Conmemoración das Xornadas Europeas do Patrimonio por medio dun recital en directo a cargo dos músicos Manuel Paino (fliscorno e trompeta), Miguel Paz (percusión) Alex Salgueiro (teclados) e Marcos Paino (bases electrónicas).

Desde 1991 unha vez ao ano a cidadanía de 49 países celebra o patrimonio cultural europeo a través das Xornadas Europeas do Patrimonio. Visitas guiadas, itinerarios, exposicións, concertos e todo tipo de manifestacións culturais convocan a cidadanía a unha festa do patrimonio cultural.
No Museo do Pobo Galego conmemóranse as Xornadas convidando persoas de distinta procedencia profesional, a realizar a súa propia visita ao Museo, a compartir a súa particular ollada sobre el. Os músicos Manuel Paino (Fliscorno e Trompeta), Miguel Paz (Percusión ) Alex Salgueiro (Teclados ) e Marcos Paino (Bases electrónicas)  sumaranse coa súa mirada musical ás mostradas en edicións anteriores de “Olladas” a través da danza, da narración oral e da Historia.

O Grupo Cidades Patrimonio da Humanidade de España celebra o 40º Aniversario da Convención do Patrimonio Mundial da UNESCO baixo o lema “Patrimonio Mundial e desenvolvemento sostible: o rol das comunidades locais”.

Celébrao connosco!

En 1960 un suceso extraordinario reuniu ao espírito da comunidade internacional arredor da protección dun monumento histórico: cando o templo de Abu Simbel se viu ameazado pola construción dunha presa no Nilo, 50 países uniron esforzos para trasladalo a unha área a salvo de inundacións.

Visto desde hoxe, este foi o primeiro paso para que a comunidade internacional chegara a considerar que algúns tesouros do planeta son de interese de todos os homes e comezara a idear medios para salvagardalos.

Doce anos despois, o 16 de novembro de 1972, a UNESCO aprobou a Convención do Patrimonio Mundial, que busca protexer os sitios culturais e naturais considerados de valor universal excepcional.

Hoxe, a Convención foi adoptada por 190 países e existen 962 sitios inscritos na Lista de Patrimonio Mundial, distribuídos en 157 países.

Neste ano, o 40º aniversario da Convención, baixo o lema “Patrimonio Mundial e desenvolvemento sostible: o rol das comunidades locais”, o Grupo de Cidades Patrimonio da Humanidade de España reúnese para celebrar esta ocasión, mostrando os seus valores a través dunha serie de eventos e actividades abertas a todo o público.

O Grupo Cidades Patrimonio da Humanidade de España está formado por Alcalá de Henares, Ávila, Cáceres, Córdoba, Cuenca, Ibiza/Eivissa, Mérida, Salamanca, San Cristóbal de La Laguna, Santiago de Compostela, Segovia, Tarragona e Toledo.

+ info: www.40aniversariopatrimoniomundial.com

PROGRAMA DE ACTIVIDADES

Xornada de portas abertas en museos e monumentos

Visita virtual ao Parque da Alameda

Visita guiada 'Monumentos verdes: Parque de Bonaval'

Visita guiada 'Monumentos verdes: Parque da Alameda'

Baixo o lema 'Patrimonio Mundial e desenvolvemento sostible: o rol das comunidades locais', Santiago de Compostela celebra hoxe o 40 aniversario da aprobación da Convención do Patrimonio Mundial por parte da UNESCO, que busca protexer os sitios culturais e naturais considerados de valor universal excepcional.

Entre as actividades programadas para celebrar este aniversario encóntrase a Xornada de portas abertas de numerosos museos e monumentos emblemáticos da cidade.

MUSEOS E MONUMENTOS PORTAS ABERTAS

Casa da Troia
Horario: 11:00-14:00 / 16:00-20:00 h.
Rúa da Troia, s/n

Centro Galego de Arte Contemporánea CGAC
Horario: 11:00-20:00 h.
Rúa Ramón del Valle-Inclán, s/n

Fundación Eugenio Granell - Pazo de Bendaña
Horario: 11:00-14:00 / 16:00-20:00 h.
Praza do Toural, s/n

Hostal dos Reis Católicos
Horario: 11:00-14:00 / 16:00-19:00 h.
Praza do Obradoiro

Mosteir1o de San Martiño Pinario
Horario: 10:30 h.
(visita guiada de 2 hrs. de duración aprox.)
Reservas: secretariadireccion@santiagoturismo.com
Praza do Obradoiro

Museo Centro Gaiás - Cidade da Cultura de Galicia
Horario: 11:00-20:00 h.
Avda. Manuel Fraga, s/n

Museo de Antropoloxía e Etnografía Sotelo Blanco
Horario: 9:00-15:00 h.
San Marcos, 77

Museo de Arte Sacro - Colexiata do Sar
Horario: 10:00-13:00 / 16:00-19:00 h.
Rúa de Sar

Museo de Arte Sacro – Mosterio e Igrexa de San Paio de Antealtares
Horario: 10:30-14:00 h.
Vía Sacra, 5

Museo da Anestesia do Colexio Médico - Facultade de Medicina
Horario: 9:00-21:00 h.
Rúa de San Francisco

Museo da Catedral
Horario: 10:00-13:30 / 16:00-18:30 h.
Praza do Obradoiro

Museo das Peregrinacións - Casa Gótica
Horario: 10:00-15:00 h.
Rúa de San Miguel, 4

Museo das Peregrinacións e de Santiago
Horario: 10:00-14:00 / 16:00-20:00 h.
Praza das Praterías

Museo de Terra Santa – Convento e Igrexa de San Francisco
Horario: 10:30-13.30 / 16:00-19:00 h.
Rúa do Campiño de San Francisco, 3

Museo Pedagóxico de Galicia MUPEGA
Horario: 10:00-14:00 / 16:00-20:00 h.
Rúa de San Lázaro, 107

Museo do Pobo Galego - Convento e Igrexa de San Domingos de Bonaval
Horario: 10:00-14:00 / 16:00-20:00 h.
Rúa de San Domingos de Bonaval, s/n