- Empezar a cumprir os bos propósitos de Aninovo de aprender idiomas e facer exercicio sumándose ao 'Café de idiomas' na Biblioteca Pública e visitando a pista de xeo na Alameda.

- Escapar de calquera día de chuvia coas interesantes visitas guiadas pola Catedral ou a Cidade da Cultura de Galicia.

- Admirar as camelias e, moi pronto, os rododendros en flor.

- Mercar o bono do Teatro Galego, para asistir ás funcións deste programa a un prezo inmellorable.

- Percorrer as grandes exposicións sobre o patrimonio compostelán e galego que coinciden este mes nos museos, como 'Rúas de Compostela. De onte a hoxe', 'Santiago-Kumano, rutas de peregrinación Patrimonio dla Humanidade' oo 'Os milagres do Apóstolo Santiago'.

- Quentarse o corazón coas sinfonías de Haydn e Schumann ou con concertos como o de Cass McCombs no ciclo 'Intimo & Acústico'.

- Aproveitar as rebaixas para surtir o fondo de armario coas grandes marcas da moda galega, complementos e roupa de chuvia.

Hoxe coemza o concurso "Desexo concedido" de Turismo de Santiago, que repartirá 20 premios por un total de 6.000 euros aos concursantes que respondan con máis creatividade á pregunta: "Santiago de Compostela, cál é o teu desexo?", tanto en Facebook como en twitter.

Hai que seguir paso a paso as instruccións (aceptación das bases, rexistro e creación do post ou do tweet) para optar polos 20 paquetes de premios -10 en Facebook e 10 en Twitter- compostos cada un de:

- 2 noites de aloxamento e almorzo en habitación dobre para dúas persoas.
- Cea degustación para dúas persoas.
- Visita ás cubertas da Catedral de Santiago para dous.
- Visita audioguiada con sistema mp3 para dous.
- Cata degustación + 1 tapa nunha vinoteca + tour de tapas por algúns restaurantes da cidade, para dos.
- Recetario de tapas compostelás.

Entrarán a concurso todos os tweets e posts que se emitan / publiquen desde o 10 de decembro ata o ata o 19 de decembro a las 24h. O 23 dedecembro   publicaremos o veredicto do xurado, que valorará a orixinalidade, impacto e forrza promocional do escrito; a calidade e simpatía do material de apoio usado no post ou tweet e a súa viralidada. Os gañadores dispoñen de 6 meses para gozar do seu premio na cidade de Santiago de Compostela. A viaxe poderá  producirse entre o 15 de xeneiro e o15 de xuño de 2014, ambos inclusive.

¡A concursar!

A empresa compostelá Estudio De Cajón impúxose ás demais con esta proposta, que privilexia o uso do topónimo 'Santiago de Compostela' e o presenta coa tipografía de imprenta antiga que os composteláns coñecemos desde sempre polas cartelas de pedra de moitas casas. A imaxe céntrase na icona máis recoñecible da cidade do Apóstolo: o skyline coa Catedral despregando a forza de todas as súas torres, nun trazado a lápiz que evoca os apuntes nos cuadernos de viaxe. Completa o logo a palabra 'Turismo' nunha tipografía contemporánea.

Turismo de Santiago de Compostela da a noraboa aos deseñadores por esta imaxe clara, sinxela e cargada de emocións.

- O unha enchenta de tapas no VI Concurso de Tapas Santiago(é)tapas, que reúne as 109 propostas de 66 restaurantes ey bares participantes ata o 27 de novembro.

- Visitar a exposición 'Santiago-Kumano, rutas de peregrinación Patrimonio da Humanidade', para gozar en 44 fotografías das similitudes e peculiaridades dos camiños de Santiago e Kumano.

- Pasear pola cidade histórica cun cornete de castañas asadas.

- Organizar a axenda para encaixar os concertos da Real Filharmonía de Galicia coa Capela Compostelana ou co pianista Claudio Martínez Mehner; máis os de Rosendo, Iván Ferreiro, Gregory Porter, a Primavera Sound Touring Party ou o trío de damas composto por Madelaine Peyroux, María de Medeiros e La Mala Rodríguez.

- Premiar aos cativos cunha entrada para o Cantajuego.

- Aproveitar os soportais para as tertulias baixo a chuvia.

Foto: Martín Rendo.

Foto: Anxo Iglesias.

- Asomarse ás historias urbanas da exposición 'Rúas de Compostela, de onte a hoxe' na Casa do Cabido.

- Entregarse, cos nenos ou sin eles, ao mundo dos monicreques no Festival Galicreques.

- Permitirse un, dous ou todos os concertos das Xornadas de Música Contemporánea, o ciclo Sons 13, o  Outono Codax Festival, as Blues Nites ou o programa de abono da Real Filharmonía.

- Explorar os menús invernais composteláns: máis polbo, máis xarretes, máis marisco, máis caldeiradas...

- Achegarse ao centro sociocultural de Santa Marta para as proxeccións do ciclo 'Compostela Cine Classics 2013': dez grandes clásicos con café e charla.

- Darse paseos otoñais pola bisbarra, como a Ruta dos Tres Ríos en Touro ou a ruta en bicicleta polos viñedos do Ulla.

A chivoa chegará tarde este outono, e seguiremos sentándonos na pedra para que a vista paste polo verde infinito dos miradores.

Foto: Anxo Iglesias.

Pero está chegando o tempo escuro. Nótase nos amañeceres tardíos e os solpores máis apresurados. Veñen os días dos cocidos e os pratos quentes, os paseos con botas e paraugas baixo os soportais, a vida de portas adentro e a actividad renovada de museos, teatros, galerías e bares. Volveremos á intimidade das pedras e ao abeiro dos lugares que amamos.

Feliz outono, Compostela.

- Entregarse ao descubrimento das cartas de inverno dos restaurantes locais.

- Asistir ao comezo do XIV Ciclo de Lied, dedicado este ano á canción inglesa do século XX. Os concertos son o 17, 19, 20 e 24 de setembro.

- Aproveitar os derradeiros días de verán e as tardes frescas nas apetecibles terrazas compostelás.

- Dar un chimpo á nenez coa celebración do Festival de Títeres Galicreques do 28 de setembro ao 6 de outubro,e coa mostra 'En-clave diversa', que reúne marabvillosos libros despregables e coleccións de O Principiño, Tintín e Alicia.

- Coñecer a moda de outono nas tendas de deseñadores galegos.

- Refuxiarse das posibles chuvias en exposicións centradas no Camiño e a espiritualidade, como 'Iacobus' nol Palacio de Xelmírez, 'Espíritu del vino' no Museo da Cidade e 'Les gens du Chemin. Peregrinación a Saintes Maries de la Mer' no Museo das Peregrinacións.

- Asistir al III Festival Internacional Peregrinos Musicais, con concertos os días 22 no Hostal dos Reis Católicos e 25 na praza do Obradoiro, gala lírica o 26 no Teatro Principal e concerto de clausura o 27 no Auditorio de Galicia.

- Comezar ocurso musical na Sala Capitol coa Vargas Blues Band.

- Non perderse as conferencias do ciclo 'Con-ciencia', que invita a premios Nóbel de Física, Química e Economía á nosa cidade.

Finalmente, agosto pechou con 46.728 peregrinos, muitos máis que os 41.096 chegados en agosto do 2012. E é que o 2013 camiña con paso firme cara á marca máis alta de peregrinos nun ano non santo. Prevese que ao final de decembro teñan chegado uns 215.500 peregrinos, máis cos do 2012 (192.488), e que cos do Ano Santo do 2004 (179.944).

Se queres saber máis sobre este enorme incensario usado desde a Idade Media na catedral, e sobre cómo realiza o seu portentoso recorrido pendular fronte ao  altar maior, le esta entrada da nosa web.

- Aproveitar as rebaixas para levarse a casa moda galega de grande calidade.

- Subir a coñecer a Ciidade da Cultura (para os máis camiñadores, hai incluso unha ruta deportiva) e gozar da súa programación cultural: sesións de astronomía, a música dos Atardeceres no Gaiás, as visitas guiadas e máis.

- Encher horas e horas con calquera das rutas e posibilidades de lecer que propón Turismo de Santiago.

- Asistir na Praza de Cervantes ao festival 'Feito a Man' e na praza da Quintana ás actuacións gratuítas de 'Verán na rúa', con cantantes de diversos estilos, artistas sorprendentes e ata circo.

- Dar un chimpo ata os concellos veciños, que ferven de actividade coas súas festas e feiras populares: a Feira da Empanada de Bandeira, o Festival Esmorga Folk de Silleda, a Romaría doSanto Arandel en Brión, a Festa do Xamón de Bermés (Lalín) , a concentración motera Val do Ulla ou ol I Concurso Cabalar de Boqueixón.

- Facer un refrescante paseo en piragua polo río Ulla, un descenso polo río Tambre o unha ruta cicloturística para acompañar o paso da Volta a España.

- Practicar idiomase coñecer a outras persoas que os falan no Café de Idiomas da Biblioteca Pública.

- Ver atardecer desde a paz e a frescura dos miradoiros da cidade.

A poucos metros do centro histórico murmura o paraíso segredo do Sarela. O percorrido polo parque fluvial, duns 3 quilómetros de longo, parte do parque de Galeras. Tras pasar a capela do Carme de Abaixo, o paseo adéntrase nunha paisaxe encantada. Tramos de río manso altérnanse con outros de augas vivas ou ruxidoiras, que se poden salvar con pasarelas de maderia e pontes.

Ao longo do cauce, cinguido pola falda do monte Pedroso, medran a vexetación de ribeira e a súa flora característica: sabugueiros, ameneiros, chopos negros e bidueiros, algúns de gran altura. Entre os restos da vexetación forestal dominan os carballos, castiñeiros e laureis. As hedras trepan polas árbores para alcanzar a luz das copas; as pozas cúbrense de lentellas de auga onduladas pola corrente. E en medio deste fragor vexetal aparecen as ruinas de antigos lavadoiros, muíños, curtidorías e vellas fábricas que falan, dende o brión das súas pedras, doutros tempos máis industriosos.

Así se chega á Ponte Sarela, pol que pasa o Camiño de Santiago cara a Finisterre. E os peregrinos, non contentos con alcanzar a ansiada meta na Catedral de Santiago, cruzan aquí o río e alónxanse polas fértiles terras do Val de Amaía cara ao antigo Cabo da Fin do Mundo.

De acordo coa Embaixada de España en Tokio, Japan Post solicitou 500 fotos da súa base de datos, centrándose no produto “cidades e cultura”, e escolleu as dez máis atractivas para o seu público: a Sagrada Familia de Barcelona, o Guggenheim de Bilbao, a Catedral de Santiago, o MUSAC de León, o Alcázar de Segovia, o Palacio Real de Madrid, a Mezquita de Córdoba, a Alhambra de Granada, un campo de xirasois castelán e un maceteiro de xeranios.
 
O Ano Dual España-Xapón 2013 – 2014 conmemora o cuarto centenario da chegada da Embaixada Keicho, a primeira misión diplomática xaponesa a España, que partiu da rexión de Sendai en outubro de 1613 e chegou a Sevilla doce meses despois.

- Descubrir os recunchos máis sombreados e frescos dos parques urbanos.

- Tapear nas terrazas.

- Asistir aos concertos do Festival Via Stellae, entre os mellores de Europa.

- Apuntarse a obradoiros, visitas guiadas culturais e turísticas, espectáculos, e unha manchea de actividades máis.

- Regalarlles mañás e tardes de lecer activo aos cativos, e sorprendelos coa acampada "Unha noite no Orinoco".

- Dar un salto aos concellos veciños para sumarse ás fistas máis auténticas e a actividades de turismo e natureza.

- Subir á Cidade da Cultura para noites de concertos e observación astronómica.

- Terminar calquera tarde nun mirador, mentres cae unha noite azul.