A igrexa de San Paio de Antealtares acolle este ano o pregón que dá inicio ao programa de actos da Semana Santa Compostelá. Pronunciará o pregón o Rvdo. P. Lois Vázquez Fernández, membro da Real Academia de Doutores de Madrid.

Ás 21:15 h.
Catedral
Concerto de inauguración dos actos dos 800 anos da consagración a cargo da Real Filharmonía de Galicia

O Venres de Paixón, a Confraría do Noso Pai Xesús Nazareno e a Santísima Virxe das Dores procesiona con cruz parroquial, música de banda de cornetas e tambores e banda de música municipal.

Os seus confrades visten hábito de sarga negro con puños, faixa e carapucha de moiré morado.
As imaxes da Virxe das Dores e do noso Pai Xesús Nazareno visten manto de veludo confeccionado e bordado nos obradoiros de costura Porto na segunda metade do século XX.

PERCORRIDO
Praza de San Miguel dos Agros – Rúa de Abril Ares – Rúa das Campás de San Xoán – Rúa da Acibechería – Catedral – Praza das Praterías – Rúa do Vilar – Praza do Toural – Rúa Nova – Rúa da Conga – Rúa do Preguntoiro – Praza de Cervantes – Rúa da Algalia de Arriba – Praza de San Miguel dos Agros – Igrexa de San Miguel dos Agros

Organizador: Junta de Cofradías de Santiago de Compostela

Comezan os actos relixiosos tradicionais da Semana Santa Compostelá. Este ano, o programa inclúe un total de 15 procesións ademais de diversos actos litúrxicos.

PROGRAMA

**PROCESIÓNS**

VENRES 15 DE ABRIL
- 21.00 h. Procesión da Virxe das Dores. Igrexa de San Miguel dos Agros.

DOMINGO 17 DE ABRIL
- 11.30 h. Procesión da Entrada en Xerusalén. Igrexa da Orde Franciscana Segrar.
- 18.00 h. Procesión da Esperanza. Igrexa das Ánimas.

LUNS 18 DE ABRIL
- 21.30 h. Procesión da Humildade. Igrexa de Sta. María do Camiño.

MARTES 19 DE ABRIL
- 21.00 h. Procesión do Cristo da Paciencia. Igrexa das NN. Mercedarias.

MÉRCORES 20 DE ABRIL
Exercicio do Via Crucis
- 19.30 Hs Eucaristía. Igrexa de San Francisco.
- 20.00 Hs Procesión. Igrexa de San Francisco.
- 23.00 h. Procesión do Cristo da Misericordia. Igrexa de Orfas.

XOVES 21 DE ABRIL
- 19.30 h. Procesión da Última Cea do Salvador. Igrexa de San Francisco.
- 23.30 h. Procesión de Xesús Flaxelado. Igrexa de Santo Agostiño.

VENRES 22 DE ABRIL
- 11.00 h. Procesión do Santo Encontro. Igrexa de San Miguel dos Agros.
- 18.00 h. Procesión da Quinta Angustia. Igrexa da Quinta Angustia.
- 20.00 h. Procesión do Santo Enterro. Igrexa de San Domingos.
- 23.00 h. Procesión da Virxe da Soidade. Igrexa de Salomé.

SÁBADO 23 DE ABRIL
- 20.00 h. Procesión dos Irmáns. Colexio da Inmaculada.

DOMINGO 24 DE ABRIL
- 18.30 h. Procesión de Cristo Resucitado. Convento de San Francisco.

DOMINGO 1 DE MAIO
- 19.00 h. Procesión do Cristo da Paciencia. Catedral de Santiago.

**CULTOS E LITURXIA**

DOMINGO 17 DE ABRIL
- 11.30 h. Praza da Quintana. Bendición de Palmas e Ramos
- 12.00 h. Catedral. Misa Estacional. Preside Sr. Arcebispo

MARTES 19 DE ABRIL
- 12.00 h. Catedral. Santa Misa Crismal. Preside Sr. Arcebispo
Consagración de Santos Óleos e Santo Crisma

XOVES 21 DE ABRIL
- 12.00 h. Catedral. Celebración comunitaria da Penitencia
- 18.00 h. Santa Misa da Cea do Señor

VENRES 22 DE ABRIL
- 10.00 h. Catedral. Celebración do Oficio de Lecturas
- 12.00 h. Celebración Comunitaria da Penitencia
- 12.00 h. Capela das Ánimas. Sermón das Sete Palabras
- 18.00 h. Celebración Litúrxica da Paixón

SÁBADO 23 DE ABRIL
- 16.00 Catedral. Sermón da Soidade
- 17.30 Vía Crucis
- 23.00 Solemne Vixilia Pascual

DOMINGO 24 DE ABRIL
- 09.45 h. Catedral. Celebración de Laudes. Con procesión de chirimías e botafumeiro
- 10.00 h. Santa Misa Estacional. Con Bendición Apostólica, concedendo “indulxencia plenaria“.

Ao longo da Semana Santa, composteláns e visitantes poderán gozar ademais dunha ampla oferta musical, proposta polo Festival de Músicas Contemplativas.

O pobo compostelán reúnese, segundo a tradición católica, no Domingo de Ramos, para bendicir as súas palmas e ramos e asistir ao mediodía á Misa Estacional, presidida polo Arcebispo de Santiago.

- 11.30 h. Praza da Quintana. Bendición de Palmas e Ramos
- 12.00 h. Catedral. Misa Estacional. Preside Sr. Arcebispo

Comeza oficialmente a celebración da Semana Santa. É o período de máis intensa actividade dentro da Igrexa, no que se fai un memorial da historia de Xesúscristo: da súa Paixón, Morte e Resurrección.

O Domingo de Ramos, os confrades da Orde Franciscana Segrar procesionan con cruz parroquial, música de banda de cornetas e tambores e banda de música municipal. Visten hábito de sarga branca con puños, faixa e carapucha amarela.

O grupo escultórico da “Entrada Triunfal de Xesús en Xerusalén” é obra de Roberto G. del Blanco.

PERCORRIDO
Campiño de San Francisco – Rúa de San Francisco – Praza do Obradoiro – Fonseca - Praterías - Praza da Quintana - Praterías - Fonseca - Praza do Obradoiro - Campiño de San Francisco.

Organizador: Junta de Cofradías de Santiago de Compostela

A Confraría da Esperanza Irmandade dos Estudantes percorre o casco histórico con cruz de guía infantil, música de banda de tambores e hábito de sarga negra con escapulario, puños, faixa e carapucha vermella.

A talla titular da Nosa Señora da Esperanza está a ser realizada polo imaxineiro compostelán Leopoldo Rodríguez. Provisionalmente, os seus confrades sacan á rúa un crucificado que se venera na capela conventual das Irmás da Caridade de San Vicente de Paúl de Santiago de Compostela.
O paso é portado integramente por raparigas.

PERCORRIDO
Praza das Ánimas - Rúa das Casas Reais – Praza de Cervantes – Rúa do Preguntoiro – Rúa da Caldeirería – Rúa de Tras de Salomé – Rúa Nova – Praza do Toural – Rúa das Orfas – Rúa da Caldeirería – Rúa do Preguntoiro – Praza de Cervantes – Rúa das Casas Reais – Praza das Ánimas.

Organizador: Junta de Cofradías de Santiago de Compostela

Misa Estacional presidida polo Arcebispo de Santiago.

A Confraría da Humildade, que foi fundada no ano 2008 por un grupo de mozos composteláns, desfilará por terceira vez polas rúas do casco histórico. O seu hábito componse de bocamangas, capuchón e cíngulo amarelo e traxe negro.

PERCORRIDO
Rúa Travesa - Casas Reais - Praza de Cervantes - Preguntoiro - Caldereiría -Orfas - Toural - Rúa do Vilar - Xelmírez - Conga - Preguntoiro - Praza de Cervantes - Casas Reais - Rúa Travesa.

Organizador: Junta de Cofradías de Santiago de Compostela

Celébrase a Santa Misa Crismal, presidida polo Arcebispo de Santiago, na que se consagran os Santos Óleos –para unxir a bautizados e enfermos- e o Santo Crisma, óleo perfumado que representa ao Espírito Santo.

O Martes Santo, a Confraría do Cristo da Paciencia procesiona con cruz de guía parroquial, música de banda de cornetas e tambores e banda de música municipal. Os seus confrades visten hábito de sarga branca con puños, faixa e carapucha vermella.

A talla do Santísimo Cristo da Paciencia é un crucificado que substitúe ao titular, obra de Gregorio Fernández, na procesión.

PERCORRIDO
Convento de Nais Mercedarias – Rúa Fonte de Santo Antonio – Rúa das Orfas – Praza do Toural – Rúa do Vilar – Praza das Praterías – Catedral

Este ano con motivo do 800 Aniversario da S.A.M.I. Catedral Compostelá, a Coordinadora de Asociacións Relixiosas e as Confrarías Penitenciais de Semana Santa, únense ao devandito Aniversario celebrando o Exercicio do Via-Crucis na Catedral Compostelá, co programa que se detalla a continuación:

- 18:30 horas: Encontro na Sancristía da Catedral
- 19:30 horas: Eucaristía. Sairase procesionalmente, as estacións serán as Cruces da Consagración.

O Mércores Santo, pola noite, a Confraría do Santísimo Cristo da Misericordia Irmandade dos Estudantes procesiona con cruz de guía, acompañada de nenos de gala, música de banda de tambores e música de capela. Os seus nazarenos visten hábito de sarga e carapucha de raso negro con escapulario, puños e cíngulo en cor marfil.

A talla do Santísimo Cristo da Misericordia é un ecce homo tallado por Diego de Sande, discípulo de Gregorio Fernández, que pertence á Orde Franciscana Segrar, en cuxa capela se venera.
A confraría organiza, todos os anos, un acto procesional especial de reverencia ao Apóstolo na Praza de Praterías, único punto da súa estación de penitencia no que a comitiva se atopa ante a Catedral.

PERCORRIDO
Porta do Colexio das Orfas. Rúa das Orfas, 5 (23:30 h) - Praza do Toural (23:45 h) - Rúa do Vilar (23:50 h) - Praza das Praterías (00:15 h) - Xelmírez (00:20 h) - Conga (00:25 h) - Rúa Nova (00:30 h) - Igrexa de Santa María de Salomé (01:00 h) - Praza do Toural (01:10 h) - Orfas (01:15 h) - Peche das Portas do Colexio (01:30 h)

Este cronograma procurará respetarse cunha variación máxima de 15 minutos sobre as horas programadas.

A carraca da Catedral, situada na torre norte da fachada do Obradoiro, é un instrumento musical de enormes dimensións que soa entre o Xoves e o Sábado Santo. Foi recuperada o ano pasado polo Consorcio de Santiago e o seu peculiar son volverá encher as rúas históricas de Santiago nesta Semana Santa.

O Xoves Santo, xoves anterior ao Domingo de Resurrección, a Igrexa católica conmemora a Última Cea de Cristo cos apóstolos e rememora a flaxelación de Cristo. Durante os oficios, celébrase o lavatorio de pés, lembrando o aceno que Xesús fixo cos seus Apóstolos.

Os católicos celebran a penitencia tras a traizón a Cristo.

Como marca a tradición católica, o Xoves Santo celébrase a Santa Misa da Cea do Señor, en conmemoración da última cea que Xesús celebrou cos seus discípulos.

Na noite do Xoves Santo, a Confraría do Noso Pai Xesús Flaxelado congrega a 350 confrades na procesión de Xesús Flaxelado, de carácter penitencial, con cruces e cadeas. Os nazarenos visten hábito negro, con carapucha, puños e cíngulo azul celeste.

A imaxe do Noso Pai Xesús Flaxelado foi tallada por Diego de Sande no primeiro terzo do século XVIII. A angarella na que procesiona foi realizada en 1953 polo ebanista Pose inspirándose nun estilo barroco.

PERCORRIDO
Praza de Santo Agostiño – Cantón de San Bieito – Praza de Cervantes – Rúa da Algalia de Arriba – Praza de San Miguel dos Agros – Rúa de Abril Ares – Rúa das Campás de San Xoán – Rúa da Acibechería – Rúa de Tras San Paio de Antealtares – Rúa da Conga – Rúa do Preguntoiro – Rúa da Caldeirería – Rúa das Orfas – Praza do Toural – Rúa do Vilar – Rúa de Xelmírez – Rúa da Conga – Rúa do Preguntoiro – Praza de Cervantes – Cantón de San Bieito – Praza de Santo Agostiño

A Confraría da Vera Cruz procesiona con cruz parroquial acompañada de carraca, música de banda de cornetas e tambores e música de banda municipal. Os seus nazarenos visten hábito de sarga negra con puños, carapucha e faixa verde oliva.

O paso da Última Cea do Salvador, premiado na Exposición Universal de París, é unha talla do escultor compostelán Sanmartín que data de 1864.
O Nazareno de Medinacelli, que se saca en procesión, foi doado á confraría recentemente polas relixiosas da Compañía de María, igrexa compostelá na que se conserva unha réplica do mesmo.
A Dolorosa que procesiona é unha talla propiedade da Orde Franciscana Segrar atribuída ao imaxineiro galego Ferreiro.

PERCORRIDO
Campiño de San Francisco – Praza do Obradoiro – Praza das Praterías – Rúa do Vilar – Rúa Nova – Rúa da Conga – Praza das Praterías – Praza do Obradoiro – Campiño de San Francisco

A Confraría do Noso Pai Xesús Nazareno e a Santísima Virxe das Dores protagoniza un segundo evento de Semana Santa: a procesión do Santo Encontro, con cruz parroquial, música de banda de cornetas e de tambores e banda de música municipal.

A Confraría do Noso Pai Xesús Nazareno e a Santísima Virxe das Dores procesiona o Venres de Paixón (procesión das Dores) e o Venres Santo (procesión do Santo Encontro). Os seus confrades visten hábito de sarga negro con puños, faixa e carapucha de moiré morado. As imaxes da Virxe das Dores e do noso Pai Xesús Nazareno visten manto de veludo confeccionado e bordado nos obradoiros de costura Porto na segunda metade do século XX. Na procesión do Santo Encontro procesionan ademais as figuras de San Xoán e da Verónica.

PERCORRIDO

Praza da Quintana (Sermón do Encontro) - Rúa da Conga - Praza das Praterías - Rúa do Vilar - Praza do Toural - Rúa Nova - Rúa da Conga - Rúa do Preguntoiro - Praza de Cervantes - Rúa da Algalia de Arriba - Rúa de San Roque - Rúa do Hospitaliño - Praza de San Martiño - Praza de San Miguel dos Agros

Tradicional Sermón das Sete palabras do Vernes Santo na Capela Xeral de Ánimas.

A Confraría da Nosa Señora da Quinta Angustia percorre o casco histórico con cruz parroquial, música de banda de cornetas e tambores e banda de música municipal.
Os seus nazarenos visten hábito de sarga negro con puños, faixa e carapucha de tea de raso verde, os de acompañamento do Cristo, e de tea de raso branco os de acompañamento da Virxe.
A imaxe da Virxe da Quinta Angustia é unha obra do século XX do imaxineiro Jesús Picón.

PERCORRIDO
Campo da Angustia – Rúa do Rosario – Rúa de Bonaval – Porta do Camiño – Rúa das Casas Reais – Praza de Cervantes – Rúa da Acibechería – Rúa de Tras San Paio de Antealtares– Rúa da Conga – Rúa do Preguntoiro – Praza de Cervantes – Rúa das Casas Reais – Porta do Camiño – Rúa de San Pedro – Campo da Angustia.

Os 150 confrades da Confraría Numeraria do Rosario conmemoran o Santo Enterro con cruz parroquial, música de banda de cornetas e tambores e banda de música municipal.
Os confrades visten de frac. O Cristo xacente é obra de Pedro Taboada; a urna na que xace é obra de Tomás Fontenla e foi ampliada por Bonome en 1955; a Virxe dos Coitelos é unha talla de 1960 de Castor Lata, e loce un manto regalo da Raíña Isabel II á confraría.

PERCORRIDO
Rúa de San Domingos de Bonaval – Porta do Camiño – Rúa das Casas Reais – Praza de Cervantes – Rúa da Acibechería – Praza da Inmaculada – Estación de Penitencia Catedral – Praza das Praterías – Rúa do Vilar – Praza do Toural – Rúa Nova – Rúa da Conga – Rúa do Preguntoiro – Praza de Cervantes – Casas Reais – Porta do Camiño – Rúa de San Domingos de Bonaval

Celebración do Oficio de Lecturas na que se medita sobre un tema bíblico.

A comunidade católica conmemora, dun xeito sobrio e solemne, a Paixón de Cristo. Lese o relato completo da Paixón segundo San Xoán e celébranse varias procesións de grande valor artístico.

Os católicos celebran a penitencia tras a traizón a Cristo.

A Confraría da Virxe da Soidade procesiona no casco histórico con imaxes da Santísima Virxe da Soidade, cuberta con manto de acibeche do artesán compostelán Marcelino, e con paso alegórico do Calvario. Procesiona con cruz parroquial, música de banda de cornetas e tambores. Os seus confrades visten hábito negro con carapucha, puños e faixa de moiré branco.

PERCORRIDO
Rúa Nova – Praza do Toural – Rúa do Vilar – Praza das Praterías – Rúa da Conga – Preguntoiro – C/ Castro – Praza da Universidade – Cardenal Payá – Orfas – Toural – Rúa Nova.

A Catedral alberga o último acto litúrxico do Venres Santo: a misa na que se conmemora a Paixón de Cristo.

Posteriormente á solemne Procesión da Soidade na noite do Venres Santo, os cristiáns reúnense ao día seguinte na Catedral, para asistir á cerimonia relixiosa onde predicarase o Sermón da Soidade; unha celebración que adoita concluír cun canto dedicado á soidade da Virxe.

A Igrexa católica celebra unha liturxia coa máxima solemnidade. No templo a escuras bendícese un lume co que se acende o Cirio Pascual, unha enorme vela que simboliza a Cristo Resucitado. Os fieis acenden os seus propios cirios, lense relatos do Antigo Testamento e cántase.

O Sábado Santo celébrase o Vía Crucis, un oratorio que se detén en cada unha das catorce estacións da cruz, lembrando o camiño que percorreu Cristo ao Calvario.

O Sábado Santo, a Confraría do Cristo da Unción e Nosa Señora da Serenidade procesiona con manto de cruz de guía, música de banda de tambores, banda da Brilat, e a Real Banda de Gaitas de Ourense. Os seus nazarenos visten hábito de sarga branca, carapucha negra e puños e faixa celeste. Tanto a talla do Santo Cristo da Unción como a de Nosa Señora da Serenidade son obras realizadas no século XX polo imaxineiro compostelán Castor Lata.

Procesiona ademais coa cruz dos infantes, un dos símbolos identificadores da confraría, que é portada por 22 nenos. O Santo Cristo da Unción sae á rúa dende 2003 sobre un trono do prateiro Ramón Orovio traído de Cidade Real.

PERCORRIDO
Concepción Arenal - Fonte de Santo Antonio - Orfas - Rúa Nova - Praza das Praterías - Fonseca - Praza do Obradoiro - Fonseca - Rúa do Vilar - Praza do Toural - Orfas - Fonte de San Antonio - Concepción Arenal

O Sábado Santo –antes chamado Sábado de Gloria- a Igrexa católica conmemora a Xesús no sepulcro.

Os católicos celebran a Resurrección de Cristo con procesión de chirimías –instrumentos musicais de vento- e botafumeiro.

Finaliza a Semana Santa cunha das celebracións máis importantes para os católicos: é o día de Resurrección de Xesucristo, do seu reencontro cos apóstolos e a súa ascensión aos ceos.

A Catedral alberga o último acto litúrxico da Semana Santa: a Santa Misa Estacional, con bendición Apostólica, que concede a indulxencia plenaria.

O Domingo de Pascua, a Confraría da Veracruz realiza a solemne procesión para celebrar o encontro co Resucitado na Praza da Quintana.

PERCORRIDO
Praza da Quintana - Rúa da Conga - Rúa Nova - Praza do Toural - Rúa do Vilar - Praza das Praterías - Rúa da Conga - Preguntoiro - Praza de Cervantes - Acibechería - Praza da Inmaculada - Val de Deus - Rúa de San Francisco, para recollerse no convento de San Francisco.

O segundo domingo de Pascua, chamado 'Dominica in albis', a Confraría do Cristo da Paciencia clausura a programación de Semana Santa, cunha segunda procesión do Cristo da Paciencia. Procesiona con cruz de guía parroquial, música de banda de cornetas e tambores e banda de música municipal. O seus confrades visten hábito de sarga branca con puños, faixa e carapucha vermella. A talla do Santísimo Cristo da Paciencia é un crucificado que substitúe ao titular, obra de Gregorio Fernández, na procesión.

PERCORRIDO

Praza do Obradoiro - Praza das Praterías - Rúa do Vilar - Porta Faxeira - Avenida de Xoán Carlos I - Avenida de Rosalía de Castro - Avenida de Vilagarcía - Rúa de García Prieto - Rúa de Sánchez Freire - Igrexa da Mercé (Conxo)

Durante a Semana Santa de 2011 diferentes igrexas da cidade histórica de Santiago de Compostela acollerán a sexta edición do Festival de Músicas Contemplativas, un certame musical que aposta polo diálogo intercultural no que participarán trece agrupacións representativas de distintas tradicións musicais de Oriente e Occidente e das súas espiritualidades.

PROGRAMA

18-IV, 20:30 h. The New London Consort (Inglaterra)
19-IV, 19:30 h. The Gustaf Sjökvist´s Chamberchoir ( Suecia)
19-IV, 21:30 h. Nodira Ensemble (Uzbekistán)
20-IV, 19:30 h. Fargana Qasimova Ensemble (Azerbaixán)
20-IV, 21:30 h. Rheinische Kantorei (Alemaña)
20-IV, 23:30 h. Deba (Mayotte – Océano Índico – África)
21-IV, 19:30 h. Diabolus in Musica (Francia)
21-IV, 21:30 h. Hilliard Ensemble ( Inglaterra)
21-IV, 23:30 h. Nouredine Khourchid & Derviches (Siria)
22-IV, 19:30 h. Vishwa Mohan Bhatt & Divana (India)
22-IV, 21:30 h. Il Complesso Barocco (Holanda)
22-IV, 23:30 h. Sheikh Yasin Al Tuhami (Exipto)
23-IV, 19:30 h. The King´s Consort (Inglaterra)

The New London Consort inaugura esta tarde o programa do VI Festival de Músicas Contemplativas, que inclúe este ano trece recitais en igrexas e claustros monumentais de Compostela. O Oratorio de Pascua de Bach será o programa elixido para o primeiro concerto, na igrexa de San Agustín.

The New London Consort (Inglaterra)

Philip Picket, director

Oratorio de Pascua: J. S. Bach – M. Praetorius

O New London Consort é un dos conxuntos de Música Antiga máis versátiles e aclamados do mundo. O grupo explora uns repertorios medieval, renacentista e barroco únicos e coloridos, ademais de presentar interesantes programas deseñados con gran coidado que combinan a seriedade académica co máis fino entretemento.
Os seus artistas principais son solistas de renome no seu campo, que comparten a mesma preocupación polo estilo e forma de traballar, do que resulta unha reputación artística, intuición e virtuosismo indiscutibles. Os seus concertos e gravacións inclúen frecuentemente primeiras interpretacións modernas de obras inéditas, redescubertas e reconstruídas, así como de pezas coñecidas vistas desde unha perspectiva nova, moitas veces controvertida.
A orquestra visita con regularidade os festivais e as salas de concerto máis importantes do mundo. As súas actuacións máis recentes inclúen unha xira mundial de L`Orfeo de Monteverdi (producida por Jonathan Miller) con actuacións en todo o Reino Unido así como en Róterdan, Luxemburgo, París, Bergen, Varsovia, Aranxuez, Pamplona, Xerusalén, Guanajato e Cidade de México; o Oratorio de Pascua no Perth International Arts Festival
e na Filarmónica de Estrasburgo; The Indian Queen de Purcell en Sevilla e Don Quixote de Purcell/Eccles en Cité da Musique en Paris. Recentemente New London Consort finalizou unha extensa xira europea presentando a súa nova reconstrución de Dido & Aeneas 1700 (producida por Jonathan Miller) con representacións no Reino Unido, España, Países Baixos, Polonia, Hungría, Luxemburgo e Austria.
Ademais de actuar frecuentemente no South Bank Centre de Londres (onde o conxunto foi a orquestra residente de 1995 a 2006) actúa tamén habitualmente nos festivais británicos máis importantes e asumiu cinco xiras en Early Music Networks por todo o país.

Durante a Semana Santa de 2011 diferentes igrexas da cidade histórica de Santiago de Compostela acollerán a sexta edición do Festival de Músicas Contemplativas, un certame musical que aposta polo diálogo intercultural no que participarán trece agrupacións representativas de distintas tradicións musicais de Oriente e Occidente e das súas espiritualidades.

O segundo concerto do día programado polo VI Festival de Músicas Contemplativas celébrase na Igrexa da Universidade. Mohamma Motamedi Ensemble, formación que chega desde Irán, interpretará un repertorio de pezas agrupadas baixo o nome de 'Música e poesía mística do imperio persa'.

O cantante iraní Mohammad Motamedi chegará a Santiago para ofrecer un recital de música tradicional persa, acompañado de dous expertos músicos, Abbos Kosimov (que tocará o doyra) e Sirojiddin Juraev (que tocará o dutar).

Mohammad Motamedi, autodidacta desde a adolescencia, converteuse nun modelo a seguir a partir de cancións de mestres como Taf Esfahani e Khansari Adib, beneficiándose tamén da orientación do desaparecido Hossein Omoumi. Traballa con varios grupos, cos que realiza extensas xiras dentro e fóra de Irán. O seu repertorio, clásico da música persa, perpetúase a través da tradición oral e consta dun corpus de pezas coñecidas como Radif. Os modos persas constrúense a semellanza dos do antigo sistema grego, é dicir, mediante a conxunción de dous tetracordios (fragmentos de escala de catro notas). Estas escalas ou modos sempre teñen sete notas, sen cromatismos, aínda que a súa afinación varía algo en relación á occidental. Os ritmos resultantes afunden as súas raíces nas músicas folclóricas da rexión de Asia Central e que poderiamos denominar música clásica popular, da que é un dos seus máximos instrumentistas o mestre Abbos Kosimov.

Durante a Semana Santa de 2011 diferentes igrexas da cidade histórica de Santiago de Compostela acollerán a sexta edición do Festival de Músicas Contemplativas, un certame musical que aposta polo diálogo intercultural no que participarán trece agrupacións representativas de distintas tradicións musicais de Oriente e Occidente e das súas espiritualidades.

A Igrexa das Ánimas serve como privilexiado escenario para o primeiro concerto do día programado polo VI Festival de Músicas Contemplativas. Nesta ocasión, The Gustaf Sjökvist´s Chamberchoir, prestixiosa formación sueca, ofrece un repertorio de pezas dos séculos XV e XVI titulado 'Magnum Mysterium'.

The Gustaf Sjökvist´s Chamberchoir ( Suecia)
Gustaf Sjökvist, director
Jan Lundgren, piano
Jesper Lundgaard, violoncello e contrabaixo
Magnum Mysterium: Varios autores (Ingmar Bergman, in memoriam)

Gustaf Sjökvist's Chamberchoir. O Coro de Cámara, foi fundado en 1994 con base na Catedral de Estocolmo en Suecia. Considerado como un dos coros máis famosos de Suecia, levou a cabo extensas xiras internacionais, ofrecendo concertos en todos os países nórdicos, en moitos países de Europa, África, Norte América e Asia.
Debido á diversidade do repertorio que interpreta colabora habitualmente con artistas internacionais como Barbara Hendricks, Edita Gruberova, Kiri Che Kanawa, Anne Sofie von Otter, The Real Group e Håkan Hagegård, entre outros moitos.
O Coro de Cámara Gustaf Sjökvist é tamén un promotor acérrimo da interpretación da música contemporánea. Durante estes anos acumula un amplo repertorio neste campo abarcando desde a maioría da obra de Francisc Poulenc, pasando pola obra de Olivier Messiaen, Arnold Schönberg, Rautavaara, Tormis, etc.
Desde os seus inicios traballaron con orquestras como a Swedish Radio Symphony Orchestra, Royal Stockholm Philharmonic Orchestra, a Drottningholm Baroque Ensemble, e con directores invitados como Eric Ericson, Emmanuelle Haïm e Perter Dijkstra, entre outros.
Ademais de música a capella, o seu repertorio inclúe oratorios como a Misa en mi menor e o Oratorio de Nadal de Bach, o Requiem de Brahms, Verdi, Mozart e Britten.
Dentro dos actos de celebración do décimo aniversario na tempada 2004-2005, varios compositores suecos compuxeron obras para o coro con letras do poeta Thomas Tranströmmer.

PROGRAMA

Magnum Mysterium
(Ingmar Bergman, in memoriam)
Adaptación de Jan Lundgren
- Vinea mea
Anónimo
- Prophetiae Sibyllarum
Orlando Di Lasso (1532-1594)
- Pastores dicite, quidnam vidistis?
Cristóbal de Morales (1500-1553)
- Se nel partir da voi
Claudio Monteverdi (1567-1643)
- Crux fidelis
John IV, Rey de Portugal (1604-1656)
- Missa de Carneval
Franchino Gaffurio (1451-1522)
- O quam gloriosum
Tomás Luis de Vitoria (1548-1611)
- Dominica CVIII. Post Pentecosten
Introitus
- Maria Magdal ene et altera Maria
Andrea Gabrieli (1510-1586)
- O Magnum Mysterium
William Byrd (1540-1623)
- Instrumental improvisation
- Parts from Missa Papae Marcelli
G. P. da Palestrina (ca.1525-1594)

Durante a Semana Santa de 2011 diferentes igrexas da cidade histórica de Santiago de Compostela acollerán a sexta edición do Festival de Músicas Contemplativas, un certame musical que aposta polo diálogo intercultural no que participarán trece agrupacións representativas de distintas tradicións musicais de Oriente e Occidente e das súas espiritualidades.

O Festival de Músicas Contemplativas, organizado polo Consorcio de Santiago, ofrece o último concerto do día, case ao fío da media noite, que se celebrará na Igrexa da Universidade. Nesta ocasión, Deba, procedente da illa africana de Mayotte, no Océano Índico, interpreta un repertorio de cantos místicos.

Debaa (ou deba), sinónimo de qasida no arquipélago de Comores, é o termo utilizado para o canto da poesía mística. A día de hoxe, aínda fai referencia a un tipo de canto masculino acompañado de tambores, sen unha coreografía específica. Ao parecer, o nome debaa xurdiu simplemente do estudo sobre as cancións dos traballos publicados de Abdurahmân al-Dayba’. A narrativa e os poemas a partir das devanditas compilaciones poida que sexan, con toda probabilidade, a fonte de inspiración da tradición debaa. O canto Dayba (Debaa) é como dicir o canto “Brel” ou “Serrat”. É dicir: “o canto dos poemas épicos de al-Dayba’”. Ata agora, non temos probas de se o mesmo al-Dayba’ tamén os cantaba, aínda que esta información sería inestimable. Hoxe en día, unha das principais fontes da canción debaa é unha colección de poemas e narrativa co nome de al-Dayba’. A hipótese é que este erudito do século XV chegou a identificarse gradualmente co canto dos poemas e a narrativa mawlid que o mesmo recompilara.
Os temas do debaa son aqueles que pertencen aos poemas místicos que invocan a Alá, que glorifican ao Profeta, encomian aos homes santos, recordando o comportamento ético moral, cantando ao amor. Estes mesmos poemas están acompañados por tambores e declamanse durante as cerimonias conmemorativas do mawlid, o nacemento do Profeta.

Durante a Semana Santa de 2011 diferentes igrexas da cidade histórica de Santiago de Compostela acollerán a sexta edición do Festival de Músicas Contemplativas, un certame musical que aposta polo diálogo intercultural no que participarán trece agrupacións representativas de distintas tradicións musicais de Oriente e Occidente e das súas espiritualidades.

A terceira xornada do VI Festival de Músicas Contemplativas prosegue no Convento de Santa Clara co concerto da formación xermana Rheinische Kantorei, que ofrecerá ao público un repertorio de Motetes de Bach.

Desde a súa fundación en 1977, o Rheinische Kantorei converteuse en sinónimo da interpretación exemplar na música histórica: un grupo que combina a austeridade coa brillantez e a creación dun son radiante, de precisión absoluta na entoación e a harmonización, que realiza un coidadoso traballo na dicción e que emite sempre un halo de transparencia e de sinxeleza. Todo iso convérteo sen dúbida nun dos grandes coros europeos da música antiga. O tamaño do coro, dependendo dos repertorios, establécese entre os doce e os trinta e dous cantantes e todos os papeis solistas son habitualmente asumidos polos propios membros do coro. Nos seus máis de trinta anos de existencia o coro abordou un gran número de recuperacións e de estreas modernas de grandes obras de compositores alemáns e europeos. O seu traballo ampliouse nos últimos anos ao repertorio romántico.

PROGRAMA

Integral de Motetes BWV 225-230
Johann Sebastian Bach
SINGET DEM HERRN EIN NEUES LIED
BWV 225
Singet dem Herrn ein nenes Lied
Gott, nimm dich Ferrer unser an
Wie sich ein Vater erbarmet
Gott, nimm dich Ferrer unser an
Die Gottesgnad alleine
Loret den Herrn in seinen Taten
Alles, was Odem hat, lobe den Herrn
DER GEIST HILFT UNSER
SCHWACHHEIT AUF BWV 226
Der Geist hilft unser Schwachheit auf
Der aber die Herzen forschet
Du heilige Brunst, süßer Trost
JESU, MEINE FREUDE BWV 227
Jesu, meine Freude
Es ist nun nichts Verdammliches
Unter deinem Schirmen
Denn das Gesetz des Geites
Trotz dem alten Drachen
Ihr aber seid nicht fleischlich
Weg mit allen Schätzen
So aber Christus in euch ist
Gute Nacht, o Wesen
So nun der Geist
Weicht, ihr Trauergeister
FÜRCHTE DICH NICHT BWV 228
Fürchte dich nicht
Denn ich habe dich erlöset
KOMM, JESU, KOMM BWV 229
Komm, Jesu, Komm
Drum schließich mich ene Hände
Drum schließich mich ene Hände
LOBET DEN HERRN, ALLE HEIDEN BWV 230
Lobet den Herrn
Halleluja

Durante a Semana Santa de 2011 diferentes igrexas da cidade histórica de Santiago de Compostela acollerán a sexta edición do Festival de Músicas Contemplativas, un certame musical que aposta polo diálogo intercultural no que participarán trece agrupacións representativas de distintas tradicións musicais de Oriente e Occidente e das súas espiritualidades.

O conxunto Fargana Qasimova Ensemble, procedente de Azerbaixán, ofrece esta tarde no Claustro do Hotel San Francisco un concerto no que interpretarán un repertorio de pezas titulado 'Spiritual Music of Azerbaijan'.

Ávida estudante de mugham, práctica informalmente co seu pai desde os 15 anos. Aos vinte é xa, plenamente e polo seu propio dereito, unha recoñecida cantante e é neste momento cando Alim Qasimov decide introducila no seu ensemble.
Fargana aparece por primeira vez en 1997 no programa The Legendary Art of Mugham, no que os dous comparten as tarefas vocais na canción getme getme. O seu seguinte album inclúe unha pista, Bagishlamani, dedicado ao seu antecesor, Nusrat Fateh Ali Khan. O lanzamento deste album marcou un punto álxido para Fargana Qasimova pois era a súa primeira versión amplamente dispoñible para o público occidental e resultou un éxito de crítica. Desde este momento Fargana actuou en moitos dos máis importantes teatros e auditorios de Europa, Estados Unidos e Asia. Fargana conecta con novas xeracións, non só é atractiva ás tradicionais islámicas e sectores da poboación de Acerbaixán, senón tamén a un público moderno e occidentalizado.

Durante a Semana Santa de 2011 diferentes igrexas da cidade histórica de Santiago de Compostela acollerán a sexta edición do Festival de Músicas Contemplativas, un certame musical que aposta polo diálogo intercultural no que participarán trece agrupacións representativas de distintas tradicións musicais de Oriente e Occidente e das súas espiritualidades.

A cuarta xornada do VI Festival de Músicas Contemplativas péchase esta noite coa actuación, na Igrexa da Universidade, de Noureddine Khourchid & Derviches de Damasco, unha formación procedente de Siria que presentará un repertorio de música e rituais místicos do seu país.

Nacido en 1966 en Damasco, Noureddine Khourchid é iniciado aos cinco anos polo seu pai o xeque Abou al-Nour no ritual místico musulmán. No seu país considéraselle un dos máis grandes recitadores do Corán.
Logo dalgúns anos na facultade de económicas, dedícase finalmente á vida espiritual. A súa gran mestría da recitación coránica permítelle fundirse perfectamente no inshad, o canto relixioso. O grupo sufí Noureddine Khourchid da gran mesquita de Damasco funde unha voz profunda e celestial que se pon de manifesto no ritmo do daf e que parece materializarse pola presenza case metafísica dos derviches xiradores.

Neste bulebule ritual infinito no que a terra e o aire parecen xuntarse, o que se esboza é o movemento universal e cosmogónico do mundo. A orde dos Mevlevís, establecida polo gran Jalâl al-Din al-Rûmî, fixo del o seu patrimonio.
O “samâ’”, do verbo árabe “escoitar”, refírese a unha práctica espiritual que consiste en cantar e en bailar para expresar os estados internos e para encomiar a Deus. Esta danza realízase co oído do corazón e revela nalgunhas músicas unha chamada ao coñecemento de si mesmo e ao retorno a un lugar máis aló de calquera espazo físico. Lévase a cabo segundo as regras precisas cargadas de simbolismo e asóciase, a miúdo, a certas prácticas das irmandades sufíes, como o dhikr, a recitación dos versos do Corán, as oracións dirixidas ao profeta Mahoma. Aínda que existiu, de forma esporádica, desde os primeiros séculos do islam, esta práctica experimentou unha reactivación grazas ao
místico Jalâl-al-Din al-Rûmî (1207-1273), quen sentou as bases teosóficas. Hoxe en día, o samâ’ aínda é practicado polos adeptos da súa senda (tarîqa), os Mevlevís otománs, como polos seus semellantes árabes os Mawlawiyya, así como polas numerosas irmandades de Oriente Medio e do Magreb. Ao longo dos séculos, esta práctica foise enriquecendo gradualmente grazas ao contacto con outros repertorios relixiosos e poéticos, ata encarnar unha especie de liturxia do recordo, entre o ceo e a terra, baseando as súas raíces nos fundamentos da mística islámica.
A posta en escena do samâ’ constitúe unha sorte de arte total, na que converxen música e danza, por suposto, pero tamén poesía, arquitectura e unha mínima escenografía. Segundo a maioría dos tratados clásicos do tasawwuf, para o bo desenvolvemento das que son as dúas prácticas sufíes máis relevantes: o samâ ou concerto espiritual e o dhikr ou invocación ritual dos nomes de Deus, é preciso que se cumpran tres condicións: zamân: tempo, makân: lugar e ijuân: as persoas participantes. Os Derviches mostran ca seu admirable plástica corporal que o sacro é tamén carnal, que en palabras do coreógrafo fránces –e musulmán– Maurice Béjart “... a danza como disciplina artística esixe un mínimo de inspiración e moitísima transpiración” en clara alusión, á ascésis transformadora á que se ten que someter o corpo e a consciencia do bailarín.

Durante a Semana Santa de 2011 diferentes igrexas da cidade histórica de Santiago de Compostela acollerán a sexta edición do Festival de Músicas Contemplativas, un certame musical que aposta polo diálogo intercultural no que participarán trece agrupacións representativas de distintas tradicións musicais de Oriente e Occidente e das súas espiritualidades.

A Igrexa de San Martiño Pinario será o escenario do segundo concerto desta xornada do VI Festival de Músicas Contemplativas, no que a formación británica Hilliard Ensemble, unha das mellores agrupacións vocais do mundo, interpretará a 'Passio Domini Nostri Jesu Christi secundum Joannem', unha das composicións iniciais ( 1982) da técnica "tintinnabuli", que recupera a tradición do canto gregoriano.

Hilliard Ensemble. É un dos mellores grupos de cámara vocais, desde a súa formación nos anos 80, cunha reputación sen igual, tanto no campo da música antiga como nova. O seu estilo característico e a súa amplamente desenvolvida musicalidade, achegan ao oínte tanto ao repertorio medieval e do Renacemento como a obras escritas por compositores vivos.
A gravación da Passio, de Arvo Pärt, en 1988 comezou unha frutífera relación tanto con Pärt como coa compañía ECM, en Munich, ao que seguiu a gravación de Litany, de Pärt. O grupo fixo encargos a outros compositores dos Paises Bálticos como Veljo Tormis e ErkkiSven Tüür, engadíndoos ao seu rico repertorio de música xunto con Gavin Bryars, Heinz Holliger, John Casken, James MacMillan, Elena Firsova e moitos outros.
Ademais dos discos a cappella, as súas colaboracións con ECM inclúen Officium e Mnemosyne co saxofonista noruegués Jan Garbarek –con quen continuan desenvolvendo a súa carreira–, e Morimur co violinista barroco alemán Christoph Poppen e a soprano Monika Mauch. Segundo a investigación da Profesora Helga Thoene, é un labor único da Partita en Re menor para violín só de Bach, cunha selección de versos corais rematado pola épica Ciaconna, na que instrumentalistas e vocalistas se unen.
O grupo continúa no seu afán de forxar relacións de colaboración con compositores vivos, ás veces nun contexto orquestral. En 1999, estrearon Miroirs des Temps de Unsuk Chin coa Orquestra Filarmónica de Londres e Kent Nagano. Con Lorin Maazel e a Filarmónica de Nova York estrearon a nivel mundial a 3ª Sinfonía de Stephen Hartke, que foi estreada a continuación en Europa pola Deutsche Radio Philharmonie Saarbrücken Kaiserslautern e Christoph Poppen. Colaboraron, ademais, coa Orquestra de Cámara de Munich nunha obra nova de Erkki-Sven Tüür. En 2007 uníronse á Orquestra Filarmónica de Dresden para estrear Nunc Dimittis do compositor ruso Alexander Raskatov, gravada para ECM. En 2009 traballaron xunto co Cuarteto Arditti no novo traballo de Wolfgang Rihm: Et Lux.
En agosto de 2008 comezou unha nova etapa para o grupo coa estrea, no Festival Internacional de Edimburgo, dun proxecto de teatro musical escrito por Heiner Goebbels, nunha produción do Théâtre Vidy de Lausanne: I went to the house but did not enter. Tras isto foi inmediatamente presentada por toda Europa e Estados Unidos e, a principios de 2011, estrearase en Korea e no Festival de Primavera de Praga.
O máis destacado do seu calendario esta tempada é o lanzamento e os concertos da
súa terceira colaboración con Jan Garbarek para ECM: Officium Novum. Tras isto, o grupo embárcase nunha xira por Europa con Garbarek. O compositor Alexander Raskatov estará moi presente na súa programación, e está previsto que interpreten as súas obras Obikhod e Nunc Dimmittis coa Orquestra de Cámara dos Países Baixos e a Orquestra Sinfónica de Basilea, respectivamente.

Durante a Semana Santa de 2011 diferentes igrexas da cidade histórica de Santiago de Compostela acollerán a sexta edición do Festival de Músicas Contemplativas, un certame musical que aposta polo diálogo intercultural no que participarán trece agrupacións representativas de distintas tradicións musicais de Oriente e Occidente e das súas espiritualidades.

A Igrexa de San Francisco será o escenario do primeiro concerto desta xornada do VI Festival de Músicas Contemplativas, no que o grupo francés Diabolus in Musica, dirixido por Antoine Guerber, ofrecerá un repertorio de pezas agrupadas baixo o nome de 'Sursum Corda! Les chants de la lumière: Ecole de Notre-Dame (1170-1240)'.

Diabolus in Musica. Os teóricos do Medievo denominaban así ao intervalo Fa-Si, esa cuarta aumentada que lles magoaba os oídos e que debía evitarse custe o que custe na polifonía.
Desde 1992, o Ensemble Diabolus in Musica dedícase ao estudo e a interpretación de todas as músicas medievais, desde o canto gregoriano ata as grandes polifonías do século XV, cunha marcada preferencia polos séculos XII e XIII en Francia. Á vangarda da investigación musicolóxica e histórica, o Ensemble traballa directamente sobre fontes manuscritas, dando prioridade aos repertorios e obras inéditas. Os seus programas sempre abordan a Idade Media de xeito orixinal e creativo, situando a música no seu contexto histórico e estético coa intención de captar a mentalidade e sensibilidade medievais.
Diabolus in Musica foi invitado aos máis importantes festivais, tanto en Francia como en Alemaña, Holanda, Bélxica e América. A súa discografía foi galardoada con varios premios.
Entre moitas outras calidades, a crítica destaca a forte personalidade das súas innovadoras interpretacións.

Antoine Guerber. Dirixe Diabolus in Musica desde 1992. Logo de dez anos de práctica de canto coral, coñeceu a Dominique Touron, fundador do Ensemble en Bordeus e a Dominique Vellard, que sería logo profesor no Centro de Música Medieval de París e no Departamento de Música Antiga do CNSM de Lyon. Desde entón a súa paixón pola música medieval foi absoluta. Logo de participar nas actividades dos Ensembles Gilles Binchois, Organum, Perceval e Jacques, Moderne, Antoine Guerber estableceuse en Touraine para dedicarse ao seu propio ensemble, ao descubrimento de repertorios inéditos e á formación de cantantes profesionais.

PROGRAMA

Sursum Corda! Les chants de la lumière
Ecole de Notre-Dame (1170-1240)

Descendit de celis
Deus misertus
Mundus Vergens
Olim Sudor Herculis
O Maria Virginei
Naturas Deus Regulis
Sursum Corda
Benedicamus Domino

Durante a Semana Santa de 2011 diferentes igrexas da cidade histórica de Santiago de Compostela acollerán a sexta edición do Festival de Músicas Contemplativas, un certame musical que aposta polo diálogo intercultural no que participarán trece agrupacións representativas de distintas tradicións musicais de Oriente e Occidente e das súas espiritualidades.

A quinta xornada do VI Festival de Músicas Contemplativas péchase a media noite coa actuación do artista exipcio Sheikh Yasin Al Tuhami, que interpretará unha selección de cantos sufíes do Alto Exipto na Igrexa da Universidade.

Sheikh Yasîn al-Tuhâmi. Un munshid é un intérprete do inshad dini (canto relixioso islámico). Este canto consta de catro xéneros diferentes: o ibtihalat (poesía cuxo tema é a súplica, é interpretada unicamente polo solista), o tawashih diniyya (poesía relixiosa baseada nun intercambio melódico entre o solista e o coro), os qisas diniyya (historias relixiosas cantadas e narradas á vez polo cantante ao que acompaña a orquestra) e o inshad sufí que contén os temas da mística islámica, a miúdo interpretado durante as reunións sufíes debido aos efectos espirituais que proporciona. O Sheikh Yasîn al-Tuhâmi é indiscutiblemente o munshid sufí máis famoso de Exipto. Nacido en 1948 en Hawatka, unha comunidade de agricultores próxima a Assiout, Sheikh Yasîn recibiu unha educación relixiosa tradicional, estudando a recitación coránica, as ciencias relixiosas e o árabe clásico, coñecementos que lle foron de gran utilidade na súa carreira. Ningún dos membros da súa familia foi munshid, nin tampouco había posibilidade algunha de estudar inshad na escola, polo que aprendeu a cantar imitando o que oía nas reunións sufíes locais. Tamén lle influíron os programas de radio dos munshid-s máis famosos, a salmodia do Corán e as grandes estrelas da música árabe, incluíndo a Nasr al-Din Tubar, Mustafa Isma’il e sobre todo a Umm Kulthum. En 1973, comezou a darse a coñecer nas festas relixiosas (mawlid-s). Alí onde a maioría dos munshid-s cantaban mesturando o árabe clásico co popular, el distinguíase por cantar só en árabe clásico, cunha pronuncia perfecta. Incitado e asistido polos sheikhs sufís e os profesores, impresionados pola súa voz refinada, obrigouse a ampliar o seu repertorio, memorizando poesía mística a partir de diferentes libros e para enriquecer o seu son, aumentando o grupo de percusión tradicional mediante instrumentos melódicos. Nuns poucos anos recibiu invitacións para actuar por todo Exipto e conseguiu un contrato para gravar.
Actualmente ten contratadas actuacións con varios meses de antelación, con máis de 30 discos no mercado, e unha gran cantidade de gravacións privadas de audio e vídeo de gran circulación entre os seus fans. Desde a súa casa en Hawatka, percorre todo Exipto actuando máis de 200 noites por ano, durante as reunións sufíes, desde Asuán a Alexandría. As súas innovacións estilísticas, a súa arte e o seu éxito deron lugar a unha gran cantidade de imitadores que forman unha verdadeira escola virtual madrasa (escola), situada no centro de Exipto, pero irradiando a súa influencia por todo o país. No último ano, empezou a darse a coñecer no estranxeiro.

O sufismo é ante todo unha práctica e unha experiencia. Como din os sufíes, “quen o proba, sábeo”. Un musulmán é aquel que se somete a Alá. Cumprindo as esixencias básicas da Lei Divina (shari’a), un espera entrar no Paraíso na outra vida. Pero o sufí, motivado por un amor profundo e vehemente, busca achegarse a Alá e ao Profeta nesta vida. Esfórzase en imitar ao Profeta en todos os aspectos; practica devocións extraordinarias co fin de purificar os seus baixos instintos (nafs), e elevar o seu espírito cara a Deus (ruh).

Durante a Semana Santa de 2011 diferentes igrexas da cidade histórica de Santiago de Compostela acollerán a sexta edición do Festival de Músicas Contemplativas, un certame musical que aposta polo diálogo intercultural no que participarán trece agrupacións representativas de distintas tradicións musicais de Oriente e Occidente e das súas espiritualidades.

A Igrexa das Ánimas acolle o segundo dos concertos programados polo VI Festival de Músicas Contemplativas para esta xornada. Il Complesso Barocco, formación holandesa dirixida por Alan Curtis, ofrecerá a interpretación de diversos responsorios de Xoves Santo.

Il Complesso Barocco. Fundado en Amsterdam en 1979 por Alan Curtis, un dos especialistas máis aclamados na interpretación de música prerromántica, converteuse nunha orquestra barroca de renome internacional, especializada en ópera e oratorios do Barroco italiano. O seu alto nivel de interpretación, a entonación e a exactitude estilística levouna a ser solicitada regularmente nas principais salas de concerto e festivais de Europa e América.
O director Werner Herzog escolleu ao conxunto como protagonista para a súa película “Morte a cinque voci” (Prix Italia 1996 e Premio Rembrandt, Amsterdam 1996) dedicada ao compositor Carlo Gesualdo. Il Complesso Barocco tamén gravou o Primeiro Libro do Madrigal de Michelangelo Rossi (cualificado como “increiblemente belo “ por The Guardian) e concedéronlle o Preis der Schallplattenkritik Alemán e o Premio de Gravación Internacional “Antonio Vivaldi”.
Il Complesso Barocco, xogou un papel fundamental na recuperación de óperas Barrocas, sobre todo de Monteverdi, Vivaldi e Handel. “Admeto”, a primeira ópera de Handel, foi recuperada con instrumentos orixinais, incluíndo a tiorba, sendo dirixido por Alan Curtis no Concertgebouw de Amsterdam en 1979 e gravada por EMI, obra moi eloxiada.
Proximamente a orquestra presentará unha xira e gravará “Giove in Argo” de Handel, un recital con Ann Hallenberg e un programa de arias e dúos de Handel en torno ao bestiario con textos de Donna León.

PROGRAMA

Responsoria: FERIA V. Responsorios para el Jueves Santo. In Coena Domini
- Toccata Prima del Iº tomo finto
Giovanni Salvatore
- I Responsorio
Gesualdo
- Durezze e Ligature
Giovanni Salvatore
- II Responsorio
Gesualdo
- Canto Fermo Secondo del secondo tono (del libro IIº)
Giovanni Maria Trabaci
- III Responsorio
Gesualdo
- Toccata Quarta (del Iº libro)
Ascanio Mayone
- IV Responsorio
Gesualdo
- Consonanze Stravaganti
Giovanni de Macque
- V Responsorio
Gesualdo
- Seconda Stravaganza
Giovanni de Macque
- VI Responsorio
Gesualdo
- Canto Fermo Secondo del secondo tono (del libro IIº)
Giovanni Maria Trabaci
- VII Responsorio
Gesualdo
- Ricercar
Giovanni de Macque
- VIII Responsorio
Gesualdo
- Verso Primo per il Sanctus delle Domeniche
Giovanni Salvatore

Durante a Semana Santa de 2011 diferentes igrexas da cidade histórica de Santiago de Compostela acollerán a sexta edición do Festival de Músicas Contemplativas, un certame musical que aposta polo diálogo intercultural no que participarán trece agrupacións representativas de distintas tradicións musicais de Oriente e Occidente e das súas espiritualidades.

O guitarrista indio Vishwa Mohan Bhatt, acompañado pola formación Divana Ensemble, ofrece esta tarde na Igrexa de San Martiño Pinario un repertorio de pezas agrupadas baixo o nome de 'Desert Slide'.

Pandit Vishwa Mohan Bhatt. Literalmente “o encantador do mundo”, reivindica a súa filiación con Tansen, mestre de música na corte de Akbar (século XVI). Gañador dun Grammy polo proxecto gravado a dúo con Ry Cooder en 1994 “A meeting by the river”, é un dos poucos músicos indios que se coñece en Occidente. Este antigo alumno de Ravi Shankar construíu a Mohan Veena, unha guitarra que combina as características dos instrumentos de corda tradicionais indios cos da slide guitar norteamericana, da que mantén de forma subliminar as súas características máis fermosas. A creación do mohan veena, instrumento divino, que é guitarra e cítara á vez, parecido ao sarod, á que engadiu 14 cordas para incrementar o seu potencial, con sons de blues e hawaianos, obriga ao intérprete a ir máis aló dos límites do son tradicional, tamén fascinante.
Para este proxecto, este virtuoso, nacido en Raxasthán, asóciase cos seus compatriotas xitanos de Divana Ensemble, cuxo talento é ben coñecido hoxe en día. Como parte da caste dos músicos Langas e Manganyars, que antigamente se dedicaban aos Rajás, estes artistas levan actuando con éxito dende hai 25 anos en diversos eventos musicais dedicadas aos xitanos.

Durante a Semana Santa de 2011 diferentes igrexas da cidade histórica de Santiago de Compostela acollerán a sexta edición do Festival de Músicas Contemplativas, un certame musical que aposta polo diálogo intercultural no que participarán trece agrupacións representativas de distintas tradicións musicais de Oriente e Occidente e das súas espiritualidades.

A VI edición do Festival de Músicas Contemplativas chega hoxe á súa fin coa actuación, na Igrexa das Ánimas, do prestixioso conxunto británico The King's Consort, dirixido por Robert King, que estará acompañado para a ocasión polas sopranos Sophie Junker & Mhairi Lawson e ofrecerá un repertorio de pezas titulado 'Trois Leçons de Ténèbres: F. Couperin – Sainte-Colombe - Marais'.

The King’s Consort. É unha das máis destacadas orquestras europeas de instrumentos de época. Fundada en 1980 por Robert King, TKC e o seu igualmente prestixioso Coro de The King´s Consort estiveron de xira polos 5 continentes, actuado en case todos os países de Europa, extremo oriente, así como Norte e Suramérica. Con 95 CDs en catálogo e máis dun millón de copias vendidas TKC é unha das orquestras de instrumentos históricos con maior número de gravacións.
Durante 30 anos TKC presentou unha extraordinaria variedade de repertorio, que abarca desde 1550 ata a actualidade, nas mellores salas de concertos. Destacan varias intervencións nos BBC Proms; representacións da espectacular Coroación de Jorge II, a reconstrución veneciana Lo Sposalizio, A Misa en si menor e A Paixón segundo San Mateo de Bach e do Elías de Mendelssohn por toda Gran Bretaña e Europa; versións escénicas de The Fairy Queen de Purcell en España e o Reino Unido; o concerto inaugural de “As Celebracións de Purcell” para BBC Televisión e o Réquiem de Mozart no glorioso palacio da Alhambra de Granada. Outras óperas escenificadas foron Ottone de Händel en Xapón e Gran Bretaña, Ezio, tamén de Händel, no Théâtre deas Champs-Elysées de París e The Indian Queen de Purcell no histórico teatro de Schwetzingen en Alemaña. En xiras máis afastadas ofreceron concertos e funcións de ópera en Xapón, Hong-Kong e Filipinas, en México, Brasil e Arxentina e por todos os EEUU e Canadá. No ámbito cinematográfico o Coro de TKC participou nas bandas sonoras das películas O Reino dos Ceos de Ridley Scott, As Crónicas de Narnia, Piratas do Caribe, Flushed Away e O Código Da Vinci.

Robert King. Nacido en 1960, King foi membro do Coro do St John’s College de Cambridge onde as súas interpretacións solistas inclúen unha gravación con gran éxito de vendas do Réquiem de Duruflé. En 1980 durante a súa estancia na Universidade de Cambridge fundou a orquestra de instrumentos de época e coro The King’s Consort. Fixo o seu debut nos BBC Proms como director en 1991 e desde entón foi invitado en sete ocasións máis.
A apertada axenda como director de Robert King, logo de 30 anos dunha dinámica carreira que lle levou por todo o mundo cun repertorio dunha amplitude pouco habitual. Aparte do especial recoñecemento que recibe polas súas interpretacións da música barroca, tamén inclúe un amplo espectro de obras clásicas e románticas temperás, tanto sinfónicas como
corais, con especial énfase na música de Mozart, Haydn e Mendelssohn e unha continua especialización nos compositores ingleses de comezos do S. XX, particularmente nos traballos de Ralph Vaughan Williams. Está considerado un destacado experto na música de
Henry Purcell. A máis diso as súas extensas edicións discográficas de obras deste compositor, foi Director Artístico do Festival do Terceiro Centenario de Purcell celebrado no Wigmore Hall e autor da “biografía definitiva” do compositor.

PROGRAMA

Trois Leçons de Ténèbres
François Couperin ‘Le Grand’
Magnificat anima mea
Monsieur de Sainte-Colombe le fils
Prélude en mi menor
Marin Marais
Tombeau pour Sieur de Ste. Colombe
Marin Marais
Chaconne en La mayor
François Couperin
Motet pour le jour de Pâques
François Couperin
Trois Leçons de Ténèbres
Première leçon
Deuxième leçon
Troisième leçon

Durante a Semana Santa de 2011 diferentes igrexas da cidade histórica de Santiago de Compostela acollerán a sexta edición do Festival de Músicas Contemplativas, un certame musical que aposta polo diálogo intercultural no que participarán trece agrupacións representativas de distintas tradicións musicais de Oriente e Occidente e das súas espiritualidades.