Hoxe é mércores 23 de maio, temos 27ºC e prevese parcialmente nubrado
en Santiago de Compostela
O novo Centro de Interpretación Ambiental de Compostela (CIAC), en funcionamento dende abril de 2011, é un espazo concibido para achegar aos cidadáns e á poboación escolar o funcionamento de Santiago dende a perspectiva ambiental. O CIAC sitúase no antigo curtidoiro do parque de Belvís, que foi reformado por completo.
O local conta con dúas alturas. Ao entrar, os visitantes encontraranse cunha exposición permanente e interactiva e con pantallas táctiles en varios idiomas. E xa nas primeiras salas, a auga e a enerxía serán os temas protagonistas. No segundo piso, o centro de atención pasa a ser a cidade transformadora e xeradora de produtos e servizos e a produción e xestión de residuos.
Ademais das visitas de público en xeral que se atenderán durante o horario de apertura do centro, desenvolverase outra serie de actividades dirixidas a diversos colectivos:
**Visitas guiadas: dirixidas a grupos e adaptadas ás características dos visitantes, para as que se debe concertar cita previa
**Obradoiros: organizados desde o CIAC e dirixidos a distintos grupos específicos co fin de que de forma práctica se fomente a educación ambiental.
**Xornadas técnicas: seminarios de formación dirixidos a grupos de profesionais do mundo educativo e do medio ambiente.
**Xornadas de divulgación: actividades abertas ao público xeral de animación e de lecer desde perspectivas ambientais.
Domingo e Luns: Pechado
Martes: 16.00-18.30 h.
Mércores a sábado: 9.30-13.30 h.
A visita brinda a oportunidade de coñecer e interactuar cos creadores composteláns nos seus propios talleres, participando...
Latexos. Obradoiros de artistas e galerías de arte de Santiago de Compostela.
