A sala do Grupo Correo Galego acolle unha mostra do fotógrafo afincado en Madrid Plácido L. Rodríguez, quen retrata personaxes tan destacados como Verino, Alaska, Mapplethorpe, Ayala ou Cela.

A mostra recolle unha colección de rostros en branco e negro que configuran toda unha galería de personaxes ligados á cultura, dende unha ochenteira Alaska a un actual Carlos Ruiz-Zafón, pasando polos inesquecibles Cela, Díaz Pardo, Alberti ou Ayala, e grandes da fotografía como Mapplethorpe, Shommer ou Korda, entre outros moitos. Rostros con nome propio aos que Rodríguez pon alma.

Ao longo de todo o mes de decembro, a Biblioteca pública Ánxel Casal acolle unha mostra na que se expoñen os debuxos orixinais do nº 1 do fanzine e cómic compostos no Obradoiro de Iniciación ao Cómic da Escola de arte ECO.

O salón de actos da Biblioteca pública Ánxel Casal acolle ata finais de ano 'Campo a través', unha exposición formada por 15 fotografías de Niti Laíño que mostran unha visión moi persoal deste fotógrafo sobre o deporte.

Ata finais do mes de decembro, o CSC O Ensanche acolle no seu espazo expositivo 'Complicidad Africana', unha selección de imaxes realizadas por Xandro Barberena nunha serie de viaxes a Kenya. O título é froito dos comentarios efectuados polos visitantes das súas anteriores exposicións, que na súa maioría, destacaban as miradas dos suxeitos fotografados, establecendo certa complicidade co fotógrafo.

Nesta exposición preténdese mostrar a outra cara de África, fuxindo da fotografía efectista de guerras, conflitos e outros desastres, como a fame, que asolan a terra dos nosos antepasados.

A sala de exposicións do Eurostars Araguaney (Montero Ríos, 25-27) acolle a súa tradicional exposición de decembro do artista Vázquez Alemán.

Na súa obra pódense diferenciar paisaxes, vistas xerais de portos, prazas e cidades, así como bodegóns e personaxes moi galegos, como os gaiteiros. Trátase dun traballo no que se aprecia unha evolución tanto do propio artista, como do uso que el mesmo fai das cores e dos matices lumínicos.

Os bodegóns, os seres humanos e a natureza, son pois os protagonistas da obra de Vázquez Alemán, que se caracteriza polo seu afán cubista expresado dende o libre albedrío e onde as cores chaman a atención do ollo que os contempla.

Vázquez Alemán nace no ano 1946. Licenciado en Filosofía e Letras, realiza a súa primeira exposición en 1964, no Círculo das Artes de Lugo, á que seguirán máis de medio centenar en diversas cidades de España, Francia e Portugal. Está representado en coleccións institucionais e privadas de España, Alemaña, Bélxica, Francia, Italia, Gran Bretaña, Noruega, Portugal, Hong Kong, EEUU, Arxentina e México. Entre outras: Colección Príncipe de Asturias, Presidencia da Xunta de Galicia, Fundación Rodríguez Igrexas, Museo “M. Torres” (Marín-Pontevedra), Colección Paradores Nacionais, Casa de Brasil (Madrid)...

Ata mediados do mes de decembro, o Hall da Biblioteca pública Ánxel Casal amosará 'Escola, camiño de futuro', unha exposición organizada pola Fundación Intervida para defender a aposta pola formación e a educación como a mellor forma de saír da pobreza e acceder a unha vida mellor.

Ata comezos do mes de febreiro, o artista Valentín Jaramillo Arévalo presenta na galería Bus Station Space a súa última exposición, titulada 'Momentos'.

O acto de inauguración da mostra servirá tamén para presentar aos novos artistas colaboradores da galería: Baldo Ramos, Elías Cueto e Javier de la Rosa.

Co título 'A enerxía da Asociación son os seus socios', a Asociación Fonte da Virxe inaugura na Fundación Granell unha mostra que permanecerá aberta ata o 15 de decembro.

Con este título, a exposición estará dedicada a tódolos seus socios, agradecendo a súa fidelidade e contribución á integración social así como á loita contra o estigma. Esta mostra estará composta por obras realizadas en diferentes técnicas e formatos, dende o traballo coa cerámica, coiro, a encadernación...

O obxectivo desta mostra é seguir tentando que a cidadanía coñeza o traballo que realizan estas persoas, e a labor desenvolvida pola Asociación a prol de conseguir que este colectivo forme parte activa da sociedade. Persegue tamén, facer un chamamento á sociedade para eliminar os atrancos existentes para a necesaria integración social e laboral deste colectivo.

É a sociedade a que fai que parezan diferentes. Para cambiar isto, está nas mans de todos practicar a tolerancia e a comprensión, rompendo prexuízos e evitando a discriminación.
Esta iniciativa forma parte das colaboracións que a Fundación Granell leva a cabo cos diferentes colectivos e grupos sociais da nosa cidade, no seu interese en achegar a cultura a todos os recunchos da sociedade.

Ata finais do mes de xaneiro, os espazos do Hotel Virxe da Cerca albergarán unha exposición colectiva de Nadal. As obras que se poden ver nesta mostra conforman un paseo pola arte galega máis relevante, dende os anos 70 ao máis actual tanto en pintura coma en fotografía e escultura. Trátase dunha interesante colectiva na que unha parte das vendas irá destinadas a unha institución benéfica, remarcando, así, o carácter social e solidario da arte.

Artistas: Alexandro, Fernando Barreira, Ángel Caballero, Óscar Cabana, Óscar Carballo, Simion Craciun, Xaquín Chaves, Jorge Espiral, Alberto Gulías, Masiá, J. Méndez, Seara, Vicente Ruíz Soldevilla, Julio Sanjurjo, Leandro Sánchez, Enrique Tenreiro, Edu Valiña, Vázquez Alemán, Mila Vázquez, Fernando Yáñez.

Obra de: Lugris Vadillo, Mª Antonia Dans, Tenreiro, Lamazares, Sucasas, Lago Rivera, Alejandro González Pascual.

Escultura de: Óscar Aldonza, Buciños, Arturo Brea Pasín, Ramón Conde, Xosé Cid, Luis de las Cuevas, Lomarti, Paulo Neves, Francisco Pazos, Soledad Penalta, Paco Pestana,  Alfonso Rivero, Andreas Ruíz, Camilo Seira.

A mostra pode visitarse no espazo de pintura do Hotel Virxe da Cerca e os escultores intervendran o emblemático xardín deste edificio do século XVIII, reconvertido en hotel. Esta mostra realízase ao abeiro do convenio que dende hai un ano se creou entre a empresa Pousadas de Compostela e a coordinadora de exposicións Cristina Carballedo.

A Galería de Arte Contemporánea Espacio48 organiza ata mediados do mes de xaneiro a exposición colectiva 'Colezziona', dos artistas Caxigueiro, Vivián e Xurxo Martiño.

Daniel Caxigueiro (Mondoñedo, Lugo, 1955), expón por primeira vez entre as paredes de Espacio48 e o fai curiosamente volvendo camiñar por un “espazo” previamente transitado, e para iso reinterpreta e afonda cos seus libros de cerámica nese profundo e enrevesado universo simbólico que conteñen; Xosé Vivián (Santiago de Compostela, 1949), trae ao recordo pezas pictóricas evocadoras e cargadas dun lirismo que nos transporta a unha natureza momentáneamente alterada, pero que atopa refuxio na delicadeza do seu trazo; e Xurxo Martiño (Vimianzo, A Coruña, 1964), procura na reinvención das súas paisaxes arquitectónicas unha plasmación real e desposuída de todo artificio, e non para de tentar captalos dende distintas ópticas, sintetizándoos cada vez máis, ata o punto de chegar a fundirse coa propia materia.

Os tres teñen en común a súa rigurosidade e o seu coñecemento e compromiso co que lles rodea en todo momento. Deste xeito, todas as obras teñen que ver co cotián, coa natureza, coa realidade circundante e comparten todas elas unha forte carga de valores comúns, así como un claro vínculo coa materia, unha materia interiorizada dende un punto de vista poético pero, ao mesmo tempo, moi realista.

É a amalgama destas coincidencias a que crea un impacto global imborrable no espectador, que se reformula a trascendental cuestión de por que a arte debe estar presente no noso día a día, tendo en conta os tempos que corren. E a resposta atópaa de inmediato, xa que é a propia arte a que lla facilita case sen esforzo, pois non deixa de ser lesta un testemuño dun momento que nos pertence a todos por igual, e que queda atrapado de forma incuestionable e irrepetible, ousando estimular a nosa conciencia e a nosa consciencia histórica e potenciando os valores que nunca se deberían perder.
E por iso xorde a necesidade de “colezzionar”, que se escribe nesta ocasión con dúas zetas, apropiándose da última letra do abecedario, a máis esquecida, que marca o final, pero avisa do comezo de algo novo, un coleccionismo que procura cada vez máis meditar sobre o que nos define e sobre o que de verdade pode aportarnos todo o que recompilamos e gardamos como o noso pequeno gran tesouro. Unha colección que nos acompañará sempre e cuxa pertenza dirá moito de nós, polo que debe ser realista, próxima e factible.

Cristina Moreiro

Os tres artistas que conforman a mostra “colezziona”, contan cunha ampla traxectoria. Destaca a recente exposición antolóxica adicada á obra de Caxigueiro na Sala Luzán (CAI) de Zaragoza e a presenza do artista na exposición colectiva “Os ollos das Palabras” na Cidade da Cultura de Santiago. Tanto Vivián como Xurxo Martiño contan tamén cun amplo bagaxe expositivo, e cabe sinalar que actualmente exhiben algunhas das súas pezas na exposición “Unidos pola arte” no Auditorio de Galicia en Santiago de Compostela, que recolle por vez primeira o patrimonio pictórico do Concello e do Consorcio de Santiago.

Un ano máis, a Fundación Eugenio Granell únese a celebración do Nadal coa súa particular proposta de Belén. Trátase dunha visita obrigada nestas datas para adultos e público infantil.

O Belén componse de pezas da colección de arte étnica da Fundación Eugenio Granell. Deste xeito créase unha composición na recepción do museo, na que se dispoñen unha coidada selección de obras de arte popular e doutras culturas de diferentes partes do mundo, dende pezas de Portugal, Canadá, USA, Polonia, Porto Rico, Túnez, India, Perú ou México, entre outras.

Esta singular visión inclúe pezas que nada teñen que ver coas habituais figuriñas do Nadal, adquirindo o toque surrealista representativo da Fundación, ofrecendo unha perspectiva diferente e cargada de significado, especialmente nos tempos que nos toca vivir, un reflexo da multiculturalidade, presente na traxectoria de Granell e nas súas coleccións.

A sala de exposicións do compostelán hotel Porta do Camiño inaugura a mostra 'Vernissage' do artista Xuxo Fernández, unha exposición na que se exhiben lenzos de diversas etapas da produción do artista. A mostra estará aberta ao público ata o 15 de xaneiro e a organización corre a cargo da galería de arte José Lorenzo.

Acrílico e técnica mixta son os dous recursos máis utilizados por Xuxo Fernández para uns lenzos de formato amplo. O seu procedemento indaga na exploración de materiais e expresión, xogando con texturas, dando efectos de cor suxestivos, que chegan a vibrar.

Incontables movementos de vangarda mestúranse nas súas obras cos estilos clásicos: dende as iconas rupestres ata o mediterraneismo, pasando polo símbolo do peixe paleocristián. Todo iso realizado cunha linguaxe próxima ao mundo do cómic e da ilustración. E no medio insire figuras icónicas de museo ou da cultura pop, pode ser unha Venus de Botticelli ou Superman. Outras obras, de corte abstracto, camiñan tamén entre o mundo das vangardas e as orixes da arte, coas incisións en pedra do home primitivo.

Xuxo Fernández é un pintor autodidacta. O seu carácter artístico é produto de toda unha carreira profesional en obra gráfica, deseño e produción de vídeo. As súas pinturas son reflexo de toda esta traxectoria, na que desprega a súa polifacética creatividade.

O desenvolvemento da súa obra pictórica está marcado por unha perpetua busca que fai que o seu traballo teña un carácter singular, investigativo e, sobre todo, experimental.

Ata mediados do mes de xaneiro, a galería Espazo en Branco organiza unha exposición de pinturas do artista británico David Earl Crooks.

David Earl Crooks naceu en Lincolnshire, Inglaterra, en 1977. As súas dúas paixóns foron sempre a arte e as ciencias. Despois de rematar o doutoramento en física teórica, trasladouse a Santiago para realizar unha investigación posdoutoral en Teoría de Cordas. Posteriormente David deixou a un lado o mundo da física para se dedicar exclusivamente ao traballo artístico.

A súa obra caracterízase pola carga conceptual baseada no xogo de imaxes ambiguas, que produce un estrañamento nos espazos ateigado de escenas insólitas. David crea, mediante ambientes oníricos, universos figurativos moi propios e persoais.

O seu traballo fai referencia a temas como a orixe da vida, a loita pola supervivencia, a reprodución das especies, a anatomía, a vertixe existencial... en xeral, a ciencia, a fantasía e, sobre todo, a fraxilidade do corpo.

María Meijide (Santiago, 1978) presenta na galería Metro 40 pezas en diferentes formatos e en diferentes técnicas, fundamentalmente pintura sobre tea, acuarela sobre papel e tamén algo de debuxo e colaxe. Todas elas corresponden ao traballo destes dous últimos anos entre Compostela e Lisboa e conforman unha especie de itinerario persoal.

Unha produción, figurativa e realista, que se nutre precisamente da base material desta vida máis ou menos itinerante: os diferentes espazos que se habitan, que se visitan, os obxectos que se usan, a roupa, os amigos e amores que se viven, (que se anhelan talvez...!). Así se propón un percorrido que, en consonancia co espazo expositivo, poderiamos dividir en tres momentos: asuntos de exterior con paisaxes e vista dende a ventá; asuntos de interior con salas, cociñas, libros e demais aparataxe do cotián; e cada vez máis cara a dentro, nun estrato máis profundo ou persoal, escenas de dormitorio.

Neste sentido podemos falar dunha pintura de corte intimista e cun forte trazo autobiográfico, pero por outro lado, e un pouco en contradición cabe apuntar aquí que non hai ningunha vocación documental explícita, nin tan sequera de relato. E é que estas teas non pretenden grandes significados ou grandes transcendencias... (o cal non deixa de ser toda unha pretensión). Estas pinturas non significan cousas, senón que as representan, e isto parece situarnos máis en relación ao como que ao que, máis en relación ao pracer de facer coa súa vinculación ao obradoiro que á proposta de narrar nun sentido estritamente conceptual ou literario. E é que talvez esta produción se insira naquela ampla tradición que traballa, dende a repetición e o oficio, e dende tempos inmemoriais, en contra da idea de grandeza: unha pintura concentrada no cotián e que se ven cultivando dende sempre: Paisaxe, natureza morta ou mesmo pintura de flores (case sempre relegada polo discurso construído da alta cultura...). E non obstante esta pintura de cousas, tal como a entende a artista, non necesita especialmente de discursos, senón que é unha busca de sentido en si mesma. A natureza morta, de vocación radicalmente materialista, rexeita toda idealización, e implica unha insubmisión, unha subversión de valores conducida a niveis.

Por outro lado e moito máis interesante, ou cando menos, máis simpático, esta pintura apela aos sentidos, ao pracer, ao desfrute a través do substrato material da vida. Ao igual que nos gusta unha persoa, e non adoitamos preguntarnos polo significado desta... se é que o ten, e a saber se queremos realmente sabelo, a pintura de María Meijide ten máis que ver coa sedución que coa lingüística ou a interpretación, coa erótica en definitiva, máis que coa hermenéutica.

Novacaixagalicia inaugura no seu Centro Cultural de Santiago unha completa mostra que se concibe como unha retrospectiva sobre a produción pictórica de Leopoldo Nóvoa. A sala compostelá acolle 29 obras pertencentes a diversos propietarios particulares e centros museísticos, ademais de á propia Novacaixagalicia e a Novagalicia Banco.

A vocación de 'Leopoldo Nóvoa alén do tempo' é presentar un percorrido polas etapas visitadas polo xenio de Armenteira ao longo da súa dilatada carreira profesional. Xa que logo, partindo desde a súa temperá etapa figurativa, atravesaranse os diferentes momentos artísticos que, finalmente, o habían conducir cara ao informalismo que o caracterizou.

A mostra está integrada por 29 cadros procedentes de diferentes coleccións privadas e institucións museísticas que xunguiron esforzos, a instancias da comisaria, Mercedes Rozas, para presentaren unha retrospectiva centrada na evolución que o xenio de Armenteira experimentou desde os anos cincuenta do pasado século ata pouco tempo antes do seu pasamento. Trátase, xa que logo, dun percorrido antolóxico cun centro bastante enfocado cara á vida parisiense, posto que foi a capital francesa un dos lugares emblemáticos para comprender a pintura de Nóvoa, unha arte ateigada de referentes emotivos que converten a súa pintura nun medio de expresión das emocións máis intensas. A andaina de Nóvoa desde a figuración ata o informalismo, do que practicamente deveu paradigma, é un dos camiños que se poden trazar nesta exposición. A chegada aos seus cadros espaciais, aqueles que presentan innovacións na incorporación de materiais alleos aos propios pigmentos, simboliza a madurez artística dese Nóvoa que é hoxe quizais o máis coñecido. A aparición de elementos máis vinculados á escultura, coma arames, pinchos ou puntas, sitúanos perante un momento de cambio intenso na concepción da pintura, posto que, dalgún xeito, da man de Nóvoa, esta disciplina pasa a reclamar tamén a tridimensionalidade que lle é inherente á escultura. Os trazos característicos de ambas as dúas artes, cultivadas polo xenio de Armenteira, acaban convivindo para crear unhas pezas en que innovación e emoción apelan o espectador. Este traballo de investigación e de superación de Nóvoa foi un dos aspectos destacados por María Teresa Cores Fernández, directora de contidos socioculturais de Novacaixagalicia, ao incidir, na presentación da mostra, en que «Leopoldo Nóvoa foi un deses grandes artistas que aprendeu e que nos ensinou, que nos regalou e que non nos demandou. Foi o pintor do sentimento, da emoción contida, da sensibilidade, dos seus únicos espazos indescritibles. Foi un dos artistas que nos levou ao mundo traéndonos o mundo». Así mesmo, Mercedes Rozas quixo subliñar que «nesta retrospectiva configurada a partir dun percorrido cronolóxico que abrangue desde os anos cincuenta ata as súas últimas creacións, é posible descubrir o seu ideal de beleza, aquel en que o autor persistía en ordenar superficies, onde tempo e espazo se fundían nunha expresión única».

Co propósito de contribuír a unha meirande promoción da arte e, neste caso, da galega en particular, Novacaixagalicia pon á disposición dos centros escolares un completo programa didáctico específico para cada etapa educativa desde infantil ata a universidade. Ademais, todas aquelas asociacións ou colectivos que o desexen tamén poderán acordar unha visita guiada á mostra previa reserva no número de teléfono do Centro Cultural Novacaixagalicia de Santiago de Compostela. Como complemento, a entidade ofrece, así mesmo, a opción de acudir ás visitas de público xeral que se realizarán, mentres permaneza aberta a exposición, todos os xoves ás 19:00 h previa reserva.

Para concertar visitas guiadas: 981 552 577

O claustro do Colexio de Fonseca alberga ao longo dunha semana a exposición fotográfica 'Soñando un futuro. Mans Unidas e a Infancia', unha selección de 32 imaxes cedida pola ONG para reflectir a situación de indefensión en que os nenos viven en moitos países do Terceiro Mundo.

As fotografías expostas abordan tres temas principais: a realidade da educación e a sanidade en zonas subdesenvolvidas do planeta, e a situación de abusos e explotación que nelas padecen moitos menores.

A mostra repasa tamén exemplos de superación nos que, co apoio de Mans Unidas, melloraron as condicións de vida de moitos nenos: programas integrais de atención sanitaria, modelos de desenvolvemento autosostibles, construción de escolas, etc.

Co obxectivo de sensibilizar á sociedade do precario ámbito en que viven millóns de nenos en todo o planeta, as 32 imaxes foron tomadas en Angola, Benín, Brasil, Burkina Fasso, Cambodja, Ecuador, Etiopía, Filipinas, Ghana, Haití, Honduras, India, Kenya, Madagascar e Serra Leona.

Ata comezos do mes de xaneiro, o Hall da Biblioteca pública Ánxel Casal acolle 'A Terra Media: do Hobbit ao Señor dos Aneis', unha exposición na que se recrea o mundo fantástico creado por J. R. R.Tolkien.

A galería A.dFuga organiza ata finais do mes de xaneiro unha exposición titulada 'La Finca/Good Night London', do artista santiagués Jesús Madriñán.

Licenciado en Belas Artes pola Universidade de Barcelona e graduado en Fotografía pola Central Saint Martins, Jesús Madriñán (1984, Santiago de Compostela) traballa en series xurdidas das súas propias vivencias, converténdoas en reflexións que necesita expresar. A medio camiño entre a fotografía documental e a fotografía narrativa, ten sido recoñecido en numerosas ocasións, destacando, entre outros, os seguintes galardóns: Premio nos International Photography Awards de Nova York, Premio eCREA do Festival Internacional de Artes Visuales EMERGENT, Premio Laszlo Foundation da Royal Society of Portrait Painters (UK) e Winterthur de Suiza, o recente  primeiro premio na 2º Convocatoria OCEMX de Fotografía da Oficina Cultural da Embaixada de España en México en colaboración co Centro Cultural de España, polo seu traballo “Good Night London”.

O pintor lalinense Nicolás González Aller expón ata comezos do mes de febreiro 'O unicornio e o seu mundo', unha mostra que poderá ser visitada na Igrexa da Universidade todas as tardes de luns a sábados.

Entrada libre.

Ata o 7 de xaneiro, a Biblioteca pública Ánxel Casal organiza, na súa Sala Infantil, a mostra bibliográfica titulada 'O Nadal', na que se expoñen os materiais infantís máis destacados da Biblioteca que teñen como temática o Nadal (contos, películas, etc.).

A Casa das Crechas presenta a exposición do artista Xesús Carballido que está composta de oito ‘collages’ que supoñen, en palabras do autor, “unha homenaxe á Casa das Crechas con motivo do seu 25 aniversario”.

Das oito ‘collages’, catro son de formato circular e, segundo Xesús Carballido, falan de cando e con que filosofía nace a Casa das Crechas. O primeiro representa a Orixe, o segundo o Amor, o terceiro a Música e o cuarto a Liberdade.

Os catro de formato vertical tentan de reflectir “os tempos de hoxe, cheos de confusión, inxustiza, loita...” e están realizados nos reversos de cheques bancarios. “Desde o primeiro grupo de ‘collages’ ao segundo”, di Carballido, “están os 25 anos das Crechas cheos de vida”.

Xesús Carballido (O Carballiño, 1954) é un artista autodidacta. Comezou a expoñer individualmente en 1992, e fíxoo en case todas as cidades e vilas importantes de Galicia. Colectivamente apareceu na 3ª Mostra Unión Fenosa de 1993 e, posteriormente, a súa obra estivo presente en mostras de Ourense, A Coruña, La Mancha, Madrid, Francia ou Santiago de Cuba. Está representado no Museo Unión Fenosa da Coruña, na Fundación Granell de Compostela e noutras coleccións de Galicia e Cuba.

Con motivo da celebración dos 20 anos da Casa das Crechas crea o persoeiro "Canéfano", un ciclista totalmente libre que viaxa por todo o mundo e que en Galicia visita as Crechas como un lugar de encontro, relación e intercambio de culturas e xentes de todo o mundo.

A arte de Carballido é absolutamente peculiar, inconfundible. Partindo de evocacións de obxectos, gravados, xoguetes adminículos dun pasado entre remoto e próximo, recrea estampas, deseños, postais, como se todo estivese envellecido, amarelecido polo paso do tempo. Participa da ‘collage’, do pop e non pouco do surrealismo, porque á fin é tanto ou máis onírico que recreador do real.

A pátina que o po crea sobre o abandonado parece apoderarse da obra deste artista estraño, ás veces tamén próximo aos modos do construtivismo de Torres García en canto á composición de "crebacabezas". Ocres e sepias, cartolinas abarquilladas, obxectos de ortopedia e publicidade do pasado, que encantarían ao barroquismo Gómez de la Serna, o galego simplifícaos, reducíndoos a perfís, a liñas concisas, a meras siluetas inscritas en táboas perforadas, abichadas, emerxendo de caixas de madeiras aromáticas que perderon xa o seu aroma. Constrúe, a xeito de retablos, ámbitos imposibles de referenciar concretamente e que, non obstante, todos temos na memoria, porque cremos velos non lonxe do noso ámbito cotián.

Esa actitude levou a Carballido á escultura, ou máis ben ao obxecto corpóreo, en composicións complexas que acumulan sabiamente, aínda que con aparencia de despreocupación, os obxectos máis varios, dende tipos de imprenta a cunchas mariñas, ferros forxados, restos de xoias, etiquetas de produtos comerciais e mil cachifallos máis.

O seu barroquismo irrenunciable é, ás veces, secuela de cubismo razoante, xeométrico e cabal, ou debuxo infantilizado que eleva a transcendente e preocupante. Ou simplemente, combina caixas e pequenos estoxos metálicos onde aparece aínda, esvaecida, a imaxe que lle serviu de atractivo en data indeterminable.

Inventario de rarezas, recuperado faiado da memoria, populismo intelectualizado. A capacidade creadora de Carballido é inmensa a partir do reto que para el supón todo ese mundo de escoura e almoeda que tan habilmente manexa.

A Biblioteca pública Ánxel Casal colabora co movemento Urban Sketchers, un colectivo de artistas de todo o mundo que debuxan as cidades onde viven e os sitios por onde viaxan. Esta é a mostra das obras que se fixeron na maratón de debuxo que se celebrou o pasado 13 de outubro.

Do 7 ao 20 de xaneiro no Hall e o Salón de actos.

A exposición de fotoxornalismo, 'Compostela, un ano de Voz', cumpre a súa décimo quinta edición cun exhaustivo repaso aos acontecementos máis significativos do ano 2012 en Compostela.

Un ano máis o Colexio de Fonseca acolle a exposición 'Compostela, un ano de Voz', na que Xoán A. Soler, Álvaro Ballesteros, Sandra Alonso e Paco Rodríguez plasman en sesenta imaxes en gran formato os mellores momentos gráficos do pasado 2012. A inauguración contará coa presenza do reitor da USC, Juan Casares, así como coa das principais forzas vivas da capital de Galicia.

Todas as obras inclúen, ademais da fotografía, a páxina impresa de La Voz de Galicia na que apareceu publicada, ou ben o pantallazo naqueles casos nos que a imaxe se utilizou para a versión web do xornal. Nesta ocasión haberá dous temas estrelas. O primeiro, indubidable, a aparición do Códice Calixtino en xullo, que se converteu nunha das noticias máis importantes do ano na cidade; e a dimisión do anterior alcalde de Santiago, Conde Roa.

Non serán os únicos momentos que os profesionais gráficos de La Voz reflicten nas súas imaxes, senón que eventos deportivos, culturais ou instantes únicos están presentes na mostra.

Co gallo da celebración do corenta aniversario da creación desta asociación, a Biblioteca Novacaixagalicia acolle unha exposición fotográfica na que se pon de relevo o imprescindible traballo de colaboración a prol da mellora das condicións de vida de milleiros de persoas por parte do persoal activo de Médicos Sen Fronteiras.

A mostra conta cun total de trinta imaxes que abranguen a historia da institución a través dalgúns dos principais contextos nos que interveu nas últimas catro décadas. Mediante a presentación destas fotografías preténdese abrir unha ventá aos conflitos en Afganistán, Líbano, Palestina, Iraq, Colombia ou Bosnia, entre outros moitos lugares. O traballo de numerosas testemuñas de recoñecido prestixio internacional no eido da fotografía ―Sebastião Salgado, Juan Carlos Tomasi, Bruno Stevens, Bruno Barbey, Olivier Jobard, Roger Job ou Eric Bouvert― vén contribuíndo desde hai tempo a que estes desastres humanitarios non caian no esquecemento político e mediático.

O Auditorio de Galicia ofrece a posibilidade de facer visitas guiadas ás súas exposicións.

O grupo terá entre 10 e 25 persoas e persoal do gabinete didáctico encargarase de amosar o contido da mostra. Os interesados deben poñerse en contacto coa responsable do Departamento de Exposicións para concertar unha data cubrindo un formulario aquí ou nos teléfonos 981 574152 / 981 574153 en horario de 9:00 a 14:30 h.

Este Nadal, ata as pedras falan na Cidade da Cultura. O visitante que nestas datas festivas decida achegarse á exposición Gallaecia Petrea poderá vivir unha viaxe única: un percorrido no que un guía moi especial amosará os tesouros e a maxia que habita nas pedras que conforman a mostra.

Os catro andares do Museo Centro Gaiás convértese, así, nun xigantesco teatro onde grandes e pequenos sentirán, a través das seis épocas nas que se divide a exposición, a vida que habita nas obras, captando a mensaxe que ocultan: a memoria da historia.

Prazas: 35 persoas por sesión.
Todos os públicos
Prezo: 4 €, entrada xeral. Entrada reducida e de balde (consultar as condicións de entrada á exposición Gallaecia Petrea)

Este Nadal, o comercio local de Compostela convida á súa clientela a tomar un café, un refresco ou unha caña os venres, sábados e domingos.

Promoción válida desde o 1 de decembro ata o 5 de xaneiro por compras superiores a 30 €.

Organiza o comercio local co apoio do Concello de Santiago.

** Comercios participantes:

(roupa) ELA DIZ, Praza Fuenterrabía, 1
(roupa) MATRIOSKA, Cantón San Bieito, 6
(roupa) A REIXA, Mazarelos, 9
(calzado) ATOMIC, Rosalía de Castro, 10
(agasallos) O GATO CÓSMICO, Fonte san Antonio, 9
(agasallos) A QUENLLA, Rúa das Ameas, 36
(xoiaría de autor) BARAKA, Vilar, 78
(antigüidades) BARAKITA, Vilar, 60
(lenzaría) AMORE LENCERIA, Calderería, 13
(artesanía) BS ARTESANIA, Algalia de Arriba, 14
(roupa) XEITOSA, Vilar, 60
(lenzaría) LENCERIA CONCHI, Cardenal Payá, 12
(artesanía) DE COTIO, Xelmírez, 26
(deportes) DEPORTES CANEDA, Fonte de san Antonio, 25
(agasallos de música) PAZO DAS MUSAS, Rúa Nova, 8-10
(roupa) CHAROL, Avenida Figueroa, 13
(roupa) CHAROL, República del Salvador, 14
(calzado) PURI, Calderería, 52
(roupa) MIMOLETT,  Rodrigo de Padrón, 5
(roupa) MIMOLETT II, Rodrigo de Padrón, 6
(roupa) LEIRÍA, Cardenal Payá, 6
(calzado) CELME, Orfas, 1
(libraría) LILITH MULLERES, Rúa Travesa, 7
(roupa) NOVEDADES MARUJA, Pescadería Vella, 3
(roupa) MARUJA  MODA, Preguntoiro, 19
(roupa) NACHO JEANS, Preguntoiro, 37
(artesanía) AMBOA, Rúa Nova, 44
(artesanía) AMBOA, Acibechería, 33
(artesanía) MAELOC, Rúa do Franco, 1
(roupa) GARYSON, Vilar, 11
(agasallos) MARABILLAS, Fernando III, 5
(artesanía) BATISKAFO, Rúa Nova, 48
(libraría) LIBRERÍA ENCONTROS, Vilar, 68
(roupa) VERTICE, Algalia de Arriba, 12
(roupa) SQUINA, Hórreo, 17
(perruquería) ELECE PERRUQUERÍA, Ameas, 8
(xoiaría) JOYERÍA ALFONSO, Calderería, 33
(roupa) JUAMPE, Orfas, 22
(roupa) EL@S, Cervantes, 22
(roupa) CARMEN BOUTIQUE, Cervantes, 27
(roupa) BRAZALETE, Laverde Ruiz, 2
(herbolario) TRISKEL, Rúa de San Pedro, 30
(óptica) OPTICA M&S, Rúa de San Pedro, 41
(artesanía) TALLER DE FER, Rúa de San Pedro, 109
(artesanía) COMO PEZ EN EL AGUA, Rúa de San Pedro, 79
(drogaría) DROGUERIA RÚA DE SAN PEDRO, Rúa de San Pedro, 76
(flores) FLORISTERÍA EMBORA, Rúa de San Pedro, 65
(lenzaría) LENCERÍA LUISA,  Rúa de San Pedro, 53
(tenda de lás) MADEIXAS, Rúa de San Pedro, 81
(roupa) YUMANA MODA, Rúa de San Pedro, 74
(lenzaría) LENCERÍA ZALEA, Rúa de San Pedro, 81
(segunda man) A ZOCA, Rúa de San Pedro, 69
(comercio xusto) AMARANTE, Rúa de San Pedro, 67
(libraría) LIBRERÍA PEDREIRA, Home Santo, 55
(xoiaría) CRISOL, Vilar, 28
(artesanía) MEDIA LÚA, Algalia de Arriba, 27
(xoiaría) PLATERÍA ANGEL, Praterías, 1
(xoiaría) ANDREIA, Vilar, 29
(xabóns) ENJABONARTE, Bautizados, 3
(complementos) XEITO, Calderería, 11
(agasallos) CANTO DE LA RANA, Preguntoiro, 25
(sombreiros) SOMBRERERÍA IGLESIAS, Vilar, 34
(perruquería) ELENA CABO PERRUQUERIA, Fuenterrabía, 3

** Cafetarías:

LA TITA
CAFÉ PARIS
CAFETERIA SUSO
ARUME   
KUNSTHALLE
A CAPELA
CASINO
CURTIDURIA
LA CANTINA DE LA CURTIDURIA
BROA
LA FLOR
CURRO DA PARRA
CASA PEPE
ABASTOS 2.0
AGARIMO
METATE
A REIXA BAR
SENDA 49
PASO NOROESTE
AMEAS
BOLENGO
PETISCOS
Rte. RUA
Mercromina
Bar Esquina
A MOA
Próspero’s café
Casa Tato
O Barranquillo
Tabacos
Bar Rey
O Tranquilo
Merlego
Caraveliños
Concheiros 31

O 'Café de idiomas' é un encontro libre entre persoas cun interese común: practicar unha lingua estranxeira. Reúnense na Biblioteca pública Ánxel Casal para falar dun modo libre e informal sen profesores nin obrigas. O mínimo para que funcione o encontro son dúas persoas e o máximo o número de cadeiras que estean dispoñibles. Para poder participar non se require inscrición previa e as reunións realízanse no vestíbulo da Biblioteca, nunha zona reservada e sinalizada cun cartel.

Cada día está dedicado a dous idiomas diferentes:

• Inglés: Luns, de 16.30 a 17.30 h.
• Chinés: Luns, de 19.30 a 20.30 h.
• Francés: Martes, de 16.30 a 17.30 h.
• Xaponés: Martes, de 19.30 a 20.30 h.
• Portugués: Mércores, de 16.30 a 17.30 h.
• Lingua de Signos: Mércores, de 19.30 a 20.30 h.
• Italiano: Xoves, de 16.30 a 17.30 h.
• Español para estranxeiros: Xoves, de 19.30 a 20.30 h.
• Alemán: Venres, de 16.30 a 17.30 h.
• Galego para estranxeiros: Venres, de 19.30 a 20.30 h.

Con motivo do seu primeiro aniversario, a galería de arte contemporáneo A.dfuga acolle esta tarde un desfile de arte e moda. O acto contará ademáis con diversas actuacións de música en vivo.

Desfile AM (Arte e Moda)

_ Contaremos con:
- Pases dos deseños de artistas e deseñadores emerxentes (Basilisa Fiestras, Pily Montes, Carla López, Sandra Fuentes, Ana Rodríquez e Javier Navarro.
- Estudio de fotografía e vídeo a cargo das artistas Tania Pérez e Zaira Barcia, no que os asistentes ó desfile se poderán retratar.
- Concerto de Piano de José Craem.
- Música instrumental en directo dos alumnos da Academia Da Vinci de Noia.
- Estará presentado polo periodista Carlos Roma.

Estas e outras sorpresas máis agárdanvos esta tarde na galería A.dfuga!!

Entrada + viño + picoteo = 3 €/persoa

Aforo limitado. Reserva de prazas en: info@apuntodfuga.com / 671322172 / 667823112

O Hostal dos Reis Católicos será esta tarde escenario do desfile infantil organizado pola firma LioLio en beneficio de Xuntos Podemos. Máis de cen nenos subiranse á pasarela para mostrar os modelos da colección de inverno da marca, a ritmo da música de Javi Val, de MAD Santiago, e peiteados polo equipo do salón Wom'mens Hair, dirixido polo estilista Javier G. Núñez, e situado no Corte Inglés.

A pasarela estará conducida por María Solar, autora de contos infantís e presentadora da TVG, e amadriñada por Ruth Gómez, directora da Escola Infantil Camilo José Cela do Hospital Clínico.

Constituída como unha campaña de acción a favor de persoas sen emprego e con risco de exclusión social, Xuntos Podemos naceu en 2009 do esforzo e entusiasmo para xuntar forzas en prol de calquera tipo de solidariedade.

Nace o Mercado da Estrela! Un espazo onde os novos creadores galegos exhibirán e venderán o seu talento nas vésperas de Nadal para que os seus produtos se convertan en orixinais e innovadores agasallos para os teus!

Moda, complementos, cerámica, ilustración, fotografía, repostaría e moito máis nun mercado de Nadal que amplía a súa oferta cun atractivo programa paralelo de cultura e ocio.

No Mercado da Estrela atoparás obradoiros creativos, actuacións musicais, teatro e sorpresas para grandes e cativos nunha fin de semana única!

Esperámoste o sábado 15 e o domingo 16 de decembro no CGAC para unirnos á estela dos novos creadores galegos!

Redescubre o teu Nadal!!!!!

+ info aquí

A actriz e contacontos Soledad Felloza propón unha sesión de historias no pub Atlántico.

Ao longo de toda a xornada de hoxe, e en horario ininterrompido de 10:00 a 21:00, o "Claustro de cristal" do Convento de San Francisco acolle a celebración do I Rastro solidario 'Xuntos Podemos', unha iniciativa organizada pola campaña solidaria do mesmo nome.

Ademais do rastro solidario, a xornada complétase cun programa lúdico de obradoiros, concertos, actuacións, etc. ao longo de todo o día, tanto para pequenos como para maiores.

XUNTOS PODEMOS se estrutura en torno a calquera necesidade que xurda para as familias de Santiago de Compostela que nos necesiten, garantindo que TODA a recadación e doazón vai directamente a eles sen perderse en custos de publicidade, montaxe, etc.

Máis info en http://www.juntospodemossolidaridad.com/

Este Nadal, a Bibliotecapública Ánxel Casal estará presente en Área Central amosando a todos os composteláns que se acheguen a ese centro comercial os seus servizos e unha selección da súa colección de libros (incluídos libros electrónicos), películas, portátiles, música, etc.

Do 27 de decembro ao 5 de xaneiro, coincidindo coas festas de Nadal, o hotel AC Palacio del Carmen organiza unhas xornadas para que os noivos podan visitar as instalacións e coñecer como é un enlace nelas, dende a decoración á barra de doces.

As parellas que visiten o hotel nestas datas terán a súa disposición un menú degustación especial, prezos reducidos nas habitaciones, e un 5% de desconto no seu menú de boda.

O hotel busca así facilitar o proceso ás parellas que estén planeando a súa voda, transformando o hotel durante 10 días para dinamizar o sector.

Máis info: 981 552 444

A nova sede do Museo das Peregrinacións e de Santiago acolle esta fin de semana unha serie de obradoiros infantís nos que os nenos de 6 a 12 anos poderán descubrir como se vivía na Compostela medieval.

Estes obradoiros queren fomentar a participación das familias con nenos  nas actividades culturais do Museo. Así, ademais de realizar un percorrido polas salas do edificio, os máis pequenos poderán coñecer a historia da cidade a partir de actividades dinámicas dirixidas por monitores especializados. Os nenos descubrirán quenes habitaban a Compostela medieval, como vivían e en que traballaban, e mesmo poderán construír unha réplica da muralla da cidade. Tamén se poderán convertir nun peregrino medieval e percorrer as vellas rúas tal e como se facía hai 800 anos.

Os obradoiros teñen unha duración aproximada de 2 horas e custan 3 € por persoa.

Grupos mínimos: 6 persoas

Máis información no teléfono 981 576 661 ou na propia taquilla do Museo.

Galicia, Ceo das Letras prestará nesta segunda edición especial atención aos pequenos lectores, aos que introducirá no mundo dos grandes autores da nosa literatura dun xeito lúdico e didáctico.

Dirixida a nenos de Primaria –de 6 a 11 anos- co obxectivo de estimular a súa expresividade e introducilos no hábito da lectura, a versión infantil de “Galicia, Ceo das Letras” tratará de que os participantes descubran a vida, época e obra de autores universais a través de tres pasos: “Vexo, Fago, Falo”.

Dúas horas que correrán paralelas á sesión dos adultos nas que os rapaces gozarán dun espectáculo artístico, convertiranse en protagonistas a través de obradoiros, xogos, plástica ou música; e debatirán entre eles sobre todos os coñecementos aprendidos ao longo da sesión.

Tipo de reserva: SESIÓN INFANTIL 7 Alfonso Rodríguez Castelao

Antelación mínima reserva: Ata completar capacidade

Duración: 2 horas

Reservas aquí

Só é posible realizar unha reserva por email. No entanto, é posible realizar unha reserva conxunta para un máximo de tres persoas, indicando no campo Observacións os nomes e apelidos de todas elas.

Para a confirmación definitiva das reservas, porémonos en contacto cos solicitantes. Recomendamos por tanto indicar un teléfono de contacto ademais do email solicitado como dato obrigatorio.

Unha vez celebrada a sesión, abrirase a reserva para o seguinte sábado de autor.

+INFO: Secretaría Técnica, tel. 881 979 010

O ciclo 'Escena en familia' trae este fin de semana á sede da SGAE un espectáculo de teatro para nenos que narra a orixe da lenda de Papá Noel.

'O facedor de desexos', da compañía Diafora Teatro, representa a historia dun astrónomo que vive encerrado nunha azotea mirando as estrelas ata que chega unha tola axudante que lle fai ver o mundo doutro xeito.

Dentro da programación infantil do ciclo 'Teatro & Danza', o Teatro Principal acolle esta tarde a representación de 'Nuncabunga', un espectáculo cómico e poético sen palabras dedicado ao público infantil e familiar a partir dos 3 anos.

Autores: María Torres e Gonçalo Guerreiro
Dirección: María Torres e Gonçalo Guerreiro
Adaptación: María Torres e Gonçalo Guerreiro
Escenografía: María Torres e Gonçalo Guerreiro
Deseño son: Manolo Panforreteiro
Deseño iluminación: Dani Pais
Vestiario: María Chenut
Música: Manolo Panforreteiro
Elenco artístico: María Torres e Gonçalo Guerreiro

A acción desenvólvese nun espazo que evoca a proximidade co mar. Alí vive unha persoa que nun recuncho construíu o seu fogar. As súas habitudes e rutinas son as súas únicas compañeiras. Un día aparece un estraño entalado nunhas redes, no medio dos residuos que o mar bota fóra. Esta aparición ven perturbar a aparente calma do lugar. Serán capaces de vivir no mesmo espazo?

A compañía teatral O Elefante Elegante crea espectáculos de teatro visual baseados no xesto e no movemento. As súas creacións buscan a universalidade, xurdindo da fusión de diferentes linguaxes: o teatro físico, a danza, as artes plásticas e as artes visuais.

A compañía, de orixe galego-portuguesa, foi creada en 2007 por María Torres e Gonçalo Guerreiro e ten a súa sede na Coruña. Nace para dar forma artística ás súas inquedanzas sociais e existenciais.

O Elefante Elegante comezou como proxecto experimental no ano 2000 co nome de Teatro Escondido. Este proxecto viaxou durante sete anos entre Galicia, Bélxica e Portugal e del facían parte actrices e actores de diferentes países europeos. A súa interpretación baseábase no xogo corporal co obxectivo de desenvolver unha linguaxe teatral universal

Estes anos de experimentación foron fundamentais para que puidera nacer o Elefante Elegante. Os seus espectáculos teñen sido acollidos en Galicia, Portugal, Bélxica, Suíza, Francia e Italia.

A Federación de Asociacións de Persoas Xordas de Galicia interpretarán unha serie de contos en lingua de signos española para os que non poden oír e en voz alta para os demáis. Para nenos de 6 a 12 anos.

Pequeclassics é un proxecto que trata de achegar aos nenos a paixón pola música clásica e pola ópera a través do xogo e a diversión. O obxectivo principal é que a música chegue a cada espectador sen necesidade de coñecementos previos.

Os nenos e nenas son o público máis esixente, pero tamén o máis entusiasta posible. É idea estendida entre a xente que a música clásica "estimula o desenvolvemento dos nenos". Educar o sentido da melodía, do ritmo e mesmo o sentimento é posible mediante a aproximación de nenos e nenas á música.

A música clásica ten grande importancia para a formación dos pequenos; por iso, Pequeclassics propón montaxes de alta calidade, que sexan capaces de inculcar aos máis pequenos o gusto por este tipo de música, sen ser por iso menos rigorosos.
       
Público: Bebés de 0 a 3 anos, coa participación activa dun adulto por bebé

Aforo: 30 entradas dobres (1 bebé + 1 adulto)

Duración: 40 min. aproximadamente

Pequeclassics volve organizar un Obradoiro de estimulación temperá para bebés, que ademais da parte lúdica axudará aos nenos e nenas a desenvolver a memoria, a creatividade e a imaxinación, así como o sentido do ritmo, a expresión, a coordinación  e a auto-estima.

Circo, música e humor nun cóctel impensable e surrealista a todo ritmo onde tres amigos con personalidades opostas únense para mostrar a bondade e a saúde de ser un mesmo. Para nenos a partir de 6 anos.

Autores: Pablo Reboleiro, Xabier Mera e Aitor Garuz
Dirección: Marcos Orsi e Rolando San Martin
Adaptación: Ringo Rango
Escenografía: Ringo Rango
Deseño son: Jevi
Deseño iluminación: Alfonso Castro
Vestiario: Clotilde Vaello
Música: Xabier Mera
Elenco artístico: Pablo Reboleiro "Trasno", Aitor Garuz Milla, Xabier García Mera

Pistacatro é unha empresa de artistas galegos que se dedican a crear, producir e distribuír os seus propios espectáculos de Novo Circo e Cabaré. Unha traxectoria que abarca dende o ano 2000 no que comeza a funcionar como asociación ata 2006 que se constitúe como empresa. Sete anos nos que estiveron a formarse e a actuar por Galicia, España e diversas partes do mundo: Brasil, Cuba, Rusia, Arxentina, Gran Bretaña, India, Mozambique, Portugal, República Checa, Italia, pero sempre tendo Santiago de Compostela como base de operacións. Entre as súas producións destacan Terra Buró, Cabarés Pistacatro, Kamikaze.

Ata o 24 de decembro, a Praza Roxa acollerá unha carpa na que todos os cativos poderán depositar as súas cartas e falar con Papá Noel. A actividade está organizada polo Concello de Santiago e inclúese no seu programa especial de Nadal, 'Nadalamos?'.

Consulta o programa completo de actividades 'Nadalamos?' aquí

Por quinto ano consecutivo, Papá Noel recibirá aos nenos composteláns na Capela Real do Hostal dos Reis Católicos.

A iniciativa, na que participaron en 2011 uns 450 nenos, conta coa colaboración da Asociación de Empresarios da Zona Antiga 'Compostela Monumental', que achegarán os obsequios que recibirán os pequenos e contribuirán á difusión do evento.

Dende as 16:00 e ata as 20:00 horas, Santa Claus recibirá cantos nenos se acheguen á Capela Real do establecemento hoteleiro, onde escoitará as súas peticións e recollerá as súas cartas e debuxos en compañía de Mamá Nöel e un dos seus axudantes.

Os pequenos que acudan a esta especial cita recibirán un obsequio de mans de Papá Noel. Todo o que queira dispoñerá ademais dun espazo para facer debuxos e gozar dunha tarde moi especial nun marco incomparable do que, como recordo, tomarán fotos que se poñerán a disposición dos usuarios en Fotos Novoa.

O Parador compostelán pretende con esta actividade que os nenos de Santiago se empapen do espírito do Nadal e gocen da cidade e un dos seus edificios máis emblemáticos á vez que fan realidade o soño de coñecer un dos personaxes máis entrañable destas datas.

Para máis información pode llamar ao teléfono 981 58 2200, enviar un correo electrónico á dirección  santiago@parador.es ou entrar na web www.parador.es.

O recinto feiral de Amio acolle entre os días 22 e 30 de decembro o evento infantil SANTIAGOLANDIA, organizado por Organización Feiral Galega, S.L. coa colaboración do Concello de Santiago. Haberá unha entrada única de 5 €, que incluirá o acceso a practicamente todas as actividades, e que se poderá adquirir na taquilla do lugar. O evento desenvolverase na nave diáfana do recinto e nunha parte dos exteriores.  

SANTIAGOLANDIA contará con concursos de karaoke infantil, campionatos de ping pong, sala multimedia con diversos xogos, pistas de scalextric, exhibicións deportivas, saltón, coches de choque, pista de minigolf, inchables para diferentes franxas de idade, obradoiros e ludoteca, entre outras actividades.

Este ano, como novidade do programa de Nadal organizado polo Concello de Santiago, os máis pequenos poderán subirse con Papá Noel en sidecar, os días 22 e 23 de decembro. Estes paseos serán en diferentes puntos da cidade: praza de Abastos, praza de Cervantes, Área Central, Alameda, cruceiro de San Pedro, Colexiata de Sar, praza de Vigo e Conxo, co obxectivo de achegarse aos nenos e nenas da cidade e dinamizar o tecido comercial.

PERCORRIDO DÍA 22
- 10:30-12:00 h. Praza Abastos. Torre Central
- 12:30-13:30 h. Praza Cervantes
- 16:30-18:00 h. Fontiñas. Área Central
- 18:30-20:00 h. Alameda


PERCORRIDO DÍA 23
- 10:30-12:00 h. Cruceiro de San Pedro
- 12:30-13:30 h. Colexiata de Sar
- 16:30-18:00 h. Praza de Vigo
- 18:30-20:00 h. Conxo (cruceiro)

 Consulta o programa completo de actividades 'Nadalamos?' aquí

O ciclo infantil 'Escena en familia' trae este fin de semana á sede da SGAE o divertido espectáculo infantil 'El caballero sin caballo', da compañía arxentina Pizzicato. A historia, recomendada para todos os públicos, narra as aventuras disparatadas, medievais e fantásticas dun cabaleiro que salva unha bela princesa dun bruxo malvado.

+info aquí

'A folla máis alta' é unha aposta por un xogo que transforma as palabras en pequenas historias nas que contamos que fomos nen@s antes de ser adultos, e que tiñamos grandes soños, grandes amigos, unhas ganas enormes de medrar para comernos o mundo, para morder a folla máis alta da árbore, a máis verde…

Con este espectáculo, Berrobambán quere ofrecer unha dobre mensaxe dependendo da idade do espectador. Un espectador adulto verá nel unha procura dos soños, dos desexos máis agochados que nunca debéramos —nin debemos— perder cando nos facemos maiores. Aos espectadores infantís falámoslles desde a nosa infancia para amosarlle que, en realidade, se os adultos non deixáramos de perseguir os nosos soños non seriamos tan diferentes deles. É isto o que o fai un espectáculo diferente, capaz de sorprender, divertir e emocionar tanto a maiores coma a pequenos.

A Biblioteca Pública Ánxel Casal ofrece esta mañá unha sesión de contacontos infantil, enmarcada no seu ciclo 'Os sábados, choiva de contos', que nesta ocasión estará a cargo de Brétema Ocio. Para todos os públicos.

Contacontos a cargo de BRÉTEMA OCIO, para todos os públicos, duración aproximada de 50 minutos.

Na Biblioteca pública Ánxel Casal celebramos as vacacións do Nadal.

Teremos na biblioteca “Cartas para o apalpador” para que cada neno escriba a súa e lla entregue cando nos visite.

Visita do Apalpador á biblioteca, para saudar e visitar aos nenos e nenas, facer fotos con eles e repartirlle larpeiradas.

A compañía Tanxarina Teatro leva hoxe ao escenario do Salón Teatro 'Titiricircus', unha obra de monicreques de fíos e actores para público familiar.

'Titiricircus'

Monicreques de fío e actores interactúan en escea nunha lembranza fantástica e festiva do grande circo de carpa alta e bicolor.

Unha lembranza ensoñadora e festiva do grande circo de  carpa alta e bicolor:  a historia de dous vellos traballadores daquel circo que lembran agora con marionetas de fíos as glorias do seu pasado na pista.

Nun permanente xogo participativo co público, van aparecendo os números máis importantes daquel vello circo xa desaparecido: o home máis forte da Península Ibérica; o malabarista máis divertido e “bailón” do mundo...

+info aquí

O Nadal está aquí e os regalos xa empezaron a chegar! Nenos e nenas: Fostes todos bos? Ben, é hora de sentarse con Papá Noel e os seus amigos Caillou, Pocoyo e Winx para gozar do espírito do Nadal cantando e bailando.

Será unha viaxe onde Papá Noel nos levará a algúns dos mellores momentos das actuacións en vivo dos nosos amigos, nun espectáculo máxico.

Poderedes recordar algunhas das vosas cancións favoritas como "P-A-T-O" de Pocoyó, "Única" das Winx e "Soy" de Caillou. Gozar das cancións tradicionais de Nadal cantando no "karaoke" de Papá Noel que nos traerá a alegría do Nadal.

O escenario terá un "feeling" do Nadal, será un espazo onde os nosos amigos nos visitarán e contarán ao público un pouco dos seus universos individuais. O deseño xeral de escenario é un salón típico do Nadal cunha cheminea (entrada dos bonecos), a árbore de Nadal, calcetíns, regalos, etc... A proxección de vídeo ofrecerá un pano de fondo para mellorar o ambiente de "Karaoke".

Tempo do espectáculo aprox: 30 m / 20 descanso / 30 m.

Personaxes:

- Papá Noel
- WINX: Bloom, Flora, Tecna, Layla, Musa & Stella
- Caillou: Caillou, Leo & Clementina
- Pocoyo: Pocoyo, Eli & Pato

Dentro do ciclo 'Escena en familia', Títeres Cachirulo presenta 'A historia do Apalpador', unha historia ligada ao Nadal na que a compañía recupera este personaxe galego, un pastor nobre e mangallón que fabrica carbón, caza xabarís, come froita silvestre e, un día ao ano, deixa agasallos aos nenos mentres dormen. Unha historia para pequenos a partir de 3 anos.

+info aquí

A Biblioteca Pública Ánxel Casal ofrece esta mañá unha sesión de contacontos infantil, enmarcada no seu ciclo 'Os sábados, choiva de contos', que nesta ocasión estará a cargo de Forma Teatro. Para nenos de 4 a 12 anos.

Contacontos a cargo de FORMA TEATRO, para nenos e nenas de 4 a 12 anos, duración aproximada de 30 minutos.

Choupiña e Trasnón, a través dos seus poderes máxicos, van cambiando de personaxes ao longo do conto. Coa axuda do público, van representando e escenificando distintas partes do conto e amosando así a súa visión un tanto peculiar do Nadal.

A compañía Tanxarina Teatro ofrece hoxe a representación de 'Trogloditas', unha obra de monicreques chea de humor.

TANXARINA TÍTERES: TROGLODITAS

Dirección: Evaristo Calvo e Tanxarina Títeres
Escenografía: Pablo Giráldez “O Pastor”
Vestiario: Carlos Alonso
Iluminación, música e son: Tanxarina Títeres
Elenco: Miguel Borines, Eduardo Rodríguez Cunha "Tantán" e Andrés Giráldez

Neste espectáculo, ambientado na prehistoria, tres trogloditas convidan aos asistentes a coñeceren, a través do humor e dos monicreques, o xeito de vida dos homes e mulleres das cavernas. A través da linguaxe corporal e sons primitivos, os actores interactúan cos espectadores, nun contexto dinámico e xerando situacións cómicas.

A compañía Caramuxo regresa con este celebrado espectáculo para bebés e pequenos dende 6 meses de idade ata 3 anos que trata da relación entre un barquiño de papel e un peixe xoguetón.

Estreado no 2005, 'Glub, Glub' é a primeira montaxe galega especificamente dirixida a cativos de seis meses a tres anos. Introduce aos máis novos nunha aventura fantástica e sorprendente cunha historia chea de estímulos e unha linguaxe sinxela, case xestual.

SINOPSE
'Glub,Glub' (25 min) O mozo mariñeiro quere contar a historia do seu pequeno barco, mais non atopa ao seu compañeiro por ningún sitio. Onde andará agochado? Nesta caixa? Ou quizais dentro do cesto? Por aí ven... Aí está! O barco de papel! 'Glub, Glub' conta a historia da amizada entre un barquiño de papel afundido no fondo do mar e un peixe moi divertido.

Dentro do programa cultural para este Nadal, o departamento de Cultura do Concello de Santiago organiza un ciclo especial de teatro para bebés.

SINOPSE

¿Que pasa con todos eses zapatos que xa ninguén usa? Todos os días chegan a un recuncho dun agochado xardín fantásticas historias, as vivencias que traen consigo unha morea de zapatos de tódolos tamaños e cores. Unha rapaza é a encargada de coidalos, de darlles a benvida ao lugar onde vivirán para sempre, un lugar onde poder compartir emocións con esa bela bailarina, con Pequecho e os seus irmáns, cos namorados, co Sol e a Nube, con centos de compañeiros que teñen moito que contarnos. "Zapatos" narra todas esas historias que levan dentro os zapatos que xa non teñen dono.

Dentro do programa cultural para este Nadal, o departamento de Cultura do Concello de Santiago organiza un ciclo especial de teatro para bebés.

SINOPSE
Comer é un pracer, mais antes hai que cociñar e escoller os mellores produtos: Porque as mazás poden ser verdes ou vermellas, as galletas grandes ou pequenas, os tomates da casa ou chegar do outro lado do mundo. ¡A min encántame o doce! ¡Pois eu prefiro o salgado! Ñam é un espectáculo envolvente creado a partir do mundo da cociña para ver, escoitar, ulir, sentir e saborear en familia. Polas características do espectáculo, público e actores comparten o mesmo escenario.

O Salón de Actos da Biblioteca pública Ánxel Casal acolle esta mañá unha nova sesión de contacontos. Nesta ocasión, a actividade estará a cargo de Teatro Patán para nenos e nenas de 5 a 10 anos.

Entrada libre ata completar aforamento.

Duración aproximada: 60 minutos.

SINOPSE
O chapeu da contista escapou xogando co vento, así que esta pídelles aos nenos e nenas que a axuden a atopalo seguindo as pegadas que foi deixando ao seu paso. Unhas pegadas un tanto especiais que farán que os nenos xoguen, adiviñen e canten… Palabra de!

O Salón Teatro ofrece esta fin de semana a posta en escena do espectáculo de debut da compañía da ESAD (Escola Superior de Arte Dramática), 'A tempestade', de William Skakespeare. A súa representación está incluída na programación complementaria do III Encontro Internacional de Políticas de Intercambio no Ámbito das Artes Escénicas, que se desenvolverá na Cidade da Cultura.

A montaxe, dirixida por Dani Salgado e interpretada por 11 alumnos da ESAD, contará con dúas funcións no espazo compostelán, sede do Centro Dramático Galego (CDG). Á primeira destas representacións están convidados os máis de 60 profesionais asistentes ás xornadas que o CDG e a Cena Lusófona, asociación para o intercambio teatral no ámbito da lusofonía, organizan no Gaiás co obxectivo de poñer en común experiencias e achegar posturas cara ao desenvolvemento de proxectos culturais entre os nove países aquí representados: ademais de Galicia e Portugal, Angola, Brasil, Cabo Verde, Guinea Bissau, Mozambique, San Tomé e Príncipe e Timor-Leste.

A tempestade é a primeira proposta da compañía de alumnos que a ESAD puxo en marcha como espazo de expresión para os estudantes en tránsito ao exercicio profesional, proxecto para o que contou co apoio da Agadic (Axencia Galega das Industrias Culturais). Esta nova formación está a permitir a práctica das diversas disciplinas presentes nunha produción teatral, desde a interpretación a aspectos de posta de escena, coa finalidade da súa exhibición final diante do público.

Dani Salgado faise cargo nesta montaxe da dramaturxia e da dirección escénica, labor esta última na que figuran como axudantes Juan Carlos Corredoira e Ana Carreira. Asina a dirección musical David González, a iluminación Montse Piñeiro e Iván R. e o figurinismo Diego Valeiras. O deseño de coreografía corresponde a Neme Álvarez e Coti Faro, en tanto que a súa construción correspondeu a Ana Duarte e Juan Díaz.

‘Rosa de dous aromas’, unha das obras máis coñecidas do escritor mexicano Emilio Carballido, trata de dúas mulleres e dos conflitos que xorden entre elas no interior dun cárcere. A adaptación da compañía Teatro proscrito é unha visión do teatro como vehículo que achega ao ser humano á súa identidade, tal e como expresaba o propio dramaturgo mexicano.

‘Rosa de dous aromas’ retrata a realidade do amor mal entendido, a necesidade e a obsesión que ás veces os seres humanos exhiben cando se senten namorados. Pon de manifesto que aínda que a cordura e a razón ditaminen que abandonar a ese home é o que se debe facer, moitas veces o camiño escollido é outro. As xustificacións abundan: os nenos, o medo á soidade, a dependencia económica. Mil e unha escusas para non facer o que se debe facer. Esta é a ruta que transitan Marlén e Gabriela, as nosas protagonistas, aínda que darase a coñecer a verdadeira intención do destino que uniu a estas mulleres.

Teatro en feminino, cun reparto artístico e técnico de luxo, que permitirá ao espectador adentrarse no complexo mundo dos sentimentos das mulleres.

Autor: Emilio Carballido
Elenco: Isabel Blanco, Sabela Hermida
Tradución e adaptación: Lino Braxe, Isabel Blanco, Sabela Hermida
Deseño de iluminación: Mikel Gelpí
Deseño de vestiario: Belita's
Composición musical: A Caricia da Serpe

SINOPSE
Dúas mulleres reunidas na sala de espera dun cárcere. Esta é a escena que dá inicio a Rosa de dous aromas, que, baixo a dirección de Lino Braxe, recrea a historia de dúas estrañas que comezan a relacionarse cando descobren que visitan ao mesmo home. Unha delas é a esposa. A outra a amante. Ambas as dúas teñen fillos do ausente que se encontra recluído por motivos pouco decorosos e toman unha decisión cuestionable da que non quedan claros todos os seus fundamentos: reunir o diñeiro para sacalo da cárcere.
A pesar do engano e da vida paralela que descobren, Marlén e Gabriela conservan algo que as impulsa a buscar o xeito de liberar ao seu traizoeiro amor, descubrindo no camiño, entre medio de rifas e quendas para xuntar as moedas, que a amizade que comeza a unilas tórnase cada vez máis importante, e permitirá ó espectador adentrarse no complexo mundo dos sentimentos das mulleres.

O grupo de teatro lucense Pinchacarneiro, compañía que impulsa a Fundación Ánade, representará esta tarde a versión en galego dun clásico de Molière, 'O médico a paus'.

'Nunca estive em Bagdad' é, en palabras do seu autor, "unha historia de amor en tempo de guerra".

Unha parella portuguesa de mozos cambia unha vez máis de casa. Á vez, a guerra de Irak de 2003 éntralles na sala, transmitida en directo pola televisión. Entre o problema de Gloria, que vai sendo revelado ao longo da peza, e a traxedia global da que Rogério non consegue despegarse, vívese un enfrontamento de escalas que amplía o efecto de ambos na vida cotiá da parella.

O Auditorio Novacaixagalicia acolle esta tarde a representación teatral da obra 'La máquina de abrazar', unha peza de José Sanchís Sinisterra protagonizada por Natalia Moreno e Mabel del Pozo.

Dirección e produción: Nancho Novo
Reparto: Natalia Moreno e Mabel del Pozo
Escenografía: Yaky Bonacic-Doric
Vestiario: Clara Delgado
Fotografía: Alfredo Tobías
Música: Ara Malikian

SINOPSE
Obra que afonda no tema do autismo como síndrome e síntoma crecente na nosa sociedade. Unha viaxe polo universo do autismo, a través da cal as personaxes (Miriam, a terapeuta, e Iris, a paciente) confróntanse e expoñen no medio dun congreso a realidade emocional desta síndrome.

Entrada libre ata completar aforamento.

O Auditorio Novacaixagalicia acolle esta tarde unha nova representación teatral. Nesta ocasión, o público poderá gozar da posta en escena de 'Nuestro hermano', de Alejandro Melero, con Cecilia Freire, Javier Ruíz e Raquel Pérez.

Entrada libre ata completar aforamento

+info aquí

Compostela acolle un Nadal máis o Festival de Teatro Afeccionado Agustín Magán, que este ano celebra a súa XI edición. Nel, seis compañías representativas do teatro amador galego presentan as súas obras do 6 ao 11 de decembro no Teatro Principal. As funcións serán todas ás 20.30 h e o prezo de entrada será de 3 euros. Poderán mercarse na propia billeteira do Principal aberta desde as 18.00 h.

Os seis grupos seleccionados representan a evolución do teatro afeccionado, modernizado, seguindo as últimas tendencias con propostas arriscadas e sobre todo coa paixón de facer teatro por afección.

NNC Teatro, grupo local, representará o día 6 ‘Pim, pam, Clown!’, unha sátira sobre as incongruencias dos conflitos armados. Trécola Teatro centrarase nos asuntos do corazón e todo o que deixamos atrás por mor do medo en ‘A historia do corazón reloxo’, o venres día 7.

O día 8, poderemos ver ‘Quimera’, un excepcional traballo do grupo de teatro Gargallada, que xogará cos espectadores entre o real e o imaxinario. O domingo día 9, O Aturuxo de Melpómene faranos tremer ante a tesitura da prohibición do ‘Café’. E xa o luns día 10, Mulleres de Moaña, un grupo exclusivamente feminino, xogará ao metateatro con ‘A balada do cárcere de Circe’.

Pecha a programación desta edición, o martes 11, Paso de Valverde que nos poñerá a pel de galiña coa forza da súa posta en escena na que veremos como o paso do tempo esmorece a pel en ‘Sánatos’.

A Aula de Teatro da USC presenta esta noite no Teatro Principal a súa última montaxe teatral, unha adaptación libre do texto de Rodrigo García.

Dirección: Roberto Salgueiro
Reparto: Alba López, Beatriz Pérez, Miguel Gendre, Miguel Torres

A compañía teatral Animalario trae ao Teatro Principal 'El montaplatos', unha obra que conta a historia de dous personaxes (Ben e Gus); dous asasinos a soldo que permanecen encerrados no cuarto lúgubre dun soto mentres esperan as ordes da organización para a que traballan. Non obstante, durante a espera, comezan a recibir absurdos encargos de comidas a través dun montacargas. Unha situación que os desconcerta.

Montaxe dirixida por Andrés Lima e protagonizada por Guillermo Toledo e Alberto San Juan, quen tamén asina a tradución e adaptación.

A mestría de Harold Pinter (1930-2008) non tivo seguidores e ao morrer tres anos despois de recibir o Nobel xa non escribía teatro, envorcado no cine e na dirección escénica doutros autores, por iso quizais as súas obras mestras, case todas as que "compuxo" -pois as escribía como unha sinfonía feita de xestos, silencios e palabras cotiás-, crecen co tempo, superan todos os "ismos", non poden involucrarse en ningunha das tendencias da súa época nin posteriores. Todas elas, pero moi especialmente 'El montaplatos', baséanse nunha percepción, nunha mirada sobre constantes do noso tempo somerxidas nunha neurose criminal aceptada pola boa xente da boa clase media.

A Biblioteca pública Ánxel Casal programa para esta tarde unha sesión de teatro de Nadal, a cargo da compañía Garabullo, que levará a escena a obra 'O gorrión Valentino', para nenos e nenas a partir de 3 anos.

Representación teatral baseada no conto “O gorrión Valentino” no que aparecen valores como o respecto e o coidado do medio ambiente e tamén como a acaparación de recursos por uns poucos, leva consigo as carencias doutros, incluso fame e morte.

Organiza MANOS UNIDAS.

Dirixida por Eduardo Alonso, a compañía Teatro do Noroeste presenta 'Linda and Freddy, ilusionistas', unha comedia post-crise, que aposta por unha saída con imaxinación. Protagonizada por Luma Gómez, Eduardo Alonso, Lino Braxe e Alejandro Carro.

'Linda and Freddy, ilusionistas' é un espectáculo comprometido coa realidade máis actual e complexa: A crise que domina Europa. Pero esta realidade transfórmase rapidamente. Agora parece que o caos está máis próximo, que estamos máis preto do abismo. Con respecto a esa situación, digamos, externa, Linda and Freddy, ilusionistas sitúase despois do caos, ao outro lado do que vai acontecer. Xa non somos Europa, somos o caos e a revolta constante. A iso levou a política dos líderes europeos, a transformar Europa nun campo de batalla onde os saqueos, as manifestacións desorganizadas, os incendios provocados, os asaltos están á orde do día. As persoas de ben non queren saír das súas casas, e quen se aventura a facelo arríscase a non volver, a ser asaltado ou a perecer nas constantes revoltas nas rúas.

'Linda and Freddy, ilusionistas' presenta un panorama externo desolador post-crise. E encerrados na súa casa, tratando de estar a cuberto do que sucede nas rúas, están os personaxes desta obra, Linda e Freddy, nunha casa na que lles cortaron todo, a luz, o teléfono, mesmo case o aire para respirar, escondidos, sen atreverse a saír máis que para realizar a pequena compra diaria das súas provisións.

Cradle Of Filth naceu en 1991, despois de que as escenas Death Metal e Doom estivesen no seu apoxeo. Nelas inspírase este grupo inglés, pero faino dunha forma orixinal. A banda creouse na cidade de Suffolk e denominaron ao seu estilo 'Black gothic romantic metal'. Este arrevesado título utilízano para describir unha música de base metal, vertentes death, black e doom, sumada a elementos da ópera e a música instrumental romántica.

Utilizan instrumentos como o contrabaixo, os tambores, o teclado ou as guitarras clásicas, xunto aos normais nunha banda de metal. Ademais, empregan unha singular combinación vocal, alternando as voces guturais e escuras, xunto a outras moi agudas. As súas cancións están formuladas como relatos nos que se dan cita ambientes de terror, inspiradas por películas dese xénero. A estética dos seus discos vai parella a este formulación.

Banda Crebinsky é unha pequena orquestra popular xurdida dun universo imaxinario, fuxida do filme Crebinsky. Do mesmo modo, as súas músicas nacen como banda sonora e saltando da pantalla, corren ás rúas e os escenarios, crecendo e desenvolvéndose con grande enerxía. Unha historia ben interesante.

Os integrantes da Banda Crebinsky teñen unha ampla bagaxe musical e unha gran capacidade de integración das súas experiencias e estilos persoais, dende o folk ao jazz, rock, musica clásica ou experimental.

Outro dos aspectos nos que se reflicte a diversidade que caracteriza a este proxecto son as linguas das letras dos seus temas: galego, ruso, castelán, francés e italiano.

COMPOÑENTES

Pablo Pérez (composicións e contrabaixo), Vadin Yukhnévich (voz e baián), Fernando Abreu (clarinete e voz), Enrique Otero ( teclados e voz), Carlos Castro (marimba e percusións), Pablo Rega (guitarra e voz), Xacobe Lamas (violín) e Miguel Queixas (batería).

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

A  Cidade da Cultura presenta en exclusiva a estrea de 'Miniaturas de Eugenio Granell. Música revelada', concerto no que por primeira vez se lle pon música a unhas duascentas anotacións musicais realizadas por Granell e ata o de agora nunca divulgadas.

Baixo a dirección do mestre cubano Alejandro Vargas, o público poderá gozar con melodías únicas inspiradas en formas populares da música galega, así como ideas musicais propias do universo do xenio surrealista.

O concerto na Cidade da Cultura constitúe a presentación ao público dun proxecto levado a cabo por aCentral Folque, o Centro Galego de Música Popular, A Fundación Granell e a Cidade da Cultura que inclúe un disco, un libro coa transcrición das partituras e un estudo crítico da dimensión musical de Eugenio Granell.

Elenco artístico:
- Alejandro Vargas (dirección, arranxos e piano)
- José Manuel Díaz (contrabaixo)
- LAR Legido (batería)
- Mónica de Nut (voz)
- Edelmiro Fernández (gaita)
- Germán Díaz (zanfona)
- María José Pampano (viola)

O ciclo 'Praceres Ocultos' continúa nos primeiros días de decembro á calor da Casa das Crechas, co concerto de Little Wings, o proxecto musical de Kyle Field (tamén debuxante, deseñador, creativo a tempo completo) que é sen dúbida un diamante musical con cancións que son un convite á sorpresa e a marabilla. A música do de California se emparenta tanto co son atemporal de Bill Callahan ou M. Ward como coa heterodoxa galaxia que orbita en torno ao xa mítico selo K Records, que non por casualidade publicou en 2007 o marabilloso "Soft Pow'r", para unha inmensa minoría un cumio do pop, o folk e o soul da década pasada.

No noso país, a súa popularidade parece ter despegado especialmente a raíz da publicación en 2011 de "Black Grass", un traballo que sen renunciar á fraxilidade e a delicadeza características de Little Wings gañou en espesor e riqueza. Con recompilatorios publicados por revistas de referencia e actuacións confirmadas no Primavera Club, Desconcerto Cultural ofrece a oportunidade de gozar de Little Wings no seu hábitat natural: a distancia corta, a intimidade de dormitorio ou confesionario, da que xorden a voz inconfundible de Field e as súas elegantes cancións, ás veces luminosas, ás veces dolorosas.

Asociación Desconcierto Cultural
email ciclo: placeresocultos@desconciertocultural.com
email xeral: info@desconciertocultural.com

CANCELADO

Dark Tranquillity é unha banda sueca de death metal formada en 1989 e que posúen unha extensa carreira, onde foron nominados a diversos premios, entre eles o Grammy polo seu álbum 'Projector'. A pesar de levar máis de vinte anos enriba dos escenarios esta banda sueca 'só' publicou nove discos. O primeiro foi en 1993 titulado 'Skydancer' e o último, e co que están a realizar a xira, 'We Are The Void'.

+info sobre a cancelación do concerto aquí

Tras a cancelación do concerto de The Soft Moon, dende Desconcerto Cultural traballouse duro para conseguir un substituto en condicións para pechar o ciclo 'Praceres Ocultos' neste 2012. E dificilmente se podería encontrar un mellor, xa que Lumerians é precisamente a banda na que ata hai menos dun ano militaba Luis Vasquez, cabeza visible de The Soft Moon, para centrarse no seu proxecto máis persoal.

Como banda invitada no concerto, teremos aos ourensanos Orquesta Pánico, nova combo formado por membros de Hacceidad e Uppercut, que se estreará en Compostela cunha explosión cósmica de post-rock e muñeira psicodélica. Un verdadeiro misterio que poderemos descubrir na Zona C a partir das 20:30.

Máis info aquí

Toda a info sobre o ciclo Praceres Ocultos

O ciclo musical 'Galicia Importa', patrocinado pola Consellería de Cultura, Educación e Ordenación Universitaria, pecha a súa edición de 2012 co concerto que Steve Vai, considerado como un dos mellores guitarristas da historia do rock, ofrecerá acompañado da súa banda esta noite na Sala Capitol.

Esta será a primeira actuación en Galicia de Steve Vai, quen foi durante moitos anos man dereita de Frank Zappa, ademais de ter tocado xunto a algúns dos grandes nomes do rock contemporáneo como Joe Satriani, con quen empezou a tomar clases aos 12 anos de idade, David Lee Roth, Ozzy Osbourne, Brian May, Ry Cooder, Al Di Meola ou Alice Cooper, entre moitos outros.

Aínda que conta tamén cunha destacada carreira como produtor e arranxista, este músico norteamericano é internacionalmente coñecido polo seu virtuosismo á guitarra. De feito, o seu nome figura en todas as listas dos mellores guitarristas do rock, ademais de ter sido galardoado cos máis prestixiosos premios da industria musical –obtivo o Grammy en tres ocasións– e dos medios especializados.

A súa discografía inclúe máis de 60 álbumes, 16 discos en solitario, ademais de gravacións en vivo, recompilatorios, traballos de orquestra e colaboracións en multitude de discos de grandes bandas como Whitesnake, Motorhead ou Dream Theater. O seu último traballo editado é The Story of Light, publicado este mesmo ano polo seu propio selo discográfico, Favored Nations Entertainment, e co que está inmerso nunha ampla xira internacional que en decembro recalará en España, con outras catro actuacións confirmadas ata o momento: unha en Madrid, dúas en Barcelona e unha en Murcia.

Presentación do novo proxecto de Xoán Curiel que el mesmo define como unha paréntese no Magnético Zen. Mentres vai difundindo o Magnético Zen e vai tocando saen novas cancións e proponse facer unha breve paréntese no fin deste ano que foi... e vai ser... tan intenso de presentacións, participacións en eventos e en diferentes discos.

Xoán é un artista e un comunicador. Nos seus espectáculos procura o contacto co espectador. As súas cancións en galego, falan un idioma musical universal que recolle sons con influencias árabes, brasileiras, latinas, do jazz e da canción de autor neste formato íntimo e emocionante. www.myspace.com/xoancuriel

Moon Cresta é un cuarteto que obtivo inmellorables críticas e loanzas co seu 2º álbum, The Sparkling Radiostars & Their Lunatic Orcresta (2010). As súas cancións son, como eles mesmos denominan, power & funk, estilo aberto e ecléctico que recupera os sons do rock e funk dos 70' sen deixar de soar contemporáneo.

O Auditorio de Galicia acolle esta noite un novo concerto da tempada de aboamento da Real Filharmonía de Galicia, que nesta ocasión estará dirixida polo mestre Antoni Ros Marbà e acompañada pola prestixiosa pianista María Joao Pires. O programa inclúe diversas pezas de Montsalvatge, Haydn e Mozart.

REAL FILHARMONÍA DE GALICIA

Antoni Ros Marbà, director
Maria João Pires, piano

PROGRAMA

X. Montsalvatge: Sortilegis
J. Haydn: Sinfonía núm. 88 en Sol maior, Hob I788
W. A. Mozart: Concerto para piano e orquestra núm. 9 en Mi bemol maior, K.271

Durante dúas noites consecutivas, a Sala Capitol acolle o agardado concerto da banda madrileña Los Enemigos. Tras o seu regreso aos escenarios, é a terceira ocasión na que Josele Santiago, Fino Oyonarte, Chema Animal Pérez e Manolo Benítez ofrecen un concerto en Galicia, despois das súas actuacións en Vilagarcía e en Ourense.

Los Enemigos non pisaban Santiago desde marzo do 2002, cando ofreceron un concerto de despedida no Multiusos Fontes do Sar. Dez anos e medio máis tarde, o cheo está asegurado.

Esta tarde, o Teatro Principal acolle un concerto de Rodrigo Romaní co título 'As Arpas de Breogán', dedicado ao son da arpa céltica. Este evento está organizado pola Concellería de Educación para promover a participación dos escolares da cidade, do profesorado e das familias interesadas en achegarse ao mundo da música. A entrada é de balde, previa retirada da mesma no despacho de billetes do propio Teatro.

O concerto pretende amosar todas as posibilidades de interpretación da arpa no eido da música de Galicia e o folk contemporáneo. O empeño de Rodrigo Romaní pola difusión deste instrumento susténtase na facilidade que ten para enganchar co gusto do público, para transmitir sensacións, porque é un instrumento moi atávico, moi antigo e desencadea sentimentos que teñen que ver co máis profundo da alma.

A Concellería de Educación quere achegar aos máis novos a este instrumento. Así, o artista noiés quixo, como continuación de colaboracións anteriores con este Concello, desenvolver un traballo didáctico que promova este instrumento entre os diferentes públicos de Compostela, cunha especial incidencia entre o profesorado e o alumnado da cidade. Con tal motivo, preparou un novo recurso didáctico arredor da arpa celta, en forma de unidade didáctica que recolle a orixe, a evolución da arpa, as clases de arpas ou as semellanzas con outros instrumentos, por citar algúns dos contidos que se recollen nesta documentación, que leva por título “Enredados nas cordas” e que se pon a disposición dos centros de ensino de Compostela. En próximas datas visitará a Escola Municipal de Música de Santiago para desenvolver diferentes sesións didácticas co alumnado deste centro, reforzando o programa pedagóxico da mesma.

Para este labor, a Concellería de Educación programou unhas sesións didácticas nas que Rodrigo Romaní manterá un contacto co alumnado e o profesorado interesado, nas que dar a coñecer estes materiais e favorecer o contacto dos máis novos co instrumento. Esta proposta musical incide na difusión da música tradicional e, a través dos materiais didácticos creados polo autor, poderán ser utilizados nos centros de ensino polo profesorado e polos escolares, especialmente os relacionados coa educación musical.

No concerto do Teatro Principal presentarase un traballo concibido para dúas arpas, voces, contrabaixo e percusións, onde tamén se utilizan ocarinas, guimbardas e elementos de ambientación electrónica.

Rodrigo Romaní está considerado como o máis importante expoñentes da arpa celta na Península. Conta cunha amplísima discografía tanto en solitario como con outras formacións (Milladoiro, Lizgairo…). É  tamén o responsable da expansión da arpa celta dende que en 1996 creara en Vigo a primeira aula estable de arpa céltica da península, actualmente integrada na Escola Municipal de Música Tradicional de Vigo. É tamén o principal responsable do nacemento de SonDeSeu, a primeira orquestra folk europea, onde  dirixe, ademais da orquestra, a sección de arpas.

A tenda de música O Pazo das Musas organiza esta tarde unha charla-exposición-concerto en torno á música antiga. A actividade estará a cargo da formación Grupo 1500.

Entrada gratuíta, prazas limitadas.

Inscrición ata o 12 de decembro no enderezo contacto@sirgotorcendo.com ou chamando ao 981577979.

Concerto de violín organizado por Suzuki Galicia, no que actuarán alumnos e alumnas que seguen o método Suzuki.

Estes mozos e xa veteranos músicos se xuntaron co san obxectivo de reverenciar tan inmenso legado do pop-rock anglosaxón de formacións tan extraordinarias como The Beatles, The Kinks ou Small Faces que se mesturarán de xeito explosivo co variado cocktail de artistas tan botados de menos do rock hispano como Los Salvajes, Los Bravos, Fórmula V ou Los Brincos.

Entrada libre ata completar aforamento.

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

Tres músicos de referencia no panorama musical actual en Galicia que farán un percorrido por temas das súas diversas formacións e versións de outros artistas.

O Jazz Club Dado Dadá organiza esta noite unha nova velada musical. Nesta ocasión, os asistentes poderán gozar dun concerto a cargo de Sabín Todorov & Nikolay Velikov Cuarteto e posterior jam session.

Ton Risco - Batería
Juan Cañada - Contrabaixo
Nikolay Velikov - Violín
Sabin Todorov - Piano

Nacido en Burgas (Bulgaria), Sabín Todorov posúe títulos da Academia Estatal de Música de Sofía e o Real Conservatorio de Bruxelas (Belgica), coa especialidade de jazz piano.
En 2008 grava o álbum "Inside story" en trío cos músicos: Sal La Rocca (baixo) e Lionel Beuvens (batería), co que realiza numerosos concertos en Bélxica e Francia.
Ao ano seguinte, grava o album "Inside story 2" co seu trío e a participación de Steve Houben (saxo) e as cantantes de Bulgarka Junior Quartet. Este proxecto tivo un grande éxito no Festival de Jazz de Gaume (Bélxica) en agosto do 2009 e en maio do 2010 no Jazz Maraton de Bruxelas, así como no Festival de Tampere (Finlandia) en 2011.
En 2010, grava o album "Archibald Song" co saxofonista Bernard Guo.
Ademais de estar moi solicitado para participar en diferentes agrupacións, Sabín dedícase ao seu repertorio de só-piano co que leva moitos anos.

Nikolay Stoyanov Velikov comeza os seus estudos musicais á idade de seis anos na Escola de música da súa cidade natal, Sliven, en Bulgaria. Máis tarde, ingresa no Instituto Nacional de Música "Lubomir Pipkov" en Sofía, completando posteriormente os seus estudos no Conservatorio Superior "Pancho Vladiguerov", cos profesores de violín Valentín Choparinov e Alexander Ilchev.
Obtén o título de grao superior con máximas cualificacións, como profesor de violín e música de cámara e perfecciona os seus estudos co profesor Stefano Pagliani na Academia Santa Chiara, (Italia).
Foi premiado en tres ocasións no Concurso Nacional de Novos Intérpretes de Bulgaria. Comeza a súa carreira profesional na Orquestra de Cámara de Sofía no posto de axuda de concertino, na cal, ademais dos seus múltiples concertos no seu país, tamén tivo actuacións en Alemaña, Holanda, Francia...
No ano 1996 obtén a praza de co-principal de segundos violíns na Real Filharmonía de Galicia, onde segue traballando na actualidade, impartindo tamén clases na Escola de Altos Estudos Musicais de Galicia.
Realizou interpretacións como solista en orquestras de Bulgaria, Alemaña e España. Actualmente vive e traballa como profesor de jazz piano e jazz conxuntos en Bruxelas.

O Paraninfo da Universidade, situado na Facultade de Xeografía e Historia, acolle esta tarde o primeiro dos concertos do ciclo 'As 10 sonatas para violín e piano de Beethoven'.

O concerto, que inclúe a interpretación das sonatas nº 6 en La Maior, Op. 30 nº 1, e nº 9 Op. 47 (Kreutzer), estará protagonizado por Grigori Nedobora (violín) e Ilona Timchenko (piano).

O artista Sérgio Tannus, un dos máis completos artistas da safra brasileira, presenta esta noite os temas do seu último traballo discográfico, 'Son Brasilego'.

Virtuoso en instrumentos variados, como violões, guitarra, baixo, cavaquinho, bandolín e percusións, comezou a tocar dende cedo, cando tiña oito anos. Autodidacta, o músico foise perfeccionando na busca de novas sonoridades, aliadas ás influencias e estilos universais, sen deixar de lado a súa brasilidade.

A Casa das Crechas pecha esta noite a programación do ano do seu 25 aniversario cun concerto-encontro co cantor portugués João Afonso, que ofrecerá un espectáculo de pequeno formato no que repasará os seus grandes éxitos e mesmo interpretará temas do seu tío o Zeca Afonso.

Será un concerto ‘interactivo’, no que o músico fará un percorrido pola súa vida musical e o público poderá pedir cancións e preguntarlle o que queiran ao artista.

João Afonso (Mozambique, 1965) é unha das principais voces de Portugal. A súa vasta discografía iniciouse con Maio Maduro Maio (1994), na compaña de José Mário Branco e Amélia Muge, que levou o premio ‘José Afonso’. Posteriormente publicou ‘Missangas’ (1997), o seu primeiro álbum en solitario, que lle supuxo o título de Melhor Voz Masculina Nacional. Seguidamente foron ‘Barco Voador’ (1999), ‘Zanzibar’ (2002), ‘Outra Vida’ (2006) e ‘Um Redondo Vocábulo’ (2009), só con cancións do Zeca. Ten colaborado con diversos artistas como Júlio Pereira, Luís Pastor, Uxía, Pablo Milánes, Paco Ibáñez, Pedro Guerra e Javier Ruibal, entre outros.

http://www.myspace.com/joaoafonsomusic

Espectáculo liderado pola cantante de flamenco Mónica que conta cos arranxos e a dirección musical do guitarrista Jesús Pimentel "Cuchus" e a colaboración de diferentes músicos.

No seu repertorio pode encontrarse dende os cantes clásicos do flamenco máis tradicional (tientos, alegrías, cantes das minas...) ata temas das últimas décadas (Luis de la Pica, Pepe de Lucía, Niña Pastori...) e temas de fusión (Las Grecas, Ray Heredia, Dolores Vargas...), así como versións de temas alleos ao flamenco polo que pode agradar tanto a un público entendido como aos que se achegan por primeira vez a este estilo de música.

O concerto pódese realizar con diferentes formacións e diso depende a elección do programa para cada ocasión. Ao formato tradicional de cantante de flamenco e guitarrista pódeselle engadir percusión, baixo, violín ou outros instrumentos para lograr diferentes texturas sonoras máis axeitadas para certos temas; con isto o espectáculo gaña en variedade e riqueza tanto dende o punto de vista musical coma do escenográfico sen perder autenticidade.

Este proxecto é unha proposta musical diferente, con innumerables matices, onde se procura mostrar unha pequena parte da riqueza musical do flamenco, sen prexuízos nin etiquetas, mostrando as súas raíces e a súa posterior evolución no terreo estilístico e instrumental.

Baixo a batuta do mestre Antoni Ros Marbà, a Real Filharmonía de Galicia ofrece esta noite un novo concerto da súa tempada de aboamento. Nesta ocasión, o programa inclúe pezas de Rossini, Durán e Brahms.

REAL FILHARMONÍA DE GALICIA
Antoni Ros Marbà, director

PROGRAMA

G. Rossini: Abertura Semiramide
J. Durán: Divertimento
J. Brahms: Sinfonía núm. 1 en do menor, op.68

"Nunca comporei unha sinfonía. Non teñen nin idea do que sente un home como eu ao camiñar tras un xigante" dixo Brahms referíndose a Beethoven. despois de 20 anos rematou a Sinfonía núm. 1.

Un dos mellores directores de orquestra de Europa, o mestre Antoni Ros Marbà, subirá ao escenario no que será o seu último concerto como Director Titular da Real Filharmonía de Galicia. Pon fin así a un ciclo de 12 anos no que aportou á orquestra galega unha gran personalidade e un novo enfoque, tarefa pola que conseguiu numerosas ovacións. A pesar da despedida, dada a excelente relación mantida en todas estas tempadas coa RFG, o director de L'Hospitalet seguirá ligado á orquestra galega, levando a batuta nalgúns concertos en cada tempada. A partir de xaneiro o ata agora director principal invitado, o inglés Paul Daniel, relevará no posto a Ros Marbà durante polo menos dous anos. Actualmente ocupa tamén o cargo de director principal e conselleiro artístico na Orquestra Sinfónica West Australian.

No concerto do xoves 20 de decembro, o mestre Ros Marbà poñerase á fronte da RFG para interpretar a Sinfonía núm.1, de Johannes Brahms, unha das máis grandes e belas obras do compositor alemán. Director e orquestra tamén tocarán a abertura de Semiramide, de Rossini e Divertimento, do galego Juan Durán.

O mesmo concerto soará o día anterior, o mércores 19 de decembro, no Centro Cultural Novacaixagalicia de Vigo.

Antoni Ros Marbà nace en L'Hospitalet de Llobregat e estuda dirección de orquestra con Eduard Toldrá, Sergiu Celibidache e Jean Martinon. Ademais de estar á fronte da RFG, o mestre Ros Marbà é director titular da Cátedra da orquestra Freixenet da Escola Superior de Música Raíña Sofía. Foi o primeiro Director Titular da Orquestra Sinfónica de RTVE, cando foi creada creada en 1966.
Foi invitado por Karajan para debutar en Berlín xunto á Orquestra Filharmónica en 1978, antes de ser nomeado Director Titular da Orquestra de Cámara Holandesa. Ros Marbà dirixiu ás orquestras máis importantes de Francia, Inglaterra, Suíza, Italia, Alemaña e Escandinavia e foi invitado polos principais centros musicais de América e Xapón.
Dirixiu as estreas das óperas Divinas Palabras de García Abril e The Duenna de Gerhard así como as primeiras gravacións mundiais desta última e de La Dolores de Bretón.
O Ministerio de Cultura outorgoulle o Premio Nacional de Música e a Generalitat de Cataluña a Creu de Sant Jordi. En 2009, Warner Classics e Claves, editaban dous CDS do Mestre dirixindo a RFG, dedicados a Mompou e Falla, que obtiveron unha extraordinaria acollida por parte da crítica.

O mítico grupo de rock cántabro, todo un referente no panorama musical español, ofrece esta noite un concerto na Zona "C", onde presentarán os temas do seu último traballo discográfico, 'La caja de los truenos'.

Los DelTonos é un grupo de rock formado en 1986 en Muriedas, Cantabria. Comezou sendo un trío, con Hendrik Röver como único guitarrista, ademais de baixo e batería. Tras varios cambios na súa formación o único membro fundador que prosegue é Röver. Dende a gravación de "Sólido" son catro os compoñentes coa incorporación de Macaya como guitarrista.

Definir o estilo musical dos Deltonos máis alá de "grupo de Rock" é arriscado pois calquera definición supón simplificar demasiado, dada a gran cantidade de influencias e matices que hai nas súas composicións. Nos seus comezos consideróuselles un grupo de Rhythm and blues pero foron cambiando con cada novo traballo, incorporando sons próximos ao Funk, o Power Pop, e nos seus últimos discos, sobre todo "GT" e "Buenos Tiempos", sons sureños, con máis presenza de guitarras acústicas ou a Steel guitar, evolucionando cara a un rock que podería encadrarse no xénero coñecido como Americana, pero mantendo sempre un son propio e característico marcado polo estilo persoal e virtuoso á guitarra de Hendrik e as letras sempre en castelán das súas composicións propias.

O Nadal arranca no Gaiás cunha actuación moi especial do grupo Berrogüetto. A banda ofrecerá a oportunidade de gozar dunha actuación única, onde os asistentes descubrirán os segredos de cada instrumento e achegaranse un pouco máis ao que hai detrás dunha actuación musical.

Pais e nenos aprenderán xuntos o funcionamento da zanfona, do violín ou do acordeón ao ritmo dunha das mellores bandas de folk galego nunha experiencia musical didáctica sen precedentes. Unha oportunidade única de coñecer como traballan os músicos e a mellor forma, sen dúbida, de comezar as vacacións de Nadal.

Lugar: Centro de innovación Cultural (CINC)

Non se pode dicir que fose unha espera curta nin unha loita doada, pero por fin os Telephones Rouges, un dos máximos expoñentes da salvaxe escena underground galaica, lanzaron ao mundo o seu LP de debut.

O cuarteto do Grove presenta Disenso, unha coidadosa produción para un conxunto de cancións en galego, castelán e alemán, que somerxen a banda nos terreos máis correúdos do garage, punk e rock. O álbum dos galegos é sobresaínte no todo e as partes, resaltando en temas inesquecibles como "Vran", "Cristal" ou "Peinados Rebeldes".

Adiantado pola banda na súa páxina de Bandcamp, "Disenso" foi publicado no mes de novembro, via Matapadre e o selo barcelonés Mama Vynila. 300 copias de vinilo de 12" ilustradas por Begoña García-Alén que constan de 11 temas producidos polo propio grupo e Iñaki Bea, gravados en A ponte e en Círculo Polar Estudio durante o mes de agosto deste ano por Tomás Ageitos e Iñaki Bea, e masterizados nos estudos Planta Sónica de Vigo por Pancho Suárez e Iñaki Bea.

Podes escoitar o álbum na páxina de Bandcamp de Matapadre.

Que farías se rematase o mundo? Talvez sexa hora de facernos esa pregunta e, o que é máis importante, de darnos unha resposta para o caso de que se consumase un disturbio natural desa magnitude. Un dos calendarios maias remata o seu ciclo o 21 de decembro de 2012, o que é interpretado por moitos estudosos como o anuncio do fin do mundo ou, polo menos, do desenlace dunha civilización e o nacemento doutra nova. Fastío, destrución ou revolución, que máis dá? A "FESTA DO FIN DO MUNDO" ofréceche a oportunidade de desatar os teus anhelos apocalípticos e satisfacelos coa única redención posible para a túa alma insalubre: o culto ao rock´n roll. E diso, os maias non sabían nada.

Así que o venres 21 de decembro viviremos unha noite de rock e garaxe na Zona C, en Santiago de Compostela. Mujeres, a banda barcelonesa que con tan boa man se fixo un oco nos corazóns dos afeccionados en toda España, virá a presentar o seu segundo LP, 'Soft Gems' (Sones, 2012) co que demostran que ninguén lles fai sombra no seu xénero, despois de ascender do fenómeno de culto que foron co seu debut, 'Mujeres' (Sones, 2009), a banda imprescindible do actual underground peninsular.

Malia a súa xuventude, Mujeres curtíronse ao longo de centos de concertos que os levaron dende os escenarios do Primavera Sound ao imprescindible South by Southwest nortemaricano, cun son cheo de impurezas que que respira de bandas como The Sonics, The Velvet Underground, Black Lips, The Kinks ou o garaxe-punk latino que abanderon Los Saicos.

Deste xeito a banda deu un salto de calidade que confirma que Mujeres teñen un brillante porvir e desterraron do seu dicionario a palabra hype... se algunha vez estivo nel. Dende a inicial "Soft gems pt1" percibimos que o seu son creceu e que estamos ante unha das bandas máis interesantes e con mellor e máis divertido directo que podemos encontrar hoxe en día.

E abrindo a noite estarán Wild Balbina, un novísimo grupo vigués que irrompeu na escena independente cun marcado estilo que recorda aos grupos con rapaza californianos no ronsel de Best Coast ou Vivian Girls. As catro cancións incluídas no seu single de debut para Elefant, 'Eat Tacos', contan con melodías excelentes, medio surfeiras, medio punk-pop, sempre melancólicas, que atrapan deseguida.

Isto é unha mostra do que poderás ver esta noite na Zona C!

Non é preciso dicir que o seu son tinguido de rock sureño se cruzou con cancións que hoxe son himnos ('Llamando a la tierra', 'Carolina', 'Miedo', 'Roto por dentro') e que conseguiron erguer M Clan aos cumes do éxito en España, alcanzando grandes cifras en canto a discos vendidos e sendo un dos grupos que máis quilómetros fixo nas estradas nacionais cada ano dende hai xa máis dunha década.

Agora volven á estrada con novo disco, 'Arenas movedizas', un álbum que continúa na liña de 'Para no ver el final' ou 'Memorias de un espantapájaros', música rock e hard rock dos 70.

Concerto presentación de Discos da Máquina no que actuarán Das Kapital, Ataque Escampe e A Magnifique Bande dos Homes sen Medo.

Unha vez máis, o Auditorio de Galicia acolle en concerto a unha orquestra convidada. A recoñecida Orquestra Sinfónica de Galicia, dirixida polo mestre Ton Koopman, ofrecerá esta noite ao público compostelán a interpretación de diversas pezas de Corelli, Bach e Mozart.

ORQUESTRA E CORO DA SINFÓNICA DE GALICIA
Ton Koopman, director

PROGRAMA
A. Corelli: Concerto grosso núm. 8 op.6 “Concerto de Nadal”
J.S. Bach: Oratorio de Nadal (Cantata núm. 1)
W.A. Mozart: Ave Verum Corpus
W.A. Mozart: Misa da Coroación

"Ton Koopman ten unha enerxía insaciable e irradia un entusiasmo que se contaxia a todos os que están presentes". J. Gahre.

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

Berrogüetto chega ao Teatro Principal coa súa Xira de andar por casa dentro do ciclo 'Íntimo & Acústico'. Con este concerto ofrecen unha recreación semiacústica dos temas máis aclamados da súa discografía. Unha revisitación inzada de intimidade, optimismo, frescura nunha envoltura acústica que busca na audiencia unha sensación o máis próxima posible á que pode experimentar cando escoita música no salón da súa casa.

“Berrogüetto, corpo aberto en sete latexares, trasládanos esa infinita sinfonía, unha voz que xorde de tan dentro que mesmo doe porque é a nosa propia voz feita música. Eles fannos soñar que outra música, outra orde cósmica é posible.” Rosa Aneiros, Escritora e gañadora do Premio Xerais 2009 pola novela Sol de inverno. A viaxe épica de Berrogüetto comeza na primavera de 1995 na Galiza, cando seis músicos de procedencias dispares se xuntaron coa intención de levar a música celta tradicional do seu país un paso máis aló, cara o futuro, e experimentar novas sonoridades.

Nun prazo moi breve, sen abandonar a súa sensibilidade inicial, Berrogüetto converteuse nunha das formacións de world music máis importantes do mundo. Unha das marcas galegas que funcionan no mercado musical internacional pola súa mestura de paixón pola tradición musical e a experimentación na contemporaneidade. As dúas caras dunha mesma figura nun mercado global onde a pluralidade cultural corre perigo.

Contra esa tendencia, Berrogüetto segue ofrecendo música galega cun radio de acción que transcende as fronteiras de Galiza. Máis alá da música, cren na diversidade cultural coma fonte de riqueza. Hoxe, a súa música, co mesmo selo de sempre - multiplicidade e homoxeneidade, unha das cousas máis difíciles de conseguir nunha banda - ten cabida en calquera escenario do mundo.

A súa inquietude pola música e as súas ganas de innovar leváronos a investigar con sons e instrumentos diferentes. Grazas a esta determinación sempre conseguiron os favores da crítica e recibiu numerosos galardóns e recoñecementos por todo o mundo: Premio da Asociación da Crítica Alemá do Disco ao Mellor Disco de World Music en varias ocasións, Premio Opinión ao Mellor Disco de Folk, finalistas dos Premios da Música da Academia das Artes Escénicas e Musicais como Mellor Álbum en Galego e dos Grammy Latinos ao Mellor Disco Folk, entre outros.

Ao longo da súa traxectoria a formación foise modificando. O equipo fundador estaba composto por: Santiago Cribeiro, Paco Juncal, Quico Comesaña, Guillerme Fernández, Anxo Pintos e Isaac Palacín. No segundo álbum Viaxe por Urticaria (1999), trala marcha do violinista Paco Juncal, incorpóranse Guadi Galego á voz e Quim Farinha ao violín. Con esta banda gravarían dous discos máis: Hepta (2001) e 10.0 (2006). No ano 2008 Guadi Galego deixa o grupo e intégrase o cantante Xabier Díaz, con quen editan Kosmogonías (2010).

O trío compostelán formado por Martín Esturao (guitarra e voz), Héctor Tellería (contrabaixo e coros) e Manuel Brey (batería) ofrece esta noite un concerto no pub Ultramarinos.

Dr. Gringo practica Rock'n'Roll sen concesións con claras influencias Rockabilly. O seu primeiro concerto foi o 16 de maio de 2008 na Sala Capitol de Santiago e dende entón non deixaron de tocar por toda a xeografía española con boa acollida por parte do público.

Chega á súa duodécima edición 'Todo Lírica', o ciclo de concertos que organizan a Concellaría de Cultura compostelá e a Asociación Galega da Lírica nado co nome de Festival de Zarzuela de Santiago e que foi rebautizado hai tres edicións. Durante o Nadal celebraranse catro concertos no Teatro Principal polo que pasarán un sólido elenco de pianistas cantantes que combina experiencia e xuventude.

O concerto inaugural estará protagonizado polo pianista Rubén Fernández Aguirre e polo barítono David Menéndez. Ambos os dous interpretarán un programa de cancións de Gounod e Gusatavino, así como unha serie de romanzas de zarzuela.

No seu nacemento como Festival de Zarzuela no ano 2000, esta ciclo achegaba a zarzuela a Compostela no tempo do Nadal da man dos artistas de máis renome do xénero. Organizado polo Concello de Santiago e a Asociación Galega da Lírica, este certame, que mudaría de nome converténdose en Todo Lírica anos despois, foise abrindo a outros xéneros musicais de carácter popular, como o tango, a opereta, o jazz, o musical, etc., coa intención de ofrecer unha oferta musical ampla e lúdica para toda a familia na época do Nadal.

Polo escenario do Teatro Principal, sede de Todo Lírica, teñen pasado cantantes de renome como Carlos Álvarez, Vivica Genaux, Manuela Custer, Ana María Sánchez, Manuel Lanza, Isabel Rey, José Manuel Zapata, Martín Oro, Ismael Jordi, José Antonio López, Isabel Monar, Simón Orfila, Lola Casariego, Elena de la Merced, etc.

A formación liderada por Raúl Gutiérrez chega esta noite á Sala Capitol para ofrecer en directo os temas dos seus últimos traballos.

La Fuga supuxo, ata agora, o proxecto de banda máis intenso e duradeiro de Rulo, con 6 discos de estudo, máis de 300 concertos por diferentes países e unhas cantas decenas de excelentes cancións.

Pero Rulo, como el mesmo comenta, experimenta un continuo proceso de reinvención ("collo a miña mala cara e marcho de aquí. Non sei as veces que me reinventei"), de explorar outras terras e de voar por outros territorios elixindo outros compañeiros de viaxe. E así, pouco a pouco, no último ano foi tomando corpo Rulo y La Contrabanda. Rulo segue sendo dos de sempre: dos do pelo longo, dos de corazón de Rock & Roll. Pero agora acompáñano outros nomes, outras caras, outros actores: Karlos Arancegui -Txarli- (Amaia Montero, Iván Ferreiro) á batería, Quique Mavilla (Amaral) ao baixo, Dani Baraldés -Pati- (Macaco, Jarabe de Palo) á guitarra e Fito (vello compañeiro de aventuras en La Fuga e amigo) tamén á guitarra.

Rulo realizou unha gran cacharela con cuxos rescaldos nos segue ofrecendo historias correntes que nos volvan axitar o corazón. Porque, ao final, o que queda de verdade é... a música.

O ciclo 'Capitol Club' ofrece esta noite un concerto gratuíto a cargo de Los Versionettes, grupo coruñés dedicado a levar ao directo e en acústico clásicos do rock internacional.

Ari C: Voz, Adrián Torreira: Guitarra, Carlos Areán: Guitarra e Miguel Vieites: Batería
Son unha banda de versións en acústico, dende Tom Petty ata Coldplay pasando polos Rolling, Bowie, ACDC, Dylan, U2, Radiohead, The Killers, Pink Floyd, Queen, e máis.. O seu forte?: Os orixinais arranxos en cancións arquicoñecidas. Son unha banda de versións, si, pero cun toque persoal. Dan o mellor deles mesmos en cada actuación, procurando sorprender.

Entrada libre ata completar aforamento.

A mezzosoprano Mireia Pintó e o pianista Manel Camp protagonizan o segundo dos concertos da XII edición do festival Todo Lírica, o ciclo de concertos que organiza a Concellaría de Cultura compostelá e a Asociación Galega da Lírica nacido co nome de Festival de Zarzuela de Santiago e que foi rebautizado hai tres edicións. Durante o Nadal celebraranse catro concertos no Teatro Principal polo que pasarán un sólido elenco de cantantes que combina experiencia e xuventude.

O programa deste concerto, titulado 'Cancións de cine, de Broadway a Hollywood', inclúe diversas pezas de Porter, Kern, Loewe, Bernstein e Arlen.

No seu nacemento como Festival de Zarzuela no ano 2000, esta ciclo achegaba a zarzuela a Compostela no tempo do Nadal da man dos artistas de máis renome do xénero. Organizado polo Concello de Santiago e a Asociación Galega da Lírica, este certame, que mudaría de nome converténdose en Todo Lírica anos despois, foise abrindo a outros xéneros musicais de carácter popular, como o tango, a opereta, o jazz, o musical, etc., coa intención de ofrecer unha oferta musical ampla e lúdica para toda a familia na época do Nadal.

Polo escenario do Teatro Principal, sede de Todo Lírica, teñen pasado cantantes de renome como Carlos Álvarez, Vivica Genaux, Manuela Custer, Ana María Sánchez, Manuel Lanza, Isabel Rey, José Manuel Zapata, Martín Oro, Ismael Jordi, José Antonio López, Isabel Monar, Simón Orfila, Lola Casariego, Elena de la Merced, etc.

Rodrigo Rodríguez é un músico mestre internacionalmente coñecido especialista na frauta Xaponesa shakuhachi, ten actuado en numerosas salas de concerto en Asia, Europa, Sur do Pacífico e Latinoamérica.

Cabe destacar que entre as súas importantes xiras actuou no "Tokyo Imperial Hotel", eventos da NHK, no templo emblemático do Gran Buda de Kamakura, ou no Conservatorio Tchaivkosky, Moscú Rusia.

AFORAMENTO LIMITADO

DATA LÍMITE DE RESERVA DE PRAZA: ATA COMPLETAR AFORAMENTO

AGRADECEMOS CONFIRMAR ASISTENCIA ANTES DO 31 DE DECEMBRO

Baixo o título de 'Un inverno de contrastes: I love/hate music', a soprano María Rey-Joly e o pianista Borja Mariño ofrecen esta tarde o terceiro dos concertos que compoñen a XII edición do festival de zarzuela 'Todo Lírica', o ciclo de concertos que organiza a Concellaría de Cultura compostelá e a Asociación Galega da Lírica nacido co nome de Festival de Zarzuela de Santiago e que foi rebautizado hai tres edicións. Durante o Nadal celebraranse catro concertos no Teatro Principal polo que pasarán un sólido elenco de cantantes que combina experiencia e xuventude.

O programa desta noite inclúe diversas pezas de Bernstein, Barber, Chausson, Bizet, Mozart, Strauss, Penella e Gaztambide.

No seu nacemento como Festival de Zarzuela no ano 2000, esta ciclo achegaba a zarzuela a Compostela no tempo do Nadal da man dos artistas de máis renome do xénero. Organizado polo Concello de Santiago e a Asociación Galega da Lírica, este certame, que mudaría de nome converténdose en Todo Lírica anos despois, foise abrindo a outros xéneros musicais de carácter popular, como o tango, a opereta, o jazz, o musical, etc., coa intención de ofrecer unha oferta musical ampla e lúdica para toda a familia na época do Nadal.

Polo escenario do Teatro Principal, sede de Todo Lírica, teñen pasado cantantes de renome como Carlos Álvarez, Vivica Genaux, Manuela Custer, Ana María Sánchez, Manuel Lanza, Isabel Rey, José Manuel Zapata, Martín Oro, Ismael Jordi, José Antonio López, Isabel Monar, Simón Orfila, Lola Casariego, Elena de la Merced, etc.

A Cidade da Cultura poralle banda sonora ao Nadal ao contar coa presenza das bandas pop-indie máis destacadas do momento. Cun repertorio adaptado a un formato máis íntimo, Cancións por regalos ofrecerá unha actuación moi especial na que o prezo da entrada será un regalo.

Tras o paso de grupos como Menhai, La Familia, Jane Joyd, Alondra Bentley ou Abraham Boba, os máis pequenos terán por segundo ano consecutivo a oportunidade de descubrir a música alternativa en compañía dos seus pais. Unha iniciativa redonda na que todos gañan,  xa que mentres ti levas para casa unhas cantas cancións para o recordo, aqueles que máis o necesiten terán unha sorpresa o Día de Reis: o regalo que ti elixas como entrada.

Chega á súa fin a duodécima edición do festival de zarzuela 'Todo Lírica', o ciclo de concertos que organizan a Concellaría de Cultura compostelá e a Asociación Galega da Lírica nado co nome de Festival de Zarzuela de Santiago e que foi rebautizado hai tres edicións.

O concerto de clausura estará protagonizado polos alumnos da Escola Superior de Canto de Madrid, acompañados ao piano por Borja Mariño e Carmen Fernández Cabrera. O programa que interpretarán leva por título 'As cancións galegas dedicadas a Antonio Fernández-Cid'.

No seu nacemento como Festival de Zarzuela no ano 2000, esta ciclo achegaba a zarzuela a Compostela no tempo do Nadal da man dos artistas de máis renome do xénero. Organizado polo Concello de Santiago e a Asociación Galega da Lírica, este certame, que mudaría de nome converténdose en Todo Lírica anos despois, foise abrindo a outros xéneros musicais de carácter popular, como o tango, a opereta, o jazz, o musical, etc., coa intención de ofrecer unha oferta musical ampla e lúdica para toda a familia na época do Nadal.

Polo escenario do Teatro Principal, sede de Todo Lírica, teñen pasado cantantes de renome como Carlos Álvarez, Vivica Genaux, Manuela Custer, Ana María Sánchez, Manuel Lanza, Isabel Rey, José Manuel Zapata, Martín Oro, Ismael Jordi, José Antonio López, Isabel Monar, Simón Orfila, Lola Casariego, Elena de la Merced, etc.

A Real Filharmonía de Galicia ofrece esta noite o seu tradicional concerto do Día de Reis dirixida por Manuel Hernández Silva e acompañada da soprano Beatriz Díaz. O programa inclúe diversas obras e arias de ópera de Mozart, Haydn, Schubert, Rossini e Strauss.

REAL FILHARMONÍA DE GALICIA
Manuel Hernández Silva, director
Beatriz Díaz, soprano

PROGRAMA

Real Filharmonía de Galicia
Manuel Hernández Silva, director
Beatriz Díaz, soprano

Unha viaxe da man de Rossina

WOLFGANG AMADEUS MOZART (1756-1791)
Abertura de La Clemenza de Tito, KV 621

JOSEPH HAYDN (1732-1809)
Aria “Non s´innalza, non stride sdegnosa”, de La vera costanza
Aria “Con un tenero sospiro”, de La vera costanza

FRANZ SCHUBERT (1797-1809)
Menuetto, da Sinfonía núm. 3 en Re maior D. 200

WOLFGANG AMADEUS MOZART (1756-1791)
Abertura, de Le Nozze di Figaro
Aria “Giunse alfin il momento”, de Le Nozze di Figaro

Sinfonía núm. 35 en Re maior, KV 385 “Haffner”

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

O Paraninfo da Universidade, situado na Facultade de Xeografía e Historia, acolle esta tarde o segundo dos concertos do ciclo 'As 10 sonatas para violín e piano de Beethoven'.

A violinista Kiyoko Ohashi e a pianista Haruna Takebe ofrecen no Paraninfo da USC o segundo dos concertos do ciclo, dentro do que ata o mes de febreiro se interpretarán as dez sonatas que para estes instrumentos compuxo Beethoven entre 1799 e 1812. As concertistas xaponesas presentan no seu recital a sonata nº 3 en Mi bemol maior e a sonata nº 7 en do menor.

O ciclo monográfico ‘Sonatas para Violín e Piano de Beethoven’ conta na parte interpretativa con solistas da Real Filharmonía de Galicia (á que pertence Kiyoko Ohashi desde 1999) e con destacadas alumnas da Escola de Altos Estudos Musicais. O programa dos catro concertos é responsabilidade do profesor de Historia da Música da USC, Javier Garbayo.

Nas dúas citas que aínda restan deste ciclo, o día 29 de xaneiro actuarán Nazaret Canosa ao violín e Vera Pavlova ao piano coas sonatas nº 1, nº 4 e nº 8; e o 19 de febreiro o ciclo clausúrase coa interpretación das sonatas nº 2, nº 5 e nº 10 a cargo da violinista Beatriz Junco e a pianista Alicia González Permuy.

Todos os concertos serán ás 20.00 horas no Paraninfo da USC.

O pianista alemán Sebastian Knauer inaugura esta noite a quinta edición do ciclo de piano 'Ángel Brage' interpretando un programa con obras de Bach, Shubert e Beethoven.

Sebastian Knauer, piano

PROGRAMA

- J. S. Bach
Suite inglesa núm. 2 en la menor, BWV 807
- L. v. Beethoven
Sonata para piano núm. 17 en re menor, op. 31/2
- F. Schubert
4 Impromptus op. 90, D. 899

Sebastian Knauer naceu en Hamburgo, Alemaña, en 1971. Foi alumno de Gernot Kahl, Karl-Heinz Kämmerling, Philippe Entremont, Andràs Schiff, Christoph Eschenbach e Alexis Weissenberg. Debutou en concerto á idade de trece anos no Hamburg Musikhalle, co Concerto de Piano en Re maior de Haydn, e a nivel internacional en Venecia, con concertos para a RAI “European Concert.

Tocou nos principais auditorios do mundo e traballou baixo a batuta dos mellores directores. Xunto a Entremont, presentan un repertorio de concertos para dous pianos, e en Tel Aviv executaron o Doble Concerto de Mozart e de Mendelssohn coa Orquestra de Cámara de Israel. Tocou tamén coas orquestras máis importantes. Entre 1999 e 2002, interpretou e dirixiu os 27 Concertos para Piano de Mozart coa Hamburger Philharmoniker. É invitado asiduo nos principais festivais internacionais.

O Ciclo de piano Ángel Brage nace no ano 2008, dentro da programación de abono do Auditorio de Galicia, para homenaxear no 25º aniversario do seu falecemento a este pianista e mestre de varias xeracións de músicos composteláns. Polo escenario do Auditorio de Galicia xa teñen pasado algúns dos máis grandes pianistas da actualidade: Olli Mustonen, Arcadi Volodos, Christian Zacharias, Krystian Zimmerman, Aldo Ciccolini, Paul Lewis, Leif Ove Andsnes, Emanuel Ax…

O café El Puente organiza esta noite unha nova velada  musical de entrada gratuíta. Nesta ocasión, os asistentes poderán gozar dun concerto a cargo do Olivier Cano Cuarteto, grupo formado por Ton Risco, Pablo Pérez, Rafa Fernández e Olivier Cano.

Dentro do ciclo 'Novas Orquestras', organizado polo departamento de Cultura, o Auditorio de galicia acolle esta noite un concerto da Orquestra Nova da Sinfónica de Galicia. Rubén Gimeno dirixirá a Orquestra que terá como solista a Antonio Lagares (trompa).

Desde a súa fundación en 1994, a Orquestra Xoven permitiu a centos de instrumentistas novos completar a súa formación musical participando en espectáculos operísticos e concertos sinfónicos baixo o maxisterio de mestres como Alberto Zedda, Víctor Pablo Pérez, James Judd, Diego García ou Rubén Gimeno, que hoxe os dirixe.

PROGRAMA

Cazador Furtivo: obertura de Carl María Von Weber
Concerto para trompa e orquestra de Reinhold Glière
Tristan e Isolda: preludio de morte e amor. Richard Wagner
Os mestres cantores de Núremberg: obertura. Richard Wagner

No seu cuarto disco, o grupo de Pamplona mantén algunha das pautas que fixeron de El columpio Asesino unha marca absolutamente recoñecible: o son escuro, a tensión, o gusto polo rematado sofisticado e diferente. "Toro" (primeiro single) foi a cuarta canción española máis escoitada en Spotify na súa semana de saída. A súa canción en Youtube tivo máis de 800.000 plays.

No caso de ‘Diamantes’ levan ao extremo as súas posibilidades, e combinan os momentos máis crus con outros moi doces e melódicos (ao que axuda a voz de Cristina, con máis protagonismo que en anteriores traballos). A dualidade nas voces responde a un modelo tipo Bonnie & Clyde máis que a un musical, que busca un resultado sexy, perigoso e violento.

As guitarras desaparecen en favor das voces para resaltar a súa presenza; levan á mínima expresión utilizando e-bows e pasándoas por sintes analóxicos. Os punteos son minimalistas. Paradoxalmente, os arranxos electrónicos son menos, pero máis contundentes, moitas veces a modo de rifs. Un disco emocionante co conxunto de cancións máis redondo de cantos publicaron até o momento.

A estrea do álbum en Myspace tivo máis de 35.000 escoitas en tan só dous días. Nº1 para Mondosonoro no mes de febreiro. nº1 en Bi FM. Nomeados a 6 premios da Música Independente, entre eles o de Mellor Grupo Español, Mellor Canción ("Toro") e Mellor Directo.

Aló Django é un proxecto galego que busca a inspiración no jazz e na música dos xitanos "manouche" centroeuropeos: o chamado gypsy swing, un estilo, lírico, alegre e acústico cuxo máximo representante é o mítico guitarrista Django Reinhardt.

A Regadeira de Adela, Microcasa de Artes, ven a ofrecer unha nova experiencia cultural en Compostela. Un lugar diferente, onde poderás asistir a pequenas pezas de teatro, danza, maxia, circo, impro ou performance.

Pezas de quince minutos, para un público reducido de 15 persoas, durante tres pases cada día.

Unha casa cun encanto especial, cunha decoración vintage onde tamén hai cabida para a obra dos artistas plásticos.

A proximidade do público cos artistas crea un ambiente irrepetible, un contacto único. O microteatro é unha tendencia actual do teatro en Europa  que xa funciona en cidades españolas coma Madrid, Barcelona, Zaragoza, Málaga ou Segovia. En Galicia xa existen experiencias coma La Tuerka 27 na Coruña e o Microteatro Por Casa de Cangas.

PROGRAMACIÓN DE DECEMBRO

** 5, 6 e 7 de decembro

- 20:30, 21:00 e 21:30 h.
Redrum, 'Punto Com'
"Punto Com" é un fragmento do espectáculo "Curriculum Vitae", protagonizado por Mónica García e Guillermo Carbajo e que conta os perigos de mentir nos currículos. Escrito por Araceli Gonda sobre un argumento de Borja F. Caamaño e Alex Sampayo, e dirixido por Alex Sampayo. Microcomedia mordaz sobre como mentimos na actualidade.

- 20:45, 21:15 e 21:45 h.
Arturo Cobas, 'It´s Happening'
Un espectáculo coma a vida mesma. Un pallaso contemporáneo que non pode estar tranquilo na casa. Microcirco que combina o clown, a pantomima e a manipulación de obxectos.

- 21:00, 21:30 e 22:00 h.
Lilí Berlín
Blanca Cendán, acompañada de Suso Alonso no piano, dá vida a unha diva trasnoitada que asina un pacto co demo, adicándose a percorrer os cabarés de medio mundo e vivindo intensamente os acontecementos do século XX. Microcabaret alemán.

** 12, 13 e 14 de decembro

- 20:30, 21:00 e 21:30 h.
Nosomosnadie, 'Es difícil la humanidad'
Dúas descoñecidas, unha cinta de casette, un reloxo de cociña, unha conta atrás... e 15 minutos para salvar á humanidade. Microcomedia absurda e un tanto surrealista co humor das actrices Angélica e Roberta... ¡perdón! Sonia Méndez e Sandra Lesta

- 20:45, 21:15 e 21:45 h.
Cisma Danza, 'Un disfraz equivocado'
"Fixen de min o que non souben e o que podía facer de min non o fixen vestín un disfraz equivocado tomáronme por quen non era, non o desmentín e perdinme cando quixen quitar a máscara estaba pegada á cara…" (A Tabaquería-Pessoa) Microdanza, catro bailarinas, 14 m cúbicos.

- 21:00, 21:30 e 22:00 h.
La Tapadera
A compañía “La Tapadera”, farános descubrir que todos levamos o ritmo no corpo a través do claqué, a voz e a percusión corporal. Microclaqué a cargo desta compañía galego-arxentina de recente formación, que recentemente participou no Festival Corpo á terra de Ourense, integrada por Sandra Varela e Xenia Tartari.

** 19, 20 e 21 de decembro

- 20:30, 21:00 e 21:30 h.
Funboa Escénica, 'Another Espectacle'
Unha reflexión universal dende a visón apocalíptica dunha mazá. Microteatro dende as beiras da fin do mundo, tal e como o coñecemos.

- 20:45, 21:15 e 21:45 h.
Entre Platos, 'Pequeno cabaret'
Se alguén non comprende deseguida a trama, que non rompa a cabeza porque é incomprensible. Se queren ver algo que teña sentido...vaian ós urinarios. En ningún caso se devolverá o prezo das entradas. Rógase non disparar sobre o pianista, pobriño, fai o que pode. Microrevista musical con Roberto Leal, Nuria Sanz e José Díaz nun pequeno show con sabor a music-hall, ó vello cabaré, e ás vedettes de toda a vida.

- 21:00, 21:30 e 22:00 h.
La Tapadera
A compañía “La Tapadera”, farános descubrir que todos levamos o ritmo no corpo a través do claqué, a voz e a percusión corporal. Microclaqué a cargo desta compañía galego-arxentina de recente formación, que recentemente participou no Festival Corpo á terra de Ourense, integrada por Sandra Varela e Xenia Tartari.

Todos os sábados: SÁBADOS MICROIMPRO
Cía. The Momento Impro
Pases ás 22:30 / 23:00 / 23:30 horas.

Máis info aquí

David Guapo estrea no Teatro Principal o seu novo monólogo titulado 'Que no nos frunjan la fiesta', unha aposta segura onde o humor, a música e a improvisación mestúranse nun espectáculo único para todos os públicos. David Guapo combina diálogo e música. David fai diálogos e non monólogos, porque as súas actuacións son auténticos intercambios de impresións cos espectadores.

David Guapo foi o monologuista revelación do 2011 coa súa aparición en "El Club De La Comedia" e desde entón é considerado polo gran público un dos mellores monologuistas nacionais. Posteriormente, a diario, participou no programa referente da sobremesa do humor en España "Sé Lo Que Hicistéis"  onde se acabou de consolidar como unha das novas caras da televisión a nivel nacional.

Son xa máis de tres anos nisto da televisión, sempre ao máis alto nivel da comedia: Buenafuente, El Hormiguero, Nuevos Comicos de Paramount Comedy e tamén en radio a nivel nacional en programas como "Ya Te Digo"  (morning show de Europa FM) ou "Las Mañanas De Buruaga"  (Cope), aínda que leva máis de 10 anos actuando en directo, onde sorprende con material inédito.

'La apoteosis necia' é o terceiro espectáculo teatral que protagoniza Berto Romero. Trátase dun espectáculo cómico que desprega o inconfundible e persoal humor de Berto ao longo de 90 minutos de monólogos e cancións.

A traxectoria vital do personaxe que representa lévanos a coñecer as súas desgracias persoais no terreo familiar, amoroso e laboral. Os referentes cotiáns, filtrados pola mirada surrealista e cínica dende a que conta todas as súas experiencias, desembocan nunha explosión de humor con efectos catárticos para o público.

Esta tarde, o Centro Sociocultural das Fontiñas acolle o espectáculo 'O señor das dunas', un contacontos dirixido a todos os públicos, dende os nenos e as súas familias ata os máis vellos da casa. A actividade forma parte do programa FalaRedes, realizado pola Secretaría Xeral de Política Lingüística para as entidades adheridas á Rede de Dinamización Lingüística.

Baseado na literatura oral galega, o contacontos 'O señor das dunas' complétase coa ilustración en directo do relato feita con area. Os asistentes recibirán como agasallo un libriño cos contos que escoitaron. Complementariamente, na web do programa estarán ao dispor dos usuarios os Contos ao redor do microondas en versión dixital, unha iniciativa encamiñada a mellorar as técnicas de expresión oral.

'O señor das dunas'

Hai moitos anos, durante unha viaxe intercontinental, un barco naufragou á altura da Costa da Morte. As correntes mariñas arrastraron a un vello bibliotecario, amante da literatura e das historias ben contadas, ata a praia de Corrubedo. Alí comezou a contar contos tradicionais, que acompañaba e enriquecía con debuxos feitos con area…

E de Corrubedo ás vilas de Galicia. O señor das dunas visítanos contando cinco contos populares galegos, xunto cun alumno aventaxado que ilustra sobre a area a historia que nos narra a medida que se vai relatando. O espectáculo dura en torno aos 50 minutos.

Dentro da programación especial de Nadal organizada pola Consellería de Cultura, Educación e Ordenación Universitaria, o Salón Teatro de Santiago acolle dúas funcións de novo circo a cargo da plataforma CAIR (Caídas Acrobacias Investigación Risas), que presenta un espectáculo de teatro xestual, danza, acrobacias e malabares.

CAIR ofrece unha proposta de teatro xestual, danza, acrobacias e malabares que nace da fusión de catro personaxes excéntricos co don de caer e darse golpes sen se mancar. Baixo a dirección de Natalia Outeiro, os seus catro intérpretes (Óscar Páez, Ariñe Azkue, Santi Montero e Jano Costas) constrúen un espectáculo vangardista que busca a innovación das técnicas clásicas e a sorpresa nos espectadores.

As accións sinxelas e cotiás destes personaxes derivan en acrobacias a partir de caídas e golpes, contrastando co desenvolvemento de coreografías de gran potencia visual nas que conviven danza e malabares. A emoción e o risco súmanse ao humor nunha dramaturxia non lineal na que o absurdo, o sinxelo e o universal está presente nas disparatadas rutinas do circo.
Ao tempo, CAIR propón unha reflexión sobre os mecanismos da risa ante situacións que a priori poderían considerarse violentas. Neste sentido, o espectáculo investiga no que eles denominan “acrobacia excéntrica” para desenvolver novas accións físicas de risco que, porén, conseguen provocar a risa do público pola súa brillante execución.

'15 ilusións para unha noite' é un espectáculo intenso e arrebatador onde os soños, a comunicación, as sorpresas e as emocións aparecerán como por arte de encantamento. É un espazo onde poderás atrapar estrelas. É un encontro con un ilusionista, con un soñador ou con un poeta das ilusións que nos trae unha mensaxe de esperanza: o futuro é de todos aqueles que creemos na maxia.

Espectáculo recomendable a partir de 8 anos.

Antón López director
Martín Varela ilusionista
Laura López, Julia Varela partenaire

Sempre me preguntei por que tiña que escribir un libro, plantar unha árbore e ter un fillo. Agora xa teño a resposta. No fondo máis fondo de todos os fondos, ou sexa no triplo fondo queremos seguir formando parte deste lado do espello cando xa formemos parte do outro. No outro lado está o pasado e neste lado está o presente e o futuro. Martín Varela é o futuro da maxia porque ten paixón, talento e un corazón tan grande como o seu talento e a súa paixón. Esta é a razón pola que me embarquei neste proxecto tan singular.

Un día, hai moito tempo, alguén me preguntou cantos anos tiña. Respondín que tiña a idade das miñas ilusións.

Martín Varela nestes intres ten 15 ilusións, aínda que eu coñecino con dez. Non lles quero nin contar o que fará cando teña vinte.

Galicia está chea de maxia: da cultura, das artes, da gastronomía, da paisaxe etc. Polo tanto esta terra precisa de ilusionistas, de embaixadores que leven polo mundo a súa imaxe e a esencia da súa maxia. E Martín Varela está chamado a ser un de eles.

Dentro da programación especial de Nadal organizada pola Consellería de Cultura, Educación e Ordenación Universitaria, o Salón Teatro acolle esta tarde un espectáculo musical para todos os públicos, 'María Fumaça'.

'María Fumaça' é un espectáculo musical que nace a partir do libro-disco-dvd 'María Fumaça. Cantar e bailar para ser máis feliz', editado por Galaxia. Recoñecidos nomes da música e o teatro galegos como Uxía, Magín Blanco, Sergio Tannus, Serginho Sales, Carlos Blanco, Isaac Palacín e Tanxarina, entre outros, uníronse para interpretar os máis de vinte temas do disco e xuntos desenvolven, así mesmo, a súa versión escénica como celebración da alegría de vivir.

A música, a luz e as situacións cómicas teñen un gran protagonismo neste espectáculo, no que o público participa moi activamente cantando e bailando as sinxelas coreografías e temas de María Fumaça.

A Regadeira de Adela, Microcasa de Artes, ven a ofrecer unha nova experiencia cultural en Compostela. Un lugar diferente, onde poderás asistir a pequenas pezas de teatro, danza, maxia, circo, impro ou performance.

Pezas de quince minutos, para un público reducido de 15 persoas, durante tres pases cada día.

Unha casa cun encanto especial, cunha decoración vintage onde tamén hai cabida para a obra dos artistas plásticos.

A proximidade do público cos artistas crea un ambiente irrepetible, un contacto único. O microteatro é unha tendencia actual do teatro en Europa  que xa funciona en cidades españolas coma Madrid, Barcelona, Zaragoza, Málaga ou Segovia. En Galicia xa existen experiencias coma La Tuerka 27 na Coruña e o Microteatro Por Casa de Cangas.

PROGRAMACIÓN DE XANEIRO

** 9, 10 e 11 de xaneiro

- 20:30 / 21:00 / 21:30 h.
CIBORGUE MORENO
MICRODISCO· Chegados diretamente do barrio da Lapa de Rio de Janeiro, 15 minutos de electro brega con letra irreverente e alto-astralizada. Divertidos, performáticos e comprometidos coa evolución humanoide.

- 20:45 / 21:15 / 21:45 h.
JOSHUA McCAREY ·Living Room·
·MICROTEATRO-DANZA· Desde Boston chéganos unha narrativa poética do achegamento cultural dun extranxeiro cara os seus espazos inmediatos de vivencia. Nun mundo hiperconectado que á vez se desmantela, Livingroom é unha chamada á intimidade.

- 21:00 / 21:30 / 22:00 h.
BOSSA & MUÍÑOS ·Malos Hábitos·
MICROMISA· Dúas monxas de clausura das carmelitas calzadas saen clandestinamente do convento para celebrar unha micromisa en versión dous punto cero, dirixida tanto a crentes como a ateos, agnósticos ou vexetarianos, porque na micromisa dous punto cero a fe e moi importante, pero o pecado aínda máis. "Cuatro angelitos tiene mi cama, uno me da leche, otro me da lana y otro mantequilla para toda la semana."

** 16, 17 e 18 de xaneiro

- 20:30 / 21:00 / 21:30 h.
SUDHUM TEATRO ·Luminosa Nostalgia·
MICROTRAILER· En colaboración co Teatro Principal. Vivimos tempos convulsos, o cambio é necesario. Unha viaxe cara ese cambio. Unha viaxe a Galicia, ó pasado, desde onde coller impulso cara ó futuro e usar o camiño para recuperar a esencia das cousas, o cheiro dos lugares vividos e o sabor dos momentos máis doces. E se podemos, crecer.

- 20:45 / 21:15 / 21:45 h.
EL RETRETE DE DORIAN GREY
MICROCABARÉ CON OBXECTOS· Ne me quitte pas, xa un clásico desta compañía que transforma en enorme as cousas pequenas, que contan historias con inflables, que convirten un globo nun protagonista. Inesquecible.

- 21:00 / 21:30 / 22:00 h.
LUIS VIVANCO LUISA VEIRA ·A escena·
MICROTEATRO· Unha pérdida personal é o grande detonante para abrir a caixa dos tronos que atormenta a unha actriz xusto antes dunha estrea; e que un pobre asistente de producción terá que soportar, buscando a forma ou as estratexias para reconducir á grande diva.

** 23, 24 e 25 de xaneiro

- 20:30 / 21:00 / 21:30 h.
17, PENTHOUSE ·Fina y Pura hasta...·
·MICROCOMEDIA· Dúas mulleres sen nada que facer e moito que contar. Un ascensor é un pequeno lugar onde as paredes falan e o público escoita. ¿A qué piso van?

- 20:45 / 21:15 / 21:45 h.
EL RETRETE DE DORIAN GREY
MICROCABARÉ CON OBXECTOS· Ne me quitte pas, xa un clásico desta compañía que transforma en enorme as cousas pequenas, que contan historias con inflables, que convirten un globo nun protagonista. Inesquecible.

- 21:00 / 21:30 / 22:00 h.
BOSSA & MUÍÑOS ·Malos Hábitos·
MICROMISA· Dúas monxas de clausura das carmelitas calzadas saen clandestinamente do convento para celebrar unha micromisa en versión dous punto cero, dirixida tanto a crentes como a ateos, agnósticos ou vexetarianos, porque na micromisa dous punto cero a fe e moi importante, pero o pecado aínda máis. "Cuatro angelitos tiene mi cama, uno me da leche, otro me da lana y otro mantequilla para toda la semana."

** 30, 31 de xaneiro e 1 de febreiro

- 20:30 / 21:00 / 21:30 h.
17, PENTHOUSE ·Fina y Pura hasta...·
·MICROCOMEDIA· Dúas mulleres sen nada que facer e moito que contar. Un ascensor é un pequeno lugar onde as paredes falan e o público escoita. ¿A qué piso van?

- 20:45 / 21:15 / 21:45 h.
IL MAQUINARIO ·O Home Almofada·
·MICROTRAILER· Colabora Teatro Principal. Unha montaxe da peza de Martin McDonagh que afonda no influxo da violencia no individuo nunha sociedade totalitaria, desde unha perspectiva ó mesmo tempo tenra e sarcástica. Contido social, intriga e humor negro nun thriller trepidante.

- 21:00 / 21:30 / 22:00 h.
ISLA LE TRISKA ·Fermín Noite·
·MICROCLOWN·

Máis info aquí

O Ateneo de Santiago organiza esta tarde unha nova conferencia no Centro cultural de Novacaixagalicia. Nesta ocasión estará impartida por Isabel Rodríguez-Moldes Rey, Catedrática de Bioloxía Celular da USC, que falará sobre 'Poden as células adultas revivir a súa xuventude? Para que?'.

Isabel Rodríguez-Moldes Rey desenvolve a súa actividade investigadora no Centro de Investigación en Bioloxía (CIBUS), no Campus Vida. É Coordinadora do Grupo de Investigación BRAINSHARK que leva a cabo diversos proxectos de investigación financiados polo Ministerio de Ciencia e Innovación e pola Xunta de Galicia sobre o desenvolvemento do sistema nervioso de peixes cartilaxinosos como os tabeiróns. Ten dirixido 8 teses doutorais e diversos traballos de investigación, é coautora de máis de 60 publicacións en revistas internacionais de prestixio e participou activamente en congresos internacionais. Ao longo dos últimos 25 anos ten impartido docencia de diversas materias de Licenciatura, Grao e Másteres relacionadas coa Bioloxía do desenvolvemento. Foi Secretaria do Departamento de Bioloxía Fundamental da USC durante máis de 4 anos, Coordinadora das Probas de Acceso á Universidade (PAAU) da materia Bioloxía durante 7 cursos e actualmente é Directora da Escola de Doutoramento Internacional da Universidade de Santiago.

O Ateneo de Santiago organiza esta tarde a conferencia 'Ética das profesións: cara unha teoría xeral da ética xurídica', que estará impartida por D. Rafael del Rosal, Letrado Xefe do Departamento de Deontoloxía do Colexio de Avogados de Madrid.

Rafael del Rosal García (Loja, Granada, 1950) é avogado. Licenciado en Dereito en 1972 pola Universidade de Granada e formado en Madrid durante dous anos na pasantía de José María Fernández de la Riva, exerce libremente a avogacía en Barcelona ata 1990, que se traslada a Madrid como Xefe da Asesoría Xurídica do Grupo de empresas APD, para regresar ao libre exercicio da profesión en 1992, con despacho propio. Asesor do Colexio de Avogados de Madrid desde 1993 en materia de Deontoloxía Profesional, incorpórase ao mesmo en 2003 como Letrado Xefe do Departamento de Deontoloxía, facéndoo en 2009 á Unión Interprofesional da Comunidade de Madrid (UICM), como experto en Deontoloxía Profesional e Profesionalismo. Profesor de Deontoloxía Profesional da Avogacía do Centro de Estudos e Investigación do Colexio de Avogados de Madrid no Master de Dereito Privado e en outros cursos de iniciación ao exercicio profesional e de acceso ao Turno de Oficio. Autor de máis de sesenta artigos publicados sobre o desenvolvemento doutrinal das normas éticas da avogacía e de publicacións regulares no suplemento xurídico do diario económico EXPANSIÓN desde maio de 2008. Poñente habitual da disciplina en cursos, seminarios e congresos nacionais e internacionais da avogacía.

O Salón de Actos da Biblioteca pública Ánxel Casal acolle esta tarde a charla titulada 'Educación emocional', unha actividade organizada por Identia Coaching y Formación e dirixida a profesionais, nais, pais e persoas interesadas na educación e a comunicación consciente e empática, dende a perspectiva do coaching familiar e persoal.

O Salón de Actos da Biblioteca pública Ánxel Casal acolle esta tarde a charla titulada 'Linguaxe a través do conto e o xogo', unha actividade organizada por Identia Coaching y Formación e dirixida a profesionais, nais, pais e persoas interesadas na educación e a comunicación consciente e empática, dende a perspectiva do coaching familiar e persoal.

Este ciclo de cinema brasileiro propón traer ao público da Casa das Crechas filmes que mostren a riqueza temática e estética da produción cinematográfica do Brasil, fuxindo dos estereotipos identificados á tríade “favela, miseria e violencia” coa que os filmes que normalmente chegan a Europa mostran o país. No repertorio, filmes clásicos e recentes, comerciais ou pouco convencionais, de cineastas novos e consagrados.

Entre os directores incluídos no ciclo están Hector Babenco, Glauber Rocha, Walter Salles, Jorge Furtado ou Luiz Fernando Carvalho, entre outros.

'O homem que copiava' (2003), de Jorge Furtado

SINOPSE
André é un mozo que vive coa súa nai e traballa na fotocopiadora dunha papelaría. Un día namórase da súa veciña. Decidido a coñecela mellor, André descobre que ela traballa nunha tenda de roupa e, para conseguir un encontro, busca todas as formas de conseguir 38 reais para comprar un vestido.

O ciclo 'Outono lírico compostelán', organizado pola Asociación de Amigos da Ópera de Santiago, chega esta tarde á súa fin coa proxección gratuíta, no Hotel Araguaney, da gravación 'Callas en París 1958'.

Con motivo do seu 89 aniversario e para conmemorar a máis famosa soprano do século XX, exhibirase gratuitamente o concerto do seu debut en París en 1958, retransmitido no seu momento con carácter internacional, e sendo un dos eventos mediáticos de maior transcendencia daquel ano. Aproveitando a reaparición das fitas orixinais, compartirase este tesouro que ata agora estaba ao alcance de moi poucos.

Novacaixagalicia proxecta a película de animación galega 'O Apóstolo' no seu Centro Cultural compostelá da rúa do Vilar. As sesións serán ás 12.00 e ás 20.00 h todos os mércores, venres, sábados e domingos, ata o 6 de xaneiro.

As sesións matinais están dirixidas a escolares e o importe da entrada é de 2 € por asistente, previa reserva nos teléfonos 695.799.798/ 616.871.886/ 981.565.376; as sesións das tardes estarán abertas ao público xeral, o importe a aboar é de 3 € por butaca. Os asistentes ao filme poderán participar coa súa entrada no sorteo dunha viaxe para dúas persoas a través do Camiño de Santiago, partindo de Sarria.

A caixa súmase a esta iniciativa como parte da súa estratexia de apoio e promoción ao cinema e á industria audiovisual galega. A entidade colaborou, ademais, no proceso de produción da banda sonora do filme a través do seu Orfeón Terra A Nosa.

'O Apóstolo', de íntegra produción galega e con subtítulos en inglés, ten entre os seus méritos ser a primeira película europea realizada en animación stop-motion estereoscópica, ademais de ter comezado o seu percorrido internacional o pasado mes de xuño no Festival Internacional de Cine de Moscova, que por primeira vez presentou unha fita de animación para competir na Sección Oficial. Recibiu tamén o Primeiro Premio no Festival EXPOTOONs de Bos Aires, o galardón audiovisual máis recoñecido de América Latina, e o Gran Prix do Festival CINEHORIZONTES de Marsella. Estes galardóns avalan a calidade desta película que conta coa interpretación de actores como Geraldine Chaplin, Jorge Sanz, Paul Naschy, Carlos Blanco, Luís Tosar, Celso Bugallo, Isabel Blanco ou José Manuel Olveira, Pico. Todos eles defenden unha historia na que un convicto recentemente fuxido do cárcere tratará de recuperar un botín agochado, anos atrás, nunha solitaria e afastada aldea; pero o que alí encontrará supón unha condena aínda maior da que fuxiu. Sinistros anciáns, estrañas desaparicións, espíritos, un peculiar sacerdote e ata o mesmo arcipreste de Santiago cruzarán os seus camiños nun relato de terror, humor e fantasía. Nos catro anos que durou a produción do proxecto déronse cita profesionais da talla de Philip Glass, que participou na composición da banda sonora, ou os máis de cen técnicos internacionais que participaron en películas do nivel de A noiva cadáver, Coraline ou O señor dos aneis.

Máis información en www.obrasocialncg.com / www.oapostolo.es ou en Artefacto Producciones (695799798).

O Cineclube de Compostela abre o mes de decembro cunha selección de pezas dirixidas polo cineasta experimental e arquitecto sevillano Juan Sebastián Bollaín. En concreto, esta noite poderemos ver a súa mediametraxe A Alameda (La Alameda, 1978) e as curtametraxes Sevilla tivo que ser (Sevilla tuvo que ser, 1978), Sevilla en tres niveis (Sevilla en tres niveles, 1978) e A cidade é o recordo (La ciudad es el recuerdo, 1978). A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

Juan Sebastian Bollaín, nado en Madrid en 1945, combina desde os anos 70 a partes iguais a práctica de arquitecto e a de cineasta, dirixindo tres longametraxes (As dúas beiras, 1987, Dime unha mentira, 1992 e Belmonte,1995) e numerosas curtametraxes e programas de televisión. Nas pezas que se poderán ver no Cineclube, froito do gusto do cineasta polo surrealismo e por Buñuel, Bollaín experimenta coa capacidade do medio audiovisual para transmitir, cunha linguaxe experimental, conceptos arquitectónicos.

Bollaín pensa que outro mundo e outro cinema son posibles, e amósao a través dos seus títulos. É capaz de transformar un Plan Xeral urbanístico nunha aventura, nun parque temático, e implícase, comprometido, co cinema e coa vida, sen establecer divisións entre a arte pola arte e o cinema social. Nos seus filmes todo é cinema popular: son soños, mais reais, con raizame na terra. E tampouco é complacente, provoca ao espectador e obrígao a reaccionar.

En A Alameda, o título máis longo dos que compoñen esta sesión, Bollaín trata a vida cotiá no “barrio chinés” de Sevilla a finais do 78, un espazo resistente da cidade, naquel momento ameazado pola proposta de remodelación do bulevar. Pola fita, que mostra o final dun modo de vida e de organización social, desfilan rostros, espazos e voces da historia da cidade: prostitutas, chulos e merodeadores, prostíbulos luxosos e bares de artistas e flamencos, solares convertidos en patios de derribo e o casino, El Pali, Antonio Mairena e outros rostros populares do barrio... Bollaín volvería vinte anos despois ao mesmo barrio, para gravar A Alameda 98, fita coa que se pecha a crónica da transformación total deste espazo.

Ademais desta mediometraxe, proxectaremos tamén Sevilla tivo que ser, unha ensoñación que constrúe unha Sevilla con porno "normalizado”, edificios fálicos e monumentos ao café con leite; Sevilla en tres niveis, onde se nos presenta unha cidade dividida socialmente entre os marxinados, que viven nas azoteas, e a xente "normal" e traballadora a nivel do chan; e A cidade é o recordo, con imaxes de Sevilla transformadas por unha banda sonora que mestura música clásica, badaladas e son ambiental.

Os filmes van ser proxectados na súa versión orixinal. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

O director galego Darío Autrán presenta no Salón Teatro a súa película 'Tilda & Jean', a primeira entrega da 'Triloxía dos Fíos', un proxecto co que este guionista e actor irrompe con forza na cinematografía galega.

Darío Autrán dirixe, escribe, protagoniza e produce 'Tilda & Jean'. Completan a repartición Alba Messa ('A ópera dos tres reás', 'Summertime', ' Os Atlánticos'), Carlos Blanco ('O apóstolo', 'Volver', 'Mareas vivas') e Iria Pinheiro ('Freud e compañía', 'A vida por diante').

'Tilda & Jean' é a primeira película escrita, dirixida, protagonizada e producida por Darío Autrán, quen nos propón unha historia de amor inquietante, un discurso aberto a varias interpretacións e formas de entendela. Dende a xente que se sentirá próxima á personalidade de Tilda a outros que verán en Jean un exemplo a seguir. Sempre dende a óptica da creación, e as dificultades que isto entraña, a película somérxenos nun mundo novo e descoñecido. Completan a repartición desta fita destacados nomes da escena como Carlos Blanco, Iria Pinheiro, Mónica de Nut, Ariadna Santana, Uxía Morán e Alba Messa como coprotagonista xunto a Darío Autrán.

Este ciclo de cinema brasileiro propón traer ao público da Casa das Crechas filmes que mostren a riqueza temática e estética da produción cinematográfica do Brasil, fuxindo dos estereotipos identificados á tríade “favela, miseria e violencia” coa que os filmes que normalmente chegan a Europa mostran o país. No repertorio, filmes clásicos e recentes, comerciais ou pouco convencionais, de cineastas novos e consagrados.

Entre os directores incluídos no ciclo están Hector Babenco, Glauber Rocha, Walter Salles, Jorge Furtado ou Luiz Fernando Carvalho, entre outros.

'Terra Estrangeira' (1996), de Walter Salles

SINOPSE
Nos anos 90, o plan económico do goberno Collor afunde o país no caos. Sen perspectiva de vida nun Brasil tomado pola desesperanza, Paco decide viaxar a Portugal, tras a morte da súa nai, levando un misterioso paquete.

O Cineclube de Compostela acolle unha nova sesión coa proxección, esta noite, Doutro xeito, Molussia (Autrement, la Molussie, Francia, 2012), un documental abstracto de Nicolas Rey, en nove capítulos presentados de maneira aletoria, que ven de gañar o Gran Premio do prestixioso festival Cinema do Real este 2012. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

Doutro xeito, Molussia é un filme baseado na novela “sobre a mecánica do fascismo” A catacumba de Molussia, escrita por Günther Anders nos anos trinta e salvada na súa primeira versión polo editor de Bertolt Brecht, que o fai pasar por un caderno de viaxes por diante da Gestapo. Anders rematará o libro no exilio, en 1938, mais non atopa ningún editor que o queira publicar, e unha vez remata a guerra, considera que a novela xa non ten interés. Non será até 1992, daquela, tras a morte de Anders, cando o libro se publique.

Desta novela, que non lera e que nin sequera podía ler, por non estar traducida e non coñecer o alemán, Nicolas Rey decidiu facer un filme, por unha “cuestión de confianza”. Coa selección e tradución de capítulos do libro feita por un seu amigo, Rey comeza a gravar imaxes do país imaxinado por Anders, asociando as imaxes e os rexistros sonoros ás pasaxes do libro.

Como mapa para percorrer esta xeografía de Molussia, o azar. Algúns planos do filme están rodados cun mecanismo activado polo vento, sen ningunha intervención humana. Os propios capítulos nos que se divide a fita preséntanse de maneira aleatoria, de xeito que cada proxección é completamente distinta. E as topografías marcadas por este azar trázanse sobre unha película de 16 milímetros caducada, da que Rey se serve para conseguir unha imaxe granulada, atemporal, “fascinante como un cadro de Caspar David Friedrich”.

Nicolas Rey, nacido en 1968, non ten a ver co seu parónimo americano, para alén da profesión de cineasta. Dirixe filmes desde 1993, e en 1995 cofunda o laboratorio colectivo de cinema L’Abobinable, en París. En 2001, remata a súa primeira longametraxe, Os soviets máis a electricidade, que conta a súa viaxe a través da antiga Unión Soviética tras as pegadas do seu pai comunista. A este filme seguiránlle Schuss! (2005), sobre o declive económico da industria nos vales alpinos e Doutro xeito, Molussia, o seu último título até a data.

Os seus filmes combinan a miúdo elementos da fotografía, o cinema documentario e o cinema experimental, usando en moitas ocasións película caducada de Super 8 ou 16 milímetros. Segundo Christa Blümlinger, Rey “renova as tradicións artísticas e artesanais do cinema, atopando nas técnicas e os mateirais vellos un lugar para a renovación plástica”.

O vindeiro mércores 19 de decembro, o Cineclube vai fechar a programación do ano coa proxección do filme de J. P. Sniadecki Demolición (拆迁 [Chaiqian] / Demolition, China / EUA, 2008), un retrato dos espazos urbanos, o traballo emigrante e as efémeras relacións sociais no centro de Chengdu, a capital da provincia de Sichuan na China occidental. Tras esta proxección, o Cineclube realizará o habitual descanso das festas de inverno para regresar o 9 de xaneiro do ano vindeiro con renovadas forzas.

O filme vai ser proxectado na súa versión orixinal con subtítulos en galego. A entrada é de balde, puidendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadoras e de 3 para estudantes e paradas. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

Este ciclo de cinema brasileiro propón traer ao público da Casa das Crechas filmes que mostren a riqueza temática e estética da produción cinematográfica do Brasil, fuxindo dos estereotipos identificados á tríade “favela, miseria e violencia” coa que os filmes que normalmente chegan a Europa mostran o país. No repertorio, filmes clásicos e recentes, comerciais ou pouco convencionais, de cineastas novos e consagrados.

Entre os directores incluídos no ciclo están Hector Babenco, Glauber Rocha, Walter Salles, Jorge Furtado ou Luiz Fernando Carvalho, entre outros.

'Lavoura Arcaica' (2001), de Luiz Fernando Carvalho

SINOPSE
Nunha atmosfera brasileira, pero dominada por un sopro da tradición clásica mediterránea, é a versión ao revés do fillo pródigo. Drama tráxico da eterna loita entre a tradición e a liberdade, baixo o escudo do tempo.

O Cineclube de Compostela pecha o ano 2012 coa proxección, esta noite, do filme de J. P. Sniadecki 'Demolición' (Chaiqian / Demolition, China / EUA, 2008), un retrato dos espazos urbanos, o traballo emigrante e as efémeras relacións sociais no centro de Chengdu. Tras esta proxección, o Cineclube realizará o habitual descanso das festas de inverno para regresar o 9 de xaneiro do ano vindeiro con renovadas forzas. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

Demolición céntrase sobre unha zona de derrubo no centro de Chengdu, a capital da provincia de Sichuan na China occidental, unha axitada cidade representativa da transformación rápida e radical de moitos centros urbanos chineses. Cunha combinación dunha estética rigorosa (nomeadamente no uso dos planos longos) e unha mirada humana ao traballo emigrante e os fluxos de dinámicas sociais, o filme segue a vida dos traballadores no choio e no lecer, incluíndo os comentarios dos operarios sobre o que é ser filmados e as brincadeiras sobre o “tipo de Harvard” que está por trás da cámara.

O resultado é unha etnografía detallada e sensual. A través da observación e as cualidades da fotografía dixital, Demolición introdúcenos no mundo dos traballadores migrantes chineses e da paisaxe en rápida mudanza urbana de Chengdu. Sniadecki explora as interaccións entre os membros da ‘poboación flotante’, os residentes da cidade e el propio para profundizar nas desigualdades da natureza transitoria da experiencia urbana.

Este filme, e o resto de traballos de Sniadecki, sitúanse no marco, do Sensory Ethnography Lab (SEL), unha iniciativa da Universidade de Harvard que apoia combinacións innovadoras de estética e etnografía, implantar práticas orixinais de explorar a existencia humana e animal e a estética e ontoloxía do mundo natural. Os traballos dos cineastas do SEL poden pórse en relación co de documentalistas como Peter Hutton, James Benning ou Sharon Lockhart, especialmente polo uso habitual dos planos longos, se ben non de maneira tan extrema como aqueles. Con todo, existe unha diferencia fundamental: nos filmes do SEL, as persoas adquiren importancia, converténdose en personaxes tan relevantes como o propio escenario. Os directores do SEL, como Sniadecki, Stephanie Spray, Véréna Paravel ou Arno Danusiri non asumen un distanciamento con respecto á xente que aparece no encadre, senón que se posicionan dentro dunha comunidade específica que os recoñece e entende o que están a facer coa filmación.

Demolición acadou o premio Joris Ivens no Festival de Cinema do Real de 2009, e ten participado en prestixiosos certames como a Viennale e o Shadow Festival en 2008, o Festival de Documental de Bos Aires Documentary de 2009, o Punto de Vista de 2010 e o 3º Festival de Cinema Independente de Beijing.

J.P. Sniadecki, director de cine e doutorando en Antropoloxía pola Universidade de Harvard, está especializado na sociedade china e na etnografía sensorial. O seu primeiro filme, Songhua (2007), reflicte a íntima e complexa relación entre os habitantes de Harbin e o río Songhua, a medio camiño entre a tradición e un presente que muda rapidamente. Despois de Demolición (2008), o seu segundo filme, realiza, xunto coa tamén antropóloga e cineasta Véréna Paravel, Foreign Parts, sobre unha zona industrial a piques de ser demolida situada por trás do estadio dos Mets en Nova York, ademais dos filmes en solitario The Yellow Bank (2010) e Sichuan Triptych (2010). Este mesmo ano estreou People’s Park, un documentario sobre un coñecido parque urbano en Chengdu, rodado nunha soa toma de 75 minutos, e asinado xunto a Libbie Dina Cohn. Sniadecki vive actualmente en Pequíng, onde é organizador e comisario de Emergent Visions, unha serie de filmes sobre o novo cinema independente chinés, e participa en varios proxectos de investigación e ensaios fílmicos relacionados con China.

Con esta proxección, o Cineclube vai pechar a programación do ano e realizará o habitual descanso das festas de inverno. O vindeiro 9 de xaneiro do 2013, volverá a programación cun ciclo sobre Palestina e máis novidades das que se vai informar o ano que entra.

O filme será proxectado na súa versión orixinal con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

O CSC O Ensanche acolle esta tarde a proxección do filme para todos os públicos 'La historia interminable', dirixido por Wolfgang Petersen en 1984.

Duración 94'.

Entrada de balde ata completar aforamento.

O Cineclube de Compostela inaugura o ano 2013 cun ciclo dedicado a Palestina, que comeza esta noite, coa proxección dos filmes Non existen (Laysa lahum wujud, Palestina, 1974), de Mustafa Abu Ali e Os palestinos (De Palestijnen, Países Baixos, 1975), de Johan van der Keuken. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

Non existen toma o título da infame declaración de Golda Meir de que "Os palestinos non existen". Rodada en condicións extraordinarias, nesta fita Abu Ali documenta as condicións dos campamentos de refuxiados no Líbano, os efectos dos bombardos israelís e a vida das guerrillas nos campos de entrenamento, a través do destino dos distintos membros dunha mesma familia. Non existen mestura o político e o estético, a través da consigna da "arte para a loita".

Rodado no Líbano e salvado da destrución dos arquivos de cinema palestino en Beirut, o filme non puido ser estreado en Palestina até 2003, cando un grupo de artistas conseguiu introducir a Abu Ali en Xerusalém, a súa cidade natal, onde tivo até a súa morte prohibida a entrada polas autoridades israelís.

Mustafa Abu Ali (1940-2009) é un dos fundadores da cinematografía palestina, a través da Unidade de Cinema Palestino, que baixo o manto da OLP se constitúe en Xordania en 1968, con nomes como Sulafa Jadallah ou Hani Jawhariya, ademais do propio Abu Ali. Estudou cinema en Londres, onde se gradúa en 1967, e traballou con Godard en Aquí e alí. Centra o seu traballo na produción dun cinema de resistencia, realizando máis de trinta filmes, entre os que destacan algúns como O dereito palestino (1967), Non a unha solución pacífica (1968) ou O camiño da victoria (1975), ademáis de Non existen.

Xunto a este filme, poderemos ver tamén Os palestinos, de Johan Van der Keuken. Rodado, de igual xeito, nos campamentos de refuxiados do sur do Líbano, este documentario parte da dor e as duras condicións de vida nese espazo para lembrarnos a cronoloxía desta situación, remontándose até Theodor Herzl e os inicios do movemento sionista.

Realizado para o Comité Holandés de Apoio a Palestina, en Os palestinos o xogo entre a representación e o que é mostrado, entre a mirada do cineastas e a reprodución, desprázase cara ao nivel da utilidade política: Cal é a utilidade destas imaxes en relación coa situación colectiva do pobo palestino? A través dun feixe de imaxes máis ou menos desconectadas e dunha voz en off que deixa espazo para a reflexión estética, van der Keuken deixa que sexa o espectador quen lles dea sentido e sexa quen de extraer un certo ton do conxunto.

Johan van der Keuken (1938-2001) comezou a súa carreira como fotógrafo, pero a inexistencia de cursos de fotografía, levouno aos estudos de cinematografía no IDHEC de París, e a comezar unha longa carreira con 55 filmes en 42 anos. Na súa produción de filmes documentarios, busca a experimentación e impón en todo momento a súa subxectividade, filmando el propio as súas imaxes e privilexiando os planos longos e os detalles.

Con esta proxección, o Cineclube inicia un ciclo sobre Palestina que se desenvolverá ao longo de todo o mes de xaneiro. As seguintes semanas contaremos coa proxección dos filmes Z32, de Avi Mograbi), o 16 de xaneiro; A cor das oliveiras (El color de los olivos), de Carolina Rivas, o mércores 23; e finalmente Videocartografías: Aída, Palestina (Vidéocartographies: Aïda, Palestine), de Till Roeskens, e Película urgente por Palestina, de Alberte Pagán, o 30 de xaneiro. Esta última proxección vai contar ademais cunha mesa redonda coa presenza de Alberte Pagán, Fayez Badawi e Mohamed Safa.

Os filmes van ser proxectados na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

A sala Mozart do Auditorio de Galicia acolle esta noite a presentación da curtametraxe 'Mr. Smith & Mrs. Wesson', un traballo dirixido por Jorge Saavedra e protagonizado por Octavi Pujades, Camila Bossa, Xabier Deive, Luis Iglesia B., Daniel Currás, María Mera e Iván Marcos.

Producido por Aira Studio e Producciones Fin de Semana.

Máis info aquí.

O Observatorio Europeo do Coaching organiza un obradoiro práctico gratuíto para presentar o novo Espazo de Desenvolvemento de Pais e Nais do Instituto Ben Pensante. O tema do encontro será 'Como mellorar a nosa comunicación familiar?'.

Un seminario práctico para que pais e nais nos sintamos protagonistas no proceso de educación dos nosos fillos. Non existen receitas máxicas para educar, só persoas responsables que teñen que decidir como educar. Un seminario que forma parte do programa Espazo de Desenvolvemento de Pais e Nais para adestrarnos nas habilidades necesarias que nos permitan conseguir unha nosa mellor relación cos nosos fillos.

Programa de presentación
Data: Martes, 4 de decembro de 2012
Lugar: Instituto Benpensante
Praza Pascual Veiga, 7. Entlo B – 15706 Santiago
Hora: 18:30 a 20:30
Prezo: Asistencia gratuíta

Colaboran:
Instituto Benpensante
Observatorio Europeo de Coaching

Equipo:
Mario López Guerrero
Lucía Rilo González-Vallés
Daniel Álvarez Lamas

Inscricións e información:
info@benpensante.com
981 531 570 | Móvil 659 948 429

Obradoiro de iniciación á decoración de cupcakes impartido por Fogar 12 Fogar. Traballarase sobre cupcakes de canela. Prepararase unha receita básica de buttercream.

Durante o obradoiro ensinarase como encher os cupcakes con boquilla e cubrilos con buttercream e fondant. Ensinarase como preparar a manga pasteleira. Proporcionaranse pautas de traballo para o fondant: amasado e laminado da masa.

Decoraranse os cupcakes utilizando técnicas diferentes: realizaranse algúns detalles e modelados sinxelos en pasta de azucre; tamén coa manga pasteleira e diferentes boquillas. En total serán decorados catro cupcakes con fondant e buttercream por cada participante do obradoiro.

A temática será do Nadal, realizaranse decoracións similares ás dos deseños de mostra no cartel, pero haberá plena liberdade para adaptalos ao que cada participante queira facer, tendo en conta os materiais existentes. Trátase dun obradoiro práctico onde os asistentes poderán elaborar as súas propias creacións e as poderán levar ás súas casas. Prestaremos todo o material necesario para a decoración de cupcakes durante o obradoiro e entregaremos ao finalizar unha carpeta coas receitas utilizadas que cada participante poderá levar á casa xunto coas súas creacións.

Dentro do programa Santiago Investors Support para fomentar o tecido empresarial e a cultura emprendedora da cidade, a Concellería de Economía organiza o curso “A Comunicación Emocional: falar, contar e conquistar ás masas no século XXI”, dirixido a persoas emprendedoras, traballadores en activo do tecido empresarial de Santiago, persoas desempregadas e estudantes.

O obxectivo do curso, que se desenvolverá no Cersia, é amosar a importancia que ten para os profesionais a capacidade de comunicar dun modo eficiente. Estrutúrase en doce apartados: Falar para convencer; O medo a falar en público; Obxectivo e roteiro; A linguaxe non verbal; Análise de casos específicos; A comunicación executiva; Comunicar na distancia curta; Comunicar a media distancia; Análise de comunicación escrita; Análise de comunicación audiovisual.

O curso, gratuíto, conta con 45 prazas que se distribúen en tres grupos. O primeiro grupo terá as sesións os días 10, 11 e 12 de decembro, o segundo os días 13 e 14, e o terceiro os días 17, 18 e 19. A inscripción pode facerse a través da web www.cersiaempresa.org. Para máis información pode chamarse ao 981 54 24 93.

A Fundación Eugenio Granell presenta o primeiro obradoiro de poesía asociado aos Picaversos: 'Últimas tendencias da poesía española actual', coordinado pola poeta Ana Gorría. Nel analizaremos a poética dos autores máis recentes e diversos do panorama estatal. Revisaremos a tradición que desenvolven e as súas diferenzas. Atenderemos á pluralidade de voces poéticas, incluídas as vascas, galegas e catalás.

O obradoiro está dirixido para todo aquel que teña como interese o mundo da poesía e todo o que a rodea.

Gorría é mestra en Estudos Literarios pola Universidade Complutense de Madrid e licenciada en Filoloxía Hispánica pola UCM: Durante catro anos formouse como investigadora en artes escénicas no CSIC cunha bolsa do programa de formación de Profesorado Universitario. Como poeta, publicou os libros Clepsidra, Araña y los cuadernillos De lo real y su contrario y El presente desnudo, proxectos nos que a súa poesía dialoga con compositores como Juan Gómez Espinosa ou artistas plásticas como Pepa Cobo, Cristina Martos Vela ou Sonia Pulido. Realizou versións de poetas ingleses, como John Ash, e de poetas galegos como Chus Pato. Exerceu a crítica literaria no diario Público e publicou artigos en monográficos e revistas de especialidade como Cuadernos Hispanoamericanos, Ínsula, Nuevos Hispanismos, Afinidades o Sesión no numerada, da que forma parte do consello editorial.

Datas: 11, 12 e 13 de decembro de 18:00 a 20:00 h.
Lugar: Lucernario da Fundación Eugenio Granell
Inscricións: 30 € / Prazas limitadas
Máis información: 981557242 / 659 888 709
http://picaversos.wordpress.com/

Obradoiro de iniciación á decoración de tortas impartido por Fogar 12 Fogar. Traballarase sobre biscoitos de canela preparados por Fogar 12 fogar. Prepararase unha receita básica de buttercream.

Ensinarase como preparar o layer cake, bañalo en xarope e cubrilo con buttercream e fondant. Ensinarase como preparar a manga pasteleira. Proporcionaranse pautas de traballo para o fondant: amasado e laminado da masa. Decorarase a torta utilizando técnicas diferentes: realizaranse algúns detalles e modelados sinxelos en pasta de azucre; tamén coa manga pasteleira e diferentes boquillas. Será decorada unha torta de seis porcións por cada participante do obradoiro.

A temática será do Nadal, realizarase unha decoración similar á mostra no cartel, pero haberá plena liberdade para adaptalos ao que cada participante queira facer, tendo en conta os materiais existentes. Trátase dun obradoiro práctico onde os asistentes poderán elaborar as súas propias creacións e as poderán levar ás súas casas. Prestaremos todo o material necesario para a decoración da torta durante o obradoiro e entregaremos ao finalizar unha carpeta coas receitas utilizadas que cada participante poderá levar á casa xunto coas súas creacións.

A Concellería de Xuventude organiza un obradoiro de cociña que leva por título 'Nadal entre amigos'. Nesta actividade, os participantes atoparán un lugar onde aprender e experimentar na cociña, divertíndose e compartindo momentos e experiencias. Terán a súa disposición os ingredientes e utensilios necesarios para confeccionar as receitas propostas. Trátase de aprender a realizar un menú creativo moi acorde con estas datas festivas co que sorprender aos amigos.

Esta actividade realizarase o mércores 12 de decembro, de 19:00 a 21:30 horas, en Hello Cooking (rúa de Sar, 96 - baixo). Dirixido a mozos e mozas a partir de 12 anos, o obradoiro ten un custo de 20 euros.

A Bedeteca da Biblioteca pública Ánxel Casal acolle durante dúas xornadas consecutivas un obradoiro de iniciación á banda deseñada.

A actividade está organizada pola Escola de arte ECO, e será impartida polo profesor da Escola JOSÉ MANUEL FERNÁNDEZ DE LA REGUERA.

Para persoas de 14 anos en diante.

Precísase inscrición previa, máximo 12 persoas, prégase presentarse 10 minutos antes do inicio da actividade.

Obradoiro a cargo dos alumnos do Ciclo de Animación Sociocultural do I.E.S. Pontepedriña, dirixido a nenos e nenas de 3 a 12 anos.

Duración aproximada de 45 minutos.

Utilizaremos para facer os xoguetes materiais de refugallo.

Precísase inscrición previa, máximo 30 persoas. Prégase presentarse 10 minutos antes do inicio da actividade.

A nova sede do Museo das Peregrinacións e de Santiago acolle esta fin de semana unha serie de obradoiros infantís dirixidos a nenos de 6 a 12 anos.

Trátase dunha actividade que fará que os máis pequenos se convirtan por unhas horas en detectives á procura do segredo que esconde a Compostela medieval. Os nenos irán percorrendo as salas do Museo recollendo diferentes pistas e superando varias probas, ata chegar a descubrir o segredo final. Ademais, descubrirán quenes habitaban a Compostela medieval, como vivían e en que traballaban, e mesmo poderán percorrer a muralla da cidade.

Os obradoiros teñen unha duración aproximada de 2 horas e custan 3 € por persoa.

Grupos mínimos: 6 persoas

Máis información no teléfono 981 576 661 ou na propia taquilla do Museo.

Con motivo das festas do Nadal, a Concellería de Xuventude organiza un Obradoiro de Artesanía de Xoias e Complementos, impartido polo artesán Alberto Vila. A actividade consistirá na elaboración dunha serie de creacións de deseño moderno e actual. Empregando materiais asequibles como arame, teas ou feltro faranse xoias e complementos.

O obradoiro, gratuíto, terá lugar o xoves 20 e o venres 21 de decembro, de 18:00 a 21:00 horas, no Centro Sociocultural do Ensanche. Está destinado a mozos e mozas a partir de 12 anos.

O Museo do Pobo Galego acolle esta tarde 'Contos comprendidos', un obradoiro de narración oral para familias impartido por Celso Fernández Sanmartin. Para familias e nenos a partir dos 6 anos.

'Contos Comprendidos' é a actividade deseñada polo Dto de Educación e Acción Cultural onde, da man do gran narrador Celso Fernandez Sanmartín, familias con nenos e nenas maiores de 6 anos contactarán coa narración oral. Tomando como escusa as súas vivencias persoais, traballarán desde a articulación do discurso até a súa plena compresión, tanto desde o punto de vista de quen elabora o discurso como de quen o emite e de quen o recibe. O fin é o de sermos capaces de comprender os contos, non só memorizalos, para así poder transmitilos de forma máis sentida ao noso público.

Celso Fernández Sanmartín é, ademais de poeta, un dos mellores narradores galegos do momento, con ampla experiencia no campo da didáctica do patrimonio a partir da oralidade.

O obradoiro, que conta coa colaboración da Concellaría de Cultura do Concello de Santiago de Compostela, ten prazas limitadas. É gratuíto para persoas socias e ten un custe de 2 € para o resto dos e das interesadas. É necesario realizar a reserva con antelación no propio Museo, no teléfono 981583620 ou a través do correo electrónico do departamento (deac@museodopobo.com). As solicitudes realizadas por correo electrónico non se considerarán reservas até que sexan confirmadas desde o DEAC.

A galería de arte Bus Station Space acolle esta tarde un obradoiro intensivo de decoración do Nadal impartido por Onyvàgastronomic.

Queres deixar coa boca aberta os teus invitad@s este Nadal sen arruinarte no intento? Aprenderás diferentes maneiras de poñer a mesa, ideas para decorar e o mellor, desenvolverás a túa creatividade tanto para adornar como para facer un menú e aperitivos para chupar os dedos.

Prazas limitadas.

Tras a visita de Papá Noel, o Concello de Santiago organiza un completo programa de actividades creativas para os máis pequenos: obradoiros de chapas, de pintura facial, de decoración de galletas, de globoflexia, que se repartirán por diferentes puntos da cidade: praza Roxa, praza do Toural, rúa do Vilar e Área Central.

PROGRAMA DE OBRADOIROS

** 26 de decembro
- 17:00-21:00 h. Praza do Toural
Obradoiro de chapas
- 17:00-21:00 h. Praza Roxa
Obradoiro de pintura facial

** 27 de decembro
- 17:00-21:00 h. Confederación de empresarios de Galicia
Obradoiro de decoración de galletas


** 31 de decembro
- 17:00-21:00 h. Área Central
Obradoiro de decoración de galletas

** 02 de xaneiro
- 17:00-21:00 h. Praza do Toural
Obradoiro de pintura facial
- 17:00-21:00 h. Praza Roxa
Obradoiro de globoflexia

** 03 de xaneiro
- 17:00-21:00 h. Praza do Toural
Obradoiro de globoflexia
- 17:00-21:00 h. Praza do Toural
Obradoiro de chapas

** 04 de xaneiro
- 17:00-21:00 h. Hotel Araguaney
Obradoiro de xardinería

Consulta o programa completo de actividades 'Nadalamos?' aquí

A Concellería de Xuventude organiza un obradoiro dedicado á animación con plastilina. A actividade, impartida por Mr Misto Films, será unha iniciación a este mundo da stop motion. Os participantes desenvolverán as diferentes fases das que consta a preparación e dirección dunha curta de animación, ata crear finalmente un filme animado.

Este obradoiro, de 15 horas, impartirase os días 26, 27 e 28 de decembro e 2, 3 e 4 de xaneiro, de 18:00 a 20:30 horas, no Centro Sociocultural e Xuvenil do Ensanche. Os participantes deben ter máis de 12 anos e a inscrición é de balde.

María Vilar, premio á mellor debuxante en Málaga 2011, imparte esta mañá unha masterclass intensiva de cómic no espazo multidisciplinar Bus Station Space.

Prazas e idades limitadas.
Inscrición ata o día 31 de decembro.

Horario mañá: 25 €
Horario tarde: 25 €
Mañá e tarde: 35 €

Máis info en arte@busstationspace.es ou chamando ao 625342065

Todos os xoves do mes de xaneiro, Isidro Cea impartirá na galería de arte Bus Station Space un obradoiro de iniciación á edición fotográfica.

Curso de edición dixital con programas como Photoshop ou lightroom. Traballarase a iluminación das fotos con niveis e curvas, a cor e a saturación; branco e negro e como modificar as fotos con capas e máscaras.

Horario: Todos os xoves de 18:00 a 20:00 horas.

Prazas limitadas

Máis información: arte@busstationspace.es, 625342065

Ata comezos do mes de febreiro, o paseo central da Alameda acollerá a pista de xeo. Neste Nadal, a pista duplica o seu tamaño respecto da campaña pasada para facer aínda máis cómoda a patinaxe no recinto, que estará novamente cuberto por unha carpa transparente.

A pista terá este ano unhas dimensións de 60 x 12,5 metros, proporcionando aos patinadores unha superficie de xeo de 500 metros cadrados. Esta pista será a segunda en tamaño que se instale en Galicia neste Nadal. Non só se duplica o tamaño da pista, senón tamén o número de andadores, para facilitar a patinaxe aos que se inician nesta práctica. Tamén serán novidade os patíns, moito máis cómodos e adaptables.

Outro servizo engadido será a cafetería, que este ano estará instalada a carón da pista para facer máis cómoda a espera aos pais mentres patinan os máis pequenos.

A primeira xornada, o mércores 5 de decembro, será de portas abertas a partir das 17:00 horas. Calquera cidadán poderá achegarse nesa xornada a patinar e coñecer a pista.

A Liga ACB Endesa de Baloncesto 2012-2013 celebra esta mañá a súa decimoquinta xornada cun partido que enfrontará ao Blu:Sens Monbus e ao Lagun Aro GBC de San Sebastián.

A Liga ACB Endesa de Baloncesto 2012-2013 celebra hoxe a súa decimosexta xornada cun partido que enfrontará ao Blu:Sens Monbus e ao Blancos de Rueda Valladolid.

O Concello invita os composteláns a apoiar
 ao Obradoiro este domingo desde a Sala Capitol. As invitacións para a retransmisión deberán recollerse a partir das 12.30 h de hoxe na sede da Cadena SER, entidade organizadora.

O Concello de Santiago, a través do seu Departamento Municipal de Deportes de Santiago, e Radio Galicia Cadena Ser, convida a todos os composteláns e compostelás á Sala Capitol para asistir á retransmisión do partido que disputará o OBRADOIRO CAB fronte ao FIATC JOVENTUT en Badalona o próximo domingo 13 de xaneiro de 2013 ás 12:40 h, correspondente á 17ª xornada da LIGA ENDESA. Trátase dun partido decisivo, que pode levar ao Obradoiro á fase final da Copa de S. M. o Rei.

As entradas, de balde, poderán retirarse nas oficinas de Radio Ser Galicia, Rúa San Pedro de Mezonzo, 3,- 1º A, dende as 12:30h do xoves 10.

Interpretación da Sinfonía 3 de Beethoven, coñecida como a Heroica, nace co obxectivo de investigar e interpretar pezas chave da historia da música de orquestra e relacionalas coa danza contemporánea.

Dirección: Rafael Soriano
Escenografía: Icara Maiterena Vallejo
Reparto: Marcos Lázaro, Anuska Alonso, Javier Alameda, Marta Navarrete, Guiomar Campos, Alberto Almazán, Alaia Urcelay

Nesta proposta de creación colectiva, a nosa linguaxe se define grazas ao libre uso de diversas técnicas de danza contemporánea supeditadas ao obxectivo comunicativo da peza e á creación de estilo. Sobre o escenario, é significativa a relación coa peza musical e as diferentes individualidades que, unidas, crean unha linguaxe propia.

+info aquí

A Consellería de Cultura, Educación e Ordenación Universitaria presenta no Salón Teatro a última produción do Centro Coreográfico Galego que, baixo o título conxunto de 'Aínda', reúne no programa as pezas Jardí Tancat, de Nacho Duato, e Aínda, creada por Mercedes Suárez e Amaury Lebrun.

En AÍNDA a creación propia dialoga cun emblemático título no ámbito da danza contemporánea, como é a obra que abre o programa e coa que Nacho Duato iniciou en 1983 a súa traxectoria como coreógrafo de referencia internacional. O creador valenciano, quen estivo 20 anos á fronte da Compañía Nacional de Danza (CDN) e na actualidade dirixe o ballet do Teatro Mijáilovski de San Petersburgo, cedeu os dereitos de Jardí Tancat (Xardín pechado) para a súa representación por parte da compañía pública galega, así como para a utilización dos deseños de escenografía e vestiario, orixinais do propio Nacho Duato. Jardí Tancat baséase en textos e cantos populares mallorquinos aos que a cantautora María del Mar Bonet puxo música e voz para recrear a tradición mediterránea máis antiga, relativa aos traballos realizados no campo polos payeses e no mar polos pescadores baleares.

Trátase da primeira coreografía que deseñou Duato (Medalla de Ouro ao Mérito das Belas Artes en 1999 e Premio Nacional de Danza en 2003) e coa que iniciou a súa longa traxectoria profesional cando bailaba no Nederlands Dans Theater da Haia, onde foi estreada e pola que obtivo o I Premio do Concurso Internacional de Colonia (Alemaña). Xa como director da Compañía Nacional de Danza, Duato recuperou esta peza para reestreala en 1992 no Teatro Albéniz de Madrid.

A creación componse tecnicamente de solos, dúos e momentos corais, que transmiten durante 20 minutos unha profunda impresión de ligazón á terra. Con iluminación de Nicolás Fischtel e produción de Carlos Iturrioz e Mediart Producciones, para a posta en escena de Jardí Tancat o Centro Coreográfico Galego contou tamén coa achega como repetidores de Hilde Koch e do coreógrafo francés Amaury Lebrun, colaborador habitual de Duato na CDN e, na actualidade, do Centro Coreográfico Galego.

Ademais, Lebrun asina xunto con Mercedes Suárez a segunda das pezas do programa, Aínda, creada expresamente para a unidade de danza da Xunta de Galicia. Con música de ISGA Collective inspirada en melodías tradicionais galegas e vestiario de María Villas, consta de dúas partes que se desenvolven no marco dunha mesma estrutura temática a través da que se busca reflectir sobre o escenario a riqueza cultural de Galicia.

Na súa primeira parte, ideada por Mercedes Suárez, o espírito mediterráneo do Jardí Tancat de Duato serve de referencia á hora de ofrecer un contrapunto atlántico que, sen abandonar o estilo contemporáneo, incorpora xestos e movementos da danza tradicional galega. Pola súa banda, Amaury Lebrun introduciu a chuvia como elemento de inspiración á hora de crear a segunda parte de Aínda. Así, mentres que a primeira parte transmite un forte espírito lúdico na súa ollada cara á tradición, o coreógrafo francés propón unha mirada ao noso interior para obter unha perspectiva máis profunda e conceptual.

O Centro Coreográfico Galego (CCG) coproduce xunto á compañía de danza CONTRA2 'Gharbo!', unha fusión entre a música e a danza tradicional e novas formas musicais e de movemento máis experimentais.

Contra2 / Centro Coreográfico Galego: 'Gharbo!'

Nelson Quinteiro: Compositor
Iván Villar: Coreografía
Iván Villar, Pastor Rodríguez Feal: Bailaríns
Nelson Quinteiro, Ricardo Rozas, Suso Vaamonde, Xosé Lois Romero: Músicos

 «Gharbo!» propón fundamentalmente unha fusión entre a música e a danza tradicional e novas formas musicais e de movemento máis experimentais, con un elenco no que destacan profesionais da música tradicional da altura de Suso Vaamonde, Xosé Lois Romero, Ricardo Rozas e Nelson Quinteiro, así coma bailaríns da traxectoria de Pastor Rodríguez.

Un dos ballets máis fermosos e célebres de Tchaikovsky e de toda a Historia chega esta noite ao Auditorio de Galicia. The Crown of Russian Ballet of Moscow presenta este espectáculo cargado de romanticismo e lirismo. A obra, baixo a forma de conto de fadas, narra a historia de amor imposible entre o príncipe Sigfrido e Odette, unha bela raíña convertida en cisne xunto a toda a súa corte polo feitizo do malvado Von Rothbart.

O restaurante Caney, do Hotel Eurostars Araguaney, acolle este luns o seguinte dos seus faladoiros, integrado polos habituais Alfredo Conde, escritor; Miguel Anxo Fernán Vello, escritor e editor; Chema Paz Gago, escritor e catedrático da universidade; Darío Villanueva, catedrático e membro da Real Academia Española e Luís González Tosar, profesor e escritor galego.

Compartirá mesa con eles Camilo Franco, escritor e xornalista, invitado nesta ocasión. A iso das 14,30 h iniciarán o faladoiro degustando durante o mesma as ledicias servidas polo equipo do Restaurante Caney. Quen desexe sumarse a esta comida, poderá facelo comunicándoo previamente por correo electrónico (deberá enviar un email a prensa2@araguaney.com), asumindo o seu propio menú. O que prefira poderá unirse abertamente á hora do café, sobre as 15,30 h, para manter unha charla cos tertulianos.

A galería de arte contemporánea A.dfuga organiza unhas xornadas tituladas 'A necesidade da educación artística'.

Na segunda sesión, que xira en torno á 'Educación artística', tomarán parte Miguel Anxo Rodríguez (profesor de Historia da Arte da USC), Vicente Blanco (profesor de Ciencias da Educación da USC), Renata Otero (artista e docente do Ensino Secundario) e Ramón Conde (artista).

Entrada libre ata completar aforamento.

Na sede da Fundación Granell, o alcalde e presidente do Consorcio de Santiago, Ángel Currás, presenta esta tarde o libro 'Os tesouros da illa de Granellandia', editado polo Consorcio de Santiago en colaboración con El Patito Editorial. Con esta nova publicación, o Consorcio quere sumarse aos actos conmemorativos do Centenario de Eugenio Granell.

A sede da Fundación Granell acolle esta tarde a presentación oficial do 'Domhan Óptica', nova denominación do Óptica, festival internacional de video-arte.

Durante a presentación que durará, aproximadamente uns 40 minutos,  proxectaranse, entre outros, a sección oficial “Beldades”, que forma parte do 'DOMHAN ÓPTICA 2012'.

Nos últimos oito anos o Colectivo Interferencias ten levado este festival por diferentes países do mundo tales como Francia, Italia, Alemania, Argentina, Bolivia, Perú, etc.  Converténdose nunha cita imprescindible dos amantes de esta disciplina.

Experimentación audiovisual, performances ou instalacións son a base das diferentes proxeccións, tamén a música dun tempo vindeiro levado a cabo por Tatyana Zvanskaya "Dreams of Nature" (Rusia), Oggy Yordanov "Pearl and the Forest" (UK), Aaron Alexis "Kitsuné" (EE.UU.), Thanasis Tsimpinis "M I N E" (Grecia), Chris Lavelle "The Turn of the Screw" (UK), Marco Puccini "Koralline" (Italia), Vitaly Gariev "Forest Awake" (Rusia), Shiroppo Studio "Tale of a child in the forest" (Italia), Julieta Triangular "Barriers" (Colombia), Shawn Bu, Christian Warstat & Inga sieberichs "Monsters" (Alemania), que compoñen o grupo “Beldades”.

A Fundación Eugenio Granell acolle esta mañá o acto de presentación do Proxecto Ástura, unha proposta que nace coa intención de poñer en valor a identidade como concepto que persiste, en ocasións, casi enterrada no tempo e, deste xeito, establecer relacións no plano cultural, social e económico dentro e fóra das nosas fronteiras.

O Patrimonio de Ástura está formado por un rico mosaico de valores identitarios, tan amplo como os pobos que compoñen a área de actuación do proxecto, pero co denominador común dun acervo cultural compartido  e o orgullo de ter nacido nun territorio característico, moldeado por un mar e un clima atlánticos, que ofrece fogar, alimento e materias primas.

Trátase dunha iniciativa do Colectivo Interferencias que de forma progresiva irá incorporando ao seu programa actividades e proxectos, tales como La Mesa Ástura, El Observatorio de Desarrollo Cultural, Social y Económico o Xixón Ciudad de la Cultura, entre outros moitos.
Durante a presentación tamén se proxectará o documental do realizador asturiano Jaime Santos titulado "Guardianes de la cultura rural", que terá unha duración de 42 minutos.

Máis información: www.proyectoastura.com

O Salón de actos da Biblioteca pública Ánxel Casal acolle esta tarde o acto de presentación do libro de poesía infantil 'Verdedades', escrito por Yolanda Castaño.

A Asociación cultural O Galo organiza esta tarde o acto de presentación do libro 'Como falar e escribir en galego con corrección e fluidez', de Carlos Callón. O acto, que terá lugar no no Centro Sociocultural do Ensanche, contará coa presenza do autor, que estará acompañado por Manuel Bragado, director da editorial Xerais, e da experta lingüista Luz Cures.

De xeito desenfadado e mediante anécdotas, neste libro práctico ofrécense consellos para darmos o paso de usar o galego e para mellorarmos a nosa calidade lingüística, desbloqueando os prexuízos e medos aprendidos e asumindo que os problemas con que nos encontramos moitas veces non son de orixe gramatical, senón social.

Este libro é útil para un público diverso, interesado na nosa lingua, desde persoas que queren comezar a falala ata estudantes de calquera nivel ou persoas que desexan mellorala.

Máis información sobre o libro:
http://www.carloscallon.com/search/label/CFEGCF
http://www.xerais.es/libro.php?id=3337926

Esta tarde, o Salón de actos da Biblioteca publica Ánxel Casal acolle o acto de presentación do proxecto 'Torre dos Mouros', presentado por Anxo Lorenzo, secretario xeral de Cultura; Manuel Gago, coordinador de comunicación do proxecto; Antón Malde, director arqueolóxico do proxecto, e Manel Cráneo, o autor da banda deseñada.

O proxecto 'Torre dos Mouros' é unha iniciativa de arqueoloxía social que se leva a cabo na parroquia de Lira (Carnota).

A Gentalha do Pichel acolle esta noite unha charla explicativa e unha presentación do proxecto Urbana Norte. O acto se completa cun pequeno sketch de Chévere sobre As Marías e o emprendemento.

Sabes que é Urbana Norte? De quen depende? Onde está? A que se dedica? Como che afecta? para que serve? Algo seguro que oiches por aí, pero ao mellor non sabes explicar de que vai nin che importa demasiado. Tanto se é así como se non, o que che propoñemos é que polo menos veñas a esta presentación para levares de volta algunhas ideas, algunhas imaxes e información sobre un proxecto que recolle un conxunto de actuacións moi diversas nos barrios de Vite, Vista Alegre, Romaño, San caetano, Guadalupe, Basquiños, Concheiros, Almáciga, Salgueiriños, Ultreia, Espírito Santo, A Estila, San Pedro, Belvís e Quiroga Palacios.

Toda a info aquí

Esta tarde a nova sede do Museo das Peregrinacións e de Santiago, na praza de Praterías, acolle a presentación do libro 'Barroco. La arquitectura sagrada del antiguo Reino de Galicia (1658-1763)', editado polo Consorcio de Santiago en colaboración con Teófilo Edicións. O acto inclúe unha breve conferencia a cargo do autor, Alfredo Vigo.

A publicación é un profundo estudo levado a cabo polo profesor Alfredo Vigo sobre a arte barroca en Galicia, no que incorpora as últimas investigacións no tema e no que converxen aspectos non só estritamente artísticos, senón tamén históricos e sociodemográficos, ofrecendo unha visión completa do asunto.

Alfredo Vigo, catedrático de historia da arte pola Universidade de Santiago, defende neste estudo que a evolución do estilo barroco en Galicia en xeral, e en Santiago en particular, supón unha renovación sistemática que non foi froito dunha casualidade, senón dunha clara intención histórica.

O libro repasa aspectos históricos trascendentais para o desenvolvemento da arte barroca en Galicia como foi a institución da Ofrenda Real ao Apóstolo Santiago, que permitiu en boa medida a impresionante transformación arquitectónica da basílica xacobea e, en paralelo a ela, do urbanismo compostelán.

Este libro ve a luz precisamente no ano que se conmemora o terceiro centenario do pasamento de Domingo de Andrade, sen dúbida un dos mellores artistas barrocos e autor de innumerable obras artísticas, entre as que destaca a Torre do Reloxo da Catedral de Santiago.

Esta tarde, a galería de arte e deseño Bus Station Space acolle unha clase maxistral e presentación organizada por Elías Cueto sobre o proceso de deseño e desenvolvemento do proxecto Eume: unha cadeira de madeira de castaño deseñada e fabricada en Galicia, que estará exposta na galería durante os próximos dous meses. Ao acto asistirán os alumnos de Deseño de Produtos da EASD Mestre Mateo.

A clase maxistral forma parte das accións organizadas polo Departamento de Deseño de Produtos, co obxectivo de poñer en contacto os alumnos con profesionais do deseño. Nesta ocasión, os alumnos poderán descubrir os detalles e inspiracións do deseño e coñecer as solucións adoptadas durante o desenvolvemento do produto ata conseguir o resultado final: unha cadeira realizada en madeira de castaño perfectamente resistente á intemperie sen utilizar ningún tipo de verniz, grazas aos novos tratamentos desenvolvidos por Losan que fan posible expoñer a madeira de castaño ao sol e a chuvia sen que sufra ningún tipo de patoloxía ou descoloración.

A Escola de Arte e Superior de Deseño Mestre Mateo, de Santiago de Compostela, é un centro público dependente da Xunta de Galicia fundado en 1988. Esta Escola contribuíu á profesionalización das actividades artísticas en Galicia, abrindo a toda a sociedade a posibilidade da aprendizaxe de oficios e técnicas de grande importancia económica e cultural.

O obxectivo é trasladar a cultura do deseño ao conxunto da sociedade, dende as bases dun ensino público e de calidade, formando profesionais capaces de liderar este proceso. Na EASD Mestre Mateo impártense Ciclos Superiores de Arte aplicada á Escultura, Fotografía artística, Xoiaría artística e Arquitectura Efémera, así como dúas titulacións superiores de deseño: Deseño de Moda e Deseño de Produto.

Sedes,-is é un proxecto de colaboración entre un serradoiro -EXFOPINO-, unha carpintaría -GESTOSO- e un arquitecto-ELÍAS CUETO. A misión de Sedes,-is. é o deseño e produción de mobles únicos e de deseño. Os valores deste proxecto son:
1.- O uso de madeira autóctona e o repoboación forestal do 100% da madeira consumida que contribúen á conservación e protección da paisaxe.
2. -A fabricación local e artesanal, que crea emprego de calidade ao tempo que retén a riqueza no noso propio ámbito.
3.- O deseño propio, co que damos forma ao noso propios valores e cultura ao tempo que configuramos un produto exclusivo e orixinal.

Sergio Bernárdez, enxeñeiro e director de I+D+i en Losán
Empresa dedicada á fabricación de produtos de madeira destinados á industria do moble, decoración e equipamento. Dende 1956 desenvolve produtos singulares e innovadores que solucionen as necesidades cambiantes dos clientes. A I+D+i é un elemento estratéxico e imprescindible para o desenvolvemento de Losán, e en consecuencia potenciou esta actividade, dotándoa cos medios tecnolóxicos máis modernos, así como dun equipo de especialistas preparados para identificar oportunidades e desafíos do noso ámbito. Losán é líder en produción de chapa de madeira e taboleiros de melamina sendo capaz de producir todo tipo de tratamentos e acabados.

BUS STATION SPACE, Galería de Arte e Deseño Contemporáneo é un espazo dinámico ao servizo dos procesos creativos, aberto ás distintas propostas que recollen as actuais formas de creación. BUS STATION SPACE quere converterse nun punto de encontro de creadores e públicos, para promover a arte contemporánea nas súas distintas expresións, prestando especial atención ao traballo de artistas emerxentes. O espazo pretende reunir novos deseñadores nun escenario onde poidan dar visibilidade ao seu traballo creativo e mostralo dun xeito orixinal e divertido ao público.

Esta tarde, a libraría Aenea acolle o acto de presentación da publicación 'Miradas Globais para outra Economía', que contará cunha mesa redonda na que serán presentadas iniciativas e experiencias de éxito que demostran que é posible unha economía guiada por valores como a xustiza, a solidariedade, a participación, a cooperación, a comunidade e a sustentabilidade, así como outro xeito de consumo que se enfronta o modelo e a lóxica capitalista.

O libro presenta o éxito de 15 experiencias de economía solidaria en todo o mundo: 5 do estado español, 5 de África e 5 de América Latina. E na presentación do 'Miradas Globais' en Galicia contaremos con algunhas das súas protagonistas como Fiare e Som Energia; cun exemplo de integración laboral de persoas con discapacidade, COGAMI; e unha experiencia de Economía Solidaria galega, Amarante Setem.

Esta tarde, o Kunsthalle acolle o acto de presentación do volume de poemas 'Balea 2', escrito por Estevo Creus e editado por Edicións Positivas. O acto de presentación contará coa participación do editor e do autor, que intervirá cun recitado.

O Museo das Peregrinacións e de Santiago acolle esta tarde o acto de presentación do novo traballo discográfico de Resonet, titulado 'A Peregrina. Cantos e romances nos camiños de Santiago', un CD que conta coa participación da soprano Mercedes Hernández e foi dirixido por Fernando Reyes.

A tradicional árbore de Nadal pode contemplarse un ano máis na praza do Obradoiro. Como ven sendo habitual, o Concello de Santiago utiliza unha árbore natural, que logo regresará ao seu lugar orixinal. Do mesmo xeito, o Departamento de Parques e Xardíns recollerá as árbores de Nadal para recuperalas no Viveiro municipal e logo reutilizalas.

A árbore de Nadal sitúase a carón do Pazo de Raxoi. Emprégase unha árbore de 14 metros situada durante o resto do ano en Salgueiriños, a onde volverá despois destas datas. Para a decoración utilizáronse os mesmos adornos que en 2011. A árbore adornará a praza de Raxoi ata que se apague o alumeado de Nadal en toda a cidade.

Por outra parte, unha vez pase o Nadal, o Departamento de Parques e Xardíns recollerá as árbores dos cidadáns, co obxecto de levalas ao Viveiro municipal para logo ser replantadas.

Calquera veciño pode levar a súa árbore ao Viveiro, que está aberto dende as 7:00 ás 14:00 horas. Tamén pode chamar, para que lle recollan a súa árbore, aos seguintes teléfonos:

Departamento de Parques e Xardíns: 981 542 451
Protección Civil: 619 76 94 95

Nun primeiro momento, as árbores serán trasladadas ao Viveiro para a súa aclimatación, xa que proceden dun ambiente moi agresivo para elas como son as vivendas con calefacción. Unha vez recuperadas serán replantadas en espazos públicos ou ben conservadas no propio viveiro para poder ser usadas novamente no próximo Nadal.

Quico Cadaval, Avelino González, Os da Ría e vari@s amig@s máis do Coro da Ra volven reunirse esta noite para recadar fondos para a festa de Nadal do Paluso. O Coro da Ra convida a todo o mundo a participar neste regalo: as doazóns recibidas na entrada irán destinadas integralmente para a tradicional festa do Paluso.

Ás 20:30 no Pub Momo de Santiago, doazón "suxerida": 5 €

Máis info: http://www.facebook.com/afestadopaluso

Un ano máis, e con máis razón, Chus Iglesias e a súa familia, ex-donos do Bar Paluso de Conxo, organizan as festas gratuitas de Noiteboa e Nadal no Centro SocioCultural Aurelio Aguirre, a única iniciativa desta índole en Compostela.
Cada vez somos máis en axudar a Chus no seu regalo á cidadanía. Se ti tamén queres colaborar, podes donar o que queiras nos petos distribuidos por Santiago ou na conta de Nova Galicia Banco da Asociación Mercerapio nº2080-0374-72-3040006116
Hai petos:
- nas sucursais de Nova Galicia Banco
- nos restaurantes Petiscos, Dezaseis e A Moa de rúa de San Pedro e na Bodeguilla de San Lázaro
- nos bares Pampín, La Flor e La Tita da zona vella, no Latino e Abrente do Ensanche e no Tempora de Salgueiriños
- nas cafeterías do Hospital Clínico, o Gil Casares e o Hospital Provincial de Conxo
- nas cafeterías das Facultades de Filoloxía, CC. da Comunicación, CC. Empresariais, Maxisterio, Medicina, Odontoloxía, Historia, CC.da Educación, Matemáticas e Químicas
- na cafetería do Campus Sur "SEU", a da UXA Sur/COIE e a do Colexio Maior Cadarso
- no Centro SocioCultural A.Aguirre de Conxo

Durante estas festas do Nadal, a iluminación adornará un total de 36 rúas e prazas de Compostela. A zona histórica contará con iluminación festiva dende a Algalia a Caldeirería pasando pola Acibechería, as rúas do Vilar e Nova, ou o Franco, entre outras. No Ensanche adornaranse con iluminación a avenida Juan carlos I, a Senra, Xeral Pardiñas, República Arxentina, Alfredo Brañas, Monteiro Ríos, Virxe da Cerca e o Hórreo, entre outras.

A Cidade da Cultura quere desexarlle a todos os galegos un Bo Nadal cun programa de actividades especialmente deseñado para pasar estas datas en familia no alto do Gaiás. Teatro, xogos, obradoiros e, por suposto, música despedirán este ano e daranlle a benvida ao 2013 cunha programación da que gozar grandes e pequenos.

Diversión, lecer e aprendizaxe misturaranse nunha completa selección de actividades para todos os gustos pensada para participar en familia.

Por iso, á programación habitual da Cidade da Cultura sumaranse funcións de monicreques como a protagonizada por O Arxina e o Felo, visitas guiadas especiais ao Museo Centro Gaiás coas que descubrir a espectacular arquitectura do edificio e a historia de Gallaecia Petrea, concertos didácticos como o de Berrogüetto ou obradoiros nos que deixarse levar pola imaxinación e darlle renda solta á creatividade.

Un programa que contará como prato forte con Cancións por regalos, un concerto especial no que todos saen gañando: o espectador unhas cantas cancións para o recordo e aqueles que máis o necesiten unha sorpresa o Día de Reis: o regalo que elixas como entrada.

Consulta o programa completo aquí

The Lobby (NH Obradoiro) organiza unha Festa de Fin de Ano para despedir o 2012 e dar a benvida ao 2013 por todo o alto.

COCKTAIL
. Cocktail de benvida con copa de cava
. Espeto de bocarte, perla de mozarella e tomatito cherry
. Culler de mexillón galego e crema de allo branco
. Croqueta de xamón ibérico

O cocktail dará comezo ás 21.00 h

CEA DE GALA
. Crema de boletus ao perfume de trufa branca con escuma de foie e liofilizado de papaia
. Robaliza en lámina de porro con gambón asado e licuado de patacas rotas ao pil- pil de ceboliño e caldo mariñeiro
. Sorbete de piña, coco e ron anello
. Solombo de tenreira con terrina de espárragos e verduras baby con xugo de tomiño
. Mouse de améndoa e caramelo con confeitura de mango e chocolate rosa con xeado de yogurt

Uvas da sorte
Viño branco D.O. Rías Baixas "Pazo de Baión
Viño tinto D.O. Rioja Reserva 2006 "Remelluri"
Cava "Anna de Codorniu Brut Nature"
Auga, refrescos, cervexas e café
Cotillón de ano novo
Barra libre de bebidas primeiras marcas
Chocolate con churros
Barra libre de gominolas

Amenizado polo grupo Los Árboles (versións de clásicos do pop-rovk) e DJ Javi Val

Información e Reservas: 981 558 070 / nhobradoiro@nh-hotels.com

Este nadal recibe connosco o 2013. Únete á véspera de Ano Novo ao mellor estilo da Sala Capitol. Rodeados da mellor música e un ambiente espectacular.
Aberto a partir da 1.30 h.
Chámanos e informámoste persoalmente no noso teléfono 981 574 399.

O concello de Santiago organiza a despedida do ano 2012 na praza do Obradoiro, onde repartirán uvas e cotillón gratis a todos os asistentes. Ademais, para amenizar a reunión, contarán coa actuación da Orquestra Israel. O escenario estará colocado preto do hostal, podendo variar a súa posición dependendo das condicións climatolóxicas desa noite.

23:30 h: Espectáculo pirotécnico e musical.

Reparto de cotillón e uvas.

Actuación musical da orquestra Israel.

Retransmisión en directo a través de TVG e RG.

Un ano máis, o hotel Hesperia Peregrino acolle ao longo de toda a xornada a Feira do Disco e do CD, unha convocatoria na que os asistentes poderán comprar, vender e cambiar todo tipo de material discográfico.

Na feira poderáse atopar un pouco de todo e de todos os xéneros, desde obras descatalogadas á música máis actual, pero cunha vantaxe: o seu prezo.

A Colexiata de Sar abre ao público o seu tradicional Belén de Nadal, formado por máis de 250 figuras e con varias escenas en movemento. O Nacemento -que ocupa en total 64 metros cadrados e está situado no Claustro do templo- estrea este ano novo portal de Belén e reproduce varios momentos da vida cotiá, dende o nacemento de Xesús ou a adoración dos Reis Magos ata a cova cos pastores nas que o anxo anuncia a boa nova, entre outras moitas. Máis de vinte e cinco destas escenas teñen movemento e os seus dous muíños de auga con pedra de moer traballan coa auga do río.

Para a súa posta en marcha, preto dunha decena de veciños do barrio traballaron nos últimos meses para participar dunha tradición que conta con máis de 25 anos de historia. Así, co paso do tempo e a medida que foron aumentando as súas dimensións ao incorporar cada ano novas escenas, o Nacemento tivo que trasladar a súa situación e dende hai uns anos está instalado no Claustro do Templo.

A partir do domingo 16 de decembro estará aberto ao público xeral, en horario de 10:00 a 13:00 horas e de 16:00 a 19:00 horas. Tamén se poderá visitar os domingos, tras as celebracións eucarísticas. O acceso ao Claustro deberá facerse polo museo, no baptisterio da Colexiata.

Ás 18:00 h. o Sr. Arcebispo convoca ás familias da Diocese a celebrar esta festividade con el na Catedral no ANO DA FE. Especialmente, anímase os nenos para que veñan e participen activamente coas súas familias.

A catedral compostelá acolle esta mañá a cerimonia anual da tradicional Traslación dos Restos do Apóstolo Santiago.

- 11.30h. O Sr. Arzobispo de Santiago, Excmo e Rvdmo. Sr. D. Julián Barrio, preside na Catedral a Festividade da Translación do Santo Apóstolo Santiago. A Delegada Rexia será a Presidenta do Parlamento de Galicia, Dª. Pilar Rojo.

Ás 11,30 h. iníciase a Procesión solemne do Excelentísimo Cabido, os Sacerdotes concelebrantes e o Excelentísimo Sr. Arcebispo, acompañados das chirimías e co funcionamento do Botafumeiro. Ao chegar ao altar maior dá comezo a Misa Estacional durante a cal ten lugar a Ofrenda Nacional ao Apóstolo Santiago, por parte da Excelentísima Sr.a Delegada Regia.

O primeiro día do ano, a Catedral de Santiago acolle a celebración da Oitava de Nadal, solemnidade de Santa María Nai de Deus. A mediodía, o Excelentísimo Sr. Arcebispo, Don Julián Barrio Barrio, preside a Misa Estacional.

A Catedral de Santiago acolle esta mañá a celebración da Solemnidade da Epifanía do Señor. Pouco antes de mediodía, dá comezo a procesión solemne do Excelentísimo Cabido, cos Sacerdotes concelebrantes e o Excelentísimo Sr. Arcebispo, Don Julián Barrio Barrio, acompañados das chirimías e co funcionamento do Botafumeiro. Ao chegar ao altar maior dá comezo a Misa Estacional.

Que é Dar no Cravo? Un xogo de preguntas sobre diferentes temas. Tamén hai enigmas, imaxes, cancións, chistes e algún que outro xogo máis que se vai inventando o presentador.

Como podo participar? En equipo de 4 persoas como máximo.

Hai que pagar? Sí, 2 € por participante.

Que hai que facer? Estar no Ultramarinos o día que haxa DNC antes das 22.00, dicir que queres participar, anotar no papel que se che dará o nome do equipo e o nome de cada un dos participantes. E, nesa mesma folla, anotar as respostas que consideres acertadas.

Hai algunha norma non escrita? Sí. É importante escribir con boa letra, moi importante! É importante tamén ser creativo… É dicir, se non sabes, inventa!

E cal é o premio? Unhas botellas de licores e a envexa do resto dos concursantes, que se pode converter en admiración ao compartir os licores.

+info aquí

Coa chegada do Nadal celébrase cada ano un festival que xunta aos principais intérpretes nun programa de clásicos da lírica, incluíndo zarzuela española, musical e opereta.

Organizador: Concello de Santiago / Asoc. Galega da Lírica Teresa Berganza.

Co espírito do Pecha Kucha, orixinado en Tokio para logo expandirse a cidades de todo o mundo coma Londres, Berlín ou Rotterdam, o I En(red)ados_nexos en 5’ nace como encontro, novo evento interdisciplinar, onde arte, xestión cultural, deseño, moda, música, fotografía, cine, multimedia, publicidade… atopan un espazo de [inter]acción.

Formato rápido de presentación de ideas, proxectos, en tan só 5 minutos. En torno a 20 poñentes expoñen propostas mediante imaxe, palabra, voz ou acción.  E os participantes son poñentes e  público, experimentando unha gran diversidade de traballos nun breve período de tempo, provocando o nexo entre innovadores con diferentes perfís creativos.

A pregunta é: COMO PRESENTARÍAS O TEU TRABALLO EN 5’?

[Coordinación: Paula Cabaleiro]
 
CANDO Sábado 29 de Decembro, ás 19.00h

ONDE Na galería A.dFuga, rúa do Preguntoiro 28 / Santiago de Compostela

QUEN Artistas, xestores culturais, críticos, comisarios, deseñadores, xornalistas…

INSCRICIÓN GRATUÍTA En paulacabaleiro@apuntodfuga.com ou 667823112

Antes de deixar os agasallos nas casas, os Reis Magos visitarán un ano máis aos pequenos con todo o seu séquito, que percorrerá as principais rúas da cidade compostelá.

PROGRAMA

- 17.45 h. Chegada en tren dos Reis Magos á estación do ferrocarril onde serán recibidos polas autoridades e a Banda Municipal.

O percorrido será polas seguintes rúas:
Santiago de Chile, Frei Rosendo Salvado, Praza Roxa, República do Salvador, Hórreo, Praza de Galicia, Senra, Porta Faxeira, Rúa do Vilar, Xelmírez, Praza das Praterías.

- 19.00 h. Chegada á Praza do Obradoiro e recepción por parte do alcalde e a corporación municipal.