Con motivo do terceiro centenario da morte de Frei José de Vaquedano (1642-1711), a USC realiza no Museo do Pobo Galego un ciclo de conferencias e concertos baixo o nome de 'Frei José de Vaquedano e ou seu tempo' en homenaxe ao que fose mestre da capela da catedral compostelá.

O programa, que se desenvolverá do 19 de outubro ao 16 de novembro, ofrece tres concertos e 10 conferencias, todas en torno ao que fose un dos grandes compositores do barroco español e á moda da época. As actuacións musicais presentarán obras do propio Vaquedano e de autores contemporáneos, e serán na igrexa da Universidade. A primeira estará a cargo de Ensemble Galante, que interpretará o 28 de outubro obras de Bach, Locatelli, Justini e Scarlatti.

PROGRAMA

**Mércores, 19 de outubro (18 h) Sesión inaugural. Museo do Pobo Galego
José Mª Díaz Fernández (deán da catedral): 'A catedral e a súa Fábrica en tempos de José de Vaquedano'
Carlos Villanueva: 'Festas e Vilancicos ao Apóstolo de Vaquedano'

**Mércores, 26 de outubro (18 h) Museo do Pobo Galego
Xosé Luís Barreiro Rivas: 'O esplendor xacobeo na segunda metade do XVII: a recepción de Trento e a fin dos Austrias'.
Andrés Rosende Valdés: 'A Compostela que coñeceu Vaquedano'

**Venres, 28 de outubro (Igrexa da Universidade, 20 h)
Concerto de Ensemble Galante. Obras de Bach, Locatelli, Justini e Scarlatti

**Mércores 2 de novembro (Museo do Pobo Galego, 18 h)
Conferencias de Xerardo Estévez e Juan M. Monterroso.

**Venres, 4 de novembro (Igrexa da Universidade, 20 h)
Concerto da formación ‘Tonos humanos’.

**Mércores, 9 de novembro (Museo do Pobo Galego, 18 h)
Conferencias de Joam Trillo e Ofelia Rey Castelao.

**Venres, 11 de novembro (Igrexa da Universidade, 20 h)
Concerto do Coro Universitario & Capela Compostelana.

**Mércores 16 de novembro (Museo do Pobo Galego, 18 h)
Conferencias de José López Calo e Javier Garbayo.

En 2011 cúmprese o terceiro centenario do falecemento dun dos grandes compositores do barroco español, Frei José de Vaquedano. Para conmemorar a efeméride, o Museo do Pobo Galego e a Universidade de Santiago propoñen un ciclo académico e musical que, ademais de contribuír ao coñecemento da figura de Vaquedano, se inscribe nos actos de celebración do 800 aniversario da consagración da catedral de Santiago e no Ano da Música. O Consorcio de Santiago e a Axencia Galega de Industrias culturais (AGADIC) colaboran na celebración do centenario.

Con motivo do terceiro centenario da morte de Frei José de Vaquedano (1642-1711), a USC realiza no Museo do Pobo Galego un ciclo de conferencias e concertos baixo o nome de 'Frei José de Vaquedano e ou seu tempo' en homenaxe ao que fose mestre da capela da catedral compostelá.

O programa, que se desenvolverá do 19 de outubro ao 16 de novembro, ofrece tres concertos e 10 conferencias, todas en torno ao que fose un dos grandes compositores do barroco español e á moda da época. As actuacións musicais presentarán obras do propio Vaquedano e de autores contemporáneos, e serán na igrexa da Universidade. A primeira estará a cargo de Ensemble Galante, que interpretará o 28 de outubro obras de Bach, Locatelli, Justini e Scarlatti.

PROGRAMA

**Mércores, 19 de outubro (18 h) Sesión inaugural. Museo do Pobo Galego
José Mª Díaz Fernández (deán da catedral): 'A catedral e a súa Fábrica en tempos de José de Vaquedano'
Carlos Villanueva: 'Festas e Vilancicos ao Apóstolo de Vaquedano'

**Mércores, 26 de outubro (18 h) Museo do Pobo Galego
Xosé Luís Barreiro Rivas: 'O esplendor xacobeo na segunda metade do XVII: a recepción de Trento e a fin dos Austrias'.
Andrés Rosende Valdés: 'A Compostela que coñeceu Vaquedano'

**Venres, 28 de outubro (Igrexa da Universidade, 20 h)
Concerto de Ensemble Galante. Obras de Bach, Locatelli, Justini e Scarlatti

**Mércores 2 de novembro (Museo do Pobo Galego, 18 h)
Conferencias de Xerardo Estévez e Juan M. Monterroso.

**Venres, 4 de novembro (Igrexa da Universidade, 20 h)
Concerto da formación ‘Tonos humanos’.

**Mércores, 9 de novembro (Museo do Pobo Galego, 18 h)
Conferencias de Joam Trillo e Ofelia Rey Castelao.

**Venres, 11 de novembro (Igrexa da Universidade, 20 h)
Concerto do Coro Universitario & Capela Compostelana.

**Mércores 16 de novembro (Museo do Pobo Galego, 18 h)
Conferencias de José López Calo e Javier Garbayo.

En 2011 cúmprese o terceiro centenario do falecemento dun dos grandes compositores do barroco español, Frei José de Vaquedano. Para conmemorar a efeméride, o Museo do Pobo Galego e a Universidade de Santiago propoñen un ciclo académico e musical que, ademais de contribuír ao coñecemento da figura de Vaquedano, se inscribe nos actos de celebración do 800 aniversario da consagración da catedral de Santiago e no Ano da Música. O Consorcio de Santiago e a Axencia Galega de Industrias culturais (AGADIC) colaboran na celebración do centenario.

Os da Ría levan anos defendendo enriba de os escenairos (e ás veces debaixo), o galegueiro como ferramenta de expresión cultural e festeira de o póbolo galegueiro. Un grupo ideado por Carlos Meixide e Tomás Lijó, e musicado por Suso Alonso, Xabier Olite, Ramón Reynolds e Roi Fernández.

O amplísimo repertorio do grupo, creado a modo de skectchs para as Ultranoites dos últimos 10 anos, percorre, desde o territorio do absurdo, da crítica máis áceda e da parodia, a vida social, cultural e política de a Galicia Nai e Señora, nun espectáculo ao que o público nunca é indiferente.

O dúo Lobalú, integrado pola cantante Najla Shami e o guitarrista Héctor Lorenzo, protagoniza esta noite no Salón Teatro unha nova cita do ciclo de concertos 'ST Música Presente', que organiza a Agadic (Axencia Galega das Industrias Culturais) da Consellería de Cultura e Turismo. Na súa actuación, que dará comezo ás 21.00 horas, soarán os temas do seu disco de debú, 'Haikus', editado polo selo Inquedanzas Sonoras.

No seu primeiro traballo discográfico, a ampla bagaxe conxunta destes dous músicos composteláns materialízase nunha ducia de temas interpretados en galego e de grande sonoridade que –segundo eles mesmos explican– navegan entre a música galega, a brasileira e o jazz cun son moi persoal e cheo de cor. Construídas a partir da sinxeleza da voz e da guitarra, a estas composicións fóronse sumando as achegas doutros destacados nomes da escena musical galega en moi diferentes estilos. Entre eles, Quim Fariña, Sérgio Tannus, Álvaro Vieito, Alfonso Calvo e Miguel Queixas, que os arrouparán así mesmo sobre o escenario do Salón Teatro xunto con Carlos Freire, Serginho Sales e Paula Pintos.

Najla Shami e Héctor Lorenzo principian a súa colaboración musical no verán de 2004 a raíz da súa participación no festival Feito a Man de Santiago de Compostela. A partir dese momento, inician unha traxectoria común, aberta ao traballo con numerosos colaboradores, da que cinco anos máis tarde xurde o seu proxecto como dúo Lobalú. Baixo este nome, en 2009 comezan a dar forma ao seu disco de debú, “Haikus”, gravado con Arturo Vaquero e Jahel Piñeiro nos estudios Abrigueiro de Friol.

O de Lobalú será o segundo dos concertos desta terceira entrega de “ST Música Presente”, tras a actuación ofrecida o pasado 11 de outubro pola banda viguesa The Blows. A prioridade deste programa é ofrecerlles ás discográficas galegas unha canle de promoción e difusión dos seus artistas desde unha perspectiva esencialmente comercial, xa que os principais destinatarios destes directos son programadores, promotores de festivais e certames de música, distribuidores, prensa especializada e demais axentes culturais de dentro e fóra de Galicia. Os concertos ábrense, así mesmo, a todos os espectadores interesados, para o que se establece un prezo especial de 5 euros por entrada.

As próximas citas do ciclo terán lugar o xoves 24 de novembro, coa presentación de Entretelas, o novo traballo discográfico de Fon Román; e o martes 13 de decembro, co concerto do trío Vaamonde, Lamas & Romero, que interpretará en directo os temas de O tambor de prata.

A banda sueca de heavy metal Amon Amarth presenta esta noite na Sala Capitol o seu novo álbum de estudo, ‘Surtur Rising’.

O artista almeriense David Bisbal presenta a súa primeira xira acústica de grandes éxitos. Repaso aos mellores temas dos seus catro discos publicados ata a data nun formato íntimo e con novos arranxos.

Tras o frenético tour "Sin mirar atrás", Bisbal ispe a súa voz acompañado por guitarras acústicas e españolas, piano, contrabaixo ou percusión.

A Sala Capitol organiza esta noite unha sesión de heavy metal coa banda alemana liderada por Udo Dirkschneider.

A banda pontevedresa Delahoja ofrece esta noite un concerto no que interpretará os temas do seu último traballo, ‘Nuestra B.S.O.’. Estará acompañada polo grupo Tramaturgia.

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

A espectacular voz de Aloe Blacc chega por primeira vez a Galicia nun concerto do ciclo ‘Galicia Importa’. O novo cantante californiano de soul, que comezou a súa carreira no mundo do hip hop e o rap como integrante do dúo Emanon e que xa é considerado pola crítica como o sucesor de Marvin Gaye, interpretará os temas do seu primeiro traballo como solista, ‘Good Things’.

Esta noite, a Sala Capitol organiza un concerto a cargo de El sueño de Morfeo. A banda de pop presentará en directo os temas do seu último traballo, ‘Se buscan sonrisas’.

A banda de power pop viguesa Maryland interpreta esta noite os temas do seu último traballo discográfico, 'Get cold feet'.

A Orquestra Sinfónica de Galicia ofrece esta noite un concerto no Auditorio de Galicia no que estará dirixida por Michal Nesterowicz e acompañada polo violoncello solista Guillermo Pastrana. O programa inclúe obras de Vayo, Lalo e Prokofiev.

Orquestra Sinfónica de Galicia
Guillermo Pastrana, violonchelo
Michal Nesterowicz, director

PROGRAMA

D. Vayo, wellspring (Obra ganadora del Premio de Composición Andrés Gaos 2009)
E. Lalo, Concierto para violonchelo y orquesta
S. Prokofiev, Sinfonía núm. 5 en Si bemol mayor, op. 100

A Sala Capitol acolle esta noite un concerto a cargo de Achilifunk & Ensemble Taller de Músics que encherá o local de ritmos funk, jazz e de rumba catalá.

Un cuarteto de rumberos de primeira fila –Sam Mosketón, Muchacho, Jack Tarradellas e Rambo–, de mestres do funk –Lalo López e Paco Mantecao da Fundación Tony Manero– e do jazz uníronse para interpretar temas clásicos do funk de baile e da rumba catalá. A actual formación presenta un carácter novo, sazonado por unha sección de metais do Original Jazz Orquestra Taller de Músics –OJO–. Un traballo conxunto que, coa dirección musical de Paco Mantecao, consegue unha sonoridad especial que podemos denominar como 'big band rumba funk'.

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

O Auditorio de Galicia acolle esta noite a celebración da gala especial XXV Cineuropa, un acto no que se fará entrega do premio ao compositor e gañador do Óscar por 'Diarios de motocicleta' Jorge Drexler, quen tamén ofrecerá un concerto.

Neste concerto o TAC presenta obras que en cada nova interpretación ofrecen resultados únicos, irrepetibles e diferentes a calquera outra presentación delas. Este aspecto unifica as tres pezas que se presentan neste concerto, se ben cada unha delas parte dun procedemento compositivo distinto.

JOHN CAGE (1912-1996)
Imaginary Landscape No. 4 for 12 radios
(24 performers)

GYORGY LIGETI (1923-2006)
Poema Sinfónico para 100 metrónomos

TERRENCE MITCHELL RILEY (1934)
In C (para calquera número de instrumentistas)

Presenta: Julián Hernández
Ao final do concerto servirase unha tapa creación de Pepe Solla e unha copa de viño.

Música contemporánea, humor e gastronomía. É a atractiva e singular oferta que o Taller Atlántico Contemporáneo (TAC) propón para a Cidade da Cultura, como parte da programación do Ano Galego da Música 2011.

Os Seráns do TAC toman como argumento principal a maxia do lusco-fusco, festexado na cultura tradicional galega con festas participativas organizadas polos veciños de aldeas e parroquias que se reúnen para tocar, bailar e comer nos días nos que non hai celebracións oficiais ou patrón que festexar.

Retomando este argumento antropolóxico, o TAC proponnos achegármonos a dous mundos aparentemente moi distantes entre si, axudándonos a introducirnos na música contemporánea dun modo festivo e ameno, a través dos elementos básicos das festas populares dos seráns galegos.

Esta proposta do TAC inclúe cinco concertos nun formato nada convencional e sorprendente. Os actores Quico Cadaval e Carlos Blanco, e o músico Julián Hernández (Siniestro Total) introducen en clave de humor os músicos galegos, solistas invitados e directores de renome internacional que participan no programa.

O programa de actividades complétase cun obradoiro didáctico para nenos e nenas de 5 a 15 anos, na segunda xornada de Os Seráns do TAC.

E para darlle sabor a Os Seráns do TAC, representantes da nova cociña galega aderezan este excepcional programa coas tapas que servirán ao final de cada concerto, inspirados nos elementos do programa musical.

Así, vangarda e tradición actúan coma fío condutor dun proxecto extraordinario no que se fusionan a contemporaneidade dos espazos e da arquitectura da Cidade da Cultura, da cociña, da música e dos elementos etnográficos da festa popular galega.

J.D. McPherson, o ex cantante e guitarrista de The Starkweather Boys, presenta esta noite na sala Capitol o seu debut en solitario.

O Auditorio de Galicia acolle durante dúas xornadas consecutivas unha serie de concertos didácticos para escolares que achegará a música clásica e popular aos máis pequenos.

A cantautora coruñesa Silvia Penide presenta os temas do seu novo disco 'Las Erres Dobles', nun concerto que terá lugar esta noite no pub Ultramarinos.

+ info en http://www.myspace.com/silviapenide

Unha das mellores agrupacións camerísticas do mundo, o Cuarteto Emerson ofrecerá, no seu primeiro concerto no novo auditorio de Novacaixagalicia en Santiago de Compostela, unha sesión dedicada á música do clasicismo con obras de Haydn, Mozart e Beethoven.

Por primeira vez en España un dos mais importantes organistas de New York, Brian Charette (nomeado en dúas ocasións aos premios Grammy) xunto co baterista/percusionista orixinario de Mississippi, Greg Stewart e os galegos Telmo Fernández e Paulo Castaño, forman este grupo que bebe das fontes dos ritmos dos anos 60 e 70 fusionando a máis pura tradición do “Organ Jazz” con Blues, Soul, Funk e R&B logrando un estilo ecléctico debido a diferente procedencia de cada un dos compoñentes.

Unha proposta actual a par que orixinal, cun repertorio orixinal que non deixa indiferente ao público polo seu ritmo, elegancia, bo facer e sentimento que logran trasladar ao oínte a unha nova dimensión musical agradable, relaxante e case hipnótica. Todo isto xunto con algunha versión de clásicos do soul recoñecibles e imprescindibles na historia da música americana do século XX.

A Fundación Araguaney-Puente de Culturas coa colaboración de AGADIC (Axencia Galega de Industrias Culturais) presenta o segundo dos concertos gratuítos incluídos no Ciclo de Música Ghazal. O cantante franco-argeliano Fayçal Salhi, xunto coa súa agrupación de músicos, será o protagonista deste concerto.

Nesta ocasión, o lugar de celebración será a Sala Capitol, perfecta para acoller un concerto íntimo, próximo ao artista e nun ambiente acolledor. O público poderá gozar dos ritmos do laúde e demais instrumentos deste artista franco-argeliano, que non lles deixará indiferentes. Será o xoves 17 de Novembro, ás 22,00 h, na Sala Capitol.
 
O concerto será GRATUÍTO, previa recollida de ENTRADAS na Recepción do Hotel Araguaney (Alfredo Brañas, 5) e na Galeria Caroní (Rúa do Vilar, 21), a partir do martes 8 de Novembro.
 
SOBRE FAYÇAL SALHI QUINTET
 
Nacido en 1979 en Khenchela, unha cidade montañosa ao leste de Alxeria, a centenares de quilómetros da fronteira con Tunisia, creceu nunha atmosfera musical grazas aos seus tíos, artistas que se dedicaban a animar as festas e celebracións locais. Unha infancia que o adolescente gardou no seu corazón durante o seu exilio en Francia a partir dos 12 anos. Instalado en Besançon, afíxose a esta cidade apracible e de feito defínese con Franco-Argeliano. O artista está orgulloso das súas orixes magrebís pero revindica tamén a súa parte francesa. Afirma que leva 20 anos en Francia e que considera que tivo sorte xa que é un territorio que se atopa nunha encrucillada cultural.
 
Foi descuberto nunha actuación en Ópera Nacional de Lyon en 2006 cando actuou aí co seu quinteto. No ano 2007 compuxo a banda sonora orixinal da longametraxe “La Casa Amarilla”, premiado en numerosos festivais e que recibiu a Palma de Ouro na Mostra, o Festival de Cine Mediterraneo de Valencia. Tamén recibiu o galardón a Mellor Música no mesmo festival. tocou por toda Europa e con recoñecidos intérpretes de música árabe como o Trio Joubran entre outros.
 
Aos 32 anos, Fayçal Salhi está a piques de volverse un “maalem” (mestre) do laúde árabe. Este Franco-Algeriano, levou a súa música por varios continentes, e en todos eles tivo un gran éxito.
 
Logo do seu álbum “Tingad”, un título que fai referencia a esta vila romana do Aurès en Alxeria, publicado fai cinco anos, Fayçal Salhi presentou este ano o seu último traballo que leva o título de “Elwène”, que se podería traducir por “cor”, un verdadeiro arco iris musical que reflicte as diferentes influencias do artista. “Quixen contar o relato dunha viaxe desde Alxeria a Francia, pasando despois por España, Austria, Chile e a India, onde tiven a sorte de producilo” declarou o artista. Autodidacta, revindica a herdanza dos grandes do laúde como Munir Bashir, Dhafer Youssef e ata Anouar Brahem. Un artista que nos leva á fronteira entre o jazz e o mundo árabe.
 
SOBRE O CICLO GHAZAL
 
A Fundación Araguaney-Puente de Culturas coa colaboración de AGADIC (Axencia Galega de Industrias Culturais) organiza este ciclo de música excepcional, o Ciclo Ghazal. Unha unión de 3 concertos musicais con artistas do panorama musical internacional de gran prestixio.
 
Trátase dunha iniciativa para achegar a música árabe a Santiago de Compostela. Na súa aposta pola arte musical, a Fundación Araguaney e AGADIC permiten que os composteláns e turistas de Compostela empápense da música de artistas de recoñecido prestixio a nivel internacional.

OUTROS CONCERTOS
 
O primeiro dos concertos, de Le Trio Joubran, celebrado o domingo 23 de Outubro no Teatro Principal, foi todo un éxito. O público compostelán demostrou unha gran acollida ao trío de irmáns palestinos.
 
O último dos concertos correrá a cargo de Moneim Adwan, cantante palestino cuxas composicións son un intento de manter viva a tradición nun país que oscila entre o modernismo e as tradicións ancestrais. Será o 8 de Decembro no Teatro Principal.

David Afkham dirixe esta noite á Real Filharmonía de Galicia nun concerto no que estará acompañada do pianista Saleem Abboud Ashkar. O programa inclúe obras de Mendelssohn, Saint–Saëns e Brahms.

Real Filharmonía de Galicia
David Afkham, director
Saleem Abboud Ashkar, piano

PROGRAMA

J. Brahms, Apertura académica, op.80
F. Mendelssohn, Rondó brillante en Mi bemol maior, op.29
C. Saint – Saëns, Fantasía para piano e orquestra, op.89, “África”
J. Brahms, Sinfonía núm. 3 en Fa maior, op.90

O quinteto de jazz portugués formado por César Cardoso (saxo tenor), Bruno Santos (guitarra), Filipe Melo (piano); Demian Cabaud (baixo) e Bruno Pedroso (percusión) abre esta noite o ciclo de recitais 2011 do circuíto de intercambio musical galego-portugués Outonalidades.

Arranca Microfest, un dos festivais de música rap e hip hop máis lonxevos de toda a península. Neste primeiro concerto poderemos escoitar aos mallorquinos La Puta Opepé e ao madrileño Darmo. Como representante da escena galega intervirá o compostelán Erin, de Comando Katana.

Nach, o MC alacantino que presenta o seu novo disco, ‘Mejor que el silencio’, encabeza o cartel da novena edición do Microfest, un dos eventos de hip hop máis lonxevos de toda a península. Completan a velada os vigueses Kaixo Sama VS Elecesar.

A Catedral de Santiago acolle esta tarde un concerto de órgano e a gravación dun disco que permitirá a recuperación da obra musical de Melchor López, mestre de capela e organista da Catedral a finais do século XVIII. O concerto, a cargo do organista Bruno Forst, forma parte da programación do 800 Aniversario da Catedral do Consorcio de Santiago de Compostela.

Obras de órgano de D. Melchor López (1759-1822)
Órgano: Bruno Forst

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

A galería subterránea de servizos da Cidade da Cultura servirá como escenario do concerto de música electrónica protagonizado polo grupo noruegués Ulver.

A banda norueguesa Ulver é hoxe un referente de culto pola súa experimentación continua durante as súas case dúas décadas de vida.

Nados no 1993 na explosión da escena de black metal do seu país –Inner Circle, Burzum, Mayhem, etc.–, nunha primeira fase soaban escuros e intensos. Na seguinte época, deixan de lado esta estética e introdúcense na electrónica, o ambient, o trip-hop e mesmo o jazz;  todo moi sintetizado nunha mestura complexa próxima ao rock industrial. A terceira, e ata o de agora última fase estilística destes inquedos músicos, comeza a partir do 2003 coa saída de "A Quick Fix Of Melancholy" e, sobre todo, coa publicación de "Blood Inside". Neste momento, experimentan coa música sinfónica, o rock progresivo e os ritmos do novo soul electrónico.

O concerto de Ulver servirá para estrear un novo escenario na Cidade da Cultura: a Galería subterránea de servizos, que conecta os diferentes edificios construídos no Gaiás. Un espazo que, máis alá da súa función práctica, presenta unha estética vangardista que encaixa á perfección coa imaxe da banda.

A avanzada do jazz galego, con nomes como Marcos Pin ou Carlos López á cabeza, atópase detrás do proxecto Organic Collective. Esta noite poderemos escoitalos en directo nun concerto organizado polo Jazz Club Dado Dadá.

Xosé Miguélez – Saxo
Marcos Pin – Guitarra
Juansy Santomé – Contrabaixo
Carlos López – Batería

Grupo de Jazz Groove cun disco no mercado, "Maybe in other life" (Audia Records 2008), e unha personalidade que senta as súas bases na mestura de jazz, funk, soul, hip hop e pinceladas de R&B. Neste disco debut atopamos nove composicións, a maior parte asinadas por Marcos Pin salvo "Blues for Dave", composta por Juan Galiardo, e "Humphrey's Mood", escrita por Carlos López. Logo de presentar este primeiro disco en festivais e salas de Galicia con diferentes formacións, o grupo atopa finalmente a súa aliñación definitiva con Juasy Santomé ao contrabaixo e Xosé Miguélez ao saxo. Con esta última formación de cuarteto, ultiman a gravación do seu próximo disco que será editado a mediados do 2012.

A pianista xaponesa Haruna Tabeke ofrece esta noite no Paraninfo da Universidade (Facultade de Xeografía e Historia) un concerto no que interpretará diversas pezas de Liszt. A cita está incluída no ciclo 'Franz Liszt, o peregrino', organizado con motivo do segundo centenario do nacemento do compositor e pianista húngaro.

Haruna Tabeke graduouse pola prestixiosa universidade Toho Gakuen University of Music de Tokyo. No ano 1999 trasladouse a Europa para ampliar a súa formación; primeiro en Alemaña, onde se gradúa na Universidade das Artes de Berlín, estudando coa pianista Elena Lapitskaja, e despois en Holanda obtendo o Master's degree de solista e música de cámara.
Desde 2007 combina a interpretación coa docencia incorporándose como catedrática de Piano na Elisabeth University of Music en Hiroshima, onde permanece ata o ano 2009, cando decide tarsladarse a Santiago de Compostela, onde reside na actualidade.

O ciclo ‘Galicia Classics’ ofrece este mes a oportunidade de escoitar en directo ao recoñecido pianista suízo, fillo do tenor Ernst Haefliger, que colaborou con varias das máis prestixiosas orquestras do mundo. Desde o seu debut como solista, en 1988, Haefliger non deixou de participar como primeira figura nas principais citas internacionais, como os festivais de Lucerna ou Salzburgo.

Esta noite, a Catedral de Santiago será escenario dun concerto protagonizado pola Coral Sinodal de Moscova, unha agrupación con máis de tres séculos de historia. O programa leva por título 'Música Espiritual Rusa: Séculos XV–XXI'.

Amorphis, a veterana banda finesa de metal progresivo, presenta en xira o seu novo traballo, ‘The Beginning of Times’.

O ciclo musical Autor 3.0, organizado pola sede SGAE en colaboración co AGADIC, presenta nesta ocasión ao grupo coruñés de pop Stereotipos. Trátase dun proxecto musical liderado polo autor Manu Rodríguez que ofrecerá un anticipo do repertorio do seu terceiro disco, en fase de gravación.

Neste concerto, Stereotipos presentará nova formación e algunha sorpresa de excepción. O evento é de acceso libre e será gravado para a súa emisión posterior en Radio Galega Música.

O Café Puente continúa esta noite co seu ciclo de citas ineludibles para os amantes da boa música en directo. Os músicos Pablo Seoane (piano) e L.A.R. Legido (batería), xunto á inconfundible voz de Lúa Gándara, serán os encargados destas sesións de free jazz denominadas 'Lupercais'.

Fon Román protagoniza o terceiro dos recitais enmarcados no ciclo de concertos 'ST Música Presente', dirixido preferentemente á promoción de traballos discográficos galegos de todos os estilos diante dun público especializado.

Pasaron tres anos desde Silencio cómodo en un jardín descuidado, o seu debut en solitario co que deixaba atrás a súa etapa como guitarrista de Piratas. Tres anos nos que Fon non parou de investigar ata chegar a Entretelas o seu segundo álbum, resultado da súa prolongadada experiencia como músico, compositor, produtor e adaptador. Entretelas é en si, un concepto global de música e estética. Trátase dunha obra que vai máis alá do estritamente músical, con cancións creadas a partir de retallos, de pezas soltas, de versos rescatados. Un traballo de pop elegante e intimista cuxas letras e melodías sintetizan a evolución do pop español.
Promovido pola Agadic, en colaboración con AGEM (Asociación Galega de Empresas Musicais) e Agaphono (Asociación Galega de Produtoras Fonográficas), o ciclo "ST Música Presente" botou a andar en 2010 co obxectivo de ofrecer ás discográficas galegas unha nova canle de promoción e difusión dos seus artistas desde unha perspectiva esencialmente comercial, xa que os principais destinatarios destes directos son programadores, promotores de festivais e certames de música, distribuidores, prensa especializada e demais axentes culturais de dentro e fóra de Galicia.

Manuel Hernández Silva dirixe esta noite á Real Filharmonía de Galicia nun concerto no que estará acompañada do violoncellista Johannes Moser. O programa inclúe obras de Shostakovich e Dvorák.

Real Filharmonía de Galicia
Manuel Hernandez Silva, director
Johannes Moser, violonchelo

PROGRAMA

D. Shostakovich, Concerto para violonchelo núm.1 en Mi bemol maior, op.107
A. Dvorák,  Serenata para cordas en Mi maior, op.22

A banda andaluza de pop independente ofrece esta noite un concerto no que interpretará os temas do seu álbum 'Electroviral', publicado en 2010.

Esta noite, o pub Ultramarinos organiza un concerto a cargo do grupo de rock galego Combo Dinamo.

Nado dunha mutación dos Mistakens, banda de pop con regusto aos anos 60, o grupo debutou como Combo Dinamo co disco Decencia y buen gusto (2007), que propiciou a súa presenza en medios de comunicación e salas de concertos de diversas Comunidades. En 2008 foi o gran gañador dos premios Inframundo da música coruñesa (Mellor banda; Mellor disco; Mellor canción; e Mellor vídeo). Tras moitas actuacións e algúns singles, en 2011 editouse o seu segundo disco longo: Quieto, muere, resucita!!!, que os trae á sede da SGAE/Fundación Autor en Santiago de Compostela nun concerto gratuíto que será gravado e emitido por Radio Galega Música. Entre as influencias de Combo Dinamo están David Bowie, Devo, The Who, Elvis Costello, Supergrass ou Radio Futura.

O artista barcelonés Juan Magan estará esta tarde no Multiusos Fontes do Sar, acompañado no escenario polo Dj Rivero. O show comezará a partir das 20 h, aínda que a actuación de Juan Magan está prevista para as 23:30 h.

Juan Magan ten traballado como produtor, remixer, DJ, compositor e cantante. O seu último hit foi o tema “Bailando por ahí”, un dos maiores éxitos do verán 2011, que ocupou os postos máis altos da lista das cancións máis vendidas en España e foi Disco de Ouro e nº1 nos 40 Principales e na lista Spotify España, con máis de tres millóns de visitas ao seu vídeo en YouTube. Nos últimos tres anos Juan Magan tivo máis de 30 millóns de plays en YouTube, ten máis de 30.000 fans en Facebook, de 18.000 en Twitter e de 700.000 visitas en MySpace.

Juan Magan ten colaborado con Shakira, Juanes, Nelly Furtado, Enrique Iglesias, Paulina Rubio, Diego Torres, Alejandro Fernández, Luis Fonsi, Carlos Baute, Soraya, Don Omar ou Pitbull. O seu espectáculo foi visto en escenarios de todo o mundo, dende Ibiza a Beirut pasando por Madrid, México DF, París, Tirana, Milán, Barcelona, Dubai, Londres, Bucarest, Lisboa, San Francisco, Munich, Rabat, Ginebra, Marsella, Lima, París, Quito, Miami, Saint Tropez ou El Salvador.

O Auditorio de Galicia acolle durante tres xornadas consecutivas a celebración do V Certame galego de bandas de música, un encontro organizado pola Federación Galega de Bandas de música popular. Por quinto ano, a música de banda volverá a Santiago nunha competición na que participarán multitude de agrupacións distribuídas por toda a xeografía galega.

PROGRAMA

**Venres, 25 de novembro | 20.00 h.
Sección terceira
Obra obrigada: Monte Medulio de Andrés Álvarez Hernández

- Banda Municipal de Música de Lousame (Director: Fernando Froján Canle)
Pasodobre: Coruña de Faustino del Río Burdiel
Obra libre: O Demo de Carboeiro Manuel Blanco Dosil

- Banda de Música Popular Airiños do Morrazo de Moaña (Director: Salvador Meira Corrales)
Pasodobre: Cantigas e agarimos de Bernardo del Rio
Obra libre: O Bosque Animado de Andrés Álvarez
I. A fraga de Cecebre
II. Nocturnidade
III. Volta á fraga

- Agrupación Musical de Belesar (Director: Javier Domínguez Millán)
Pasodobre: Ponteareas de Reveriano Soutullo
Obra libre: Al-Manzah (episodio sinfónico) de Ferrer Ferran

- Banda de Música La Lira de Ribadavia (Director: Juan Carlos López Vázquez)
Pasodobre: De Ribadavia a Pontevedra de Adolfo Campos
Obra libre: Cabaleiros de Santiago (rapsodia galega) de José Luis Represas Carrera
I. Introducción
II. Alborada
III. Canción
IV. Pandeirada
V. Muiñeira
VI. Danza quebrada
VII. Coda

- Banda de Música Santiago de Arteixo (Director: Alfredo Casanova Blasco)
Pasodobre: Carballeira de Gustavo Freire
Obra libre: Pórtico de Antón Alcalde Rodríguez
I. Amencer en Santiago de Compostela, s. XIII
II. No Pórtico da Gloria, s. XIII
III. Batalla contra a Taifa de Sevilla e Vitoria

**Sábado, 26 de novembro | 18.00 h
Sección segunda
Obra obrigada: Dolmen de Antón Alcalde Rodríguez
I. Alla alborada
II. Alla balada
III. Alla muiñeira

- Banda de Música Municipal de Agolada (Director: Nilo Jesús García Armas)
Pasodobre:Música Mestres de Juan Lois Diéguez
Obra libre: Sinfonía nº 1: The Lord of the Rings de Johan de Meij
I. Gandalf (The Wizard)
III. Gollum (Sméagol)

- Banda de Música Cultural de Teo (Director: Álvaro Varela Ferradáns)
Pasodobre: A Freixa de R. e F. Groba.
Obra libre: Entornos de Amando Blanquer Ponsoda
I. Allegro graziosso
II. Lento
III. Fanfarria

- Banda-Escola de Música de Beade (Director: Luís A. González Amosa)
Pasodobre: Pusiano de Simón Couceiro Riveira
Obra libre:Tierra Mítica (poema sinfónico) de Bernardo Adam Ferrero
I. Arco Mediterráneo
II. Nocturno y Danza en las Noches de Plenilunio
III. El Mar
IV. La Tierra Bendecida

- Banda de Música Popular de Rubiós (Director: Rafael Pérez Dopeso)
Pasodobre: Ponteareas de Reveriano Soutullo
Obra libre: Sendes (variacións sobre a vida dun mortal) de Jose Alberto Pina

**Domingo, 27 de novembro | 16.30 h
Sección primeira
Obra obrigada: A lenda da Santa Compaña de Diego David Cuevas Sánchez

- Banda de Música Recreativa e Cultural de Bandeira (Director: Miguel Rodríguez Barrio)
Pasodobre: Saludo a Lugo de Indalecio Fernández Groba
Obra libre: Feste Romane (poema sinfónico) de Ottorino Respighi. (Trans: Y. Kimura)
I. Circenses
II. Giubileo
III. L´Ottobrata
IV. La Befana

- Agrupación Musical do Rosal (Director: Diego Javier Lorente López)
Pasodobre: Adios Tomiño de Ademar Álvarez Álvarez (arr: D. J. Lorente)
Obra libre: Apocalypse de Derek Burgeois

- Agrupación Musical de Vincios (Director: Juan Luis Costas Álvarez)
Pasodobre: Siete Rosas de Alejandro del Río
Obra libre: Saga Candida de Bert Appermont
I. Opening
II. Accusations
III. Innocence (Love)
IV. Tango
V. Sabbath
VI. Death
VII. Transformation (finale)

- Banda de Música Municipal de Valga (Director: Manuel Villar Touceda)
Pasodobre: Brisas Arosanas de Manuel Iglesias Domínguez
Obra libre: Symphonic Dances from West Side Story de Leonard Bernstein. (Trans: P. Lavender)

- Banda de Música Municipal de Caldas de Reis (Director: Daniel Portas González)
Pasodobre: Enrique Melio de Simón Couceiro
Obra libre: O Camiño das Ánimas en Pena de Ferrer Ferran

A premiada cantautora canaria presenta ao público compostelán ‘¡Buenos días mundo!’, un traballo recentemente publicado no que aposta por un son contundente e máis próximo ao rock que ao pop, cunhas letras cargadas de emoción, sentimento e realidade social. Tras dous anos de descanso creativo, Rosana volverá sorprender cun directo cheo da enerxía e o carácter vitalista que a caracterizan.

A intervención sonora "Música e Arquitectura" foi pensada e realizada por Inmaculada Cárdenas, José Luis Carles e Cristina Palmese para o espazo central da Biblioteca de Galicia e enmárcase dentro dos Diarios Sonoros organizados pola Cidade da Cultura.

Primeira parte:
PERFORMANCE EN VIVO

    Mónica Álvarez, voz
    Arturo Vaquero, electrónica en directo
    Efraím Díaz, vento e percusión
    Inmaculada Cárdenas, dirección e performance
    Coa participación do público

Segunda parte:
INSTALACIÓN AUDIOVISUAL

    Cristina Palmese, arquitecta e paisaxista sonora
    José Luis Carles, artista sonoro
    Ricardo Atienza, vídeo

Primeira parte
Monte Gaiás
Performance en directo baixo a idea de que “o coñecemento está no interior” como metáfora da arquitectura que a alberga, está a cargo do grupo de Creación Musical da USC (GCMUS) coa participación de catro músicos, ademais da intervención do público. O formato elixido é a interacción cos espazos da Biblioteca de Galicia. A partir de sons de bombardino, voz e percusións explóranse os espazos e trabállase a arquitectura como un instrumento sonoro de enormes dimensións. A estes uniranse elementos extramusicais como chapa metálica, pelotas de pimpón, plásticos… que serán modificados pola electrónica en directo reforzando e variando as devanditas acústicas.

Segunda parte
Itinerarios de  escoita.  Instalación Audiovisual
Escoitar é dialogar co lugar, entrar en resonancia con el e facelo resoar. Escoitar é “acordar” con canto nos rodea e con quen nos rodea. Para comprender este vínculo íntimo, necesitamos con-mover o espazo e a quen o comparte, falarlle, muiñarlle, tal vez gritarlle, e ante todo, escoitar a súa su resposta… É esta unha invitación a pensar a nosa relación cunha arquitectura singular a través do son,  descubrila a través dun mapa sonoro que percorrerá o espazo construído, deixando que de este lugar emerxa todo aquilo que foi esquecido, calado ou que ha quedou sen expresar.

Sesión de fotos
Ao finalizar, os participantes poderán retratarse cos artistas nunha sesión de fotos a cargo do fotógrafo Pablo Giráldez que serán colgadas no Facebook da Cidade da Cultura para a súa libre descarga.

O grupo vigués afincado en Barcelona actuará esta noite na sala Capitol nun concerto no que tamén se poderá escoitar á banda de indie rock bailable Polock.

A avanzada do jazz galego, con nomes como Marcos Pin ou Carlos López á cabeza, atópase detrás do proxecto Organic Collective. Esta noite poderemos escoitalos en directo nun concerto organizado polo Jazz Club Dado Dadá.

Xosé Miguélez – Saxo
Marcos Pin – Guitarra
Juansy Santomé – Contrabaixo
Carlos López – Batería

Grupo de Jazz Groove cun disco no mercado, "Maybe in other life" (Audia Records 2008), e unha personalidade que senta as súas bases na mestura de jazz, funk, soul, hip hop e pinceladas de R&B. Neste disco debut atopamos nove composicións, a maior parte asinadas por Marcos Pin salvo "Blues for Dave", composta por Juan Galiardo, e "Humphrey's Mood", escrita por Carlos López. Logo de presentar este primeiro disco en festivais e salas de Galicia con diferentes formacións, o grupo atopa finalmente a súa aliñación definitiva con Juasy Santomé ao contrabaixo e Xosé Miguélez ao saxo. Con esta última formación de cuarteto, ultiman a gravación do seu próximo disco que será editado a mediados do 2012.

Baixo o título 'Jeff Wall: retrato sonoro', a agrupación Ensemble Vertixe Sonora, composta por frauta, saxofón, violonchelo, contrabaixo, piano e percusión, ofrece un concerto con obras de Víctor Ibarra, Yoshiaki Onishi, Mauricio Pauly, Lola Romero e Ramón Souto.

Este ciclo, que está directamente vinculado coa creación musical do século XXI, presenta oito estreas absolutas, encargadas por S@X21 e Vertixe Sonora a varios representantes dunha nova, interesante e creativa xeración de compositores do panorama internacional: Jacobo Gaspar (Pontevedra, 1975), Xabier Mariño (Ponteareas, 1983), Ramón Souto (Vigo, 1976), Lola Romero (Palma de Mallorca, 1976), Germán Alonso (Madrid, 1984), Víctor Ibarra (Guadalajara, México, 1978), Yoshiaki Onishi (Hokkaido, Xapón, 1981), Mauricio Pauly (San José, Costa Rica, 1976), ademáis de cinco estreas en España de Georges Aperghis (Atenas, 1945) e Franck Bedrossian (Francia, 1971), Helmut Oehring (Berlín, Alemaña, 1971), Pedro Rebelo (Portugal, 1972) e Fausto Romitelli (Italia, 1963-2004).

DIRECCIÓN DO CICLO: Pablo Coello
COORDINACIÓN: Cristina Trigo