marchar para a Arxentina… pero antes, ¡desaparece!

A Biblioteca de Galicia acolle esta proposta teatral con motivo do Ano Castelao: un espectáculo vibrante e cheo de humor dirixido por Fina Calleja e protagonizado por Mónica Caamaño e Cris Collazo. Unha peza pensada para o público infantil que convida a participar activamente nunha historia chea de maxia e memoria.

A tensión dramática medra co reloxo: hai que atopar a Castelao antes de que zarpe o barco. A súa compañeira de viaxe é Baltasara, unha figura misteriosa que vive en todas partes e en ningunha, e que nos guía por un percorrido máxico polos recunchos máis lendarios da vila. Entre xogos, palabras e debuxos, o neno Castelao terá que superar os desafíos que lle agardan antes de cruzar o océano.

Un espectáculo divertido, trepidante e cheo de poesía visual que achega por primeira vez a figura de Castelao ao público infantil, poñendo en valor a súa creatividade, o seu amor polo país e a súa maneira única de mirar o mundo.

Contacontos a cargo de Marisa Irimia.

Contos de sabores, olores e sons, contos chegados doutros lares, contos doutros tempos e outras falas, contos de risas e cancións, contos.. Un espazo íntimo e irreal onde os sentidos e a maxia das palabras cobran especial protagonismo, un espazo no que só teremos que deixarnos levar.

No salón de actos. Para nenas e nenos de 3 a 8 anos. A entrada é libre ata completar a capacidade da sala.

Contacontos en castelán da man de Paula Carbonell

No marco do Festival Internacional de Narración Oral Atlántica Miúdo estará con nós a contacontos Paula Carbonell coa contada en castelán “Un neno, un can, un gato e un pito” O pito Kirico camiña, un can e un gato xogan, as miñas historias voan... Ás veces contigo, outras veces con eles. Ven, que cho conto.

No salón de actos. Para público familiar. Entrada libre ata completar a capacidade da sala.

Unha morea de cartón de refugallo, un lugar público, e un feixe de rapazada creativa. Son os ingredientes do Desafío de cartón, unha actividade lúdica e educativa que fomenta a creatividade a través do xogo con cartón de refugallo. Nesta intervención efémera, a Praza Central do Gaiás énchese deste material para que persoas de todas as idades teñan a oportunidade de construír estruturas e xoguetes: a única fronteira é a vosa imaxinación!

O Desafío de cartón busca sensibilizar sobre a reutilización de materiais e o impacto ambiental do cartón como residuo. A partir deste material, e con ferramentas como tesoiras, adhesivos ou retallos de tea, as persoas participantes poden construír libremente, experimentar e transformar o espazo mediante o xogo e a intervención colectiva, nunha actividade aberta á creatividade espontánea e á cooperación.

Este proxecto está desenvolvido polo colectivo Basurama, dedicado á investigación e creación no ámbito cultural e ambiental, con especial atención á reutilización de materiais e aos procesos de transformación do espazo público. Desafío de cartón forma parte tamén da rede internacional Cardboard Challenge, que basea a súa metodoloxía na acción colectiva, promovendo a experimentación e a aprendizaxe a través do xogo. O seu enfoque céntrase na participación libre, na exploración da cidade e na promoción de valores como a horizontalidade e a inclusión.

En tempos de María Castaña, cando os animais falaban, había un neno miudiño, miudiño coma un garavanzo. Tan pequeniño que ir ao mercado era unha aventura.

Contacontos a cargo de Sara Cruz.

No salón de actos. Para nenas e nenos de 3 a 8 anos. A entrada é libre ata completar a capacidade da sala.

Moito máis ca un concerto:  unha experiencia pensada para gozar en familia ao ritmo dos grandes clásicos dunha das bandas máis lendarias da historia da música. Cun formato dinámico e participativo, o espectáculo percorre as cancións máis emblemáticas dos Beatles —como “Twist and Shout”, “Yellow Submarine” ou “Hey Jude”— nunha proposta que mestura música en directo, humor e moita complicidade co público da man de Rock en familia. Cada tema é unha porta aberta á emoción, ao movemento e á descuberta, tanto para os máis pequenos como para os maiores que medraron escoitando estas melodías inesquecibles.

Con coidada posta en escena e músicos que transmiten paixón dende o primeiro acorde, Beatlemanía convida a cantar, bailar e compartir momentos únicos entre xeracións. Un plan perfecto para vibrar xuntos este verán, deixar atrás a rutina e mergullarse no universo sonoro dos Beatles, dunha forma accesible, divertida e chea de boas vibracións.

Dúas tardes cheas de diversión en familia nunha contorna natural única. Unha programación de actividades familiares que recolle o espírito participativo e festivo das grandes citas culturais, pero adaptándoo a un formato máis sustentable, accesible e en harmonía coa contorna. Música, teatro, xogos e obradoiros... descubre o que che agarda nestas tardes no lago. 

O Parque Eugenio Granell acollerá o vindeiro 22 de xullo, unha xornada de divertimento dedicada especificamente á cativada de Compostela, a Festa Pícara. Trátase dunha xornada encadrada na programación das Festas do Apóstolo que contará con actividades variadas de teatro, música, títeres, obradoiros na lingua propia e poñendo en valor a cultura do país e achegando os pequenos e pequenas á lusofonía a través da música.

Programa:

12 H Consertasso na horta. Brais das Hortas
13 H Foliada pícara. Pesdelán
14 A 16 H Xantar no parque
16.30 H Canto contigo. Paco Nogueiras
17.30 H Home orquestra e cabezudos
18 H 25 Aniversario de Mamá Cabra
19 H Home orquestra e cabezudos
19.30 H Tributo Lembra Xabarín

Actividades durante toda a xornada: obradoiros, xogos, maquillaxe…

Circanelo é teatro xestual, danza e acrobacia; é espontaneidade, sorpresa e diversión; entusiasmo, tenrura e enxeño. Un personaxe de múltiples recursos que combina diferentes disciplinas tuteladas por un marcado rexistro clownesco para crear unha historia absurda sobre un artista coa intención de presentar o seu espectáculo.

O público acompañarao nesta viaxe por un mundo de emocións, xogo e improvisación, atentos aos conflitos deste pallaso que non dubida en exporse, en mostrarse para chegar a grandes e a nenos.

Terceira persoa do singular do imperativo do verbo MUTAR: cambiar o aspecto, a natureza, o estado, etc. dunha persoa, un animal ou unha cousa. 

"... e un día o pasado volveu ás nosas vidas e fíxonos reencontrarnos con todo aquelo que sentimos noso. Volvemos a vernos no noso teatro, todo cuberto polo pó que delataba o paso dos anos, e mentres revivíamos os nosos números de circo transformados a esta nova vida, prodúxose a maxia de sentir que nós mutábamos ao unísono!"

A mutación é unha constante. Que non só muten os bichos. Mutemos as estruturas e tamén nós, as persoas, para seguir avanzando, para chegar máis lonxe, máis alto: o máis difícil aínda!!

No palacio real andan buscando alguén para traballar nas cociñas. Búscase unha persoa que saiba guisar e asar para reis, raíñas, marquesas, duquesas e príncipes de todas as cores e condicións....

No salón de actos. Para nenas e nenos de 3 a 8 anos. A entrada é libre ata completar a capacidade da sala.

A Cidade Imaxinaria volve ao Gaiás para facer do monte un lugar de ensoño: cadeiras que cantan, animais xigantes, acrobacias imposibles, xogos para deter o tempo e pequenas marabillas para que goce xente miúda e grande. Este 6 de setembro de 17:00h a 22:00 a cativada colle o mando da Cidade da Cultura para convertela nun lugar cheo de maxia. 

Unha tarde de sábado para pechar o verán por todo o alto. 15 propostas entre as que atopamos espectáculos fixos, itineracias, zonas de xogos e estimulación da creatividade. Haberá tamén un espazo gastronómico para familias.

Celebrada entre 2011 e 2019, a Cidade imaxinaria é unha das citas clásicas da programación infantil do Gaiás, congregando a milleiros de familias ao longo das súas once edicións previas. En 2023 retomouse tras un parón durante e pandemia e no 2024, a diferencia doutros anos, as actividades concentraranse nunha xornada de tarde. Neste 2025, as actividades comezan e rematar unha hora mais tarde (de 17:00h a 22:00h) para que os nenos e nenas máis maiores poidan gozar dun espectáculo adaptado as súas idades á noitiña.

Coñecedes a Rosiña? É unha galiña moi especial: pon ovos de conto! Dentro de cada un agocha personaxes sorprendentes que agardan ser descubertos. Mais a pobre está nun apuro: encargáronlle varias ducias de ovos para a feira e soa non pode con tanto traballo. Queredes botarlle unha man?

Neste obradoiro creativo en conmemoración do Día da Alfabetización, a narración oral e a plástica danse a man para convidar á rapazada a mergullarse nunha historia que medra coa súa participación. Primeiro coñecerán a vida da galiña e escoitarán o que acontece no seu galiñeiro máxico. Despois, entre todas e todos, irán recollendo ovos, descubrindo os personaxes que se esconden no seu interior e dando forma a un conto colectivo. Para iso, aprenderán a modelar novos bonecos cos que darlle vida aos seus personaxes. Ademais, levarán consigo a receita da masa para seguir xogando e inventando na casa.

A galiña dos ovos de conto é unha proposta participativa, lúdica e creativa, na que literatura, artes plásticas e fantasía se mesturan para promover o desenvolvemento artístico dende idades temperás. 

“As lendas do Conde Breixo” é o nome dunha peza de teatro en teatro de papel en clave de contacontos, narrada a través de Emakis e Kamishibai tradicional xaponés.

O seu guión está baseado en varias lendas e mitos tradicionais galegos, nas que se combinan a manipulación do teatro de papel tradicional xaponés (kamishibai), coa técnica emaki (teatro lumínico tradicional xaponés a partir de pergamiños ilustrados).

No salón de actos. Para nenas e nenos de 3 a 8 anos. A entrada é libre ata completar a capacidade da sala.

O espectáculo conta a viaxe de Fazulas, o gato persa de dona Adelaida, na súa teima por saber de que cor é o vento. Para dar resposta a ese misterio emprenderá unha fantástica aventura collido á empuñadura dun paraugas.

Un espectáculo ideal para traballar en valores. O contacontos mergúllanos no eido da curiosidade infantil, naquela etapa na que as cativas e os cativos son exploradores do mundo, comezando o camiño da súa aprendizaxe. Tamén quere sensibilizar aos máis pequenos e pequenas en temas como a violencia machista, os conflitos bélicos ou a indefensión que sofren en moitos países do terceiro mundo.

No salón de actos. Para nenas e nenos de 3 a 8 anos. A entrada é libre ata completar a capacidade da sala.

Cedemos o espazo e celebramos o Día Europeo das Linguas co contacontos e posterior obradoiro en inglés “The king´s servant” a cargo de Kids&Us. Convidámoste ao fantástico castelo dun rei moi peculiar. Grazas ao criado do rei, o amable (e estresado) Jenkins, poderemos participar nun auténtico baile medieval.

No salón de actos. Para nenas e nenos de 3 a 7 anos. A entrada é libre ata completar a capacidade da sala.

Rimas, xogos de palabras, cancións e moito humor! Migallas Teatro trae á Biblioteca de Galicia o espectáculo Brincadeiras de lingua.  Unha proposta que mestura  narración oral, monicreques e música para redescubrir a enorme riqueza da literatura popular infantil galega en conmemoración do Día Europeo das Linguas.

A través dunha divertida escolma de ditos tradicionais a cativada poderá gozar, rir e participar, ao tempo que se fomenta a transmisión destas expresións tamén no ámbito familiar.

Un plan perfecto para que pequenos e maiores compartan a maxia das palabras da nosa tradición!

Celebramos o Día Internacional das Linguas de Signos co contacontos “Unhas lentes como as do avó” da man de Gema Santos e Caxoto. A primeira vez que Laura viu a dúas persoas falar en lingua de signos pasoulle o mesmo que a todos... non entendía nada!. Pero aquela idea de falar coas mans gustoulle moito así que aquela tarde, despois de facer os deberes, saíu ao xardín para imaxinar un mundo onde as persoas falasen coas mans.

Neste espectáculo a lingua de signos e a lingua oral conviven por igual no escenario. Un espectáculo para persoas xordas e ouvintes. Un espectáculo integrador cheo de fantasía, maxia e humor.

No salón de actos. Para público familiar. A entrada é libre ata completar a capacidade da sala.

Chega a cuarta edición do Festival Mundial de Ilusionismo "Galicia Ilusiona", a gran cita anual que presenta coa maxia de primeiro nivel.

Un espectáculo único que reúne algúns dos mellores e máis galardoados magos de todo o mundo. Unha viaxe polas diferentes ramas da maxia, onde poderás ver as actuacións de ilusión máis orixinais, percorrendo constantemente os mellores teatros e auditorios dos cinco continentes

Pum, pum! Quen é? Quen chama á miña casa, casiña, casona? Imos visitar casas grandes, diminutas, casas que caben na man, casas-zapato, casas de fío, casas-maleta que viaxan polo mundo...Tamén imos coñecer aos seus habitates: animais que falan, obxectos cotiás e máxicos, familias diversas e asombrosas...A casa é o símbolo do colo amoroso que nos acolle nos primeiros anos de vida, o colo que nos arrola, abraza e protexe. A casa é o fogar, o centro do mundo na primeira infancia. E está chea de portas e ventás que se abren ao mundo e que nos convidan a descubrilo. Cadaquén ao seu ritmo, levada pola súa propia curiosidade.

Un espectáculo para a primeira infancia e as súas familias baseado no asombro, a transmisión do amor a través da lingua galega e a palabra, dos primeiros cantos, xogos, cancións de dedos, trabalinguas, arrolos, poemas… que forxan os cimentos da casa que construímos ao longo das nosas vidas.

No salón de actos. Para nenas e nenos de 0 a 3 anos. A entrada é libre ata completar a capacidade da sala.

A Casa das Máquinas retoma a súa actividade como espazo aberto ao xogo e á imaxinación para a rapazada de 1 a 12 anos.

Os Xogos do Paporrubio son un compendio de brinquedos autónomos e animados de temática agraria, que nos permitirá coñecer un dos paxaros máis pequenos, rebuldeiros e cantaruxeiros da nosa fauna.
A finalidade é facer accesible, a través da diversión en familia, unha cultura agraria que de por si adoita fascinar e marabillar.

Polos camiños da terra van quen queren chegar lonxe, de vagar, atopando atrancos, e persoas descoñecidas, e aventuras fantásticas ou pequenas peripecias, perigos, sorpresas.

Polos camiños do aire van quen adiviñaron como voar, coa axuda de paxaros ou alfombras, de vasoiras ou de rachas de vento.

Polos camiños do mar van quen esperan atopar illas misteriosas, música feita por ondas e sereas, baleas brancas, luras xigantes, tesouros que poden non ser de ouro nin de prata senón de corais e criaturas das profundidades.

E os contos viaxan, de boca en boca, pola terra, polo mar e, sobre todo, polo aire.

No salón de actos. Para nenas e nenos de 3 a 8 anos. Entrada libre ata completar a capacidade da sala.

O Samaín en Galicia é unha celebración estreitamente relacionada co Día dos Defuntos e co magosto. Está baseada na tradición de tallar cabazas o Día de Defuntos que eran deixadas nos camiños para asustar aos viandantes.

Tradicionalmente, tamén era habitual que a mesa non se recollese despois de cear por se as ánimas dos defuntos acudían de visita durante a noite. Ademais, deixábase o lume aceso para que non pasasen frío… E arredor dese lume contábanse historias de medo… Queres escoitalas?

No salón de actos. Para nenas e nenos de 3 a 8 anos. A entrada é libre ata completar a capacidade da sala.

O 1 de novembro, Circonove presenta a súa Gala do Circo do Samain, un espectáculo para todos os públicos cheo de maxia, acrobacias e emocións sorprendentes. Ademais do circo, haberá música, sorpresas e moitas actividades que farán que grandes e pequenos vivan unha experiencia inesquecible.

Na Casa das Máquinas de Galeras ábrese un espazo ao xogo e a imaxinación cun regueiro de trebellos para pór a proba e aguilloar a habilidade, a destreza, a coordinación e o enxeño da rapazada.

Todos eles construídos grazas á reciclaxe de trastes que alguén considerou vellos pero que, no fondo, tiñan aínda moitas cousas que achegar. Case tantas como teñen as xogadoras e xogadores participantes que, de seguro inventarán novos xeitos de brincar nos que ninguén pensara.  

Misteriosos retos e arrevesadas pistas agóchanse nos corredores da exposición Castelao. Mirar por Galicia... A vosa misión? Resolvelos todos para descubrir as palabras agochadas e formar con elas a mensaxe oculta que resume o espírito da mostra, e tamén a vida e o pensamento de Castelao.

Nesta xincana por equipos en formato escape room atoparedes un feixe de enigmas para poñer a proba o voso enxeño, ao tempo que vos achegades dunha forma lúdica e inmersiva á figura e ao legado dunha das figuras máis senlleiras da historia de Galicia. Aceptades o reto?

Gaiás Inspira
Castelao e as palabras agochadas está encadrada en Gaiás_Inspira, unha nova liña de programación que abrangue diferentes actividades divulgativas, lúdicas e didácticas ao redor das exposicións do Museo Centro Gaiás, dirixidas tanto a público adulto como infantil e xuvenil, con propostas innovadoras que converten as salas do Museo nun espazo vivo, aberto á participación do público, ao xogo e á aprendizaxe compartida.

Información importante para a reserva
A actividade está concibida para público mozo e familiar e para realizar en equipos de entre 2 e 6 persoas. A idade recomendada é a partir de 12 anos.
En caso de que algún/ha integrante do grupo sexa menor de 12 anos, deberá estar acompañado/a dunha persoa adulta responsable (que tamén forme parte do equipo).
Cando realicedes a inscrición (nesta mesma páxina), debedes cubrir os nomes de todas as persoas integrantes do equipo, cun mínimo de 2 e un máximo de 6 persoas por grupo.

O día da actividade
Punto de encontro: á vosa chegada, dirixídevos ao mostrador de entrada do Museo Centro Gaiás, onde recibiredes as instrucións antes de subir á sala de exposicións.
Para realizar a actividade é imprescindible traer un dispositivo móbil con batería cargada e acceso á rede, no que se recibirán as pistas e enigmas para avanzar na aventura.
A duración máxima da proba é dunha hora, aínda que poderá ser menor dependendo da vosa rapidez na resolución dos enigmas.

Neste espectáculo o mago Paco mestura dúas disciplinas, a Ciencia e a Maxia, que a priori non teñen nada en común, pero acabará demostrando o moito que se parecen e todo o que comparten unha vez que nos achegamos a elas dunha maneira moi diferente e moi divertida.

Coa axuda dun científico locuaz, pero un pouco tolo e fascinado polo mundo dos experimentos e da maxia a partes iguais, descubriremos algúns dos porqués dalgunhas das diferentes partes da ciencia como as matemáticas, o son, a astronomía ou os efectos ópticos e de 3D. Ás veces sen poder case distinguir se verdadeiramente son cousa de maxia ou, pola contra, o que vemos, tocamos ou facemos ten unha explicación científica.

Un espectáculo adaptado ao currículo educativo que trata diversos contidos dun xeito práctico, dinámico e moi entretido, interactuando constantemente cos rapaces e rapazas, facéndoos participes, cómplices e protagonistas de cada experiencia ou momento fantástico.

Dirixido a nenas e nenos de 3 a 8 anos.

No salón de actos da biblioteca. A entrada é libre ata completar a capacidade da sala.

Teatro ó Cubo presenta esta obra na que Trepas é o alcume dun habitante de Vilatriste enredado inesperadamente nunha singular aventura: salvar á vila das fauces dun malvado dirixente.
Xunto a unha inusual superheroína descobren a fórmula para vencer ao seu inimigo pero... funcionará?
De Vilatriste a Vilalegre é unha divertidísima creación de Teatro ó Cubo para pequenas e maiores, en coprodución co Centro Dramático Galego no seu 40 aniversario.

FICHA ARTÍSTICA
Dirección: Sofía Espiñeira e Roberto C. Mouriño
Elenco e manipulación: Uxía Algarra e Roberto Casal
Texto: Roi Vidal
Deseño e plástica: Beatriz de Vega

Idade recomendada: a partir de 3 anos
Duración: 50 min
Lingua: galego

Neste obradoiro aprenderemos sobre ciencia e tecnoloxía mentres nos divertimos, ademais de reflexionar sobre a importancia de reutilizar, reciclar e coidar o medio ambiente.

Construiremos robots cos compoñentes técnicos necesarios e, ademais, con materiais reciclados. Todo pode cobrar vida cun toque creativo.

Cada robot será único, feito con materiais que atoparemos na biblioteca para darlles unha segunda oportunidade. A medida que avancemos, experimentaremos con diferentes deseños, inventaremos novas formas de movemento e deixaremos voar o maxín.

Dirixido a nenas e nenos de 6 a 9 anos. Hai 15 prazas. As persoas interesadas poden recoller a entrada no mostrador de información da biblioteca dende 30 minutos antes do comezo da actividade.

Misteriosos retos e arrevesadas pistas agóchanse nos corredores da exposición Castelao. Mirar por Galicia... A vosa misión? Resolvelos todos para descubrir as palabras agochadas e formar con elas a mensaxe oculta que resume o espírito da mostra, e tamén a vida e o pensamento de Castelao.

Nesta xincana por equipos en formato escape room atoparedes un feixe de enigmas para poñer a proba o voso enxeño, ao tempo que vos achegades dunha forma lúdica e inmersiva á figura e ao legado dunha das figuras máis senlleiras da historia de Galicia. Aceptades o reto?

Gaiás Inspira
Castelao e as palabras agochadas está encadrada en Gaiás_Inspira, unha nova liña de programación que abrangue diferentes actividades divulgativas, lúdicas e didácticas ao redor das exposicións do Museo Centro Gaiás, dirixidas tanto a público adulto como infantil e xuvenil, con propostas innovadoras que converten as salas do Museo nun espazo vivo, aberto á participación do público, ao xogo e á aprendizaxe compartida.

Información importante para a reserva
A actividade está concibida para público mozo e familiar e para realizar en equipos de entre 2 e 6 persoas. A idade recomendada é a partir de 12 anos.
En caso de que algún/ha integrante do grupo sexa menor de 12 anos, deberá estar acompañado/a dunha persoa adulta responsable (que tamén forme parte do equipo).
Cando realicedes a inscrición (nesta mesma páxina), debedes cubrir os nomes de todas as persoas integrantes do equipo, cun mínimo de 2 e un máximo de 6 persoas por grupo.

O día da actividade
Punto de encontro: á vosa chegada, dirixídevos ao mostrador de entrada do Museo Centro Gaiás, onde recibiredes as instrucións antes de subir á sala de exposicións.
Para realizar a actividade é imprescindible traer un dispositivo móbil con batería cargada e acceso á rede, no que se recibirán as pistas e enigmas para avanzar na aventura.
A duración máxima da proba é dunha hora, aínda que poderá ser menor dependendo da vosa rapidez na resolución dos enigmas.

Empezaremos o obradoiro cunha explicación, realizada sobre unha selección de plantas que axudan a rexenerar o aire e manter a humidade - tales como suculentas, fieitos e plantas de baixo mantemento -d e como contribúen á sostibilidade do microecosistema.

A continuación, realizaremos a montaxe do ecosistema na ecocápsula e plantaremos as especies no seu interior. Incluiremos outros elementos naturais que contribúan á estabilidade do ecosistema, como rochas para conservar a humidade e recipientes de auga.

Finalmente, realizaremos as probas, a observación e os axustes finales cun exemplo de domotización de luz e temperatura con electrónica.

Dirixido a nenas e nenos de 8 a 13 anos. Hai 15 prazas. As persoas interesadas poden recoller a entrada no mostrador de información da biblioteca dende 30 minutos antes do comezo da actividade. 

Un espectáculo para público infantil e familiar que combina música, narración e ilustracións ao vivo na Biblioteca de Galicia en conmemoración do Día da Música. Ramona Órbita, unha súper muller labrega da Serra do Courel, é xefa na horta, boa coa tecnoloxía, ecoloxista e inventora dunha horta cibernética de patacas automáticas e dunha incrible máquina do tempo, o seu mellor invento.

Con ela viaxamos ao pasado e ao futuro en busca de tecnoloxía para crear un mundo máis ecolóxico e con enerxías limpas. A través de cancións, historias e ilustracións, descubrimos diferentes épocas: desde a prehistoria, onde compartimos churrasco de mamut con Manolo Cavernario, ata o Renacemento, co encontro con Leonardo da Vinci, ou o Antigo Exipto, con Ramsés e as súas curiosas aventuras.

Paco Cedeira, Pakolas, guiaranos coa súa forza interpretativa e o seu humor por todo un universo musical e Laura Romero será a ilustradora a cargo de aportar unha nova dimensión visual coa creación en directo de debuxos.

Unha experiencia divertida, educativa e musical que ensina sobre ciencia, historia e sustentabilidade.

Celebramos o Día da Música con este espectáculo da man de Magín Blanco. O Caderno de cores e cancións é un percorrido pola creación musical e literaria das cancións.

Magín Blanco convida ás crianzas a achegarse ao proceso creativo e a xogar cos elementos que compoñen as cancións. As melodías, as harmonías e a musicalidade poética das rimas.

Para público familiar.

No salón de actos, a entrada é libre ata completar a capacidade da sala.

EN FAMILIA · A TROPA NA CASA · XOGAMOS!

Idade recomendada: de 1 a 12 anos
Duración: 2 h 
Lingua: galego

ASOCIACIÓN DO XOGO TRADICIONAL

Aros, cordas, maiolas, chaves, zancos ou ras son só algúns dos trebellos característicos dos xogos tradicionais e populares que ao longo dos anos fixeron brincar á rapazada. A Asociación do Xogo Tradicional leva á Casa das Máquinas unha feixe de propostas para xogarmos coma antes, ou coma sempre, e redescubrir e gozar do patrimonio lúdico galego.

Obradoiro infantil de Astronomía realizado polo Observatorio Astronómico Ramón María Aller da Universidade de Santiago de Compostela.

A Óptica Val agasallará cun planisferio celeste a cada asistente.

No salón de actos.

Dirixido a nenas e nenos de 7 a 12 anos. O número máximo de participantes é de 15. As persoas interesadas poderán recoller a invitación no mostrador de Información da biblioteca a partir das 18.00h.

Misteriosos retos e arrevesadas pistas agóchanse nos corredores da exposición Castelao. Mirar por Galicia... A vosa misión? Resolvelos todos para descubrir as palabras agochadas e formar con elas a mensaxe oculta que resume o espírito da mostra, e tamén a vida e o pensamento de Castelao.

Nesta xincana por equipos en formato escape room atoparedes un feixe de enigmas para poñer a proba o voso enxeño, ao tempo que vos achegades dunha forma lúdica e inmersiva á figura e ao legado dunha das figuras máis senlleiras da historia de Galicia. Aceptades o reto?

Gaiás Inspira
Castelao e as palabras agochadas está encadrada en Gaiás_Inspira, unha nova liña de programación que abrangue diferentes actividades divulgativas, lúdicas e didácticas ao redor das exposicións do Museo Centro Gaiás, dirixidas tanto a público adulto como infantil e xuvenil, con propostas innovadoras que converten as salas do Museo nun espazo vivo, aberto á participación do público, ao xogo e á aprendizaxe compartida.

Información importante para a reserva
A actividade está concibida para público mozo e familiar e para realizar en equipos de entre 2 e 6 persoas. A idade recomendada é a partir de 12 anos.
En caso de que algún/ha integrante do grupo sexa menor de 12 anos, deberá estar acompañado/a dunha persoa adulta responsable (que tamén forme parte do equipo).
Cando realicedes a inscrición (nesta mesma páxina), debedes cubrir os nomes de todas as persoas integrantes do equipo, cun mínimo de 2 e un máximo de 6 persoas por grupo.

O día da actividade
Punto de encontro: á vosa chegada, dirixídevos ao mostrador de entrada do Museo Centro Gaiás, onde recibiredes as instrucións antes de subir á sala de exposicións.
Para realizar a actividade é imprescindible traer un dispositivo móbil con batería cargada e acceso á rede, no que se recibirán as pistas e enigmas para avanzar na aventura.
A duración máxima da proba é dunha hora, aínda que poderá ser menor dependendo da vosa rapidez na resolución dos enigmas.

Na semana do Día Internacional para a Eliminación da Violencia contra as Mulleres, dedicamos a sesión de contos ás mulleres valentes e libres que deciden o seu propio camiño demostrando que a verdadeira felicidade nace de ser unha mesma, romper cos moldes impostos e rir coa forza de quen elixe o seu propio destino.

Dirixido a nenas e nenos de 3 a 8 anos.

No salón de actos. A entrada é libre ata completar a capacidade da sala.

Neste Nadal no Gaiás construiremos un milleiro de soños para que viaxen como barcos polo tempo.

Na Cidade da Cultura agárdavos Soños de Argonautas, unha paisaxe máxica habitada por esferas luminosas e corredores inchables: un lugar onde agroman historias tan repletas de aventuras como as dos lendarios tripulantes do Argos, que sucaron os mares da imaxinación ata os nosos días.

Obradoiros para vivir nas nubes e para engalanar a árbore de Nadal con grilandas ateigadas de desexos. Un espectáculo teatral dentro do primeiro globo estático da historia, un escape room no Museo para poñer a proba o voso enxeño, unha aventura virtual para visitar o Apalpador, e moito máis!

+INFO

Regresa á Cidade da Cultura a edición especial do Galiverso de Nadal, pensada para que os máis pequenos e pequenas da casa entren virtualmente na casa do Apalpador e descubran como vive esta figura da Navidad en Galicia.

Esta experiencia interactiva en realidade virtual está adaptada para nenos e nenas a partir de 6 anos*, cunha duración aproximada de 5 minutos, seguindo as recomendacións de uso de realidade virtual para idades temperás. O límite de tempo serve tanto para evitar a fatiga asociada a un uso prolongado das gafas como para que o maior número de persoas poida acceder á instalación.

A experiencia é gratuita, pero é necesaria a reserva de praza en Ataquilla.com ou no despacho de billetes do Museo Centro Gaiás. Rogamos comprobar os horarios e días de apertura no enlace de reserva.

Información práctica:

• Acceso gratuíto con reserva previa en Ataquilla ou no despacho de billetes do Museo Centro Gaiás.

• A partir de 6 anos. Menores de 12 anos deben estar acompañados/as por un adulto responsable durante toda a experiencia.

• Horario mañá: 11.00 a 14.30 h (última entrada 14.00 h)

• Horario tarde: 16.00 a 20.00 h (última entrada 19.30 h)

• Aforo: 5 postos individuais simultáneos

• Duración aproximada: 5 minutos

*Menores de 12 anos deben ir acompañados/as dun adulto responsable.

A Toupiña saíu do seu tobo e algo lle caeu na cabeza… a modo de pucho cheirento! Así comeza a historia de "A Toupiña que quería saber quen lle fixera aquilo na cabeza"

Moi indignada, percorre a granxa decidida a descubrir quen dos animais —a pomba, o cabalo, a lebre...— foi o responsable de semellante agravio.

Trátase dunha obra divertida, escatolóxica e chea de humor, que provoca gargalladas e fai que o público empatice coa pequena toupiña, ferida no seu orgullo.

O ecoloxismo, a reutilización e a reciclaxe están tamén presentes nun espectáculo que convida a ter unha visión diferente dun tema tan natural como a vida mesma, ao tempo que propón unha reflexión sobre o final do conto: A vinganza é realmente a opción correcta?

Con esta peza foméntase a curiosidade, o coñecemento e respecto polos animais, e estímase a intelixencia emocional, o recoñecemento das diferenzas e o gusto pola investigación, nun ambiente de misterio e diversión.

PÚBLICO: A partir dos 2 anos

Obradoiro no que as pequenas e pequenos farán deseños personalizados de modelos diferentes de calcetíns de Nadal (de feltro vermello ou arpilleira) ou de saquiños de tea de arpilleira e poderán decoralos con rotuladores téxtiles, feltros, apliques, cascabeis e cintas, quedando modelos moi diferentes e orixinais segundo o gusto de cada un.  

Dirixido a nenas e nenos de 6 a 12 anos. Hai 12 prazas.

Na sala infantil da biblioteca.

As persoas interesadas poden recoller a entrada no mostrador de información dende 30 min antes do comezo da actividade. 

Sesión de narración oral para as pequenas e pequenos da casa, da man da educadora e narradora oral Vero Rilo.

Toupas, carneiros, raposos, vacas e ata cabalos azuis! Vindes con nós?

Dirixido a público familiar. No salón de actos. Entrada libre ata completar a capacidade da sala.

ASSIRCÓPATAS

Despois de Rogelio un pallaso en recuperación e Abracadaver. volve a personaxe máis querida do circo galego para pechar a triloxía da soidade. Rogelio está de aniversario. Pero está el só. Está todo listo: agasallos, karaoke, e tamén clown, malabares, corda frouxa, música e, por suposto, moito humor para toda a familia. Só faltan os seus amigos. Hai que esperar. Na vida hai que saber esperar. Agora non están porque non viñeron, pero cando veñan xa van estar. Pero tamén podemos divertirnos mentres esperamos. A traxicomedia da vida. Un espectáculo de clown, no que fartaremos a rir.

Un espectáculo de circo que fala sobre a importancia de coidar ás amizades. Un alegato contra o absurdo das guerras. Unha reflexión sobre a a paciencia. E, sobre todo, un circo que nos ensina a valorar as cousas que temos ao noso redor, e que son o noso verdadeiro tesouro.

Idade recomendada: a partir de 3 anos
Duración: 55 min 
Lingua: galego

EN FAMILIA · A TROPA NA CASA · XOGAMOS!

Idade recomendada: de 1 a 12 anos
Duración: 2h
Lingua: galego

XOGOS VAIDAVAI

Velaquí unha sesión chea de diversión, aprendizaxee creatividade para a cativada. A través de xogos obradoiros e actividades participativas, unimos educación e lecer para vivir momentos únicos onde cadaquén pode experimentar, inventar e expresarse libremente. O obxectivo é que a rapazada marche cun sorriso na cara, novas amizades no corazón e algún descubrimento sorprendente no peto. Un espazo seguro, inclusivo e aberto á imaxinación. Aprender nunca foi tan divertido!

O ciclo 'A Tropa na Casa · Xogamos" abre na Casa das Máquinas un espazo para se divertir en familia, para descubrir e redescubrir xogos e xoguetes cos que deixar voar a imaxinación e o tempo. 

Unha proposta de Cris de Caldas na que mestura a maxia dos contos e a ilusión do Nadal. O resultado: contos mesturados e divertidos onde nada é o que parece, nin nada parece o que é.

Contos de todo tipo para ser narrados durante o Nadal ou cando se precise un extra de ilusión!

Dirixido a público de 3 a 8 anos de idade. No salón de actos. Entrada libre ata completar a capacidade da sala.

Neste obradoiro a rapazada creará postais de Nadal empregando papel con sementes, da man de Árbore azul.

Decorarán as súas tarxetas e enviarán bos desexos ás familias e amizades ao mesmo tempo que fan un agasallo que non contamina e respecta a natureza.

Dirixido a nenas e nenos de 4 a 8 anos. Hai 15 prazas.

No salón de actos. As persoas interesadas poden retirar a invitación no mostrador de Información da biblioteca dende 30 minutos antes do comezo da actividade.  

Os Ratos de Lonxedetodo, uns simpáticos ratiños e ratiñas, veñen contarnos á biblioteca o que non sabemos do Nadal, a que devecedes por saber?

Dirixido a público de 3 a 8 anos de idade. No salón de actos. Entrada libre ata completar a capacidade da sala.

Tres feirantes percorren o mundo co seu carromato contando vellas historias da cultura popular que removerán pesadelos nos incautos oíntes.

Coincidindo co seu 20 aniversario, Teatro Ghazafelhos recupera un dos seus primeiros espectáculos de rúa facendo uso do seu característico humor.
Repasarán historias como as de A Cabra Montesina, As Lavandeiras, A Santa Compaña...
A participación do público será imprescindible para poder representar estas historias para escagarriñarse, un espectáculo cómico de rúa para todos os públicos.

FICHA ARTÍSTICA
Dirección e interpretación: Compañía Teatro Ghazafelhos

Duración: 50 min
Lingua: galego
Idade recomendada: público familiar

Canta, Buguina, canta!

Soprando a buguina, comezaremos a nosa viaxe nun Barquiño de Pau.

Barquiño de Pau é un espectáculo de teatro de obxectos, narración oral e música para a primeira infancia. Explóranse os sentidos dunha maneira amena, coa participación das crianzas. E tamén con moita música, ao son do acordeón, da mandola portuguesa, do dizi chinés ou co propio corpo.

Dirixido a nenas e nenos de 0 a 3 anos. No salón de actos. A entrada é libre ata completar a capacidade da sala.

Os tres osos: oso grande, oso mediano e oso pequeno están preparando a súa casa para o Nadal.

Osiño pequeño ten unha idea, ir ao bosque a buscar piñas e ramas para engalanar a súa casa. Mentres os tres osos dan un paseo, Rizos de Ouro chega a casa dos osos e abre a porta…

Teatro, cancións, narración oral e bonecos nesta proposta para a primeira infancia na que unha maleta é unha casa, un caldeiro un asento e unha manchea de calcetíns… unha familia  de osos!

Para público familiar. No salón de actos. A entrada é libre ata completar a capacidade da sala.

Celebramos o Día Mundial do Cine co Cinema Marabillas, Ver para ler  da man de Raquel Queizás.

Gozaremos vendo as primeiras adaptacións cinematográficas inspiradas nos contos marabillosos e nos libros clásicos da literatura.

O obxectivo é facerlles ver ás crianzas e ás súas familias que esas historias que coñecen poden contarse de diferentes maneiras, que descubran que o cine mudo é unha expresión que pode resultar moi divertida. Non faltará aventura, humor, misterio, tenrura, maxia, fantasía e sobre todo moita imaxinación.

A literatura é e sempre será unha gran fonte de inspiración para o cine. O cinema tamén se le. 

Alicia no País das Marabillas, Peter Pan, O Mago de Oz, Polgariño, as protagonistas destas historias son nenas e nenos que teñen preocupacións e reflexionan sobre o mundo no que viven. Son fortes, sensatas e pensan por si mesmas. Reflicten as etapas evolutivas das espectadoras máis cativas. Axudan a formar o seu pensamento crítico, e a súa capacidade reflexiva sobre temas como a amizade, o amor, a igualdade de xénero, o respecto polo diferente… Estas historias nacen dentro de nós cando somos crianzas. A unha nena, a un neno gústalles vivir aventuras, explorar diferentes lugares, xogar a ser piratas…

Para público familiar.

No salón de actos. A entrada é libre ata completar a capacidade da sala.

La Granja de Zenón presenta o seu novo espectáculo ‘EN BUSCA DEL ARCOÍRIS’.

O fenómeno infantil do momento, con 65 millóns de subscritores en YouTube e miles de millóns de visualizacións, regresa a España con novas aventuras nun espectacular espectáculo audiovisual do que pode gozar toda a familia.

La Granja de Zenón presenta unha experiencia inmersiva onde ti tamén es o protagonista.

Todos os amigos de La Granja volven ao teatro para contarnos unha historia incrible: Tito e Bartolito soñan con alcanzar o arco da vella, pero ambos se decepcionan cando Zenón e Pinto lles din que é imposible. Nada deterá o trapalleiro galo Bartolito e o curioso Tito, que non descansarán ata conseguilo. Porque saben que nunca hai que deixar de crer, nunca deixar de soñar, imaxinar sempre e confiar no que che di o corazón.

É unha gran produción con máis de 150 metros de pantalla LED, efectos de son, efectos de iluminación e as mellores cancións de La Granja.

Imaxina un lugar no que cada habitación garda un sentimento, cada corredor conta unha historia e cada parede asubía un segredo.

Este espectáculo de narración oral levarache a percorrer as habitacións da alegría, do medo, do amor, da ira ou da esperanza.

Ven hospedarte ao Hotel Paraíso onde cada palabra é unha chave e cada emoción unha porta por abrir!

Dirixido a nenas e nenos de 4 a 8 anos.

No salón de actos. A entrada é libre ata completar a capacidade da sala. 

Pulpiño Viascón músico, performance circense e multiintrumentista galego, cóntanos a historia do Apalpador a partir dunha banda sonora aventureira creada cos seus instrumentos máxicos: o serrucho musical, acordeón diatónico (trikitixa), pandeireta do pé, game boy chiptune, e, por suposto, coa poderosa voz do Apalpador.

E como non podía ser doutro xeito... o apalpador levará agasallos para a rapazada co bandullo baleiro.

Para público familiar. No salón de actos. A entrada é libre ata completar a capacidade da sala

Un obradoiro musical pensado para toda a familia: o Taller Música en Familia de Nadal 2026, organizado por A Casa do Rock, ofrecerá un espazo lúdico e educativo para nenos de ata 6 anos xunto aos seus pais ou nais.

Durante a sesión, que terá lugar no CCSS Santa Marta, os participantes explorarán o ritmo, a coordinación e a creatividade a través de xogos musicais e experiencias con instrumentos modernos. Será unha mañá divertida que combina aprendizaxe e convivencia familiar, conectando ás novas xeracións coa paixón pola música.

O Show da Fantasy House é unha inmersión total no universo do TEAM FANTASY, composto polos exitosos Youtubers Animalize21, AlesGF, PabletePablitor e os diferentes personaxes que encarnan nos seus vídeos, como El Rulas, El Ruso e Pablete, entre outros, moi queridos polo seu público.

Un espectáculo no que pais e fillos poderán gozar en directo da súa comedia, das súas cancións e interactuar con xogos en equipo.

Idade recomendada: A partir dos 5 anos.
Duración: 75 minutos

Na noite do seu aniversario, Julia recibe da súa familia un cofre misterioso como agasallo, xunto cun mapa que lle mostrará onde se atopa a chave para poder abrilo.

A través da maxia do mapa, Julia viaxará pola Terra das emocións, acompañada de Alegría, Medo, Noxo, Ira e Tristeza, que lle ensinarán en que son útiles e como xestionalas.

Unha historia entrañable e divertida para todos os públicos, tributo a unha das sagas de animación máis taquilleiras dos últimos anos.

O 5 de xaneiro ás 12:00 h, o Espazo Cultural do Aeroporto de Santiago-Rosalía de Castro acollerá a chegada dos Reis Magos, que este ano aterran na cidade a través do noso aeroporto. Unha ocasión especial para achegarse a coñecelos e compartir con eles os desexos no día máis máxico do ano.

Os Reis Magos de Oriente percorrerán as rúas da cidade ata a prazado Obradoiro.

Ao rematar terá lugar tradicional recepción no Pazo de Raxoi para todos os nenos e nenas que queiran achegarse ás súas Maxestades.

PERCORRIDO PREVISTO:

Saída ás 17:30 hrs. desde a Praza da Mercé e desfile pola avenida de Ferrol, Frei Rosendo Salvado, praza Roxa, República de El Salvador, rúa do Hórreo, praza de Galicia, rúa da Senra, Porta Faxeira, rúa do Vilar, praza das Praterías, travesa de Fonseca e praza do Obradoiro. A recepción está prevista para as 19.00 hrs.

Espectáculo de contos marabillosos para viaxar por un mundo máxico. Cando abres ben as orellas podes escoitar historias de xigantes e ananos, bruxas e trasnos, apócemas máxicas, viaxes marabillosas, princesas e dragóns… Queres abrir moito, moito as orellas para viaxar por este mundo máxico? No salón de actos. Para nenas e nenos de 3 a 8 anos. A entrada é libre ata completar a capacidade da sala.

Contacontos a cargo de Ubú Teatro Desde pequeno, Sonólicus quere chegar á lúa. Busca no reflexo das pozas e dos espellos, sube ás caixas esmoreadas e aos tellados e tantos esforzos fai por conseguilo e tanto estira os brazos cara á lúa que lle medran ata a deformidade. O seu empeño semella unha fantasía infantil da que a nai é testemuña. Unha noite acaba de medrar e, non só acada o seu obxectivo de acompañar á lúa, senón que se converte para sempre no vixiante do sono e dos soños infantís. No salón de actos. Para nenas e nenos de 3 a 8 anos. A entrada é libre ata completar a capacidade da sala.

EN FAMILIA · XOGAMOS NA CASA!

Idade recomendada: de 1 a 12 anos
Duración: 2 h 
Lingua: galego

MIUDIÑO

Velaquí unha oportunidade para redescubrir brinquedos clásicos como como os zancos, os aros, a ferradura, ou o tiracroios alén de trebellos para a exploración musical e outros pequenos xoguetiños especialmente pensados para o público miúdo. A diversidade dos materiais que se empregan neste espazo de diversión permite brincar, experimentar e gozar, pór a proba habilidades de puntería, equilibrio, velocidade ou estratexia con diferentes xogos e xoguetes que van mudando para poder explorar novas posibilidades de enredo. 

A VELA CIRCO-A TROPA C NA CASA

Que pasaría se un pallaso herdase unha vella empresa familiar? Con toda a ilusión do primeiro día imaxina un futuro próspero, pero axiña descobre que as instalacións precisan algo máis que uns retoques.
Maquinaria enferruxada, engrenaxes desaxustadas e estruturas inestables convértense no escenario perfecto para torpezas e habilidades inesperadas. Cun entrañable humor, destrezas circenses e poesía visual, os imprevistos van enredándose e resolvéndose ata que todo encaixa no seu lugar.

Idade recomendada: a partir de 3 anos
Duración: 50 min
Lingua: galego

A TROPA C NA CASA!

Idade recomendada: de 1 a 12 anos
Duración: 2 h 
Lingua: galego

SORORAS

SororAs é un espazo de creación e aprendizaxe en igualdade dende a aplicación da perspectiva de xénero. A través dos xogos tradicionais, constrúen un espazo de diversión para a rapazada de 1 a 12 anos, no que aprender cos brinquedos de hoxe e de sempre. Pensados principalmente para poñer a proba a axilidade mental das persoas que participen, así como fomentar o traballo en equipo dende unha experiencia interxeracional, inclusiva e con perspectiva de xénero.

Contacontos a cargo del Mago Toño.

Un espectáculo visual baseado na idea do mundo ao revés. Non hai nin principio nin final, unha sucesión de diferentes efectos máxicos que farán voar a nosa imaxinación.

Unha fórmula que promete facer realidade os soños e transporta ao público a un mundo onde o imposible pode pasar. Para nenas e nenos de 3 a 8 anos.

No salón de actos. Entrada libre ata completar a capacidade da sala.

Cales son as tres actividades que adoitamos facer no Entroido? Disfrazarnos, gastar bromas e pasalo ben! Iso mesmo é o que fan os animais protagonistas destas historias: un porquiño pintor, un corvo músico e a tartaruga máis vella do mundo.

No Entroido disfrazámonos para ser outra persoa ou quizais estamos disfrazados todo o ano e só nestas datas deixamos saír o noso lado máis salvaxe?

No salón de actos. Para nenas e nenos de 3 a 8 anos. Entrada libre ata completar a capacidade da sala.

Esta é a historia de Mariña, unha nena que grazas ao aburrimento se converte en idea! O seu pensamento ten forma de tarabela de cores. Unha tarabela de 2.20m de altura que cada vez que xira fará que se lle vaian ocorrendo un lote de ideas mentres xoga na súa habitación. Así, irase enfrontando a dragóns, a xigantes, aprenderá a usar o inxenio e ata tocará o violoncello. Usará a linguaxe do xogo, mediante a cal poderemos entrar no seu universo, no que encarnará a distintos personaxes fantásticos. E a iso tamén nos axudarán os seus enormes xoguetes, a música, os efectos visuais e sonoros e o vestiario.

Cando Rosalía soñaba, nacían historias que facían sorrir á lúa. Hoxe escoitaremos contos que falan de amizade, de natureza e de soños pequenos pero grandes. Habitarás mundos máxicos feitos de palabras e cores.

Un paseo divertido pola fantasía que nace dos versos. Porque celebrar a Rosalía é contar e cantar xuntos!

No salón de actos. Para nenas e nenos de 3 a 8 anos. A entrada é libre ata completar a capacidade da sala.

Un bosque perde a súa maxia. A moura e o trasno tentarán salvalo descifrando os seus misterios e probas coa axuda do público. Un conto ritual con narración cantada, malabares e música en directo, dirixido á infancia e ao público familiar. Sábado 21 de febreiro ás 12:00h. Reservas: @proxecto_materna .Entrada: Taquilla inversa.

Recollemos a técnica centenaria do Kamishibai xaponés, “tarabelizámola” e temos un espectáculo de contacontos debuxado ao 100 %, onde a ilustración se pode ver, tocar, manipular, vestir…

Pero, que significa “debuler”? Cando eu debuxo o que leo, entón “debuleo”, e nesta contada debuxamos xuntos e descubrimos xuntos o valor das lendas. Lendas que ensinan o valor da nosa cultura galega; o valor para loitar pola vida; o valor da axuda dada e recibida; o valor de coñecer antes de deixarse levar polos falares!; o valor de unir forzas para vencer xuntos a dragóns invencibles; o valor e a coraxe daqueles soñadores que buscan máis alá, onde a maioría di que non hai nada. Valor que podemos ler e debuxar; valor que podemos “debuler”.

No salón de actos. Para nenas e nenos de 3 a 8 anos. A entrada é libre ata completar a capacidade da sala.

Bolboretas é un espectáculo de narración oral para público infantil e familiar no que as protagonistas son nenas e mulleres que escoitan o seu corazón e atrévense a cambiar o seu camiño. A través da voz de Laia e dun baúl cheo de recordos chegan contos cheos de imaxinación, humor e emoción. Relatos próximos e poéticos que convidan ás máis pequenas e pequenos a pensar na axuda, na identidade e na forza de contar xuntas.

No salón de actos. Para nenas e nenos de 3 a 8 anos. A entrada é libre ata completar a capacidade da sala.

PAULA QUINTAS · ARTURO COBAS
ROYAL
EN FAMILIA · ARTES ESCÉNICAS · CIRCO · DANZA

Idade recomendada: a partir de 3 anos
Duración: 50 min
Lingua: galego

ROYAL é un espectáculo de circo-danza cheo de ritmo, humor, emoción e acrobacias, no que a linguaxe do corpo se converte na tinta dunha historia escrita no aire. A peza combina o clown poético de Arturo Cobas cos equilibrios e a danza de Paula Quintas, creando unha fusión única de movemento, estética e xogo escénico.

Elegancia, enredos e complicidades danse cita nunha proposta fresca e chea de sensibilidade que fará rir, sorprender e emocionar a toda a familia, ofrecendo unha experiencia artística tan divertida como evocadora.

CantaJuego cumpre 20 anos e celébrao cunha xira por toda España cun espectáculo feito á medida que unirá xeracións nunha experiencia máxica.

Revive momentos memorables cos queridos artistas de CantaJuego, Puli, Ainhoa, Rodri, Eugenia e os seus queridos amigos Coco, Pepe e Buby, que sempre están con eles, neste aniversario especial que honra dúas décadas de música e diversión, rendendo homenaxe aos fans de longa data e aos novos.

Goza dunha experiencia única coas mellores cancións, música e coreografías que deron forma á infancia de miles de nenos, nun espectáculo que une pasado e presente.

Non perdas a oportunidade de formar parte desta celebración festiva e emotiva.

En total, máis de 80 minutos de música, baile e diversión ao ritmo puro de CantaJuego.

CantaJuego, un artista recoñecido co prestixioso Botón de Diamante polos seus máis de 11 millóns de subscritores de YouTube.

Únete a nós para celebrar 20 anos de éxito ininterrompido.

Contos para nenas e nenos, que teñen os mesmos soños e que contan coas mesmas posibilidades para acadalos. Nenos e nenas cos mesmos dereitos e deberes, pero todos e todas diferentes, como tesouros únicos que hai que coidar, que temos que coidar. Para nenas e nenos de 3 a 8 anos.

No salón de actos. A entrada é libre ata completar a capacidade da sala.

Xogar é medrar e tamén aprender. O xogo é a linguaxe coa que as nenas e nenos descobren o mundo e, sobre todas as cousas, é diversión!

En marzo chega Gaiás en xogo: unha xornada lúdica e familiar que converte a Cidade da Cultura nun gran espazo onde non existe o aburrimento. Coa curiosidade como guía e a experimentación como ferramenta, convidámosvos a probar seis propostas diferentes pensadas para tocar, construír, imaxinar, investigar e transformar.

Desde instalacións sensoriais e arquitecturas inchables ata obradoiros de creación, xogos tradicionais e espazos de experimentación artística. Un convite a descubrir, sorprenderse e compartir, para converter cada experiencia nunha aventura gozosa!

Con reserva de praza

— A GORIDA DOS SENTIDOS | Instalación sensorial para bebés (0 a 2 anos)

— BINOMIOS FANTÁSTICOS | Laboratorio creativo (+6 anos)

— CONSTRUÍR CON AIRE | Obradoiro de arquitectura inchable

Acceso libre

— PLAYSCAPE DELUXE | Instalación artística de gran formato (1 a 6 anos)

— EMPAQUETADOS | Obradoiro creativo con cartón reciclado

— XOGOS TRADICIONAIS | Espazo de experimentación libre

Celebramos o Día da poesía co contacontos A poesía tamén conta da man de Charo Pita. Esta é a chave do reino da poesía. Rimas, cancións que son poemas, poemas que se bailan, poesías que se miran, que fan rir, chorar, que nos arrolan. O reino da poesía é tan grande como a música, tan intenso como a palabra. Cábenos na boca, nas orellas, na mirada. No reino da poesía todo é xogo, todo é conto. Xogamos? Contamos?

No salón de actos. Para nenas e nenos de 3 a 8 anos. A entrada é libre ata completar a capacidade da sala.

Celebramos o Día do Teatro e o décimo oitavo aniversario da biblioteca co espectáculo Contamos contos de lobos? da man do Teatro dos Ghazafelhos. Espectáculo no que a participación activa do público e unha alta porcentaxe de improvisación colectiva son os ingredientes fundamentais. Dúas personaxes, Mon e Pe, achéganse ao público para contar distintas historias populares onde hai lobos como protagonistas.

Facendo unha escolla aleatoria de propostas como Carapuchiña, Os tres porquiños, Pedro e o lobo ou Os sete cabuxos propoñemos interpretar esas historias coa axuda das nenas e nenos do público. Ao participar na dramatización da peza, trabállanse valores como a escoita activa, a empatía, entender outros puntos de vista e todo dun xeito lúdico e dende o teatro.

No salón de actos. Para nenas e nenos de 3 a 8 anos. A entrada é libre ata completar capacidade da sala.

Galiverso regresa á Cidade da Cultura de Galicia cunha proposta inmersiva que permite explorar virtualmente o patrimonio cultural e natural de Galicia. A través da realidade virtual, o público poderá percorrer espazos como o antigo Portomarín antes da construción do encoro de Belesar, ou visitar lugares de gran valor como a cova de Eirós, a praia de Teixidelo, o Canón do Sil ou a cripta do Apóstolo na Catedral de Santiago.

A experiencia inclúe diferentes contidos desenvolvidos dentro desta iniciativa, que combinan innovación tecnolóxica e divulgación patrimonial, permitindo viaxar tamén polos fondos mariños da costa galega ou polos centros da Rede de Museos de Galicia.

Acceso: De balde con reserva previa (Ataquilla ou no propio museo)
Horario: Martes a venres, de 16:00 a 20:00 h; fins de semana e festivos, de 11:00 a 14:00 h e de 16:00 a 20:00 h
Idade recomendada: A partir de 8 anos (menores de 12 acompañados)

Celebramos o Día Internacional do Libro Infantil e Xuvenil con Extra! de Paco Nogueiras, un espectáculo baseado no libro-CD homónimo editado por Kalandraka Editora que combina cancións e interpretacións nos rexistros máis divertidos. A proposta presenta un xornal moi especial no que as noticias se organizan en diferentes seccións: sucesos, actualidade nacional e internacional, cultura, deportes, opinión, pasatempos e mesmo unha axenda de actividades. Unha experiencia musical e participativa pensada para gozar en familia. Se non queres que cho conten, ven vivilo ti! No salón de actos. Para público familiar. Entrada libre ata completar capacidade.

Travesía Unicornio chega á Biblioteca de Galicia co gallo do Día do Libro Infantil e Xuvenil, da man de Teatro Ghazafellos.

A obra, adaptación teatral de Pepablo Patinho do libro de María Canosa, gañador da primeira edición do Premio Anisia Miranda de teatro infantil e publicado por Edicións Embora en marzo de 2023, conta a historia dun neno e o seu unicornio que se atopan cunha xenio que lles promete cumprir os seus desexos. Para conseguilo, deberán escoitarse, aceptarse e respectar tamén os desexos dos demais.

Un espectáculo cheo de humor que cuestiona os roles tradicionais de xénero e abre a porta a que nenas e nenos elixan libremente os seus gustos.

Contacontos da man de Bea Iglesias. Un peto é un lugar ideal para gardar de todo: unha pedra bonita do camiño, un papel cun debuxo, unha chave que abre portas coñecidas ou unha canica que brilla ao sol. Ás veces tamén gardan silencios, pensamentos pequenos ou segredos que non queremos que se perdan polo vento. Co paso do tempo, todas esas cousas comezan a falar entre elas e, sen decatarnos, dentro do peto nacen historias que medran ata converterse en contos. Unha proposta chea de imaxinación para escoitar, sentir e deixarse levar. No salón de actos. Para nenas e nenos de 3 a 8 anos. Entrada libre ata completar capacidade.

XOTRAMU
A TROPA C NA CASA!

Idade recomendada: 1 a 12 anos
Duración: 2 h
Lingua: galego

Preparádevos para unha mañá chea de movemento e risas! A Tropa C convida a probar xogos tradicionais galegos como cordas para saltar, birlos, peóns, xogos de puntería, memoria e habilidade, entre outros. Un espazo participativo onde as nenas e nenos son protagonistas, gozando xuntos dun patrimonio lúdico vivo que nos une como comunidade.

Neste novo espectáculo para toda a familia, sempre acompañada pola súa fiel amiga A Radio Máxica, Luli adéntrese no mundo dunha biblioteca. Alí descubrirá que os libros levan tempo pechados e son visitados por un misterioso personaxe chamado POLVOSO, que fai que as páxinas esquecidas queden pouco a pouco baleiras e sen nada que contar. É entón cando Luli se propón a aventura de crear un libro musical que sempre estea aberto, cheo de alegría e luz.
O LIBRO MUSICAL está cheo de cancións e dos personaxes máis entrañables que o habitan, e deixa unha invitación directa a volver aos camiños da lectura.

Espectáculo infantil para nenas e nenos de 3 a 9 anos. Sábado 18 de abril ás 18:00h.

Juna é unha camareira nova que viaxa polas noites cunha caixa máxica aos lugares máis insólitos do Planeta Terra. Martín, o gardián da caixa, precisa a axuda de Juna para salvar o Ártico, cuxos glaciares se están separando e desfacendo. Coa axuda de Ninuk, unha esquimó que quere ser cantante de pop, terán que derrotar ao malvado Capitán Focum, que pretende converterse no gobernante máis poderoso do mundo. Xuntos salvarán animais, conservarán iglús e loitarán para mellorar a situación catastrófica do cambio climático.

Sofía Nereida, actriz e música
António Miguel Teixeira, actor e músico
Jan Wierzba, director

Música de J. P . Rameau, A. Vivaldi, J. F. Haydn, G. Rossini, P. I. Chaikovski

Animalia é unha viaxe fantástica onde a música se atopa co mundo animal! Que historias nos contan os compositores? E que historias nos contan os gatos deses compositores?… Coas súas 7 vidas e moitas trasnadas, estes felinos especiais teñen historias sorprendentes para compartir! Entre saltos e miados, imos explorar como as notas da orquestra se mesturan coas aventuras felinas, e imos descubrir como cada melodía agocha segredos! Animalia é un espectáculo que presenta o mundo da orquestra e a creatividade dos grandes compositores, e que esperta a imaxinación e o gusto pola música, dun xeito divertido e accesible para os máis pequenos!

Este 2026 celebramos o Día do Circo con Sen patrón, un espectáculo de Pistacatro para desfrutar en familia no Xardín do Teatro.

Nun formato cabaré, a compañía combina teatro e circo con números aéreos, acrobacias, malabares e roda cyr, construíndo unha dramaturxia propia que mestura o circo tradicional co contemporáneo. Sen patrón xoga cunha pregunta sinxela pero reveladora: que ocorre cando varias persoas queren levar a batuta á vez? Del nace un universo no que os obxectos voan, o caos convértese en espectáculo e o humor acompaña unha reflexión sobre a colaboración e o xogo compartido.

Aberto, festivo e accesible para todos os públicos, ideal para celebrar a chegada da primavera ao aire libre nun espazo privilexiado.

Sobre Pistacatro:
Pistacatro é unha das compañías e produtoras de circo máis destacadas de Galicia, combinando creación escénica, formación e impulso ao sector, e contribuíndo á profesionalización das artes circenses e á exploración de novos linguaxes do circo contemporáneo.

Os tres porquiños é unha obra musical con bonecos a tamaño real. Unha revisión da tradicional fábula para adaptala aos novos tempos, incluíndo a figura de Xan e Xiana, dous exploradores moi afeccionados aos contos, que se adentran no bosque para coñecer os seus personaxes favoritos. Na súa viaxe, ademais de descubrir a historia, os tres porquiños bailarán ao ritmo das cinco cancións -cantadas en directo- que compoñen o espectáculo, e que teñen unha clara misión didáctica para que os máis pequenos aprendan ou reforcen coñecementos como os números, as cores ou as prendas de vestir.

Duración: 55 minutos + fotos ao final cos protagonistas.
Idades recomendadas: a partir de 2 anos.

GRAN GALA DO CIRCO
PISTACATRO · CIRCO · ARTES ESCÉNICAS

Idade recomendada: Todos os públicos
Duración: 90 min
Lingua: galego

A Gran Gala do Circo celebra no Auditorio de Galicia o Día Internacional do Circo. Coordinado por Pistacatro, o espectáculo reúne artistas locais e internacionais nunha festa de malabares, acrobacias, humor, equilibrio e maxia para toda a familia. Non esperes que cho conten: vén vivir en directo esta gran cita circense.

LA MENUDA
LUMIERO · EN FAMILIA · ARTES ESCÉNICAS

Idade recomendada: a partir de 1 ano
Duración: 40 min
Lingua: sen texto

LUMIERO é un espectáculo visual e musical para a primeira infancia. Lumiero e a súa filla Lumina exploran un mundo de luces, sombras e música, creando unha experiencia máxica e entrañable que celebra a imaxinación e o bo humor.

TAVOLE
ZIRKO TXOSKO · CIRCO · ARTES ESCÉNICAS

Idade recomendada: a partir de 3 anos
Duración: 50 min
Lingua: galego

TAVOLE é un espectáculo circense de Zirko Txosko, con acrobacias, danza, movemento e equilibrios, combinado cun humor característico e unha posta en escena orixinal e delicada, ideal para toda a familia.

Un espectáculo musical para toda a familia, baseado nos debuxos de La Granja de Zenón.

Nesta ocasión, Susanita e Juan pasarán un fin de semana na granxa do seu tío, onde aprenderán moitas cousas, como a importancia de coidar e alimentar aos animais, protexer o medio ambiente e, sobre todo, o verdadeiro significado da amizade.

Ademais, coñecerán a moitos dos personaxes da granxa, como o galiño, o cabalo ou a vaca, que nos farán rir, xogar e bailar, para xuntos resolver o pequeno problema causado pola inesperada visita do Lobo Feroz, facendo que os máis pequenos da casa sexan os protagonistas desta aventura.

Jero, de profesión aventureiro, é o protagonista da nosa historia. Cóntanos como nunha das súas viaxes chega ata as portas dunha mansión misteriosa, cun aspecto lúgubre, na cal, polos carteis que atopa na súa porta, os nenos non son benvidos.

O noso protagonista decide pescudar por que ese rexeitamento a péquelos, e para pescudalo penétrase nesta terrorífica mansión, a cal parece que está encantada, habitada por seres raros e pantasmas. Pero iso, é só unha primeira impresión, xa que o noso amigo Jero, científico e aventureiro irá desmontando todas e cada unha das cousas, a priori, paranormales, descubrindo que só son experimentos científicos, os cales foron creados para aterrar aos nenos e afastalos desa mansión.

Por que? Se queres descubrilo, terás que mergullarte connosco en… A mansión encantada… de coñecerte. “A mansión encantada… de coñecerte”, é unha divertidísima obra de teatro infantil, recomendada para nenos a partir dos 4 anos. É unha montaxe moi dinámica, fresca e divertida, na cal os nenos participan directamente. A obra baséase na realización de varios experimentos científicos, para os cales o protagonista, require da presenza e axuda directa dalgúns dos asistentes.

Unhas lámpadas con vida? Paredes viscosas? Auga solidificada? Comida que desaparece? Pantasmas que explotan? Todo isto e moito máis atoparás penetrándote na nosa mansión. Hai unha cousa clara,  é que nada é o que nun principio parece.

Música, humor, ciencia, aventuras, intriga… Son algúns dos ingredientes da montaxe. Dentro da obra, os nenos participarán en varios e espectaculares experimentos, e coa escusa dos mesmos, tocaremos temas como a hixiene persoal, a alimentación e sobre todo, o tan desgraciadamente actual bullyng.

En resumo: Unha hora de diversión, interacción e aprendizaxe. Unha mansión na que ao principio os nenos non son benvidos, pero finalmente resulta, unha mansión encantada, pero encantada de coñecerte.

DESASTRONAUTS
CIRCO CONTEMPORÁNEO

Idade recomendada: a partir de 3 anos
Duración: 45 min
Lingua: galego

Raquel e Girisho presentan o seu quinto espectáculo de circo contemporáneo. Dous artistas esforzándose por demostrar quen é o mellor: ela, metódica e hábil; el, entusiasta pero pouco intelixente. Trapecio, tela aérea, hula hoops e moito máis nunha proposta áxil, divertida e sorprendente para toda a familia.

Pequefilmes cumple 10 anos e volve ao Gaiás celebrar o seu aniversario! O fin de semana do 27 e 28 de febreiro e 1 de marzo poderedes gozar do mellor cinema miúdo na Cidade da Cultura.

Con seccións oficiais a concurso pensadas para cativada de entre 0 e 12 anos e obradoiros para que os nenos e nenas poidan deixar voar a súa creatividade. Ademáis, como cada ano, será o público o encargado de escoller cos seus votos aos gañadores desta décima edición.

+INFO

É un espectáculo de danza que se constrúe como un ritual iniciático á vida e no que música, luz e movemento atenden o proceso cognitivo dos máis pequenos. É unha coidada produción internacional realizada entre España e Alemaña, que parte dunha idea: a imitación como vía de relación co mundo. Aprendemos porque repetimos aquilo que vemos.

O público acomódase 360 graos ao redor da acción nun espazo voluble que convida á atención e o descubrimento...

Concepto, coreografía e interpretación: Estrella García e Miguel Quiroga
Dirección artística: Estrella García
Música orixinal e interpretación: Miguel Pérez Iñesta e Emmanuelle Bernard
Acompañamento: Blanca del Barrio
Espazo escénico: Miguel Quiroga e Luís Mosquera
Vestiario: Zig Zag Danza
Realización de vídeo dos músicos: Philipp Meise
Vídeo, imaxe e mapping: Zig Zag Danza e Secundino García
Imaxe promocional: Muel de Dios
Vídeo promocional: Gabriela Alguero
Fotografía: Gabriela Alguero, Miguel Llamas, Javier Jarquín e Artur Gavalda
Modista: Inma F. Pertierra
Colaboradores en prácticas: Javier Herrero e Ángela Clemente
Comunicación: Cultproject
Produción executiva: Secundino García
Produción e distribución: Zig Zag Danza S.L.
Imaxe evento: Miguel Lamas

Idade recomendada: de 0 a 3 anos
Duración: 40 min
Lingua: sen texto
Foco Creadoras de escena

A seguir coa conmemoración dos 15 anos de traxectoria do programa Danza a Escena, a axenda de Compostela Cultura acolle un programa dobre de acceso libre para gozar das artes do movemento. Dúas propostas escénicas, PIES DE GALLINA e ZENEZ, transpórtannos a un terreo onde a danza contemporánea é vehículo de conexión, presenza e escoita.

Festival de fin de curso da escola Sondanza solidario a favor de Asotrame.

A Gala Solidaria Mandala celebrarase o vindeiro 21 de xuño de 2025 no Auditorio Abanca de Santiago de Compostela. Organizada polo centro de benestar Mandala, esta gala ten como obxectivo recadar fondos para Itínera, Asociación de Voluntarixs para a Integración Social de Persoas con Trastornos Mentais, combinando danza e solidariedade nunha noite especial. O evento contará con actuacións de diversas escolas de danza e artistas locais, ofrecendo un espectáculo cheo de enerxía e compromiso social.

O Outlet Área Central organiza este sábado unha masterclass solidaria de zumba a favor da investigación do cancro de mama, coa colaboración do ximnasio Dreamfit e da Asociación Española Contra o Cancro (AECC). Baixo o lema Muévete contra el cáncer de mama, a actividade, aberta e gratuíta, terá lugar de 18:00 a 19:30 horas e combinará baile, solidariedade e concienciación. Ademais, a AECC contará cun posto informativo e produtos solidarios. A iniciativa enmárcase no programa de accións do Día Mundial contra o Cancro de Mama, que se conmemora cada 19 de outubro.

Na véspera dunha Nadal inesquecible, unha moza chamada Marie emprende unha viaxe chea de marabillas e misterio. Acompañada polo Cascanoces, enfronta os ratos malvados, baila entre os copos de neve e finalmente chega ao Palacio Máxico. Alí, todos os seus xoguetes cobran vida e bailan nunha festa inesquecible.

Director Xeral: Andrey Sharaev
Decorado: Evgeny Gurenko
Deseño de luces: Alexander Soloviev
Solistas: Tatiana Nazarchevich, Nikolay Nazarchevich, Sergey Iliin, Elizaveta Savina, Denís Dónica, Ana Oleinic, Olga Markova, Nicole Ferazzino, Nicole Mocellini, Anastasiia Haietska, Irina Yurchenko, Andrei Saharnean, Anna de Muri, Roberto Gadaldi

ANÓNIMOS
RAUXA CÍA. · DANZA E CIRCO CONTEMPORÁNEO · ARTES ESCÉNICAS

Idade recomendada: a partir de 7 anos
Duración: 45 min
Lingua: castelán

ANÓNIMOS mergúllanos no subconsciente dunha muller que crea un refuxio onírico a través do papel. Cunha innovadora fusión de danza, circo, acrobacias e marionetas surrealistas, a peza ofrece unha mirada poética e sensible sobre a soidade e a memoria do esquecemento.

Moby Dick é un espectáculo creado a partir da afamada novela de Herman Melville, unha peza que xoga coa figura do gran cachalote protagonista da novela, un gran cachalote de tres metros e que conta a historia de Ismael, un mozo que decide embarcar nun baleeiro no que vivirá unha morea de perigosas aventuras.

No salón de actos. Para público familiar. A entrada é libre ata completar a capacidade da sala.

Bob Marley for babies é a segunda parte da triloxía que La petita malumaluga iniciou co éxito internacional Bitels para bebés (concerto tributo a The Beatles). Catro bailarinas que cantan, ou catro cantantes que bailan, e unha violonchelista que interpretan sofisticados arranxos dos grandes temas de Bob Marley, unha das principais iconas culturais afroamericanas do século XX. Unha explosión de enerxía cantada e bailada, onde o público, situado no interior dunha escenografía inmersiva a 360 graos, é en todo momento o protagonista.

Autoría: Albert Vilà e Eva Vilamitjana
Dirección e dramaturxia: Eva Vilamitjana e Albert Vilà
Dirección musical: Albert Vilà
Dirección vocal: Tanja Schilinski
Elenco: Carla Gaya, Ona Pla, Elsa Meneses, Sara Sambola, M. Rosa Pons e Alba Cayuela
Coreógrafa: Eva Vilamitjana
Arranxos: Lucas Peire e Frank Montasell
Escenografía: Albert Vilà
Deseño de iluminación: David Bofarull
Vestiario: AiCarmela
Deseño de son e concepción sonora: Albert Compte
Creación de videomapping: V.P.M
Deseño gráfico: Hermes LeBleu
Coordinación técnica: Alfredo Díaz Produción executiva: Cristina Rodríguez
Distribución e comunicación: Mònica Grau
Coproducen: La petita malumaluga, Grec Festival de Barcelona e Madrid Destino (Teatro Español e Naves del Español en Matadero) 
Co soporte do Institut Català de les Empreses Culturals da Generalitat de Catalunya (ICEC) e o Instituto Nacional das Artes Escénicas e da Música (INAEM).

Idade recomendada: 0-3 anos e as súas familias
Duración: 40 min
Lingua: sen texto

Noite de Luar. Encrucillada de camiños. Entra en escena un home miúdo e melancólico. É o personaxe d’O Xestal. Cun candil na man, vestido de repoludo gaiteiro rosaliano, sáelle ao paso un mozo novo e garrido. É a morte. O Xestal négase a recoñecer a morte en tan atípica fasquía. Cando finalmente a recoñece resístese a seguila, establecéndose entre eles unha dinámica e amena tirapuxa na que se entreverán os episodios máis significativos da vida d’O Xestal con algún dos seus contos máis divertidos.

Autoría e texto: Cándido Pazó
Dirección: Cándido Pazó
Elenco: Avelino González e Toni Salgado
Espazo sonoro e musical: Xurxo Souto e Richi Casás
Iluminación e técnica: Miguel Cabaleiro e Afonso Castro
Escenografía: Pablo Giráldez «O Pastor»
Vestiario: De Cotío
Asesoría no baile: Chus Caramés
Cartel: Juan Gende
Técnico de gravación: Tomás Ageitos

Idade recomendada: > 10 anos
Duración: 75 min
Lingua: galego
Posfunción ao remate do pase do 9 de maio
Foco Memoria en escena

Marti non sabe onde viven os medos. Habita nunha vila costeira con olor a salitre. Seu pai é mariñeiro e pasa moito tempo no mar. Un día gris de espera no porto sorpréndea unha gran tormenta que a tirará ao mar. Marti comezará unha viaxe profunda ao longo do fondo mariño; para a que terá que aprender o idioma dos medos e os peixes.

Idea orixinal e poemas: Leire Bilbao
Dramaturxia: Mar·Mar Teatro
Dirección: Javi Tirado e Mar·Mar Teatro
Elenco: Irene Hernando, Aritza Rodríguez e Maitane Serrano
Monicreques e decorados: Javi Tirado
Deseño de luces: Maitane Serrano
Vestiario: Noemi Loiti
Música: Unai Laso
Espazo sonoro: Igor Iglesias
Deseño gráfico: Markel Idigoras
Cartel: Ane Pikaza
Produción: Mar·Mar Teatro

Idade recomendada: 3 anos
Duración: 50 min
Lingua: castelán

Acrobacias imposibles, aéreos impactantes comedia hilarante, danza, clown e unha historia cautivadora. Serie Clopen é un espectáculo multidisciplinar que reflexiona, en tono de humor, sobre os retos que ten que afrontar a xuventude nestes tempos de incerteza.

Alicia é unha rapaza que está nese momento vital onde comeza a construír a súa identidade e investiga o mundo que a arrodea. O seu cuarto segue cheo de bonecas e xoguetes, pero as preguntas invaden a súa mente. Ela, no seu afán de darlles resposta, abre unha canle onde explica curiosidades acerca dunha das súas paixóns: as Matemáticas.

Pero todo o que descobre, xera mais preguntas...

Poderán as Mates explicar o momento político actual: o auxe dos absolutismos, dos fascismos, o aumento da desigualdade, ou o novo contexto bélico?

Poderá a nosa mocidade superar os retos que lles impón a súa xeración?

E, sobre todo, poderá o Circo, a arte do momento presente, do físico, do risco, da cooperación, ofrecer alternativas nun mundo absolutamente dixitalizado?

Nemo acaba de nacer na súa anemone, rodeado de todos os animais mariños: tartarugas, cangrexos, medusas, cabaliños de mar, polbos e moito máis. E xa está mergullado na maior aventura que vivirá na súa vida: salvar o mar do seu maior inimigo.

Un musical para toda a familia, cheo de cor e personaxes fantásticos que encherán o público de alegría e humor.

Un dos personaxes máis queridos do mundo chega para salvar o océano e todos os seus habitantes nunha experiencia visual e teatral alucinante.

Idades: para todos os públicos. Maiores de 2 anos deben adquirir a súa entrada.

Aracaladanza mergúllase no universo de Johann Sebastian Bach con Va de Bach, un espectáculo de danza contemporánea cheo de humor, imaxinación e maxia visual.

Dirixida por Enrique Cabrera, a peza combina música, luz, movemento e escenografía para crear un soño escénico no que cinco bailaríns e un gorila dan vida a un mundo de globos que cantan, mans xigantes, pianos diminutos ou portas que se abren a universos duplicados.

Pensada para público de todas as idades a partir dos cinco anos, esta coprodución do Real Teatro de Retiro e a Comunidade de Madrid, apoiada polo Ministerio de Cultura, é unha festa para a imaxinación que confirma a traxectoria recoñecida de Aracaladanza como unha das compañías máis premiadas e queridas do panorama internacional.

“Hadas, el musical” transpórtanos á Academia Estelar, onde tres mozas fadas se preparan para un gran concurso de maxia. Porén, cando un neno do mundo real perde a fe na fantasía, a maxia comeza a esvaecerse. Malévola, a fada máis rebelde, terá que empregar o seu feitizo para salvar o seu mundo e descubrir o seu verdadeiro destino.

Unha historia chea de humor, emoción e música que celebra a maxia de ser diferente.

Espectáculo familiar da compañía Alodeyá..

Dous enxeñeiros con case vinte anos de traxectoria escénica mesturan física, circo e humor para crear en escena unha máquina de Rube Goldberg que desencadea sorprendentes efectos dominó. Malabares con tubos imantados, bolas, diábolos e mazas de luz programadas ao milisegundo dan vida a un espectáculo hipnótico no que os obxectos voan e a maxia reside nas leis da física.

Idade recomendada: a partir de 6 anos · Duración: 55 min · Lingua: castelán

Cleptómago é un espectáculo de maxia extremadamente divertido no que o público será partícipe en todo momento.

Shado é un mago cunha personalidade canalla que fará que o público se sinta como nunha xuntanza entre amigos no Teatro, igual que cando conquistou ao xurado de Got Talent, sendo recordado como o mago máis mítico e cunha traxectoria máis longa desde a súa aparición no programa de Mediaset.

O prato forte do espectáculo é o pickpocket, unha arte pouco habitual no país, onde Shado demostra unha gran habilidade roubándolles obxectos aos voluntarios ante os ollos dos espectadores.

Ilusións únicas que serán un reto para os máis escépticos, que non conseguirán descubrir o truco.

Ateneu Popular 9 Barris

Siempre se encontraron en la plaza. Siempre sonaron los mismos tambores. Siempre bailaron por las calles bajo las guirnaldas. Siempre cortaron el árbol y después lo levantaron. Siempre hicieron la misma fotografía.

Pero hoy, cuando la cita sigue siendo en la plaza pero la música suena diferente, alguien se pregunta por primera vez: ¿por qué?

El 28º Circ d’Hivern – Glatir es un espectáculo de circo que reflexiona sobre la tradición en un mundo en transformación.

Una propuesta para todos los públicos que reúne artistas de mástil, trapecio fijo y washington, junto con números de verticales y acrodanza.

Edad recomendada: a partir de 8 años · Duración: 60 min · Idioma: catalán

Federico Menini – Llar

Llar (“fogar” en valenciano) é un encontro entre a arquitectura e as artes circenses coa madeira como protagonista. É a procura dun refuxio, unha morada, unha choza: o espazo onde un habita e sente seguridade e calma.

O malabarista constrúe mediante equilibrios de elementos de madeira, buscando a súa estabilidade e creando así unha linguaxe propia chea de sorpresas. A través de diversas técnicas circenses, o espectáculo convídanos a reflexionar sobre as nosas raíces e os lugares que habitamos.

Trátase dun espectáculo orixinal, único e innovador, froito dun longo proceso de investigación e experimentación inspirado en diferentes disciplinas artísticas. Humor, ritmo, orixinalidade e unha depurada técnica de malabares combínanse nesta proposta para todos os públicos.

Llar foi recoñecido cos Premios IVC 2024 ás Artes Escénicas Valencianas, acadando o galardón a Mellor Espectáculo de Circo e a Mellor Artista de Circo.

Idade recomendada: a partir de 4 anos · Duración: 60 min · Lingua: sen texto

Hai películas e cancións que pasaron á historia e espertan a curiosidade dos espectadores de todo o mundo. Grazas ao musical madrileño, O Rei León é, sen dúbida, o referente do momento. Por iso, despois da nosa experiencia na Gran Vía madrileña con outros espectáculos, con voces espectaculares e unha gran posta en escena, queremos levar os seus temas musicais a toda España con... O Rei León, O Tributo.

A compañía Onbeat realizou unha tempada na Gran Vía madrileña con grande éxito, e agora é unha das mellores compañías de España para espectáculos familiares.

A interacción co público, as espectaculares voces en directo, a gran posta en escena e a coreografía atractiva, ademais dunha presentación moi divertida cos nosos mestres de cerimonias, garanten unha experiencia inesquecible neste concerto.

Cía Voël – Nanuq

Soñei, como soñan os osos no inverno. Un soño cálido, longo e baixo terra. E espertéi! Soa, e quixen volver soñar, pero xa non era no soño, era aquí, tan presente e tan efémera como a neve que cae do ceo. Este ceo, cos seus cores, anuncia que algo está por pasar.

Nanuq é unha historia de amizade sen barreiras, contada a través da poesía visual, a acrobacia, a danza e as marionetas. Dous corpos e dúas máscaras xeran un mundo onírico onde todo está ao bordo do abismo. O espectáculo convídanos a viaxar a un universo universal, pensado especialmente para os máis pequenos.

Cia Voël é o encontro de dúas persoas diferentes que se complementan, desenvolvendo un estilo propio de poética visual e imaxes simbólicas. A compañía creou espectáculos de sala como Ex-libris, Boira e Nanuq, así como o proxecto “Reditus”, un circo site-specific que reinterpreta lendas locais.

Idade recomendada: a partir de 2 anos · Duración: 45 min · Lingua: sen texto

Blanca é unha nena curiosa e intelixente, pero decidiu que os contos xa non son para ela. Cre que son cousas de nenos pequenos e, por iso, négase a escoitar un máis, a pesar dos intentos da súa nai por compartir con ela esas historias máxicas que antes a emocionaban tanto. Pero todo cambia nunha noite moi especial, cando, de forma inesperada, o seu libro favorito cobra vida grazas a unha maxia misteriosa que a transporta directamente ao corazón do mundo dos contos de Disney.

Alí, Blanca embarcarase nunha aventura inesquecible, acompañada por personaxes entrañables como Aladino, Elsa, Bela e a Besta, entre moitos outros. Con eles, descubrirá o verdadeiro valor da amizade, a valentía e o amor, mentres revive as cancións máis queridas e emblemáticas.

Este fermoso musical familiar é unha celebración da fantasía, da música e das emocións que todas e todos levamos dentro, sen importar a idade. Un espectáculo cheo de cor, coreografías espectaculares e momentos máxicos que fará vibrar a grandes e pequenos. Porque, ás veces, só necesitamos volver soñar para lembrar que os contos tamén poden cambiar o mundo real.

CAMPI QUI PUGUI

Idade recomendada: a partir de 6 anos
Duración: 65 min
Lingua: castelán

Un neno medra nunha pequena aldea rodeado de paxaros, flores de camomila e tres mulleres de tres xeracións: nai, avoa e tía. As tres nais de Jordi.

Catro intérpretes dan vida a unha historia sobre a maternidade e a morte, pero sobre todo sobre a vida. Un relato de perda na infancia no que a emoción e o humor conviven con naturalidade, entre aventuras, superación e zapatillas voadoras.

O Monstro de Cores esperta hoxe algo confundido: todas as súas emocións mesturáronse e agora non sabe que lle pasa. Para poñer orde neste caos, contará coa axuda da súa amiga, unha nena chea de curiosidade e ganas de axudar. Xuntas vivirán unha divertida e emocionante aventura onde aprenderán a recoñecer, nomear e expresar sentimentos como a alegría, a tristeza, o medo, a rabia e a calma.

Este espectáculo teatral, baseado no popular libro de Anna Llenas, convértese nunha viaxe chea de cores, música e xogo, onde as nenas e nenos, xunto coas súas familias, descubrirán que as emocións son amigas que hai que coidar e entender.

Das creadoras de “A toupiña que quería saber quen lle fixera aquilo na cabeza”

PÚBLICO: A partir dos 2 anos

A maxia evolucionou... e agora é INCRÍBEL.

Pando o Mago, alcumado por algúns medios de comunicación como "o mago do momento", fíxose viral coa súa maxia tanto nas redes sociais como na televisión, deixando a presentadores e público sen palabras co seu estilo fresco, moderno e impactante.

O seu éxito vai máis alá da pantalla. A súa maxia foi aplaudida en teatros e eventos, o que o converteu nun dos talentos máis prometedores da ilusión contemporánea.

Agora presenta o seu novo e espectacular espectáculo: "Increíble", un espectáculo de maxia para toda a familia, deseñado para mergullar o público nunha viaxe onde o imposible cobra vida. Desde viaxes no tempo ata aparicións e desaparicións abraiantes, cada momento está cheo de marabilla e emoción. Cunha posta en escena moderna e un ritmo trepidante, este espectáculo leva o público a unha verdadeira montaña rusa de emocións.

Un espectáculo que, se non o ves, non o crerás... porque é INCRÍBEL.

Vas deixar que alguén cho conte ou preferirías vivilo?

Recomendado a partir de 2 anos.

Ilusiónate é un espectáculo familiar que nos propón unha gran pregunta: por que perdemos a ilusión a medida que medramos?

Borja Montón comparte a fórmula para que isto non ocorra nun show emocionante no que nenos e adultos vivirán unha experiencia máxica mentres descubren os ingredientes para recuperar a ilusión. Despois dunha etapa difícil para todos, Ilusiónate ten un forte impacto persoal e emocional: recórdanos que o importante na vida é rir, xogar como cando eramos pequenos, soñar en grande e, sobre todo, gozar coa xente que queremos.

Ademais de desfrutar dun espectáculo de maxia e entretemento, o público levará consigo as ferramentas para apreciar o bo que nos pasa cada día e vivir con máis felicidade.

Marcos Waldemar presenta INHERENTE · O campión de España de ilusionismo chega a Santiago cun espectáculo familiar onde maxia, humor e teatro se mesturan. Durante 1 hora e 15 minutos, vivirás cartomaxia, mentalismo, ilusións participativas e maxia con olores, nunha experiencia única que combina historia, segredo e emoción.

‘Piensa en Wilbur’ é un espectáculo infestado de acrobacias, humor, e risco, moito risco: a única maneira na que Wilbur sabe vivir. Cunha técnica e un físico fóra do común, creará situacións imposibles que deixarán ao público anonadado. Acompañado dos seus amigos inseparables: Contractura, Tirón e Desgarro demostraranos que a acrobacia non é só un deporte. Un espectáculo que impactará no público (literalmente).

O ilusionista galego Pedro Volta, coñecido pola súa brillante participación en Got Talent España, invítate a vivir unha experiencia única co seu novo espectáculo: Magic Space. A maxia do todo.

Prepárate para explorar mundos de ciencia ficción inspirados en películas icónicas como Encuentros en la tercera fase, Regreso al futuro e Interstellar. Pedro Volta levarate por viaxes interestelares, buracos negros, mecánica cuántica e a chegada a Marte… todo iso acompañado de ilusións sorprendentes!

Magic Space é un espectáculo vangardista que combina maxia e tecnoloxía nunha gran pantalla. Asistirás a unha simulación virtual da mítica misión Apollo 11 á Lúa con maxia insólita! Ademais, serás testemuña de teletransportacións en directo e dun fermoso homenaxe ao mago do cine Georges Méliès, creador da primeira película de ciencia ficción: Viaje a la Luna.

Este espectáculo interactivo é perfecto para toda a familia. Adultos e nenos quedarán abraiados co novo universo máxico creado por Pedro Volta! Non perdas a oportunidade de vivir unha experiencia ILUSIONANTE inesquecible que te deixará sen palabras, tal como fixo co xurado de Got Talent España.

"Dreaming Bubbles" é un espectáculo único que sorprende a espectadores de todas as idades. Un viaxe máxico e cheo de emocións e risas polo efémero mundo das burbullas de xabón.
Dirixido por Whitedream, o Mago das Burbullas de Xabón e Récord Guinness, este espectáculo é unha experiencia fantástica para soñar en familia, volver a ser nenos e deixarse levar pola poesía das esferas irisadas.
Un recordatorio de que, a pesar das adversidades, a beleza e a fragilidade dunha burbulla poden manter viva a ilusión de crer na maxia.

No mes de xullo, Compostela Convive centrarase na gastronomía, con tres xornadas na Aula Gastrocultural do Mercado de Abastos para coñecer petiscos de diferentes países do mundo. 

A primeira, o 3 de xullo, será un obradoiro de elaboración de kimchi, un prato coreano, con Sara Kim do restaurante NuMaru. O 10 de xullo tomará o relevo Tomás Rubio, do restaurante A Viaxe, para unha degustación de petiscos da cociña peruana e galega; e o 17 de xullo a última xornada será unha degustación de petiscos da cociña tradicional senegalesa con Kike Piñeiro, de A Horta d’Obradoiro, que estará acompañado por Moussa Fall e Cissokho Sadio, estudantes de cociña no C.I.F.P. Compostela.

As xornadas, todas elas ás 19.00 horas, son de balde pero teñen o aforo limitado a 15 persoas. Para asistir é preciso inscribirse previamente no mail compostelaconvive@gmail.com

No mes de xullo, Compostela Convive centrarase na gastronomía, con tres xornadas na Aula Gastrocultural do Mercado de Abastos para coñecer petiscos de diferentes países do mundo. 

A primeira, o 3 de xullo, será un obradoiro de elaboración de kimchi, un prato coreano, con Sara Kim do restaurante NuMaru. O 10 de xullo tomará o relevo Tomás Rubio, do restaurante A Viaxe, para unha degustación de petiscos da cociña peruana e galega; e o 17 de xullo a última xornada será unha degustación de petiscos da cociña tradicional senegalesa con Kike Piñeiro, de A Horta d’Obradoiro, que estará acompañado por Moussa Fall e Cissokho Sadio, estudantes de cociña no C.I.F.P. Compostela.

As xornadas, todas elas ás 19.00 horas, son de balde pero teñen o aforo limitado a 15 persoas. Para asistir é preciso inscribirse previamente no mail compostelaconvive@gmail.com

O Cheese Market Tour chegará a Santiago os días 18 e 19 de xullo, ofrecendo a visitantes e afeccionados ao queixo unha experiencia única para degustar e descubrir unha ampla variedade de queixos artesáns de diferentes rexións. Durante o evento haberá postos con produtos gourmet, obradoiros e actividades relacionadas co mundo do queixo, todo nun ambiente festivo e cultural que celebra a tradición queixeira e a gastronomía local. Unha cita imprescindible para os paladares máis esixentes.

Varios establecementos hostaleiros de Santiago ofrecerán este fin de semana Caldo de Gloria, no marco das actividades do Día de Rosalía.

A asociación Hostalaría.gal súmase ao Concello e á Fundación Rosalía de Castro para render homenaxe á nosa escritora máis universal.

Os que se acheguen a estes locais poderán probar este prato histórico, que aparece nos escritos da galega máis universal, como tapa de cortesía, lembrando a sinxeleza e a calor do fogar que Rosalía celebraba na súa poesía.

LISTADO DE LOCAIS PARTICIPANTES 

• Orixe – Do venres 20 ao luns 23
• Ostrería – Do venres 20 ao luns 23
• Bicoca – Do venres 20 ao luns 23
• Cantina – Do venres 20 ao luns 23
• Frebas – Do venres 20 ao luns 23
• Mariscomanía – Do venres 20 ao luns 23
• Nómade – Do venres 20 ao luns 23
• Salvaxe – Do venres 20 ao luns 23
• Taberna Tarabela – Do venres 20 ao luns 23
• A Nave de Vidán – Do venres 20 ao luns 23
• Bodeguilla Santa Marta – Do venres 20 ao luns 23
• Bodeguilla San Lázaro – Do venres 20 ao luns 23
• Restaurante Central – Do venres 20 ao luns 23
• Don Gaiferos – Do venres 20 ao luns 23
• Bar Raíces Galegas – Venres 20, sábado 21 e luns 23
• Restaurante Paz Nogueira – Venres 20 e sábado 21
• Vinoteca A Que Vino – Venres 20 e sábado 21
• Pub Século IX – Sábado 21
• Bar A Gramola – Venres 20 e sábado 21
• Taberna de Álvaro – Do venres 20 ao domingo 22
• Bar Rial – Luns 23
• Viñoteca Ventosela – Do venres 20 ao domingo 22
• Viñoteca O Tixola – Do venres 20 ao domingo 22
• Restaurante Cacao – Do venres 20 ao luns 23
• O Piorno – Luns 23
• A Fuego Lento – Do venres 20 ao luns 23
• Bodegón Casas Chico – Do venres 20 ao luns 23
• Redes Mariscos & Tapas – Do venres 20 ao luns 23
• Mesón O 42 – Venres 20 (mediodía) e sábado 21 (mediodía)
• Casa de Xantar O Dezaseis – Do venres 20 ao domingo 22
• Taberna do Tarela – Venres 20 e sábado 21
• María Castaña – Venres 20
• Café Bar Rey – Do venres 20 ao luns 23
• Café Casino – Venres 20 (mediodía) e sábado 21 (mediodía)
• Restaurante Solleiros – Do venres 20 ao luns 23
• Café Mercedes – Do venres 20 ao luns 23
• O Balcón das Brañas- Luns 23

Evento de referencia de innovación, creatividade e tecnoloxía que chega a súa XI edición. A Feira arranca cunha primeira xornada dedicada ao emprendemento e a innovación social que se celebrará en Área Central e que inclúe numerosas actividades para toda a familia.

Haberá charlas, obradoiros, espazos expositivos e máis de 45 proxectos creativos, tecnolóxicos e sociais. Se poderán descubrir unha gran variedade de proxectos que unen tecnoloxía, creatividade, sustentabilidade e compromiso social, con presenza de centros como Vermislab; o IES Sánchez Cantón, o IES Maximino Romero; ou iniciativas como XuvenCiencia, Arkitas, Makergal 3D, Chafarís, Luxsit Technologia SL, LMT – Local Meeting Translate, Resib Labs, Neoonos, FAB LAB Barcelona ou Napalmadaman, abordando temáticas como a saúde, a intelixencia artificial, a robótica, o medio ambiente, a impresión 3D, a accesibilidade ou a educación creativa.

+INFO

O Mercado da Estrela é un festival de Nadal onde as persoas creadoras de Galicia nos mostran o froito do seu talento nas vésperas das festas para que desfrutemos  das súas mimadas creacións, pezas, produtos, elaboracións e composicións, ou as convirtamos en orixinais e innovadores agasallos adquiridos baixo o selo de #talentogalego no centro neurálxico de Compostela para os abrazos, os reencontros e os brindes previos a Noiteboa!

Case un centenar de marcas de artesanía, moda, ilustración, xoguetes, fotografía, deseño, decoración, produtos enogastronómicos, últimas tendencias e moito máis, nunha feira creativa contemporánea que completa a súa proposta con foodtrucks, postos de restauración e un atractivísimo programa de concertos, sesións picadiscos e obradoiros deseñado para gozar da creatividade e do tempo compartido.

Un festival de balde que reparte os seus contidos entre diferentes espazos de destacado valor histórico e patrimonial de Santiago de Compostela para redescubrilos a través dun percorrido que permite coñecer a impresionante riqueza arquitectónica e cultural desta cidade Patrimonio da Humanidade, mentres se desfruta do animado ambiente que caracteriza o festival e se descubre a riqueza creativa dos novos talentos de Galicia.

+INFO

O Mercado da Estrela é un festival de Nadal onde as persoas creadoras de Galicia nos mostran o froito do seu talento nas vésperas das festas para que desfrutemos  das súas mimadas creacións, pezas, produtos, elaboracións e composicións, ou as convirtamos en orixinais e innovadores agasallos adquiridos baixo o selo de #talentogalego no centro neurálxico de Compostela para os abrazos, os reencontros e os brindes previos a Noiteboa!

Case un centenar de marcas de artesanía, moda, ilustración, xoguetes, fotografía, deseño, decoración, produtos enogastronómicos, últimas tendencias e moito máis, nunha feira creativa contemporánea que completa a súa proposta con foodtrucks, postos de restauración e un atractivísimo programa de concertos, sesións picadiscos e obradoiros deseñado para gozar da creatividade e do tempo compartido.

Un festival de balde que reparte os seus contidos entre diferentes espazos de destacado valor histórico e patrimonial de Santiago de Compostela para redescubrilos a través dun percorrido que permite coñecer a impresionante riqueza arquitectónica e cultural desta cidade Patrimonio da Humanidade, mentres se desfruta do animado ambiente que caracteriza o festival e se descubre a riqueza creativa dos novos talentos de Galicia.

+INFO

O festival Electrofauna, a vibrante chamada do bosque como latexo creativo terá lugar en Santiago de Compostela este sábado e domingo con entrada libre e actividades para todo tipo de públicos. O proxecto terá lugar no parque de Bonaval como localización principal, e contará con programación musical, obradoiros e actividades medioambientais de balde a partir das 11h, animando a toda a cidadanía a participar da iniciativa a modo de pícnic.

PROGRAMACIÓN SÁBADO 6 SETEMBRO

• 11h Roteiro guiado dende Bonaval ata o parque Berce do Sar con volta á igrexa de Sar
• 11h Demostración de máscaras follateiras a cargo da Asoc. Follateiros de Lobios
• 11:30h a 14h Obradoiro aberto de acubillos de vimbio con Julia de La Cal - La Parabólica
• 12h Obradoiro aberto de movemento creativo da man da Asoc. BStudio Danza
• 13:30 Meiga-i, a fantasía galega
• 14:30 Electropicnic con DJ Mr. Fishman
• 16h a 19h Obradoiro aberto de acubillos de vimbio a cargo de Julia de La Cal – La Parabólica
• 18h Electrocharla: fauna e flora autóctonas
• 20h Salvar Doñana en concerto
• 21h Electronoite con DJ Daasanach Je

PROGRAMACIÓN DOMINGO 7 SETEMBRO

• 11h Apertura de electroespazos
• 11:30h a 14h Obradoiro con aforo reducido de máscaras de fibras vexetais a cargo de Julia de La Cal – La Parabólica
• 13h Aborigen en concerto
• 14h Electropicnic con DJ Rapante
• 17h Mani Dii en concerto
• 18h Obradoiro libre de movemento creativo da man da Asociación BStudio Danza
• 20h Roteiro nocturno de descuberta dende o parque de Bonaval
• 20h Castora Herz & La Quadrilla en concerto

(*) A duración estimada dos roteiros é de 2-3 horas. Para os obradoiros de movemento creativo non é necesaria experiencia, formación previa en danza, nin condicións físicas específicas. O obradoiro de máscaras de fibras vexetais será de aforo reducido para as primeiras persoas que se anoten no espazo quince minutos antes do comezo da actividade e ata cubrir capacidade.

Do 21 ao 22 de febreiro celebramos en Santiago o 189 aniversario do nacemento de Rosalía de Castro e o 160 da publicación de Las literatas. Actividades para todos os públicos, de acceso libre ata completar capacidade. Organizado pola Área de Lingua da Deputación da Coruña en colaboración co Concello.

+INFO

A SELIC (Semana do Libro de Compostela) é un encontro arredor do libro e da lectura que transforma a Praza da Quintana nun espazo cultural aberto, con presentacións, recitais, obradoiros e actividades para todos os públicos.

Programa completo próximamente

O I Festival Dálle Xogo celebraráse na tarde do venres 21 de novembro, e ao longo de toda a xornada do sábado 22. Coa participación dunha ducia de editoriais de xogos de mesa e máis de vinte entidades colaboradoras, o evento contará con espazos de xogo libre, torneos, charlas e expositores de diferentes marcas tanto galegas como estatais.

Así, poderanse probar os produtos de recoñecidas firmas como Mercurio, Diset, Top Toys, Asmodee, Old Teddys, Rey Mono, Brain Picnic, Upple Games ou Cayro. O festival contará, ademais, coa presenza de entidades locais vinculadas á educación, a inclusión e o lecer educativo, como Latento Servio Integral Altas Capacidades, o Espazo de Lecer María Miramontes ou Down Compostela, que achegarán ao público as súas propostas.

A programación finalizará cun concerto, en colaboración coa Concellaría de Xuventude e co Centro Xove da Almáciga. Todas as actividades de Dálle Xogo serán de balde.

+INFO

O Festival Internacional de Cinema Curtocircuíto, organizado polo Concello de Santiago de Compostela, celebra a súa vixésimo segunda edición volvendo ás rúas, coa proposta de xerar espazos de intercambio entre a cidadanía e as artistas nos que compartan e reflexionen sobre o seu traballo.

O festival manterá unha programación internacional e interdisciplinar que seguirá tendo o cinema como eixo principal. Ademais de conservar as seccións competitivas Planeta GZ, Supernova e Cosmos, o encontro e a convivencia entre artistas, cineastas e público serán o punto de partida para xerar lugares de debate, reflexión e coexistencia fóra das estruturas competitivas.

+INFO

Ciclo de cine comezará o luns, coa película “O club dos poetas mortos”. Ao día seguinte proxectaráse outro clásico, “ET”, e o mércores será o turno de “Gremlins”. O xoves poderáse ver “A morta séntavos tan ben”, e o ciclo pecharase o venres con “Os Goonies”.

Buscando a Santa Compaña é un documental de Fernando Cortizo que recolle a busca contrarreloxo das últimas testemuñas dun fenómeno que marcou a nosa cultura. A través de entrevistas con persoas expertas en antropoloxía, etnografía e relixión, xunto con relatos de quen asegura ter vivido experiencias coa estadea, o filme constrúe unha roadmovie que tenta esclarecer que se agocha tras esta crenza milenaria. O director, xa nomeado aos Premios Goya pola súa longametraxe O Apóstolo, volve situar o cinema galego no panorama internacional. A obra é candidata aos Premios Mestre Mateo da Academia Galega nas categorías de Mellor Documental, Mellor Banda Sonora, Mellor Dirección e Mellor Montaxe.

Pequefilmes cumple 10 anos e volve ao Gaiás celebrar o seu aniversario! O fin de semana do 27 e 28 de febreiro e 1 de marzo poderedes gozar do mellor cinema miúdo na Cidade da Cultura.

Con seccións oficiais a concurso pensadas para cativada de entre 0 e 12 anos e obradoiros para que os nenos e nenas poidan deixar voar a súa creatividade. Ademáis, como cada ano, será o público o encargado de escoller cos seus votos aos gañadores desta décima edición.

+INFO

A Semana Santa é tamén un bo momento para visitar alguns deses pequenos tesouros que esconde a nossa cidade e que durante estas datas móstranse ao visitante cobrando unha dimensión e significado especial; porque Santiago é lugar de reflexión, paixón, culto… pero sobre todo, unha verdadeira xoia para os amantes da arte sacra.

APERTURA DAS IGREXAS DE SANTIAGO NA SEMANA SANTA

Catedral de Santiago de Compostela. Diario de 7h a 21h.
Convento das Clarisas. Diario de 17h a 20h
San Miguel dos Agros. Diario de 10h a 13:30h
Santa María Salomé. Diario de 10h a 13h e 17h a 20h
Santo Agostiño. Diario de 10h a 12:45h e de 18h a 19:45h
Convento das Mercedarias. Xoves de 18h a 22h e venres de 9h a 13:30h
Convento das Benedictinas. Diario de 10h a 14h e de 16h a 18:30h 
Capilla del Portal-Convento das Dominicas. Luns a sábado de 9h a 21h; Domingo de 11:30h a 13:30h
Convento de San Francisco. Diario de 10h a 14h e de 17h a 19:30h
Igrexa da Orde Franciscana Secular.  Sábado e domingo de 11h a 13h.
Capela Xeral das Ánimas. Diario de 9h a 13h
San Bieito do Campo. Diario de 11:30h a 13h e de 17h a 20:30h
Santa María do Camiño.Diario de 10h a 13h e de 16h a 19h
San Pedro. Diario de 18h a 20h 
Nosa Señora da Merced de Conxo. Diario de 9h a 19h
Quinta Angustia. Luns a mércores de 19h a 20:15h; venres de 10h a 14h; sábado de 20:30h a 22h
San Domingos de Bonaval. Diario de 11h a 18h
San Caetano. Diario de 10:30h a 13:30h e de 17h a 20h
San Xoán Evanxelista. Diario de 17:30h a 20:30h. Festivos de 11h a 13:30h
San Fructuoso. Diario de 11h a 13:30h e de 17h a 20h
O Pilar. Diario de 18h a 19:30h
Santa Susana. Festivos de 11h a 13h
San Fernando. Diario de 09h a 21h. Capela do Santisimo Sacramento aberta 24 horas.
San Paio. Diario de 10:30 a 13.30h e de 16h a 18:30h

+INFO:

Procesións: 

https://www.santiagoturismo.com/axenda-cultural/semana-santa-2026-procesiones

 De Lugares e Órganos: https://www.santiagoturismo.com/axenda-cultural/de-lugares-e-rganos-2026

Xunta de Confrarías
http://www.semanasantasantiago.es/

Partido da OK Liga Iberdrola, na primeira temporada dun equipo compostelán de hockey sobre patíns na máxima competición nacional.