Conferencia titulada «Accesibilidade á vivenda e desigualdade social no século XXI», que estará impartida por Ismael Yrigoy, Doutor en Xeografía e Investigador da USC.

As representacións de Francisco de Asís na arte compostelá presentan iconografías propias e singulares, ligadas á lenda, historia e tradición da súa presenza en Santiago. A conferencia de José Manuel García Iglesias, catedrático de Historia da Arte da USC, explorará a riqueza e especificidade destas obras, case exclusivas da cidade, pero cunha clara influencia na súa contorna. O recadado irá a favor do Albergue Xoán XXIII.

Conferencia en colaboración coa Federación de Ateneos de Galicia, titulada «Rompendo as barreiras do localismo: Vigo en Santiago», que estará impartida por Manuel Bragado, escritor, editor e profesor.

Faladoiro a cargo do equipo profesional da Asociación Fonte da Virxe, centrada en saúde mental. Esta sesión achegará ferramentas prácticas e testemuñas desde a experiencia profesional e humana. Tamén se abordará o papel preventivo das actividades socioculturais, incluíndo a musicoterapia como camiño cara o benestar.

No marco da celebración do 30 aniversario da Asociación do Traxe Galego, celebran estes faladoiros impartidos por distintos especialistas do traxe popular. (HORARIO POR DETERMINAR)

• “As Artes do adorno corporal: a ouriveria tradicional de Galiza “- Fernando Martinez Vilanova. Formas, evolución, desenvolvemento e xestación da nosa ourivería no marco histórico dos séculos XVII, XVII e XIX. 
• “Picheleiras: o traxe tradicional na comarca de Santiago“- Andrés Collantes . Características e peculiaridades do traxe tradicional popular en Compostela e a súa contorna. Os traxes de brillantes: bristol, ouro, negro e claro de luna. 
•  “Os coros de bonitos “- Francisco Collantes. Do abandono do uso do traxe tradicional como prendas do vestir no día a día e o seu uso no acto festivo do entroido. Características e peculiaridades en Compostela e a súa contorna: os coros de bonitos. 
• “O tecido tradicional en Galicia. Usos na indumentaria”- Obradoiro Pal.lium (Sandra Bastón e Carlos Diaz). Materiais, técnicas e usos. De teares, fios e tecidos. Uso do tecido nas prendas da indumentaria tradicional. 
•  “Os pintores e o traxe “ -José Luis Rodriguez Álvarez. Un achegamento xeral ao traxe tradicional popular dende a perspectiva dos pintores rexionalistas. A importancia da súa achega pictórica como coetáneos ao esplendor do uso do traxe tradicional popular galego. 
• “O traxe aldeán de Lugo“ - Traxandaina Grupo Etnogáfico – María Teresa Astorgano. O traxe popular na provincia de Lugo . Características e peculiariedades. 
•  “A Vestimenta tradicional de Muller na Provincia de Ourense” - Antón Méndez Gándara. Descrición das pezas máis caracteristicas e diferenciadoras da vestimenta tradicional feminina ourensá: prendas, nomenclatura, tecidos, patróns, cores e usos . 
•  “Variantes do Traxe na Provincia da Coruña “ - Yerai Paz. O traxe tradicional na provincia da Coruña, variación por comarcas. Características diferenciadoras e puntos comúns entre comarcas e vs outras provincias galegas. 
• “O traxe tradicional en Pontevedra. Un paseo do mar a montaña“ - José Cortizo. O traxe tradicional en Pontevedra. Peculiaridades e características diferenciadoras. Variacións dentro da propia provincia. 

A xornada enmárcase no convenio entre Concello e USC para desenvolver traballos de investigación para a consecución do Pacto Local por un Turismo Sustentable, dentro do Plan de sustentabilidade turística de Santiago de Compostela que conta coa colaboración da Xunta de Galicia e do Ministerio de Industria e Turismo.

A temática xirará ao redor de actuacións e proxectos que se están a desenvolver noutros destinos  e que responden a desafíos actuais para acadar un modelo turístico baseado na sustentabilidade e na responsabilidade.

A profesora de Historia da Arte, Marta Cendón ofrece esta conferencia con fins benéficos. Os fondos irán destinados a Cáritas Interparroquial.

IX conferencia do 525 aniversario da Confraría do Rosario de Santiago.

A Asociación de Municipios do Camiño de Santiago (AMCS) celebrará o vindeiro 25 de xuño, ás 19:00 horas, na Aula 26 da Facultade de Ciencias Económicas e Empresariais da Universidade de Santiago de Compostela, unha sesión aberta ao público na que se presentarán os primeiros resultados do “Estudo sobre a Sustentabilidade Económica e Social do Camiño de Santiago Francés”, financiado pola Secretaría de Estado de Turismo no marco da Estratexia de Sustentabilidade Turística en Destinos.

A xornada artellarase arredor de tres intervencións complementarias. En primeiro lugar, Maribel Martínez e Pablo Soria, directora e analista, respectivamente, da firma Abay Analistas, explicarán a metodoloxía e as principais conclusións da investigación que están a desenvolver para a AMCS. O seu diagnóstico aborda as fortalezas e debilidades do tecido produtivo vinculado á Ruta Xacobea, a evolución do emprego directo e indirecto, as oportunidades e os obstáculos para o emprendemento local, así como os retos do relevo xeracional e a continuidade dos negocios ao longo do Camiño. O estudo contrasta fontes oficiais (INE, SEPE, Cámaras de Comercio) con entrevistas selectivas a axentes económicos e aliñase cos indicadores da Estratexia de Sustentabilidade Turística, co obxectivo de que os seus resultados sexan útiles para a toma de decisións por parte de concellos e PEMES.

A continuación, intervirá Andrés Precedo Ledo, catedrático emérito de Xeografía Humana da USC e actual presidente do Comité Científico da AMCS, recoñecido internacionalmente como un dos maiores expertos en ordenación territorial e desenvolvemento local. Precedo ampliará as conclusións do seu coñecido traballo “O turismo cultural como factor estratéxico de desenvolvemento: o Camiño de Santiago”, centrado na capacidade da marca Xacobeo para dinamizar tanto áreas rurais en declive coma a propia cidade de Santiago, e salientará a necesidade de integrar o turismo nun modelo de desenvolvemento equilibrado que fortaleza o capital social do territorio.

Pechará a xornada Melchor Fernández Fernández, doutor en Economía pola Universitat Autònoma de Barcelona, profesor titular e director do Departamento de Fundamentos da Análise Económica da USC, coordinador do Grupo de Análise e Modelización Económica (GAME) e premio “Valentín Paz Andrade” de investigación en economía de Galicia polos seus estudos sobre o Camiño. Cunha traxectoria de máis de oitenta proxectos e contratos de investigación como investigador principal, Fernández abordará as claves da súa liña de traballo sobre a percepción da poboación residente e a convivencia entre veciñanza e peregrinos, baseándose no estudo “O impacto do Camiño de Santiago a escala local. A percepción da poboación de dous municipios galegos”, que revela unha valoración maioritariamente positiva e ausencia de saturación turística, aínda que advirte de tensións latentes en materia de vivenda ou servizos. A súa intervención tratará tamén a cuestión da turismofobia emerxente en Santiago de Compostela e proporá medidas de gobernanza participativa para preservar a cohesión social.

Despois das tres intervencións abrirase un coloquio co público. Ao desenvolver este estudo e promover encontros coma este, a Asociación de Municipios do Camiño de Santiago quere demostrar como dotar aos municipios de instrumentos obxectivos para garantir que os beneficios económicos asociados ao Camiño se redistribúan localmente, que o emprego e o emprendemento se asenten no territorio e que a convivencia entre residentes e peregrinos se produza nun contorno de respecto e con servizos públicos reforzados. O obxectivo último é que o Camiño siga a ser un motor de prosperidade inclusiva e benestar social, sen renunciar á esencia patrimonial que o converte nun referente internacional.

Como parte das charlas divulgativas “A vangarda arrebatada” sobre a vida e a obra de Francisco Miguel e Syra Alonso, organizadas pola Deputación da Coruña e a Asociación pola Recuperación da Memoria Histórica (ARMH), celebrarase en Santiago unha xornada na Fundación Eugenio Granell. O evento terá lugar o mércores 17 de setembro ás 19:00 h e presentará unha visión profunda sobre a vida, a arte e os crimes de Francisco Miguel.

A charla será impartida por Miguel Anxo Fernán Vello, escritor e editor, e presentada por David Lozano, da ARMH. Esta actividade forma parte do programa que busca difundir a memoria histórica e dar a coñecer a vida de persoas que marcaron a vanguardia artística e cultural da súa época.

No marco do programa Culturearte, o xornalista Jesús Fontenla ofrecerá o martes 23 de setembro ás 20:45h no salón de actos do CM Arosa a charla “Os bulos en política que todos nos cremos”, unha proposta dinámica e participativa que convida a reflexionar sobre a actualidade política en España.

A xornada é xa un referente no sector do emprendemento e conta coa presencia de destacados ponentes como Daniel Ramos Lobon y David Pardo de Corunet by SNGULAR, Inés Ures de Real Ventures, Ana Rute Mendes y Jacobo Aragunde Pérez de Igalia, Cristina Santamarina, consultora en IA y Jesus Monleón de SeedRocket, 4Founders Capital y GoTrendier México para hablar de sus respectivas trayectorias y experiencias.

Palestra impartida por Miguel García-Fernández, do Instituto de Estudos Galegos Padre Sarmiento (CSIC-Xunta de Galicia). Organizada pola Asociación Cultural O Galo.

Na Compostela do século XV, os intensos conflitos entre a nobreza e a burguesía contra o poder arcebispal permitiron que algunhas mulleres acadasen un notable protagonismo na vida política do reino medieval de Galicia. Entre elas destacaron dona Xoana de Castro e dona Catalina de Fonseca, cuxas traxectorias ilustran dous exemplos do exercicio do poder e da axencia das mulleres nun contexto de tensións, violencias e negociacións, que, por outra parte, tamén se documenta noutras cidades galegas, como sucedeu pouco antes na cidade de Ourense co caso de dona Beatriz de Castro. Así, os seus casos, unidos a outros de maior fortuna historiográfica –aínda que con bastantes máis problemas á hora de abordar o seu estudo– como sucede con María Castaña para a terra lucense no séc. XIV, permiten cuestionar as imaxes que, tanto no ámbito da investigación como da divulgación, continúan a asociarse á vida, papel e protagonismo das mulleres no seo da sociedade medieval e, nomeadamente, en relación á conflitividade do seu tempo.

Neste sentido, as fontes documentais demostran como dona Xoana de Castro, viúva de Rodrigo de Moscoso, actuou como líder e mediadora nas tensións entre a cidade e o arcebispo don Rodrigo de Luna no marco da revolta que afectou ao señorío de Santiago en 1458-1460. Situándose á cabeza da familia dos Moscoso xunto cos seus fillos Bernal Eanes e Lopo Pérez, dona Xoana representou a liñaxe na que se integrara por vía de casamento no marco dos diferentes alianzas e pactos de resistencia nos que participaron os seus contra o señor de Compostela. Así, por exemplo, en 1458 aparece asinando os estatutos dunha irmandade rebelde, xunto a diversos membros da nobreza compostelá e doutros grupos de poder da Terra de Santiago, onde se exaltaba a defensa da “liberdade da cidade” fronte ao señorío episcopal. De feito, o seu nome figura reiteradamente nos acordos da Irmandade, signo do pleno recoñecemento da súa autoridade no contexto social e político do momento.

Ademais, o 1 de setembro de 1459 participou no armisticio acordado na Porta de Mazarelos, xurando persoalmente ante o altar maior da catedral cumprir os termos da paz. E ese mesmo ano, o rei Henrique IV ordenou que ela e o seu fillo devolvesen ao arcebispo os castelos tomados durante a guerra. Polo tanto, os documentos conservados demostran claramente o seu papel decisivo na negociación e mediación políticas: mesmo o seu fillo Bernal Eanes de Moscoso lle outorgou un poder para igualarse co prelado en nome da familia. Con todo, as crónicas coetáneas apenas mencionan a dona Xoana nestes acontecementos, o que constitúe un claro reflexo do androcentrismo cronístico que silenciou en boa medida a participación feminina nos conflitos urbanos da Idade Media e, consecuentemente, a necesidade de consultar outras fontes máis achegadas aos feitos.

Pola súa parte, dona Catalina de Fonseca, mai do arcebispo Alonso de Fonseca (II), representa a outra cara do mesmo conflito, mais prolongado uns anos despois. É dicir, aínda sendo muller, dona Catalina chegou a encabezar a representación do bando arcebispal. Desde a posición de poder que lle daba a súa maternidade, defendeu a sede compostelá durante o asedio de 1466 que levaron a cabo os Moscoso e os seus aliados. E, de feito, o eco das súas propias palabras, conservadas a través de documentos do Arquivo da Catedral de Santiago, infórmanos de como dona Catalina chegou a tomar diñeiro e xoias do tesouro catedralicio para manter a defensa da igrexa, da cidade e do arcebispo, quen nese momento era retido en prisión polo bando dos Moscoso. O seu testemuño revela, pois, estarmos ante unha muller activa, que asumiu funcións loxísticas, financeiras e de mando militar en plena guerra.

As actas capitulares rexistran ao mesmo tempo a súa intervención directa nos feitos. De feito, por orde súa foron apresados varios membros do cabido, o que provocaría o cerco catedralicio por parte dos sublevados contra o señorío arcebispal. Ao mesmo tempo, as crónicas estranxeiras reforzan esta imaxe. A raíz da viaxe de León de Rosmithal, nobre bohemio que peregrinou a Compostela, escribíronse dous relatos onde nos falan de como dona Catalina era vista como unha muller “malvada” polos seus inimigos mais, ao mesmo tempo, tamén se nos presenta como unha muller piadosa e hospitalaria cos foráneos, decidida a continuar coa súa loita e a non render “a casa de Deus”.

Dona Catalina, pois, encarna así unha autoridade maternal e política, enfrontada á rebeldía laica e nobiliaria dos Moscoso e, consecuentemente, tamén á de dona Xoana de Castro. Ambas, desde posicións opostas, mostran que as mulleres podían ocupar espazos de liderado político e simbólico nos conflitos urbanos galegos, actuando como negociadoras, financiadoras ou estrategas. Só será un acordo final de 1466, onde se menciona de novo a “dona Joana de Castro”, xunto a outros nobres varóns, nos termos de perdón do arcebispo Fonseca, o que peche un ciclo de guerra no que ambas as mulleres foron protagonistas e adversarias.

En definitiva, dona Xoana e dona Catalina simbolizan dous rostros do poder feminino medieval: a rebelde que desafía a autoridade eclesiástica no marco das reivindicacións e loitas dos intereses propios das liñaxes nobiliarias do seu tempo e a mai episcopal que defende a lexitimidade do señorío do seu fillo, adquirindo un papel capital á cabeza dunha das institucións máis androcéntricas do momento, como era a Catedral de Santiago. Ambas romperon coas marxes tradicionais de xénero, deixando unha pegada apenas perceptible nas crónicas, pero viva nos documentos e memorias que rescatan as súas voces. O seu enfrontamento non só foi político, senón tamén representativo dunha pugna máis ampla entre a rebeldía e a lexitimidade, entre a resistencia urbana e o poder señorial, e entre dúas mulleres que, desde bandos opostos, demostraron que na Galicia do século XV tamén as mulleres podían exercer o poder e a palabra.

Un espectáculo no que se ensina a resolver as principais situacións de emerxencia, desmonta mitos, da consellos e claves utis para que calquera cidadán poida literalmente salvar vidas.

Grazas ás redes sociais, Miguel Assal tivo a sorte de conectar con máis de 13 millóns de seguidores en tan só tres anos. O seu contido converteuse nunha ferramenta útil tanto para quen quere aprender como para quen desexa ensinar a salvar vidas.

A Asociación Cultural O Galo organiza unha palestra impartida pola historiadora Diana Pelaz arredor da figura de dona Urraca de Galiza, unha das mulleres máis singulares da Idade Media peninsular. O seu reinado desenvolveuse nun contexto político de gran complexidade, no que apenas existían precedentes de goberno feminino, pero tampouco leis que o prohibisen. Dona Urraca destacou como pioneira na asunción das responsabilidades do poder político, converténdose na primeira muller do seu tempo en exercer como raíña reinante.

A conferencia abordará tamén o papel de Galicia no seu reinado, un territorio co que estivo fondamente vencellada e no que teceu redes políticas e persoais determinantes. A historiadora analizará ademais as súas relacións coas grandes figuras do momento, como a súa medio irmá dona Teresa de Portugal, a Casa dos Traba ou o arcebispo de Santiago Diego Xelmírez, coa que mantivo un dos enfrontamentos máis complexos e fascinantes do período.

A Agrupación Cultural O Galo organiza o venres 31 de outubro, ás 20:00 h, no claustro da igrexa de Sar, unha táboa redonda sobre Santa María de Sar, coa participación de Goretti Sanmartín, alcaldesa de Santiago; Míriam Louzao, concelleira de Cultura de Santiago; Daniel Lorenzo, director da Fundación Catedral de Santiago; Victoriano Nodar, profesor de Arte Medieval na Universidade de Vigo; e Ramón Yzquierdo, director técnico-conservador do Museo Catedral de Santiago.

No acto presentarase o caderno especial publicado en Nós Diario, titulado Santa María a Real de Sar. Do medievo ao século XXI a través da museoloxía e a tecnoloxía dixital, realizado por Victoriano Nodar (Universidade de Vigo) e Ramón Yzquierdo Peiró (Museo Catedral de Santiago). Ademais, proxectarase un audiovisual que recrea o aspecto da igrexa na Idade Media.

No marco do Programa CULTUREARTE, o martes 4 de novembro ás 20:45 h no salón de actos do CM Arosa (Hórreo, 55), José M. Guldrís (Josecho), párroco de O Milladoiro, ofrecerá unha charla‑coloquio sobre a evolución da inmigración nas últimas décadas e o seu traballo coa comunidade inmigrante en O Milladoiro. Actividade recoñecida con 1 crédito ETCS pola Vicerreitoría de Estudantes e Cultura.

Educación século XXI presenta en Santiago de Compostela, o 18 de novembro: O TDAH ao longo da vida con María del Pilar de Castro Manglano

María del Pilar de Castro Manglano, psiquiatra especializada en adolescentes, guiaranos para descubrir e comprender en profundidade o universo do TDAH.

María del Pilar de Castro Manglano é especialista en Psiquiatría Infantil e do Adolescente. Ao longo da súa traxectoria profesional, dedicou os seus esforzos a investigar e tratar trastornos psiquiátricos complexos en nenos, adolescentes e adultos xoves.

As súas principais liñas de investigación céntranse no estudo clínico e na neuroimaxe de trastornos como o Trastorno por Déficit de Atención e Hiperactividade (TDAH).

O TDAH é o trastorno do desenvolvemento máis frecuente na infancia e adolescencia, caracterizado por tres síntomas nucleares: inatención, hiperactividade e impulsividade. A súa presentación pode variar segundo o predominio dos síntomas, que tamén poden cambiar ao longo da vida.

Nicolás Sartorius, avogado, político e xornalista, participará o luns 24 de novembro na charla “A loita pola liberdade”, presentada por Amelia Pérez (CCOO Galicia). Histórico militante antifranquista e cofundador de Comisións Obreiras, foi preso durante seis anos e tivo un papel clave na Transición. Deputado en varias lexislaturas, é autor do ensaio A fin da ditadura.

XOVES 27 DE NOVEMBRO / Conferencia Quantum Mechanics and Avant-Garde Music: Shadows of the Void
Hora: 19:00 h   

Neste faladoiro, o artista presentará e explicará para o público xeral os fundamentos do seu libro homónimo, publicado en 2024. A presentación abranguerá as diferentes conexións entre a física cuántica e a música contemporánea, desde interrelacións en perspectiva cronolóxica ata correlacións metafóricas entre fenómenos fundamentais da mecánica cuántica, como o principio de incerteza de Heisenberg, o principio de exclusión de Pauli ou o entrelazamento cuántico e o seu reflexo na estrutura de composicións musicais seleccionadas de Karlheinz Stockhausen, John Cage, Arnold Schönberg e outros, así como nas técnicas específicas de interpretación. Falará tamén do lugar que ocupaba a música clásica na vida e na obra de grandes científicos como Albert Einstein, Max Planck ou Werner Heisenberg, entre outros. Por último, haberá un espazo para a reflexión no que se abordarán os aspectos máis filosóficos da teoría cuántica e da relatividade.

VENRES 28 DE NOVEMBRO / Concerto de Rakhat-Bi Abdyssagin
Hora: 20:00 h 

Rakhat-Bi Abdyssagin ofrecerá un concerto ao piano que percorrerá diversas épocas da historia da música con obras de Bach, Mozart, Beethoven, Chopin, Liszt e Scriabin, entre outros.

O recital concluirá con Rondine piangente, unha composición do propio Abdyssagin na que o autor entrelaza a súa linguaxe persoal coa tradición pianística que lle confire sentido ao programa.

Celebramos o Día da Ilustración coa charla “A aventura creativa de Anzuelo” de Emma Ríos. A mar álzase, mostrando toda a forza e complexidade que ocultaba ata agora. O seu horizonte prégase, absórbeo todo e transforma o mundo en parte de si mesma. Nesa nova paisaxe, tres nenos á deriva, marcados por unha traxedia que afectou tanto ao seu corpo como á súa mente, atopan un punto en común: a súa conexión coas mareas e a súa decisión de non danar a ningún ser vivo.

A autora reflexiona sobre o seu último cómic, Anzuelo, unha historia de eco-terror na que o estraño convive coa beleza e o aterrador coa tenrura, conformando unha paisaxe postapocalíptica na que a única certeza é o amarre aos ecos da humanidade que se levou a marea.

Emma Ríos (Vilagarcía de Arousa, 1976) é unha autora que se forma a medio camiño entre a arquitectura e a autoedición ata que consegue dedicarse profesionalmente á historieta en 2007. Realizou traballos de encarga para varias editoriais americanas, destacando Marvel Entertainment, onde traballa regularmente durante catro anos ata que consegue volver ao cómic de autor en 2014 da man de Image e en colaboración con Kelly Sue DeConnick con Bela Morte, (Astiberri, 2014 e 2016), cómic polo que é nomeada en dúas categorías dos premios Eisner ese mesmo ano: como mellor portadista e artista de interiores. Tamén é autora de I.D. (Astiberri, 2016) como autora completa, coedita a revista Island con Brandon Graham e cocrea Mirror (Astiberri, 2017) con Hwei Lim.

No salón de actos. Entrada libre ata completar a capacidade da sala.

O Colloquium-INCIPIT “O retorno dos comúns: límites e desafíos” terá lugar o xoves 19 de febreiro ás 19:00 h no Museo das Peregrinacións. Nesta sesión, César Rendueles e David Barreiro abordarán a importancia dos bens comúns na sociedade contemporánea, rastreando as súas fontes teóricas e analizando tres momentos da súa reapariçom política: as iniciativas de coñecemento libre, os movementos antiausteridade e o ecologismo político. O obxectivo é reflexionar sobre os retos e límites dos comúns no noso tempo.

César Rendueles (1975) é científico titular no Instituto de Filosofía do CSIC e profesor anterior de Socioloxía na Universidade Complutense de Madrid e na Universidade Carlos III. É autor de obras como Sociofobia (2013), Capitalismo canalla (2015), En bruto (2016), Contra la igualdad de oportunidades (2020), Comuntopía (2024) e A la sombra de Marx (2025).

A conferencia “Hegel con Žižek: El trauma de lo absoluto”, dentro das Conferencias Mazarelos da Facultade de Filosofía, ofrece unha análise profunda sobre a relación entre substancia e suxeito no pensamento hegeliano, tal como a interpreta Žižek. A sesión explora o que Žižek describe como un “bucle imposible”, unha tensión intrínseca entre substancia e suxeito que revela a natureza traumática da verdade do real. Esta aproximación permite reinterpretar o hegelianismo desde un materialismo renovado e reflexionar sobre a longa historia de recepción da súa filosofía, que converte a Hegel nun punto de referencia ineludible para o pensamento contemporáneo.

O xoves 19 de febreiro ás 19:30 h, a libraría Couceiro acolle a palestra “Vinte cinco edicións discográficas para Rosalía de Castro”. A escritora é, con diferenza, a referencia literaria galega con maior presenza na música: máis de cincocentos rexistros sonoros recollidos pola Biblioteca Nacional así o demostran. Entre eles destaca “Negra Sombra”, convertida nun emblema musical desde comezos do século XX.

Nesta charla afóndase nun aspecto pouco explorado: as edicións discográficas concibidas como traballos monográficos arredor da figura de Rosalía de Castro. Vinte e cinco proxectos fundamentais que, ao longo de décadas, contribuíron a consolidar a súa pegada musical e cultural, servindo tamén de inspiración para que novas gravacións incorporasen a súa obra.

O relatorio será impartido por Xaime Estévez Vila, catedrático de música en ensino secundario, colaborador universitario e membro de diversos proxectos e entidades ligadas á música e á tradición galega. Cunha traxectoria ampla na investigación, divulgación e programación cultural, é tamén intérprete multi-instrumentista e responsable dun extenso arquivo persoal dedicado á música galega.

A táboa redonda “Consecuencias dos cambios na Lei de Patrimonio de Galiza” terá lugar o venres 6 de marzo ás 19:30 h no Centro Sociocultural do Ensanche, con entrada libre até completar capacidade. No foro, organizado pola A.C O Galo, intervirán Mercedes Queixas, deputada do Parlamento de Galiza; Xosé Penas, deputado de Patrimonio da Deputación da Coruña; Ruth Verela, profesora na UdC e presidenta da delegación do COAG na Coruña; e Teresa Nieto, funcionaria do corpo especial de arquitectos da Xunta de Galicia. 

Nesta nova conferencia, o Dr. Mario Alonso Puig acompañarache na aventura de descubrir a forza dese faro interno capaz de acender a túa ilusión, afianzar a túa confianza e ofrecerte a claridade que precisas para converter o imposible en posible.

O Festival Solidario Nosolocoaching 2026 celebrarase o domingo 15 de marzo, de 9:30 a 14:30 h, no Auditorio ABANCA de Santiago de Compostela.
Trátase dun evento anual de carácter solidario e transformador centrado no desenvolvemento persoal, o liderado humanista e o crecemento integral. Combina conferencias inspiradoras, talleres prácticos, experiencias artísticas, actividades de humor e espazos de networking, co obxectivo de inspirar, conectar e potenciar o benestar persoal e profesional dos asistentes.
A recadación íntegra das entradas destínase a proxectos solidarios, especialmente á infancia vulnerable en Nepal a través da Fundación Vicente Ferrer.

AC. O Galo organiza o ciclo Iconografía e Arquitectura na Catedral de Santiago de Compostela, s. XI-XV, que se celebrará no oratorio de S. Felipe Neri (edificio de S. Martiño Pinario). A primeira palestra, “A Arquitectura románica da Catedral de Santiago”, será impartida por David Chao, profesor de arte medieval da USC, e rematará cunha visita guiada de 25 minutos ao interior da catedral.

O ciclo constará de cinco sesións en total: Victoriano Nodar, profesor de arte medieval da UVigo, presentará “Capiteles románicos da catedral de Santiago” o xoves 9 de abril; Ramón Yzquierdo Peiró, Director Técnico do Museo da Catedral, abordará “O Mestre Mateo. O gran escultor da Catedral” o xoves 21 de maio; Marta Cendón, profesora de arte medieval da USC, impartirá “O gótico na Catedral de Santiago” o mércores 17 de xuño; e Xosé Manuel Castiñeiras, profesor de arte medieval da UB, pechará o ciclo con “Os Portais Historiados da Catedral de Santiago”

O ÓRGANO SAE Á RÚA- Encontro con Manuel Vilas, espazo de música en vivo e conversa

Un espazo de conversa, preparación para a escoita e música en vivo co arpista e investigador Manuel Vilas, que nos permitirá coñecer máis a fondo os contidos do programa que será interpretado o domingo, Cidades de ouro e prata, así como as músicas que nos chegaron do período do vicerreinado do Perú. A sesión combinará explicacións directas do intérprete con pequenos exemplos en vivo, creando un diálogo entre palabra e son que facilitará unha escoita máis profunda e consciente do concerto de clausura na igrexa do Carme. 

Conferencia: Capiteis románicos da Catedral de Santiago
Victoriano Nodar (Universidade de Vigo)

Dentro do ciclo Iconografía e Arquitectura na Catedral de Santiago de Compostela, s. XI-XV, a Asociación Cultural O Galo organiza esta conferencia centrada nun dos elementos máis singulares e, a miúdo, desapercibidos do templo: os capiteis románicos.

Máis alá da súa función estrutural e decorativa, estes capiteis constitúen un auténtico medio de comunicación visual, especialmente nos exemplos figurados, que transmiten mensaxes relixiosas e simbólicas. A súa distribución en espazos clave da catedral revela a existencia de programas iconográficos pensados para distintos públicos.

A través da súa análise, a sesión permitirá tamén percorrer a evolución das correntes artísticas do románico europeo entre os séculos XI e XIII, destacando o papel da Catedral de Santiago como foco de innovación e difusión de modelos artísticos.

Lugar: Oratorio de San Felipe Neri 
Entrada libre ata completar capacidade

Organiza: Asociación Cultural O Galo
Colaboran: Deputación da Coruña, Fundación Catedral de Santiago e Museo Diocesano.

O xoves 16 de abril ás 18:00 h, a Facultade de Psicoloxía da USC acollerá a presentación do libro Más barro y menos drama da artista e formadora Renata Otero. Esta publicación condensa de maneira amena e lixeira anos de investigación e propón unha viaxe cara á memoria e ás emocións máis profundas a través do traballo consciente coa arxila. O encontro será cálido e participativo, con testemuños e mostras en vivo, nunha cita para reconectar co esencial e celebrar o proceso creativo.

O INCIPIT-CSIC organiza unha nova sesión do ciclo Colloquium Incipit coa conferencia do investigador Emiliano Bruner, centrada no papel da atención na evolución humana. A través dunha aproximación que conecta neurociencia, antropoloxía e evolución, a charla aborda como o noso sistema atencional, aínda sendo altamente desenvolvido, non sempre é capaz de xestionar a complexidade dos procesos mentais e emocionais contemporáneos.

A conferencia convida a reflexionar sobre a relación entre evolución, cognición e benestar, e sobre a necesidade de aprender a manexar a propia atención como ferramenta para comprender e mellorar a nosa experiencia vital.

Entrada gratuíta.

A SD Compostela organiza o III Foro Tecnoloxía e Deporte, unha xornada centrada no envellecemento activo, o exercicio físico e os avances tecnolóxicos aplicados ao deporte.

O evento, con acceso gratuíto ata completar aforo, contará coa participación de dous referentes nacionais na preparación física: Joan Forcades, preparador físico de Rafa Nadal e Carlos Moyá, e Guillem Mascaró, especialista en ultrafondo e trail running. Ambos ofrecerán a súa visión sobre como o exercicio físico e a innovación tecnolóxica poden mellorar a calidade de vida e promover un envellecemento activo.

Un encontro que pon o foco na relación entre deporte, saúde e tecnoloxía, e nas oportunidades que ofrecen os avances neste ámbito para optimizar o rendemento e manter hábitos saudables ao longo da vida.

XOVES 27 DE NOVEMBRO / Conferencia Quantum Mechanics and Avant-Garde Music: Shadows of the Void
Hora: 19:00 h   

Neste faladoiro, o artista presentará e explicará para o público xeral os fundamentos do seu libro homónimo, publicado en 2024. A presentación abranguerá as diferentes conexións entre a física cuántica e a música contemporánea, desde interrelacións en perspectiva cronolóxica ata correlacións metafóricas entre fenómenos fundamentais da mecánica cuántica, como o principio de incerteza de Heisenberg, o principio de exclusión de Pauli ou o entrelazamento cuántico e o seu reflexo na estrutura de composicións musicais seleccionadas de Karlheinz Stockhausen, John Cage, Arnold Schönberg e outros, así como nas técnicas específicas de interpretación. Falará tamén do lugar que ocupaba a música clásica na vida e na obra de grandes científicos como Albert Einstein, Max Planck ou Werner Heisenberg, entre outros. Por último, haberá un espazo para a reflexión no que se abordarán os aspectos máis filosóficos da teoría cuántica e da relatividade.

VENRES 28 DE NOVEMBRO / Concerto de Rakhat-Bi Abdyssagin
Hora: 20:00 h 

Rakhat-Bi Abdyssagin ofrecerá un concerto ao piano que percorrerá diversas épocas da historia da música con obras de Bach, Mozart, Beethoven, Chopin, Liszt e Scriabin, entre outros.

O recital concluirá con Rondine piangente, unha composición do propio Abdyssagin na que o autor entrelaza a súa linguaxe persoal coa tradición pianística que lle confire sentido ao programa.

O ÓRGANO SAE Á RÚA- Encontro con Manuel Vilas, espazo de música en vivo e conversa

Un espazo de conversa, preparación para a escoita e música en vivo co arpista e investigador Manuel Vilas, que nos permitirá coñecer máis a fondo os contidos do programa que será interpretado o domingo, Cidades de ouro e prata, así como as músicas que nos chegaron do período do vicerreinado do Perú. A sesión combinará explicacións directas do intérprete con pequenos exemplos en vivo, creando un diálogo entre palabra e son que facilitará unha escoita máis profunda e consciente do concerto de clausura na igrexa do Carme. 

O xoves 16 de abril ás 18:00 h, a Facultade de Psicoloxía da USC acollerá a presentación do libro Más barro y menos drama da artista e formadora Renata Otero. Esta publicación condensa de maneira amena e lixeira anos de investigación e propón unha viaxe cara á memoria e ás emocións máis profundas a través do traballo consciente coa arxila. O encontro será cálido e participativo, con testemuños e mostras en vivo, nunha cita para reconectar co esencial e celebrar o proceso creativo.

A SD Compostela organiza o III Foro Tecnoloxía e Deporte, unha xornada centrada no envellecemento activo, o exercicio físico e os avances tecnolóxicos aplicados ao deporte.

O evento, con acceso gratuíto ata completar aforo, contará coa participación de dous referentes nacionais na preparación física: Joan Forcades, preparador físico de Rafa Nadal e Carlos Moyá, e Guillem Mascaró, especialista en ultrafondo e trail running. Ambos ofrecerán a súa visión sobre como o exercicio físico e a innovación tecnolóxica poden mellorar a calidade de vida e promover un envellecemento activo.

Un encontro que pon o foco na relación entre deporte, saúde e tecnoloxía, e nas oportunidades que ofrecen os avances neste ámbito para optimizar o rendemento e manter hábitos saudables ao longo da vida.