Actividades |
VISITAS GUIADAS |
NOVA VISITA GUIADA A TALLERES DE ARTISTAS A visita brinda a oportunidade de coñecer e interactuar cos creadores composteláns nos seus propios talleres, participando activamente. Tres recoñecidos artistas acollen aos visitantes nos seus propios estudios para expoñer o proceso de creación das súas obras desde a súa xestación ata o produto acabado. Ao longo do percorrido, o guía proporciona explicacións históricas relacionando o traballo dos artistas cos distintos estilos artísticos presentes na cidade. |
|
NOVA VISITA GUIADA AOS OFICIOS TRADICIONAIS Esta visita propón acercarse ao corazón e recunchos artísticos de Santiago para ver traballar en directo a algúns dos artesáns que comparten a mesma inquietude: recuperar os oficios e materiais tradicionais da cultura galega e santiaguesa. Entra nos seus espazos e descubre o encanto dos nosos artesáns e dos oficios ancestrais de Compostela: coiro, pasamanería tradicional, pratería e acibeche... |
|
NOVA VISITA GUIADA Á RIBEIRA DO SARELA(1) Do río Sarela tiráronse multitude de beneficios e aproveitamentos dos que quedan diversas pegadas: muíños, pontes, curtidoiros... pero fóronselle virando as costas cando non se percibiu como útil. Hoxe está sendo recuperado para o gozar dos seus valores e da historia que se agocha nas súas marxes. A visita percorre a ribeira do Sarela, desde a Ponte Asén (no parque de Galeras) á Ponte Sarela (a carón da carballeira de San Lourenzo). |
|
(1) Condicións especiais:
Imprescindíbel levar roupa axeitada e calzado cómodo e adecuado
para o terreo, que pode estar húmido por tratarse da ribeira dun
río. Respectar a natureza. |
NOVA VISITA GUIADA AO PATRIMONIO NATURAL DA UNIVERSIDADE Inclúe Museo de Historia Natural "Luís Iglesias" e Xardíns do Campus Sur. Os museos dedicados á natureza son moi visuais e sempre sorprendentes: o museo de Historia Natural de Santiago reúne máis de 25.000 exemplares de fauna, flora e minerais. Os Xardíns do Campus Sur son un admirábel exemplo das tendencias na xardinaría urbana do s. XX e acollen unha gran diversidade de árbores e plantas ornamentais, tanto exóticas como propias de Galiza. |
|
CIDADE
HISTÓRICA Propoñemos un percorrido guiado polo patrimonio histórico monumental de Santiago de Compostela, incluíndo o obrigado paseo polo entorno catedralicio e os principais monumentos e prazas. |
|
CONVENTOS
DE CLAUSURA (2) Santiago conta cun inxente patrimonio, entre o que destacan os conventos de clausura: lugares de oración, de vida austera e de paz, rodeados do misterio que se esconde tras dos seus altos muros e celosías. Visitaranse unicamente os espazos públicos (igrexa, tornos, ...), respectando en todo o momento a clausura. |
|
(2) Condicións especiais: Calquera persoa en condicións físicas normais pode realizar esta visita, aínda que é necesario camiñar con soltura debido a súa duración e ao feito de que hai pendentes pronunciadas no percorrido. En caso de mal tempo, é recomendábel o paraugas e sempre CALZADO CÓMODO. |
VISITA
GUIADA ÁS IGREXAS Santiago conta cun total de 30 igrexas históricas. O número e importancia testemuñan o protagonismo de Santiago de Compostela como un dos principais destinos de Europa desde a Idade Media ata a actualidade. O percorrido abarcará Santa María Salomé, Igrexa da Compañía, San Fiz de Solovio, Santa María do Camiño, San Domingos de Bonaval (interior), Igrexa das Ánimas e San Martiño Pinario (interior). |
|
ARQUITECTURA
CONTEMPORÁNEA (2) Siza, Eisenman, Kleihues, Hejduk, Portela, Nouvel... algúns dos mellores arquitectos do mundo teñen obras en Santiago de Compostela. Con esta visita guiada aprenderase a apreciar e gozar das novas tendencias da arquitectura contemporánea a través das obras de autores de fama internacional. |
|
(2) Condicións especiais: Calquera persoa en condicións físicas normais pode realizar esta visita, aínda que é necesario camiñar con soltura debido a súa duración e ao feito de que hai pendentes pronunciadas no percorrido. En caso de mal tempo, é recomendábel o paraugas e sempre CALZADO CÓMODO. |
CUBERTAS
DA CATEDRAL Subir ás cubertas do Santuario Xacobeo é ter acceso a un lugar privilexiado desde o que se pode completar a visión da Basílica, e, ao mesmo tempo, obter unha diferente visión da cidade. Dí Aymerico Picaut, no Codex Calixtinus, que o que estea melancólico, se sube ao alto, baixará ledo. Imprescindíbel calzado baixo e cómodo. |
|
CIDADE
DA CULTURA DE GALICIA Nunha cidade de contrastes, a Catedral e as súas torres teñen a súa contraparte na Cidade da Cultura de Galicia, de Peter Eisenman. Esta obra, unha das poucas de Peter Eisenman en Europa, conforma un novo cumio para o monte Gaiás, e contará con seis edificios, dos que o primeiro xa está rematado. Imprescindíbel calzado baixo e cómodo. |
|
TOUR
GASTRONÓMICO O Tour Gastronómico é unha visita guiada que discorre por tendas tradicionais e percorre o popular Mercado de Abastos, que é tamén conxunto monumental e o segundo lugar máis visitados despois da Catedral. Coñecerán a fondo as claves da nosa cultura gastronómica e da dieta atlántica así como os segredos dos alimentos (peixes e mariscos, carnes, queixos e viños,…) e os métodos de cociñado máis típicos. |
|
TOUR
NOCTURNO Descubrir paseando en compañía dun guía os principais atractivos de Santiago pola noite, fora dos horarios turísticos habituais e co encanto engadido de ver a cidade iluminada, entrar nos silenciosos claustros do Hostal dos Reis Católicos e coñecer algunha das zonas máis animadas da vida nocturna compostelá. A visita remata nun pub cunha degustación de queimada. |
|
VISITA
GUIADA AO PATRIMONIO HISTÓRICO DA UNIVERSIDADE Unha visita guiada polos espazos máis emblemáticos da máis de cinco veces centenaria universidade compostelá da man de especialistas doutorandos en xeografía e historia da arte. Percorre os colexios e bibliotecas máis antigos da institución e finaliza coas espectaculares vistas da cidade que nos regala a terraza da facultade de xeografía e historia, incluíndo ademais a oportunidade única de contemplar o facsímile do libro de horas de Fernando I de León, o libro máis antigo de Compostela, custodiado pola Universidade |
|
TREN
TURÍSTICO Un percorrido moi cómodo e sorprendente: rodea a cidade histórica, descubre xardíns con arquitecturas de autor e fai gozar das vistas panorámicas da zona monumental e da Catedral. O vehículo está cuberto e conta con servizo de megafonía. |
|
AUDIOGUÍA
DIXITAL MP3 Proponse unha visita á cidade histórica a través dun cómodo sistema de audioguía dixital MP3 que se manexa con facilidade, dosificando os tempos da visita ou repetindo cantas veces se queira. No momento da recollida do MP3 solicitarase un depósito reembolsable de 50,00 euros a modo de garantía de devolución do aparato. |
|
VISITAS A MUSEOS |
NOVA MUSEO COLEXIATA DO SAR O Museo da Colexiata do Sar atópase nun edificio anexo ao lado sur da igrexa. A exposición desenvólvense en tres salas que presentan, entre outras, pezas relacionadas co priorado do Sar e a vida monacal, pezas relacionadas coa vida parroquial da Colexiata, pezas de ourivería, ornamentos litúrxicos, escultura, etc. e tamén traxes tradicionais galegos, pertencentes á agrupación folclórica Colexiata do Sar. O percorrido complétase coa visita ao Claustro. VISITA LIBRE, SEN GUÍA. |
|
NOVA MUSEO DE TERRA SANTA O convento de San Francisco, conxunto monumental fundado no 1214, acolle a exposición permanente do Museo de Terra Santa. Ademais de gozar do edificio, exemplo do Barroco galego, a visita supón a oportunidade única de coñecer a cultura material e a historia do Próximo Oriente, posto que se presenta un percorrido por todos os momentos históricos do actual Estado de Israel. |
|
MUSEO
DA CATEDRAL Neste museo recóllense as pegadas das extraordinaria historia do santuario que custodia o sepulcro do Apóstolo. É tamén memoria da peregrinación, cun percorrido situado en distintas dependencias da Catedral, o que permite un coñecemento completo da historia e da importancia artística dun centro de culto e cultural fundamental para a humanidade. |
|
CGAC Deseñado polo portugués Álvaro Siza, premio Pritzker de arquitectura, o Centro Galego de Arte Contemporánea, mostra as liñas directrices do arte das últimas décadas mediante retrospectivas de artistas que contan con un recoñecemento internacional. Visita guiada. |
|
MUSEO
DO POBO GALEGO O antigo convento de San Domingos de Bonaval alberga hoxe un museo que a través dun amplo e variado conxunto de pezas ofrece unha panorámica das manifestacións máis representativas da cultura propia de Galiza: o mundo do mar, os oficios tradicionais, o campo, a indumentaria e a arquitectura popular... Visita guiada. |
|
FUNDACIÓN
GRANELL A Fundación Museo Eugenio Granell ten a súa sede no Pazo de Bendaña, situado na céntrica praza do Toural. Este museo alberga unha amplísima colección de obras do propio artista, incluíndo as súas coleccións surrealista e étnica, e obras de outros autores do movemento como Philip West. Visita guiada. |
|
MUSEO
DAS PEREGRINACIÓNS A transcendencia que para a cultura europea e a da América hispana tiveron a peregrinación e o culto a Santiago, desde as súas orixes ata hoxe, queda reflectida nunha magnífica exposición distribuída ao longo de 8 salas. VISITA LIBRE, SEN GUÍA. |
|
GALICIA
DIXITAL Espectacular inmersión sensorial, nun novo espazo expositivo, cunha coidada ambientación, no que se advirte o progreso das novas tecnoloxías, que permiten a superación do espazo, o tempo e posibilitan a interactividade para acadar que o público sinta o que é “Galicia Dixital”. |
|
EXCURSIÓNS |
FISTERRA Unha excursión por paisaxes naturais e recursos histórico-artísticos do infindo e interesantísimo patrimonio co que conta Galicia, que merece ser coñecido e recoñecido. NON SE INCLÚEN AS COMIDAS |
|
RÍAS
BAIXAS Esta excursión transcorre pola península do SALNÉS, entre as Rías Baixas de Arousa e de Pontevedra, rías resgardadas, moi produtivas, sementadas de bateas nas que crecen os mellores mexillóns do mundo. NON SE INCLÚEN AS COMIDAS |
|
VISITAS ESPECIAIS PARA ESCOLARES |
UN
PERCORRIDO DIDÁCTICO E DIVERTIDO: |
|
CIDADÁNS CENSADOS EN SANTIAGO OU PERSOAS QUE TRABALLEN NA CIDADE |