Mike Farris chega a Compostela acompañado da súa impresionante banda, The Roseland Rhythm Revue, para ofrecer un concerto que será presentado polo cómico galego Rober Bodegas. A cita na Sala Capitol supón o primeiro dos sete concertos que a banda ofrecerá en España dentro da súa xira internacional.

Faise difícil imaxinar un artista que combine a potencia e a rudeza do chorado Bon Scott co doce alma soul do gran Donnie Hathaway. Pois Mike Farris o fai. Coñecido polos seus intensos directos, Farris naceu para cantar, para ser unha estrela. A súa asoballante voz combinada coas súas cancións sobre a fe, o amor, os perdedores e todas esas historias que todos vivimos, fai que moitos xa consideren como algo cuasi-relixioso pasar unha reunión con Mike e a súa música.

Mike Farris vén como outros grandes (Steve Earle, Lucinda Williams...) dunha pequena cidade do Sur de Nashville (Tennesse), conquistando o recoñecemento do público como cantante e principal compositor dos aclamados Screaming Cheetah Wheelies. Tras tocar o ceo, artisticamente falando, coa súa banda grazas ao enorme 'Magnolia', Mike decidiu emprender a súa carreira en solitario. Tras as súas inesquecibles visitas de 2004 e 2009 volve de novo para presentarnos en vivo o seu último disco de estudo, 'Salvation In Lights', e un álbum que recolle en directo toda a forza deste artista incomparable.

A Sala Capitol acolle esta noite un concerto de música metal e porgresiva a cargo da formación compostelá Kathaarsys, que despois da súa xira por Bulgaria, Romanía, Serbia, Croacia, Alemaña e Francia volven á cidade para presentar o seu traballo discográfico, 'Intuition'.

A Sala Capitol acolle esta noite o concerto de Sôber, un dos últimos grandes grupos de rock duro español, que regresa aos escenarios de todo o pais tras 5 anos de ausencia.

Fundada na década dos 90, Sôber é unha banda de rock e metal alternativo que ata a data editou seis discos de estudo, sendo un dos máis existosos Paradysso, co que venderon máis de 100.000 copias e se recoñeceu cun Disco de Ouro e Disco de Platino. Posteriormente editaron Reddo, que chegou a vender máis de 50.000 copias.

Despois de cinco anos dun parón momentáneo, a banda anunciaba a principios deste mesmo ano que volvería aos escenarios, realizando agora unha pequena xira por algunhas cidades españolas, entre elas, Santiago de Compostela.

Capitão Fantasma son un grupo de referencia no rock portugués, que leva tocando dende hai máis de vinte anos. Se aínda non os escoitaches nunca, esta noite é a túa oportunidade, porque veñen tocar á Nasa.

Capitão Fantasma comezou a ensaiar no ano 1988 no soto do Bar Océano. Capitão Fantasma naceu a partir dos compoñentes da desaparecida banda "Emilio e a Tribu do Rum", e rapidamente foi recoñecido como o mellor de Rock'n'Roll de Portugal. No 1990 tocaron nas festas de Lisboa e deron quince concertos nun mes polos barrios da cidade. No 92 gravaron o seu primeiro disco: Hu uá uá con Polygram, e no 96 sacaron o seu segundo disco: Contos do imaginario e do bizarro, producido por Paul Penech, dos Meteors. No 2007 veu a luz o seu disco Viva Cadáver, recibido con entusiasmo pola crítica, e no 2008 o E.P. CF 720.

Capitão Fantasma, composto por Jorge Bruto, Tiago Sério, Óscar Gomez e Jorge Metralha está a preparar agora o seu vindeiro traballo.

Os válvulas son: Clara "Valvulina" (Voodoo Bass), Miguel "Conde Válvulo" (Marshy Rhythm Guitar and Vox), Edu "Valvoa" (Howling Guitar) e Aless "Valvuloi" (Frenzied Drums).

No ano do noso señor 2008, en plena escavación do paseo marítimo, desentérrase por erro unha antiga imaxe etrusca tallada en osos humanos de... Perceverb!!!, o antigo Deus do Trémolo e do Eco de Cinta, enviado hai 300 millóns de anos dende Marte para someter este planeta (só que claro, ao chegar o único que había era un balneario de caldo primixenio un tanto pringoso repleto de células nai). Consumido pola ira e pola fame acumulada, decide posuir os corpos dos catro efebos humanos máis atractivos e millonarios xamáis coñecidos, para propagar a súa mensaxe ao longo do planeta, usando a súa terrible arma secreta: mensaxes subliminais agochadas en ondas cerebrais imperceptibles para o ser humano cos seus despiadados amplificadores a válvulas!!!.

Rulo, o ex cantante de La Fuga, chega a Compostela coa súa nova banda, Rulo y la Contrabanda, un proxecto continuísta con respecto ao seu anterior grupo -rock de toda a vida- co que vén presentar o seu primeiro disco, 'Señales de humo'.

Rulo y la Contrabanda son:
Rulo (Raúl Gutiérrez), cantante
Karlos Arancegui -Txarli-, batería
Quique Mavilla, baixo
Dani Baraldés -Pati-, guitarra
Fito, guitarra

O líder e vocalista dos extintos Afghan Whigs, Greg Dulli, chega esta noite á Sala Capitol para presentar a súa xira acústica na que o acompañarán Dave Rosser, dos Twilight Singers,  e Rick Nelson (Polyphonic Spree). O norteamericano interpretará cancións da súa antiga banda así como de The Gutter Twins, o seu proxecto xunto a Mark Lanegan. Ademáis, tamén presentará temas que incluirá no seu próximo álbum, previsto para principios de 2011.

A Sala Nasa organiza esta noite un concerto da banda santiaguesa Harley Hyde, unha formación creada a finais do 2009, cunha forte influencia de grupos como Kiss, Poison e Gun's, e un estilo próximo ao glam metal estadounidense.

Mario Viaño (batería)
Angel Morón (guitarra solista)
Iñigo Trigo (voz e guitarra rítmica)
Rubén Rúa (baixista)

O grupo Harley Hyde nace a finais do ano 2009 en Santiago de Compostela. O seu estilo rockeiro e as súas letras oitenteiras recordan a grupos como Kiss, Poison e Gun´s, e o seu estilo achégase ao glam metal estadounidense.
Nos seus primeiros meses de vida crearon temas como Cero en conduta, Princesa e Vida fácil como buque insignia desta nova formación.
No 2010 presentan un espectáculo que os levará por Ourense, cun primeiro concerto no Café Cultural Auriense e outro posterior na batalla de bandas da Estrada.
Posteriormente, proclámanse gañadores do certame Música es juventud da cidade da Coruña, cuxo premio consistiu na gravación dunha demo composta por catro temas, que segue sendo a día de hoxe a única coa que conta o grupo.
No verán de 2010 dedícase integramente á composición e crea temas como Pleasure Shiver, Siente la pasión e Quemando rueda. Nestes novos temas apréciase unha continuidade no seu estilo inicial pero cun aumento do ritmo junto con riffs de guitarra máis enérxicos e baterías á contra.

A banda norteamericana de indie rock Surfer Blood chega esta noite á Sala Capitol para ofrecer un concerto no que estará teloneada polos vigueses Elodio y Los Seres Queridos. A cita está incluída dentro dos concertos Heineken Music Selector.

Para algúns, Ruxe Ruxe é a última banda bravú. Para outros a banda ponte entre o rock galego dos 90 e a pulsión da música emerxente do país na primeira década so século XXI. Esta noite chegan á Sala Nasa para presentar os temas do seu novo traballo, 'Na fura de diante'.

Para outros moitos unha banda de culto cun dos mellores e máis enérxicos directos que se poden ver enriba dun escenario. Un directo onde poderás gozar dunha banda única que nunca parou de producir, de gravar e de tocar polo mundo adiante dende a súa fundación no ano 1996.
Un día dixeron deles que eran máis da terra que as miñocas e dende aquela RUXE RUXE prestan para sempre desa denominación de orixe. RUXE RUXE son xa por mérito propio unha das máis grandes referencias da música galega e un dos máis grandes capítulos da historia da música en galego.

Agora teñen novo disco, 'Na fura de diante', quince latexos de corazón vello e consumido. Quince dentelladas de animais sen alma, de cans doentes e vencidos, de decepcións e liortas. É o seu sétimo traballo de estudio. Con Javier Abreu na produción o grupo navega mellor que nunca polos océanos do punk-rock mesturados con elementos da música tradicional galega e o gusto polo conto, polo realismo máxico e pola visión do mundo dende as corredoiras da aldea de Aríns en Compostela.

M Clan, grupo de referencia no panorama musical español, chega esta noite á Sala Capitol para ofrecer un concerto integrado na súa xira nacional 'Para no ver el final' no que presentan os temas do seu último traballo, un disco de puro rock cheo de arranxos soul.

Este disco volvérono producir con Carlos Raya, sempre con Carlos Tarque e Ricardo Ruipérez á fronte e onde encontraremos cancións como 'Para no ver el final', 'Calle sin luz' ou 'Me voy a dejar llevar'.

Dúas bandas e un destino: Los Coronas e Arizona Baby sóbense ao mesmo escenario para presentar en directo o seu 10º compartido. Dobre cartel para esta espectacular noite que ninguén debería pasar por alto.

'Los Coronas, El Baile final...' Con este novo disco Los Coronas pretenden crear a banda sonora dunha película imaxinaria. Unha película na que xogan co flashback, repasando os seus sons iniciais, na que nos mostran a súa actual madureza e na que tamén presentan fulgores do seu futuro son.

Son 12 cancións nas que fan a súa particular homenaxe ao universo musical que durante décadas se reflectiu no cine e que deste xeito os influenciou consciente ou inconscientemente.

Partindo dun son que se alimenta directamente do primitivo r'n'r instrumental das décadas de 1950 e 1960, Los Coronas fan un repaso ao espírito dos spaghetti westerns, as cabalgadas de Curro Jiménez ou os documentais de surf de Don Brown.

Así renovan e á vez revisan un xénero, o Surf instrumental, que coñecen ben, co que creceron e que levan reivindicando dende os seus inicios en 1991. Pero unha vez aprendida a lección decidiron achegar unha visión propia e particular na que a súa maior influencia pasou a ser a súa propia experiencia persoal.

Arizona Baby: Sí, as máis singular revelación de 2009 ten formato acústico. Non é unha banda folk, nin country, nin americana. É un trío de rock acústico que se come literalmente a mellor banda eléctrica. E cunha imaxe que impón. Como os seus conxéneres americanos, Fleet Foxes, Two Gallants, Devendra Banhart, etc.: pinta total de últimos buscadores da Febre Do Ouro. De feito, o misterio acerca da súa orixe fai que en todas as partes os tomen por guiris e lles entren directamente en inglés.

Boca-orella, blog a blog. Mais de 80.000 entradas no seu Myspace sen disco publicado. A sensación case unánime nos foros dos festivais polos que pasaron (Sonorama, Día da Música, Cultura Quente, PalmFest, Ebrovisión, etc.). O máis auténtico e salvaxe que un viu en anos.

Esta noite Alice Cooper traerá ao Multiusos Fontes do Sar os sons máis duros e a súa inconfundible posta en escena. O concerto, enmarcado no Ciclo Xacobeo Importa, patrocinado por Xacobeo 2010 e coa colaboración de Fundación Caixa Galicia, repasará os principais éxitos da súa longa carreira.

En activo dende 1964 e cunha traxectoria difícil de igualar, o mítico cantante norteamericano Alice Cooper estréase en Galicia coa súa propia xira e as súas famosas montaxes no que sen dúbida promete ser un dos concertos do ano.
Alice Cooper foi unha das bandas pioneiras en derivar o son hard rock dos 70 no glam rock máis auténtico. A súa novidosa posta en escea, a súa imaxe e un espectacular sentido teatral foron os sinais de identidade dos americanos. As súas maquillaxes de aspecto sinistro e as súas provocativas representacións influenciaron notablemente a artistas como KISS, ROB ZOMBIE, MOTLEY CRUE ou MARILYN MANSON.

Xurdida en 1964 en Arizona, a banda comandada polo carismático Vincent Damon Furnier (fillo dun predicador), foi todo un referente na escea glam-hard rock dos anos 70. Foron das primeiras bandas en asociar música e espectáculo e rapidamente os seus directos foron recoñecidos pola súa teatral posta en escea.

En 1975 Alice Cooper continúa como solista tomando o antigo nome da banda e movéndose ata os nosos días nunha carreira plagada de grandes discos como “Welcome to my nightmare”, “Constrictor”, “Trash”… ata o reciente “Along came a spider”, publicado en 2008. Nos seus últimos discos, Alice Cooper retoma o rock n’roll e hard rock máis puros, mantendo o listón moi alto e amosando nos escenarios a súa forza incombustible. O pasado ano 2009 encabezou o festival Azkena Rock tras varios anos sen actuar no noso país.

Esta noite, a sala Capitol organiza un concerto a cargo do grupo Pink Tones, unha formación cuxo espectáculo en vivo permite revivir un deses momentos máxicos perdidos na historia do rock. A experiencia de ver, oír e sentir a maxestosa música de Pink Floyd.

Un espectáculo pensado e traballado ao milímetro para ofrecer fielmente os sons dos discos da xenial banda inglesa. Pink Tones utilizan nos seus concertos moito material da época, como sintetizadores Moog, roto-toms, theremin e interminables efectos analóxicos de guitarra, ademais de ambientación con fume e láseres. Non faltan nesta experiencia sonora temas do Dark Side of the Moon, Wish You Were Here, The Wall, Meddle, etc.

A fiel interpretación do repertorio alcanza os seus puntos álxidos en temas como Shine on You Crazy Diamond, cun estremecedor só de saxo final, Echoes ou Comfortably Numb.

Pink Tones leva facendo xiras por toda España dende o 2004 e obtiveron grande éxito de crítica e público.

O grupo de pop-rock indie liderado por Santi Balmes, unanimemente aclamado pola crítica especializada, protagoniza unha das grandes citas musicais da tempada cos temas do seu último traballo, ‘1999 (o cómo generar incendios de nieve con una lupa enfocando la luna)’, o terceiro da súa discografía en español.

O grupo galego Siniestro Total, todo un clásico do rock español das últimas décadas, regresa aos escenarios cun novo disco, titulado 'Country & Western'. Os temas deste novo traballo se presentarán xunto cos grandes éxitos da banda nunha xira por toda España que esta noite chega a Compostela.

Malia o título e a uns pequenos toques, non se trata dun disco de Country, senón dun disco de Siniestro Total en estado puro composto por un total de 15 cancións de Rock, Blues, Swamp e Soul. Ademais da edición en Cd, hai unha especial de vinilo.

O Pub Casa das Crechas organiza esta noite un concerto protagonizado por That’s Entertainment. Ritmos rockeiros da man deste novo grupo santiagués.

That's Entertainment nace no outono de 2010 coa intención de ofrecer un estilo musical ata agora só realizado por bandas estadounidenses. A proposta musical deste grupo de Santiago de Compostela nada entre as influencias do rock'n'roll dos anos 50 e 60 como Gene Vincent, Elvis Presley ou The Drifters, a música de cantautor e folk americano como Bob Dylan ou Leonard Cohen, o country-rock de J.J. Cale e artistas contemporáneos como The Jayhawks ou Wilco.

Co gallo da presentación en Santiago do libro 'Simpatía por el relato', unha antoloxía de 32 contos escritos por músicos como Julián Hernández (Siniestro Total), Enrique Villareal (Barricada) e Juan Abarca (Mamá Ladilla) entre outros, a Sala Nasa acolle un concerto de balde a cargo do grupo Forraje.

Forraje en concerto: presentación do libro 'Simpatía por el relato'. Mércores 19 de xaneiro ás 21,30 h. Entrada de balde.

Forraje, a banda de Pobra do Caramiñal coñecida por traballos como Diario de un alma rota e Retales de vino y luna, actúa esta noite na Nasa para presentar, cun concerto ao que se poderá acceder de balde, o libro 'Simpatía por el relato', unha antoloxía de 32 contos escritos por músicos de coñecidos grupos españois. Entre eles cóntanse Julián Hernández (Siniestro Total), Enrique Villareal (Barricada), Rubén Pozo (Pereza), Carlos Pina (Panzer) e Juan Abarca (Mamá Ladilla). O libro foi publicado pola editorial Drakul e os dereitos de autor do proxecto, que coordinan os escritores Esteban Gutiérrez e Patxi Irurzun, irán destinados ao comedor social París 365 de Pamplona e á Asociación para a Cooperación co Poblo Saharahui “Río do Oro” de Fuenlabrada para o proxecto “Vacaciones en Paz de acollida de nenos saharauis durante o verán.
Forraje leva publicados ata o momento tres traballos: Estoy que muerdo (2003), Diario de un Alma rota (2006) e Retales de Vino y Luna (2009).

Esta noite na sala Capitol de Santiago de Compostela será o dia D, xa que catro das máis potentes bandas do panoramana nacional e internacional descargarán todo a súa potencia nunha velada inesquecible de Rock&Roll.

Bandas Confirmadas:

Crazy Cavan and the Rythm Rockers,
Dr Gringo,
The hound Dogs,
Lou Reyes e Los Astros

E moitos máis!

O Pub Manhattan acolle esta noite un novo concerto organizado por Nosolomonologos. Nesta ocasión, Andoni Arcos, compoñente do grupo Cornelius, presentará os seus temas en solitario en versión acústica e versións dos grandes do rock.

A banda rioxana de heavy metal Tierra Santa chega esta noite á Sala Capitol para ofrecer un dos concertos máis esperados da tempada.

A banda xorde en 1992, por aquel entón chamados Privacy, nome baixo o que gravaron unha maqueta no 93. Foi no 97 cando o grupo formado por Ángel, Arturo, Roberto, Iñaki e Tomy pasou a chamarse Tierra Santa. Con moito esforzo autoprodúcense e tempo despois saen de xira con Avalanch e Mägo de Oz, pouco a pouco e disco a disco lábranse un camiño, as súas xiras xa leváronos ao estranxeiro e actúan en festivais de música de renome. No 2004 o escritor Rubén Parra e Martínez dedicoulles a súa novela Mares de Leyenda, a cal está inspirada no poema «La canción del pirata» de Espronceda.

En 1998 autoproducen o seu primeiro disco, chamado Medieval e grazas a isto danse a coñecer e xiran xunto a Avalanch e acompañan a DEU na súa xira por España, ademais asinan co selo discográfico Locomotive Music, co que sacan o seu segundo disco, Legendario, aquí apréciase un factor moi importante para Tierra Santa como é o sentido épico das súas cancións cargadas de clixés, letras que nos falan do cid ou da Conquista de Granada, musicalmente é un Heavy Metal clásico con moitas influencias de Power Metal. Xa con este disco fan a súa primeira gran xira polo territorio nacional e actuando nos mellores festivais do país. Locomotive Music vendo o éxito do grupo e a súa crecente popularidade, remasteriza o seu primeiro disco e distribúe os dous por todo o mundo.

A Sala Capitol acolle un concerto que se inclúe no ciclo 'GalizaOnTour' e que estará protagonizado por tres bandas galegas de punk rock: a coruñesa Bulldozers, a pontevedresa Skarmento e a compostelana Royalties.

A Nasa contará esta noite con dous dos grupos de Metal máis destacados de Galicia: Kertuler e Deseqilibrio Mental, que virá presentar o seu primeiro traballo 'Con Q sin U', doce pezas gravadas nos estudios Pousada Son. Ademais, no descanso do concerto contaremos cun desfile de moda a cargo da firma de streetwear nacida en Santiago Don't Pray For Me.

Bourando e tocando dende 2002, Deseqilibrio Mental edita o seu primeiro traballo, 'Con Q sin U' (Lobicán Records), doce pezas gravadas nos estudios Pousada Son. O grupo parte do rock/ metal para tratar nos seus temas diversas cousas que acontecen a miúdo na sociedade actual, realizando unha protesta e intentando chegar á xente coa súa música.

O seu traballo viuse recompensado ao longo destes anos tocando en festivais como o V Verea Rock, XIII Música na Noite ou resultando gañadores do 3º Certame Música Xove 2010. Actualmente Deseqilibrio están presentando en directo o seu novo traballo "Con Q sin U" ó longo de todo o territorio galego.

Kertuler comezou a súa andaina a partir das ilusión de cinco rapaces. Benky, o batería do grupo,  foi o seu artífice. El coñeceu a Melero e a Marcos, baixista e guitarrista respectivamente, nun concerto dun grupo local; este achegamento entre eles lévalles a falar sobre os seus coñecementos musicais e as súas pretensións, e comezan a tocar simplemente por divertirse. Meses máis tarde decátanse de que lles gustaría facer algo máis serio e incorporan a Julio, que se convertiría en cantante do grupo. Así comezan a facer letras sobre a solidariedade co resto do mundo, o racismo, as inxustizas, a morte....

En setembro do ano 2000 fan o seu primeiro concerto, e partir desa data o grupo comeza a tocar por pubs, discotecas e salas de concertos. Meses máis tarde o grupo decátase de que precisa definir algo máis o seu estilo e contrata a outro guitarrista, Juanito. A partir dese momento o grupo queda completo e Kertuler experimenta un cambio radical, xa que pasa de facer rock duro ao metal que fai hoxe en día.

O seu primeiro traballo discográfico é un mini CD chamado El Despertar, que se publica en decembro de 2002, ao que lle seguirá Demo (2004).

No descanso do concerto, contaremos cun desfile de modelos de Don't Pray For Me, a marca de street wear nacida en Santiago.

A Sala Capitol presenta esta noite un dos grandes concertos da tempada. A mítica banda de heavy metal Hamlet repasará ante os seus incondicionais os temas dos seus discos máis exitosos: 'Revolución 12.111', 'Insomnio' e 'El Infierno'.

A traxectoria musical de Alfredo Fernández (Alfa) comenza na banda Buenas Noches Rose. A finais de 2000 aparece Le punk cunha proposta novidosa que pronto se consolida e alcanza grandes éxitos. Agora Alfa ten un novo e interesante proxecto, novas cancións nas que se notan as experiencias pasadas, a madurez e unha potente e sorprendente sinceridade enriba do escenario.

Pete Doherty, o enfant terrible da música inglesa, pisará esta noite por primeira vez un escenario galego para presentarnos o seu magnífico disco en solitario, titulado 'Grace / Wastelands'.

Tras o seu paso polos aclamados The Libertines e a súa continuación con Babyshambles, parece que o Sr. Doherty quere sentar a cabeza. Farto de estar sempre no ollo do furacán, dos excesos e da súa (merecida) fama de rapaz problemático, parece que a súa chegada aos trinta lle fixo madurar tanto musicalmente coma na súa vida persoal.
Recompilando varias demos e gravacións propias, Doherty pretende compoñer un disco en solitario que satisfaga todas as súas inquietudes. Froito de máis de 2 anos de traballo nace "Grace/Wastelands", gravado nos Olympic Studios de Londres co produtor Stephen Street (The Smiths, Blur), onde Doherty demostra o seu innegable talento compositivo cun listado de cancións sinxelas, directas e repletas de maxia. Con colaboracións de luxo como a de Dot Allison e Grahan Coxon (Blur) xunto aos seus ex compañeiros de Babyshambles, conseguen completar un álbum que supera os mellores augurios.
The Libertines primeiro e Babyshambles despois foron reivindicados como estandartes do rock de nova xeración. Agora é o momento para que Doherty se luza en solitario.
Tras o seu paso polos festivais máis importantes deste país (FIB, Primavera Sound, BBK Live, SOS Murcia...) e importantes concertos como o seu espectáculo en solitario no prestixioso Royal Albert Hall, con todas as entradas esgotadas, por fin poderemos telo polas nosas terras.

A Sala Capitol abre esta noite as súas portas para ofrecer un concerto de rock duro a cargo de tres formacións. Obituary, a banda estadounidense pioneira do estilo que se coñece como death metal, será unha delas.

The Homens envorcan todo o vivido e aprendido en catro anos de xira sen fin, insistindo no seu gusto polo pop británico de todas as décadas e a enerxía do punk americano dos oitenta, e engadíndolle un renovado interese pola psicodelia e a experimentación.

Cuarta potencia é o seu último disco: enerxía condensada en pílulas doces, e cantar bonito coa boca espumando rabia... Cuarta potencia é cantar por non chorar...

http://www.myspace.com/thehomens

O Pub A Reixa organiza esta noite un concerto protagonizado por That’s Entertainment. Ritmos rockeiros da man deste novo grupo santiagués.

That's Entertainment nace no outono de 2010 coa intención de ofrecer un estilo musical ata agora só realizado por bandas estadounidenses. A proposta musical deste grupo de Santiago de Compostela nada entre as influencias do rock'n'roll dos anos 50 e 60 como Gene Vincent, Elvis Presley ou The Drifters, a música de cantautor e folk americano como Bob Dylan ou Leonard Cohen, o country-rock de J.J. Cale e artistas contemporáneos como The Jayhawks ou Wilco.

O compositor e guitarrista español, ex líder do grupo de rock madrileño Los Enemigos, presenta en concerto o seu cuarto LP en solitario, 'Lecciones de vértigo', con 13 novas cancións nas que ofrecerá a súa faceta máis roqueira aos composteláns.

O seu último disco, asinado tamén por 'Sus Menudencias', presenta un look máis fresco e moderno ao que os seus seguidores dende que formaba parte Los Enemigos souberon adaptarse.

O Pub Momo organiza esta noite un concerto protagonizado por That’s Entertainment. Ritmos rockeiros da man deste novo grupo santiagués.

That's Entertainment nace no outono de 2010 coa intención de ofrecer un estilo musical ata agora só realizado por bandas estadounidenses. A proposta musical deste grupo de Santiago de Compostela nada entre as influencias do rock'n'roll dos anos 50 e 60 como Gene Vincent, Elvis Presley ou The Drifters, a música de cantautor e folk americano como Bob Dylan ou Leonard Cohen, o country-rock de J.J. Cale e artistas contemporáneos como The Jayhawks ou Wilco.

O mítico grupo madrileño presenta na Sala Capitol o seu novo disco, titulado 'Prohibido mirar atrás', nun concerto no que repasará todos os clásicos de Topo e Asfalto.

Cancións do panorama nacional e internacional que van desde Elvis á Creedence Clearwater Revival, do rock and roll  ás rancheiras ou do country ao pop.

O festival dos Abrazos, que celebra a súa cuarta edición, ofrecerá do 8 ao 27 de agosto, en espazos singulares da cidade, 66 actividades de diferentes disciplinas. Organizado pola Concellaría de Cultura, conta co patrocinio do Consorcio de Santiago e a colaboración da Asociación Cultural Cidade Vella, que organiza a programación de Feitoaman, integrada no Festival dos Abrazos; o Festival de Cine Euro-Árabe Amal; La Caixa de Barcelona e a Vicerreitoría de Estudantes, Cultura e Formación Continua da USC.

O Festival dos Abrazos é un certame internacional que proxecta Santiago de Compostela como escenario da creación e da imaxinación, como cidade universal á vangarda dunha cultura aberta, moderna e plural promovendo iniciativas culturais que constitúen un importante atractivo turístico. Os espazos onde se desenvolven as diversas actividades, máis de 20, non son só escenarios senón que son tamén protagonistas da programación Clasifícanse en tres categorías: Campo Aberto, os parques e xardíns que rodean a cidade vella ou que se agochan nela; Estacións de paso, as rúas e prazas máis coñecidas e transitadas da cidade histórica; e Espazos íntimos, recunchos, calexas, menos coñecidas pero cheas de encanto.

Samesugas é unha banda de referencia no punk-rock’n’roll de Compostela. 12 anos de historia percorrendo a xeografía galega e múltiples xiras por Portugal, polo País Vasco e polo resto da Península Ibérica ademais dalgunhas escapadas  máis aló dos Pirineos.

A súa discografía é múltiple e variada, incluíndo varios singles en vinilo e CD, un 10’’/CD, un LP/CD e un split CD editado en Arxentina, ademais dun bo feixe de participacións en recompilatorios editados por todo o mundo (Galicia, Suecia, Xapón, Alemaña…).

O festival dos Abrazos, que celebra a súa cuarta edición, ofrecerá do 8 ao 27 de agosto, en espazos singulares da cidade, 66 actividades de diferentes disciplinas. Organizado pola Concellaría de Cultura, conta co patrocinio do Consorcio de Santiago e a colaboración da Asociación Cultural Cidade Vella, que organiza a programación de Feitoaman, integrada no Festival dos Abrazos; o Festival de Cine Euro-Árabe Amal; La Caixa de Barcelona e a Vicerreitoría de Estudantes, Cultura e Formación Continua da USC.

O Festival dos Abrazos é un certame internacional que proxecta Santiago de Compostela como escenario da creación e da imaxinación, como cidade universal á vangarda dunha cultura aberta, moderna e plural promovendo iniciativas culturais que constitúen un importante atractivo turístico. Os espazos onde se desenvolven as diversas actividades, máis de 20, non son só escenarios senón que son tamén protagonistas da programación Clasifícanse en tres categorías: Campo Aberto, os parques e xardíns que rodean a cidade vella ou que se agochan nela; Estacións de paso, as rúas e prazas máis coñecidas e transitadas da cidade histórica; e Espazos íntimos, recunchos, calexas, menos coñecidas pero cheas de encanto.

Durante dúas xornadas, o Monte do Gozo acolle a primeira edición do festival 'Rock in Way', un evento que reunirá as actuacións de vinte grupos diferentes, dous escenarios e unha atractiva oferta de actividades lúdicas. O cartel conta cun amplo abano de bandas, que van dende as últimas revelacións internacionais ata grupos xa clásicos do rock dos 80 e 90, cunha mestura de grupos galegos e internacionais.

Xunto á mítica banda estadounidense The Offspring e os británicos The Specials, Rock in Way contará cos británicos Toy Dolls, Bad Manners, The View e os franceses Rinôçerôse, que compartirán escenario con importantes formacións como Siniestro Total, Delorean, Sôber, Muchachito Bombo Infierno, Tote King ou os arxentinos Los Pelotas.

VENRES 9

Apertura de portas: 16 h.   

**Escenario 1
- 16:30 Dirty Socks     
- 17:50 Niño Y Pistola     
- 19:10 The View     
- 20:55 Sôber     
- 22:55 The Offspring          
- 0:25 Bad Manners
- 1:50 Muchachito Bombo Infierno     
- 2:55 DJ Santi La Rock / DJ Cro

**Escenario 2
- 17:10 Los Chavales
- 18:30 Igloo
- 20:10 Riff Raff
- 22:00 Triángulo de Amor Bizarro

Peche de portas: 5 h.
    
SÁBADO 10

Apertura de portas: 16 h.    

**Escenario 1
- 16:30 Temazo ShowCase    
- 17:50 Las Pelotas    
- 19:15 Siniestro Total     
- 21:05 The Charlatans    
- 23:10 The Specials    
- 0:35 The Toy Dolls
- 1:55 <<rinôçérôse>>     
- 2:55 DJ Santi La Rock / DJ Cro

**Escenario 2
- 17:10 Novedades Carminha
- 18:30 The Blows
- 20:10 Tote King
- 22:15 Delorean

Peche de portas: 5 h.

+info en: http://www.rockinway.com/

A sala Capitol acolle esta noite un concerto de heavy metal a cargo da veterana banda sueca In Flames, que presentará o seu novo álbum de estudo, 'Sounds Of a Playground Fading'.

A estas alturas da súa carreira, cando IN FLAMES saca un novo disco, a pregunta xa non é se finalmente volverán ao son death metal melódico que os fixo famosos hai 20 anos. Pola contra, con máis de 2,5 millóns de discos vendidos nos últimos anos e con dez discos no mercado, os seus fans esperan con fascinación que será o próximo.

Así, aínda que o título soa a que se anuncia o final, "Sounds Of A Playground Fading" é, de feito, un novo capítulo para IN FLAMES. Especialmente agora que Jesper Strömblad xa non forma parte da banda. Strömblad marchou antes de empezar a composición do novo disco, deixando ao guitarrista Björn Gelotte poñer a primeira pedra dos seus propios alicerces. Era natural que o guitarrista que os acompañou durante longo tempo, Niclas Engelin, enchese o oco vacante. En setembro de 2010 IN FLAMES entrou nos seus propios IF estudos para empezar a gravar o que sería o seu novo álbum, "Sounds Of A Playground Fading".

"Sounds Of A Playground Fading" é, tal e como se esperaba, un desafío para quen o escoita. Aínda sen arrepentirse da súa visión moderna do metal - unha faceta no son da banda dende o seu acertadamente titulado "Reroute To Remain" de 2002 - IN FLAMES leva esta envoltura máis alá en novos temas "Ropes", "Fear Is The Weakness", "The Attic" e "Deliver Us". Ao mesmo tempo, miran atrás á era "Whoracle" (1997) en "The Puzzle", "A New Dawn", e a última escura intro narrada, "Jester's Door". Gelotte e o cantante Anders Fridén son os culpables, facendo que os fans que poñen o disco se manteñan no fío das súas cadeiras.

O título do disco é tan provocador e único como a música, reflectindo a mentalidade da banda, a de Fridén en particular. "Sounds Of A Playground Fading" suxire unha perdida da inocencia ou unha época de cambio, pero seguro que significará cousas diferentes a diferentes persoas. Abonda con dicir que representa a IN FLAMES no 2011.

ARTeria Noroeste ofrece esta noite a oportunidade de gozar cos ritmos rockeiros de Tregua, unha agrupación galega que presenta os temas do seu terceiro traballo discográfico, 'Luces y sombras'.

Tregua é unha banda de rock galega que co seu terceiro traballo discográfico, 'Luces y Sombras', producido por Carlos Escobedo (do grupo Sôber) e gravado nos estudios Cube de Madrid, consolídase como unha das propostas con maior proxección no panorama de rock en español. Nas súas cancións atopamos unha hexemonía de melodías e retrousos con engado e letras moi coidadas, na liña de Fito & Fitipaldis ou Marea. Tregua é rock fresco e melódico cun potente directo que xa visitou gran parte da xeografía española. Entrada gratuíta en Arteria Noroeste ata completar aforamento.

A mítica banda estadounidense de hard rock chega esta noite á Sala Capitol para ofrecer un concerto no que interpretará os temas do seu último traballo, un álbum titulado ‘What if...’.

Mr. Big é un grupo musical de Hard rock formado en Estados Unidos en 1988. Está integrado por Eric Martin (voz), Paul Gilbert (guitarra), Billy Sheehan (baixo) e Pat Torpey (batería); tamén pasou pola formación o guitarrista Richie Kotzen -substituíndo a Gilbert en 1999.

A pesar de caracterizarse por un son áspero, o seu repertorio conta con baladas e cancións con diversos estilos musicais. Entre os seus hits, encóntranse "To be with you", "Green-tinted sixties mind" ,"Collorado Bulldog", "Addicted To That Rush", "Wild World", "Shine" ou "Daddy, Brother, Lover, Little Boy" Dende a súa data de fundación mantivéronse en actividade interrompida debido a altercados internos; tras tomar un descanso de case 7 anos, Mr. Big volveu aos escenarios cun reencontro dos seus membros orixinais.

Dentro da xira de presentación do seu último traballo, titulado 'Iconoclast', a banda de heavy metal Symphony X chega esta noite a Compostela para ofrecer un concerto no que tamén tomarán parte Pagan's Mind e DGM.

PAGAN’S MIND presentará o seu novo traballo, 'Heavenly Ecstasy'.

A Sala Capitol organiza esta noite un concerto protagonizado por Revólver, a banda liderada por Carlos Goñi que presenta o seu noveno álbum, ‘Argán’.

O ciclo musical 'Autor 3.0', que conta co apoio da AGADIC, presenta o grupo de rock Combo Dinamo. Nado dunha mutación dos Mistakens, banda de pop con regusto aos anos 60, o grupo debutou como Combo Dinamo co disco Decencia y buen gusto (2007), que propiciou a súa presenza en medios de comunicación e salas de concertos de diversas Comunidades. En 2008 foi o gran gañador dos premios Inframundo da música coruñesa (Mellor banda; Mellor disco; Mellor canción; e Mellor vídeo). Tras moitas actuacións e algúns singles, en 2011 editouse o seu segundo disco longo: Quieto, muere, resucita!!!, que os trae á sede da SGAE/Fundación Autor en Santiago de Compostela nun concerto gratuíto que será gravado e emitido por Radio Galega Música. Entre as influencias de Combo Dinamo están David Bowie, Devo, The Who, Elvis Costello, Supergrass ou Radio Futura.

Esta noite, a Sala Capitol ofrece un concerto protagonizado por tres grupos de rock feito en Galicia, no que Tevra presentará os temas do seu último traballo, 'InVerso'.

A sala Capitol acolle esta noite un concerto de rock protagonizado por Javier Vargas, que estará acompañado polos veteranos músicos Carmine Appice e Paul Shortino.

A banda sueca de heavy metal Amon Amarth presenta esta noite na Sala Capitol o seu novo álbum de estudo, ‘Surtur Rising’.

A Sala Capitol organiza esta noite unha sesión de heavy metal coa banda alemana liderada por Udo Dirkschneider.

Amorphis, a veterana banda finesa de metal progresivo, presenta en xira o seu novo traballo, ‘The Beginning of Times’.

Esta noite, o pub Ultramarinos organiza un concerto a cargo do grupo de rock galego Combo Dinamo.

Nado dunha mutación dos Mistakens, banda de pop con regusto aos anos 60, o grupo debutou como Combo Dinamo co disco Decencia y buen gusto (2007), que propiciou a súa presenza en medios de comunicación e salas de concertos de diversas Comunidades. En 2008 foi o gran gañador dos premios Inframundo da música coruñesa (Mellor banda; Mellor disco; Mellor canción; e Mellor vídeo). Tras moitas actuacións e algúns singles, en 2011 editouse o seu segundo disco longo: Quieto, muere, resucita!!!, que os trae á sede da SGAE/Fundación Autor en Santiago de Compostela nun concerto gratuíto que será gravado e emitido por Radio Galega Música. Entre as influencias de Combo Dinamo están David Bowie, Devo, The Who, Elvis Costello, Supergrass ou Radio Futura.

O grupo vigués afincado en Barcelona actuará esta noite na sala Capitol nun concerto no que tamén se poderá escoitar á banda de indie rock bailable Polock.

A formación murciana, embarcada nunha intensa xira de presentación do seu disco ‘Fácil’, fai unha parada en Compostela. Despois do éxito de ‘Es un secreto... No se lo digas a nadie’, co que o pasado ano acadou tres premios 40 Principales, a banda liderada polo cantante e compositor Jorge Ruiz regala aos seus seguidores unha nova dose do mellor pop en directo.

Carlos Tarque e Ricardo Ruipérez, compoñentes dun dos grupos de referencia no panorama musical español, regresan de novo a Santiago dentro da súa exitosa xira nacional ‘Para no ver el final’. Con temas como ‘Calle sin luz’ ou ‘Me voy a dejar llevar’, os murcianos ofrecerán ao seu público un concerto de puro rock cheo de arranxos soul, nun dos seus mellores momentos.

A banda de hard rock irlandesa The Answer inaugura esta noite o festival 'Compostela Rock', nun concerto no que presentarán ao seu público o seu novo disco, 'Revival'. Neste terceiro álbum volven facer gala do hard rock e blues rock máis potente, o mesmo que exhiben nos seus directos como demostraron a pasada tempada teloneando a AC/DC.

A maior parte da crítica e do público está de acordo á hora de afirmar que The Answer soan como unha versión actualizada de AC/DC e Led Zeppelin, aderezados polo toque blues de bandas como Bad Company ou Free. Puro hard rock co que demostran a súa inusitada habilidade para combinar temas luminosos con estribillos demoledores. Fundada en Irlanda do Norte no ano 2000, a banda pasou a última década mostrando as súas credenciais de rock 'n' roll por todo o mundo. Despois dalgúns lanzamentos auto financiados, de pouca repercusión na prensa, a banda viuse de cheo baixo o foco de atención mainstream en 2005, cando o seu primeiro single "Keep Believin'' se converteu en obxecto de grandes eloxios da crítica e levounos a ser a " Mellor Nova Banda " nos premios Classic Rock Awards.

O resultado final da súa gran reputación como banda en directo e como unha das máis brillantes esperanzas do rock, foi a xira de máis dun ano como banda convidada na mastodóntica xira de AC/DC, o que lles levou aos principais recintos por todo o mundo; 412 días xirando por medio planeta, 118 concertos e máis de 3 millóns de persoas asistindo a eses shows.
 
A banda acaba de lanzar o seu terceiro álbum, 'Revival', que foi gravado polo produtor Chris "Frenchie " Smith, en El Paso e Austin, Texas. Un emocionante e potente álbum de rock’n’roll, cheo de enerxía, que incorpora os mellores elementos da traxectoria de “The Answer” combinados con un brillante arsenal de novas ideas en canto a son, que seguro levará a banda a subir a súa popularidade. Cada concerto seu fai aumentar a lexión de fans que a banda irlandesa comeza a acumular por medio mundo.

Dentro das novidades na programación para 2012 que pon en marcha a concellaría de Cultura, unhas das apostas firmes é o Compostela Rock, ciclo que se alongará durante todo o ano e se celebrará en diversos espazos da cidade. Abranguerá concertos de rock, pop e xéneros próximos en todos os seus estilos e variantes intentando así achegarse ao maior rango de idades entre o público ao que vai dirixido. O que se busca é dar estabilidade na programación da concellaría a un tipo de música que ata o de agora non o tiña e materializar unha realidade da programación da cidade. Inaugura este ciclo a banda irlandesa The Answer, elixida por AC/DC como teloneiros na súa última xira mundial. Chegan a Compostela para dar o único concerto en Galicia, logo de estar en Madrid, Barcelona e Bilbao, no que presentan o seu novo disco, ‘Revival’.

A Sala O Sarela acolle esta tarde o II The Rock a Billy Boogie Night, segunda edición do festival de rockabilly que contará coa actuación de Teté Delgado y los Ciclones, Furious, The Kanaolas e The Caravans.

- The Caravans (Portsmouth, UK)
- The Kanaolas (A Coruña)
- Furious (Liverpool, UK)
- Teté y Los Ciclones (Madrid)

Os británicos Letz-Zep, exitosa banda que homenaxea aos míticos Led Zeppelin, un dos grupos de rock máis importantes que xurdiron no panorama musical de todos os tempos, ofrecen esta noite un concerto na Sala Capitol.

Letz Zep está formado por Billy Kulke, voz, guitarra e harmónica; Andy Gray, guitarra; Benji Reid, batería; e Steve Turner, baixo e teclados. Tras encher recintos e esgotar entradas na súa anterior xira de 2010 regresan de novo a España.

O grupo homenaxe Letz Zep recupera o directo desta banda e transmite vibrantemente a súa música e o ambiente que nos seus concertos se creaba. Non queren suplantar ao grupo, ao contrario, trátano con moito respecto: mesmo Robert Plant felicitou ao seu socio Billy Kulke.

A banda estadounidense de horror punk Misfits protagoniza a cita musical desta noite na sala Capitol.

A diva do metal finlandesa Tarja Turunen chega a Compostela dentro da súa xira española para ofrecer unha mostra da súa espectacular posta en escena.

O grupo neoiorquino de Indie Rock Nada Surf presenta na sala Capitol os temas do seu traballo máis recente, 'The Stars Are Indifferent To Astronomy', publicado hai menos dun mes en todo o mundo.

Nada Surf é un grupo Indie Rock formado en 1992 en Nova York, integrado por Matthew Caws (guitarra e voz), Daniel Lorca (baixo e voz) e Ira Elliot (batería e voz), practican un Power pop próximo en ocasións ao noise rock. A banda obtivo o seu recoñecemento mundial grazas a "Popular" do álbum High/Low (1996).

O trío catalán de rock alternativo presenta esta noite na sala Capitol os temas do seu sexto traballo de estudo, titulado 'El Fluído García'.

Concerto do grupo catalán de emo-core Standstill, que chegan a Compostela para presentar en directo os temas do seu último traballo, 'Adelante Bonaparte'.

A sala Capitol ofrece esta noite a oportunidade de gozar coa música dos Diamond Dogs, unha banda sueca que regresa a Santiago cun directo irresistible. O concerto forma parte de ciclo 'Compostela Rock', organizado pola Concellaría de Cultura do concello compostelán.

Diamond Dogs terán como teloneiros aos galegos Sugar Mountain, que presentan un amplo repertorio dos seus discos e novas cancións da súa próxima gravación. Os suecos chegan a Compostela para presentar o seu novo álbum 'Set Fire To It All' capitaneados por dous dos guitarras máis importantes que tiveron: International Fred e Lars Karlsson.

Diamond Dogs naceron no 2000 grazas ao interese dalgúns membros das bandas máis importantes nadas en Suecia nos últimos anos (Hellacopters, Maryslim, The Soundtrack Of Our Lives) para poder dar renda solta a composicións que, por cuestións estilísticas, non tiñan cabida nos seus outros grupos. O resultado é un exercicio de estilo no que converxen o sleaze rock, o boogie sureño, o rhythm'n'blues, en definitiva, rock'n'roll. Sen caer no 'revival', tamén adoptan os seus sons favoritos, da mesma manera que fixeron os Rolling Stones, The Faces, Johnny Thunders, Jason & The Scorchers, Black Crowes e outros moitos nomes que inmediatamente veñen á cabeza escoitando as cancións de Diamond Dogs. Diamond Dogs visitaron España en 2001 para presentar o seu primeiro CD 'As Your Greens Turn Brown', ao que segui en 2002 'Too Much Is Always Better Than Not Enough'.

Desde os seus inicios, Soziedad Alkoholika non parou nin un momento de actuar por toda España, América, Europa, Xapón, etc. É un dos grupos independentes máis recoñecido e que máis poder de convocatoria ten nos seus directos. A súa sólida formación non variou apenas desde as súas orixes, mantendo intacta toda a súa esencia orixinal tanto nas súas gravacións como nos seus irresistibles directos.

A Sala Capitol acolle a actuación de Brothers in Band, grupo coruñés que rende homenaxe a unha das mellores bandas de rock de todos os tempos no Tributo a Dire Straits. Tomando como referencia un dos mellores directos da historia do rock, a xira de Dire Straits de 1992, durante algo máis de dúas horas repasan todos os seus grandes éxitos, como 'Sultans of Swing', 'Money for Nothing', 'Walk of life', 'Brothers in Arms', etc, chegando a tocar mesmo algún tema de Mark Knopfler en solitario.

Nin o propio Guy Fletcher, teclista de Dire Straits desde 1984, puido distinguir a Brothers in Band dunha gravación da propia banda de Mark Knopfler en Abril de 2008.

Por iso, e polos máis de 60 concertos por toda España Brothers in Band presumen de selo auténtico son Dire Straits, pasando por salas tan míticas como o “Kafe Antzokia” de Bilbao ou a “Sala Heineken” de Madrid, ata prazas de concellos e teatros.

O seu repetorio de máis de dúas horas presenta un formato único (dúas guitarras, baixo, batería, percusión, saxo, dous teclistas e un "pedal steel guitar"), e revive unha das mellores xiras de toda a historia do rock: a xira de 1992 "On The Night" coa que os Dire Straits despedironse dos escearios para sempre.

Ete singular "viaxe no tempo" quedou recollido no seu DVD Brothers in Band - On The Night 2011 gravado no Teatro Rosalía de Castro de A Coruña, no que a banda colgou o LOCALIDADES ESGOTADAS con varios días de antelación.

Milleiros de fans knopflerianos de todas as idades, ávidos de concertos e vellos recordos, volven gozar de temas como Sultans Of Swing, Money for Nothing, Brothers in Arms o Walk of life .... grazas a esta máquina do tempo.

A Sala Capitol acolle unha actuación en vivo do veterano grupo heavy asturiano Avalanch, dentro do seu tour 'Malefic Time'.

Avalanch é un grupo de heavy metal e rock duro, formado en 1993 e procedente de Asturias. A banda asturiana leva unha longa traxectoria combinando o heavy metal en castelán dos seus inicios cun rock máis moderno de indubidable influencia metálica no presente, incorporando á súa música elementos de hard rock, pop e folque. Os seus discos edítanse en varios países europeus e americanos, e realizan habitualmente xiras por fóra de España, principalmente por Latinoamérica. A historia de Avalanch comeza en 1993, cando Alberto Rionda, Francisco Fidalgo e Víctor García forman unha banda á que se unirán Alberto Ardines e Juan Lozano, que tamén buscaban membros para unha nova banda. O nome escolleito foi Avalanch, nome co cal Ardines e Vizoso xa gravaran en 1988 xunto a dous compañeiros unha maqueta titulada 'Ready to the glory'. Alberto Rionda, asumirá desde o inicio os labores de compositor e guitarrista principal e produtor musical de Avalanch. Tras varios cambios internos na banda, lanzan en 1997 o seu primeiro disco profesional, 'La llama eterna', gravado en Bunker Estudos, estudo de Pousada de Llanera (Asturias) que máis tarde acabaría dirixindo Alberto Rionda. Con este disco, Avalanch provoca un gran impacto na escena heavy metal española. Non tardaría en aparecer a versión en inglés do disco, 'Eternal Flame', e nalgúns países como Italia ou Xapón editáronse edicións dese traballo en inglés e español. Mediada a xira deste disco, Avalanch decide prescindir de seu vocalista (Juan Lozano) e contacta con Víctor García para que se unha a eles, comezando en Barcelona.

Sinestesia é un grupo compostelán que nace das inquedanzas musicais dos seus novos compoñentes. Unha proposta con temas propios afrontados dende o xénero de rock feito en castelán.

Beben do blues de chicago e da psicodelia dos sesenta (Hendrix, Cream,The Doors), con certos matices do jazz ou do soul, mesturando solventemente estas tendencias musicais coa canción de autor estatal de tradición roqueira (Quique Gonzalez, Ariel Rot, Los Rodriguez, Joaquín Sabina..).

Tras unha mini-xira latinoamericana, o grupo de rock navarro Marea continúa o exitoso tour de presentación do seu sexto traballo 'En mi hambre mando yo', publicado despois de tres anos de parón.

A banda liderada por Kutxi Romero escribiu unha páxina destacada na historia do rock nacional con álbums como "Besos de perro", "28.000 puñaladas" ou "Las aceras están llenas de piojos".

Esta noite, a Sala Capitol recibirá por segunda vez en Galicia a Mark Lanegan, coñecido como 'o home da voz profunda', unha das figuras máis recoñecibles e carismáticas do rock actual que presenta o seu último traballo, 'Blues Funeral'.

Lanegan promete unha noite memorable na que presenta en Galicia ‘Blues Funeral’, o seu novo disco tras oito anos desde o último. Como banda teloneira actuarán os belgas Creature with the Atom Brain, que contan entre as súas filas con Aldo Struif  (ex Millionaire).

Mark William Lanegan naceu o 25 de Novembro de 1964 en Ellensburg, WA, a 90 millas de Seattle. A banda que o fixo famoso, Screaming Trees, foi unha das menos populares pero máis excitantes xurdidas da fornada 'grunge' dos 90. Formouse cando Lanegan deixou o instituto e uniuse a Gary Lee Conner, Van Conner e Mark Pickerel. O seu debut foi un EP titulado Clairvoyance, (Velvetone Records 1986). Xunto a Screamnig Trees, Lanegan publicou, do 87 ao 89, catro discos para a compañía SST: Even If And Specially When (1987), Other Worlds (1988), Invisible Lantern (1988) e Buzz Factory (1989).
En 1989, Lanegan e Kurt Cobain, que eran moi bos amigos, gravaron para SubPop unha serie de cancións baixo o nome de The Jury, aínda que estas finalmente nunca foron publicadas. O experimento, en cambio, si serviu para que Lanegan, aconsellado por Mark Pickerel e Jack Endino, empezase a formularse a posibilidade de realizar un disco en solitario. Así é como xurdiu en 1990 The Winding Sheet, no que Lanegan contou coa colaboración de músicos como Mike Johnson, Mark Pickerel, Jack Endino, Steve Fisk, Kurt Cobain, Krist Novoselic e Justin Williams.
En paralelo á súa carreira en solitario, Lanegan continuou xunto aos Screaming Trees, publicando un par de discos para Epic: Uncle Anesthesia (1991) e Sweet Oblivion (1992), ademais dun terceiro album en 1993 que nunca sería editado. Despois, a banda decidiu tomar un descanso e Mark aproveitou para poñerse a traballar no que sería o seu segundo álbum en solitario, editado en 1993 baixo o selo Sub Pop: Whiskey For The Holy Ghost.
En 1996 Mark e os Screaming Trees volvéronse reunir para gravar o que sería o seu último disco, Dust (1996), ao que seguiría unha xira mundial por EUA e Europa entre 1996 e 1997. Despois desta xira, Mark puxo en marcha o que foi o seu terceiro álbum Scraps At Midnight, co que realizou unha mini xira a finais do 2000 por toda a costa oeste de EUA. No seu cuarto traballo, I'll Take Care Of You (Sub Pop, 1999), Lanegan homenaxeaba a todos os autores que admiraba e que o influíran durante toda a súa carreira. Este disco conseguiu grandes críticas e considérase un dos mellores da súa discografía. O seu quinto álbum, Field Songs, saíu á luz o 8 de maio do 2001. Un disco que combina un pouco de cada un dos seus traballos anteriores: a inigualable voz de Lanegan coas máxicas melodías que acompañan ás súas letras. En 2003 publica o Ep 'Here comes that weird chill' no que versionaba a Captain Beefheart. O seu último disco en solitario publicado ata a data foi 'Bublegum', no que contou coa participación de músicos do talle de Josh Homme, PJ Harvey, Grez Dulli, Izzy Stradlin, Duff McKagan…Entrou directamente ao nº 39 en Billboard e tivo moi boas críticas por parte da prensa especializada, que o cualificou como un dos mellores traballos de toda a súa carreira. Nos últimos anos, Mark Lanegan involucrouse en varios proxectos con artistas como Greg Dulli, (The Twilight Singers) Isobel Campbell (Belle & Sebastián), Soulsavers ou Queens Of Stone Age.

Dentro da xira Heineken Music Selector, os norteamericanos Low presentan o seu novo álbum, 'C'mon'. A banda que lidera Alan Sparhawk está considerada como un referente dentro do rock independente americano, que deixou para a historia da música obras maxistrais como "The Great Destroyer".

O trío de Duluth é xa un dos grandes clásicos do rock independente americano, autores de verdadeiras obras capitais do xénero que veñen a presentar o sólido 'C'mon'. Acompáñaos Rauelsson, a delicatesen dun dos músicos nacionais con maior proxección internacional.

Os madrileños Non Servium e os cataláns Kop chegan esta noite a Compostela para ofrecer un concerto conxunto dentro da xira nacional denominada "Antifa Kombat Tour".

A Sala Moon celebra esta noite unha nova cita do ciclo 'MusiCompostela' coa actuación dos grupos 'Manolo e Fillos' e 'Lío y Mayu'. Trátase dunha actividade enmarcada no Plan de Acción Local na Prevención de Drogodependencias desenvolvido polo concello compostelán.

Esta noite Dúo Cobra ofrece un concerto no Teatro Principal enmarcado no ciclo 'Compostela Rock'. Malia que un dos membros do Dúo é compostelán, é a primeira vez que poderemos ver a este grupo actuando en directo na cidade.

Dúo Cobra amosa ‘Papel Médium’, peza que presentan en (S8), consistente en tres proxeccións simultáneas de 8mm e Súper 8 mentres fan a banda sonora en directo. Máis que unha película Papel Médium é unha evento en directo, e está feito especificamente para o (S8); dado o seu carácter non se repetirá -polo menos da mesma forma, co mesmo metraxe e a mesma banda sonora- en ningún outro sitio.

O veterano guitarrista alemán de hard rock e heavy metal Michael Schenker presenta na Sala Capitol os temas do seu último traballo discográfico, 'Temple of Rock'.

Cunha formación de luxo, con Herman Rarebell (ex Scorpions), Francis Buchholz (ex Scorpions) e Doggie White (Voz ex Raimbow e ex Malmsteen). Unha xira na que prometen temas de Scorpions, UFO e MSG.

Leiva, compoñente do grupo Pereza, chega esta noite á Sala Capitol para mostrar en directo os temas do seu traballo en solitario, "Diciembre", un álbum publicado o pasado febreiro.

A banda norteamericana Tortoise visita Santiago para ofrecer no Auditorio de Galicia o seu mellor rock en directo.

Practicamente só entre as bandas das últimas dúas décadas, Tortoise é un grupo que se resiste a metáforas e analoxías fáciles, que poden ser descritos soando como só eles e ninguén máis. Vinte anos despois da súa fundación, a firma da banda é un inimitable e singular son, un cruzamento fluído de dub, dance, jazz, techno, rock, clásica e o minimalismo, sen que ningunha parte domine o conxunto. Segue sendo unha música orixinal americana e internacional. Ademais, Tortoise segue sendo único no mundo da música contemporánea pola súa ilimitada curiosidade intelectual, a súa voz inconfundible, a súa composición e a súa síntese de mundos sonoros aparentemente contraditorios.

‘Beacons of Ancestorship’ é o sexto álbum de longa duración de Tortoise, e o seu primeiro lanzamento con material novo en cinco anos, desde o ano 2004 ‘It´s all around you’. Ademais disto, a banda estivo traballando e colaborando na retrospectiva do grupo A Lazarus Taxon, ademais dun álbum de covers co vocalista Will Oldham, sobre temas de Elton John, Bruce Springsteen, Richard Thompson, e The Minutemen, titulado ‘The Brave and The Bold’. Ademais, os membros individuais mantivéronse ocupados con outros proxectos, como Exploding Star Orchestra, Bumps, Fflashlights, e Powerhouse Sound.

Cada álbum de Tortoise ten como característica o feito de que atravesa unha enciclopedia de estilos e puntos de referencia, un documento no cal as interseccións musicais e o diálogo prodúcense nun momento dado no tempo. ‘Beacons of Ancestorship’ non é diferente, con chiscadelas ao techno, electro punk, ruído, lo-fi, ritmos troceados, sintetizadores moi elaborados, e endechas tristes e elexíacas. Apreciamos estas ideas de traballo en composicións como "Slim High Class Came Floatin 'In", unha pista de oito minutos que xoguetonamente fai referencias ao mundo da cultura rave e a danza extática.

Hai moitos estados de ánimo, estilos e modos no cancioneiro de Tortoise e, por suposto, a miúdo, no curso dunha soa composición. Tortoise é a experiencia dun son que se está traballando continuamente, como unha conversación entre músicos distintos e relacionados entre si por un pensamento único e na dinámica de grupo, a través da expresión dun pensamento musical de varias capas.

A música nas festas da Ascensión comeza esta tarde cun festival denominado SonA no Multiúsos Fontes do Sar. SonA concentra as propostas musicais de seis grupos e artistas con selo galego e gran calado no panorama pop-rock indie nacional: Xoel López, Iván Ferreiro, Novidades Carmiña, The Blows, Eladio e os Seres Queridos e Triángulo de Amor Bizarro.

IVÁN FERREIRO
Os seus doce anos ao fronte dos estratosféricos Los Piratas e o seu algo máis dun lustro de sinuosa carreira en solitario, aválano coma un dos referentes no panorama musical español. “Confesiones de un artista de mierda”, o seu último disco, é un exercicio franco e apaixoado de liberación de todo o que Iván ten dentro. Foi gravado en directo cun reducido público composto por invitados da banda e por fans afortunados.

XOEL LÓPEZ
Xoel López é un dos artistas máis representativos da escena independente en España. Aínda que sempre se moveu entre os sons do pop-rock indie e o folk dos 60, el defínese como un artista libre, e así o demostra. Xoel deixou atrás unha carreira consolidada no seu país baixo o seudónimo de “Deluxe” para saltar o charco e empezar unha nova etapa co seu nome. O seu primeiro traballo co seu propio nome viu a luz o 17 de abril e titúlase “Atlántico”.

ELADIO Y LOS SERES QUERIDOS
Trala publicación de “Están Ustedes Unidos” en marzo de 2011, a xira de presentación arrincou con máis de 40 datas polo territorio nacional, incluindo os máis destacados festivais: Primavera Sound, Vigo Transforma, Día de la Música, Cultura Quente, Ebrovisión ou Sonorama, entre outros. Sen dúbida un artista que se converte na gran esperanza da rexeneración artística da tantas veces maltratada escea nacional.

TRIÁNGULO DE AMOR BIZARRO
Como se The Jesus & Mary Chain creceran na Coruña, ou coma uns Einstürzende Neubauten con máis apego á melodía, Triángulo de Amor Bizarro pervirten as convencións con electricidade desbordante e letras surrealistas. TAB é unha feliz anomalía no rock estatal.

NOVEDADES CARMINHA
Tralo éxito de Te vas con Cualquiera (Bowery Records, 2009), volve á carga co seu segundo LP, Jódete y Baila (Lixo Urbano, 2011), que evoluciona cara a un sonido máis bailón, rozando terreos lo-fi e achegándose estilísticamente á nova onda de garaxe xurdida en Estados Unidos, con Black Lips, Jacuzzi Boys ou Harlem á cabeza.

THE BLOWS
Unha das grandes esperanzas da sempre fecunda escena viguesa, The Blows deron un gran paso adiante con “Ejército de Fantasmas”. O seu segundo disco amósaos máis enérxicos e cercanos á electrónica, na que pode ser unha das sorpresas do ano.

O Cachan Clube organiza para esta noite un concerto protagonizado por The Soul Jacket, unha banda galega de rock and roll que presentará en directo o seu primeiro disco, titulado "Wood Mama".

Humor, crítica social e son Metal conxúganse nun concerto a cargo de El Reno Renardo, que se converteu na banda de "Metal Jachondo" en activo máis coñecida da Península.

Jevo Jevardo-Guitarra e voz
Mikel Torralba-Guitarra
Ander The Thunder-baixo
Ivan Cormen-bateria

Máis info: www.elrenorenardo.com

O grupo neoiorquino The Last Internationale ofrece na Sala Capitol o seu único concerto en Galicia, no que presentará o seu disco 'Choose your killer'. O concerto contará tamén coa actuación dos estadounidenses The Ripe, banda de rock-folk psicodélico.

The Last Internationale é un power trio con base en New York City que esta conquistando notoriedade internacional grazas aos seus explosivos e impredicibles directos. Distorsionando continuamente as liñas entre o Folk, o Blues, o rock n roll e o punk, o seu estilo ecléctico rompe todos os limites musicais e podería definirse así: Melodías obsesivas, botas que pisan forte, “backbeats” sen adornos, chirriantes sós de guitarra, berros primordiais, espontaneidade, cambios drásticos de tempo, implacable repetición interrompida por improvisación, etc. O resultado é un crecente movemento musical coñecido como “blues and boots”.
 
TLI vió a luz en 2009 co lanzamento do seu CD  homónimo . Grazas ao éxito instantáneo, o disco foi reeditado por Manifesta Records e DIT records en 2010. En 2011 Manifesta Records editou o seu seguinte disco ‘Choose your Killer’ que mostra á banda interiorizando aínda máis nas raíces do Blues e o Rock N roll, xuntos, ambos os discos, mostran todas as facetas da condición humana, incluíndo amor, corazóns rotos, angustia, loita política, desesperación, esperanza e redención.

A súa música foi protagonista no prestixioso e premiado show de Amy Goodman, Democracy Now! E pódese escoitar na radio de mais difusión independente americana Pacifica Foundation así como noutras radios en todo o mundo.

A banda tocou en directo en programas televisivos en Portugal (Sic Radiale), onde alcanzaron gran popularidade e pronto poderán ser vistos na película ‘Freedom Rock’ xunto a artistas como Bono e Shakira.

Membros:
Delila Paz, Voz
Edgey, Guitarras
Son Marcus, Baixo
Simram, Batería

‘Choose your Killer’
Algúns discos nacen para engrosar coleccións en andeis e ser lembrados só polo lombo que asoma entre outros moitos, outros convértense automaticamente en clásicos, no que un deixa encima do reprodutor, porque apetece escoitalo unha e outra vez, ‘Choose your killer’ é dos segundos.

The Last internationale ofrécenos desde Nova York unha mestura de cancións propias entre o garaxe, o rock n roll e versións de blues e folk clásico que en circunstancias normais non pasarían de aí, pero TLI é moito máis que un grupo musical, é a resposta aos tempos convulsos que estamos a vivir, as súas cancións falan de revolución, de cambio, de liberdade, feminismo, de desamor e desencanto; son os abanderados dunha nova xeración de músicos que saben perfectamente que teñen que tomar as rendas e que a neutralidade xa non funciona, que chegou a hora de saír aí fose e axitar o estandarte para ese cambio tan necesario.

A aguerrida e desgarradora voz de Delila Paz, que ás veces lembra a Chrissy Hynde e outras a Patsy Cline, sempre se expón coa rabia dun francotirador que sabe que ten máis obxectivos que balas, lidera un grupo no que as guitarras en ocasións salvaxes e outras algodonadas de Edgey teñen especial protagonismo, pero As CANCIÓNS están por riba de todo o demais, son os novos trobadores, a voz dunha conciencia colectiva que leva aos seus incendiarios e imprevisibles directos toda esa paixón e urxencia. Se ves este disco por aí, cómprao, descárgao, fai o que che pareza oportuno, pero escóitao… atentamente.

THE RIPE (Austin, Texas, rock-folk psicodélico)

Como Love se medrasen á calor do South by Southwest. Como os Zombies se se mesturaron co máis selecto indie rock americano. Coma se Alex Chilton compuxese cancións para grupos entre o pop e a psicodelia como The Tame Impala ou The Shins. Coma se tres raparigos de Austin recalasen no estudo de grabación dun paladín do garaxe entolecido. Improbables teorías, pero todas certas e encarnadas en The Ripe: unha banda que latexa ao ritmo do underground de Texas e que une forzas coa reverb da guitarra de Jorge Muñoz-Cobo, alma de Doutor Explosión, un Billy Childish en versión asturiana.

Pero máis aló de rocambolescas historias de idas e vindas entre a terra do chile con carne e as ondas das praias de Xixón, o misterio e esplendor de The Ripe vén desa habilidade que teñen de recuperar os sons do mellor do sesenta e o setenta, facendo parecer coma se se inventaran hoxe mesmo. Pois o seu non é revivir vellos tempos, senón inventar un futuro esquecido de melodías que fan latexar o corazón, de guitarras que nos fan flotar polo aire, de liñas de baixo que se pegan ao subconsciente e de ritmos de espírito eternamente adolescente. E é así como as cancións de Into your ears transmiten unha frescura que fai sentir palpablemente que o Pop psicodélico (con chispazos garaxe e folk) acaba de nacer, e vai ser a música desta xeración.

Jake Garcia, Gian Ortiz e Nick Yaklin coñecéronse no salvaxe lado este de a súa orixinaria Austin. Jake, cantante e guitarra, conta que colleu unha guitarra aos 9 anos e desde entón non a volveu a soltar. Tras militar en The Uglybeats, púxose, en compañía de vellos amigos, á tarefa de compor e recompor eses pequenos quebracabezas que para el son as cancións. E vaia que amigos: Gian Ortiz, por exemplo, presta servizo en Amplified Heat e toca o baixo co mismísimo Rocky Erickson. Agora o círculo pechouse en Circo Perrotti, estudo de gravación de Jorge Explosión: un cuarto membro que veu a completar de maneira inesperada e estrañamente máxica ese algo difícil de explicar que fai a The Ripe únicos e irresistibles. Transitando polos seus propios camiños, para colarse dentro dos nosos oídos e quedar a vivir alí.

Ariel Rot volve aos escenarios co seu son roqueiro máis característico co disco "Solo Rot", un traballo cargado de cancións soberbias e contaxiosas.

É o que ten Ariel Rot, que o seu é o rock e non debe buscar xustificacións coas que andarse polas ramas.

Tras a paréntese para reflotar e despedir con honras a Tequila, aquí está de volta, cun disco que nos fai crer de novo no rock en castelán. Un traballo cargado de cancións soberbias e contaxiosas, cos seus momentos densos, as súas baladas embriagadoras, os seus repuntes frenéticos e liviáns. Un deses álbums perfectos que pasarás o día escoitando unha e outra vez. Un artefacto do mellor rock and roll coa firma e o selo de Ariel Rot. Mestre de mestres. Si, é Rot. Puro Rot. Só Rot.

E o mestre, para dar forma a este Solo Rot buscouse como man dereita a un vello amigo, Pete Thomas, quen fose batería dos Attractions de Costello -e agora dos seus Imposters- e con que xa colaborou hai unha década nos discos Hablando solo (1997) e Cenizas en el aire (1999). Thomas está considerado, por se alguén non o sabe, como unha das mellores baterías do mundo. O mellor, segundo un tipo tan pouco dado a regalar cumprimentos como Tom Waits.

A Zona "C" acolle esta noite a festa de presentación da Romaría Pop (sábado 16 de xuño), na que os asistentes poderán bailar co rock dos lucenses Holywater, que estarán acompañados polos tamén lucenses Mullet e a súa música bizarre.

O compostelán Parque de Belvís acollerá o sábado 16 de xuño a Romaría Pop, un novo concepto de xornada musical, organizado por Desconcerto Cultural e o Concello de Santiago. Dándolle unha volta á tradicional romaría estival, a romaría enriquécese co mellor da escena independente galega e repropónse como evento lúdico para públicos variados e oídos esixentes: un día cheo de música, actividades culturais, comida e bebida, con entrada de balde.

Como en todas as actividades organizadas pola asociación Desconcerto Cultural, a música é o máis importante: ata sete das bandas máis excitantes e dispares do panorama galego actuarán en Romaría Pop: a psicodelia de Mequetrefe; a elegancia pop de La Familia; a forza desatada de Músculo!, os debutantes Diadermin, que pronto estrearán disco; a sedutora escuridade de Disco Las Palmeras; a narrativa acústica de Sr. Fluzo! e o exquisito pop sixtie de The Winning Numbers. Variedade e calidade, en concertos que se espaciarán comodamente ao longo da xornada, nun horario diúrno adaptado a todos os públicos.
 
Precisamente porque a Romaría Pop se dirixe non só ao melómano santiagués, senón a calquera interesado en gozar do lecer e a cultura nunha xornada ao aire libre, non faltarán durante o día múltiples actividades dirixidas a toda a familia. Para os máis pequenos haberá talleres musicais infantís, concertos específicos dos grupos participantes cun repertorio exclusivo para a ocasión e actividades de creación de camisetas e divulgación ambiental. Pequenos e maiores poderán ademais esculcar entre concertos nas presentacións culturais e os postos de venda dispostos para a ocasión, gozar da ambientación musical ou achegarse ás barras de comida e bebida repartidas polo parque.
 
A idea xeral detrás do evento é, pois, celebrar unha romaría popular nun sentido contemporáneo da expresión: un espazo recreativo urbano no que se desenvolve unha xornada festiva de convivencia entre veciños, coa cultura como elemento de dinamización e cohesión social.
 
Ás actividades que se desenvolverán sábado, ao longo de todo o día, no Parque de Belvís únense a festa de presentación, que terá lugar na Zona C esta noite cos concertos dos grupos Holywater e Mullet, e unha festa de despedida o mesmo sábado no Cachán Clube, coa actuación de Alex Casanova.

O novo cuarteto presenta o seu segundo traballo, 'Abandoned Warehouse', despois de compartir escenario con bandas do nivel de Placebo, The Sonics ou These New Puritans coa única presentación dun EP.

Gañadores do certame Musicaxove 2009 ou Levi's Unfamous Music Awards (2010), suman máis de 400.000 visitas ao seu Myspace (gran parte de fóra de España). Acaban de plublicar o videoclip dunha das cancións do 2º EP, Abandoned Warehouse.

O compostelán Parque de Belvís acolle este sábado a Romaría Pop, un novo concepto de xornada musical, organizado por Desconcierto Cultural coa colaboración do Concello de Santiago. Dándolle unha volta de torca á tradicional romaría estival, Desconcierto Cultural enriquécea co mellor da escena independente galega e reformúlaa como un evento lúdico para públicos variados e oídos esixentes: un día cheo de música, actividades culturais, comida e bebida, con entrada totalmente de balde.

Como en todas as actividades organizadas pola asociación Desconcerto Cultural, a música é o máis importante: ata sete das bandas máis excitantes e dispares do panorama galego actuarán en Romaría Pop: a psicodelia de Mequetrefe; a elegancia pop de La Familia; a forza desatada de Músculo!, os debutantes Diadermin, que pronto estrearán disco; a sedutora escuridade de Disco Las Palmeras; a narrativa acústica de Sr. Fluzo! e o exquisito pop sixtie de The Winning Numbers. Variedade e calidade, en concertos que se espaciarán comodamente ao longo da xornada, nun horario diúrno adaptado a todos os públicos.

A Romaría Pop vai dirixida non só á comunidade melómana santiaguesa, senón a calquera persoa interesada en gozar do lecer e da cultura nunha xornada ao aire libre, polo que non han faltar durante o día múltiples actividades destinadas a toda a familia. Para os máis pequenos haberá obradoiros musicais infantís, concertos específicos dos grupos participantes cun repertorio exclusivo para a ocasión e actividades de creación de camisetas e de divulgación ambiental. Pequenos e maiores poderán, ademais, pasar o tempo entre concertos nas presentacións culturais e nos postos de venda dispostos para a ocasión, gozar da ambientación musical ou achegarse ás barras de comida e bebida repartidas polo parque.

A idea xeral detrás do evento é a de celebrar unha romaría popular nun sentido contemporáneo da expresión: un espazo recreativo urbano no que se desenvolve unha xornada festiva de convivencia entre veciños, coa cultura como elemento de dinamización e cohesión social.

Desconcierto Cultural é unha asociación aberta a quen se queira unir a ela e a través da cal pretendemos dinamizar a escena galega con iniciativas e proxectos culturais de todo tipo, inda que coa música como referente principal.

Máis info: aquí

A xira nacional da banda canadense Simple Plan chega esta noite á Sala Capitol de Santiago dentro do ciclo 'U18 (Under Eighteen)', dirixido especialmente a adolescentes de entre 13 e 18 anos.

O Festival Under Eighteen (máis coñecido como U18) naceu co propósito de crear alternativas musicais para os menores de 18 anos, como unha nova proposta de lecer para os máis novos, que poderán gozar en directo dos seus artistas favoritos en horarios adecuados e en recintos onde está prohibida a venda de bebidas alcohólicas e de tabaco. E agora esta iniciativa chega a Compostela da man da concellería de Cultura e a produtora Sweet Nocturna con varios patrocinios. Será na Sala Capitol o 24 de xuño ás 19.00h e cun cabeza de cartel de luxo: os canadenses Simple Plan. Os teloneiros serán os madrileños Everlyn, novas promesas do pop español.

U18 diríxese fundamentalmente a adolescentes de entre 13 e 18 anos, que até agora tiñan a entrada limitada a moitos concertos por ser menores de idade. O primeiro Festival U18 en España tivo lugar en xullo de 2008 no Palacio dos Deportes da Comunidade de Madrid. Nel actuaron Simple Plan, Panic at the Disco, Pignoise, Despistaos, Falling Kids e Motel. A dia de hoxe, máis de 50.000 persoas participaron nalgunha das actividades de U18 en España e o seu facebook oficial conta con máis de 30.000 seguidores. Desde esa primeira edición grandes estrelas internacionais da música pop-rock pasaron por este festival: McFly, Billy Talent, Katy Perry, Jonas Brothers, Paramore, Fall Out Boy e algúns grupos nacionais como Pignoise, Despistaos, Motel e Non Way Out.

Simple Plan é unha banda formada en Montréal, Québec (Canadá) en 1999 por Pierre Bouvier, Jeff Stinco, Sébastien Lefebvre, David Desrosiers e Chuck Comeau. No seu primeiro disco "No Pads, No Helmets... Just Balls", participaron Joel Madden de Good Charlotte e Mark Hoppus de Blink 182. En 2004, Simple Plan lanzou o seu segundo álbum, "Still Not Getting Any..." coa produción de Bob Rock, que traballou con grupos como Metallica ou Aerosmith. O terceiro traballo, "Simple Plan", foi producido por Dave Fortman (Evanescence, Mudvayne), Danjahandz (Timbaland, Justin Timberlake) e Max Martin (Avril Lavigne e Kelly Clarkson). E o cuarto e ata a data último álbum de estudo, "Get Your Heart On!", foi producido por Brian Howes.

Wanda Jackson é a máis popular das mozas que se atreveron a competir cos novos leóns do rockabilly. Aconsellada polo mismísimo Elvis, compuxo éxitos inmortais como ‘Fujiyama Mama’ ou ‘Let´s have a party’.

Jack White (White Stripes) produce o seu novo álbum e colabora no renacemento artístico da xenuína raíña do rockabilly.

Desde que Hank Thompson a  descubrira na radio local de Oklahoma, a súa carreira foi unha infinidade de éxitos que marcaron unha época. ‘Fujiyama Mama’, ‘Let’s Have a Party’, ‘Right or Wrong’, movéndose entre o Rock & Roll e o Country, sacou grandes clásicos como ‘Tears Will Be The Chaser For Your Wine’, ‘Both Sides Of The Line’, ‘A Girl Don't Have To Drink To Have Fun’ e un larguísimo etc…

Comezou xirando á beira dos máis grandes do Rock and Roll: Elvis Presley, Jerry Le Lewis, e Buddy Holly, e estes últimos anos gravou á beira de artistas da talla de The Cramps, Le Rocker, Dave Alvin e Elvis Costello.

A comezos do ano 2011, Jackson grava no estudo de White en Nashville o álbum ‘The Party Ain’t Over’, un novo disco da man do cantante e guitarrista Jack White (White Stripes) e unha banda formada por Jack Lawrence (The Dead Weather/Raconteurs), Carl Broemel (My Morning Jacket), Patrick Keeler (Raconteurs), Ashley Monroe, Jackson Smith e Karen Elson. A súa rasposa voz, actitude e xovialidade volven brillar como un diamante sen impurezas. Doce, efusiva e cunha xovialidade a flor de pel, Wanda aos seus 74 anos defende que os seus concertos son os mesmos que fixo toda a súa vida, rock´n´roll dos cincuenta, algo de country e un pouco de góspel. Calquera ocasión de vela sobre un escenario é unha oportunidade histórica, historia da música.

Acompañarán a esta gran dama, os pontevedreses Pedrito Diablo &Los Cadáveras. A banda está presentado o seu primeiro traballo ‘El cuerno del chivo’ surf rock e referencias cinematográficas que se completan no escenario cunha potente posta en escena que non deixarán indiferentes a ninguén.

Moonjackets ofrece esta noite un concerto de rock con influencias dos 70 e o punk dos 80.

Moonjackets aliméntase de influencias que emanan tanto do R&R dos 70, como do primeiro punk dos 80, para desembocar nun son netamente contemporáneo cargado de electricidade no que orbitan ritmos eléctricos e harmonías espaciais.

Un ano máis a Mostra de creación emerxente Feito A Man chega a Compostela e terá lugar entre o 6 e o 25 de agosto en espazos singulares da cidade. Feito A Man promóvese como unha iniciativa asociada á intensa actividade desenvolvida pola Asociación Cultural Cidade Vella, integrada por establecementos emblemáticos do casco histórico compostelán. A Asociación e os establecementos que lle dan vida, crean o festival no ano 2003 como un espazo natural de encontro, interdependencia, reflexión, formación e intercambio entre músicos, espectadores, artistas, creadores e a propia cidade, que cobra vida en comunidade, en diferentes espazos e con diferentes miradas, amables e fusionadas. Nas nove edicións anteriores, cerca de 30.000 espectadores participaron da completa programación que o festival deseña desde os seus inicios. Neste tempo, Feito A Man consolidouse como un festival de referencia e cita ineludible para os amantes da cultura libre, comprometida, urbana e de calidade.
Co convencemento de que a implicación social é a vía máis idónea para a dinamización activa da cidade, a décima edición de Feito A Man ve a luz grazas á organización e soporte dos establecementos: Momo... A Rúa, Mercromina, Fraggle Rock, Ultramarinos, Casa Das Crechas, Borriquita De Belém, Modus Vivendi, Embora, Babel, A Reixa, Atlántico, Metate e Literarios.

Ana Curra, un dos nomes imprescindibles da "movida madrileña", regresa aos escenarios para recuperar algúns dos temas máis coñecidos do grupo Parálisis Permanente.

Detrás de "Ana Curra presenta El Acto" encóntranse Cesar Scappa (Escaparates) e José Battaglio (La Frontera, Seres Vacios e Vengadores) ás guitarras, Manolo UVI (Comando 9 mm, La UVI) ao baixo e Rafa Le Doc (PPM) á batería.

O grupo británico de rock Piper Saint chega á Sala Moon para ofrecer un concerto dentro da súa xira outonal. Como teloneiro actuará o grupo feminino 19 Razones.

O triCiclo é unha proposta musical de concertos de tres bandas, sempre de primeiro nivel galego, nacional e internacional, en diferentes localizacións da xeografía galega. Unha escusa perfecta para, ademais, mostrar ao mundo o talento de artistas galegos noutras disciplinas.

Cave son unha desas propostas arriscadas que, aparecendo de cando en vez dende algún lugar indeterminado do globo, acalan as voces de que todo foi inventado na música xa. A súa explosiva mestura de krautrock, psicodelia, caneos rítmicos e moito volume ten dado moito que falar no underground internacional e chegan dispostos a demostralo. Sacando gravacións habitualmente en Drag City Records, están a punto de editar referencia de 7" en Giradiscos e estarán fresquiños para deleitarnos co seu fantástico directo.

Lisabö son, despois de telo sido nos corazóns das súas fans durante anos e por fin, o grupo español do momento. Varias publicacións de primeiro nivel así o confirmaron e os eloxios non son en van: post-hardcore abrasivo e intenso, emocional e atinado, e un directo no que caben a ansiedade, a calma, a violencia e o amor. Un grupo chamado para a historia que deixará o seu selo na Capitol. Están a mover o seu Animalia Lotsatuen Putzua (BideHuts, 2011) por todo o territorio nacional e prometen un concerto inesquecible.

Unicornibot acompañarán a función representando á casa e a Galicia nun festín musical que se antolla épico. Despois de deixar o pavillón ben alto nos festivais (pasaron polo Primavera Sound, Milhões de Festa e Sinsal San Simón en pouco máis de dous meses) volven ao seu terreo natural, as salas, para seguir regando de suor salas de todo país e máis alá co seu segundo disco Dalle! (Matapadre, 2012). Virán a Compostela a rematar unha xira de vinte días, así que se espera axitación e algarabía.

O ciclo de concertos Galicia Importa, patrocinado pola Consellería de Cultura, Educación e Ordenación Universitaria, abre a súa programación de outono coa actuación dos norteamericanos The Jayhawks na Sala Capitol.

Cualificado pola crítica como un dos grupos máis influentes no seu estilo –definido como country-rock alternativo, folk-rock ou americana, entre outros–, o grupo ofrecerá na Capitol a súa primeira actuación en Galicia trala reagrupación do seu núcleo fundacional: Mark Olson, quen abandonara a banda en 1995, Gary Louris e Marc Perlman. Xunto con Tim O’Reagan e Karen Grotberg, tamén membros habituais da formación, gravaron o disco Mockingbird Time (2011), oitavo álbum de estudio de The Jayhawks que presentan agora en directo.

O de Santiago será un dos catro concertos que protagonizarán en España durante o mes de setembro, durante o que tocarán tamén en Barcelona, Madrid e Bilbao como segunda entrega da xira europea que comezaron no primeiro semestre do ano.

Esta quinta edición do ciclo, que inauguraron o pasado mes de marzo The Jon Spencer Blues Explosion e Thurston Moore, ofrecerá a continuación outras tres destacadas citas para os seguidores de tres estilos musicais tan diferentes como o soul de Mavis Staples, recoñecida como unha das lendas vivas da música negra estadounidense, o hard rock dos norteirlandeses Therapy? e o pop electrónico do trío londiniense Saint Etienne.

O músico portugués David Fonseca, toda unha estrela do pop/rock no seu país de orixe, ofrece esta noite un concerto no Salón Teatro.

David Fonseca comeza a súa traxectoria no mundo da música co conxunto leiriense Silence 4. Tras a disolución da banda en 2002, o músico continuou a súa carreira en solitario, con participacións esporádicas noutros proxectos.

Esta noite, a sala Capitol organiza "Pink Floyd Show" Tour 2012, un concerto a cargo do grupo Pink Tones, unha formación cuxo espectáculo en vivo permite revivir un deses momentos máxicos perdidos na historia do rock. A experiencia de ver, oír e sentir a maxestosa música de Pink Floyd.

Un espectáculo pensado e traballado ao milímetro para ofrecer fielmente os sons dos discos da xenial banda inglesa. Pink Tones utilizan nos seus concertos moito material da época, como sintetizadores Moog, roto-toms, theremin e interminables efectos analóxicos de guitarra, ademais de ambientación con fume e láseres. Non faltan nesta experiencia sonora temas do Dark Side of the Moon, Wish You Were Here, The Wall, Meddle, etc.

A fiel interpretación do repertorio alcanza os seus puntos álxidos en temas como Shine on You Crazy Diamond, cun estremecedor só de saxo final, Echoes ou Comfortably Numb.

Pink Tones leva facendo xiras por toda España dende o 2004 e obtiveron grande éxito de crítica e público.

O compositor e guitarrista español, ex líder do grupo de rock madrileño Los Enemigos, presenta en concerto o seu cuarto LP en solitario, 'Lecciones de vértigo', con 13 novas cancións nas que amosa a súa faceta máis roqueira.

A perplexa vitalidade de Josele Santiago
Notas sobre Lecciones de Vértigo

““Eu levántome ás sete da mañá”, sóltame socarrón cando o chamo ao mediodía, hora prudente, para vernos as caras. “Pero o artista queda na cama, até as doce ou a unha”, sentenza con retranca. Moito cambiaron as cousas para Josele Santiago desde que en 2002 se separaran Los Enemigos. Superou voluntarioso adiccións varias “xa non tomo nin un mal Gelocatil”, as comúns a un ramo de insalubres tentacións como a farándula. Matrimoniou o gato madrileño en Barcelona e está empadroado en Castefa, Castelldefels en vulgo. Afastado da praia, iso si, pegado ao monte; intúese que absorto nas súas menudencias, sempre observando desde fóra do meollo. Pequeneces que en ocasións, por íntima alquimia, deveñen cancións tan memorables e rozagantes como as que deron ás aos seu tres anteriores discos en solitario, traballos onde a inconfundible e rueira voz dos Enemigos vestía os trapos do cantautor, ou dunha versión castiza e nada solemne do mesmo, bañada en instrumentos acústicos e antigas nocturnidades. ‘Las Golondrinas Etcétera’ (2004), ‘Garabatos’ (2006) e ‘Loco Encontrao’ (2008) cartografaron a madurez dun artesán da canción en castelán, autor de cantigas que se pegan á cotiá perplexidade como o musgo á cortiza do carballo, a pel arrincada ao asfalto quente. Letras e músicas a unha modesta pero vivificante escala, a do cronista sen outra pretensión que a de retratar -e quizais atrasar- o seu indiscreto traxecto vital.

Hoxe Josele, aos seus 46 invernos, volve dar un xiro á súa carreira nun cuarto traballo, Lecciones de Vértigo, que o viu recuperar a guitarra eléctrica e o pálpito dun rock soterrado e elocuente, nada ornamentado nin agresivo, nos ósos dunha poética cada vez máis certeira por indirecta. “Trátase de tentar dicir as cousas con menos palabras e sobre todo menos raras”, razoa. “As cousas xa son complicadas de seu, non é sinxela a vida cotiá, ninguén dixo que ía ser fácil. Un tenta reflectir esa complexidade implícita”. Sempre soubo expresarse desde unha perspectiva esquinada e estimulante, que é como mellor se achega ao oínte, saltándose a obviedade pero nunca a sinxeleza, dando etéreos rodeos para derramarse frutífera no inconsciente. Por iso a súa voz e as súas cancións permanecen no noso interior, tamén ao noso arredor en cómplice órbita social; son personalísimo e intransferible espello deformado da súa realidade, que é por extensión a nosa. Desde estas harmonizadas invencións entre irónicas e existenciais -e Lecciones de Vértigo inclúe trece exemplos palmarios- resplandece a liberdade do descrido, o chispazo do artista ao seu aire. Que é quen ao final importa cando as leis do mercado pugnan por desterrarlle á invisible condena da auga pasada que segue emporiso movendo muíño. É a música popular voraz negociado industrial que se alimenta de carne nova e desbotábel, de aí en parte o seu actual estado crítico, pero ocorre que a experiencia cala máis fondo. Moito máis.

Unha mostra. Sendo mozo e estúpido, como o fomos todos, resultaría farto improbable ser capaz de abrir función con algo como «Hagan Juego» e o seu metafísico primeiro disparo: ’Puede que no sea volar / No tenerle apego al suelo / Alto sólo es un lugar / Vulgar / Para el cielo’’. Toma xa lírica lercha! Ou bordar un só de guitarra -entrecortado, sentido, brioso- como o que deleitoso cerna «Fractales», unha desas baladas que só alguén como Josele sabería afastar da melancolía na vía central para darlle acubillo na verea do anhelo. Ou cachondearse dese novo espécime de fanfurriñeiro ibérico que arrasa as nosas rúas patrias virilmente maqueado, en «Canción de Próstata», e sentir incrédula repulsa ante a estupidez contemporánea do culto ao corpo que desvela «Sin Dolor». “Trata desa teima coa puta felicidade, que é unha enfermidade tremenda”, reflexiona mentres sorbemos auga da fonte e fumamos coma se fose podrecer todo o tabaco do mundo. “Ti podes aspirar a ser mellor persoa, a gozar máis das cousas, grandes ou pequenas, como queiras, pero a ser feliz…?”. Sempre nos quedará aos maduritos ese día máis que concede o «Sol de Invierno», apunto; outro fermoso tempo medio na beirarrúa luminosa do calexón, reverso daquela canción de hai uns anos que lembraba a tantos caídos da nosa xeración. “É como a arenga a unha tripulación que vai deixar o barco para baixar a terra: tentade pasar desapercibidos e non deades moito o cante”, explica con sorna. “Caladiños e iso, sen facer moito ruído”.

É Lecciones de Vértigo un álbum rexuvenecedor, case primaveral, ancorado en vellas formas de canción rock e sons eléctricos que, por gustosamente clásicos, non se murcharán cando regrese o outono e caia daquela outro inverno. Intúo que o é, en parte, como inconsciente resposta a xestarse en lucuosos tramos vitais. A reacción hipócrita xeneralizada ante a desaparición de Antonio Vega, por exemplo, exposta en «El Lobo»: “Ao meu modo de entender, dixéronse moitas sandeces. Ás veces a envexa disfrázase de compaixón. Viviu como lle saíu dos collóns… e punto. A canción vai de supervivencia e liberdade, de ir á túa bóla?”. Tamén a composición máis especial do álbum para el, «Pae», evocando a longa e absurda agonía do seu pai, nun hospital de Cádiz, en pleno entroido. “Morreu de fumar, dun cancro de pulmón”, lembra cando aínda non pasou un ano. “Estaba o hospital xusto á beira de onde facían os concursos de chirigotas, aquilo era demencial, surrealista”. A portada do disco asínaa o pintor Santiago Bo, amigo do seu pai. Merece pois mención.

Que non se me esquezan outros transcendentes datos técnicos: a diferenza de anteriores gravacións, esta vez non se respectou o directo rigoroso e prescindiuse do antes moi presente piano, non así do sedoso toque do órgano Hammond. “O método había de ser distinto se eu me ía encargar das guitarras solistas e todo o demais, tiñamos que gravar as bases antes e logo ir pulindo arestas”, recoñece dando pistas de porqué Lecciones de Vértigo recupera en certo xeito a dinámica dun rock festivo e estiloso, tamén por momentos sentimental a pesar seu. “Gravamos primeiro guitarra, baixo e batería, co cal tiven máis espazo, como guitarrista e como cantante, que tamén me apetecía moito, facía moitísimo que non me puña así a cantar”.

Lecciones de Vértigo conclúe en naturalista interpelación a un deus descoñecido por inexistente, tal vez encarnado nese oceánico demiurgo que representa «El Estibador». Canta co seu inconfundible deixe aquel raparigo do madrileño barrio de Caño Roto: “El cielo es azul / Se llega en autobús / Reparten caramelos / Y apagan la luz” E non podo resistirme a lembrarlle o que din os boxeadores: a dor é inevitable, o sufrimento opcional. Josele sorrí e asente, o moi canalla. Seguro que xa lle está sacando punta a outra canción.”

IGNACIO JULIA

Prosegue o ciclo musical 'Compostela Rock' e faino coa actuación dunha das grandes revelacións musicais dos últimos anos, a banda británica Fanfarlo.

Fanfarlo é un dos fenómenos musicais saídos do Reino Unido o último lustro. Demostráronnolo en directo en repetidas ocasións: en Barcelona na sala Bikini, o último novembro, dentro do 43 Festival Internacional de Jazz da Cidade Condal; en Madrid no Teatro Circo Price, no Día da Música de 2010; tamén en Vigo na edición do Vigo Transforma de hai dous anos...

Bill Kirchen foi o guitarrista daqueles adeptos aos conceptos básicos do rock'n'roll, o rhythm & blues e o country que foron Commander Cody & His Lost Planet Airmen na primeira metade dos 70. O seu enerxético son de raíces enganchou perfectamente coa cultura camioneira do país. O seu estilo etiquetouse como "dieselbilly" e Bill Kirchen comezou a súa ascensión como o gran predicador do son Telecaster.

Arch Enemy están de volta! E fano tras o lanzamento de "Khaos Legions" o seu agardadísimo último traballo. Catorce novos temas co inconfundible e característico son dos irmáns Amott, que deixarán sen alento a toda a súa lexión de fans.

No concerto da Sala Capitol teremos a oportunidade de gozar do "World Khaos Tour", onde a excepcional Angela Gossow, xunto cos irmáns Michael e Christopher Amott, non só presentarán o seu impresionante último disco, senón que tamén farán un repaso polo mellor da súa carreira.

O novo álbum de The Soul Jacket, titulado 'Wood Mama', foi gravado en directo como antano, unha nova mostra de rock and roll sudoroso, elegante e profundamente honesto, impregnado de rock sureño, blues e soul cálido e pegañento.

Dixie Town presenta 'O Furacán', un traballo co que o trío vigués dá un golpe na mesa mostrando a súa variedade de rexistros e cun son inspirado en referencias tan dispares como Captain Beefheart, Blue Cheer ou Spencer Dickinson.

**ATENCIÓN! CAMBIO DE UBICACIÓN: Zona C

Santiago acolle o 'Samaín Rock', un novo concepto de xornada lúdico-musical auspiciada por Desconcierto Cultural, que, tras o éxito acadado na Romaría Pop, e coa colaboración do Concello de Santiago, vai desenvolver outro evento gratuíto e de acceso libre onde se combinen o espírito das festas populares coa música rock galega. Así, conxugaranse os elementos típicos desta festividade (alimentos tradicionais da época, castañas, queimada, os disfraces) coa música en directo de artistas e bandas galegas emerxentes e consagradas, que terán unha oportunidade de mostrarlle as súas cancións a un público ávido de novas propostas.

O 'Samaín Rock' celebrarase na Praza dos Bombeiros, lugar de localización céntrica, con escasos veciños e de paso moi frecuentado dentro do centro histórico da cidade, onde se celebraron en anos anteriores as cacharelas do San Xoán. Será a partir das oito da tarde e todo o mundo está convidado; propoñémoslles a todos os asistentes que veñan disfrazados de músicos de rock para ambientar a xornada. En caso de chuvia, a celebración trasladarase á Zona C de Santiago.

Como en todas as actividades organizadas pola asociación Desconcierto Cultural, a música é o máis importante: ata catro das bandas máis excitantes e dispares do panorama galego van actuar no Samaín Rock. Guerrera, Burgas Beat, Lendrone e Pastillas Mamut achegarán variedade e calidade ao evento, en concertos que se van espazar entre as 8 e as 12 da noite.

Máis info na web da festa: www.samainrock.com

Apúntate ao evento en facebook dende aquí

O artista Santiago Auserón presenta nunha nova xira 'Casas en el aire', un dúo acústico co guitarrista e cantante Joan Vinyals.

Santiago Auserón adapta nesta xira o seu repertorio ao dúo de guitarras acústicas e voces, en colaboración co guitarrista e cantante Joan Vinyals. As cancións de Río Negro, o quinto álbum publicado baixo o nome de Juan Perro, do que se venderon nun ano 10.000 copias por canles independentes, xúntanse cunha selección de temas históricos, aos que se van engadindo outros inéditos e versións de clásicos que permiten apreciar a evolución do proxecto, na fronteira entre a herdanza afroamericana e as tradicións hispanas.

O dúo converteuse nun taller de creación lixeiro e transportable que, grazas ao espírito comunicativo e desenfadado de ambos os artistas, consegue un alto grao de complicidade co público. Santiago e Joan expoñen cada concerto como un encontro no que, partindo dunha coidadosa preparación, búscase que ocorran cousas inesperadas, tanto no nivel musical como no poético. As cancións novas vanse incorporando con naturalidade ao repertorio, o público cada vez máis fiel comprácese en participar no proceso creativo.

Casa en el aire é o nome elixido para presentar ao longo de 2012 este proxecto en continua evolución. O título parece suxerir certa relación coas sombras que se proxectan sobre a actualidade española. Pero o que en verdade nos di é que o aire das cancións é un refuxio compartido para facer fronte á tormenta con bo ánimo. Repasando vellos éxitos e estreando cancións, Juan Perro contaxia a seguridade de que o traballo artístico ben feito abre portas cara a un porvir luminoso.

Hai 29 anos, o 21 de setembro de 1982, comezou a historia de W.A.S.P. coa súa primeira actuación en Los Angeles. E o 21 de setembro de 2012 dará comezo o seu tour 30 Aniversario '30 Years of Thunder' no Reino Unido para percorrer de novo todo o mundo. Será o maior espectáculo que W.A.S.P. xamais crease, dúas horas de espectáculo divididas en tres partes para homenaxear todas e cada unha das etapas da banda.

Na primeira parte só terán cabida as cancións dos catro primeiros discos, míticas obras mestras imprescindibles para todo fan do heavy metal.
A segunda parte consistirá nunha versión de 25 min. de 'The Crimson Idol' onde tamén se proxectará unha película para dotar de espectacularidade ao espectáculo. E por último gozaremos do máis recente material de estudo de W.A.S.P. aínda que sempre pode deixarse caer algún aceno aos clásicos. Ao longo de todo o espectáculo se despregará todo unha alarde de espectáculo insuperable: pirotécnica, múltiples pantallas de video así como todos os elementos aos que Blackie Lawless nos ten afeitos (como o seu famoso micro basculante).

¡¡'30 Years of Thunder' World Tour promete ser o maior espectáculo de W.A.S.P. xamais visto!!

Despois do seu paso pola edición de 2008 do Azkena Rock Festival, os estadounidenses Blind Melon volven pisar os nosos escenarios con motivo da xira de celebración do 20º aniversario da publicación do seu primeiro álbum homónimo, en 1992.

A banda galega de funk rock, todo un referente no panorama musical da nosa comunidade, ofrece esta noite un concerto na Zona "C".

No González - voz, frauta
Javi Pérez - saxo
Toño Otero - saxo
Adrián Lage - trompeta
Saulo Sause - guitarra
Iván Reija - guitarra
Adrián Arias - teclado
Óscar Liz - baixo
Nuno André - percusión
Topo García - batería

Nado a finais do 2009, Cats and Monkeys reúne un elenco de músicos de moi diversas influencias que conflúen no funk, no r'n'b e no acid-jazz. A proposta de Cats and Monkeys intercala clásicos do funk e o soul con temas de nova factura sempre co denominador común da música negra de baile.

Ao longo destes anos, e tras percorrer toda a xeografía galega, nos seus directos son recoñecidos xa  coma a banda  de referencia do funk/soul en Galicia. Dez músicos que fluen no acompanamento da privilexiada voz da súa frontman, No González.

Cats and Monkeys busca en cada concerto a complicidade e participación do público para levar a cabo un espectáculo que non deixe a ninguén indiferente.

A asociación Desconcierto Cultural organiza esta noite na compostelá Sala Moon un concerto a cargo de dous grupos, os vascos Willis Drummond e Mato Grosso.

A banda andaluza ofrece o seu único concerto en Galicia dentro do ciclo 'Compostela Rock'. O cuarteto de Baeza presentará o seu novo álbum, ‘Santacruz’ un traballo que evidencia en Supersubmarina unha orixinalidade que lles fai sobresaír dentro da nova xeración de músicos.

Supersubmarina presenta en concerto o seu segundo álbum, 'Santacruz', nunha xira que incorpora importantes novidades respecto ás anteriores: vén Javier Serrano, teclista que acompaña á banda dende a gravación do disco, incorpórase un técnico de luces con deseños espectaculares, haberá repertorios cambiantes e outras moitas sorpresas. En definitiva, a xira máis completa e ambiciosa de Supersubmarina ata a data.

Supersubmarina é unha banda de Baeza (Xaén) formada en 2007 por Jose Chino (voz e guitarra), Juancar (batería), Pope (baixo) e Jaime (guitarra e coros). Publicaron dous Eps, Cientocero (2008) e Supersubmarina (2009) e en febreiro de 2010 ve a luz o seu primeiro Longo, Electroviral.
Producidos por Óscar Clavel e gravados nos estudos BOMTRACK e La Viña Records sitúan ao cuarteto como unha das bandas emerxentes de maior proxección da música española, con cancións que crean adicción porque son inesperadas, novas, non se axustan ao establecido e sempre son interesantes, con fortaleza, valentes, arriscadas e con letras que buscan unha lectura máis.

En maio de 2011, Supersubmarina continúa o seu permanente ritmo de traballo e publica Realimentación, o seu terceiro EP_con catro cancións producidas, gravadas e mesturadas por Santos & Fluren en Blind Records (Barcelona) e masterizadas en Sky Mastering (Escocia) por Denis Blackham.

En maio de 2012, Supersubmarina publica Santacruz, o seu segundo LP con 11 cancións gravadas nos estudos Laviña de Baeza e producidas por Tony Doogan, mesturadas en Glasgow (Escocia), nos estudos Castle Of Doom e masterizado en “Sterling Sound” New York por Steve Fallone...

** ENTRADA ESPECIAL. PROBA DE SON + MEET&GREET. Supersubmarina quere ofrecer un extra exclusivo e limitado para ver ao grupo "máis alá do concerto". Esta entrada dá acceso á proba de son, onde o grupo tocará unha canción exclusiva ao final desta, haberá un meet&greet, fotos no escenario... As devanditas entradas son limitadas segundo aforamento das salas, ata esgotar promoción. Se adquires unha entrada especial, terás que escribir un correo electrónico a info@pinkhousemanagement.com para ser informado dos horarios de proba, que variarán segundo a cidade.

Conmemorando os seus 20 anos sobre o escenario, este músico nacido en Cataluña pero criado en Andalucía, que colaborou en álbums como La leyenda del tiempo de Camarón de la Isla, que mesturou xéneros como o flamenco, a rumba e o rock, e que posúe ademais unha bagaxe musical que moitos poden envexar, volve a escena para deleitarnos co seu novo disco "Échate un cantecito".

O pub Sónar acolle esta noite o concerto de Wyoming y los Insolventes, banda liderada polo artista/presentador/actor/músico e cómico coñecido como El Gran Wyoming.

“Wyoming y los Insolventes“ é unha banda de versións formada por tres boísimos músicos (La Última Experiencia) e polo popular artista que, desta vez, céntrase naquilo que, na súa opinión, sabe realmente facer: rock and roll.

José Miguel Monzón Navarro, El Gran Wyoming,  naceu en Madrid no 1955 e conta cunha longa carreira como actor e presentador de numeros programas, entre eles o satírico Caiga quien caiga, que conduciu durante sete tempadas. Actualmente presenta en La Sexta o programa El Intermedio e escribe unha columna no diario Público baixo o título Asuntos&Cuestiones.
Wyoming comezou a súa carreira artística tocando xunto ao seu grupo Paracelso e, máis adiante, levando a cabo espectáculos cómico-musicais xunto ao pianista Ángel Muñoz Alonso, coñecido como Maestro Reverendo. Estas últimas actuacións están recollidas no disco Wyoming & Reverendo: Antología 1975-2000.

Cradle Of Filth naceu en 1991, despois de que as escenas Death Metal e Doom estivesen no seu apoxeo. Nelas inspírase este grupo inglés, pero faino dunha forma orixinal. A banda creouse na cidade de Suffolk e denominaron ao seu estilo 'Black gothic romantic metal'. Este arrevesado título utilízano para describir unha música de base metal, vertentes death, black e doom, sumada a elementos da ópera e a música instrumental romántica.

Utilizan instrumentos como o contrabaixo, os tambores, o teclado ou as guitarras clásicas, xunto aos normais nunha banda de metal. Ademais, empregan unha singular combinación vocal, alternando as voces guturais e escuras, xunto a outras moi agudas. As súas cancións están formuladas como relatos nos que se dan cita ambientes de terror, inspiradas por películas dese xénero. A estética dos seus discos vai parella a este formulación.

CANCELADO

Dark Tranquillity é unha banda sueca de death metal formada en 1989 e que posúen unha extensa carreira, onde foron nominados a diversos premios, entre eles o Grammy polo seu álbum 'Projector'. A pesar de levar máis de vinte anos enriba dos escenarios esta banda sueca 'só' publicou nove discos. O primeiro foi en 1993 titulado 'Skydancer' e o último, e co que están a realizar a xira, 'We Are The Void'.

+info sobre a cancelación do concerto aquí

O ciclo musical 'Galicia Importa', patrocinado pola Consellería de Cultura, Educación e Ordenación Universitaria, pecha a súa edición de 2012 co concerto que Steve Vai, considerado como un dos mellores guitarristas da historia do rock, ofrecerá acompañado da súa banda esta noite na Sala Capitol.

Esta será a primeira actuación en Galicia de Steve Vai, quen foi durante moitos anos man dereita de Frank Zappa, ademais de ter tocado xunto a algúns dos grandes nomes do rock contemporáneo como Joe Satriani, con quen empezou a tomar clases aos 12 anos de idade, David Lee Roth, Ozzy Osbourne, Brian May, Ry Cooder, Al Di Meola ou Alice Cooper, entre moitos outros.

Aínda que conta tamén cunha destacada carreira como produtor e arranxista, este músico norteamericano é internacionalmente coñecido polo seu virtuosismo á guitarra. De feito, o seu nome figura en todas as listas dos mellores guitarristas do rock, ademais de ter sido galardoado cos máis prestixiosos premios da industria musical –obtivo o Grammy en tres ocasións– e dos medios especializados.

A súa discografía inclúe máis de 60 álbumes, 16 discos en solitario, ademais de gravacións en vivo, recompilatorios, traballos de orquestra e colaboracións en multitude de discos de grandes bandas como Whitesnake, Motorhead ou Dream Theater. O seu último traballo editado é The Story of Light, publicado este mesmo ano polo seu propio selo discográfico, Favored Nations Entertainment, e co que está inmerso nunha ampla xira internacional que en decembro recalará en España, con outras catro actuacións confirmadas ata o momento: unha en Madrid, dúas en Barcelona e unha en Murcia.

Durante dúas noites consecutivas, a Sala Capitol acolle o agardado concerto da banda madrileña Los Enemigos. Tras o seu regreso aos escenarios, é a terceira ocasión na que Josele Santiago, Fino Oyonarte, Chema Animal Pérez e Manolo Benítez ofrecen un concerto en Galicia, despois das súas actuacións en Vilagarcía e en Ourense.

Los Enemigos non pisaban Santiago desde marzo do 2002, cando ofreceron un concerto de despedida no Multiusos Fontes do Sar. Dez anos e medio máis tarde, o cheo está asegurado.

O mítico grupo de rock cántabro, todo un referente no panorama musical español, ofrece esta noite un concerto na Zona "C", onde presentarán os temas do seu último traballo discográfico, 'La caja de los truenos'.

Los DelTonos é un grupo de rock formado en 1986 en Muriedas, Cantabria. Comezou sendo un trío, con Hendrik Röver como único guitarrista, ademais de baixo e batería. Tras varios cambios na súa formación o único membro fundador que prosegue é Röver. Dende a gravación de "Sólido" son catro os compoñentes coa incorporación de Macaya como guitarrista.

Definir o estilo musical dos Deltonos máis alá de "grupo de Rock" é arriscado pois calquera definición supón simplificar demasiado, dada a gran cantidade de influencias e matices que hai nas súas composicións. Nos seus comezos consideróuselles un grupo de Rhythm and blues pero foron cambiando con cada novo traballo, incorporando sons próximos ao Funk, o Power Pop, e nos seus últimos discos, sobre todo "GT" e "Buenos Tiempos", sons sureños, con máis presenza de guitarras acústicas ou a Steel guitar, evolucionando cara a un rock que podería encadrarse no xénero coñecido como Americana, pero mantendo sempre un son propio e característico marcado polo estilo persoal e virtuoso á guitarra de Hendrik e as letras sempre en castelán das súas composicións propias.

Non se pode dicir que fose unha espera curta nin unha loita doada, pero por fin os Telephones Rouges, un dos máximos expoñentes da salvaxe escena underground galaica, lanzaron ao mundo o seu LP de debut.

O cuarteto do Grove presenta Disenso, unha coidadosa produción para un conxunto de cancións en galego, castelán e alemán, que somerxen a banda nos terreos máis correúdos do garage, punk e rock. O álbum dos galegos é sobresaínte no todo e as partes, resaltando en temas inesquecibles como "Vran", "Cristal" ou "Peinados Rebeldes".

Adiantado pola banda na súa páxina de Bandcamp, "Disenso" foi publicado no mes de novembro, via Matapadre e o selo barcelonés Mama Vynila. 300 copias de vinilo de 12" ilustradas por Begoña García-Alén que constan de 11 temas producidos polo propio grupo e Iñaki Bea, gravados en A ponte e en Círculo Polar Estudio durante o mes de agosto deste ano por Tomás Ageitos e Iñaki Bea, e masterizados nos estudos Planta Sónica de Vigo por Pancho Suárez e Iñaki Bea.

Podes escoitar o álbum na páxina de Bandcamp de Matapadre.

Non é preciso dicir que o seu son tinguido de rock sureño se cruzou con cancións que hoxe son himnos ('Llamando a la tierra', 'Carolina', 'Miedo', 'Roto por dentro') e que conseguiron erguer M Clan aos cumes do éxito en España, alcanzando grandes cifras en canto a discos vendidos e sendo un dos grupos que máis quilómetros fixo nas estradas nacionais cada ano dende hai xa máis dunha década.

Agora volven á estrada con novo disco, 'Arenas movedizas', un álbum que continúa na liña de 'Para no ver el final' ou 'Memorias de un espantapájaros', música rock e hard rock dos 70.

O trío compostelán formado por Martín Esturao (guitarra e voz), Héctor Tellería (contrabaixo e coros) e Manuel Brey (batería) ofrece esta noite un concerto no pub Ultramarinos.

Dr. Gringo practica Rock'n'Roll sen concesións con claras influencias Rockabilly. O seu primeiro concerto foi o 16 de maio de 2008 na Sala Capitol de Santiago e dende entón non deixaron de tocar por toda a xeografía española con boa acollida por parte do público.

A formación liderada por Raúl Gutiérrez chega esta noite á Sala Capitol para ofrecer en directo os temas dos seus últimos traballos.

La Fuga supuxo, ata agora, o proxecto de banda máis intenso e duradeiro de Rulo, con 6 discos de estudo, máis de 300 concertos por diferentes países e unhas cantas decenas de excelentes cancións.

Pero Rulo, como el mesmo comenta, experimenta un continuo proceso de reinvención ("collo a miña mala cara e marcho de aquí. Non sei as veces que me reinventei"), de explorar outras terras e de voar por outros territorios elixindo outros compañeiros de viaxe. E así, pouco a pouco, no último ano foi tomando corpo Rulo y La Contrabanda. Rulo segue sendo dos de sempre: dos do pelo longo, dos de corazón de Rock & Roll. Pero agora acompáñano outros nomes, outras caras, outros actores: Karlos Arancegui -Txarli- (Amaia Montero, Iván Ferreiro) á batería, Quique Mavilla (Amaral) ao baixo, Dani Baraldés -Pati- (Macaco, Jarabe de Palo) á guitarra e Fito (vello compañeiro de aventuras en La Fuga e amigo) tamén á guitarra.

Rulo realizou unha gran cacharela con cuxos rescaldos nos segue ofrecendo historias correntes que nos volvan axitar o corazón. Porque, ao final, o que queda de verdade é... a música.

No seu cuarto disco, o grupo de Pamplona mantén algunha das pautas que fixeron de El columpio Asesino unha marca absolutamente recoñecible: o son escuro, a tensión, o gusto polo rematado sofisticado e diferente. "Toro" (primeiro single) foi a cuarta canción española máis escoitada en Spotify na súa semana de saída. A súa canción en Youtube tivo máis de 800.000 plays.

No caso de ‘Diamantes’ levan ao extremo as súas posibilidades, e combinan os momentos máis crus con outros moi doces e melódicos (ao que axuda a voz de Cristina, con máis protagonismo que en anteriores traballos). A dualidade nas voces responde a un modelo tipo Bonnie & Clyde máis que a un musical, que busca un resultado sexy, perigoso e violento.

As guitarras desaparecen en favor das voces para resaltar a súa presenza; levan á mínima expresión utilizando e-bows e pasándoas por sintes analóxicos. Os punteos son minimalistas. Paradoxalmente, os arranxos electrónicos son menos, pero máis contundentes, moitas veces a modo de rifs. Un disco emocionante co conxunto de cancións máis redondo de cantos publicaron até o momento.

A estrea do álbum en Myspace tivo máis de 35.000 escoitas en tan só dous días. Nº1 para Mondosonoro no mes de febreiro. nº1 en Bi FM. Nomeados a 6 premios da Música Independente, entre eles o de Mellor Grupo Español, Mellor Canción ("Toro") e Mellor Directo.

Os murcianos Schwarz, referencia estatal desde hai máis de 10 anos, presentan na Zona C os temas do seu oitavo traballo discográfico, 'Alquimística'.

Como banda teloneira actuará Músculo!, un dos grupos galegos que mellor soubo entender o legado da banda murciana, vertebrando o seu son arredor dos sintetizadores e a uns ritmos tan pegadizos como contundentes. As súas cancións, nas que puidesen parecer que Sonic Youth reinterpretase o XTRMNTR de Primal Scream, foron definidas como unha bóla de rock ruidoso con momentos deliciosos.

Elliott Murphy é un dos máis extraordinarios personaxes dentro da historia do Rock. Neoiorquino residente en París, expatriado da "gran mazá" e das grandes discográficas multinacionais, moitos considérano un dos máis apaixonados, cultos e intelixentes compositores do rock.

OLIVIER DURAND, antes de unirse a Elliott Murphy, era o guitarra solista de Little Bob, unha das estrelas míticas de rock'n roll francés. Olivier leva once anos tocando con Elliott, e participou en once dos seus álbums.

A banda está formada por dous dos membros orixinais dos Simple Minds, Derek Forbes e Brian Mc Gee.
XSM interpretarán os grandes éxitos desta formación, sendo os responsables do éxito irresistible que tiveron os Simple Minds nos seus anos dourados, alá polos anos 80. Cancións como 'Themes For Great Cities', 'Love Song, 'I Travel', 'The American', 'Changeling' ou 'Chelsea Girl', soarán nesta xira para o desfrute dos seus fans.

Artista invitada: Anne van der Heijden

Holywater é unha banda luguesa que se foi abrindo camiño pouco a pouco na escena independente a base de repartir emoción, épica e enerxía, executando un rock pouco convencional.

O grupo nace en 1998 en Lugo, con Ricardo Rodríguez (voz, guitarra e compositor), Martín Alonso (guitarra), Xosé Luis Saqués (batería) e Laura Romay (baixo). Tras uns inicios típicos, ensaiando onde se podía e buscando concertos pola xeografía galega, o grupo logra sobresaír ao proclamarse vencedores do concurso Galicia Cidade Única no 2000 por diante de máis de trescentas bandas galegas. Durante as semifinais do concurso prodúcese o cambio na batería, Luis Casanova entra para substituír a Saqués. Co premio do concurso autofinancian a gravación do seu primeiro longo, que finalmente sería editado por Astro, "Handle with Care" (Astro, 2002).

Work on Sunday volve á carga coa segunda edición do seu TriCiclo. Seguindo a fórmula que triunfou hai poucos meses na sala Capitol, a produtora volve a amalgamar a tres bandas de procedencia galega, nacional e internacional respectivamente para ofrecer un concerto único e inimitable.

Esta vez serán os londinienses The Oscillation os encargados de pór a nota internacional ao evento. A banda de Demian Castellanos está a triunfar no underground internacional e visita por primeira vez Galicia para mostrar a súa exitosa fórmula que combina o drone, a psicodelia e o krautrock.

Con ascendencia balcánica e procedencia de Castellón, Sutja Gutiérrez é o artista nacional seleccionado para o noso segundo TriCiclo. Aínda de incriblemente escasa transcendencia no noso país, tocou, editou e foi apuntado xa en medios de todo o mundo. A súa electrónica rock dacabalo entre o hit e a estrañeza ten visos de arrasar no futuro próximo e ninguén debería perdelo.

Para marcar a casa de banda galega, a formación elixida será Lendrone, unha das grandes promesas da canteira galaica con moito que dicir no futuro da música independente. Recentemente fichados e a piques de sacar o seu disco do trinque en Matapadre, presentarán os seus temas ante un público que cada vez quere saber máis deles.

The Oscillation (DC Recording, Londres, UK): Drone / Krautrock / Psicodelia

Sutja Gutiérrez (Bleeding Gold Records, Castellón): Electrónica Rock

Lendrone (Matapadre, A Coruña): Rock Experimental / Drone

A Sala Capitol acolle esta tarde o III The Rock a Billy Boogie Night, terceira edición do festival de rockabilly que contará coa actuación de Graham Fenton-Matchbox (UK), Wild Rooster (Suecia) e May Thai & Los Torino Rockets (A Coruña).

Dentro da súa extensa xira por toda a Península, The Brew, un dos grupos británicos máis activos, actuará por primeira vez en Compostela.

“The Brew UK Live in Europe”, publicado o pasado setembro é o esperado primeiro álbum en directo do grupo, quinto da súa carreira, e reflicte a gran forza e paixón que transmiten ao público en todas as súas actuacións. Nesta nova xira española ofrecerán un espectáculo renovado, intenso e xeneroso en duración con cancións de toda a súa discografía, algunhas que nunca tocaron en España e para despedirse, como vén sendo habitual neles, versionarán algunha canción de Jimi Hendrix ou Led Zeppelin, o seu tributo particular a quen mais os inspirou.

The Brew souberon recoller como ninguén a herdanza do Blues Rock daqueles tríos e bandas esenciais dos anos 60 e 70, tales como Jimi Hendrix Experience, Cream, Led Zeppelin ou os Pink Floyd da primeira época con Syd Barrett, consolidando en poucos anos un estilo propio recoñecible que os fai únicos no circuíto de Rock internacional. Nos últimos anos compartiron escenarios con Red Hot Chilli Peppers, Jeff Beck, Ozzy Osbourne, Judas Priest, Whitesnake, Eric Burdon, The Cult, Thin Lizzy, Jethro Tull, Joe Bonamassa e Lynyrd Skynyrd. Con estes últimos actuaron o pasado xuño nos catro únicos concertos que ofreceron en Alemaña.

Foi considerado entre outras cualificacións: “Mellor grupo británico 2006-2007” e “Mellor trío británico dos últimos 20 anos” por It´s Only Rock´n´Roll, revista oficial do club de fans de The Rolling Stones ou - "Un dos grupos mais excitantes do noso tempo” por Rocks Magazine en 2011.

Discografía: “The Brew” (2006), “The Joker” (2008), “A Million Dead Stars” (2010), “The Third Floor” (2011), “The Brew UK Live in Europe” (2012)

Love of Lesbian aterran en Santiago para presentarnos, durante dúas noites consecutivas, un dobre álbum que canta ao seu estilo de vida dende que son músicos consolidados: La noche eterna - los días no vividos.

Love Of Lesbian percorreron durante os últimos dous anos máis de 150.000 km por toda a península ofrecendo 150 concertos dos que gozaron 250 mil seguidores. Comparten a súa vida profesional con 142.697 fans en facebook e con 60.000 en twitter. Todo iso inspiroulles para o seu novo traballo ‘La noche eterna – Los días no vividos’ (Music Bus 2012).

Coa publicación do novo traballo, son sete os discos que levan ás súas costas e pode xa considerarse a Love of Lesbian como un dos grupos máis importantes do indie español.

A sala Moon recibe esta noite a visita dos barceloneses Za!, unha das bandas que máis ten chamado a atención nos últimos anos. Neste concerto estarán acompañados polos pontevedreses Djalminha, unha das novas promesas do rock galego.

Se a estas alturas da película non sabes quen son Za!, tes un problema.

Segundo a súa propia definición, Za! é un grupo formado por dúas persoas e máis de dous instrumentos. Soan a varias cousas, todas á vez: baixos grosos e distorsións pesadas, ritmos ancestrais, free-jazz, noise, psicodelia, cantos dos pastores de Tuva, Monty Python, post-rock de capas e capas, drons, electrónica analóxica e demais cacharraría.

Engadiremos ademais que teñen un directo imprevisible, implacable e atronador que está a deixar sen aire a salas e festivais de medio mundo. Que editaron o seu último disco, Megaflow, en Acuarela e en Discorporate Records, selos bandeira da experimentación e a vangarda en España e Europa respectivamente, que están a punto de xerar o seu próximo artefacto sonoro e que son en xeral músicos e seres humanos únicos.

Temos a honra de poder acollelos na nosa humilde casa o venres 15 de febreiro na Sala Moon de Santiago de Compostela, e ninguén debería perderse isto.

Por se isto fose pouco faremos a noite redonda invitando a acompañalos aos pontevedreses Djalminha, outra parella de mestres do balón nun man a man enerxético, puro e, sobre todo, moi salseiro. Movéndose entre o rock marciano de Trans Am, o poder lisérxico de Hella e ao hipnótico math de Don Caballero, a súa proposta non tardará en dar a nota.

Conformados por Berto Fojo (artista creador do cartel do presente evento) e Gon Goitia (Unicornibot), ambos os dous forman parte do xerme creativo do Liceo Mutante de Pontevedra e están a punto de editar a súa primeira referencia, cuxo adianto xa podedes escoitar na súa páxina de Bandcamp.

Os londinenses The Godfathers, capitaneados por Peter (voz e guitarra) e Chris Coyne (baixo), chegan a Compostela dentro da súa xira española titulada 'Jukebox Fury Spanish Tour'.

Os londinienses The Godfathers seguen en pé. E máis que o van estar cando se publique o seu esperado novo álbum, aínda sen título, o primeiro de estudo dende "Afterlife" (1995). Algunhas desas perlas caerán na súa xira española, que se desenvolverá ao longo de once datas. Bautizárona así: "Jukebox Fury Spanish Tour". Á fronte da formación están Peter (voz e guitarra) e Chris Coyne (baixo), fundadores da banda e a súa perenne célula creativa. Acompáñalles como lugartenente un vello compañeiro de batallas, o guitarrista Del Bartle, que militou na banda que tiñan os irmáns Coyne antes de crear The Godfathers en 1985, The Sid Presley Experience. Na súa discografía encóntranse álbums capitais para os seguidores do rock británico máis musculoso, apaixonado e sincero, como son "Birth, School, Work, Death" (1988), "More Songs About Love & hate" (1989) e "Unreal World" (1991). Con eles como ariete enfrontáronse no seu momento a un ámbito ben arisco: aquel cando o Reino Unido vibraba a golpe de rave. Chegaron dez anos tarde para o punk e uns cantos antes do brit-pop, así que lles tocou nadar a contracorrente. Pero a pesar diso lograron non só facerse oír, senón labrarse un prestixio e un respecto que chega ata os nosos días. Porque nas súas cancións, as primeiras e as últimas, segue vivo o eco do Johnny Rotten de "God Save The Queen" e o Roger Daltrey de "My Generation". Motivados pola reedición, en xaneiro de 2008, do seu primeiro álbum, "Hit By Hit" (1986), pulsaron de novo o botón que puxo en marcha o seu motor. En xuño de 2011 xa nos visitaron e puidemos corroborar que tiñan gasolina de sobras.

O grupo de electro-jazz de Astrio comeza a súa xira por Galicia ofrecendo un concerto esta noite na Casa das Crechas.

Astrio causa adicción. É difícil atopar unha banda cun directo tan atractivo e sorprendente como o deste tridente de excelentes músicos. Cada concerto é distinto, cada canción semella debutar ese día. Con "Don’t leave the planet", o seu último disco, tenta á música electrónica para difuminar xa para sempre os seus límites musicais. E aínda así, e este é o pequeno milagre, continúan a ser perfectamente identificables.

Desde a súa formación, hai agora 10 anos, foi un grupo en constante renovación. É esta versatilidade a que os levou a tocar en contextos tan diferentes como festivais de jazz, de electrónica, de rock, en discotecas e en pequenos clubs, e a ter un público bastante heteroxéneo. Calquera descrición queda curta, só resta agardar que chegue a oportunidade de gozar do seu directo.

Astrio están nominados aos Premios Enderrock (a principal revista catalana de música) como mellor grupo de jazz e mellor directo de jazz.

Astrio son:
Arecio Smith, teclados e sampler
Santi Serratosa, batería e sampler
Santi Careta, guitarra

Sinestesia é un grupo compostelán que nace das inquietudes musicais dos seus novos compoñentes. Unha proposta con temas propios afrontados dende o xénero de rock feito en castelán.

Beben do blues de Chicago e da psicodelia dos sesenta (Hendrix, Cream,The Doors), con certos matices do jazz ou do soul, mesturando solventemente estas tendencias musicais coa canción de autor estatal de tradición roqueira (Quique Gonzalez, Ariel Rot, Los Rodriguez, Joaquín Sabina..).

Arizona Baby seguen facendo historia. Tras convulsionar a música española co seu innovador formato acústico e austeridade básica, volven cun sonoro EP de temas novos, “The Truth, the Whole Truth and Nothing but the Truth”, e unhas exclusivas (e limitadas) presentacións do mesmo mentres proseguen a súa aventura en Corizonas e preparan o seu terceiro álbum oficial para 2013.

Os concertos de Yo La Tengo son algo difícil de escribir, unha comuñón perfecta entre artistas e público a través dun historial de cancións de intensidade e desenvolvementos que só son comparables con bandas coetáneas como Sonic Youth ou Dinosaur Jr.

En cada visita, os do Garden State ofrécennos algo diferente, e na Sala Capitol presentarán as cancións do seu novo traballo, FADE, que algúns medios cualifican como un dos mellores traballos da súa carreira.

Yo La Tengo son únicos, iso sabémolo todos. O trío americano leva un cuarto de século sacando discos notables e algunha que outra obra mestra de vez en cando. Dá igual que vaian cara á súa vertente máis roqueira ou que se calmen e nos obsequien cun traballo máis psicodélico. Xeralmente acertan, e iso está ao alcance de moi poucos.

A Sala Capitol presenta esta noite un dos grandes concertos da tempada. A mítica banda de heavy metal Hamlet regresa a Compostela dentro da xira de presentación do seu traballo máis recente, 'Amnesia'.

O segredo da lonxevidade de Hamlet encóntrase no seu directo incontestable e eses himnos de rock/metal que os afianzaron en España como unha das formacións máis importantes.

Miguel Costas e a súa banda regresan cun novo disco, 'Alguien tenía que hacerlo', un álbum repleto de potentes cancións que presenta en Galicia para todos os seus seguidores e seguidoras.

Dr. Gringo quentarán motores en Compostela para a súa xira internacional que os levará a Gran Bretaña e Suecia entre outros países. Traen baixo o brazo o seu disco Big Fight e temas novos do que será o seu inminente novo CD.

Def Con Dos son un respectado referente internacional no ámbito da música independente, grazas ao atípico equilibrio que souberon manter entre éxito maioritario e independencia creativa. Estarán en Santiago para presentar o seu novo disco.

Está considerado como un dos guitarristas mais rápidos do mundo e deu mostras do seu virtuosismo non só en MR BIG ou RACER X, as súas dúas bandas principais, senón tamén nos seus traballos en solitario. En 2012 unha revista inglesa de guitarra elixiuno como mellor só do ano pola súa canción "Atmosphere on the moon" do seu novo disco. Presenta nesta xira este último traballo, "VIBRATO" editado hai uns meses.

Despois de oito anos de andar con paso firme polo fío da navalla, os NAO irrompen de novo sacudindo a escena. Neste 2013 agasállannos coa nova poesía galega: CANCIÓNS DE AMOR E LIBERDADE. Un disco chamado a facer historia no rock do país. Presentarán este novo traballo e as cancións máis representativas dos discos de sempre... Somos NAO e se estades a ler isto: sodes a resistencia.

A sala Moon acolle esta noite unha dobre cita musical co rap de Alto Asalto e o rock de Recambios Tucho.

A sala Capitol acolle esta noite un concerto de Quique González dentro da xira de presentación do seu novo traballo discográfico, 'Delantera mítica'.

Quique González volveu viaxar ata o berce da música de raíces americanas, Nashville, para rexistrar un novo traballo. Para os concertos de presentación da súa nova obra (de título futbolístico: 'Delantera mítica') Quique González decidiu deixar a un lado a súa faceta de cantautor máis intimista e mostrar a súa versión máis roqueira cunha banda ao completo avalando a súa novas composicións.

Unha nova entrega do ciclo musical 'Compostela Rock' traerá ao escenario da Zona C ao grupo Disco las Palmeras! Como teloneiros actuarán Telephones Rouges.

Disco las Palmeras! nace en 2009. Xeograficamente o grupo móvese entre Santiago de Compostela e Sarria (Lugo), lugar do seu centro de operacións. En só 6 meses gravan a súa primeira maqueta, que colgan en myspace e todo comeza a sucederse a velocidade de vertixe, xa que as súas cancións comezan a chamar a atención dos medios sen facer nin unha soa copia física. Agora presentan o seu novo disco, ‘Ultra’.

Como teloneiros contarán con Telephones Rouges, unha banda coa que a escena underground galega está vivindo unha das súas maiores épocas. A banda nace en O Grove, Pontevedra, en 2007 e xa alcanzaron a independencia suficiente para desenvolver unha personalidad propia que produce brillos centelleantes.

A principios de abril viu a luz o seu terceiro álbum de estudo. Neste novo disco descubrirase a esencia máis fresca e natural dun grupo que tras tantos anos de traxectoria reivindica o uso do seu nome de sempre, e nos recorda que 1960 era o título do álbum anterior. The Cornelius contou nesta ocasión na produción do seu disco cun novo e talentoso Iago Lorenzo de Vilagarcía de Arousa, para a mestura con outro enxeñeiro de prestixio internacional: Adrian Hall, que traballou con artistas do talle de Ray Davies, Ian Brown, The Young Knives, Tom Jones, Black Eyed Peas, Robbie Williams ou Pet Shop Boys, entre outros.

A masterización correu por conta de Alan Douches (Radio 4, The rapture, Ramones, LCD Sound System, Misfits, Liars, Fat Boy Slim, Chemical Brothers, Fleetwood Mac, etc)
"Greatest Hits" e "1960" foron as dúas contribucións de The Cornelius ao panorama musical europeo. O seu novo traballo, "Walking in Circles", reafirmará máis, se cabe, a súa personalidade. É un disco cheo de luz, gravado en verán de 2012, o seu traballo máis persoal e coidado. Con iso pretenden asentar o paso xa iniciado na súa anterior etapa cara a unha carreira internacional e plural.

Durante os seus sete anos de existencia traballaron coa xente do talle de Mike Glossop (produtor habitual de Van Morrison) ou Tatsuya Sato (Madonna, Rihanna). Entre disco e disco, tiveron tempo de facer xira por todo o país da man de Europa FM e Artistas en Ruta. Chegaron á final de The Global Battle of the Bands e do Villa de Bilbao. Acaban de pechar a súa participación no prestixioso circuíto Girando por Salas, onde só son seleccionados uns poucos grupos do panorama estatal. Algúns dos seus concertos mais destacados foron no Noroeste Pop-Rock, con Morcheeba e Juliette Lewis no Help Contest e no MTV Galicia 2010 con The Temper Trap e Arcade Fire.

Entre os seus logros cabe destacar ter sido partícipes da "Coca-Cola Music Experience" a través da cal gravaron un dos seus temas máis coñecidos "Everything is all right", que aínda soa como cabeceira de múltiples programas de TV e radio e ter participado no concerto celebrado en Madrid con motivo do 125 aniversario da marca con McFly.
"Nice one! Great band, great songs, great production..."
Nick Van Gelder Miembro fundador de Jamiroquai

Un fito do que están orgullosos é ter sido invitados a colaborar no disco "50" homenaxe a Beatles, onde se dan cita artistas españois de primeiro nivel coa súa espectacular versión do "Drive my Car".
Unha banda con espírito de rock, influenciada por un montón de vellos discos e sons pops contemporáneos, á que lle interesan as boas melodías que saben vestir cunha elegancia abraiante...

Dover, o grupo liderado polas irmás Llanos, chega esta noite á Sala Moon para ofrecer en concerto un repaso polos seus temas máis destacados.

Baixo o nome de "Xira dos Mil Concertos", Los Suaves inician unha xira de salas por toda a península na que recuperan temas das décadas douradas dos 80 e 90.

En palabras de Los Suaves, "algúns destes temas non soaban en directo dende hai vinte anos e agora farano renovados. Para os seguidores máis novos vai ser a súa primeira oportunidade de escoitalos en directo e todo un regalo para os máis veteranos".

O 23 de outubro de 2012, saíu á venda 'La nave de los locos' (Stinus, Igor Paskual, Laurent Castagnet, Santi Comet, Josu García, Alfonso Alcalá e Manel Esclusa). O esperadísimo novo disco de Loquillo con cancións de Sabino Méndez, autor dalgúns dos seus grandes éxitos. Colaborando de novo tras máis de dúas décadas. A crítica e o público son unánimes, estamos ante un gran disco de rock and roll.

Probablemente o mellor disco de Loquillo, o que o levou a situarse no número 3 de vendas na súa primeira semana. Tivo que pasar polo rock de base, flirtear co glam, ter unha aventura cos poetas, seducir como un crooner para chegar aquí e Galicia será testemuña diso.

Ocean Colour Scene, un dos referentes indiscutibles do rock tradicionalista made in UK, ofrece un concerto esta noite na Sala Capitol, onde presentarán o seu último traballo discográfico.

A revista Rolling Stone inclúeos entre os 10 grupos imprescindibles da escena rock española. Chegan os Premios da Música Independente 2011: 9 nominacións, que inclúen Album do Ano, Canción, Album de Rock, Directo, Videoclip, etc. En verán de 2012 encérranse no estudo co produtor Sonic Boom (Panda Bear, MGMT) para gravar novo material. Agora xa o temos entre nós, chámase "Victoria mística".

O grupo formouse na Coruña aínda que os seus membros son de diferentes lugares do Barbanza e da Coruña. Toman o seu nome da canción «Bizarre Love Triangle» do grupo británico New Order. Antes da gravación do seu primeiro disco, Triángulo de Amor Bizarro gravou dúas maquetas autoproducidas que chegaron ás semifinais do concurso de maquetas Proxecto DEMO do Festival de Benicassim dous anos seguidos, en 2004 e 2005. Nos seus comezos o grupo era un cuarteto, derivando co tempo nun quinteto antes da gravación do seu primeiro disco, no que se formarán como trío, ata a entrada de Óscar Vilariño e Rafael Mallo, en 2009.

Debutaron en 2007 cun disco imprescindible. En poucos meses pasaron do anonimato a estar en, practicamente, cada festival que se organizaba en España e mesmo Portugal; o seu disco editouse en México e tanto prensa coma público rendéronse ante a audacia e orixinalidade da súa proposta: un trío saído dun ambiente rural queimaba os foros e sacudía a opinión especializada con cancións directas, son atronador e frases impactantes. Antes de rematar o ano publícase o singre "El hombre del siglo V", un disco que remata converténdose en compilación de rarezas e que inclúe cancións das súas primeiras maquetas, gravacións novas e algún inédito non publicado ata o momento.

Confirmados en todas as listas anuais como o debut nacional máis importante, continúan tocando sen descanso durante todo 2008. Ao ano seguinte a formación sofre un cambio de batería e entra na banda un teclista e guitarra, que consolidan un son realmente impactante que ten a súa proba de fogo en México, onde actuan para un público sorprendido da súa forza. Inmediatamente comezan a preparación dun novo disco que se grava a comezos de 2010.
"Año santo" publícase en maio de 2010, e co hándicap dun debut que entrou en todas as listas de imprescindibles nacionais da década, a prensa en pleno catalógao como a súa mellor obra. Gravan un primeiro videoclip con Luis Cerveró e editan o disco en México a través de Arts & Crafts.

Tras dúas visitas ao país centroamericano e participar no Festival Corona Capital xunto a Pixies e Interpol, comezan unha longa xira española. Edítase o singre dixital "Amigos del género humano", ao que acompañan versións de Julieta Venegas e Batiatto, e chega un segundo videoclip.

En verán de 2012 encérranse no estudo co produtor Sonic Boom (Panda Bear, MGMT) para gravar novo material. Destas sesións edítase o singre dixital "Ellas se burlaron de mi magia".

O novo disco, gravado na Coruña por Roberto Mallo e con mesturas de Manny Nieto (reputado produtor de Los Angeles que produciu a Health, The Breeders, Circle Jerks, etc) chegará na primeira metade deste 2013.

Non hai mal que por ben non veña. Se ben hai nada tiñamos que dar carpetazo ao anterior plan sobre o triCiclo [3], creemos que a compensación vai ser tanto ou máis interesante que aquela proposta.

Veñen visitarnos, dende Madrid, Toundra. Difícil achegar algo de información nova sobre a banda que está a armar o maior balbordo na escena independente dos últimos anos. O seu aturdidor cóctel postroqueiro pode presumir, ademais, daquilo do que adoecían moitas formacións nun pasado non tan afastado: un directo irresistible, que emociona e multiplica seguidores, arrasando alá por onde pasa.

Dende as entrañas de Aloud Music, a discográfica máis plausible da música independente española, e crecendo sempre dende a honestidade e o respecto ao público, están a levar a música instrumental a un novo plano: chegan a Galicia despois de soar no medio mundo co seu recén publicado III e rebentar as maiores salas da península e Europa.

Acompañaranos, neste caso, os sevillanos Pony Bravo. Tamén é complicado poder dicir algo novo sobre eles: tal é a expectación que lles precede. Despois de chamar a atención con "Si bajo de espaldas no me da miedo" e facela crecer con "Un gramo de fé", están a punto de publicar o seu terceiro álbum, o LP "De Palmas y Cacería".

Despois da súa última visita no Sereas e Piratas do ano pasado, estamos seguros de que os seus seguidores están desexando volver gozar da súa ácida, divertida e comprometida forma de ver a música, e nós celebrarémolo.

Redondean a noite os galegos Guerrera, insigne banda con membros dalgunhas das formacións máis importantes do pasado e presente independente galego e máis alá (Ictus, Holywater, Cuzo...), que son unha das revelacións dos últimos tempos en Galicia. A súa hipnótica e poderosa proposta de blues pesado aválaos, o seu autoeditado "Under The Gipsy Sun" dálles un lugar, e a súa pertenza ao Colectivo Metabatifondo, onde militan outras figuras da independencia galega, acredítaos.

Como sempre no triCiclo, teremos tres carteis diferentes, que virán esta vez da man de Daniel Alonso, integrante e cartelista de Pony Bravo, que seguramente achegará un plus de calidade e diversión que converterá esta noite en inesquecible.

Malas Intenciones, a banda tributo a Héroes del Silencio, ofrece esta noite un concerto na Sala Moon.

Jeff Scott Soto é capaz de cantar Heavy Metal, Funk, AOR e Pop. Empezou a súa carreira profesional en 1984 cando só tiña 18 anos con Yngwie Malmsteen en Rising Force. En 2001 puxo a voz principal á banda de ficción Steel Dragon da película Rock Star protagonizada polo actor Mark Wahlberg. Tamén xirou con Journey en 2006 e 2007. Actualmente é un dos cantantes de Trans-Siberian Orchestra, unha grandiosa opera rock liderada por membros de Savatage.

Artistas invitados: Jorge Salán Band + Alterevo

A banda barcelonesa de Psych-pop e space-rock Stay ofrece esta noite un concerto na Sala Moon.

A Praza do Obradoiro énchese de música esta noite coa Gala musical da Ascensión 2013, un concerto presentado por Liborio García e Silvia Jato coas actuacións de artistas tan destacados como Pignoise, Davis Civera, David de María ou Andy & Lucas, entre outros.

ARTISTAS GALA MUSICAL ASCENSIÓN 2013

Pignoise
Andy & Lucas
David de María
David Civera
Astarot
Luis Boyano
Humor: Juan Muñoz, Roi e Boris

Consulta aquí o programa completo da Ascensión 2013.

Willie Nile, o poeta de NY, regresa a España en 2013 para presentarnos o seu novo disco, American Ride; un novo traballo gravado durante o pasado verán 2012, producido e dirixido por Stewart Smith e o propio Willie Nile. Tras unha xira espectacular en 2012 por gran parte de Europa (UK, España, Italia....), o músico neoyorkino gravou o seu duodécimo disco de estudo, onde nos mostra o gran poderío das súas composicións; grandes melodías de rock -Holy war, This Is Our Time, Life On Bleecker Street... -, e grandes baladas como American Ride que ademais dá título ao disco, unha canción condenada a converterse nunha das mellores de 2013.

Willie Nile é un sorprendente esquecido da grande industria discográfica. Nativo de Buffalo, foi descuberto no Greenwich Village neoiorquino e apoiado por unha excelente crítica no New York Times, edita o seu primeiro disco en 1980 e embárcase nunha xira con The Who. Poucos meses máis tarde, os Rolling Stones tomaron "prestado" o seu tema "She's So Cold" e incluírono no seu disco Emotional Rescue, ao que Willie simplemente replicou "encántanme os Rolling Stones", resolvendo calquera litixio ao respecto.

As súas cancións combinan a partes iguais poesía, inxenuidade, honestidade e o rock and roll máis clásico. Editou catro discos que recibiron a clásica combinación de excelentes críticas e poucas vendas. Despois de oito anos desenganado das multinacionais, decide crear o seu propio selo e editar o magnífico Beautiful Wreck Of The World, sen dúbida o seu mellor disco, acompañado dunha estupenda banda na que destaca o gran guitarrista Andy York. En 2006 edita o igualmente excelente Streets Of New York, que confirma a reactivación da súa carreira, que continúa en 2009 co magnífico House Of A Thousand Guitars. Editáronse tamén un par de directos, e en 2010 publícase The Innocent Ones.

Despois de varios anos percorrendo os escenarios, Graham Summer segue apostando por revisitar os sons máis clásicos do country primixenio. Unha proposta honesta e sincera pola tradición musical americana do folk de estilo "songwriter", o blues racial e toda a variedade de matices que esconde o country máis anello. Tal e como se escribiu nalgún sitio: "Graham Summer pode que non faga nada novo, pero o que fai bórdao". Por iso Graham abandona voluntariamente os camiños da innovación para manter a chama dunha tradición musical cargada de esperanza.

A contundencia e crueza do seu directo levouno a compartir escenario con artistas e bandas do talle de Arizona Baby, Sugar Mountain, Fabián, Russian Red, Cardigan Bridge e DePedro entre outros; para pouco a pouco gañar un lugar de mérito dentro do panorama indie máis underground do noso país.

Para este 2013 Graham Summer amplía a súa posta en escena coa incorporación do guitarrista Adrián M.T., con quen xa traballa nos temas que darán forma ao seu primeiro LP: "Walking on the Highways", que verá a luz ao longo deste mesmo ano. Mentres tanto, tan só queda recostarse na cadeira de brazos, encher unha copa de whisky e sentarse a gozar do seu son, ao igual que Dean Martin e Ricky Nelson facían na xa mítica escena de "Río Bravo" de Howard Hawks.

The Gone & Lost son unha potente banda coruñesa, de dilatada experiencia sobre as táboas, que campa ás súas anchas entre diversas tendencias do rock, chegando a oscilar as súas composicións entre o hard rock melódico e o thrash metal máis trepidante. A súa gran calidade técnica, a súa personalidade e a súa forza sobre o escenario converten as súas demostracións en directo en inesquecibles experiencias de adrenalina, suor e Metal.

Donovan volve aos escenarios coa súa nova banda para presentar novas composicións así como os seus grandes éxitos de todos os tempos: Universal Soldier, Melolw Yellow, Sunshine Superman, Season of the wich, Cosmic Wheells, Barabajagal, etc...

Robyn Hitchcock é un dos nomes máis respectados do rock e o folk psicodélico anglosaxón dende finais dos anos 70, cando liderou os seminais The Soft Boys. Nas súas propias palabras, naquela época intentaban mesturar os Beatles con Captain Beefheart. E polos resultados, parece que o conseguiu.

'Baixo a vide. Concertos con denominación de orixe' é unha proposta que une música actual e cultura vitinícola. Ata finais do verán, varias adegas das diferentes denominacións de orixe de Galicia acollerán uns concertos moi especiais, nos que participarán artistas destacados tanto a nivel nacional como internacional, como Señor Chinarro, Xoel López ou Robyn Hitchcock, entre outros.

Trátase dunha iniciativa promovida por I-Radia Crea e En Panties Producciones, dúas produtoras galegas que elaboraron un ciclo de concertos que percorrerán varias adegas co fin de “abrir estes espazos a novos públicos e ofrecer unha innovadora oferta cultural, enolóxica e gastronómica”. Cada concerto, ademais da actuación musical, complétase cunha degustación do viño anfitrión maridado cun produto gastronómico galego de alta calidade.

“Baixo a vide” conta con adegas como Pazo Señoráns ou Regina Viarum, que poseen uns espazos únicos para albergar aos concertos propostos. Ao ciclo únese o local Kunsthalle, no casco vello de Santiago de Compostela.

O ciclo 'Galicia Importa' trae a Santiago aos canadenses Danko Jones, nunha das citas musicais máis esperadas da tempada. Seguindo a filosofía coa que o ciclo naceu no ano 2008, unha vez máis, un grupo de primeiro nivel internacional actuará en Galicia presentando o seu novo traballo nun formato reducido.

O ciclo 'Galicia Importa' pechaba a súa edición de 2012 o pasado mes de decembro co concerto do prestixioso guitarrista americano Steve Vai, que vendía todas as entradas para o seu espectáculo con máis dun mes de antelación e deixaba outro concerto para o recordo. Durante este pasado ano, o ciclo presentou 7 propostas de primeiro nivel que permitiron achegar por primeira vez a Galicia nomes ilustres como os de Mavis Staples, St. Etienne, The Jon Spencer Blues Explosion, Thurston Moore ou The Jayhawks. Máis de 4.000 persoas puideron gozar dos 7 concertos programados en cidades como A Coruña, Vigo e Santiago.

Camiño da súa 5ª edición, o ciclo consolidouse como un referente musical indiscutible na nosa comunidade e recibiu eloxios dos medios nacionais máis prestixiosos. Durante os seus poucos anos de vida xa acumulou un curriculum de artistas que pasaron por el, que non ten nada que envexar a outras propostas que se desenvolven nas grandes capitais europeas. Dende lendas como Joan Baez, Alice Cooper ou Mavis Staples ata artistas contemporáneos de referencia como Mark Lanegan, Rufus Wainwright ou Richard Hawley pasando por bandas de culto como Mudhoney, Interpol ou Teenage Fanclub.

En 2013 a programación do ciclo arranca con forza coa confirmación dos canadenses Danko Jones, un dos grupos habituais nos principais festivais europeos debido ao seu poderoso directo. Danko Jones acaban de editar 'Rock and Roll is Black and Blue'. Por fin temos de regreso a unha das bandas máis destacadas dentro do hard rock dos últimos anos. Un grupo que se soubo mover por diversos xéneros, empapándose de distintas influencias, pero sempre conservando ese espírito e esencia rockanroleira que os colocou como un dos piares actuais do rock e os fixo xirar por todo o mundo encabezando os principais festivais de rock.

Danko Jones é un grupo que sabe moi ben o que fai, preocupándose, especialmente, por conservar un núcleo musical que non se despegue nunca do rock máis potente, guiado sempre por un traballo de guitarras centrado en crear riffs pegadizos e con prestancia. En seis discos, o grupo creou un son capaz de inspirarse no blues, no garage dos '60 s, no hard rock dos '70 s, no hardcore dos '80 s, ata no power-pop e no metal escandinavo, sen deixar nunca que unha parte domine sobre as outras.

The Hi-Risers presentan 'Hang around with you' na Sala Capitol.

Despois dunha longa espera, o trío de Rochester volveu para irse de festa contigo. E vaia festa a de “Hang Around With You”! Neste flamante álbum atópanse moitas das razóns polas que o grupo é considerado o estandarte do mellor rock&roll americano, sen aditivos, complicacións, nin moderneces. Sen ser un grupo retro, The Hi-Risers conseguen combinar os mellores e máis xenuínos estilos americanos para crear o seu burbullante cóctel, e dar un espectáculo en toda regra.

Rock&Roll, pop, doowop, beat, surf, country... Pasen e vexan!, como sempre hai de todo... e de categoría!

Jairo vive e respira en España. Aquí ten os seus fillos, aquí percorre cada canto do país mostrando as fotos musicais das súas viaxes. Malia que xoga a dar voltas á bóla do mundo, Depedro ten un cable a terra aquí. É un obreiro do rock.

Grazas aos seus tempos en Vacazul e á súa época traballando con Amparanoia, coñece todos os garitos do país. Agora, grazas ao seu proxecto en solitario e á súa condición de membro de Calexico, tamén coñece os de medio planeta.

Glenn Hughes é a voz do Rock. Comezou coa súa banda de rock funk Trapeze a finais dos anos 60. Logo uniuse aos xigantes do rock Deep Purple en 1973. Con eles fixo 3 álbums clásicos, "Burn", "Stormbringer" e "Come Taste The Band".

O espectáculo contará con cancións clásicas de Deep Purple da era de Mark III/IV, de novo interpretadas con sós moi longos e incribles actuacións vocais da voz do Rock, o Sr. Glenn Hughes!

Lucinda Williams, unha das figuras clave do rock americano dos últimos 20 anos, confirma a súa actuación no ciclo 'Galicia Importa 2013'.

Lucinda Williams chegará a Galicia para presentarnos o seu último disco, 'Blessed', e facer un longo repaso das obras mestras que marcan a longa traxectoria da diva sureña, cuxa maxestosa figura sobrevoa os instantes máis memorables que deu a música popular norteamericana dos últimos 30 anos.

Tras case 30 anos de carreira musical, La Unión volve á carretera coa súa nova xira Hipgnosis.

Pasaron case 30 anos dende aqueles primeiros ensaios, xusto antes de lanzar 'Lobo hombre en París' de man de Nacho Cano. Un debut tan explosivo podería ter marcado unha carreira curta pero intensa: 15 discos e máis de 2 millóns de copias vendidas.

Agora, La Unión regresa á carretera coa súa xira 'Hipgnosis'. 'Hip', do inglés, que significa moda, tendencia. 'Gnosis', palabra grega que se refire ao coñecemento na súa acepción máis espiritual, a esencia en si mesma. É este concepto o que dá vida ao novo traballo de La Unión, publicado na primavera de 2013.

Un soño sería ver nunha mesma noite e enriba do mesmo escenario a Def Leppard xunto a Whitesnake e Europe... Para moitos, ese soño cumprirase pronto. Serán as mellores noites de rock de todos os tempos...

... E será a finais do mes de xuño nunha cita que promete ser histórica e que pasará por varias poboacións españolas.

DEF LEPPARD. Joe Elliott (voz), Vivian Campbell (guitarra), Phil Collen (guitarra), Rick "Sav" Savage (baixo) e Rick Allen (batería), formados en 1977 en Sheffield, Reino Unido, e con mais de 100 millóns de discos vendidos en todo o mundo son, sen ningún xénero de dúbida, un dos grupos máis importantes da historia do Rock de todos os tempos. Recoñecidos polos seus espectaculares directos cheos de auténticos himnos do rock, "Animal", "Rocket", "Foolin"... recompilados ao longo dos seus máis de 35 anos de carreira e que volverán descargar en vivo sobre os nosos escenarios nada menos que 17 anos despois da súa última visita.

WHITESNAKE. Cinco anos pasaron dende a última xira polo noso país de David Coverdale e os seus. Co retorno de Tommy Aldridge á batería, Whitesnake esperan dende xa volver vernos no mes de xuño con ganas de ofrecernos de novo os seus potentes concertos, onde non faltarán a súa ampla colección de grandes éxitos! Aínda perdura na memoria o inesquecible concerto de outubro de 2004 en Madrid ante máis de 10.000 persoas.

EUROPE. Dende Suecia e para completar este triplo cartel de luxo que nos fará vivir unha noite máxica non podía faltar o grupo de Joey Tempest. Con millóns de discos vendidos en todo o planeta e considerados auténticas iconas do Hard Rock, o inconfundible estilo de Europe volverá soar en directo ante os seus miles de fans que non deixarán pasar a oportunidade de escoitar de novo "Carrie", "Cherokee" ou "Rock the night".

O Music Way tomará este ano o relevo do Rock in Way, apostando por darlle continuidade a un festival rock de primeiro nivel en Galicia. Celebrarase o venres 28 e o sábado 29 de setembro no Recinto feiral de Amio e vaino facer cun cartel encabezado por dúas espectaculares bandas de rock: os combativos e incombustibles Manic Street Preachers (venres 28) e os enérxicos The Hives (sábado 29).

Os galeses levan máis de dúas décadas regalándonos algúns dos mellores himnos do rock alternativo británico, mentres que os suecos son uns dos principais responsables do rexurdir do garaxe-rock no século XXI. Encabezan un cartel que se completa con máis bandas internacionais e con grupos como Layabouts ou os galegos Heredeiros da Crus, Holywater, Maryland e Munich.

Toda a info aquí

A Romaría Pop, a unión de música pop e o mellor ambiente festivo herdeiro das romarías tradicionais, celebra a súa segunda edición o sábado 15 de xuño no Parque de Belvís. Será un día no que centos de familias e amigos poderanse reunir para gozar de numerosas actividades culturais de balde; unha xornada acompañada co mellor da escena musical independente galega representada en bandas que ofrecerán un bo número de actuacións. Dous escenarios, zonas para actividades infantís, concursos, pequemúsica, feira, postos de comida e bebida no que non faltará o churrasco… e moitos máis atractivos que formarán parte do seu programa.

A Romaría Pop está aberta a calquera persoa interesada en gozar do lecer e da cultura ao aire libre. Trátase dunha aposta pola dinamización e a convivencia entre veciños nunha xornada festiva; e o éxito do 2012, en ambiente e asistencia, amosou a valía dese espírito.

Como anticipo, o xoves 6 de xuño haberá un concerto presentación da Romaría Pop na Zona C compostelá. Será ás 21:00 horas e contará coa música de Niño y Pistola, unha das bandas de referencia do panorama musical galego da última década, que estarán presentando o seu cuarto álbum There’s A Man With a Gun Over There (Ernie Records, 2013). Xunto a eles, estarán os vigueses When Nalda Became Punk, que presentarán o seu flamante disco de debut A Farewell To Youth, editado polo selo norteamericano Shelflife Records.

En próximas datas farase público o cartel completo de grupos e actividades da Romaría Pop. No portal web www.romariapop.com e nas redes sociais é posible informarse ao día das novidades.

Desconcierto Cultural é unha asociación cultural que dende 2011 dinamiza a oferta cultural e musical por medio de concertos e outras actividades celebradas en distintos puntos de Galicia, con accións como foron o Record Store Day Galicia, o Samaín Rock ou os ciclos Terrazeando e Placeres Ocultos. Trátase dunha asociación cultural sen ánimo de lucro que, para levar a cabo a Romaría Pop, conta de novo coa colaboración do Concello de Santiago.

Sigue o evento en Facebook