A Catedral de Santiago acolle esta mañá a celebración da Solemnidade da Epifanía do Señor. Pouco antes de mediodía, dá comezo a procesión solemne do Excelentísimo Cabido, cos Sacerdotes concelebrantes e o Excelentísimo Sr. Arcebispo, Don Julián Barrio Barrio, acompañados das chirimías e co funcionamento do Botafumeiro. Ao chegar ao altar maior dá comezo a Misa Estacional.

A Liga ACB Endesa de Baloncesto 2012-2013 celebra hoxe a súa decimosexta xornada cun partido que enfrontará ao Blu:Sens Monbus e ao Blancos de Rueda Valladolid.

O Concello invita os composteláns a apoiar
 ao Obradoiro este domingo desde a Sala Capitol. As invitacións para a retransmisión deberán recollerse a partir das 12.30 h de hoxe na sede da Cadena SER, entidade organizadora.

O Concello de Santiago, a través do seu Departamento Municipal de Deportes de Santiago, e Radio Galicia Cadena Ser, convida a todos os composteláns e compostelás á Sala Capitol para asistir á retransmisión do partido que disputará o OBRADOIRO CAB fronte ao FIATC JOVENTUT en Badalona o próximo domingo 13 de xaneiro de 2013 ás 12:40 h, correspondente á 17ª xornada da LIGA ENDESA. Trátase dun partido decisivo, que pode levar ao Obradoiro á fase final da Copa de S. M. o Rei.

As entradas, de balde, poderán retirarse nas oficinas de Radio Ser Galicia, Rúa San Pedro de Mezonzo, 3,- 1º A, dende as 12:30h do xoves 10.

Este fin de semana, o pavillón de Santa Isabel de Santiago acolle a celebración do Campionato de España de Fútbol Sala para Xordos 2013.

O campionato está organizado polo CSD Compostela de Xordos e conta coa colaboración, entre outros, do Concello de Santiago de Compostela e da Federación Galega de Deportes para Xordos.

Ademais do clube organizador, participarán os seguintes equipos:

- CDS Mijas-Costas
- CDS Huelva
- CDS Valencia
- CDS Castelló (Asorcas)
- UDS Zaragoza
- CDS Almussafe
- CES Casal de Barcelona

A Liga ACB Endesa de Baloncesto 2012-2013 celebra hoxe a súa decimonovena xornada cun partido que enfrontará ao Blu:Sens Monbus e ao Mad-Croc Fuenlabrada.

A Liga ACB Endesa de Baloncesto 2012-2013 celebra hoxe a súa vixésimo primeira xornada cun partido que enfrontará ao Blu:Sens Monbus e ao Caja Laboral Baskonia.

Para este partido, todos os afeccionados do Blusens Monbus que se descarguen a nova aplicación do Clube, MC2.0, poderán adquirir unha entrada dende tan só 15 euros. Para o resto de afeccionados, as entradas xa están dispoñibles tanto na Web Oficial coma nas oficinas do Club.

Máis info aquí

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

O Paraninfo da Universidade, situado na Facultade de Xeografía e Historia, acolle esta tarde o segundo dos concertos do ciclo 'As 10 sonatas para violín e piano de Beethoven'.

A violinista Kiyoko Ohashi e a pianista Haruna Takebe ofrecen no Paraninfo da USC o segundo dos concertos do ciclo, dentro do que ata o mes de febreiro se interpretarán as dez sonatas que para estes instrumentos compuxo Beethoven entre 1799 e 1812. As concertistas xaponesas presentan no seu recital a sonata nº 3 en Mi bemol maior e a sonata nº 7 en do menor.

O ciclo monográfico ‘Sonatas para Violín e Piano de Beethoven’ conta na parte interpretativa con solistas da Real Filharmonía de Galicia (á que pertence Kiyoko Ohashi desde 1999) e con destacadas alumnas da Escola de Altos Estudos Musicais. O programa dos catro concertos é responsabilidade do profesor de Historia da Música da USC, Javier Garbayo.

Nas dúas citas que aínda restan deste ciclo, o día 29 de xaneiro actuarán Nazaret Canosa ao violín e Vera Pavlova ao piano coas sonatas nº 1, nº 4 e nº 8; e o 19 de febreiro o ciclo clausúrase coa interpretación das sonatas nº 2, nº 5 e nº 10 a cargo da violinista Beatriz Junco e a pianista Alicia González Permuy.

Todos os concertos serán ás 20.00 horas no Paraninfo da USC.

O pianista alemán Sebastian Knauer inaugura esta noite a quinta edición do ciclo de piano 'Ángel Brage' interpretando un programa con obras de Bach, Shubert e Beethoven.

Sebastian Knauer, piano

PROGRAMA

- J. S. Bach
Suite inglesa núm. 2 en la menor, BWV 807
- L. v. Beethoven
Sonata para piano núm. 17 en re menor, op. 31/2
- F. Schubert
4 Impromptus op. 90, D. 899

Sebastian Knauer naceu en Hamburgo, Alemaña, en 1971. Foi alumno de Gernot Kahl, Karl-Heinz Kämmerling, Philippe Entremont, Andràs Schiff, Christoph Eschenbach e Alexis Weissenberg. Debutou en concerto á idade de trece anos no Hamburg Musikhalle, co Concerto de Piano en Re maior de Haydn, e a nivel internacional en Venecia, con concertos para a RAI “European Concert.

Tocou nos principais auditorios do mundo e traballou baixo a batuta dos mellores directores. Xunto a Entremont, presentan un repertorio de concertos para dous pianos, e en Tel Aviv executaron o Doble Concerto de Mozart e de Mendelssohn coa Orquestra de Cámara de Israel. Tocou tamén coas orquestras máis importantes. Entre 1999 e 2002, interpretou e dirixiu os 27 Concertos para Piano de Mozart coa Hamburger Philharmoniker. É invitado asiduo nos principais festivais internacionais.

O Ciclo de piano Ángel Brage nace no ano 2008, dentro da programación de abono do Auditorio de Galicia, para homenaxear no 25º aniversario do seu falecemento a este pianista e mestre de varias xeracións de músicos composteláns. Polo escenario do Auditorio de Galicia xa teñen pasado algúns dos máis grandes pianistas da actualidade: Olli Mustonen, Arcadi Volodos, Christian Zacharias, Krystian Zimmerman, Aldo Ciccolini, Paul Lewis, Leif Ove Andsnes, Emanuel Ax…

O café El Puente organiza esta noite unha nova velada  musical de entrada gratuíta. Nesta ocasión, os asistentes poderán gozar dun concerto a cargo do Olivier Cano Cuarteto, grupo formado por Ton Risco, Pablo Pérez, Rafa Fernández e Olivier Cano.

Dentro do ciclo 'Novas Orquestras', organizado polo departamento de Cultura, o Auditorio de galicia acolle esta noite un concerto da Orquestra Nova da Sinfónica de Galicia. Rubén Gimeno dirixirá a Orquestra que terá como solista a Antonio Lagares (trompa).

Desde a súa fundación en 1994, a Orquestra Xoven permitiu a centos de instrumentistas novos completar a súa formación musical participando en espectáculos operísticos e concertos sinfónicos baixo o maxisterio de mestres como Alberto Zedda, Víctor Pablo Pérez, James Judd, Diego García ou Rubén Gimeno, que hoxe os dirixe.

PROGRAMA

Cazador Furtivo: obertura de Carl María Von Weber
Concerto para trompa e orquestra de Reinhold Glière
Tristan e Isolda: preludio de morte e amor. Richard Wagner
Os mestres cantores de Núremberg: obertura. Richard Wagner

No seu cuarto disco, o grupo de Pamplona mantén algunha das pautas que fixeron de El columpio Asesino unha marca absolutamente recoñecible: o son escuro, a tensión, o gusto polo rematado sofisticado e diferente. "Toro" (primeiro single) foi a cuarta canción española máis escoitada en Spotify na súa semana de saída. A súa canción en Youtube tivo máis de 800.000 plays.

No caso de ‘Diamantes’ levan ao extremo as súas posibilidades, e combinan os momentos máis crus con outros moi doces e melódicos (ao que axuda a voz de Cristina, con máis protagonismo que en anteriores traballos). A dualidade nas voces responde a un modelo tipo Bonnie & Clyde máis que a un musical, que busca un resultado sexy, perigoso e violento.

As guitarras desaparecen en favor das voces para resaltar a súa presenza; levan á mínima expresión utilizando e-bows e pasándoas por sintes analóxicos. Os punteos son minimalistas. Paradoxalmente, os arranxos electrónicos son menos, pero máis contundentes, moitas veces a modo de rifs. Un disco emocionante co conxunto de cancións máis redondo de cantos publicaron até o momento.

A estrea do álbum en Myspace tivo máis de 35.000 escoitas en tan só dous días. Nº1 para Mondosonoro no mes de febreiro. nº1 en Bi FM. Nomeados a 6 premios da Música Independente, entre eles o de Mellor Grupo Español, Mellor Canción ("Toro") e Mellor Directo.

Aló Django é un proxecto galego que busca a inspiración no jazz e na música dos xitanos "manouche" centroeuropeos: o chamado gypsy swing, un estilo, lírico, alegre e acústico cuxo máximo representante é o mítico guitarrista Django Reinhardt.

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

Chega á súa edición número quince o Ciclo de Novos Intérpretes da Asociación Galega da Lírica, o certame galego dedicado a novos intérpretes máis antigo en activo. Este certame que a Asociación Galega da Lírica organiza en colaboración coa Universidade de Santiago, constará de once concertos que se celebrarán até o mes de marzo. Case cincuenta novos músicos galegos e residentes en Galicia intervirán nestes concertos que comezarán ás oito do serán e nos que a entrada, como sempre, será libre. Novos músicos de toda Galicia intervirán nun ciclo no que a música de cámara será a protagonista e na que se poderán escoitar intérpretes dunha gran variedade de instrumentos (piano, violín, clarinete, violoncello, saxofón, óboe, fagot, percusión, acordeón, etc.), canto e grupos de cámara, algún deles pouco habituais (trío de violín, cello e piano; dúo de saxofón e percusión; quinteto de ventos; cuarteto de cordas con piano; dúo de frauta e percusión, etc.).

O piano, coa presenza de dous vigueses, será o protagonista da xornada inaugural que este luns 14 de xaneiro se celebrara, no Paraninfo da Universidade de Santiago de Compostela (sito na Facultade de Xeografía e Historia). Protagonista da primeira parte deste concerto, será Laura Zapatero Carreiro. Pianista viguesa e de 18 anos de idade, Laura Zapatero cursa actualmente o grao superior deste instrumento no Conservatorio Superior de Música da súa cidade natal con Rasa Biveiniene. Foi xa merecedora de premios e mencións de honra nos concursos David Russell (Vigo), fundao (Portugal) e Vilapraia de Ancora (Portugal). O fermoso programa que seleccionou para a ocasión inclúe dúas obras de Chopin (un estudo e un scherzo) e unha sonata para piano de Mozart.

Na segunda parte do concerto será a vez doutro pianista, Brais González. Tamén nado en Vigo, completou a súa formación no Mozarteum de Salzburgo. Brais González é un activo e polifacético músico que ademáis de pianista, formouse como frautista, e é compositor. Atesoura xa unha importante experiencia concertística e tamén obtivo premios en prestixiosos e numerosos concursos entre os que compre salientar os primeiros premios acadados no Concurso Internacional de Piano do Real Clube Náutico de Vigo, no Concurso Internacional Ricard Viñes 2004, no Concurso da Asociación Galega de Interpretes 2004 e no IV Concours International de Piano Nikolai Rubinstein de París 1999. Brais González interpretará para pechar esta xornada inaugural do Ciclo de Novos Intérpretes unha esixente obra como é a versión orixinal para piano dos famosos Cadros dunha exposición do compositor ruso Modest Mussorgski.

Como desde a súa primeira edición, o ciclo está especialmente adicado ós máis novos intérpretes galegos e residentes en Galicia para que comecen a adquirir a experiencia necesaria nun escenario. Entre os obxectivos está achegar tamén a música ó público máis novo, que pode achegarse con facilidade a uns concertos nos que a entrada será gratuíta. Doce anos de historia e máis de catrocentos participantes avalan sen dúbida xa unha sólida traxectoria dunha convocatoria pensada en prol da difusión da música e para prestar un pequeno pero imprescindible apoio ao futuro da música en Galicia, aos nosos novos valores.

A banda española de folc/pop Suburbano, con cancións tan coñecidas como 'La puerta de Alcalá', 'Arde París' ou 'Makinavaja' (son da súa autoría), presentará esta noite na Casa das Crechas o seu último disco, 33, os anos que levan enriba dos escenarios.

Suburbano, a banda de Luis Mendo e Bernardo Fuster, caracterizouse sempre polo seu eclecticismo, navegando, non de xeito intencionado, contracorrente. Aí­nda que actualmente volveron a unha liña máis próxima ao folclore, retomando o traballo iniciado no ano 79, na súa carreira atopamos jazz-rock, pop e ata bandas sonoras para cine e coñecidas series de televisión. Cancións coreadas infinidade de veces por todo o mundo, como 'La puerta de Alcalá', 'Arde París' ou 'Makinavaja', son da súa autoría. Son Suburbano, ademais, unha escola pola que pasaron algúns dos músicos españois máis importantes.

Suburbano cumpren 33 anos de carreira desde que en 1979 publicaran o seu primeiro disco. E 33 titúlase o seu novo traballo, que edita Karonte. A actual formación está integrada por Bernardo Fuster (voz, percusión, programacións) e Luis Mendo (guitarras, baixos, programacións, coros, arranxos), coa colaboración no disco de Lorenzo Solano (saxo, frauta), Javier Palancar (acordeón), Mikel Ferrer (batería) e Nacho Sáenz de Tejada.

O Café El Puente contará esta noite coa actuación do pianista Manolo Gutiérrez, sen dúbida algunha un dos referentes do jazz galego das últimas décadas. Manolo ven de publicar o seu último disco, "Illa da lúa", gravado en Barcelona xunto a Tom Warburton e Dani Dominguez. Nesta ocasión no Puente estará acompañado a batería por L.A.R. LEGIDO e polo contrabaixista cubano, JOSE MANUEL DÍAZ.

A entrada é de balde.

O Auditorio de Galicia acolle esta noite un concerto da recoñecida Orquestra Sinfónica de Galicia. Dirixida polo mestre Victor Pablo Pérez e acompañada pola violoncelista Alisa Weilerstein, ofrecerá ao público compostelán a interpretación de diversas pezas de Mahler e Elgar.

PROGRAMA

Victor Pablo Pérez, director
Alisa Weilerstein, violonchelo

E. Elgar: Concerto para violoncello en mi menor op.85

G. Mahler: Sinfonía núm. 6 en la menor “Tráxica”

Os murcianos Schwarz, referencia estatal desde hai máis de 10 anos, presentan na Zona C os temas do seu oitavo traballo discográfico, 'Alquimística'.

Como banda teloneira actuará Músculo!, un dos grupos galegos que mellor soubo entender o legado da banda murciana, vertebrando o seu son arredor dos sintetizadores e a uns ritmos tan pegadizos como contundentes. As súas cancións, nas que puidesen parecer que Sonic Youth reinterpretase o XTRMNTR de Primal Scream, foron definidas como unha bóla de rock ruidoso con momentos deliciosos.

Elliott Murphy é un dos máis extraordinarios personaxes dentro da historia do Rock. Neoiorquino residente en París, expatriado da "gran mazá" e das grandes discográficas multinacionais, moitos considérano un dos máis apaixonados, cultos e intelixentes compositores do rock.

OLIVIER DURAND, antes de unirse a Elliott Murphy, era o guitarra solista de Little Bob, unha das estrelas míticas de rock'n roll francés. Olivier leva once anos tocando con Elliott, e participou en once dos seus álbums.

A cantante Loli Nogueira, finalista do concurso "Tú sí que vales", ofrece esta tarde no CSC do Ensanche un recital cunha selección do seu repertorio jazz, soul e blues.

Entrada de balde ata completar aforamento.

A banda está formada por dous dos membros orixinais dos Simple Minds, Derek Forbes e Brian Mc Gee.
XSM interpretarán os grandes éxitos desta formación, sendo os responsables do éxito irresistible que tiveron os Simple Minds nos seus anos dourados, alá polos anos 80. Cancións como 'Themes For Great Cities', 'Love Song, 'I Travel', 'The American', 'Changeling' ou 'Chelsea Girl', soarán nesta xira para o desfrute dos seus fans.

Artista invitada: Anne van der Heijden

Pepe Bao, Rafa Kas e Miguel Lamas unen as súas forzas, a súa guasa e as ganas de liala nun novo proxecto, BaoKas 46, no que tocan temas propios e algunhas versións de artistas como O'funk'illo, Led Zeppelin, Billy Cobham, Jeff Beck, Deep Purple... Xa percorreron toda a Península coa súa xira "A taquilla hemos llegao", tocando en salas e festivais.

Esta tarde, a Real Filharmonía de Galicia ofrece un concerto familiar no Auditorio de Galicia acompañada por diversos alumnos do Conservatorio Profesional de Música de Santiago.

PROGRAMA

- Danzas eslavas nº 1, 4, 6 e 8, Dvorak
- The Typewriter, L. Anderson
- Abertura de “O arpa máxico” (abertura de Rosamunda) D. 644, F. Schubert

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

Luís Emilio Batallán ofrece esta noite un concerto de música popular na Casa das Crechas. O veterano artista volve aos escenarios logo de moitos anos e o seu novo traballo verá a luz a finais de ano.

Luís Emilio Batallán nunca foi moi prolífico cos directos e agora regresa aos escenarios logo de moito tempo afastado deles. Batallán está a preparar novo disco (que verá a luz a finais de ano) e nesta xira testará os seus novos temas.

Médico rural, ex-presidente do Pontevedra Club de Fútbol, amigo de Pablo Milanés e Joaquín Sabina, contador de historias... pero sobre todo cantautor. En 1975 publicou o disco Aí ven o maio, no que musicaba poemas de Curros Enríquez, Celso Emilio Ferreiro, Ramón Cabanillas, Rosalía de Castro e Álvaro Cunqueiro, e do que se venderon nada máis e nada menos que douscentos mil exemplares. En 1989 apareceu o seu segundo disco, Ballet da nena, con letras propias e de Uxío Novoneyra, Neira Vilas ou Manuel Antonio. En 1992 apareceu o seu terceiro elepé, e no 2007 o último: Tu retrato.

Volve Luís Emilio Batallán aínda que nunca marchou. Certo é que Batallán leva moitos anos nun semi-retiro voluntario exercendo a su profesión de médico en Moraña (Pontevedra), pero nas últimas décadas -e sempre en ocasións excepcionais- o gran cantante galego ofreceu ou participou en recitais nos que demostrou a súa calidade como artista e tamén a validez do seu repertorio na actualidade.

Luís Emilio Batallán (Compostela, 1948) é o autor dun dos discos máis notables da música galega de todos os tempos: Aí ven o maio. Publicado en 1975, Batallán sorprendeu a tirios e troianos coa súa revisión musical de poemas de Celso Emilio Ferreiro, Cunqueiro, Curros e Rosalía. Para algúns entendidos, ese disco está máis preto da música pop ca da canción de autor.

Ata aquel momento, a maioría dos cantantes galegos utilizaran, case sempre, o lado máis social ou ?comprometido? dos poetas galegos para compoñeren o seu repertorio. Pero, sorprendentemente, e nun tempo no que aínda se lles esixía aos intérpretes un compromiso político definido, Batallán optou polo lado máis íntimo dos poetas galegos para elaborar un traballo que permanece na memoria de todos.

E, como diciamos, Batallán volve á primeira liña da música galega. Xa no pasado 2012 puidemos escoitalo nalgunha ocasión -homenaxes a Celso Emilio en Celanova e Vigo- pero, agora, o cantante regresa con intención de non baixar dos escenarios nunha longa tempada.

Chega á súa edición número quince o Ciclo de Novos Intérpretes da Asociación Galega da Lírica, o certame galego dedicado a novos intérpretes máis antigo en activo. Este certame que a Asociación Galega da Lírica organiza en colaboración coa Universidade de Santiago, constará de once concertos que se celebrarán até o mes de marzo. Case cincuenta novos músicos galegos e residentes en Galicia intervirán nestes concertos que comezarán ás oito do serán e nos que a entrada, como sempre, será libre. Novos músicos de toda Galicia intervirán nun ciclo no que a música de cámara será a protagonista e na que se poderán escoitar intérpretes dunha gran variedade de instrumentos (piano, violín, clarinete, violoncello, saxofón, óboe, fagot, percusión, acordeón, etc.), canto e grupos de cámara, algún deles pouco habituais (trío de violín, cello e piano; dúo de saxofón e percusión; quinteto de ventos; cuarteto de cordas con piano; dúo de frauta e percusión, etc.).

Trala magnífica impresión causada no primeiro concerto do pasado luns polos dous pianistas Brais González e Paloma Pinto, chega agora a vez no concerto deste martes da acordeonista Celia Adrián e dos pianistas Lois Freire e Gonzalo Álvarez.

O piano volve ser protagonista deste segundo concerto, dividido en 3 partes, que este martes se celebrará, no Paraninfo da Universidade de Santiago de Compostela (sito na Facultade de Xeografía e Historia). Protagonista da primeira parte deste concerto, será o pianista de O Grove Lois Freire Caneda. Con 25 anos de idade está a rematar o grao superior no Conservatorio de Vigo, onde é alumno de Pablo Galdo. Pianista moi preocupado por complementar a su formación con outros mestres (recibiu clases de mestres como Imre Rohmann, Peter Efler, Valentina Igoshina, Zoltán Kocsis ou Dimitri Bashkirov), Lois Freire interpretará un variado programa que comeza con Bach, prosegue con senllos estudos para piano dos polacos Chopin e Moszkowski e remata cun impromptu de Schubert e o esixente Vals Mefisto de Liszt.

Por primeira vez preséntase a este ciclo de novos intérpretes un intérprete de acordeón, é a ourensana Celia Adrián Rodríguez que, na segunda parte do concerto interpretará obras de máis descoñecidos, como o sueco Torbjörn Lundquist, o francés Franck Angelis e o brasileiro Aurélio Edler Copes, antes de rematar a súa intervención cunha versión para acordeón do Libertango do arxentino Astor Piazzolla. Vintenove anos conta esta acordeonista ourensana que na actualidade é profesora titular no conservatorio da súa cidade natal e que atesoura xa unha ampla experiencia concertística e sempre amosou un especial interese pola estrea de autores contemporáneos.

O encargado de poñer fin ao concerto é o pianista vigués Gonzalo Álvarez. Con vintecinco anos de idade remata actualmente os seus estudos superiores no conservatorio da súa cidade natal con Raessa Jakutyt. Con anterioridade foi alumno do prestixioso pianista Leonel Morales durante dous anos no Conservatorio Superior de Castellón e xa ten experiencia como solista e recibiu premios no Concurso Nacional de Compositores de España, no Concurso Antón García Abril e no de Xátiva. O esixente programa que presentará Gonzalo Álvarez inclúe un Momento musical do ruso Rachmaninov e a Sonata en si menor de Liszt.

Como desde a súa primeira edición, o ciclo está especialmente adicado ós máis novos intérpretes galegos e residentes en Galicia para que comecen a adquirir a experiencia necesaria nun escenario. Entre os obxectivos está achegar tamén a música ó público máis novo, que pode achegarse con facilidade a uns concertos nos que a entrada será gratuíta. Doce anos de historia e máis de catrocentos participantes avalan sen dúbida xa unha sólida traxectoria dunha convocatoria pensada en prol da difusión da música e para prestar un pequeno pero imprescindible apoio ao futuro da música en Galicia, aos nosos novos valores.


PROGRAMA

LOIS FREIRE CANEDA  piano
CELIA ADRIÁN RODRÍGUEZ  acordeón
GONZALO ÁLVAREZ  piano


Parte I

Johann Sebastian Bach (1685-1750)
Contrapunctus IV (de A arte da fuga BWV 1080)

Frédéric Chopin (1810-1849)
Estudo para piano en mi bemol menor op 10 nº 6 (Andante con molta espressione)

Moritz Moszkowski (1854-1925)
Estudo para piano en fa maior op 72 nº 6

Franz Schubert (1797-1828)
Impromptu para piano en fa menor D 935/4 op post. 142 nº 4 (Allegretto scherzando)

Franz Liszt (1811-1886)
Vals Mefisto


Parte II

Torbjörn Lundquist (1920-2000)
Metamorphoses (1965)
 
Franck Angelis (n. 1962)
Romance (1998)
 
Aurélio Edler Copes (n. 1976)
Cantiga (2006, acordeón e electroacústica)
 
Astor Piazzolla (1921-1992)
Libertango (1974)


Parte III

Sergei Rachmaninov (1873-1943)
Moments musicaux op 16 nº 3 (Andante cantábile)

Franz Liszt (1811-1886)
Sonata para piano en si menor S 178

Holywater é unha banda luguesa que se foi abrindo camiño pouco a pouco na escena independente a base de repartir emoción, épica e enerxía, executando un rock pouco convencional.

O grupo nace en 1998 en Lugo, con Ricardo Rodríguez (voz, guitarra e compositor), Martín Alonso (guitarra), Xosé Luis Saqués (batería) e Laura Romay (baixo). Tras uns inicios típicos, ensaiando onde se podía e buscando concertos pola xeografía galega, o grupo logra sobresaír ao proclamarse vencedores do concurso Galicia Cidade Única no 2000 por diante de máis de trescentas bandas galegas. Durante as semifinais do concurso prodúcese o cambio na batería, Luis Casanova entra para substituír a Saqués. Co premio do concurso autofinancian a gravación do seu primeiro longo, que finalmente sería editado por Astro, "Handle with Care" (Astro, 2002).

O café El Puente organiza esta noite unha nova velada musical. Nesta ocasión contará coa actuación do trío 1045, agrupación de jazz-fusión formado por Iago Mouriño (piano e teclados) Octavio Vargas (baixo eléctrico) e Miguel Lamas (batería).

Entrada de balde.

O hip hop, o jazz e outros xéneros danse a man nunha proposta capitaneada por un dos músicos máis inquedos do jazz nacional. Ayza presentará en Santiago os temas do seu último traballo, Live At Home (Fresh Sound New Talent) coa presenza en exclusiva do reputado MC neoiorquino BluRum 13.

O baterista e compositor Marc Ayza (Barcelona, 1976) é un dos músicos máis relevantes e heterodoxos da actual escena do jazz barcelonés. Cun discurso incisivo, audaz e vigoroso, Ayza mestura sen ambaxes a enerxía do hip hop coa estética do jazz nunha sorte de pucheiro no que conflúen, en perfecta harmonía, sons que evocan tanto a cultura do turntablism dos 90 como a do jazz vindicativo dos 60, no que se amalgaman todo tipo de rexistros procedentes de diferentes tradicións musicais. Non en van, o Marc Ayza Group une un trío base de piano, contrabaixo e batería a un disc-jokey e un MC. A súa é unha viaxe onírica, cadenciosa, que cativou públicos heteroxéneos.

Marc Ayza foi discípulo de mestres do talle de Jorge Rossy, Quim Solé ou Peer Wyboris. Debutou en 2004 co álbum Deejah (Satchmo, 2004) e en 2008, tras unha longa estanza en Nova York, publicou o CD Offering (Fresh Sound New Talent), saudado pola crítica e a afección. En 2011 gravou no histórico club Jamboree de Barcelona o disco en directo Live At Home (FSNT, 2011), traballo que presentou, entre outros eventos, no prestixioso Festival de Jazz de Londres. Ao longo da súa prolífica carreira, Marc Ayza tocou con reputados jazzman nacionais e internacionais: Perico Sambeat, Víctor de Diego, Raynald Colom, Antonio Hart, Mulgrew Miller, Steve Kuhn, Sheila Jordan e Seamus Blake, entre outros.

Á marxe dos seus compañeiros habituais -Roger Mas, ao piano, Tom Warburton, ao contrabaixo, e DJ Helios, nos pratos- cabe destacar a presenza por primeira vez no Marc Ayza Group do estadounidense MC BluRum 13, con quen o baterista comparte o proxecto Beat'a'Boom. Natural de Nova York, BluRum 13 cultiva un singular estilo, a medio camiño entre o flow e a declamación poética, que o levou a ser unha das voces máis notables da escena europea e norteamericana do hip hop. Fundador en Maryland do colectivo Water Power, traballou con DJ e produtores da categoría de DJ Vadim, Luke Vibert, Kid Koala, Ben Mono e Grandtheft. BluRum 13 compartiu cartel con estrelas como Herbie Hancock, Maceo Parker, The Fugees ou Slum Village. En 2010 participou no proxecto Beat'a'Boom de Marc Ayza, co que viaxou por toda España.

A Real Filharmonía de Galicia ofrece esta noite un novo concerto da súa temporada de aboamento, dirixida polo tamén pianista Jeffrey Kahane. O programa inclúe obras de Adams, Ravel e Kodály.

PROGRAMA

REAL FILHARMONÍA DE GALICIA
Jeffrey Kahane, director e piano

J. Adams, Berceuse élégiaque
M. Ravel, Concerto para piano en Sol maior
J. Adams, A góndola negra
Z. Kodály, Danzas de Galanta

Work on Sunday volve á carga coa segunda edición do seu TriCiclo. Seguindo a fórmula que triunfou hai poucos meses na sala Capitol, a produtora volve a amalgamar a tres bandas de procedencia galega, nacional e internacional respectivamente para ofrecer un concerto único e inimitable.

Esta vez serán os londinienses The Oscillation os encargados de pór a nota internacional ao evento. A banda de Demian Castellanos está a triunfar no underground internacional e visita por primeira vez Galicia para mostrar a súa exitosa fórmula que combina o drone, a psicodelia e o krautrock.

Con ascendencia balcánica e procedencia de Castellón, Sutja Gutiérrez é o artista nacional seleccionado para o noso segundo TriCiclo. Aínda de incriblemente escasa transcendencia no noso país, tocou, editou e foi apuntado xa en medios de todo o mundo. A súa electrónica rock dacabalo entre o hit e a estrañeza ten visos de arrasar no futuro próximo e ninguén debería perdelo.

Para marcar a casa de banda galega, a formación elixida será Lendrone, unha das grandes promesas da canteira galaica con moito que dicir no futuro da música independente. Recentemente fichados e a piques de sacar o seu disco do trinque en Matapadre, presentarán os seus temas ante un público que cada vez quere saber máis deles.

The Oscillation (DC Recording, Londres, UK): Drone / Krautrock / Psicodelia

Sutja Gutiérrez (Bleeding Gold Records, Castellón): Electrónica Rock

Lendrone (Matapadre, A Coruña): Rock Experimental / Drone

O grupo musical Café Quijano chega ao Teatro Principal para presentar o seu novo traballo, 'Orígenes: el bolero', un disco co que o trío regresa á escena artística tras oito anos de separación.

"Estes "Orígenes" son iso, a orixe máis pura e real; nunca máis exacto un título para describir o noso traballo.
Iso, en canto a concepto, intención, desexo e necesidade.
Amor, desamor, impotencia, desexo, insatisfacción, anhelo, frenesí, desánimo e frustración en canto a contido lírico.
Sentimento exacerbado que abrangue o concepto e o contido. Iso é "Orígenes".
A miña realidade e unha imaxinación elástica, adestrada, romántica, realista e extremista sentimentalmente lévanme a describir nestas doce cancións o vivido e o imaxinado.
O vaivén de emocións é constante no escrito e máis, se cabe, unha vez cantado.
Non podo evitar impregnarme das sensacións destas letras aínda que non sexan meus todos os sentimentos.
Sen querer, síntoos; por reais, uns, e por posibles, outros.
Volver era unha necesidade; foron oito anos botándonos de menos. Botando de menos seguir gozando xuntos a viaxe da nosa vida, a nosa experiencia vital: a música.
E, o bolero, outra necesidade. Con el crecemos, fixémonos músicos.
Sempre imaxinamos facer un disco íntegro de boleros. Este é o disco que imaxinamos. É a nosa orixe. Por iso: 'Orígenes: el bolero'.
Gravámolo na nosa terra, na nosa casa, rodeados da nosa familia, dos nosos amigos.
Sen dúbida os tres irmáns coincidimos en dicir que é o álbum 'máis bonito' e persoal que fixemos xamais. Nunca outro nos emocionou deste xeito".

Manuel, Óscar e Raúl Quijano.

VOCES: Manuel, Oscar e Raúl Quijano.
GUITARRAS, REQUINTO E TRES: Manuel Quijano.
CONTRABAIXO: Yelsy Heredia.
PERCUSIÓNS: Richard Bravo.
CHELO: Pelayo Tahoces.
TROMPETA: Fran Rivero en “Prometo” e José Ramón Ignacio Castro en “Qué será de mí”.

A Sala Capitol acolle esta tarde o III The Rock a Billy Boogie Night, terceira edición do festival de rockabilly que contará coa actuación de Graham Fenton-Matchbox (UK), Wild Rooster (Suecia) e May Thai & Los Torino Rockets (A Coruña).

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

O mes de xaneiro remata coa terceira entrega da edición número quince do Ciclo de Novos Intérpretes da Asociación Galega da Lírica, un concerto que terá lugar esta tarde no Paraninfo da Universidade compostelá e no que o violín, coa coruñesa Paloma Albalat, e a frauta, cos vigueses Pablo Rouco e Estefanía Fernández Agulla, son protagonistas.

A primeira parte deste concertó estará protagonizada por unha nova violinista coruñesa de 17 anos de idade, Paloma Albalat. Alumna de sexto curso de grao profesional no conservatorio da súa cidade natal, interpretará obras de Mendelssoh, Massenet (a fermosa Meditación da súa ópera Thaïs) e do virtuoso violinista español Pablo de Sarasate (a súa Romanza andaluza). Paloma Albalat estará acompañada ao piano polo ferrolano mestre no conservatorio coruñés, Ricardo Blanco.

E dous frautistas vigueses acturarán na segunda parte do concerto. Alumnos do conservatorio vigués, Pablo Rouco cursa o primeiro curso de grao profesional con Julia Estévez e Estefanía Fernández o primeiro de grao profesional con Fernando Raña. Acompañados ao piano por Ana Lucía Domínguez, profesora tinerfeña do Conservatorio Profesional de Vigo, alternaranse no escenario para interpretar obras de compositores e frautistas franceses descoñecidos do gran público como Benjamin Godard, Pierre Sancan e Philippe Gaubert, antes de tocar xuntos o Concerto para dúas frautas do italiano Domenico Cimarosa.

Chega á súa edición número quince o Ciclo de Novos Intérpretes da Asociación Galega da Lírica, o certame galego dedicado a novos intérpretes máis antigo en activo. Este certame que a Asociación Galega da Lírica organiza en colaboración coa Universidade de Santiago, constará de once concertos que se celebrarán até o mes de marzo. Case cincuenta novos músicos galegos e residentes en Galicia intervirán nestes concertos que comezarán ás oito do serán e nos que a entrada, como sempre, será libre. Novos músicos de toda Galicia intervirán nun ciclo no que a música de cámara será a protagonista e na que se poderán escoitar intérpretes dunha gran variedade de instrumentos (piano, violín, clarinete, violoncello, saxofón, óboe, fagot, percusión, acordeón, etc.), canto e grupos de cámara, algún deles pouco habituais (trío de violín, cello e piano; dúo de saxofón e percusión; quinteto de ventos; cuarteto de cordas con piano; dúo de frauta e percusión, etc.).

Como desde a súa primeira edición, o ciclo está especialmente adicado ós máis novos intérpretes galegos e residentes en Galicia para que comecen a adquirir a experiencia necesaria nun escenario. Entre os obxectivos está achegar tamén a música ó público máis novo, que pode achegarse con facilidade a uns concertos nos que a entrada será gratuita. Doce anos de historia e máis de catrocentos participantes avalan sen dúbida xa unha sólida trayectoria dunha convocatoria pensada en prol da difusión da música e para prestar un pequeno pero imprescindible apoio ao futuro da música en Galicia, aos nosos novos valores.

O novo ciclo musical organizado polo Concello compostelán arranca esta noite cunha proposta fresca e dirixida á mocidade: os andaluces Guadalupe Plata, un grupo moi do gusto do público máis novo.

Perico de Dios (guitarra e voz), Carlos Jimena (batería) e  Paco Luis Martos (baixo e barreño)

En pleno ano de desastre económico, e probablemente motivados por unha inevitable necesidade exploratoria os andaluces volven con outro álbum sen título, defendendo que o seu é o vintage (...) Pero a cousa non é tan simple, porque o que se traen entre mans os de Úbeda é algo moito máis evolucionado, psicodélico e transgresor (..)

“A idea era plasmar ese endemoniamento que segregan os blues e o cante jondo”. comenta Perico. Metáforas non lles faltan, decorando trece novos temas (un deles unha revisión arrastrada do corte estrela do seu primeiro EP, Jesús está llorando) que apelan a unha rutina onde o máxico e o rural mestúranse, xa sexa mediante o uso de bombos de Semana Santa (presentes en cancións como Voy Caminando ou Santo Entierro), a inserción das campaíñas penitentes que abren esa melodía introdutoria chamada Lamentos (con Ry Cooder nun peculiar viacrucis etílico), ou as constantes referencias á España de segredos a porta pechada que coroa a evidente homenaxe a Los santos inocentes titulado Milana. Cando os Doors de L.A. Woman crúzanse con Perez Prado poden xurdir cousas como Rezando, coas súas guitarras crujientes como taboleiros de madeira inchados polo frémito do mambo. Doutra banda, cando lles dá por apertar o acelerador, composicións como Oh My Bey ou Escravo acaban mergullándoche nun desenfreo pélvico que, como ben comentaba recentemente unha amiga durante un dos seus concertos, "é un non se que que che pon”.

Gravado en directo durante tres días no estudo de Ryan Anderson en Austin a mestura fíxose en Málaga, no estudo de Maxi, dos tremebundos The Hollers, con Mike Mariconda (The Raunch Hands, Devil Dogs) celebrando o seu aniversario tras a mesa.

Estes tíos son únicos, sobre o escenario, no estudo ou de copas un martes de madrugá en calquera bar do arrabalde.

Nunca unha banda de blues soou menos a blues cantando en castelán. Pode parecer disparatado o que digo, por iso vou explicarme. Hai uns anos Perico de Deus (guitarra e voz), Carlos Jimena (batería) e  Paco Luís Martos (baixo e barreño) desempoaron o envite tradicional afroamericano baixo o sinal de Guadalupe Plata (...) soaban veraces e contemporáneos sen necesidade de disfrazar o discurso co tipo de interese bolsista onde cotizan a maioría das bandas independentes nacionais.

Un EP e unha longa duración editados en 2009 e 2011 respectivamente, ambos os artefactos presentados co nome do grupo como único crédito, serviron como acicate para que a banda acabase percorrendo tantos quilómetros que, neste momento, custa encaixar a maneira na que os seus catro membros (inclúo a Toni Anguiano, o irredutible mánager) puideron chegar a ter vida privada máis aló dunha furgoneta.

(Texto Emilio R. Cascajosa. Extractos)

O reputado violinista británico, Daniel Hope, e o director e viola tamén británico, Philipp Dukes ofrecen un concerto coa RFG no Auditorio de Galicia. Trátase dun concerto moi especial no que a música da orquestra estará acompañada polos sons do violín de Hope e os da viola de Dukes, que, de maneira alterna, interpretarán pezas, xuntos ou por separado, de Telemann, Vivaldi e Britten.

Daniel Hope, considerado un dos grandes virtuosos do violín a nivel mundial, é o director artístico dos prestixiosos festivais Savannah Music e Festspiele Mecklenburg-Vorpommern, en Alemaña. Renovou o seu contrato en exclusiva con Deutsche Grammophon e o seu último lanzamento é unha homenaxe a Joseph Joachim. Adoita dirixir orquestras de cámara mentres interpreta ao violín, formacións entre as que destacan a Chamber Orchestra of Europe e Camerata Salzburg. Máis aló do escenario, escribiu tres best sellers e guións para performances e traballa como presentador de radio, cine e televisión.

Philipp Dukes, o viola máis importante de Gran Bretaña segundo The Times, compaxina a súa carreira musical coa docencia na Royal Academy of Music de Londres. Tamén é director artístico no Marlborough College e profesor invitado de viola na Universidade McGill de Montreal. En 2006 foi elixido por unanimidade membro da Guildhall School da capital británica en recoñecemento ao seu éxito como solista e é Membro de Honor da Royal Academy of Music, desde 2007. Destaca a gravación da Suite para Lady Caroline Lamb por Sir Richard Rodney Bennett, que recibiu o premio da Crítica Alemá á mellor gravación.

PROGRAMA
Real Filharmonía de Galicia
Philip Dukes, director e viola
Daniel Hiope, violín

G.P. Telemann, Concerto para viola e cordas en Sol maior
S. Barber, Adagio para cordas
D.Wirén, Serenata para cordas, op. 11
A. Vivaldi, As catro estacións, op. 8: O verán, RV 315, en sol menor
B. Britten, Concerto para violín, viola e orquestra “Dobre Concerto”

Esta noite, o café El Puente acolle a estrea dun novo combo de improvisación libre con tres vellos coñecidos do local. Pablo Seoane no piano, acompañado de dous membros de Suelen Estar Quartet, Saúl Puga no contrabaixo e Elena Vázquez no violín.

A entrada é de balde.

Garrett Wall e Dave Mooney (Irlanda), Howard Brown (Gran Bretaña) e Robbie K Jones (Estados Unidos), levan vivindo en Madrid uns dez anos. Alí­ foi de feito onde se formou o grupo Track Dogs. Garret participou recentemente na BSO de 'Buried', nominada aos premios Goya. Veñen además de editar unha versión deluxe do seu disco homónimo, e agora, coincidindo coa súa xira dentro do circuito GPS, presentan un novo single: 'Dust Devil'.

A Real Filharmonía de Galicia ofrece esta noite un novo concerto da súa temporada de aboamento, dirixida polo tamén violista Philipp Dukes e acompañada polo violinista Daniel Hope. O programa inclúe obras de Telemann, Barber, Wirén, Vivaldi e Britten.

PROGRAMA

REAL FILHARMONÍA DE GALICIA
Philipp Dukes, director e viola
Daniel Hope, violín

- G. P. Telemann, Concerto para viola e cordas en Sol maior, TWV 51
- S. Barber, Adagio para cordas
- D. Wirén, Serenata para cordas, op. 11
- A. Vivaldi, As catro estacións, op. 8: O verán, RV 315, en sol menor,
- B. Britten, Concerto para violín, viola e orquestra “Dobre Concerto”

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

O piano e o clarinete serán os instrumentos protagonistas do cuarto concerto do ciclo de Novos Intérpretes da Asociación Galega da Lírica. Abrirá o concerto o novo clarinetista de Celanova Javier Gándara Feijoo, quen escolleu un programa para clarinete só no que destacan unha selección de tres dos homenaxes que para clarinete escribiu o compositor húngaro Béla Kovács (neste caso os de Paganini, Bach e Kodály); o seu programa o completan obras de Donizetti, Von Koch e a adaptación para este intrumento de senllas obras de Rimski-Korsakov e Bach.  O clarinete cederá paso ao piano coa presencia da pianista viguesa Carla Lorenzo que interpretará as oito pezas de fantasía da obra Fantasiestücke de Schumann. O concertó rematará coa pianista compostelá Alba Díaz Taboada que interpretará un esixente programa conformado por un tocata de Bach, unha balada de Chopin e a terceira sonata de Prokofiev.

Chega á súa edición número quince o Ciclo de Novos Intérpretes da Asociación Galega da Lírica, o certame galego dedicado a novos intérpretes máis antigo en activo. Este certame que a Asociación Galega da Lírica organiza en colaboración coa Universidade de Santiago, constará de once concertos que se celebrarán até o mes de marzo. Case cincuenta novos músicos galegos e residentes en Galicia intervirán nestes concertos que comezarán ás oito do serán e nos que a entrada, como sempre, será libre. Novos músicos de toda Galicia intervirán nun ciclo no que a música de cámara será a protagonista e na que se poderán escoitar intérpretes dunha gran variedade de instrumentos (piano, violín, clarinete, violoncello, saxofón, óboe, fagot, percusión, acordeón, etc.), canto e grupos de cámara, algún deles pouco habituais (trío de violín, cello e piano; dúo de saxofón e percusión; quinteto de ventos; cuarteto de cordas con piano; dúo de frauta e percusión, etc.).

Como desde a súa primeira edición, o ciclo está especialmente adicado ós máis novos intérpretes galegos e residentes en Galicia para que comecen a adquirir a experiencia necesaria nun escenario. Entre os obxectivos está achegar tamén a música ó público máis novo, que pode achegarse con facilidade a uns concertos nos que a entrada será gratuita. Doce anos de historia e máis de catrocentos participantes avalan sen dúbida xa unha sólida trayectoria dunha convocatoria pensada en prol da difusión da música e para prestar un pequeno pero imprescindible apoio ao futuro da música en Galicia, aos nosos novos valores.

A programación de febreiro da Casa das Crechas comeza esta noite co cantautor madrileño Javier Bergia, que ademais de presentar o seu último traballo, 'Un lugar bajo el sol', testará as novas cancións do vindeiro disco que publicará en maio, 'Punto y aparte'.

Nos anos 80 xurdiu en Madrid unha xeración de novos músicos na que se situou desde o principio en primeira liña Javier Bergia (Madrid 1958). Hoxe, 25 anos despois, as súas cancións siguen a proclamar un universo sonoro que destila melancolía, asumindo de xeito sinxelo e nada forzado todos os xéneros. Na súa condición de letrista e compositor é onde este xenuíno personaxe colleitou os seus mellores logros. Bergia conta xa con doce discos, polos que fará un percorrido neste concerto na Casa das Crechas.

Máis información: www.javierbergia.com

A variada proposta do quinto concerto do ciclo de Novos Intérpretes, organizado pola Asociación Galega da Lírica, inclúe canto, oboe e unha infrecuente formación de cámara, un dúo de frauta e percusión. A cantante de Pontecesures, alumna do Conservatorio Profesional de Lugo, Cristina Suárez Silva estará acompañada ao piano da mestra do mesmo conservatorio Susana García para cantar unha canción da ópera A raíña das fadas de Purcell, dúas chansons francesas de Fauré, un lied de Schubert, unha romanza da opereta O morcego de Strauss e a coñecida aria “Bel raggio lusinghier” da ópera Semiramide de Rossini. A oboísta de San Sadurniño, formada en Ferrol, Iria Folgado seleccionou dúas obras para a súa participación no ciclo, unha de Mozart e a atraínte Sonata para óboe e piano de Poulenc; ao piano estará acompañada polo profesor do conservatorio coruñés Jorge Briones. A interesante proposta arredor da música contemporánea do dúo de frauta e percusión Dulalial. Dúas novas mestras do Conservatorio de Vilalba, a frautista Paula Rouco e a percusionista Marta Prado, forman este dúo que seleccionou unha tipo de proposta infrecuente con obras de catro compositores actuais: o americano Larry Barnes, o australiano Ross Edwards, o francés Franck Dentréssangle e o coruñés Daniel G. Artés.

Chega á súa edición número quince o Ciclo de Novos Intérpretes da Asociación Galega da Lírica, o certame galego dedicado a novos intérpretes máis antigo en activo. Este certame que a Asociación Galega da Lírica organiza en colaboración coa Universidade de Santiago, constará de once concertos que se celebrarán até o mes de marzo. Case cincuenta novos músicos galegos e residentes en Galicia intervirán nestes concertos que comezarán ás oito do serán e nos que a entrada, como sempre, será libre. Novos músicos de toda Galicia intervirán nun ciclo no que a música de cámara será a protagonista e na que se poderán escoitar intérpretes dunha gran variedade de instrumentos (piano, violín, clarinete, violoncello, saxofón, óboe, fagot, percusión, acordeón, etc.), canto e grupos de cámara, algún deles pouco habituais (trío de violín, cello e piano; dúo de saxofón e percusión; quinteto de ventos; cuarteto de cordas con piano; dúo de frauta e percusión, etc.).

Como desde a súa primeira edición, o ciclo está especialmente adicado ós máis novos intérpretes galegos e residentes en Galicia para que comecen a adquirir a experiencia necesaria nun escenario. Entre os obxectivos está achegar tamén a música ó público máis novo, que pode achegarse con facilidade a uns concertos nos que a entrada será gratuita. Doce anos de historia e máis de catrocentos participantes avalan sen dúbida xa unha sólida trayectoria dunha convocatoria pensada en prol da difusión da música e para prestar un pequeno pero imprescindible apoio ao futuro da música en Galicia, aos nosos novos valores.

Tras as retrospectivas de Greg Dulli (The Afghan Whigs), Robin Proper Sheppard (Sophia) e Nathan Admuson (Rivulets), Desconcerto Cultural arranca o ano co concerto de Ben & Bruno, alter ego de Peter J. Brant que dará un concerto no Kunsthalle.

Ben & Bruno é o proxecto de Peter J Brant. Tratase dun cancioneiro creado polo propio Peter en colaboración con outros músicos e no que narra as vivencias do orfo Ben, quen, tras perder a súa nai, é secuestrado por unha veciña fanática da que se namora, casando con ela, tendo dúas fillas en común e separándose finalmente.

Trátase dun percorrido existencial polas revoltas deste personaxe que na voz do norteamericano destila aromas a folk experimental, unhas veces infantil e campestre, outras máis urxente e urbanita, recordando por momentos a figuras como Damien Jurado, Lou Barlow ou os desaparecidos Elliott Smith e Mark Linkous.

Peter J Brant tamén é famoso pola súa faceta de realizador visual, xa que dirixiu videoclips para The War on Drugs ou de The Shadow Bureau, así como pequenas curtametraxes que acostuma proxectar antes das súas actuacións. Nos últimos oito anos gravou con Ben & Bruno seis álbums, dende o delicioso "Handsome Danny" a "Marcescant", mantendo unha liña paralela entre melodías ateigadas de emoción e unha simplicidade instrumental que, nun equilibrio perfecto, acaba explotando no corazón do oínte.

Máis info aquí

Dentro da súa extensa xira por toda a Península, The Brew, un dos grupos británicos máis activos, actuará por primeira vez en Compostela.

“The Brew UK Live in Europe”, publicado o pasado setembro é o esperado primeiro álbum en directo do grupo, quinto da súa carreira, e reflicte a gran forza e paixón que transmiten ao público en todas as súas actuacións. Nesta nova xira española ofrecerán un espectáculo renovado, intenso e xeneroso en duración con cancións de toda a súa discografía, algunhas que nunca tocaron en España e para despedirse, como vén sendo habitual neles, versionarán algunha canción de Jimi Hendrix ou Led Zeppelin, o seu tributo particular a quen mais os inspirou.

The Brew souberon recoller como ninguén a herdanza do Blues Rock daqueles tríos e bandas esenciais dos anos 60 e 70, tales como Jimi Hendrix Experience, Cream, Led Zeppelin ou os Pink Floyd da primeira época con Syd Barrett, consolidando en poucos anos un estilo propio recoñecible que os fai únicos no circuíto de Rock internacional. Nos últimos anos compartiron escenarios con Red Hot Chilli Peppers, Jeff Beck, Ozzy Osbourne, Judas Priest, Whitesnake, Eric Burdon, The Cult, Thin Lizzy, Jethro Tull, Joe Bonamassa e Lynyrd Skynyrd. Con estes últimos actuaron o pasado xuño nos catro únicos concertos que ofreceron en Alemaña.

Foi considerado entre outras cualificacións: “Mellor grupo británico 2006-2007” e “Mellor trío británico dos últimos 20 anos” por It´s Only Rock´n´Roll, revista oficial do club de fans de The Rolling Stones ou - "Un dos grupos mais excitantes do noso tempo” por Rocks Magazine en 2011.

Discografía: “The Brew” (2006), “The Joker” (2008), “A Million Dead Stars” (2010), “The Third Floor” (2011), “The Brew UK Live in Europe” (2012)

A Casa das Crechas acolle esta noite o concerto-presentación do Proxecto Sapoconcho, grupo formado por Pablo Vidal (contrabaixo, piano e guitarra) e Sapoconcho (voz, percusión e guitarra). Estarán acompañados por algúns dos músicos que participan no proxecto e formarán parte do disco que sairá á luz en primavera: Uxía, Sérgio Tannus, Xoán Curiel, Mónica de Nut, Najla Shami, Narf, Abe Rábade, Tonhito de Poi, Ariel Ninas, Luanda Cozetti, Jamila Castillo, Maghúa e un longo etcétera.

O Proxecto Sapoconcho naceu a raíz de que coincidiran en varios concertos, Pablo como músico e Sapoconcho como convidado. O repertorio vai desde algún tema propio até temas de sempre, levados ao terreo do blues e do jazz. Na primavera verá a luz o froito deste proxecto, un disco tamén compartido con todos estes músicos.

Sapoconcho volve á música despois de formar parte de varias formacións durante o franquismo. E Pablo Vidal é un músico de calidade contrastada, que formou parte de Los Resentidos, entre outros moitos proxectos.

Esta noite, a Real Filharmonía de Galicia ofrece un novo concerto da súa tempada de aboamento. Nesta ocasión estará dirixida por Clemesn Schuldt e acompañada pola pianista arxentina de relevancia internacional Ingrid Fliter.

PROGRAMA

REAL FILHARMONÍA DE GALICIA
Clemens Schuldt, director          
Ingrid Fliter, piano

F. Schreker: Intermezzo para cordas, op.8
L. v. Beethoven: Concerto para piano e orquestra núm. 4 en Sol maior, op.58
F. Schubert: Sinfonía núm.3 en Re maior, D.200.

Christina Rosenvinge foi construíndo unha carreira artística sólida como poucas neste país. Empezou con Ella y los Pneumáticos, seguiu con Magia Blanca, e sendo aínda unha adolescente alcanzou o éxito con Álex y Christina. Xa en solitario continuou o seu camiño como Christina y los Subterráneos ou simplemente, Christina Rosenvinge. Neste tempo ofreceunos discos de todo tipo, empezando por un pop subterráneo, pasando pola crueza de "Mi pequeño animal", cantando en inglés e aliándose con Sonic Youth en "Cerrado", gravando unha triloxía de discos neoyorkinos e, xa de volta en España, despachando obras superiores como "Tu labio superior” e “La joven Dolores".

Agora cando se cumpren os seus 30 anos carreira, é tempo de recapitular, de botar a vista atrás, de abrir os caixóns, de volver mostrar as cancións das que máis orgullosa se sente. E tamén, como non, de amosar novas gravacións expresamente rexistradas para o seu último traballo "Un caso sin resolver". Dende as novas gravacións de "Tú por mí” e “Alguien que cuide de mí", a versión do "Hallelujah" de Cohen, a versión de Refree, "El Sud", e a recuperación dunha das súas composicións estrela: "Canción del Eco".

No Teatro Principal poderemos gozar desta nova faceta de Christina. Despexadas de percusión e electricidade, as cancións de Christina crecen en beleza coa nudez e as texturas que achega Raül (Refree), e todo o seu repertorio. xa soe unha canción de La Joven Dolores, de Continental 62 ou mesmo de Los Subterráneos, adquire unha sorprendente coherencia que xira en torno á melodía.

Esta noite, a sala Capitol acolle un concerto tributo á mítica formación Queen, coa interpretación dos seus temas máis coñecidos.

Dende Arxentina chega á sala Capitol a mellor banda tributo a Queen do mundo. Dr Queen, nome artístico do médico arxentino Jorge Busetto, quen conseguiu fama mundial ao converterse no imitador máis fidedigno no mundo do desaparecido Freddie Mercury, tanto pola súa aparencia física coma nos seus movementos, pero máis aínda na súa representación vocal, coa súa impoñente potencia e e folgura de tons identicos aos do mesmo Freddie.

A Banda Municipal de Música presenta este concerto didáctico dirixido por Xosé Carlos Seráns. O concerto e a guía didáctica que o acompaña, elaborada por Olaia Novo, van dirixidos a alumnos de educación infantil e primeiro de educación primaria. A idade dos educandos oscila entre os 3 e os 6 anos aproximadamente. A Banda ofrece aberto a todo público este concerto didáctico.

As cancións coas que se traballará pertencen todas a filmes de Disney. En concreto a ‘A sereíña’, ‘Aladín’, ‘A bela e a besta’, ‘Tarzán’, ‘O rei león’, ‘Mulán’, e ‘O príncipe de Exipto’.

Os contidos que se traballarán son os seguintes:

- Recoñecemento dos diferentes fragmentos seleccionados extraídos das diferentes BSOs de Disney.
- Iniciación ao canto de escalas pentatónicas.
- Fomento dunha actitude atenta e silenciosa durante unha audición musical, xa sexa en directo ou non.
- Iniciación á identificación de instrumentos.
- Improvisación de movementos e esquemas rítmicos.
- Realización de dramatizacións e/ ou xogos motores.
- Desenvolvemento de mecanismos de sensibilidade artística.
- Introdución á práctica do compás ternario: pulso e subdivisión.

Pódese descargar aquí a GUÍA DIDÁCTICA deste concerto.

Dentro do ciclo 'Novas Orquestras', organizado polo departamento de Cultura, o Auditorio de Galicia acolle esta noite un concerto da Orquestra Gaos, que estará dirixida por Fernando L. Briones e acompañada polo guitarrista Mateo Arnáiz. O programa inclúe obras de Rodrigo, Bizet e Rimski-Korsakov.

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

Chega ao seu ecuador a edición número quince do Ciclo de Novos Intérpretes da Asociación Galega da Lírica cun concerto, o sexto, que terá lugar esta tarde no Paraninfo da Universidade compostelá e no que o violín, o clarinete e o canto comparten protagonismo.

A primeira parte será o momento do canto coa actuación da soprano Cristina López Fraga, inqueda música que antes de dedicar os seus estudos ao canto formouse no Conservatorio Profesional de Culleredo na especialidade de frauta traveseira. O seu variado programa inclúe cancións de Toldrá, Poulenc, Schubert e do galego Chané xunto a arias da ópera de Haendel Xullo César e dunha cantata de Bach. Estará acompañada ao piano polo experimentado director do Conservatorio Profesional de Música de Ferrol.

O clarinetista compostelán José Luis Relova será o protagonista da segunda parte do concerto. Alumno do Conservatorio Profesional de Música desta cidade baixo a tutela de Saúl Canosa, o seu programa o conforman dúas obra para clarinete só (a Rapsodia do compositor e clarinetista italiano Giacomo Miluccio e un dos homenaxes que para clarinete que escribiu o húngaro Béla Kovács, neste caso o dedicado a Falla) e a fermosa e interesante Sonata para clarinete e piano do francés Francis Poulenc (na que o acompañará ao piano a xaponesa afincada en Compostela, Erico Ishimoto).

E para rematar, na terceira parte tócalle a vez á violinista portuguesa Angela Neto, licenciada no Conservatorio Superior de Música de Vigo e alumna nos dous últimos anos do Master de Especialización Orquestral que en Santiago organiza a Escola de Altos Estudos Musicais. O programa propón obras de Mozart e Brahms na compaña ao piano da pianista búlgara, tamén residente en Compostela, Simona Velikova.

Chega á súa edición número quince o Ciclo de Novos Intérpretes da Asociación Galega da Lírica, o certame galego dedicado a novos intérpretes máis antigo en activo. Este certame que a Asociación Galega da Lírica organiza en colaboración coa Universidade de Santiago, constará de once concertos que se celebrarán até o mes de marzo. Case cincuenta novos músicos galegos e residentes en Galicia intervirán nestes concertos que comezarán ás oito do serán e nos que a entrada, como sempre, será libre. Novos músicos de toda Galicia intervirán nun ciclo no que a música de cámara será a protagonista e na que se poderán escoitar intérpretes dunha gran variedade de instrumentos (piano, violín, clarinete, violoncello, saxofón, óboe, fagot, percusión, acordeón, etc.), canto e grupos de cámara, algún deles pouco habituais (trío de violín, cello e piano; dúo de saxofón e percusión; quinteto de ventos; cuarteto de cordas con piano; dúo de frauta e percusión, etc.).

Como desde a súa primeira edición, o ciclo está especialmente adicado ós máis novos intérpretes galegos e residentes en Galicia para que comecen a adquirir a experiencia necesaria nun escenario. Entre os obxectivos está achegar tamén a música ó público máis novo, que pode achegarse con facilidade a uns concertos nos que a entrada será gratuita. Doce anos de historia e máis de catrocentos participantes avalan sen dúbida xa unha sólida trayectoria dunha convocatoria pensada en prol da difusión da música e para prestar un pequeno pero imprescindible apoio ao futuro da música en Galicia, aos nosos novos valores

O café El Puente organiza esta noite unha nova velada musical. Nesta ocasión, contará coa presentación da nova formación do saxofonista lucense Toño Otero, 'Toño Otero Trío'. Estará acompañado ao piano por Alejandro Vargas e á batería por Lar Legido.

Entrada de balde.

A Real Filharmonía de Galicia ofrece esta noite un novo concerto da súa temporada de aboamento, dirixida polo prestixioso francés Fabien Gabel. O programa inclúe obras de Wagner, Stravinsky e Beethoven.

PROGRAMA

REAL FILHAMONÍA DE GALICIA
Fabien Gabel, director

R. Wagner: Idilio de Sigfrido, WWV 103
I. Stravinsky: Concerto en mi bemol “Dumbarton Oaks”
L. V. Beethoven: Sinfonía núm. 8 en Fa maior, op.93.

Love of Lesbian aterran en Santiago para presentarnos, durante dúas noites consecutivas, un dobre álbum que canta ao seu estilo de vida dende que son músicos consolidados: La noche eterna - los días no vividos.

Love Of Lesbian percorreron durante os últimos dous anos máis de 150.000 km por toda a península ofrecendo 150 concertos dos que gozaron 250 mil seguidores. Comparten a súa vida profesional con 142.697 fans en facebook e con 60.000 en twitter. Todo iso inspiroulles para o seu novo traballo ‘La noche eterna – Los días no vividos’ (Music Bus 2012).

Coa publicación do novo traballo, son sete os discos que levan ás súas costas e pode xa considerarse a Love of Lesbian como un dos grupos máis importantes do indie español.

A sala Moon recibe esta noite a visita dos barceloneses Za!, unha das bandas que máis ten chamado a atención nos últimos anos. Neste concerto estarán acompañados polos pontevedreses Djalminha, unha das novas promesas do rock galego.

Se a estas alturas da película non sabes quen son Za!, tes un problema.

Segundo a súa propia definición, Za! é un grupo formado por dúas persoas e máis de dous instrumentos. Soan a varias cousas, todas á vez: baixos grosos e distorsións pesadas, ritmos ancestrais, free-jazz, noise, psicodelia, cantos dos pastores de Tuva, Monty Python, post-rock de capas e capas, drons, electrónica analóxica e demais cacharraría.

Engadiremos ademais que teñen un directo imprevisible, implacable e atronador que está a deixar sen aire a salas e festivais de medio mundo. Que editaron o seu último disco, Megaflow, en Acuarela e en Discorporate Records, selos bandeira da experimentación e a vangarda en España e Europa respectivamente, que están a punto de xerar o seu próximo artefacto sonoro e que son en xeral músicos e seres humanos únicos.

Temos a honra de poder acollelos na nosa humilde casa o venres 15 de febreiro na Sala Moon de Santiago de Compostela, e ninguén debería perderse isto.

Por se isto fose pouco faremos a noite redonda invitando a acompañalos aos pontevedreses Djalminha, outra parella de mestres do balón nun man a man enerxético, puro e, sobre todo, moi salseiro. Movéndose entre o rock marciano de Trans Am, o poder lisérxico de Hella e ao hipnótico math de Don Caballero, a súa proposta non tardará en dar a nota.

Conformados por Berto Fojo (artista creador do cartel do presente evento) e Gon Goitia (Unicornibot), ambos os dous forman parte do xerme creativo do Liceo Mutante de Pontevedra e están a punto de editar a súa primeira referencia, cuxo adianto xa podedes escoitar na súa páxina de Bandcamp.

Acabada de chegar da súa xira brasileira e do Celtic Connections (Glasgow-Escocia) para presentar Meu Canto, Uxía ofrece un concerto enmarcado dentro da programación do Concello de Santiago de Compostela SONS2013 que inaugura o Ciclo 'Cantigas de Mulleres' inspirado no CD editado homónimo por Fol Música, unha compilación baixo a dirección artística de Uxía e que pretende ser unha escolma das mellores voces femininas da escena galega e unha mostra do gran talento e calidade das nosas artistas.

Sérgio Tannus: Guitarra, viola caipira, cavaquinho e pandeiro
Xoan Porto: Guitarra, acordeón e percusión.
Invitada especial: Sés

Meu Canto é  unha relectura dos temas fundamentais do repertorio en directo de Uxía e temas que ata agora nunca tiña abordado. Unha proposta limpa de artificios na que o fundamental é a súa excepcional voz. Meu Canto porque a maioría das cancións conteñen a palabra canto porque este disco é unha reflexión sobre o acto de cantar, as emocións que provoca, a voz, a esencia...
Nesta ocasión a súa travesía lévanos a Brasil, onde foi gravado este traballo coa produción do prestixioso músico Jaime Alem (produtor de Maria Bethânia), o talento e a complicidade do virtuoso instrumentista Sérgio Tannus e as colaboracións de Lenine, Socorro Lira e Fred Martins.

CANTIGAS DE MULLERES entrou recentemente nas prestixiosas listas europeas de World Music, WMCE (World Music Charts Europe) e recibiu eloxiosas críticas na BBC, revistas especializadas de todo o mundo e programas de radio de toda Europa.  E acadou importantes premios, como o Mellor Album de Raiz nos Premios da música independente e Premio Opinión á mellor artista e traxectoria de música Folk, no 2012.

Uxía, a voz do Atlántico. Vinte e cinco anos de carreira artística convértena nunha das voces máis populares e valorizadas da nosa lingua. As súas cancións seguirán tendo a presenza latente da música tradicional, cun tratamento innovador. Unha voz máis contida e máis profunda ca nunca. Unha voz que amosa toda a forza e toda a vulnerabilidade coa que Uxía chegou a este punto do camiño, coa convicción de que un pobo que cantou desde tempos inmemoriais non pode perder un instrumento tan fundamental como a propia voz, o propio canto, Meu Canto.

Uxía, unha das voces máis populares do mundo lusófono, é creadora e directora artística do máis importante Festival da Lusofonía: “Cantos na Maré” que se celebra cada ano en Pontevedra.

En palabras de Uxía “Así somos (as mulleres) nós no canto... forza matriz, mulleres-sol*, das que non se arredan, das que non temos pelos na lingua, das que non cantamos só ás pombas e as flores, das que facemos cantigas na nosa lingua e coidamos a valiosa herdanza das cantigas das nosas avoas, pandeireta en man, Morganas que berramos forte ou docemente susurramos unha nana, mulleres que sabemos que a revolución pendente, a do século XXI é a nosa, cando mostremos as nosas cores, e en todas partes resoe o cantar forte e poderoso das mulleres deste país que tamén ten nome de muller”
mulleres-sol* (definición de Xurxo Souto para referirse ás mulleres da música galega

El Último Tributo é a banda tributo a un dos grupos máis importantes deste país dos anos 80-90, El Último de la Fila.

El Último Tributo é considerado como a mellor banda tributo a El Último de la Fila pola súa calidade e posta en escena. Ofrécenos un repaso a toda a discografía de El Último de la Fila e fainos revivir unha etapa máxica. O seu repertorio transpórtanos a través do tempo e bríndanos a oportunidade de volver gozar dos temas máis emblemáticos de El Último de la Fila.

Ver a El Último Tributo en directo é toda unha experiencia, xa que o seu son é moi fiel ao orixinal e a voz chega a conmover os seguidores de Manolo García polo seu gran parecido. As críticas do público nas páxinas de Atrápalo, foros manoleros e na propia web do grupo, son todas loadoras e moi positivas. Ninguén queda indiferente tras un concerto de El Último Tributo.

Un espectáculo para gozar de boa música en directo que farán cantar, bailar e vibrar calquera amante da música de El Último de la Fila.

Os londinenses The Godfathers, capitaneados por Peter (voz e guitarra) e Chris Coyne (baixo), chegan a Compostela dentro da súa xira española titulada 'Jukebox Fury Spanish Tour'.

Os londinienses The Godfathers seguen en pé. E máis que o van estar cando se publique o seu esperado novo álbum, aínda sen título, o primeiro de estudo dende "Afterlife" (1995). Algunhas desas perlas caerán na súa xira española, que se desenvolverá ao longo de once datas. Bautizárona así: "Jukebox Fury Spanish Tour". Á fronte da formación están Peter (voz e guitarra) e Chris Coyne (baixo), fundadores da banda e a súa perenne célula creativa. Acompáñalles como lugartenente un vello compañeiro de batallas, o guitarrista Del Bartle, que militou na banda que tiñan os irmáns Coyne antes de crear The Godfathers en 1985, The Sid Presley Experience. Na súa discografía encóntranse álbums capitais para os seguidores do rock británico máis musculoso, apaixonado e sincero, como son "Birth, School, Work, Death" (1988), "More Songs About Love & hate" (1989) e "Unreal World" (1991). Con eles como ariete enfrontáronse no seu momento a un ámbito ben arisco: aquel cando o Reino Unido vibraba a golpe de rave. Chegaron dez anos tarde para o punk e uns cantos antes do brit-pop, así que lles tocou nadar a contracorrente. Pero a pesar diso lograron non só facerse oír, senón labrarse un prestixio e un respecto que chega ata os nosos días. Porque nas súas cancións, as primeiras e as últimas, segue vivo o eco do Johnny Rotten de "God Save The Queen" e o Roger Daltrey de "My Generation". Motivados pola reedición, en xaneiro de 2008, do seu primeiro álbum, "Hit By Hit" (1986), pulsaron de novo o botón que puxo en marcha o seu motor. En xuño de 2011 xa nos visitaron e puidemos corroborar que tiñan gasolina de sobras.

A Banda Municipal de Música presenta este concerto didáctico dirixido por Xosé Carlos Seráns. O concerto e a guía didáctica que o acompaña, elaborada por Olaia Novo, van dirixidos a alumnos de educación infantil e primeiro de educación primaria. A idade dos educandos oscila entre os 3 e os 6 anos aproximadamente. A Banda ofrece aberto a todo público este concerto didáctico.

As cancións coas que se traballará pertencen todas a filmes de Disney. En concreto a ‘A sereíña’, ‘Aladín’, ‘A bela e a besta’, ‘Tarzán’, ‘O rei león’, ‘Mulán’, e ‘O príncipe de Exipto’.

Os contidos que se traballarán son os seguintes:

- Recoñecemento dos diferentes fragmentos seleccionados extraídos das diferentes BSOs de Disney.
- Iniciación ao canto de escalas pentatónicas.
- Fomento dunha actitude atenta e silenciosa durante unha audición musical, xa sexa en directo ou non.
- Iniciación á identificación de instrumentos.
- Improvisación de movementos e esquemas rítmicos.
- Realización de dramatizacións e/ ou xogos motores.
- Desenvolvemento de mecanismos de sensibilidade artística.
- Introdución á práctica do compás ternario: pulso e subdivisión.

Pódese descargar aquí a GUÍA DIDÁCTICA deste concerto.

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

O Paraninfo da Universidade compostelá acolle esta tarde o sétimo dos once concertos da edición número quince do Ciclo de Novos Intérpretes da Asociación Galega da Lírica, unha cita musical para todos os públicos e de entrada gratuíta.

Na primeira parte presentarase o clarinetista Alberto Aneiros Vilariño. Natural de Culleredo e de 21 anos de idade é alumno de Uxio Pazos no Conservatorio Profesional de Música de Santiago e de Christina Dominik na Escola de Altos Estudos Musicais. Inquedo músico con formación tamén en arpa e en canto coral forma parte de institucións musicais compostelás como o Orfeón Terra A Nosa e o Coro Universitario. Acompañado ao piano pola profesora do Conservatorio Profesional de Santiago, a rusa Vera Pavlova, interpretará unha das fermosas sonatas para clarinete e piano de Brahms.

E na segunda parte será a vez do Arts Ensemble, unha das agrupacións de cámara presentadas neste XV Ciclo de Novos Intérpretes. O Arts Ensemble é un quinteto de ventos formado por estudantes do Conservatorio Superior de Música de Aragón baixo a tutela do clarinetista Iván García. Forman esta quinteto xunto cos galegos Javiers Blanco (clarinetista de Lalín) e Marcos Cruz (trompista natural de Mondoñedo), o toledano Víctor Loarces (frauta), a coreana Hae Won Oh (fagot) e a valenciana Mª Isabel Bermejo (clarinete). Todos os seus componentes realizan unha actividade regular, xa sexa con orquestras novos, orquestras profesionais, como solistas ou en agrupacións de cámara, e forman parte de orquestras como a Orquesta Nova da Sinfónica de Galicia, Orquesta Joven de Extremadura, Joven Orquesta de la Comunidad de Madrid ou Maribor International Orchestra, entre outras. O interesante e infrecuente repertorio seleccionado polo Arts Ensemble inclúe quintetos para vento do bohemio Anton Reicha, do danés Carl Nielsen e do italiano Luciano Berio.

Chega á súa edición número quince o Ciclo de Novos Intérpretes da Asociación Galega da Lírica, o certame galego dedicado a novos intérpretes máis antigo en activo. Este certame que a Asociación Galega da Lírica organiza en colaboración coa Universidade de Santiago, constará de once concertos que se celebrarán até o mes de marzo. Case cincuenta novos músicos galegos e residentes en Galicia intervirán nestes concertos que comezarán ás oito do serán e nos que a entrada, como sempre, será libre. Novos músicos de toda Galicia intervirán nun ciclo no que a música de cámara será a protagonista e na que se poderán escoitar intérpretes dunha gran variedade de instrumentos (piano, violín, clarinete, violoncello, saxofón, óboe, fagot, percusión, acordeón, etc.), canto e grupos de cámara, algún deles pouco habituais (trío de violín, cello e piano; dúo de saxofón e percusión; quinteto de ventos; cuarteto de cordas con piano; dúo de frauta e percusión, etc.).

Como desde a súa primeira edición, o ciclo está especialmente adicado ós máis novos intérpretes galegos e residentes en Galicia para que comecen a adquirir a experiencia necesaria nun escenario. Entre os obxectivos está achegar tamén a música ó público máis novo, que pode achegarse con facilidade a uns concertos nos que a entrada será gratuita. Doce anos de historia e máis de catrocentos participantes avalan sen dúbida xa unha sólida trayectoria dunha convocatoria pensada en prol da difusión da música e para prestar un pequeno pero imprescindible apoio ao futuro da música en Galicia, aos nosos novos valores.

O grupo de electro-jazz de Astrio comeza a súa xira por Galicia ofrecendo un concerto esta noite na Casa das Crechas.

Astrio causa adicción. É difícil atopar unha banda cun directo tan atractivo e sorprendente como o deste tridente de excelentes músicos. Cada concerto é distinto, cada canción semella debutar ese día. Con "Don’t leave the planet", o seu último disco, tenta á música electrónica para difuminar xa para sempre os seus límites musicais. E aínda así, e este é o pequeno milagre, continúan a ser perfectamente identificables.

Desde a súa formación, hai agora 10 anos, foi un grupo en constante renovación. É esta versatilidade a que os levou a tocar en contextos tan diferentes como festivais de jazz, de electrónica, de rock, en discotecas e en pequenos clubs, e a ter un público bastante heteroxéneo. Calquera descrición queda curta, só resta agardar que chegue a oportunidade de gozar do seu directo.

Astrio están nominados aos Premios Enderrock (a principal revista catalana de música) como mellor grupo de jazz e mellor directo de jazz.

Astrio son:
Arecio Smith, teclados e sampler
Santi Serratosa, batería e sampler
Santi Careta, guitarra

Poeta, pintor, escultor, fotógrafo, produtor e, por suposto, músico, Fletcher Tucker é un deses artistas natos que non entenden de convencionalismos nin disciplinas. Baixo o sobrenome de Bird by Snow, Tucker compón (ou canaliza, como prefire dicir) cancións inmediatas, intelixentes, en aparencia deslavazadas, pero perfectas na súa esencia.

En realidade, a súa proposta non está moi afastada do Mount Eerie máis orgánico, xa que como o de Anacortes saca a súa inspiración de paisaxes naturais, que impregna cunha magnética voz, tremendamente suxestiva e case se diría que narcótica. Acaba de editar o seu novo disco (o seu quinto xa) chamado "Offering", unha delicia que ás veces é inmediata, ás veces fermosa, pero sempre directa ás entrañas. O seu single de adianto conta cun fascinante vídeo.

Por se non tivese bastantes labores artísticos, Fletcher é tamén a cabeza visible detrás de Gnome Life Records, selo discográfico moi persoal, que fai de cada referencia unha verdadeira peza de coleccionista, e por cuxas filas pasaron artistas como Little Wings, Daniel Higgs ou Wildbirds & Peacedrums.

Máis info aquí

A Orquestra do Espazo de Cámara da USC ofrece esta tarde un concerto na Igrexa da Universidade. Baixo o título 'A Música Descritiva. Grieg, Biber, Gounod', a formación interpretará pezas destes tres destacados compositores.

Unha nova velada musical organizada polo Café El Puente ofrece esta noite un concerto protagonizado polo guitarrista lucense Marcos Pin, que presentará o seu disco 'Barbanza' co seu novo proxecto musical, Marcos Pin Factor E-Reset. Este proxecto en formato big-band está formado por dez dos mellores músicos de jazz do panorama galego.

Javier Pereiro: Trompeta
Jose Luis Miranda: Trombón
Pablo Castanho: Saxo alto e frauta
Xosé Lois Miguelez: Saxo tenor
Toño Otero: Saxos barítono e tenor
Ton Risco: Vibráfono
Manolo Gutiérrez: Piano
Marcos Pin: Guitarra
Juansy Santomé: Contrabaixo
Max Gómez: Batería

Entrada de balde.

A Biblioteca pública Ánxel Casal colabora co movemento Urban Sketchers, un colectivo de artistas de todo o mundo que debuxan as cidades onde viven e os sitios por onde viaxan. Esta é a mostra das obras que se fixeron na maratón de debuxo que se celebrou o pasado 13 de outubro.

Do 7 ao 20 de xaneiro no Hall e o Salón de actos.

A exposición de fotoxornalismo, 'Compostela, un ano de Voz', cumpre a súa décimo quinta edición cun exhaustivo repaso aos acontecementos máis significativos do ano 2012 en Compostela.

Un ano máis o Colexio de Fonseca acolle a exposición 'Compostela, un ano de Voz', na que Xoán A. Soler, Álvaro Ballesteros, Sandra Alonso e Paco Rodríguez plasman en sesenta imaxes en gran formato os mellores momentos gráficos do pasado 2012. A inauguración contará coa presenza do reitor da USC, Juan Casares, así como coa das principais forzas vivas da capital de Galicia.

Todas as obras inclúen, ademais da fotografía, a páxina impresa de La Voz de Galicia na que apareceu publicada, ou ben o pantallazo naqueles casos nos que a imaxe se utilizou para a versión web do xornal. Nesta ocasión haberá dous temas estrelas. O primeiro, indubidable, a aparición do Códice Calixtino en xullo, que se converteu nunha das noticias máis importantes do ano na cidade; e a dimisión do anterior alcalde de Santiago, Conde Roa.

Non serán os únicos momentos que os profesionais gráficos de La Voz reflicten nas súas imaxes, senón que eventos deportivos, culturais ou instantes únicos están presentes na mostra.

Co gallo da celebración do corenta aniversario da creación desta asociación, a Biblioteca Novacaixagalicia acolle unha exposición fotográfica na que se pon de relevo o imprescindible traballo de colaboración a prol da mellora das condicións de vida de milleiros de persoas por parte do persoal activo de Médicos Sen Fronteiras.

A mostra conta cun total de trinta imaxes que abranguen a historia da institución a través dalgúns dos principais contextos nos que interveu nas últimas catro décadas. Mediante a presentación destas fotografías preténdese abrir unha ventá aos conflitos en Afganistán, Líbano, Palestina, Iraq, Colombia ou Bosnia, entre outros moitos lugares. O traballo de numerosas testemuñas de recoñecido prestixio internacional no eido da fotografía ―Sebastião Salgado, Juan Carlos Tomasi, Bruno Stevens, Bruno Barbey, Olivier Jobard, Roger Job ou Eric Bouvert― vén contribuíndo desde hai tempo a que estes desastres humanitarios non caian no esquecemento político e mediático.

Ata mediados do mes de febreiro, o Centro Sociocultural do Ensanche acolle a exposición '50 anos da SD Compostela', unha mostra que repasa a historia do club de fútbol compostelán dende a súa refundación en 1962.

Ata comezos do mes de marzo, a primeira planta do Corte Inglés de Santiago acolle a exposición 'Universo Playmobil', unha mostra dirixida especialmente aos máis pequenos da casa.

Na exposición recréanse distintos ambientes e conta cunha zona de actividades onde os nenos poderán debuxar. Ademais, poñerase en marcha un concurso grazas ao que se repartirán numerosos premios de Playmobil.

O Hall e o Salón de actos da Biblioteca pública Ánxel Casal acollen ata finais do mes de febreiro 'Santiago Álvarez comunista...', unha exposición organizada pola Fundación 10 de marzo que mostra a traxectoria vital, profesional e intelectual deste dirixente comunista, sempre ligado á loita polas liberdades e a resistencia fronte o franquismo.

Santiago Álvarez naceu en febreiro de 1913 en Ourense e foi comisario político do Exército Popular durante a guerra civil, dirixente do PCE e permaneceu exiliado en Cuba e Francia ata o ano 1944 cando volveu a España, foi arrestado un ano máis tarde e condenado a morte... pero unha gran mobilización internacional salvouno da condena. En 1965 impulsou a creación do Partido Comunista de Galicia e foi secretario desta organización entre os anos 1968 e 1997.

A intención da mostra é mostrar a súa vida durante o exilio. Nela poden verse obxectos persoais, cronobiografías, publicacións e material audiovisual.

A nova sede do Museo das Peregrinacións e de Santiago, na praza de Praterías, acolle a exposición 'Compostela revelada', do fotógrafo compostelán Fuco Reyes.

A mostra reúne 30 fotografías que descobren a cidade de Santiago dende un punto de vista  moi persoal do autor. En palabras do propio Fuco Reyes, “estas fotografías mostran a cidade como o produto dun soño, dunha narración na que o silencio é tan protagonista como a propia imaxe. Ao contemplar  estas fotografías, penetramos nas rúas  a través da néboa, da  choiva, dos charcos, da pedra, das sombras, do amencer e da noite; deslizámonos por cada calexa, por cada praciña, polos tellados, polos parques e polos muros que conforman hoxe esta urbe e que forma parte de nós mesmos. As fotografías mostran unha  visión atemporal, onírica, persoal e poética dunha cidade que deixa escoitar os seus latexos cando todos os demais sons enmudecen ao quedar capturados en cada imaxe. Neste silencio de auga e de pedra é cando podemos escoitar os seus segredos”.

A galería de arte Espacio48 presenta a exposición 'San Sebastián' do artista Roberto González Fernández, que permanecerá aberta ata comezos do mes de marzo.

Roberto González Fernández (Monforte de Lemos, 1948) estuda na Escola de BB.AA. de San Fernando de Madrid entre 1969 e 1974. Tres anos despois trasládase a Edimburgo, lugar que se converterá nun dos escenarios fundamentais da súa vida e obra -xa que reside e traballa dende 1982 entre a capital escocesa e Madrid-, sen perder o contacto coa súa Galicia natal, onde realiza exposicións puntuais. En 1984 otórganlle unha bolsa da “The New York Foundation for the Arts”. A súa traxectoria é moi prolífica, con múltiples mostras individuais e colectivas. En 2007 realizou unha exposición antolóxica “Punto e Seguido” presentada no Centro Torrente Ballester de Ferrol onde se exhibiron unhas trescentas obras do seu amplo catálogo que abarcaban un período de corenta anos de traballo.

A súa obra forma parte de importantes coleccións galegas (Centro Galego de Arte Contemporánea, Colección Novagalicia Banco, Deputación da Coruña, Museo de Belas Artes da Coruña), escocesas (Edinburgh City Art Center, Museo Hunterian e Museo Kelvingrove de Glasgow) e españolas (Fundación Argentaria, Comunidad de Madrid), así como outros centros de arte no mundo (Colección Forbes de Nova York e o Museo Vitoria & Albert de Londres), entre outras.

En 'San sebastián' Roberto González Fernández presenta sete dos trinta e tres óleos que forman parte da serie DEAYM (De Amor e Morte). Nas pezas o artista retrata a personaxes que coñece representados segundo a iconografía do citado mártir, con frechas atravesando a cada un deles. Pero esa morte aquí tórnase distinta, perdendo a súa parte tormentosa, xa que quen a sofre son persoas de carne e óso, que desmitificadas expresan dor e pracer ao mesmo tempo e conmóvense ante esta situación tan ambigua como é formar parte dunha iconografía clásica reinterpretada de forma tan especial. Unha cerimonia onde o amor está moi presente, xa que cada un dos representados cruza as mans sobre o peito, o que en linguaxe de sordomudos significa querer. Por outra banda, a riqueza das paisaxes que rodean estes “heroes contemporáneos”, está íntimamente relacionada co carácter do modelo, e transmítenos unha información adicional que visualmente resulta espectacular.

Complementan os óleos a augaforte I Love You IV, que é a base da serie completa: un personaxe vestido de medio corpo cos ollos pechados, cruza os seus brazos sobre o peito mentres unha saeta atravesa o pescozo e outras dúas, as mans.

Con motivo do Ano da Fe, a Catedral de Santiago organiza no Pazo de Xelmírez a exposición titulada 'Creo', unha mostra na que se expoñen pezas artísticas de primeira magnitude pertencentes á Catedral e o seu Museo e que, de xeito didáctico, ilustran cada unha das partes das que se compón a oración do Credo. Entre outras xoias, a mostra expoñerá a Virxe do Perdón, de alabastro do século XV, o Cristo de marfil procedente do oratorio do arcebispo Rajoy, ou a figura do Salvador, procedente da capela do mesmo nome, a máis antiga da Catedral. Ademais, e por primeira vez, serán expostos ao público os 14 cobres que se gardan na Sancristía da Catedral, e que fan alusión, precisamente, ao Credo.

A exposición vai permitir ver por primeira vez unha serie de 12 óleos sobre cobre que se achan na Sancristía da Catedral, non aberta ao público, e que, precisamente, narran en doce escenas cada unha dos apartados dogmáticos da oración do Credo. Trátase dunhas pezas de mediados do século XVII de alta calidade, adscritas á escola flamenca de Amberes, e que foron pintadas a partir duns gravados de Martín de Vos.

Creo é unha actividade cultural que se organiza con motivo do Ano da Fe, proclamado polo Papa Benedicto XVI. Deu comezo o pasado o 11 de outubro de 2012, no 50 aniversario da inauguración do Concilio Vaticano II e concluirá o 24 de novembro de 2013, na Solemnidade de Cristo Rei do Universo. Con el a Igrexa invita a reflexionar e a "redescubrir o camiño da fe para iluminar de xeito cada vez máis claro a alegría e o entusiasmo renovado do encontro con Cristo", en palabras do Papa.

Ata comezos do mes de marzo, a galería Trinta presenta a mostra 'Merengues. Son de cremita' de Elena Blasco (Madrid, 1950). A artista madrileña invítanos a gozar coa súa linguaxe lúdica e comestible, que esconde pinceladas de crítica e ironía.

"Deberiamos alegrarnos sempre ante a sorpresa de que alguén nos rompa un pouco o soño do costume, quen sexa, non só o artista.
Cando iso se dá, ademais, nunca é con ese fin, é só un xeito de contar a vida, pero certa vida, e que se dá en certo lugar. É coma se un obxecto fose un tipo de paxaro ou de réptil que nunca tivésemos visto porque pertence a outra paisaxe, a outro individuo. Só iso.
Pero existir, existe. Así que temos unha fauna máis rica do que criamos".

A galería compostelana A.dFuga acolle ata mediados do mes de marzo 'La intimidad descubierta', unha mostra do traballo da nova artista lucense Gema López.

Gema López (Lugo/1987), a artista máis nova da galería, pervirte nas súas  obras as marxes do espazo privado. Este, dilátase, violéntase; cobra sentido en relación co público. O individuo é asaltado no seu habitáculo persoal, nese espazo onde os segredos se desvelan nun xogo de seducións e impulsivas dialécticas entre pintor e modelo, entre modelo e espectador.

A exposición virá acompañada pola táboa redonda 'Dentro e fóra: textos e contextos da intimidade', o día 21 de febreiro, coas intervencións de Juan Carlos Meana (docente e decano da Facultade de Belas Artes), Manuel Torres Cubeiro (sociólogo e antropólogo), Xosé A. López Silva (traductor, profesor e investigador) e a propia Gema López.

A primeira edición de Fototraballo convocouse en 1997, pero desde o ano 2007 consolidouse a modalidade de bienal na que se premia o mellor proxecto fotográfico relacionado co mundo do traballo, enfocado libremente a través de múltiples e variadas propostas. O xurado está presidido polo prestixioso fotógrafo Vari Caramés.

Os artistas presentes na mostra son Carlos Orduna e Carlos de Andrés, 1º e 2º premio respectivamente na edición de 2007, Cristina de Middel que gañou en 2009 co proxecto "The City", e Susana Girón, premiada en 2011 polo proxecto "Fe, pasión y destino". Tamén se dedica un espazo aos accésits, que obtiveron Fernando Flores e Ridardo Rodríguez en 2009, e Amador Lorenzo e Bandia Ribeira en 2011.

Ata finais do mes de xuño, o Museo Pedagóxico de Galicia acolle 'Luces de Alén Mar. As escolas de americanos en Galicia', unha mostra que se centra no labor solidario dos emigrantes galegos e que está promovida polo Consello da Cultura Galega, a través do seu Arquivo da Emigración Galega, coa colaboración da Secretaría Xeral de Emigración.

A exposición está composta por un total de 42 paneis que dan conta do gran labor educativo promovido e sostido en Galicia polos seus emigrantes. Comisariada por Vicente Peña Saavedra e documentada por Carolina García Borrazás e María Teresa García Domínguez, supón unha nova contribución do Arquivo da Emigración Galega, do Consello da Cultura Galega, á recuperación e posta en valor da memoria e o legado dos emigrantes.

Ata comezos do mes de maio, o espazo de arte Campus Stellae acolle 'Hay Pad', unha colección de debuxos realizados por Mariano Casas en Ipad mediante idraw e caracterizados polas súas cores luminosas e trazos precisos que os converte nunha experiencia gozosa e apetecible.

Ata mediados do mes de abril, o espazo de arte Bus Station Space acolle 'Germinar', unha exposición de traballos da artista María Ortega Estepa. O acto de inauguración incluirá ademais a presentación dos novos artistas colaboradores da galería: Gosia Trebacz, Carlos González Villar, Meritxell Tembleque, Joaquim Falcó e Acisclo Novo.

O CSC do Ensanche acolle a exposición 'Entre viñetas. Relatos e soños gráficos do IES de Sar', unha mostra que exhibe os resultados do Curso de Iniciación ao Cómic realizado en 2012 por alumnos de Bacharelato Artístico do IES de Sar.

O seminario foi impartido polo artista Miguel Ángel Vigo Baleirón.

O artista ourensano Rosendo Cid presenta na Fundación Granell 'Mentres tanto a lóxica do obxecto', unha mostra consistente nunha serie fotográfica que revela o seu interese polos obxectos e polos artefactos.

As fotografías de Rosendo Cid supoñen un soporte de documentación final do feito de ensamblar e manipular diferentes obxectos, mentres que na disciplina do debuxo o artista xoga con conceptos do eido artístico, que utiliza como pretexto para elaborar unha serie de pezas metafóricas, onde a ironía resulta un piar fundamental deste proxecto. Partindo do concepto, Rosendo utiliza obxectos que manipula previamente e cos que despois forma un colaxe mediante a súa interacción con outros diferentes.

Rosendo Cid (1974, Ourense) é licenciado en Belas Artes pola Universidade de Vigo na especialidade de Escultura, e realizou un bienio de doutoramento en coñecemento e produción artística. O artista ten realizado un número considerable de exposicións individuais coma 365 maneras de estar en el mundo. (Exteril, Portugal, 2012) ou Outras formas da xenética, (Museo Municipal de Ourense. 2011) e participou en diversas exposicións colectivas, entre as que se contan a 12 Mostra Internacional Gas Natural Unión Fenosa MACUF, A Coruña, ou na Intervención (con María Chenut) no parque Pierre Paulus, Parcours D´artistes Saint-Gilles, Bruselas (2010), entre outros.

A Fundación Eugenio Granell, en colaboración coa Fundación Cupertino de Miranda, presenta a exposición 'Retorno ao salvaxe', do artista brasileiro Sergio Lima. A inauguración contará coa presenza da Directora da Fundación, Natalia Fernández Segarra, e demais membros do Padroado; en representación da Fundación Cupertino de Miranda asistirán o Director artístico Don Antonio Gonçalves e o Coordinador do Centro de Estudos do Surrealismo, Don Perfecto Cuadrado; ademais asistirá o propio artista.

Esta mostra reúne diversas series de deseños, colaxes e debuxos que teñen coma denominador común o corpo humano, o que nos remite inevitablemente a un erotismo cantado na súa beleza superficial, na súa referencialidade simbólica, no seu implícito poder xenésico e profético así coma na súa esencial vontade transgresora, que tamén se atopa presente na súa obra poética. Sergio Lima asume a noción do corpo feminino coma un forte valor, manexando o simbolismo do corpo coma unha significación.

Sergio Lima (Pirassununga, Brasil, 1939), poeta, artista plástico, ensaísta, pintor, cineasta, investigador e profesor universitario, é doutor en Letras Brasileiras, sendo considerado o maior especialista en surrealismo do Brasil, os seus escritos supoñen un referente dentro do surrealismo internacional.

Nas súas facetas de historiador, crítico e ensaísta, Lima conta con colaboracións en publicacións colectivas coma “Surrealismo no Brasil: mestiçagem e sequestros” e revistas coma Agulha, Punto Seguido, Escrituras Surrealistas, Menú, La Página e Organon. Foi incluído na antoloxía Surrealismo e Novo Mundo, onde se inclúen destacados creadores surrealistas de diferentes xeracións e países.

O Cineclube de Compostela inaugura o ano 2013 cun ciclo dedicado a Palestina, que comeza esta noite, coa proxección dos filmes Non existen (Laysa lahum wujud, Palestina, 1974), de Mustafa Abu Ali e Os palestinos (De Palestijnen, Países Baixos, 1975), de Johan van der Keuken. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

Non existen toma o título da infame declaración de Golda Meir de que "Os palestinos non existen". Rodada en condicións extraordinarias, nesta fita Abu Ali documenta as condicións dos campamentos de refuxiados no Líbano, os efectos dos bombardos israelís e a vida das guerrillas nos campos de entrenamento, a través do destino dos distintos membros dunha mesma familia. Non existen mestura o político e o estético, a través da consigna da "arte para a loita".

Rodado no Líbano e salvado da destrución dos arquivos de cinema palestino en Beirut, o filme non puido ser estreado en Palestina até 2003, cando un grupo de artistas conseguiu introducir a Abu Ali en Xerusalém, a súa cidade natal, onde tivo até a súa morte prohibida a entrada polas autoridades israelís.

Mustafa Abu Ali (1940-2009) é un dos fundadores da cinematografía palestina, a través da Unidade de Cinema Palestino, que baixo o manto da OLP se constitúe en Xordania en 1968, con nomes como Sulafa Jadallah ou Hani Jawhariya, ademais do propio Abu Ali. Estudou cinema en Londres, onde se gradúa en 1967, e traballou con Godard en Aquí e alí. Centra o seu traballo na produción dun cinema de resistencia, realizando máis de trinta filmes, entre os que destacan algúns como O dereito palestino (1967), Non a unha solución pacífica (1968) ou O camiño da victoria (1975), ademáis de Non existen.

Xunto a este filme, poderemos ver tamén Os palestinos, de Johan Van der Keuken. Rodado, de igual xeito, nos campamentos de refuxiados do sur do Líbano, este documentario parte da dor e as duras condicións de vida nese espazo para lembrarnos a cronoloxía desta situación, remontándose até Theodor Herzl e os inicios do movemento sionista.

Realizado para o Comité Holandés de Apoio a Palestina, en Os palestinos o xogo entre a representación e o que é mostrado, entre a mirada do cineastas e a reprodución, desprázase cara ao nivel da utilidade política: Cal é a utilidade destas imaxes en relación coa situación colectiva do pobo palestino? A través dun feixe de imaxes máis ou menos desconectadas e dunha voz en off que deixa espazo para a reflexión estética, van der Keuken deixa que sexa o espectador quen lles dea sentido e sexa quen de extraer un certo ton do conxunto.

Johan van der Keuken (1938-2001) comezou a súa carreira como fotógrafo, pero a inexistencia de cursos de fotografía, levouno aos estudos de cinematografía no IDHEC de París, e a comezar unha longa carreira con 55 filmes en 42 anos. Na súa produción de filmes documentarios, busca a experimentación e impón en todo momento a súa subxectividade, filmando el propio as súas imaxes e privilexiando os planos longos e os detalles.

Con esta proxección, o Cineclube inicia un ciclo sobre Palestina que se desenvolverá ao longo de todo o mes de xaneiro. As seguintes semanas contaremos coa proxección dos filmes Z32, de Avi Mograbi), o 16 de xaneiro; A cor das oliveiras (El color de los olivos), de Carolina Rivas, o mércores 23; e finalmente Videocartografías: Aída, Palestina (Vidéocartographies: Aïda, Palestine), de Till Roeskens, e Película urgente por Palestina, de Alberte Pagán, o 30 de xaneiro. Esta última proxección vai contar ademais cunha mesa redonda coa presenza de Alberte Pagán, Fayez Badawi e Mohamed Safa.

Os filmes van ser proxectados na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

A sala Mozart do Auditorio de Galicia acolle esta noite a presentación da curtametraxe 'Mr. Smith & Mrs. Wesson', un traballo dirixido por Jorge Saavedra e protagonizado por Octavi Pujades, Camila Bossa, Xabier Deive, Luis Iglesia B., Daniel Currás, María Mera e Iván Marcos.

Producido por Aira Studio e Producciones Fin de Semana.

Máis info aquí.

Este ciclo de cinema brasileiro propón traer ao público da Casa das Crechas filmes que mostren a riqueza temática e estética da produción cinematográfica do Brasil, fuxindo dos estereotipos identificados á tríade “favela, miseria e violencia” coa que os filmes que normalmente chegan a Europa mostran o país. No repertorio, filmes clásicos e recentes, comerciais ou pouco convencionais, de cineastas novos e consagrados.

Entre os directores incluídos no ciclo están Hector Babenco, Glauber Rocha, Walter Salles, Jorge Furtado ou Luiz Fernando Carvalho, entre outros.

'O Cheiro do Ralo' (2006) de Heitor Dhalia

SINOPSE
En Sao Paulo, Lorenzo é o propietario dunha tenda de segunda man. Pouco a pouco, comeza a gozar cada vez que se aproveita dos clientes que acoden á tenda cando se encontran en dificultades económicas. Lorenzo ve o mundo como un lugar no cal as persoas, ao igual que os obxectos, están en venda. Realiza unha clasificación segundo o obxecto que lle ofrezan: "a noiva", "o home gramófono" ou "o adicto". Pero en certo momento Lorenzo verase obrigado a readaptar a súa visión do mundo...

O Cineclube de Compostela continúa coa realización do ciclo dedicado a Palestina, esta noite, coa proxección de Z32 (Z32, Francia-Israel, 2008), de Avi Mograbi, que colle título do nome en clave do personaxe central: un mozo ex soldado israelí que participou no asasinato de dous policías palestinos. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

En Z32, Avi Mograbi presta a súa cámara a unha parella. El, un soldado de elite israelí que confesa a súa participación no asasinato de varios policías palestinos nunha manobra militar de vinganza. Frente ás arrepiantes ?anécdotas? dun soldado programado para matar que recoñece o ?subidón? de adrenalina, a participación da moza como antagonista, tentando conseguir o arrepentimento, ou, cando menos, que el non siga coa súa vida como se nada acontecera. Como terceiro personaxe do filme, o director, Avi Mograbi, que se presenta con intervencións musicais brechtianas ou establecendo consideracións sobre como representar o que se está representando, convertindo o retrato fílmico en duplo: o do suxeito filmado e o seu propio como documentalista que comparte os atrancos e dúbidas morais co público.

Mais é no dispositivo empregado polo director onde radica a complexidade, orixinalidade e honestidade do filme. O soldado, con medo ás represalias, pon como condición que non se filme o seu rostro. Mograbi preséntanolo inicialmente cunha caperuza, para ir, a medida que avanza o filme, mostrándonos máis e máis da súa expresión. Máis non se trata do seu verdadeiro rostro, senón dun nova máscara, creada dixitalmente. Os elementos radicais do dispositivo de Mograbi combínanse para lanzarnos preguntas, nada complacientes, sobre a responsabilidade, o perdón e a construción da verdade cinematográfica.

Avi Mograbi nace en 1956 no seo dunha familia profundamente sionista, mais rompe ben cedo coas posicións familiares. Estuda arte na escola de artes de Ramat Ha-Sharon e filosofía na Universidade de Tel Aviv. Iníciase no cinema como asistente de Claude Lelouch. Durante a guerra do Líbano, convírtese no portavoz dun grupo de soldados que se negan á incorporación, o que lle valerá varios días de prisión. Máis adiante, forma parte dunha organizacións de pais e nais de insumisos ao servizo militar e do padroado do Tribunal Russel sobre Palestina. 

Os seus filmes, distintivos e controvertidos, acheganse aos seus temas, nomeadamente a política exterior israelí, a través da análise da estrutura, bebendo das tradicións do cinema directo americano e de Jean Rouch. O seu obxectivo das fitas é provocar unha crise, un punto de inflexión que teste o filmado, cun ollar en primeira persoa como cidadán afectado, que tenta entender e sintetizar aquilo do que está a ser testemuña. Entre os seus títulos destacan Por un só dos meus ollos (2005), que xa se proxectou no Cineclube, A reconstrucción (1994), Como aprendín a superar o meu medo e amar a Ariel Sharon (1997) ou Feliz aniversario, Sr. Mograbi (1999) August: A Moment Before the Eruption (2002)

O mércores 23 de xaneiro o Cineclube vai continuar co ciclo sobre Palestina coa proxección da ópera prima da mexicana Carolina Rivas A cor das oliveiras (El color de los olivos), que presenta a vida cotiá da familia Amer, que, como a de moitas outras familias de Cisxordania, está dominada por portas electrificadas, candados e a presenza constante de soldados israelís, ao viviren rodeados polo muro.

O filme vai ser proxectados na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadoras e de 3 para estudantes e paradas. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

Novacaixagalicia proxecta a película de animación galega O apóstolo no seu Centro Cultural de Santiago de Compostela da rúa do Vilar durante os vindeiros 18, 19, 20, 25, 26 e 27 de xaneiro. A hora da sesión, ás 20.00 h, é común para todos estes días. As entradas terán un prezo de 3 € e, con elas, os asistentes ao filme poderán participar no sorteo dunha viaxe para dúas persoas a través do Camiño de Santiago, partindo de Sarria.

A fundación súmase a esta iniciativa como parte da súa estratexia de apoio e promoción ao cinema e á industria audiovisual galega. A entidade colaborou, ademais, no proceso de produción da banda sonora do filme a través do seu Orfeón Terra A Nosa.

'O Apóstolo', de íntegra produción galega e con subtítulos en inglés, ten entre os seus méritos ser a primeira película europea realizada en animación stop-motion estereoscópica, ademais de ter comezado o seu percorrido internacional o pasado mes de xuño no Festival Internacional de Cine de Moscova, que por primeira vez presentou unha fita de animación para competir na Sección Oficial. Recibiu tamén o Primeiro Premio no Festival EXPOTOONs de Bos Aires, o galardón audiovisual máis recoñecido de América Latina, e o Gran Prix do Festival CINEHORIZONTES de Marsella. Estes galardóns avalan a calidade desta película que conta coa interpretación de actores como Geraldine Chaplin, Jorge Sanz, Paul Naschy, Carlos Blanco, Luís Tosar, Celso Bugallo, Isabel Blanco ou José Manuel Olveira, Pico. Todos eles defenden unha historia na que un convicto recentemente fuxido do cárcere tratará de recuperar un botín agochado, anos atrás, nunha solitaria e afastada aldea; pero o que alí encontrará supón unha condena aínda maior da que fuxiu. Sinistros anciáns, estrañas desaparicións, espíritos, un peculiar sacerdote e ata o mesmo arcipreste de Santiago cruzarán os seus camiños nun relato de terror, humor e fantasía. Nos catro anos que durou a produción do proxecto déronse cita profesionais da talla de Philip Glass, que participou na composición da banda sonora, ou os máis de cen técnicos internacionais que participaron en películas do nivel de A noiva cadáver, Coraline ou O señor dos aneis.

Máis información en www.obrasocialncg.com / www.oapostolo.es ou en Artefacto Producciones (695799798).

O Cineclube de Compostela acolle unha nova sesión do ciclo dedicado a Palestina, esta noite coa proxección de A cor das oliveiras (El color de los olivos, México-Palestina, 2006), da documentalista mexicana Carolina Rivas. Este filme pretende ser a primeira parte dunha "tetraloxía do movemento", articulada a través de catro elementos: terra, auga, aire e lume. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

Na súa primeira longametraxe, Rivas presenta a historia intima da familia Amer, oprimida polo goberno israelí que levantou barreiras arredor do seu fogar, separándoos dos camiños trazados e aillándoos nun espazo gris. Os muros da vergoña sitúanse entre a súa vivenda e as hortas das que viviron durante xeracións: o seu único patrimonio. Co seu cotián virado en checkpoint, a súa vida está dominada por portas electrificadas, candados e a presenza constante dos soldados israelís.

A partir deste claro conflicto exterior, Rivas explora as súas repercusións internas, os pequenos detalles, que engaden novos matices a un tema tan representado. Ao longo do filme, dasenos conta, por exemplo, dos diferentes graos de reclusión dese microcosmos, atravesados por roles de xénero e xeracionais. O ollar da directora, contemplativo e cunha certa estética fantasmagórica, preocúpase por non enfrentar á familia Amer a unha cámara que agraviaría máis a súa opresión, polo que mantén sempre unha sensíbel distancia para mostrar a súa cotidianeidade.

Carolina Rivas é unha das cineastas mexicanas actuais máis recoñecidas na escena internacional. Estudou na Escola de Escritores da Sogem e no Centro Universitario de Estudios Cinematográficos (CUEC). A sua curtametraxe, Zona cero (2003) foi proxectada dentro da sección oficial do Festival de Cannes e obtivo numerosos premios. Con A cor das oliveiras asina a súa primeira longametraxe documental, á que seguirán Leccións para Zafirah (2011) e Nós (2012), as dúas codirixidas con Daoud Sarhandi. É membro fundador do estudo de produción Creadores Contemporáneos.

O filme vai ser proxectado na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadoras e de 3 para estudantes e paradas. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

Novacaixagalicia proxecta a película de animación galega O apóstolo no seu Centro Cultural de Santiago de Compostela da rúa do Vilar durante os vindeiros 18, 19, 20, 25, 26 e 27 de xaneiro. A hora da sesión, ás 20.00 h, é común para todos estes días. As entradas terán un prezo de 3 € e, con elas, os asistentes ao filme poderán participar no sorteo dunha viaxe para dúas persoas a través do Camiño de Santiago, partindo de Sarria.

A fundación súmase a esta iniciativa como parte da súa estratexia de apoio e promoción ao cinema e á industria audiovisual galega. A entidade colaborou, ademais, no proceso de produción da banda sonora do filme a través do seu Orfeón Terra A Nosa.

'O Apóstolo', de íntegra produción galega e con subtítulos en inglés, ten entre os seus méritos ser a primeira película europea realizada en animación stop-motion estereoscópica, ademais de ter comezado o seu percorrido internacional o pasado mes de xuño no Festival Internacional de Cine de Moscova, que por primeira vez presentou unha fita de animación para competir na Sección Oficial. Recibiu tamén o Primeiro Premio no Festival EXPOTOONs de Bos Aires, o galardón audiovisual máis recoñecido de América Latina, e o Gran Prix do Festival CINEHORIZONTES de Marsella. Estes galardóns avalan a calidade desta película que conta coa interpretación de actores como Geraldine Chaplin, Jorge Sanz, Paul Naschy, Carlos Blanco, Luís Tosar, Celso Bugallo, Isabel Blanco ou José Manuel Olveira, Pico. Todos eles defenden unha historia na que un convicto recentemente fuxido do cárcere tratará de recuperar un botín agochado, anos atrás, nunha solitaria e afastada aldea; pero o que alí encontrará supón unha condena aínda maior da que fuxiu. Sinistros anciáns, estrañas desaparicións, espíritos, un peculiar sacerdote e ata o mesmo arcipreste de Santiago cruzarán os seus camiños nun relato de terror, humor e fantasía. Nos catro anos que durou a produción do proxecto déronse cita profesionais da talla de Philip Glass, que participou na composición da banda sonora, ou os máis de cen técnicos internacionais que participaron en películas do nivel de A noiva cadáver, Coraline ou O señor dos aneis.

Máis información en www.obrasocialncg.com / www.oapostolo.es ou en Artefacto Producciones (695799798).

O Cineclube de Compostela continúa co ciclo dedicado a Palestina esta noite coa proxección de Película urgente por Palestina (Palestina-Galicia, 2012), de Alberte Pagán e Videocartografías: Aída, Palestina (Vidéocartographies: Aïda, Palestine, Francia-Palestina, 2008), de Till Roeskens. A sesión contará ademais coa realización dunha mesa redonda, coa presenza do director Alberte Pagán e do activista palestino Fayez Badawi. A sesión vai ter lugar no sitio e horario habituais, no CS O Pichel (Santa Clara, 21) a partir das 21:30 horas.

Este filme é “o contrario á descrición dun combate. É un combate”. Así, en referencia ao filme de Marker, fala Alberte Pagán da Película urgente por Palestina. Gravada cámara en man, con planos móbiles e con pouca distancia, recolle imaxes de Palestina, de Ramala, de Hebrón, de asentamentos xudeus no medio de Hebrón, da manifestación semanal, de rapaces que tiran pedras e soldados que responden con granadas lacrimóxenas… No fondo, a incapacidade das imaxes para representar a historia.

Nacido no Carballiño en 1965, o cineasta Alberte Pagán é un colaborador habitual do Cineclube de Compostela e tennos visitado en numerosas ocasións para presentar filmes propios (Bs. As., Pó de estrelas, Como foi o conto, Conversas em Zapatera, Os Waslala,Tanyaradzwa...) ou pezas alleas da tradición experimental do cinema. Na súa páxina web, albertepagan.eu, pode consultarse información sobre os seus filmes, así como os seus traballos de crítica cinematográfica e outros temas.

Xunto con este filme, proxectaremos outro título que reflexiona sobre o poder das imaxes no conflito palestino. En Videocartografías: Aída, Palestina, Till Roeskens pide a varios habitantes do acampamento de refuxiados de Aída que lle debuxen un mapa. A cámara vai seguindo os garabatos, as marcas do lapiz negro sobre o papel branco. Homes, mulleres e nenos marcan edificios, indentifican casas de familiares ou amigos ou o sitio dun tiroteo. Aos poucos, as liñas negras forman un texto que representa as comunidades, os modos de vida, as maneiras de sobrevivir...

Till Roeskens, nacido en Friburgo (Alemaña), en 1974, é un artista multidisciplinar, apaixoado da xeografía aplicada. O seu traballo, quer sexa baixo a forma dun libro, dunha conferencia ou, como neste caso, nun documentario, desenvólvese arredor do encontro cun territorio e con aqueles que trazaron nel os seus camiños, que convirte en coautores das súas obras.

Para contextualizar mellor tanto a realidade política de Palestina como a súa plasmación en imaxes, contaremos ademais cunha mesa redonda na que, ademais do director Alberte Pagán, participará o activista palestino Fayez Badawi. Filólogo e analista político, residente durante moito tempo en Galiza, Badawi é embaixador itinerante, no Estado español, da Fronte Popular para a Liberación de Palestina (FPLP).

O mércores que vén, 6 de febreiro, o Cineclube porá o remate ao ciclo sobre Palestina coa proxección de Z32, de Avi Mograbi, que non se puido proxectar, por problemas técnicos, o pasado 16 de xaneiro. Proximamente anunciaremos o resto da programación prevista para febreiro.

Os filmes serán proxectados na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadoras e de 3 para estudantes e paradas. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

Ao longo do mes de febreiro, a Biblioteca pública Ánxel Casal organiza un ciclo de cinema de dominio público con subtítulos en galego. A proxección desta tarde será 'The Cameraman', dirixida por Buster Keaton en 1928.

'The cameraman'

Director Buster Keaton, Edwuard Sedqwick (1928)
Duración: 67 minutos. Comedia.

SINOPSE
Luke Shannon (Keaton) traballa para un programa informativo como operador de cámara. Pero o seu soño sería que o contratara a MGM, sobre todo para estar preto dunha guapa oficinista (Day). Un día, inesperadamente, atópase no medio dunha noticia importante.

O Cineclube de Compostela comeza o mes de febreiro coa proxección de Z32 (Z32, Francia-Israel, 2008), de Avi Mograbi, que non se puido proxectar o pasado 16 de xaneiro, dentro do ciclo sobre Palestina, por problemas técnicos. O filme colle o título do nome en clave do personaxe central: un mozo ex soldado israelí que participou no asasinato de dous policías palestinos. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

En Z32, Avi Mograbi presta a súa cámara a unha parella. El, un soldado de elite israelí que confesa a súa participación no asasinato de varios policías palestinos nunha manobra militar de vinganza. Frente ás arrepiantes “anécdotas” dun soldado programado para matar que recoñece o “subidón” de adrenalina, a participación da moza como antagonista, tentando conseguir o arrepentimento, ou, cando menos, que el non siga coa súa vida como se nada acontecera. Como terceiro personaxe do filme, o director, Avi Mograbi, que se presenta con intervencións musicais brechtianas ou establecendo consideracións sobre como representar o que se está representando, convertindo o retrato fílmico en duplo: o do suxeito filmado e o seu propio como documentalista que comparte os atrancos e dúbidas morais co público.

Mais é no dispositivo empregado polo director onde radica a complexidade, orixinalidade e honestidade do filme. O soldado, con medo ás represalias, pon como condición que non se filme o seu rostro. Mograbi preséntanolo inicialmente cunha caperuza, para ir, a medida que avanza o filme, mostrándonos máis e máis da súa expresión. Máis non se trata do seu verdadeiro rostro, senón dun nova máscara, creada dixitalmente. Os elementos radicais do dispositivo de Mograbi combínanse para lanzarnos preguntas, nada complacientes, sobre a responsabilidade, o perdón e a construción da verdade cinematográfica.

Avi Mograbi nace en 1956 no seo dunha familia profundamente sionista, mais rompe ben cedo coas posicións familiares. Estuda arte na escola de artes de Ramat Ha-Sharon e filosofía na Universidade de Tel Aviv. Iníciase no cinema como asistente de Claude Lelouch. Durante a guerra do Líbano, convírtese no portavoz dun grupo de soldados que se negan á incorporación, o que lle valerá varios días de prisión. Máis adiante, forma parte dunha organizacións de pais e nais de insumisos ao servizo militar e do padroado do Tribunal Russel sobre Palestina. 

Os seus filmes, distintivos e controvertidos, acheganse aos seus temas, nomeadamente a política exterior israelí, a través da análise da estrutura, bebendo das tradicións do cinema directo americano e de Jean Rouch. O seu obxectivo das fitas é provocar unha crise, un punto de inflexión que teste o filmado, cun ollar en primeira persoa como cidadán afectado, que tenta entender e sintetizar aquilo do que está a ser testemuña. Entre os seus títulos destacan Por un só dos meus ollos (2005), que xa se proxectou no Cineclube, A reconstrucción (1994), Como aprendín a superar o meu medo e amar a Ariel Sharon (1997) ou Feliz aniversario, Sr. Mograbi (1999) August: A Moment Before the Eruption (2002).

Con este filme comeza unha variada programación para o mes de febreiro no Cineclube. O vindeiro mércores poderemos ver Os ollos sen rostro (Les yeux sans visage, Francia-Italia 1960), un clásico de culto do director francés Georges Franju,a medio camiño entre o cinema negro e o fantástico. O 20 de febreiro será o turno de Algo de Alicia (Něco z Alenky, Checoslovaquia-Suíza-Reino Unido-RFA, 1988), probabelmente o filme máis coñecido do animador checo Jan Švankmajer, adaptación libre de Alicia no país das marabillas, que presentará Paula Carballeira. E pechará o mes Asfalto en dobre sentido (Two-Lane Blacktop, EUA, 1971), de Monte Hellman,para o que contaremos coa presenza de José Manuel Sande.

O filme será proxectado na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

Ao longo do mes de febreiro, a Biblioteca pública Ánxel Casal organiza un ciclo de cinema de dominio público con subtítulos en galego. A proxección desta tarde será 'Nosferatu', dirixida por F. W. Murnau en 1922.

'Nosferatu'

Director F. W. Murnau (1922).
Duración: 91 minutos. Terror.

SINOPSE
Libre adaptación da novela de Bram Stoker “Drácula” á que se cambiou o nome para non ter que pagar dereitos de autor. A viúva de Stoker logrou que se recoñecese a autoría, e obtivo unha orde xudicial para destruír os negativos e todas as copias da película. As copias distribuídas no resto do mundo impediron a súa total desaparición.

O Cineclube de Compostela proxecta esta noite Os ollos sen rostro (Les yeux sans visage, Francia-Italia 1960), un clásico de culto do director francés Georges Franju, baseado na novela homónima de Jean Redon, a medio camiño entre o cinema negro e o fantástico. Á máscara dixital do filme do mércores pasado, Z32, séguelle esta semana, pois, a máscara real coa que Alida Valli oculta o seu rostro nesta fita. A sesión vai ter lugar no lugar e horario habituais, no CS O Pichel (Santa Clara, 21) a partir das 21:30 horas.

Vítima dun terrible accidente de tráfico, Christiane, a filla do celebre profesor Génessier, vive recluída na casa familiar. Unha máscara agocha o seu rostro, atrozmente desfigurado. Co obxectivo de devolverlle un rostro á súa filla, Génessier, coa axuda da súa asistente Louise, non dubidan en secuestrar outras mozas e realizar os experimentos máis arrepiantes.

Recén rematada a súa primeira longametraxe non-documental, A cabeza contra a parede, George Franju recibe a oferta de dirixir a novela de Jean Redon Os ollos sen rostro, coa que Jules Borkon quería introducirse na produción de filmes de terror como os británicos A maldición de Frankenstein ou Horror de Drácula, especialmente populares a finais dos cincuenta nas pantallas francesas. Franju, que medrara co fantástico silente de directores como Georges Méliès ou Louis Feuillade, viu a súa oportunidade para contribuír ao xénero, a través dunha historia que, nas súas palabras, non é de terror, senón máis ben de “angustia, un estado de ánimo máis calmo que o terror, máis interno, máis penetrante: é terror en doses homeopáticas”.

O traballo de Franju neste filme móvese a través do xogo cos contrarios. Por unha banda, recollendo a súa propia tradición fílmica, o tono xeral é esaxeradamente naturalista, frío, cercano al documental, introducindo unha sensación de estrañamento no espectador. Por outra, a isto opónse unha evidente imaxinería surrealista e simbolista, cercana a Jean Cocteau ou a Luis Buñuel, que enche algunhas das secuencias do filme, convertindo a fita nun poema fílmico fúnebre, lírico, falsamente luminoso e estarrecedor.

George Franju (1912-1987) foi, antes que cineasta, un estraño cinéfilo, co-fundador xunto con Henri Langlois, da Cinemateca Francesa e bo coñecedor da Historia do cinema, foi quen de escribir con grande agudeza sobre “o estilo de Fritz Lang” ou sobre o cinema cirúrxico de Jean Painlevé. Logo dunhas primeiras pezas documentais, como O sangue das bestas (1948) ou O hotel dos inválidos (1951), que xa puidemos ver no Cineclube inicia unha peculiar carreira xa na ficción, con obras tan transgresoras como Os ollos sen rostro (1959) ou A cabeza contra a parede (1958).

O seu estilo, fortemente influenciado polos seus predecesores, foi definido por Claire Clouzot como "un realismo conmovedor fantástico herdado do surrealismo e do cinema científico de Jean Painlevé e influenciado polo expresionismo de Lang y Murnau". No seu cinema, Franju pon o foco especialmente nos aspectos visuais. O propio director chegou a afirmar que como non tiña “o don de escribir historias” tivo que centrarse en “darlles forma” a través dos filmes.

A vindeira semana, 20 de febreiro, o Cineclube vai proxectar Algo de Alicia (Něco z Alenky, Checoslovaquia-Suíza-Reino Unido-RFA, 1988), probabelmente o filme máis coñecido do animador checo Jan Švankmajer. Adaptación libre da coñecida novela de Lewis Carrol Alicia no país das marabillas, o director checo foxe de presentala como un conto de fadas e, mediante unha técnica que combina acción real e animación stop-motion, constrúe máis ben un pesadelo amoral. A sesión contará coa presentación de Paula Carballeira.

O filme será proxectado na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

Durante a fin de semana, Novacaixagalicia proxecta a película de animación galega O apóstolo no seu Centro Cultural de Santiago de Compostela da rúa do Vilar. As entradas terán un prezo de 3 € e, con elas, os asistentes ao filme poderán participar no sorteo dunha viaxe para dúas persoas a través do Camiño de Santiago, partindo de Sarria.

A fundación súmase a esta iniciativa como parte da súa estratexia de apoio e promoción ao cinema e á industria audiovisual galega. A entidade colaborou, ademais, no proceso de produción da banda sonora do filme a través do seu Orfeón Terra A Nosa.

'O Apóstolo', de íntegra produción galega e con subtítulos en inglés, ten entre os seus méritos ser a primeira película europea realizada en animación stop-motion estereoscópica, ademais de ter comezado o seu percorrido internacional o pasado mes de xuño no Festival Internacional de Cine de Moscova, que por primeira vez presentou unha fita de animación para competir na Sección Oficial. Recibiu tamén o Primeiro Premio no Festival EXPOTOONs de Bos Aires, o galardón audiovisual máis recoñecido de América Latina, e o Gran Prix do Festival CINEHORIZONTES de Marsella. Estes galardóns avalan a calidade desta película que conta coa interpretación de actores como Geraldine Chaplin, Jorge Sanz, Paul Naschy, Carlos Blanco, Luís Tosar, Celso Bugallo, Isabel Blanco ou José Manuel Olveira, Pico. Todos eles defenden unha historia na que un convicto recentemente fuxido do cárcere tratará de recuperar un botín agochado, anos atrás, nunha solitaria e afastada aldea; pero o que alí encontrará supón unha condena aínda maior da que fuxiu. Sinistros anciáns, estrañas desaparicións, espíritos, un peculiar sacerdote e ata o mesmo arcipreste de Santiago cruzarán os seus camiños nun relato de terror, humor e fantasía. Nos catro anos que durou a produción do proxecto déronse cita profesionais da talla de Philip Glass, que participou na composición da banda sonora, ou os máis de cen técnicos internacionais que participaron en películas do nivel de A noiva cadáver, Coraline ou O señor dos aneis.

Máis información en www.obrasocialncg.com / www.oapostolo.es ou en Artefacto Producciones (695799798).

O Cineclube de Compostela continúa a súa programación coa proxección, esta noite, de Algo de Alicia (Něco z Alenky, Checoslovaquia-Suíza-Reino Unido-RFA, 1988), a primeira longametraxe do animador checo Jan Švankmajer: unha adaptación libre da coñecida novela de Lewis Carrol Alicia no país das marabillas onde, lonxe da habitual lectura como conto de fadas, o director, mediante unha técnica que combina acción real e animación stop-motion, constrúe máis ben un soño amoral. A sesión terá lugar no sitio e horario habituais, no CS O Pichel (Santa Clara, 21) a partir das 21:30 horas.

O filme vai ser proxectado na súa versión orixinal, con subtítulos en galego. A entrada é de balde, podendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadores e de 3 para estudantes e parados. Os socios e socias poderán dispor do fondo do Cineclube antes das proxeccións, os mércores de 21:00 a 21:30 h.

O director galego Darío Autrán presenta no Salón de actos da Biblioteca Pública Anxel Casal a súa película 'Tilda & Jean', a primeira entrega da 'Triloxía dos Fíos', un proxecto co que este guionista e actor irrompe con forza na cinematografía galega.

Darío Autrán dirixe, escribe, protagoniza e produce 'Tilda & Jean'. Completan a repartición Alba Messa ('A ópera dos tres reás', 'Summertime', ' Os Atlánticos'), Carlos Blanco ('O apóstolo', 'Volver', 'Mareas vivas') e Iria Pinheiro ('Freud e compañía', 'A vida por diante').

'Tilda & Jean' é a primeira película escrita, dirixida, protagonizada e producida por Darío Autrán, quen nos propón unha historia de amor inquietante, un discurso aberto a varias interpretacións e formas de entendela. Dende a xente que se sentirá próxima á personalidade de Tilda a outros que verán en Jean un exemplo a seguir. Sempre dende a óptica da creación, e as dificultades que isto entraña, a película somérxenos nun mundo novo e descoñecido. Completan a repartición desta fita destacados nomes da escena como Carlos Blanco, Iria Pinheiro, Mónica de Nut, Ariadna Santana, Uxía Morán e Alba Messa como coprotagonista xunto a Darío Autrán.

Ao remate da proxección, os asistentes poderán manter unha conversa co seu director.

A entrada será gratuíta ata completar aforamento.

A Regadeira de Adela, Microcasa de Artes, ven a ofrecer unha nova experiencia cultural en Compostela. Un lugar diferente, onde poderás asistir a pequenas pezas de teatro, danza, maxia, circo, impro ou performance.

Pezas de quince minutos, para un público reducido de 15 persoas, durante tres pases cada día.

Unha casa cun encanto especial, cunha decoración vintage onde tamén hai cabida para a obra dos artistas plásticos.

A proximidade do público cos artistas crea un ambiente irrepetible, un contacto único. O microteatro é unha tendencia actual do teatro en Europa  que xa funciona en cidades españolas coma Madrid, Barcelona, Zaragoza, Málaga ou Segovia. En Galicia xa existen experiencias coma La Tuerka 27 na Coruña e o Microteatro Por Casa de Cangas.

PROGRAMACIÓN DE XANEIRO

** 9, 10 e 11 de xaneiro

- 20:30 / 21:00 / 21:30 h.
CIBORGUE MORENO
MICRODISCO· Chegados diretamente do barrio da Lapa de Rio de Janeiro, 15 minutos de electro brega con letra irreverente e alto-astralizada. Divertidos, performáticos e comprometidos coa evolución humanoide.

- 20:45 / 21:15 / 21:45 h.
JOSHUA McCAREY ·Living Room·
·MICROTEATRO-DANZA· Desde Boston chéganos unha narrativa poética do achegamento cultural dun extranxeiro cara os seus espazos inmediatos de vivencia. Nun mundo hiperconectado que á vez se desmantela, Livingroom é unha chamada á intimidade.

- 21:00 / 21:30 / 22:00 h.
BOSSA & MUÍÑOS ·Malos Hábitos·
MICROMISA· Dúas monxas de clausura das carmelitas calzadas saen clandestinamente do convento para celebrar unha micromisa en versión dous punto cero, dirixida tanto a crentes como a ateos, agnósticos ou vexetarianos, porque na micromisa dous punto cero a fe e moi importante, pero o pecado aínda máis. "Cuatro angelitos tiene mi cama, uno me da leche, otro me da lana y otro mantequilla para toda la semana."

** 16, 17 e 18 de xaneiro

- 20:30 / 21:00 / 21:30 h.
SUDHUM TEATRO ·Luminosa Nostalgia·
MICROTRAILER· En colaboración co Teatro Principal. Vivimos tempos convulsos, o cambio é necesario. Unha viaxe cara ese cambio. Unha viaxe a Galicia, ó pasado, desde onde coller impulso cara ó futuro e usar o camiño para recuperar a esencia das cousas, o cheiro dos lugares vividos e o sabor dos momentos máis doces. E se podemos, crecer.

- 20:45 / 21:15 / 21:45 h.
EL RETRETE DE DORIAN GREY
MICROCABARÉ CON OBXECTOS· Ne me quitte pas, xa un clásico desta compañía que transforma en enorme as cousas pequenas, que contan historias con inflables, que convirten un globo nun protagonista. Inesquecible.

- 21:00 / 21:30 / 22:00 h.
LUIS VIVANCO LUISA VEIRA ·A escena·
MICROTEATRO· Unha pérdida personal é o grande detonante para abrir a caixa dos tronos que atormenta a unha actriz xusto antes dunha estrea; e que un pobre asistente de producción terá que soportar, buscando a forma ou as estratexias para reconducir á grande diva.

** 23, 24 e 25 de xaneiro

- 20:30 / 21:00 / 21:30 h.
17, PENTHOUSE ·Fina y Pura hasta...·
·MICROCOMEDIA· Dúas mulleres sen nada que facer e moito que contar. Un ascensor é un pequeno lugar onde as paredes falan e o público escoita. ¿A qué piso van?

- 20:45 / 21:15 / 21:45 h.
EL RETRETE DE DORIAN GREY
MICROCABARÉ CON OBXECTOS· Ne me quitte pas, xa un clásico desta compañía que transforma en enorme as cousas pequenas, que contan historias con inflables, que convirten un globo nun protagonista. Inesquecible.

- 21:00 / 21:30 / 22:00 h.
BOSSA & MUÍÑOS ·Malos Hábitos·
MICROMISA· Dúas monxas de clausura das carmelitas calzadas saen clandestinamente do convento para celebrar unha micromisa en versión dous punto cero, dirixida tanto a crentes como a ateos, agnósticos ou vexetarianos, porque na micromisa dous punto cero a fe e moi importante, pero o pecado aínda máis. "Cuatro angelitos tiene mi cama, uno me da leche, otro me da lana y otro mantequilla para toda la semana."

** 30, 31 de xaneiro e 1 de febreiro

- 20:30 / 21:00 / 21:30 h.
17, PENTHOUSE ·Fina y Pura hasta...·
·MICROCOMEDIA· Dúas mulleres sen nada que facer e moito que contar. Un ascensor é un pequeno lugar onde as paredes falan e o público escoita. ¿A qué piso van?

- 20:45 / 21:15 / 21:45 h.
IL MAQUINARIO ·O Home Almofada·
·MICROTRAILER· Colabora Teatro Principal. Unha montaxe da peza de Martin McDonagh que afonda no influxo da violencia no individuo nunha sociedade totalitaria, desde unha perspectiva ó mesmo tempo tenra e sarcástica. Contido social, intriga e humor negro nun thriller trepidante.

- 21:00 / 21:30 / 22:00 h.
ISLA LE TRISKA ·Fermín Noite·
·MICROCLOWN·

Máis info aquí

O polifacético Dani Mateo encherá de humor o escenario do Auditorio de Galiciia co espectáculo 'PK2.0 Que dios nos pille confesados'. O protagonista do espectáculo confésase nesta revisión actualizada dos sete pecados capitais, algo do que o personaxe sabe moito. O espectáculo está escrito, creado e dirixido por Dani Mateo.

A obra componse de sete monólogos pensados para os luxuriosos, os avariciosos, os comellons, os envexosos, os irascibles, os preguiceiros e os soberbios. E se pensas que non es nada diso, es máis soberbio que todos os demais. Se tes a alma sucia e a noite libre, ven facer exame de conciencia con Dani Mateo. Non che garante o ceo, pero as risas son recompensa segura.

Por oitavo ano, a ONG Implicadas no Desenvolvemento organiza a gala 'Implícate. Noite de música e palabra solidaria', un evento conducido por Luís Tosar e Yolanda Castaño no que tomarán parte de xeito desinteresado artistas como Sés, Xoán Curiel, Budiño, Quique Peón, Rubén Riós - Estíbaliz Veiga, Roberto Vilar, Anxo Angueira, Carlos Negro, Eva Veiga ou María Canosa.

O obxectivo de "Implícate! Noite de música e palabra solidaria", no que as/os artistas colaboran de xeito desinteresado, é facer un chamamento á solidariedade dos galegos e galegas, unindo a cultura galega. O propósito principal deste evento é dar a coñecer o traballo desta organización de cooperación ao desenvolvemento galego, invitar ao público a ver o mundo con outros ollos, a reflexionar, e a cambiar o mundo, dende Galicia, dende a conciencia crítica e a acción clara.

Tambien poderás realizar unha achega á Fila Cero de Implícate e achegar o teu gran de area a este

O ciclo 'Falabaratos' prosegue esta noite no Teatro principal con 'As Noites de Retranca', un espectáculo no que Federico Pérez presenta o seu número 'Ración de Breogán' e Quico Cadaval 'O complexo de Edipo'.

‘Ración de Breogán’ de Federico Pérez
Todo aquel mortal que ten a sorte de fundar un país convértese instantaneamente en deus e pasa a habitar no Olimpo. É o caso de Breogán, que, despois de dar a luz a Galicia, ocupa o seu lugar entre o resto de divindades. Desacougado polos últimos acontecementos, decide baixar á terra para comprobar de primeira man o que está pasando.

Quico Cadaval presenta ‘O complexo de Edipo’
‘Complexo de Edipo’ de Cadaval é un relato mítico que xa escoitaron oito mil colombianos e tamén tres mil setecentos africanos dos que tres mil eran canarios. Probablemente o público europeo coñece mellor a versión do ribeirán que a orixinal do inmortal Sófocles. 
O mito do home que mata ao pai, deitase coa nai, chámalle fillos aos irmáns é agora comentado por unha taberneira dun porto galego que ademais é a nai do monhilista Cadaval. A cociñeira desdeña o mito clásico ao tempo que da a receita da carne asada.
 Gastronomía 
Épica,
 Alta cultura,
 Cotilleos,
 Psicoanálise,
 Noticias sorprendentes sobre a monarquía española…
Todo en corenta e un trepidantes minutos dun monólogo Traxiridículo.

Falabaratos (monólogos, contos e outros shows) foi unha das novidades na programación da cidade no 2012. Neste ciclo as palabras convértense en humor e a ironía e o bo facer dos monologuistas, contadores de contos e protagonistas doutros tipos de shows materialízase en espectáculos de primeira fila a procura dun espectador disposto a pasalo ben.

Luis Piedrahita, David Amor, Sergio Pazos, Quico Cadaval, Goyo Jiménez, Ángel Martín, Leo Harlem, David Guapo ou Berto Romero, entre outros, son algúns dos artistas que xa fixeron rir ao público santiagués. Todos os espectáculos tiveron un grande éxito e o ciclo protagonizou varios cheos do Auditorio de Galicia e do Teatro Principal.

Dentro do ciclo 'Falabaratos', o humorista Rober Bodegas presenta durante dúas noites a estrea absoluta do seu último espectáculo, 'El umbral de la estupidez'.

“É cousa miña ou estamos volvéndonos imbéciles? Esta frase oímola mil veces, mesmo a dixemos. É unha frase feita. Pero, e se fose verdade? E se de súpeto estudos revelasen que isto é así? Que cada día somos máis parvos. Que o cerebro nos fixo unfollow. Que os do Starbuck’s sábeno e por iso che cobran o dobre por un café que non che serven. Que alguén nun despacho se está desternillando porque nos fixo crer que levar os líquidos en botes pequenos nun avión é o segredo da paz mundial.

Se algunha vez pensaches nisto, se cada día ocorre algo que che fai pensar en se realmente es ti o parvo ou esa persoa que tes en fronte merece unha puñada na garganta, xa sexa o de en fronte un dependente maleducado ou unha entidade bancaria ao completo. E sobre todo, se cres que se drogan a un mono con viagra e atan a unha árbore a unha persoa medio normal e a unha medio imbécil, o mono saciará o seu desexo coa segunda porque sente evolutivamente máis próxima, é moi probable que che interese “El umbral de la estupidez”. Non se fala de ningún remedio para que a cousa cambie, pero si do que hai que facer para que un mono drogado non note que es parvo. Que non é pouco.

Rober Bodegas leva dez anos na comedia. Foi colaborador en dous programas de televisión (“El Rey de la Comedia”, “Sé lo que hicisteis…”)  ao mesmo tempo que guionista, tamén desenvolveu novos proxectos para Hill Valley (produtora de “Muchachada Nui”, “Museo Coconut”, etc.) e Mandarina (produtora de “Lo sabe, no lo sabe”), actualmente, xunto cos tamén cómicos. Ángel Martín e Alberto Casado, escriben e interpretan os sketches e curtos de Solocomedia.com, a súa canle de comedia online, cuxos contidos recibiron máis de doce millóns de visitas no seu primeiro ano de existencia. Ademais, escribiu artigos para La Voz de Galicia, un libro e tres espectáculos de monólogos, virou con eles por toda España e co último estivo tres anos en carteleira na Gran Vía de Madrid. Sumando en total máis de mil representacións. Agora presenta o cuarto, “El tonto soy yo”.

Falabaratos (monólogos, contos e outros shows) foi unha das novidades na programación da cidade no 2012. Neste ciclo as palabras convértense en humor e a ironía e o bo facer dos monologuistas, contadores de contos e protagonistas doutros tipos de shows materialízase en espectáculos de primeira fila a procura dun espectador disposto a pasalo ben.

Luis Piedrahita, David Amor, Sergio Pazos, Quico Cadaval, Goyo Jiménez, Ángel Martín, Leo Harlem, David Guapo ou Berto Romero, entre outros, son algúns dos artistas que xa fixeron rir ao público santiagués. Todos os espectáculos tiveron un grande éxito e o ciclo protagonizou varios cheos do Auditorio de Galicia e do Teatro Principal.

A compañía de teatro compostelana Voadora presenta a estrea absoluta da súa nova produción, 'Waltz', un espectáculo que permanecerá en cartel na Zona C ata o 24 de febreiro.

Dirección e Escenografía: Marta Pazos
Elenco: Jose Díaz, Marta Pazos e Hugo Torres
Música orixinal: Jose Díaz e Hugo Torres
Axud. dirección e coreografías: Uxía P. Vaello
Xastra: Cloti Vaello
Vestiario: Uxía P. Vaello coa colaboración especial de Amai Rodríguez, César Lombera e Toca Fedella Toca
Maquillaxe: Fany Bello
Deseño e fotografía: Sara Pazos
Produción: Jose Díaz e Cecilia Carballido
Colaboracións: CSC Santa Marta, David Rodríguez, Jose Perozo, Lorena Conde
Duración: 60’

SINOPSE
“O corazón é como un neno, espera o que desexa”
WALTZ é un conto que fala de amor e desamor, de namoramentos e rupturas, da vida compartida e da lembranza de amores perdidos.
En WALTZ a vida é un salón de baile onde imos cambiando de parella: hainas que che pisan os pés, outras agárrante forte pola cintura, a algunhas súanlle as mans e con outras bailarías por toda a eternidade...
O AMOR sempre está moi presente nas producións da VOADORA. Pero desta vez a compañía decide tirarse de cabeza e traballar íntegramente sobre el dedicándolle un espectáculo no que diseccionar os sentimentos, as emocións e as sensacións extremas que leva consigo este tema universal.
WALTZ articúlase en 3 movementos case independentes, coma se se tratase dunha sinfonía.
As principais ferramentas, como ven sendo habitual nos espectáculos da compañía, son a ironía, o humor, a beleza, a poesía, a danza, o absurdo e a música.

Como non podía ser doutro xeito WALTZ, un espectáculo VOADORA, é un espectáculo musical. Un espazo sonoro composto por máis de 20 temas orixinais que abarcan estilos desde a música dance ao pop, calipsos, unha opereta e, por suposto, waltz.
As pezas musicais, interpretadas en directo polos actores, serven de fío condutor na acción, son ás veces unha personaxe máis ou actúan como banda sonora levando as escenas a esa sempre evocadora linguaxe cinematográfica.
Unha concepción do espazo sonoro e lumínico que, a modo dun “deus ex machina” integra unha acción mais dentro da dramaturxia deixando en mans do actor ou en mans da personaxe dar son e luz a aquilo que sucede diante do espectador.

VOADORA nace como compañía de teatro en 2007. Os seus traballos de investigación en creación contemporánea caracterízanse por un importante compoñente musical, estético, sorprendente e evocador. VOADORA son Hugo Torres, Marta Pazos e Jose Díaz.
VOADORA ven de traballar nun intenso 2012; como convidados de GUIMARÃES 2012- Capital Europeia da Cultura estrearon o espectáculo e proxecto múltiple JOANE no pasado Xuño dentro do encontro de Teatro Contemporáneo Festivais Gil Vicente.
Forman parte dende Xuño do Project LLul, un triángulo de co-produción xunto co a asociación Propositário Azul de Lisboa e a compañía TeatrodeCERCA de Barcelona no marco do que se estrea SOTS L'OMBRA D'UN BELL ARBRE que xirará neste ano por EE.UU, Brasil, India e Canadá.
Recentemente estrearon como antesala de WALTZ a peza de microteatro HAPPYEND no espazo A Regadeira de Adela en Santiago de Compostela.
TOKIO3, o seu espectáculo peche da triloxía “Lugares Comunes” (triloxía composta polos espectáculos Periferia, Super8 e a propia Tokio3) coa que iniciaron a súa andadura como compañía no 2007, ven percorrendo escenarios de Galicia e Portugal desde a súa estrea en Xaneiro de 2012.

O Mago Richard comezou coa maxia dende moi pequeno realizando actuacións esporádicas dende os 13 anos. Foi a partires do ano 1994 cando decidiu dar a coñecer a súa arte a un maior número de persoas levando a cabo representacións de maxia por toda a xeografía galega e impartindo obradoiros de maxia cunha alta participación e repercusión.

Pódese destacar a súa presenza en diferentes festivais como a semana internacional de Ilusionismo "Compostela Máxica", o festival de maxia "Lugo máxico" ou o "Festival de maxia  Marín".  Asiste con regularidade a congresos nacionais e internacionais, da FISM (Federación internacional de Sociedades Máxicas). É membro fundador da Asociación Maxia Compostela e "Asociación de Magos Profesionais de Galicia".

Espectáculo 'Maxia en estado puro'

Unha sesión de ilusionismo concibida especialmente para un público familiar; unha mestura de maxia e fantasía con efectos sorprendentes e coa participación activa do público alí presente. No espectáculo faise un pequeno percorrido polas distintas especialidades que ten o ilusionismo mediante xogos de maxia en clave de humor, co que se obtén un espectáculo dinámico e divertido, que consegue facer rir ao público máis diverso.

Poderemos ver cordas que se cortan e se unen de forma máxica, panos que viaxan e desaparecen, cartas pescadas do aire, libros que se tintan coa mirada do público, estrelas que aparecen das orellas dos rapaces e incluso unha nova forma de cociña, a Gastromaxia. O espectáculo, que dura 60 minutos, remata cun clásico, “A guillotina” pero cunha presentación singular onde a tensión propia do xogo queda diluída nunha situación cómica e moi divertida.

A Regadeira de Adela, Microcasa de Artes, ven a ofrecer unha nova experiencia cultural en Compostela. Un lugar diferente, onde poderás asistir a pequenas pezas de teatro, danza, maxia, circo, impro ou performance.

Pezas de quince minutos, para un público reducido de 15 persoas, durante tres pases cada día.

Unha casa cun encanto especial, cunha decoración vintage onde tamén hai cabida para a obra dos artistas plásticos.

A proximidade do público cos artistas crea un ambiente irrepetible, un contacto único. O microteatro é unha tendencia actual do teatro en Europa  que xa funciona en cidades españolas coma Madrid, Barcelona, Zaragoza, Málaga ou Segovia. En Galicia xa existen experiencias coma La Tuerka 27 na Coruña e o Microteatro Por Casa de Cangas.

PROGRAMACIÓN DE FEBREIRO

** 20, 21 e 22 de febreiro

- 20:30 / 21:00 / 21:30 h.
MARTA ALONSO -TRACK 6-
-MICRODANZA- Won't you come and dance with me. Down that Mississippi. We'll take a dance to the land of dreams

- 20:45 / 21:15 / 21:45 h.
LUIS VIVANCO COMPAÑÍA
-PRUEBA DE LEALTAD- -MICROTHRILLER- ¿Que facer cando a lealdade nos empurra a tomar a decisión que non queremos?

- 21:00 / 21:30 / 22:00 h.
PEDRO BRANDARIZ
-PROFUNDIZANDO NA GALIZA PROFUNDA- MICROMONOLOGOS- Neste espectáculo, analízase a vida dos galegos, en canto á súa cultura, o seu idioma, as súas expresións e … a familia.

- 20:45 / 21:15 / 21:45 h.
TEATRO EN PUNTO
-UNHA ROSA ENTRE AS PERNAS- De Afonso Becerra. Con Roberto Leal e José Luís Bernal ( Farruco). Dirixe: Gloria Rico  -MICROTEATRO- Dous personaxes. Un encontro fugaz. Nós non sabemos quen son. Saberano eles? Quéreno saber ou prefiren xogar ao despiste? Queredes xogar? Queredes descobrer quen son?

** 27 e 28 de febreiro

- 20:30 / 21:00 / 21:30 h.
MAGO ROMARÍS -HISTORIAS FANTÁSTICAS-
MICROMAXIA As historias fantásticas que ocorren no mundo das cartas e dos magos permanecen ocultas a maioría dos humanos, soamente por hoxe serán reveladas polo Mago Romarís.

- 20:45 / 21:15 / 21:45 h.
LUIS VIVANCO COMPAÑÍA
-PRUEBA DE LEALTAD- -MICROTHRILLER- ¿Que facer cando a lealdade nos empurra a tomar a decisión que non queremos?

- 21:00 / 21:30 / 22:00 h.
ARIEL NINAS -MÚSICAS PARA PETO-
MICROCONCERTO MINIMAL Micro paisaxe sonora, os sons da fraga no salón da casa, enlatados e móveis, das árbores ao sofá, servidos em doses microacústicas, historias acusmáticas que nunca soan dúas veces e que para cada pase terán un final diferente.

- 20:45 / 21:15 / 21:45 h.
TEATRO EN PUNTO
-UNHA ROSA ENTRE AS PERNAS- De Afonso Becerra. Con Roberto Leal e José Luís Bernal ( Farruco). Dirixe: Gloria Rico  -MICROTEATRO- Dous personaxes. Un encontro fugaz. Nós non sabemos quen son. Saberano eles? Quéreno saber ou prefiren xogar ao despiste? Queredes xogar? Queredes descobrer quen son?

O Salón de Actos da Biblioteca pública Ánxel Casal acolle esta tarde a charla titulada 'Educación emocional', unha actividade organizada por Identia Coaching y Formación e dirixida a profesionais, nais, pais e persoas interesadas na educación e a comunicación consciente e empática, dende a perspectiva do coaching familiar e persoal.

O Salón de Actos da Biblioteca pública Ánxel Casal acolle esta tarde a charla titulada 'Linguaxe a través do conto e o xogo', unha actividade organizada por Identia Coaching y Formación e dirixida a profesionais, nais, pais e persoas interesadas na educación e a comunicación consciente e empática, dende a perspectiva do coaching familiar e persoal.

O Ateneo de Santiago retoma as súas actividades coa conferencia 'Democracia e consenso', que estará impartida por D. José Antonio Souto Paz, Catedrático da Facultade de Dereito da UNED e alcalde da primeira corporación democrática de Santiago. Nesta ocasión, a súa intervención estará presentada por D. Xerardo Estévez, arquitecto e alcalde de Santiago nos períodos 1983-1986 e 1987-1998.

Souto Paz licenciouse en Dereito pola Universidade de Santiago de Compostela e posteriormente ampliou os seus estudos na Universidade Complutense de Madrid, na Universidade «Santo Tomas de Aquino» de Roma e na Universidade de Navarra, onde obtivo o título de Doutor en Dereito. Foi Decano da Facultade de Dereito da USC entre 1975 e 1979, alcalde de Santiago entre 1979 e 1982 e Deputado no Congreso pola provincia da Coruña entre 1989 e 1993. É especialista en Liberdades Públicas, Biodereito e Derecho Matrimonial e exerceu como profesor na Facultade de Dereito da Universidade de Navarra, na de Santiago de Compostela, na Universidade Nacional de Educación a Distancia e na Universidade Complutense de Madrid. Imparte docencia no Máster de Xerencia Pública (Instituto Nacional de Administración Pública); no Máster de Estudos Bursátiles (Instituto de Estudos Bursátiles) e no Máster de Dereitos Humanos (Instituto de Dereitos Humanos).

O Ateneo de Santiago programa para esta tarde a conferencia 'Unha estratexia verde para Santiago', que estará impartida por D. Albert Cuchí, Profesor da Universidade Politécnica de Cataluña, e presentada por D. Jorge Duarte, Decano do Colexio Oficial de Arquitectos de Galicia.

Albert Cuchí é Doutor Arquitecto pola Escola Técnica Superior de Arquitectura de Barcelona (ETSAB) da Universidade Politécnica de Cataluña (UPC). Actualmente é Profesor Titular do Departamento de Construcións Arquitectónicas da Escola Técnica Superior de Arquitectura do Vallés (ETSAV) da UPC, onde imparte as asignaturas de «Construción en Terra», «Arquitectura e Medio Ambiente» e «Construir con Fábrica». É responsable do curso de doutorado “Impacto ambiental da Construción”, Director do curso “Dinámica material” no Máster “Medio Ambiente Urbano e Sostemento» e colaborador de diferentes másters na UPC e na Universidade de Girona. Realizou múltiples traballos de investigación e investigación aplicada como, por exemplo, a elaboración dunha metodoloxía para a comparación de elementos de construcción en función do seu impacto ambiental (investigación aplicada no Proxecto Hiades do Institut Cerdà), a elaboración do informe MIES sobre impacto ambiental da Escola de Arquitectura do Vallés, a colaboración no ERF (Estudi Ramón Folch) no desenvolvemento da ambientalización das edificacións de “La ciudad de los deseos” do Forum Universal das culturas-BCN 2004 ou a colaboración co ITeC (Instituto de Tecnoloxía de Cataluña) como coordinador científico do seu equipo de traballo no proxecto financiado pola Unión Europea ‘HQE2R.

O Ateneo de Santiago programa para esta tarde a conferencia 'Tecnoloxías do século XXI: a Nanotecnoloxía', que estará impartida por D. José Rivas, Catedrático da USC e Director Xeral do INL-International Iberian Nanotechnology Laboratory.

Nos actuais tempos de crise, a Nanotecnoloxía aparece como unha das alternativas prometedoras para impulsar un modelo de desenvolvemento sostible, baseado na innovación e a creación de solucións de alto valor engadido. O potencial científico que existe ao nivel do nanómetro é enorme e practicamente todas as industrias e países que queren estar na vangarda en materia científica, tecnolóxica e de innovación están desenvolvendo plans de investigación nesta emerxente área do coñecemento. Baixo o termo Nanotecnoloxía agrúpanse diferentes actividades científicas e tecnolóxicas levadas a cabo a escala atómica e molecular. Tamén se inclúen investigacións multidisciplinares co obxectivo de entender os principios e as propiedades que xorden a dita escala. Por propia definición, a Nanociencia é unha ciencia de carácter multidisciplinar na que enxeñeiros, físicos, químicos, biólogos e profesionais da saúde se coordinan para entender e aproveitar as posibilidades asociadas á investigación a escala nanométrica. A multisciplinariedade da Nanotecnoloxía tamén é plausible na diversidade e o potencial dos novos sistemas de transporte e información, administración de fármacos, preservación dos alimentos, diagnóstico de enfermidades ou no almacenamento de enerxía que xorden arredor desta emerxente disciplina.

José Rivas, Catedrático de Física da Universidade de Santiago e Director Xeral do Laboratorio Ibérico Internacional de Nanotecnoloxía con sede en Braga, realizou os seus estudos de Ciencias Físicas na Universidade de Valladolid. Desde os anos setenta, dedícase intensamente á investigación e desenvolvemento de materiais magnéticos e nanotecnoloxía. Na súa etapa doutoral en Valladolid e posdoutoral no Max-Planck-Institut (Stuttgart, Alemaña), os seus traballos centráronse no estudo de materiais magnéticos de interese para a enxeñería electrónica. Aproveitando as súas estancias nas Universidades de Valladolid, Burgos e Murcia, creou grupos de investigación en magnetismo con excelentes colaboradores que hoxe en día continúan desenvolvendo o seu labor científico neste campo. En 1982 obtivo unha Cátedra de Física na USC, onde foi Decano e Director de Departamento. Actualmente, como profesor da Facultade de Física da USC, desenvolve a súa actividade investigadora no campo da Nanotecnoloxía e Magnetismo. Como resultado da súa colaboración co Profesor M. A. López Quintela da USC, creouse no Instituto Tecnolóxico un laboratorio especializado na preparación de nano-materiais. Este laboratorio xerou unha empresa, NANOGAP, que foi premiada polo Ministerio de Industria Español por estar entre as mellores empresas innovadoras de alta tecnoloxía do país. José Rivas ten dirixido máis de vinte teses doutorais, é autor de varios capítulos de libros, sete patentes e ten publicados máis de trescentos cincuenta artigos científicos en revistas especializadas. Recibiu premios e distincións e continúa promovendo conferencias e escolas interdisciplinares de prestixio internacional. Tamén é membro de diversos comités nacionais e internacionais e, como Director do INL, colabora activamente no desenvolvemento científico e tecnolóxico de España e Portugal e, en particular, no avance da Eurorrexión Galicia-Norte de Portugal, onde o INL se atopa ubicado.

Esta tarde o Ateneo de Santiago organiza unha nova conferencia dentro do seu ciclo semanal 'Os luns do Ateneo'. Nesta ocasión poderemos escoitar a conferencia titulada 'Dona Emilia en Compostela', que estará impartida por D. José Manuel González Herrán, Catedrático de Literatura Española da USC, e presentada por D. Euloxio R. Ruibal, escritor.

Dirixida por Eduardo Alonso, a compañía Teatro do Noroeste presenta 'Linda and Freddy, ilusionistas', unha comedia post-crise, que aposta por unha saída con imaxinación. Protagonizada por Luma Gómez, Eduardo Alonso, Lino Braxe e Alejandro Carro.

'Linda and Freddy, ilusionistas' é un espectáculo comprometido coa realidade máis actual e complexa: A crise que domina Europa. Pero esta realidade transfórmase rapidamente. Agora parece que o caos está máis próximo, que estamos máis preto do abismo. Con respecto a esa situación, digamos, externa, Linda and Freddy, ilusionistas sitúase despois do caos, ao outro lado do que vai acontecer. Xa non somos Europa, somos o caos e a revolta constante. A iso levou a política dos líderes europeos, a transformar Europa nun campo de batalla onde os saqueos, as manifestacións desorganizadas, os incendios provocados, os asaltos están á orde do día. As persoas de ben non queren saír das súas casas, e quen se aventura a facelo arríscase a non volver, a ser asaltado ou a perecer nas constantes revoltas nas rúas.

'Linda and Freddy, ilusionistas' presenta un panorama externo desolador post-crise. E encerrados na súa casa, tratando de estar a cuberto do que sucede nas rúas, están os personaxes desta obra, Linda e Freddy, nunha casa na que lles cortaron todo, a luz, o teléfono, mesmo case o aire para respirar, escondidos, sen atreverse a saír máis que para realizar a pequena compra diaria das súas provisións.

A compañía Voadora, unha das compañías galegas que conta con maior proxección exterior, presenta durante dúas xornadas o seu último espectáculo, 'Tokio 3', un musical dirixido por Marta Pazos con pinceladas humorísticas e poéticas que pecha a triloxía teatral 'Lugares comúns'.

Con Jose Díaz, Borja Fernández e Uxía P. Vaello.

TOKIO3 é un relato épico e intimista sobre o que esperamos da vida. Sobre o que soñamos. Sobre o paraíso. E sobre como encaixa todo isto nunha sociedade onde o inmediato, o constante e o material deixa pouco espazo ao espiritual/emocional. Trátase dunha fábula sobre o paraíso natural que anhelamos e sobre o mundo artificial que nos espera. Un exercicio no que se debuxan as razóns do amor e se perfilan os motivos da esperanza.

TOKIO3 é a conclusión da triloxía Lugares Comúns. Este proxecto refírese aos espazos, reais e imaxinarios, que compartimos e como estes puntos de encontro inflúen na busca de identidade do individuo contemporáneo. A triloxía explora tres eixes temáticos diferentes (o fracaso, a memoria e o paraíso), relacionándoo coa perspectiva temporal (presente-pasado-futuro), e compartindo un mesmo proceso de creación baseado no diálogo intercultural entre un grupo de actores e un equipo artístico cunha mesma liña conceptual e estética.

O Salón Teatro da Consellería de Cultura, Educación e Ordenación Universitaria está a desenvolver este mes unha carteleira dedicada en exclusiva á produción teatral galega, no marco da cal Cándido Pazó presenta esta semana a súa particular adaptación do Decamerón de Giovanni Boccaccio. O espazo escénico do Centro Dramático Galego (CDG) ofrece un total de cinco funcións deste monólogo, das que catro son para público xeral (de xoves a sábado, ás 20.30 h, e o domingo, ás 18.00 h) e unha para escolares (xoves, ás 12.00 h).

Trátase dun espectáculo unipersoal no que, baixo o subtítulo Historias para tempos ruíns, Cándido Pazó adapta algúns dos contos máis divertidos e mordaces deste clásico italiano do século XIV, buscando tirar o máximo proveito das metáforas que poden establecerse respecto da actual situación social e económica. Esta nova creación escénica de Pazó –na que el mesmo se encarga da adaptación, dirección e interpretación como cómico-narrador– está producida por Abrapalabra Creacións Escénicas.

Seguindo a fórmula híbrida que xa empregara en Memorias das memorias dun neno labrego, a combinación de teatro e narración oral da man dun dos máis destacados narradores da escena galega ten como resultado un espectáculo cómico de gran carga irónica e ritmo moi dinámico, na procura dunha continua conexión entre actor e espectadores.

Neste caso, o punto de partida é o libro de contos de Boccaccio, considerado un dos fitos narrativos da literatura europea. A obra, prohibida pola Inquisición, racha co tenebrismo medieval a través do humor, o erotismo e a celebración da vida que se desprenden de cada un dos contos cos que os mozos protagonistas se entreteñen mentres se refuxian da peste bubónica que nese tempo asola Europa. Cándido Pazó propón aquí un refuxio teatral e a risa como catarse fronte ao noso andazo contemporáneo, que define como “a peste económica”.

A escenografía e o vestiario deseñados por Carlos Alonso inciden na potencia metafórica e estética da montaxe, que se reforza así mesmo coas atmosferas –cómicas ou poéticas, segundo a ocasión– creadas pola iluminación que asina Afonso Castro, quen exerce ademais de axudante de dirección e de xefe técnico. Tamén contribúe de xeito definitivo á ambientación a música especialmente composta para este Decamerón por Manuel Riveiro, gravada por el mesmo nas guitarras, percusión, piano e programación, xunto a Harry C na viola, violín e mandolina.

A compañía Teatro del Temple presenta esta tarde no Teatro Principal 'Luces de Bohemia', a obra escrita por Valle-Inclán en 1920.

Dirección: Carlos Martín
Reparto: Ricardo Joven, Pedro Rebollo,  Rosa Lasierra, Gema Cruz, Félix Martín, Francisco Fraguas, Javier Aranda, Gabriel Latorre.
Coordinación: Alfonso Plou
Produción: María López Insausti
Escenografía: Tomás Ruata
Vestiario: Beatriz Fdez. Barahona
Iluminación: Bucho Cariñena
Caracterización: Virginia Maza
Fotografía: Galagarfoto
Música orixinal: Miguel Ángel Remiro

Alfonso Vallejo crea en 'Gaivotas subterráneas' unha inquietante atmósfera ao redor da relación de dous vellos amigos, das feridas do pasado, e dos conflictos vitais, que nos permitirá disfrutar dun duro combate estre dous dos nosos mellores actores: Luis Iglesia e Xabier Deive.

SINOPSE
Nino Carpio traballa nunha empresa de seguros; busca a Mario –músico e amigo da infancia- ao que convence para que lle axude a conseguir unha importante suma de diñeiro do seu seguro de vida.
Nino atopou a un home coas súas características físicas ao que, unha vez morto, desenterran e visten con roupas e obxectos do propio Nino. Provocan un accidente no seu coche, co morto dentro, para facer crer que o morto é Nino Carpio. A súa muller Lena poderá cobrar así os cartos do seguro, dos que Nino gozará con outra identidade.

A compañía Talía Teatro estrea a súa nova montaxe, 'O Método Grönholm', unha peza de Jordi Galcerán dirixida por Xúlio Lago.

Dirección: Xúlio Lago
Reparto: Toño Casais, Artur Trillo, María Ordóñez, Dani Trillo

SINOPSE
Catro aspirantes a ocupar un cargo executivo nunha multinacional serán sometidos ao Método Grönholm, unha experiencia distinta e pouco convencional.

A compañía de teatro Talía leva ao escenario do Salón Teatro 'Pelos na lingua', unha comedia escrita e dirixida por Avelino González, con María Ordóñez, Toño Casais e Artur Trillo.

Dirección: Avelino González
Elenco: María Ordóñez, Toño Casais e Artur Trillo
Xénero: Comedia
Idioma: Galego
Duración: 55 minutos
Público: Xuvenil/ Adulto

SINOPSE
Despois do éxito de Bicos con lingua e ante a situación conflitiva do idioma nestes momentos, decidimos afrontar de novo un espectáculo que invite á reflexión pero sen esquecer o humor e a ironía.
Un espectáculo áxil, dinámico e fresco para maiores de 13 anos.

A compañía Sudhum Teatro presenta a produción 'Luminosa Nostalgia', unha homenaxe ás persoas que se cruzaron algunha vez no noso camiño e que nunca volveremos ver.

Verdadeiramente vivimos tempos convulsos, e o cambio é necesario. LUMINOSA NOSTALGIA é unha viaxe a ese cambio. Unha viaxe a Galicia, ao pasado, dende onde coller impulso de cara ao futuro e usar un camiño para recuperar a esencia das cousas, dos dous lugares vividos e o sabor dos momentos mais doce. E o poder crecer entre eles.

REPARTO: Nicolás Gaude, Rebeca Vecino, Denis Gómez, Sara Bautista
DESEÑO ILUMINACIÓN: Daniel Ruíz
VIDEOESCENA: Andrés del Caño
MÚSICA ORIXINAL: Nico Casal
ESCENOGRAFÍA: Manuel Enríquez
SON: Andrea Paralta
AXUDANTE DIRECCIÓN: Pedro Martín
COORDINACIÓN: Shara García e Fernando Cayazzo

SINOPSE
Ana, Pablo e Daniel deciden poñer fin ás súas vidas. O suicidio é o punto de partida para cambiar. Xuntos emprenden unha viaxe cara á fin do mundo enfrontándose ao medo a esquecer o que fomos, a entender o que somos e a anhelar o que non chegaremos ser, a guerra e o futuro.

Roberto Cordovani revive a Greta Garbo a través de cinco acontecementos da súa vida partindo da rodaxe en 1933 de “Reina Cristina” e finalizando nos meses anteriores a súa morte no ano 1990.

'Divina Garbo'

Dirección: Roberto Cordovani e Bruno Portela
Fotos: Miguel Mattos (Brasil) e Mary Quintero (Vigo)
Vídeos: Bruno Portela
Produción executiva: Vitoria Angela
Banda sonora: Bruno Portela e Roberto Cordovani
Duración: 1 hora e 15 minutos

'Divina Garbo' revela as complexas e íntimas conexións que se ocultaban sobre a personaxe pública de Greta Garbo, o maior mito do cinema. Correspondencias privadas, arquivos do FBI gardados durante moito tempo e unha serie de documentos nunca desvendados antes, son revelados neste espectáculo nunha sucesión de aventuras que desvelan a estrutura de poder da industria cinematográfica. Greta Garbo foi unha das dez estrelas de Hollywood sospeitosas de pertenecer ao Partido Comunista.
A peza define á misteriosa estrela (a súa obsesión pola intimidade), as estranas regras que estableceu para aqueles aos que permitiu ollar dentro do seu templo de soidade e inclusive o fin prematuro da súa carreira cinematográfica. A obra percorre os bastidores (política e sexualidade) do clásico “Reina Cristina”.

Un sábado máis, a Biblioteca pública Ánxel Casal organiza unha sesión de contacontos para os máis pequenos da casa. Nesta ocasión, a actividade estará a cargo de Iago López e está dirixida a nenos e nenas de 3 a 12 anos.

Entrada libre ata completar aforamento.

SINOPSE
Sabela é unha princesa que non quere ser princesa, non quere vestidos elegantes, nin que a peiteen, nin que a vistan de cousa.

O Salón Teatro acolle esta fin de semana a estrea de 'O refugallo', espectáculo teatral para público familiar que as compañías galegas Berrobambán e Bichakadela coproducen a partir do texto homónimo de Paula Carballeira. A obra foi galardoada en 2011 co Premio Manuel María de literatura dramática infantil que Cultura e Educación convoca a través da Agadic (Axencia Galega das Industrias Culturais).

Paula Carballeira, Nuria Sanz, José Campanari e David Loira dan vida a catro amigos que viven no refugallo: Isolda co seu libro de viaxes, Hipatia cun telescopio, Borobonte e a súa tartaruga, e Lustucrú cunha pata de pau. Xuntos xogan a construír un novo mundo a partir de todo o vello e roto que os rodea porque, como nenos que son, saben ver as cousas doutra maneira fronte a unha sociedade na que se impón o frenético consumo de usar e tirar.

Tal e como sinalara no seu día o xurado do Premio Manuel María, O refugallo conxuga a diversión coa presenza de valores útiles para a reflexión crítica sobre a cultura do consumismo, ao tempo que mantén un ritmo moi dinámico que a fan recomendable para os espectadores infantís e xuvenís. Para a súa posta en escena e co obxectivo de continuar afondando no achegamento das novas linguaxes escénicas ao público familiar, Berrobambán –cunha longa traxectoria en teatro infantil de actores e actrices– asociouse con Bichakadela, unha compañía de recente creación da que forman parte recoñecidos nomes do ámbito contemporáneo.

Con esta coprodución, ambas formacións buscan reafirmar a súa aposta pola innovación e polo mantemento da calidade nas montaxes dirixidas aos espectadores máis novos. Baixo estas premisas, a proposta reúne máis de 15 destacados profesionais da escena galega, entre os que tamén se atopan Pablo Pastor no deseño da escenografía, Baltasar Patiño no da iluminación, Cloti Vaello na realización do vestiario ou Pablo Giráldez na dos instrumentos. Ademais de formar parte do elenco, David Loira asina a coreografía e exerce de axudante de dirección.

Esta tarde, o Centro Sociocultural das Fontiñas acolle o espectáculo 'O señor das dunas', un contacontos dirixido a todos os públicos, dende os nenos e as súas familias ata os máis vellos da casa.

Baseado na literatura oral galega, o contacontos 'O señor das dunas' complétase coa ilustración en directo do relato feita con area. Os asistentes recibirán como agasallo un libriño cos contos que escoitaron. Complementariamente, na web do programa estarán ao dispor dos usuarios os Contos ao redor do microondas en versión dixital, unha iniciativa encamiñada a mellorar as técnicas de expresión oral.

'O señor das dunas'

Hai moitos anos, durante unha viaxe intercontinental, un barco naufragou á altura da Costa da Morte. As correntes mariñas arrastraron a un vello bibliotecario, amante da literatura e das historias ben contadas, ata a praia de Corrubedo. Alí comezou a contar contos tradicionais, que acompañaba e enriquecía con debuxos feitos con area…

E de Corrubedo ás vilas de Galicia. O señor das dunas visítanos contando cinco contos populares galegos, xunto cun alumno aventaxado que ilustra sobre a area a historia que nos narra a medida que se vai relatando. O espectáculo dura en torno aos 50 minutos.

Un sábado máis, a Biblioteca pública Ánxel Casal organiza unha sesión de contacontos para os máis pequenos da casa. Nesta ocasión, a actividade estará a cargo de Fátima Fernández e está dirixida a nenos e nenas de 5 a 12 anos.

Entrada libre ata completar aforamento.

SINOPSE
Historia dun neno que ve o mundo con outra perspectiva.

Os voluntarios de Médicos Sen Fronteiras levan á Biblioteca Novacaixagalicia un conto sobre enfermidades esquecidas baseado no libro '¿Qué me pasa, Ntumba?, cuentos sobre enfermedades olvidadas' escrito por Feli Ibáñez. Nel nárranse seis historias con finais positivos protagonizadas por nenos de distintas culturas que nos falan de enfermidades que afectan a moitas persoas noutros países e que descoñecemos no primeiro mundo.

No contacontos presentaráse unha desas seis historias: a dedicada ao mal de Chagas, unha enfermidade parasitaria tropical.

Para nenos e nenas de 4 a 10 anos.

O CGAC organiza, en colaboración co Colexio de Arquitectos de Galicia e a Asociación de Pais de Persoas con Trastorno de Espectro Autista da provincia da Coruña, un obradoiro experimental de arquitectura en torno á exposición do artista Fernando Casás.

A partir do Sistema Lupo do aquitecto Fermín Blanco- baseado en pezas modulares para a construción de maquetas- os nenos e nenas con trastorno de espectro autista, poderán traballar en relación á obra de Fernando Casás vinculada ao universo, creando formas xeométricas e fantásticas.

A compañía Caramuxo regresa con este celebrado espectáculo para bebés e pequenos dende 6 meses de idade ata 3 anos que trata da relación entre un barquiño de papel e un peixe xoguetón.

Estreado no 2005, 'Glub, Glub' é a primeira montaxe galega especificamente dirixida a cativos de seis meses a tres anos. Introduce aos máis novos nunha aventura fantástica e sorprendente cunha historia chea de estímulos e unha linguaxe sinxela, case xestual.

SINOPSE
'Glub,Glub' (25 min) O mozo mariñeiro quere contar a historia do seu pequeno barco, mais non atopa ao seu compañeiro por ningún sitio. Onde andará agochado? Nesta caixa? Ou quizais dentro do cesto? Por aí ven... Aí está! O barco de papel! 'Glub, Glub' conta a historia da amizada entre un barquiño de papel afundido no fondo do mar e un peixe moi divertido.

A Federación de Asociacións de Persoas Xordas de Galicia interpretarán unha serie de contos en lingua de signos española para os que non poden oír e en voz alta para os demáis. Para nenos de 6 a 12 anos.

Un sábado máis, a Biblioteca pública Ánxel Casal organiza unha sesión de contacontos para os máis pequenos da casa. Nesta ocasión, a actividade estará a cargo de Marta Failde e está dirixida a nenos e nenas de 3 a 12 anos.

SINOPSE
O movemento da cidade paralízase. As xentes ollan para o ceo e comentan. É incrible! Que marabilla! Semella imposible! Sombreiros, sombreiriños, gorras, gorriñas, chisteras, chapeus, sombreirazos de cowboy, sombreiros de palla, de coiro, con fita, sen fita...

Entrada libre ata completar a capacidade da sala.

A orixe do Teatro de Sombras remóntase ós tempos do home prehistórico, cando este facía sombras coas súas mans e o seu corpo fronte ó lume das covas. A fascinación polo movemento e o xogo das sombras, evolucionou ata converterse no Teatro de Sombras cobrando importancia na Cultura Chinesa e expandíndose cara Europa. A sombra representa en case todas as culturas a alma como ente separable do corpo e capaz de sobrevivilo. Representa a forza oculta ou espiritual das cousas, a súa aura. A sombra equivale á maxia, ós soños, ó subconsciente, ó espírito. As súas formas inestables e sempre cambiantes son unha invitación ó xogo imaxinativo e creativo, unha constante estimulación da fantasía.

O neno  construtor, o neno actor, o neno  espectador.
O neno ou nena se enfronta co Teatro de Sombras dende tres puntos de vista distintos: o de construtor, o de espectador, e o de actor ou actriz. Nesta actividade non se trata de converter, nin forzar ao neno a representar unha personaxe ou ser o artista; senón a que o neno se exprese mediante unha  gran variedade de linguaxes. O Teatro de Sombras posibilita a expresión total do neno mediante a  linguaxe de luces e sombras, de movemento, expresión corporal, voz, música etc.
É por iso unha ferramenta magnífica para o traballo con cativos, xa que o espectáculo das sombras creadas por eles mesmos,  ao converterse en  axentes do movemento e espectadores de seu propio traballo, os envolve nunha experiencia de acción creativa  que abarca todas as manifestacións do neno: a física, a verbal, a xestual, a plástica, a creativa, a psicomotriz, converténdose  nunha experiencia integradora en todos os aspectos.

Actividades do laboratorio de Sombras.
O obradoiro abarcará diferentes actividades:
1.    Introdución e plantexamento do obradoiro: Contaráselle aos nenos en que consiste o laboratorio de sombras.
2.    Obradoiro de sombras corporais e Obradoiro de monicreques de sombras: Experimentaremos coas sombras dende distintos aspectos que engloban o desenvolvemento psicomotriz dos nenos, a súa habilidade manual e expresiva. Abarcaremos dous aspectos:
•    A sombra do noso corpo
•    Creación de monicreques de sombras
1.    Aprenderemos a construír un teatro de sombras á nosa medida e así poder seguir experimentando na nosa casa.
2.    Ó rematar a experiencia os nenos reagruparán o material e poderán levar a casa os monicreques elaborados durante o obradoiro.

ONDE?  Na galería de arte A.dFuga (rúa Preguntoiro 28, Santiago de Compostela)
CANDO? Sábado 2 de febreiro, de 11.30 a 13.30 h
PARA QUEN? Nenos e nenas de 4 a 12 anos, sós ou acompañados dun adulto
PREZO: 14 euros/neno (materiais incluídos)

INSCRICIÓN En paulacabaleiro@apuntodfuga.com ou 667823112  

A compañía A xanela do Maxín ofrece este fin de semana dúas representacións da peza 'A caixa de Nuk', unha historia para público familiar repleta de maxia, tenrura e amor, que nos transportará ao mundo dos trasnos e a natureza.

SINOPSE
Un trasno chamado Nuk é enganado por unha malvada serpe que se quere facer coa caixa que pode cambiar o futuro dos trasnos e de toda a humanidade. O protagonista, cego de amor, sucumbe aos enganos da serpe e veremos como non sempre son os que esperamos os que poden dar un xiro ás historias máis incribles.

'Violeta en Compostela' é un conto musical que ten como obxectivo divulgar os instrumentos de corda e as súas posibilidades a través, especialmente, da viola. As intérpretes son nenas de 10-11 anos, alumnas do Conservatorio de Música Profesional de Santiago. A maioría tocan a viola e acompáñanas unha violonchelista e unha percusionista. É un traballo formulado e desenvolto desde a clase colectiva de viola, guiado polos profesores Itsaso Bermejo (profesora de viola) e Lorenzo de los Santos (pianista, que os acompaña tamén durante o conto).

O formato do conto estrutúrase arredor dunha historia, narrada por Itsaso, e ilustrada coas intervencións musicais das alumnas. As escenas enriquécense con coreografías, movemento escénico  e elementos de caracterización dos diferentes personaxes e situacións narrados.

As alumnas implicadas xa teñen participado noutros contos musicais, representados en diferentes espazos da cidade (CGAC, Biblioteca Ánxel Casal, Conservatorio de Santiago, colexios de Santiago e da comarca). O resultado final foi realmente bo e a acollida entre o público infantil foi moi entusiasta.

A finalidade deste proxecto é dar a coñecer a viola, cun formato atractivo e dinámico, e propiciar o  achegamento dos nenos á música clásica dun xeito divertido.

A compañía Caramuxo Teatro ofrece hoxe a representación de 'Zapatos', un espectáculo de títeres para nenos de 1 a 4 anos e público familiar.

Dramaturxia e dirección: Juan Rodríguez
Actriz: Laura Sarasola
Espazo escénico, atrezzo e títeres: Caramuxo Teatro
Fotografía: Corsino

SINOPSE

¿Que pasa con todos eses zapatos que xa ninguén usa? Todos os días chegan a un recuncho dun agochado xardín fantásticas historias, as vivencias que traen consigo unha morea de zapatos de tódolos tamaños e cores. Unha rapaza é a encargada de coidalos, de darlles a benvida ao lugar onde vivirán para sempre, un lugar onde poder compartir emocións con esa bela bailarina, con Pequecho e os seus irmáns, cos namorados, co Sol e a Nube, con centos de compañeiros que teñen moito que contarnos. "Zapatos" narra todas esas historias que levan dentro os zapatos que xa non teñen dono.

A sala infantil da Biblioteca pública Ánxel Casal acolle esta tarde unha sesión de contacontos dentro do ciclo 'Os xoves cóntame un conto', un espazo no que, de xeito voluntario e desinteresado, os propios usuarios da biblioteca e participantes do programa de voluntariado da Xunta na Rede de Bibliotecas (Bibliovol) lerán contos aos nenos e nenas.

O Salón de Actos da Biblioteca pública Ánxel Casal acolle esta mañá unha nova sesión de contacontos. Nesta ocasión, a actividade estará a cargo de Beatriz Iglesias para nenos e nenas de 3 a 12 anos.

SINOPSE
Son as historias que un pequeno trasno conta e que son froito dos seus soños. Nestas historias aparecen diferentes personaxes: unha lúa ladroa, unha nena que dá bicos á lúa, etc.

Entrada libre ata completar a capacidade da sala.

A compañía Títeres Cachirulo ofrece este fin de semana dúas representacións da peza 'Cousas de Castelao', un espectáculo de sombras para público familiar e nenos a partir de 6 anos.

SINOPSE
Antonio busca motivos para non acudir á escola, e acaba sendo testemuña de diferentes situacións sociais que se producen na vila. Un cartel que anuncia a viaxe en barco cara a Bos Aires suxírelle a idea de emigrar, imitando a actitude dos maiores. Emprende o camiño xunto a Manuel. Tras diferentes historias e situacións, os protagonistas plantan cara ao presente e, a través da súa pureza, imaxinación e inocencia, sairán triunfadores.

A compañía Caramuxo Teatro pon en escena 'Ñam!', un espectáculo envolvente creado a partir do mundo da cociña para ver, escoitar, ulir, sentir e saborear en familia.

Dramaturxia e dirección: Laura Sarasola e Juan Rodríguez
Actores: Juan Rodríguez e Laura Sarasola
Luz e son: Suso Jalda
Escenografía e atrezzo: Caramuxo Teatro, Suso Jalda, David Carrillo e Gonzalo Lorenzo
Vestiario: Caramuxo Teatro e Soledad Gómez
Asesoramento culinario: Constante Gastrobar
Fotografía: Corsino
Cartel e programas: Ideño
Duración: 30 min.

SINOPSE
Comer é un pracer, mais antes hai que cociñar e escoller os mellores produtos: Porque as mazás poden ser verdes ou vermellas, as galletas grandes ou pequenas, os tomates da casa ou chegar do outro lado do mundo. ¡A min encántame o doce! ¡Pois eu prefiro o salgado! Ñam é un espectáculo envolvente creado a partir do mundo da cociña para ver, escoitar, ulir, sentir e saborear en familia. Polas características do espectáculo, público e actores comparten o mesmo escenario.

A galería de arte Espazo en Branco expón durante as festas de Entroido os traballos participantes no I concurso de debuxo infantil 'Espazo en Branco'. A tarde do martes de Entroido celebra unha festa na que se entregarán os premios aos debuxos premiados.

Cartóns, pintura, lá e outros elementos ornamentais, nenos de a partir de 6 anos e adultos aprenderán a construír un dos símbolos do Entroido galego: as máscaras de peliqueiros e cigarróns, protagonistas nestas datas no chamado “triángulo máxico ourensán”: Limia, Verín e Laza.

Da man do artista multidisciplinar Manuel Silva, os participantes neste primeiro obradoiro do 2013 fabricarán primeiro as estruturas ríxidas e despois a decoración na que, tendo en conta a tradición dos motivos animais, cada asistente porá unha pinga da súa creatividade para que se atope cómodo como un aténtico cigarrón ou peliqueiro. Unha forma divertida e creativa de celebrar o Entroido convertíndote no propio protagonista.

Prazas: 25
Duración: 2 horas e media.
A partir de 6 anos

Esta tarde, a sala infantil da Biblioteca pública Ánxel Casal acolle unha sesión de contacontos dentro do ciclo 'Os xoves cóntame un conto', un espazo no que, de xeito voluntario e desinteresado, os propios usuarios da biblioteca e participantes do programa de voluntariado da Xunta na Rede de Bibliotecas (Bibliovol) lerán contos aos nenos e nenas.

A artista María Ortega Estepa imparte un obradoiro de tradición oral para nenos de 5 a 10 anos acompañados por un dos seus avós.

O obradoiro consiste en fomentar a tradición verbal dos nosos maiores, e que os nenos e nenas saiban valorar o tesouro que teñen nas súas familias a través dos relatos dos seus avós e avoas.

Os avós contan, os nenos pintan as súas historias.

A actividade pretende achegar aos nenos e nenas á arte contemporánea, ao que hoxe en día se poden encontrar en salas de exposicións, e así reducir a distancia entre os nen@s e as obras de arte en salas ou museos -mediante o achegamento directo co artista- posibilitando un ambiente aberto de diálogo e expresión.

Para: Nenos e nenas de 5 a 10 anos acompañados dun avó ou avoa.

Prezo: 20 € (Avó/a e neno/a)

O Salón de Actos da Biblioteca pública Ánxel Casal acolle esta mañá unha nova sesión de contacontos. Nesta ocasión, a actividade estará a cargo de Cucarandainas e vai dirixida a nenos e nenas de 5 a 12 anos.

Entrada libre ata completar a capacidade da sala.

'Un ratiño de campo' fala sobre a diferencia de vivir no campo ou na vila.

'Brinca Gaiás' trata de achegarlles aos máis pequenos da casa a paixón pola música, a ópera, o teatro ou a danza a través do xogo e a diversión. Os nenos volverán ser os protagonistas a través dun ciclo co que a Cidade da Cultura tratará de inculcar o gusto polas artes escénicas desde idades temperás.

Humor, ritmo, sorpresas e, por riba de todo, divertimento nuns coidados espectáculos no que grandes e pequenos compartirán protagonismo.

'Il cirque d'amore'

Público infantil (+4 años)
Duración: 45 min.

Dirección musical: Victoria Álvarez Acón
Dirección escénica: Pepablo Patiño
Escenografía e vestiario: Spela Trobec
Piano: José Manuel Yáñez
Barítono: Miguel Abalo
Soprano: Victoria Álvarez Acón

Selección musical repertorio:
Fragmentos de La Bohème (Puccini)
Il barbiere di Siviglia (Rossini)
Don Giovanni (Mozart)
L’elisir d’amore (Donizetti)
Le nozze di Figaro (Mozart)
La serva padrona (Pergolesi)
Die Zauberflöte (Mozart)

Unha obra de teatro e un recital de ópera ao mesmo tempo. A través dunha divertida historia chea de brincadeiras para nenos e adultos, dous cantantes e un pianista repasan un repertorio operístico ben popular.

SINOPSE
Micaela é a muller barbuda do Cirque d´Amore; nel limpa a pista, dá de comer aos elefantes, cociña para os artistas e baila para que o público ría dela... Con axuda de Pierrot marchará do circo e coñecerá a Figaro, un barbeiro tolo que dará a Micaela confianza nela mesma. Pero… conseguirá Micaela ser feliz?

Mediante a interpretación en directo de fragmentos de coñecidas óperas, damos forma a Il Cirque d´Amore, onde un pianista, un barítono, e unha soprano viaxarán co público por un fermoso repertorio musical acompañados dunha historia divertida e didáctica.

Ciclo de música de cámara protagonizado por novos intérpretes galegos ou residentes na comunidade. Concertos gratuítos.

Durante os vindeiros meses o Centro Galego de Arte Contemporánea contará con visitas guiadas por profesionais do ámbito cultural e artístico, unha actividade organizada pola Consellería de Cultura, Educación e Ordenación Universitaria.

Este programa de visitas plantéxase como unha conversa sobre as exposicións entre o público e profesionais de diferentes disciplinas culturais permitindo ao público asistente cada semana, compartir múltiples puntos de vista sobre as linguaxes artísticas contemporáneas e outras cuestións que susciten interese.

As visitas son os martes ás 19:00 horas e teñen unha duración de 60 minutos. Parten da recepción do museo e están abertas a todo o público interesado.

PROGRAMA DE VISITAS

'Fernando Casás: o agora xa foi o denantes será'

- 15 xaneiro: Alberto González-Alegre, crítico de arte e comisario independente
- 22 xaneiro: Xosé Manuel Buxán Bran, comisario independente e crítico de arte do Faro de Vigo
- 29 xaneiro: Seve Penelas, comisario de exposicións e crítico de arte
- 5 febreiro: Alberto Ruíz de Samaniego, profesor de estética da Universidade de Vigo

'Vibracións prohibidas'

- 19 febreiro: Xabier Valiño, xornalista e investigador musical
- 5 marzo: Héctor Fouce, profesor de Comunicación da Universidade Complutense de Madrid

A Asociación Cultural O Galo organiza esta mañá un roteiro pola lírica medieval galego-portuguesa en Santiago. Guiados pola profesora Isabel Morán e o profesor José António Souto, co-autores de 'O amor que eu levei de Santiago', faremos un apaixonante percorrido polo principal centro cultural e político da Idade Media, percorrendo os espazos das cantigas con Airas Fernándes, Airas Nunes, Bernal de Bonaval, Fernando Esquio, Joam Airas, Joam Vásquez, Pai Gómez, Pedro Amigo, Pero da Ponte, Pero García...

Actividade gratuíta e para todos os públicos.

Máis información na páxina http://www.acogalo.net/2013/01/08/roteiro-lirica-medieval/

Esta tarde, Manel Cráneo visitará Komic Librería para presentar e asinar exemplares dos seus novos cómics, Cousas de mortos y A Torre dos Mouros, así como da segunda edición de Os lobos de Moeche, todos eles editados por Demo Editorial.

Cousas de mortos é un álbum que recompila varias historias curtas ás que une un particular nexo común: todas están protagonizadas por esqueletos.

Segundo volume da colección HäinöS, Cousas de mortos recorre á fantasía, a filosofía, a ironía, o humor negro e a crítica social para conseguir que os mortos funcionen como caricatura dos vivos.

Acompañando a Cousas de mortos chega A Torre dos Mouros, unha historia curta na que Manel Cráneo interpreta como era a vida no xacemento altomedieval do mesmo nome, situado en Lira.

Durante o desenvolvemento de A Torre dos Mouros, Manel Cráneo contou co asesoramento de Antón Malde, arqueólogo e director da escavación, e de Manuel Gago, historiador e xornalista.

Pola súa banda, Os lobos de Moeche foi o primeiro cómic longo realizado en solitario por Manel Cráneo, unha historia de aventuras que transcorre a finais do século XV, mesturando personaxes históricos e ficticios sobre o trasfondo das Guerras Irmandiñas.

Máis info aquí

O Hostal dos Reis Católicos acolle esta tarde o acto de presentación do libro 'Santiago. La leyenda del santo oculto', publicado pola división editorial de Teófilo Comunicación. O acto contará coa participación do xuíz José Antonio Vázquez Taín, autor do libro, e de José Luis Teófilo Piñeiro, editor.

Preséntase en Compostela a Asociación Roberto Vidal Bolaño, que naceu a finais de 2012, co obxectivo de promover a figura e a obra do autor, dez anos despois da súa desaparición. O colectivo inicia así de xeito simbólico o seu traballo no ano de Roberto Vidal Bolaño e abre as súas portas a todas as persoas que desexen formar parte da asociación, e que agardamos sexamos moitos.

http://robertovidalbolano.org/
https://www.facebook.com/roberto.vidalbolano

Esta tarde a nova sede do Museo das Peregrinacións e de Santiago, na praza de Praterías, acolle a presentación do libro 'Vega y Verdugo, Peña de Toro y la introducción del barroco en Compostela', editado polo Consorcio de Santiago en colaboración con Teófilo Edicións. O acto inclúe unha breve conferencia a cargo do autor, Simón Vicente.

A publicación deste libro supón sacar á luz as últimas investigacións en materia de arte barroca en Compostela. O seu autor, o historiador Simón Vicente, estudou durante varios anos unha ampla documentación, depositada na súa meirande parte no arquivo da Catedral de Santiago, a partir da cal puido elaborar diversas teorías sobre como as figuras do cóengo Vega y Verdurgo e do arquitecto Peña de Toro lograron iniciar en Compostela un estilo artístico totalmente novo, acorde coas novas ideas barrocas da contrarreforma e que marcou toda a arte galega posterior, de maneira que hoxe Compostela non se pode entender sen o seu particular estilo barroco, presente en todos os ámbitos do seu urbanismo.

O libro é o resultado da tese doutoral de Simón Vicente, que aborda o pasado compostelán que coñeceu no barroco unha verdadeira idade de ouro. Un traballo, produto dun brillante exercicio académico, que é unha obra que se inscribe nas grandes aportacións que se fixeron á historia do barroco español. O autor reconstrúe o perfil profesional dos devanditos protagonistas e os seus proxectos innovadores que implantaron un novo credo artístico e contribuíron co paso do tempo á transformación estética da cidade e da súa Catedral.

Estamos diante dun traballo que fala das orixes do barroco en Santiago, e que resposta a un dos debates historiográficos máis interesantes no que atinxe non só a transformación e monumentalización do edificio catedralicio, senón tamén da cidade no seu conxunto.

Simón Vicente é autor tamén de Compostela. Una historia entretenida. Atlas histórico ilustrado de Santiago de Compostela, editado tamén polo Consorcio de Santiago.

O Alcalde e Presidente do Consorcio de Santiago e o Reitor da Universidade de Santiago presentan esta mañá no Salón Reitoral do Colexio de San Xerome o libro 'La iglesia de Santiago y el pontificado en la Edad Media', froito da investigación do doutor en Historia Medieval Xosé Sánchez. A publicación é un extenso estudo que investiga a relación que tiveron os bispos de Compostela e os Papas entre os séculos XII e XV, época crucial na configuración do feito xacobeo, na construción da catedral e na consolidación de Compostela como meta de peregrinación. Xosé Sánchez realizou unha extensa análise documental, traballando a fondo no Arquivo da Catedral de Santiago e no Arquivo Secreto Vaticano.

O libro engloba dende a economía e o poder político até os aspectos pastorais, todos eles en canto á relación entre a igrexa de Santiago e o Papado como mostra da comunicación e diálogo entre os dous centros. Trátase dunha investigación que avanza na historia medieval de Compostela e de Galicia. En ambos os casos toma o autor temas tradicionais pero sobre a base de novas fontes enormemente traballadas nos diversos arquivos e coleccións documentais.

Este traballo explota un enorme continxente de documentos inéditos que o autor localizou nos arquivos vaticanos e que ofrecen unha información até este momento non considerada, en ámbitos como a relación económica co Papado e Compostela durante o Cisma de Occidente (1378-1417). A indagación nestas fontes non só incorpora novos horizontes na historia de Compostela, senón nos procesos evolutivos da Galicia medieval no seu conxunto, moitos dos cales podemos seguir a través do estudo de Sánchez, como é o caso da conformación do señorío feudal compostelán no século XII.

Esta tarde, na nova sede do Museo das Peregrinacións e de Santiago, terá lugar a presentación do libro 'La ciudad de Santiago de Compostela en 1669. La peregrinación del Gran Príncipe de la Toscana Cosimo III de Medici', coeditado polo Consorcio de Santiago e Teófilo Edicións. A presentación incluirá unha breve conferencia a cargo do autor, Miguel Taín.

O Consorcio de Santiago presenta unha nova publicación do seu departamento de estudos históricos. Nesta ocasión trátase dun libro do profesor Miguel Taín que aborda a viaxe que fixo o Príncipe da Toscana Cosimo III, da poderosa familia dos Medici. O traballo, coeditado con Teófilo Edicións, é o resultado dun minucioso estudo e análise  da viaxe deste italiano, auténtico “homo viator”, que no século XVII percorreu diferentes países e cidades europeas, entre elas Compostela.

Xunto a el viaxaba toda unha verdadeira corte, que o acompañaba e asistía, entre eles artistas que debuxaban vistas e planos das cidades que visitaban. Un deles, Pier Maria Baldi, debuxou unha famosa vista de Santiago, dende o outeiro de Santa Susana, e que hoxe é considerado un valiosísimo documento gráfico do aspecto de Santiago en 1669. Nese ano, a cidade se atopaba nun proceso trascendental de cambio, nun tránsito de cidade amurallada medieval con casas de madeira e rodeada de ruinosas murallas, a unha urbe de pétreos e monumentais edificios e construcións barrocas.

O historiado de Arte Miguel Taín plasma nesta publicación o traballo de investigación levado a cabo en arquivos e bibliotecas italianas, aportando a base documental e crítica para comprender mellor a cristalización barroca en Compostela.

Ademais da crónica da viaxe do príncipe toscano, o libro inclúe a vista de Baldi, comparándoa con imaxes de edificios actuais, de maneira que se pode observar en que consistiron as transformacións urbanas. Tamén inclúe a transcrición orixinal do diario da viaxe que se conserva na Biblioteca Medicea Laurenziana de Florencia.

O Consorcio e a Universidade de Santiago colaboran unha vez máis na edición dun novo libro sobre a historia da cidade. Nesta ocasión trátase dun profundo estudo sobre a realidade social da Compostela do século XVI  a partir do Libro de Ordenanzas do seu concello. Estas ordenanzas reflicten todo tipo de elementos que configuran a realidade urbana da época: regulan a institución municipal, o abastecemento, os pesos e as medidas e as condicións nas que se debían realizar a comercialización dos distintos produtos. Nelas obsérvanse as medidas de hixiene, seguridade e orde públicas, o urbanismo, a xestión da beneficiencia ou as festividades, entre outros aspectos. Trátase ante todo dunha obra concibida como fonte documental, útil para futuras investigacións.

O libro é o resultado do estudo de Antonio Cepeda, profesor de Xeografía e Historia na educación secundaria e responsable da Área de Documentación do Museo Pedagóxico de Galicia.

O Concello de Santiago pon en marcha 'Vive o Entroido 2013', un programa con máis de 100 actividades en toda a rede de centros e locais socioculturais, que este ano, ademais, participarán activamente no desfile do martes de Entroido e na tradicional queima do Meco.

O programa comprende diversas accións lúdicas e de preparación para a celebración das costumes propias do Entroido nos barrios e parroquias de Compostela e pretende favorecer tamén o encontro veciñal e interxeracional.

Entre as propostas hai máis de 80 obradoiros e sesións lúdicas: maquillaxe, cociña e receitas de Entroido, elaboración de máscaras e de mecos, decoración dos centros, receitas por Internet, busca e memoria das costumes do Entroido na rede, festas de disfraces e bailes de máscaras.

Consulta o programa completo aquí

O Salón de Actos da Biblioteca pública Ánxel Casal acolle esta tarde un obradoiro de movemento expresivo para adultos impartido por Rosa Gaztelumendi.

A biblioteca cede o espazo para esta actividade que ten como obxectivo que o corpo esperte, se estire, vibre e se exprese. Con exercicios para as articulacións, respiracións, movementos expresivos, pautados e con imitación.

Os participantes deberán traer roupa cómoda e calcetíns gordos.

Actividade dirixida a adultos.

Requírese inscrición previa (máximo 20 persoas).

Prégase presentarse 10 minutos antes do inicio da actividade.

Durante dúas xornadas, a psicóloga e e sexóloga Mar Sanchez imparte na galería A.dfuga un obradoiro que pretende indagar no noso universo erótico e os seus complementos; como unha tarta ben aderezada, iranse engadindo ingredientes ata dar e crear as nosas formas mais variadas de indagación no pracer e no universo dos sentidos, tomando conciencia das posibilidades da nosa sensualidade e erótica así como a súa expansión.

Inscrición:  paulacabaleiro@apuntodfuga.com

Ao longo da xornada de hoxe, Álvaro Vargas imparte na galería A.dfuga o obradoiro 'Deseño de proxectos culturais', un curso que pretende ofrecer un modelo xenérico de aplicación á plasmación de calquera proxecto cultural.

Se nalgún momento tiveches unha idea para desenvolver algunha actividade no ámbito cultural, pero dubidas á hora de presentala a algunha institución pública ou empresa de xestión cultural, neste curso daranse as pautas para a elaboración dun documento que recolla todos os aspectos que lle poden interesar ao  interlocutor para que o proxecto, para que esa idea inicial se poña en marcha.

Os alumnos recibirán un certificado de asistencia e aproveitamiento do curso.

Inscrición aquí

Ao longo da xornada de hoxe, Álvaro Vargas imparte na galería A.dfuga o obradoiro 'Como introducirse no mercado da arte', un curso dirixido a artistas.

Os alumnos recibirán un certificado de asistencia e aproveitamiento do curso.

Inscrición aquí

Ao longo dunha semana, o artista Fernando Casás dirixe o seminario 'Arte e subxectividade', unha actividade dirixida a estudantes e profesionais dos ámbitos da creación artística, a historia da Arte e as Belas Artes.

"O principal obxectivo do seminario Arte e subxectividade é evitar que se cree unha única vía de pensamento sobre o universo artístico. Para iso traballaremos cunha idea que considero fundamental: a política como ética e a ética como política. A ética tratada sen sentido moral e a política no sentido máis totalizador, como elemento de enfrontamento e cuestionamiento da codificación da realidade alienante e superestruturada da actualidade. Creo que todo sistema de poder é inimigo natural da intelixencia, e a subxectividade analizada no seu hábitat máis profundo é a mellor defensa fronte a este poder. Entendida a arte como a expresión da relación primixenia do self e do seu diálogo co contorno, as influencias e a necesidade da deslectura marcan este seminario, no transcurso do cal trataremos os seguintes temas:

- As influencias. A procura da entidade ou entidades que marcaron profundamente a dirección do traballo do alumno. Cada un dos participantes no seminario deberá analizar esta cuestión en profundidade e desenvolver un proxecto baseado nas súas conclusións.

- A necesidade da deslectura e a urxencia do ético. A continuación, analizaremos a validez do primeiro proxecto, para ver a posibilidade de desfacerse desta influencia, que podería estar camuflada polas modas, a comodidade, o mercado, etc.

- A experiencia primixenia como coñecemento. As primeiras experiencias na vida dunha persoa xeralmente son aquelas que marcan o comportamento e as directrices que conforman a personalidade. A natureza é o contorno inmediato como habitáculo da xénese: arqueoloxía.

- A ecoloxía da subxectividade. O alumno, coñecedor dos tres temas anteriores, analizará e formalizará un proxecto acorde cos trazos máis característicos da súa personalidade artística.
Para iso contaremos coa axuda de procesos de autocoñecemento sensorial, apoiados no son e en exercicios de coñecemento do corpo, permitindo así que, a través dos sentidos, se presente a nosa subxectividade".
Fernando Casás

FERNANDO CASÁS. Artista experimental de corte conceptual, de marcada postura investigadora, precursor dos movementos de Arte & Natureza. Entre as súas obras públicas cóntanse Cobra Grande (Israel), Macieiras para Carrazeda (Portugal), Amazônia/Raízes (Brasil), Árboles como arqueología (España). Expuxo, entre outros, nos Museos de Arte Moderna de Río de Janeiro e São Paulo, no Museo Esteban Vicente de Segovia e no CDAN (Centro de Arte e Natureza) de Huesca. Na actualidade é profesor da Facultade de Belas Artes da Universidade de Vigo.

XELA MARX. Actriz, pedagoga teatral e practicante do Método Feldenkrais®. Desenvolve o seu labor creativo e investigador coa súa propia compañía, Mu Teatro, coa que traballou en España, Brasil, Cuba e Portugal. Colaborou Annabel Arden (Theatre Complicité, Londres) e coas compañías TSF (Reino Unido), Odin Teatret (Dinamarca) e Ultramarinos de Lucas, cos que participou en festivais en España e Arxentina. Formouse en teatro con M.a del Mar Navarro e, como pedagoga, con Monika Pagneux (Francia). Recibiu adestramento profesional do Método Feldenkrais® en Barcelona, Amsterdam e París. Impartiu seminarios, clases e conferencias en diferentes universidades como as de Vigo e SENAI, en Río de Janeiro, así como na ESAD (Escola Superior de Arte Dramática) de Vigo, na Escola Nacional de Pantomima de Cuba, etc.

PABLO SEOANE. Estudou música e filoloxía inglesa na Coruña, Salamanca e Estados Unidos (Wake Forest, Carolina do Norte). Traduciu —e escribiu no ronsel de— autores como H. D. Thoreau, Harold Pinter ou Samuel Beckett. Desde hai máis de quince anos desenvolve unha intensa actividade como pianista e compositor en distintas formacións, xeralmente vinculadas ao jazz e á improvisación libre. Compuxo música para teatro e desempeñou tarefas docentes en diversas institucións (recentemente no Conservatorio de Ferrol, por exemplo). Entre as súas últimas actividades figura a xestión das jams semanais de improvisación libre no Café El Puente (en Compostela, xunto a LAR Legido) e a dirección, en colaboración con Javier Turnes, duns encontros multidisciplinares de filosofía e música, Pensar a voces, que se celebraron en Cee no outono de 2012.

DESTINATARIOS: Estudantes e profesionais dos ámbitos da creación artística, a historia da arte e as belas artes, e persoas interesadas na temática do seminario.

MATRÍCULA: 50 euros. Prazas dispoñibles até completar a capacidade.

INSCRICIÓN: As solicitudes para asistir ao curso poden presentarse na recepción do CGAC, chamando aos teléfonos do Servizo de Actividades e Proxectos Educativos, ou ben a través do correo electrónico cgac.pedagogia@xunta.es, indicando os seguintes datos: nome, enderezo postal e electrónico, e teléfono de contacto. O CGAC expediralles un certificado de asistencia e aproveitamento ás persoas participantes.

DIRECCIÓN: Fernando Casás

COORDINACIÓN: Gema Baños

HORARIO: de 10:00 a 14:00 h

'A arte de falar en público' é o título do curso de oratoria que, ao longo deste fin de semana, a escritora Espido Freire impartirá no espazo de arte Bus Station Space.

** Imparte: Espido Freire, directora do curso e escritora.
Estudou Filoloxía Inglesa e licenciouse en Ciencias
Políticas.
Directora Xeral da empresa E+F

** Número de alumnos: 25

** Duración do curso: 8 horas

A quen está destinado?
O curso intenta cubrir as demandas dos que, polo seu traballo, deben expresarse de xeito habitual en público en termos correctos, literarios ou non, ou ben en medios de comunicación, pero non saben crear as súas propias historias, ou transmitilas ante unha audiencia con propiedade:
- Profesores de lingua e literatura.
- Escritores afeccionados
- Xornalistas
- Profesións que demandan presentacións públicas, tanto presenciais como por escrito.

OBXECTIVOS

1. Desenvolver un sistema propio de creación de historias e argumentos.
O curso ensinará a crear un discurso ou historia a partir dos elementos dados e a dotalos de interese. Remátase así coa improvisación fronte ao público, coa dependencia de apuntamentos, power points ou discursos escritos.

2. Estímulos literarios e extra literarios.
Como se transforman unha serie de datos ou anécdotas nunha historia que teña sentido no ámbito empresarial ou profesional? Incorporar os coñecementos xerais e culturais ao discurso diario. Literatura para executivos: Por que triunfa en Estados Unidos?

3. A desmitificación de crenzas e a perda do medo.
Fronte ás crenzas públicas de que as intervencións teñen que ser dunha forma determinada, o curso propón unha parte práctica de oratoria, técnicas de emisión de voz - xeito de falar e técnicas de emisión da voz -, linguaxe corporal, importancia da imaxe, etc.

4. Posta en escena.
Planificación por parte dos alumnos de como as técnicas aprendidas no curso poden ser levadas a cabo na área laboral. Persuasión, manipulación, sedución.

PROGRAMACIÓN

INTRODUCIÓN Á ORATORIA E A CREACIÓN LITERARIA
- Presentación. Exposición do modelo de traballo.
- Entrega de lecturas de apoio.
- Desmitificación de crenzas respecto á creación de historias e falar en público. Técnicas para estimular a inventiva.
- Como se orixina unha historia.
- O esquema. Os tres niveis dunha historia.
- Tratamento do tema. Opóñense a inspiración e a elaboración minuciosa dunha idea?
- DAFO- Puntos débiles, puntos fortes. Que facer con eles?

QUE QUEREMOS CONTAR, POR QUE E A QUEN
- O argumento.
- A sub-trama. Porqué hai xente que conta ben unha historia e xente que non?
- Transmitir a historia.
- Busca da propia linguaxe. A intensidade. O estilo. A extensión.
- A análise da audiencia. Que sabemos, como saber máis, como conseguir a identificación. Técnicas de simpatía e empatía.

OS ESTÍMULOS EXTRALITERARIOS. QUE NOS CONTA A SOCIEDADE?
- Exercicios de recoñecemento e recordo de anécdotas, elementos de cultura popular, día a día... como lograr o interese do oínte?
QUEN FALA, QUEN ESCOITA
- O narrador. Quen es e por que contas esa historia.
A proximidade e distancia.
- Diálogos Cando falar e cando escoitar? Debe abrirse unha quenda de preguntas? Como se contesta as preguntas?
- O ritmo no relato. Como se consegue o axeitado?

QUE MENSAXES ENVÍAS EN SILENCIO
LINGUAXE CORPORAL.
- Actitude física
- Posición corporal
- O vestido, os zapatos, o pelo
- Os xestos que se poden controlar
- Os xestos que non se poden controlar
- As muletas
- Que proxectas cando te ven?
- Que dis cando non dis nada?

Prazas limitadas.

Máis info: www.busstationspace.es, arte@busstationspace.es, 625342065

Os Xenerais da Ulla chegan esta mañá dacabalo á praza do Obradoiro para escenificar un típico 'atranque' ou 'alto'. Trátase do espectáculo máis destacado do Entroido tradicional da Ulla, que se produce nas inmediacións da cidade de Santiago desde a primeira metade do século XIX: os Xenerais van dacabalo, disfrazados con vistosas vestimentas militares similares ás de aquela época, pero que ademais inclúen tamén adornos puramente carnavalescos, que locen tamén os cabalos.

Os atavíos, tanto dos Xenerais como dos seus cabalos, chaman a atención pola súa tradición, orixinalidade, colorido e grao de elaboración, o que fai que teñan un gran valor.

Unha vez no Obradoiro, os Xenerais da Ulla representarán o típico “alto” ou “atranque”: un debate dialéctico por parellas para tratar temas de actualidade no ton de mofa característico das coplas do Entroido.

Nesta presentación no Obradoiro, participarán oito Xenerais da Ulla das parroquias compostelás de Aríns, Marrozos e O Eixo.

Esta presentación pública na principal praza de Santiago de Compostela pretende ser un só un aperitivo dos actos que terán lugar desde finais de xaneiro e ata mediados de febreiro nos oito concellos onde se celebra esta festividade tradicional e única no seu xénero, e que por segunda vez colaboran na súa promoción conxunta: Boqueixón, A Estrada, Santiago, Silleda, Teo, Touro, Vedra e Vila de Cruces.

O Entroido da Ulla remonta as súa orixes a primeira metade do s. XIX e baséase nos enfrontamentos bélicos que se viviron na comarca nese século: a invasión do exército napoleónico, a revolución do 1846 ou as guerras carlistas. Así os seus principais protagonistas son vistosas figuras que recrean estes momentos históricos.

Xenerais e correos engalanados conforman a espectacularidade desta auténtica expresión do Entroido tradicional galego.

Ver calendario completo

Máis info: www.xeneraisdaulla.com

Os xenerais da Ulla é o espectáculo máis destacado do Entroido tradicional da Ulla, que se produce nas inmediacións da cidade de Santiago desde a primeira metade do século XIX: os Xenerais van dacabalo, disfrazados con vistosas vestimentas militares similares ás de aquela época, pero que ademais inclúen tamén adornos puramente carnavalescos, que locen tamén os cabalos.

Os atavíos, tanto dos Xenerais como dos seus cabalos, chaman a atención pola súa tradición, orixinalidade, colorido e grao de elaboración, o que fai que teñan un gran valor.

O Entroido da Ulla remonta as súa orixes a primeira metade do s. XIX e baséase nos enfrontamentos bélicos que se viviron na comarca nese século: a invasión do exército napoleónico, a revolución do 1846 ou as guerras carlistas. Así os seus principais protagonistas son vistosas figuras que recrean estes momentos históricos.

Xenerais e correos engalanados conforman a espectacularidade desta auténtica expresión do Entroido tradicional galego.


CALENDARIO

* 26/01/2013
- 12.00 h. Presentación pública na Praza do Obradoiro (Santiago)

* 02/02/2013
- 18.00 h. Lamela (Campo da festa) Concello de Silleda GPS: 42º 44' 15" / 8º 19' 21"
- 19.00 h. Marrozos (Campo da festa) Concello de Santiago de Compostela GPS: 42º 50' 22" / 8º 29' 50"
- 20.00 h. Reis (Campo da festa) Concello de Teo GPS: 42º 46' 17.9" / 8º 33' 10.1"

* 03/02/2013
- 17.00 h. Merza (Campo da Igrexa) Concello de Vila de Cruces GPS: 42º 46' 9" / 8º 15' 34"
- 19.00 h. Trobe (Campo da festa, local multiusos) Concello de Vedra GPS: 42º 45' 57.5" / 8º 30' 20.4"
- 20.00 h. Reis (Campo da festa) Concello de Teo GPS: 42º 46' 17.9" / 8º 33' 10.1"

* 05/02/2013
- 12.0 h. Touro (Fonte Díaz) Concello de Touro GPS: 42º 51' 5" / 8º 18' 5"

* 09/02/2013
- 17.30 h. A Bandeira (Praza da Feira) Concello de Silleda GPS: 42º 43' 49" / 8º 18' 10"
- 18.00 h. Entroido Municipal de Vedra (Campo da festa de Vedra) Concello de Vedra GPS: 42º 46' 33.26" / 8º 28' 30.80"
- 18.30 h. Aríns (Campo da festa, rúa San Martiño) Concello de Santiago de Compostela GPS: 42º 51' 50" / 8º 30' 14"
- 18.30 h. Cora (Campo da festa) Concello da Estrada GPS: 42º 45' 01" / 8º 31' 24"
- 20.00 h. Teo (Campo da festa de santa María de Teo) GPS: 42º 55' 52.5" / 8º 31' 14.3"

* 10/02/2013
- 16.30 h. Piloño (Campo da festa) Concello de Vila de Cruces GPS: 42º 47' 55" / 8º 15' 31"
- 18.30 h. Couso (Campo da festa) Concello da Estrada GPS: 42º 44' 56" / 8º 32' 52"
- 19.00 h. O Eixo (Carballeira do Souto- Santa Lucía) Concello de Santiago de Compostela GPS: 42º 50' 52.74" / 8º 31' 25.36"
- 19.30 h. Sergude (Campo da festa) Concello de Boqueixón GPS: 42º 49' 38" / 8º 27' 48"
- 20.00 h. Cacheiras (Campo da festa) Concello de Teo GPS: 42º 49' 17.8" / 8º 32' 38.2"

* 12/02/2013
- 16.00 h. Fao (Campo da festa) Concello de Touro GPS: 42º 50' 53" / 8º 17' 58"
- 17.30 h. Desfile do Antroido (Santiago de Compostela). Rúas da cidade. Saída: Estación de tren.
- 18.00 h. Entroido Municipal da Estrada (Campo da feira) Concello da Estrada GPS: 42º 41' 25" / 8º 29' 12"

* 16/02/2013
- 19.00 h. San Xián de Sales (Campo da festa) Concello de Vedra GPS: 42º 48' 55.1" / 8º 30' 41.4"

* 17/02/2013
- 16.00 h. Salgueiros (Campo da festa) Concello de Vila de Cruces GPS: 42º 49' 2" / 8º 15' 42"
- 17.00 h. Lestedo (Campo da festa) Concello de Boqueixón GPS: 42º 47' 55" / 8º 28' 11"
- 19.30 h. Recesende (Campo da festa) Concello de Teo GPS: 42º 48' 48.2" / 8º 33' 36.4"

Máis info: www.xeneraisdaulla.com

Esta tarde, a parroquia compostelá de Marrozos celebra o seu tradicional entroido co espectáculo dos chamados Xenerais da Ulla, que implica toda unha escenificación na que interveñen diferentes personaxes.

- 19.30 h. Marrozos (Campo da festa) Concello de Santiago de Compostela

GPS: 42º 50' 22" / 8º 29' 50"

A comarca natural da Ulla posúe un orixinal entroido rural do que temos testemuños dende mediados do século XIX.
Os personaxes máis importantes son os xenerais e correos a cabalo, que percorren as parroquias ao longo do día dando vivas a veciños e visitantes, acompañados dun "exército" de abandeirados, coros, comparsas e parrandas.
Rematan escenificando un atranque ou alto, enfrontamento dialéctico por parellas, aproveitado para facer burla e sátira de asuntos locais, de política ou do corazón, acontecidos durante o ano.
Dunha parroquia a outra, o Entroido da Ulla presenta pequenas diferenzas, mantendo cada un deles trazos definitorios que os fan únicos.
Xenerais e correos engalanados conforman a espectacularidade desta auténtica expresión do entroido tradicional galego.

Ver calendario completo

Máis info: www.xeneraisdaulla.com

Comezan as festas do Entroido coa chegada do 'Meco' ao pazo de Bendaña, onde colgará ata a súa queima, o Mércores de Cinza. Fanfarras e comparsas ocuparán as rúas e prazas da cidade para dar a benvida ás festas do Entroido.

PROGRAMA DO DÍA

- 20:00 h. DESFILE DO MECO
desde a praza de Cervantes ata a praza do Toural pasando polas rúas Nova e do Vilar ata o Pazo de Bendaña, onde permanecerá ata o día 13.

- 20:00 h. Praza do Toural
Animación das comparsas OS CONFORMISTAS DE CONXO e A RULIÑA DE LARAÑO

- 20:30 h. Praza do Toural
SUBIDA DO MECO aos balcóns do Pazo de Bendaña.
Animación

- 21:00 h. Praza do Toural
Animación das comparsas OS CONFORMISTAS DE CONXO e A RULIÑA DE LARAÑO

** Os días 9, 10 e 11: MÁQUINA DE FILLOAS DE LESTEDO NA ALAMEDA
OBRADOIROS E ACTIVIDADES LÚDICAS DE ENTROIDO EN CENTROS SOCIOCULTURAIS
Elaboración de Mecos propios nos centros socioculturais, formación de Comparsas dos centros socioculturais, festas de entroido, obradoiros de cociña, maquillaxe e confección de máscaras.

Santiago vístese de gala para celebrar, durante 5 días, a entrada á Coresma; un evento tradicional que converterá a cidade compostelá nun gran escenario de festividades presidido polos desfiles de disfraces, as fanfarras, as actuacións teatrais, os obradoiros de maquillaxe, disfraces e máscaras. Un conxunto de acontecementos que se poderán gozar degustando os típicos pratos de tempada como o cocido galego, as filloas ou as orellas.

PROGRAMACIÓN

** Día 9
- 20:00 h. DESFILE DO MECO
desde a praza de Cervantes ata a praza do Toural pasando polas rúas Nova e do Vilar ata o Pazo de Bendaña, onde permanecerá ata o día 13.
- 20:00 h. Praza do Toural
Animación das comparsas OS CONFORMISTAS DE CONXO e A RULIÑA DE LARAÑO
- 20:30 h. Praza do Toural
SUBIDA DO MECO aos balcóns do Pazo de Bendaña.
Animación
- 21:00 h. Praza do Toural
Animación das comparsas OS CONFORMISTAS DE CONXO e A RULIÑA DE LARAÑO

** Día 10
- 13:30 h. Animación de rúa a cargo da comparsa OS CONFORMISTAS DE CONXO
- 17:00 h. Sala Capitol
FESTIVAL INFANTIL DE DISFRACES
Entrada libre. Participantes ata 14 anos.
Inscricións para o concurso de 16.30 a 17.45 h.
- 18:00 h. Sala Capitol
Animación, baile discoteca, premios, concurso de disfraces, sorteo de agasallos, entrega de bolsas-cotillón...
PREMIOS:
Grupo
(mínimo 3 persoas):
1º.- 200 €
2º.- 150 €
3º.- 100 €
Individual:
1º.- Unha tablet
2º.- Un libro electrónico
3º.- Unha cámara dixital
4º e 5º.- Un equipo de música
Parella:
1º.- Dúas tablets
2º.- Dous libros electrónicos
3º.- Dúas cámaras dixitais
- 20:00 h. Animación de rúa a cargo da comparsa OS CONFORMISTAS DE CONXO

** Día 12
- 13:00 h. Animación de rúa
- 16:30 h. Estación do Ferrocarril
CONCENTRACIÓN de carrozas, comparsas e charangas
- 17:30 h. DESFILE DE ANTROIDO encabezado polos Xenerais da Ulla polas rúas Romero Donallo, Santiago de Chile, Frei Rosendo Salvado, Praza Roxa, República do Salvador, Hórreo, Senra, para rematar na Avda. de Xoán Carlos I.
- 19:30 h. Paseo Central da Alameda
ORQUESTRA COMPOSTELA
- 21:00 h. ENTREGA DE PREMIOS dacordo coas seguintes categorías:
PREMIOS CARROZAS
1º PREMIO - 2.000,00€
2º PREMIO - 1.300,00€
3º PREMIO - 600,00€
4º PREMIO - 450,00€
5º PREMIO - 300,00€
PREMIOS COMPARSAS
1º PREMIO - 2.000,00€
2º PREMIO - 1.300,00€
3º PREMIO - 600,00€
4º PREMIO - 450,00€
PREMIOS AOS GRUPOS
1º PREMIO - 400,00€
2º PREMIO - 250,00€
3º PREMIO - 150,00€
PREMIOS Á MELLOR PARELLA
1º PREMIO - 300,00€
2º PREMIO - 200,00€
3º PREMIO - 120,00€
PREMIOS AO MELLOR DISFRAZ INDIVIDUAL
1º PREMIO - 200,00€
2º PREMIO - 150,00€
3º PREMIO - 100,00€
PREMIOS ESPECIAIS Á MELLOR COMPARSA
PROCEDENTE DAS PARROQUIAS E BARRIOS DO
CONCELLO DE SANTIAGO DE COMPOSTELA
1º PREMIO - 600,00€
2º PREMIO - 450,00€
3º PREMIO - 300,00€
Ó remate da entrega de premios actuación da ORQUESTRA COMPOSTELA / Paseo central da Alameda

** Día 13
- 20:00 h. ACOMPAÑAMENTO DO MECO polas comparsas e participantes no Antroido desde a praza do Toural ata a Praza Roxa facendo o percorrido seguinte: Rúa Nova, Rúa do Vilar, Rúa da Senra, Doutor Teixeiro, República do Salvador, para rematar na Praza Roxa. (Prégase aos acompañantes vistan de rigoroso loito para a ocasión)
- 21:00 h. Praza Roxa
QUEIMA DO MECO e animación a cargo da comparsa A RULIÑA DE LARAÑO
Acompañamento: BANDA MUNICIPAL DE MÚSICA DE SANTIAGO

Os días 9, 10 e 11: MÁQUINA DE FILLOAS DE LESTEDO NA ALAMEDA
OBRADOIROS E ACTIVIDADES LÚDICAS DE ANTROIDO EN CENTROS SOCIOCULTURAIS
Elaboración de Mecos propios nos centros socioculturais, formación de Comparsas dos centros socioculturais, festas de entroido, obradoiros de cociña, maquillaxe e confección de máscaras.

Descarga o programa completo en PDF aquí

Esta tarde, a parroquia compostelá de Aríns celebra o seu tradicional entroido co espectáculo dos chamados Xenerais da Ulla, que implica toda unha escenificación na que interveñen diferentes personaxes.

- 18.30 h. Aríns (Campo da festa, rúa San Martiño)

GPS: 42º 51' 50" / 8º 30' 14"

A comarca natural da Ulla posúe un orixinal entroido rural do que temos testemuños dende mediados do século XIX.
Os personaxes máis importantes son os xenerais e correos a cabalo, que percorren as parroquias ao longo do día dando vivas a veciños e visitantes, acompañados dun "exército" de abandeirados, coros, comparsas e parrandas.
Rematan escenificando un atranque ou alto, enfrontamento dialéctico por parellas, aproveitado para facer burla e sátira de asuntos locais, de política ou do corazón, acontecidos durante o ano.
Dunha parroquia a outra, o Entroido da Ulla presenta pequenas diferenzas, mantendo cada un deles trazos definitorios que os fan únicos.
Xenerais e correos engalanados conforman a espectacularidade desta auténtica expresión do entroido tradicional galego.

Ver calendario completo

Máis info: www.xeneraisdaulla.com

Continúan as festividades do Entroido cun programa dominical especialmente dirixido aos máis pequenos: concurso do Festival Infantil de Disfraces e animación de rúa.

PROGRAMA DO DÍA

- 13:30 h. Animación de rúa a cargo da comparsa OS CONFORMISTAS DE CONXO

- 17:00 h. Sala Capitol
FESTIVAL INFANTIL DE DISFRACES
Entrada libre. Participantes ata 14 anos.
Inscricións para o concurso de 16.30 a 17.45 h.

- 18:00 h. Sala Capitol
Animación, baile discoteca, premios, concurso de disfraces, sorteo de agasallos, entrega de bolsas-cotillón...

PREMIOS:

Grupo
(mínimo 3 persoas):
1º.- 200 €
2º.- 150 €
3º.- 100 €

Individual:
1º.- Unha tablet
2º.- Un libro electrónico
3º.- Unha cámara dixital
4º e 5º.- Un equipo de música

Parella:
1º.- Dúas tablets
2º.- Dous libros electrónicos
3º.- Dúas cámaras dixitais

- 20:00 h. Animación de rúa a cargo da comparsa OS CONFORMISTAS DE CONXO

** Os días 9, 10 e 11: MÁQUINA DE FILLOAS DE LESTEDO NA ALAMEDA
OBRADOIROS E ACTIVIDADES LÚDICAS DE ENTROIDO EN CENTROS SOCIOCULTURAIS
Elaboración de Mecos propios nos centros socioculturais, formación de Comparsas dos centros socioculturais, festas de entroido, obradoiros de cociña, maquillaxe e confección de máscaras.

Esta tarde, a parroquia compostelá de O Eixo celebra o seu tradicional entroido co espectáculo dos chamados Xenerais da Ulla, que implica toda unha escenificación na que interveñen diferentes personaxes.

- 19.00 h. O Eixo (Carballeira do Souto- Santa Lucía) Concello de Santiago de Compostela

GPS: 42º 50' 52.74" / 8º 31' 25.36"

A comarca natural da Ulla posúe un orixinal entroido rural do que temos testemuños dende mediados do século XIX.
Os personaxes máis importantes son os xenerais e correos a cabalo, que percorren as parroquias ao longo do día dando vivas a veciños e visitantes, acompañados dun "exército" de abandeirados, coros, comparsas e parrandas.
Rematan escenificando un atranque ou alto, enfrontamento dialéctico por parellas, aproveitado para facer burla e sátira de asuntos locais, de política ou do corazón, acontecidos durante o ano.
Dunha parroquia a outra, o Entroido da Ulla presenta pequenas diferenzas, mantendo cada un deles trazos definitorios que os fan únicos.
Xenerais e correos engalanados conforman a espectacularidade desta auténtica expresión do entroido tradicional galego.

Ver calendario completo

Máis info: www.xeneraisdaulla.com

Santiago cumpre o seu terceiro día de festas cun programa de obradoiros de maquillaxe, disfraces e máscaras. Ademais, a Alameda acollerá a máquina de filloas de Lestedo.

PROGRAMA DO DÍA

MÁQUINA DE FILLOAS DE LESTEDO NA ALAMEDA
OBRADOIROS E ACTIVIDADES LÚDICAS DE ANTROIDO EN CENTROS SOCIOCULTURAIS
Elaboración de Mecos propios nos centros socioculturais, formación de Comparsas dos centros socioculturais, festas de entroido, obradoiros de cociña, maquillaxe e confección de máscaras.

Chega o evento máis esperado do Entroido: o tradicional desfile de comparsas e carrozas que percorrerán, acompañados por charangas, as principais rúas da cidade compostelá. Este ano, como novidade, o desfile irá encabezado polos vistosos Xenerais da Ulla.

PROGRAMA DO DÍA

- 13:00 h. Animación de rúa

- 16:30 h. Estación do Ferrocarril
CONCENTRACIÓN de carrozas, comparsas e charangas

- 17:30 h. DESFILE DE ENTROIDO encabezado polos Xenerais da Ulla polas rúas Romero Donallo, Santiago de Chile, Frei Rosendo Salvado, Praza Roxa, República do Salvador, Hórreo, Senra, para rematar na Avda. de Xoán Carlos I.

- 19:30 h. Paseo Central da Alameda
ORQUESTRA COMPOSTELA

- 21:00 h. ENTREGA DE PREMIOS de acordo coas seguintes categorías:

PREMIOS CARROZAS
1º PREMIO - 2.000,00€
2º PREMIO - 1.300,00€
3º PREMIO - 600,00€
4º PREMIO - 450,00€
5º PREMIO - 300,00€

PREMIOS COMPARSAS
1º PREMIO - 2.000,00€
2º PREMIO - 1.300,00€
3º PREMIO - 600,00€
4º PREMIO - 450,00€

PREMIOS AOS GRUPOS
1º PREMIO - 400,00€
2º PREMIO - 250,00€
3º PREMIO - 150,00€

PREMIOS Á MELLOR PARELLA
1º PREMIO - 300,00€
2º PREMIO - 200,00€
3º PREMIO - 120,00€

PREMIOS AO MELLOR DISFRAZ INDIVIDUAL
1º PREMIO - 200,00€
2º PREMIO - 150,00€
3º PREMIO - 100,00€

PREMIOS ESPECIAIS Á MELLOR COMPARSA PROCEDENTE DAS PARROQUIAS E BARRIOS DO CONCELLO DE SANTIAGO DE COMPOSTELA
1º PREMIO - 600,00€
2º PREMIO - 450,00€
3º PREMIO - 300,00€

Ó remate da entrega de premios actuación da ORQUESTRA COMPOSTELA / Paseo central da Alameda

Santiago vístese de gala para celebrar, durante 5 días, a entrada á Coresma; un evento tradicional que converterá a cidade compostelá nun gran escenario de festividades presidido polos desfiles de disfraces, as fanfarras, as actuacións teatrais, os obradoiros de maquillaxe, disfraces e máscaras' Un conxunto de acontecementos que se poderán gozar degustando os típicos pratos de tempada como o cocido galego, as filloas ou as orellas.

Un ano máis, o Concello de Santiago organiza o tradicional desfile de Entroido, que percorrerá as principais rúas da cidade e rematará na avenida de Xoán Carlos I. Os Xenerais da Ulla, figuras principais do Entroido tradicional da comarca do Ulla, encabezarán este ano o desfile.

O desfile comezará ás 17:30 horas na Estación do Ferrocarril, seguindo o seguinte itinerario: Romero Donallo, Santiago de Chile, Frei Rosendo Salvado, praza Roxa, República do Salvador, Hórreo e Senra, para rematar na avenida de Xoán Carlos I. Unha vez rematado o desfile as carrozas aparcarán na avenida de Coruña e as comparsas participantes irán ao paseo central da Alameda.

A inscrición para o desfile-concurso formalizarase na Concellaría de Festas (Teatro Principal - rúa Nova, 21) ata as 14:00 horas do luns 11 de febreiro. Pode obterse máis información no teléfono 981 542 347 ou no fax 981 542 348, ademais de no propio Teatro Principal.

Haberá varias categorías de participación: carrozas, comparsas, grupos, parellas e individual. Os elixidos como gañadores polo xurado repartiranse 12.200 euros en premios. Nas categorías de carrozas e comparsas, os primeiros clasificados levarán 2.000 euros, polos 400 que levará o mellor grupo, os 300 da mellor parella ou os 200 do mellor disfrace individual. Ademais, haberá premios especiais para as mellores comparsas procedentes das parroquias e barrios do municipio.

As festas de Entroido tocan ao seu fin, co tradicional percorrido do Meco. De rigoroso loito, os composteláns acompañan ao Meco desde a Praza do Toural ata a Praza Roxa, coas comparsas que desfilaron o Martes de Entroido. Unha vez alí, o Meco arderá nunha fogueira, mentres os presentes choran a súa morte.

PROGRAMA DE CLAUSURA

- 20:00 h. ACOMPAÑAMENTO DO MECO polas comparsas e participantes no Entroido desde a praza do Toural ata a Praza Roxa facendo o percorrido seguinte: Rúa Nova, Rúa do Vilar, Rúa da Senra, Doutor Teixeiro, República do Salvador, para rematar na Praza Roxa. (Prégase aos acompañantes vistan de rigoroso loito para a ocasión)

- 21:00 h. Praza Roxa
QUEIMA DO MECO e animación a cargo da comparsa A RULIÑA DE LARAÑO
Acompañamento: BANDA MUNICIPAL DE MÚSICA DE SANTIAGO

A Hospedaría de San Martiño Pinario acolle este fin de semana Expoconvento, Feira do Doce de Convento, un evento que dará a coñecer a enorme e exquisita variedade de produtos de repostaría que se fabrican en cincuenta conventos e mosteiros de toda España.

Expoconvento non é soamente unha ocasión para levar á casa produtos artesanais da mellor calidade e difíciles de encontrar, senón que supón tamén un bo xeito de axudar economicamente aos conventos e mosteiros que envían os seus produtos. A feira organízase sen ningún interese lucrativo, posto que os prezos dos produtos son os mesmos que se se adquirisen nos tornos dos conventos de orixe.

Entre as máis de 250 variedades a disposición do visitante pódense adquirir xoias como delicias de xema, bocadiños árabes, perliñas de licor, dátiles recheos, bágoas do desterro ou múltiples variedades de turróns e mazapáns.

Tras o éxito das súas dúas primeiras edicións, Retro Galicia celebra a súa terceira convocatoria este fin de semana no Recinto Feiral de Amio.

A elección da capital de Galicia como sede deste evento foi fundamental para alcanzar o éxito tanto na calidade dos expositores, coma na sorprendente cantidade de afeccionados e profesionais que de todo o noroeste peninsular visitaron Retro Galicia.

Outro dos determinantes motivos, ademais do máis que coñecido número de afeccionados ao mundo do automóbil e, en especial, ao vehículo clásico, que existen na Comunidade Galega, así como nas súas rexións limítrofes do norte de España e Portugal, é a excelente infraestrutura feiral que ofrece a Feira de Santiago de Compostela e as boas comunicacións viarias que enlazan Santiago, capital e centro neurálxico e xeográfico de Galicia, coas principais cidades galegas, de Asturias, Portugal, etc.

Retro Galicia, estará de novo dirixida por Eventos do Motor, S.L., empresa con máis de vinte anos de experiencia na organización de monográficos comerciais vinculados ao mundo da automoción, que foi a encargada de poñer en marcha, entre outros, os Salóns do Automóbil de Vigo, Sevilla, Valencia, Coruña, Zaragoza, etc., que dende hai dez anos leva a cabo AutoClássico Porto (Portugal), considerado como o certame de clásicos máis importante da península e Retro Bilbao.

Ao igual que nas pasadas edicións, a actividade comercial do monográfico completarase cun intenso programa de actividades paralelas. Neste sentido, cabe destacar as que se celebraron en 2012, na que houbo numerosas concentracións de coches e motos, a chegada do Rally Rías Baixas de Clásicos, o MotorShow realizado nun do aparcadoiros do Recinto, a retrospectiva Porsche ou a conferencia levada a cabo polos pilotos Beny Fernández, Julio Gargallo, Jesús Ferreiro e Sergio Vallejo, que permitiu dinamizar o desenvolvemento do evento e atraer o numeroso público ata o recinto feiral.

A Fundación Eugenio Granell acolle esta tarde un recital poético sobre Celso Emilio Ferreiro.

Con motivo da celebración en 2012 do centenario do nacemento de Celso Emilio Ferreiro, as integrantes do Grupo de Teatro da Asociación Cultural para o Desenvolvemento sen Fronteiras prepararon un recital que presentan agora na Fundación Eugenio Granell. Dez actrices maiores de 60 anos, baixo a direción de María Montaña, recitarán unha seleción de poemas do homenaxeado escritor: Irmáns, María Soliña, Longa noite de pedra ou Son un pasmón, entre outros.

O Grupo de Teatro da Asociación Cultural para o Desenvolvemento sen Fronteiras comezou a súa andaina no 2005 cun espectáculo titulado Don Quixote e Sancho Panza baseado na obra de Miguel de Cervantes, ó que seguiron outros coma Esclavitude, de Lugrís, A carta roubada de Edgar Allan Poe,  A noite vai coma un río (fragmento) de Alvaro Cunqueiro ou Os autómatas da quinta xerazón, sendo esta última peza unha creación do grupo en homenaxe a Eugenio Granell.

O Grupo conta no seu historial con múltiples recitais de poetas tanto en lingua galega como en castelán, así como lecturas dramatizadas de diversos autores coma Valle-Inclán, Unamuno e o propio Eugenio Granell.

A Sala Lucernario da Fundación Eugenio Granell acolle a presentación do libro infantil 'Contos para nenos un pouquiño modernos' de José Carlos Bermejo Barrera, o primeiro libro en galego da editorial Enxebrebooks, que ofrece as súas obras tanto en formato electrónico coma en papel.

A presentación correrá a cargo de Alicia Romero, editora da obra, e Claudio Rodríguez Fer, poeta e ensaísta; e contará tamén coa presenza do autor, José Carlos Bermejo Barrera, catedrático de Historia Antiga da Universidade de Santiago de Compostela.

O libro, ilustrado por Santi Jiménez, promove valores tan importantes como a igualdade, o respecto aos maiores e a disposición a axudar aos demáis, etc., a través das historias de Xulia e Ximena, dúas rapazas aventureiras que viven nunha Galicia medieval e contemporánea ao mesmo tempo.

A Consellería de Cultura, Educación e Ordenación Universitaria organiza no Salón Teatro de Santiago o ciclo 'Vidal Bolaño recuperado: citas audiovisuais', dentro da programación especial que o Centro Dramático Galego (CDG) dedica ao autor homenaxeado este ano co Día das Letras Galegas.

O Centro Dramático Galego celebrará todos os mércores e xoves de febreiro e novembro, no Salón Teatro, o ciclo 'Vidal Bolaño recuperado: citas audiovisuais' coa obra de Roberto Vidal Bolaño, a quen este ano se lle dedica o Día das Letras Galegas. O ciclo consta dun total de doce sesións nas que se proxectarán fragmentos da obra escénica deste autor, conducidas polo comentario dos profesores Inma López Silva e Xosé Manuel Fernández Castro.

No ciclo ofrecerase un amplo percorrido pola traxectoria teatral de Roberto Vidal Bolaño nas súas facetas de autor e director, afondando ao tempo na vixencia do seu legado e incidindo na transcendencia que para as artes escénicas galegas ten o feito de que, por primeira vez na súa historia, a Real Academia Galega decidira homenaxear no Día das Letras Galegas a un autor dramático que, asemade, consagrou a súa vida profesional ao oficio teatral.

** Mércores 6 de febreiro. Agasallo de Sombras

Compañía: Centro Dramático Galego
Estrea: 2 de outubro de 1984 no Teatro García Barbón de Vigo
Autoría: Roberto Vidal Bolaño
Dirección: Roberto Vidal Bolaño
Elenco: Elina Luaces, Dorotea Bárcena, Xoán Luís Goberna, Carmen Rábade, Xavier R. Lourido, Xulio Castillo, Mabel Rivera, Canco Ramonde, Ernesto Chao, Fernanda Cabrera, Francisco Cadaval, Fernando Pedrido, Pilar Rodríguez Pagant/Luisa Veira, Paloma Romero
Espazo escénico: Ventura Cores
Deseño de vestiario: Antonio Simón
Deseño de atrezo, máscaras, cabezudos, mómaros e marionetas: J. Méndez
Deseño de iluminación: Pako de Pink
Coreografía: Anxo Martín
Música: Emilio Cao

A entrada é gratuíta ata completar aforamento.

A Consellería de Cultura, Educación e Ordenación Universitaria organiza no Salón Teatro de Santiago o ciclo 'Vidal Bolaño recuperado: citas audiovisuais', dentro da programación especial que o Centro Dramático Galego (CDG) dedica ao autor homenaxeado este ano co Día das Letras Galegas.

O Centro Dramático Galego celebrará todos os mércores e xoves de febreiro e novembro, no Salón Teatro, o ciclo 'Vidal Bolaño recuperado: citas audiovisuais' coa obra de Roberto Vidal Bolaño. O ciclo consta dun total de doce sesións nas que se proxectarán fragmentos da obra escénica deste autor, conducidas polo comentario dos profesores Inma López Silva e Xosé Manuel Fernández Castro.

No ciclo ofrecerase un amplo percorrido pola traxectoria teatral de Roberto Vidal Bolaño nas súas facetas de autor e director, afondando ao tempo na vixencia do seu legado e incidindo na transcendencia que para as artes escénicas galegas ten o feito de que, por primeira vez na súa historia, a Real Academia Galega decidira homenaxear no Día das Letras Galegas a un autor dramático que, asemade, consagrou a súa vida profesional ao oficio teatral.

** Xoves 7 de febreiro. Rosalía

Compañía: Centro Dramático Galego
Estrea: 19 de outubro de 2001 no Salón Teatro de Santiago
Autoría: Ramón Otero Pedrayo
Dirección: Roberto Vidal Bolaño
Elenco: María Barcala, Susana Dans, Xúlio Lago, Alfredo Rodríguez, Mónica Camaño, César Cambeiro, Mercedes Castro, Xan Cejudo, Xaquín García Marcos, Miguel López Varela, César Goldi, Pancho Martínez, Xoán Carlos Mejuto, Yolanda Muíños, Laura Ponte, Gloria Rico, Rubén Ruibal, Xosé Vilarelle
Deseño de atrezo, vestiario e máscaras: Rodrigo Roel
Deseño de iluminación: Roberto Vidal Bolaño
Música: Rodrigo Romaní

A entrada é gratuíta ata completar aforamento.

A Consellería de Cultura, Educación e Ordenación Universitaria organiza no Salón Teatro de Santiago o ciclo 'Vidal Bolaño recuperado: citas audiovisuais', dentro da programación especial que o Centro Dramático Galego (CDG) dedica ao autor homenaxeado este ano co Día das Letras Galegas.

O Centro Dramático Galego celebrará todos os mércores e xoves de febreiro e novembro, no Salón Teatro, o ciclo 'Vidal Bolaño recuperado: citas audiovisuais' coa obra de Roberto Vidal Bolaño. O ciclo consta dun total de doce sesións nas que se proxectarán fragmentos da obra escénica deste autor, conducidas polo comentario dos profesores Inma López Silva e Xosé Manuel Fernández Castro.

No ciclo ofrecerase un amplo percorrido pola traxectoria teatral de Roberto Vidal Bolaño nas súas facetas de autor e director, afondando ao tempo na vixencia do seu legado e incidindo na transcendencia que para as artes escénicas galegas ten o feito de que, por primeira vez na súa historia, a Real Academia Galega decidira homenaxear no Día das Letras Galegas a un autor dramático que, asemade, consagrou a súa vida profesional ao oficio teatral.

** Xoves 13 de febreiro. LAUDAMUCO, SEÑOR DE NINGURES

Compañía: Centro Dramático Galego
Estrea: 19 de outubro de 2001 no Salón Teatro de Santiago de Compostela como parte de Daquel Abrente, espectáculo conmemorativo dos 25 anos do teatro profesional galego
Autoría: Roberto Vidal Bolaño
Dirección: Antonio Simón
Elenco: Elena Atienza, César Cambeiro, Rodrigo Roel
Deseño de escenografía e iluminación: Antonio Simón
Deseño de vestiario: Suso Montero
Música: César Morán, Humberto Morán, Pablo Morán

A entrada é gratuíta ata completar aforamento.

Ata o 3 de marzo, nenos e maiores poderán gozar do espectáculo ofrecido polo Circo Coliseo.

O Circo Coliseo foi fundado hai uns douscentos anos por Marco Dyordyevch, prestixioso domador de leóns e avó do que actualmente é Director do circo, D. Francisco de la Torre.

Debido a que naquela época era moi difícil encontrar en toda Europa leóns e que estes estivesen amestrados, Míster Dola, nome artístico de Marco, era un dos máis respectados e prestixiosos do momento. Prestixio que herdou co paso do tempo o seu fillo Julio, coñecido en Italia como un gran domador e á súa vez un gran director do circo España.

Juliocasou en Italia cunha española, fundando así unha familia e mantendo o seu statu quo na sociedade circense italiana. Pasaron os anos e desta unión naceu Francisco, persoa que aínda adorando a todos os animais, sentía unha predilección especial polos elefantes. Na súa xuventude formou un espectáculo con estes paquidermos, pero co tempo, a súa verdadeira vocación descubriuna na dirección e administración do circo xunto con outra grande ilusión: traballar na patria onde naceron o seu pai e o seu avó: España.

Xa en España inaugurou o Circo Coliseo. Todo o traballo e esforzo realizado na súa dilatada vida no circo vese hoxe recompensado e recoñecido, non en van a súa presenza é solicitada por moitas empresas artísticas, algo que é moi importante neste sector.

Cada ano, o Circo Coliseo realiza un casting e elixe novos artistas, coidando con mimo a imaxe do programa a desenvolver. Por esta razón a empresa prospera e renóvase cada ano. Así mesmo, interésase polo benestar do público e as instalacións son renovadas cada ano.

As xiras son dunha semana por cidade e ofrece durante todo o ano a mesma profesionalidade en todas as súas actuacións.

Horarios:
- Laborables: 19:00 h.
- Sábados: 17:00 e 20:00 h.
- Domingos: 12:00 e 17:00 h.

Información e reservas en palcos no teléfono 610 90 35 52

Con motivo do día de San Valentín, o Hostal dos Reis Católicos ten preparado, para todos os namorados, tres propostas moi especiais. Sorprende á túa parella!

** Menú especial San Valentín (días 14, 15 e 16)
Un Menú Degustación para ti e o teu acompañante, bebidas e café incluídos ao prezo de 40 € por persoa (35 € para clientes Amigos de Paradores).
Poderás aloxarte esa noite con calquera tarifa que estea dispoñible nese momento e segundo as condicións establecidas para esta.

** Escapada romántica AD (días 15 e 16)
aloxamento + almorzo + detalle en cuarto
Prezo por noite e cuarto dobre estándar ocupado por dúas persoas en réxime de aloxamento e almorzo: 150€.
Inclúe copa de benvida (viño español ou refresco), botella de cava no cuarto, bombóns/amorodos.
Saída "sen présas" (ata as 15 horas do día seguinte).

** Escapada romántica MP (días 15 e 16)
aloxamento + almorzo + cea especial Cea de San Valentín (con bebidas e café incluídos para ti e o teu acompañante)
Prezo por noite e cuarto dobre estándar ocupado por dúas persoas en réxime de media pensión: 210€.
Inclúe copa de benvida (viño español ou refresco), botella de cava no cuarto, bombóns/amorodos, tratamento VIP en cuarto
Saída "sen présas" (ata as 15 horas do día seguinte).

Máis info aquí

A Consellería de Cultura, Educación e Ordenación Universitaria organiza no Salón Teatro de Santiago o ciclo 'Vidal Bolaño recuperado: citas audiovisuais', dentro da programación especial que o Centro Dramático Galego (CDG) dedica ao autor homenaxeado este ano co Día das Letras Galegas.

O Centro Dramático Galego celebrará todos os mércores e xoves de febreiro e novembro, no Salón Teatro, o ciclo 'Vidal Bolaño recuperado: citas audiovisuais' coa obra de Roberto Vidal Bolaño. O ciclo consta dun total de doce sesións nas que se proxectarán fragmentos da obra escénica deste autor, conducidas polo comentario dos profesores Inma López Silva e Xosé Manuel Fernández Castro.

No ciclo ofrecerase un amplo percorrido pola traxectoria teatral de Roberto Vidal Bolaño nas súas facetas de autor e director, afondando ao tempo na vixencia do seu legado e incidindo na transcendencia que para as artes escénicas galegas ten o feito de que, por primeira vez na súa historia, a Real Academia Galega decidira homenaxear no Día das Letras Galegas a un autor dramático que, asemade, consagrou a súa vida profesional ao oficio teatral.

** Xoves 14 de febreiro. SAXO TENOR

Compañía: Teatro do Aquí
Estrea: 12 de xaneiro de 1993
Autoría: Roberto Vidal Bolaño
Dirección: Roberto Vidal Bolaño
Elenco: Xosé Manuel Olveira “Pico”, Elina Luaces, Gonzalo M. Uriarte, Laura Ponte, Susana Dans, Antonio F. Simón, Antonio Durán “Morris”, Xaquín G. Marcos, María Bouzas, Rodrigo Roel, Vicente Montoto, César Goldi, Marcelino de Santiago “Kukas”, Luis Zahera, Pilar Pereira, Bernardo Martínez
Deseño de escenografía e atrezo: Marcelino de Santiago “Kukas”
Deseño de iluminación: Roberto Vidal Bolaño
Deseño de vestiario: Gonzalo Vilas
Música: John Coltrane con arranxos de Bernardo Martínez
Banda sonora: Baltasar Patiño

A entrada é gratuíta ata completar aforamento.

O Gran Hotel Santiago celebra o día de San Valentín cunha romántica proposta: unha cea baile para gozar en parella ou con amigos.

** Aperitivo
Copa Romántica
Xamón sobre Tostas Caprichosas

**Menú
Vieira con Perla de Amor
Timbal de Mariscos con Salsa Vinagreta Enfeitizada e Ensalada Mimosa
Cordeiro Asado en Salsa Pícara con Patacas Amorosas e Hortalizas Presumidas
Xeado de Froita da Paixón sobre Chutney de Froitas
Café Casanova

** Elixires
Viño Branco "Afrodisíaco" D.O. Ribeiro
Viño Tinto "Picaresco" D.O. Rioja

CEA BAILE: 29 €
ALOXAMENTO E CEA: 59 €*

*Incluye Almorzo Buffet ata as 12 h,
Tratamento VIP "Cava e Bombóns", Saída Tardía ata as 15 h, Aparcadoiro gratuíto ata esgotar dispoñibilidade*

Prezo por persoa e IVE incluído

A Consellería de Cultura, Educación e Ordenación Universitaria organiza no Salón Teatro de Santiago o ciclo 'Vidal Bolaño recuperado: citas audiovisuais', dentro da programación especial que o Centro Dramático Galego (CDG) dedica ao autor homenaxeado este ano co Día das Letras Galegas.

O Centro Dramático Galego celebrará todos os mércores e xoves de febreiro e novembro, no Salón Teatro, o ciclo 'Vidal Bolaño recuperado: citas audiovisuais' coa obra de Roberto Vidal Bolaño. O ciclo consta dun total de doce sesións nas que se proxectarán fragmentos da obra escénica deste autor, conducidas polo comentario dos profesores Inma López Silva e Xosé Manuel Fernández Castro.

No ciclo ofrecerase un amplo percorrido pola traxectoria teatral de Roberto Vidal Bolaño nas súas facetas de autor e director, afondando ao tempo na vixencia do seu legado e incidindo na transcendencia que para as artes escénicas galegas ten o feito de que, por primeira vez na súa historia, a Real Academia Galega decidira homenaxear no Día das Letras Galegas a un autor dramático que, asemade, consagrou a súa vida profesional ao oficio teatral.

** Mércores 20 de febreiro. ANXELIÑOS!

Compañía: Teatro do Aquí
Estrea: 17 de xaneiro de 1997 na Casa da Cultura de Vilagarcía de Arousa
Autoría: Roberto Vidal Bolaño
Dirección: Roberto Vidal Bolaño
Elenco: Roberto Vidal Bolaño, Evaristo Calvo, Anabell Gago, Xoán Carlos Mejuto, Ursia Gago
Deseño de escenografía e vestiario: Júlia Brens
Deseño de iluminación: Roberto Vidal Bolaño

A entrada é gratuíta ata completar aforamento.

A Consellería de Cultura, Educación e Ordenación Universitaria organiza no Salón Teatro de Santiago o ciclo 'Vidal Bolaño recuperado: citas audiovisuais', dentro da programación especial que o Centro Dramático Galego (CDG) dedica ao autor homenaxeado este ano co Día das Letras Galegas.

O Centro Dramático Galego celebrará todos os mércores e xoves de febreiro e novembro, no Salón Teatro, o ciclo 'Vidal Bolaño recuperado: citas audiovisuais' coa obra de Roberto Vidal Bolaño. O ciclo consta dun total de doce sesións nas que se proxectarán fragmentos da obra escénica deste autor, conducidas polo comentario dos profesores Inma López Silva e Xosé Manuel Fernández Castro.

No ciclo ofrecerase un amplo percorrido pola traxectoria teatral de Roberto Vidal Bolaño nas súas facetas de autor e director, afondando ao tempo na vixencia do seu legado e incidindo na transcendencia que para as artes escénicas galegas ten o feito de que, por primeira vez na súa historia, a Real Academia Galega decidira homenaxear no Día das Letras Galegas a un autor dramático que, asemade, consagrou a súa vida profesional ao oficio teatral.

** Xoves 21 de febreiro. ANIMALIÑOS

Compañía: Teatro do Aquí
Estrea: 15 de marzo de 2002 no Auditorio Municipal de Narón
Autoría: Roberto Vidal Bolaño
Dirección: Roberto Vidal Bolaño
Elenco: Mónica Camaño, Avelino González, Rubén Ruibal
Deseño de escenografía: Júlia Brens
Deseño de vestiario: Gonzalo V.
Deseño de iluminación: Roberto Vidal Bolaño

A entrada é gratuíta ata completar aforamento.

Como clausura do Entroido 2013 e coincidindo co seu 25 aniversario, a Asociación cultural Cidade Vella ofrece unha completa programación para esta noite de martes.

PROGRAMA

- Ás 21.00 h no Modus Vivendi poderemos asistir a unha nova edición de lecturas poéticas con Picaversos baixo o lema 'Populares'.

- Tamén ás 21.00 h no Atlántico poderemos asistir á proxección do film baseado nos míticos Rolling Stones: “The Rolling Stones Rock and Roll Circus”.

- Para poñerlle música a esta especial despedida, ás 22.00 h no Pub Reixa poderemos gozar dunha intensa velada cos Mustang Charros que nos trasladarán ao México máis popular e divertido.

- Desde as 22.45 h para pechar a noite, a sensibilidade e calidade do cantautor Ricardo Parada nos ofrecerá no Pub Momo dous pases do seu espectáculo máis íntimista.

Na véspera de San Valentín, imos facer unha homenaxe a toda a xente que o 14 de febreiro non ten nada que celebrar: un concurso de cultura xeral e malos sentimentos! E con premios especiais polo V aniversario do Ultramarinos!

As parellas tamén poden participar, pero sen montar escándalo...

SOBRE o xogo:
Dar no Cravo é un concurso de preguntas de cultura xeral -brutalmente divertido- para grupos de 1 a 4 persoas humanas, que teñen que escribir nunha ficha as respostas que consideren correctas. E se non teñen nin idea, inventalas, que a chispa tamén ten premio no Dar no Cravo!

O humorista Yoni Mediogramo, considerado como un dos mellores do panorama galego, chega esta noite ao Pub Ultramarinos para ofrecer un dos seus monólogos.

O 15 de febreiro de 2008 nacía o Pub Ultramarinos. Este venres 15 ímolo celebrar por todo o alto!! Haberá orellas a fartar, sorteo de 2 fins de semana en balnearios galegos, chupiños (a fartar tamén)... e poñédevos mon@s que teremos "fotocol"!

E a música?? Da man dos nosos dous Dj's residentes... VILOUTA & JAVI AMOSA!!!

O Restaurante Rúa acolle esta noite a celebración do I aniversario da produtora creativa Illa Bufarda, un evento no que poderemos gozar dunha reflexión vital-filosófica da man de Lina Pérez e Marcos Cardoso “Emprendo, logo existo”, de proxeccións audiovisuais realizadas na Illa Bufarda e dun concerto acústico do grupo Magritte de Ourense. Illa Bufarda fondea a súa embarcación en Santiago de Compostela para dar peche ao primeiro ano de actividade e dar benvida a tódalas novas mareas que están por vir.

Hai máis ou menos un ano Illa Bufarda nace nun contexto incerto no panorama cultural galego. Esta produtora audiovisual créase coa vontade de ser un proxecto cultural sensible e comprometido coa promoción e a divulgación da cultura dende un eido ben definido: a linguaxe audiovisual. As habitantes desta illa galega cren na cultura como un ben imprescindible que nos permite o coñecemento do propio e o crecemento colectivo. Entre as súas angueiras está a produción audiovisual, a fotografía, a animación, o deseño a formación nos seus eidos de traballo e, en breves, contarán co servizo de deseño web.

Dende que emerxeu das augas, Illa Bufarda, concibiuse coma un lugar para a creación no que o traballo orixinal, imaxinativo e de calidade forma parte das actividades cotiás. Por este territorio de creación xa pasaron proxectos audiovisuais do Museo do Pobo Galego, da Asociación Galega de Editores, Culturgal… Un primeiro ano de incertezas pero tamén de moita ilusión e ganas de traballar no eido para o cal se formaron as habitantes, Adriana P. Villanueva e Sabela Iglesias.

Na Illa non contan o tempo en días, senón en mareas. Cada día hai unha marea alta e unha baixa e así pasa o tempo que lles agasalla continuidade á produtora, grazas ao traballo que chega ao seu Peirao. Por iso queren celebralo e dan cita aberta a todas aquelas persoas que queiran pisar un anaco do areal de proxectos audiovisuais da Illa.

Ao longo dunha semana, o Conservatorio Profesional de Santiago organiza as I Xornadas de órgano 'Mariano Tafall' cun programa que inclúe diversos concertos, conferencias e visitas guiadas aos órganos históricos da cidade.

PROGRAMA

** Sábado 16 de febreiro, 12:00 h.
Concerto de órgano, Igrexa San Paio de Antealtares

** Luns 18 de febreiro, 16:00 a 18:30 h.
Visita a órganos históricos da cidade (Capela das Ánimas e Catedral).
Visita aberta á cidade. Aforo limitado a 25 persoas, por rigorosa orde de inscrición previa solicitude na web ou secretaría do Conservatorio Profesional de Santiago de Compostela.

** Martes 19 de febreiro, 20:00 h.
Biblioteca do conservatorio
Conferencia Patrimonio organístico por Andrés Díaz e Belén Bermejo.

** Mércores 20 de febreiro, 16:00 a 18:30 h.
Visita a órganos históricos da cidade (Capela das Ánimas e Catedral)
Visita para a comunidade educativa. Aforo limitado a 25 persoas, por rigorosa orde de inscrición previa solicitude na web ou secretaría do Conservatorio Profesional de Santiago de Compostela.

** Venres 22 de febreiro, 18:00 h.
Igrexa da Universidade
Concerto Didáctico por Marisol Mendive

Máis info e inscrición aquí

'A miña peza favorita' é un coloquio no que o invitado, neste caso a comisaria e crítica de arte Mercedes Rozas, elixe unha peza das coleccións da Fundación Eugenio Granell para elaborar un comentario persoal.

A obra seleccionada é 'Don Ramón María del Valle-Inclán',  realizada por Eugenio Granell en 1975 empregando metal, madeira, tea e papel para compoñer un retrato o escritor.

Mercedes Rozas é licenciada en Historia da Arte Moderna e Contemporánea e membro do Padroado do Museo do Pobo Galego. Dende os anos oitenta realiza o seu traballo entre o ámbito do comisariado expositivo e a crítica de arte.

Visi López ofrecerá esta tarde no Centro de arte Aire unha charla acerca do ámbito legal dos artistas, coa que procurará despexar todas as dúbidas dos creadores.

Co gallo da exposición 'A intimidade descuberta' da artista Gema López, a galería A.dFuga organiza a mesa redonda 'Dentro e fóra. Textos e contextos da intimidade', na que participarán Juan Carlos Meana, docente e decano da Facultade de Belas Artes da Universidade de Vigo, Xosé Antonio López Silva, traductor, profesor e investigador, Manuel Torres Cubeiro, sociólogo e antropólogo, e a artista plástica Gema López.

Fenómenos de comunicación actual como as redes sociais, os blogs, twitter, instagram, o sexting ou os reality-shows,  móstrannos como os ámbitos arredor do que é íntimo e privado, daquelo que reservamos para ámbitos reservados teñen experimentado unha evolución vertixinosa nos últimos anos.

O sociólogo Anthony Giddens considerou que estas esferas do íntimo pasan a ser públicas por terse asumido unha maior democratización da privacidade, nun mundo cada vez máis global e aberto. Paradoxalmente, iso dase en convivencia cunha maior tendencia á individualización das sociedades e ao alonxamento dos ámbitos de decisión político e económico. A arte contemporánea está a reflexionar dun xeito renovador sobre as actuais fronteiras da intimidade.

Esta mesa redonda pretende ser un punto de encontro para revisar moitas destas nocións sobre os novos ámbitos da intimidade dende unha óptica interdisciplinar. Os estudios culturais, a historia, a socioloxía, a antropoloxía e a arte poden ofrecer respostas e formular novas preguntas.

Entrada libre ata completar aforamento.

Eres artista? Realizas performance e accións? Queres participar nunha xornada de performance vinculadas á muller?

** QUEN PODE ENVIAR UNHA PROPOSTA? Calquer artista (home, muller ou colectivo) maior de idade, independentemente de lugar de orixe e residencia e formación.

** CANDO TERÁ LUGAR? A xornada de performance terá lugar o venres día 8 de Marzo,  no horario que se estime en función do volume e duración dos proxectos seleccionados.

** TEMÁTICA E DISCIPLINA. Únicamente performances relacionadas temáticamente coa muller.

** COMO ENVIAR UNHA PROPOSTA? Envía o teu proxecto (en pdf, máximo de 2 folios máis un CV artístico) a info@apuntodfuga.com antes do 3 de marzo (ás 14.00h)  con «asunto: CONVOCATORIA PERFORMANCE».

** PROGRAMA DE SELECCIONADOS. O programa de seleccionados será publicado na web o luns 4 de marzo. A entrada ao evento será gratuíta.