O Cineclube de Compostela conmemora este 25 de abril coa proxección de 48 (Portugal, 2010), de Susana de Sousa Dias, unha aproximación, a través de retratos e testemuñas, ás vivencias das persoas detidas e torturadas durante a ditadura portuguesa. Con este documentario féchase a serie de dous filmes dedicados á ditadura portuguesa e a revolución dos cravos, aproveitando a proximidade do 25 de abril que comezamos a semana pasada con Bo pobo portugués. A sesión vai ter lugar no lugar habitual, no CS O Pichel (Santa Clara, 21), con comezo ás 21:45 horas.

Partindo das fichas policiais dos presos políticos da ditadura portuguesa extraídas do arquivo da PIDE/DGS, e das voces en off dos mesmos represaliados, gravadas anos despois, Susana de Sousa Dias tenta mostrar en 48 os mecanismos a través dos que se tentou perpetuar o sistema autoritario salazarista e como se construíu a memoria colectiva sobre este período da historia do país veciño.

Os protagonistas das imaxes van narrando a súa historia baseándose en pequenos detalles que só eles poden encontrar nas imaxes. Máis, segundo a crítica Celeste Araújo, “entre as fotos que vemos e o que aconteceu hai, decote, un abismo que as voces dos antigos presos poñen de manifesto [...]. Unha tensión entre o que amosa e o que agocha, propia do mecanismo fotográfico, que implica sempre un fóra de campo invisible (espacial e temporal) que interfire na imaxe e que, no caso desas fotos carcerarias, fala precisamente do dispositivo que as configurou: un conxunto de procedementos adoptados polo sistema policial para fixar a identidade do detido.”

Susana de Sousa Dias, nacida en Lisboa en 1972, é docente na Faculdade de Belas Artes da Universidad desa cidade e estuda as relacións entre cinema e arte contemporáneo, con especial interese no tema do arquivo. O seu traballo como directora, formado ademais de por 48 por outros títulos como Proceso, Enfermeiras no Estado Novo ou Natureza Morta, está volcado precisamente na utilización do arquivo da policía política da ditadura portuguesa, a PIDE.

Nas súas propias palabras, “sinto que caí no arquivo da PIDE e ainda non saín de alá [...]. Son 48 anos de ditadura, hai unha imensidade de cousas para contar. É un traballo inesgotábel, é unha espécie de pozo sen fondo [...].Por cada filme que fago teño unha serie de ideas para varios filmes [...]. Destápase unha cousa e están alí millares delas por baixo. É um camiño em profundidade e en extensión”. Actualmente, Sousa Dias esta finalizando unha nova longametraxe, Luz Obscura.

Con 48, Susana de Sousa Dias acadou un gran recoñecimento internacional, con premios como o Gran Premio do festival Cinéma du Réel, o FIPRESCI no DokLeipzig 2010, o Premio ao mellor documentario no Festival de Cine Independiente de Mar del Plata ou a Mención Especial do Xurado no Festival Punto de Vista 2011.

A vindeira semana, o Cineclube acollerá unha sesión especial, o luns 30 de abril, na que a directora María Ruido presentará a súa última obra ElectroClass. Apuntes sobre a xeración de imaxinarios postindustriais dende a televisión [Bilbao como caso de estudo], un proxecto en torno aos imaxinarios do traballo construídos a partir da televisión autonómica desde os anos 80. Ademais desta sesión especial, teremos por suposto a cita habitual dos mércores, o 2 de maio, co filme Se tocan a un, de Travis Wilkerson.

O filme vai ser proxectado na súa versión orixinal, con subtítulos en portugués. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30.

Chega a Compostela a mostra itinerante "Cinema Europeo en Ruta", baixo o lema "O noso cinema dá que falar". O ciclo terá lugar os días 27 e 28  de abril no Auditorio de Galicia. Haberá proxeccións de filmes e debate coa cidadanía que versará sobre a Sostenibilidade e no que participarán Ana Miranda, Francisco Millán, Antolín Sánchez Presedo e Sarah Lambert.

A entrada a todas as sesións será gratuíta até completar o aforo.

O venres 27 comezará o ciclo coa proxección, ás 19.00 h. de ‘Home’ (Yann Artrus-Bertrand, 2009). Unha vez rematada a proxección, ás 20.30 h. dará comezo o coloquio que xirará arredor da Sostenibilidade e no que participarán os membros da Comisión Europea e do Parlamento Europeo Ana Miranda, Francisco Millán, Antolín Sánchez Presedo e Sarah Lambert.

O sábado 28 haberá dúas novas proxeccións. Ás 19.00 h. poderemos ver ‘Exit through the gift shop’ (Bansky, 2012) e ás 20.30 h ‘O esforzo e o ánimo’ (Arantxa Aguirre, 2010).

‘Cinema Europeo en Ruta’ é unha iniciativa da Oficina do Parlamento Europeo e a Representación da Comisión Europea en España que pretende difundir algunhas das mellores películas europeas dos últimos anos en localidades repartidas por toda a xeografía española. Tamén se xeran espazos de debate e reflexión ao redor de diversos temas de especial interese para os cidadáns sobre a Unión Europea.

Desde o pasado 18 de xaneiro, están a proxectarse nunha cidade de cada Comunidade Autónoma tres películas, e ao final organízase un debate aberto cos cidadáns e membros do Parlamento Europeo e da Comisión Europea, así como representantes das institucións locais. As localidades que acollen a mostra son: Las Palmas de Gran Canaria, Logroño, Córdoba, Santiago de Compostela, Elxe, Aranxuez, Cáceres, Xixón, Badalona, Alcañiz, Palma de Mallorca, Pamplona, Burgos, Donostia-San Sebastián, Santander, Cidade Real e Murcia.

"Cinema Europeo en Ruta" é un proxecto que nace coa firme intención de tentar promocionar o mellor do  cinema europeo e propiciar espazos de encontro para conversar en torno ao presente e ao futuro da Unión Europea, cos temas que máis preocupan aos cidadáns.

O Cineclube de Compostela presenta este luns, no C.S. O Pichel (Santa Clara, 21), 'Electroclass. Apuntes sobre a xeración de imaxinarios postindustriais dende a televisión [Bilbao como caso de estudo]', da autora galega María Ruído, contando coa súa presenza, nunha sesión especial. No día previo ao 1 de maio, proxectamos un experimento feito de/dende/en e mesmo contra a televisión, un filme político que propón unha reflexión sobre a construción do imaxinario colectivo no contexto postindustrial, tomando Bilbao como caso paradigmático.
 
O filme está construído mediante a ensamblaxe a partir da desmontaxe do arquivo da canle autonómica Euskal Telebista (ETB), e homenaxes, a través de imaxe, son ou texto, de Cocteau, Kluge, Renoir, Forgacs, Assayas, Franju, Murnau ou Buñuel. Rematada o 2 de novembro de 2011 (36º aniversario da morte de Pasolini), estreada en Zinebi, a historia real encargouse de lle engadir a tempo novas capas de significado.
 
Por medio deste proceso de desmembración das imaxes, Electroclass deconstrúe a ficción consensual para abordar o sufocamento dos movementos sociais que se produciu nos 80. O caso de Euskadi, co desmantelamento da industria pesada e do movemento social, é representativo: a clase traballadora é cooptada como consumidora, e pásase dunha economía industrial a unha economía de servizos que ten como síntoma emblemática a construción do museo Guggenheim. Coa terciarización eslúense as barreiras entre espazos públicos e privados, o traballo e o lecer, e pásase da cidade-polis á "marca Bilbao".
 
Di a autora "coa vontade “arqueolóxica” de indagar a nosa memoria colectiva recente través do arquivo televisivo de ETB para poder albiscar os mecanismos de construción dos imaxinarios propios, sitúase ElectroClass, unha investigación sobre as posibilidades de construírmos un imaxinario propio, de noso, da nova clase traballadora postradicional".
 
Emprendeuse unha investigación ao longo do 2011 para elaborar un arquivo de de entrevistas de acceso público, nunha serie de sete pezas de sete minutos. Foron emitidas nunha canle de TV autonómica vasca (ETB 3), e nun seminario que tivo lugar en Bilbao no mes de xaneiro, con Martha Rosler, Patrick Watkins, Jeanne Van Heeswijk, Ingrid Guardiola, Fito Rodriguez, Ángel Quintana, Félix Perez-Hita, a propia María Ruído e María Mur Dean. O filme está producido por consonni co soporte do departamento de Cultura do goberno vasco, o Ministerio de Cultura español e a colaboración de BizBAK UPV/EHU, Alhóndiga Bilbao, EITB e o Festival de cine documental e curtametraxe Zinebi.
 
María Ruído (Pidre, Xinzo de Limia, 1967) é realizadora de vídeo, investigadora e produtora cultural dende 1996. Na súa traxectoria realizou proxectos interdisciplinares sobre a construción social do corpo, e a elaboración dos imaxinarios do traballo e a memoria colectiva (La memoria interior, 2002, Tiempo real, 2003, Ficciones anfibias, 2005, Plan Rosebud, 2008, Zona Franca, 2009). En xuño do 2009 presentou Plan Rosebud no Cineclube de Compostela, en dúas sesións especiais nas que tamén puidemos contar coa súa presenza.
 
O filme vai ser proxectado na súa versión orixinal. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha achega económica persoal, cunha cota mensual de 5 euros ao mes para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

Esta noite celébrase a terceira cita coas Lúas de Amal, unha iniciativa que propón o Festival Internacional de Cine Euroárabe Amal os últimos luns de cada mes. Trátase dunha sesión de cine totalmente gratuíta e onde se proxectarán as películas elixidas polo público a través da web do festival. O lugar de celebración das "Lúas" deste luns 30 de abril, será o Salón de actos do Hotel Eurostars Araguaney, ás 22,00 h.

Como ven sendo habitual, a organización de Amal ofreceu 3 opcións a elixir, das que resultou elixido, cun 53% dos votos, o conxunto de curtametraxes composto por: GARAGOUZ de Abdenour Zahzah; CARTAS A PALESTINA de Rashid-Al-Marri e DRU de Jihane Chouaib.

As Lúas de Amal é unha actividade creada polo Festival co obxectivo de exhibir cine euroárabe ao longo do ano. Xogando coa palabra "lúas", as proxeccións teñen lugar os últimos luns de cada mes, ás 22,00 h da noite e de forma totalmente gratuíta. Ademais, o público ten a palabra e a decisión de escoller que películas desexa ver entre as 3 opcións que propón o Festival.

Tras a cita do próximo luns 30 de Abril, colgaranse na web (www.festivalamal.es) as 3 opcións que suxire o Festival e entre as que os espectadores terán que elixir 1, que se exhibirá o último luns do mes de maio.

Esta noite o Cineclube de Compostela continúa a súa programación coa proxección do filme 'Se tocan a un' (An Injury To One, 2002), que non puido proxectarse por problemas técnicos o pasado 20 de marzo. A sesión vai ter lugar no lugar habitual, no CS O Pichel (Santa Clara, 21), con comezo ás 21:45 horas.

'Se tocan a un' documenta o nacemento e morte de Butte, Montana, unha poboación completamente marcada pola explotación da Anaconda Mining Company a principios do século XX. Na Primeira Guerra Mundial, Butte chegou a producir o 10 por cento da produción mundial de cobre. A historia de Butte tamén está marcada pola indiferencia da compañía cara a seguridade dos empregados, o que provocou a chegada do líder sindical Frank Little. Little, membro da Industrial Workers of the World, os coñecidos como wooblies, conseguiu gran apoio para as ideas socialistas. Pero en agosto de 1917, foi secuestrado por asaltantes que o colgaron dunha ponte do ferrocarril, coas dimensións dunha tumba de Montana escritas nunha nota no seu peito.

Para achegarse a esta historia, Travis Wilkerson adopta unha posición particular: No canto de ofrecer unha perspectiva histórica e lineal da vida e morte de Frank Little e da loita de clases en Butte, escolle un achegamento máis indirecto, intuitivo e creativo. Como argumenta no filme, desde o momento en que boa parte da documentación histórica ten sido perdida ou destruída, e en que a versión da empresa moldea as narrativas dominantes sobre o acontecemento, contar a historia de Frank Little é un proxecto creativo, non só o feito de xuntar fragmentos de información e lelos contra os comunicados oficiais e as liñas dos xornais. Significa, por riba de todo entrelazar creativamente distintas fontes que, de primeiras, poden semellar sen relación entre elas.
En Se tocan a un (título extraído da palabra de orde “Se tocan a un, tócannos a todos”), Wilkerson filma en branco e negro, intercalando momentos musicais de color como pausas para a reflexión dos espectadores. O resultado, con reminiscencias de Chris Marker e Santiago Álvarez, está nos antípodas dos documentarios de narración actoral e entrevistas, creando unha evocación poética do pasado e representando un dos filmes clave do documentario político dos Estados Unidos nos últimos anos.

Nacido en 1969 en Denver, pero trasladado desde os 13 anos a Butte, un encontro na Habana con Santiago Álvarez mudou por completo a vida de Travis Wilkerson. Desde entón, Wilkerson dedicouse a facer filmes na tradición do Terceiro Cinema latinoamericano. Ademais de Se tocan a un, quizá o seu filme máis coñecido, outros dos seus títulos inclúen Subdesenvolvemento acelerado (sobre Santiago Alvarez), Quen matou a Cock Robin? e a serie sobre os arquivos nacionais estadounidenses. Cofundador de Extremelowfrequency, empresa dedicada á distribución de cinema dixital, e activista do Partido polo Socialismo e a Liberación, o seu último traballo foi a  presentación, no Festival de Sundance 2007, da agit-performance en vivo Soapbox Agitation  #1: Proving Ground, meditación multimedia sobre Lenin, Brecht, o imperialismo, o anti-capitalismo e a guerra.

A vindeira semana, iníciase no Cineclube de Compostela un ciclo organizado arredor do control social, que nos vai acompañar todo o mes de maio e que comeza cunha sesión que inclúe os filmes Para non estar aquí (In Order not to Be Here, 2002), de Deborah Stratman e Imaxes de prisión (Gefängnisbilder, 2003), de Harun Farocki.

Os filmes van ser proxectados na súa versión orixinal, con subtítulos en galego. A entrada é de balde, puidendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadoras e de 3 para estudantes e paradas. Os socios e socias poderán dispor do fondo do Cineclube antes das proxeccións, os mércores de 21:00 a 21:30.

A IX edición do Festival Internacional de Curtametraxes Curtocircuíto inaugurase esta tarde no Teatro Principal nunha gala na que a Banda Municipal de Música homenaxeará ao grande Charlot poñendo música en vivo, música de Antón Alcalde, á proxección da curtametraxe ‘The Pawn Shop’.

A entrada a esta inauguración será de balde.

Máis información e programa completo: www.curtocircuito.org

Durante 10 días, a Zona “C”, o Teatro Principal, o Abastos EGC e a Fundación Autor acollerán as diversas proxeccións e actividades da novena edición do Festival Internacional de Curtametraxes de Santiago de Compostela, Curtocircuíto, un festival nacido en 2004 coa intención de potenciar e premiar a creación audiovisual no eido da curtametraxe.

Esta edición celebrarase na cidade entre o 2 e o 11 de maio e ademais das proxeccións dos cinco concursos diferentes contará con actividades paralelas como obradoiros, mesas redondas, clases maxistrais, temáticas específicas, curtas para cativos e unha ampla oferta musical.

Ao longo deses 10 días de programación, haberá ducias de proxeccións das curtametraxes dos cinco concursos existentes: Internacional, Explora-Aqualogy, Compostelae, Panorama Galicia, Escolas Galegas-ACME. Das 2.645 curtas recibidas, poderemos ver proxectadas estes días na cidade un total de 100 que son as seleccionadas para participar no Concurso, entre as cales se elixirán as que levarán 12 premios e 3 mencións especiais.

Este ano Curtocircuíto quixo destacar a Romanía como país convidado por ser fogar dunha gran xeración de cineastas que figuran no mapa internacional cunha forza inusitada desde xa hai uns anos. A súa diversidade de propostas, a súa constante procura de novas linguaxes, o seu enriquecedor diálogo entre xeracións e os seus sólidos actores convértena nun referente obrigado no mundo audiovisual. Os especialistas lograron etiquetar as súas películas como procedentes dun “novo cine romanés”. Á parte de dous programas de curtametraxes, que acapararon máis de 400 premios, o Festival organiza unha mesa redonda dedicada a está brillante xeración de cineastas. Estas actividades contan coa colaboración do Instituto Cultural Rumano de Madrid.

En canto ás actividades de formación, Curtocircuíto ofrece un obradoiro e unha clase maxistral. O Obradoiro de efectos especiais ‘4 Ojos’ está realizado en colaboración coa Fundación Autor de Santiago e celebrarase na propia Fundación do luns 7 ao venres 11 cunha duración de 35 h. Estará impartido polo compostelán Alberto Hortas, artista de efectos especiais de maquillaxe e fundador do estudo chamado 4 Ojos Estudio. A clase maxistral, impartida polo dramaturgo e guionista Sergi Belbel baixo o nome “O Guión para ciencia-ficción”, está realizada en colaboración coa Asociación Galega de Guionistas e coa Fundación Autor de Santiago. Será tamén na Fundación Autor o venres 11 de 16.00 a 19.00 h.

É de destacar tamén nas actividades paralelas que nesta edición teremos curtas que xiran arredor de dúas temáticas específicas: Temática Robots e Androides e Temática Tentaciones (en asociación co Festival Europeo de Brest, Francia). Ademais, haberá tamén programación específica para o Público Novo, Curtas Cativas, Video Clips internacionais e Curtas Cubanas (en asociación coa Muestra Joven de la Habana, Cuba).

En canto ao programa musical, ademais dos que acompañarán a inauguración e a clausura, haberá varios concertos en diferentes recintos. O venres 4 de maio, Dúo Cobra na Zona “C” enmarcado no ciclo ‘Compostela Rock’ ao mesmo que La Débil + Unicornibot que estarán o 5 de maio tamén na Zona “C”. Enmarcados no ciclo Compostela Rock son os concertos de Toy Dolls + Novedades Carminha o luns 7 de maio na Sala Capitol e Fasenuova o 9 de maio na Zona “C”. E no Abastos EGC poderemos escoitar a Coralie Yap-Chine Quartet o xoves 10 de maio.

As sedes do Festival serán a Zona “C”, o Teatro Principal, o Abastos EGC, e a Fundación de Autor. As entradas para os programas oficiais poden recollerse na billeteira do Teatro Principal no día da proxección co custe de 2 € por proxección podendo adquirir un bono de 5 € para 5 proxeccións. A entrada para os programas paralelos proxectados na Zona “C” e Abastos EGC son de balde e non é preciso retirar entrada.

O custe do Obradoiro é de 150 € e terá como máximo 15 inscritos que para facelo poden mandar un mail a gnieves@sgae.es ou chamar ao teléfono 981 569 178. A Clase Maxistral terá un custe de 30 € a entrada xeral, 10 € para os socios de AGAG, e 25 € tarifa reducida para estudantes. Contará cun aforo máximo de 100 participantes. Todos aqueles que queiran inscribirse deberán mandar un mail a formacion@asociaciongalegadeguionistas.org ou chamar ao teléfono 620 563 617.

En canto á programación musical a entrada será de balde (previa retirada de entradas na billeteira do principal) para os Cineconcertos da inauguración e da clausura. Dúa Cobra terá un custe de 8 €, 6 € anticipada; La Débil + Unicornibot, 10 €, 8 € anticipada; Toy Dolls + Novedades Carminha: 22 €, 18 € anticipada; Fasenuova 8 €, 6 € anticipada e Coralie Yap-Chine Quartet con entrada de balde. As entradas para todos estes concertos poden mercarse, ademais de noutros sitios específicos para cada concerto, na billeteira do Teatro Principal.

Máis información en www.curtocircuito.org

O Cineclube de Compostela comeza este mércores un ciclo sobre cinema e control social que nos vai acompañar ao longo de todo o mes de maio, cunha sesión dobre cos filmes 'Para non estar aquí' (In Order not to Be Here, EUA, 2002), de Deborah Stratman e 'Imaxes de prisión' (Gefängnisbilder, Alemaña, 2003), de Harun Farocki. A sesión vai ter lugar no lugar e horario habituais, no CS O Pichel (Santa Clara, 21) a partir das 21:45 horas.

Como control social pódese entender o conxunto de prácticas, valores e posicionamentos destinados a manter a denominada “orde establecida” dentro dunha sociedade. Neste ciclo, miraremos máis aos medios informais, ás maneiras máis invisibles de crear hábitos que permitan a cohesión entre individuos dentro dunha sociedade. Veremos como se pode persuadir á xente para non achegarse a determinadas zonas da súa cidade de residencia, co uso das cámaras de seguridade (no filme de Stratman) e como esas mesmas cámaras poden ser usadas para controlar o noso consumo, a nosa intimidade e mesmo poden ser usadas como armas represivas contra o individuo (no de Farocki).

En Para non estar aquí, Deborah Stratman mostra, a través das imaxes nocturnas de suburbios estadounidense, o fondo da hipocresía nos EE UU, nunha fita que, segundo as críticas "remexe nos nosos medos e temores como habitantes de pacíficas e tranquilas veciñanzas". Ao longo dos trinta e tres minutos que dura esta mediametraxe, Stratman mostra como o poder da cámara é tamén disuasorio. Nas palabras de Kelly Vance, “as escenas dos barrios estadounidenses, con ultramarinos, zonas amplas de aparcadoiros, urbanizacións como fortalezas. Quitando algúns policías e gardas de seguridade, todos estes espazos están baleiros de seres humanos e de son. A seguridade absoluta, o soño dun patriota”.

Deborah Stratman (Chicago, 1967) vive en Chicago e imparte aulas na Universidade de Illiois. Os seus filmes non contan historias senón que presentan problemas, que, de maneira ambigua, ás veces permiten unha lectura complexa das preguntas formuladas. Stratman busca as relación entre as persoas e os seus entornos físicos, así como as loitas polo poder, a propiedade e o dominio máis o control que se exerce neste planeta. Deborah Stratman traballa con diferentes medios: fotografía, son, debuxo e escultura. Colaborou no filme Los Angeles interprétase, de Tom Andersen como directora de fotografía e ten dirixido filmes com O´er the Land  (2009), Village the Silence (2011) ou These Blazeing Starrs (2011).

Xunto a este filme poderemos ver a longametraxe, Imaxes de prisión, na que o director alemán Harun Farocki contrúe un discurso sobre a utilización da imaxe no proceso carcelario, realizando tamén unha investigación sobre o tratamento que se lle deu ás persoas na cadea, mesmo ao longo da historia. As novas tecnoloxías ao servizo do castigo e da brutalidade dos represores parece dicir o director alemán.

O propio Farocki define o filme afirmando que é "unha ollada ás novas tecnoloxías para o control, mecanismos de identificación persoal, alxemas electrónicas para os nocellos, sistemas electrónicos de seguimento…O cinema sempre se sentíu atraído polas cadeas. Estas imaxes son inéditas e monótonas, pois nin o tempo nin o espazo se comprimen. Son moi ben acaídas para transmitiren o estado de inactividade aplicado aos presos como medida punitiva. As cámaras axudan a ver as normas da cadea pero tamén como esas normas son transgredidas."

Harun Farocki naceu en 1944 na localidade de Nový Jicin, na Checoslovaquia ocupada polos nazis. Do 1966 ao 1968 estudou na Academia Alemá de Cinema e Televisión no Berlín Occidental. Durante dez anos, de 1974 ao 1984, é colaborador e redactor da revista Filmkritik. Durante seis anos, 1993 a 1999, foi profesor en Berkeley.  Comezou facendo cinema experimental, ideoloxicamente moi posicionados e cunha importante carga crítica. Nesa época estivo moi influido pol afigura de Godard. Farocki foi moi crítico con autores alemáns da súa xeración, como Fassbinder, Herzog ou Wenders, a quen acusaba de seren creadores de filmes previsibles. No Cineclube xa puidemos ver algúns dos seus traballos como Videogramas dunha revolución (1992), O lume inextiguíbel (1969), Imaxes do mundo e a inscrición da guerra (1988), Adiamento (2007) ou Para comparar (2009).

A vindeira semana, o ciclo organizado sobre o control social continúa co filme Cuestión de orde (Point of Order, EUA, 1964), un documentrario de Emile de Antonio realizado con material televisivo sobre o cruce de acusacións, en 1954, entre o exército americano e o coñecido senador anticomunista Joseph McCarthy, mostrando como se pode chegar a extremos de paranoia na busca do control social.

Os filmes van ser proxectados na súa versión orixinal, con subtítulos en galego no caso do de Farocki. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

O Cineclube de Compostela continúa co ciclo sobre cinema e control social coa proxección, este mércores, do filme 'Cuestión de orde' (Point of Order, EUA, 1964), de Emile de Antonio, un documentario realizado con material televisivo sobre o cruce de acusacións, en 1954, entre o exército americano e o coñecido senador anticomunista Joseph McCarthy. A sesión vai ter lugar no lugar e horario habituais, no CS O Pichel (Santa Clara, 21) a partir das 21:45 horas.

Cuestión de Orde trata sobre as chamadas Comisións Exército-McCarthy. O Exército dos EE.UU. acusaba ao senador republicano Joseph McCarthy (pai da caza de bruxas) de presionar ao Exército para que dese trato de favor ao soldado David G. Schine, antigo membro do seu grupo de investigadores. O senador republicano contraatacou dicindo que o Exército secuestrara a Schine coa intención de evitar que se continuase investigando a presenza de elementos comunistas no seo das forzas armadas.

O documentario contén escenas que logo pasarían á historia do cinema. A máis destacada é cando McCarthy tenta acusar ao avogado do Exército, Joseph Welch, de querer introducir na comisión de investigación a un avogado do seu bufete, que segundo McCarthy, é un antigo comunista. Welch, defendendo ao seu colega, entoa a máis famosa frase deste documentario: “Finalmente, señor, quédalle sentido da decencia?” A continuación, outro senador, vendo o estado mental lamentable de McCarthy, declara: “Acuda a un psiquiatra”.

Realizado por Daniel Talbot e Emile de Antonio, os dous cineastas enfrontáronse a un traballo moi dificultoso con este filme, visionando as 188 horas gravadas pola CBS cando as comisións foran emitidas por TV no ano 1954. Para Antonio era a primeira vez que realizaba un filme, que o “construía” como lle gustaba dicir.

Nacido en Scrawton, Pensilvania, en 1919, e morto en Nova York en 1989, Emile de Antonio, é un dos nomes máis coñecidos do cinema militante marxista estadounidense. Tras a II Guerra Mundial, de Antonio introduciuse nos circuítos culturais de Nova York, aparecendo nalgúns dos filmes de Andy Warhol, de quen era amigo. Entre os seus títulos podense destacar No ano do porco (1968), sobre a Guerra do Vietnam, Xuízo ás presas (1967), sobre o asasinato de Kennedy, Pintores pintando (1972), sobre movementos artísticos nos EUA ou Milhouse: Unha comedia branca (1971), sobre Richard Nixon. Menos coñecido é Daniel Talbot, quen destaca por ser o editor do libro Film: An Anthology, moi influente nos EUA, e por ter fundado New Yorker Films, a distribuidora que levou aos Estados Unidos os filmes da Nova Vaga Francesa.

O ciclo sobre cinema e control social vai acompañarnos aínda durante todo o mes de maio. O mércores que ven será a quenda do filme A sociedade do espectáculo (La societé du spectacle, Francia, 1973), realizado por Guy Debord sobre o seu propio libro, do mesmo título. O filósofo francés usa nesta fita a técnica do détournement, nunha crítica radical ao márketing de masas e o seu papel na alienación da sociedade moderna.
 
O filme vai ser proxectado na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

O Cineclube de Compostela continúa esta noite co ciclo sobre cinema e control social, coa proxección do filme A sociedade do espectáculo (La societé du spectacle, Francia, 1973), realizado por Guy Debord sobre o seu propio libro, do mesmo título. O filósofo francés usa nesta fita a técnica do détournement, nunha crítica radical ao márketing de masas e o seu papel na alienación da sociedade moderna. A sesión vai ter lugar no lugar e horario habituais, no CS O Pichel (Santa Clara, 21) a partir das 21:45 horas.

No seu libro máis coñecido, A sociedade do espectáculo, publicado en 1967, Debord proporciona unha reinterpretación extensa do traballo de Marx, nomeadamente na aplicación do fetiche da mercancía aos medios de comunicación contemporáneos. Nas súas 221 teses, amplía tamén o concepto da enaxenación para incluír actividades para alén do traballo, e expón a política espectacular común dos reximes soviético e estadounidense.

Seis anos despois, en 1973, o propio Debord realiza unha versión fílmica do seu libro, organizada segundo o principio de “problematizar a recepción”, para obrigar ao espectador a ser un suxeito activo. A sociedade do espectáculos incorpora así imaxes de filmes de ficción, documentais industrais, noticieiros, anuncios e fotografías, que se intercalan con textos, a través de voz en off e de subtítulos, tanto do propio libro homónimo de Debord como de outros autores (Maquiavelo, Marx, Tocqueville, Émile Pouget, Serguéo Solovyov...). As imaxes están incluídas seguindo a técnica do détournement e os textos, en ocasións, son modificados por Debord.

A sociedade do espectáculo non é o único filme dirixido por Guy Debord, malia que sexa máis coñecido o seu labor como teórico marxista. O membro das Internacionais Letrista e Situacionista comezou a interesarse polo cinema en 1940, en Cannes, e roda a súa primeira fita, Ouveos en favor de Sade, en 1952. Neste filme, a imaxe constaba só de brancos mentres se producía diálogo e negros cando había silencio. A este título seguirán outros filmes experimentais como Sobre o paso dalgunhas pesoas a través dunha breve unidade de tempo (1959), Crítica da separación (1961) ou In girum imus nocte et consumimur igni (1984). O propio filme que nos ocupa provocou un novo título de Debord, Refutación de todos os xulgamentos, tanto eloxiosos coma hostís, que se realizaron até o de agora sobre o filme “A sociedade do espectáculo”, de 1975).

O mércores que ven, 30 de maio, o Cineclube vai acoller aínda unha sesión dentro do ciclo sobre cinema e control social. Será o único filme de ficción do ciclo, Máis grande cá vida (Bigger than Life, EUA, 1956), no que Nicholas Ray filma a historia dun profesor, pai de familia, que perde o control da súa vida ao se convertir nun adicto á cortisona.

O filme vai ser proxectado na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

A penúltima cita coas Lúas de Amal celébrase esta noite no Salón de Actos do Hotel Araguaney. Nesta ocasión, os espectadores elixiron ver, cun 60% dos votos, a longametraxe de ficción 'Vale, basta, adeus', de Rania Attieh e Daniel García.
 
O luns 28 de Maio é a penúltima cita coas Lúas de Amal, una iniciativa que propón o Festival Internacional de Cine Euroárabe Amal os últimos luns de cada mes. Trátase duna sesión de cine, totalmente de balde, onde se proxectan os filmes que elixiu o público a través da web do Festival.
 
Coma sempre, a organización de Amal ofreceu 3 opcións a escoller, entre as que se atopaban ESTA É A MIÑA TERRA, HEBRÓN, de Giulia Amati e Stephen Natanson, o conxunto de curtametraxes SABEEL de Khalid Mahmood, SIN TÍTULO de Neil Beloufa e MUDO de Muayad Alayan; e a longametraxe de ficción VALE, BASTA, ADEUS, que foi escollida cun 60% dos votos.
 
As Lúas de Amal é una actividade creada polo Festival co obxectivo de exhibir cinema euroárabe ao longo do ano. Xogando coa palabra “lúas”, as proxeccións teñen lugar o últimos luns de cada mes, ás 22,00 h da noite e totalmente de balde. Trala cita do vindeiro luns 28 de Maio, colgaranse na web (www.festivalamal.es) as 3 opcións que suxire o Festival e entre as que os espectadores terán que escoller 1, a cal se proxectará o último luns do mes de Xuño.

'VALE, BASTA, ADEUS'

SINOPSE
Na pequeña cidade de Trípoli, Líbano, onde os lazos familiares son moi profundos, un home de corenta e tantos anos aínda vive coa súa nai e renunciou a idea de ser independente. Pero cando un día a súa nai abandónao, aohome soamente lle queda a compañía dunha cidade e o que esta lle ofrece.

O Cineclube de Compostela despide o mes de maio e o ciclo sobre cinema e control social coa proxección, esta noite, do único título de ficción do ciclo, Máis grande cá vida (Bigger than Life, EUA, 1956), no que Nicholas Ray filma a historia dun profesor que perde o control da súa vida ao se convertir nun adicto á cortisona. A sesión vai ter lugar no lugar e horario habituais, no CS O Pichel (Santa Clara, 21) a partir das 21:45 horas. Ademais, este sábado 2 de xuño celebraremos a Festa de XI Aniversario, a partir das 20:00 no Pichel.

Baseado nun artigo do divulgador médico Berton Roueché, Máis grande cá vida conta a historia de Ed Avery, profesor e pai de familia que vén sufrindo ataques de dor severa e desmaios, é internado e está diagnosticado como enfermo de poliarterite nodosa, unha inflamación rara das arterias. Os médicos din que probablemente ten só uns meses de vida, polo que concorda en probar un tratamento experimental: doses de cortisona. Tras unha considerábel recuperación, volve para casa coa súa familia. Pero o milagre da súa cura vira nun pesadelo cando Ed comeza a abusar dos comprimidos.

Tras este argumento, o filme de Nicholas Ray non só se refire á psicose provocada pola medicalización da vida cotiá, senón que agocha ademais unha profunda crítica do sistema patriarcal, do “soño americano” e de toda a acumulación de falsas necesidades coas que nos bombardea a sociedade capitalista. Por todos estes motivos, Máis grande cá vida causou unha grande controversia na sociedade americana de 1956 e non conseguiu demasiado éxito de público na altura. Máis a crítica, comezando polos Cahiers du Cinéma francesa, reivindicou este título de Ray e o propio Godard incluíao en 1964 como un dos Dez mellores filmes estadounidenses sonoros.

Nicholas Ray (1911 - 1979), quizais máis coñecido entre o gran público como director por Rebelde sen causa ou por superproducións como Rei de reis e 55 días en Pequín, é especialmente defendido pola crítica por outros filmes, entre os que destacan algúns títulos como, Johnny Guitar, Viven á noite, Nun lugar solitario ou a propia Máis grande cá vida. Ray foi unha influencia esencial no cinema da Nova Vaga francesa (Godard chegaría a escribir “O cinema é Nicholas Ray”) e noutros directores europeos, como Wim Wenders, que realizaría Lóstrego sobre a auga sobre os últimos días da súa vida.

Ademais da proxección deste mércores, esta semana o Cineclube celebra a súa tradicional festa de aniversario, a partir das 20:00 horas deste sábado 2 de xuño, no Pichel. Presentada por Berrobambán, a festa de IX aniversario vai contar coa proxección das curtametraxes Cops (Buster Keaton, EUA, 1922), Big bussiness (Laurel & Hardy, EUA, 1929) e Pickpocket ne craint pas les entraves (Segundo de Chomón, Franza, 1909) e os concertos, a partir das 22:00, de Das Kapital, Ataque Escampe e a Magnifique Bande dos Homes sen Medo. Pechará a xornada DJ Chapaev.

O próximo mércores comezaremos a programación do mes de xuño coa presenza do director Alexandre Argibai, e a proxección do seu filme Apocalypse (Franza, 2011), un documentario sobre a viaxe, a amizade e a correspondencia, concibido como unha carta visual. Xunto con esta fita, proxectaremos tamén a curtametraxe de Johan Van der Keuken A pregunta sen resposta (The Unanswered Question, Holanda, 1986).

O filme vai ser proxectado na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

Con motivo da Semana Gastronómica do Arroz, e tras o éxito de participación do ano pasado, o Restaurante Caney quere animar de novo aos seus seguidores de Facebook a que participen no 2º Concurso de Receitas Caseiras de Arroz. Para iso só terán que darlle ao "Me gusta" na páxina do Caney (Concepto Caney - Restaurantes) e mandar a receita caseira de arroz a prensa2@araguaney.com, xunto cos seus datos persoais (nome e apelidos, mail, teléfono e nome en Facebook).
 
O prazo para participar no concurso ábrese o mércores 25 de Abril e péchase o xoves 10 de Maio ás 10,00 h da mañá. Os concursantes terán que ser maiores de 18 anos e poderán presentar ata 2 receitas por persoa.
 
O gañador do 2º Concurso de Receitas Caseiras de Arroz darase a coñecer o venres 11 de Maio a través de Facebook e o premio consistirá nunha cea para dúas persoas no Restaurante Caney durante a Semana Gastronómica do Arroz (Do 14 o 19 de Maio).
 
Poden consultarse as bases na páxina de Facebook do Caney e na web www.caney.es

Para celebrar o Día das Letras Galegas, a Biblioteca Ánxel Casal anima a todos os nenos e nenas de 3 a 14 anos a participar, debuxando un cartel sobre ese día, que deixarán na urna-tractor (Sala infantil), asinados e coa súa idade, antes do 12 de maio de 2012.

O día 16 de maio abrirase a urna-tractor e agasallarase cun diploma de participación a todos os nenos e nenas que fagan o cartel e cun lote de libros e diploma de honor aos 3 gañadores do concurso.

AS BASES DO CONCURSO ATOPARANSE NA PÁXINA WEB DA BIBLIOTECA E NO MOSTRADOR DE INFANTIL.

Máis info: http://rbgalicia.xunta.es/santiago/

A través da rede social Facebook, Novacaixagalicia organiza o concurso titulado «Atopando a Paz-Andrade», restrinxido a maiores de 18 anos. Ao longo dos días 11, 14, 15 e 16 de maio, Novacaixagalicia formulará unha pregunta por xornada relativa a aspectos da vida do intelectual galego. Entre o 16 e o 18 de maio deberanse enviar as respostas. O premio para o gañador ou gañadora, que se dará a coñecer o día 21 de maio, será unha fin de semana nunha casa rural situada na zona natal de Paz-Andrade.

Páxina de Facebook: aquí

Máis información en www.obrasocialncg.com

Baixo o hashtag #pqmegustaogalego convócase a partir do 14 de maio, e ata o domingo 20 de maio, o certame «Gusto polo galego» na rede social Twitter e ao que só se poderán presentar as persoas maiores de 18 anos. Os escritos que se envíen para este concurso deberanse cinguir aos 140 carácteres que permite esta rede. Cada participante poderá remitir un máximo de cinco microrrelatos que, por suposto, deben ser inéditos, orixinais e non estaren presentados simultaneamente a outros concursos. Todas aquelas persoas que decidan participar, deberán ser seguidores do Twitter da Obra Social Novacaixagalicia (http://twitter.com/obsncg). O premio consistirá nun dispositivo de lectura electrónico.

Máis información en www.obrasocialncg.com

Con motivo do Día das Letras Galegas, todos os centros escolares de Galicia poderán participar no certame titulado «O mar de Paz-Andrade», organizado por Novacaixagalicia, que se centra en fomentar a escrita entre os escolares e que procura poñer de manifesto o importante labor que os docentes realizan a prol da difusión desta efeméride.

As categorías deste concurso distinguen en función dos ciclos educativos que estean a cursar os rapaces e rapazas, establecendo así diferentes criterios de esixencia nas redaccións para o alumnado de primaria, secundaria e bacharelato. Cada centro escolar poderá enviar un máximo de quince traballos, respectando, sempre, un límite de 5 proxectos por ciclo educativo.

O prazo de presentación de orixinais rematará o martes 22 de maio e as canles mediante as cales se poden enviar son tanto a través do correo postal, coma electrónico. En calquera caso, a partir das 17:00 h dese día, non se aceptarán máis escritos.

Os premios consisten nunha consola, nunha cámara fotográfica dixital ou ben nunha tableta electrónica. Ademais, o colexio recibirá un lote de libros para a súa biblioteca.  

Máis información en www.obrasocialncg.com

A Escola de Negocios Novacaixagalicia pon á disposición de todas aquelas persoas interesadas tanto na realización do BBA (Bachelor in Business Administration) coma no MBA Full-Time (Master in Business Administration) a posibilidade de solicitar as bolsas de axuda ao estudo. Os requisitos precisos para poder acceder a elas inciden nunha boa cualificación académica e nuns niveis de renda que se encadren dentro dos propostos pola entidade. As axudas que ofrece a Escola de Negocios Novacaixagalicia oscilan, en función dos dous criterios devanditos, entre un 30 e un 80% da contía total dos cursos.

O programa de MBA que se ofrece para o vindeiro ano académico busca potenciar nos seus alumnos os coñecementos esenciais do ámbito empresarial e financeiro non só a través de aspectos teóricos ou mesmo prácticos nas aulas, senón mediante a inclusión dun completo programa de prácticas remuneradas en empresas coas que a Escola de Negocios Novacaixagalicia ten xa acordos establecidos. Ademais, algunhas das materias que articulan o master serán impartidas en inglés coa idea de potenciar entre os asistentes ao curso unha fluidez básica desta lingua no eido das finanzas e dos negocios. A todo isto cómpre engadir a colaboración da Escola de Negocios Novacaixagalicia con algunhas das universidades máis prestixiosas que permitirá, a quen así o desexe, completar o MBA nalgún deses centros académicos.

O curso de BBA, pola súa banda, desenvolve nun prazo de catro anos esta titulación de grao sobre administración e dirección de empresas, coa posibilidade de realizar un programa de intercambio académico con universidades europeas de primeiro nivel. Por outra banda, o segundo semestre do terceiro curso terá unha docencia completa en lingua inglesa, xa que, entre outras características, o título de BBA da Escola de Negocios Novacaixagalicia leva implícita a certificación dun coñecemento do inglés competente por parte dos alumnos deste programa.

A escola da entidade, con dúas sedes en Galicia, en Vigo e mais na Coruña, goza dun prestixio destacado entre os diferentes centros que destas características existen en España, como o demostran os diferentes estudos que a sitúan entre as quince primeiras escolas de negocios e de MBA en todo o Estado.

Máis información en www.escueladenegociosncg.edu

A.dFuga presenta un ciclo onde conflúen distintas disciplinas creativas, para analizar, cuestionar e debater as novas estratexias feministas presentes na arte, literatura e industrias culturais na actualidade.

Este proxecto de reflexión/acción/creación/colaboración xorde no marco da exposición temporal 'Tic, Tac...' de Laura Piñeiro, comisariada por Paula Cabaleiro, que se desenvolve entre o 20 de abril e o 3 de xuño do 2012 na propia galería. A mostra compartirá espazo coas actividades do ciclo.

O programa do ciclo, coordinado por Paula Cabaleiro, comprende tres bloques temáticos, que se sucederán ao longo de tres semanas. O primeiro deles analizará o feminismo no panorama da arte, comezando coa conferencia de Amabel González, que percorrerá a historia da arte dos séculos XX e XXI a través da agulla e o fío, como nexo. A segunda xornada deste bloque debate o papel fundamental da performance como xénero predilecto das artistas para traballar as cuestións de xénero, pola súa confrontación directa co público, a través dunha mesa redonda, na que intervirán artistas performers da relevancia de Yolanda Herranz ou Ana Gesto, e a crítica e comisaria Mónica Maneiro. E posteriormente, una performance, que implicará a participación do público asistente, a cargo de Ana Gesto, Sabela Pernas e Ana Seijo porá peche á sesión. Ao día seguinte, tres artistas plásticas, Renata Otero, Yolanda Dorda e Lara Pintos, falarán do feminismo dende a pintura, ese xénero donde o dominio masculino foi máis manifesto. Tras a mesa de debate, a propia Renata levará a cabo un “autorretrato colectivo” nunha performance colaborativa, e Sonia Tourón levará a cabo unha acción como picto-escultura (feminista).

O seguinte bloque está dedicado á palabra, iniciando a análise Xulia Santiso a través da figura da escritora e feminista Emilia Pardo Bazán, e proseguindo coas voces e videocreacións de sete poetas que reflexionan acerca do xénero, nun recital poético: Yolanda Castaño, As Candongas do Quirombo, María Rosendo, Cristina Ferreiro, Teófila Noemí, Ruíz, Susana Sánchez Arins e Nair García Abelleira. E o poder das verbas, expándese ao longo dunha xornada máis, ésta baixo as premisas do xornalismo con perspectiva de xénero de Píkara Magazine (que estará representada por Bárbara G.Vilariño), os 30 anos de Andaina (a revista de pensamento feminista galego) e un novo proxecto cultural, artístico e educativo chamado Lila de Lilith, Libraría de Mulleres. Yolanda Herranz botará o peche a sesión coa performance (el) ARTE es ARTE, conformada por 28.848 términos do dicionario da RAE.

O último treito do ciclo versa sobre a xestión cultural e o tándem crítica-comisariado. A primeira será analizada por tres poñentes procendentes de distintos sectores e contextos como a museoloxía, a coordinación cultural e a docencia e investigación: Encarna Lago, Mercedes Rosón e Aurora Marco. Tras a mesa redonda, Sonia Tourón amosaranos a súa video-performance A voltas coa peana, do seu proxecto Des_adaptándome: a voltas coa Arte. Como clausura do ciclo, tres comisarias independentes que coordinaron proxectos acerca do xénero, Anxela Caramés, Chus Martínez e Amabel González, dialogan do eido das exposicións e a crítica de arte, estudando a crecente presenza da muller comisaria e crítica. E as performances Penumbras, de Ana Gil, e Sen título, de Rita Rodríguez, conclúen este pequeno pero completo encontro de creadoras do contexto galego.

BLOQUE I MULLER E ARTE: NOVAS ESTRATEXIAS FEMINISTAS

**24 ABRIL
- 13.00 h. ROLDA DE PRENSA Presentación do ciclo por parte da coordinadora PAULA CABALEIRO (codirectora da galería A.dFuga, xestora cultural e comisaria) e coa presenza dunha das participantes, ANA GESTO (artista performer e investigadora).

**25 ABRIL
- 19.30 h. conferencia A presenza da costura feminina nas mulleres artistas do s. XX / XXI. AMABEL GONZÁLEZ (comisaria independente, educadora e investigadora).

**26 ABRIL
- 19.30 h. mesa redonda MULLER, ARTE E PERFORMANCE. Interveñen YOLANDA HERRANZ (artista e performer, profesora da UVIGO e investigadora), ANA GESTO (artista visual, performer e investigadora) e MÓNICA MANEIRO (comisaria independente e crítica de arte).
- 20.30 h. Performance: Happening para performer de xénero neutro, a cargo de ANA GESTO (artista visual e performer), SABELA PERNAS (realizadora audiovisual) e ANA SEIJO (psicóloga e musicoterapeuta).

**27 ABRIL
- 19.30 h. mesa redonda FEMINISMO DENDE A PINTURA. Interveñen YOLANDA DORDA (artista plástica, pintora), RENATA OTERO (artista plástica e performer) e LARA PINTOS (artista plástica: debuxo, ilustración e pintura).
- 20.30 h. Performance, Autorretrato colectivo: Por mín e polas miñas compañeiras... a cargo de RENATA OTERO Performance, Acción como picto-escultura (feminista), do proxecto Des_adaptándome: a voltas coa Arte, a cargo de SONIA TOURÓN.

BLOQUE II MULLER E LITERATURA: LOITAS A TRAVÉS DA PALABRA

**2 MAIO
- 19.30 h. Conferencia Emilia Pardo Bazán, a forxa da identidade. XULIA SANTISO ROLÁN, directora Casa Museo Emilia Pardo Bazán.
- 20.30 h. RECITAL POÉTICO SUSANA SÁNCHEZ ARINS_Feminino Plural, NAIR GARCÍA ABELLEIRA_poemas, AS CANDONGAS DO QUIROMBO_Videopoemas, YOLANDA CASTAÑO_ Poéticas con marca de xénero, MARIA ROSENDO PRIEGO_poemas, CRISTINA FERREIRO_ videopoemas, Madame e Dorothy TEÓFILA NOEMÍ RUÍZ_poemas.

**3 MAIO
- 19.30 h. conferencias Xornalismo e xénero: Pikara Magazine BÁRBARA G. VILARIÑO (xornalista de Píkara Magazine) Libraría de mulleres: espazo cultural, artístico e educativo LLERENA PEROZO PORTEIRO (colaboradora da Libraría de Mulleres Lila de Lilith) 30 anos de Andaina ZÉLIA GARCÍA e ANA ARELLANO (do Consello de redacción da Revista Andaina_revista galega de pensamento feminista).
- 20.30 h. Performance, (el) ARTE es ARTE, a cargo de YOLANDA HERRANZ.

BLOQUE III MULLER, XESTIÓN CULTURAL E CRÍTICA

**9-10 MAIO
- 19.30 h. Mesa redonda MULLER E XESTIÓN CULTURAL. Interveñen: ENCARNA LAGO (xerente da Rede Museística de Lugo), AURORA MARCO (docente da USC, investigadora), MERCEDES ROSÓN FERREIRO (subdirectora de Cultura da USC) e XULIA SANTISO ROLÁN (Directora Casa Museo Emilia Pardo Bazán).
- 20.30 h. Video-Performance: A voltas coa peana, do proxecto Des_adaptándome: a voltas coa Arte, de SONIA TOURÓN.

**11 MAIO
- 19.30 h. Mesa redonda MULLER, CRÍTICA E COMISARIADO. Interveñen: ANXELA CARAMÉS (comisaria independente e crítica de arte), CHUS MARTÍNEZ DOMINGUEZ (comisaria independente de exposicións e crítica de arte) e AMABEL GONZÁLEZ (comisaria independente, educadora e investigadora).
- 20.30 h. Performances: Penumbras, a cargo de ANA GIL, Sen título, a cargo de RITA RODRÍGUEZ.

Inscrición: En paulacabaleiro@apuntodfuga.com ou no 667823112.

Prezo: Todo o ciclo (con certificado de asistencia): 40 euros
Xornadas soltas: 7 euros/día

A sede da Fundación Granell acolle esta tarde o acto de presentación do libro 'Objetividad, conocimiento y valores en la ciencia. Análisis del pensamiento filosófico de Ilkka Niiniluoto', da autora Arantxa Serantes.

O acto será na Sala Lucernario da Fundación e nel tomará parte a autora Arantxa Serantes, acompañada de Marcos Fernández (Subdirector da revista Código Cero).
 
'Objetividad, conocimiento y valores en la ciencia. Análisis del pensamiento filosófico de Ilkka Niiniluoto', publicado pola editorial Meubook, constitúe un ensaio filosófico que analiza algúns interrogantes relativos á conexión entre tecnoloxía, ciencia e sociedade a través do pensamento do prestixioso filósofo finlandés Ilkka Niiniluoto.
 
Arantxa Serantes é Licenciada en Humanidades pola Universidade de A Coruña, Diplomada en Estudios Avanzados en Historia Antigua e Experta en Pensamiento y creatividad pola Universidad Francisco de Vitoria de Madrid. Na actualidade, realiza unha investigación no campo da Filosofía e estudios de Xénero na Universidade de Santiago de Compostela.

A cociña do Centro de Formación e Cultura Gastronómica de Hostelería Compostela acolle a presentación do número 155 da revista CompHostelería, Santiago é gastronomía, un número centrado no enorme potencial enogastronómico de Santiago e Comarca. Este número contén unha entrevista exclusiva con Joan Roca e conversas con outros cociñeiros e profesionais destacados do sector da restauración, ademais dunha reportaxe en profundidade sobre o Fórum Gastronómico e as seccións xa habituais da nosa publicación: na mesa, na barra, na cama, historia da hostelería, a escapada, o socio opina e as novas seccións de cata de viños e bebidas e a de coctelería creativa.

O espazo escollido desta vez para a presentación é a cociña do Centro de Formación e Cultura Gastronómica de Hostelería Compostela, onde están a desenvolver as súas clases prácticas, estes días centradas na elaboración de carnes, os doce alumnos do Curso de Cociña dirixido a menores de 30 anos en situación de desemprego.

O acto de presentación vai contar coa presenza de María Castelao, concelleira de Medio Ambiente de Santiago, protagonista da sección Na mesa con... o xerente de Hostelería Compostela, Andrés Condide, o director de CompHostelería, Aser Álvarez, e varios colaboradores desta publicación de referencia en Santiago e Comarca. Neste número da nosa publicación tamén incluímos unha interesante reportaxe sobre a Barbanza máis gastronómica, as blogstronomías selectas de Manuel Gago e Miguel Vila e as leccións de gastrosexoloxía de Monica Novas.

Ao remate do breve acto de presentación deste número de CompHostelería, Mónica Novas, psicóloga e sexóloga, coa axuda dos alumnos do Curso de Cociña, vai facer unha cata e degustación dun produto cárnico moi novidoso, a galeguesa, maridada con cervexa 1906 e auga Magma, que será presentado e degustado dende a sempre suxerente perspectiva multisensorial da gastrosexoloxía.

O ciclo 'Música de cámara', organizado pola concellería de Cultura ata o mes de xuño, comeza esta tarde na Sala Mozart do Auditorio de Galicia coa actuación de Filhartrompía Quartet, cuarteto de trompas formado por Alfredo Varela, Martín Naveira, Xavier Ramón e Jordi Ortega.

Filhartrompía Quartet, que naceu no seo da Real Filharmonía de Galicia, ofreceu o seu primeiro concerto en xullo de 2007 no marco do Vía Stellae. No concerto deste ciclo presentan un programa con música de Rossini, Korsakov, Koetsier, Telemann, Pirchner e Pintos.

PROGRAMA

Gioachino Rossini (1792-1868)
La rendez-vous de chasse

Nikolai Rimski Korsakov (1844-1908)
Notturno para cuatro trompas

Jan Koetsier (1911-2006)
Cinq Nouvelles
Prelude
Hymne
Caprice
Carillon
Chasse

Georg Phillip Telemann (1681-1767)
Concerto para catro trompas
Adagio. Allegro
Grave
Allegro

Werner Pirchner (1940-2001)
Born for horn
Kammerjager
Ypsilon for horns
Ivastehnit… Ivasteh…
Einhorns Lustige reise
Hornchen klein…ging  allein…
In die weite welt hinein…

Roberto Pintos (1965)
Catro en san Telmo

O lisboeta Gonçalo Guerreiro presenta un concerto de fados da súa cidade natal acompañados á guitarra eléctrica e pedal de loops. Os fados gardan o seu encanto orixinal gañando unha dimensión contemporánea e orixinal.

Esta noite no Café el Puente os músicos cubanos Alejandro Vargas e Reynier Aldana, xunto ó batería LAR Legido, presentan o proxecto 'Jazz-trovando: A terra e o cimarrón'.

No concerto combinaranse a voz e a guitarra de Reynier Aldana, o piano de Alejandro Vargas e a batería de Lar Legido.

A entrada é de balde.

O ciclo 'ST Música Presente' continúa o seu programa coa violinista folk Begoña Riobó, que chega ao Salón Teatro para presentar o proxecto musical que lidera. Riobó é o nome do grupo de Begoña e tamén o título do seu primeiro traballo discográfico, que se caracteriza polo virtuosismo dos seus músicos á hora de arranxar e interpretar melodías da tradición galega, sendo fieis ás súas formas e orixe.

Begoña Riobó, unha das violinistas con maior proxección no panorama musical galego, lidera esta formación como primeiro proxecto propio nunha destacada traxectoria artística durante a que formou parte das bandas de Carlos Núñez, Susana Seivane, Anxo Lorenzo e da orquestra folk Sondeseu, entre outras. Ademais do violín, domina outros instrumentos como a zanfona e a arpa céltica, da que é mestra na escola de música tradicional e-Trad de Vigo.

Pero Riobó non é o seu proxecto como solista xa que, canda ela, atópanse catro recoñecidos músicos que atesouran unha sólida bagaxe e son habituais nos principais proxectos de música galega: Fernando Barroso (guitarra), Marcos Campos (gaita, acordeón e frautas), Xosé Liz (bouzouki) e Fernando Pérez (frautas e requinta). O virtuosismo destes músicos á hora de arranxar e interpretar melodías, fieis ás formas e á orixe da tradición galega, converten cada concerto nunha mostra de sensacións, onde conviven as raíces culturais máis puras con fórmulas interpretativas actuais.

Concerto solidario organizado polo colectivo Implicadas no Desenvolvemento no pub Ultramarinos. Coa participación de Xoan Curiel, Narci Rodríguez e a presencia especial de Najla Shami.

Musica de película a cargo de Rafa Otero (guitarra e voz), Vita Ivaskevica (voz e guitarra) e Pablo Vidal Mendoza (contrabaixo, melódica e voz).

A Real Filharmonía de Galicia ofrece esta noite un novo concerto da súa tempada de aboamento dirixida por Antoni Ros Marbà e acompañada polo frautista Davide Formisano. No programa inclúese a estrea absoluta de 'Síntese', de Pablo Beltrán, obra de encargo da Fundación Autor.

Real Filharmonía de Galicia
Antonio Ros Marbà, director
Davide Formisano, frauta

PROGRAMA
P. Beltrán, Síntese
J. Ibert, Concerto para frauta
J. Brahms, Serenata núm. 2 en La maior, op.16

A Sala Moon acolle esta noite a actuación musical de Uxío Mayo, dentro do festival 'MusiCompostela', actividade enmarcada no Plan de Acción Local na Prevención de Drogodependencias desenvolvido polo concello compostelán.

Banda Aparte nace en Compostela en 2008 coa intención de consolidar unha formación estable e un repertorio de raíz negra. Soul, R&B e Funk son a base do seu repertorio. Desde entón con e poucas variacións na formación, vaise definindo coa intención, sempre presente, de non perder unha certa vocación jazzística. Por iso deixan espazos para a  improvisación dos oito músicos facendo dos directos un exercicio de espontaneidade.

A Asociación de Amigos da Ópera de Santiago de Compostela organiza un concerto en homenaxe a quen foi o seu primeiro presidente, o xesuíta José López Calo, con motivo do seu 90 aniversario. Un evento cuxo obxectivo é o de homenaxear a súa prolífica traxectoria e o seu papel decisivo na posta en marcha da Asociación.

Atendendo á súa condición de universitario e personaxe central da vida musical compostelá, o acto terá lugar na Igrexa da Universidade e conta co apoio e patrocinio da Universidade de Santiago de Compostela e da Fundación Araguaney-Puente de Culturas. Consistirá nun concerto do grupo E-Ultreia cun programa composto fundamentalmente por obras transcribidas polo Padre Calo. Nel estrearase un motete de Xerónimo de Carrión e farase entrega ao homenaxeado dunha placa conmemorativa, acompañada da pertinente laudatio.

A continuación, celebrarase unha cea na súa honra no Restaurante Araguaney, momento para que o homenaxeado charle dunha forma máis distendida con aqueles integrantes da Asociación de Amigos da Ópera de Santiago, á fin e ao cabo amigos e coñecidos dun personaxe que fixo tanto pola ópera e a música das catedrais de España. José López Calo leva traballando moitos anos da súa vida na recuperación da música das catedrais españolas.

O cantante mexicano Luis Miguel, recoñecido internacionalmente grazas a éxitos como "Será que no me amas" ou "O tú o ninguna", ofrece un concerto no Multiusos Fontes do Sar dentro da xira por España na que está dando a coñecer as novas melodías do seu último disco.

Luis Miguel atesoura dez premios Grammy nas súas máis de tres décadas de carreira, ademais doutros fitos. Entre eles, ser o primeiro artista latino en recibir un disco de Oro en EE.UU. por un álbum en español, ou o primeiro en conseguir cheo absoluto no Madison Square Garden de New York.

O grupo compostelán Reds & Blues, composto por Susana Martínez (voz), Víctor Morales (piano, hammon) e Fernando Romasanta (guitarra), ofrece esta noite un concerto no Jazz Club Dado Dadá.

A finais do 2010 dous guitarristas de Santiago de Compostela, Ignacio Tosar e Fernando Romasanta, póñense en contacto para iniciar un proxecto musical nunha onda blues / soul / swing, e xa perfilando novas cancións en formato acústico empezan a saír versións de clásicos B.B. King, Eric Clapton, etc, comezan a recrear o que será o son de REDS & BLUES, en formato acústico.

Máis tarde, tras varios anuncios publicados, se incorpora ao dúo unha voz feminina, a cal achega un ton moito máis melodioso, e as cancións xa van collendo cor. Ao igual que marca un novo compoñente, o son vai cambiando cara a outros campos como o soul, xa mesmo introducindo temas propios, elaborados perfectamente polos integrantes actuais.

Xa realizados varios concertos, cunha afluencia notable e unhas críticas musicais de bo gusto, a formación a trío decide incorporar á banda a un pianista/teclista (Víctor Morales) e, coa achega dun colchón, as cancións gañan en proxección e peso, constituíndo a base do que será o seu son actual.

Xa coa formación en cuarteto, e mantendo un formato acústico plenamente, comezan a xurdir máis temas propios, e a mediados do mes de xuño lánzanse á gravación dunha primeira maqueta. Aquí xa se aprecia o son característico desta banda.

Durante o mes de novembro soan en Radio Obradoiro, coa canción Today, tonight e, inmediatamente, actúan con éxito no Dado-Dadá, entre outros locais de Santiago e Galicia.

Durante o mes de abril, o Centro Galego de Arte Contemporánea acolle unha serie de concertos a cargo de alumnos de diversas escolas musicais galegas e europeas. Na terceira cita, os alumnos do Centro de Estudos Pianísticos (CEP) de Barcelona, procedentes de diversos lugares de Europa, celebran o III Encontro Internacional de Novos Pianistas, interpretando obras de Scarlatti, Haydn, Falla, Brahms, Chopin, Liszt, Beethoven e Mendelssohn.

A asistencia a este concerto é de balde.

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

'A grande casa' é o nome co que Joâo Afonso e Fred Martins titulan o espectáculo que teñen en conxunto. Un encontro entre dous compositores e cantores que cruzan universos musicais compartidos nunha empatía única.  A marca autoral de ambos e a común posta en valor da palabra cantada vólvense máis nítidas no formato intimista deste concerto: voces e guitarras.

Son viaxes compartidas e sensacións que só unha verdadeira sintonía, como a deste recital musical, nos consegue aportar.

Esta noite regresa o mellor free jazz ao café el Puente. Con Pablo Seoane ó Piano e LAR Legido á batería poderemos gozar dunha nova sesión de LUPERCAL. Despois do concerto comezará a jam session de costume.

A entrada é de balde.

Dirixida por Antoni Ros Marbà e acompañada polo pianista  Eldar Nebolsin, a Real Filharmonía de Galicia ofrece esta noite un novo concerto da súa tempada de aboamento. O programa inclúe obras de Grieg e Sibelius.

"Se non podo escribir unha sinfonía mellor que a Sétima, entón será esta a última" J. Sibelius

Real Filharmonía de Galicia
Antoni Ros Marbà, director
Eldar Nebolsin, piano

PROGRAMA
- E. Grieg, Concerto para piano en la menor, op.16
- J. Sibelius, Sinfonía núm. 7 en Do mayor, op. 105

Esta noite Dúo Cobra ofrece un concerto no Teatro Principal enmarcado no ciclo 'Compostela Rock'. Malia que un dos membros do Dúo é compostelán, é a primeira vez que poderemos ver a este grupo actuando en directo na cidade.

Dúo Cobra amosa ‘Papel Médium’, peza que presentan en (S8), consistente en tres proxeccións simultáneas de 8mm e Súper 8 mentres fan a banda sonora en directo. Máis que unha película Papel Médium é unha evento en directo, e está feito especificamente para o (S8); dado o seu carácter non se repetirá -polo menos da mesma forma, co mesmo metraxe e a mesma banda sonora- en ningún outro sitio.

Dirixidos por Miro Moreira, os membros do Coro da Capela Compostelana, xunto con diversoso solistas, pianistas e percusionistas, interpretan a inmortal obra de Carl Orff.

Carmina Burana
Carl Orff (1895-1982)

Fortuna Imperatrix Mundi

1. O Fortuna
2. Fortune plango vulnera
I. Primo vere
3. Veris leta facies
4. Omnia sol temperat
5. Ecce gratum / Uf dem anger
6. Tanz
7. Floret silva nobilis
8. Chramer, gip die varwe mir
9. Reie
10. Were diu werlt alle min

II. In Taberna
11. Estuans interius
12. Olim lacus
13. Ego sum abbas
14. In taberna

III. Cour d'amourse
15. Amor volat undique
16. Dies, nox et omnia
17. Stetit puella
18. Circa mea pectora
19. Si puer cum puellula
20. Veni, veni, venias
21. In trutina
22. Tempus est iocundum
23. Dulcissime / Blanziflor et Helena
24. Ave formosissima / Fortuna Imperatrix Mundi
25. O Fortuna

Capela Compostelana
Coro

Solistas:
Aída López: soprano
Cecilia Rodríguez: soprano
Lluís Sintes: barítono
Martín Viaño: contratenor

Pianistas:
Juan Manuel Varela
Nicasio Gradaílle

Percusionistas:
Ramón Castro Ferro
Javier Gómez Árias
José Varela Santalla
Marcos Vázquez Rodríguez
Diego Ventoso Fernández

Director: Miro Moreira

O veterano guitarrista alemán de hard rock e heavy metal Michael Schenker presenta na Sala Capitol os temas do seu último traballo discográfico, 'Temple of Rock'.

Cunha formación de luxo, con Herman Rarebell (ex Scorpions), Francis Buchholz (ex Scorpions) e Doggie White (Voz ex Raimbow e ex Malmsteen). Unha xira na que prometen temas de Scorpions, UFO e MSG.

Mentres se visita o Museo da Cidade da Cultura, poderase presenciar unha intervención sonora pensada en exclusiva para a Cidade da Cultura, unha experiencia única e irrepetible, un site specific. Mercedes Peón propón unha intervención que non ocupa, unha obra adaptada aos espazos escultóricos da arquitectura do Museo. Peón formula unha fuxida conceptual da mera exhibición, pretende dar emoción ao tránsito polos espazos arquitectónicos do Museo de Galicia. Espazos baleiros, sen obra.

Peón propón instalarse como obra escultórica coa súa banda (formada por Manuel Alonso, Manuel Cebrián, Ana García e a propia Mercedes Peón) nunha parte do Museo, sen intervir sonoramente no espazo.

A proposta xorde a partir de escoitas individuais para que as persoas teñan unha experiencia sonora. Todo iso a través da obra SÓS e sen perder de vista a magnitude da arquitectura.

A intervención sonora conta, ademais, coa colaboración do escultor Suso Basterrechea, quen aporta unha instalación minimalista, chea de tensión e frialdade estática con só movementos naturais provocados pola propia física e pola orixinalidade do seu pensamento. Todo pensado para provocar itinerancia. Busca da instalación musical. Metáforas, intriga e o efémero. Cincuenta minutos de interacción entre obras que se ofrecen simultáneas e con vida propia.

A intervención sonora continuará sen a presenza da artista o sábado 5 de maio pola tarde e todo o domingo 6, nos horarios habituais do Museo: de 10:00 a 14:00  e de 16:00 a 20:00 h.

O ciclo ‘Compostela Rock’ ofrece esta noite un concerto de La Débil + Unicornibot. Os madrileños La Débil tráennos a súa música post-punk e fan a presentación en Galicia do seu disco, ‘Sángrala’. E desde Pontevedra chega Unicornibot que nos presentan o seu segundo disco ‘Dalle’ que é un golpe na mesa, un salto cara a adiante nas súas aspiracións, unha declaración de intención artística.

Prosegue o ciclo 'Música de cámara', organizado pola concellería de Cultura ata o mes de xuño, cun concerto a cargo da formación Airas Ensemble con Julia Estévez (frauta), Roberto Baltar (óboe), Santiago López (fagot), Alfredo Varela (trompa), Beatriz López (clarinete) e Haruna Takebe (piano). O programa inclúe pezas de Poulenc, Dvorak e Françaix.

Julia Estévez, frauta
Roberto Baltar, óboe
Santiago López, fagot
Alfredo Varela, trompa
Beatriz López, clarinete
Haruna Takebe, piano

Airas Ensemble nace da necesidade de crear un proxecto dinámico, no que a música de cámara non estea sometida a unha mesma formación dentro dun concerto, senón que trata de desenvolver o significado da palabra ensemble para poder mostrar ao público  un gran repertorio interpretado por diferentes formacións camerísticas. Estas formacións están integradas na súa maioría por novos músicos galegos que ocupan actualmente postos principais en orquestras e conservatorios españois e alemáns, que tras tocar xuntos música de cámara en orquestras como a Nova Orquestra Nacional de España e a European Union Youth Orchestra, senten a necesidade de difundir o repertorio camerístico de vento e piano.

PROGRAMA

Francis Poulenc (1899-1963)
Sexteto,  op. 100
Allegro Vivace
Divertissement . Andantino
Prestissimo

Antonin Dvorak (1841-1904)
Cuarteto nnúm. 12 en Fa maior Americano, op. 96
(arr. Guido Schäfer)
Allegro ma non troppo
Lento
Molto vivace
Vivace ma non troppo

Jean Françaix (1912-1997)
L'heure du Berger
Les Vieux Beaux
Pin-up girls
Les petits nerveux

'Íntimo & Acústico', o novo ciclo musical promovido pola Concellaría de Cultura que se desenvolverá ata o mes de xuño, ofrece esta noite un concerto protagonizado polos madrileños La Débil, que presentan o seu traballo máis recente, 'Sángrala', publicado en xaneiro de 2012.

Tras planear un suicidio colectivo nacional na súa primeira maqueta (2007) e pagar un alto rescate polo seu disco Lucha Perro (2009), secuestrado por Sonic Boom (con claras intencións de usalo como arma fronte á Troika nun falido intento de liberación mundial), en agosto do 2011 gravan Sángrala (2012, Everlasting Records) con Carlos Toronado, quen tamén o produce, na Zona Temporalmente Autónoma, e con Alan Douches como masterizador.
Interpretado en directo e en forma dun dobre vinilo, Sángrala fai a súa chamada en xaneiro de 2012: tormentas de pilas, galeras remando en mares de farrapo, bulerías de Marte... misa negra.
O sangue cósmico. A ave fénix. Por fin xirando en Galicia. La Débil.
La Débil bandcamp

O novo ciclo da concellería de Cultura, Íntimo&Acústico, inclúe oito concertos que, tal e como indica o nome do ciclo, responden a formatos máis íntimos e serán no Teatro Principal e na Zona “C”. O ciclo inaugurase o 16 de febreiro con Aline Frazao e terá o seu broche de ouro o 7 de xuño con Coque Malla. Entremedias, estarán Simon Finn, Rebeca Jiménez, Cardigan Bridge, Jane Joyd, Patricia Moon, Daniel Higgs, Maika Makovski+Gentle Music Men, Abe Rábade Trío e Sumrrá.

Dentro do ciclo musical 'Novos valores', o Jazz club dado Dadá organiza esta noite un concerto protagonizado polas cantautoras Tuky e María Viñal.

Tuky aprendeu a tocar a guitarra da man do seu tío Juan Carlos Porto hai seis anos. A partires de aí formouse de xeito autodidacta e este ano comezou a compoñer e dar concertos. Os seus referentes musicais son Bruce Springsteen, Andrés Suárez, The Beatles, Sabina, Quique Gonzalez, Oasis, Antonio Vega, Extremoduro ou Adele, entre outros.

Tuky e María coñecéronse cando María actuou de teloneira de Andrés Suarez no Santiautor 2011. Propuxéronse tocar xuntas e hoxe veñen presentarnos o seu traballo.

Despois de seis anos sen pisar ningunha sala no noso país, pero visitando un bo número de festivais nacionais, The Toy Dolls virán a Galicia para presentar o seu próximo disco: The Album After Last One que se publicará en marzo. O seu novo traballo, que é o 15º da súa traxectoria musical, e o primeiro dende 2006. Toy Dolls terán de teloneiros aos composteláns Novedades Carminha, que presentan o seu segundo LP, ‘Jódete y baila’.

The Toy Dolls presentan o seu novo disco "The Album After The Last One". Un disco que ten a súa edición para a península a través de Maldito Records e saiu á venda en marzo de 2012. Máis de 30 anos na estrada ofrecendo un espectáculo único; rápidos, divertidos, melódicos e moi cachondos, The Toy Dolls posiblemente é a banda de punk máis querida na península.

Este martes a jam do Dado Dadá estará especialmente orientada ao jazz vocal nunha velada protagonizada polo Narci Rodríguez Cuarteto.

Narci Rodríguez - Voz
Telmo Fernández - Guitarra
Juan Cañada - Contrabaixo
Álvaro Trillo - Batería

O artista Issac Delgado & Orquesta Salsabroso ofrecen esta noite un concerto na Sala Capitol incluido no seu Supercubano Europe Tour 2012. Como grupo convidado actuarán Los mulatones de la villa.

O día 10 de maio, o Auditorio de Galicia acolle un concerto-homenaxe a Zeca Afonso titulado 'Terra da fraternidade' e, durante toda a semana, realizaranse diversas actividades por toda a cidade enmarcadas dentro deste tributo. No Ultramarinos poderemos ver ao grupo de Xico Peña (Xico de Cariño).

Os asturianos Fasenuova ofrecen a súa música electrónica nun concerto que terá lugar esta noite na Zona “C”. Presentan ‘A la quinta hoguera’, que pretende ser unha alegoría, á vez divertida e profunda, dos misterios da vida: o amor, a morte, a linguaxe. A música é tratada como elemento alquímico capaz de conectar ao ser humano co descoñecido.

Inspirados no son xitano máis puro e contaxiados polo ritmo máis contemporáneo, conflúen os camiños destes tres músicos no seu propio xeito de sentir e de entender esta linguaxe, influenciados eclecticamente por cadansúas bagaxes, o trío acada un son propio de ida e volta, do mais escuro ao máis luminoso, dos cantes mais antigos ao flamenco máis underground. O trío está formado por Marcos Teira, ao toque, LAR Legido nas percusións e Iria Peña ao cante.

L.A.R. Legido - Percusións
Marcos Teira – Guitarra
Iria Peña - Cante
 
Marcos Teira (Pobra do Caramiñal, 1967), compositor, intérprete e profesor de guitarra flamenca. Logo dunha extensa formación en guitarra clásica e música moderna, introdúcese no flamenco con mestres coma Manolo Sanlúcar, Paco Peña, Enrique de Melchor ou Talegón de Córdoba. Ten tocado con xente coma Rodrigo Romaní, Xosé Manuel Budiño, Leilía ou Uxía e gravado varios discos de música folk, rock, jazz e flamenco entre os que se atopan, ademáis dos tres álbums de seu: “Pimenteira” (xunto a Cuchús Pimentel), “Punta de Cabío” e “Alí”, os de xente coma El Kiki, Uxía, Mugardos, Carmen Dolores, Carmen Rey, Marful, Narf, varias producción teatrais ou a banda sonora do filme “O lapis do Carpinteiro”.
 
L.A.R. Legido (Valladolid, 1975), percusionista, investigador sonoro e profesor de batería. Recibe a súa formación en Madrid no Taller de Músicos e no CEDI e, en Boston, no Berkelee College of Music. Traballou durante tres anos coa orquestra de improvisación libre FOCO. Colaborou con escultores coma Oscar de Paz ou Jorge León,compañías teatrais coma “La Danaus”, proxectos de bailarinas coma o de Beatriz Fuentes ou a compañía “La inesperada ” . Entre os seus múltiples proxectos está o seu traballo con ADN, S.E.M. Big Band, Abe Rábade Trío, Xosé Manuel Budiño, Mercedes Peón, o trío Sumrrá e o proxecto Aquófono Galicia.
 
Iria Peña (Santiago de Compostela, 1976), cantante. Logo da súa formación en música clásica e música tradicional galega comeza a súa carreira coma cantaora acompañada por guitarristas coma Marcos Teira, Cuchús Pimentel, Gastón Rodriguez ou Miguel Ladrón de Guevara e traballando con bailaoras como Sarai e Triana Cortés, Chúa Alba e Beatriz Gamborino ou o escritor Manuel Rivas. Creou, ademais, o grupo de flamenco underground “Peña y Carromato” e colaborou en outros moitos proxectos de moi diversos xéneros.

A cultura galega rende homenaxe ao cantautor portugués Zeca Afonso e á canción "Grândola, Vila Morena", himno dunha xeración e fundamentalmente da Revolución dos Caraveis.

Máis de cen artistas participan neste festival multidisciplinar, entre eles Quico Cadaval, Banda Utopía, García e Leo, Joao Afonso, Ugía e Fred Martins, Guadi Xabier e Guille Fernández, Tiago Gomes, Ico e Xurxo Souto, Xico de Cariño, Ses e Bocixa, Ze Rui, Trópico de Grelos, Aline Frazao, Fran Pérez, Uxía, Sergio Tannus, Vituco, Adrián Beiroa, Najla Shami, Brais Morán, Chévere...

Continúa no Salón Teatro o ciclo ST Música Presente esta noite coa presentación en directo de 'The future is green', o segundo traballo discográfico de Borja Cao Trío no que se mesturan sons clásicos do jazz con músicas tropicais e ritmos electrónicos.

Coa colaboración de Max Gómez á batería e a incorporación de Juansi Santomé ao contrabaixo, este trío continúa a súa andaina xunto co selo Audia Records que prosegue co seu labor de dar a coñecer facetas do novo jazz feito en Galicia.

O ciclo musical 'Praceres Ocultos', organizado por Desconcerto Cultural, propón unha serie de pequenas xoias musicais para grandes oídos. Nesta ocasión o protagonista da velada será Peter Piek, cantante, pintor e multiinstrumentista procedente de Leizpig (Alemaña).

"I sing it in a song, I paint it on a wall" ("Cántoo nunha canción, píntoo nun muro"). Esta declaración de principios, título da súa última xira, deixa as cousas claras. Peter Piek é un artista multidisciplinar en maiúsculas. E é que tanto as súas pinturas coma os seus discos foron obxecto de eloxios alí por onde pasaron. Sen ir máis lonxe, o seu último traballo discográfico "I Paint It on a Wall" (2010, Noisedeluxe Records), permitiulle realizar unha extensa xira que o levou por países como Francia, España, ou a súa Alemaña natal, ademais de Estados Unidos, onde chegou a participar no prestixioso festival South By Southwest de Austin, Texas.
Unha colección de cancións que invitan ao optimismo, compostas a partir dunhas influencias tan variadas como a súa paleta de cores e que van dende o folk de Ben Harper ("Elli" podería tela asinado o músico californiano) a cancións máis próximas ao power pop de xente como Mathew Sweet, pero avaladas por unha singular e persoal voz que o fai único e recoñecible dende a primeira escoita.

O formato da banda de Peter Piek é un trío: voz e guitarra, baixo/teclado, e batería. Un destes tres membros é o holandés Lucky Fonz III, que ademais será o encargado de abrir o concerto, tendo como referencias claras o pop desenfadado de Badly Drawn Boy.

O Abastos EspazoGastroCultural acolle esta noite un concerto de jazz a cargo dos composteláns Coralie Yap-Chine Quartet.

Coralie Yap-Chine naceu en 1984 en París. Alí estudou letras e música, e desenvolveu unha gran paixón pola chanson française e polo jazz. Estudou canto moderno con Véronique Murillo, sendo habitual dos locais de jazz de La Rue des Lombards. Con 20 anos descobre Galicia e crea Les Trois de Cora, unha banda de canción francesa na que tocaron numerosos novos artistas galegos, músicos, bailarins e actores de teatro... tamén coñece entón a dous dos músicos que a acompañan na actualidade, Pablo Seoane e Alvaro Trillo.

Pablo Seoane (Ferrol, 1968) é pianista, compositor, profesor, escritor... a súa enerxía transmítese na música que fai e nos seus múltiples discos. Os últimos Falou, Audia Records e Lupercal Sar, 40.
A batería de jazz Alvaro Trillo (Suíza, 1980) formou parte de moitos grupos. Entre eles Mr Dixie (Jazz Tradicional), Jazz Vides Quartet (BeBop), José Luís Pardo & The Modjo Workers (Blues), Xoán Curiel (Cantautor, Fusión), Bronco Trio (Jazz Fusion), A5 (Jazz), Los Lombardi (Surf-Rock)… También compartiu escenario con músicos como Guillermo Lancelotti, Quique Alvarado, Abe Rábade, Virxilio da Silva, Uxía Senlle, Guim García-Balasch e innumerables máis. É un incansable.
Finalmente, o cuarteto está integrado polo contrabaixista cubano José Manuel Diaz, que cunha sólida formación musical académica clásica, acompaña dende hai dous anos a Guadi Galego, Marful, Marcos Teira e a L.A.R. Legido.

INTEGRANTES:
Coralie Yap-Chine: voz
Pablo Seoane: piano
José Manuel Diaz: contrabaixo
Alvaro Trillo: batería

Leiva, compoñente do grupo Pereza, chega esta noite á Sala Capitol para mostrar en directo os temas do seu traballo en solitario, "Diciembre", un álbum publicado o pasado febreiro.

Esta tarde a Sala Lucernario da Fundación Eugenio Granell será o escenario no que Carlos Arias ofreza un concerto coa técnica milenaria das cuncas tibetanas.
 
As cuncas tibetanas son un tipo de campá utilizado arredor do mundo para a música, a relaxación e o benestar persoal. Tratase dunha actividade diferente, dirixida ós máis pequenos, que poderán participar e coñecer máis sobre este instrumento.
 
Esta proposta corre a cargo de Carlos Arias, escritor e investigador. Ten colaborado con diferentes medios de comunicación, entre eles El Correo Gallego. Como escritor, destacan a súa novela Libro das capitulacións de Xulio Corveira Andrade e a biografía de Eugenio Granell.

Con motivo do 25 aniversario de Komic Librería, a Sala Capitol acolle esta tarde unha cita musical a cargo das formacións Sweet Vandals e Banda Aparte.

Como xa vén sendo habitual, o Ultramarinos colabora co Festival Internacional de Curtametraxes Curtocircuíto, un festival que este ano celebra a súa IX edición. A festa de clausura celebrarase no Ultramarinos cunha sesión musical a cargo de Iván DZ.

Máis info: www.curtocircuito.org

Dentro do ciclo musical 'Ángel Brage', o Auditorio de Galicia recibe hoxe o pianista británico Paul Lewis, recoñecido mundialmente como un dos músicos máis destacados da súa xeración.

Paul Lewis esta recoñecido internacionalmente como un dos pianistas máis importantes da súa xeración. Entre os seus numerosos premios pódense incluír o Premio ao Instrumentista do Ano da Royal Philharmonic e o South Bank Show Award de Música Clásica, o Diapason d'Or de l'Année en Francia, dous premios sucesivos Edison en Holanda, o 25º Premio Internazionale Accademia Musicale Chigiana de Siena e tres premios Gramophone incluíndo o do disco do ano 2008. Entre os anos 2005 e 2007, interpretou o ciclo completo das Sonatas de Beethoven en escenarios de toda Europa e América do Norte sendo aclamado pola crítica, e as súas gravacións do ciclo de Harmonia Mundi recibiron o eloxio unánime de todo o mundo. A súa gravación do ano 2010 de Winterreise de Schubert con Mark Padmore foi galardoada cun premio Gramophone, e a serie completa das gravacións dos Concertos para piano de Beethoven con Jiri Belohlavek e a BBC Symphony Orchestra foi nomeada gravación do mes de Setembro do ano 2010 pola revista Gramophone, e gravación do Mes en Outubro do ano 2010 da Classic FM Magazine. En Maio do ano 2011 a súa gravación das Variacións Diabelli de Beethoven foi aclamada pola crítica e foi nomeado disco do mes pola revista BBC Music Magazine and International Record Review.

PROGRAMA

Monográfico de F. Schubert:

- Danzas alemanas D783
- Sonata para piano núm. 14 en la menor D784
- Allegretto en do menor D915
- Sonata para piano núm. 16 en la menor D845

O cantante DePedro actúa esta noite na sala Capitol, onde ofrecerá un concerto para presentar os temas do seu último traballo, 'Nubes de papel', un disco fráxil, delicado e sinxelo.

A banda norteamericana Tortoise visita Santiago para ofrecer no Auditorio de Galicia o seu mellor rock en directo.

Practicamente só entre as bandas das últimas dúas décadas, Tortoise é un grupo que se resiste a metáforas e analoxías fáciles, que poden ser descritos soando como só eles e ninguén máis. Vinte anos despois da súa fundación, a firma da banda é un inimitable e singular son, un cruzamento fluído de dub, dance, jazz, techno, rock, clásica e o minimalismo, sen que ningunha parte domine o conxunto. Segue sendo unha música orixinal americana e internacional. Ademais, Tortoise segue sendo único no mundo da música contemporánea pola súa ilimitada curiosidade intelectual, a súa voz inconfundible, a súa composición e a súa síntese de mundos sonoros aparentemente contraditorios.

‘Beacons of Ancestorship’ é o sexto álbum de longa duración de Tortoise, e o seu primeiro lanzamento con material novo en cinco anos, desde o ano 2004 ‘It´s all around you’. Ademais disto, a banda estivo traballando e colaborando na retrospectiva do grupo A Lazarus Taxon, ademais dun álbum de covers co vocalista Will Oldham, sobre temas de Elton John, Bruce Springsteen, Richard Thompson, e The Minutemen, titulado ‘The Brave and The Bold’. Ademais, os membros individuais mantivéronse ocupados con outros proxectos, como Exploding Star Orchestra, Bumps, Fflashlights, e Powerhouse Sound.

Cada álbum de Tortoise ten como característica o feito de que atravesa unha enciclopedia de estilos e puntos de referencia, un documento no cal as interseccións musicais e o diálogo prodúcense nun momento dado no tempo. ‘Beacons of Ancestorship’ non é diferente, con chiscadelas ao techno, electro punk, ruído, lo-fi, ritmos troceados, sintetizadores moi elaborados, e endechas tristes e elexíacas. Apreciamos estas ideas de traballo en composicións como "Slim High Class Came Floatin 'In", unha pista de oito minutos que xoguetonamente fai referencias ao mundo da cultura rave e a danza extática.

Hai moitos estados de ánimo, estilos e modos no cancioneiro de Tortoise e, por suposto, a miúdo, no curso dunha soa composición. Tortoise é a experiencia dun son que se está traballando continuamente, como unha conversación entre músicos distintos e relacionados entre si por un pensamento único e na dinámica de grupo, a través da expresión dun pensamento musical de varias capas.

The Bad Plus, o trío de jazz contemporáneo norteamericano formado por Ethan Iverson (piano), Reid Anderson (baixo) e David King (batería), pecha esta noite o ciclo de concertos 'Jazz in Blue'.

A súa música combina elementos do jazz tradicional, free jazz, rock e pop, realizando versións de Nirvana, Ornette Coleman, Blondie, Pixies, David Bowie, Black Sabbath, Neil Young ou Radiohead. O trío publicou o seu primeiro álbum en 2001 e dous anos máis tarde lanzou "These Are the Vistas", ao que seguiu "Suspicious Activity?" en 2005, cunha versión do tema de Carros de lume.

O seu último álbum "Never Stop", publicado en 2010, é o noveno da súa carreira, dous deles gravados en directo. "Blunt Object", gravado en vivo en Tokyo en 2005, inclúe unha versión de "We Are the Champions" de Queen xunto ao clásico "My Funny Valentine" de Rodgers e Hart para reflectir a heterodoxia de The Bad Plus.

Jazz in Blue / V Ciclo 1906 de Jazz é unha extraordinaria iniciativa que ofrece en Santiago de Compostela, dende febreiro a maio de 2012, a oportunidade de achegarse a unha musica radicalmente creativa e de incontestable calidade, levada a cabo por Erik Truffaz, Joe Lovano e The Bad Plus, tres artistas que marcan os camiños polos que transcorre o mellor jazz actual.

A música nas festas da Ascensión comeza esta tarde cun festival denominado SonA no Multiúsos Fontes do Sar. SonA concentra as propostas musicais de seis grupos e artistas con selo galego e gran calado no panorama pop-rock indie nacional: Xoel López, Iván Ferreiro, Novidades Carmiña, The Blows, Eladio e os Seres Queridos e Triángulo de Amor Bizarro.

IVÁN FERREIRO
Os seus doce anos ao fronte dos estratosféricos Los Piratas e o seu algo máis dun lustro de sinuosa carreira en solitario, aválano coma un dos referentes no panorama musical español. “Confesiones de un artista de mierda”, o seu último disco, é un exercicio franco e apaixoado de liberación de todo o que Iván ten dentro. Foi gravado en directo cun reducido público composto por invitados da banda e por fans afortunados.

XOEL LÓPEZ
Xoel López é un dos artistas máis representativos da escena independente en España. Aínda que sempre se moveu entre os sons do pop-rock indie e o folk dos 60, el defínese como un artista libre, e así o demostra. Xoel deixou atrás unha carreira consolidada no seu país baixo o seudónimo de “Deluxe” para saltar o charco e empezar unha nova etapa co seu nome. O seu primeiro traballo co seu propio nome viu a luz o 17 de abril e titúlase “Atlántico”.

ELADIO Y LOS SERES QUERIDOS
Trala publicación de “Están Ustedes Unidos” en marzo de 2011, a xira de presentación arrincou con máis de 40 datas polo territorio nacional, incluindo os máis destacados festivais: Primavera Sound, Vigo Transforma, Día de la Música, Cultura Quente, Ebrovisión ou Sonorama, entre outros. Sen dúbida un artista que se converte na gran esperanza da rexeneración artística da tantas veces maltratada escea nacional.

TRIÁNGULO DE AMOR BIZARRO
Como se The Jesus & Mary Chain creceran na Coruña, ou coma uns Einstürzende Neubauten con máis apego á melodía, Triángulo de Amor Bizarro pervirten as convencións con electricidade desbordante e letras surrealistas. TAB é unha feliz anomalía no rock estatal.

NOVEDADES CARMINHA
Tralo éxito de Te vas con Cualquiera (Bowery Records, 2009), volve á carga co seu segundo LP, Jódete y Baila (Lixo Urbano, 2011), que evoluciona cara a un sonido máis bailón, rozando terreos lo-fi e achegándose estilísticamente á nova onda de garaxe xurdida en Estados Unidos, con Black Lips, Jacuzzi Boys ou Harlem á cabeza.

THE BLOWS
Unha das grandes esperanzas da sempre fecunda escena viguesa, The Blows deron un gran paso adiante con “Ejército de Fantasmas”. O seu segundo disco amósaos máis enérxicos e cercanos á electrónica, na que pode ser unha das sorpresas do ano.

A rúa do Vilar será escenario esta mañá dun concerto especial a cargo da Banda Municipal de Música con motivo do Día das Letras Galegas. A continuación haberá un acto de lectura de poemas a cargo de nenos e nenas de Compostela no que participará o alcalde da cidade, Ángel Currás, e a concelleira de Normalización Lingüística, Rebeca Domínguez.

SOLTA DE LIBROS de Valentín Paz Andrade.

Unha nova cita musical dentro do programa das festas da Ascensión 2012 encherá de ritmo a Praza da Quintana. O Festival '40 Santiago Pop' ofrece a posibilidade de ver actuar en directo a Amaia Montero e ao grupo Despistaos.

Entrada libre.

AMAIA MONTERO
Co seu primeir álbum en solitario, Amaia Montero foi Nº1 na lista dos máis vendidos en España con tres Discos de Platino e acadou o Premio 40 Principales 2009 ao Mellor Álbum. O seu novo disco, Amaia Montero 2, foi editado o 8 de novembro de 2011 en España. Caminando é o primeiro single extraído do novo disco da cantante e compositora donostiarra.

DESPISTAOS
O 7 de febreiro de 2012 publicaron un acústico coas súas cancións máis coñecidas e dous temas novos: Los días contados e Todos para una. No disco hai colaboracións de María Villalón e Dani Martín. A banda de pop-rock orixinaria de Guadalajara repasará os seus temas máis sonados no festival de 40 Santiago Pop.

Entre o 18 de maio e o 4 de xuño, o edificio da Escola de Altos Estudos Musicais abre as súas portas ao público que desexe coñecer mellor esta institución vinculada á Real Filharmonía de Galicia, no que 17 alumnos se están a formar na práctica orquestral.

Neste sentido, os alumnos ofrecerán varios concertos, cun programa variado, centrado en cada un dos instrumentos nos que se están a preparar. Así, o venres 18 de maio a protagonista será a trompeta, o luns 21 de maio, o clarinete, o xoves 24 de maio a percusión, a viola, o contrabaixo e a frauta, o venres 25 de maio, o violoncello e o violín, o venres 1 de xuño, a trompa, e o luns 4 de xuño o óboe. O repertorio abarca tanto os máis clásicos compositores (Bach, Mozart, Beethoven) como algúns contemporáneos, como Ysaye.

A Escola de Altos Estudos Musicais de Galicia é un centro de educación musical xestionado polo Consorcio de Santiago para a formación e perfeccionamento de futuros profesionais galegos da música clásica, así como a organización de diferentes actividades de divulgación musical. Dende o pasado ano 2011, imparte o Curso Avanzado de Práctica Orquestral, recoñecido oficialmente como estudo de posgrao, con título propio expedido pola Universidade de Santiago. Os músicos da Real Filharmonía de Galicia son profesores na Escola, de modo que orquestra e escola forman un proxecto conxunto, único no territorio español, ao estilo das “academias de orquestra”, máis frecuentes no ámbito saxón.

PROGRAMA DE CONCERTOS

** Venres 18 de maio

- 12 h.
Víctor Vilariño, trompeta
F. J. Haydn, Concerto para trompeta en Mi bemol
G. Enesco, Legende
G. F. Haendel, Suite en Re maior

** Luns 21 de maio

- 20 h.
Paloma Pinto, clarinete
I. Stravinsky, Tres pezas para clarinete
C. M. von Weber, Concerto para clarinete núm. 1
C. Debussy, Premiére Rhapsodie

- 20:30 h.
Marta Climent, fagot
W. A. Mozart, Concerto para fagot
A. Jolivet, Concerto para fagot

** Xoves 24 de maio

- 18 h.
Mª Isabel Diego, percusión
Marimba:
J. S. Bach, Partita núm. 3
Multipercusión:
C. Delancey, L´Histoire du Soldat

- 18:30 h.
Ana Montoro, viola
J. S. Bach, Suite núm. 5 para violoncello só en versión para viola

Sara Emanuela Olianas, viola
J. S. Bach, Suite para viola núm. 3
C. Stamitz, Concerto para viola núm. 1
G. Enesco, Peza de concerto para viola e piano

Ana Montoro, viola
W. Walton, Concerto para viola e orquestra

- 19:15 h.
Tamara Moreno, contrabaixo
A. Misek, Sonata núm.1 en La maior, op. 5
R. Gliere, Intermezzo e Tarantella, op. 9

- 19:45 h.
Mercedes Schmidt, frauta
F. Schubert, Tema e variacións
C. Debussy, Sirynx

** Venres 25 de maio

- 10:15 h.
Laura Algueró, violoncello
F. J. Haydn, Concerto para violoncello núm. 2
L. v. Beethoven, Sonata para violoncello e piano núm 4

Raúl  Mirás, violoncello
F. J. Haydn, Concerto para violoncello núm. 2

- 18:30 h.
Clara Badía, violín
W. A. Mozart, Concerto para violín núm. 4
C. Saint-Saens, Introducción e rondó capricioso

Angeliki Casdas, violín
S. Prokofiev, Concerto núm. 1
E. Ysaÿe, Sonata para violín núm. 2

Paula Colás, violín
W. A. Mozart, Concerto para violín núm. 4
P. I. Chaikosky, Concerto para violín

Beatríz Junco, violín

J. S. Bach, Partita núm. 1
J. Sibelius, Concerto para violín

Ângela Neto, violín
J. S. Bach, Partita núm. 3
J. Brahms,  Sonatensatz
S. Prokofiev, Concerto para violín núm. 2

** Venres 1 de xuño

- 10:30 h.
Javier González, trompa
C. Saint-Säens, Concerto para trompa
W. A. Mozart, Concerto para trompa núm. 2

** Luns 4 de xuño

- 18:30 h.
Marc Borrás, óboe
B. Martinu, Concerto para óboe

Cadena 100 organiza esta noite un concerto na Praza da Quintana protagonizado polo veterano grupo Celtas Cortos, que presenta os temas do seu álbum máis recente, 'Vivos y directos', publicado en 2012.

Entrada libre.

CELTAS CORTOS
Máis de vinte anos ás súas costas dan para moito. Dende os seus inicios no Instituto Delicias onde se formaron ata o seu presente máis cercano, coa volta de Jesús á formación, desgránanse discos, letras e historias que conforman a esencia dun grupo que segue amosando a súa fortaleza no panorama musical actual.
Fixándonos só nos últimos anos lembramos a gravación de INTROVERSIONES (2010), un traballo da banda gravado entre Andoain (Gipuzkoa), Valdeón (León), Valladolid e Beluso, volvendo a estar aos mandos técnicos Kaki Arkarazo, Goyo Yeves e a volta á produción de Juan Ignacio Cuadrado, productor dos catro primeiros discos de Celtas Cortos.
Tras unha longa e maravillosa xira acústica por diversos teatros da xeografía española e a súa posterior xira eléctrica, e froito da gravación en directo de ambos formatos, xurdiu o último disco do grupo ata a data: “Vivos y directos” (2012). Os temas deste novo álbum e os maiores éxitos da banda darán forma ao concerto co selo Cadena 100 das Festas da Ascensión.

A programación musical das festas da Ascensión prosegue esta noite coas actuacións na Quintana de Nach e Erin, organizadas coa colaboración de XADE e incluídas nun programa de actividades de Cultura Urbana.

NACH
“Mejor que el silencio” (2011) é a nova entrega de Nach, con todo o seu inconfundible carácter e fertilidade. Cando parecía difícil seguir escalando na súa apabullante construción de épica lírica, selo da casa, de novo volve a conseguilo.
Tras un excelente 2011 pragado de éxito e de momentos estelares arrededor do lanzamento deste traballo (Mellor Disco Español do Ano segundo os lectores de Hip Hop Nation), NACH foi nominado pola Academia das Artes e as Ciencias Cinematográficas aos Premios Goya 2012 na categoría de MELLOR CANCIÓN ORIXINAL POR VERBO, tema central da película do mismo nome dirixida por Eduardo Chapero-Jackson.

ERIN
Erin comenzou a rapear con apenas 11 anos, gañando importantes certames de improvisación. Da man de QT2M, mítico grupo de rap de Santiago, comenzou a súa andadura pisando táboas de escenarios. Pero a súa primeira referencia remóntase a 2007 cunha larga duración de 14 cancións xunto co produtor Richard en ‘Desde antes hasta ahora’. Deste LP saíron temas que son xa himnos nas rúas de Compostela como ‘Santiago DC’ ou ‘Fuck the police’. Este ano Erin presenta “El Trapecista”, un EP de catro cortes con letras reais, letras vacilonas a veces, serias outras. Próximamente sairá á luz unha nova mixtape de dancehall e o seu primeiro LP xunto a Hazhe.

O artista Eliseo Parra, coñecido fundamentalmente pola súa labor como renovador da música tradicional española, presenta no Teatro Principal os temas do seu último traballo, 'Contradicción', nun concerto no que estará acompañado pola súa banda habitual.

Eliseo Parra, nacido na Ribeira do Douro un mes antes da década dos 50, desde neno empezou a mostrar gran afección, primeiro polo baile e máis tarde polo cante. Foi medrando acompañado sempre pola música, cantando en casas de veciños, en rondallas, no coro do Instituto, etc., mentres vivía en Valladolid.

Aos 14 anos de idade a familia emigra á Barcelona dos anos 60 e é alí onde, sen querelo, convértese en músico profesional aos 18 anos e estudante libre no Conservatorio Municipal. Case desde o principio foi batería-cantante en bandas de rock como ‘Mi Generación’, coa que gravou dúas L.P.s e un single entre 1971 e 1973, reeditados 35 anos despois por Wha-Wha Records. Despois viría a época ‘Zeleste’ tocando con ‘Blay Tritono’, ‘La Rondalla de la Costa’ e ‘Sardineta’, grupo mítico co que xiraban por Europa actuando na rúa e en locais.

Naquela gran Barcelona do setenta, acompañou en directo ou en disco a Ovidi Montllor, Gato Pérez, María del Mar Bonet, Mariña Rossell ou ‘Al Tall’, entre outros. Nesta época empeza a abandonar a batería para entrarse máis no canto e a percusión menor para converterse en cantante de salsa con orquestras como ‘La Platería’, ‘La Sonora Catalana’ ou ‘La Negra’.

En 1983, trasládase a Madrid co grupo ‘Mosaico’, xa para facer música tradicional; dous discos foron froito daquela unión: ‘Homenaje a Agapito Marazuela’ (1984) e ‘De raíz’ (1985). Ao desfacerse o grupo, traballa con Elisa Serna, Ángel Carril, María Salgado e moitos máis de toda índole.

Volve gravar en 1992 ‘Al Bedrío’, ‘Arraigo’ (1994), ‘Arboleras1’ (1995), ‘La boda estorbada’ (1996), ‘Arboleras 2’ (1997), ‘Tribus Hispanas’ (1998), ‘Viva! quien sabe querer’ (2002), ‘De ayer mañana’ (2005) e ‘Diez’ (2009).

Percorreu medio mundo actuando coa súa magnífica e fiel banda e colaborou con gran parte dos grupos de recreación tradicional da Península. Realizou traballo de campo por boa parte de España xunto a José Manuel Frade e colaborado nos libros e discos de recompilación deste, como transcritor musical.

Cabe destacar tamén o seu ‘Suite Romance’, que estreou o Ballet Nacional e a Orquestra Sinfónica de Madrid e o seu traballo como músico e actor para a Compañía Nacional de Teatro Clásico na obra de Lope de Vega ‘Peribáñez e o Comendador de Ocaña’. Por último cabe resltar a súa labor docente desde hai seis anos como profesor de percusión e canto tradicional.

O TAC quere abrir este segundo ciclo de Seráns cun concerto de autores que seguiron camiños moi persoais, difíciles de encadrar nas distintas correntes musicais xurdidas no transcurso das súas vidas e que deixaron unha gran pegada coa súa música, ademais de tratarse de obras cun compoñente performántico moi importante, non só para escoitar, senón tamén para ver.

Entre elas, o TAC asume o reto da interpretación dunha das obras claves na creación musical de E. Varèse, Octandre, dunha modernidade radical aínda nos nosos días, pasando pola ironía e a crítica de Kagel e Schnittke ou da integración da linguaxe do "rock" na creación contemporánea de Daugherty que, ademais, traerá sorpresa.

Director: Diego García Rodríguez
Presentador: Carlos Blanco
Restaurante: Abastos 2.0 (Santiago de Compostela)

Programa

    Edgard Varèse (1883-1965): Octandre
    Mauricio Kagel (1931-2008): Dix Marches pour rater la Victoire
    Alfred Schnitke (1934-1998): Serenade
    Michael Daugherty (1954): Dead Elvis

Fagot: Álex Salgueiroa

Mantendo o formato humor-música-gastronomía, o TAC pretende consolidar este proxecto na programación cultural da Cidade da Cultura de Santiago de Compostela, coa idea de desenvolver, nun curto espazo de tempo, unha actividade que sitúe esta cidade, esta institución e este ensemble no panorama internacional da música contemporánea.

Os Seráns do TAC é unha idea que implica a participación dunha boa parte do tecido cultural da nosa comunidade: estreas de obras de compositores galegos; actuación de solistas e intérpretes que desenvolven a súa actividade en Galicia; invitación a artistas internacionais para dirixir ou tocar obras dos nosos compositores e así ofrecerlles unha importante proxección exterior; colaboración con artistas doutros eidos (teatro, audiovisual, danza); colaboración con profesionais de mundos alleos á música (nova cociña, moda galegas).

Cada concerto estará presentado por importantes personalidades do mundo do teatro cun pequeno monólogo que establece pontes entre o humor e a música.

Tras o concerto, cinco importantes restaurantes ofreceranlles aos asistentes unha tapa de cociña contemporánea a partir de produtos da nosa xeografía, que favorecerá un momento de conversa así como de goce dos espazos que ofrece a Cidade da Cultura.

Intérpretes

Diego García Rodríguez, dirección

Luis Soto, frauta
David Villa, óboe
Saúl Canosa, clarinete
Álex Salgueiro, fagot
Alfredo Varela, trompa
Ramón Llatser, trompeta
Iago Ríos, trombón
Nicasio Gradaille, piano
J. Vicente Faus, percusións
James Dahlgren, violín
Michal Ryczel, violín
Nazaret Canosa, violín
Nicolay Velikov, violín
Ioana Ciobotaru, viola
Álvaro Marful, violonchelo
Carlos Méndez, contrabaixo
Alfonso Morán, contrabaixo

Solistas invitados:
Álex Salgueiro, fagot
Carmen Gurriarán, soprano
J. Miquel Ramón, barítono

Director invitado:
Paul Daniel

Prosegue o ciclo 'Música de cámara', organizado pola concellería de Cultura ata o mes de xuño, cun concerto a cargo de Sonatas á italiana, un grupo de música barroca formado polos violoncellistas Carolina Landriscini e Carlos Garcia Amigo e polo laudista Diego Rojo.

Carolina Landriscini, violoncello
Carlos García Amigo, violoncello
Diego Rojo Garrido, arquilaúde

Sonatas á italiana é un grupo de música barroca formado polos violoncellistas Carolina Landriscini e Carlos Garcia Amigo e polo laudista Diego Rojo. O seu traballo conxunto iniciouse no festival Via Stellae 2008 en Santiago de Compostela e desde entón teñen ofrecido numerosos concertos en festivais galegos e cataláns.

As primeiras obras escritas expresamente para violoncello só apareceron en Bolonia. Entre os compositores que consagraron repertorio ao instrumento figuran nun lugar salientable o cellista boloñés Domenico Gabrielli, e os venecianos Benedetto Marcello e Antonio Vivaldi, dos primeiros compositores que exploraron todas as cualidades expresivas do violoncello. Pola contra, Boismortier foi o primeiro compositor francés que utilizou a forma de concerto italiano.

Ao boloñés Alessandro Piccinini, músico na corte de Ferrara, atribúeselle a invención do arquilaúde, e o francés Jacques Gallot foi un dos que exploraron a forma musical “tombeau”, retrato musical en homenaxe a un falecido.

PROGRAMA

Domenico Gabrielli (1659-1690)
Sonata a violoncello solo en Sol, con il basso continuo
Ricercare V para violoncello solo
Canon a due violoncelli

Benedetto Marcello (1686-1739)
Sonata I en Fa maior para violoncello e continuo

Alessandro Piccinini (1566-1638)
Chiaconna (laúde)

Joseph Bodin de Boismortier (1689-1755)
Sonata III en Re maior para violoncello e continuo

Doménico Gabrielli (1659-1690)
Ricercare VI para violoncello solo

Jacques Gallot (1625-1695)
La Belle Affligee  (laúde)

Antonio Vivaldi (1678-1741)
Sonata VI  a violoncello col basso

Este martes a jam do Dado Dadá estará especialmente orientada ao jazz vocal nunha velada protagonizada polo Narci Rodríguez Cuarteto.

Narci Rodríguez - Voz
Telmo Fernández - Guitarra
Juan Cañada - Contrabaixo
Álvaro Trillo - Batería

'A Modo' é o oitavo disco como líder do pianista compostelán Abe Rábade. Seis composicións orixinais e unha versión do fado "Carmencita" integran un traballo en formato trío xunto a Pablo Martín (contrabaixo) e Bruno Pedroso (batería).

Esta formación estable ofreceu concertos ao longo dos últimos anos en numerosas salas e Festivais de Jazz, destacando a súa presenza nas cidades de Santiago de Chile, A Habana, Madrid, Lisboa, Sevilla ou Berlín. O anterior traballo discográfico da banda, "Zigurat" recibiu o premio ao Mellor Álbum de Jazz del Año 2010 por parte da UFI (Unión Fonográfica Independente).

A coidada selección de composicións para o repertorio de 'A Modo' favorece o compromiso coa intuición dos seus intérpretes así como a complicidade co oínte. Tres solistas e acompañantes manexan un triángulo tímbrico con mimo: rico en texturas, dun amplo rango dinámico e cheo de emoción.

O Café Bar El Puente organiza esta noite outra velada musical, que nesta ocasión estará protagonizada polo grupo de jazz Organic Collective.

Xosé Miguélez....Saxo
Marcos Pin....Guitarra
Juansy Santomé.....Contrabaixo
Carlos López.....Batería

O Auditorio de Galicia será escenario esta noite dun novo concerto da Real Filharmonía de Galicia. Dirixida por Edmond Colomer e acompañada polo pianista Fazil Say, a RFG ofrecerá un programa con obras de Saint-Saëns, Marco e Brahms.

O pianista A. Rubinstein interpretou o Concerto para piano núm 2 de Saint-Saëns e recordaba: "Teno todo: audacia e elegancia, cegador brillo e temperamento; ademais é boa música, aínda que non exentar dunha certa banalidade".

Real Filharmonía de Galicia
Edmond Colomer, director
Fazil Say, piano

PROGRAMA
- T. Marco, Espello velado
- C. Saint-Saëns, Concerto para piano núm. 2 en sol menor, op.22
- J. Brahms, Serenata núm. 1 en Re Maior, op.11

Dentro do ciclo musical 'Compostela Rock', o grupo de pop-rock indie valenciano La Habitación Roja ofrece un único concerto en Galicia para presentar 'Fue Eléctrico' (Mushroom Pillow, 2012), o oitavo álbum da súa carreira.

'Fue Eléctrico', disco que está a recoller excelentes críticas en medios especializados, falándose mesmo do mellor da banda, foi gravado nos Estudos Ultramarinos de Santi García e supón un traballo de consolidación dunha extensa carreira, un retorno ás orixes da banda, con sons máis eléctricos que en anteriores traballos e cunha clara vocación positivista. O quinteto valenciano tamén condensou neste álbum as mellores calidades que posúen os seus hits de sempre: vibrantes, con gran tensión emocional e con estribillos que moi pronto serán memorables para calquera fan do pop en castelán.

O ciclo da concellería de Cultura, ‘Música de Cámara', ofrece esta tarde un novo concerto a partir das 20.30 h no Auditorio de Galicia. Nesta ocasión será con Omega Brass Ensemble, un dos proxectos musicais máis interesantes e inquedos dos últimos anos en Galicia.

Omega (Os MEtais de Galicia) nace en 2008, por iniciativa de 5 músicos profesionais, todos eles instrumentistas de vento-metal, coa intención de difundir e promocionar os instrumentos de vento-metal e a música para eles composta. Os compoñentes do grupo contan cunha longa traxectoria profesional, xa que, colaboraron e colaboran, con formacións como a Real Filharmonía de Galicia, a Orquestra Sinfónica de Galicia, Oviedo Filharmonía, Sinfónica de Estremadura, Sinfónica de Madrid, Sinfónica de Granada, Sinfónica de Barcelona e Nacional de Cataluña, Sinfónica de Navarra, Orquestra de Cámara de Menorca, Sinfónica de Castela e León, entre outras.

Actualmente, o grupo colabora estreitamente con compositores galegos co fin de fomentar a creación musical mediante a composición de obras orixinais para este tipo de formación, para a súa estrea e difusión. Omega Brass Ensemble interpreta, nos seus concertos, obras estilisticamente moi variadas dando a coñecer todo tipo de repertorios cun aire ameno e desenvolto, presentando programas destinados a todos os públicos e idades.

PROGRAMA

I
W.A Mozart (1756-1791)
Adagio

Salvador Brotons (1959)
Lluita Lament i Triomf

Joan Vicent Machí (1958)
Bauceant
Le Bateleur. Le Mat. Le Monde

Enrique Crespo (1941)
Suite Americana
Ragtime & Vals Peruano

II
Emilio Cebrián (1900-1943)
Una noche en Granada

Leonard Bernstein (1918-1990)
West Side Store
Maria & Tonight

Delfín Álvarez (1955)
Fura no Vento

Eddie Lewis (1960)
Rizhopus

Gerardo Matos (1897-1948)
La cumparsita

Despois de recibir unha bolsa de estudos e graduarse “first of the class” na New School University (NYC) en Jazz Performance, Pablo Castaño estivo residindo como músico freelance na cidade de New York. Neste período traballaría de “sideman” en concertos e gravacións con Tom Abbott, Stan Rubin, José James, Eyal Vilner,  Wade Burnes, Bobby Sanabria, Woogie Lee, Art Lillard, Youngmin You  e Félix Endico entre outros moitos artistas destacados da escena jazzística newyorkina. Smalls, Minton´s Playhouse, Fat Cat, Iridium, Jazz Garage, Carnegie Club, Swing 46, Jazz Lincoln Center ou a convención do “Jazz Impro Magazine”, eran os escenarios habituais nos que Pablo Castaño desenvolveu a súa carreira profesional como músico de jazz na cidade estadounidense. Xa de volta no país, ademáis de colaborar regularmente con Xacobe Martínez, Marcos Pin, Iago Fernández, Yago Vázquez ou Marcelino Galán lidera o seu propio septeto e trío.

Max Gómez - Batería
Juansy Santomé - Contrabaixo
Pablo Castaño - Saxo alto

O trío Sumrrá cumpre doce anos de traxectoria e o celebra cun concerto moi especial dentro do ciclo 'Íntimo & Acústico'.

O contrabaixista Xacobe Martínez, o pianista Manuel Gutiérrez e o batería L.A.R. Legido levan publicados catro discos, gabados pola súa orixinalidade e calidade, que os levaron a converterse nunha das bandas de jazz máis sólidas do país.

Sumrrá é un trío galego que practica o jazz máis innovador do estado. Recoñecido pola prensa especializada como o trío máis innovador da escena jazzística do estado, Sumrrá une ideas e virtuosismo nunha celebración da música verdadeira, orixinal e libre. Unha proposta sinxela e honesta, chea de talento, de entusiasmo, de sinceridade e de grandes complicidades. Jazz de vangarda cheo de forza e dramatismo ao que non lle faltan nin a dose xusta de técnica, nin o lirismo, nin o swing. O seu impresionante directo é o resultado dun traballo esixente e comprometido dun trío de fondas convicións artísticas. Un grupo cuxa frescura non disimula o alto nivel de composición dos seus integrantes, tres dos músicos que marcan os vieiros do jazz en Galicia. Sumrrá apóiase na naturalidade, na sobriedade e na solemnidade para conquistar o público co seu jazz contemporáneo. Unha proposta que só pretende ser boa música feita por tres bos músicos e que, ao facelo, excede os límites do jazz e da música improvisada e posibilita unha comunicación xenuína e directa co espectador.

A Igrexa da Universidade será escenario esta tarde dun concerto protagonizado polo Coro Universitario da USC, dirixido por Miro Moreira e acompañado polos solistas Aída Lopez (soprano), Martín Viaño (alto), Diego Neira (tenor) e Xurxo Varela (baixo).

Entrada libre ata completar aforamento.

PROGRAMA

    “LA NUEVA ESPAÑA”. Música do período virreinal. Catedrais de México, Puebla e Santiago de Compostela

    Pedro Bermúdez (Granada, España 1558 - Puebla, México 1605)
    Christus natus est (Invitatorium in natali Domini)
    Juan Gutiérrez de Padilla (1629 - 1664). Mestre na catedral de Puebla
    Stabat mater
    Juan de Lienas (1600-1654)
    Salve
    Francisco López Capillas (1605 - 1673)
    Aleluia. Dic Nobis, Maria (Victimae Paschali laudes)     
    J. Vaquedano (1640 - 1711)
    Misa a 4
    Vexila regis
    Ave regina
    Luces y cariños               
    Juana Inés de la Cruz (1648 - 1695)
    Madre la de los primores
    Gaspar Fernández (1570 - 1629)
    Xicohi Conetzintle
    Francisco Escalada (1677)
    Canten dos jilguerillos
    Anónimo
    Dulce Jesús mío
    Francisco Céspedes (Puebla, México 1619 - 1678)
    Convidando está la noche

Director: Miro Moreira

Coro da Universidade de Santiago de Compostela

Capela Compostelana:
Francisco Luego, Viola e dirección
Hugo Kesteman, Fagot
Manuel Vilas, Arpa
Juan Manuel Varela, Clave e órgano

Solistas:
Aida Lopez. Soprano
Martin Viaño. Alto
Diego Neira. Tenor
Xurxo Varela. Bajo

O Cachan Clube organiza para esta noite un concerto protagonizado por The Soul Jacket, unha banda galega de rock and roll que presentará en directo o seu primeiro disco, titulado "Wood Mama".

Esta noite o café El Puente organiza unha nova velada con música jazz en directo. Pablo Seoane (piano) e Toño Fernández (saxo tenor e voz) presentarán o seu novo proxecto en común, Croning.

Fiel á súa visita anual no Jazz Club, o cantautor español Javier Krahe volverá a transmitir o seu gusto exquisito polas letras satíricas e a rima consoante; acompañado dos seus músicos habituais, Fernando Anguita e Javier López de Guereña.

Fernando Anguita - Contrabaixo e coros
Javier López de Guereña - Guitarra e coros
Andreas Prittwitz - Saxo, clarinete, frautas e coros

Máis información e reservas no telefono: 639692902

A Real Filharmonía de Galicia ofrece esta noite un novo concerto do seu programa de aboamento. Nesta ocasión, dirixida por Paul Daniel e acompañada pola mezzosoprano Nancy Fabiola Herrera, interpretará un programa con obras de Berlioz, Sibelius e Pärt.

Real Filharmonía de Galicia
Paul Daniel, director
Nancy Fabiola Herrera, mezzosoprano

PROGRAMA
A. Pärt, Cantus en memoria de Benjamin Britten
H. Berlioz, Cleopatra
J. Sibelius, Sinfonía núm. 2 en Re maior, op. 43

O Trío Pifa, formado pola soprano Begoña Salgueiro, a frautista Julia Estévez e a pianista Rasa Jakutyte, ofrece esta tarde un concerto dentro do ciclo 'Música de cámara'.

O Trío Pifa formouse no ano 2009 coa consigna de explorar a fusión da voz e o instrumento máis parecido a ela, a frauta. O ensoñador repertorio francés camiña dun modo idílico cara aos poemas de G. Fauré desembarcando en interesantes cancións italianas de Giuseppe Verdi e Giacomo Puccini. De Paris a Roma é o seu último proxecto.

A recoñecida cantante lisboeta Mafalda Arnauth abre esta noite o ciclo musical "Divas do Fado" no Teatro Principal, nun concerto no que presentará o seu último traballo, 'Fadas'. Con sete discos publicados, a nova artista converteuse nunha das grandes voces do fado en Portugal.

No seu último disco, 'Fadas', Mafalda Arnauth rende homenaxe á mulleres que lle influíron para dedicarse profesionalmente á música, entre as que se encontran Amalia Rodrígues, Hermínia Silva, Fernanda Baptista, Celeste Rodrígues ou Beatriz da Conceição. Arnauth interpreta grandes temas destas artistas no que supón o primeiro disco de versións da súa traxectoria.

A fadista e compositora de Lisboa introduciu elementos de renovación no fado, especialmente a través da colaboración co arxentino Ramón Maschio, un músico e compositor procedente do tango e con quen Arnauth creou algúns temas a medias. A cantante cita entre as influencias que recibiu para introducir novos elementos nas súas composicións a Mercedes Eslamiada, Atahualpa Yupanqui, Pablo Milanés, Charles Aznavour e a música brasileira, en xeral.

Na súa sétima edición, o Festival de Música de Compostela e os seus Camiños -Via Stellae- encherá de música diferentes espazos da cidade con agrupacións e solistas representativos do mellor do clasicismo e do barroco, así como creación contemporánea.

PROGRAMA

** 2 xullo
- 20:30 | Teatro Principal
La Cetra, Vivaldi e o violín
LA MAGNIFICA COMUNITÀ
ENRICO CASAZZA director e violín solista


** 3 xullo
- 21:30 | CGAC
Centro Galego de Arte Contemporánea
via stellae 20/21: Compositores na Academia de España en Roma
ENSEMBLE s21 / EVA JUÁREZ soprano
Contreras Vázquez, Turina, Buide

- 20:30 Charla-coloquio Fernando Buide (compositor)
Nómadas en Roma: compositores contemporáneos na Academia de España


** 4 xullo
- 20:00 | Salón Teatro
A integral das suites para violoncello de Bach
JEAN-GUIHEN QUEYRAS violoncello


** 5 xullo
- 20:00 | Auditorio de Galicia
Clásicos populares
ORQ. NOVA DA SINFÓNICA DE GALICIA
VÍCTOR PABLO PÉREZ director
Brahms, Bizet, Tchaikovski, Dvorak, Beethoven

- 22:30 | Teatro Principal
Las idas y las vueltas: músicas mestizas. A música barroca colonial en diálogo co flamenco
ACCADEMIA DEL PIACERE
ARCÁNGEL cantaor
FAHMI ALQHAI viola da gamba e director


** 6 xullo
- 20:00 | Zona C (Bonaval)
via stellae 20/21: La voix de la viole, Marin Marais
LA BELLEMONT

- 22:00 | Igrexa da Universidade
'Cantatas, lamentos e cancións de Barbara Strozzi'
MERCEDES HERNÁNDEZ soprano
FERNANDO REYES tiorba


** 7 xullo
- 19:00 | CGAC
Centro Galego de Arte Contemporánea
via stellae 20/21: A gaita contemporánea, un paso máis
PAULO p. gaita
BERTA FRESCO piano
Pulido, Paulo p., González, Fontana

- 22:00 | Teatro Principal
Theyories
DAN BARTA & ROBERT BALZAR TRÍO


** 8 xullo
- 20:30 | Igrexa da Universidade
Violín e voz
IVA BITTOVÁ

- 22:30 | Praza de Abastos
Experianza
ALBERTO VILAS QUINTETO


** 9 xullo
- 20:00 | Zona C (Bonaval)
Barroco flamenco
RAFAEL BONAVITA guitarra barroca

- 22:00 | Teatro Principal
Melodía sentimental de Galicia a Brasil, de Villa-Lobos a Chané
UXÍA canto
SÉRGIO TANNUS guitarra, cavaquinho, viola caipira, percusión
JED BARAHAL violoncello
CHRISTINA MARGOTTO piano


** 10 xullo
- 20:00 | Teatro Principal
Rodelinda, ópera de Haendel en concerto
VESPRES D’ARNADÍ
DANI ESPASA director
MARÍA HINOJOSA soprano Rodelinda
MAARTEN ENGELTJES contratenor Bertarido
JUAN SANCHO tenor Grimoaldo
SIMON KIRKBRIDE baixo Garibaldo
MARTA INFANTE mezzosoprano Eduige
JORDI DOMÈNECH contratenor Unulfo


** 11 xullo
- 20:00 | Salón Teatro
Strana armonia d’amore: Inglaterra vs. Italia
JORDI DOMÈNECH contratenor
DANI ESPASA clave
ORIOL AYMAT violoncello
Pepush, Purcell, Haendel, Scarlatti

- 22.00 | Igrexa Universidade
Labyrinth
ROSS DALY QUARTET
Ros Daly lira de Creta, tarhu
Kely Thoma lira de Creta
Efrén López ud, zanfoña, lauto de Creta
Miriam Encinas bendir, frautas


** 12 xullo
- 20:00 | Igrexa da Universidade
Canto latino
monodia barroca en España e Italia
JUAN SANCHO tenor
MANUEL VILAS arpa doppia / arpa de dúas ordes

- 22:00 | Salón Teatro
Tres países, tres séculos, tres estilos, un clave
PIERRE HANTAÏ clave
Byrd, Couperin, Bach


** 13 xullo
- 20:00 | Auditorio de Galicia
O soño dunha noite de verán
REAL FILHARMONÍA DE GALICIA
MAXIMINO ZUMALAVE director
Mendelssohn, Barber

- 22:30 | Praza de Abastos
Isto é jazz!!
XACOBE MARTÍNEZ ANTELO QUINTETO

O festival Internacional de Música Euro-Vía chega a Compostela os días 2 e 3 de xuño e ten como actividade principal un concerto no que o Europa Antiqua Consort interpreta as Vésperas da Beata Virxe de Claudio Monteverdi nun concerto na Catedral.

O Euro–Vía Festival é unha proposta de programación musical con vocación itinerante. Baixo o lema ‘Praceres musicais ao longo dos camiños de peregrinación’ ven programando música a través dos camiños de peregrinación europeos dende o ano 2005: música para órgano, programas corais, música orquestral, recalando en cidades como París (Notre Dame), Londres (Westminster), Porto, Munich, Copenhagen, Venecia, Roma, etc. Dende 2011 o Festival peregrina de Roma a Santiago de Compostela pasando por Baviera, Francia, Portugal e España (Barcelona, Burgos e León) e chegará o día 2 de xuño a Compostela cun programa repleto de citas musicais.

PROGRAMA

** 2 de xuño

- 18.00 h. Conferencia sobre a iconografía musical do ‘Pórtico da Gloria’ a cargo do Prof. Dr. Carlos Villanueva Abelairas, no Paraninfo da Facultade de Xeografía e Historia da USC, acompañado musicalmente polo grupo Martin Codax.

- 19.30 h. Igrexa da Universidade. Concerto de órgano, conxunto coral e guitarras con obras para dúas e catro guitarras e órgano de Bach, Rodrigo, Hakim e outros, da man do Duo Gruber & Maklar e Amadeus Guitar Duo e o organista Jürgen Geiger, xunto ao coro xuvenil de Landsberg am Lech.

** 3 de xuño

- 10.00 h. Celebración da Santa Misa oficiada na catedral, que contará coa presenza do coro xuvenil de Landsberg am Lech, dirixido por Marianne Lösch e Jürgen Geiger ao órgano.

- 21.00 h. Interpretación das Vésperas da Beata Virxe de Monteverdi, nun concerto na catedral compostelana. O programa será interpretado polo conxunto Europa Antiqua Consort, integrado por membros dos máis importantes grupos de música antiga de Europa (Freiburger Barockensemble, Les Cornets Noirs, Cantus Cölln, Collegium Vocale Gent, Huelgas Ensemble ou La Petite Bande) baixo a dirección de Johannes Skudlik.

Todos os concertos e actividades son de balde até completar aforamento.

Máis información en www.euro-via-festival.org

Humor, crítica social e son Metal conxúganse nun concerto a cargo de El Reno Renardo, que se converteu na banda de "Metal Jachondo" en activo máis coñecida da Península.

Jevo Jevardo-Guitarra e voz
Mikel Torralba-Guitarra
Ander The Thunder-baixo
Ivan Cormen-bateria

Máis info: www.elrenorenardo.com

Orquesta Voland estarán esta noite no Teatro Principal presentando ‘Oito pezas europeas’. O proxecto está concibido como un cruzamento artístico entre música e literatura. A parte musical, orixinal de Roberto Somoza, comprende unha viaxe a través de varios países europeos tendo como punto de partida as súas raíces folclóricas e a obra literaria que acompaña á gravación, de Quinito López Mourelle tamén é, en orixe, unha amálgama entre a novela e o conto.

O proxecto Orquestra Voland* está concibido como un cruzamento artístico entre música e literatura, cristalizado nun formato de libro-disco. Aínda que ambos os universos se deron a man desde as súas primeiras manifestacións (as óperas ou os poemas sinfónicos son dous claros exemplos), o encontro que aquí propoñemos difire bastante do uso máis estendido desa relación e pretende atraer, ademais, non só ao público potencial dese tipo de obras híbridas senón tamén ao que busca o goce de literatura e música por separado. Nese sentido, a parte creativa do proxecto está encabezada por dous artistas que teñen o seu propio público (un como músico e o outro como novelista) e que, por tanto, poden sumar no canto de dividir á hora de difundir a obra e chegar ao gran público.

A Música
A parte musical de Orquestra Voland comprende unha viaxe a través de varios países europeos (Bulgaria, Rumania, Moldavia, Ucraína, Polonia, Alemaña, Francia e España) tendo como punto de partida as súas raíces folclóricas. As melodías e os ritmos elixidos para as composicións implican un alto grao de destreza interpretativa e, con todo, garanten unha fácil comprensión e goce por parte do público. Ao poderoso atractivo da música únese a vistosidade dunha formación variada e pouco usual: unha sección de catro clarinetes, un saxo tenor, un acordeón, un violín, un contrabaixo, unha guitarra e percusión. Outro valor engadido desta proposta musical é a súa localización fronteiriza entre o folk e o jazz, resultando finalmente outro motivo importante á hora de sumar públicos e de estar presente, como espectáculo, en festivais de moi diferente condición.

A novela
A obra literaria que acompaña á gravación tamén é, en orixe, unha amálgama entre a novela e o conto. De feito, podería definirse como unha novela curta na que se intercalaron oito contos. A historia narra as peripecias dun grupo de músicos e as relacións que se dan entre eles durante unha xira en microbús. Cada conto ten como escenario algún do oito países que o grupo visita, aínda que non pretenden ser unha guía ilustrada de viaxe senón tan só o pretexto para a narración dunha novela moderna que non perde o seu sentido se prescindimos da música que a acompaña. Os protagonistas deses contos son membros da Orquestra Voland e personaxes que aparecen ao longo da viaxe, utilizando para iso diferentes puntos de vista que ramifican o tronco da narración central. Os contos correspóndense coas oito composicións musicais e achégannos ao espírito deses países fuxindo dos tópicos dos libros de viaxes e incidindo, en cambio, nunha visión máis introspectiva e persoal.

* O nome Voland é unha homenaxe ao personaxe homónimo da novela O mestre e Margarita do soado escritor ucraíno Mijaíl Bulgákov.

MÚSICA ORIXINAL DE: ROBERTO SOMOZA
NOVELA: QUINITO LÓPEZ MOURELLE
COORDINACIÓN: XOCAS MEIJIDE

ROBERTO SOMOZA, SAXO TENOR
ALFONSO MORÁN, CONTRABAIXO
NIKOLAY STOYANOV VELIKOV, VIOLÍN
GALINA BOTNAR, ACORDEÓN
XOCAS MEIJIDE, CLARINETE
RAFAEL ESPIDO, CLARINETE
JESÚS E. SÁNCHEZ MONTERO, CLARINETE
JUAN PÉREZ, CLARINETE
PEDRO VARELA, GUITARRA
MIGUEL CABANA, PERCUSIÓN

Aula Garum, en colaboración con Panepanna, organiza para esta noite un novo obradoiro gastronómico, esta vez dedicado á elaboración de pizzas caseiras.

'PIZZA... ESA GRAN DESCOÑECIDA'

Prezo: 25 € / persoa (obradoiro + cea + viños + risas)

De novo da man da nosa amiga Anna Mayer veremos en tres horas os ingredientes básicos para unha pizza de verdade: a masa, o mollo de tomate e o queixo. Cada alumno realiza a súa masa que, con nome e apelido, poderá levar á casa para seguir practicando. Cunha masa fermentada un día na neveira, que atoparás lista para ti, prepararemos cada un unha pizza diferente para ver cómo se poden combinar sabores distintos. Veredes que diferencia!
 
E ao rematar o obradoiro, como sempre, non quedará máis remedio que comernos todo o que cociñemos acompañado dun bo viño. Qué dura é a vida! :)

Inscrición: aquí

Con motivo da celebración do Día Internacional da Danza, o Hall e o Salón de actos da Biblioteca pública Ánxel Casal acollen dúas actividades a cargo de Mª Dolores Fojón, codirectora do Ballet Studio. Para nenos e nenas de Primaria.

Requírese inscrición previa, máximo 25 nenos.

Presentación e pequena explicación do que representa este día apoiado con material audiovisual e lectura do Manifesto da UNESCO do día internacional da
danza. Porase o acento na conexión entre lectura e danza.

Obradoiro: Pequeno taller plástico sobre bosquexo de Danza. Clase aberta de danza de técnica creativa en base á conexión Música-Emoción-Xesto coa temática: “O país dos xoguetes”.

Recoméndase traer roupa e calzado cómodo. Consistirá nunha actividade lúdica de achegamento á música e á danza (a clase será de 19 h. a 19:45 h.).

O Garum Bistró organiza este fin de semana un novo obradoiro infantil no seu ciclo 'Pequechef'. Nesta ocasión, nenos e nenas de 9 a 12 anos poderán aprender a elaborar merendas divertidas e saudables a base de orixinais bocadillos e sandwiches.

Máis información: aquí

Igual que as materias primas, tamén as danzas teñen un lugar determinado de nacemento, un período de proba e aceptación, unha expansión e difusión cara a outros lugares e finalmente e tras sufrir pequenas modificacións e adaptacións, o seu novo asentamento en novos países e culturas. Tal é o caso do Scottish, da Polka e da Mazurka; tres bailes centroeuropeos que a mediados do século XIX gañaron moita fama nos seus lugares de procedencia e traspasaron as súas fronteiras chegando a Galicia medio século máis tarde lixeiramente adaptados aos gustos da nosa sociedade e ás limitacións ou esixencias de músicos e instrumentos.

Neste obradoiro dirixido por Manolo Cobas e Luís Prego atenderase a evolución e transformación destes bailes desde a súa orixe ata a chegada a Galicia.

**Número máximo de participantes: 40 por orde de inscrición

Destinado a todas as persoas interesadas sen necesidade de coñecementos previos sobre baile tradicional.

Programa completo aquí

Do 2 ao 4 de maio, a Escola de Negocios Novacaixagalicia organiza en Santiago un ciclo de seminarios que conforman a planificación formativa vinculada á orientación profesional.

Estas aulas están especialmente deseñadas para todos aqueles estudantes que estean no seu derradeiro ano de carreira ou ben para aquelas persoas en busca do seu primeiro emprego. Para cada módulo, a Escola de Negocios Novacaixagalicia conta con profesionais altamente cualificados, que estarán á disposición de todas as consultas dos alumnos.

Cada un dos días versará sobre un aspecto concreto relacionado coas estratexias e procedementos que se deben analizar no intre en que se inicia a busca de emprego. Comezarase, xa que logo, cunha aula cuxo título é «Coñécete», un claro reflexo do que se pretende transmitir durante o seu desenvolvemento. Segundo os profesionais da Escola de Negocios Novacaixagalicia, resulta preciso incidir na importancia da autoavaliarse para poder adecuarse aos procesos de selección que se basean na fórmula persoa-posto. Polo tanto, con vistas a trasladar aos alumnos a relevancia deste paso, realizarase un test en que se poñerá de manifesto o perfil de cada un dos estudantes para que, deste xeito, se distingan con máis claridade as aptitudes máis salientables de cadaquén.

O seguinte curso, e elo na cadea do seminario, está centrado en «Preséntate: A busca de oportunidades». Mesmo en tempos de crise, o mercado laboral ofrece oportunidades, mais cómpre detectalas para poder aproveitalas. No transcurso desta aula, abordarase a situación do mercado laboral e como realizar un proceso de busca de emprego, no cal as redes sociais e as novas tecnoloxías están tendo un impacto cada vez maior. Elaborar unha boa carta de presentación e un currículo eficaz serán outros dos aspectos que se abordarán.

«Véndete» será o terceiro dos cursos desta serie. Será fundamental analizar aquí a actitude para enfrontarse a unha entrevista de traballo, para o que é preciso un intenso traballo previo de preparación. Da man dun entrevistador, poderanse sentar as bases para o desenvolvemento deste proceso e analizaranse os mitos que rodean esta peculiar situación comunicativa. Tamén se abranguerá o concepto de dinámicas de grupo e a súa finalidade. Este curso ofrecerá aos alumnos a posibilidade de preguntaren a un entrevistador laboral todas aquelas cuestións que poidan xurdir.

A matrícula pódese formalizar a través da páxina web da Escola de Negocios Novacaixagalicia, premendo no epígrafe de Ciclo de Seminarios de Orientación Laboral para Estudantes Universitarios.

Máis información en www.escueladenegociosncg.edu

A Cidade da Cultura de Galicia organiza este fin de semana un obradoiro para maiores de 18 anos que leva por título 'Paleta gráfica'.

Facer de algo tan intanxible como o píxel unha novidosa ferramenta para a arte. Este é o obxectivo do obradoiro no que os participantes se sorprenderán de como a través de materias primas tan sinxelas como un panel de grandes dimensións e pequenos imáns de cores se pode dar vida a unha sorprendente e orixinal película de animación.

O sistema é moi sinxelo: sobre unha gran táboa negra que simula ser unha pantalla de ordenador, os alumnos irán colocando manualmente os pequenos imáns de cores que representan os píxeles que dan corpo a unha imaxe dixital. Cada escena construída na “pantalla” rexistrarase cunha cámara, conectada a un sistema de captura e animación, que será a encargada de devolver eses “píxeles” do mundo tanxible ao dixital e configurar a divertida película final.

Do 7 ao 10 de maio, a galería A.dfuga organiza un obradoiro de costura creativa para adultos impartido por Tita Fraga. A actividade desenvólvese no marco da exposición 'Tic, Tac…' de Laura Piñeiro. O asunto é relacionar as prendas confeccionadas no obradoiro coa obra de Laura Piñeiro, de xeito que esta sirva de inspiración para aquelas.

Para isto é necesario ver e comprender o que se expón. Liñas, puntos, fíos, rachaduras, esgazaduras, bodoques, pespuntos, texturas, flocos, caligrafías… compoñen un algo ulterior que debemos desentrañar para conseguir este obxectivo. Os participantes do obradoiro deben aportar prendas ás que lles poidamos dar esta transformación: camisetas, vestidos, pantalóns…

A organización aporta dúas máquinas de coser eléctricas, fíos, agullas, tesoiras, algúns retallos e todo o preciso para cortar e coser.

Imparte: TITA FRAGA

DATAS:

Luns 7 de maio de 18 a 20 h.
Martes 8 de maio de 18 a 21 h.
Xoves 10 de maio de 18 a 21 h.

INSCRICIÓN
Prezo por persoa: 35 €
En paulacabaleiro@apuntodfuga.com ou chamando ao 667823112

Máis info: www.apuntodfuga.com

O obradoiro titulado 'Al encuentro con lo femenino' Mi centro en movimiento', organizado polo centro Gaira, propón diversas actividades para todas aquelas mulleres que desexen facerse un agasallo de benestar e equilibrio. Danza, Corpo e Consciencia (método Georges Courchinoux), movemento expresivo, relaxación e creatividade' Un espazo de encontro feminino, coa nosa enerxía vital, o noso movemento, o noso corpo.

Esta é unha proposta mensual, un taller con continuidade ou non dependendo das circunstancias persoais de cada un.

Percorreremos a nivel corporal, emocional e enerxético os diferentes centros do corpo, coñecéndoos, nutríndonos e desenvolvendo o noso potencial, non fai falta estar nun estado ideal para participar.

Centro Gaira
Rúa Emilia Pardo Bazán nº 4 baixo.

Os soportais do Arquivo de Galicia, na Cidade da Cultura, acollen este fin de semana o obradoiro familiar 'Construíndo un Maio', dirixido a adultos e nenos a partir de 6 anos. Celebra a chegada da primavera e a exaltación da natureza a través dunha das actividades máis ligadas a nosa tradición: a construción dun maio. Pensada para gozar en familia, a Cidade da Cultura pon en marcha esta actividade que lle pemitirá a nenos e adultos compoñer esta figura popular durante dúas xornadas.

Guiados en todo momento por un monitor, os participantes confeccionarán durante o primeiro día o armazón do maio con vimbios, varas e madeiras, mentres que o segundo procederase xa a decorar con flores, froitas ou plantas. Unha composición que virá acompañada dun ritual de coplas tradicionais coas que exaltar a forza da terra e da natureza.

Prazas: 25 prazas

Durante tres xornadas consecutivas, a galería A.dfuga organiza un curso de introdución á escritura creativa impartido por Pedro Ramos e titulado 'Cómo contar historias'. A actividade está relacionada coa exposición temporal que estes días acolle a galería, 'Tic, tac...' de Laura Piñeiro.

TEMARIO
A través de diversas lecturas, explicarase aos participantes os seguintes conceptos teórico-prácticos: Estrutura clásica en tres actos: inicio, nó e desenlace ; Diálogos e descricións. A construción de escenas; Cine e Literatura. Formas de mirar.

OBXECTIVOS
Coñecer os mecanismos do conto actual; Proporcionar as ferramentas conceptuais básicas para estruturar e escribir un conto ou un relato curto; Fomentar a creatividade dos participantes.

3 sesións de 2 h + 3 h + 3 h. O segundo día, a clase comezará coa lectura dos traballos dos alumnos seguida dunha crítica construtiva por parte dos participantes e do profesor. Garántese así a participación de cada un de eles e o seu máximo aproveitamento.

www.apuntodfuga.com
A.dFuga_galería de arte
Rúa do Preguntoiro, 28
15704 Santiago de Compostela

INSCRICIÓN
Prezo por persoa: 90 €
En paulacabaleiro@apuntodfuga.com ou chamando ao 667823112

A galería A.dfuga acolle esta mañá 'Menudos monstros', un obradoiro para todos os públicos (nenos a partir de 7 anos, adultos e familias). A actividade está deseñada por María Chenut, artista multidisciplinar e deseñadora de indumentaria teatral, e ponse en relación coa exposición 'Tic, Tac...' de Laura Piñeiro, que pode visitarse estes días na propia galería.
 
Os bonecos están presentes na vida dos cativos e cativas dende o seu primeiro día. Estes serán a súa compaña, sempre fieis, no desenvolvemento da súa imaxinación, e tamén na súa socialización co mundo que lles rodea. O valor do xoguete feito a man non ten comparación co regalo dun xoguete tipo, coas súas luces, sons, coloríns e connotacións comerciais. O neno ou nena, ó facer o seu propio peluche, consegue un xoguete ao seu gusto, materialización dos seus medos e fantasías, un obxecto vivo, en interacción cos outros xoguetes, e co propio imaxinario.

** Para quen?
Para nenos e nenas dende 7 anos ata adultos, ou ben en familia, xa que estas criaturas son unha escusa para desenvolver ferramentas creativas a calquer idade.

** Obxectivos
- Desenvolvemento do imaxinario nun obxecto acabado
- Crear un xoguete coas súas propias mans
- Investigar e ampliar o coñecemento práctico do uso de formas, cores, texturas…
- Aprender a manexar técnicas básicas de costura
- Potenciar o uso de materiais diversos que poidan ser cosidos, e da reciclaxe

** Proxectos posibles segundo as idades
- Serpe a partir dun calcetín
- Peluche sinxelo, de 2 partes unidas, ou máis complexo con patas, orellas, cola, petos….
- Animal - garda pixama
- Animal mochila
- Bolso; Pintado con pintura para tela e pegado

** Desenvolvemento do obradoiro
- Debuxar a partir do imaxinario ou de fotos, toda clase de personaxes, animais,
monstros. Pensar que elementos caracterizan a cada becho, esaxeración dos
trazos que outorgan máis personalidade…
- Simplificar e sintetizar formas, texturas, cores.
- Elixir combinacións de teas e materiais
- Cortar tea, coser ou pegar, crear volume e encher o animal

** Material que estará dispoñible para os alumnos
- Cremalleiras, cintas de distintas cores, elásticos de distintos grosores, botóns,
pasamanerías, lás…
- Abrecosturas, caixas e alfinetes, agullas normais e especiais para nenos, fíos de distintas cores.
- Pinturas para tea
- Pegamento para tea
- Teas estampadas varias, entretea de pegar
- Unha prancha e máquina de coser

** Cousas que se recomenda traer aos alumnos
- Caixa con: tesoiras, fíos de boa calidade e agulla de ollal grande, alfinetes, tiza normal ou de costura
- Botóns, adornos, teas, ou calquera cousa solta que poida coserse.
- Máquina de coser (opcional)

** Imparte: MARÍA CHENUT
Maria Chenut é artista plástica de formación e traballa con varias compañías de teatro en Galicia deseñando e realizando vestiario de todo tipo. Este obradoiro leva varios anos desenvolvéndose con éxito, tanto para nenos de 7 a 12 anos, coma para grupos de adolescentes e adultos xa que o carácter heteroxéneo do alumnado dinamiza as clases, uns coa súa xuventude e frescura, e outros coa súa experiencia e paciencia.
http://mariachenut.wordpress.com
 
A.dFuga_galería de arte
Rúa do Preguntoiro, 28
15704 Santiago de Compostela
www.apuntodfuga.com

PREZO POR PERSOA
35 euros/persoa (materiais que se indican anteriormente incluídos)
pais que veñan acompañando ós nenos de balde!!!

Máis información e RESERVA DE PRAZAS en:
 
paulacabaleiro@apuntodfuga.com ou 667823112

Do Paraná acolle esta mañá un obradoiro deseñado e coordinado por Maricarmen Cota Piñeiro e dirixido a nenos e nenas de 5 a 10 anos, centrado no desenvolvemento da autoestima como antídoto ao fenómeno do acoso escolar. A través de xogos creativos, simulacións e a adquisión de técnicas persoais, o obxectivo é de informar, detectar, previr e sensibilizar aos nenos fronte ao perigos do acoso escolar entre compañeiros.

O término de Bullying, derivado da palabra “bully”, en inglés refírese a “matón”, “agresor”. Alude a unha situación onde o alumno é agredido ou se converte en vítima ao estar exposto de forma repetida e durante un tempo, a accións negativas infrinxidas por un ou varios compañeiros.
De todos os danos que este fenómeno de violencia xera, hai un especialmente importante para o desenvolvemento psíquico: o da autoestima danada. Non só porque apoia a presenza do problema e manteno, senón porque opera como factor de causa e consecuencia, cun costo social moi alto, e que axuntado a un intenso sufrimento persoal, afectará a todas as demais áreas da vida.

Actividades participativas:
- A maleta da vida.
- A casa e a familia. A escola e os compañeiros.
- Os títeres xogan a mancarse uns a outros.
- Crear a miña caixa interna de cores e xogos.

Requírese que @s nen@s traian fotografías de persoas importantes para eles e sobre todo, unha fotografía de eles mesmos.

Matrícula: 15 € co material incluído

Nº de prazas: 15

As actividades realizaranse cun mínimo de matrículas confirmadas.

** Maricarmen Cota Piñeiro
Licenciada en Psicoloxía pola Universidade Iberoamericana na Cidade de México (1989). Obtén a homologación outorgada polo Ministerio Español de Educación e Ciencia no 2009. É Psicoterapeuta Infantil e de Adolescentes pola Asociación Mexicana de Psicoterapia Psicoanalítica de Nenos e Adolescentes (1999). Master en Atención temprana e Trastornos do Desenvolvemento, pola Universidade de Santiago de Compostela (2007).
Traballou en psicología clínica e educativa en diferentes institucións educativas, consulta privada e docencia. Coordina talleres de teatro, xogo e creatividade desde 1989. Participou en congresos nacionais e internacionais de psicología e psicoterapia infantil e publicou varias investigacións sobre o desenvolvemento do xogo no ser humano, principalmente na infancia.
Actualmente desenvolve o seu labor profesional nas cidades de Pontevedra e Vigo como parte do equipo do Servizo de Atención Infantil do Centro Médico e Centro Lingoreta, así como no Gabinete Ábaco en Bertamiráns (Amio). 

+ Información e reserva de prazas
Psic. Maricarmen Cota Piñeiro
650382527 | galicelta@gmail.com

‘El castellano es un idioma loable, lo hable quien lo hable’, así se chama o novo espectáculo de Luís Piedrahita. Este mago das palabras volve subirse aos escenarios para levarnos da man a ese mundo seu tan peculiar e divertido. Piedrahita defende a eses pequenos seres aos que non se lles trata co respecto que se merecen: as letras pequenas que ninguén le, as olivas, as legañas das toupas...

Humor do cotián, humor branco, en ocasións surrealista e sempre familiar. Neste espectáculo Luís Piedrahita xoga coas palabras, coas súas e coas do público, improvisando coas súas suxestións e deixándolles participar.

Despois do incontestable éxito de ‘¿Por qué los mayores construyen los columpios siempre encima de un charco?’ e de ‘Dios hizo el mundo en siete días… y se nota’ chega este divertidísimo show cheo de maxia e enxeño. Unha vez máis, un monólogo escrito e dirixido por Luís Piedrahita. Unha vez máis, un motivo para asistir ao teatro e gozar do humor deste extraordinario monologuista.

Luis Piedrahita traballou como guionista para programas de televisión como ‘O club da comedia’ ou ‘Cruz e raia’. Tamén foi director, guionista e colaborador do programa de maxia ‘Nada por aquí’. E actualmente é colaborador e guionista do programa ‘El hormiguero 3.0’.

Piedrahita é autor de catro libros de monólogos: “Un cacahuete flotando en una piscina… ¿sigue siendo un fruto seco?”, “¿Cada cuánto hay que echar a lavar un pijama?”, “Dios hizo el mundo en siete días… y se nota” e “¿Por qué los mayores construyen los columpios siempre encima de un charco?” Ademais, escribiu un libro de literatura infantil titulado ‘Diario de una pulga’ e outro para magos chamado: ‘Monedas y otras historias’.

Luís Piedrahita triunfa por toda España cos seus espectáculos unipersoais de monólogos e cada fin de semana colga o cartel de Non hai entradas. Tamén colaborou como guionista nas obras de teatro: ‘5hombres.com’, ‘5mujeres. Com’ e ‘Entre fuerte y flojo’. Para a radio traballou no programa matutino ‘No somos nadie’, de M80 Radio e no programa ‘No es un verano cualquiera’, de RNE.

E en cinema escribiu e dirixiu, xunto con Rodrigo Sopeña, a longametraxe ‘La habitación de Fermat’, estreada en máis de cincuenta países. Ademais colaborou no guión da longametraxe ‘Cosas que hacen que la vida valga la pena’, dirixida por Manuel Gómez Pereira.

A nova compañía O Fantabuloso Cine Ambulante dos Irmáns Lumieira presenta durante dúas xornadas o seu espectáculo de debut, 'Sesión Nº1', dedicado ao mundo slapstick, o xénero cómico da era do cine mudo.

Dirección: Víctor Mosqueira
Elenco: Carlos Meixide, Tomás Lijó e Suso Alonso

Pasen e vexan, Os Irmáns Lumieira transportan nos seus caixóns tesouros únicos polos que pasan cómicos como Chaplin, Buster Keaton, Harold Lloyd, prestidixitadores como Méliès, Segundo de Chomón... E asombrosos e desconcertantes experimentos filmados por eles mesmos en película cinematográfica de 16 mm.

A compañía de nova creación O Fantabuloso Cine Ambulante dos Irmáns Lumieira presenta unha primeira sesión dedicada ao mundo do slapstick, o xénero cómico por definición da era do cine mudo, con dous dos seus grandes mestres. Harold Lloyd e Buster Keaton conforman, xunto con Charlie Chaplin, o triunvirato dos grandes cómicos do cine mudo americano. Os seus personaxes característicos, decote perdedores inocentes máis perseverantes nun mundo seguido cambiante, adquiriron cotas de brillantez nunca despois alcanzadas.

Esta Sesión Nº 1 está composta pola presentación e proxección de sketchs e trucos visuais propios dos Irmáns Lumeira e das curtametraxes: Never Weaken (Viaxe ao paraíso, 1921, 23 min.) e The Blacksmith (O Ferreiro, 1922, 21 min.). No escenario, estarán os irmáns Lumieira: o irmán grande, Carlos Meixide, encarna a figura parlante destas proxeccións mudas, o narrador, o showman, o mestre de cerimonias. O irmán mediano, Tomás Lijó, é o científico; os proxectores de 16 mm son a súa debilidade, os rodillos, a película, cortar e pegar... E finalmente, o irmán pequeno, Suso Alonso, pianista de formación clásica cunha longa experiencia na vella arte de acompañar proxeccións.

Do 8 ao 31 de maio, o Salón Teatro, o Teatro Principal e a Sala Roberto Vidal Bolaño acollen as diversas representacións que forman o programa da XIII Mostra de Teatro Universitario de Galicia, un evento organizado pola Vicerreitoría de Estudantes, Cultura e Formación Continua da Universidade de Santiago.

PROGRAMA

**8 de maio. SALA DE TEATRO ROBERTO VIDAL BOLAÑO. 21 h.
ARTÍAS TEATRO: 'MEMORIA DE HELENA E MARÍA', de Roberto. Salgueiro
Duración: 75 minutos

**9 e 10 de maio. SALA DE TEATRO ROBERTO VIDAL BOLAÑO. 21 h.
TIKTAK: 'TIKeTAK, UNHA HISTORIA DE AMOR RELOXIL', de Mayra Fernández
Duración: 55 minutos

**14 de maio. TEATRO PRINCIPAL. 21 h.
Aula de Teatro da USC – campus de Lugo: 'NA TÚA CARA – IN YER FACE', dramaturxia libre sobre textos de L. Carrol e S. Kane
Duración: 65 minutos

**15 de maio. TEATRO PRINCIPAL. 21 h.
Aula de Teatro Universitaria de Ourense. Grupo Maricastaña. Universidade de Vigo: 'UN NOVO MUNDO FELIZ', dramaturxia libre de "Un mundo feliz" de Aldous Huxley
Duración: 85 minutos

**21 de maio. SALÓN TEATRO. 21 h.
TOLEMIA Teatro: 'TEATRO: OBRAS COMPLETAS', creación colectiva
Duración: 50 minutos

**22 de maio. SALÓN TEATRO. 21 h.
Teatro OS SIGILLATOS GALAICOS: 'ALIZA.G', de Jorge Moreno
Duración: 70 minutos

**23 de maio. SALÓN TEATRO. 21 h.
Teatro da FALÚA: 'FALÚA´S FLYING CIRCUS', creación colectiva
Duración: 70 minutos

**24 de maio. SALÓN TEATRO. 21 h.
PINCHACARNEIRO Teatro: 'BAIXARSE Ó MORO', adaptación de “Bajarse al moro”, de J. L. Alonso de Santos
Duración: 75 minutos

**25 de maio. SALÓN TEATRO. 21 h.
ARTÍAS Teatro: '(COMISARÍA) PARA MULLERES', de Albert Miralles
Duración: 90 minutos

**26 de maio. SALÓN TEATRO. 21 h.
Aula de Teatro da Universidade da Coruña: 'NOSA SEÑORA DAS NUBES', de Arístides Vargas
Duración: 60 minutos

**27 de maio. SALÓN TEATRO. 21 h.
ARTE MAIOR: 'AFORRO ORDINARIO', de Inma Antonio
Duración: 60 minutos

**28 de maio. SALÓN TEATRO. 21 h.
NNC: 'PIM, PAM, CLOWN', de Tomás Afán
Duración: 60 minutos

**29 de maio. SALÓN TEATRO. 21 h.
ENLATA Teatro: 'TURANDOT', de Bertold Brecht
Duración: 100 minutos

**30 de maio. SALÓN TEATRO. 21 h.
MEQUETREFES: 'FOLIE À TROIS: PARANOIA COMPARTIDA', creación colectiva
Duración: 80 minutos

**31 de maio. SALA DE TEATRO ROBERTO VIDAL BOLAÑO. 21 h.
AULA DE TEATRO DA USC. COMPAÑÍA DE TEATRO: 'COMEDIA FAMOSA DO CABALEIRO DE OLMEDO' (escrita por Francisco de Monteser e editada no ano 1651 en Alcalá, con algunha adición respectuosa para a súa posta en escena), de Francisco de Monteser
Duración: 76 minutos

**1 de xuño. Salón Nobre da Universidade. 20 h.
ENTREGA DE PREMIOS DA MOSTRA. Entrega dos premios de teatro da XIII Mostra ás mellores montaxes, direccións de escena, actrices e actores, espazos escénicos e vestiarios, no Salón Nobre da Universidade.

Espectáculo ideado, escrito e protagonizado por tres dos humoristas galegos máis prolíficos e aclamados dos últimos tempos. Despois de miles de horas facendo rir en bares e tabernas de toda índole, Pepo Suevos, Oswaldo Digón e David Amor deciden dar o salto aos grandes escenarios, aos teatros, para darlle unha nova dimensión ao seu traballo. Pero queren facelo dun xeito especial, fuxindo dese sistema tan utilizado do "monólogo sucesivo".

A capacidade creativa deste "comando tecnolóxico" permítelles abordar este proxecto dunha forma máis teatral, sen escaparse a ningunha faceta das que se lles poden aparecer aos actores convencionais (cantar, bailar, facer personaxes, etc). Se ademais, aproveitan a gran complicidade existente entre eles para convivir enriba do escenario, e utilizan a súa ampla experiencia no corpo para xogar e improvisar co público, está claro que este espectáculo vai ser unha bomba completamente impredicible.

A Agrupación teatral Trismus, da Facultade de Medicina da USC, ofrece esta tarde no Colegio La Salle a representación da peza 'Los ladrones somos gente honrada'.

Entrada de balde ata completar aforamento.

A compañía de teatro Pífano Teatro, formada polas actrices Mela Casal e Gloria Ferreiro, presenta durante tres xornadas a súa última producción, 'Winnie son eu', unha traxicomedia dirixida por María Armesto.

Con motivo da celebración do cincuenta aniversario da creación de "Happy Days" por Samuel Beckett, Pínfano Teatro adapta esta traxicomedia existencial. A través do teatro do absurdo, a obra aborda o tema da soidade, a inmobilidade das persoas e a súa loita desesperada e cómica por intentar comunicarse e avanzar.

Autoría e dirección: María Armesto
Elenco: Mela Casal, Xavier Picallo, María Armesto, Marcos Sánchez Armesto

O Salón de actos da Biblioteca pública Ánxel Casal acolle esta tarde a representación da obra de teatro 'Boas-Vindas mariñeiros', de Valentín Paz Andrade, para celebrar o Día das Letras Galegas.

Judith Rodríguez, usuaria desta biblioteca e adicada profesionalmente ao teatro, encárgase desinteresadamente de poñer en escena esta obra. Actuarán varios voluntarios infantís que levan dende o día 16 de abril preparando dita obra.

Dentro do programa de festas da Ascensión 2012, o Teatro Principal acolle durante dúas xornadas, e en pase dobre, a representación de Ni contigo ni sin tí,' unha comedia protagonizada por Jesús Cisneros e Ivonne Reyes que narra en clave de humor a crise da madureza dunha relación.

Director: José Troncoso
Repartición: Jesús Cisneros, Ivonne Reyes, Cristina Peña, Antonio Vico

SINOPSE
Nova versión da obra 'Violíns e trompetas', escrita na década dos 70 por Santiago Moncada. Trátase dunha comedia que fala sobre a madureza, as relacións sentimentais e a amizade, a partir da historia de Gabriel, un home que se ve sometido a unha chantaxe emocional por parte do seu círculo máis próximo dende o momento no que entra na súa vida María, unha moza de 23 anos. Unha morea de situacións divertidas, entre o desexo e a frustración.

O Teatro Principal acolle esta tarde a representación da obra premiada na categoría de Educación Secundaria na XVII edición do Certame de Teatro Intercentros. A obra seleccionada é “Cantiga de Rúa”, do grupo de teatro do IES Antón Fraguas.

A Concellería de Educación do Concello de Santiago de Compostela organiza en colaboración coa Coordinadora de Equipas de Normalización Lingüística de Santiago de Compostela o XVI Certame de Teatro Intercentros, unha proposta de dinamización da actividade teatral nos centros de ensino que fai que o teatro deixe de percibirse como un fenómeno illado da súa experiencia cotiá e realizado en circunstancias excepcionais e pase a incorporarse no contorno sociocultural do estudante.

Dende o 23 ata o 27 de abril os grupos dos Institutos de Santiago e comarca representaron diferentes obras nos salóns de actos dos IES Xelmírez I, Rosalía de Castro e Escola de Maxisterio. Os propios alumnos/as asistentes, así como os directores/as das obras, foron os encargados de elixir a obra e o grupo gañador, así como o mellor actor e mellor actriz na categoría de secundaria e o mesmo para a categoría de primaria.

Citizen inspírase no Citizen Kane de Orson Welles. Pero a nosa obra conta a historia dun suposto empresario galego do sector téxtil converténdose nunha das persoas máis ricas e poderosas no último terzo do século XX. A historia do seu triunfo serve para explicar as consecuencias do proceso de globalización sobre un sitio que seguimos chamando Galicia, o triunfo dun individuo e o fracaso dun pobo.

Citizen 2 sitúase dentro das paredes dun taller de confección formado exclusivamente por mulleres, para contar a historia deste fenómeno colectivo que supuxo a partir dos anos 80 a mobilización de varios millares de mulleres traballando anonimamente para levantar un imperio téxtil que nunca lles ofreceu máis que o mínimo para a súa subsistencia a cambio dunha entrega total. Man de obra a baixo prezo no corazón de Occidente, autoexplotación subvencionada polas administracións públicas, perversión do cooperativismo. Unha forza de traballo de usar e tirar que deixou máis frustración, impotencia e rabia individual. Citizen 2 é un traballo feito co corazón e dende o corpo. Transita polo teatro documental ata mergullarse na atmosfera do melodrama. E quere ser unha homenaxe a un grupo de mulleres que seguen defendendo o seu dereito ao traballo, e que nos axudaron a comprender que os medios non xustifican o fin.

Dirección: Xesús Ron
Elenco: Patricia de Lorenzo, Manuel Cortés, Miguel de Lira, Mónica García, Arantza Villar, Iván Marcos, Nekane Fernández

O Teatro Principal acolle esta tarde a representación da obra premiada na categoría de Educación Primaria na XVI edición do Certame de Teatro Intercentros. A obra seleccionada é 'Acabouse o conto de fadas', do grupo “Máscaras de Teatro” do Colexio San Jorge.

A Concellería de Educación do Concello de Santiago de Compostela organiza en colaboración coa Coordinadora de Equipas de Normalización Lingüística de Santiago de Compostela o XVI Certame de Teatro Intercentros, unha proposta de dinamización da actividade teatral nos centros de ensino que fai que o teatro deixe de percibirse como un fenómeno illado da súa experiencia cotiá e realizado en circunstancias excepcionais e pase a incorporarse no contorno sociocultural do estudante.

Dende o 23 ata o 27 de abril os grupos dos Institutos de Santiago e comarca representaron diferentes obras nos salóns de actos dos IES Xelmírez I, Rosalía de Castro e Escola de Maxisterio. Os propios alumnos/as asistentes, así como os directores/as das obras, foron os encargados de elixir a obra e o grupo gañador, así como o mellor actor e mellor actriz na categoría de secundaria e o mesmo para a categoría de primaria.

O dúo Mofa e Befa pon de novo en escena a comedia titulada 'Shakespeare para ignorantes', dirixida por Quico Cadaval.

'Shakespeare para ignorantes'

Autores: Shakespeare e outros
Dirección: Quico Cadaval
Escenografía: Mofa e Befa
Música: Thomas Morley, John Wilson, Francis Cutting, Anonymous
Iluminación: Baltasar Patiño
Vestiario: Mofa e Befa
Elenco: Evaristo Calvo, Víctor Mosqueira, Quico Cadaval

SINOPSE
Ignorancia: falta de ciencia ou de noticias sobre un asunto particular ou xeral. Shakespeare: creador e produtor teatral de gran suceso no século XVII.
Mofa e Befa irrompen nunha académica conferencia sobre o famoso autor para poñer en primeiro plano as escenas máis ignoradas, por desidia ou falta de oportunidades, polo público actual. O riso máis cruel, as intimidades máis vergoñentas, os actos máis deshonestos e as vilanías máis astutas serán mostradas pola despiadada máquina cómica de Mofa e Befa. Asasinos, xuíces, bufóns, cornudos, delatores, racistas, oportunistas, chulos, torturadores, todos os personaxes que nunca teñen o protagonismo terán agora a sorte de mostrarse no primeiro plano. O astuto e intelixente público de Mofa e Befa poderá tirar valiosos recursos para resolver os problemas da súa vida privada, laboral ou pública.

O xénero de cabaré ocupará o Salón Teatro os primeiros días de xuño con 'Área de descanso', a nova proposta escénica de Gayo Pinheiro, dúo formado por Clara Gayo e Iria Pinheiro.

Gayo Pinheiro é o dúo formado por Clara Gayo e Iria Pinheiro que veñen de “asociarse” recentemente para ofrecer unha proposta escénica: “Área de descanso”. Un espectáculo inspirado no código do xénero cabaret, onde dúas mulleres narran as súas peripecias dende que deciden dar un xiro á súa vida e percorrer o mundo á marxe de crises e conflitos internacionais. Cunha linguaxe sinxela e mesmo achegada ó absurdo, analizan a actualidade e os problemas dun sistema económico e social esencialmente dominado por homes no que non atopan o seu lugar. A idea da viaxe/viraxe que acometen vencidas e cansas da inflexibilidade do seu entorno, é o punto de partida en contraposición á inmovilidade que tradicionalmente se asocia ou identifica coas mulleres, na eterna espera dun factor externo (normalmente masculino) que chegue a mudar a súa situación. En “Area de descanso” estas mulleres falan, opinan, critican e analizan todo con acidez e ironía e toman postura ante o que acontece sempre dende a súa propia natureza e razón de ser, parodiando por momentos os roles masculinos típicos, pero sen deixar que estes acaben sendo os protagonistas pasivos.

Por outra banda, ademáis de ofrecer unha visión feminina acerca dos conflitos emocionais, laborais e sociais, “Area de descanso” pretende orientar os códigos tradicionalmente empregados no cabaret a un discurso onde se presenta a mulleres activas, con opinión, e onde o rol feminino, o seu corpo e o seu pensamento son expostos sen caer nos roles que tradicionalmente caracterizan este tipo de espectáculos, onde a muller convértese nun “obxecto” de contemplación básicamente onanista orientado a un público fundamentalmente masculino. Do cabaret se rescatan a visión crítica e ácida do mundo e a política, o diálogo directo co público, a vivencia dunha sexualidade aberta que trata de liberarse das estruturas heterosexuais imperantes e, sobre todo, fala da amizade e a complicidade entre mulleres.

Zakarías o'Facas presenta o seu espectáculo de contacontos e monólogos para adultos na Sala Santart.

Duración: 70 minutos
Idioma:  Galego
Máis información e reserva de entradas: 630 839 632

A artista catalana Eulàlia Valldosera presenta na galería SCQ a exposición titulada 'Luz sin Noche'.

Eulàlia Valldosera naceu en 1963 en Vilafranca del Penedès, Barcelona. De 1981 a 1986 estudou Pintura na Facultade de Belas Artes de Barcelona e despois, entre 1987 e 1988, Gravado na Escola de Artes e Oficios de Cataluña. Viviu en Amsterdam entre 1990 e 1994, obtendo en 1992 unha Licenciatura en Audiovisuais na Gerrit Rietveld Academie. No período 1999-2000 residiu en Berlín, cunha Bolsa do DAAD. Actualmente vive e traballa en Barcelona.

As instalacións e accións lumínicas caracterizan a obra de Eulalia Valldosera, onde a intención non é crear un obxecto para ser observado, senón facer partícipe o público dunha acción que poida ser recordada. Os envases e os produtos de limpeza constitúen o leit motiv da maioría das súas instalacións.

Os seus traballos adoptan o corpo como medida e receptáculo da realidade exterior, para desenvolver unha reflexión sobre a identidade da muller como suxeito intelectual, e céntranse nas nocións de identidade sexual, amor, enfermidade e maternidade. Neste sentido, os arquetipos femininos, os conceptos de fogar e familia; a busca dunha mirada propia non condicionada pola mirada masculina; a reivindicación da enfermidade como vía de curación; a necesaria fragmentación das relacións amorosas; e sobre todo, a imbricación da experiencia no pensamento constitúen algúns dos eixes fundamentais do seu obra.

A partir de fotografías, vídeos, esculturas e proxeccións de luz, Eulàlia Valldosera recrea unhas escenificacións dramatizadas que reflicten simultáneamente a presenza e a ausencia, a memoria e o desexo. Nelas, a sombra e máis recentemente o espello evocan unha busca interior cara ao mundo do subconsciente, non só como espectro dun pasado non resolto, senón tamén como forma de aprehensión da realidade. Con estas pezas, a artista despraza o mundo material e xera un espazo "animado" onde se sitúa o suxeito, en definitiva, o único protagonista da experiencia.

O artista catalán Miquel Mont presenta ata principios do mes de xuño 'Cooperaciones', unha mostra do seu traballo pictórico máis recente.

"Gústame pintar quizais porque esta actividade é moi física. Hai que compoñer coa materia, a pintura, o soporte… e iso paréceme unha resposta interesante á total desmaterialización dos obxectos, das imaxes, na que estamos inmersos.

Creo sinceramente que hoxe en día as categorías tradicionais non teñen moito sentido para entender ou intentar definir o que se presenta como pintura. A nosa experiencia contemporánea é fragmentaria e está profundamente marcada pola nosa percepción da imaxe, do obxecto, da mercadoría.

Penso que hai un antes e un despois no mundo a partir do momento no que os mercados monetarios internacionais abandonan o patrón ouro e progresivamente deixan flotar a apreciación do valor das moedas nos mercados financeiros. É curioso que, nese momento, 1972, tamén no mundo da arte entramos de cheo nun cuestionamento de valores no que o último avatar sería a crítica postcolonial e de xénero a toda a nosa construción cultural e escritura da historia da arte.

No que me concirne persoalmente, todo o que produzo vén dunha actitude pictórica, material e conceptual, de posicionamento fronte ao mundo que fai que todos os elementos que utilizo no meu traballo estean sempre pensados e representados dentro dunha referencia á pintura como campo de reflexión, produción de formas e dispositivos de visibilidade".

Miquel Mont

Durante o mes de maio, a Pulpería El Estanco acolle a exposición de pintura 'Paisaxes galegas', do veterano pintor coruñés J. Liñares Quintanilla, discípulo de Bello Piñeiro.

Nacido en Madrid en 1934, residente en Galicia dende os 9 anos, José Linares Quintanilla séntese máis galego que madrileño, non tanto pola duración da estanza física coma por sentimento, ao ser un namorado de Galicia, especialmente da súa paisaxe, tendencia nacida e desenvolvida profundamente a partir das ensinanzas técnico-pictóricas recibidas do gran paisaxista galego Felipe Bello Piñeiro.

"Sempre tiven especial relación co mundo das Artes, en especial coa pintura, e moi especialmente coa pintura de paisaxe. Profesionalmente, durante uns 30 anos dediqueime á publicidade: empresas, prensa, cine, escaparates, etc

Tras a miña xubilación, retorno aos principios, á pintura paisaxística, para tratar de comunicar ese gran sentimento estético inspirado na marabillosa paisaxe galega: os seus cantos, as súas rías... Dareime por moi satisfeito se logro comunicar a profunda impresión que me producen".

Con motivo da celebración, o 17 de maio, do Día das Letras Galegas, a Biblioteca pública Ánxel Casal rende homenaxe ao escritor Valentín Paz Andrade por medio dunha mostra bibliográfica que poderá ser visitada durante todo o mes de maio en horario de apertura da Biblioteca.

Lugar da mostra: 2º andar

Ao longo do mes de maio, a Sala Infantil da Biblioteca pública Ánxel Casal organiza unha mostra bibliográfica cos títulos máis destacados da literatura galega.

Durante a primeira quincena de maio, a Biblioteca pública Ánxel Casal acolle unha exposición organizada pola Asociación Panxea na que se explica o proceso do comercio xusto, dende a producción ata o consumidor final.

Lugar: 3º andar, durante o horario de apertura da biblioteca.

O Salón de actos da Biblioteca pública Ánxel Casal acolle ata finais do mes de maio a exposición 'Un paseo ilustrado', de David Pintor e Óscar Villán, unha escolma dos traballos destes dous autores nos últimos anos no eido da ilustración.

Os autores convídannos a dar un paseo polo seu persoal mundo cheo de fantasía, lirismo e imaxinación. Ilustracións acompañadas dunha mostra bibliográfica da nosa biblioteca.

Ao longo do mes de maio, o artista Miguel Cuba (Lugo, 1982), licenciado en Belas Artes pola Universidade de Vigo, expón a súa colección titulada 'Iconville. A cidade dos signos'.

Nesta exposición de obra gráfica, o artista presenta distintas vistas dunha cidade na que a publicidade e os letreiros luminosos se apropiaron de nomes e obras emblemáticas da cultura, reducíndoos a simples iconas que non gardan relación coa complexidade e significado dos seus referentes. O autor formula que esta forma de espectacularización da cultura, lonxe de contribuír a difundila ou popularizala, a despoxa do seu sentido e a banaliza.

Con motivo da celebración do seu 25 aniversario, a Libraría Komic organiza unha exposición no centro Sociocultural e Xuvenil O Ensanche cos orixinais da banda deseñada 'Castelao o pobre tolo', de Inacio Vilariño e Iván Suárez.

O Servizo de Didáctica da Fundación Eugenio Granell inaugura a exposición 'Nenos, obxectos, bestas e mestres', resultado do proxecto didáctico levado a cabo no C.E.I.P. A Barquiña en honor ao surrealismo e á obra de Eugenio Granell.

O acto de inauguración será presentado polo Reponsable do Servizo de Didáctica, Eduardo Valiña.
 
O proxecto xorde a raíz da visita do colexio á exposición Bestiario na Fundación Granell. Tras esta visita, nenos e nenas de 3, 4 e 5 anos constituiron o seu propio bestiario, formado por animais imaxinarios; que serán a base desta exposición.
 
O Servizo de Didáctica da Fundación continúa colaborando con centros de ensino de primaria e secundaria, para dar a coñecer o imprescindible labor realizado polo corpo docente na área de plástica, tanto na formación teórica como técnica do alumnado no campo da arte.

Ata mediados do mes de xuño, a Fundación Granell acolle a mostra 'Encadernando', unha exposición organizada pola Consellería de Economía e Industria a través da Fundación Centro Galego da Artesanía e do Deseño, que achegar á sociedade o traballo dos artesáns galegos, contribuíndo á súa promoción e posta en valor.

'Encadernando' é unha antoloxía de pezas e de creadores de encadernación artesanal elaborada en colaboración coa Asociación Galega de Encadernación de Arte (AGEA), coa que se representa a gran diversidade existente neste oficio en Galicia. O exquisito traballo cos diferentes materiais, así como o uso dunha variedade de técnicas artesanais, contribúen a facer da encadernación unha actividade económica na que os artesáns galegos son un referente a nivel nacional e internacional.

A mostra 'Encadernando', que se pode ver na Fundación Granell tras o seu paso pola Coruña, está formada por 26 pezas coas que se mostra como a encadernación contribúe a converter os libros en pezas de gran beleza estética, persoal e única. As obras foron elaboradas por sete profesionais da encadernación inscritos no Rexistro Xeral de Artesanía da Xunta, e que representan, polo tanto, a marca Artesanía de Galicia.

O artista Álvaro Negro protagoniza unha das exposicións inaugurais do novo espazo cultural compostelán, Kunsthalle, onde ocupa a parede principal do piso Un e o espazo do Black Cube no piso Cero.

Un exemplo do sentido de mestizaxe e relación que se pretende para Kunsthalle é a exposición individual do coñecido artista Álvaro Negro (Lalín, 1973), presentando obras onde se xoga coa relación entre a luz, o son e a imaxe. Por un lado, unha enorme pintura-vidreira de 273 x 67 cm, que domina o espazo expositivo principal traballando a luz dende o propio soporte; por outro, un novo traballo de vídeo, que traballan a luz dende outro medio máis tecnolóxico. Na pintura trabállase dende o estático, mentres no vídeo os fotogramas se descompoñen e se expanden dando protagonismo ao son nunha sorte de resonancia eléctrica que relaciona o estático e o temporal.

A obra de Álvaro Negro pode enmarcarse dentro da disciplina pictórica entendéndoa nunha forma ampla, expandida. Así, a fotografía e o vídeo son lugares dende os que ensaiar un sentido narrativo. A insistencia, a alusión ao que é case igual, sérvenlle para elaborar unha análise visual profunda sobre certas imaxes que queren aparecérselle nun sentido máis literario, como compoñentes dunha narración e como espazos dende os que buscar certa transcendencia. Mentres, a pintura de Álvaro Negro xorde como un descoido de materia sobre a superficie que a contén. Xera con ela un espazo para a aparición do reflexo e o que non podemos identificar, unha sondaxe sobre a capa superficial das cousas. Para Negro, 'na mirada en movemento, o reflexo do espazo varía en función da perspectiva ao mesmo tempo que a pintura permanece inalterable, o que produce unha discontinuidade na percepción do que é cadro, pintura, espazo. Isto non implica unha ruptura na unidade visual, todo o contrario, as devanditas discontinuidades son como os cortes dun escultor na materia: unha unidade de estratos e capas entre o cheo e o baleiro'.

Artista de importante traxectoria, participou en multitude de exposicións como Cine y casi cine no MNCARS de Madrid e a súa obra está presente en coleccións como as de Pilar Citoler, ARTIUM, CGAC, MARCO de Vigo, Fundación Barrié ou Fundación Coca-Cola.

Kunsthalle presenta o traballo site-specific de 5 coñecidos artistas: Jorge Perianes, Alain Urrutia, Suso Fandiño, Carlos Maciá e Misha Bies Golas.

Suso Fandiño presenta unha intervención conceptual sobre o paso das escaleiras. Misha Bies Golas deseña unha serie de patróns que se insiren e invaden o espazo do local. Carlos Maciá presenta unha intervención gráfica nos aseos e un xogo de vibración pictórica nas columnas. Jorge Perianes presenta dúas intervencións tomando o ser humano, a natureza e a ambigüidade como temas principais da súa investigación. E Alain Urrutia presenta tres polípticos de 252 x 120 cm cada un no teito do espazo.

** Suso Fandiño (Santiago de Compostela, 1970). O seu traballo rescata a linguaxe da arte pop para exercer unha crítica mordaz sobre a sociedade actual. Na súa obra devolve unha visión do creador como xerador dunha mercadotecnia promocional, inserto de pleno nos mecanismos da sociedade de mercado. A esta análise do mundo da arte engade outro máis xeral sobre as estratexias de imaxe promovidas polos medios de comunicación de masas e os pseudo-produtos culturais emitidos pola considerada baixa-cultura. Suso Fandiño participou en numerosas exposicións como Sur le dandysme aujord'hui: Do manequín no escaparate á estrela mediática no CGAC, Santiago de Compostela, Look Up! Natural Porto Art Show en Porto ou La Colección, Fundación Barrié en 2011 e as súas obras están presentes en coleccións como a da Fundación Barrié ou a Fundación Coca-Cola, España. En Kunsthalle presenta unha intervención conceptual sobre o paso das escaleiras.

** Misha Bies Golas (Lalín, 1977) aprópiase da idea dadaísta de ready-made para construír un traballo determinado pola presenza da crítica como modus operandi. A colaxe como forma de desenvolvemento, a seriación e a selección do motivo en relación á esfera vital, aparecen como claves para definir unha obra en continua relación co literario e o cinematográfico. Nos seus patróns, o espazo xeométrico e o ritmo das figuras aparecen como estruturas cunha clara intención musical. Noutras series, o absurdo e a idea de object trouvé cobran nova significación no seu relato. Misha Bies Golas foi gañador do Premio Novos Valores na modalidade de debuxo en 2010, participou en exposicións como Typewriter. A historia escrita á máquina. Colección Sirvent na Cidade da Cultura de Galicia e vén de presentar a súa última publicación A xeito de conclusión no CGAC de Santiago de Compostela. En Kunsthalle deseña unha serie de patróns que se insiren e invaden o espazo do local.

** Carlos Maciá, (Lugo, 1977). O traballo de Carlos Maciá móvese entre a pintura, a fotografía e o vídeo como soportes usados para indagar no campo da experiencia. No caso da súa obra pictórica, unha concepción do espazo como lugar de pegada, como lugar de paso, determina unha pintura dominada pola calidade vertixinosa e multiplicadora dun trazo que case sempre se converte en ocupación. Carlos Maciá participou en numerosas exposicións individuais como La leyenda del tiempo en MACUF, 2008, Time goes back no Espazo rúa Herrezuelos 31 en Antequera, Málaga, 2007 ou ¡Ten cuidado, no vayas a matar a alguien! na Chocolatería, Santiago de Compostela, 2006 e en colectivas como Que de lejos parecen moscas no Museo de Arte Meixela Gil en México DF en 2011 ou Uno más uno, multitud en Doméstico’08 en Madrid, 2008. Carlos Maciá presenta en Kunsthalle unha intervención gráfica nos aseos e un xogo de vibración pictórica nas columnas.

** Jorge Perianes (Ourense, 1974) traballa no espazo coma se fose un campo de minas. As súas esculturas-instalacións desvían a atención do espectador dos aspectos meramente figurativos e aparentemente cómodos das súas imaxes cara á idea de intervención como accidente, como trampa, como método de suspicacia ante a aparencia do real. O obxecto vólvese vital mentres asiste á representación do cotián nun espazo escénico e teatral. Entre as súas exposicións individuais destacan as realizadas en Matadero Madrid dentro do Programa Aberto X obras ou Los animales se equivocan en MACUF, e participou en colectivas como 7 +1 Project Rooms no marco de Vigo en 2008 ou Existencias en MUSAC, 2007. A súa obra forma parte de coleccións como a de MUSAC, MACUF, CGAC ou Coca- Cola. En Kunsthalle presenta dúas intervencións tomando o ser humano, a natureza e a ambigüidade como temas principais da súa investigación.

** Alain Urrutia (Bilbao, 1981). A pintura de Alain Urrutia caracterízase por converter situacións tipicamente cotiás en obxecto de revisión artística, formulando algo así como unha revalorización estética dalgúns instantes que para nada foron elixidos de antemán pola súa condición temática. A pintura adquire un carácter revelador, de certas posibilidades ensoñadoras que a afastan da frialdade do elemento fotográfico como base de rexistro do cotián. En 2011, Alain Urrutia participou na exposición Melodías prohibidas dentro do programa do Festival SOS 4.8 e recibiu a Bolsa de Residencia en Beijing (China) do mastudio. En marzo de 2012 presentou exposición individual na Galería Juan Silió e en outubro de 2012 a súa obra estará presente na conmemoración do 15 aniversario do Museo Guggenheim Bilbao co proxecto 103-B. En Kunsthalle presenta tres polípticos de 252 x 120 cm cada un no teito do espazo.

Na biblioteca do Parlamento de Galicia (Rúa do Hórreo, 63) está aberta ao público a exposición “A Arquitectura do Parlamento de Galicia. De Facultade de Veterinaria a sede da Cámara lexislativa galega” que fai un percorrido visual a través da historia do Pazo do Hórreo.

A mostra está integrada por diferentes paneis explicativos da evolución do conxunto arquitectónico, e unha maqueta do edificio actual na que se poden apreciar a estrutura e distribución actual da sede da Cámara galega.

O horario de visita da mostra é o comprendido entre as 09,30 e as 14,00 horas de luns a venres, e de 16,30 a 19,00 horas, de luns a xoves.

Os visitantes que o desexen tamén poden efectuar unha visita guiada á sede do Parlamento de Galicia, concertando unha cita telefónica (981 55 13 00) ou a través da páxina web da institución: www.parlamentodegalicia.es

'Políptico. Un comentario sobre a posta en valor do patrimonio' é o novo proxecto do artista Enrique Lista concibido para a Zona “C”. Comisariado por María Marco foi o traballo seleccionado no 2011 entre todos os alumnos do curso de posgrao Máster en Arte Museoloxía e Crítica Contemporáneas da Universidade de Santiago de Compostela e agora podemos velo na Zona “C” grazas ao convenio entre a USC e a concellaría de Cultura para o fomento de intervención de creadores na Zona “C”.

Na inauguración participarán, ademais do artista e a comisaria; Amelia González, tenente de alcalde; José Víctor Carou, director-xerente do Auditorio de Galicia; o director do máster, Federico López Silvestre, e o coordinador Pedro de Llano.

Políptico, instalación fotográfica, propón “un comentario sobre a posta en valor do patrimonio”, unha reflexión sobre a construción do discurso visual e o seu papel lexitimador dentro do noso patrimonio cultural. O artista concibe unha serie de fotografías e obxectos que conectan a repostería tradicional galega coa mitoloxía asociada á alimentación e a explotación mercantilista do patrimonio simbólico.

O proxecto de Lista ten a súa orixe na investigación predoutoral tutorizada polo prestixioso fotógrafo Manuel Sendón. Convídanos o creador á reflexión a partir de imaxes-icono do noso patrimonio cultural vinculadas á tradición xacobea como a repostería – souvenir: tartas de Santiago ou doces con formas de vieira consagrados como símbolo e identidade da cultura galega. Estes elementos amósanse na Zona “C” nun percorrido similar á disposición de imaxes en lugares de culto da tradición cristiá.

O espazo queda presidido por un tríptico principal (que da nome a intervención), fotografías realizadas cunha impecable calidade formal que seguen a tradición do bodegón barroco español (Sánchez Cotán) ou prácticas artísticas máis contemporáneas vinculadas ao potencial simbólico da comida (Vik Muniz, etc)

“Políptico” recorda que non existen produtos ni costumes inocentes e que a nosa civilización constrúese sobre a base de profundas cargas culturais. Un proxecto de investigación e análise social  tomando como punto de partida as tradicións culinarias de Galicia xa que en ela conflúen aspectos determinantes como a industria, a identidade local, o patrimonio ou a relixión.

Enrique Lista (Malpica de Bergantiños,1977). Estuda Belas Artes na Facultade de Pontevedra e gráfica publicitaria na Escola de Artes Pablo Picasso da Coruña. Ten desempeñado diversos traballos nos campos do deseño gráfico, das artes plásticas e da fotografía.

Como artista plástico participou en varias exposicións, principalmente con traballos fotográficos, entre elas: Cosas que solo un artista puede hacer (MARCO. Vigo), La osadía del bufón (Centro Torrente Ballester. Ferrol), A títol propi (Sant Andreu. Barcelona), Outonarte 2009 (A Coruña), Situación (CGAC. Santiago de Compostela), Enrique Lista, licenciado en belas artes (Sala Alterarte. Ourense), Nada que ver (Casa da Parra. Santiago de Compostela), Lacôme con grelos. 8 artísticas recetas gallegas (Centro de arte Joven de la Comunidad de Madrid), Temperatura ambiente (Sant Andreu. Barcelona), Corpografías (Galería Sargadelos. A Coruña), Resistentes (Pazo da Cultura. Pontevedra), Diferentes. Junge spanische kunst in Asbach (Museum Kloster Asbach. Rotthalmünster. Alemaña), MICA-ASSAIG I: Artista (Museu Miquel Casablancas. Barcelona), Residentes 05 (Obra Social Caixa Galicia. Santiago de Compostela), Ausencias e memoria (itinerante Galicia) ou O feito fotográfico (MARCO. Vigo)

María Marco é crítica e comisaria de arte contemporánea. Licenciada en Humanidades e Belas Artes, actualmente realiza a tese de doutoramento sobre os procesos de desmaterialización na escultura contemporánea mentres colabora en varias plataformas editoriais como DARDOmagazine. Recibiu diversas axudas de produción, entre elas no Masachussetts Art College (Massart) de Boston (EUA) ou no Kulturmodell de Passau (Alemaña).

Do cultivo do liño no Val de Vea sabemos por diversas fontes que dan fe da súa importancia, igual que a elevada produción está testemuñada pola existencia dun trillo para o liño no lugar de Curuxeiras (Santeles). Pero é o instrumental máis miúdo,espadelas e espadeleiros, o que, unido ao anterior, nos dá unha idea da importancia económica da produción do liño e do seu alto valor social no que concorren as relacións de veciñanza que levan parellos os traballos comunitarios.

O traballo de transformación do liño, case exclusivamente feminino, era un proceso moi longo e laborioso que requiría un grande esforzo por parte de numerosas persoas. Consta de catro fases principais: o cultivo e a colleita, a obtención da fibra, a transformación en fío e a elaboración de tecidos. Na maioría das fases o volume de traballo era tal que as mulleres da casa non eran suficientes para afrontalo, razón pola que pedían axuda ás parentes e veciñas. Estas xuntanzas, baseadas na reciprocidade e na gratuidade, remataban sempre nunha festa á que acudían os mozos e a veciñanza, converténdose nun acontecemento social, sobre todo para as mulleres, pola vinculación do seu lecer cos traballos colectivos femininos.

Cada muller acudía ás espadelas levando a propia ferramenta, espadela e espadeleiro, profusamente adobiadas cos máis diversos motivos decorativos (rosáceas, soles, rodas, abanos, cordóns, custodias e corazóns con incrustacións de cristais e espellos) e con policromía variada. Non cabe dúbida de que esta ferramenta tamén outorgaba certo prestixio social á propietaria, que a amosaba nas concorridas espadelas e presumía da súa feitura.

Para estas mulleres a súa ferramenta contaba cun valor engadido: o feito de tratarse de obxectos que pasaban de xeración en xeración. Algúns, regalos de mozos coma sinal de compromiso, outros encargados a carpinteiros da zona e, nas casas de menos recursos, algún membro da familia –pai, tío, avó ou irmán– copiaba agarimosamente os modelos dos carpinteiros simplificando tallas e motivos.

Esta mostra pretende, pois, dar testemuño dunha singular manifestación, xa non só laboral, senón tamén artística, onde a cultura popular aínda garda sorpresas.

A Fundación Araguaney inaugura a obra retrospectiva do artista noiés Nacho C. Beiro. “Diálogos de cor” é o nome da mostra composta por 20 cadros, na súa maioría acrílicos sobre tea, onde hai un claro predominio das cores cálidas.
 
Nacho C. Beiro cursa estudos na Escola de Artes Aplicadas e Oficios Artísticos de Barcelona en 1967. Anos despois trasládase a Berlín onde traballa conxuntamente con grupos de Arte Transvanguardista. Alí proxecta as escenografías de varias obras de teatro.
 
Entre outros traballos, Beiro ilustra diferentes portadas de libros, entre eles Informe 0?A educación en Galicia, da Universidade de Santiago ICE, así como dez capítulos da edición príncipe de ?O Quixote? de Xuntanza Editorial. Participa, ademais, nos tres días de arte en Xirona con montaxes e espazos creativos, funda conxuntamente a sala de arte ?Triángulo? e realiza os trípticos ?Tempos de Mar? para a casa dá cultura ?Avilés de Taramancos? (Noia) e ?Andan ó Mar? para a confraría de pescadores de Portosín.?É tamén o encargado de pintar a bóveda do teatro Coliseo de Noia e de deseñar diversos espazos comerciais: Cafeterías Iacobus (Santiago)...?Ademais de todo isto, imparte cursos de acuarela, debuxo, pintura, gravado, pintura mural, para diversos estamentos.?
 
 
As obras de Nacho están repartidas por diferentes museos e países, así como en numerosas coleccións particulares. expuxo de forma individual e colectiva en lugares como: Galería Temps (Barcelona), Galería Riba (Barcelona), Galería do Gall. San Cugat do Vallés (Barcelona), Galería Bennassar. Pollença (Mallorca), Galería Dama, Galería Vilas-Art, Museo Vale Inclán (Pobra do Caramiñal), Galería Catro (A Coruña), Galería Pardo Bazán (A Coruña), Sala de Arte Triángulo (Santiago), Bienal de Branco e Negro (Madrid), Bienal do Deporte nas Belas Artes, Bienal de Pontevedra, Salón de Outono (Sagunto), Real Maestranza de Cabalería de Sevilla, Bienal do Deporte ?Fútbol Club Barcelona?, Concurso Internacional de Debuxo ?Inglada i Guillot?, Mar de fondo. San Martín Pinario (Santiago), Pintores para unha colección (A Coruña)?
 
Desde que obtivo en 1967 o seu primeiro premio de acuarela das Corts (Barcelona), non deixou de recibir numerosos recoñecementos polo seu labor como artista.

A galería de arte Espacio48 presenta ata mediados do mes de xullo a exposición “Finis Terre” de Marta Moreiras, unha nova fotógrafa compostelana que vive dacabalo entre Londres e Santiago.

Marta Moreiras (Santiago de Compostela, 1981), é unha fotógrafa que vive dacabalo entre Londres e Santiago de Compostela. Os seus proxectos deambulan entre a fotografía documental e a arte, xa que as súas obras non só se constitúen nunha evidencia respecto da realidade, se non que exploran os límites que hai entre o real e o ficticio. Deste xeito, Marta Moreiras consegue que o espectador non só perciba a imaxe en si, senón que senta a emoción que emana a súa representación e reflexione sobre a mesma. En 2009 cursa o Máster en Fotoperiodismo e Fotografía Documental da UAL (University of the Arts London). Esta formación representa un punto de inflexión na súa carreira, xa que é a partir de entón cando comeza a desenvolver proxectos que combinan unha base documental cunha aproximación conceptual da realidade. O seu traballo expúxose en España, en Gran Bretaña e nos Estados Unidos, entre outros lugares.

“Finis Terre” é un proxecto artístico-documental que explora os límites entre mito e realidade a través da fotografía e o son. O escenario elixido é Galicia, un lugar onde a lenda fúndese coa historia e a ficción confúndese coa realidade desde a orixe dos tempos. Marta Moreiras aposta por unha paisaxe contemplativa e silenciosa, representada naqueles lugares que permanecen impasibles ante o caos, alleos a calquera alteración que os desvirtúe. Deste xeito, consegue atrapar a través da súa cámara un instante concreto, deteno e conxélao no tempo, e aprisiona ese momento único e irrepetible para sempre, e tal e como reflexionaba Roland Barthes sobre a fotografía, grazas a este xesto “permite repetir mecanicamente o que nunca poderá repetirse existencialmente”. Aproveitándose das incontables posibilidades que ofrece a fotografía, Marta Moreiras logra facernos partícipes dun momento máxico que lonxe de quedarse no esquecemento, podemos volver gozar ata nun espazo pechado como é a sala expositiva dunha galería de arte.

As suxerentes e misteriosas imaxes que se presentan en caixas de luz rodeadas dunha atmosfera visual e sonora creada especificamente para a mostra, irradian unha forza magnética que atrae a nosa mirada. Unha mirada que viaxa a escenarios reais pero ao mesmo tempo cargados da fantasía onírica que se
produce durante as noites de lúa chea, e que vai máis aló da apreciación humana. Esta sensación apóiase á súa vez no complemento sonoro que envolve o espazo, un elemento decisivo que funciona como o verdadeiro catalizador nunha viaxe onde a percepción non ten límites. O son corre a cargo do músico e sound artist Marc Bonet (Barcelona, 1982). A súa obra explora temas de comunicación abstracta, percepción e a interrelación entre realidade, ilusión e identidade cultural.

Segundo a propia autora “Finis Terre volve á orixe da paisaxe contemplativa e rende homenaxe a unha rexión onde a natureza recorda constantemente a quen a habita que a súa forza e o seu dominio son superiores a calquera cousa imaxinada”. E como consecuencia destas intencións, na exposición ten un gran protagonismo o pracer visual que se produce ao descubrir dita natureza dunha forma tan auténtica e inusual.

Durante o mes de xuño, o Claustro do Colexio de Fonseca acolle unha exposición dunha selección do viñetista Andrés Rábago García (El Roto), comisariada por Juan Carlos Arbex, que coincide co Día Mundial do Medio Ambiente e co desenvolvemento do Cumio da Terra (Río + 20) convocada por Nacións Unidas en Río de Xaneiro. Dous acontecimentos internacionais aos que desexa sumarse o mundo universitario de Galicia.

Coas súas viñetas, El Roto propón unha inmersión na sustentabilidade e nas raíces dun modelo económico que campa ás súas anchas sen reglas nin pudores. A chamada á inmersión tamén é o aviso de afundimento dirixido a unha sociedade anestesiada e brutalizada.

O artista Carlos Pardo presenta ata comezos do mes de xullo 'Paisaxes urbáns non reais', unha mostra na que a fantasía distorsiona a realidade de rúas e prazas e mesmo as lembranzas e desexos. 27 obras sobre papel en técnica mixta e pequeno formato.

A mostra componse de 27 obras. Son debuxos de paisaxes urbanas de cidades e vilas non reais. Algunhas con certo parecido ás que podemos encontrar en Galicia, outras en cambio recordan as grandes urbes. Os edificios incorporan ornamentos fantásticos, as cores a miúdo non son reais e nas escenas das rúas adivíñanse liñas de cores que simbolizan forzas invisibles como o tempo, a ilusión, o amor, a imaxinación... o recordo. Outra realidade é posible ou cabe imaxinar o real doutro modo pasándoo polo filtro subxectivo da fantasía de cada un. O recordo e o que anhelamos tamén se tingue de fantasía ás veces.

Todas as obras están realizadas sobre papel en pequeno formato con técnica mixta: acuarela, pastel, tinta, carbón e lapis de cores. A maioría foron realizadas nos dous últimos anos.

O Café BABEL, situado en pleno casco histórico da Cidade e próximo á Facultade de Historia, é lugar ideal e tranquilo para facer un descanso pola tarde na visita á Cidade. Pola noite é un bar con actuacións de grupos musicais, conta contos... É un punto de encontro entre españois e peregrinos, erasmus e voluntarios europeos. Xente de infinidade de países nun ambiente divertido e tranquilo. A miúdo realízanse festas temáticas: recentemente a festa grega e a festa da mafia foron un grande éxito. Non importa a lingua que fale un, en BABEL fálanse todas e todo o mundo o pasa ben.

Máis información en: www.artcarlospardo.com

O Nobel de Química 2010, o xaponés afincado en Estados Unidos Ei-ichi Negishi, visita estes días Compostela para participar no Programa ConCiencia que, organizado pola USC e o Consorcio de Santiago e nesta ocasión en colaboración coa Cidade da Cultura de Galicia, chega á súa sétima edición convertido na acción de divulgación científica de máis impacto social de Galicia. O padriño de Negishi nesta visita é o profesor da USC Ricardo Riguera.

O acto central será o xoves 25 coa súa conferencia pública titulada ‘Catálise para un mundo próspero e sostible’, que terá lugar ás 20.00 horas na Cidade da Cultura.

Para asistir á conferencia, a Facultade de Química dispón para o seu alumnado un autobús que sairá ás 19.00 horas das inmediacións do propio centro (ao pé das escalinatas que baixan da Alameda cara Campus Vida, na confluencia da Avenida da Coruña coa de Compostela). Ademais, existe unha liña regular de autobuses ao Monte Gaiás.

Ei-ichi Negishi (Xapón, 1935), da Universidade estadounidense de Purdue, acadou en 2010 o Nobel de Química por conseguir acoplamentos cruzados catalizados por paladio en síntese orgánica, o que permitiu o establecemento dunha nova arquitectura molecular, máis complexa, que mellorou moitos aspectos da vida, dende a  agricultura á medicina.

A maioría das moléculas que forman os sistemas vivos na Terra están compostas por cadeas de átomos de carbono dispostas en diferentes formas. Na busca de novos métodos para construír enlaces entre eses átomos Negishi, un dos químicos orgánicos máis extensivamente citados, descubriu novas reaccións usando paladio e outros metais como catalizadores (elementos que fan que unha reacción química sexa posible ou se realice máis rápido). Estas reaccións melloraron dun xeito asombroso tanto o potencial como a eficiencia da química orgánica sintética e contribuíron substancialmente a posibilitar a construción de moléculas máis complexas.

O director e pianista compostelán Maximino Zumalave imparte esta tarde unha conferencia na Escola de Altos Estudos Musicais de Galicia. A conferencia leva por título 'Trazos fundamentais da historia da música en Galicia'.

‘Ciclo celular e cancro’ é o título da conferencia que Tim Hunt, Premio Nobel de Medicina en 2001, pronunciará en Compostela este mércores convidado polo Programa ConCiencia de Divulgación científica que convocan a Universidade de Santiago e o Consorcio da cidade, este ano coa colaboración da Cidade da Cultura que albergará o acto central ás 20.00 horas.

O profesor Tim Hunt, que visita Santiago apadriñado polo profesor da USC Anxo Vidal, comparte o Nobel co estadounidense Leland Hartwell e co tamén británico Paul Nurse polos seus descubrimentos nos reguladores chave do ciclo celular. Na actualidade Hunt desempeña a súa carreira profesional no Imperial Cancer Research Fund (Reino Unido).

Tim Hunt será recibido polo reitor Juan Casares o martes 8 ás 13.00 horas no seu despacho de San Xerome. O mesmo día da conferencia, o mércores 9, Hunt impartirá ás 11.30 horas no edificio docente Novoa Santos do CHUS unha charla dirixida a persoal investigador sobre os mecanismos do control celular. A continuación trasladarase ao CIMUS (Campus Vida) para manter diversas reunións de traballo cos grupos de investigación da USC punteiros no eido das ciencias da vida.

Hunt descubriu en 1982 unha proteína, chamada ciclina, necesaria para a división celular. As ciclinas están presentes en todos os organismos, dende as unicelulares levaduras ata os humanos, e funcionan a xeito dun reloxo que marca cando unha célula pode repartir o seu material xenético (na forma de cromosomas) entre as células fillas.

Este proceso é de crucial importancia en bioloxía non só porque controla cómo dunha única célula se poden orixinar as millóns de células diferentes que compoñen o corpo humano senón tamén porque se soubo que as alteracións nas ciclinas poden provocar a aparición do cancro.

Na Escola de Altos Estudos Musicais de Galicia o director e pianista compostelán Maximino Zumalave imparte esta tarde unha conferencia que leva por título 'Trazos fundamentais da historia da música en Galicia'.

A Fundación Araguaney-Puente de Culturas trae a Uri Davis a Santiago de Compostela para impartir unha conferencia sobre Palestina. Uri Davis é unha personaxe de gran importancia no mundo árabe e cuxa traxectoria vital non deixa de chamar a atención entre todos os que coñecen a realidade de Oriente Medio.
 
Uri Davis é un home de orixe xudía, pero que se define a si mesmo como un “palestino hebreo parlante do estado practicante do apartheid de Israel”. Davis traballa como activista na loita que exercen os palestinos para recuperar os seus dereitos. Ademais, destaca por ser o primeiro xudeu israelí integrante do Consello Revolucionario do movemento palestino Al-Fatah, trala súa elección no Sexto Congreso da formación celebrado na cidade cisxordana de Belén en 2009.
 
A conferencia, titulada “Al Nakba, o día da catástrofe palestina”, será presentada polo presidente da Fundación Araguaney, Ghaleb Jaber, no Salón de Actos do Hotel Araguaney. Entrada libre ata completar aforo.
 
O título da conferencia fai referencia ao Día da Nakba. Al Nakba é unha palabra árabe que significa “catastrofe” e é como se coñece ao 15 de maio desde 1948, data en que David Ben Gurión leu en Tel Aviv a declaración de independencia do Estado de Israel, e data en que a sociedade palestina foi destruída a causa do nacente Estado sionista.
 
Máis información: www.fundacionaraguaney.org

Este luns o Ateneo de Santiago organiza na sede da Fundación Novacaixagalicia Claudio San Martín, situada na Rúa do Vilar, 19, a conferencia do Ciclo “Cambio Climático” titulada 'O clima de Santiago: pasado, presente e futuro', que estará impartida por D. Francisco Díaz-Fierros, Catedrático da USC.

O director británico Paul Daniel, principal director invitado da Real Filhamonía de Galicia dende 2007, imparte esta tarde unha conferencia sobre a segunda sinfonía de Sibelius.

Actualmente, Paul Daniel ocupa o posto de principal director e conselleiro artístico da Australian Symphony Orchestra de Perth, dende 2009. Ademais, foi director musical da English National Opera, de 1997 a 2005, da Opera Factory, do 1987 ao 1990, e da Opera North, do 1990 ao 1997. Tamén foi director invitado das máis destacadas orquestras do mundo. Mentres foi director principal da English Northern Philharmonia, a orquestra de Opera North, dirixiu numerosos concertos por todo o Reino Unido, e tamén levou a orquestra a participar en moitos festivais.

O Ateneo de Santiago programa para este luns na sede da Fundación Novacaixagalicia Claudio San Martín, situada na Rúa do Vilar, 19, a conferencia “A Revolta Irmandiña en Santiago”, que estará impartida por D. Carlos Barros, Profesor de Historia Medieval da USC.

O Centro Sociocultural de Conxo acolle durante todo o día unha Xornada Micolóxica organizada pola Asociación Micolóxico-Naturalista Pan de Raposo.

A partir das 9:45 horas, sairá do CSC de Conxo un roteiro micolóxico polos montes da contorna do barrio, guiado por José María Costa Lago, da Asociación Pan de Raposo. Xa pola tarde, ás 18:30 horas, o mesmo José María Costa impartirá a conferencia 'Setas de primavera: Ascomycetes'.

Os interesados en participar poden apuntarse no propio Centro Sociocultural de Conxo. Teléfono 981 52 8740.

No verán, os centros socioculturais e os espazos abertos da cidade e das parroquias son escenarios axeitados para relacionarse practicando un deporte, percorrendo rutas, observando as estrelas, bailando...

Para os/as máis cativos/as obradoiros, saídas, xogos tradicionais e xornadas matinais divertidas onde relacionarse, aprender, compartir...

Vive o verán!

PROGRAMA COMPLETO Aquí

** Información e inscricións

As inscricións faranse durante os meses de xuño e xullo, segundo as actividades, nos cinco centros de referencia en horario de atención ao público. As actividades son de balde, agás as Mañás de verán e xogo, as entradas ao parque acuático de Cerceda e as excursións.
As Mañás de verán, as saídas ao parque acuático de Cerceda, MusicARTE, os roteiros e as excursións requiren inscrición nos prazos indicados.

CSC Aurelio Aguirre de Conxo, 981 528 740, Praza de Aurelio Aguirre, 1
CSC José Saramago de Vite, 981 542 490, Rúa de Carlos Maside, 7
CSCX O Ensanche, 981 543 001, Rúa Frei Rosendo Salvado, 14-16
CSC Agustín Bueno do Castiñeiriño, 981 542 459, Rúa da Virxe de Fátima, 1
CCSC das Fontiñas, 981 528 750, Rúa de Berlín, 13

Horario de atención ao público en xullo: Luns a venres de 10 a 14 h. e de 17 a 21 h.

Ata o 6 de maio, Compostela acolle a XXXI Feira do Libro, un tradicional encontro que fai do parque máis señorial da cidade, a Alameda, un lugar onde atopar, a bo prezo, publicacións moi variadas, incluíndo libros sobre Santiago e Galicia.

PROGRAMA

**Día 28. Sábado
- 12.45 h. Actuación da Banda de Música de Santiago de Compostela.
- 13.00 h. Inauguración oficial, coa participación da Asociación do Traxe Galego.
Pregón inaugural a cargo de Víctor F. Freixanes.
- 18.00 h. Actividade infantil
- 19.00 h. Firma de exemplares do libro Historia de Santiago de Compostela, publicado por Vía Láctea Editorial. Participarán Mercedes López-Mayán, Beatriz Castro Díaz e Alfonso Iglesias Amorín, autores do libro.
- 20.00 h. Presentación do libro Morgana en Esmelle, de Begoña Caamaño. Xunto coa autora, participan no acto Víctor F. Freixanes, director xeral de Galaxia e María Xesús Nogueira, profesora de Filoloxía Galega na USC
- 21.15 h. Sorteo dun lote de libros.

**Día 29. Domingo
- 13.00 h. Actuación da Banda e Orquestra da Escola Municipal de Música do concello de Santiago.
- 18.00 h. Obradoiro de narración oral e contacontos a cargo do narrador senegalés Boniface Ofogo. Ao remate do acto, o autor asinará exemplares do seu libro O león Kandinga, publicado por Kalandraka Editora.
- 19.00 h. O renacer da literatura fantástica en galego: Urco editora e Contos estranos editora. Presentación das novidades das dúas editoras.
- 21.15 h. Sorteo dun lote de libros

**Día 30. Luns
- 18.30 h. Presentación Ponteceso
- 19.00 h. O escritor Xosé Neira Vilas presenta o seu libro 100 anos do himno de Galicia publicado por Edicións Embora. Ao remate do acto, o autor asinará exemplares das súas obras.
- 20.00 h. Presentación do libro A praza é nosa. Quen constrúe a democracia? de varios autores, coordinado polo xornalista Marcos Pérez Pena e publicado por 2.0 Editora. Participan no acto Marcos Pena, o editor, Antón Lado e varios dos autores da mesma.
- 21.15 h. Sorteo dun lote de libros.

**Día 1. Martes
- 18.00 h. Actividade para nenos.
- 19.00 h. Presentación dos libros Medievalario, de Fran Zabaleta e Mi padre comía botones, de Juan Sacha Full, editados por Redelibros. Participarán no acto os autores e un representante da editorial
- 20.00 h. Mesa redonda: Segredos da novela histórica, coa participación de Marcos Calveiro (autor de Settecento, Ed. Xerais), Pere Tobaruela (autor de Poñente, Ed. Xerais) e Fran Zabaleta (autor de Medievalario, Redelibros). Ao final do acto, os autores asinarán exemplares dos seus libros.
- 21.15 h. Sorteo dun lote de libros.

**Día 2. Mércores
- 19.00 h. Presentación do libro Por un común denominador. A esquerda da nación, de Martiño Noriega, publicado por 2.0 Editora. Participan no acto Martiño Noriega e o editor Manuel M. Barreiro.
- 20.00 h. Presentación do libro O silencio, de Mario Regueira, publicado por Edicións Xerais de Galicia. Xunto co autor, participará no acto Manuel Bragado, director xeral da editorial.
- 21.15 h. Sorteo dun lote de libros.

**Día 3. Xoves
- 18.00 h. Actividade infantil
- 19.00 h. Presentación dos libros Ruído de fondo, de Daniel Salgado e Os fillos do mar, de Pedro Feijóo, publicados por Edicións Xerais de Galicia. Acompañará aos autores Manuel Bragado Rodríguez, director xeral da editorial. Ao remate do acto, os escritores asinarán exemplares dos seus libros.
- 21.15 h. Sorteo dun lote de libros.

**Día 4. Venres
- 17.30 h. Actividade infantil.
- 19.00 h. Presentación do libro Herdeiros pola forza, de Xurxo Ayán e Manuel Gago, publicado por 2.0 Editora. Xunto cos autores, participa no acto o editor, Manuel Lado.
- 20.00 h. Presentación do libro Un pozo moi fondo, do doutor José Luís Iglesias Díaz, publicado por Editorial Galaxia. Xunto co autor, participarán no acto Nieves Herrero, vogal de ABAGAL (Asociación de Bulimia e Anorexia de Galicia) e o editor Francisco Castro.
- 21.15 h. Sorteo dun lote de libros.

**Día 5. Sábado
- 12.30 h. Presentación da colección Cociña infantil e familiar, da editorial Ouvirmos, coa celebración de cursos de cociña para nenos en horario de 12.30 a - 14.00 horas, pola mañá e de 17.30 a 19.00 horas, pola tarde.
- 19.00 h. Presentación dos libros Iria, de Anxo Angueira e Transmuta, de Xabier Cordal, publicados por Edicións Xerais de Galicia. Acompañará aos autores Manuel Bragado Rodríguez, director xeral da editorial. Ao remate do acto, os escritores asinarán exemplares dos seus libros.
- 21.15 h. Sorteo dun lote de libros.

**Día 6. Domingo
- 18.00 h. Paula Carballeira e un representante de Kalandraka Editora presentan O principio, novo álbum desta autora e narradora, ilustrado por Sonja Danowski. Unha historia sobre a crueldade da guerra, cunha mensaxe de esperanza.
- 19.00 h. Sinatura do libro Almas opuestas, de Cristina Prieto Solano e Irene Castelos Cortizas, publicado por Ediciones Hades.
- 21.15 h. Sorteo dun lote de libros
- 21.30 h. Peche da Feira do Libro.

Un ano máis, e durante dúas semanas, o Paseo Central da Alameda alberga a tradicional Feira do Libro Antigo e de Ocasión, que na súa XXI edición conta coa participación de librerías de distintas comunidades españolas, de contrastada calidade, con máis de 100.000 exemplares que se poñerán á venda durante os 15 días de feira.

Dentro do gran número de materiais expostos, poderanse atopar curiosidades bibliográficas editadas nos séculos XVII e XVIII, primeiras edicións de libros de autores dos séculos XIX e inicios do XX (Rosalía, Curros, Valle Inclán, Pardo Bazán, Baroja, Alberti, Neruda, Gómez de la Serna) e documentacións profesionais, carteis, prensa e revistas, todo tipo de materiais impresos, cartas postais, mapas, papel moeda, facsímiles e libros de ocasión que polo seu prezo, poden constituír unha boa equipaxe para as vacacións de verán e para fondo de biblioteca, así como unha excelente ocasión para os coleccionistas e bibliófilos.

O salón de Actos do Hotel Eurostars Araguaney acolle esta tarde a presentación do último libro de Ignacio Castro Rey, 'Sociedad y barbarie'. Branca Novoneyra (poeta) e Javier Turnes (profesor de filosofía e músico), serán os encargados de presentar ao autor, quen tamén dará unhas palabras e charlará cos asistentes á presentación do seu libro, editado por Melusina.
 
A Fundación Araguaney-Puente de Culturas (www.fundacionaraguaney.org) colabora na presentación deste libro, na súa liña de apoio á cultura de Santiago, de Galicia e de todos os lugares do mundo.
 
Que se ataca en Sociedade e barbarie a contrafío da filosofía de Marx? Critícase o fetichismo da mercancía chamada Sociedade, toda esta socioloxía, teórica e informativa, que hoxe vai por diante de calquera posible experiencia, interferindo o peso de existir, o risco de cada forma de vida. Este pequeno libro analiza a atenuación existencial en que fomos encerrados en nome dunha mitoloxía histórica que non deixou de crecer desde o século XIX, con Marx como un garante de fondo na cobertura cultural do pragmatismo económico. Sociedade e barbarie fustiga a redución da liberdade individual, nas democracias occidentais, en nome dunha economía que conserva o prestixio do neutral porque goberna a nosa neutralización, unha silenciosa expropiación da épica de vivir.

Doutor en filosofía pola Universidade Autónoma de Madrid, é filósofo e crítico de arte. Influído pola heterodoxia do pensamento occidental (Leibniz, Nietzsche, Lacan, Deleuze), desenvolve desde fai anos un traballo filosófico nunha dobre dirección. Dun lado, unha afirmación ontológica da singularidade, do seu impacto irrepresentable. Doutro, unha crítica da violencia microfísica do poder postmoderno. En ambos os rexistros intenta rescatar a potencia conceptual de distintos creadores contemporáneos, de Baudrillard a Badiou, de Agamben a Sokurov.
É autor de numerosas obras, de entre as que destacan: La represión informativa del sujeto (Grama, Buenos Aires, 2011), Votos de riqueza (A. Machado Libros, Madrid, 2007), Crítica de la razón sexual (Serbal, Barcelona, 2002), La sexualidad y su sombra (Altamira, Buenos Aires, 2004), La explotación de los cuerpos (Debate, Madrid, 2002).

Para conmemorar o Día das Letras Galegas, a compañía Femme Fatale saca a literatura á rúa a través do espectáculo "Ronda Poética". Cinco actores e un acordeonista recitarán versos, regalarán poemas, bailarán e improvisarán, caracterizados de escritores de inspiración decimonónica.

Creación e dirección: Nelson Quinteiro
Elenco: Fabiana Gastaldello, María Manero, María Polo, Nelson Quinteiro, Moncho do Orzán, Uxía Vázquez

Percorrido: A 'Ronda poética' sairá ás 12.00 horas do espazo escénico que xestiona o Centro Dramático Galego (CDG) e porá rumbo cara á rúa do Franco pola Rúa Nova e a praza do Toural, para atravesar a continuación A Raíña, Praterías e Rúa do Vilar e regresar ao Salón Teatro pola calexa que desemboca na Rúa Nova.

Editores de Compostela e o Pub Medusa organizan esta tarde unha morea de presentacións literarias, moi rápidas todas, a toda velocidade, cunha duración máxima, cada unha delas, de 10 minutos. Será todo na Praza Salvador Parga ou no propio pub Medusa, en función da climatoloxía.

Parola, recitado e música... e comida e bebida.

Baixo o lema “Libros a toda mecha”, iranse sucedendo presentacións de novidades editoriais, recitais de poemas ou fragmentos de obras —acompañados, nalgúns casos, de música en directo— e todo cunha característica común: ningunha presentación durará máis de dez minutos.

En total serán once libros e autores os que inaugurarán esta primeira viaxe do “Exprés literario” dos Editores de Compostela. Pola praza de Salvador Parga (tras a igrexa das Ánimas) onde se ubica o Pub Medusa, pasarán —en corpo ou en espírito— Paula Carballeira, Rosalía Fernández, Armando Requeixo, Leonel Moura, Lovecraft, Samuel L. París, Lupe Gómez, Wislawa Szymborska, Gonzalo López Abente, Mario Regueira e Fernando Cimadevila. Así mesmo, haberá venda de libros, tenda outlet e un convite —gastronómico— para os asistentes.

“Pretendemos, en primeiro lugar —afirman os organizadores—, conquistar novos espazos para o libro e a lectura, e facer isto aportando iniciativas frescas, dinámicas e atractivas”.

A Federación de Asociacións de Persoas Xordas de Galicia interpretarán unha serie de contos en lingua de signos española para os que non poden oír e en voz alta para os demáis. Para nenos de 6 a 12 anos.

A Cidade da Cultura programa unha nova actividade pensada especialmente para os máis pequenos da casa. Nesta ocasión, os nenos de 1 a 5 anos poderán gozar dunha sesión de teatro infantil con marionetas e actores.

TÍTERES TROMPICALLO: O DÍA QUE CHEGOU UNHA NUBE E CHOVEU

Autoría: Marian González e Luís González
Dirección: Luís González
Escenografía: Marian González e Luís González
Actriz-Manipuladora: Marian González

Había unha vez que non había nada máis que pedras. Entón chegou unha nube, choveu e formouse un manancial. Coa chegada da auga creceu a herba, e na herba as flores e as árbores, na auga naceron os peixes e as rás. Despois chegaron os insectos, as ovellas, o lobo... en fin, a vida. Pero que acontece cando un día a auga desaparece? Esta historia achega os máis pequenos á natureza e á importancia da auga nas nosas vidas.

Capacidade: 40 entradas por sesión
Duración: 30 min.
Público: Nenos de 1 a 5 anos, acompañados dun adulto

O ciclo de teatro familiar 'Escena en familia' trae nesta ocasión á compañía 'A Xanela do Maxín' coa obra de teatro 'Chincha Rabincha', unha peza para nenos a partir de 3 anos na que as vidas entrelazadas dun pallaso parlanchín, un bruxo pintor de soños e un pequeno vergonzoso axúdannos a poñer fin aos pesadelos que atormentan aos nenos pola noite.

'Chincha Rabincha'

- Actriz e Manipuladora: Celtia Figueiras
- Deseño / construción: A Xanela do Maxín
- Decorados: A Xanela do Maxín
- Vestiario: Celtia Figueiras
- Son e Iluminación: Luis Vallecillo
- Música: A Xanela do Maxín
- Director: Luis Vallecillo
- Autora: Celtia Figueiras

Personaxes entrañables que encarnan a inocencia, a sabedoría e a bondade e que teñen moito que aprender os uns dos outros para, unidos, acabar cos medos, e así facer desaparecer os temidos pesadelos infantís.

A Federación de Asociacións de Persoas Xordas de Galicia interpretarán unha serie de contos en lingua de signos española para os que non poden oír e en voz alta para os demáis. Para nenos de 6 a 12 anos.

O Auditorio Novacaixagalicia de Santiago acolle esta mañá a representación da peza teatral infantil 'Bicharada' para os centros escolares que concertaron a súa asistencia.

Da man de Evaristo Calvo na dirección do proxecto, Berrobambán, a compañía que presenta esta nova proposta escénica, introducirá os rapaces e rapazas asistentes nun mundo en que, en principio, unha araña e mais unha formiga viven en harmonía no seu recuncho case pechado. Porén, un día acontece un feito que acabará coa tranquilidade do lugar: a aparición dun novo hóspede, un escaravello. A resposta perante o reto desta nova convivencia centra o argumento de Bicharada, que se nutre, ademais, dunha imaxinativa e traballada posta en escena, para que tanto a ambientación coma a historia se complementen en todo momento. A presenza dun equipo actoral de primeira liña, integrado por Paula Carballeira, Chiqui Pereira, Manolo Panforreteiro e ―na voz en off― Patricia de Lorenzo, contribúe á que a representación acade o seu obxectivo de impresionar o público.

Para nenos de 3 a 6 anos.

Berrobambán é unha compañía galega que, desde o ano 2000, estivo percorrendo os máis diversos países con motivo das súas propostas escénicas e o éxito que con elas veu obtendo. De feito, antes da presentación desta nova obra que se verá en Santiago de Compostela, Berrobambán levou á escena a peza gañadora do I Premio Manuel María de Literatura Dramática Infantil, Boas noites, de Paula Carballeira. A compañía caracterízase por explorar e arriscar nos seus proxectos, o cal a foi conducindo cara á consolidación e mais á internacionalización dentro do panorama teatral galego.

Para complementar esta actividade, Novacaixagalicia pon á disposición dos docentes unha unidade didáctica na web www.centrosocialnovacaixagalicia.com, que permite un maior aproveitamento do espectáculo por parte dos alumnos.

Máis información en www.obrasocialncg.com.

A Galería Sargadelos  acolle esta mañá, no marco da XII Campaña Municipal de Animación á Lectura, unha sesión de contos deseñada especialmente para os nenos e nenas de 0 a 3 anos, acompañados das súas familias. Nesta actividade, que se desenvolverá en dúas sesións, ás 11,30 h. e ás 12,30 h. está prevista a participación de preto dun cento de familias que previamente solicitaron a súa participación, xa que polas características da actividades (bebés, de 0-3 anos) non se pode superar un número de asistentes por cada sesión.

A Campaña Municipal de Animación á Lectura, que leva por título ”Unha VIAXE de ida e volta”,  conta cunha das súas referencias temáticas  no traballo presentado por Martín León Barreto “A viaxe de Olaf , que resultou gañador do IV Premio Internacional Compostela de Álbums Ilustrados. Esta iniciativa,  que xa vai pola súa XII Edición, desenvolverase ao longo dos meses de abril e maio e está organizada polo Departamento de Educación e Kalandraka Editora, en colaboración coa Galería Sargadelos, que pon a disposición desta iniciativa un dos mellores espazos de actividade cultural de Santiago.

Dende este servizo municipal, sentímonos moi satisfeitos da importante acollida e da repercusión desta iniciativa municipal que nos anima a seguir traballando, dando continuidade a novas propostas educativas que tanta aceptación teñen nas bibliotecas, nas librarías,  entre as nenas e nenos, nas familias,  e entre a  cidadanía de Compostela; pero sobre todo, na comunidade educativa, especialmente no profesorado e das familias  que participan activamente cada ano, contribuíndo a achegar a lectura aos nenos e nenas. Sendo conscientes da importancia de animar a ler dende as idades máis temperás para a creación dun hábito lector, entre todos conseguimos que  máis de 40.000 escolares  leven participado nesta iniciativa municipal.

O Centro Cultural Novacaixagalicia de Santiago acolle esta fin de semana unha función teatral destinada ao público familiar. 'O Quirico lambón', de Bernardiño Graña, é o conto no que se basea esta obra de monicreques representada por Títeres Seisdedos, unha compañía integrante de Viravolta que se centra na produción de obras máis tradicionais e de montaxe de pequeno formato.

Bernardino Graña deu esta peza súa ao prelo no ano 1997, interpretando unha das historias infantís populares que enchen o rexistro galego de tradición oral. O galo Quirico, un galo fachendoso, terá que relacionarse co resto dos animais co gallo de estar invitado á voda do burro Perico. Esta montaxe teatral concibiuse como parte do espectáculo que serviu de homenaxe ao autor de Cangas, prolífico no eido da literatura infantil e xuvenil, no ano 2007. 

Viravolta é unha compañía galega nacida no ano 1982 da man de Anxo García, Pilar Álvarez e Xulio Balado en Lalín. A súa actividade está centrada nos monicreques, tanto creando obras de teatro, como ofrecendo cursos de formación relacionados con estas pezas artesanais, exposicións ou mesmo festivais. Con motivo do décimo quinto aniversario da creación da compañía, celebrouse unha exposición no Museo Municipal de Lalín que foi o primeiro chanzo para a realización do Museo Galego da Marioneta.

As entradas para o evento están á venda no propio centro en horario de 12:00 a 14:00 h e de 17:00 a 21:00 h. O día mesmo da representación, poderanse adquirir tamén, ata unha hora antes do comezo do espectáculo, na tenda do edificio.

Máis información en www.obrasocialncg.com.

Galicia, Ceo das Letras prestará nesta segunda edición especial atención aos pequenos lectores, aos que introducirá no mundo dos grandes autores da nosa literatura dun xeito lúdico e didáctico. Dirixida a nenos de Primaria –de 6 a 11 anos- co obxectivo de estimular a súa expresividade e introducilos no hábito da lectura, a versión infantil de “Galicia, Ceo das Letras” tratará de que os participantes descubran a vida, época e obra de autores universais a través de tres pasos: “Vexo, Fago, Falo”.

Dúas horas que correrán paralelas á sesión dos adultos nas que os rapaces gozarán dun espectáculo artístico, convertiranse en protagonistas a través de obradoiros, xogos, plástica ou música; e debatirán entre eles sobre todos os coñecementos aprendidos ao longo da sesión.

** JORGE AMADO

Novelista, xornalista e memorialista, Jorge Amado (Itabuna, 1912 – Salvador da Bahia, 2001) é con certeza o escritor brasileiro de maior proxección universal.

A súa obra, traducida a preto de cincuenta linguas distintas, e adaptada ao cine, teatro e televisión, mostra un acentuado compromiso social cos desposuídos, condimentado con humor, maxia e sensualidade.

Finalista do Nóbel, entre os seus innúmeros premios e distincións consta o Luís de Camoes e o doutoramento honoris causa por universidades do Brasil, Portugal, Italia, Israel e Francia.

En 2012 celebramos o seu centenario.

** PROGRAMA

Artello Teatro: "Unha de Amor" [Adaptación da obra "O gato gaiado e a andoriña seña", de Jorge Amado]

O grupo teatral vigués Artello realizará unha adaptación da súa obra "Unha de amor", baseada na obra "O gato gaiado e a andoriña seña", do escritor brasileiro Jorge Amado. Cun grupo de monicreques como protagonistas, a historia contará cunha narración dramatizada a cargo da actriz Marta Ríos.

Sinopse

Os animais que moran nunha pequena vila viven atemorizados pola inquedante presenza dun conviciño díscolo, o Gato Gaiado. A el atribúen os crimes máis arrepiantes e a orixe de tódalas desgrazas que alí acontecen. Coa chegada da Primavera, unha xoven e ousada andoriña consegue o nunca visto: ante o abraio de toda a veciñanza, o Gato Gaiado sorriu. A partir dese momento, desenvólvese unha relación entre o Gato e a Andoriña que convulsiona a esa comunidade.

Tras a peza teatral, os rapaces achegaranse á figura de Jorge Amado a través de actividades lúdicas e educativas  nas que se pintará ao escritor, porémoslle música e moitas actividades máis nas que a aprendizaxe e a diversión serán a mesma cousa.

** INSCRICIÓN E RESERVAS
Galicia, Ceo das Letras infantil dispón de sistema de inscrición online.  A actividade terá lugar na Biblioteca de Galicia e será de balde ata completar o aforo, limitado a 30 prazas. Reservas en www.cidadedacultura.org.

A Biblioteca Pública Ánxel Casal ofrece esta mañá unha sesión de contacontos infantil, enmarcada no seu ciclo 'Os sábados, choiva de contos', que nesta ocasión estará a cargo da compañía Pavís Pavós para nenos e nenas de 0 a 3 anos.

Espectáculo de cantos, contos e arrolos para bebés de 0 a 3 anos acompañados de seus pais/nais ou titores.

'Corda e Recorda' pretende ser un concerto didáctico no que os nenos a partir de 3 anos aprendan a distinguir os diferentes sons.

Instrumentos en escena:
Violín, viola, violonchelo, contrabaixo e guitarra
Duración: 50 min.
Público: Infantil (+ 3 anos)

SINOPSE
Os intérpretes xogan coa sonoridade dos distintos instrumentos e ofrecen continuas sorpresas sonoras, ademais de achegarlles os instrumentos aos nenos e interpretar, entre outras, varias pezas de Béla Bartók, Schubert e Mozart.

A linguaxe dos ordenadores xa non terá segredos para ninguén. A través dun debuxo creado por eles mesmos, os rapaces descubrirán que misterios agocha o mundo dixital. Unha actividade coa que coñecerán a tecnoloxía básica que fai posible a realización de fotos, debuxos animados ou películas.

Convertidos en artistas, os rapaces deberán realizar un debuxo que posteriormente será convertido nunha sucesión de ceros e uns, a linguaxe que utilizan os ordenadores. Un exemplo perfecto para entender como unha obra en papel pode verse nunha pantalla. Como complemento, cada un dos participantes levará para casa unha copia de seguridade do seu debuxo en papel neste código, que poderá imprimir sempre e cando o desexe.

Un obradoiro no que os máis pequenos descubrirán o significado do código binario, introduciranse na arte contemporánea e coñecerán en primeira persoa os pasos habituais dentro do proceso de creación dunha obra de arte.

A Biblioteca Pública Ánxel Casal ofrece esta mañá unha sesión de contacontos infantil, enmarcada no seu ciclo 'Os sábados, choiva de contos', que nesta ocasión estará a cargo da compañía TaniaNuria. Para nenos e nenas de 4 a 12 anos.

Duración aproximada de 40 minutos.

Farase un percorrido sobre a vida e a obra de Valentín Paz Andrade, dun modo divertido e sinxelo e interactuando co público. Resaltarase a importancia do uso da lingua galega.

Do Paraná organiza ao longo dos meses de maio, xuño e xullo dous obradoiros infantís nos que nenos e nenas de 8 a 11 anos aprenderán inglés a través da construción de monicreques e xogos de representación. No primeiro obradoiro, desenvolvido durante tres xoves consecutivos, os rapaces participantes construirán un teatro de papel e diversos personaxes para xogar a representar historias. Trátase dunha iniciación ao segundo obradoiro.

As actividades realizaranse cun mínimo de matrículas confirmadas.

**Os obxectivos
Desenvolvemento das habilidades creativas e comunicativas en inglés.
Crear unha atmosfera de inmersión lingüística que conduza á inventiva e á exploración. Espertar o espírito creativo dos nenos, ofrecéndolles novas formas de expresión que estimulen a participación colaborativa mediante a acción artística. E sobre todo pasalo ben pintando, modelando, xogando a contar historias e relacionándose noutra lingua.

MIRARI URRUZOLA
Escultora e escenógrafa, está diplomada en Produción e Deseño de Espectáculos de Teatro, pola Escola de Arte e Deseño, Croydon College de Londres (93-96). Traballa como especialista en acabados de pintura para a compañía de decoración de interiores DKT mentres continúa os estudos de Belas Artes na Escola City Literary Institute de Londres.
Adícase á creación de esculturas e participa en diversas exposicións colectivas. Obtén o Master de Artes en investigación intercultural e acción creativa, London Metropolitan University (2004).
Despois de nove anos de estancia en Londres fíncase en Santiago (2002) onde colabora como deseñadora de decorados e luces, manipulación de monicreques e na produción de varios espectáculos. Forma a compañía Babaluva (2008) que xestiona e produce espectáculos de monicreques para público infantil. Como docente realiza unha gran variedade de obradoiros de Arte dirixidos a nen@s, familias e profesores.

+ Información e reserva de prazas
Mirari Urruzola | 699 692 030 | http://www.babaluva.com

Do Paraná Espazo serigráfico
Ulla, 25 baixo | Pontepedriña
Santiago de Compostela
881 97 80 75 | 627 43 61 26
doparanaespazo@gmail.com

A Federación de Asociacións de Persoas Xordas de Galicia interpretarán unha serie de contos en lingua de signos española para os que non poden oír e en voz alta para os demáis. Para nenos de 6 a 12 anos.

A partir do éxito obtido na Mostra d'Alcoi de 2009, 'Pinocho, un conto musical' iniciou unha xira estatal que permitiu achegar ao entrañable monicreque de madeira a máis de corenta mil espectadores. Ante a grande acollida do espectáculo, os seus produtores, Mario Sanchis Císcar e Jose Tomàs Chàfer, constitúense en Tempus Producciones como produtora que xestiona o musical na actualidade.

Trátase dun espectáculo baseado no conto clásico de Carlo Collodi, que baixo a batuta do director, José Tomás Cháfer, fai as delicias de pequenos e grandes.

'Pinocho, un conto musical' nace da combinación da esencia do conto con todos os elementos dos grandes musicais. Así pois, os pequenos espectadores gozarán dun universo sonoro e visual preparado para facelos soñar; recoñecerán o ámbito de Pinocho nunha escenografía pensada para sorprendelos; participarán no espectáculo a través dos xogos que se intercalan na acción; divertiranse contemplando as coreografías bailadas polos seus personaxes favoritos e poderán escoitar grandes voces que interpretarán, en rigoroso directo, as cancións que se recollen no CD do espectáculo.

A compañía Provisional Danza, dirixida por Carmen Werner, amosa esta noite no Teatro Principal o seu último traballo escénico, 'Ni ogros ni princesas'.

FICHA ARTÍSTICA

Intérpretes: Tatiana Chorot, Alejandro Morata, Javier Sangrós, Ricardo Santana, Sara Sanz Román, José Luis Sendarrubias e Carmen Werner.
Escenografía: Pedro Fresneda
Deseño de luz: Pedro Fresneda
Video: Diego Ortiz
Fotografía: Piti Prieto
Música: Masahiro Hiramoto
Axudante de dirección: Tatiana Chorot
Dirección escénica: Daniel Abreu
Dirección Artística e coreografía: C. Werner

A produción da obra contou coa axuda do Ministerio de Cultura (Industrias Culturais), a Comunidade de Madrid e Iberescena.

“Din que os soños son unha conxestión da imaxinación sobrecargada polas palabras non ditas, os actos non realizados, os afectos de odio ou de amor que non expresamos nin nunca expresaremos e tamén polos bicos non dados.”
(Van dean Borken)

Desde a elección do seu nome por Carmen Werner en 1987, Provisional Danza asume unha temporalidade que vai máis aló das súas actividades.

Provisional son as relacións, as vidas, os sentimentos que intérpretes e público constrúen interactuando dentro da súa escena. Desde Provisional Danza, e coa axuda da Comunidade de Madrid e o Ministerio de Cultura, fomentáronse e desenvolvéronse constantes vínculos de colaboración para contribuír, a través duns criterios e métodos de máxima esixencia, á formación de futuras xeracións de artistas tanto nacionais como internacionais.

Carmen Werner nace en Madrid. Licenciada en Educación Física pola Universidade Politécnica de Madrid. Estuda Danza Clásica e Contemporánea en Madrid, Barcelona e Londres. Desde que creou en 1987 a súa propia compañía, Provisional Danza, puxo en escena máis de 60 coreografías: traballos de sala (de pequeno e gran formato, incluída unha ópera-danza), traballos de rúa, vídeo-danzas, unha curtametraxe, colaboracións para outras compañías, encargos especiais para distintos festivais e teatros, ademais de impartir clases e talleres coreográficos.

A súa traxectoria artística foi recoñecida con diferentes premios, entre os que destacan o Premio Nacional de Danza 2007, o Premio Internacional de Danza Onassis en 2001 e o Premio de Cultura na sección de Danza da Comunidade de Madrid 2000.

O Salón Teatro acolle durante dúas xornadas a posta en escena de 'Blondy's Coffee, peza soa para dúas mulleres', a última produción da compañía de danza afincada en Galicia Entremans, unha obra interpretada por Kirenia Celia Martínez e Beatríz Pérez.

Entremans é unha compañía de pequeno formato residente en Galicia con 5 anos de traxectoria. Foi premiada en diferentes ocasións e participou en distintos festivais nacionais e internacionais.

As producións de Entremans realízanse xeralmente dende unha dirección artística colectiva, o que fai que non poida definirse como unha compañía ao uso, cun director artístico permanente, senón máis ben como un colectivo de creadores asumindo conxuntamente a dirección artística.

Entremans nace en 2005 da man dos cubanos afincados en Galicia, Armando Marten, Ana Beatriz Pérez, Alexis Fernández e Kirenia Celia Martínez, baixo a produción de Estefanía Vázquez. Neste ano estrean NA CONCA DOS TEUS OLLOS, dirixida e interpretada polos catro, coa que conseguen os primeiros premios do Certame Coreográfico de Burgos-New York (2006) e do Certame de Creación Coreográfica de Galicia (2006).

O traballo de Entremans puido verse ao longo destes 5 anos en diferentes cidades de España (Galicia, Madrid, Cataluña, Aragón, Castela León, Castela La Mancha, Asturias, País Vasco) e noutros países como Cuba, Bélxica, Suecia, Alemaña, Brasil, Luxemburgo, Francia, Italia, Portugal, Hungría...

O Jazz Club Dado Dadá acolle esta noite o novo espectáculo de monólogos cómicos do polifacético actor e presentador galego Carlos Blanco.

O arousano é un actor de ampla traxectoria teatral, con experiencia tamén como autor e director. Foi presentador da Radio Galega e traballou en multitude de programas e series de televisión para a TVG, pero foi o papel de Ladislao na serie 'Mareas Vivas' (onde tamén exercía de guionista) o papel que o deu a coñecer en toda Galicia.

Foi finalista do Certame de Monólogos do Clube da Comedia no 2003. Con espectáculos deste xénero percorreu con éxito a xeografía galega. Cabe destacar neste aspecto O país da comedia, que dirixiu no 2002 e onde compartía cartel con outros actores galegos de éxito como Mabel Rivera, Santiago Romay, Ernesto Chao ou Quico Cadaval.

Comezou no cine da man de directores como Patricia Ferreira ou Antón Reixa, e un dos seus últimos traballos foi unha pequena colaboración na película Volver (2006) de Pedro Almodóvar.

Do 5 de maio ao 3 de xuño, o Restaurante Enxebre, no Hostal dos Reis Católicos, ofrece unha proposta gastronómica que xira arredor dogalo de curral. Un maridaxe de gastronomía e cultura xunto á exposición pictórica da artista Marga Modelo.

Dende o luns 14 de maio e ata o sábado 19, o Restaurante Caney celebrará a xa tradicional Semana Gastronómica do Arroz. Un percorrido por variedades tan diversas como o Bomba Calasparra, típico da conca mediterránea, o Arborio, orixinario da provincia italiana de Verceli, o Venere Vermello, produto gourmet reservado para os emperadores do Antigo Imperio Chinés en receitas que fusionan a mellor cociña tradicional e de vangarda, ou o Carnaroli, un dos máis utilizados na elaboración do risotto porque conserva a súa forma logo da lenta cocción, absorbe os sabores, ofrece unha textura firme, esponjosa e co núcleo ao dente.
 
A carta do Caney incluirá eses días pratos en moi variados, permitindo gozar aos seus clientes das infinitas posibilidades culinarias que nos ofrece este cereal por antonomasia, considerado un alimento básico en culturas de todo o mundo.

Máis info: caney.es

A Bodeguilla de San Roque organiza esta noite unha actividade enogastronómica amenizada con música en directo e observación astronómica.

As portas do Campus Estelae, mirando as estrelas e a súa influencia nos viños que se fan seguindo os ciclos naturais, como se facía dende tempos inmemoriais...

Viticultura en biodinámica: Os viticultores Manuel Céspedes e Jesús Lázaro explicarannos os métodos da viticultura biodinámica nos seus viños
*LUZ DE ESTRELAS, un viño das Rías Baixas
*KIRIOS DE ADRADA noite, un Ribera del Duero

CHANSONS DE LA VIE amenizará a actividade entre copa e copa… e petisco. E despois: observación exterior de constelacións e explicacións por parte do presidente da federación galega de astrónomos. Unha noite para darlle a benvida a Ascensión entre o Ceo e a Terra.

Prazas: 20 (prégase confirmación)

Máis info: www.labodeguilladesanroque.com

A Bodeguilla de San Lázaro organiza esta tarde unha cata de viños alemáns a cargo de Michael Wöhr, importador de viños alemáns baixo a empresa Vins Alemanys en España.

* Peter JakobKühn Quarzit
Zona Produtiva: Rheingau
Produtor: Peter Jakob Kühn
Variedade: Riesling
Viticultura: Biodinámico % Vol: 11.5

*Dr.Bürklin Wolf Rupperstberger Riesling
Zona Produtiva: Palatinado (Falz)
Produtor: Dr. Bürklin -Wolf
Variedade: Riesling % Vol: 12.5

*GeorgBreuer Terra Montosa Riesling
Zona Produtiva: Rheingau
Produtor: Georg Breuer
Variedade: Riesling % Vol: 12.2

* HermannDönnhof Riesling
Zona Produtiva: Nahe
Produtor: Dönnhof
Variedade: Riesling % Vol: 9.5

* Fritz HaagRiesling
Zona Productiva:Mosel-Ruwer-Saar
Produtor: Fritz Haag
Variedade: Riesling % Vol: 11

* GeorgBreuer Rheingau Riesling Auslese
Zona Produtiva: Rheingau
Produtor: Georg Breuer
Variedade: Riesling % Vol: 9.8

* Dr.Bürklin Wolf Rechbachel Auslese
Zona Produtiva: Palatinado (Falz)
Produtor: Dr.Bürklin - Wolf
Variedade: Riesling % Vol: 13

* R.Von Kesselstatt Josephshöfer Spätlese
ZonaProductiva: Mosel-Ruwer-Saar
Produtor: Reichsgrafvon Kesselstat
Variedade: 100% Riesling do pago Josephshöfer, monopole da adega
% Vol: 7.5

*Dr.Bürklin Wolf Gaisböhl Gran Cru Monopole
Zona Produtiva: Palatinado (Falz)
Produtor: Dr.Bürklin - Wolf

O concello de Vedra organiza durante todo o sábado 26 de maio unha xornada enogastronómica que inclúe a visita guiada e gratuíta ás adegas da comarca, menús a prezos especiais, incluíndo viño D.O. Rías Baixas (subzona Ribeira do Ulla), ademais da posibilidade de visitar de balde os pazos e xardíns históricos da zona.

A xornada comprende a visita guiada e gratuíta ás adegas participantes na promoción. Todas elas terán as súas portas abertas durante este día. Dependerá da túa elección visitar unha ou varias. Ao finalizar a visita ofreceranche como agasallo unha degustación dos mellores viños Rías Baixas.

Establecementos participantes:

- Adega Pazo de Galegos (portas abertas - visita)
- Adega Valdés (portas abertas - visita)
- Destilería Aguardientes de Galicia (portas abertas - visita)
- Casa Suárez Turismo Rural (descontos especiais)
- Restaurante Villa Verde (Menús enogastronómicos)

Tamén atoparás unha serie de restaurantes onde poderás xantar aproveitando a oferta especial deste día.

Os menús compoñeranse de primeiro e segundo prato, acompañados ambos con viños da Denominación de Orixe na que te atopes. O prezo final, con IVE, será de 25 € e levará incluída a sobremesa.

Os restaurantes adheridos a esta promoción ofrecerán, ademais, menús infantís para os nenos menores de 12 anos que acompañen aos adultos. O prezo destes menús infantís será de 10 € (ive incluído). E en cada Ruta poderás atopar ademais un programa especial para ese sábado 26 de maio.

** Programa especial gratuíto 'Ruta polos pazos e xardíns históricos'

Visita aos Pazo de Santa Cruz de Ribadulla, Pazo de Ximonde e Pazo de Galegos.

Dende o Concello  de  Vedra propoñemos unha visita gratuíta polos pazos e xardíns históricos do concello. A ruta comezará as 11:00 da mañá e partirá da Casa dos Peóns (Oficina de Turismo en San Pedro de Vilanova, estrada Santiago-Ourense -pasando Lestedo á dereita- N525 PK 326, 42º 47.418´ N  008º 26.650´ W).

Reserva a túa praza ata o 24 de maio no telefono 981 814 612 ou en casadospeons@concellodevedra.com.

Os establecementos adheridos á Ruta do Viño Rías Baixas súmanse a esta iniciativa con varias propostas:

- Pazo de Galegos, Adega Valdés e a destilaría Aguardientes de Galicia propoñen unha xornada de portas abertas con visitas gratuítas aos seus establecementos.
- O Restaurante Villa Verde propón dúas variantes de menú especial para este día, acompañados de viños da DO Rías Baixas, a un excelente prezo  de 25 euros por persoa.
- Os aloxamentos Casa Suárez e Pazo de Galegos ofrecen descontos especiais para a ocasión.

Lembra que o Concello de Vedra forma parte da denominación de orixe Rías Baixas, subzona Ribera do Ulla, da Ruta da Camelia e posúe a única Ruta do viño da D.O. Rías Baixas da provincia da Coruña.

Para a organización desta xornada enogastronómica o Concello de Vedra está a colaborar con Turgalicia e coa Ruta do Viño Rías Baixas.

Ignacio Urueña e Luis López presentan esta tarde na Bodeguilla de San Lázaro as novas añadas dos seus viños que elaboran en Labastida, Bodegas Finca de La Rica, un proxecto que naceu hai 4 anos.
   
Adegas
FINCA DE LA RICA
D. O. Ca. Rioja

Os viños elaborados con tempranillos procedentes da zona máis occidental da Rioja. Labastida é un pequeno pobo alavés cun microclima provocado en gran medida polos dous accidentes xeográficos que rodean a comarca: o Norte atópase protexido pola Serra de Toloño, dentro da cordilleira cantábrica, e o Sur é acariñado polo sereno transcorrer das augas do Ebro.

- O Guía 2011, vinificado en tinas de aceiro inoxidable de 20.000 litros de capacidade cargándose as mesmas pola parte inferior, evitando que se golpee deste xeito a entrada do froito aos depósitos.

- O Buscador 2010, foi vinificado de dúas leiras por separado; por unha banda, a parcela Henares elaborouse en tinas de aceiro inoxidables; neste caso, o resultante non pasou por madeira. Doutra banda, o viño da leira O Rejón criouse durante 14 meses en botas de carballo francés, cunha antigüidade media de tres viños, procedentes das mellores tonelerías do país. O “coupage” por litros e períodos de crianza é o Buscador 2010, madurado durante 9 meses en barrica francesa. Un tinto de cor brillante, con intensidade media alta, e no que destacan os tons cereza con ribetes violáceos.

- O Nómada 2009

- O Nómada 2010, vinificado en tinas de aceiro inoxidable de 20.000 litros de capacidade e de carga inferior, evitando deste xeito que o froito se golpee na súa entrada ás mesmas.
De capa intensa, presenta unha brillante cor de picota pouco madura, con bordos granates que delatan o seu frescor. Malia os seus 14 meses de crianza en carballo francés,destaca en nariz polas súas marcadas notas frutais (froitos vermellos maduros), e ata florais (pétalos de violetas), redondeado todo iso con refrescantes notas balsámicas. Coa súa aireación na copa provocaremos a aparición dos aromas terciarios; pementa, canela, tofe, chocolate…

As terrazas do Parque de Belvís acollen, un martes máis, o mercado 'Entre Lusco e Fusco', un mercado de produtos ecolóxicos e de proximidade coordinado por Andaime, en colaboración coa coooperativa Eirado e os colectivos de produtores A Hortiña e Lentura.

A comisión de festas do barrio de San Pedro (Asociación Cultural Barrio de San Pedro) en colaboración con AA.VV. A Xuntanza  organiza, unha vez máis, a Feira da Primavera, adicada este ano á festa dos maios. Nesta ocasión terá lugar o sábado 5 de maio (todo o día) ao longo da rúa de San Pedro e as prazas próximas. Ademáis da feira, haberá animación de rúa e distintas actividades festivas en torno aos maios.

Para máis información: www.fbsp.info

Que é Dar no Cravo? Un xogo de preguntas sobre diferentes temas. Tamén hai enigmas, imaxes, cancións, chistes e algún que outro xogo máis que se vai inventando o presentador.

Como podo participar? En equipo de 4 persoas como máximo.

Hai que pagar? Sí, 2 € por participante.

Que hai que facer? Estar no Ultramarinos o día que haxa DNC antes das 22.00, dicir que queres participar, anotar no papel que se che dará o nome do equipo e o nome de cada un dos participantes. E, nesa mesma folla, anotar as respostas que consideres acertadas.

Hai algunha norma non escrita? Sí. É importante escribir con boa letra, moi importante! É importante tamén ser creativo… É dicir, se non sabes, inventa!

E cal é o premio? Unhas botellas de licores e a envexa do resto dos concursantes, que se pode converter en admiración ó compartir os licores.

Do 11 ao 13 de maio, o Pavillón Municipal de Vite, na rúa do Pintor Carlos Maside, acolle a celebración do III Campionato de España Clubes 2012 sub -16 de Hockey sobre patíns.

No evento tomarán parte o Club de Hockey Compostela, o Biesca Gijón Hockey Club, o Club Patín Alcobendas, o Club Patín Alcorcón, o Colexio Sta. María del Pilar, o Club Patí Manlleu, o CHP Bigues i Riells e o Reus Deportiu.

No marco das festas da Ascensión, o Mercado Nacional de Gando de Amio acolle a tradicional Feira Cabalar que contará coa celebración de diversos concursos oficiais, exhibicións de doma de alta escola e fantasías ecuestres con cabalos de pura raza galega e española.

Concurso cabalar Ascensión 2012
Mercado nacional de gando de Santiago (Amio)

PROGRAMA:
- 09.30 h. Apertura de inscricións
- 10.30 h. Concurso puntuable para a copa Galicia de pura raza galega
- 11.30 h. Concurso morfolóxico de Cabalos cruzados
- 12.00 h. Concurso morfolóxico de Eguas cruzadas
- 12.30 h. Entrega de premio de todas as categorías en concurso e do gran premio Dragóns de Santiago
- 13.25 h. Espectáculo ecuestre
De 11 a 13.45 h. Escola infantil de monta en ponis

Consulta o programa completo da Ascensión aquí

O Monte do Gozo convértese en escenario da celebración do I Freestyle Speed Style de Santiago de Compostela, un evento que permitirá contemplar ao aire libre as máis espectaculares acrobacias sobre unha moto, grazas á presenza do campión do mundo, Dani Torres, e dos sete mellores aspirantes mundiais do momento.

Será unha competición entre oito pilotos, emparellados de dous en dous, que se irán eliminando entre eles tras dar tres voltas a un circuíto e dar os saltos habituais. Serán valorados por un xurado, que determinará o campión, subcampión e terceiro clasificado.

Comezan as esperadas festas da Ascensión cun programa repleto de actividades para todos os gustos e todas as idades que amenizarán durante 8 días cada recuncho da cidade compostelá. Ao longo deste primeiro día pasarrúas e cabezudos percorrerán as rúas da cidade e darán paso a unha noite musical con auténticas verbenas na Alameda a cargo da Orquestra Costa Oeste e o Festival SonA.

PROGRAMA DO DÍA

- 12:00 h. Disparo de bombas anunciando o comezo das festas
- 12:30 h. Pasarrúas
- 12:30 h. Comparsa de Cabezudos
- 20:00 h. Pasarrúas

- 19:30 h. FESTIVAL SON A (apertura de portas ás 18:30 h.)
Multiusos Fontes do Sar
- 19:30 h. Novedades Carminha
- 20:15 h. The Blows
- 21:00 h. Eladio y los Seres Queridos
- 21:50 h. Xoel López
- 23:25 h. Iván Ferreiro
- 01:00 h. Triángulo de Amor Bizarro

- 23:00 h. Orquestras na Alameda: COSTA OESTE www.costa-oeste.com
Paseo central da Alameda

- 20:30 h. COMPOSTELA CINE CLASSIC'12
MESA REDONDA: "TRABALLAR NO AUDIOVISUAL: SEGREDOS E RECANTOS DAS RODAXES"
CSCXM O Ensanche
Participan: Dimas González, Dani de la Torre , Pepe Coira, Julio Casal e Camila Bossa

Consulta o programa completo da Ascensión aquí

Como cada mes de maio, Santiago celebra as festas da Ascensión, unha das celebracións máis importantes da cidade na que a xuventude participa de forma notable. Os espectáculos que forman o seu programa están enfocados especialmente aos máis novos sen esquecer outros aspectos tradicionais como o Día do Neno, a Festa dos Maiores, diversas actividades deportivas, as orquestras da Alameda, o teatro de sala ou a animación de rúa.

PROGRAMA ASCENSIÓN 2012

** Mércores 16
- 12:00 h. Disparo de bombas anunciando o comezo das festas
- 12:30 h. Pasarrúas
- 12:30 h. Comparsa de Cabezudos
- 20:00 h. Pasarrúas

- 19:30 h. FESTIVAL SON (apertura de portas ás 18:30 h.)
Multiusos Fontes do Sar
- 19:30 h. Novedades Carminha
- 20:15 h. The Blows
- 21:00 h. Eladio y los Seres Queridos
- 21:50 h. Xoel López
- 23:25 h. Iván Ferreiro
- 01:00 h. Triángulo de Amor Bizarro

- 23:00 h. Orquestras na Alameda: COSTA OESTE www.costa-oeste.com
Paseo central da Alameda

- 20:30 h. COMPOSTELA CINE CLASSICS¨12
MESA REDONDA: "TRABALLAR NO AUDIOVISUAL: SEGREDOS E RECANTOS DAS RODAXES"
CSCXM O Ensanche
Participan: Dimas González, Dani de la Torre , Pepe Coira, Julio Casal e Camila Bossa

** Xoves 17
DÍA da ASCENSIÓN
DÍA das LETRAS GALEGAS

Concurso Cabalar Ascensión 2012
Mercado Nacional de Gando de Santiago (Amio)

PROGRAMA:
- 09.30 h. Apertura de inscricións
- 10.30 h. Concurso puntuable para a copa Galicia de pura raza galega
- 11.30 h. Concurso morfolóxico de Cabalos cruzados
- 12.00 h. Concurso morfolóxico de Eguas cruzadas
- 12.30 h. Entrega de premio de todas as categorías en concurso e do gran premio Dragóns de Santiago
- 13.25 h. Espectáculo ecuestre
De 11 a 13.45 h. Escola infantil de monta en ponis

- 12:00 h. Concerto: Banda Municipal de Música
Rúa do Vilar

- 12.00 h. Fútbol: SD COMPOSTELA-VICTORIA FC Trofeo Asociación Prensa
Campo Municipal de Santa Isabel

FOLC NA RÚA
- 12.00 h.
O Fiadeiro // Praza de Praterías
Cantigas e Agarimos // Travesa de Fonseca
Colexiata do Sar // Praza da Inmaculada
Brincadeira // Praza do Toural
- 12.30 h.
Colexiata do Sar // Praza de Praterías
Brincadeira // Travesa de Fonseca
Cantigas e Agarimos // Praza da Inmaculada
O Fiadeiro // Praza do Toural
- 13.15 h.
Cantigas e Agarimos // Praza de Praterías
O Fiadeiro // Travesa de Fonseca
Brincadeira // Praza da Inmaculada
Colexiata do Sar // Praza do Toural
- 18.00 h.
Colexiata do Sar // Praza de Praterías
O Fiadeiro // Travesa de Fonseca
Brincadeira // Praza da Inmaculada
Cantigas e Agarimos // Praza do Toural
- 18.45 h.
Brincadeira// Praza de Praterías
Cantigas e Agarimos// Travesa de Fonseca
O Fiadeiro // Praza da Inmaculada
Colexiata do Sar // Praza do Toural
- 19.15 h.
O Fiadeiro// Praza de Praterías
Colexiata do Sar// Travesa de Fonseca
Cantigas e Agarimos // Praza da Inmaculada
Brincadeira // Praza do Toural

- 12:30 h. Comparsa de Cabezudos
Praza das Praterías
- 12:30 h. e 20:00h. Pasarrúas

- 15:00 h. CARREIRA CICLISTA GRAN PREMIO DA ASCENSIÓN
Saída e chegada da Avda. de Juan Carlos I.
(Organiza: Club Ciclista Compostelano)

- 19:00 h. FREESTYLE MOTOCROSS
Monte do Gozo

- 20:00 h. XXXVI Campionato de Chave
Paseo da Alameda

- 22:00 h. Orquestras na Alameda: MARBELLA www.orquestamarbella.com
Paseo central da Alameda

- 21:30 h. 40 SANTIAGO POP
(apertura de portas 20:30 h.)
Praza da Quintana / Entrada libre (ata completar aforo)
Presentado por Tony Aguilar
Coas actuacións de:
Xuso Jones
Chila Lynn
DMOL
José de Rico y Henry Mendez
Despistaos
Amaia Montero

** Venres 18
- 19:00 h. FASE LOCAL FEMININA DE PÁDEL
Pistas do Multiusos do Sar

- 20.00 h. Pasarrúas

- 20:00 h. COMPOSTELA CINE CLASSICS¨12 THE MATRIX
CSCXM O Ensanche
(Andy Wachowski e Lana Wachoswski, 1999) (V.O.S.)
Café con cine acompañados por Alejandra Juno

- 20:00 h. e 22:30 h TEATRO: Ni contigo ni sin ti (unha comedia de Santiago Moncada.)
Teatro Principal
Con Ivonne Reyes, Jesús Cisneros, Cristina Peña e Antonio Vico
Dirección: José Troncoso

- 22:00 h. CONCERTO CADENA 100 (apertura de portas 20:30 h.)
Praza da Quintana / Entrada libre (ata completar aforo)
Celtas Cortos
Huecco

** Sábado 19
- 12:00 h. Xogos populares
Praza Roxa

XIV FESTA PARA OS NOSOS MAIORES
Recinto feiral de Amio
5 euros taquillas Teatro Principal

- 13.00 h. CHARANGA

- 14.00 h. Xantar e a continuación actuación do
Grupo Plató.

- 16:30 h. WILD WOLF SANTIAGO DH (DESCENSO URBANO BTT)
Convento de Santa Clara - Praza das Praterías

- 16:30 h. XXXVI Campionato de Chave
Paseo da Alameda

De 17:00 h a 21:00h. A xogar!! Xogos de habilidade para tódalas idades
Praza de Vigo e Praza Roxa

- 19:00 h. FASE LOCAL FEMININA DE PÁDEL
Pistas do Multiusos do Sar

- 20:00 h. e 22:30 h TEATRO: Ni contigo ni sin ti.
(unha comedia de Santiago Moncada)
Teatro Principal
Con Ivonne Reyes, Jesús Cisneros, Cristina Peña e Antonio Vico
Dirección: José Troncoso

- 21:00 h. CULTURA URBANA Nach
Praza da Quintana
Artista invitado: Erin

- 22:00 h. Orquestras na Alameda: SUAVECITO
Paseo central da Alameda

** Domingo 20
A partir das 10:00 h. I TROFEO CIDADE DE SANTIAGO BAILE/ SONS
Pavillón Municipal de Santa Isabel
Durante todo o día

- 12:00 h. Concerto
Banda de Música de Santiago
Rúa do Vilar

- 13:30 h. PROGRAMACIÓN INFANTIL GALITOON: Botazz
Praza do Toural

- 13:30 h. Pasarrúas

- 19:00 h. FASE LOCAL FEMININA DE PÁDEL
Pistas do Multiusos do Sar

- 20:00 h. SONS 2012: ELISEO PARRA
Teatro Principal

** Venres 25
- 22:00 h. Orquestras na Alameda: ORQUESTRA D´TACÓN
Paseo central da Alameda

** Sábado 26
- 22:00 h. Orquestras na Alameda: ORQUESTRA SUPER STAR
Paseo central da Alameda

** Domingo 27
DÍA dos NENOS
Nas atraccións da Alameda

Consulta o PDF co programa completo da Ascensión aquí

Amio será dende primeiras horas da mañá o escenario da tradicional Feira Cabalar. Como de costume, as rúas de Compostela volverán encherse de animación con cabezudos, pasarrúas e o 'Folc Na Rúa', ademais da Carreira ciclista Gran Premio da Ascensión, o Freestyle Motocross e o XXXVI Campionato de chave. E xa pola noite, diversos concertos poñerán a nota musical da xornada.

PROGRAMA DO DÍA

DÍA da ASCENSIÓN
DÍA das LETRAS GALEGAS

Concurso Cabalar Ascensión 2012
Mercado Nacional de Gando de Santiago (Amio)

PROGRAMA:
- 09.30 h. Apertura de inscricións
- 10.30 h. Concurso puntuable para a copa Galicia de pura raza galega
- 11.30 h. Concurso morfolóxico de Cabalos cruzados
- 12.00 h. Concurso morfolóxico de Eguas cruzadas
- 12.30 h. Entrega de premio de todas as categorías en concurso e do gran premio Dragóns de Santiago
- 13.25 h. Espectáculo ecuestre
De 11 a 13.45 h. Escola infantil de monta en ponis

- 12:00 h. Concerto: Banda Municipal de Música
Rúa do Vilar

- 12.00 h. Fútbol: SD COMPOSTELA-VICTORIA FC Trofeo Asociación Prensa
Campo Municipal de Santa Isabel

FOLC NA RÚA
- 12.00 h.
O Fiadeiro // Praza de Praterías
Cantigas e Agarimos // Travesa de Fonseca
Colexiata do Sar // Praza da Inmaculada
Brincadeira // Praza do Toural
- 12.30 h.
Colexiata do Sar // Praza de Praterías
Brincadeira // Travesa de Fonseca
Cantigas e Agarimos // Praza da Inmaculada
O Fiadeiro // Praza do Toural
- 13.15 h.
Cantigas e Agarimos // Praza de Praterías
O Fiadeiro // Travesa de Fonseca
Brincadeira // Praza da Inmaculada
Colexiata do Sar // Praza do Toural
- 18.00 h.
Colexiata do Sar // Praza de Praterías
O Fiadeiro // Travesa de Fonseca
Brincadeira // Praza da Inmaculada
Cantigas e Agarimos // Praza do Toural
- 18.45 h.
Brincadeira// Praza de Praterías
Cantigas e Agarimos// Travesa de Fonseca
O Fiadeiro // Praza da Inmaculada
Colexiata do Sar // Praza do Toural
- 19.15 h.
O Fiadeiro// Praza de Praterías
Colexiata do Sar// Travesa de Fonseca
Cantigas e Agarimos // Praza da Inmaculada
Brincadeira // Praza do Toural

- 12:30 h. Comparsa de Cabezudos
Praza das Praterías
- 12:30 h. e 20:00h. Pasarrúas

- 15:00 h. CARREIRA CICLISTA GRAN PREMIO DA ASCENSIÓN
Saída e chegada da Avda. de Juan Carlos I.
(Organiza: Club Ciclista Compostelano)

- 19:00 h. FREESTYLE MOTOCROSS
Monte do Gozo

- 20:00 h. XXXVI Campionato de Chave
Paseo da Alameda

- 22:00 h. Orquestras na Alameda: MARBELLA www.orquestamarbella.com
Paseo central da Alameda

- 21:30 h. 40 SANTIAGO POP
(apertura de portas 20:30 h.)
Praza da Quintana / Entrada libre (ata completar aforo)
Presentado por Tony Aguilar
Coas actuacións de:
Xuso Jones
Chila Lynn
DMOL
José de Rico y Henry Mendez
Despistaos
Amaia Montero

Consulta o programa completo da Ascensión aquí

A concellería de Comercio, dirixida por Reyes Leis, organiza por primeira vez a “Noite Aberta de Primavera” do comercio compostelán, que se celebrará o venres 18 de maio e que se integra dentro do programa municipal de actividades das Festas da Ascensión.

Un total de 44 comercios participantes abrirán as súas portas ata as once da noite para ampliar o horario comercial habitual e facilitar as compras no pequeno comercio da cidade nun día no que haberá un ambiente festivo pola Ascensión. Os comercios participantes identificaranse co cartel promocional do programa. Entre todas as persoas que fagan compras superiores a 20 euros nalgún destes comercios sortearase unha viaxe para dúas persoas as illas Canarias e dez vales de compra de 50 euros para comprar nos propios comercios participantes.

Co ánimo de facilitar o máximo o acceso á cidade, adoptaranse ás seguintes medidas relativas ao transporte urbano e aparcamentos.
A liña 1 do transporte urbano prolongarase ao aparcadoiro de Santa Marta nas dúas direccións, facilitando así o seu uso pola xente que se acerque a cidade con motivo das festas e para realizar as súas compras.
- Polígono do Tambre – Boisaca - rúa Senra – rúa Choupana – parking Santa Marta – hospital Clínico.
- Hospital Clínico – parking Santa Marta – rúa Choupana – rúa Senra – polígono do Tambre.   

A frecuencia desta liña para os días 17, 18 e 19 de maio será a seguinte:
- Xoves 17 de maio: en horario de mañá cada 16 minutos e en horario de tarde cada 30 minutos.
- Venres 18 de maio: cada 16 minutos ao largo de todo o día.
- Sábado 19 de maio: en horario de mañá cada 20 minutos e en horario de tarde cada 30 minutos.

O horario do aparcadoiro de Santa Marta será o xoves 17 de maio de 10 h a 22.30 h e o venres 18 e sábado 19 de maio de 7.30 h a 22.30 h. A tarifa será de 1,50 euros que se aboará á entrada e o usuario poderá estacionar todo o día.

Co ánimo de facilitar as compras dos pais e nais, no Centro Sociocultural do Ensanche haberá servizo de gardería en horario de 18.30 h  a 21.30 h. O servizo ofrecerá dous talleres (para crear os seus propios monederos e volvoretas) para nenos e nenas de entre 4 e 12 anos. Haberá sesións cada hora. Admitiranse simultáneamente 30 nenos (15 nenos por taller). As inscricións poderán realizarse a partires das 18 h no mesmo centro.

Colocarase ademais un hinchable para meniños de 1 a 3 anos, que deberán neste caso asistir acompañados dalgún familiar responsable.

O programa compleméntase ademais con animación en rúa consistente en sketches cortos e interacións cos viandantes e comercios participantes que animen a cidadanía a entrar e coñecer o que ofrece o noso comercio. A animación terá unha duración de unha hora e media, de 21 h a 22.30 h e percorrerá durante ese tempo diversas rúas do Ensanche e do casco histórico compostelán.

No ensanche desenvolverase a animación “Familia de 0 a 99 anos”: familia de personaxes circenses onde non faltará de nada: nai zancuda, fillos adolescentes, pequenos que xogan a malabares, os bebés e como non podía faltar, o avó.

No casco histórico ofrecerase o número “Barroque Chimpins”: dous personaxes moi elegantes que fuxiron do século XVII en zancos acrobáticos e hoxe están aquí. 

Toda a información en www.santiagodecompostela.org

As Festas da Ascensión continúan na súa terceira xornada coa celebración da fase local feminina de padel no Multiusos do Sar e unha nova proxección do Compostela Cine Classics'12, así como dúas funcións da comedia teatral 'Ni contigo ni sin ti' e o concerto Cadena 100, protagonizado por Celtas Cortos e Huecco na Praza da Quintana.

PROGRAMA DO DÍA

- 19:00 h. FASE LOCAL FEMININA DE PÁDEL
Pistas do Multiusos do Sar

- 20.00 h. Pasarrúas

- 20:00 h. COMPOSTELA CINE CLASSIC'12 THE MATRIX
CSCXM O Ensanche
(Andy Wachowski e Lana Wachoswski, 1999) (V.O.S.)
Café con cine acompañados por Alejandra Juno

- 20:00 h. e 22:30 h TEATRO: Ni contigo ni sin ti (unha comedia de Santiago Moncada)
Teatro Principal
Con Ivonne Reyes, Jesús Cisneros, Cristina Peña e Antonio Vico
Dirección: José Troncoso
Prezos:
Butaca, platea e primeira planta: 12 euros
Segunda planta: 9 euros
Anfiteatro: 6 euros

- 22:00 h. CONCERTO CADENA 100 (apertura de portas 20:30 h.)
Praza da Quintana / Entrada libre (ata completar aforo)
Celtas Cortos
Huecco

Consulta o programa completo da Ascensión aquí

Na cuarta xornada das festas da Ascensión, o recinto feiral de Amio acollerá, un ano máis, a tradicional Festa para os maiores, que cumpre a súa XIV edición. Ademáis, haberá xogos populares para toda a familia na Praza Roxa e na Praza de Vigo, unha nova sesión do XXXVI Campionato de Chave na Alameda, teatro e concertos nocturnos.

PROGRAMA DO DÍA

- 12:00 h. Xogos populares
Praza Roxa

XIV FESTA PARA OS NOSOS MAIORES
Recinto feiral de Amio
5 euros taquillas Teatro Principal

- 13.00 h. CHARANGA

- 14.00 h. Xantar e a continuación actuación do
Grupo Plató.

- 16:30 h. WILD WOLF SANTIAGO DH (DESCENSO URBANO BTT)
Convento de Santa Clara - Praza das Praterías

- 16:30 h. XXXVI Campionato de Chave
Paseo da Alameda

De 17:00 h a 21:00h. A xogar!! Xogos de habilidade para tódalas idades
Praza de Vigo e Praza Roxa

- 19:00 h. FASE LOCAL FEMININA DE PÁDEL
Pistas do Multiusos do Sar

- 20:00 h. e 22:30 h TEATRO: Ni contigo ni sin ti.
(unha comedia de Santiago Moncada)
Teatro Principal
Con Ivonne Reyes, Jesús Cisneros, Cristina Peña e Antonio Vico
Dirección: José Troncoso
Prezos:
Butaca, platea e primeira planta: 12 euros
Segunda planta: 9 euros
Anfiteatro: 6 euros

- 21:00 h. CULTURA URBANA Nach
Praza da Quintana
Artista invitado: Erin

- 22:00 h. Orquestras na Alameda: SUAVECITO www.suavecitoorquesta.com
Paseo central da Alameda

Consulta o programa completo da Ascensión aquí

A cidade de Santiago prosegue coa celebración das súas festas da Ascensión cun nutrido programa de actividades para todas as idades. Ao longo de toda a xornada, no Pavillón Municipal de Santa Isabel, terá lugar o I Trofeo Cidade de Santiago de Baile. A cidade histórica será o escenario do concerto da banda Municipal e de pasarrúas que amenizarán o ambiente, así como de un espectáculo de monicreques para os pequenos da casa. E xa pola tarde, a fase feminina de padel e o concerto do artista valisoletano Eliseo Parra.

PROGRAMA DO DÍA

A partir das 10:00 h. I TROFEO CIDADE DE SANTIAGO BAILE/ SONS
Pavillón Municipal de Santa Isabel
Durante todo o día

- 12:00 h. Concerto
Banda de Música de Santiago
Rúa do Vilar

- 13:30 h. PROGRAMACIÓN INFANTIL GALITOON: Botazz
Praza do Toural

- 13:30 h. Pasarrúas

- 19:00 h. FASE LOCAL FEMININA DE PÁDEL
Pistas do Multiusos do Sar

- 20:00 h. SONS 2012: ELISEO PARRA
Teatro Principal
Prezos: 15 € e 8 €
Venda de entradas en www.novagaliciabanco.es, 902 43 44 43, na Casa das Crechas e no Teatro Principal de martes a sábado de 18 a 21 h.

Consulta o programa completo da Ascensión aquí

O Paseo Central da Alameda acolle unha nova sesión de ritmos latinos da man da orquestra D'Tacón, que convidará a veciños e visitantes a gozar dunha noite chea de música e diversión ao aire libre.

PROGRAMA DO DÍA

- 22:00 h. Orquestras na Alameda: ORQUESTRA D´TACÓN
Paseo central da Alameda

Consulta o programa completo da Ascensión aquí

A música da orquestra Super Star encherá de ritmo a Alameda esta noite, nunha sesión de baile incluída no programa das festas da Ascensión 2012.

PROGRAMA DO DÍA

- 22:00 h. Orquestras na Alameda: ORQUESTRA SUPER STAR
Paseo central da Alameda

Consulta o programa completo da Ascensión aquí

As festas da Ascensión 2012 chegan hoxe á súa fin cunha xornada enteiramente dedicada aos máis cativos. Deste xeito, todos os rapaces que se acheguen este domingo ás atraccións da Alameda gozarán dunha rebaixa do 50% no prezo das entradas.

DÍA dos NENOS
Nas atraccións da Alameda

Consulta o programa completo da Ascensión aquí

Do Paraná, Espazo serigráfico convida a coñecer os traballos realizados polos seus talleristas. Na mostra preparada para esta noite poderanse apreciar probas de ensaio de edición de obra, en tiradas limitadas sobre papel e
impresións téxtiles. Esta é unha boa oportunidade para coñecer o proceso serigráfico no seu espazo de produción e compartir a ledicia dos que aprenderon creando.

Haberá música, brinde e un sorteo sorpresa entre os asistentes.

A entrada é libre e de balde.

Xermolan Serígraf@s son:

ALMA GÓMEZ MARTÍNEZ
ANA FERNÁNDEZ MARTÍNEZ
ISABEL GARCÍA GONZÁLEZ
MARÍA XESÚS LÓPEZ SISO
MIGUEL PERALTA MARAVER
OLAYA DE LOS PALOS FERNÁNDEZ
SONIA ABELLEIRA DE GERÓNIMO
UXÍA PUENTE FERNÁNDEZ
XIANA RODRÍGUEZ COBO
XOANA ÁLVAREZ MARTÍN

DO PARANÁ, Espazo Serigráfico
Ulla 25, baixo (15702)
Santiago de Compostela, A Coruña
Teléfonos 881 97 80 75 - 627 43 61 26

A Praza de San Pedro acolle esta mañá o primeiro almorzo na rúa.  Colle cousas para almorzar e xuntémonos: a idea é… compartir o almorzo nun espazo público!

Evento no Facebook: aquí

Almorza na rúa é todos os últimos sábados de cada mes.

O 26 de maio o Parlamento de Galicia celebra a súa xornada anual de Portas Abertas.  Dende as 10 da mañá e ata ás 18 horas, a sede da Cámara galega (Rúa do Hórreo, 63) abre as súas portas en horario ininterrompido para dar a coñecer as súas instalacións.

Esta xornada, que celebra este ano a súa terceira edición, enmárcase nas actividades para achegar o Parlamento á sociedade.

Máis información en www.parlamentodegalicia.es

A Casa Galicia Xapón, en colaboración coa Universidade de Santiago de Compostela, organiza durante 4 xornadas consecutivas unha serie de actividades culturais gratuítas que pretenden achegar á nosa sociedade a cultura xaponesa.

SEMANA CULTURAL DE XAPÓN - xuño 2012 na Universidade de Santiago
Entrada: de balde

PROGRAMA

- Día 4
12:30-14:00 h. Proxección da película xaponesa "Cuarteto" (na aula 15 da facultade de Dereito da USC)

- Día 5
20:00 h. Concerto de arpa xaponesa KOTO (na Igrexa da Universidade)

- Día 6
20:00 h. Demostración de cerimonia de té  (na Igrexa da Universidade)

- Día 7
19:30-21:00 h. Obradoiro de arte en papel-ORIGAMI (na aula 15 da facultade de Dereito da USC)

Entre os meses de xuño e setembro, a Cidade da Cultura organiza unha serie de visitas guiadas, percorridos en bicicleta e sesións de astronomía para todos os públicos. A asistencia é de balde previa inscrición en www.cidadedacultura.org

Consultar datas e horarios: Dossier completo PDF aquí

O Cineclube celebra a súa tradicional festa de aniversario, a partir das 20:00 horas deste sábado no CS O Pichel. Presentada por Berrobambán, a festa de IX aniversario vai contar coa proxección das curtametraxes Cops (Buster Keaton, EUA, 1922), Big bussiness (Laurel & Hardy, EUA, 1929) e Pickpocket ne craint pas les entraves (Segundo de Chomón, Franza, 1909) e os concertos, a partir das 22:00, de Das Kapital, Ataque Escampe e a Magnifique Bande dos Homes sen Medo. Pechará a xornada DJ Chapaev.