Tradición renovada, sons de raíz en harmonía co presente. Un microcosmos folclórico no que as identidades converxen e crean comunidade. Achégate a gozar da intimidade, frescura e personalidade da música de Abril na Biblioteca de Galicia con motivo do Día das Letras Galegas.

Abril é un proxecto formado por Claudia Abril (voz e percusións) e Marina Carpente (violín e voz), no que melodías tradicionais galegas e ibéricas se reinterpretan con sonoridades actuais, marcadas por certa intimidade, personalidade e frescura. Unha proposta de folk contemporáneo na que instrumentos da música tradicional como a pandeireta, o pandeiro ou o violín folk dan lugar a un coidado repertorio que contribúe a poñer en valor a música tradicional galega sen renunciar á modernidade.

A Biblioteca de Galicia acolle a estrea de Canta compañeira canta, un proxecto musical no que Felisa Segade e Merchi Rodríguez aluden ás remudas, que non é máis que ese cambio de parellas para facer música nas festas de pandeireta, nas que as mulleres son as encargadas de tocar e cantar para que outros dancen. Unha reminiscencia do binomio representado por Adolfina e Rosa Casás Rama, dúas das cantareiras ás que se lles dedica o Día das Letras Galegas 2025.

Felisa Segade e Merchi Rodríguez foron compañeiras no grupo Leilía, pioneiro na reivindicación do papel das mulleres no folclore galego, que recuperaron ao longo dos anos o son das pandeiretas e as voces da tradición oral galega.

Gratuíto, con inscrición previa. Se as prazas están esgotadas, permanece atento/a, porque poden quedar prazas libres ou haber cancelacións.

O noso baile e música de raíz volven ateigar o Gaiás de muiñeiras e aturuxos, de alalás e pandeiradas: o Serán regresa á Cidade da Cultura —encadrado na programación destas Letras Galegas 2025— e coincidindo co arranque do verán e a celebración do Día Europeo da Música.

Entre o 20 e o 22 de xuño de 2025, ata un milleiro de artistas, intérpretes e especialistas na música e o baile tradicional de Galicia reuniranse na Cidade da Cultura neste IV Encontro Galego de Cultura Popular.

Novamente con Quique Peón como director artístico, o Serán’04 convídate a tres días de foliada nun encontro para tocar, cantar e bailar, para reencontrarnos, celebrar a nosa cultura propia e amosar a todo tipo de público a creatividade e riqueza da música e do baile galego.

Atardecer no Gaiás é un ciclo de concertos ao aire libre organizado pola Cidade da Cultura.

Gratuito e deseñado para gozar dos solpores de verán en Santiago de Compostela, presenta unha programación musical diversa: rap, neo‑tradicional, pop indie, electrónica e ritmos tropicais, entre outros. Desenvólvese na Praza Central do Gaiás os xoves e venres durante xullo e agosto, comezando ás 21:00 h .

The Rapants case non necesitan presentación. A banda, formada en Muros en 2018, leva animando desde entón festas e festivais por toda a Península Ibérica. Co seu último álbum La máquina del buen rollo (Premio MIN ao Mellor álbum en galego), e un son que surfea entre o pop, o garage e o disco, veñen a contaxiar a súa enerxía "rapante" e a facernos saltar ata gastar as zapatillas no primeiro concerto de Atardecer no Gaiás.

Atardecer no Gaiás é un ciclo de concertos ao aire libre organizado pola Cidade da Cultura. Gratuito e deseñado para gozar dos solpores de verán en Santiago de Compostela, presenta unha programación musical diversa: rap, neo‑tradicional, pop indie, electrónica e ritmos tropicais, entre outros. Desenvólvese na Praza Central do Gaiás os xoves e venres durante xullo e agosto, comezando ás 21:00 h .

Eris MacKenzie é o nome do proxecto en solitario de Carlos Eirís. Unha combinación de electrónica minimalista con música tradicional galega a través da que fala das experiencias felices ou non tanto que o marcaron (relacións afectivas, problemas familiares, autoesixencia excesiva...). O coruñés vén de sacar Meu Ceu: Cantigas industriais e brutalismo emocional (AAldea, 2025) un álbum de 14 temas concibido como un proceso de duelo e liberación.

Atardecer no Gaiás é un ciclo de concertos ao aire libre organizado pola Cidade da Cultura. Gratuito e deseñado para gozar dos solpores de verán en Santiago de Compostela, presenta unha programación musical diversa: rap, neo‑tradicional, pop indie, electrónica e ritmos tropicais, entre outros. Desenvólvese na Praza Central do Gaiás os xoves e venres durante xullo e agosto, comezando ás 21:00 h .

Ana Lua Caiano explora a fusión do folclore portugués coa electrónica, incorporando os sons do cotián e da tradición en melodías superpostas e letras poéticas que conectan fondamente co público. O seu nome emerxeu na escena portuguesa hai pouco máis dun ano e co lanzamento do seu disco debut Vou Ficar Neste Quadrado (Glitterbeat, 2024) logrou consquistar á crítica especializada internacional e a festivais como o Primavera Sound. 

Atardecer no Gaiás é un ciclo de concertos ao aire libre organizado pola Cidade da Cultura. Gratuito e deseñado para gozar dos solpores de verán en Santiago de Compostela, presenta unha programación musical diversa: rap, neo‑tradicional, pop indie, electrónica e ritmos tropicais, entre outros. Desenvólvese na Praza Central do Gaiás os xoves e venres durante xullo e agosto, comezando ás 21:00 h .

Calle Mambo veñen de Chile para presentar o seu terceiro disco, Retumba la Tierra, que editaron a comezos deste mes de xuño. O seu son busca unificar o folclore latinoamericano cos beats electrónicos e os ritmos urbanos, mostrando a riqueza das músicas do continente. Ata dez instrumentos tradicionais (quena, quenacho, charango, ronroco…) para invocar o baile e facer viaxar ao público pola diversidade de ritmos do outro lado do Atlántico. 

Tres nomes destacados no panorama da música urbana actual xúntanse no festival urbano de Atardecer no Gaiás, unha xornada especial na que alongamos aínda máis o solpor con Santa Salut, Dirty Suc e Al Safir.

Atardecer no Gaiás é un ciclo de concertos ao aire libre organizado pola Cidade da Cultura. Gratuito e deseñado para gozar dos solpores de verán en Santiago de Compostela, presenta unha programación musical diversa: rap, neo‑tradicional, pop indie, electrónica e ritmos tropicais, entre outros. Desenvólvese na Praza Central do Gaiás os xoves e venres durante xullo e agosto, comezando ás 21:00 h .

Viguesa con raíces brasileiras, Lua de Santana mestura pop, música club e soul en cancións nas que explora a súa identidade e os ritmos afrolatinos para estimular o baile. Inspirada por artistas como SZA, Nina Simone, Beyoncé e FKA Twigs, Lua comezou en 2024 unha carreira ascendente grazas ao éxito do single PiRi PiRi e o seu EP Ginga, que a deron a coñecer ao público e lle abriron as portas a colaboracións con artistas como Nathy Peluso.

Atardecer no Gaiás é un ciclo de concertos ao aire libre organizado pola Cidade da Cultura. Gratuito e deseñado para gozar dos solpores de verán en Santiago de Compostela, presenta unha programación musical diversa: rap, neo‑tradicional, pop indie, electrónica e ritmos tropicais, entre outros. Desenvólvese na Praza Central do Gaiás os xoves e venres durante xullo e agosto, comezando ás 21:00 h .

Con elementos que van dende o pop alternativo, o indie electrónico, o neo-jazz, o fado ou a música tradicional galega, Mocho Gris debutan con 2, un disco no que o galego Lucas de Centi (líder de Néboa e Mel, e colaborador de Baiuca e Aliboria) e o portugués João Neves (recoñecido artista luso e tamén colaborador de Baiuca) expanden os límites do pop ibérico, explorando as fendas entre diversos xéneros e trenzando un espazo sonoro propio.

Atardecer no Gaiás é un ciclo de concertos ao aire libre organizado pola Cidade da Cultura. Gratuito e deseñado para gozar dos solpores de verán en Santiago de Compostela, presenta unha programación musical diversa: rap, neo‑tradicional, pop indie, electrónica e ritmos tropicais, entre outros. Desenvólvese na Praza Central do Gaiás os xoves e venres durante xullo e agosto, comezando ás 21:00 h .

La Toñi, artista viguesa coñecida por ser a voz e líder do grupo pop Dalsi, transfórmase en solitario cunha proposta entre o europop e o synthpunk na que a tristura se baila. Temas que falan de amor, de resacas emocionais e que celebran a amizade forman o seu primeiro EP, M D Amor <3, editado en cassete en 2024, no que atopamos influencias de artistas como Crystal Castles, HEARTSREVOLUTION, Strawberry Switchblade ou CSS.

Atardecer no Gaiás é un ciclo de concertos ao aire libre organizado pola Cidade da Cultura. Gratuito e deseñado para gozar dos solpores de verán en Santiago de Compostela, presenta unha programación musical diversa: rap, neo‑tradicional, pop indie, electrónica e ritmos tropicais, entre outros. Desenvólvese na Praza Central do Gaiás os xoves e venres durante xullo e agosto, comezando ás 21:00 h .

Desde Berlín chegan á Praza central do Gaiás Melodiam, un dúo formado polas pontevedresas Almudena e Carlota. A súa é unha proposta electrónica e urbana con letras vitalistas que coida ao detalle a dirección de arte, a producción e a composición dos seus temas para construír un imaxinario persoal que toma inspiración de melodías globais. Bótalle un ollo a calquera dos seus vídeos, como Baby Girl ou o seu último single SERÁ M3JOR.

Atardecer no Gaiás é un ciclo de concertos ao aire libre organizado pola Cidade da Cultura. Gratuito e deseñado para gozar dos solpores de verán en Santiago de Compostela, presenta unha programación musical diversa: rap, neo‑tradicional, pop indie, electrónica e ritmos tropicais, entre outros. Desenvólvese na Praza Central do Gaiás os xoves e venres durante xullo e agosto, comezando ás 21:00 h .

Como xa é tradición, o escenario de Atardecer no Gaiás acollerá as propostas gañadoras na modalidade de música do certame Xuventude Crea 2024, co que a Xunta de Galicia premia o talento creativo máis novo. O R&B da canguesa Sara Gimeno, que levou o primeiro cos temas Quérote e Dans les rues de Bordeaux; e a fusión de jazz e indietrónica de Lontras (2º premio con Sangue no canal e Peixe no millo) actuarán na praza central.

Atardecer no Gaiás é un ciclo de concertos ao aire libre organizado pola Cidade da Cultura. Gratuito e deseñado para gozar dos solpores de verán en Santiago de Compostela, presenta unha programación musical diversa: rap, neo‑tradicional, pop indie, electrónica e ritmos tropicais, entre outros. Desenvólvese na Praza Central do Gaiás os xoves e venres durante xullo e agosto, comezando ás 21:00 h .

Sintetizadores e melodrama son as marcas da casa de Futurachicapop, unha das voces máis orixinais do pop actual. Himnos contaxiosos e confesionais nos que o amor, o desexo e a nostalxia son material para o baile e a autoafirmación queer. Literatura Romanticofestiva é o título do seu último traballo, unha reinterpretación e homenaxe ao pop chicle dos 2000s que xoga co eufórico e o melancólico para demostrar que o romanticismo segue vivo.

Pola súa parte, Kike Varela é un dos DJs de música electrónica con máis sona de Galicia. Muiñeira de Chantada foi unha das dez cancións en galego que máis soou en Youtube en 2023, e escoitouse tamén en pistas de baile, festivais, programas de tv e incluso no estadio do Depor. Gañar o concurso de DJs do Nova Era Beach abriulle a posibilidade de pinchar nun dos festivais máis grandes de Europa xunto a artistas como Timmy Trumpet ou Steve Aoki. Con el pecharemos esta edición de Atardecer no Gaiás.

Atardecer no Gaiás é un ciclo de concertos ao aire libre organizado pola Cidade da Cultura. Gratuito e deseñado para gozar dos solpores de verán en Santiago de Compostela, presenta unha programación musical diversa: rap, neo‑tradicional, pop indie, electrónica e ritmos tropicais, entre outros. Desenvólvese na Praza Central do Gaiás os xoves e venres durante xullo e agosto, comezando ás 21:00 h .

O Monte Gaiás convértese o sábado 30 de agosto nun gran club ao aire libre coa chegada de Wake Up! no Gaiás, unha maratón de música electrónica que se prolongará desde as 16:00 ata as 06:00 da mañá. O DJ brasileiro Mochakk, unha das figuras máis explosivas da escena internacional, será o gran protagonista dunha noite que promete ritmo, vangarda e celebración.

O festival de música electrónica Wake Up SDC regresa a Santiago de Compostela cunha nova edición que reúne DJs e artistas nacionais e internacionais en dúas xornadas dedicadas á música electrónica.

O evento consolidouse como unha das citas destacadas do calendario musical en Galicia, cunha proposta centrada en estilos como techno e house, e unha experiencia de gran formato en espazos emblemáticos da cidade.

No Te Va Gustar prepara a súa xira máis grande en Europa, despois de anos de éxitos internacionais e entradas esgotadas en cidades como Madrid, Barcelona e Zaragoza. Con numerosas colaboracións e 9 nominacións aos Latin Grammy, a banda consolida a súa proxección europea e internacional.

Escenas do cambio aposta este ano máis ca nunca por transcender os límites físicos de territorios e escenarios para a creación escénica de vangarda. Do 8 ao 11 de maio, o festival convoca na Cidade da Cultura e o Salón Teatro a artistas procedentes de oito países (España, Alemaña, Australia, Bélxica, Corea do Sur, Cuba, Portugal e Suíza) para dar forma a unha programación composta por 15 espectáculos que hibridan danza, teatro, música e artes vivas.

Baixo o título Lostopía, a directora artística do festival, Kirenia Martínez Acosta, deseñou un programa que convida a mergullarse no presente expandido no que habitan as sociedades contemporáneas, entre a nostalxia polo perdido e a busca de novas identidades, entre a resistencia ao cambio e a vontade de transformación, onde as artes dilúen todas as fronteiras e permiten imaxinar futuros posibles.

Escenas do cambio 2025 contará con 5 estreas absolutas: a espectacular Baunsbak, que trae a galega Elvi Balboa desde Cataluña; Fuga para o tempo presente, do dúo de investigación en danza portugués Nuisis Zobop; o atípico concerto de La María, o la espeluznante seducción de una canción de amor, que propón suíza de raíces mexicanas Raissa Avilés; O intanxible e o non mundo, proposta musical única de Mercedes Peón que só se poderá gozar en liña a través das pantallas, e Velaiquich, Amoorch!, última creación para espazos non convencionais do novísimo colectivo de danzas urbanas D'elas. Tamén o festival será o lugar no que medrará en residencia artística e se mostrará por primeira vez ao público o novo traballo de VACAburra, Familia Nijinska.

https://escenasdocambio.org/

Vente Vindo é un espectáculo de narración oral da man de Celso Fernández Sanmartín, poeta, colleitador e contador de historias que chega á Biblioteca de Galicia con motivo do Día do Patrimonio Inmaterial.

Celso leva anos percorrendo escenarios por toda a xeografía española e por boa parte de Europa, levando consigo o seu repertorio de contos, lembranzas e emocións compartidas. Como poeta, publicou varios libros; como contador, converte cada historia nun lugar ao que volver.

En 2022 foi recoñecido co Premio Rebulir da Cultura Galega polo seu labor na preservación e difusión da tradición oral da Comunidade.

Neste espectáculo Celso F. Sanmartín comparte un ramallo de historias de antano, lembranzas e contos recollidos da tradición oral que forman parte da súa maneira de mirar e contar o mundo.

Vente Vindo é unha oportunidade para escoitar historias contadas con verdade, humor e emoció

Dúas personaxes, dous camiños, dúas olladas: as de Afonso Daniel Rodríguez Castelao e Boris Savelev. A proposta escénica Olladas converxentes, de Oístes? Teatro en coprodución con Teatro En Punto, presenta unha obra inmersiva, creada especificamente para a segunda planta do Museo Centro Gaiás, que acolle neste momento as exposicións Castelao. Mirar por Galicia e Boris Savelev. Viewfinder, unha forma de mirar.

Dous corpos, un camiñar e un espazo museístico convertido en escenario vivo, onde o público se move libremente e se ve inmerso nunha acción dramática que se desenvolve en paralelo e simultaneamente en distintos puntos da sala. Cun elenco composto por Tyler McKechnie e Gloria Rico, esta peza semi-improvisada inspírase nas vidas e obras de Castelao e Savelev, máis próximas do que poidan parecer grazas aos seus trazos atemporais e universais.

Unha proposta na que o desprazamento e a participación activa do público, así como o contraste entre luz e escuridade —real e metafórico—, teñen un forte protagonismo nunha peza que busca superar os esquemas tradicionais de divulgación museística, dando vida ao contido expositivo ao integrar teatro e museo nun formato non convencional.

Dúas personaxes, dous camiños, dúas olladas: as de Afonso Daniel Rodríguez Castelao e Boris Savelev. A proposta escénica Olladas converxentes, de Oístes? Teatro en coprodución con Teatro En Punto, presenta unha obra inmersiva, creada especificamente para a segunda planta do Museo Centro Gaiás, que acolle neste momento as exposicións Castelao. Mirar por Galicia e Boris Savelev. Viewfinder, unha forma de mirar.

Dous corpos, un camiñar e un espazo museístico convertido en escenario vivo, onde o público se move libremente e se ve inmerso nunha acción dramática que se desenvolve en paralelo e simultaneamente en distintos puntos da sala. Cun elenco composto por Tyler McKechnie e Gloria Rico, esta peza semi-improvisada inspírase nas vidas e obras de Castelao e Savelev, máis próximas do que poidan parecer grazas aos seus trazos atemporais e universais.

Unha proposta na que o desprazamento e a participación activa do público, así como o contraste entre luz e escuridade —real e metafórico—, teñen un forte protagonismo nunha peza que busca superar os esquemas tradicionais de divulgación museística, dando vida ao contido expositivo ao integrar teatro e museo nun formato non convencional.

Que farías se herdases un caderno dunha amiga íntima de Begoña Caamaño? Nesta peza teatral coñecemos a historia dunha xornalista que decide gravar un podcast en vivo para contalo. Con motivo do Día Internacional da Muller, a Biblioteca de Galicia tráenos a estrea absoluta de Begoña Caamaño: o transgredir das ondas, unha peza que narra a historia de Begoña a ollos da súa íntima amiga África, a quen coñeceu un 8 de marzo de 1997.

A partir da relación entre as anotacións no diario e os diferentes momentos da vida profesional de Begoña, vaise reconstruíndo ante o público a traxectoria dunha creadora excepcional, implicada co feminismo e cos diversos movementos sociais nos que participou. Porén, durante a gravación deste podcast aparecerán diversos problemas técnicos que transformarán as ideas iniciais da xornalista e influirán de forma decisiva no seu relato, como se o propio espírito de Begoña quixese puntualizar algunhas das pasaxes narradas e, ao igual que as protagonistas das súas novelas, ser dona da súa historia.

Nesta obra con dramaturxia de Paula Carballeira, actuación de Rocío González e dirección de Chiqui Pereira conflúen teatro documental, teatro radiofónico e o xogo dramático baixo a forma de comedia de pantasmas, tratando temas como a autosuficiencia, a igualdade de xénero ou a importancia da liberdade de expresión no xornalismo.

Así, a Biblioteca de Galicia afonda, a través do teatro, na figura de Begoña Caamaño, a quen se lle dedican este ano as Letras Galegas. Unha escritora e xornalista, así como feminista e activista, que pasou a ser unha figura esencial da nosa historia. 

Partimos dun feito real: no ano 1880, Curros Enríquez foi denunciado polo bispo de Ourense por varios poemas do seu libro Aires da miña terra, unha das obras fundamentais do Rexurdimento Galego. A pesar do criterio contrario do fiscal, o proceso seguiu adiante e o escritor foi finalmente condenado. A partir destes feitos históricos, Cándido Pazó construíu O proceso, unha peza teatral en ton de sainete cómico que revive con humor, música e poesía este episodio pouco coñecido, abordando tamén temas sempre vixentes como a lingua, a cultura, a identidade e cuestións como o que hoxe se coñece como “lawfare”.

Tres actores e unha actriz dan vida a once personaxes distintos: figuras populares como un zapateiro, unha lavandeira, un taberneiro ou un músico militar; perfís burgueses como un boticario e a súa esposa; figuras institucionais como un crego, un bispo ou un xuíz; a figura intelectual do propio Curros Enríquez; e unha figura simbólica e poética, o “maio de flores cuberto”, dedicado á esperanza e lembrado nun dos poemas máis célebres do autor.

Diálogos áxiles e brillantes, humor, cancións, poesía e emoción combínanse nesta proposta que se presenta na Biblioteca de Galicia con motivo do Día do Teatro, achegando ao público un episodio histórico moi significativo da cultura galega.

Escenas do cambio 2026 propón un programa no que laten tres correntes interconectadas: o impulso do que persiste, o do que se revela e o do que se reinventa. Revelesencia é o termo —entre revelación, efervescencia e esencia— co que Kirenia Martínez, directora artística do festival, define unha liña de programación que interrelaciona estes tres camiños a través das artes escénicas.

O festival de teatro, danza e arte en acción da Cidade da Cultura celebra a súa duodécima edición do 7 ao 10 de maio con 11 propostas escénicas transnacionais nas que conviven artistas e compañías de Galicia, Euskadi, Cataluña, Illas Baleares, Illas Canarias, Madrid e tamén de Alemaña, Bélxica, Brasil, Colombia, Cuba, Guinea Ecuatorial, México, Portugal e Lituania.

A programación constrúese como un diálogo transnacional entre prácticas que entenden a creación escénica como unha forma de coidado, de escoita e de recomposición do presente, na que teñen cabida os saberes ancestrais, as memorias dos territorios, os afectos, os corpos fóra da norma e as ecoloxías sensibles.

As artes escénicas como territorio libre e cooperativo
O programa integra ata oito coproducións internacionais (El Vacío, La Cura, Fear:less, Hecatombe II, Arder Épica, Black Box, Horizontes Errantes, Entrecruzad@as) e tres a nivel nacional (52-Blau, Este himno llevará la palabra Euforia e La Calidesa). As obras con ADN galego non son alleas a esta tendencia, e así vemos a conexión Galicia-Euskadi-Navarra da compañía iXa, e o enlace Galicia-Portugal na obra que Hugo Torres estrea co apoio do Centro Dramático Galego, Trigo Limpio (PT) e o FITEI de Oporto.

Escenas do cambio 2026 conta con 3 estreas absolutas: 52-Blau, da compañía iXa, na que participa o Centro Coreográfico Galego como co-produtor; Black Box. Unha saga épica, de Hugo Torres, e a última creación de La Intrusa, Este himno llevará la palabra euforia, coa que a compañía vasca celebra o seu 30 aniversario precisamente no festival.

Escenas do cambio será tamén onde veremos por primeira vez en España as producións internacionais Fear:less, da artista alemá Silke Z., e dúas coproducións cubano-colombianas de danza e gran formato: El Vacío e La Cura, dirixidas por Julio César Iglesias Ungo cun elenco da Compañía Colombiana de Danza Contemporánea.

Juliana Reyes en Entrecruzad@as e a instalación escénica La Calidesa, de Société Mouffette, abordan as soledades actuais nas súas propostas. En rescatar memorias, saberes antigos, pegadas humanas e máis que humanas e construír relatos á marxe da historia oficial afánanse Arder Épica (Cap. 1), do brasileiro Reinal Ribeiro; Hecatombe II - Movementos e rituais para a renovación do mundo, da artista colombiana de orixe indígena Martha Hincapié Charry; e Horizontes errantes, a peregrinación artística de Laura Aris e Jakob Jautz a través da Selva Negra e o Camiño de Santiago.

Escenas do cambio 2026 propón un programa no que laten tres correntes interconectadas: o impulso do que persiste, o do que se revela e o do que se reinventa. Revelesencia é o termo —entre revelación, efervescencia e esencia— co que Kirenia Martínez, directora artística do festival, define unha liña de programación que interrelaciona estes tres camiños a través das artes escénicas.

O festival de teatro, danza e arte en acción da Cidade da Cultura celebra a súa duodécima edición do 7 ao 10 de maio con 11 propostas escénicas transnacionais nas que conviven artistas e compañías de Galicia, Euskadi, Cataluña, Illas Baleares, Illas Canarias, Madrid e tamén de Alemaña, Bélxica, Brasil, Colombia, Cuba, Guinea Ecuatorial, México, Portugal e Lituania.

A programación constrúese como un diálogo transnacional entre prácticas que entenden a creación escénica como unha forma de coidado, de escoita e de recomposición do presente, na que teñen cabida os saberes ancestrais, as memorias dos territorios, os afectos, os corpos fóra da norma e as ecoloxías sensibles.

As artes escénicas como territorio libre e cooperativo
O programa integra ata oito coproducións internacionais (El Vacío, La Cura, Fear:less, Hecatombe II, Arder Épica, Black Box, Horizontes Errantes, Entrecruzad@as) e tres a nivel nacional (52-Blau, Este himno llevará la palabra Euforia e La Calidesa). As obras con ADN galego non son alleas a esta tendencia, e así vemos a conexión Galicia-Euskadi-Navarra da compañía iXa, e o enlace Galicia-Portugal na obra que Hugo Torres estrea co apoio do Centro Dramático Galego, Trigo Limpio (PT) e o FITEI de Oporto.

Escenas do cambio 2026 conta con 3 estreas absolutas: 52-Blau, da compañía iXa, na que participa o Centro Coreográfico Galego como co-produtor; Black Box. Unha saga épica, de Hugo Torres, e a última creación de La Intrusa, Este himno llevará la palabra euforia, coa que a compañía vasca celebra o seu 30 aniversario precisamente no festival.

Escenas do cambio será tamén onde veremos por primeira vez en España as producións internacionais Fear:less, da artista alemá Silke Z., e dúas coproducións cubano-colombianas de danza e gran formato: El Vacío e La Cura, dirixidas por Julio César Iglesias Ungo cun elenco da Compañía Colombiana de Danza Contemporánea.

Juliana Reyes en Entrecruzad@as e a instalación escénica La Calidesa, de Société Mouffette, abordan as soledades actuais nas súas propostas. En rescatar memorias, saberes antigos, pegadas humanas e máis que humanas e construír relatos á marxe da historia oficial afánanse Arder Épica (Cap. 1), do brasileiro Reinal Ribeiro; Hecatombe II - Movementos e rituais para a renovación do mundo, da artista colombiana de orixe indígena Martha Hincapié Charry; e Horizontes errantes, a peregrinación artística de Laura Aris e Jakob Jautz a través da Selva Negra e o Camiño de Santiago.

O proxecto do Galiverso estrea unha nova experiencia de realidade virtual, Galiverso no corazón da pedra que propón unha viaxe ás entrañas da nosa terra para descubrir marabillas naturais, arqueolóxicas, etnográficas e históricas do noso territorio nas que a pedra, a que nos moldea e que, grazas á cantería esculpimos desde tempo inmemorial, será a protagonista.

A través do Galiverso no corazón da pedra poderás entrar sen risco en lugares inaccesibles como a cova de Eirós, cos seus gravados e pinturas rupestres, e nalgunhas das salas máis espectaculares da cova do Rei Cintolo. Tamén explorar enclaves singulares como o xacemento romano de Aquis Querquennis, a praia de area negra de Teixidelo ou o afloramento granítico do Penedo de Noiteboa. Ao poñer as lentes tan só tes que escoller no mapa virtual un dos sete destinos que ofrece a experiencia.

Para conseguir trasladalos á contorna dixital, o equipo de produción e gravación contou coa colaboración de expertos en arqueoloxía, historia e patrimonio, como os investigadores Arturo de Lombera Hermida e Tania Mosquera Castro, integrantes do equipo de escavación do xacemento de Eirós, así como persoal da asociación de espeleoloxía ao cargo das visitas á cova do Rei Cintolo, que fixeron de guías e axudaron a documentar da mellor maneira posible cada un dos enclaves.

O Galiverso no corazón da pedra tira proveito, ademais, das tecnoloxías dixitais para introducir elementos interactivos que fan máis interesante e espectacular a experiencia. Móvete con espírito curioso e intenta tocar coas túas mans virtuais calquera cousa que che chame a atención. De seguro atoparás máis dunha sorpresa!

Erupcións volcánicas, impactos de meteoros, grandes dioivos, xigantescos dinosauros, abraiantes criaturas mariñas... Orixes recrea unha natureza salvaxe onde volven á vida seres hoxe desaparecidos, pero tamén descubrimos outros que habitan a Terra desde hai millóns de anos, desde moito antes de que o ser humano pisara o noso planeta.

A experiencia sensorial inmersiva Orixes atravesa catro mil millóns de anos de evolución do noso planeta: desde unha inhabitable bóla incandescente, ata a extinción do temible tiranosauro-rex, pasando pola explosión da vida nos océanos ou a aparición dos primeiros grandes bosques na superficie terrestre.

A experiencia é accesible a partir dos 8 anos de idade, e as nenas e nenos menores de 12 deben realizala co acompañamento e vixilancia dunha persoa adulta responsable que deberá adquirir tamén unha entrada.

Na Cidade da Cultura festexamos o Día Mundial do Circo con Xampatito Pato e un espectáculo no que o teatro de monicreques e o mundo do circo se entretecen nunha fermosa historia onde todos os engrenaxes xiran á perfección. Un mundo surrealista e onírico e un relato sen palabras que hipnotizan a cativada e abraian a nena ou neno que todas as persoas adultas fomos nun tempo. 

Xampatito Pato é o proxecto escénico de Jesús Velasco Otero, artista multidisciplinar que destaca pola súa destreza e creatividade, calidades que se materializan na escena en espectáculos de gran beleza cos que o público conecta desde o primeiro momento. Con diferentes compañías e espectáculos, xirou e levou a súa arte a cidades de China, Rusia, Croacia, Suiza, Francia, Italia, Portugal e todo o territorio nacional.

No marco dunhas Letras Galegas dedicadas á poesía popular oral e á figura das nosas cantareiras, no Gaiás convidámosvos a un obradoiro familiar de cantigas tradicionais e percusión miúda para deconstruírmos xuntas as letras da tradición galega, propoñer outras novas e aprender a tocar con obxectos cotiáns: desde culleres ata cunchas.

As pandeireteiras e cantareiras son símbolo de resistencia e sororidade: cantadoras, tocadoras e bailadoras lideraban seráns e foliadas e a súa figura foi fundamental na preservación e transmisión da nosa cultura popular oral. Porén, as cantigas tradicionais tiñan a miúdo nas súas letras unha compoñente sexista na que non sempre reparamos.

Partindo deste contexto, chega esta proposta especialmente concibida para público infantil e adolescente e pensada para realizar en familia. Comezando cunha análise con perspectiva de xénero de coplas do cancioneiro tradicional, as persoas participantes crearán xuntas novos textos baseados en conceptos de igualdade e non violencia. Todo isto acompañado da aprendizaxe de instrumentos de percusión miúda: elementos da vida cotiá como cunchas, culleres, botellas ou piñas, cos que acompañar musicalmente esta nova copla afastada dos estereotipos sexistas.

Re—cantos | Interpretación compartida de cantigas de Adolfina e Rosa 

Ao remate do obradoiro, as persoas participantes no mesmo —acompañadas de todas aquelas que visiten o Gaiás e se animen a sumarse a esta proposta— realizarán unha interpretación compartida de dúas das cantigas das irmás Adolfina e Rosa Casás Rama. Unha actividade participativa que convida a cidadanía a unirse arredor da nosa música tradicional coa celebración das Letras Galegas como marco xeral.

Con este chamamento aberto a cantar xuntas nunha improvisada foliada e co acompañamento de percusión de man, procúrase poñer en valor a música tradicional e a súa transmisión interxeracional. A partir da actividade elaborarase un vídeo que será compartido posteriormente nas redes sociais da Cidade da Cultura, servindo como memoria audiovisual do evento e como ferramenta de difusión do patrimonio inmaterial galego.

Información práctica

— Obradoiro didáctico, para público infantil (a partir de 4 anos) e adolescente. O obradoiro está concibido para realizar en familia: os nenos e nenas deberán estar acompañadas dunha persoa adulta responsable, que participará activamente da actividade e deberá tamén mercar entrada

— Entradas: 3€

— Duración: 90 minutos

Narración oral, música, obxectos e novas tecnoloxías para exaltar a herdanza de todas as mulleres homenaxeadas no Día das Letras Galegas ao longo do tempo.

A Biblioteca de Galicia acolle o obradoiro Desde Rosalía ata as cantareiras, unha proposta multidisciplinar dirixida a nenos e nenas de entre 5 e 12 anos para exaltar a herdanza de todas as mulleres homenaxeadas no Día das Letras Galegas, desde Rosalía de Castro ata as Cantareiras, facendo especial fincapé nestas últimas e no Cancioneiro Popular.

Esta proposta de A Xanela do Maxín pon en valor as mulleres que deixaron unha pegada inesquecible na literatura, na música e no teatro galegos, e que destacaron pola súa creatividade, compromiso e contribución á nosa cultura, co fin de achegar as súas historias aos máis pequenos.

Que pasaría se puidésemos coñecer a Castelao cando era neno? Un neno de 8 anos, aventureiro, pícaro e cheo de imaxinación, xogando polos peiraos de Rianxo, debuxando máscaras de Entroido e escoitando historias da Santa Compaña dende o campanario. Esta obra achéganos a ese pequeno Daniel, que está a piques de marchar para a Arxentina… pero antes, ¡desaparece!

A Biblioteca de Galicia acolle esta proposta teatral con motivo do Ano Castelao: un espectáculo vibrante e cheo de humor dirixido por Fina Calleja e protagonizado por Mónica Caamaño e Cris Collazo. Unha peza pensada para o público infantil que convida a participar activamente nunha historia chea de maxia e memoria.

A tensión dramática medra co reloxo: hai que atopar a Castelao antes de que zarpe o barco. A súa compañeira de viaxe é Baltasara, unha figura misteriosa que vive en todas partes e en ningunha, e que nos guía por un percorrido máxico polos recunchos máis lendarios da vila. Entre xogos, palabras e debuxos, o neno Castelao terá que superar os desafíos que lle agardan antes de cruzar o océano.

Un espectáculo divertido, trepidante e cheo de poesía visual que achega por primeira vez a figura de Castelao ao público infantil, poñendo en valor a súa creatividade, o seu amor polo país e a súa maneira única de mirar o mundo.

Moito máis ca un concerto:  unha experiencia pensada para gozar en familia ao ritmo dos grandes clásicos dunha das bandas máis lendarias da historia da música. Cun formato dinámico e participativo, o espectáculo percorre as cancións máis emblemáticas dos Beatles —como “Twist and Shout”, “Yellow Submarine” ou “Hey Jude”— nunha proposta que mestura música en directo, humor e moita complicidade co público da man de Rock en familia. Cada tema é unha porta aberta á emoción, ao movemento e á descuberta, tanto para os máis pequenos como para os maiores que medraron escoitando estas melodías inesquecibles.

Con coidada posta en escena e músicos que transmiten paixón dende o primeiro acorde, Beatlemanía convida a cantar, bailar e compartir momentos únicos entre xeracións. Un plan perfecto para vibrar xuntos este verán, deixar atrás a rutina e mergullarse no universo sonoro dos Beatles, dunha forma accesible, divertida e chea de boas vibracións.

A Cidade Imaxinaria volve ao Gaiás para facer do monte un lugar de ensoño: cadeiras que cantan, animais xigantes, acrobacias imposibles, xogos para deter o tempo e pequenas marabillas para que goce xente miúda e grande. Este 6 de setembro de 17:00h a 22:00 a cativada colle o mando da Cidade da Cultura para convertela nun lugar cheo de maxia. 

Unha tarde de sábado para pechar o verán por todo o alto. 15 propostas entre as que atopamos espectáculos fixos, itineracias, zonas de xogos e estimulación da creatividade. Haberá tamén un espazo gastronómico para familias.

Celebrada entre 2011 e 2019, a Cidade imaxinaria é unha das citas clásicas da programación infantil do Gaiás, congregando a milleiros de familias ao longo das súas once edicións previas. En 2023 retomouse tras un parón durante e pandemia e no 2024, a diferencia doutros anos, as actividades concentraranse nunha xornada de tarde. Neste 2025, as actividades comezan e rematar unha hora mais tarde (de 17:00h a 22:00h) para que os nenos e nenas máis maiores poidan gozar dun espectáculo adaptado as súas idades á noitiña.

Coñecedes a Rosiña? É unha galiña moi especial: pon ovos de conto! Dentro de cada un agocha personaxes sorprendentes que agardan ser descubertos. Mais a pobre está nun apuro: encargáronlle varias ducias de ovos para a feira e soa non pode con tanto traballo. Queredes botarlle unha man?

Neste obradoiro creativo en conmemoración do Día da Alfabetización, a narración oral e a plástica danse a man para convidar á rapazada a mergullarse nunha historia que medra coa súa participación. Primeiro coñecerán a vida da galiña e escoitarán o que acontece no seu galiñeiro máxico. Despois, entre todas e todos, irán recollendo ovos, descubrindo os personaxes que se esconden no seu interior e dando forma a un conto colectivo. Para iso, aprenderán a modelar novos bonecos cos que darlle vida aos seus personaxes. Ademais, levarán consigo a receita da masa para seguir xogando e inventando na casa.

A galiña dos ovos de conto é unha proposta participativa, lúdica e creativa, na que literatura, artes plásticas e fantasía se mesturan para promover o desenvolvemento artístico dende idades temperás. 

Rimas, xogos de palabras, cancións e moito humor! Migallas Teatro trae á Biblioteca de Galicia o espectáculo Brincadeiras de lingua.  Unha proposta que mestura  narración oral, monicreques e música para redescubrir a enorme riqueza da literatura popular infantil galega en conmemoración do Día Europeo das Linguas.

A través dunha divertida escolma de ditos tradicionais a cativada poderá gozar, rir e participar, ao tempo que se fomenta a transmisión destas expresións tamén no ámbito familiar.

Un plan perfecto para que pequenos e maiores compartan a maxia das palabras da nosa tradición!

Misteriosos retos e arrevesadas pistas agóchanse nos corredores da exposición Castelao. Mirar por Galicia... A vosa misión? Resolvelos todos para descubrir as palabras agochadas e formar con elas a mensaxe oculta que resume o espírito da mostra, e tamén a vida e o pensamento de Castelao.

Nesta xincana por equipos en formato escape room atoparedes un feixe de enigmas para poñer a proba o voso enxeño, ao tempo que vos achegades dunha forma lúdica e inmersiva á figura e ao legado dunha das figuras máis senlleiras da historia de Galicia. Aceptades o reto?

Gaiás Inspira
Castelao e as palabras agochadas está encadrada en Gaiás_Inspira, unha nova liña de programación que abrangue diferentes actividades divulgativas, lúdicas e didácticas ao redor das exposicións do Museo Centro Gaiás, dirixidas tanto a público adulto como infantil e xuvenil, con propostas innovadoras que converten as salas do Museo nun espazo vivo, aberto á participación do público, ao xogo e á aprendizaxe compartida.

Información importante para a reserva
A actividade está concibida para público mozo e familiar e para realizar en equipos de entre 2 e 6 persoas. A idade recomendada é a partir de 12 anos.
En caso de que algún/ha integrante do grupo sexa menor de 12 anos, deberá estar acompañado/a dunha persoa adulta responsable (que tamén forme parte do equipo).
Cando realicedes a inscrición (nesta mesma páxina), debedes cubrir os nomes de todas as persoas integrantes do equipo, cun mínimo de 2 e un máximo de 6 persoas por grupo.

O día da actividade
Punto de encontro: á vosa chegada, dirixídevos ao mostrador de entrada do Museo Centro Gaiás, onde recibiredes as instrucións antes de subir á sala de exposicións.
Para realizar a actividade é imprescindible traer un dispositivo móbil con batería cargada e acceso á rede, no que se recibirán as pistas e enigmas para avanzar na aventura.
A duración máxima da proba é dunha hora, aínda que poderá ser menor dependendo da vosa rapidez na resolución dos enigmas.

Un espectáculo para público infantil e familiar que combina música, narración e ilustracións ao vivo na Biblioteca de Galicia en conmemoración do Día da Música. Ramona Órbita, unha súper muller labrega da Serra do Courel, é xefa na horta, boa coa tecnoloxía, ecoloxista e inventora dunha horta cibernética de patacas automáticas e dunha incrible máquina do tempo, o seu mellor invento.

Con ela viaxamos ao pasado e ao futuro en busca de tecnoloxía para crear un mundo máis ecolóxico e con enerxías limpas. A través de cancións, historias e ilustracións, descubrimos diferentes épocas: desde a prehistoria, onde compartimos churrasco de mamut con Manolo Cavernario, ata o Renacemento, co encontro con Leonardo da Vinci, ou o Antigo Exipto, con Ramsés e as súas curiosas aventuras.

Paco Cedeira, Pakolas, guiaranos coa súa forza interpretativa e o seu humor por todo un universo musical e Laura Romero será a ilustradora a cargo de aportar unha nova dimensión visual coa creación en directo de debuxos.

Unha experiencia divertida, educativa e musical que ensina sobre ciencia, historia e sustentabilidade.

Misteriosos retos e arrevesadas pistas agóchanse nos corredores da exposición Castelao. Mirar por Galicia... A vosa misión? Resolvelos todos para descubrir as palabras agochadas e formar con elas a mensaxe oculta que resume o espírito da mostra, e tamén a vida e o pensamento de Castelao.

Nesta xincana por equipos en formato escape room atoparedes un feixe de enigmas para poñer a proba o voso enxeño, ao tempo que vos achegades dunha forma lúdica e inmersiva á figura e ao legado dunha das figuras máis senlleiras da historia de Galicia. Aceptades o reto?

Gaiás Inspira
Castelao e as palabras agochadas está encadrada en Gaiás_Inspira, unha nova liña de programación que abrangue diferentes actividades divulgativas, lúdicas e didácticas ao redor das exposicións do Museo Centro Gaiás, dirixidas tanto a público adulto como infantil e xuvenil, con propostas innovadoras que converten as salas do Museo nun espazo vivo, aberto á participación do público, ao xogo e á aprendizaxe compartida.

Información importante para a reserva
A actividade está concibida para público mozo e familiar e para realizar en equipos de entre 2 e 6 persoas. A idade recomendada é a partir de 12 anos.
En caso de que algún/ha integrante do grupo sexa menor de 12 anos, deberá estar acompañado/a dunha persoa adulta responsable (que tamén forme parte do equipo).
Cando realicedes a inscrición (nesta mesma páxina), debedes cubrir os nomes de todas as persoas integrantes do equipo, cun mínimo de 2 e un máximo de 6 persoas por grupo.

O día da actividade
Punto de encontro: á vosa chegada, dirixídevos ao mostrador de entrada do Museo Centro Gaiás, onde recibiredes as instrucións antes de subir á sala de exposicións.
Para realizar a actividade é imprescindible traer un dispositivo móbil con batería cargada e acceso á rede, no que se recibirán as pistas e enigmas para avanzar na aventura.
A duración máxima da proba é dunha hora, aínda que poderá ser menor dependendo da vosa rapidez na resolución dos enigmas.

Neste Nadal no Gaiás construiremos un milleiro de soños para que viaxen como barcos polo tempo.

Na Cidade da Cultura agárdavos Soños de Argonautas, unha paisaxe máxica habitada por esferas luminosas e corredores inchables: un lugar onde agroman historias tan repletas de aventuras como as dos lendarios tripulantes do Argos, que sucaron os mares da imaxinación ata os nosos días.

Obradoiros para vivir nas nubes e para engalanar a árbore de Nadal con grilandas ateigadas de desexos. Un espectáculo teatral dentro do primeiro globo estático da historia, un escape room no Museo para poñer a proba o voso enxeño, unha aventura virtual para visitar o Apalpador, e moito máis!

+INFO

Regresa á Cidade da Cultura a edición especial do Galiverso de Nadal, pensada para que os máis pequenos e pequenas da casa entren virtualmente na casa do Apalpador e descubran como vive esta figura da Navidad en Galicia.

Esta experiencia interactiva en realidade virtual está adaptada para nenos e nenas a partir de 6 anos*, cunha duración aproximada de 5 minutos, seguindo as recomendacións de uso de realidade virtual para idades temperás. O límite de tempo serve tanto para evitar a fatiga asociada a un uso prolongado das gafas como para que o maior número de persoas poida acceder á instalación.

A experiencia é gratuita, pero é necesaria a reserva de praza en Ataquilla.com ou no despacho de billetes do Museo Centro Gaiás. Rogamos comprobar os horarios e días de apertura no enlace de reserva.

Información práctica:

• Acceso gratuíto con reserva previa en Ataquilla ou no despacho de billetes do Museo Centro Gaiás.

• A partir de 6 anos. Menores de 12 anos deben estar acompañados/as por un adulto responsable durante toda a experiencia.

• Horario mañá: 11.00 a 14.30 h (última entrada 14.00 h)

• Horario tarde: 16.00 a 20.00 h (última entrada 19.30 h)

• Aforo: 5 postos individuais simultáneos

• Duración aproximada: 5 minutos

*Menores de 12 anos deben ir acompañados/as dun adulto responsable.

Esta é a historia de Mariña, unha nena que grazas ao aburrimento se converte en idea! O seu pensamento ten forma de tarabela de cores. Unha tarabela de 2.20m de altura que cada vez que xira fará que se lle vaian ocorrendo un lote de ideas mentres xoga na súa habitación. Así, irase enfrontando a dragóns, a xigantes, aprenderá a usar o inxenio e ata tocará o violoncello. Usará a linguaxe do xogo, mediante a cal poderemos entrar no seu universo, no que encarnará a distintos personaxes fantásticos. E a iso tamén nos axudarán os seus enormes xoguetes, a música, os efectos visuais e sonoros e o vestiario.

Xogar é medrar e tamén aprender. O xogo é a linguaxe coa que as nenas e nenos descobren o mundo e, sobre todas as cousas, é diversión!

En marzo chega Gaiás en xogo: unha xornada lúdica e familiar que converte a Cidade da Cultura nun gran espazo onde non existe o aburrimento. Coa curiosidade como guía e a experimentación como ferramenta, convidámosvos a probar seis propostas diferentes pensadas para tocar, construír, imaxinar, investigar e transformar.

Desde instalacións sensoriais e arquitecturas inchables ata obradoiros de creación, xogos tradicionais e espazos de experimentación artística. Un convite a descubrir, sorprenderse e compartir, para converter cada experiencia nunha aventura gozosa!

Con reserva de praza

— A GORIDA DOS SENTIDOS | Instalación sensorial para bebés (0 a 2 anos)

— BINOMIOS FANTÁSTICOS | Laboratorio creativo (+6 anos)

— CONSTRUÍR CON AIRE | Obradoiro de arquitectura inchable

Acceso libre

— PLAYSCAPE DELUXE | Instalación artística de gran formato (1 a 6 anos)

— EMPAQUETADOS | Obradoiro creativo con cartón reciclado

— XOGOS TRADICIONAIS | Espazo de experimentación libre

Galiverso regresa á Cidade da Cultura de Galicia cunha proposta inmersiva que permite explorar virtualmente o patrimonio cultural e natural de Galicia. A través da realidade virtual, o público poderá percorrer espazos como o antigo Portomarín antes da construción do encoro de Belesar, ou visitar lugares de gran valor como a cova de Eirós, a praia de Teixidelo, o Canón do Sil ou a cripta do Apóstolo na Catedral de Santiago.

A experiencia inclúe diferentes contidos desenvolvidos dentro desta iniciativa, que combinan innovación tecnolóxica e divulgación patrimonial, permitindo viaxar tamén polos fondos mariños da costa galega ou polos centros da Rede de Museos de Galicia.

Acceso: De balde con reserva previa (Ataquilla ou no propio museo)
Horario: Martes a venres, de 16:00 a 20:00 h; fins de semana e festivos, de 11:00 a 14:00 h e de 16:00 a 20:00 h
Idade recomendada: A partir de 8 anos (menores de 12 acompañados)

Travesía Unicornio chega á Biblioteca de Galicia co gallo do Día do Libro Infantil e Xuvenil, da man de Teatro Ghazafellos.

A obra, adaptación teatral de Pepablo Patinho do libro de María Canosa, gañador da primeira edición do Premio Anisia Miranda de teatro infantil e publicado por Edicións Embora en marzo de 2023, conta a historia dun neno e o seu unicornio que se atopan cunha xenio que lles promete cumprir os seus desexos. Para conseguilo, deberán escoitarse, aceptarse e respectar tamén os desexos dos demais.

Un espectáculo cheo de humor que cuestiona os roles tradicionais de xénero e abre a porta a que nenas e nenos elixan libremente os seus gustos.

Pequefilmes cumple 10 anos e volve ao Gaiás celebrar o seu aniversario! O fin de semana do 27 e 28 de febreiro e 1 de marzo poderedes gozar do mellor cinema miúdo na Cidade da Cultura.

Con seccións oficiais a concurso pensadas para cativada de entre 0 e 12 anos e obradoiros para que os nenos e nenas poidan deixar voar a súa creatividade. Ademáis, como cada ano, será o público o encargado de escoller cos seus votos aos gañadores desta décima edición.

+INFO

A AC. O Galo presenta o libro Personaxes da Galiza Medieval IV, unha nova entrega do proxecto co que a entidade continúa a contribuír á recuperación da memoria histórica de Galicia. Este volume percorre os séculos nos que o país era un reino de seu e desenvolvía unha estrutura económico-social protofeudal e feudal que define esa época. A obra reúne textos de diversos autores que abordan figuras clave da nobreza galega e o contexto político “atlantista” fronte ao modelo “mediterranista” impulsado por Aragón e Castela ata finais do século XV. As persoas asistentes recibirán un exemplar de agasallo. É necesario inscribirse en comunicacion@ogalo.gal antes do 26 de febreiro ás 17.00 h.

Pequefilmes cumple 10 anos e volve ao Gaiás celebrar o seu aniversario! O fin de semana do 27 e 28 de febreiro e 1 de marzo poderedes gozar do mellor cinema miúdo na Cidade da Cultura.

Con seccións oficiais a concurso pensadas para cativada de entre 0 e 12 anos e obradoiros para que os nenos e nenas poidan deixar voar a súa creatividade. Ademáis, como cada ano, será o público o encargado de escoller cos seus votos aos gañadores desta décima edición.

+INFO

A xornada “Cartografía en 20 trazos. Rolda de micropresentacións”, enmarcada no programa Enreda-Delas. I Encontro Profesional de Mulleres da Arte Urbana, ofrece un espazo dinámico onde artistas, xestoras e investigadoras amosan as súas traxectorias a través de pecha-kuchas, permitindo coñecer estilos, proxectos e novas formas de comunicación cultural. As curadoras internacionais Lara Seixo Rodrigues e Anna Dimitrova acompañarán a sesión, retroalimentando as presentacións das 20 profesionais seleccionadas pola equipa de Acción Cultural da Cidade da Cultura. A actividade busca fomentar redes profesionais, abrir novas vías de colaboración entre axentes públicos e privados e poñer en valor a diversidade e innovación da arte urbana en Galicia.

Os panos e mantóns do traxe galego eran unha das obsesións do escultor Francisco Asorey. O artista foi atesourando ao longo da súa vida unha boa colección, que moitas veces mercaba directamente á súa propietaria, para empregalos como referencias á hora de vestir en madeira as súas esculturas.

No obradoiro Da madeira ao pano, percorreremos o camiño inverso ao artista para estampar na tea motivos florais, formas vexetais e elementos orgánicos que reinterpretan de maneira accesible e contemporánea a estética do pano tradicional presente na obra de Asorey.

A actividade ofrece unha experiencia creativa en familia que combina artesanía, memoria e tradición e, ademais, as persoas participantes poderán levar para casa o seu propio pano estampado. Empregarase a técnica do esterxido, método que consiste en debuxar a figura a reproducir nun papel groso ou similar e delimitar o seu contorno con buracos polos que se aplica a pintura.

O obradoiro desenvolverase o sábado 7 de febreiro en dúas quendas de tarde: de 16 a 18 h e de 18 a 20 horas). Poderán participar públicos de todas as idades, aínda que as nenas e nenos menores de 10 anos deberán realizar a actividade acompañados dunha persoa adulta responsable. As entradas poden adquirirse a través da web de Ataquilla. 

Ás veces está ben perderse é un laboratorio de creación escénica dirixido a corporalidades disidentes, pensado como espazo de investigación, xogo e creación a partir do propio corpo e da identidade de cada participante. Desenvolverase os días 27 e 28 de febreiro en tres sesións conducidas Magda Labarga no Espazo REGA 2 da Cidade da Cultura.

Esta formación, gratuita, está dirixida a artistas con e sen discapacidade, persoas xordas, estudantes e profesionais do teatro, da danza e performers, e propón afastarse dun teatro psicolóxico tradicional para explorar novas linguaxes escénicas nas que o corpo, o espazo e a percepción se converten en materiais centrais do proceso creativo, xerando un espazo común de aprendizaxe accesible, inclusivo e colaborativo. As inscricións poden realizarse a través deste formulario en liña ata o 20 de febreiro de 2026

O laboratorio nace do desexo de traballar xunto a artistas con diversidade funcional, persoas xordas e corpos non normativos, e está directamente vinculado á creación do espectáculo Somos os monstros, coprodución de Berrobambán xunto ás compañías portuguesas Comédias do Minho e o Centro Dramático Galego, a partir do texto de Paula Carballeira.

Será impartido por Magda Labarga, narradora oral, directora e autora cunha ampla traxectoria en procesos de creación escénica inclusiva, tanto a nivel estatal como internacional. O seu traballo desenvolveuse en colaboración con institucións como o Centro Dramático Galego, o Institu del Teatre de Barcelona ou a AECID, sendo una referencia no ámbito da escena social e da diversidade funcional.

O sábado 17 de maio de 2025 celébrase a XI Carreira Camiño das Letras, unha cita que une deporte, cultura e simbolismo. A proba principal, de 15 km, partirá do Pico Sacro e seguirá o Camiño do Sueste ata a Cidade da Cultura. Tamén haberá unha carreira de 5 km polo Gaiás e o Bosque de Galicia, así como probas para menores de categorías sub6 a sub16. Organizada por Xurdir coa colaboración da Consellería de Cultura, Lingua e Xuventude, esta iniciativa conmemora o Día das Letras Galegas promovendo a lingua e o patrimonio a través do deporte.

O sábado 7 de xuño regresan a Holi Gaiás e a Peque Holi para encher a Cidade da Cultura de cor e despedir a primavera como se merece cun evento lúdico, deportivo e para todos os públicos. A sétima edición desta carreira festiva xa está en marcha para gozar dun sábado de xuño en familia ou con amizades, cubríndose co tradicional po de cores durante o percorrido e na gran festa final.

A actividade está pensada como unha opción para practicar deporte de forma saudable e pasar un bo rato cheo de diversión nun espazo tan singular e vistoso como é o Monte Gaiás.

Patrocinada por Viaqua e coa colaboración da Federación Galega de Atletismo, Gadis e Coca-Cola, a Holi Gaiás trae á Cidade da Cultura o seu espírito festivo e non competitivo, no que o importante non é gañar, senón celebrar as últimas semanas dunha estación como a primavera cunha explosión de música e cores, inspirada no festival Holi da India. Este ano, como novidade, doarase un euro de cada inscrición á Fundación Andrea, que traballa con nenos e nenas con enfermidades crónicas, de longa duración ou terminais. As persoas que non participen na carreira pero queiran colaborar poderán mercar o Dorsal 0, cuxa recadación irá integramente destinada a esta fundación.

+INFO

O baile das esculturas

Neste entroido 2026 as esculturas do museo cobran vida, baixan do seu pedestal e organizan un gran baile. Como serían as esculturas se puideran moverse e bailar? Como vestirían? Que cores levarían? Este ano, convidamos aos nenos e nenas a reimaxinar a obra de Asorey e convertila nun gran baile de esculturas!

Unha visita á exposición Francisco Asorey, unha recuperación necesaria bastará  para percatarse de que no museo habitan personaxes moi distintos: aviadores, escritores con bigote, labregos e labregas, xente da burguesía, animais que parecen saídos dun conto como un xatiño, un lobo ou un gato e, sobre todo, roupas fermosas e coloridas.

Este baile de entroido é un convite a deixar voar a imaxinación e gozar non só da festa, senón tamén dos preparativos, do momento de fantasear sobre que traxe levar ou como reinterpretar estampados e teas. Convidamos á cativada e maiores a facer o seu propio traxe con tecidos e materiais reutilizados como telas vellas, sabas, panos, cartón ou brillos!

A tarde estará chea de música dende o comezo coa pinchada musical de Marifaltri, un concerto do tributo Lembra Xabarín e un obradoiro de danza urbana da man de Vella Escola e, por suposto, o xa tradicional concurso de disfraces!

Dádelle ás á imaxinación para deixar coa boca aberta ao público e ao xurado do noso concurso de disfraces. Este ano, o xurado camiñará entre o público ao longo da tarde para premiar os mellores traxes! Animámosvos a buscar ideas nas esculturas de Francisco Asorey e nos personaxes que habitan o museo: labregos e labregas, animais, figuras históricas, tecidos, cores e formas que parecen saír da pedra para cobrar vida. E, aínda que o obxectivo principal é pasalo ben, as persoas premiadas poderán levar un agasallo especial inspirado en Xabarín Club, así como un lote de libros en galego.

Info práctica

— Espectáculo familiar

— Entrada: 3 €  (+gastos de xestión) á venda en Ataquilla.com ou no despacho de billetes do Museo Centro Gaiás

— Todas as persoas (adultas e menores de idade) deben adquirir unha entrada para acceder ao espectáculo

Programa da festa

  16.30 h | Apertura de portas e comezo do baile con Picadiscos Marifaltri

  17.30 h | Concerto Tributo Lembra Xabarín

  18.30 h | Obradoirode danza urbana con Vella Escola

  19:30 h | Anuncio dos premios

  Peche do recinto ás 19.45 h

Horizontes Errantes é unha peregrinación artística entre Alemaña e España, un proxecto de arte en movemento co que Laura Arís e Jakob Jautz transforman a experiencia de camiñar nunha creación escénica de danza contemporánea, música e teatro físico.

Unha performance con múltiples rostros que se presentará ao público galego o 27 de setembro no Salón de convencións do Edificio CINC, con entrada libre ata completar capacidade.

Durante 15 días, Laura Arís e Jakob Jautz percorreron a pé os camiños entre Tübingen e Friburgo (atravesando a Selva Negra en Alemaña) e entre Villanueva de Santo Adriano e Santiago de Compostela (seguindo o Camiño Primitivo), recollendo historias, sons, paisaxes e encontros significativos.

O camiño —coas súas voces humanas e non humanas— convértese con Horizontes errantes en corpo, movemento e relato. A proposta convida a habitar o mundo desde a lentitude, a escoita e a transformación. Camiñar como un acto poético de resistencia crítica e á vez sensible, que —a pesar da realidade distópica— evoca sentimentos de esperanza e conexión.

Este domingo 9 de novembro achegádevos á xornada de portas abertas do VI Fairway na Cidade da Cultura de Galicia en Santiago de Compostela. Haberá acceso libre e unha programación cargada de experiencias: espazo feiral con expositores de destinos, unión profesional, e un especial protagonismo das propostas gastronómicas. Un día para gozar, aprender e descubrir o mundo dos camiños nun ambiente aberto á cidadanía.

A xornada desenvolverase entre as 10:00 e as 20:00 horas, con visitas guiadas pola Cidade da Cultura, degustacións de produtos galegos, obradoiros, música en directo e actividades para público familiar. O Open Day converterá o Fairway nun punto de encontro entre profesionais e visitantes, un espazo para vivir o Camiño de Santiago desde múltiples perspectivas.

Está dirixido a rapaces de 17 a 30 anos que forman parte  do ecosistema científico, investigador ou empresarial galego ou representan a universidades, centros tecnolóxicos ou entidades colaboradoras.

SINTE nace como un espazo de pensamento e diálogo ao redor da creación dixital contemporánea, os seus retos e oportunidades. O 20 e 21 de novembro, a primeira edición deste Foro Internacional de Arte e Cultura Dixital reúne en Santiago de Compostela algunhas das voces máis recoñecidas do momento neste ámbito.

Artistas, estudios, especialistas en xestión cultural e representantes dalgúns dos espazos de exhibición máis dinámicos e innovadores achegarán no Gaiás a súa visión sobre o presente e o futuro da arte e das industrias creativas nun contexto onde as transformacións tecnolóxicas están a exercer unha presión inusitada sobre o campo cultural, os consensos das últimas décadas semellan esgotarse, e onde emerxe unha nova arte dixitalizada e, con ela, novos coñecementos e novos interrogantes.

Nun momento onde os espazos son definitivamente híbridos, onde a distribución instantánea e os algoritmos loitan pola nosa atención e onde tecnoloxía e públicos condicionan a obra, SINTE procura respostas: que é a cultura cando todo muda?

Destacadas voces da creación dixital

O foro abrirá cunha conferencia plenaria de Bani Brusadin, comisario de programación de Medialab Matadero, un dos espazos culturais máis dinámicos e innovadores de España no eido da creación contemporánea.

O estudio italiano fuse*, axente imprescindible na escena internacional da arte dixital actual, será o protagonista doutra das conferencias plenarias do encontro, compartindo co público o proceso creativo dunha das súas pezas máis emblemáticas: Onírica (). Trátase dunha obra audiovisual que explora a dimensión dos soños mediante algoritmos capaces de traducir a imaxes os relatos das visións nocturnas de preto de 30.000 persoas, afondando así no uso expresivo dos modelos xerativos, intelixencias artificiais e algoritmos.

SINTE abrirá tamén un espazo para experimentar en primeira persoa propostas de referencia internacional na arte dixital contemporánea. Por unha banda, cunha dobre función do coreógrafo e bailarín xaponés Hiroaki Umeda, unha das principais figuras da escena de vangarda no país nipón. Por outra, poderá verse por vez primeira en Galicia Materia, un dos espectáculos con visuais en directo do artista bretón Maotik, que fusiona arte e ciencia nunha peza onde as imaxes xerativas e o deseño de son se sincronizan e manipulan en directo evocando as transición dun estado a outro da materia.

Completan o programa catro mesas redondas nas que participan destacadas figuras procedentes do ámbito artístico e creativo, pero tamén da empresa, da xestión cultural, ou o eido curatorial.

Do soño á apocalipse. Os vieiros da literatura fantástica en galego é unha exposición da Biblioteca de Galicia que pretende reivindicar a importancia deste xénero literario, moitas veces estigmatizado como ‘menor’ e decotío asociado a un público infantoxuvenil.

Esta mostra, a través de máis de 100 pezas bibliográficas custodiadas na Biblioteca de Galicia, así como gravados, manuscritos e outros materiais achegados por autores e autoras expostas, pon en valor a literatura fantástica tanto escrita orixinalmente en galego como a traducida ao noso idioma. 

A maioría das editoriais galegas careceron de coleccións específicas destinadas á literatura fantástica ata principios de século. Esta mostra pretende desterrar os prexuízos que existen sobre o xénero.

Ao longo da historia, as mulleres sempre foron relegadas nas marxes da educación artística. Expedientes para o establecemento dunha escola de nenas nos que se especificaba que o interese que existía para que as mulleres aprenderan a debuxar era, unicamente, que puideran despois trasladar a aprendizaxe a labores de bordado, citas nas que se expoñía que as nenas debían sentarse lonxe dos nenos para non distraelas, ou escritos nos que se explicaba que as nenas tiñan que atender a clase polas mañás porque ningún pai querería que a súa filla volvese a casa de noite.

A escaseza de alumnas matriculadas e a súa práctica inexistencia dentro dos cadros de persoal do profesorado demostran as grandes dificultades que tiñan as mulleres para accederen a ensinanzas artísticas. Con motivo do Día Internacional da Muller, o Arquivo de Galicia inaugura a exposición Mulleres artistas: aprendendo o oficio, que reflicte o difícil camiño ao que moitas tiveron que enfrontarse para conseguir o recoñecemento social da súa capacidade creadora, así como o acceso á educación artística.

A mostra exhibe un total de 39 documentos orixinais de entre 1785 e 1962 procedentes dos fondos da Real Sociedade Económica de Amigos do País e a Escola de Artes e Oficios. Informes, regulamentos de funcionamento das escolas, fotografías, láminas utilizadas como modelos para a aprendizaxe do debuxo ou exercios realizados polas alumnas son algúns dos materiais que podemos atopar nesta mostra e que reflicten a situación das mulleres na educación artística en Santiago de Compostela.

Rafael Úbeda leva pintando sete décadas. A exposición Úbeda. Visión retrospectiva abrangue unha ollada completa da súa traxectoria creativa, afondando nos fitos máis relevantes da súa obra e das pezas representativas que marcaron cada etapa do camiño. 

O artista, logo de sete décadas en activo, representa unha parte da historia da arte que enriquece o patrimonio de Galicia, así como unha das figuras das artes plásticas máis notables en España con conexións en diferentes lugares e escolas de Europa.

Esta mostra supón un relato pictórico que ten en conta as súas etapas vitais, moi vencellada aos lugares nos que habitou (Pontevedra, Madrid, Holanda e Italia). A exposición propicia unha viaxe polo universo e a biografía dun creador que representa un dos nomes principais da pintura galega. Así, o Museo Centro Gaiás reúne nesta mostra 56 pinturas, cinco debuxos e unha peza audiovisual inédita que axuda a comprender a súa evolución.

Unha exposición para poñer o foco en todas as mulleres que mantiveron viva a poesía e a música de tradicional oral e para coñecer tamén como foi evolucionando a súa recollida e posta en valor ao longo dos tempos. Tesoureiras do noso é unha mostra na que a Biblioteca de Galicia, con motivo do Día das Letras Galegas 2025, recompila libros, cancioneiros e material audiovisual para comprender a todas esas mulleres que comezaron a tocar e cantar con pratos e sachos por pura necesidade de diversión e goce ata chegar co seu legado aos escenarios. 

O Museo Centro Gaiás abre as súas portas á noitiña con motivo do Día Internacional dos Museos e propón unha serie de visitas especiais para experimentalo como espazo acolledor, contemporáneo e cargado de posibilidades. Ao longo de dúas xornadas, o sábado 17 e o domingo 18 de maio, poderedes habitar o museo gozando de música en directo e dun petisco para acompañar o baile, mergullándovos en experiencias inmersivas e interactivas e tamén descubrir como funciona por dentro o grande espazo expositivo da Cidade da Cultura.

Todas as actividades son gratuítas e pensadas para todos os públicos. Consulta os horarios, información e fai a túa reserva para as visitas especiais nesta mesma web.

Este ano, o Día Internacional dos Museos leva por lema O futuro dos museos en comunidades en constante cambio, e celebra como estes centros culturais están dando forma a un futuro máis inclusivo, innovador e sostible.

+INFO

Plastic biontes é unha intervención nas Torres Hejduk que pretende un diálogo, a través do lixo, entre a Cidade da Cultura e a cidade de Santiago. As torres como faros, como puntos de referencia social, como símbolos que unen a historia, a memoria e a posibilidade dun futuro aínda por imaxinar e construír. 

Plastic biontes reflexiona sobre os límites entre o "natural" e o artificial, cada vez máis difusos, e na interdependencia das formas de vida. Propón unha mimese entre o existente e o novo, nesas simbioses que nos axudan a imaxinar formas de vida futura, a prestar atención ás ameazas pero que tamén nos interpelan a imaxinar formas de adaptación, colaboración e resiliencia.

Ambas intervencións empregan restos de materiais que proveñen das cadeas de produción industriais de empresas próximas, reutilizándoos e resignificándoos para transformar a pel das torres. Un xogo entre o visible e o invisible.

Recuperar a imaxinación, o poder de observación, do próximo, do que existe ao noso arredor pero que é invisible aos ollos. Facer visible a abundancia axúdanos a entender quen somos.

BORIS SAVELEV. Viewfinder, unha forma de mirar é a retrospectiva máis ampla realizada ata agora do fotógrafo Boris Savelev (Chernivtsi, Ucraína, 1947), artista premiado en PHotoEspaña 2024 cuxa mirada se forxou na Unión Soviética nos anos 70. Foi aló, primeiro como parte do prestixioso club Novator e máis adiante como freelance para publicacións rusas e estranxeiras, onde comezou a capturar instantáneas á marxe dos temas preestablecidos e as ríxidas regras estéticas do sindicato oficial de fotógrafos.

A exposición, comisariada por Adam Lowe, percorre seis décadas nas que Savelev se converteu nun incansable cazador da vida anónima das cidades, elmento fundamental na súa procura por revelar a fraxilidade do tecido urbano. Chernivtsi, Moscova, San Petersburgo, Nova York, Londres, Madrid, Dresde ou Vigo, cidade que o acolleu tras abandonar o seu país natal logo da invasión rusa, aparecen retratadas na mostra en diferentes épocas. En todas elas, a pesar do paso do tempo, somos quen de compartir o punto de vista do fotógrafo e comprender o que está mirando en cada momento. Instantes nos que os detalles —a tapa dun sumidoiro, unha sombra, un raio de luz— transmiten emocións e nos descobren unha realidade poética e complexa.

Castelao. Mirar por Galicia representa a experiencia tecnolóxico-cultural máis avanzada ata o momento ao redor de Alfonso Daniel Rodríguez Castelao, un percorrido para atravesar o devir persoal, literario, artístico e político dunha das figuras máis senlleiras da historia de Galicia.

Intelixencia artificial, hologramas, videoproxeccións ou realidade virtual combínanse nun relato que nos traslada unha visión anovadora da súa vida, das súas achegas e do seu universo artístico, recreado aproveitando o potencial das tecnoloxías de animación 3D e dos motores de intelixencia artificial. O proxecto, que abrirá as súas portas no Museo Centro Gaiás o 26 de xuño de 2025, conta coa asesoría e dirección histórico-artística de Miguel Anxo Seixas Seoane, presidente da Fundación Castelao e posiblemente o maior especialista na biografía, obra e achegas da figura de Castelao.

As animacións e produción dixital recaen no estudio Maxina, empresa galega especialista no deseño de efectos visuais, animación 3D, visualización e experiencias inmersivas, fundada polos irmáns Noela e Carlos Seijo. Maxina combina sensibilidade artística e novas tecnoloxías e conta con máis de 10 anos de experiencia nos que colaborou co Guggenheim de Bilbao, a Xunta de Galicia, Afundación, Ferrovial ou Netflix, sendo responsables de proxectos do Gaiás como Orixes ou Hábitats.

Dirección artística: Carlos Seijo. Asesoría histórica: Miguel Anxo Seixas Seoane

Phygital Land explora a construción do espazo virtual desde a dimensión física, reflexionando sobre como percibimos o dixital e o tanxible cando ambos mundos se entrelazan. O termo phygital —que combina physical (físico) e digital (dixital)— define unha experiencia híbrida que atravesa toda a intervención e nos convida a repensar a relación entre o natural e o tecnolóxico. Empregando técnicas como a fotogrametría e a impresión 3D, xéranse esculturas que son ao tempo datos e materia, así como proxeccións animadas que revelan a mirada da máquina.

Dano Cerebral Galicia inaugura a exposición fotográfica “Contemos multitudes” o mércores 22 de outubro ás 11:00 horas no Museo Gaiás, Cidade da Cultura, Santiago de Compostela. Subtitulada “Dano cerebral adquirido, onde as cousas perdidas volven estar ben”, a mostra reúne imaxes de Fuco Reyes das persoas participantes no Laboratorio Artístico e Creativo, unha iniciativa que ofrece formación en fotografía a persoas con dano cerebral adquirido, promovendo a expresión, o goce do tempo libre e o enriquecemento persoal.

A exposición está organizada pola Asociación Dano Cerebral Galicia e comisariada por Fuco Reyes e Carla Miranda, co deseño gráfico de Xaime Fandiño e produción de Axeitos&Co. Contará con dous bloques: retratos realizados polo docente con apoio de testemuños manuscritos das persoas fotografadas, e 37 traballos fotográficos resultantes das prácticas do Laboratorio, centrados no relato biográfico e na reflexión sobre as secuelas do dano cerebral.

A inauguración contará con representantes institucionais, intervencións de Fuco Reyes e dunha das persoas participantes, e unha visita guiada para todas as persoas asistentes. A mostra poderá visitarse ata o 8 de decembro no horario habitual do Museo Gaiás.

É o último gran proxecto expositivo do ano na Cidade da Cultura. Unha mostra coa que afondar, desde unha ollada contemporánea, no complexo mundo estético do artista que soubo sintetizar as novas correntes escultóricas europeas coa raíz galega.

 A exposición aborda, desde unha óptica contemporánea, o complexo mundo creativo do artista de Cambados, figura imprescindible na historia da arte galega e un dos renovadores da escultura española do século XX.

Comisariada por Miguel Fernández-Cid e coordinada por Carmen Asorey, neta do artista e figura esencial na reivindicación da súa obra e vida, a mostra reúne unha selección das obras máis importantes do escultor. Desde as pezas iniciais nas que podemos apreciar as súas primeiras eleccións estéticas, ata as esculturas en madeira nas que desenvolve unha iconografía de claras raíces populares e un tratamento singular da policromía, así como tamén a súa obra monumental, presente en toda a xeografía galega. Un conxunto formado por esculturas, escaiolas, debuxos, audiovisuais, documentos da época e ferramentas de traballo, ademais das cerámicas coas que se popularizaron algunhas das súas obras máis significativas, para contextualizar e dar a coñecer da maneira máis completa a relevancia artística e histórica de Asorey.

Xornadas Fotográficas “Tempos Modernos” | 28 e 29 de novembro – Santiago de Compostela

Fotoforum Compostela organiza as Xornadas Fotográficas “Tempos Modernos”, un encontro dedicado á creación visual contemporánea con conferencias e espazos de diálogo na Sede de Afundación e na Sala Eisenman. Profesionais como Carmen Dalmau, Rosa Neutro, Vari Caramés ou Marcelino Agís ofrecerán diversas perspectivas sobre a fotografía actual.

No marco das xornadas, a Sala Eisenman acollerá do 29 de novembro ao 3 de decembro a exposición colectiva “Tempos Modernos”, con obras de socias e socios de Fotoforum Compostela que reflexionan sobre identidade, vida contemporánea e os desafíos dos tempos hipermodernos. Entrada libre.

As estacións do ano é unha exposición de arte contemporánea singular que convida a abrir os sentidos, camiñar devagar e mergullarse en cada obra. Partindo dun concepto de inmersión espacial, o Museo Centro Gaiás convértese nun lugar onde sentir a arte a través dos sons, da temperatura, das cores e das texturas, coa primavera, o verán, o outono e o inverno como os grandes escenarios das nosas vidas.

A comisaria da mostra, a artista e investigadora, Mónica Alonso, seleccionou coidadosamente cada pintura, escultura, fotografía, instalación e vídeo, deseñando un percorrido que pon o foco no valor emocional, sensorial e simbólico da experiencia artística.

Nesta viaxe percorreremos paisaxes, bodegóns, esculturas e imaxes indiscutiblemente evocadoras da memoria individual e colectiva de cada estación en Galicia. A choiva e a neve, o mar, o verde das montañas, as flores ou plantas e froitos como o millo, as verzas ou a pataca xorden non só como motivos estéticos, senón como compoñentes fundamentais da vida e da identidade galega.

Do Movemento Rexionalista de principios do século XX ata as xeracións máis novas que están a gañar recoñecemento a nivel estatal e internacional, As estacións do ano reúne máis de 80 pezas de 63 artistas, procedentes das coleccións de arte públicas e privadas máis destacadas de Galicia. Entre elas, a Colección de Arte Afundación, a Colección de Arte ABANCA, as fundacións María José Jove, Luis Seoane e Eugenio Granell, así como o Centro Galego de Arte Contemporánea, os museos de Belas Artes da Coruña, Pontevedra e Lugo, ou as galerías Nordés e Trinta.

Como será o internet do futuro? Vivimos xa no metaverso?

Unha reflexión sobre as implicacións éticas, legais, sociais e económicas dos mundos virtuais

A exposición Mundo expandido. Entre o físico e o virtual explora os límites da realidade física e da simulación dixital e afonda nos efectos da explosión dos mundos virtuais nas nosas vidas.

A través de 80 pezas, entre as que se atopan desde obxectos históricos dos séculos XVIII e XIX, instalacións inmersivas, videoxogos, aplicacións de realidade aumentada e reflexións sobre o metaverso de diversos artistas nacionais e internacionais, a mostra explora a pulsión humana por habitar mundos simulados. Ao mesmo tempo, convida a reflexionar sobre a relación actual entre a realidade física e os mundos virtuais, e sobre as súas implicacións éticas, filosóficas, legais, sociais e económicas.

A globalización, a hipervixilancia, a desigualdade, as identidades dixitais, ou a organización social e códigos de conduta en comunidades virtuais son algúns dos temas, de fonda actualidade, presentes nunha mostra que pon o foco nunha sociedade que habita entre o real e o virtual. 

Trátase dun proxecto de Fundación Telefónica, que puido verse orixinalmente na súa sede en Madrid entre novembro de 2023 e maio de 2024 e itinerou posteriormente ao Perú, exhibíndose entre xuño e novembro do 2024 no Museo de Arte de Lima (MALI). A súa estancia no Museo Centro Gaiás da Cidade da Cultura é a primeira itinerancia en España desta mostra.

O Arquivo de Galicia inaugura a exposición Mulleres sobranceiras. Luísa Villalta. Música, palabra e compromiso, grazas á recente doazón do arquivo persoal da autora por parte da súa familia. Esta doazón converte ao Arquivo nunha das institucións de referencia para o estudo da figura de Luísa Villalta e permite achegar ao público a vida e obra dunha das intelectuais máis brillantes da súa xeración.

A mostra reúne máis de 60 pezas entre as que se atopan apuntes e borradores da súa obra, correspondencia con escritores e escritoras, así como folletos e programas de actos nos que participou. O percorrido expositivo permite descubrir as diferentes facetas dunha muller que destacou como música, escritora, tradutora e docente, e que practicou múltiples xéneros literarios: poesía, teatro, ensaio e xornalismo de opinión. En todas elas emerxe sempre a súa paixón, o seu compromiso e a súa mirada crítica e sensible.

Ademais, complétase coa exposición de algunhas das súas publicacións, procedentes da súa biblioteca persoal e do fondo da Biblioteca de Galicia, ofrecendo unha visión máis completa do seu legado intelectual e cultural.

A mostra está comisariada polos técnicos do Arquivo de Galicia Miguel López Sánchez e María del Mar García Miraz, e forma parte da iniciativa que desde 2016 o Arquivo desenvolve con motivo do Día Internacional da Muller: inauguracións de exposicións temporais que poñen en valor o papel das mulleres ao longo da historia.

Esta exposición é unha oportunidade única para mergullarse na vida, obra e compromiso de Luísa Villalta, e para recoñecer a importancia do seu legado na cultura galega e no pensamento contemporáneo

Voces do Pacífico reúne máis de 200 obxectos procedentes das coleccións do British Museum, unha das máis relevantes de arte de Oceanía a nivel internacional. A exposición propón un achegamento ás culturas do Pacífico situando os seus pobos no centro do discurso expositivo, poñendo en valor tanto pezas históricas como un conxunto significativo de obras de artistas contemporáneos oceánicos que reinterpretan e manteñen vivas as tradicións ancestrais. 

A mostra estrutúrase en sete ámbitos temáticos que permiten afondar na diversidade cultural, artística e espiritual de Polinesia, Melanesia e Micronesia, abordando prácticas como o tecido, a danza, o tallado, a navegación ou as loitas polo territorio e os recursos.

Ao longo do percorrido, a exposición preséntase como un convite á reflexión e á acción, salientando a creatividade, a innovación e a resiliencia que caracterizan estas comunidades. Desde unha perspectiva contemporánea, o discurso establece unha conexión directa cos retos globais actuais, especialmente co impacto do cambio climático, que ameaza de forma crítica a supervivencia de moitas illas do Pacífico debido á subida do nivel do mar.

Deste xeito, Voces do Pacífico configúrase como un recoñecemento ás culturas oceánicas ancestrais como fonte de coñecemento fundamental para afrontar os desafíos medioambientais do presente.

DATAS APROXIMADAS

O ciclo Atardecer no Gaiás trae concertos gratuítos, os xoves e venres entre  xullo e agosto, para gozar dos mellores solpores do verán en Compostela.

+INFO

DATAS APROXIMADAS

O Encontro de Cadernos de Viaxe Compostela Ilustrada, nace no ano 2016 da man de El Patito Editorial e a dirección de Miguelanxo Prado, como un salón de inverno na cidade de Santiago, aberto a cadernistas de todo o mundo. O obxectivo que persegue este evento, que ten lugar durante o segundo fin de semana do mes de novembro, é traer aos mellores profesionais desta arte para compartir as súas experiencias a través de conferencias, exposicións e xornadas de debuxo en vivo cos participantes.

+ INFO