O ciclo De Lugares e Órganos regresa a Santiago de Compostela do 28 de marzo ao 5 de abril para celebrar a riqueza do seu patrimonio organístico e a música histórica da cidade. Durante estes días, igrexas e recintos singulares acollerán concertos gratuítos e actividades diversas que permiten escoitar órganos históricos e profundar na súa historia musical, recuperando unha tradición que se estende dende o Renacemento ata o Clasicismo. As propostas inclúen recitales, charlas e visitas que marcan un diálogo entre a música, o espazo e a memoria cultural de Compostela.

As entradas estarán dispoñibles a partir do 24 de marzo na Zona C.

PROGRAMA:

Sábado 28 de marzo – 20:00 h
Concerto Inaugural – Banda Municipal de Santiago de Compostela
Igrexa de San Domingos de Bonaval
Dirección: David Fiúza
Concerto sen órgano, adaptando obras orixinais para órgano á banda. Repertorio con Bach, Vaughan Williams, Julio Gómez e Philip Sparke.

Domingo 29 de marzo – 20:30 h
Eliot X. Dios & Rahel Boell – Melodías en busca de autor
Igrexa de San Paio de Antealtares
Órgano e cravo con violín; obras de Couperein, Bach, François Francœur, improvisación e creación inédita. Estrea absoluta.

Luns 30 de marzo – 19:00 h
O Órgano sae á rúa – Proxección Ordet (Carl Theodor Dreyer, 1955)
Sala NUMAX
Filme danés sobre fe, razón e desesperanza; subtítulos en galego. Música de Javier María López (2018). Duración: 126 min.

Martes 31 de marzo – 11:00 h
Outras paisaxes, outros tons da cidade – Memoria silente
Porta do Viño, arco de Mazarelos
Roteiro polos órganos históricos extra muros de Santiago (Conxo e Sar) con intervención musical final con órgano portativo.

Mércores 1 de abril – 20:00 h
Concerto – Ensemble Cantillo: Nel labirinto degli Affetti
Igrexa de San Miguel dos Agros
Música barroca italiana do Seicento con flautas, guitarra renacentista, fagot e órgano; programa de afectos: festivo, salvaxe e melancólico.

Venres 3 de abril – 20:00 h (preparación ás 19:00 h)
Concerto – Dic nobis spiritus / Reestrea A VERBA
Igrexa da Universidade
Participativa; flautas de pico, órgano e arranxos. Inspirada na película Ordet (1955) de Dreyer. Panel de conversa ás 19:00 h co autor e expertos.

Sábado 4 de abril – 12:15 h
O Órgano sae á rúa – Encontro con Manuel Vilas
Libraría NUMAX, Rúa de Concepción Arenal, 9
Conversas e música en vivo sobre o programa do concerto de clausura.

Domingo 5 de abril – 20:00 h
Concerto – Ars Atlántica: Cidades de ouro e prata
Igrexa do Convento do Carme
Música entre España e o Vicerreinado do Perú (s. XVII–XIX). Obras sacras e seculares con órgano, arpa peruana, viola da gamba e guitarra. Estrea absoluta.

Este concerto explora o diálogo entre o órgano e a banda, poñendo en valor o paralelismo entre dous grandes universos sonoros a través de transcricións e obras inspiradas no repertorio organístico.

O recital forma parte da serie De Lugares e Órganos 2026.

Intérpretes: Eliot X. Dios (órgano e cravo), Rahel Boell (violín)

Concerto inspirado na obra teatral de Luigi Pirandello, no que as melodías toman protagonismo como “personaxes sonoras”. Programa con obras de Couperein, J. S. Bach e François Francœur, combinadas con improvisacións e creacións inéditas. Cada melodía revela a súa identidade a través do relato, da escoita e da transformación. Estrea absoluta.

Entradas dispoñibles a partir do 24 de marzo na Zona C.

OUTRAS PAISAXES, OUTROS TONS DA CIDADE – Memoria silente: Os órganos de Compostela de fóra

Fóra do perímetro amurallado de Santiago, na Idade Media, fundáronse tres mosteiros: Santa María de Conxo, Santa María do Sar e San Pedro de Fóra. A documentación conservada indica que dous destes mosteiros, Conxo e o Sar, contaban cun órgano. Partindo desta presenza monacal extra muros, e tras un breve repaso á historia destes espazos, exploraremos a profunda relación entre o órgano e as ordes relixiosas, un vínculo que segue vivo hoxe.

Ao remate, na colexiata do Sar, terá lugar unha pequena intervención musical que devolverá ao templo o son dun órgano portativo, recuperando simbolicamente os sons que puideron escoitarse noutros tempos.

Punto de encontro: Arco de Mazarelos

O Ensemble Cantillo, fundado en 2023 por Verena Grundner, nace como conxunto barroco residente dos Barocktage da Stift Melk, na Baixa Austria. Está formado por intérpretes multiinstrumentistas de vento e tecla con ampla experiencia concertística en Austria e no estranxeiro, capaces de combinar música antiga con xéneros contemporáneos como jazz, pop e artes escénicas. No seu programa Nel labirinto degli Affetti, exploran tres afectos característicos da música italiana do Seicento: o festivo, o salvaxe e o melancólico. A viaxe comeza cunha atmosfera luminosa co esplendor do Ballo del Granduca, seguido de pezas como a Toccata cromática e unha Folía, cheas de movemento e vitalidade rítmica. A partir de aquí, a música avanza cara a tons máis escuros e recollidos, dando espazo á melancolía. O tránsito entre luces e sombras e a intensidade expresiva invitan a unha escoita atenta, ofrecendo unha experiencia única nun verdadeiro labirinto de afectos.

Intérpretes: Verena Grundner (flauta de bico, guitarra renacentista), Patricia Nägele (flauta de bico), Petra

O concerto Dic nobis spiritus presenta a reestrea de A Verba, obra participativa de Javier María López Rodríguez, inspirada na obra teatral Ordet do dinamarqués Kaj Munk e no filme homónimo de Carl Theodor Dreyer (1955). A secuencia do Domingo de Pascua Victimae paschali laudes, na que se inclúe o célebre diálogo “Dic nobis, Maria, quid vidisti in via?” (“Dinos, María, que viches no camiño?”), xunto coa palabra spiritus no seu sentido etimolóxico de “sopro”, serve como fío narrativo que conecta a variedade de obras e instrumentos de vento ao longo do concerto. Nel conflúen tradicións da polifonía medieval e renacentista coa nova instrumentación e interpretación da obra, na que a audiencia terá un papel activo. Obras de orixinalidade e intensidade marabillosa alternan con recursos tímbricos e improvisación, elemento esencial da tradición organística.

Antes do concerto, ás 19:00 h, haberá un panel de conversa co autor, acompañado de Óscar Valado Domínguez e Xan Gómez Viñas, para achegarse ao significado da peza, a súa relación coa película e ás claves cinematográficas, teolóxicas e musicais que inspiran a composición.

Intérpretes: Verena Grundner, Patricia Nägele e Petra Szovák (frautas de bico), Andrés Díaz Pazos (frauta de bico e arranxos), Marta López Fernández (órgano), Javier María López Rodríguez (composición e dirección).

Preparación para a escoita: 19:00 h

Entradas dispoñibles na Zona C a partir do 24 de marzo

O ensemble Ars Atlántica, dirixido polo arpista Manuel Vilas, presenta en primicia para a clausura do festival Cidades de Ouro e Prata un proxecto nacido dun coidadoso traballo de investigación que recupera un patrimonio musical fermosísimo e case esquecido. O programa percorre músicas dos séculos XVII, XVIII e XIX, nun diálogo vivo entre a Península Ibérica e o antigo Vicerreinado do Perú.

Repertorios sacros en latín e quechua —procedentes de cidades como Ayacucho e Cuzco—, músicas do ámbito vicerreinal andino como yaravíes e un singular harawi de tradición incaica, conviven neste concerto cheo de contrastes, cor e memoria. Inclúense tamén obras procedentes do arquivo musical do Seminario de San Antonio Abad de Cuzco, unha das fontes máis valiosas para coñecer a música peruana.

O elenco instrumental ofrecerá unha ampla paleta sonora, con instrumentos que gozaron dunha notable presenza no Perú vicerreinal: desde o órgano de tubos ata a arpa peruana e a omnipresente guitarra, que definiron o son do Barroco hispano a ambos lados do Atlántico.

Intérpretes:
Magali Revollar, Diego Blázquez, voces
Marco Brescia, órgano
Sara Ruíz, viola da gamba
Aland López, guitarra
Manuel Vilas, arpa vicerreinal peruana e dirección

Entradas dispoñibles a partir do 24 de marzo na Zona C

A palabra é unha adaptación da obra teatral do dinamarqués Kaj Munk, pastor luterano e figura clave da resistencia espiritual contra o nazismo, asasinado pola Gestapo en 1944, que foi levada ao cinema maxistralmente por Carl Theodor Dreyer e premiada co León de Ouro en Venecia. A acción transcorre nunha pequena comunidade rural dinamarquesa e xira arredor dunha familia marcada pola tensión entre fe, razón e desesperanza. O filme explora o misterio da palabra como forza xenuinamente performativa: unha palabra que non describe nin acompaña, senón que actúa, que transforma e fai ocorrer o que ocorre. O estilo visual de Dreyer, austero e hipnótico, cunha luz de interiores que lembra á pintura de Vilhelm Hammershøi, crea unha atmosfera de espera, contemplación e misterio para un dos finais máis intensos e conmovedores da historia do cinema.

Esta proxección enmárcase no contexto da reestrea de A verba, de Javier María López, composta en 2018 e titulada a partir da obra de Dreyer, unha peza que establece un diálogo estético co filme e que se construíu arredor da secuencia Victimae paschali laudes, que lle dá unidade ao programa no que se insire.

Idioma: dinamarqués
Subtítulos: galego 

O ÓRGANO SAE Á RÚA- Encontro con Manuel Vilas, espazo de música en vivo e conversa

Un espazo de conversa, preparación para a escoita e música en vivo co arpista e investigador Manuel Vilas, que nos permitirá coñecer máis a fondo os contidos do programa que será interpretado o domingo, Cidades de ouro e prata, así como as músicas que nos chegaron do período do vicerreinado do Perú. A sesión combinará explicacións directas do intérprete con pequenos exemplos en vivo, creando un diálogo entre palabra e son que facilitará unha escoita máis profunda e consciente do concerto de clausura na igrexa do Carme. 

OUTRAS PAISAXES, OUTROS TONS DA CIDADE – Memoria silente: Os órganos de Compostela de fóra

Fóra do perímetro amurallado de Santiago, na Idade Media, fundáronse tres mosteiros: Santa María de Conxo, Santa María do Sar e San Pedro de Fóra. A documentación conservada indica que dous destes mosteiros, Conxo e o Sar, contaban cun órgano. Partindo desta presenza monacal extra muros, e tras un breve repaso á historia destes espazos, exploraremos a profunda relación entre o órgano e as ordes relixiosas, un vínculo que segue vivo hoxe.

Ao remate, na colexiata do Sar, terá lugar unha pequena intervención musical que devolverá ao templo o son dun órgano portativo, recuperando simbolicamente os sons que puideron escoitarse noutros tempos.

Punto de encontro: Arco de Mazarelos

A palabra é unha adaptación da obra teatral do dinamarqués Kaj Munk, pastor luterano e figura clave da resistencia espiritual contra o nazismo, asasinado pola Gestapo en 1944, que foi levada ao cinema maxistralmente por Carl Theodor Dreyer e premiada co León de Ouro en Venecia. A acción transcorre nunha pequena comunidade rural dinamarquesa e xira arredor dunha familia marcada pola tensión entre fe, razón e desesperanza. O filme explora o misterio da palabra como forza xenuinamente performativa: unha palabra que non describe nin acompaña, senón que actúa, que transforma e fai ocorrer o que ocorre. O estilo visual de Dreyer, austero e hipnótico, cunha luz de interiores que lembra á pintura de Vilhelm Hammershøi, crea unha atmosfera de espera, contemplación e misterio para un dos finais máis intensos e conmovedores da historia do cinema.

Esta proxección enmárcase no contexto da reestrea de A verba, de Javier María López, composta en 2018 e titulada a partir da obra de Dreyer, unha peza que establece un diálogo estético co filme e que se construíu arredor da secuencia Victimae paschali laudes, que lle dá unidade ao programa no que se insire.

Idioma: dinamarqués
Subtítulos: galego 

A primavera entra en Santiago de Compostela acompañada polas impresionantes procesións de Semana Santa. Os magníficos escenarios arquitectónicos da cidade histórica outorgan á conmemoración da Paixón de Cristo un esplendor único e unha solemnidade particular, que a distingue sen dúbida da doutras localidades de España.

Once irmandades compostelás percorren a cidade histórica, acompañadas polo son das cornetas e dos tambores.A Semana Santa compostelá conta, ademais, cun programa de concertos de órgano nalgunhas das principais igrexas monumentais da cidade para ofrecer un enriquecedor percorrido pola música sacra e espiritual. E é tamén o tempo de penetrar na intimidade das igrexas e conventos, abertos en horarios fora do habitual.

+Info: 

Procesións: 

https://www.santiagoturismo.com/axenda-cultural/semana-santa-2026-procesiones

 Visitas Recomendadas:

https://www.santiagoturismo.com/axenda-cultural/semana-santa-2026-visitas-recomendadas

 De Lugares e Órganos: https://www.santiagoturismo.com/axenda-cultural/de-lugares-e-rganos-2026

Xunta de Confrarías:
http://www.semanasantasantiago.es/

O ÓRGANO SAE Á RÚA- Encontro con Manuel Vilas, espazo de música en vivo e conversa

Un espazo de conversa, preparación para a escoita e música en vivo co arpista e investigador Manuel Vilas, que nos permitirá coñecer máis a fondo os contidos do programa que será interpretado o domingo, Cidades de ouro e prata, así como as músicas que nos chegaron do período do vicerreinado do Perú. A sesión combinará explicacións directas do intérprete con pequenos exemplos en vivo, creando un diálogo entre palabra e son que facilitará unha escoita máis profunda e consciente do concerto de clausura na igrexa do Carme.