O cómico Juan Dávila chegará a Santiago de Compostela os días 6 e 7 de novembro co seu espectáculo El Palacio del Pecado, unha das propostas de humor máis exitosas do momento. Con ambas funcións xa esgotadas, o show confirma o enorme tirón do artista, que converte cada parada da súa xira nun auténtico fenómeno de público. Baseado na improvisación e na interacción directa co público, o espectáculo ofrece unha experiencia única en cada sesión, marcada por un humor irreverente, dinámico e imprevisible.

Edén Serrano presenta o seu monólogo máis salvaxe, irreverente e divertido.

Con un estilo único, directo e mordaz, Edén farate rir sen parar mentres explora, sen filtros, temas como o amor, a familia, os prexuízos, o absurdo da vida cotiá ou a actualidade. Humor intelixente, reflexións orixinais e anécdotas sorprendentes combínanse nun show fresco e diferente, con leves toques de humor negro e destellos de interacción co público.

Tras o éxito da tempada pasada, Edén Serrano regresa con novas reflexións, novas anécdotas e a mesma tontería de sempre.

Non perdas este espectáculo único e goza dunha noite de risas e humor sen censuras!

Goyo Jiménez – América Forever (The final refrito)

Despois de conquistar América… sen saír de España, e de demostrarnos que estadounidenses e o resto da humanidade convivimos no mesmo planeta por un erro administrativo, Goyo Jiménez regresa con América Forever: The final refrito, a recompilación definitiva dos mellores momentos da súa mítica triloxía “Aiguantulivinamérica”.

Pero este espectáculo tamén trae material novo: porque Estados Unidos cambiou, o mundo cambiou… e Goyo Jiménez tamén. Un show actualizado que revisita os tópicos americanos cun humor afiado e contemporáneo, mesturando reflexión e comedia nunha auténtica festa da risa.

Un espectáculo imprescindible para rir, recoñecerse e mirar o mundo cunha nova perspectiva… sempre co inconfundible selo MADE IN GOYO.

"Probando bien" é o novo espectáculo de comedia en vivo de David Puerto, onde a frescura e a espontaneidade se mesturan para ofrecer unha experiencia única.

En "Probando bien", o crowdwork e aimprovisación mestúranse perfectamente coa música e o stand-up clásico creando un ambiente onde o ritmo e as risas van da man. As luces, os espazos e a música convertense en parte do espectáculo, envolvendo ao público nunha viaxe chea de humor, ritmo e enerxía. Un espectáculo que rompe as barreiras tradicionais da comedia, xogando coa  improvisación e a beleza musical, e onde o público é parte fundamental da acción.

Miguel Lago volve “máis libre que nunca”, un espectáculo que confirma por que leva dezaseis anos consecutivos enchendo os teatros de España. Fiel á súa tradición, chega con material completamente renovado: novas rutinas, novos chistes e a garantía dun humor tan orixinal como atrevido, capaz de facerche rir sen descanso.

Cada tempada, un show distinto. Así é Lago.

Unha vez máis, abrirá as portas do seu Comedy Club, convertendo o teatro nun auténtico templo da comedia. Máis de 50.000 espectadores desfrutaron a pasada tempada desta revolución do clásico espectáculo unipersonal, onde Miguel Lago desprega unha liberdade creativa absoluta.

Función tras función, Lago demostra por que é un dos grandes referentes do stand-up no noso país. A súa proposta, co empaque dos grandes teatros de Broadway, convérte cada noite nunha experiencia irrepetible.

Un espectáculo vivo, cambiante, que podes ver varias veces ao longo da tempada… e rir aínda máis en cada ocasión.

Imprescindible.

O humorista Jorge Bolaños chega por primeira vez a Santiago de Compostela para presentar Animal de Compañía, o seu novo espectáculo. Tras percorrer escenarios de España e países como Arxentina, Uruguai, México ou Colombia, o artista amosa a súa faceta máis polifacética nun show que combina imitacións, improvisación e música, sempre coa risa como protagonista.

Despois de propostas como Ate-Risa como puedas ou Perreando, neste novo espectáculo presenta unha versión máis madura, abrindo ademais espazo para a interacción co público nunha proposta dinámica e participativa.

Clara Beltrán e Tomás Chamorro deciden fundar o seu propio medio dixital independente. Teñen talento. Teñen ambición. Pero só son dous.

Para parecer unha redacción sólida, inventan unha ducia de identidades. Baixo eses nomes ficticios comezan a publicar noticias que eles mesmos asinan. O experimento funciona: medran os lectores, dispáranse os clics.

Ata que un bulo creado para xerar tráfico acaba destapando un escándalo político real de enormes dimensións. Da noite para a mañá, o seu pequeno proxecto convértese no medio máis consultado do país… e no obxectivo de todos os poderes.

Atrapados, deberán decidir que é máis importante: a verdade… ou o éxito.

Unha comedia áxil, sofisticada e ferozmente actual sobre o teatro cotián do xornalismo e o prezo da credibilidade.