O festival de poesía Alguén que Respira! celebra a súa novena edición en Santiago do 18 ao 21 de marzo, centrado na memoria e coa despedida de Antón Lopo como director. Haberá unha trintena de recitales, debates e performances, con participación de figuras como Olga Novo, Ana Rosetti e Pol Guash. Tamén estará presente a música contemporánea galega con Faia, Guadi Galego, Woyza e Nuno Pico.

O festival ofrece unha perspectiva completa da memoria a través da lírica e da ciencia. Máis información en alguenquerespira.gal .

Nova sesión das Mañás poéticas, unha lectura aberta e libre de textos de diferentes autoras e autores, que no mes de marzo adicamos á poeta Alejandra Pizarnik.

Filla dunha familia ruso-xudía, naceu en Buenos Aires o 29 de abril de 1936. Seu pai e súa nai tiñan 27 e 26 anos, respectivamente, e chegaran procedentes de París, depois de pasar unha tempada co tío paterno. Coa chegada do nazismo, desapareceu practicamente toda a familia. Só sobreviviron o tío co que estiveran en París e outra tía, irmá da nai, que se trasladara tamén a Buenos Aires. Tivo unha etapa infantil liberal, de acordo co ambiente familiar. Pasou polas aulas de Filosofía e de Xornalismo, na capital arxentina, onde o catedrático de Literatura Moderna, Juan Jacobo Barjalía, a anima a tentar unha carreira literaria. Por esas datas comeza a manifestar unha especie de fascinación pola morte, presente en toda a súa obra, e tamén entra en contacto co surrealismo, a través do pintor Batlle Planas.

Explora tamén o camiño de reporteira, con algún traballo realizado, pero deixa esta vocación por outros mundos que lle tiraban máis. Cunha saúde fráxil, pola súa condición de asmática, seu pai ofrécelle coidado. O seu negocio de xoieiro permitíalles vivir con desafogo e paga a publicación do seu primeiro libro, La última inocencia (1956), que aparece en Botella al Mar, do grande editor galego Arturo Cuadrado, na que tamén participaba Luís Seoane.Tamén lle paga as consultas psicolóxicas, coas que tentaba pór orde nunha mente desbocada.

Tentou un cambio de residencia e trasladouse a París, de 1960 a 1964, pero a súa insatisfacción crónica mantívose máis aló de calquera remedio que experimentase. En 1971 escríbelle unha carta ao seu grande amor, Sylvina Ocampo -que non respondeu-, na que fala de problemas respiratorios moi molestos e dunha potente sensación de proximidade coa morte, no plano anímico, no literario e quizais tamén no físico, que pode resumirse nestas dúas pasaxes da propia carta:

¿Por qué, Silvina adorada, cualquier mierda respira bien y yo me quedo encerrada y soy Fedra y soy Ana Frank?

Además la muerte tan cercana a mí (tan lozana!) me oprime. (…) Sylvette, no es una calentura, es un re-conocimiento infinito de que sos maravillosa, genial y adorable.

Outra relación importante na súa vida mantívoa coa poeta Olga Orozco, que lle dedicou o poema “Pavana del hoy para una infanta difunta que amo y lloro”.

Na sala de traballo A do terceiro andar. A entrada é libre ata un máximo de 15 participantes.

O xoves 16 de abril ás 18:00 h, a Facultade de Psicoloxía da USC acollerá a presentación do libro Más barro y menos drama da artista e formadora Renata Otero. Esta publicación condensa de maneira amena e lixeira anos de investigación e propón unha viaxe cara á memoria e ás emocións máis profundas a través do traballo consciente coa arxila. O encontro será cálido e participativo, con testemuños e mostras en vivo, nunha cita para reconectar co esencial e celebrar o proceso creativo.

O espazo Vide, Vide acolle unha conversa arredor do libro O Imperialismo no século XXI, do profesor e analista internacional Duarte Correa Piñeiro, coa participación do propio autor e do activista Anxo Louzao. A obra recupera o estudo do imperialismo como un fenómeno clave para comprender o devir da humanidade contemporánea, desmontando a idea de que pertence ao pasado e afondando no seu papel dentro das dinámicas do capitalismo global.

A través desta análise, o libro aborda cuestións como o papel das grandes potencias, os conflitos internacionais actuais ou o funcionamento dos mecanismos políticos e ideolóxicos que sosteñen a hexemonía global, ofrecendo ferramentas para interpretar os cambios xeopolíticos do século XXI.

Un encontro pensado para o debate e a reflexión crítica, que convida a comprender mellor o mundo actual desde unha perspectiva informada e plural. 

Organizado pola Agrupación Cultural O Galo e Tempo Galiza Editora.

Arredor da obra de Nieves Neira.

Nova sesión das Mañás poéticas, unha lectura aberta e libre de textos de diferentes autoras e autores, que no mes de abril se dedica á xornalista e poeta Nieves Neira. Autora de O feitizo de Maruja Roca, obra na que recupera a memoria da súa tía avoa, fotógrafa no Becerreá da posguerra, tamén colaborou en proxectos como Geometría de ecos, Cando os ollos non bastan, Dedicatoria ou Salífero-Opus4. Participa activamente na organización do festival Cartografía en movemento e actualmente traballa nunha tese sobre Uxío Novoneyra, co que mantén unha fonda vinculación. Na sala de traballo A do terceiro andar. Entrada libre ata un máximo de 15 participantes.

DATAS APROXIMADAS

A SELIC (Semana do Libro de Compostela) é a gran cita literaria da cidade. Durante varios días, a Praza da Quintana énchese de libros, autores e actividades que celebran a lectura con presentacións, recitais, obradoiros e propostas para todas as idades.

O xoves 16 de abril ás 18:00 h, a Facultade de Psicoloxía da USC acollerá a presentación do libro Más barro y menos drama da artista e formadora Renata Otero. Esta publicación condensa de maneira amena e lixeira anos de investigación e propón unha viaxe cara á memoria e ás emocións máis profundas a través do traballo consciente coa arxila. O encontro será cálido e participativo, con testemuños e mostras en vivo, nunha cita para reconectar co esencial e celebrar o proceso creativo.

O espazo Vide, Vide acolle unha conversa arredor do libro O Imperialismo no século XXI, do profesor e analista internacional Duarte Correa Piñeiro, coa participación do propio autor e do activista Anxo Louzao. A obra recupera o estudo do imperialismo como un fenómeno clave para comprender o devir da humanidade contemporánea, desmontando a idea de que pertence ao pasado e afondando no seu papel dentro das dinámicas do capitalismo global.

A través desta análise, o libro aborda cuestións como o papel das grandes potencias, os conflitos internacionais actuais ou o funcionamento dos mecanismos políticos e ideolóxicos que sosteñen a hexemonía global, ofrecendo ferramentas para interpretar os cambios xeopolíticos do século XXI.

Un encontro pensado para o debate e a reflexión crítica, que convida a comprender mellor o mundo actual desde unha perspectiva informada e plural. 

Organizado pola Agrupación Cultural O Galo e Tempo Galiza Editora.

DATAS APROXIMADAS

A SELIC (Semana do Libro de Compostela) é a gran cita literaria da cidade. Durante varios días, a Praza da Quintana énchese de libros, autores e actividades que celebran a lectura con presentacións, recitais, obradoiros e propostas para todas as idades.