A Concellaría do Medio Ambiente de Santiago desenvolve por terceiro ano consecutivo o programa de visitas guiadas polos parques e ríos de Compostela, xa iniciado na primavera e que agora continua no outono. A oferta de visitas tense deseñado co obxectivo de pór en valor os espazos naturais de Santiago e están destinadas tanto o alumnado dos centros de ensino como a calquera grupo de persoas interesado nunha visita guiada.

Entre as actividades que se ofertan está a posibilidade de facer visitas guiadas aos parques da Alameda, San Domingos de Bonaval, Belvís, Almáciga, Granell, Pablo Iglesias, Bouza Brei e Ponte Mantíbel entre outros. Tamén se propón a realización de roteiros guiados polos ríos Sar, Sarela, Corvo, Tambre e Santa Lucia, testemuños da convivencia entre o núcleo urbano e o contorno natural.

Santiago conta cunha gran superficie e unha gran diversidade de zonas verdes, que cumpren unha importante función ambiental tanto no referido á infiltración da auga, como a purificación do aire ou a calidade paisaxística.

Información e contacto

Os grupos interesados (máximo de 25 persoas ou grupo-aula) deberán solicitar o día da semana no que prefiran facer a visita, en horario de 10.00 a 14.00 h da mañá. Unha vez se confirme o horario e día solicitado acordaremos o punto do parque ou río no que comezará e rematará a visita.

Para recibir máis información sobre estas actividades poden poñerse en contacto co Departamento de Medio Ambiente no teléfono 650 125 589. Para solicitar directamente as visitas guiadas deberá cubrir a ficha que se pode descargar en www.compostelaviva.org  e enviala ao correo-e medioambiente@santiagodecompostela.org ou ao fax 981 54 23 68.

O Centro Gaira organiza este fin de semana unhas xornadas de saúde baseadas no Método Georges Courchinoux nas que se elaborará un traballo físico práctico para reprogramar a dieta axustada á estación outonal.

Obxectivos:

- Preparar o organismo para que se adapte aos cambios naturais climáticos, os cales ofrecen pouco a pouco alimentos diferentes en cada estación.
- Programar o tipo de alimentación máis adaptada.
- Indicar a parte a máis activa das plantas, que en forma de decocción ou infusión poden ser tomadas en cada estación.
Trataremos en primeiro lugar o inverno, despois a primavera e o verán, conservando asi o outono para concluír este ciclo das estacións.

A XORNADA DE SAÚDE é un regalo para o teu corpo, no que todos poden participar. Está aberto a todo tipo de persoa interesada en coidarse e en coñecer mellor o seu corpo.

O creador: GEORGES COURCHINOUX
Fisioterapeuta, masaxista e sofrólogo, orientou dende 1979 a súa formación cara a técnicas globais e holísticas:
-Catro anos de estudos de Medicina Tradicional China.
-Cursos de formación en técnicas de reeducación postural, método Méziers e campo pechado.
-Diversas formacións de toma de consciencia corporal, desenvolvemento persoal e de enerxética.
-Máster en sofroloxía aplicada á profesión de fisioterapeuta masaxista.
Foi desenvolvendo as súas intervencións en cada unha das orientacións de Corpo e Consciencia. Dende 1986 dedica a súa vida profesional ao traballo como fisioterapeuta, sofrólogo, animador de grupos de "Corpo e Consciencia" e a ensinar o seu método por Francia e o estranxeiro.

Lugar:
Centro Gaira
Rúa Emilia Pardo Bazán 4 baixo
Santiago de Compostela (A Coruña)

Información e inscricións:
Nos seguintes teléfonos: Centro Gaira
Martha Franco
Tel: 679 345 927 /881 975 249
danzagaira@yahoo.es
Inscrición e forma de pagamento:
Ingreso en conta n.º:
2091 0300 47 3001635940-Caixa Galicia
IMPORTANTE: Enviar un email reservando a praza, xa que só hai 12 prazas dispoñibles. Enviar nome completo e número de contacto.
Facer o ingreso de matrícula ou o total se se prefire antes do 27 de outubro do 2010
O resgardo pódelo enviar a: danzagaira@yahoo.es

Cancelación: En caso de anulación, devolverase o 50%. Unha vez iniciado o curso o importe non será devolto.

Nota:
O organizador resérvase o dereito de modificar as condicións e datas previstas no programa.

O Centro Gaira organiza un obradoiro de danza afro, nunha sesión pensada para afrontar a estación de verán con toda a enerxía.

A danza tradicional africana convida a un ritual no que se propón deixar o corpo dispoñible para que a enerxía flúa polo corpo e se exprese, ao ritmo da música, principalmente a percusión… instrumentos que veñen da terra e producen unha vibración especial. 

Non toda a música africana se danza só cos pés, existen movementos ondulantes que permiten mobilizar todo o eixe do corpo dun xeito consciente, xa que a técnica desta danza permite un coñecemento do eixe corporal, a columna e así permitir os movementos rápidos, vibrantes sen perigo. Non todas as danzas africanas son rápidas e explosivas, tamén as hai moi sutís e delicadas, participa e descobre os beneficios deste tipo de danza.

Esta proposta está dirixida a todos aqueles que desexen gozar do movemento, non importa idade, ou condición física.

O 'Sistema Río Aberto' é unha técnica psico-corporal lúdica e creativa que integra coñecementos de diferentes disciplinas tales como a bioenerxética, o ioga, a danza e a expresión corporal. Corrixe hábitos posturais, amplía a capacidade respiratoria, a flexibilidade articular e o ton muscular, favorecendo o equilibrio enerxético e un estado de relaxación e vitalidade. Proporciona unha fonte de enerxía que nos permite sentir que exercemos control sobre a nosa vida.

O obradoiro titulado 'Al encuentro con lo femenino' Mi centro en movimiento', organizado polo centro Gaira, propón diversas actividades para todas aquelas mulleres que desexen facerse un agasallo de benestar e equilibrio. Danza, Corpo e Consciencia (método Georges Courchinoux), movemento expresivo, relaxación e creatividade' Un espazo de encontro feminino, coa nosa enerxía vital, o noso movemento, o noso corpo.

Esta é unha proposta mensual, un taller con continuidade ou non dependendo das circunstancias persoais de cada un.

Percorreremos a nivel corporal, emocional e enerxético os diferentes centros do corpo, coñecéndoos, nutríndonos e desenvolvendo o noso potencial, non fai falta estar nun estado ideal para participar.

Para este primeiro encontro iniciaremos co Centro Baixo: (enraizamento, estabilidade, seguridade, forza, auto apoio...). Fisioloxicamente corresponde coa zona da base da columna, as pernas, os pés, as nádegas, e o sistema inmunitario. Dende o punto de vista emocional/mental, o seu tema principal é a supervivencia: o desexo de vivir e a seguridade de que imos ser capaces de provernos de todo aquilo que necesitamos para subsistir, o noso soporte e a parte máis primitiva de nós mesmos.

O movemento consciente desta parte do corpo, desta parte de mín, acompañado de todo o resto do corpo, da respiración, da música, do silencio, a relaxación e nutrición serán as ferramentas de traballo.
Apoiarémonos en diversas técnicas de traballo corporal e emocional: Danzas tribais, Corpo e Consciencia, (método Georges Courchinoux), Movemento expresivo (Sistema Rio Abierto), relaxación, nutrición e creatividade...

Este espazo está dirixido a todas aquelas mulleres que desexen facerse un regalo a si mesmas... O traballo grupal axúdanos a encontrar noso propio espazo...

Inscricións: 679 345 927 ou via correo electrónico.

Imparte: Martha Franco Formada en diferentes estilos de danzas étnicas, en teatro e técnicas de expresión; Formada en Movemento e Terapia Psicocorporal e Transpersoal para o desenvolvemento Harmónico (Sistema rio Abierto), Diplomada en Corpo e Consciencia,(Método Georges Courchinoux).Más de 15 anos ensinando e investigando sobre o movemento e a danza como terapia. Actualmente imparte talleres en España e Italia, traballa de forma individual con persoas con capacidades diferentes ou persoas que desexan afondar en si mesmas.

A Universidade de Santiago de Compostela organiza durante dúas xornadas o curso de verán titulado "A camelia: influencia no  desenvolvemento no sector viveirístico ornamental e o turismo en Galicia", que se celebrará no Salón de Graos da Facultade de Bioloxía os días 6 e 7 de setembro.

"A camelia: influencia no  desenvolvemento no sector viveirístico ornamental e o turismo en Galicia"

Dirección
María Jesús Sainz
Carmen Salinero

Secretaría
Pilar Vela
Mª Isabel Iglesias

PROGRAMA

** 6 de setembro
- 9:00. Entrega de documentación
- 9:30. Presentación e apertura do curso
- 10:00. Historia da camelia en Europa
María Jesús Sainz Osés. Departamento de Produción Vexetal. Universidade de Santiago de Compostela
- 11:30. Agrobiodiversidade e usos de especies de camelia
Pilar Vela Fernández. Estación Fitopatolóxica do Areeiro, Deputación de Pontevedra
- 12:30. A camelia amarela: pasado, presente e futuro
Eusebio López Redondo. Produtor e coleccionista de camelias
- 16:00. Taller sobre propagación do xénero Camellia
Eusebio López Redondo. Produtor e coleccionista de camelias, Sillobre (Fene, A Coruña).
- 17:30. Enfermidades da camelia
J. Pedro Mansilla Vázquez. Estación Fitopatolóxica do Areeiro, Deputación de Pontevedra
- 18:30. Pragas da camelia en Galicia: importancia e control
Rosa Pérez Otero. Estación Fitopatolóxica do Areeiro, Deputación de Pontevedra

** 7 de setembro
- 9:30. Historia botánica de Camellia
Jesús Izco Sevillano. Departamento de Botánica, Universidade de Santiago de Compostela.
- 10:30. A ruta da camelia nos xardíns de Galicia
Carmen Salinero Corral. Estación Fitopatolóxica do Areeiro, Deputación de Pontevedra
- 12:00. Marca turística de Galicia: papel da camelia
Jose Ramón Castiñeiras Sobrido. Área de Congresos e Viaxes de Incentivos, Turgalicia, S.A.
- 13:00. O comercio da camelia
Enrique Argibay García. Viveros Denoy, S.L. (Arzúa, A Coruña).
- 16:00. Visita aos xardíns do Pazo de Santa Cruz de Ribadulla (Vedra, A Coruña)
- 18:30. Clausura do curso e entrega de certificacións.

Inscrición: http://www.usc.es/cultura/uverano12cursos.htm
Prazo: 15 de maio ao 31 de agosto

A natureza foi, dende o comezo, un dos obxectivos principais da fotografía. As paisaxes de lugares remotos e as novas especies de animais que se ían descubrindo encheron as páxinas das primeiras publicacións fotográficas.

Dende aquelas imaxes en branco e negro ata as actuais fotografías que se poden ver en revistas especializadas existe un abismo técnico, pero ambas manteñen a mesma filosofía: gozar da natureza.

Neste curso búscase que o alumno, afeccionado a saír ao monte coa súa cámara, coñeza as pautas básicas da fotografía de natureza, dende a fotografía de paisaxe á de plantas e animais. Sempre a través de imaxes, ensinaranse as técnicas máis utilizadas polos fotógrafos de natureza, das cales algunhas se poderán aplicar na próxima saída que fagan ao monte e outras, as máis complicadas de aplicar por cuestión de equipo ou dificultade, que se ben non se utilizarán nun primeiro momento, serviranlle para entender como se fan as imaxes que se ven a diario en revistas ou Internet.

** Estrutura do curso:
Tres sesións, unha teórica, unha saída ao campo e a última de visualización das imaxes feitas polos alumnos.

** Duración: 14 horas
** Datas de realización: 22 e 24 de febreiro, 1 de marzo
** Lugar: Sede da Fundación USC Deportiva (Praza de Pascual Veiga 7, Entrechán A)

**Horario:
- Venres: 18:00-21:00 h.
- Saída ao campo: 10:00-18:00 h. (Ruta polo Sarela e Monte Pedroso).

Prezo: 85 €

Inscrición: www.fundacionuscdeportiva.org

Un ano máis, El Correo Gallego organiza a xa tradicional Carreira Pedestre Popular, unha cita deportiva que chega xa á súa XXXIII edición. A saída da carreira de adultos está prevista ás 10:00 horas da Avenida Xoán XXIII e a de nenos, ás 11.30 h dende o mesmo punto. A competición rematará na Praza do Obradoiro.

ITINERARIO DA CARREIRA PEDESTRE (ADULTOS):

Xoán XXIII, Praza da Paz, San Caetano, Camiño Francés, Rúa das Fontiñas, Concheiros, Rúa de San Pedro, Porta do Camiño, Virxe da Cerca, Fonte de Santo Antonio, Praza de Galicia, Doutor Teixeiro, Ponte Castro, Rúa da Rosa, Santiago de Chile, Praza de Vigo, Rosalía de Castro, Avenida da Coruña, Avenida das Ciencias, Avenida do Doutor Novoa Santos, Avenida das Burgas, Avenida de Compostela, Cruceiro do Galo, Pombal, Galeras, Rúa de Domingo García-Sabell, Costa San Francisco, Castiñeiros, Pelamios, Rúa de Ricardo Carvalho Calero, Avenida do Burgo das Nacións, Avenida de Castelao, Praza da Paz, Pastoriza, Basquiños, San Roque, Algalia de Arriba, Praza de Cervantes, Preguntoiro, Rúa do Castro, Praza da Universidade, Praza de Mazarelos, Rúa do Cardenal Payá, Orfas, Toural, Rúa do Vilar, Praza das Praterías, Fonseca, Praza do Obradoiro.

A carreira de nenos, que discorrerá por parte do percorrido anterior, tamén pasará polas rúas da Senra, Campo da Estrela, avenida de Figueroa, Pombal e Cruceiro do Galo.

Máis info en: 

http://webcache.googleusercontent.com/search?q=cache:jxmkjpcsd_oJ:www.elcorreogallego.es/deportes/carreira-pedestre-de-santiago/ecg/reglamento-general-xxxiii-carreira-pedestre-popular-correo-gallego/idEdicion-2010-10-05/idNoticia-596827/+carrera+pedestre+santiago+2010&cd=3&hl=es&ct=clnk&gl=es

Los Auténticos Decadentes, a gran banda popular arxentina por excelencia, con máis de 20 anos de traxectoria e 11 discos de estudo, presenta na Sala Capitol o seu novo traballo, 'Irrompibles'. Xunto a eles, Notevagustar, grupo uruguaio que se move entre os ritmos tradicionais da súa terra e a mellor sangue do rock arxentino.

"Irrompibles", é o nome do novo álbum de estudo de Los Auténticos Decadentes. Como é habitual nos discos da banda, en "Irrompibles" hai unha variedade de ritmos, estilos musicais, orquestración, temática e lírica, que é propia deste monstro de 12 cabezas.

Notevagustar
Herdeiros da fina tradición musical uruguaia e influenciados polo mellor sangue do rock arxentino, NoteVaGustar (NTVG) transita un camiño singular dentro do panorama rioplatense. Con letras sentidas e intelixentes, e posuidores dunha musicalidade que os libera de calquera etiqueta, constrúen un son que viaxa entre o autóctono e o cosmopolita.

Con cinco discos de estudo e dous DVD que recollen a solidez das súas presentacións en vivo, a banda uruguaia levou a súa música polo mundo presentándose en diversas cidades de Alemaña, Austria, Suíza, Italia, España, Brasil, Chile, Paraguai, México e Arxentina, onde a súa popularidade é cada vez maior.

NTVG presentaranse en España no marco de "O Camiño Mais longo Tour", que os levou a percorrer exitosamente os principais escenarios e festivais de Latinoamérica e Estados Unidos durante o último ano.

Os Auténticos Decadentes
A gran banda popular arxentina por excelencia, con máis de 20 anos de traxectoria e 11 discos de estudo, un DVD con toda a súa historia e 2 discos recompilando todos os seus éxitos, comezou a súa xira en México a fins de abril, presentándose no Festival Vive Latino ante máis de 60.000 persoas, confirmando unha vez máis o seu lugar entre as mais grandes bandas Latinas.

Ata mediados do mes de decembro, o Colexio de Fonseca acolle 'Biodiversidade e coleccións de historia natural', unha aproximación ao tema da biodiversidade desde unha perspectiva vangardista e novidosa que pretende concienciar sobre o valor do coñecemento e a preservación da natureza.

Ata mediados do mes de setembro, o centro social Novacaixagalicia presenta unha mostra formada por 50 imaxes do prestixioso fotógrafo submariño José Luis González realizadas ao longo de 15 anos de traballo nas máis diversas e recónditas paraxes da xeografía galega.

'Fotógrafos da Natureza. Wildlife photographer of the year 2011' reúne unha selección de imaxes presentadas ao concurso anual Wildlife Photographer of the Year, organizado pola BBC e o Museo de Historia de Londres.

O certame, que celebra este ano a súa edición número trinta e seis, está aberto a fotógrafos profesionais e afeccionados de todas as idades, e pretende promover o crecente interese pola natureza e o medio ambiente, converténdose no máis prestixioso certame mundial de fotografía de natureza do panorama internacional.  Nesta edición recibíronse un total de 31.152 imaxes procedentes de máis de 80 países. A mostra que se poderá contemplar en Compostela amosa unha selección realizada por un xurado internacional, integrado por profesionais da fotografía e doutros medios audiovisuais, co traballo de 90 fotógrafos, procedentes de 25 países diferentes.

No Ano Internacional da Biodiversidade, a Fundación Biodiversidade quere mostrar nunha exposición fotográfica ao aire libre, a complexidade da vida nas súas diversas facetas, tratando de concienciar ao visitante sobre a nosa responsabilidade na perigosa diminución das especies e dos servizos que nos prestan. O Ano Internacional da Biodiversidade é unha campaña global que aspira a axudar a reducir significativamente o actual ritmo (sen
precedentes) da perda de biodiversidade.

Ao longo de cincuenta imaxes de gran formato, obra de prestixiosos fotógrafos de natureza, coñeceremos os elementos, procesos e ciclos que dotan ao planeta do máis sorprendente fenómeno do Cosmos, a vivacidade ou se se quere, a habitabilidade.  O percorrido da exposición lévanos a coñecer os múltiples rostros da vida, cos comentarios de prestixiosos científicos dirixidos por Joaquín Araujo.

A exposición, desenvolvida por Lunwerg, narra en imaxes espectaculares historias concretas do esforzo, ás veces heroico e descomunal dalgunhas especies que se opuxeron a grandes transformacións. Saberemos o porqué aterran as serpes e atraen ós osos ou ós primates. Descubriremos que cada día se descobren decenas de novas especies. Ou saberemos como apreciaron a vida salvaxe os grandes filósofos, artistas, poetas, etc.

Biodiversidade en España poderá visitarse ata o 15 de agosto, no Paseo das Viúvas do Parque da Alameda de Santiago de Compostela, aberta por tanto a todos os que pasean por este céntrico e popular parque. A exposición está estruturada en cinco apartados:

1. Que é a vida, Sabemos vivir?
2. Os sistemas vitais de España (endemismos). A nosa multiplicidade.
3. Usos e abusos
4. Operacións de rescate
5. Cara á convivencia coa vida. A vivacidade como modelo.

O obxectivo desta exposición, en palabras do seu comisario, Joaquín Araujo, non é outro que achegármonos aos seres vivos para remediar na medida do posible a irreversible perda que supón a extinción das especies dos cinco reinos da vida. Para remedialo, a exposición proponnos coñecer estes seres vivos "o seu número, capacidades, residencias, así como os efectos negativos que afectan á súa continuidade. Non podemos abranguer toda a multiplicidade que forma a Biosfera, pero si polo menos achegármonos a unha descrición do que supón ese descomunal empeño da vida por aparecer, manterse, e facelo precisamente a través da diversidade".

O fotógrafo vasco José Ramón Ais mostra ata mediados do mes de abril unha colección dos seus mellores traballos, caracterizados polo protagonismo das paisaxes vexetais construídas de forma artificiosa.

"No meu traballo inflúe a historia da pintura, o cine, o paisaxismo, a xardinaría, ao igual que toda a imaxinaría kitsch relacionada coa paisaxe ou as postais turísticas. O proxecto "Dramas no xardín" é un fotolibro que se inspira nun tipo de fotografía de primeiros planos dunha natureza moi idealizada que adoita ilustrar calendarios cos cambios de estacións e está realizada nos xardíns dunha urbanización de casas de paredes medianeiras. A serie "Pintoresco" recolle a tradición da paisaxe occidental dende o barroco ata o romanticismo revisando conceptos como o pintoresco ou o sublime, pero tendo moi presente a versión degradada desta pintura nos cadros que, moitas veces, decoran os portais de pisos".

"Para construír as imaxes, utilizo técnicas de posproducción propias do cine como os fondos croma; a iluminación adoita ser tanto natural coma artificial: gústame a idea de fotografar unha pequena herba utilizando todo o aparato dos efectos especiais. En escenas amplas de paisaxe elixo días de ceo azul e raso; este sérveme para traballar a escena coma se estivese nun estudio. Moitos dos elementos que fotografo cultívoos eu mesmo, nunha especie de xardín-estudo experimental, así podo fotografar as mesmas plantas en diferentes momentos do seu desenvolvemento".

"En ocasións as imaxes teñen máis que ver coa ciencia-ficción pola imposibilidade de que os elementos que as compoñen coexistan por temporalidade, por xeografía ou por clima: achéganse máis a escenas surrealistas ou ao resultado dunha futura evolución biotecnolóxica onde o imposible se fai máis posible".

Coincidindo coa Semana Santa, e durante dúas xornadas, o claustro do Pazo de Fonseca acolle a exposición 'Camelia, flor de Galicia', unha mostra que reúne os máis fermosos exemplares desta flor emblemática de Galicia, onde chegou no século XV procedente de Oriente para adornar os pazos e casas señoriais da nobreza e que hoxe pode contemplarse na maior parte dos xardíns e parques públicos e privados da comunidade.

A exposición, na que participan máis de 20 viveiristas e coleccionistas de toda a comunidade, céntrase nas distintas variedades de camelia e está organizada por Turgalicia en colaboración coa Sociedade Española da Camelia, o Concello de Santiago e a Universidade de Santiago.

A mostra, ademais, dá a coñecer a denominada Ruta da Camelia, unha viaxe a unha variedade de xardíns, públicos e privados, que poden ser visitados e que presentan o seu mellor aspecto no momento de floración dos camelios, que ten lugar nos meses de novembro a marzo.

Nas inmediacións de Santiago, destacan os exemplares de "camelia reticulata" dos Pazos de Oca e Santa Cruz de Ribadulla, quizais os máis antigos de Europa, con pazos e paisaxes dunha elegante decadencia, auténticos xardíns botánicos creados con esmero e sabedoría, que figuran entre os máis destacables de España, verdadeiramente imprescindibles. Para coñecelos, recomendámosche esta excursión organizada de medio día: "Ruta da Camelia: Pazos de Ribadulla e Oca".

En Santiago de Compostela podemos ver camelias en diversos parques e xardíns: as máis espectaculares sitúanse no parque da Alameda, o parque de Belvís, o parque de San Domingos de Bonaval e no xardín da Praza de Fonseca. Tamén destacan as camelias do Parlamento de Galicia, as do Pazo de San Lourenzo de Trasouto, as do Campus Universitario Sur, as da Rúa da Trinidade ou as do Hostal dos Reis Católicos.

A Alameda, unha das zonas verdes máis importantes e con máis historia da cidade, conta con magníficos exemplares de camelias, entre os que poden encontrarse representación de diversas variedades: Camellia japónica, Camellia sinensis, Camellia reticulata e Camellia sasanqua.

Pola súa banda, o Parque de Belvís conta cos chamados "Labirintos de Camelias", tres espazos sumamente singulares e case únicos, xa que a especie non adoita empregarse para este tipo de formacións xeométricas.

No parque de San Domingos de Bonaval, na zona que antigamente ocupaba a horta onde os monxes cultivaban diversas especies aromáticas, poden admirarse tamén fermosos exemplares de camellia japónica. Merecen mención, así mesmo, as camelias situadas no xardín da Praza de Fonseca, en pleno corazón do casco histórico e a moi poucos metros da Praza do Obradoiro.

+ información sobre camelias e sobre parques e xardíns de Santiago de Compostela en:
Centro de Información Municipal de Parques e Xardíns
Parque da Alameda. T: 650 125 589
Horario: luns a venres, 9:00-14:00 h.

+ información Ruta da Camelia:
Turgalicia

O recoñecido naturalista británico David Attenborough recolle esta tarde o Premio Fonseca de divulgación científica e pronunciará unha conferencia no Auditorio de Galicia titulada 'Os paxaros do paraíso'.

David Attenborough (Reino Unido, 1926), un dos pioneiros en realizar documentais de natureza, recolle en Compostela o Premio Fonseca que convocan conxuntamente a USC e o Consorcio ao amparo do Programa ConCiencia. Este divulgador científico inglés colle así o relevo de Stephen Hawking e James Lovelock na consecución dun galardón que chega á súa terceira edición.

Attenborough participa nunha serie de actos na Universidade -condición sine qua non para recibir o premio dotado con 6.000 euros netos- que rematarán coa entrega, este xoves ás 20:00 horas no Auditorio de Galicia, do correspondente diploma acreditativo do galardón e unha reprodución en bronce de Alonso III de Fonseca deseñada polo escultor Ramón Conde. Nesa cerimonia pública, na que pronunciará a conferencia ‘Paxaros do Paraíso’, participarán ademais o reitor da USC, Juan Casares, o alcalde da cidade, Xosé Sánchez Bugallo; e o director de ConCiencia, Jorge Mira.

Cinco décadas de dedicación

Existen poucos lugares no globo que Attenborough non visitase na súa ansia por describir a vida no planeta. Comezou a súa carreira na BBC en 1952 dando o salto ás expedicións por todo o mundo que o farían famoso coa serie Zoo Quest (1954-1964) na que daba renda solta á súa paixón por capturar as pegadas da vida salvaxe no seu hábitat natural.

Mais é a partir de 1979 cando se consagra como a principal figura mundial na realización de programas de televisión sobre natureza. Nese ano dirixiu e presentou a serie máis ambiciosa que xamais se fixera sobre a vida animal, Life on Earth da BBC, vista por máis de 500 millóns de persoas e que marcou un antes e un despois na divulgación científica na televisión.

A estas seguíronlle outras moitas da serie Life, da Unidade de Historia Natural da BBC, nas que se amosaba a vida natural como nunca antes e non exenta de polémica (con imaxes de baleas asasinas cazando leóns mariños ou chimpancés matando monos doutras especies).

Cunha carreira profesional de case cinco décadas, Attenborough é hoxe unha figura respectada dos programas sobre natureza e historia natural de tal maneira que, por exemplo, existen catro especies de animais e plantas que levan incorporado o seu nome: o dinosauro Attenborosaurus conybeari, o peixe fósil Materpiscis attenboroughi, o equidna Zaglossus attenboroughi e a planta filipina Nepenthes attenboroughii.

Á marxe desa actividade, Attenborough destaca tamén polo seu importante rol directivo na televisión británica. Entre 1965 e 1968 dirixiu a BBC Two e o ano seguinte pasou a ser director de Programación da BBC ata 1972. En 1973, cando o seu nome soaba con forza como director xeral da cadea, decidiu abandonar os labores directivos e volver á súa faceta de creador de documentais e escritor.

Ao longo da súa carreira recibiu os máis altos recoñecementos científicos, entre os que se atopa o Premio Descartes de comunicación da ciencia da Unión Europea na súa primeira edición e o Premio Príncipe de Asturias 2009 de Ciencias Sociais.

O xurado do Premio

O seu labor de divulgación, fundamentalmente a través de documentais televisivos, foi valorado o marzo pasado por un xurado composto polo ex reitor Senén Barro; o xerente do Consorcio de Santiago, Xosé Manuel Villanueva; o director de programas do Consorcio de Santiago, Xosé Denis; o director do programa Conciencia, Jorge Mira; o director do Instituto de Medicina Xenómica e Premio Jaume I de Investigación Médica, o catedrático da USC Ángel Carracedo; o director do programa Banda Ancha da Radio Galega e da revista Código Cero, Xosé María Fernández Pazos; a profesora da Universidade Politécnica de Cataluña e directora do Programa Nacional ‘Ciencia en Acción’, Rosa María Ros Ferré; e o director técnico da Casa das Ciencias da Coruña, Marcos Pérez Maldonado.

Charla a cargo de Xesús Asorey, Secretario-Técn​ico de AGA. Introducimos o mundo das abellas na biblioteca Ánxel Casal cunha charla informativa sobre o patrimonio apícola de Galicia, a importancia das abellas na natureza e no medio ambiente, explicando a relación crucial que existe entre abellas e biodiversidade.

Lugar: Salón de Actos, ás 19:00 h. (Duración aprox. 30 min.)

Todos os xoves de xaneiro, a Biblioteca Pública Ánxel Casal acolle a proxección dun documental e unha charla-coloquio sobre a nosa relación co resto das especies animais e a prol da vida vegana.

En cada sesión farase a proxección dun documental e, a continuación, haberá charla-coloquio na que se cuestionará a nosa relación co resto dos animais e se plantexará unha forma de vida vegana (sen consumo de produtos de orixe animal de ningún tipo) como alternativa.

Lugar: Salón de Actos, ás 19:00 h. Todos os xoves do mes de xaneiro.

Todos os xoves de xaneiro, a Biblioteca Pública Ánxel Casal acolle a proxección dun documental e unha charla-coloquio sobre a nosa relación co resto das especies animais e a prol da vida vegana.

En cada sesión, farase a proxección dun documental e, a continuación, haberá charla-coloquio na que se cuestionará a nosa relación co resto dos animais e se plantexará unha forma de vida vegana (sen consumo de produtos de orixe animal de ningún tipo) como alternativa.

Lugar: Salón de Actos, ás 19:00 h. Todos os xoves do mes de xaneiro.

Todos os xoves de xaneiro, a Biblioteca Pública Ánxel Casal acolle a proxección dun documental e unha charla-coloquio sobre a nosa relación co resto das especies animais e a prol da vida vegana.

En cada sesión, farase a proxección dun documental e, a continuación, haberá charla-coloquio na que se cuestionará a nosa relación co resto dos animais e se plantexará unha forma de vida vegana (sen consumo de produtos de orixe animal de ningún tipo) como alternativa.

Lugar: Salón de Actos, ás 19:00 h. Todos os xoves do mes de xaneiro.

O Araguaney Gran Hotel serve este fin de semana como sede de celebración do II Congreso de Medicina Felina, organizado por GEMFE (Grupo de Estudo de Medicina Felina de España), que forma parte de AVEPA (Asociación de Veterinarios Españois Especialistas en Pequenos Animais).

O  II Congreso de Medicina Felina reúne a máis de 200 profesionais do sector, pertencentes a laboratorios, sociedades de medicina felina e empresas punteiras de produtos para mascotas, como Hill's, Pfizer Salud Animal, ABCD, isfm ou Merial. Entre os profesionais presentes no congreso encóntranse Jody Lulich, Diplomado en medicina interna polo Colexio Americano de Medicina Interna Veterinaria, codirector do Minnesota Urolith e que na actualidade ostenta a cátedra Hill's/Osborne de nefroloxía e uroloxía da Universidade de Minnesota. Outro dos asistentes é Richard Malik, Valentine Charlton Specialist no Centro para a Educación veterinaria da Universidade de Sydney e profesor adxunto da Universidade Charles Sturt. Así mesmo, o congreso contará coa participación do Doutor Andy Sparks, da International Society of Feline Medicine.

Programa preliminar: www.avepa.org

Información e reservas: www.araguaney.com

Tel. (+34) 981 55 96 01 - Fax. (+34) 981 59 88 54

A.dFuga, un novo espazo expositivo para a arte contemporánea e o debate, organiza a mesa redonda 'Territorios corporais, natureza (re)creada', na que tomarán parte Marisa Alves, Joaquim Pombal, Fernando Casás, Ruth Montiel e Antón Sobral, moderados por Miguel Anxo Rodríguez.

¿Que entendemos por Natureza? ¿Que situación ocupa o ser humano na paisaxe natural? ¿Que relacións simbólicas emanan no territorio? ¿Cales son as vías de recoñecemento propio neste lugar? ¿Que estratexias establece a obra de arte para naturalizarse na paisaxe?
 
A propósito da exposición 'Barro; texto e pretexto' de Marisa Alves e Joaquim Pombal, artistas portugueses que traballan a cerámica dende unha perspectiva contemporánea e relacionándoa coa natureza, propoñemos unha xornada de reflexión onde nos acompañarán varios creadores especializados neste campo.
Para atender a estas interrogacións que afectan intimamente ó individuo, como parte integrante da Natureza, como ser simbólico, a súa memoria, ás presenzas que o identifican, á súa harmonía co universo, ás relacións físicas que se desenvolven na paisaxe, etc, os poñentes analizarán estas cuestións dende os seus diversos procesos creativos e traxectorias artísticas, ademais do marco da antropoloxía e da filosofía.

galería A.dFuga // rúa do Preguntoiro 28 // Santiago de Compostela
www.apuntodfuga.com
info@apuntodfuga.com

Continuando coa programación do 'Mes da apicultura' na Biblioteca pública Ánxel Casal, o Salón de actos acolle esta tarde a presentación do libro 'Da flor á mesa: historia dunha pinga de mel', a cargo do experto en apicultura Xesús Asorey, e un obradoiro de elaboración de candeas con cera de abella.

Lugar: Salón de Actos, ás 19:00 h.

A nova sede do Museo das Peregrinacións e de Santiago acolle esta tarde o acto de presentación e conferencia sobre o libro 'La ciudad donde las piedras florecen', a primeira guía botánica sobre as plantas que habitan os muros de Compostela realizada polo botánico José Antonio Díaz Peromingo.

O Alcalde e Presidente do Consorcio de Santiago presenta esta tarde a nova publicación do Consorcio de Santiago, 'La ciudad donde las piedras florecen', coeditado coa Editorial Alvarellos. Foi escrito por José Antonio Díaz Peromingo e ideado como unha guía botánica sobre as plantas que habitan os muros de pedra na cidade de Santiago. Trátase da primeira obra editada destinada a descubrir esas plantas que —emerxendo da pedra como da nada— florecen espontáneas nos muros históricos da cidade de Santiago. O libro, que acaba de saír ao mercado, xa está dispoñible nas principais librerías. Móstranos como identificar e localizar as 50 plantas con flores máis representativas de once muros históricos de Compostela (Conxo, San Lourenzo, Belvís, San Francisco, Hostal dos Reis Católicos, Raxoi, Santa Clara, Mazarelos, Mercedarias, Bonaval e Colexiata do Sar).

O doutor José Antonio Díaz Peromingo é especialista en Botánica e levou a cabo, durante dous anos, un intenso traballo de campo do que xurdiu esta sorprendente, didáctica e atractiva obra. Cada ficha inclúe os datos básicos da flor silvestre, as súas denominacións populares en castelán e en galego, a localización na cidade e unha fotografía. Tamén conta con apartado de curiosidades e un breve dicionario botánico. O título do libro procede do texto que o escritor colombiano e Premio Nobel de Literatura Gabriel García Márquez escribiu sobre este fenómeno da capital de Galicia: “Y uno se encuentra a cada paso, como la cosa más natural del mundo, con el milagro de las piedras florecidas”, afirmou, abraiado, tras a súa visita a Santiago de Compostela na primavera de 1983.

Peromingo naceu na Pobra de Trives (Ourense) en 1966. Licenciouse en Medicina e Bioloxía —na especialidade de Botánica— na Universidade de Santiago de Compostela e, posteriormente, especializouse en Medicina Interna, eido onde exerce a súa vida laboral.

A presentación inclúe unha conferencia do autor, que repasará diferentes especies que crecen nos muros composteláns.

O Centro Sociocultural de Conxo acolle durante todo o día unha Xornada Micolóxica organizada pola Asociación Micolóxico-Naturalista Pan de Raposo.

A partir das 9:45 horas, sairá do CSC de Conxo un roteiro micolóxico polos montes da contorna do barrio, guiado por José María Costa Lago, da Asociación Pan de Raposo. Xa pola tarde, ás 18:30 horas, o mesmo José María Costa impartirá a conferencia 'Setas de primavera: Ascomycetes'.

Os interesados en participar poden apuntarse no propio Centro Sociocultural de Conxo. Teléfono 981 52 8740.

A rede municipal de Centros Socioculturais de Santiago organiza, entre febreiro e decembro de 2013, un variado programa de viaxes e excursións destinados a todo tipo de público.

O programa 'Imos de excursión' consolidouse xa coma un proxecto de lecer que atrae durante todo o ano a variados sectores da poboación compostelá, tanto a persoas individuais como a pequenos grupos familiares que gozan desta variada oferta de viaxes. A iniciativa promove o descubrimento do patrimonio histórico, natural e cultural de Galicia, España e Portugal, e tamén o encontro e o intercambio de experiencias.

Máis información e listaxe de viaxes e excursións: aquí

Entre os meses de xuño e setembro, a Cidade da Cultura organiza unha serie de visitas guiadas, percorridos en bicicleta e sesións de astronomía para todos os públicos. A asistencia é de balde previa inscrición en www.cidadedacultura.org

Consultar datas e horarios: Dossier completo PDF aquí

Desde setembro de 2012 ata xuño de 2013, a rede de Centros Socioculturais de Santiago pon en marcha un completo programa de roteiros didácticos para todos os públicos que percorrerán a cidade compostelá e as súas parroquias. 'Os gremios de Compostela', 'O castelo da Rocha', 'O Barrio de San Pedro', 'Os balcóns da cidade histórica' ou 'As casas da cidade' son só algunhas das propostas incluídas neste novidoso programa.

Os roteiros abranguerán aspectos da nosa cidade como natureza, historia, arte, patrimonio, literatura ou artesanía.

Cultura Viva é un programa educativo promovido pola Concellaría de Centros Socioculturais e Participación Cidadá a través do que coñeceremos o pasado e o presente artístico e cultural de Santiago, desde a tradición á actualidade. Percorrendo edificios, prazas, carballeiras, camiños, regatos... achegarémonos á paisaxe cultural compostelá, descubríndoa e facéndoa nosa.

** Percorridos de aproximadamente 2 horas e media.

** Destinatarios: Grupos e persoas de todas as idades interesadas en teren unha experiencia formativa e lúdica a través dos espazos naturais e culturais do concello de Santiago.

** Idioma: Galego

** Como participar? Poden participar todas as persoas interesadas que reúnan un mínimo de condicións físicas para camiñar ou se sintan capacitadas para desenvolver a actividade.
Os menores de idade deberán acudir acompañados por unha persoa adulta que se faga responsable deles.
As prazas son limitadas: máximo de 20 persoas por roteiro.
De non acadarse o número mínimo de 10 persoas, a saída anularase logo do aviso ás persoas inscritas.

** Data límite de inscrición formal: Ata 72 horas antes do roteiro nos Centros Socioculturais (inscrición previa presencialmente ou por teléfono).

** Prezos:

- Veciños e veciñas do concello: 1,5 €
- Bono 5 roteiros: 5 €
- De balde para desempregados e menores de 18 anos.
- Outros participantes (non empadroados no concello): 15 € /roteiro.

** Inscrición:

- CSC Conxo: 981 528 740
- CSC Ensanche: 981 543 001
- CSC Fontiñas: 981 528 750
- CSC Castiñeiriño: 981 542 459
- CSC Vite: 981 542 490

*** Consulta o programa completo de roteiros ata decembro aquí

O Centro de Interpretación Ambiental de Compostela (CIAC) celebra esta tarde unha xornada de portas abertas con actividades para todos os composteláns que se acheguen a coñecer os recursos cos que conta o CIAC e a súa oferta de educación ambiental.

[19 maio 2013] Festa ecuestre que celebra a súa sexta edición en 2013 e pretende asentar esta actividade en Rois. A ruta cabalar, as homenaxes aos xinetes máis novo e veterano, o paseo en cabalo para nenos e nenas, así como a competición de cabalos de arrastre e a xincana cabalar, conforman un programa para o desfrute de todos os públicos.

Máis info aquí

[25 maio 2013] O programa ‘Goza do Ulla’, no que participan 19 concellos bañados polas augas do río Ulla, é unha iniciativa turística que pretende dar a coñecer o rico e valioso patrimonio natural dos territorios á beira do Ulla coa programación dun total de 19 roteiros de sendeirismo en cada un dos concellos dende maio ata novembro.

'Ruta do Pico Sacro' [Boqueixón]

Distancia: 9 Km.
Duración: 3 horas (ida e volta) (saída: 10.30 h / chegada: 13.30 h)
Dificultade: media-alta
Altitude media: 375m

Punto de saída/ encontro: Pavillón de Lestedo (Cachosenande)

contacto e información: tel 981 513 061 emprego@boqueixon.com

Recomendacións: Levar reservas de auga e avituallamento.

O roteiro de subida a este monte sagrado permítenos gozar da beleza da paisaxe e dunhas fermosas vistas, ademáis dos puntos de interese culturais e históricos que atoparemos no camiño por este lendario monte: restos da igrexa e do cemiterio de Rubial, cruceiro de Rubial, Camiño dos santos, Capela do Pico, Rúa da Raíña Lupa e lenda, Castelo do Pico, covas dos mouros, as sobreiras centenarias, fonte “do Santo” e Centro de Interpretación do Pico Sacro. Sendeiro circular.

O roteiro supón a subida ao mítico Pico Sacro, de xeito que non hai preto establecementos nin puntos de avituallamento.

RECOMENDACIÓNS xerais a todas as rutas:

- Calzado e roupa cómoda.
- Na mochila debemos levar auga e algún alimento.
- Dependendo da previsión meteorolóxica podemos levar chuvasqueiro e protección solar.

[1 xuño 2013] Os Encontros de Música Tradicional no Mosteiro de Carboeiro son a festa que sae da xente, das súas ganas de gozar do que é noso. Vellos e vellas, mozos e mozas e, mesmo pequerrechos e pequerrechas, xúntanse no entorno máxico do Mosteiro de Carboeiro o primeiro sábado de xuño para encontrárense coa nosa cultura. Chegan artistas e artesáns de toda Galicia, pero o importante é que non hai estrelas que suban a un escenario: todas as persoas poden cantar, bailar, tocar, botar un conto, ou simplemente xogar cos zancos ou tomar algo e gozar da festa.

E non hai romaría sen a súa patroa: A Santa Ferreña sorrí cada ano, co seu pano na cabeza, a súa saia de flores, e, dende logo, a pandeireta na man, dende que a levan en procesión pola mañá (logo da poxa das andas, como é tradición) ata que os últimos bailadores e bailadoras, xa coa luz dun novo día, deixan o lugar. Porque os Encontros sempre comezan na sesión vermú e duran... ata que o corpo aguante. Nesta xornada máxica pódense ver exposicións, escoitar contos, mirar teatro, gorentar o xantar popular... pero, sobre todo, participar. Botar unhas coplas, sacar uns puntos, pasalo coma nunca. Ou pasalo como sempre: recuperar a diversión tal e como sempre foi nas festiñas tradicionais; construídas entre todos e para todos.

[16 xuño 2013] Evento co que o Concello de Ames conmemora o Día Internacional do Medio Ambiente e a Diversidade Cultural do Planeta.

Obradoiros e xogos ambientais, exposicións, actividades de intercambio e convivencia intercultural, exposición e venda de produtos locais e internacionais, música, etc. son algunhas das actividades das que poden gozar as persoas que acoden a esta celebración.

Haberá tamén degustación de produtos gastronómicos típicos de diferentes países.

Está previsto que a festa se desenvolva entre as 16:00 e as 20:00 h.

Máis info aquí

[22-23 xuño 2013] Pescadubra é unha iniciativa que cumpre 10 anos e pretende introducir aos máis novos e as persoas con discapacidade no mundo da pesca. Está organizada polo Concello de Val do Dubra e a Asociación O Ranqueiro, en colaboración con Cogami.

Pescadubra inclúe dúas xornadas, diferenciadas pero complementarias: a do sábado 22, para colectivos de discapacitados galegos, e a do domingo 23, para calquer afeccionado que desexe acercarse a arte da pesca. O sábado reúnense centos de persoas con discapacidade, monitores e familiares, expertos da Asociación O Ranqueiro e persoal municipal a partir das 10 da mañá, e a segunda xornada, a do domingo, arranca coa concentración de participantes na xornada deportiva aberta a rapaces entre 4 e 15 anos. Ao longo do día, realízanse obradoiros, charlas e actuacións musicais, entre outras actividades.

Máis info aquí

[5-8 xullo 2013] Declarada Festa de Interese Turístico Internacional no ano 2007, A Rapa de Sabucedo organízase do mesmo xeito desde hai cinco séculos.

O Curro é o momento máis espectacular pola súa perigosidade: a loita nobre entre o home e o cabalo, na que non se usan nin cordas nin paus. En Sabucedo só se admite vencer ás bestas nun corpo a corpo cos loitadores.

Os días adícanse ás bestas e a percorrer o roteiro dos muíños de Vesacarballa. As noites quedan para gozar da festa.

Máis info aquí

[4 agosto 2013] O programa ‘Goza do Ulla’, no que participan 19 concellos bañados polas augas do río Ulla, é unha iniciativa turística que pretende dar a coñecer o rico e valioso patrimonio natural dos territorios á beira do Ulla coa programación dun total de 19 roteiros de sendeirismo en cada un dos concellos dende maio ata novembro.

'Ruta de San Xoán da Cova (P.R.G.-36)' [Vedra]

Distancia: 11,2 Km.
Duración: 3,15 h.
Dificultade: media
Punto de saída/encontro: Área de Recreo de Cubelas (San Pedro de Sarandón)
Contacto e información: tels. 981512482 – 981814612
casadospeons@concellodevedra.com www.vedraturismo.com

Máis información:
www.concellodevedra.com
vedraconecta.blogspot.com

Esta ruta discorre pola marxe dereita do río Ulla aproveitando camiños de paso e sendas de pescadores.
Puntos de Interese: Área de Recreo de Cubelas, Coto de Ximonde coa Ponte Colgante, Casa-Museo da Pesca, Área de Recreo de Agronovo, Muíño de Reboredo, Pobo de A Ponte Ulla, Miradoiro, Capela e Pontes de Gundián...

Área de Recreo de Castiláns. Santa Cruz de Ribadulla

RECOMENDACIÓNS xerais a todas as rutas:

- Calzado e roupa cómoda.
- Na mochila debemos levar auga e algún alimento.
- Dependendo da previsión meteorolóxica podemos levar chuvasqueiro e protección solar.

[10 agosto 2013] O programa ‘Goza do Ulla’, no que participan 19 concellos bañados polas augas do río Ulla, é unha iniciativa turística que pretende dar a coñecer o rico e valioso patrimonio natural dos territorios á beira do Ulla coa programación dun total de 19 roteiros de sendeirismo en cada un dos concellos dende maio ata novembro.

'Muíños de Roque-Fervenzas das Hortas' [Arzúa]

Distancia: 14 Km.
Duración: 3 horas e media
Dificultade: baixa
Punto de saída: Muíños de Roque
Punto de encontro: Mercado Centro Multiusos “Terra do Queixo”, rúa Baltasar Pardal, Arzúa.
Contacto e información: tel. 676 172 978 luis.otero@arzua.dicoruna.es

Ruta lineal no entorno do Ulla.
A paisaxe de Arzúa está tracexada polo curso dos seus ríos e regatos. O río Iso, o Mera e o Ulla, e os seus numerosos afluentes, acobillan nas súas ribeiras acougantes recunchos e conservan unha vizosa fauna e flora.
A auga é protagonista na fervenza das Hortas e nas numerosas fontes do concello, pero tamén na praia fluvial de Ribadiso ou no encoro de Portodemouros, espazos recuperados para o lecer e a práctica de deportes ao ar libre.

RECOMENDACIÓNS xerais a todas as rutas:

- Calzado e roupa cómoda.
- Na mochila debemos levar auga e algún alimento.
- Dependendo da previsión meteorolóxica podemos levar chuvasqueiro e protección solar.

[14 setembro 2013] O programa ‘Goza do Ulla’, no que participan 19 concellos bañados polas augas do río Ulla, é unha iniciativa turística que pretende dar a coñecer o rico e valioso patrimonio natural dos territorios á beira do Ulla coa programación dun total de 19 roteiros de sendeirismo en cada un dos concellos dende maio ata novembro.

'Ruta dos Penedos e Chan do Piquiño ó Ulla' [Teo]

Distancia: 12 Km.
Duración: 4 horas
Dificultade: baixa
Punto de saída: Igrexa de Sta María de Lampai 42º46´41.2”N 8º37´00.1”W 29T 531355 / 4736247
Punto de encontro: Área de Lecer do Xirimbao 42º44´49.9”N 8º33´21.5”W 29T 536339 / 4732836
Contacto e información: deportes@concellodeteo.com ou no teléfono 981 815 700
Máis info: www.concellodeteo.com

Andaina polas parroquias do sur do Concello de Teo no linde natural da Comarca de Compostela e do Sar, un espazo natural de gran atractivo paisaxístico e cultural. Partiremos da igrexa románica de Santa María de Lampai e subiremos aos outeiros graníticos do Piquiño para reparar nas caprichosas formas das laxes e contemplar as fermosas vistas do val do Ulla. Na parroquia de Luou visitaremos varias estacións de petróglifos e varias mámoas no vello camiño que atravesa a gran necrópole megalítica de Loureiro. Baixaremos pola parroquia de Rarís cara o Ulla para finalizar a nosa ruta na senda de pescadores do couto de pesca de Couso que leva a Ponte colgante Mariola no Xirimbao.

RECOMENDACIÓNS xerais a todas as rutas:

- Calzado e roupa cómoda.
- Na mochila debemos levar auga e algún alimento.
- Dependendo da previsión meteorolóxica podemos levar chuvasqueiro e protección solar.

[21-22 setembro 2013] A Festa do Cabalo de Brión é un evento hípico que se celebra no mes de setembro nos Montes de Rañalonga, habitualmente o fin de semana anterior á celebración da Romaría de Santa Minia.

Nun espazo habilitado para a ocasión, a festa reúne durante dous días a numerosos afeccionados ao mundo do cabalo que asisten a unha ruta cabalar e a diversas competicións hípicas: carreiras de cabalos, carreira de burros, embretada de xovencas, ximcana, arrastre e doma. Nas últimas edicións introduciuse tamén unha solta de vaquiñas. A nivel gastronómico, non falta un establecemento onde os asistentes poden degustar o tradicional polbo á feira.

O evento está organizado pola Asociación Festa do Cabalo de Brión e conta coa colaboración do Concello de Brión e a Deputación da Coruña.

Máis info aquí

[28 setembro 2013] O programa ‘Goza do Ulla’, no que participan 19 concellos bañados polas augas do río Ulla, é unha iniciativa turística que pretende dar a coñecer o rico e valioso patrimonio natural dos territorios á beira do Ulla coa programación dun total de 19 roteiros de sendeirismo en cada un dos concellos dende maio ata novembro.

'Desembocadura Sar-Ulla' [Padrón]

Distancia: 10 Km.
Duración: 3 horas
Dificultade: baixa
Punto de saída/encontro: Centro social Concello de Padrón
Contacto e información: tels. 627 008 584 - 646 593 319
deportespadrón@yahoo.es

Ruta sen apenas desniveis, percorre tanto as beiras do Ulla como as do Sar.

Actividades complementarias: Visita á Casa Museo Rosalía de Castro (Sábado pola tarde e domingo pola mañá. Entrada 2 €)
Mercado Dominical (día 29). Pódese comer polbo á feira.

Descenso do Ulla e actividades de aventura (contactar coas empresas):
Baudea Aventura: www.baudeaaventura.com
Kayak Amextreme: www.amextremekayak.com
Turnauga: www.turnauga.es
Ferventia: www.ferventia.com

Máis información:
www.concellodepadron.es
www.terrasdeiria.com

RECOMENDACIÓNS xerais a todas as rutas:

- Calzado e roupa cómoda.
- Na mochila debemos levar auga e algún alimento.
- Dependendo da previsión meteorolóxica podemos levar chuvasqueiro e protección solar.

[29 setembro 2013] O programa ‘Goza do Ulla’, no que participan 19 concellos bañados polas augas do río Ulla, é unha iniciativa turística que pretende dar a coñecer o rico e valioso patrimonio natural dos territorios á beira do Ulla coa programación dun total de 19 roteiros de sendeirismo en cada un dos concellos dende maio ata novembro.

'Ruta de Ximonde' [A Estrada]

Distancia: 13 Km.
Duración: 4 horas
Dificultade: media-baixa
Punto de saída/encontro: Campo da festa de Paradela
Contacto e información: www.aestrada.com deportes@aestrada.com, 986 570 030
Inscrición: ata o 25 de setembro

Ruta polo tramo final do río Liñares e polo río Ulla, os dous ríos que definen cos seus vales a paisaxe Estradense. Comezaremos en Paradela e visitaremos o couto salmoneiro de Ximonde e a súa ponte colgante. Percorremos as ribeiras dos dous ríos e xa de volta achegarnos ao castro de Barbude, onde veremos como se artellaba a paisaxe fortificada da Idade do Ferro en torno ao Ulla. Desde alí volveremos ao lugar de inicio.

A organización proporcionará un botellín de auga e unha peza de froita. Cada participante pode levar a maiores o que considere necesario para avituallarse.

Actividades complementarias:
- Visitar o Pazo de Oca (de 9 a 20:30 horas)
- Visitar o MOME (Museo da Madeira e do Moble)


RECOMENDACIÓNS xerais a todas as rutas:

- Calzado e roupa cómoda.
- Na mochila debemos levar auga e algún alimento.
- Dependendo da previsión meteorolóxica podemos levar chuvasqueiro e protección solar.

[6 outubro 2013] O programa ‘Goza do Ulla’, no que participan 19 concellos bañados polas augas do río Ulla, é unha iniciativa turística que pretende dar a coñecer o rico e valioso patrimonio natural dos territorios á beira do Ulla coa programación dun total de 19 roteiros de sendeirismo en cada un dos concellos dende maio ata novembro.


'Remesquide-Basebe' [Vila de Cruces]

Distancia: 14 Km.
Duración: 4 horas
Dificultade: media- baixa
Punto de saída: Illa de Remesquide
Punto de encontro: Concello de Vila de Cruces Praza Juan Carlos I s/n
Contacto e información: 986 582 017, 626945500
maria.beatriz.iglesias@gmail.com tel. 617409895
monchogarciasueiro@yahoo.es www.concellodeviladecruces.es

Ruta duns 14 km, que transcorren á marxe esquerda do río Ulla. Esta ruta, ubicada no Concello de Vila de Cruces, atravesa diferentes parroquias como Santomé de Obra, Brandariz, Piloño e Salgueiros. A ruta era utilizada polos cabaleiros do Hoy-Vás en honra a súa virxe. Transcorre por diversos sendeiros e camiños colindantes ó río Ulla.
Durante estes 14 Km o camiñante poderá gozar dunha morea de sensacións transmitidas pola gran riqueza paisaxística da zona, permitindo disfrutar da flora e fauna que viste este marco incomparable de Vila de Cruces. O mesmo tempo diversas edificacións tales como muíños, o Pazo de Raíndo… deleitarán os pasos do viaxeiro converténdose nun máis.



RECOMENDACIÓNS xerais a todas as rutas:

- Calzado e roupa cómoda.
- Na mochila debemos levar auga e algún alimento.
- Dependendo da previsión meteorolóxica podemos levar chuvasqueiro e protección solar.

[12 outubro 2013] O programa ‘Goza do Ulla’, no que participan 19 concellos bañados polas augas do río Ulla, é unha iniciativa turística que pretende dar a coñecer o rico e valioso patrimonio natural dos territorios á beira do Ulla coa programación dun total de 19 roteiros de sendeirismo en cada un dos concellos dende maio ata novembro.

'Ruta dos Tres Ríos' [Touro]

Distancia: 9 Km.
Duración: 3 horas e media
Dificultade: media- baixa
Punto de saída: Área Recreativa de Santaia
Punto de encontro: Casa do Concello
Contacto e información: tels. 981 904 029 - 649 610 209 ana.pajaro@touro.dicoruna.es
Máis información: www.concellodetouro.com www.touroturismo.com
Descarga para móbiles dende Google Play e App Store.

Ruta lineal con 150 m de desnivel en subida e 270 m en baixada. Seguindo o río Lañas permite coñecer a Área Recreativa da Santaia (Punto de partida da Ruta), numerosos muíños, pequenas presas e a fervenza do Salto das Pombas.
Mais abaixo crúzase o Río Beseño, que tributa as súas augas no Lañas, para continuar despois de atravesar a Ponte do Lanas ata chegar ó Río Ulla e a Ponte Basebe. Neste punto continúase pola PRG 93 Ponte Basebe-Pozo do Pego.

RECOMENDACIÓNS xerais a todas as rutas:

- Calzado e roupa cómoda.
- Na mochila debemos levar auga e algún alimento.
- Dependendo da previsión meteorolóxica podemos levar chuvasqueiro e protección solar.