A Concellería de Participación Cidadá aposta un ano máis pola solidariedade coa posta en marcha, en colaboración coa revista Made in Santiago, da campaña Nadal Solidario. Nesta edición, ademais da tradicional recollida de alimentos e xoguetes para doar á Cociña Económica, Cottolengo, Cáritas e Albergue de Xoán XXIII, celebrarase un rastrillo solidario o sábado 18 e o domingo 19 de decembro.

Neste rastrillo solidario, os comerciantes porán á venda os seus stocks e outros produtos, destinando unha porcentaxe das súas vendas que consideren oportuna ás entidades beneficiarias. Pero calquera cidadán tamén se pode sumar a esta campaña como voluntario, monitor de actividades, preparando comidas tradicionais, etc.

No rastrillo non só venderán artigos os comercios, xa que a organización tamén recollerá roupa usada, pero en bo estado, que se venderá igualmente. O recadado tamén irá para as catro entidades beneficiarias.

Impulsada polo éxito e compromiso solidario da primeira edición de 2009, esta segunda edición do Nadal Solidario convoca de novo aos veciños e veciñas a aportar toda clase de alimentos en bo estado non perecedoiros, tales coma pastas, arroz, galletas, conservas, aceite, especias, froitos secos, legumes, botellas e latas, marmeladas, cereais, tetrabricks, doces ou turróns, entre outros.

A campaña tamén está aberta á recollida de xoguetes novos. Os alimentos e xoguetes poden entregarse eses días 18 e 19 na Casa das Asociacións ou no punto de recollida de Área Central.

O Nadal Solidario é un evento organizado pola Concellería de Participación Cidadá en colaboración con Made in Santiago. Conta coa colaboración da Santiagosiete, Cruz Vermella, Comercio Xusto, Área Central, Santiago TV e El Correo Gallego.

As catro institucións beneficiarias son:

**Cottolengo do Pai Alegre
Atendido polas Servidoras de Xesús para servizo das mulleres enfermas incurables máis pobres, levan ofrecendo asistencia en Santiago de Compostela dende o 22 de xullo de 1951. A estas relixiosas no lles está permitido pedir esmola. Viven do que libremente deciden aportar os doantes que se achegan ata as súas instalacións do Monte do Seixo no barrio do Castiñeiriño.
Actualmente ofrecen espazo para algo menos de 60 mulleres –o Cottolengo compostelán non acepta homes- que atopan entre as súas paredes un dignísimo lugar onde pasar os últimos días das súas vidas rodeadas de cariño e paz. Na actualidade contan cunha decena de menores de idade enfermas e abandonadas.

**Cáritas Diocesana de Santiago de Compostela
Cáritas é unha entidade de acción caritativa e social creada pola Conferencia Episcopal en 1947. Entre os seus obxectivos fundacionais destacan a axuda á promoción humana e ao desenvolvemento integral da dignidade de todas as persoas que se atopan en situación de precariedade e exclusión social.
Na súa traxectoria, Cáritas asume un triple compromiso na súa acción social: informar, denunciar e sensibilizar á opinión pública sobre as situacións de pobreza e vulnerabilidade, as súas causas, consecuencias e a posibilidade de participación no
cambio. En toda España existen 68 Cáritas diocesana como a compostelá e logran os seus obxectivos grazas ás achegas de doantes anónimos que colaboran de forma desinteresada cos seus fins humanitarios.

**Albergue de transeúntes de Xoán XXIII
Abriu as súas portas en 1971 como centro de acollida a peregrinos, pero ao pouco converteuse no que é a día de hoxe: un lugar temporal de descanso para os ‘sen teito’. Os seus usuarios poden pasar ata un máximo de sete noites no albergue, que é completamente gratuíto. Son os irmáns franciscanos quen están á súa fronte facendo memoria do encontro de Francisco de Asís cos leprosos.

**Cociña Económica das Irmás da Caridade
Cada día, uns 140 pobres comen no seu comedor da Praza de Irmán Gómez. Se ben o seu comedor ten capacidade para unhas 80 persoas, nos últimos tempos as relixiosas chegan a atender a unha media de 130-140 persoas. Ao longo dun mes, entre pequenos almorzos, xantares e ceas, as Irmás da Caridade serven máis de 7.000 menús aos máis necesitados.

Made in Santiago e a Concellaría de Participación Cidadá organizan este fin de semana un Rastrillo Solidario para axudar aos máis desfavorecidos da cidade a través de Cáritas, Fogar de San Francisco, Cociña Económica e Cruz Vermella.

Para iso, queremos contar coa vosa colaboración. No Rastrillo podedes ter un posto de venda, con produtos a partir de 1 €, destinando unha porcentaxe das vendas para este fin. Se tes un negocio, anímate a poñer un posto! Se queres ser voluntario, chámanos! Se queres colaborar doutro xeito, ponte en contacto connosco!. Ademais, haberá actividades lúdicas, recollida de roupa usada -pero nova-, recollida de alimentos, xoguetes, etc...

MÁIS INFORMACIÓN NO TELÉFONO: 649 566 624 ou a través do email: madeinsantiago@gmail.com.

Como cada ano desde 1996, a familia do Restaurante Paluso organiza a cea de Noiteboa e a comida de Nadal para que ninguén pase estas datas tan sinaladas sen compañía. Este ano se celebrará no Centro Sociocultural de Conxo (praza Aurelio Aguirre). Ámbalas dúas festas son abertas a todo o mundo e gratuítas.

Servizo de bus organizado polos voluntarios da Cruz Vermella.
Primeira saída: 21.30 na Avenida de Lugo (Cruz Vermella)
Regreso: A calquera hora.

Máis información: 626.053.971 (Chus Iglesias)

A Cidade da Cultura acolle a iniciativa ‘Cancións por regalos’, unha actividade coa que achegarse á música pop nun formato acústico a cambio de facer feliz a un neno.

Organizado pola Cidade da Cultura, coa colaboración de Ernie Producciones e a Asociación Iniciativa Social Berce, o evento contará cun nutrido grupo de artistas galegos que interpretarán na Sala de Columnas da Biblioteca de Galicia parte do seu repertorio, aínda que adaptado para a ocasión a un formato máis íntimo e a todos os públicos, dende os máis pequenos aos que xa non o son tanto. Estamos ante unha oportunidade única para fomentar a solidariedade e repartir ilusión á vez que se tenta difundir a música entre a cidadanía.

O prezo da entrada? Un agasallo. Ti decides o que é máis axeitado: dende un xoguete novo ou usado, sempre que estea en boas condicións, ata roupa, libros…

A Asociación Iniciativa Social Berce, que presta especial atención aos nenos en situación de desprotección, encargarase de repartilos entre os que máis o precisen durante estas datas. Desta forma, ti levarás para casa unhas cantas cancións para o recordo e algún pequeno terá unha sorpresa o Día de Reis.

PROGRAMA

**Mehnai
O soño que cada día se volve máis real
**La Familia
Pop normal para un mundo normal
**Jane Joyd
Aposta do panorama independente
**Alondra Bentley
Sensibilidade, candor e sentimentos encontrados
**Abraham Boba
Voz, piano, guitarra, acordeón... Un universo musical propio

Por sétimo ano, a ONG Implicadas no Desenvolvemento organiza a gala 'Implícate. Noite de música e palabra solidaria', un evento conducido por Luís Tosar e Yolanda Castaño no que tomarán parte de xeito desinteresado artistas como Berrogüetto, Mónica de Nut Trío, a bailarina Mónica García ou a actriz Isabel Risco.

MÚSICA:
- Berrogüetto
- Mónica de Nut Trío
- Coro da Ra

DANZA:
- Mónica García

LITERATURA:
- Eva Veiga
- Estevo Creus
- Teresa Moure
- Carlos Santiago

TEATRO:
- Isabel Risco
- Marta Pazos (& co.)

O obxectivo de "Implícate! Noite de música e palabra solidaria", no que as/os artistas colaboran de xeito desinteresado, é facer un chamamento á solidariedade dos galegos e galegas, unindo a cultura galega. O propósito principal deste evento é dar a coñecer o traballo desta organización de cooperación ao desenvolvemento galego, invitar ao público a ver o mundo con outros ollos, a reflexionar, e a cambiar o mundo, dende Galicia, dende a conciencia crítica e a acción clara.

Tambien poderás realizar unha achega á Fila Cero de Implícate e achegar o teu gran de area a este proxecto.

O Pazo de San Lourenzo acolle esta noite unha Gala benéfica de Nadal a favor da Fundación Andrea de axuda aos nenos con enfermidades de longa duración, crónicas ou terminais.

A gala inclúe un buffet cea, sorteo de agasallos e baile. Asiste o alcalde de Santiago, Ángel Currás.

Para adquirir os convites pode chamar o 981 552 725

+ información aquí

'EmprendeArte' é unha gala solidaria na que se dará cabida a 50 emprendedores no mundo das artes, que reúne nunha data sinalada a 50 figuras cunha magnífica proxección de futuro dentro da moda, deseño, pintura, fotografía, escultura, manualidades e música.

Actuacións musicais, desfiles, sinatura de libros, exposición de artesanía e monólogos.

O trasfondo da Gala 'EmprendeArte' é de carácter solidario, xa que o 100% dos beneficios recadados serán destinados, a través de Juntos Podemos, ao albergue de San Francisco, centro que dá acubillo anualmente a máis de 500 persoas sen fogar.

Máis info aquí

O Hotel Monumento San Francisco acolle esta noite a gala benéfica organizada pola AECC, un evento que inclúe unha magnífica cea e a entrega das Mencións Especiais aos Colaboradores 2012, persoas ou entidades que co seu traballo e dedicación axudaron á asociación a continuar co seu labor.

"Co fin de facer a gala máis agradable, solicitamos a vosa axuda para a configuración das mesas. Se tes un grupo co que desexes compartir o evento, pregamos nos envíes os datos dos integrantes á dirección de correo santiago.compostela@aecc.es"

Está habilitada unha MESA CERO para que poidas realizar a túa aportación desinteresada.

Esta noite o Auditorio de Galicia será escenario da gala conclusiva do XX Aniversario de Proxecto Home Galicia. Trátase dun concerto solidario que permitirá recadar fondos para os diferentes programas de rehabilitación e reinserción social de persoas drogodependentes. O concerto estará conformado por pezas interpretadas pola Real Filharmonía de Galicia, na primeira parte, e por Milladoiro, na segunda parte. O concerto rematará coa actuacion conxunta de ambas formacións. Maximino Zumalave será o director da orquestra santiaguesa. Como solista actuará Carlos Méndez, contrabaixo principal da Filharmonía, quen tocará no Divertimento concertante para contrabaixo e orquestra composto polo italiano Nino Rota en 1968.

O prezo das entradas é de 12 euros, e poden ser adquiridas no propio Auditorio de Galicia ou no Centro Comercial Compostela (El Corte Inglés), Discos Gong (Praza de Galicia) e nos diferentes centros de Proxecto Home en Galicia.

PROGRAMA

REAL FILHARMONÍA DE GALICIA / MILLADOIRO
MAXIMINO ZUMALAVE, director
CARLOS MÉNDEZ, contrabajo

G. ROSSINI, Obertura de “A Italiana en Arxel”

N. ROTTA, Divertimento concertante para contrabaixo e orquestra

MILLADOIRO, Alalá das Mariñas / Vals de Libunca / Carballesas / Alborada de Corcubión / Campaneiros do Condado / Tecendo liño / Maruxa / Cantos de Pandeiro

Jotas / Galope de Guistola

REAL FILHARMONÍA DE GALICIA / MILLADOIRO

No primeiro milladoiro, da suite “Iacobus Magnus”

Aires de Pontevedra, da suite “Travesías”

Xoán Curiel, acompañado por Álvaro Trillo, Carlos Freire, Xavier Olite e Sergio Tannus, darán un concerto de fin de xira do seu disco 'Nai' cuxo beneficio será integro para Implicadas polo Desenvolvemento, para a campaña '1de200 contra o infanticidio feminino en Salem (India)'. Haberá tamén unha mesa de venda de produtos de Implicadas destinada a financiar os proxectos desta organización.

Implicadas polo desenvolvemento é unha ONG galega que leva dez anos traballando e busca cambiar as estruturas de explotación entre o Norte e o Sur e entre homes e mulleres.

O Concerto 'Flotilla da Liberdade II', organizado por BDS - Galiza traerá á Nasa a Quempallou e The Homems, ademais dunha intervención especial de García MC, que estará con nós para clausurar a festa. Contaremos ademais cun presentador de luxo: Carlos Blanco.

Galiza tamén Rumbo a Gaza – Na Flotilla da Liberdade – 13 buques – Cooperantes de 50 países - Partiremos en maio (sic) - Con axuda humanitaria – Sen armas – Co teu apoio: Concerto solidario contra o bloqueo da Faixa de Gaza.

A Sala Mozart del Auditorio de Galicia acolle esta noite o recital titulado 'Músicas de semente: 18 cordas e tres sereias', un concerto solidario polo dereito a crecer en galego que contará coa presenza de Guadi Galego, Ugía Pedreira, Guillerme Fernández ou Fred Martins, entre outros artistas.

O Coro de cámara 'Si vis me canere', dirixido por Juan Carlos Dorgambide, ofrece esta tarde un concerto solidario a beneficio do Centro Social Albergue Juan XXIII. A entrada é libre, con aportación voluntaria.

O sábado 31 de marzo, ás 17.30 h, a formación ofrecerá un novo concerto solidario, a beneficio do mesmo centro, na igrexa de San Antonio de Herbón.

PROGRAMA:

I PARTE - Ave Maria (Tomás Luis de Victoria) – Popule meus (Tomás Luis de Victoria) – Sicut cervus (G. P da Palestrina) – Cum Audisset Joannes (Diego Muelas) – Ductus est (Diego Muelas) – Locus Iste (Anton Bruckner) – Stabat Mater (Zoltan Kodaly)

II PARTE - Jesu meine Freude (Johan Sebastian Bach) – Tantum Ergo (Gabriel Faure) – Ave Verum (Charles Gounod) – Misa en Do (Charles Gounod) Kyrie Sanctus-Benedictus Agnus Dei – Ave Verum (Edward Elgar) – Panis Angelicus (Cesar Franck)

SI VIS ME CANERE

Sopranos: Isabel Pereiro Raposo, Isabel Villoch Villoch, Olga Raíces Silva
Contraltos: Chus Álvarez, Adela Maroño
Tenores: Javier Blanco Blanco, Luis López García
Baixos: Juanjo Raíces Silva, Bernardo Dios Loureiro, Eduardo Bangueses
Piano: Mateo Iglesias Seoane

Máis información: sivismecanere.wordpress.com

Concerto solidario organizado polo colectivo Implicadas no Desenvolvemento no pub Ultramarinos. Coa participación de Xoan Curiel, Narci Rodríguez e a presencia especial de Najla Shami.

Os alumnos da Escola de Altos Estudos Musicais ofrecerán ao longo de xuño un ciclo de concertos en diferentes lugares singulares de Santiago. A iniciativa, chamada “A Escola na cidade”, inclúe un concerto da orquestra de cámara no Teatro Principal e seis concertos de cámara no Hostal dos Reis Católicos, na igrexa da Universidade, no Paraninfo e no Centro Galego de Arte Contemporánea. O ciclo é froito da colaboración entre o Concello e o Consorcio de Santiago, co apoio da USC, o CGAC e o Hostal dos Reis Católicos. Nos concertos recadarse diñeiro destinado á cociña económica de Santiago.

A inauguración correrá a cargo da Orquestra de Cámara da Escola de Altos Estudos Musicais, que baixo a batuta do mestre Maximino Zumalave, interpretará as tres sinfonías que Haydn compuxo en 1761 e que levan o sobrenome de “A mañá”, o mediodía” e “A tarde”.

Ademais, os días 13, 15, 19 e 20 de xuño haberá concertos de cámara, nos que os alumnos agrúpanse en cuartetos e quintetos para interpretar un amplo repertorio, tanto clásico como contemporáneo, en lugares singulares da cidade. En total tocaranse 17 pezas.

A entrada ao concerto do Teatro Principal supón unha aportación voluntaria de 3, 5 ou 10 euros. A entrada aos concertos de cámara será libre, aínda que tamén se poderá realizar unha aportación voluntaria de 3 euros. Toda a recadación será destinada á Cociña Económica de Santiago.

A Escola de Altos Estudos Musicais de Galicia é un centro de educación musical xestionado polo Consorcio de Santiago para a formación e perfeccionamento de futuros profesionais galegos da música clásica, así como a organización de diferentes actividades de divulgación musical. Dende o pasado ano 2011, imparte o Curso Avanzado de Práctica Orquestral, recoñecido oficialmente como estudo de posgrao, con título propio expedido pola Universidade de Santiago. Os músicos da Real Filharmonía de Galicia son profesores na Escola, de modo que orquestra e escola forman un proxecto conxunto, único no territorio español, ao estilo das “academias de orquestra”, máis frecuentes no ámbito saxón.

PROGRAMA

** Martes 12 de xuño

- 20:30 h. Teatro Principal
ORQUESTRA DE CÁMARA DA ESCOLA DE ALTOS ESTUDOS MUSICAIS DE GALICIA
Maximino Zumalave, director
F. J. Haydn, Sinfonía núm. 6 en Re maior “Le Matin” (A mañá)
       Sinfonía núm. 7 en Do maior “Le Midi” (O mediodía)
       Sinfonía núm. 8 en Sol maior “Le soir” (A tarde)


GRUPOS DE CÁMARA DA ESCOLA DE ALTOS ESTUDOS MUSICAIS DE GALICIA

** Mércores 13 de xuño

- 19:00 h. Hostal dos Reis Católicos
Quinteto de cordas
Antonin Dvorák, Quinteto núm. 2 en Sol maior, op. 77

- 20:30 h. Igrexa da Universidade
Cuarteto de cordas
Wolfgang Amadeus Mozart, Adagio e Fuga en do menor
Dimitri Schostakovich, Cuarteto núm. 7

Quinteto de ventos
Samuel Scheidt, Canzon núm. 30
Victor Ewald, Quinteto núm. 1
Malcolm Arnold, Quinteto

** Venres 15 de xuño

- 20:30 h. Paraninfo da Universidade
Quinteto de cordas
Antonin Dvorák, Quinteto núm. 2 en Sol maior op. 77

Trío de violín, viola e piano
Wolfgang Amadeus Mozart, Sinfonía concertante en Mi bemol maior

** Martes 19 de xuño

- 19:00 h. Hostal dos Reis Católicos
Quinteto de ventos
Samuel Scheidt, Canzon núm. 30
Victor Ewald, Quinteto núm. 1
Malcolm Arnold, Quinteto

- 20:30 h. Centro Galego de Arte Contemporánea CGAC
Violín e percusión
Paul Landsky, Hop

Quinteto de ventos
Samuel Barber, Summer Music, op. 31.
Paul Hindemith, Kleine Kammermusik núm. 2, op. 24
Luciano Berio, Opus Number Zoo

** Mércores 20 de xuño

- 20:30 h. Igrexa da Universidade
Quinteto de ventos
Carl Nielsen, Quinteto op. 43

Cuarteto de cordas
Franz Joseph Haydn, Cuarteto núm. 3, op. 33

A soprano Laura Alonso e o pianista Juan Manuel Varela ofrecen esta tarde no Centro Galego de Arte Contemporáneo un concerto solidario cuxa recadación íntegra irá destinada a favor do Fogar-Albergue San Francisco. Seguidamente haberá un cóctel doado por Restaurante Calderón.

DOAZÓN DA ENTRADA: 20 €

Se queres podes reservar a túa entrada solicitándoo no correo electrónico e facendo o ingreso na conta bancaria ao teu nome

FILA CERO: Concerto Xuntos podemos: 2104 3230 47 9112707060

Se queres saber máis sobre Xuntos podemos: www.juntospodemossolidaridad.com

Se queres saber máis sobre albergue San Francisco: www.alberguesanfrancisco.org

A Real Filharmonía de Galicia ofrece esta tarde un concerto en favor de 'Xuntos podemos' nos xardíns do hotel NH Obradoiro. A velada pode completarse cunha cea ao aire libre.

PRELUDIO
Empanada hoxaldrada de atún e pementos
Corte de Foie, marmeleiro e mouse de queixo de cabra
Espeto de lagostino, mexillón e mozarella con aceite de romescu
Zamburiña ao forno rechea de moluscos

INTERMEZZO (A ELIXIR)
Lombo de pescada sobre cogomelos e fungos co seu pil-pil, arroz cremoso salvaxe e crocante de alfábega
ou
Entrecotte de tenreira con pastel de pataca e berenxenas con xugo de Porto ao tomiño

FINALE
Biscoito de chocolate con sorbete de froitas, sopa de vainilla e tella de chocolate
Condes de Albarei D.O. Alvariño
Azpilicueta D.O. Rioja
Augas, refrescos e café

Aforamento limitado

Esta noite, o pub Casa das Crechas acolle a celebración do III 'Cancerto', unha velada musical cuxa recadación íntegra vai destinada a axudar ao Refuxio de animais de Bando.

A Fundación Refuxio de Animais agradece a colaboración desinteresada dos intérpretes e da Casa das Crechas.
A organización do "Cancerto" débese a Mª Bel dos Ansos, voluntaria da Fundación Refuxio de animais, á que se lle agradece o grande esforzo que realizou.

ARTISTAS SOLIDARIOS:
- CARLOS BLANCO
- NAJLA SHAMI
- QUIM FARINHA
- HECTOR LORENZO
- LAURA CARBALLEIRA E SUSO CORTEGOSO
- DAVIDE SALVADO CON MUSICOS

Custo entrada: 5 €. As entradas poden comprarse no Refuxio ou no pub Casa das Crechas.
Horario no Refuxio:
- luns, mércores e venres de 09:30 a 14:00
- sábados e domingos de 10:30 a 13:30

Aforamento: 75 entradas. Bule, vanse esgotar

A recadación íntegra será para o Refuxio de Bando.

Forma de Contacto co Refuxio: 981 575 957-646 492 835

ANÍMATE, NON SÓ GOZARÁS DUNHA MARABILLOSA REUNIÓN CON EXCELENTES E SOLIDARIOS ARTISTAS, SENÓN QUE ADEMAIS AXUDARÁS, SEN CASE TE DECATAR, AOS ANIMAIS DO REFUXIO DE BANDO.

MOITAS GRAZAS A TODOS DE PARTE DOS RESIDENTES DO REFUXIO DE BANDO

O Refuxio de Animais de Bando abre as súas portas no ano 2005 e, desde entón, pasaron polas súas instalacións centos e millares de animais de todo tipo (cans, gatos, porcos, esquíos, ocas). Todos eles tiveron que sufrir a experiencia de sentirse abandonados ou perdidos nalgún momento das súas vidas, algúns mesmo desde o momento do seu nacemento. No voluntariado de Bando estivemos a realizar varias actividades durante os últimos anos, co único fin de dar saída a estes animais e de poder ofrecerlles a mellor das vidas; ademais de achegar á sociedade un problema aínda vixente, como é o abandono e a tenencia irresponsábel dos animais.

www.refuxio.org

A Cidade da Cultura poralle banda sonora ao Nadal ao contar coa presenza das bandas pop-indie máis destacadas do momento. Cun repertorio adaptado a un formato máis íntimo, Cancións por regalos ofrecerá unha actuación moi especial na que o prezo da entrada será un regalo.

Tras o paso de grupos como Menhai, La Familia, Jane Joyd, Alondra Bentley ou Abraham Boba, os máis pequenos terán por segundo ano consecutivo a oportunidade de descubrir a música alternativa en compañía dos seus pais. Unha iniciativa redonda na que todos gañan,  xa que mentres ti levas para casa unhas cantas cancións para o recordo, aqueles que máis o necesiten terán unha sorpresa o Día de Reis: o regalo que ti elixas como entrada.

Médicos Sen Fronteiras, que cumpre o seu 40 aniversario neste ano 2011, é unha organización médico-humanitaria de carácter internacional que achega a súa asistencia a poboacións en situación precaria, a vítimas de catástrofes naturais, de enfermidades endémicas e epidémicas, a damnificados de conflitos armados e a persoas en situación de exclusión da atención sanitaria.

Con esta mostra (deseñada por Estudio Diego Feijóo para MSF e galardoada nos European Design Awards celebrados en 2009) achégase aos cidadáns a historia de Médicos Sen Fronteiras desde a súa fundación en 1971, o traballo e os principios de actuación da organización, a acción sobre o terreo, os perfís profesionais dos seus traballadores, os seus proxectos (máis de 430 en 60 países de todo o mundo), as testemuñas das persoas implicadas neles, o seu balance financeiro e a distribución do gasto.

Lugar: Hall-entrada, durante o horario de apertura da biblioteca.

A galería José Lorenzo organiza ata mediados do mes de xaneiro unha exposición benéfica. A mostra, integrada por obras de recoñecidos artistas galegos, será en beneficio da cociña económica da cidade compostelá.

Os interesados en coñecer a proposta e participar nesta iniciativa de carácter social, poderán achegarse ao espazo que esta galería ten en Travesa do Franco. Deste xeito, poderán coñecer, de primeira man, as obras que están á venda a uns prezos adaptados ao propósito solidario.

Tanto a galería José Lorenzo como os artistas que participan na exposición amosan, grazas a esta iniciativa fraternal, o seu compromiso social, tanto con quen máis o precisa – especialmente nestas datas – como coa cidade compostelá que vai acoller esta proposta.

O obxectivo é, polo tanto, dobre: dar a coñecer a obra de importantes artistas ademáis de poñelos en contacto con aqueles interesados na mesma; ao tempo que se presta axuda a aquelas persoas que se atopan en risco de exclusión e que residen na capital galega.

A galería José Lorenzo fúndase en Santiago de Compostela no ano 1995, especializándose en vangarda histórica de Galicia. Neses 16 anos pasaron polas súas salas as obras dos máis importantes artistas da comunidade autónoma. Así mesmo, tamén realiza exposicións para dar a coñecer aos novos valores emerxentes.
Conta con espazos expositivos tanto na Praza do Toural, que constitúe o local principal, como na Rúa do Franco. Ambas situadas no corazón do casco histórico.

Non é esta a primeira vez que a galería leva a cabo iniciativas de carácter solidario. Nos seus espazos xa se celebraron dúas subastas benéficas. Unha delas a prol da Asociación Española contra o Cancro, mentres que a outra se realizou a favor da Cruz Vermella.

Ata finais do mes de abril, a Asociación Española para a Loita Contra o Cancro (AECC) de Santiago organiza a segunda edición da 'O mundo da cor', unha exposición colectiva na que participan pacientes oncolóxicos, que exhiben ao público os traballos realizados durante a súa enfermidade e o seu posterior proceso de recuperación.

A exposición enriquecerase coa achega dunha serie de debuxos do falecido pintor Carlos Bóveda e unha colección de esculturas realizadas en madeira policromada e pedra do escultor Camilo Seira, ambos os dous de Padrón, que se sumaron desinteresadamente a esta fermosa iniciativa artística.

As obras expostas son froito dunha das actividades postas en marcha pola entidade, a pintura, coa que se pretende facilitar a incorporación paulatina e gradual dos enfermos nas súas rutinas diarias habituais realizando unha actividade social e ocupacional normalizada, promovida por un grupo de pacientes e voluntarios.

Constituída en 1953 como unha institución de carácter benéfico asistencial, sen ánimo de lucro, dedicada á loita contra a enfermidade oncolóxica, a AECC está constituída por voluntarios, socios e persoal contratado, dirixindo os seus esforzos para detectar as necesidades e prioridades de actuación fronte á enfermidade, organizando actividades e accións de investigación, información e intervención ocupacional, tratando de beneficiar ás persoas que padecen ou padeceron unha enfermidade oncolóxica e ás súas familias.

A mostra servirá para dar a coñecer o traballo artístico dos membros do obradoiro, ademais de achegarse ao labor que se realiza dende a asociación, con sede na praza Ponte Castro, no Ensanche. Ademais, a exposición terá carácter solidario, xa que as pinturas realizadas polos pacientes estarán á venda a beneficio da AECC local.

Máis información: 981 576479

Durante a primeira quincena de maio, a Biblioteca pública Ánxel Casal acolle unha exposición organizada pola Asociación Panxea na que se explica o proceso do comercio xusto, dende a producción ata o consumidor final.

Lugar: 3º andar, durante o horario de apertura da biblioteca.

O claustro do Colexio de Fonseca alberga ao longo dunha semana a exposición fotográfica 'Soñando un futuro. Mans Unidas e a Infancia', unha selección de 32 imaxes cedida pola ONG para reflectir a situación de indefensión en que os nenos viven en moitos países do Terceiro Mundo.

As fotografías expostas abordan tres temas principais: a realidade da educación e a sanidade en zonas subdesenvolvidas do planeta, e a situación de abusos e explotación que nelas padecen moitos menores.

A mostra repasa tamén exemplos de superación nos que, co apoio de Mans Unidas, melloraron as condicións de vida de moitos nenos: programas integrais de atención sanitaria, modelos de desenvolvemento autosostibles, construción de escolas, etc.

Co obxectivo de sensibilizar á sociedade do precario ámbito en que viven millóns de nenos en todo o planeta, as 32 imaxes foron tomadas en Angola, Benín, Brasil, Burkina Fasso, Cambodja, Ecuador, Etiopía, Filipinas, Ghana, Haití, Honduras, India, Kenya, Madagascar e Serra Leona.

Co gallo da celebración do corenta aniversario da creación desta asociación, a Biblioteca Novacaixagalicia acolle unha exposición fotográfica na que se pon de relevo o imprescindible traballo de colaboración a prol da mellora das condicións de vida de milleiros de persoas por parte do persoal activo de Médicos Sen Fronteiras.

A mostra conta cun total de trinta imaxes que abranguen a historia da institución a través dalgúns dos principais contextos nos que interveu nas últimas catro décadas. Mediante a presentación destas fotografías preténdese abrir unha ventá aos conflitos en Afganistán, Líbano, Palestina, Iraq, Colombia ou Bosnia, entre outros moitos lugares. O traballo de numerosas testemuñas de recoñecido prestixio internacional no eido da fotografía ―Sebastião Salgado, Juan Carlos Tomasi, Bruno Stevens, Bruno Barbey, Olivier Jobard, Roger Job ou Eric Bouvert― vén contribuíndo desde hai tempo a que estes desastres humanitarios non caian no esquecemento político e mediático.

A Biblioteca Novacaixagalicia acolle esta tarde unha sesión de contacontos organizada por Médicos sen fronteiras (MSF). Os contos que se relatarán pertencen ao libro ‘¿Qué me pasa, Ntumba? Cuentos sobre enfermedades olvidadas’, de Feli Ibáñez. Ilustrado por Mariona Cabassa e con fotografías de Juan Carlos Tomasi, o volume narra seis historias protagonizadas por nenos e nenas de distintas culturas, relatos con finais positivos que falan de enfermidades que afectan a moitas persoas noutros países pero que son descoñecidas na nosa contorna.

Os voluntarios de Médicos Sen Fronteiras levan á Biblioteca Ánxel Casal un conto sobre enfermidades esquecidas baseado no libro '¿Qué me pasa, Ntumba?, cuentos sobre enfermedades olvidadas' escrito por Feli Ibáñez. Nel nárranse seis historias con finais positivos protagonizadas por nenos de distintas culturas que nos falan de enfermidades que afectan a moitas persoas noutros países e que descoñecemos no primeiro mundo.

No contacontos presentaráse unha desas seis historias: a dedicada ao mal de Chagas, unha enfermidade parasitaria tropical.

Para nenos e nenas de 4 a 10 anos.

Lugar: Sala Infantil, ás 18:30 h. (duración aprox. 50 min.)

A Biblioteca Pública Ánxel Casal acolle esta tarde a proxección do documental ‘Sueños truncados’ en conmemoración do Día Internacional contra a Pobreza, seguido dunha mesa redonda e un debate.

Proxectarase o documental "Sueños truncados" en conmemoración do Día Internacional contra a Pobreza. A continuación, haberá unha mesa redonda e un debate coas poñentes Lurdes Pazo, do Programa Vagalume, e Jeanne Pereira da Unidade Móbil de Médicos do Mundo-Galicia.

A Biblioteca Pública Ánxel Casal acolle esta tarde a proxección do documental ‘Redes africanas’ en conmemoración do Día Internacional contra a Exclusión, seguido dunha mesa redonda e debate.

Proxectarase o documental 'Redes africanas' en conmemoración do Día Internacional contra a Exclusión social (16 de novembro). A continuación, haberá unha mesa redonda e un debate centrados no tema: Muller, exclusión e África. Participarán, entre outros, unha persoa da Asociación Persoas Angolanas / Esculca, e Severino Figueiras Lestón, voluntario de Médicos do Mundo Galicia.

Ao longo do mes de abril, o Salón de Actos da Facultade de Filosofía acolle o ciclo 'Espellos no Sahara. Un pobo rompendo as arañeiras do esquecemento'. Cada sesión inclúe a proxección dun filme presentado por diversos especialistas.

Presentada por Luis Hueso Montón Catedrático de Historia do Cine da Facultade de Xeografía e Historia e Mohamed Ali Ali Salem escritor e responsable da área de Cultura na Delegación Saharauí en España.

'Wilaya' (84 minutos)

Director: Pedro Pérez Rosado
Reparto: Nadhira Mohamed, Memona Mohamed, Said Salem

SINOPSE
Despois de 16 anos vivindo en España, Fatimetu volve á súa patria para asistir ao enterro da súa nai. Alí reúnese cos seus irmáns: Jatri, que espera o seu primeiro fillo, e Hayat, que é minusválida.

Organizan: Vicerreitoría de Estudantes, Cultura e Formación Continua, Facultades de Ciencias da Comunicación, Ciencias Políticas, Xeografía e Historia e Filosofía, Comisión Cultural da Facultade de Xeografía e Historia, Departamentos de Historia Contemporánea. Historia Medieval e Moderna e Historia da Arte, Cátedra de Cine.

Colabora: Asociación Solidariedade Galega co Pobo Saharaui.

Ao longo do mes de abril, o Salón de Actos da Facultade de Filosofía acolle o ciclo 'Espellos no Sahara. Un pobo rompendo as arañeiras do esquecemento'. Cada sesión inclúe a proxección dun filme presentado por diversos especialistas.

Presentada por Xosé Ramón Pousa Estévez Profesor Titular de Comunicación Audiovisual e Publicidade da Facultade de Ciencias da Información e José Taboada Valdés Presidente da Coordinadora Estatal de Asociacións Solidarias co Sahara (CEAS-Sahara).

'Hijos de las nubes. La última colonia' (80 minutos)

Director: Álvaro Longoria
Reparto: Javier Bardem, Álvaro Longoria

SINOPSE
Documental que examina o clima de axitación política actual no norte de África e a responsabilidade das potencias occidentais (especialmente Estados Unidos e Francia) cuxa política exterior se basea en intereses económicos, relegando a un segundo plano os principios morais (Realpolitik).

Organizan: Vicerreitoría de Estudantes, Cultura e Formación Continua, Facultades de Ciencias da Comunicación, Ciencias Políticas, Xeografía e Historia e Filosofía, Comisión Cultural da Facultade de Xeografía e Historia, Departamentos de Historia Contemporánea. Historia Medieval e Moderna e Historia da Arte, Cátedra de Cine.
Colabora: Asociación Solidariedade Galega co Pobo Saharaui.

Ao longo do mes de abril, o Salón de Actos da Facultade de Filosofía acolle o ciclo 'Espellos no Sahara. Un pobo rompendo as arañeiras do esquecemento'. Cada sesión inclúe a proxección dun filme presentado por diversos especialistas.

Con intervención do codirector da película, Pablo Vidal, e Santiago Jiménez Gómez, Profesor Titular de Historia Medieval da Facultade de Xeografía e Historia e Vicepresidente de CEAS-Sahara.

'El problema. Testimonio del pueblo saharaui' (80 minutos)

Director: Jordi Ferrer, Pablo Vidal
Guión: Jordi Ferrer, Pablo Vidal

SINOPSE
Marrocos non quere que se coñeza a situación dos territorios ocupados do Sahara Occidental -territorio separado do resto de África por un muro de 2.720 km de longo-, a poboación saharauí vive en constante ameaza, nin sequera poden nomear as palabras "Sahara Occidental" ou "referendo", e a situación resúmese como "o problema". Marrocos quere silenciar os territorios ocupados do Sahara Occidental e con iso afogar a voz de todo un pobo. (FILMAFFINITY)

Organizan: Vicerreitoría de Estudantes, Cultura e Formación Continua, Facultades de Ciencias da Comunicación, Ciencias Políticas, Xeografía e Historia e Filosofía, Comisión Cultural da Facultade de Xeografía e Historia, Departamentos de Historia Contemporánea. Historia Medieval e Moderna e Historia da Arte, Cátedra de Cine.

Colabora: Asociación Solidariedade Galega co Pobo Saharaui.

O grupo de teatro Valle Innova trae a Compostela 'Próxima estación', unha peza escrita por Alberto Dosil. A recadación destinarase a financiar as actividades do Proxecto Home.

A obra foi escrita por Alberto Dosil, alumno da Escola Valle Innova. O tema xira en torno á idea de que cada un é libre de elixir o seu destino, pero nesa elección é onde está o principal problema, xa que unha vez que un se decide pola opción das drogas, xa non hai marcha atrás para recuperar o tempo perdido.

A Biblioteca pública Ánxel Casal programa para esta tarde unha sesión de teatro de Nadal, a cargo da compañía Garabullo, que levará a escena a obra 'O gorrión Valentino', para nenos e nenas a partir de 3 anos.

Representación teatral baseada no conto “O gorrión Valentino” no que aparecen valores como o respecto e o coidado do medio ambiente e tamén como a acaparación de recursos por uns poucos, leva consigo as carencias doutros, incluso fame e morte.

Organiza MANOS UNIDAS.

Como en anos anteriores por estas datas, a Delegación de Santiago de Compostela de Mans Unidas presenta a súa Campaña LIII que, co lema "A saúde, dereito de todos: actúa", afonda no OMD 6 (Obxectivo de Desenvolvemento do Milenio 6): Combater o VIH/SIDA, a malaria e outras enfermidades. A Fundación Araguaney colabora nos actos de lanzamento da devandita Campaña Contra a Fame LIII, deste ano 2012.

Entre outras actividades, Mans Unidas organiza esta tarde, no Salón de Actos do Araguaney Gran Hotel, unha mesa redonda na que intervirán a Dr.a Dña. Elvira Ramos Pacho, misioneira no Congo, D. Xosé María Torres Bouza, Farmacéutico e Membro de Farmamundi, e D. Carlos Abea Balmaceda, Misioneiro Sagrado Corazón de Xesús. A mesa estará moderada polo Dr. D. Santiago Sanmartín, farmacéutico de Santiago de Compostela.

Os obxectivos desta campaña de Mans Unidas céntranse en mellorar as condicións sanitarias da área do distrito de Tirap (Arunachal Pradesh - India), así como en promover a saúde a nivel das aldeas e a educación sanitaria dos nenos mediante a aprendizaxe de hábitos de sanidade e hixiene persoal.

Trátase dunha campaña da que se beneficiarán case 10.000 persoas e para a que se necesitan arredor de 36.000 euros.

A este acto únense o DIA DO XAXÚN VOLUNTARIO, que será o venres 10 e no que se fará un recital poético "O sentir non ten fronteiras" a cargo do grupo de teatro da "Asociación Cultural para ou desenvolvemento sen fronteiras", así como unha CONFERENCIA sobre a campaña e unha CEA DA FAME, organizada pola Orde Franciscana Segrar do Convento de S. Fco na cafetaría da Facultade de Medicina, na Parroquia de S. Francisco de Asis de Los Tilos, en S. Antonio de Padua. Fontiñas e en S. José do Milladoiro.

O salón de actos da Biblioteca pública Ánxel Casal acolle esta tarde unha charla-coloquio titulada 'Mulleres indíxenas pola soberanía alimentaria en Guatemala' organizada pola Asociación para o comercio xusto e solidario "Panxea".

Charla-coloquio sobre "Mulleres pola soberanía alimentaria en Guatemala" da lideresa campesiña guatemalteca María Rosario López Juárez, membro de CEPEDEM S.C. (Centro Experimental para o desenvolvemento da pequena e mediana empresa do municipio de Cajola-Guatemala).

Máis información na web de Panxea: http://panxea.org/panxeablog/

Salón de Actos, ás 19:00 h.

A Real Filharmonía de Galicia ofrece esta tarde un concerto en favor de 'Xuntos podemos' nos xardíns do hotel NH Obradoiro. A velada pode completarse cunha cea ao aire libre.

PRELUDIO
Empanada hoxaldrada de atún e pementos
Corte de Foie, marmeleiro e mouse de queixo de cabra
Espeto de lagostino, mexillón e mozarella con aceite de romescu
Zamburiña ao forno rechea de moluscos

INTERMEZZO (A ELIXIR)
Lombo de pescada sobre cogomelos e fungos co seu pil-pil, arroz cremoso salvaxe e crocante de alfábega
ou
Entrecotte de tenreira con pastel de pataca e berenxenas con xugo de Porto ao tomiño

FINALE
Biscoito de chocolate con sorbete de froitas, sopa de vainilla e tella de chocolate
Condes de Albarei D.O. Alvariño
Azpilicueta D.O. Rioja
Augas, refrescos e café

Aforamento limitado

Coa chegada do Nadal, o Equipo Urbana Santiago Norte - Servizos Sociais pon en marcha unha campaña co obxectivo de recoller xoguetes para alegrar estas datas aos nenos e nenas máis desfavorecidos/as da área incluída programa Urbana. A iniciativa leva por título 'Compar-T un xoguete'.

Ata o vindeiro 21 de decembro, o Equipo Urbana recollerá xoguetes novos ou usados en bo estado, para que os nenos e nenas das familias cunha situación económica máis deprimida, poidan sorrir e vivir as datas do Nadal igual que o farán outros/as nenos/as cunha situación máis favorable. O punto habilitado para a recollida de xoguetes, a onde se poderán dirixir todas aquelas persoas que desexen colaborar con esta campaña será a Casa das Asociacións de Benestar Social (CABES), situada na rúa Manuel María, 6 (Salgueiriños). Para máis información, o Equipo Urbana habilitou un correo electrónico: comparteunxoguete@gmail.com

O Equipo de Dinamización Social Urbana Santiago Norte - Servizos Sociais solicita a colaboración da poboación en xeral, lembrando que o xogo é un dos dereitos recollidos na Carta de Nacións Unidas dos Dereitos do Neno, e que os xogos e xoguetes  non só entreteñen e divirten, senón que tamén contribúen ao desenvolvemento físico e intelectual dos nenos e das nenas, e que privarlles deles é un paso atrás na súa formación.

Pero esta campaña de recollida de xoguetes 2012 non só pretende axudar aos nenos e nenas máis desfavorecidos/as. Tamén pretende fomentar a sociabilidade, a solidaridade e a concienciación da poboación.

Os xoguetes e xogos recollidos nesta campaña entregáranse o día 3 de xaneiro aos pais e ás nais que previamente o solicitaran ata o día 21 de decembro.

Esta iniciativa está incluída na medida denominada Programas de dinamización social, igualdade de oportunidades, formación e educación de colectivos en risco de exclusión, no marco do proxecto Urbana Santiago Norte, cofinanciado polo Fondo Europeo de Desenvolvemento Rexional (FEDER).

Co gallo do Día Contra a Violencia de Xénero, a Avenida de Xoán XXIII acolle esta mañá un acto organizado polo Equipo de Dinamización Social do Urbana Santiago Norte. Nesta actividade de concienciación e sensibilización poderán participar todos e todas as cidadás que se acheguen ata aquí, colaborando na formación dun gran lazo violeta feito con máis de mil flores artesanais co que se simbolizará a implicación e a unión da cidadanía en contra desta realidade.

O Hostal dos Reis Católicos será esta tarde escenario do desfile infantil organizado pola firma LioLio en beneficio de Xuntos Podemos. Máis de cen nenos subiranse á pasarela para mostrar os modelos da colección de inverno da marca, a ritmo da música de Javi Val, de MAD Santiago, e peiteados polo equipo do salón Wom'mens Hair, dirixido polo estilista Javier G. Núñez, e situado no Corte Inglés.

A pasarela estará conducida por María Solar, autora de contos infantís e presentadora da TVG, e amadriñada por Ruth Gómez, directora da Escola Infantil Camilo José Cela do Hospital Clínico.

Constituída como unha campaña de acción a favor de persoas sen emprego e con risco de exclusión social, Xuntos Podemos naceu en 2009 do esforzo e entusiasmo para xuntar forzas en prol de calquera tipo de solidariedade.

Ao longo de toda a xornada de hoxe, e en horario ininterrompido de 10:00 a 21:00, o "Claustro de cristal" do Convento de San Francisco acolle a celebración do I Rastro solidario 'Xuntos Podemos', unha iniciativa organizada pola campaña solidaria do mesmo nome.

Ademais do rastro solidario, a xornada complétase cun programa lúdico de obradoiros, concertos, actuacións, etc. ao longo de todo o día, tanto para pequenos como para maiores.

XUNTOS PODEMOS se estrutura en torno a calquera necesidade que xurda para as familias de Santiago de Compostela que nos necesiten, garantindo que TODA a recadación e doazón vai directamente a eles sen perderse en custos de publicidade, montaxe, etc.

Máis info en http://www.juntospodemossolidaridad.com/

Vinte deseñadores de moda de vangarda presentarán as súas propostas no Auditorio de Galicia e optarán a ser o mellor deseñador ou deseñadora novel de Galicia.

A gala será presentada pola actriz e presentadora María Mera e contará coa actuación musical da cantante e actriz Alba Messa.

A gala será a favor da Asociación Española Contra o Cancro J.L. Santiago de Compostela.

O Conservatorio Profesional de Música de Santiago e o Centro Superior de Hostelería de Galicia organizan un cóctel-concerto nunha velada solidaria a favor da Cruz Vermella.

PROGRAMA

I PARTE
Coro de Amigos do CMUS
Dúo violín e violoncello
Dúo frauta e guitarra
Quinteto de vento madeira

CÓCTEL ofrecido polo alumnado do Centro Superior de Hostelería de Galicia
 
II PARTE
Conxunto de fagotes
Dúos de marimba e vento: frauta, saxofón e trompeta
Grupo de percusión

Quico Cadaval, Avelino González, Os da Ría e vari@s amig@s máis do Coro da Ra volven reunirse esta noite para recadar fondos para a festa de Nadal do Paluso. O Coro da Ra convida a todo o mundo a participar neste regalo: as doazóns recibidas na entrada irán destinadas integralmente para a tradicional festa do Paluso.

Ás 20:30 no Pub Momo de Santiago, doazón "suxerida": 5 €

Máis info: http://www.facebook.com/afestadopaluso

Un ano máis, e con máis razón, Chus Iglesias e a súa familia, ex-donos do Bar Paluso de Conxo, organizan as festas gratuitas de Noiteboa e Nadal no Centro SocioCultural Aurelio Aguirre, a única iniciativa desta índole en Compostela.
Cada vez somos máis en axudar a Chus no seu regalo á cidadanía. Se ti tamén queres colaborar, podes donar o que queiras nos petos distribuidos por Santiago ou na conta de Nova Galicia Banco da Asociación Mercerapio nº2080-0374-72-3040006116
Hai petos:
- nas sucursais de Nova Galicia Banco
- nos restaurantes Petiscos, Dezaseis e A Moa de rúa de San Pedro e na Bodeguilla de San Lázaro
- nos bares Pampín, La Flor e La Tita da zona vella, no Latino e Abrente do Ensanche e no Tempora de Salgueiriños
- nas cafeterías do Hospital Clínico, o Gil Casares e o Hospital Provincial de Conxo
- nas cafeterías das Facultades de Filoloxía, CC. da Comunicación, CC. Empresariais, Maxisterio, Medicina, Odontoloxía, Historia, CC.da Educación, Matemáticas e Químicas
- na cafetería do Campus Sur "SEU", a da UXA Sur/COIE e a do Colexio Maior Cadarso
- no Centro SocioCultural A.Aguirre de Conxo

Por oitavo ano, a ONG Implicadas no Desenvolvemento organiza a gala 'Implícate. Noite de música e palabra solidaria', un evento conducido por Luís Tosar e Yolanda Castaño no que tomarán parte de xeito desinteresado artistas como Sés, Xoán Curiel, Budiño, Quique Peón, Rubén Riós - Estíbaliz Veiga, Roberto Vilar, Anxo Angueira, Carlos Negro, Eva Veiga ou María Canosa.

O obxectivo de "Implícate! Noite de música e palabra solidaria", no que as/os artistas colaboran de xeito desinteresado, é facer un chamamento á solidariedade dos galegos e galegas, unindo a cultura galega. O propósito principal deste evento é dar a coñecer o traballo desta organización de cooperación ao desenvolvemento galego, invitar ao público a ver o mundo con outros ollos, a reflexionar, e a cambiar o mundo, dende Galicia, dende a conciencia crítica e a acción clara.

Tambien poderás realizar unha achega á Fila Cero de Implícate e achegar o teu gran de area a este

Acción Católica e Mans Unidas organizan a mesa redonda titulada 'Ante a crise, economía solidaria,'. A actividade terá lugar no CSC O Ensanche e a entrada é libre.

A Fundación Araguaney-Puente de Culturas acolle nos seus salóns a presentación do libro '20 Poemas solidarios' de María Jesús Reboredo.

A pintora compostelana María Jesús Reboredo presenta o seu libro '20 Poemas solidarios', cuio prólogo foi redactado por Monseñor D. Julián Barrio Barrio, Arzobispo de Santiago, quen á vez fará a presentación do mesmo, e cuia recaudación vai íntegramente destinada a Cáritas Diocesana. No acto estarán tamén presentes o director de Cáritas e o alcalde de Santiago, Ángel Currás Fernandez.