Cultural Diary

'O libro da selva'

Thu, 04 Mar 2010 12:07:00 +0100

22/01/2007 - 23/01/2007

A compañía galega Títeres Cachirulo interpreta o clásico de Kipling para nenos e nenas a partir de 4 anos. En 'O libro da selva' o malvado tigre Sherekan ataca a aldea dos homes. Mais Mowgli, un meniño escorregadizo, consegue fuxir das gadoupas do tigre e atopa refuxio na cova dos lobos, que pasarán a converteirse na súa nova familia, coa que vai vivir divertidas experiencias, até que teña que se enfrontar, cara a cara con Sherekan. Ficha artística: 'O libro da selva'. Xénero: Títeres de mesa. Autor: R. Kipling. Escenografía: Títeres Cachirulo. Iluminación: Jorge Rey. Deseño e construción de bonecos: Carmen Domech. Texto e dirección: Jorge Rey. Manipuladores: Carmen Domech e Jorge Rey. Duración do espetáculo: 55 min. Público preferente: Infantil, a partir de 4 anos.

'O libro da selva'

Thu, 04 Mar 2010 12:07:00 +0100

29/01/2007 - 30/01/2007

Caramuxo: 'Historia dunha seme

Thu, 04 Mar 2010 12:07:00 +0100

25/05/2008 - 25/05/2008

No marco do ciclo 'Escena en familia', o recinto compostelán acolle 'Historia dunha semente'; un espectáculo cómico de monicreques e actores que somerxerá aos máis pequenos no mundo da fantasía. Neste espectáculo recomendado para nenos e nenas a partir de 3 anos, Juan Rodríguez e Laura Sarasola da compañía galega Caramuxo poñen en escena unha fábula que reflexiona sobre a natureza e os cambios que se producen nela. SINOPSE: Dúas persoas pescudan algo pero non saben o que están buscando ata que o atopan: unha semente. ¿Cómo é posible que algo tan pequeno se converta nunha grande árbore' 'Historia dunha semente' é a historia dunha árbore, unha maceira que enche de vida a pradería. Galiñas que non poñen ovos, raposos con moita fame, unha mosca namoradeira na procura do moscón perfecto para casar, unha nube e un sol moi peculiares' e moita diversión.

Títeres Cachirulo: 'Pinocho'

Thu, 04 Mar 2010 12:07:00 +0100

12/09/2008 - 12/09/2008

A compañía Títeres Cachirulo leva ao escenario as aventuras do famoso boneco creado por Geppeto cun espectáculo baseado no popular conto de Carlo Collodi. Neste espectáculo de monicreques de luva e varillas, música e cancións acompañarán a Pinocho na súa viaxe cara á vida, en busca dun corazón que o converta nun neno de verdade. O público familiar e infantil serán testemuñas das máis incríbeis aventuras e desaventuras do tenro boneco que desprega ao seu redor un mundo de poesía e beleza. Con Carmen Domech, Jorge Rey. Monicreques: Cachirulo. Guión e dirección: Jorge Rey. SINOPSE: O famoso anaco de madeira convértese nun monicreque feliz grazas ás mans e o nobre corazón de Geppeto. Fóra do taller do seu pai, Pinocho vai encontrar un mundo cambiante, onde o engano e a mentira tamén forman parte da realidade.

XIII Galicreques: ‘Boliña Vermella’

Thu, 04 Mar 2010 12:07:00 +0100

12/10/2008 - 12/10/2008

A monicrequeira alemá Eva Kaufmann invitará aos nenos a participar na fantástica viaxe dunha boliña nunha actuación mímica, baseada no teatro de man e de obxectos. 'Boliña Vermella' Idioma: sen palabras. Idade recomendada: de 2 a 6 anos. Duración: 35 min. SINOPSE: Esta é a historia dunha boliña vermella que vive unha vida en continuo cambio. Unha man será o seu diminuto corpo. Uns dedos brancos e negros, as súas pequenas pernas que bailan facendo son como un instrumento musical. Voará a través do espazo en busca de novas amizades. O espectáculo convídanos a participar nunha fantástica viaxe onde as cousas cambiarán de forma para transformarse en algo asombroso e fascinante.

Títeres Cachirulo: 'Pinocho'

Thu, 04 Mar 2010 12:07:00 +0100

06/12/2008 - 07/12/2008

A compañía Títeres Cachirulo leva ao escenario as aventuras do famoso boneco creado por Geppeto cun espectáculo baseado no popular conto de Carlo Collodi. Neste espectáculo de monicreques de luva e varillas, música e cancións acompañarán a Pinocho na súa viaxe cara á vida, en busca dun corazón que o converta nun neno de verdade. O público familiar e infantil serán testemuñas das máis incríbeis aventuras e desaventuras do tenro boneco que desprega ao seu redor un mundo de poesía e beleza. 'Pinocho' (55 min.) SINOPSE (recomendado para nenos/as a partir de 3 anos): O famoso anaco de madeira convértese nun monicreque feliz grazas ás mans e o nobre corazón de Geppeto. Fóra do taller do seu pai, Pinocho vai encontrar un mundo cambiante, onde o engano e a mentira tamén forman parte da realidade.

Títeres Cachirulo: 'Pinocho'

Thu, 04 Mar 2010 12:07:00 +0100

20/12/2008 - 20/12/2008

A compañía Títeres Cachirulo leva ao escenario as aventuras do famoso boneco creado por Geppeto cun espectáculo baseado no popular conto de Carlo Collodi. Neste espectáculo de monicreques de luva e varillas, música e cancións acompañarán a Pinocho na súa viaxe cara á vida, en busca dun corazón que o converta nun neno de verdade. O público familiar e infantil serán testemuñas das máis incríbeis aventuras e desaventuras do tenro boneco que desprega ao seu redor un mundo de poesía e beleza. 'Pinocho' (55 min.) SINOPSE (recomendado para nenos/as a partir de 3 anos): O famoso anaco de madeira convértese nun monicreque feliz grazas ás mans e o nobre corazón de Geppeto. Fóra do taller do seu pai, Pinocho vai encontrar un mundo cambiante, onde o engano e a mentira tamén forman parte da realidade.

Ciclo 'Escena en familia': 'Aladín perdido na Galiza'

Thu, 04 Mar 2010 12:07:00 +0100

15/03/2009 - 15/03/2009

ARTeria Noroeste continúa coa programación do ciclo teatral 'Escena en familia' con 'Aladín perdido na Galiza', un espectáculo de teatro para nenos a partir de 4 anos que pretende concienciar e facer reflexionar aos seus espectadores sobre o tema da inmigración. 'Aladín perdido na Galiza' Espectáculo de humor que inclúe efectos especiais e dinámicas coreografías no que se conta a historia dun mozo oriental que busca a súa alfombra voadora, secuestrada, para volver a Bagdad. O actor Roberto Cordovani escribiu esta obra inspirándose nos nenos da rúa, xa que nalgún momento todos nos sentimos un pouco como Aladín cando chegamos por primeira vez a un lugar novo. Desta maneira, quérese fomentar a integración, os valores de igualdade e a solidariedade, cambiando o estigma de que o inimigo sempre vén do exterior.

A Factoría Teatro: 'Señor mundo, dígame'

Thu, 04 Mar 2010 12:07:00 +0100

19/04/2009 - 19/04/2009

O protagonista da nosa historia é un poeta louco que busca a palabra exacta para o seu poema, a imaxe ideal e polo tanto a beleza para inspirarse, e para iso recorre á natureza. É un poeta despistado e como non atopa o que busca decide preguntarlle a unha toupa, a un paxaro, a un peixe e a unha árbore. A obra parte de dous poemas de Paula Carballeira para propoñer un xogo escénico sobre a poesía. Autora: Paula Carballeira. Dirección: Alfredo Rodríguez. Escenografía: Isabel Sardiña. Son: Irene Amado. Iluminación: Salvador Delrio. Vestiario: La Canalla. Elenco artístico: Rocio González (Ela), Toni Salgado (El).

'Os contos máxicos da avoa'

Thu, 04 Mar 2010 12:07:00 +0100

23/06/2009 - 23/06/2009

A Biblioteca Fundación Caixa Galicia acolle a representación da obra de teatro infantil 'Os contos máxicos da avoa', un proxecto de Teresa Ventejo e Vanessa González premiado na pasada edición das Bolsas de Primeira Obra de Caixa Galicia. Trátase dunha peza para nenos que, baseándose na recuperación da memoria colectiva, busca fomentar a creatividade e imaxinación dos cativos a través de dúas personaxes características, Scherezade e o noso benquerido Apalpador, a versión galega do Santa Claus. Teresa Ventejo e Vanessa González son dúas mallorquinas que levan a compañía de teatro Estrela Cadente Teatre desde o ano 2006. Despois de se teren especializado en interpretación para o xénero infantil e xuvenil con cursos e seminarios de diferente temática, e de percorrer numerosos encontros e festas actuando coas súas propias obras ou como animadoras de rúa, presentan agora a súa peza máis importante despois de ter recibido a Bolsa Fundación Caixa Galicia para Primeira Obra.

XIV Galicreques: 'Los hijos del viento'

Thu, 04 Mar 2010 12:07:00 +0100

03/10/2009 - 03/10/2009

A compañía de monicreques ecuatoriana La Rana Sabia ofrece no Teatro Principal a representación de 'Los hijos del viento', unha obra que emprega a técnica do teatro de mesa para nenos a partir de 6 anos. 'Los hijos del viento' SINOPSE En 'Los hijos del viento' entrecrúzanse catro historias sobre pastores andinos, cheas de humor, mitos e poesía. 'A ovella a lúa' amosa de forma divertida como unha ovelliña perde a súa la por andar soa en noite de lúa. 'A pastora e o cóndor' conta a historia dunha pastora que, a través do baile, busca a liberdade. 'Os fillos do Chimborazo' é unha historia contada polos indíxenas do centro do país como unha alegación en contra da discriminación e o racismo. 'A vaca tola' é unha fábula onde as infinitas posibilidades de soñar fannos cuestionarnos os límites precisos entre realidade e fantasía.

XIV Galicreques: 'Los hijos del viento'

Thu, 04 Mar 2010 12:07:00 +0100

06/10/2009 - 06/10/2009

XIV Galicreques: 'Corre, Payasa, corre'

Thu, 04 Mar 2010 12:07:00 +0100

09/10/2009 - 09/10/2009

A compañía vasca Panta Rhei ofrece no Teatro Principal dúas representacións da obra 'Corre, Payasa, corre', un espectáculo con actores e técnica mixta recomendada para todos os públicos. 'Corre, Payasa, corre' SINOPSE Payasa só tiña unha misión na vida: ser feliz e facer felices aos demais. Un mal día, ela e a súa cuadrilla de peluches e xoguetes abandonados acaban no cubo do lixo. Corren un gran risco. O camión do lixo 'O triturador' está en camiño e quere devoralos. Payasa corre pola cidade en busca de axuda, sorteará mil perigos urbanos, atopará moitos nenos cativos e vixiados, que queren pero non poden axudara. Si, a cidade encerra ameazas, barreiras, prohibicións, conflitos, abusos. Que milagre é sobrevivir na cidade! A vida pon a proba aos grandes soñadores, pero a vida quere verche gañar e Payasa, con iniciativa e vivacidade, corre tras o seu ideal de xenerosidade e solidariedade.

Ciclo' Escena en familia': 'Pinocho'

Thu, 04 Mar 2010 12:07:00 +0100

08/11/2009 - 08/11/2009

A compañía Títeres Cachirulo leva ao escenario as aventuras do famoso boneco creado por Geppeto cun espectáculo baseado no popular conto de Carlo Collodi. Neste espectáculo de monicreques de luva e varillas, música e cancións acompañarán a Pinocho na súa viaxe cara á vida, en busca dun corazón que o converta nun neno de verdade. O público familiar e infantil serán testemuñas das máis incríbeis aventuras e desaventuras do tenro boneco que desprega ao seu redor un mundo de poesía e beleza. 'Pinocho' (55 min.) SINOPSE (recomendado para nenos/as a partir de 3 anos): O famoso anaco de madeira convértese nun monicreque feliz grazas ás mans e o nobre corazón de Geppeto. Fóra do taller do seu pai, Pinocho vai encontrar un mundo cambiante, onde o engano e a mentira tamén forman parte da realidade.

Ciclo 'Escena en familia': 'O libro da selva'

Thu, 04 Mar 2010 12:07:00 +0100

13/12/2009 - 13/12/2009

Dentro do consolidado ciclo de entretemento infantil, a compañía galega Títeres Cachirulo porá sobre o escenario o clásico de Kipling para nenos e nenas a partir de 5 anos. En 'O libro da selva', o malvado tigre Sherekan ataca a aldea dos homes. Pero Mowgli, un neno escurridizo, logra escapar das gadoupas do tigre e busca refuxio na cova dos lobos, que pasarán a converterse na súa nova familia, coa que vivirá divertidas experiencias, ata que se teña que enfrontar, cara a cara, con Sherekan. Ficha artística: 'O libro da selva' Xénero: Monicreques de mesa Autor: R. Kipling Escenografía: Títeres Cachirulo Iluminación: Jorge Rey Deseño e construción de bonecos: Carmen Domech Texto e dirección: Jorge Rey Manipuladores: Carmen Domech e Jorge Rey Duración do espectáculo: 55 min. Público preferente: Infantil, a partir de 5 anos

Ciclo 'Cine cativo': 'Los gnomos, la gran aventura'

Thu, 04 Mar 2010 12:07:00 +0100

06/02/2010 - 06/02/2010

ARTeria Noroeste ofrece esta tarde a proxección de 'Los gnomos, la gran aventura', a película de animación realizada en 1999 por Claudio Biern Boyd. 'Los gnomos, la gran aventura' SINOPSE Os seres máis diminutos do bosque, liderados por David o Gnomo, protagonizan unha nova e grandiosa aventura en busca do ouro perdido do rei dos Gnomos. David, acompañado da astuta raposa Swift, emprenderá a perigosa busca na que se enfrontará a incribles desafíos: arañas xigantes, o fantástico Bosque Mágico, un perigoso volcán a punto de estoupar, avalanchas en países xeados, un inquietante Castelo Encantado habitado por pantasmas...

XV Galicreques: 'A História de um cão'

Wed, 06 Oct 2010 20:28:00 +0200

08/10/2010 - 09/10/2010

O Teatro Principal acolle a representación da obra 'A História de um cão', unha montaxe con marionetas de fío a cargo da compañía brasileira Beto Hinça Teatro de Marionetas para nenos a partir de 4 anos.

Nome da compañía: Beto Hinça Teatro de Marionetas
Procedencia: Brasil
Técnica: Marionetas de fío e outras
Idioma: Sen palabras
Duración: 47 minutos
Idades recomendadas: A partir de 4 anos

SINOPSE
Trátase dun espectáculo de marionetas de fío onde o protagonista é un can que vive nun casa coa súa muller. Como a todos os cans encántalle brincar e ladrar todo o tempo. Corre detrás das galiñas, busca sobras no lixo e peléxase co gato. De noite, cando a súa muller dorme ladra e molesta a todo o mundo. É a historia dun can que vive meténdose en problemas.

Contacontos 'Los enanos valientes'

Thu, 19 May 2011 12:13:00 +0200

20/05/2011 - 20/05/2011

A Biblioteca Pública de Santiago Ánxel Casal presenta, no marco da programación 'Biblioteca Participativa', o conto 'Los enanos valientes' interpretado por Brais Rodríguez e Álvaro Prado.
A actividade vai dirixida a nenos de 1 a 7 anos e ten por obxectivo exercitar a psicomotricidade dos pequenos a través da interacción co corpo en situacións cómicas e sinxelas no espazo e no tempo.

O fío condutor será o conto 'Los enanos valientes', que narra a aventura dun grupo de ananiños do bosque que están aburridos nunha bonita tarde de primavera. Atopan unhas setas que lles provocan diferentes reaccións nos seus corpos, e deciden buscar a axuda dun vello bruxo que lles dá a solución: atopar a seta que lles devolva á normalidade. Iníciase así unha divertida busca por todo o bosque.

A 'Biblioteca Participativa' é unha iniciativa que involucra a todos os pais e nais, e por extensión a familiares, profesores e usuarios en xeral para que participen activamente nas actividades que se organizan na Biblioteca Pública de Santiago Ánxel Casal (Avda. Xoán XXIII s/n). A 'Biblioteca Participativa' encádrase, por tanto, dentro da programación de actividades da Biblioteca, pero coa peculiaridade de que os participantes cooperan de xeito desinteresado e xeneroso para compartir diferentes experiencias cos máis pequenos, xa sexa ler un conto, organizar un obradoiro... Non son profesionais pero aportan o seu bo facer para a nosa Biblioteca.

Galicreques 2011: 'Sopa'

Thu, 29 Sep 2011 11:58:00 +0200

03/10/2011 - 03/10/2011

A compañía uruguaia Títeres Cachiporra presenta 'Sopa', unha peza teatral con técnica mixta recomendada para rapaces a partir de 10 anos.

Nome da compañía: Títeres Cachiporra
Procendecia: Uruguai
Título do espectáculo: Sopa
Técnica: Sombras, manipulación directa, luvas, vara
Idioma: Castelán
Duración: 50 minutos
Idades recomendadas: A partir de 10 anos

SINOPSE
A pregunta é: por que algúns homes deben someter aos demais facendo uso do poder que circunstancialmente posúen? Esa é a reflexión que formula “Sopa” a través de cinco historias: “El Propietario” de Roberto Espina, “Educación Inicial”, “Tango”, “Tentación” e “Carlitos”, estas últimas creadas pola propia compañía.
É un espectáculo que busca a reflexión do espectador sobre o futuro da humanidade.

Galicreques 2011: 'Sopa'

Thu, 29 Sep 2011 12:04:00 +0200

08/10/2011 - 08/10/2011

Teatro Buratini: 'Marie e as estrelas'

Tue, 01 Nov 2011 13:34:00 +0100

19/11/2011 - 19/11/2011

Esta tarde, a Sala Santart ofrece a representación da obra 'Marie e as estrelas' a cargo da compañía Teatro Buratini, unha obra de títeres de mesa e sombras para nenos de 4 a 10 anos.

Autoría: Pilar Millán
Adaptación: Teatro Buratini
Dirección: Pablo Suárez
Actriz: Charo Pita

SINOPSE
Marie e as estrelas é o relato dunha nena que quere as estrelas e as busca por todas partes, no pozo, entre as pedras do camiño, debaixo da cama, ... sen saber que basta con mirar ao sitio adecuado, no momento xusto, para atopalas, tal como lle ensina unha noite o vello baobab.

Ciclo 'Cinema de animación': 'O bosque animado'

Tue, 13 Dec 2011 12:28:00 +0100

15/12/2011 - 15/12/2011

O Salón de actos da Biblioteca Pública Ánxel Casal acolle a proxección da película de debuxos animados 'O bosque animado', de Ángel de la Cruz e Manolo Gómez (2001), nunha actividade que se desenvolve en colaboración co CGAI.

'O bosque animado'

Director: Ángel de la Cruz, Manolo Gómez
Duración 90 minutos
5 Goyas 1987: Mellor película, mellor actor (Alfredo Landa), guión, música e deseño de vestiario.

SINOPSE
Personaxes tenros e humanos paséanse por este bosque animado e compoñen unha telaraña de historias que se entrecruzan: un bandido, un pocero, unha nena que traballa, un mozo que non quere traballar, unha moza que emigra, unha pantasma que busca compaña...

Obradoiros de Nadal Novacaixagalicia

Mon, 19 Dec 2011 14:20:00 +0100

23/12/2011 - 04/01/2012

Dende o 23 de decembro e ata o 4 de xaneiro, Novacaixagalicia invita os máis pequenos da casa a gozar dun Nadal creativo e cheo de imaxinación. Con motivo da actual exposición 'Rubens, Brueghel, Lorena. A paisaxe nórdica no Museo do Prado', a sede compostelá da entidade organiza tres talleres lúdico-educativos dirixidos a nenos con idades comprendidas entre os 4 e os 12 anos.

‘As paisaxes máxicas de Holanda’, ‘Contos nórdicos’ y ‘Pinturas de Nadal’ son as tres propostas coas que os nenos participantes nos talleres gozarán do seu tempo libre aprendendo e viaxando polas paisaxes holandesas e a obra dos seus artistas máis destacados.
O obxectivo destes talleres céntrase en potenciar as artes plásticas e en que os nenos se divirtan durante o período do Nadal ao tempo que manteñen a actividade educativa mentres os seus pais traballan.

PROGRAMA
‘As paisaxes máxicas de Holanda’
Viaxaremos a través das campiñas, os bosques e as ciudades nórdicas na busca de receitas que os pintores de Holanda inventaron para crear estas maravillosas paisaxes.

‘Contos nórdicos’
Érase una vez… un conto pintado e encantado … atréveste a escoitalo?

‘Pinturas de Nadal’
As paisaxes nevadas son unha fonte de inspiración magnífica para soñar que imos ao país das neves e os patinadores. Non esquezas a bufanda e as luvas!

Inscrición previa e máis información no teléfono 981 552577

'Xogando co medio'

Mon, 02 Apr 2012 12:45:00 +0200

15/04/2012 - 15/04/2012

O 22 de abril celebramos o Día da Terra, unha xornada coa que se pretende chamar a atención sobre os problemas ambientais que poñen en perigo ao noso planeta e que busca fomentar unha maior conciencia ecolóxica. Aproveitando esta data, a Cidade da Cultura pon en marcha 'Xogando co medio', unha actividade na que nenos de 5 a 14 anos aprenderán prácticas sostibles a través de divertidos xogos e obradoiros.

Idades: De 5 a 14 anos
Organiza: Cidade da Cultura de Galicia
Duración: 3 horas

Os participantes convertiranse en inspectores ambientais, aprenderán a crear xoguetes e agasallos a partir de residuos ou terán que superar probas coas que aprender trucos para coidar o medio no día a día.

Unha amena e divertida aprendizaxe que dará lugar á creación dunha árbore formada polos consellos ‘verdes’ de cada un dos participantes co obxectivo de facer reflexionar a todos aqueles visitantes que se acheguen ata a Cidade da Cultura neste mes no que o medio é o protagonista.

'Xogando co medio'

Mon, 02 Apr 2012 13:03:00 +0200

22/04/2012 - 22/04/2012

Obradoiro 'Aventuras personificadas: unha viaxe no tempo'

Tue, 18 Sep 2012 10:52:00 +0200

22/09/2012 - 22/09/2012

A galería A.dfuga acolle esta mañá unha nova actividade creativa dirixida a familias con nenos de 4 a 12 anos. 'Aventuras personificadas: unha viaxe no tempo' é un obradoiro deseñado por Adriana Pazos Ottón (directora de AuladeIdeas) en relación coa exposición temporal 'Las imaginadoras', de Carolina Cruz Guimarey.

Evocacións e recordos, imaxes soñadas asomándose á realidade, texturas como envoltorios preciosos, a obra de Carolina Cruz Guimarey convídanos a improvisar posibles memorias, a sentir, percibir, conectar e redactar. Proponnos achegarnos á súa obra nunha didáctica que busca conectar e coñecer os seus medios expresivos. Converterémonos en protagonistas doutros tempos. Reinventando a historia e utilizando diversas técnicas de transparencias coas que recrearemos un pasado ficticio. As nosas fotos, un escenario que nos guste, un pequeno apunte que nos guíe e... dispostos a viaxar no tempo!!!

Estratexia Creativa
Ollos pechados… iníciase a conta atrás! A máquina do tempo corre cara ó pasado para levarnos a un antigo parque de atraccións, unha viaxe cos amigos, un paseo en globo, xogaremos, combinaremos e aprenderemos a transferir imaxes con resultados que son como un soño.

PARA QUEN?
Dirixido a familias con nenos e nenas de 4 a 12 anos

MÁIS INFO
www.apuntodfuga.com
www.auladeideas.com

Títeres Cachirulo: 'Cousas de Castelao'

Mon, 28 Jan 2013 20:12:00 +0100

09/02/2013 - 10/02/2013

A compañía Títeres Cachirulo ofrece este fin de semana dúas representacións da peza 'Cousas de Castelao', un espectáculo de sombras para público familiar e nenos a partir de 6 anos.

SINOPSE
Antonio busca motivos para non acudir á escola, e acaba sendo testemuña de diferentes situacións sociais que se producen na vila. Un cartel que anuncia a viaxe en barco cara a Bos Aires suxírelle a idea de emigrar, imitando a actitude dos maiores. Emprende o camiño xunto a Manuel. Tras diferentes historias e situacións, os protagonistas plantan cara ao presente e, a través da súa pureza, imaxinación e inocencia, sairán triunfadores.

Obradoiros infantís do Museo das Peregrinacións e de Santiago

Fri, 22 Feb 2013 12:00:00 +0100

23/02/2013 - 24/02/2013

A nova sede do Museo das Peregrinacións e de Santiago acolle esta fin de semana unha serie de obradoiros infantís dirixidos a nenos de 6 a 12 anos.

Trátase dunha actividade que fará que os máis pequenos se convirtan por unhas horas en detectives á procura do segredo que esconde a Compostela medieval. Os nenos irán percorrendo as salas do Museo recollendo diferentes pistas e superando varias probas, ata chegar a descubrir o segredo final. Ademais, descubrirán quenes habitaban a Compostela medieval, como vivían e en que traballaban, e mesmo poderán percorrer a muralla da cidade.

Os obradoiros teñen unha duración aproximada de 2 horas e custan 3 € por persoa.

Grupos mínimos: 6 persoas

Máis información no teléfono 981 576 661 ou na propia taquilla do Museo.

Obradoiros infantís do Museo das Peregrinacións e de Santiago

Fri, 08 Mar 2013 12:15:00 +0100

09/03/2013 - 10/03/2013

A nova sede do Museo das Peregrinacións e de Santiago acolle esta fin de semana unha serie de obradoiros infantís dirixidos a nenos de 6 a 12 anos.

Os obradoiros teñen unha duración aproximada de 2 horas e custan 3 € por persoa.

Grupos mínimos: 6 persoas

Máis información no teléfono 981 576 661 ou na propia taquilla do Museo.

'El Mago de Oz, el musical'

Mon, 28 Jan 2013 12:23:00 +0100

16/03/2013 - 16/03/2013

A historia de sempre contada como nunca. 400.000 espectadores xa a viron en máis de 1000 funcións en toda España. Premio Rojas ao mellor espectáculo familiar 2011.

Vivirás as aventuras de Dorothy, unha nena orfa que vive cos seus tíos e que é arrastrada por un turbillón ao máxico mundo de Oz. Alí coñecerá a un espantallo sen cerebro, un home de lata sen corazón e un león covarde. Os catro irán en busca do Mago de Oz que vive na cidade Esmeralda para que Dorothy regrese á súa casa. Pero a malvada bruxa do Oeste estaraos a vixiar para impedir que cumpran o seu obxectivo...

Obradoiros infantís do Museo das Peregrinacións e de Santiago

Sat, 23 Mar 2013 11:45:00 +0100

23/03/2013 - 24/03/2013

A nova sede do Museo das Peregrinacións e de Santiago acolle esta fin de semana unha serie de obradoiros infantís dirixidos a nenos de 6 a 12 anos.

Os obradoiros teñen unha duración aproximada de 2 horas e custan 3 € por persoa.

Grupos mínimos: 6 persoas

Máis información no teléfono 981 576 661 ou na propia taquilla do Museo.