O Día Internacional dos Museos celebrarase o domingo 18 de maio con programación especial en distintos espazos culturais da cidade.

O Museo da Catedral ofrecerá visitas guiadas gratuítas ao Panteón Real, a San Martiño Pinario, e á colección de tapices.

Outros centros como o Museo das Peregrinacións, o CGAC, o MUPEGA ou a Cidade da Cultura tamén acollerán actividades especiais como obradoiros, visitas comentadas e xornadas de portas abertas.

O Museo do Pobo Galego ademais de ofrecer entrada gratuita durante o día 18, organiza o venres 16 (21 horas) unha deriva «senso-sonora» da man de Elsa Pereira. 

No Museo da Casa da Troia, o 15 de maio haberá visitas guiadas de balde cada media hora.

Tamén a Fundación Eugenio Granell súmase á celebración con xornadas de portas abiertas, concertos e visitas guiadas. 

O Festival Plataforma é unha cita anual ineludible para os amantes da cultura e as artes, achegando diversos públicos coa súa proposta interdisciplinar. Entre o 21 e o 25 de maio o festival dinamizará as rúas e prazas da cidade, con performances, música, cinema, danza, propostas escénicas, encontros, talleres, exposicións, conferencias performativas e arte contemporánea.

Grazas a súa natureza transversal, o Festival Plataforma intégrase á perfección coa programación cultural compostelá, así coma na rede galega de institucións públicas e privadas que colaboran con este festival. Un ano máis, Plataforma aposta polo talento local e a igualdade, facendo da cultura o eixe integrador do patrimonio compostelá. Nesta edición os escenarios da programación serán espazos como a Praza das Praterías, o parque de Bonaval, a Fundación DIDAC, a sala do cinema NUMAX, o Centro Sociocultural Santa Marta, a sede de SGAE Sociedad General de Autores e Editores, a Igrexa da Universidade, a sala Riquela ou o CGAC, Centro Galego de Arte Contemporánea, ademais de recuperar a Sala Agustín Magán para usos escénicos.

+INFO E PROGRAMA COMPLETO

Este primeiro Open galego de Rallyslot é o resultado da unión de seis clubes de slot de toda Galicia: Muíña Slot, Club Scalextric Ferrolterra, Clube Slot Luces, Mangallo Slot, Mosslot e Slot Club Porriño. 

Os seis clubes están na organización deste evento de referencia a nivel autonómico. Durante tres días, un centenar de pilotos competirán en dez tramos Ninco, con cronometraxe individual. Seguirán o regulamente oficial RNR e haberá diversas categorías en xogo, desde vehículos preparados ata coches en serie.

A gran final incluirá aos cincuenta máis rápidos. O slot é unha evolución do clásico Scalextric, pero cun enfoque máis técnico e competitivo. É unha afección que combina a precisión técnica, a habilidade e a velocidade. Os coches en miniatura terán unha escala 1:32.

Un evento creado para dinamizar a economía, o comercio e a hostalaría. Do 6 ao 8 de xuño haberá foros profesionais, actividades culturais e gastronómicas, eventos deportivos e accións solidarias pensadas para todos os públicos.

VENRES 6

FORO TECH DEPORTE & EMPRESA
Cidade da Cultura
20:00h

COPEO BEACH SRA. CARMIÑA
Campus Universitario
16:00 - 01:00h

MONÓLOGO CARLOS BLANCO
Sala Capitol
21:30h

SÁBADO 7

EXPOBUSINESS COMPOSTELA
Parque da Alameda
10:00 - 20:00h

MARKET
Parque da Alameda
10:00 - 20:00h

DEPORTE EN VIVO
Campus Universitario
10:00 - 20:00h

COMPOS(TECH)LA
Parque da Alameda
10:00 - 20:00h

SHOWCOOKING
Mercado de Abastos
13:30 - 16:00h

EXPOSICIÓN ART FOR DENT
Fundación Granell
12:30h

SINATURA DE LIBROS E COLOQUIO
Fundación Granell
12:30h

FESTA 80’S LOS40
Sala Capitol
21:00h

SANTIAGO DE COMPRAS
Comercios adheridos
10:00 - 22:00h

UN RAIO DE LUZ: ILUMINA COMPOSTELA
Praza de Praterías
22:00h

UN RAIO DE LUZ: ANDAINA
Praza de Praterías (saída)
23:00h

DOMINGO 8

EXPOBUSINESS COMPOSTELA
Parque da Alameda
10:00 - 14:00h

DEPORTE EN VIVO
Campus Universitario
10:00 - 14:00h

COMPOS(TECH)LA
Parque da Alameda
10:00 - 14:00h

SANTIAGO DE COMPRAS
Comercios adheridos
10:00 - 14:00h

COCINANDO SANTIAGO
Mercado de Boanerges
12:00 - 15:00h

PROXECCIÓN “ANTES DE NÓS”
Sala NUMAX
12:00h

+INFO

O Festival “Fun Fun Fun” comezará o venres 6 de xuño coa Xornada Fun-aKadémica, que se desenvolverá en colaboración co espazo X do CGAC en sesión de mañá, e que estará coordinada por María Gil Martínez, historiadora da arte e investigadora na Facultade de Xeografía e Historia da USC. 

Na xornada están previstas dúas palestras. Unha delas será con autoras que falarán dos proxectos de autoedición nos que traballan, debaterase a volta dos formatos e técnicas de creación autoeditada, e avaliarase o camiño entre o fanzine e as editoras independentes e sobre como se traballa a Banda Deseñada desde Galicia.

A segunda palestra terá a Portugal como protagonista, e nela afondarase sobre a produción fanzineira e as tendencias que se están a dar no país veciño.

Nesta primeira xornada haberá tamén unha sesión vermú, a cargo da artista Rusinha B2B Juait.

A xornada central do “Fun Fun Fun” será o sábado 7, coa Feira de Fanzines na Casa das Máquinas na que estarán presentes máis de 60 proxectos de autoedición gráfica e editoras independentes chegadas de toda Galicia e de Portugal.

No festival haberá diferentes obradoiros de balde, como un de serigrafía e outro de tatuaxe non permanente, a cargo de Klau-sura e Greta Debelius. Tamén está prevista unha charla coloquio para a presentación do Proxecto Uterzine. Trátase dun proxecto que lle dá visibilidade a artistas punks de toda a península a través de fanzines e dun selo discográfico independiente, liderado por Maritxu Alonso que vén de publicar a finais de 2024 o libro “Contramemoria: Una historia oral de más de cuatro décadas punkis y feministas”.

Nesta edición do “Fun Fun Fun” volverá unha proposta que tivo moito éxito o ano pasado: o combate de debuxantes, no que diferentes artistas porán a proba a súa creatividade nun tempo limitado e desde as premisas ideadas polos mestres de ceremonias, que serán Leandro Barea e Xaime Lis, dous referentes no mundo da autoedición, o humor gráfico e a banda deseñada.

No apartado musical, haberá dúas propostas importantes: a sesión vermú correrá a cargo da artista Tonita, e o encargado de pechar a xornada será Saibran Yiyi, un dos compoñentes de Boyanka Kostova. O artista presentará en primicia xunto a Fiz García (Mundo Prestigio, Carlangas) un novo proxecto musical titulado “Amanecer armonioso con gotas de primavera” que se publicará nos vindeiros meses. Tal e como explicou na rolda de prensa de hoxe, “será un concerto con traballos inéditos, que fusionan o rap con outros ritmos como a cumbia, e nos que me identifico co espírito do Fun Fun Fun: moito humor e moita creatividade”.

Un evento que reúne empresas de todos os sectores e tamaños, desde iniciativas emerxentes ata compañías líderes que marcan o rumbo da nosa economía. Xuntas reflicten a forza, a diversidade e o talento dunha comunidade empresarial que é motivo de orgullo para toda Galicia.

Numerosas empresas estarán presentes para amosar os seus proxectos, compartir a súa visión e visibilizar as oportunidades reais que ofrecen en materia de emprego, innovación e crecemento. As persoas visitantes poderán interactuar directamente coas representantes dos organismos e empresas nos seus respectivos stands.

O 9 de xuño celébrase o Día Internacional dos Arquivos, que conmemora a creación do Consello Internacional de Arquivos en tal día do ano 1948. O Cabido da S. A. M. I. Catedral de Santiago de Compostela e o seu Arquivo-Biblioteca organizan varias xornadas para promover o valor do Arquivo da Catedral e dos arquivos en xeral ao servizo da investigación, a cultura, a memoria e a transparencia.

> Xornadas de Portas Abertas para que calquera cidadán poida acceder e coñecer directamente os espazos, funcionamento e fondos do Arquivo Catedralicio, mediante a organización de visitas guiadas e gratuítas, ao tempo que continuarán os servizos habituais do centro, incluído o de consulta en sala. Este ano as xornadas realizaranse dende o día 9 ata o 13 de xuño. As visitas constarán de:

-Un percorrido explicativo polas estancias do Arquivo e Biblioteca, con acceso non so á área pública senón tamén as salas de catalogación e aos depósitos bibliográficos e arquivísticos, onde se custodia o valioso patrimonio documental da Catedral, incluíndo a Sala Capitular e a Biblioteca Histórica Capitular

-Na Sala López Ferreiro poderanse apreciar tres documentos orixinais dos máis representativos do Arquivo: o Códice Calixtino, un dos máis valiosos de Galicia e da Igrexa de España, clave n estudio do culto ao Apóstolo e do Camiño de Santiago ; o Tumbo A, cartulario dos séculos XII e XIII ilustrado cos retratos dos reis de Asturias, Galicia, León e Castela; e o Breviario de Miranda, manuscrito para uso litúrxico realizado no século XV, destacando as súas espectaculares miniaturas.

-Na Biblioteca Capitular visitarase a exposición “Galicia Histórica: 100 follas de historia e documentos composteláns” con motivo da publicación dos 100 primeiros números da folla voandeira do Arquivo-Biblioteca da Catedral, que permanecerá dende o día 6 de xuño ata o día 22 de xuño.

-Ao rematar a visita os visitantes recibirán un agasallo de lembranza.

Como sempre, os interesados poden acceder a toda a información sobre a nosa institución na páxina web do Arquivo.

DATOS VISITAS GUIADAS DÍA INTERNACIONAL DOS ARQUIVOS

– Días e horarios:

Luns 9 de xuño de 2025 (16:30 y 18:00)

Martes 10 de xuño de 2025 (10:30 y 18:00)

Mércoles 11 de xuño de 2025 (10:30 y 18:00)

Xoves 12 de xuño de 2025 (10:30 y 18:00

Venres 13 de junio de 2025 (10:30)

– Duración da visita: 60 minutos aprox.

– Grupos de ata 15 persoas (máximo).

– Imprescindible realizar reserva previa (reserva aberta ata completar prazas o mesmo día da visita unha hora antes; máx. 4 plazas por reserva).

– Información e reservas:

Teléfono: 981 57 56 09 Atención: Luns-Venres (09:00 – 13:30) y Luns-Mércores (16:30 – 19:00)

E-mail: archivo@catedraldesantiago.es

As reservas formalizaranse por estricto orden de recepción de chamadas e/ou correos.

No marco da exposición "Tras a pegada das musas", a artista compostelá Mareiras pintará un cadro en directo.

Esta acción busca reivindicar o papel da muller como creadora, máis alá do tradicional de musa ou pupila.  

No marco da exposición "Tras a pegada das musas", a artista compostelá Mareiras pintará un cadro en directo.

Esta acción busca reivindicar o papel da muller como creadora, máis alá do tradicional de musa ou pupila. 

Área Central acolle a II Feira de antigüidades, coleccionismo e vintage, organizada pola Asociación cultural Ferro Vello.

Enmarcada na feira tamén se desenvolverá o II Mercadillo Playmobil. Nestas dúas xornadas haberá unha variedade de stands nos que os coleccionistas e afeccionados aos obxectos antigos desfrutarán buscando a peza desexada: xoguetes, discos, carteis, reloxos, elementos decorativos, etc.

Trae o teu libro  e ven a ler connosco. Se non tes ningún libro da temática, non te preocupes, teremos unha selección de préstamo.

Neste 2025 realizaranse dúas intervencións murais en Santiago, a cargo dos pinceis e sprais de María Peña-Mapecoo (Oviedo, 1989), artista multidisciplinar e muralista, que pintará en Santa Isabel e Hanna Lucatelli, (Sao Paulo, 1990), deseñadora de moda, artista plástica ilustradora e muralista, que realizará a súa intervención entre os barrios de Vite-Vista Alegre. Será entre os días 10 e 16 de xullo. As outras intervencións realizaránse en Brión e Negreira.

Antes, entre os días 7 e 9 de xullo, terán lugar distintas actividades nas que María Peña e Hanna Lucatelli se mergullarán na idiosincrasia dos barrios de Vite, Vista Alegre e Santa Isabel. O martes 8, xunto a Encarna Otero, realizarase un roteiro ao redor dos oficios femininos vinculados á auga; pola tarde celebrarase o encontro de anfitrioas no CSC Antón Fraguas coa veciñanza dos barrios antes citados. O mércores 9, coñecerán o barrio de Vite a través dun paseo, en colaboración con Vite Arquiva. Rematarase coa visita ao CSC José Saramago onde se conserva o arquivo veciñal. Antes de comezar coas intervencións, as catro artistas terán cadansúa segunda xuntanza para amosar o bosquexo.

O Festival C volverá facerse coas rúas de Compostela do 4 ao 28 de agosto. A sétima edición levará a distintos espazos da cidade un regueiro de sesións de balde e para todos os públicos con circo, danza, teatro de rúa, poesía, música, contos, maxia e cinema da man de compañías e artistas galegas e visitantes para encher de creatividade as tardes e noitiñas do verán.

A praza da Quintana, o parque de Bonaval, o parque de Galeras, a Casa das Máquinas e a rúa Concepción Arenal serán os principais escenarios da que é a sétima edición do festival. 

Como cada ano, o cemiterio de Bonaval converterase en escenario de excepción para dar acubillo a boa parte dos espectáculos de danza que cada luns ás 20 horas ofrecerá o Festival C. O primeiro deles chegará o propio día 4 da man do recoñecido creador Alberto Velasco. Mover montañas, unha peza de danza-teatro candidata ao mellor espectáculo de rúa nos Premios Max 2025 e distinguida co premio do xurado ao espectáculo máis anovador do XXV Festival Internacional de Valladolid, é un traballo irreverente que se rebela contra a gordofobia e normatividade dos corpos en danza, e que esculca a esencia mesma do folclore para presentalo como lugar de encontro e tránsito entre tradición e modernidade. O espectáculo foi desenvolvido dentro do programa de residencias da Compañía Nacional de Danza e coproducido por Festival TAC Valladolid e Festival Danseu. 

O luns 11 será quenda para Trïade, de Colectivo Glovo, unha peza que ten como punto de partida a necesidade de xuntarse, vincularse e bailar desde o coidado e a escoita nun espazo que procure unha xenealoxía feminina, unha orde simbólica persoal e independente, inspirada pola tríade luar e a súa idea do eterno retorno —vida, morte e renacemento– nun traballo de marcado carácter ritual e de culto ás ancestras e ás raíces.

Trátase doutro espectáculo enmarcado no circuíto Danza a Escena do Instituto Nacional das Artes Escénicas e da Música (INAEM). 

O Colectivo DeXeito farase co escenario o luns 18 para presentar a obra 77.000, unha creación que fai referencia ao número de toneladas verquidas polo petroleiro Prestige nas costas galegas no ano 2002 e que, a través da danza e do movemento, crea unha representación propia do suceso e das súas consecuencias. A peza convida o público a reflexionar sobre a fraxilidade do noso medio ambiente e a importancia da acción colectiva en situacións de emerxencia.

A última das representacións en Bonaval chegará o luns 25 da man da Fran Sieira compañía de danza. Un baile ceibe en comunidade é unha peza contemporánea reflexo do baile e a música tradicional que investiga a relación entre o xénero e a nosa tradición analizando como os estereotipos atravesan tamén formas culturais como o baile. A partir desa consciencia, o traballo propón establecer distancia coa normatividade e arrastrala cara ás marxes co gallo de construír novas formas de entender o corpo e o movemento en comunicación coa comunidade.

En paralelo á presentación destas pezas, entre o 11 e o 14 de agosto o Festival C abeira tamén un laboratorio de creación e movemento, promovido polo Colectivo RPM e coa participación da coreógrafa e bailarina portuguesa Tánia Carvalho. Baixo o título de Tecer o corpo, habitar a sombra, a iniciativa resultará nunha obra de creación colectiva que  poderemos ver o xoves 14 de agosto ás 20.30 horas na Casa das Máquinas.

Entre as propostas para público miúdo destácanse as sesións de Contos no parque que o programa Apego leva cada martes ás 18 horas á zona dos arcos do parque de Bonaval. A primeira delas acontecerá o día 5 da man da compañía Xarope Tulú. Lingoreteira é unha homenaxe ao ser falangueiriño que habita en cadaquén, que nos anima a sacar a lingua a pacer e consegue así que a palabra e a oralidade sigan vivas ou, cando menos, non morran de todo. 

O martes 12 será ocasión para que Tropa de Trapo comparta seus Contos para nenas grandes e pequenas, unha proposta de narración oral e música en directo que achega historias de mulleres diversas arredor do poder do amor e da memoria, do bo trato entre as persoas e da igualdade entre homes e mulleres. 

A seguir, o martes 19, Fran Rei e Feli Rodríguez porán Máis Saaabor! ás sesións do Apego cunha función que mestura música en directo, maxia, humor ritmo e gastronomía para ofrecer un menú ben gorentoso e variado. 

E o Mago Paco pechará o ciclo o martes 26 con Ledicias, un espectáculo de maxia divertida e participativa coa que aguilloar o maxín e construír momentos que atesourar para a lembranza. 

A nosa tradición oral e a música popular fanse coas tardiñas dos mércores cun ciclo que, ao caer do sol e baixo o título  de Por que non cantades todas?, cita no paseo da ferradura da Alameda a cantareiras e padeireteiras dos colectivos tradicionais máis importantes do país para reivindicar o rol das mulleres no desenvolvemento e preservación da poesía e a expresión musical galegas.

O mércores 6 serán as cantareiras e pandeireteiras de Ultreia, o día 13 as de Brincadeira, e o día 20 as de Cantigas e Agarimos, as encargadas de pór voz e son a este ciclo que honra a tradición, a memoria e os versos da nosa terra. 

O Festival C garda, un ano máis, un lugar central para o circo, con obradoiros matinais para a rapada e sesións vespertinas para toda a familia. Circonove desenvolverá no parque de Bovanal unha decea de obradoiros circenses, oito deles para a rapazada de 3 a 14 anos de idade (os luns, mércores e venres) e outros dous máis específicos para nenas e nenos de 3 a 5 anos (os martes 5 e 19 de agosto). Arrancarán ás 11.30 horas na Casa das Máquinas e, unha vez reunido o grupo e sempre que o tempo o permita, a comitiva circense desprazarase ao parque para pór en práctica acrobacias, malabares, equilibrios, danza, clown, teatro, ritmo e xogos, en sesións sempre adaptadas ao nivel e momento de cada participante. Cada grupo está limitado a 25 participantes, que poderán inscribirse mediante mensaxe ao enderezo circonoveoficina@gmail.com. Cómpre indicar no texto nome completo e idade da/o participante e datos e teléfono do contacto da persoa adulta ao cargo. 

Ademais, a programación inclúe catro espectáculos de circo e teatro de rúa para as tardes dos xoves na praza da Quintana. O día 7, a irreverente compañía éuscara Trapu Zaharra abrirá este singular escenario con Dale Ramón!, unha parodia sobordante de humor, –premio ao mellor espectáculo de Euskadi na Feria Umore Azoka– que conxura o riso fronte a histeria colectiva e mediatizada.

O xoves 14, o Duo Laos presenta a comedia acrobática Ovella Negra, un traballo que bota tamén man do humor para reflexionar sobre a diferenza, e que entre espectaculares voltas e reviravoltas ofrece unha homenaxe a quen fai fronte á falta de comprensión dos máis á hora de se desenvolver e expresar. 

Tamén Mute, da compañía Orain Bi, despregará o xoves 21 na Quintana espectaculares acrobacias para afondar na importancia de cambiar e evolucionar, de nos permitir mutar para seguir avanzando e chegar máis lonxe e máis algo. 

Finalmente, o xoves 28 o espectáculo Olympics de Nacho Vilar Producciones e Yllana, inspírase nos xogos e deportes olímpicos para tecer un espectáculo surrealista e hilarante que bota man do humor xestual absurdo para argallar unha competición de asombro e risos.

Cara á fin do mes, as noites do Festival C vístense de cinema ao aire libre. O martes 26 de agosto, a rúa Concepción Arenal, que dá acceso á Sala NUMAX, acollerá ás 21.45 horas a proxección de Daguerrotipos (Daguerréotypes, 80 min, 1976, VOSE) de Agnès Vardá, unha película na que a directora francesa filma os comercios situados entre o número 70 e o número 90 da rúa Daguerre, no distrito 14º de París, onde ela vivía, nunha homenaxe sentida e carente de artificios á vida e ao traballo en comunidade. 

O mércores 27, o cinema de Spike Lee toma a pantalla con Fai o que debas (Do the right thing, 120 min, 1989, VOSE), un título de culto co que o estadounidense ofrece un retrato das tensións raciais na sociedade norteamericana tan divertido como dialéctico e tan fermoso como brutal.

A escolla de filmes establece, así, un diálogo entre realidades urbanas protagonizadas polas historias de barrio, a identidade colectiva e as relación humanas. 

A información ao detalle de todas as actividades que conforman o Festival C está dispoñible na web compostelacultura.gal. 

Colectivo RPM, en colaboración co Auditorio de Galicia, impulsa un laboratorio coa artista Tânia Carvalho dirixido a artistas do campo das artes performativas con interese de compartir unha experiencia colectiva arredor do universo artístico desta coreógrafa portuguesa.

O laboratorio –que terá lugar entre os días 11 e 14 de agosto na Casa das Máquinas de Santiago de Compostela– navegará entre dúas das súas obras, A tecedura do caos e Ventre do vulcão. O obxectivo desta iniciativa é construír unha versión colectiva que se poderá ver na Casa das Máquinas o día 14 de agosto, dentro do marco do Festival C de Compostela Cultura. A participación é de balde previa inscrición.

A XXXVIII Semana Cultural de Conxo comezará o venres, 5 de setembro, coa presentación da exposición “O imaxinario dun barrio”, no CSC Aurelio Aguirre. Trátase dunha mostra de fotografías de Gabriel Tizón, que ao longo dos últimos anos retratou Conxo a través de diferentes actividades que mostran a unión da súa veciñanza e o imaxinario propio do barrio. Será ás 18.00 horas, antes dunha mesa redonda baixo o título “Conxo, 100 anos de identidade”, na que participarán José Luciano Villar, representante da Asociación Veciñal Conxo Aberto, e as veciñas do barrio Mercedes Franqueira González e Carme García Álvarez. O debate estará moderado por Rafael García Ferreira.

A axenda do venres rematará coa primeira edición de “Novas Xeras”, unha iniciativa que pretende darlle un espazo ás novas xeracións musicais emerxentes relacionadas con Conxo. Como mestre de cernimonias exercerá Vituco Neira, de Ruxe Ruxe, que tamén actuará como solista. Con el subirán ao escenario Naxo Ganín, un músico arxentino que reside desde hai tres anos en Compostela; o grupo Mirando Flores; e Rafael Briceño, tamén vinculado ao barrio de Conxo desde hai anos.

Música, obradoiros e actividades deportivas

Xa no sábado 6 de setembro, a programación da XXXVIII Semana Cultural de Conxo trae dúas propostas de interese. Pola mañá, o CSC acollerá un obradoiro de cociña intercultural centrado no mundo do pan, e a maneira de preparalo en diferentes lugares do mundo. A actividade desenvolverase de 10.00 a 14.00 horas e para participar é preciso inscribirse previamente chamando ao 981 528740. Pola noite, a partir das 21.00 horas, a música será a protagonista, co concerto de “De Ninghures” vinculado á celebración do centenario da adhesión de Conxo ao Concello de Santiago e coa colaboración da Deputación da Coruña e do departamento de Festas.

A programación continuará no luns 8 de setembro, cun torneo de tenis de mesa, e coa actuación de “Meninos do Pandeiro”, un proxecto de Xan Pérez e Carlos Quintá vinculado a Acentral Folque. Ao día seguinte haberá xogos de rúa a partir das 18.30 horas, baixo o lema “Viaxamos a 1925”; e a partir das 20.00 horas unha mostra de traballos audiovisuais académicos.

Unha ruta ciclista a través do bosque do Banquete de Conxo será a actividade central da programación no 10 de setembro, en colaboración co Club Ciclista Compostelano. A actividade comenzará ás 17.30 horas, con punto de saída desde a praza de Aurelio Aguirre, onde rematará cunha merenda saúdable para todas as persoas participantes. A duración estimada do percorrido é de dúas horas e media.

No xoves 11 de setembro son moitas as actividades previstas, que comezarán ben cedo, ás 9.30 horas, cunha ruta de sendeirismo polas parroquias do sueste do antigo concello de Conxo, da man do Club Vía Láctea. O percorrido, circular, comezará na igrexa de San Cristovo do Eixo, e pasará tamén polas parroquias de Aríns e Marrozos. Serán en total 16 quilómetros, cunha dificultade media. Para participar é preciso inscribirse previamente, a través do correo electrónico inscricions@clubvialactea.com, ou no teléfono 604091325.  Xa pola tarde, haberá un obradoiro de imprenta tipográfica creativa, unha sesión de xogos de estratexia, e a actuación de Teatro do Muíño, de Laraño, que presentará a peza “Asalto de cama”.

Por último, na tarde do 12 de setembro haberá xogos tradicionais, populares e do mundo a partir das 17.00 horas; e ás 18.30 comezará o espectáculo de animación á lectura “Contos Animados”, a cargo de Carballiños.

A Semana Cultural de Conxo xurdiu en 1986 da man da Asociación Cultural Arco da Vella, que se encargou da súa organización ata 1994, ano no que desapareceu o colectivo. Desde entón, a organización asúmea o Concello de Santiago, a través do departamento de Centros Socioculturais.

Serán máis de 500 participantes. Participarán cinco entroidos cualificados de Festa de Interese Turístico (Vilaboa, Verín, Viana do Bolo, Xinzo de Limia e Xenerais da Ulla) e ) e outros trece entroidos invitados dentro dos moitos carnavais que enriquecen a memoria de Galicia e forman parte do noso patrimonio, que nesta edición serán  Entroido O Ribeirao de Santiago de Arriba (Chantada),  Vellaróns de Riós, Bonitas de Sande (Cartelle),  Galos da Mezquita (A Merca), Entroido de Samede (Paderne), Entroido de Lobios, Felos e Madamas de Esgos, Mudados de Ribadetea (Ponteareas), Fulión de Buxán (O Bolo),  Madamitas e Madamitos de Entrimo, Os Cabreiros de Muiños,  Entroido de Mugares (Toén) e Entroido de Salceda de Caselas.

O percorrido farase pola rúa de Fonseca, rúa do Vilar, praza do Toural, Cantón do Toural, rúa Nova, rúa de Xelmírez, Cinco Rúas, rúa do Preguntoiro, praza de Cervantes, rúa da Acibechería, praza da Inmaculada, Arco de Xelmírez (persoas a pé)/rúa das Dúas Portas-rúa de San Francisco (Xenerais da Ulla), praza do Obradoiro. 

Inspirándose nas rupturas visuais de Picasso, PICASSa é unha peza site-specific concibida especialmente para espazos museísticos, que explora a desafección, a pegada do efémero e a procura de novas formas de expresión. A través dun exercicio de descontextualización e transformación do espazo expositivo, a obra establece unha estreita relación co cubismo e convida a repensar a realidade desde múltiples perspectivas.

Mediante unha relectura do corpo e da súa ligazón co espazo e co espectador, PICASSa propón unha viaxe creativa máis alá dos límites escénicos convencionais, abrindo novas posibilidades de relación entre forma, percepción e imaxinación.

O espazo, sempre cambiante, convértese no fío condutor desta enciclopedia visual en movemento, que guía tanto á artista como ao público a través dunha serie de paisaxes sensoriais e creativos. A obra transforma o museo en punto de partida para un proceso de autoexploración, propoñendo unha experiencia única que transforma o acto de mirar.

FICHA ARTÍSTICA

• Idea e dirección artística: Lorena Nogal

• Coreografía e interpretación: Lorena Nogal

• Produción: Àngela Boix

• Asistencia coreográfica: Marina Rodríguez

• Asistencia artística: Álvaro Esteban

• Vestiario: Mar García Jiménez – Marlota

• Deseño de son: Manuel Rodríguez e Rafael Heredia Horimoto

• Fotografía: Lourdes Cabrera

Coprodución: Graner, centro de creación de danza e artes vivas, e Museu Picasso, no marco do programa Creación y Museos do Institut de Cultura de Barcelona co apoio da Xarxa de Fàbriques de Creació de Barcelona. Coa colaboración do Festival Grec de Barcelona e o Festival Escena Patrimonio.

Un punto de encontro para celebrar as nosas raíces e fomentar o consumo responsable, apoiando aos produtores locais e preservando as nosas tradicións.
Así mesmo, un espazo para a reflexión, o coñecemento e o debate.

Ademais de diferentes postos de artesanía, “Artesanamente” inclúe unha programación paralela moi ambiciosa, que terá como un dos seus grandes atractivos a conferencia que o deseñador Lorenzo Caprile ofrecerá na tarde do venres no Centro Galego de Arte Contemporánea. 

Ademais desta conferencia, están previstas outras como a de Octavio Vázquez, da empresa Pau de Pedra, que falará sobre cantería tradicional e novas tecnoloxías; ou a de Elena Ferro e Álvaro Pin sobre “Os zocos dignificados”. Tamén haberá presentacións como a de Prímula ou do cuño de Artesanía Alimentaria de Galicia.

Na programación inclúense mostras de diferentes oficios, con artesáns que traballarán en directo na rúa do Vilar. Participarán os canteiro do CIFP de Cantería de Galicia, as redeiras da Asociación Redeiras Illa da Estrela de Corme, e o zoqueiro Álvaro Pin. Por último, no domingo haberá un pequeno desfile polas rúas de Santiago a cargo da Asociación do Traxe Galego.

Do 19 ao 21 de setembro
Sede AFUNDACIÓN, Rúa do Vilar, Santiago de Compostela

Compostela Street é un dos festivais de cultura urbana e deportes extremos con maior impacto a nivel nacional. Este evento que é de entrada libre, contará con ata 10 disciplinas urbanas e diferentes formatos dirixidos a todos os públicos, tales como concertos, competicións, mostras, talleres e parques de lecer, incluíndo espazos de street market e restauración.

+INFO

Horizontes Errantes é unha peregrinación artística entre Alemaña e España, un proxecto de arte en movemento co que Laura Arís e Jakob Jautz transforman a experiencia de camiñar nunha creación escénica de danza contemporánea, música e teatro físico.

Unha performance con múltiples rostros que se presentará ao público galego o 27 de setembro no Salón de convencións do Edificio CINC, con entrada libre ata completar capacidade.

Durante 15 días, Laura Arís e Jakob Jautz percorreron a pé os camiños entre Tübingen e Friburgo (atravesando a Selva Negra en Alemaña) e entre Villanueva de Santo Adriano e Santiago de Compostela (seguindo o Camiño Primitivo), recollendo historias, sons, paisaxes e encontros significativos.

O camiño —coas súas voces humanas e non humanas— convértese con Horizontes errantes en corpo, movemento e relato. A proposta convida a habitar o mundo desde a lentitude, a escoita e a transformación. Camiñar como un acto poético de resistencia crítica e á vez sensible, que —a pesar da realidade distópica— evoca sentimentos de esperanza e conexión.

ADEGA, organización histórica do ecoloxismo galego, celebra 50 anos cun ciclo de actividades en Santiago de Compostela do 26 de setembro ao 7 de outubro.

O programa, en colaboración co Concello, achega á cidadanía a historia e retos do movemento ecoloxista. Arranca o venres 26 ás 12:00 h no Paseo da Alameda coa inauguración da exposición itinerante “50 anos coidando a terra”, seguida de visita guiada. Xa pola tarde proxectarase o documental A terra por gañar e haberá unha mesa redonda sobre a historia de ADEGA.

Durante os oito días seguintes, haberá obradoiros de reciclaxe, visitas á EDAR, rutas, proxeccións e actividades de biodiversidade, moitas das cales precisan inscrición previa: bit.ly/50anos_compostela. A exposición tamén percorrerá varios centros educativos de Compostela para achegar o ecoloxismo ás novas xeracións.

Santiago de Compostela acollerá do 1 ao 4 de outubro a segunda edición de Mover os Marcos, un festival que combina debates, música e espectáculos en directo, humor e cuestionamento social.

Durante catro días, a mocidade e o público xeral poderán participar en conversas sobre lingua, ecoloxía, identidades e vivenda no Auditorio de Xornalismo; asistir a concertos comentados na Igrexa da Universidade con Hugo Guezeta e Alana; e gozar de actividades na Casa das Máquinas como break dance, presentacións pechacucha, podcast en directo e concertos de bandas galegas emerxentes.

Organizado pola Deputación da Coruña, o Concello de Santiago e a USC, Mover os Marcos xunta institucións e comunidade para ofrecer un espazo de reflexión, cultura e diálogo xeracional, lembrando que pensar, debater e celebrar xuntos é clave para construír unha vida mellor. Todas as actividades son de balde e sen reserva ata completar aforo.

O Outlet Área Central inaugura outubro coa primeira edición do Salón de Minerais, Fósiles e Xoiaría, do venres 3 ao domingo 5. Expositores de España e Portugal ofrecerán milleiros de pezas naturais, con especial presenza de mostras de Panasqueira (Portugal), Marrocos e Namibia. O público tamén poderá gozar dunha demostración de minerais fluorescentes. O salón celebrarase na esquina azul de Área Central, en horario de 10:00 a 21:00 h.

A maxia regresa a Santiago de Compostela do 10 ao 12 de outubro de 2025 coa segunda edición de Encantos en Compostela, un festival internacional que enche a cidade e a bisbarra de ilusión, humor e sorpresas. Con espectáculos para público infantil e adulto, propostas solidarias e a participación de magos locais e estranxeiros, a cita consolídase como imprescindible no calendario cultural grazas ao apoio do Concello. Entradas dispoñibles na web e numerosas actividades de balde para toda a familia.

ACERO 2.0 ofrece unha experiencia máxica incomparable que cativa a espectadores de todas as idades. O espectáculo garante un recordo familiar inesquecible que deixará a todos ao bordo do asento. Os anos de experiencia de Orbit sobre o escenario permitíronlle desenvolver unha fórmula gañadora para crear un show ao máis puro estilo Las Vegas.

A gran festa da música e a poesía galegas e portuguesas volve a Santiago de Compostela o xoves 30 de outubro. Será ás 20.30 horas con entrada libre ata completar a capacidade máxima da sala.

A gala, conducida por Tati Moyano e Xurxo Souto, contará coa presenza das bandas gañadoras dos premios ás mellores músicas do pasado ano na Galiza e Portugal: Mondra e Diogo Piçarra; as propostas vencedoras dos premios ás mellores poesías en 2024: Elba Pedrosa e Cátia Cardoso; e unha representación do Município de Braga, gañador do Premio Especial do Xurado á Embaixada da Amizade Galego-lusófona.

O Encontro Internacional de Cadernos de Viaxe Compostela Ilustrada é un evento anual que reúne ilustradores, caderneiros, debuxantes urbanos e amantes do debuxo de viaxe na cidade de Santiago de Compostela (Galicia).
Naceu no ano 2016 da man de El Patito Editorial e baixo a dirección de Miguelanxo Prado.

Desde entón consolidouse como unha cita de referencia para quen traballa con cadernos de viaxe (sketchbooks) e debuxo urbano en España e tamén a nivel internacional.

+INFO

Área Central acollerá do 7 ao 9 de novembro a primeira edición de Mercadelas. Mercado con pegada, co apoio do departamento de Comercio.

O evento reunirá a artesáns e emprendedores especializados na creación de produtos para animais e os seus humanos, ofrecendo ao público unha ampla variedade de produtos sostibles e de elaboración artesanal: accesorios, alimentación natural, libros, xoiería e outros artigos inspirados no mundo animal; así como servizos especializados como fotografía e perruquería canina.

O mercado contará tamén cun programa de actividades, obradoiros e faladoiros, como o obradoiro de bordado con Xenuina o sábado ás 11.30, e dous faladoiros con MascoGuau sobre linguaxe canina e reforzo positivo.

Durante os tres días organizaranse rifas solidarias e accións en colaboración con entidades locais.

A Rede de Centros Singulares de Investigación da Universidade de Santiago de Compostela abre, un ano máis, as súas portas á cidadanía o sábado 8 de novembro na novena edición de Ciencia Singular.

Centos de persoas poderán visitar, de 10.00 a 20.00 horas, espazos de referencia nas súas áreas científicas, co acompañamento do persoal investigador. Participan cinco centros: CiQUS, CiMUS, CiTIUS, IGFAE e CRETUS, cofinanciados pola Unión Europea a través do Programa Galicia FEDER 2021-2027.

É preciso rexistro previo na páxina web de Ciencia Singular desde o mércores 29 de outubro.

A xornada inclúe obradoiros interactivos, experimentos, visitas guiadas e charlas divulgativas para todos os públicos, con actividades pensadas tamén para fomentar vocacións científicas desde idades temperás.

Este domingo 9 de novembro achegádevos á xornada de portas abertas do VI Fairway na Cidade da Cultura de Galicia en Santiago de Compostela. Haberá acceso libre e unha programación cargada de experiencias: espazo feiral con expositores de destinos, unión profesional, e un especial protagonismo das propostas gastronómicas. Un día para gozar, aprender e descubrir o mundo dos camiños nun ambiente aberto á cidadanía.

A xornada desenvolverase entre as 10:00 e as 20:00 horas, con visitas guiadas pola Cidade da Cultura, degustacións de produtos galegos, obradoiros, música en directo e actividades para público familiar. O Open Day converterá o Fairway nun punto de encontro entre profesionais e visitantes, un espazo para vivir o Camiño de Santiago desde múltiples perspectivas.

Seis magos presentan un espectáculo de maxia solidario a favor da infancia e da adolescencia con cancro en Galicia.

Todo o recadado coa venda das entradas destinarase integramente a ASANOG, a asociación que ofrece apoio e acompañamento ás familias que están a pasar por un cancro infantil en Galicia.

A achega á Fila 0 pode facerse no número de conta: ES61 2100 1453 2102 0025 9900

Máis información sobre o seu labor en www.asanog.org .

Está dirixido a rapaces de 17 a 30 anos que forman parte  do ecosistema científico, investigador ou empresarial galego ou representan a universidades, centros tecnolóxicos ou entidades colaboradoras.

Campus Stellae é a forma toponímica latina utilizada para referirse a Compostela. A súa tradución literal é ‘campo da estrela’, polo que, nunha versión libre, o nome da cidade sería ‘Santiago do Campo da Estrela’. Alude ás milagrosas luces que as primeiras narracións (ss. XI-XII) do descubrimento do sepulcro de Santiago sinal que indicaron o seu lugar. É a forma etimolóxica máis popular referida á orixe do termo ‘Compostela’, sen dúbida pola súa forza evocadora. 

Por outra parte, a cultura popular mantivo unha relación constante entre o mundo xacobeo e o universo estelar, e fixo da Vía Láctea o camiño de estrelas cara a Santiago de Compostela.

Aínda que a case totalidade dos estudosos actuais rexeitan a validez etimolóxica deste topónimo, o certo é que forma da estrela tivo un grande éxito na iconografía, converténdose nun dos símbolos xacobeos e, xa que logo, desta cidade.

É habitual que peregrinos e visitantes pregunten polo significado da estrela que observan en moitos lugares destacados. A estrela de Compostela, representada case sempre como unha estrela de oito puntas, está presente no escudo da cidade, na fachada do Tesouro da Catedral, no cumio da Casa do Cabido, no remate da fonte dos Cabalos da praza das Praterías, no escudo da Universidade de Santiago e por extensión no escudo dos abondosos edificios históricos dos  que foi propietaria. E tamén por suposto no interior da catedral, onde a máis notable presencia localízase na cripta, sobre a arca dos restos do Apóstolo Santiago.

Durante un mes completo, o noso parque máis insigne lucirá unha iluminación artística especial. Desde o venres 28 de novembro ao martes 6 de xaneiro, o Paseo da Ferradura na Alameda brillará máis que nunca: a instalación lumínica simula un río luminoso cuberto de árbores polas que penetra a luz da lúa e no que brincan as estrelas da Vía Láctea, que son tamén as Estrelas de Compostela.

Esta iluminación consegue unha experiencia inmersiva, que nos convida a pasear pola Alameda coma se fose un río sagrado. Un paseo de fantasía, onde os peques poden brincar, bailar, case tocar as estrelas e retratarse e filmarse. A instalación comeza coa benvida na Porta dos Leóns, coa mensaxe “Compostela, a Estrela do Nadal”. Tras o percorrido entre estrelas polo paseo da Ferradura, chégase ao Banco dos Namorados, con un imperdible “photocall”.

Organiza: Turismo de Santiago / Concello de Santiago. Co apoio de: Deputación da Coruña.

O Xardín Infinito é un espazo formado por 20.000 rosas LED que homenaxea ás persoas luminosas das nosas vidas. Ten un carácter solidario, realizado en colaboración coa Fundación Andrea, que apoia ás familias de nenos con enfermidades graves e de longa duración. Está situado no Pazo de San Lourenzo, declarado Ben de Interese Cultural.

Pet Friendly

Multiplicando Sonrisas

O IES Rosalía de Castro celebra o vindeiro 17 de decembro, de 16:30 a 21:00 horas, a IV edición do seu Mercado de Nadal, unha iniciativa solidaria organizada polo alumnado de 1º de Bacharelato Internacional no marco da materia CAS (Creatividade, Actividade e Servizo). O mercado contará con postos de venda de roupa, libros e xoguetes, propostas gastronómicas, actividades e obradoiros infantís, ademais de photocall, muro dos desexos e música en directo. A recadación íntegra destinarase a Cruz Vermella. Esta xornada de portas abertas busca fortalecer a participación da comunidade e ofrecer un espazo lúdico no propio centro, contribuíndo ao mesmo tempo a apoiar a familias que máis o precisan durante o Nadal.

O sábado 20 de decembro terá lugar na Praza do Obradoiro de Santiago de Compostela unha nova edición da Apalpanoelada Motera. A partir das 12.00 horas comezará a reunión dos Papás Noeles en moto e, a continuación, realizarase unha ruta polas rúas de Compostela. Este ano tamén se recollerán alimentos non perecedoiros para a cociña económica de Santiago ao rematar a ruta.

Chega a Santiago de Compostela a novena edición do Galicia Magic Fest, o evento máxico máis esperado do Nadal. Durante 70 minutos, os mellores ilusionistas do mundo ofrecerán un espectáculo internacional único, con actuacións de Juliana Chen, Stuart MacDonald, Mirko Callaci, Magus Utopia e Pedro Volta, combinando elegancia, humor, ilusións xigantes e sorpresas inesquecibles. Non perdas a oportunidade de vivir unha experiencia máxica e inolvidable.

REINVENTIO é un espectáculo visualmente asombroso que mergulla o espectador nunha aventura sen precedentes. A narración segue a un mago que perdeu a súa ilusión. Será el quen a recupere ao percorrer as súas pesadelos e soños?

O show transfórmase nun cabaret narrativo vibrante, cheo de beleza e emoción, onde o circo, a danza e a maxia convértense nas pegadas do camiño. O público é invitado a un universo onírico no que a realidade desdobrase en aparicións e desaparicións imposibles, levitacións que desafían a gravidade, actos de circo que cortan a respiración e coreografías que encarnan a esencia da ilusión.

Esta aventura de asombro e misterio conduce ao encontro coa inocencia e a pura ilusión. REINVENTIO promete ledicia, emoción e humor para toda a familia. É un recordatorio fascinante de que a maxia non é un segredo, senón a forza de volver crer.

Observación do ceo nocturno con telescopio realizado polo Observatorio Astronómico Ramón María Aller da Universidade de Santiago de Compostela (se as condicións meteorolóxicas non acompañan, trasladarase a outro día). A actividade iniciarase ás 19.00h no salón de actos cunha breve explicación sobre o que as persoas participantes van poder avistar. A continuación, iniciarase no exterior da biblioteca a observación dos astros a través do telescopio, cunha duración aproximada dunha hora. As persoas interesadas poden retirar a invitación no mostrador de Información da biblioteca dende 30 minutos antes do comezo da actividade. O número máximo de participantes é de 25.

O libro en galego centra os vindeiro días as actividades do Outlet Área Central. Desde mañá xoves 29 de xaneiro ata o sábado 7 de febreiro, Área Central e o Consorcio Editorial Galego organizan o I Outlet do libro galego.

Nesta nova actividade haberá centros de libros escritos en galego á venda, de todos os xéneros e para todas as idades. Os seus prezos, moi económicos, rondarán entre 1 e 10 euros. Este espazo de venda ubicarase na zona outlet do Outlet Área Central. O I Outlet do libro galego promove a lectura en galego preto de dúas datas importantes: o 21 de febreiro como Día Internacional da Lingua Materna, e o 23 de febreiro, como día do nacemento de Rosalía de Castro. Ademais da exposición e venda de libros en galego, os sábados 30 de xaneiro e o 7 de febreiro, haberá actividades complementarias:

O sábado 30 de xaneiro ás 18.00 horas celébrase o obradoiro de ilustración “Pintando a Rosalía”. As mellores obras levarán premio. O sábado 7 de febreiro ás 18:00 horas celébrase a actividade "Rosalía era unha xacia". Baseada no libro de Baia Edicións "A xacia Luviñas" os asistentes descubrirán con contos, cantos e cantigas que Rosalía de Castro era unha xacia, unha muller peixe de auga doce. Ao finalizar, farase a entrega de premios do obradoiro de ilustración “Pintando a Rosalía”.

Episodio en directo do podcast No es el fin del mundo centrado na dimensión xeopolítica da física de partículas. O encontro contará coa participación de Fernando Arancón, Alba Leiva e Eduardo Saldaña e terá lugar na Casa das Máquinas, en Santiago de Compostela. Esta sesión, realizada en colaboración co Instituto Galego de Física de Altas Enerxías (IGFAE), analizará como a física de partículas foi moldeando o desenvolvemento tecnolóxico desde a antigüidade e como ese progreso influíu tamén en numerosos acontecementos xeopolíticos. Entrada libre ata completar capacidade.

Dakris, un dos magos que máis está a dar que falar nos últimos anos na comunidade máxica, pertence a unha nova xeración de novos magos. Gañador dos premios máis prestixiosos a nivel nacional e internacional, entre eles, é posuidor do premio ao “Mellor Mago do Ano 2012” e do “Primeiro Premio Nacional de Maxia”.

Nada é o que parece. O novo espectáculo de Dakris, O Mago Invisible, Primeiro Premio Nacional de Maxia, creativo en televisión e galardoado co premio ao mellor mago do ano, fará que cambies o teu concepto da realidade. Unha proposta chea de ilusión, humor, efectos imposibles e, por suposto… INVISIBILIDADE. Alguén vai desaparecer. Un espectáculo incrible e emocionante para toda a familia.

O sábado 21 de marzo, o Outlet Área Central acollerá a Galicia Whoop League, unha xornada dedicada ao mundo dos drons FPV, a competición e a tecnoloxía. Velocidade, adrenalina e habilidade dos pilotos nun circuíto indoor cheo de obstáculos, ademais de actividades abertas ao público como Drone Soccer, simuladores FPV, retransmisión en directo das carreiras e exposicións e charlas sobre drons. Os interesados en participar na liga poden inscribirse a través do seguinte enlace.

O proxecto MUSEO MIGRANTE MIGRANTE · EN MOVEMENTO (MMM), da fotógrafa e artista Angélica Dass, chega a Santiago de Compostela do 14 ao 19 de abril con actividades na Zona C e no Auditorio de Galicia. MMM é un “arquivo vivo de obxectos, memorias e traxectorias en movemento” que propón construír un museo en constante transformación a partir das historias das persoas e das súas migracións.

Durante a súa estadía, a versión en Movemento do proxecto convida á cidadanía a participar en sesións fotográficas na Zona C, onde as persoas achegarán obxectos e testemuños que serán parte dun arquivo visual e dixital compartido. A iniciativa entende a migración como unha condición esencial da humanidade e converte a fotografía nunha ferramenta de escoita, memoria e representación colectiva. Paralelamente, desenvolveranse actividades complementarias que amplían a dimensión pedagóxica e social do proxecto.

O xoves 16 de abril, entre as 17:00 e as 19:00 h, terá lugar unha charla aberta na Sala Mozart do Auditorio de Galicia, na que a artista presentará o seu traballo internacional, incluíndo proxectos como Humanae e MMM, acompañada por profesionais galegas que traballan arredor das experiencias migratorias. A participación nas sesións fotográficas require inscrición previa.

O vindeiro sábado 18 de abril, Área Central Outlet convértese no escenario de “Circo en clave de vento”, unha proposta cultural sorprendente que fusiona o circo contemporáneo coa música en directo. Con motivo do Día Mundial do Circo, o CMUS Profesional de Santiago e Circonove unen forzas para ofrecer un espectáculo cheo de ritmo, emoción e creatividade, pensado para todos os públicos.

O alumnado do consort de dobre lingüeta será o encargado de poñer banda sonora en vivo, con instrumentos como o oboe ou o fagot, creando unha atmosfera única para acompañar números de acrobacias, equilibrio, expresión corporal e teatro físico. Un diálogo constante entre son e movemento que transforma cada actuación nunha experiencia artística completa.

Un plan perfecto para gozar en familia ou con amizades, nun espazo accesible e pensado para todos os públicos.
Entrada gratuíta.

Death Cafe ou Café da Morte é unha xuntanza de persoas para dialogar e reflexionar arredor de cuestións relacionadas coa morte. As persoas participantes, que a miúdo non se coñecen entre si, reúnense para tomar café ou té e conversar sobre un final inevitablemente transversal. O obxectivo destas convocatorias é favorecer un diálogo aberto que axude a aumentar a conciencia sobre a morte e a poñer luz sobre un tema tradicionalmente tabú, coa finalidade de apoiarse mutuamente para vivir de maneira máis plena a vida finita que compartimos como seres humanos.

Os Death Cafe son iniciativas sen ánimo de lucro e organízanse en espazos accesibles pero íntimos. Non son grupos de dó nin sesións terapéuticas, senón encontros abertos e respectuosos, independentemente das crenzas ou condicións persoais. Non hai persoas expertas que dirixan o contido, senón facilitadoras e facilitadores que velan por que o diálogo flúa libremente dentro do marco da temática.

ESDLB Ao vivo propón unha experiencia que vai máis aló do formato podcast, combinando humor e reflexión nun encontro directo co público. Ricardo Moya sobe ao escenario acompañado de convidados sorpresa para abordar, con honestidade e intelixencia, temas que conectan coas emocións e a realidade contemporánea. Unha proposta que convida a rir, pensar e descubrir novas perspectivas a través de historias que inspiran e interpelan.

Durante un mes completo, o noso parque máis insigne lucirá unha iluminación artística especial. Desde o venres 28 de novembro ao martes 6 de xaneiro, o Paseo da Ferradura na Alameda brillará máis que nunca: a instalación lumínica simula un río luminoso cuberto de árbores polas que penetra a luz da lúa e no que brincan as estrelas da Vía Láctea, que son tamén as Estrelas de Compostela.

Esta iluminación consegue unha experiencia inmersiva, que nos convida a pasear pola Alameda coma se fose un río sagrado. Un paseo de fantasía, onde os peques poden brincar, bailar, case tocar as estrelas e retratarse e filmarse. A instalación comeza coa benvida na Porta dos Leóns, coa mensaxe “Compostela, a Estrela do Nadal”. Tras o percorrido entre estrelas polo paseo da Ferradura, chégase ao Banco dos Namorados, con un imperdible “photocall”.

Organiza: Turismo de Santiago / Concello de Santiago. Co apoio de: Deputación da Coruña.

Durante un mes completo, o noso parque máis insigne lucirá unha iluminación artística especial. Desde o venres 28 de novembro ao martes 6 de xaneiro, o Paseo da Ferradura na Alameda brillará máis que nunca: a instalación lumínica simula un río luminoso cuberto de árbores polas que penetra a luz da lúa e no que brincan as estrelas da Vía Láctea, que son tamén as Estrelas de Compostela.

Esta iluminación consegue unha experiencia inmersiva, que nos convida a pasear pola Alameda coma se fose un río sagrado. Un paseo de fantasía, onde os peques poden brincar, bailar, case tocar as estrelas e retratarse e filmarse. A instalación comeza coa benvida na Porta dos Leóns, coa mensaxe “Compostela, a Estrela do Nadal”. Tras o percorrido entre estrelas polo paseo da Ferradura, chégase ao Banco dos Namorados, con un imperdible “photocall”.

Organiza: Turismo de Santiago / Concello de Santiago. Co apoio de: Deputación da Coruña.