A Sala Capitol organiza esta noite un concerto dobre a cargo das bandas La Pegatina e Skarallaos. Música en directo chea de enerxía que non deixa indiferente a ninguén.

Skarallaos é unha banda que naceu en xaneiro de 2008 nun pobo dos arredores da Coruña chamado Culleredo.
Ao longo do camiño, os skarallaos fóronse encontrando chegados dende distintos ámbitos musicais cun mesmo destino: crear o seu propio estilo que se alimenta da enerxía positiva dos directos.
As súas influencias varían entre os seus seis membros: Moncho (guitarra, voz), Carlos (baixo e coros), Lydia (teclado, percusións, voz), Jose (clarinete, guitarra acústica, voz), Alex (batería e coros) e Máquez (trombón) que abranguen dende grandes bandas como Gogol Bordello, Mano Negra, Che Sudaka... ata novas bandas como Elijah and The Dubby Conqueros ou La Pegatina.

Skarallaos basea a súa proposta nun directo con diversos ingredientes onde o máis importante é a descarga de enerxía que imprimen nos seus concertos, capaces de rebentar os campos de festa de toda Galicia, onde non deixan indiferente a ninguén, achegando un aire fresco no panorama musical galego.

O Pub Ultramarinos transfórmase por unha noite nunha casa de fados e faise o silencio para escoitar, 'a preto e branco', os grandes clásicos do fado nun concerto pertencente ao ciclo de recitais 2010 do circuíto de intercambio musical galego-portugués Outonalidades.

A Axencia Galega das Industrias Culturais (Agadic) da Consellería de Cultura e Turismo, a asociación galega Clubtura e a portuguesa d’Orfeu Associação Cultural colaboran por terceiro ano consecutivo na organización deste ciclo, que ofrecerá este ano un total de 36 concertos a cargo de cinco grupos galegos e outros cinco portugueses en 16 localidades de Galicia e Portugal.
Este circuíto transfronteirizo desenvolverase até o mes de decembro e acollerá actuacións de moi diferentes estilos musicais: dende o folk ata o punk ou o ska, pasando polo jazz, o flamenco, os fados ou a fusión en moi diversas variantes. En concreto, os galegos Dakidarría, Marcos Teira, O Sonoro Maxín, Pé de Boi e Pel de Noz realizarán un total de 16 concertos no país veciño, mentres que –a maiores de João Gentil & Luis Formiga- os portugueses Desbundixie, Fados a Preto e Branco, Grupo João da Ilha e Sofia Vitória Dúo protagonizarán 20 citas musicais en Galicia.

O pub Casa das Crechas organiza esta noite unha sesión de música folk a cargo de Tonecho Castelos (violín) e Pablo Esqueira (acordeón), dous reputados músicos que presentan unha proposta íntima e elegante dun repertorio baseado nos ritmos tradicionais con composicións propias.

Dentro do ciclo Outonalidades 2010, o pub Ultramarinos organiza esta noite un concerto a cargo do grupo Joao da Ilha, que presenta un estilo propio integrando varias influencias que comezan na música tradicional portuguesa, pasan polo jazz, atravesan o pop, absorben as músicas do mundo e culminan nunha sonoridade acústica, calma e sobretodo viaxante.

En directo, ademáis dos temas orixinais, presentan algunhas versión da música tradicional portuguesa, así como dalgúns artistas portugueses como Zeca Afonso.

Máis info en http://www.myspace.com/joaodailha

Voz, acordeón, clarinete, teclado e cello. Catro amigos criados na música clásica que cociñan un folk elegante e animado á par. Folk Focus, un cuarteto ourensán sen complexos que non nos van deixar indiferentes.

Xoán Curiel, acompañado por Álvaro Trillo, Carlos Freire, Xavier Olite e Sergio Tannus, darán un concerto de fin de xira do seu disco 'Nai' cuxo beneficio será integro para Implicadas polo Desenvolvemento, para a campaña '1de200 contra o infanticidio feminino en Salem (India)'. Haberá tamén unha mesa de venda de produtos de Implicadas destinada a financiar os proxectos desta organización.

Implicadas polo desenvolvemento é unha ONG galega que leva dez anos traballando e busca cambiar as estruturas de explotación entre o Norte e o Sur e entre homes e mulleres.

Músico galego de orixe e universal polo seu fado, viaxeiro convencido, creador incansable, innovador por convicción, soñador de melodías imposibles, Xosé Manuel Budiño inspírase nos pequenos sabores da música tradicional, pero sempre coa intención de crear unha música con estilo propio: a música que se pode converter nun futuro, pode que non tan lonxano.

Héctor Lorenzo e Quim Farinha recuperan o seu proxecto Sol de Farofa para mostrarnos músicas da súa colleita e tamén algunha versión.

Despois da última andaina con 'Ano de brétema' e tras un longo período na cociña, este 2011 os Pé de Boi presentan novo traballo discográfico, 'SomosNós'. Un traballo moi ecléctico, cargado de sorpresas e multitude de esencias. Moita marcha e letras servidas con ironía. A raigame galega, a música balcánica, os sons isleños, o folk, o funk, o rock, o jazz, a rumba flamenca, algún que outro debuxo de rap e a forza da xa habitual corda de metais da formación, trazan este novo “cadro musical”: SomosNós.

http://www.pedeboi.es
http://www.myspace.com/grupopedeboi

Davide Salvado presenta na Casa das Crechas o seu primeiro traballo 'Árnica pura', unha aposta moi persoal dunha das mellores voces de Galicia. Acompañado por Pablo Dalama, Gon Goás, Xan Pampín e Carlos Freire, mostrará cun enfoque galego unha mistura de músicas populares de todo o mundo.

http://www.youtube.com/watch?v=vFEGg592Puk

António Zambujo, unha das voces portuguesas máis prometedoras, continúa presentando “Guia”, unha visión contemporánea do Fado e o Canto Alentejano.

"...O que se ouve em Zambujo é algo já que vai mais fundo. É um jovem cantor de fado que, intensificando mais a tradição do que muitos de seus contemporâneos, faz pensar em João Gilberto e em tudo que veio à música brasileira por causa dele."
Caetano Veloso, Outubro 2008

www.antoniozambujo.com
http://www.youtube.com/watch?v=pYSNcl0usNY

Bater a música tradicional até enganala. Traizoar a tradición amándoa. Mover os pés e o cerebelo dos oíntes mais alá dos 5 sentidos. Ser conscientes de ocupar o espazo escénico. Ganduxar sensacións e corpos danzantes. Xogar ao póker coas emocións ocultando farois. Coñecer a natureza galega e regala de música. Compartillar palabras de amor con harmonía e ritmo popular. Vivir e beber a música popular rural e urbana nas mellores fontes. Acariñar e respectar os instrumentos como animais. Buscar o trance antropolóxico e desenmarañar as formas. Mostrar a música con ilusión, degustar o pracer.

Linho do Cuco provocativamente libres, gozan tanto coa súa arte que a envexa deixa de ser un pecado capital.
Linho do Cuco é fibra sensible que cobre con música calquer ser. Son ricos en Omega 3 e alimentan o espírito da festa engalanando tanto o dia como a noite. Linho do Cuco é un grupo impacientemente esperado. Linho do Cuco é un grupo formado por músicos que poderían ser do teu niño, da túa estirpe, do teu planeta.
Texto de Ugia Pedreira

Ademais, participarán como convidados:

Gutier Álvarez: violín e violín trompeta
Iván García: guitarra flamenca
Pablo Dalama: Saxo alto e sopranino
Pedro Pascual: Bouzuki

O ciclo 'Feito a man', organizado pola Asociación Cultural Cidade Vella no marco do Festival dos Abrazos, ofrece esta noite un concerto de música folk protagonizado polos escoceses Chick Mcauley e Paddy Duncan, e o galego Davide Salvado.

Naturais de Escocia, Chick Mcauley e Paddy Duncan fan un repertorio de jigas, reels e melodías das altas terras que son tan celebradas aquí. Acompañaranos numerosos colegas cos que adoitan tocar.

Davide Salvado é un artista integral, capaz de encher o escenario coa súa carismática presencia. Recolle a tradición máis desnuda e pónnola en frente, sin aderezos supérfluos, pero cunha coidada e persoal interpretación. A partir de repertorio tradicional galego, portugués e castelán, Davide presenta un espectáculo no que a súa voz, chea de matices, brila e convence, enche e chega.

Nesta ocasión Davide preséntasenos nun formato trío (acompañado de percusión e guitarra) para ofrecernos o repertorio do seu primeiro traballo discográfico que vén de presentar Árnica pura.

O festival dos Abrazos, que celebra a súa cuarta edición, ofrecerá do 8 ao 27 de agosto, en espazos singulares da cidade, 66 actividades de diferentes disciplinas. Organizado pola Concellaría de Cultura, conta co patrocinio do Consorcio de Santiago e a colaboración da Asociación Cultural Cidade Vella, que organiza a programación de Feitoaman, integrada no Festival dos Abrazos; o Festival de Cine Euro-Árabe Amal; La Caixa de Barcelona e a Vicerreitoría de Estudantes, Cultura e Formación Continua da USC.

O Festival dos Abrazos é un certame internacional que proxecta Santiago de Compostela como escenario da creación e da imaxinación, como cidade universal á vangarda dunha cultura aberta, moderna e plural promovendo iniciativas culturais que constitúen un importante atractivo turístico. Os espazos onde se desenvolven as diversas actividades, máis de 20, non son só escenarios senón que son tamén protagonistas da programación Clasifícanse en tres categorías: Campo Aberto, os parques e xardíns que rodean a cidade vella ou que se agochan nela; Estacións de paso, as rúas e prazas máis coñecidas e transitadas da cidade histórica; e Espazos íntimos, recunchos, calexas, menos coñecidas pero cheas de encanto.

O gaiteiro bretón Patrick Molard participará nunha conversa dirixida por Raúl Pinheiro e ofrecerá un concerto express de cornamusa bretoa (biniou koz) e escocesa (Highland bagpipe). Ao finalizar, os participantes poderán retratarse co artista nunha sesión de fotos a cargo do fotógrafo Pablo Giráldez que serán colgadas no Facebook da Cidade da Cultura para a súa libre descarga.

Patrick Molard é o gaiteiro máis internacional e embaixador da música popular de Bretaña. Alumno dos últimos tocadores bretóns da “vella escola” e mestre das novas xeracións é a ponte entre o antigo xeito de facer música e a adaptación aos novos estilos.

En todo movemento artístico xorden individualidades que se arredan dos mandatos do gusto de cada época para experimentar con novas posibilidades creativas, estéticas, expresivas, comunicativas. Na música son moitos os exemplos de creadores cuxas vidas singulares e proxectos xenuínos foron referentes para os seus colegas de vocación, á vez que se converteron en artistas de culto para o público.

A eses autores que abriron novos camiños, aos que percorreron sendeiros incertos e arriscados, aos artistas que iniciaron novas sagas sonoras das que beben as músicas de hoxe, está dedicado este ciclo musical.

Autores galegos e foráneos manteñen aquí un diálogo e un xogo interactivo en seis sesións artísticas distintas, cada unha das cales xira ao redor dun dos artistas convidados e dunha temática. Seis exhibicións onde se conxugan concertos exclusivos, palabra e diálogo, pezas audiovisuais, materiais gráficos…

Cada sesión, cunha singularidade, desde un formato distinto en función da personalidade de cada artista. E todo para manter un encontro participativo, creativo e exclusivo entre o músico e os asistentes onde abordar os grandes temas musicais do século XX e os retos para o XXI.

As relacións con outras disciplinas artísticas, o uso e proveito das novas tecnoloxías, as relacións da música co contexto cultural, os estilos de vida, os vínculos co pensamento de cada época ou a intervención  da música como ferramenta para o cambio social son algúns dos aspectos relevantes que se abordan nestas xornadas de música e diálogo.

A Sala Clube Cachán acolle esta noite un concerto en directo a cargo do grupo valenciano La Familia del Árbol, que acaba de editar o seu primeiro traballo de estudo, 'La montaña y el río'.

Nacho e Pilar son a parte visible dun grupo que nace dende a máis absoluta intimidade. As cancións, creadas con mimo no salón dunha casa de Elche, evocan tempos pasados, máxicos e perfectos: aquí están o folk acústico e británico de Nick Drake ou Donovan e a Costa Oeste de Brian Wilson pero nun castelán que o atrae ao presente. Nel, Stuart Murdoch, Iron & Wine, Fleet Foxes e Los Brincos dixeriron todo isto e compartírono co noso grupo. E entón a maxia segue aí? Nin o dubides!

En tan só ano e medio as súas gravacións caseiras obtiveron excelentes críticas en medios como Rockdelux, Neo2, Jenesaispop, Raio 3 e mesmo medios afíns en México; chegaron á última fase do Proxecto Demo do FIB e pisaron escenarios como o do festival Contempopránea.

Por primeira vez, o músico británico Simon Finn visita Galicia e faino co seu traballo 'Pass the distance', disco maldito e de culto tras cuxa publicación se afastou dos escenarios durante máis de trinta anos.

Cando se cumpre o corenta aniversario do seu lanzamento, Finn volve entoar as melodías dunha obra de referencia do folk experimental de finais dos 60. Acompáñanlle no ciclo "Íntimo & Acústico" a violinista Joolie Wood (violín) e a pianista Maja Elliott.

Eles definen o seu estilo musical como 'tradicomedia'. Suso Vaamonde, Pedro Lamas e Xosé Lois Romero son sinónimo de música tradicional e sentido do humor. Acaban de presentar o seu segundo traballo discográfico 'O tambor de prata', un bálsamo terapéutico e liberador para estes tempos de crise.

Suso Vaamonde, Pedro Lamas e Xosé Lois Romero son tres nomes referenciais na música galega actual e as súas traxectorias individuais están ligadas aos mellores momentos e artistas da música contemporánea do país como son Nova Galega de Danza, Mercedes Peón, Xabier Díaz, Pel e Madeira, Fuxan os Ventos, Susana Seivane, Leilía, Uxía, Luvas Verdes, Quique Peón Cía, Faltriqueira, Guadi Galego, Galeoke, Grupo Tradicional do IGAEM ou Xosé Manuel Budiño.

Dentro do ciclo 'Íntimo & Acústico', a Zona C de Santiago acolle esta noite un concerto a cargo do grupo The Bright, que presenta en directo os temas do seu primeiro álbum, 'Soundtrack for a winter's tale'.

"Hai primeiros discos que son produto do empeño e outros que xorden por aclamación. Se se dan as dúas premisas, parabéns. E se o talento vai da man do esforzo, se a inspiración súmase ao bendito ensaio e erro, hai razóns dabondo para felicitar aos seus protagonistas. Poida que nestes tempos de urxencias se perderá certo mimo para esa frase emocionante: o primeiro disco. E que haxa casos aos que lles pase iso de, parafraseando a Javier Krahe: Eu, que aspiraba á gloria de Cervantes, aquí estou, na glorieta de Quevedo.

Con The Bright, que van camiño do primeiro, este primeiro disco, 'Soundtrack for a winter's tale' (Subterfuge), chega como un gran salto que vén precedido de moitas pisadas sobre as táboas e horas de traballo no local. A voz que asombra de Miryam Gutiérrez e a presenza de Aníbal Sánchez, multiinstrumentista das cordas, que son algo así como rockeiros, herdeiros de último folk, ou, ollo, que di o Arizona Vielba (unha vez máis, ensinándonos a transgredir sen agredir as etiquetas): "Somos todos cultura pop", of course, chegaron cunha colección de cancións que pedían un tratamento de luxo, como o que teñen, nesta longa duración.

Sería un erro (sen ensaio) pensar neste Soundtrack for a winter´s tale , que se me quedou atascado na disqueteira do meu coche e do meu corazón, en plan "aquí te pillo, aquí te mato". Nin The Bright nin Subterfuge o merecen.
Para que pase máis xente, di Fernando Trueba que está farto das mensaxes curtas, comprimidas. En referencia á moda de contar a vida en corenta palabras. E acerta, que o relato hiperbreve xa estaba inventado. E, ademais, o pop grande nunca quixo estenderse máis aló do necesario.

É dicir, 'Soundtrack for a winter's tale' non é un recurso para enlatar doce cancións. Dise que as cancións medran en directo. Pois aquí xa veñen medradiñas. Cancións producidas sen un gramo de graxa. Con baixos e baterías, e máis. Sorprendentes algunhas, porque tamén brillan cando parecían destinadas ao último intimismo. E outras, que son pura fantasía neste conto de inverno. E, en xeral, nervio sen perder os nervios. Unha viaxe a medio tempo con picos de intensidade que resultan tan calculados como intuitivos.

'Soundtrack for a winter's tale' son cancións para toda a vida. Aínda que, en mans de Miryam e de Aníbal, haxa que pensar que isto é só o aperitivo dunha carreira longa, na que como solitarios pescadores pola vella buscan novos caladoiros creativos. Que chegarán. No seu momento. Porque agora toca inventar un concerto imaxinario de doce cancións para un só espectador.

A cadeira de brazos ese non está mal. Báixase a luz do salón e acéndese a do play. E comeza o espectáculo a recuperar, como nos vellos tempos, en que un novo disco na casa era un acontecemento. The Bright, Miryam Gutiérrez e Aníbal Sánchez presentan cada canción. Vostede pode reflexionar."

Pacho Rodríguez, xornalista

O ciclo musical 'Praceres Ocultos', organizado por Desconcerto Cultural, propón unha serie de pequenas xoias musicais para grandes oídos. Nesta ocasión o protagonista da velada será Peter Piek, cantante, pintor e multiinstrumentista procedente de Leizpig (Alemaña).

"I sing it in a song, I paint it on a wall" ("Cántoo nunha canción, píntoo nun muro"). Esta declaración de principios, título da súa última xira, deixa as cousas claras. Peter Piek é un artista multidisciplinar en maiúsculas. E é que tanto as súas pinturas coma os seus discos foron obxecto de eloxios alí por onde pasaron. Sen ir máis lonxe, o seu último traballo discográfico "I Paint It on a Wall" (2010, Noisedeluxe Records), permitiulle realizar unha extensa xira que o levou por países como Francia, España, ou a súa Alemaña natal, ademais de Estados Unidos, onde chegou a participar no prestixioso festival South By Southwest de Austin, Texas.
Unha colección de cancións que invitan ao optimismo, compostas a partir dunhas influencias tan variadas como a súa paleta de cores e que van dende o folk de Ben Harper ("Elli" podería tela asinado o músico californiano) a cancións máis próximas ao power pop de xente como Mathew Sweet, pero avaladas por unha singular e persoal voz que o fai único e recoñecible dende a primeira escoita.

O formato da banda de Peter Piek é un trío: voz e guitarra, baixo/teclado, e batería. Un destes tres membros é o holandés Lucky Fonz III, que ademais será o encargado de abrir o concerto, tendo como referencias claras o pop desenfadado de Badly Drawn Boy.

O grupo neoiorquino The Last Internationale ofrece na Sala Capitol o seu único concerto en Galicia, no que presentará o seu disco 'Choose your killer'. O concerto contará tamén coa actuación dos estadounidenses The Ripe, banda de rock-folk psicodélico.

The Last Internationale é un power trio con base en New York City que esta conquistando notoriedade internacional grazas aos seus explosivos e impredicibles directos. Distorsionando continuamente as liñas entre o Folk, o Blues, o rock n roll e o punk, o seu estilo ecléctico rompe todos os limites musicais e podería definirse así: Melodías obsesivas, botas que pisan forte, “backbeats” sen adornos, chirriantes sós de guitarra, berros primordiais, espontaneidade, cambios drásticos de tempo, implacable repetición interrompida por improvisación, etc. O resultado é un crecente movemento musical coñecido como “blues and boots”.
 
TLI vió a luz en 2009 co lanzamento do seu CD  homónimo . Grazas ao éxito instantáneo, o disco foi reeditado por Manifesta Records e DIT records en 2010. En 2011 Manifesta Records editou o seu seguinte disco ‘Choose your Killer’ que mostra á banda interiorizando aínda máis nas raíces do Blues e o Rock N roll, xuntos, ambos os discos, mostran todas as facetas da condición humana, incluíndo amor, corazóns rotos, angustia, loita política, desesperación, esperanza e redención.

A súa música foi protagonista no prestixioso e premiado show de Amy Goodman, Democracy Now! E pódese escoitar na radio de mais difusión independente americana Pacifica Foundation así como noutras radios en todo o mundo.

A banda tocou en directo en programas televisivos en Portugal (Sic Radiale), onde alcanzaron gran popularidade e pronto poderán ser vistos na película ‘Freedom Rock’ xunto a artistas como Bono e Shakira.

Membros:
Delila Paz, Voz
Edgey, Guitarras
Son Marcus, Baixo
Simram, Batería

‘Choose your Killer’
Algúns discos nacen para engrosar coleccións en andeis e ser lembrados só polo lombo que asoma entre outros moitos, outros convértense automaticamente en clásicos, no que un deixa encima do reprodutor, porque apetece escoitalo unha e outra vez, ‘Choose your killer’ é dos segundos.

The Last internationale ofrécenos desde Nova York unha mestura de cancións propias entre o garaxe, o rock n roll e versións de blues e folk clásico que en circunstancias normais non pasarían de aí, pero TLI é moito máis que un grupo musical, é a resposta aos tempos convulsos que estamos a vivir, as súas cancións falan de revolución, de cambio, de liberdade, feminismo, de desamor e desencanto; son os abanderados dunha nova xeración de músicos que saben perfectamente que teñen que tomar as rendas e que a neutralidade xa non funciona, que chegou a hora de saír aí fose e axitar o estandarte para ese cambio tan necesario.

A aguerrida e desgarradora voz de Delila Paz, que ás veces lembra a Chrissy Hynde e outras a Patsy Cline, sempre se expón coa rabia dun francotirador que sabe que ten máis obxectivos que balas, lidera un grupo no que as guitarras en ocasións salvaxes e outras algodonadas de Edgey teñen especial protagonismo, pero As CANCIÓNS están por riba de todo o demais, son os novos trobadores, a voz dunha conciencia colectiva que leva aos seus incendiarios e imprevisibles directos toda esa paixón e urxencia. Se ves este disco por aí, cómprao, descárgao, fai o que che pareza oportuno, pero escóitao… atentamente.

THE RIPE (Austin, Texas, rock-folk psicodélico)

Como Love se medrasen á calor do South by Southwest. Como os Zombies se se mesturaron co máis selecto indie rock americano. Coma se Alex Chilton compuxese cancións para grupos entre o pop e a psicodelia como The Tame Impala ou The Shins. Coma se tres raparigos de Austin recalasen no estudo de grabación dun paladín do garaxe entolecido. Improbables teorías, pero todas certas e encarnadas en The Ripe: unha banda que latexa ao ritmo do underground de Texas e que une forzas coa reverb da guitarra de Jorge Muñoz-Cobo, alma de Doutor Explosión, un Billy Childish en versión asturiana.

Pero máis aló de rocambolescas historias de idas e vindas entre a terra do chile con carne e as ondas das praias de Xixón, o misterio e esplendor de The Ripe vén desa habilidade que teñen de recuperar os sons do mellor do sesenta e o setenta, facendo parecer coma se se inventaran hoxe mesmo. Pois o seu non é revivir vellos tempos, senón inventar un futuro esquecido de melodías que fan latexar o corazón, de guitarras que nos fan flotar polo aire, de liñas de baixo que se pegan ao subconsciente e de ritmos de espírito eternamente adolescente. E é así como as cancións de Into your ears transmiten unha frescura que fai sentir palpablemente que o Pop psicodélico (con chispazos garaxe e folk) acaba de nacer, e vai ser a música desta xeración.

Jake Garcia, Gian Ortiz e Nick Yaklin coñecéronse no salvaxe lado este de a súa orixinaria Austin. Jake, cantante e guitarra, conta que colleu unha guitarra aos 9 anos e desde entón non a volveu a soltar. Tras militar en The Uglybeats, púxose, en compañía de vellos amigos, á tarefa de compor e recompor eses pequenos quebracabezas que para el son as cancións. E vaia que amigos: Gian Ortiz, por exemplo, presta servizo en Amplified Heat e toca o baixo co mismísimo Rocky Erickson. Agora o círculo pechouse en Circo Perrotti, estudo de gravación de Jorge Explosión: un cuarto membro que veu a completar de maneira inesperada e estrañamente máxica ese algo difícil de explicar que fai a The Ripe únicos e irresistibles. Transitando polos seus propios camiños, para colarse dentro dos nosos oídos e quedar a vivir alí.

Guadi Galego, Xabier Díaz, Guillerme Fernández e Xosé Lois Romero presentan esta noite 'AcadaCanto', o seu primeiro proxecto xuntos, nun concerto do ciclo 'Íntimo&Acústico'.

Guadi Galego - música, cantante e compositora
Guillerme Fernández - músico, compositor y guitarrista
Xabier Díaz - músico, compositor, percusionista e cantante
Xosé Lois Romero - Percusionista, acordeonista e compositor

O primeiro semestre do ciclo musical Sons 2012 péchase esta noite coa actuación de Sharon Corr, que debuta en Galicia co seu pop-folk celta chegado de Irlanda.

Sharon Corr, artista irlandesa de Dundalk, formou xunto aos seus irmáns Jim Corr, Caroline Corr e Andrea Corr o exitoso grupo internacional The Corrs.

En 2011, Sharon Corr presenta o seu último disco até a data, ‘Dream of you’, así como temas de sempre da súa etapa con The Corrs.

O seu último disco é unha colección de preciosos temas pop bellamente manufacturados e gravados en Dublín o pasado ano. Sharon traballou cun amplo e ecléctico espectro de renomeados músicos de música tradicional irlandesa que inclúe a Davy Spillane, John McSherry, Máirtín O´connor e Gerry O´connor, ademais dos seus habituais Anthony Drennan, Keith Duffy e Jason Duffy ás guitarras e batería respectivamente. O álbum tamén inclúe unha marabillosa colaboración co lendario Jeff Beck no sobrecogedor track ‘Mna Na hÉireann’. Sharon quixo que o seu violín tivese o papel principal no mesmo. “Foi importante para min manter a influencia irlandesa e o violín, porque é de alí de onde veño”, di, “pero quería explorar o violín nun contexto moito máis amplo”.

Amplamente coñecida en todo o planeta como a violinista, cantante e a voz acompañante en The Corrs, Sharon gozou dun tremendo éxito con 60 millóns de discos vendidos, xiras por estadios de todo o mundo e un incontable número de singles número 1 en todo o mundo.

Tras os seus 15 anos de carreira con The Corrs e o nacemento do seu segundo fillo, Sharon redescubriu o seu amor pola composición e saca o seu primeiro álbum en solitario, ‘Dream of You’, no que é a vocalista principal cun puñado de cancións frescas dotadas de tradición irlandesa.

Se os éxitos que ela escribiu en The Corrs foron as súas cancións de inocencia, as de ‘Dream of You’ son cancións baseadas na experiencia. “A xente tende a encasillarte como compositor, violinista, grupo de pop ou músico de rock” di Sharon. “Eu actualmente son un montón de cousas diferentes, pero non teño intención de negar ningunha delas. Teralas todas xuntas neste álbum”.

A Casa das Crechas comeza a súa programación de verán na terraza, cun concerto de música folk a cargo de Fling, unha banda irlandesa, curtida en festivais de todo o mundo, que vén dar unha xira pola Península e fai dúas paradas nas Crechas.

En Compostela o grupo de Galway presentará o seu primeiro álbum, titulado ‘Fling’, gravado co lendario Kenny Ralph e coa participación de artistas convidados como Steve Wickham dos Waterboys, que lle engadiu a súa virtuosidade ao violín nun par de temas. Poden atopar máis información sobre o grupo aquí: http://flingfolk.com/

Estes concertos ‘singulares’ da programación ‘CdC en aberto’ terán lugar de 20 horas a 21.30 en tres pases de 20 minutos durante o verán.

A Casa das Crechas prosegue a súa programación de verán na terraza, cun segundo concerto de música folk a cargo de Fling, unha banda irlandesa, curtida en festivais de todo o mundo, que vén dar unha xira pola Península.

En Compostela o grupo de Galway presentará o seu primeiro álbum, titulado ‘Fling’, gravado co lendario Kenny Ralph e coa participación de artistas convidados como Steve Wickham dos Waterboys, que lle engadiu a súa virtuosidade ao violín nun par de temas. Poden atopar máis información sobre o grupo aquí: http://flingfolk.com/

Estes concertos ‘singulares’ da programación ‘CdC en aberto’ terán lugar de 20 horas a 21.30 en tres pases de 20 minutos durante o verán.

A praza da Quintana acolle ao longo da tarde de hoxe o Certame Folk, un festival organizado por Voz de Galicia en colaboración co Concello de Santiago co que se quere contribuír á proxección da música folk realizada na nosa comunidade. Un espectáculo que promete bo ambiente e mellor son grazas á participación de coñecidos grupos galegos que aseguran continuidade á tradición musical de Galicia.

O certame preséntase como unha proposta lúdica na que toda a familia poderá participar de xeito activo grazas á realización de varios obradoiros que comezarán a partir das 17.00 horas e que abranguerán actividades como a confección de xoguetes tradicionais, iniciación ao baile tradicional e sesións de percusión, pandeireta e instrumentos pobres, entre outros. Os obradoiros darán paso a partir das 19.30 horas á actuación do primeiro dos grupos invitados. Está previsto que sexan catro as formacións que se suban ao escenario da Quintana, aínda que serán os gaiteiros do Recobio de Vaamonde os encargados de ir caldeando antes o ambiente pola zona monumental cos seus pasarrúas.

O certame contará coas actuacións de Kérkenai, Pablo Seoane Grupo, Saltanocribo, Carapaus e O Recobio de Vaamonde.

O café bar El Puente acolle esta noite un concerto a cargo do grupo Amesmalúa, unha formación composta por músicos galegos e andaluces que fusiona cantigas tradicionais e cancións populares galegas co flamenco e outros estilos de raíz.

Regresa á Casa das Crechas a temporada de concertos, e a primeira cita será esta noite coa violinista norteamericana Laura Cortese, que se encontra de xira por Europa e ofrecerá un directo gratuíto a partir das 22.30 h.

Cantante, violinista e compositora, Laura Cortese chega desde Boston acompañada polo guitarrista Matt Malikowsky. Ela mesma define o seu estilo como “dark indie string-centric post-folk”, con temas que coidan a melodía e o ritmo. Educada musicalmente no prestixioso Berklee College, é unha virtuosa do ‘fiddle’. Ao seu paso por Galicia, ademais de concertos, esta fin de semana tamén ofreceu cursos deste instrumento.

Para máis información: https://www.facebook.com/lauracortesemusic

Dentro do ciclo musical 'Íntimo & acústico', a Zona C de Santiago acolle esta noite o concerto ofrecido pola cantante coruñesa Jane Joyd, que presentará o seu novo disco, titulado 'The dramatic tale of her animals'.

Non deberiamos ver a proliferación de artistas femininas, máis ou menos enmarcadas no folk, unicamente como unha moda. Detrás dos fenómenos mediáticos hai un barullo molesto para o público ao que só lle interesa a música. Pero ás veces, cando todo orbita ao redor dun formato ou dun artista concreto, tamén descubrimos talentos que se cadra non terían tido unha oportunidade se o contexto fose distinto. A coruñesa Elba Fernández chegou na edición do pasado ano do Proxecto Demo, o concurso que busca novos valores organizado polo Festival Internacional de Benicàssim e Radio 3.

Elba fai música como Jane Joyd, un nome sacado dunha curtametraxe que conta a tráxica vida dunha estrela do cinema; un detalle que dá pistas sobre o tipo de historias que lle interesan. Presentouse cunhas cancións rexistradas uns meses antes nos Estudos Abrigueiro de Lugo polo mero feito de ter algo gravado, segundo contou. E dese modo, sen grandes ambicións, coma se fose un paso máis no proceso de chegar a ter unha voz propia, acabou levando o triunfo e tocando no festival castellonense. Desde entón, a cálida acollida que recibiu a súa música empuxa unha carreira que avanza lentamente, aínda que con máis inconformismo e intelixencia que a de moitas das artistas coas que foi comparada.

De feito, este traballo pouco ten que ver co folk de inspiración estadounidense dos seus inicios. Trátase dun EP que só se achega á música tradicional nas interpretacións vocais con espírito blues (‘The Cage’, ‘Renard Came To My House, Stole My Smile And Left Forever’). O formato non é un detalle secundario: a intención era dar cohesión ás cancións polo seu contido conceptual e polo seu son. Son catro historias en forma de fábula, protagonizadas por animais que portan desexos, medos e traxedias humanas: un paxaro engaiolado, un cabalo sen corazón, un peixe morto e o raposo Renard, personaxe da literatura medieval francesa que mantivo vivo o mundo dos libros para nenos. Domina a atmosfera solemne, os decorados escuros, a gravidade e o transfondo de dor, como adianta o título: ‘Shy Little Jane Presents: The Dramatic Tale of Her Animals’. Pero tamén condensa unha enerxía e unha rabia que estala cando menos o esperas axudada polas coidadas instrumentacións (‘Dead Fish’, ‘Heartless Horse (The Disappearing Act)’).

Na súa xestación participaron 16 persoas, sen contar á propia Elba e a Xulio Vázquez, man dereita, coprodutor e percusionista da súa banda. Un equipo formado por músicos de vento, un teclista, un grupo de corda, un baixista e un coro que tamén a acompañará nos seus directos. Todo eles axudaron a crear unha música que destaca por ir directamente a activar imaxes no noso cerebro. Digamos que Jane Joyd moveuse cara á música para cinema ou o imaxinativo pop de artistas nórdicas como Hanne Hukkelberg, Ane Brun ou Jenny Hval. E o detalle e o mimo co que se fixo este mini-álbum chega tamén ao seu envoltorio, unha preciosa caixa que se achega á idea do disco-obxecto. Ademais de escribir bonitas cancións, Elba é deseñadora e fotógrafa. Coa mesma paixón coa que interpreta, creou a portada e unha postal para cada corte, nas que presenta aos protagonistas das súas historias; por se alguén non é capaz de dar renda solta á imaxinación escoitando a súa música.

Desconcierto Cultural recibe o outono recuperando o ciclo 'Praceres Ocultos', baixo o que se abeiran unha serie de interesantes propostas musicais destinadas aos oídos máis inquedos. O ciclo consta de tres concertos moi diferentes entre si, pero coa calidade como nexo de unión. Os elixidos para o primeiro concerto do ciclo son Library Tapes e Gareth Dickson, minimalismo e folk de vangarda que acenderán a mecha no Kunsthalle o domingo 28 de outubro.

Library Tapes é o sobrenome tras o que se refuxia o pianista sueco David Wenngren, que dende o 2004 foi editando unha serie de marabillosos discos en selos como Make Mine Music ou Auetic. A súa música parece rodeada dun silencio indeleble que acompaña con lixeireza as sutís notas de piano, base sonora sobre a que se asentan as súas composicións. A achega de gravacións de campo dotan á maioría das súas obras dun halo bucólico que evocan os momentos invernais máis cálidos ou paseos por bosques infinitos. O seu son emparentouse co doutros compositores actuais tales como Max Richter ou Eluvium, rememorando en ocasións ás obras minimalistas de Erik Satie.
Nesa mesma reunión tamén contaremos con Gareth Dickson, intimista cantautor escocés, que desenvolveu unha intensa carreira dende a publicación do seu primeiro album "Spruce Goose" alá polo 2005. A elegancia das súas composicións, cheas de arpexos intricados e estruturas complexas, compleméntanse cunha voz delicada que transporta ao espectador cara a paisaxes tranquilas e vulnerables. Sendo o guitarrista habitual das xiras de Vashti Bunyan, o seu estilo intrícase coa tradición folk inglesa dos anos 70 con referentes tan básicos como Nick Drake ou Bert Jansch. O seu máis recente traballo "Quite A Way Away", publicado este ano polo selo 12 K, sitúao nunha nova vangarda de músicos folks dispostos a rexuvenecer dalgún modo este xénero e levalo cara a novos ambientes.

Asociación Desconcierto Cultural
email ciclo: placeresocultos@desconciertocultural.com
email xeral: info@desconciertocultural.com

Tras as retrospectivas de Greg Dulli (The Afghan Whigs), Robin Proper Sheppard (Sophia) e Nathan Admuson (Rivulets), Desconcerto Cultural arranca o ano co concerto de Ben & Bruno, alter ego de Peter J. Brant que dará un concerto no Kunsthalle.

Ben & Bruno é o proxecto de Peter J Brant. Tratase dun cancioneiro creado polo propio Peter en colaboración con outros músicos e no que narra as vivencias do orfo Ben, quen, tras perder a súa nai, é secuestrado por unha veciña fanática da que se namora, casando con ela, tendo dúas fillas en común e separándose finalmente.

Trátase dun percorrido existencial polas revoltas deste personaxe que na voz do norteamericano destila aromas a folk experimental, unhas veces infantil e campestre, outras máis urxente e urbanita, recordando por momentos a figuras como Damien Jurado, Lou Barlow ou os desaparecidos Elliott Smith e Mark Linkous.

Peter J Brant tamén é famoso pola súa faceta de realizador visual, xa que dirixiu videoclips para The War on Drugs ou de The Shadow Bureau, así como pequenas curtametraxes que acostuma proxectar antes das súas actuacións. Nos últimos oito anos gravou con Ben & Bruno seis álbums, dende o delicioso "Handsome Danny" a "Marcescant", mantendo unha liña paralela entre melodías ateigadas de emoción e unha simplicidade instrumental que, nun equilibrio perfecto, acaba explotando no corazón do oínte.

Máis info aquí

Pulpiño Viascón posúe un directo festeiro e contundente e un estilo musical que abarca dende a rumba, o ska, o punk, o folk ate as rancheras. Ten un directo cheo de sorpresas, coma a interpretación de cancións co serrucho, con acordeón, coa gaita e ca súa voz chea de enerxía.

Natural Green, pola súa parte, é un grupo con múltiples e variadas influencias, formado por dez novos músicos de Ferrol que inician en 2009 un grupo ao máis puro estilo reggae con intención de facer música que lles represente e con mensaxe.

Tejedor, que desde 1995 levan a música tradicional asturiana por festivais de todo o mundo, presentan agora 'Positivu', a súa nova autoprodución, un disco que se pode calificar como pleno, cheo de novas experiencias.

Colaboracións de luxo como a da irlandesa Karan Casey, a nosa Guadi Galego ou os percusionistas Ion Garmendia e Iñaki Plaza , acompañan aos irmáns José Manuel e Javier nesta nova aventura que agora poderemos ver na Casa das Crechas.

A Casa das Crechas acolle un concerto do dúo belga Cavez-Montanaro, dous virtuosos do acordeón diatónico e o violín, que ofrecerán tamén concertos na Coruña e en Vigo ademais de senllos cursos destes instrumentos na Central Folque compostelá.
 Na súa xira galega presentarán o seu segundo e último disco, ‘Escales’.

Sophie Cavez (acordeón diatónico) e Baltazar Montanaro (violín) son músicos novos pero de amplo recoñecemento na escena belga e francesa. Aínda amosando grande sofisticación técnica, prefiren non abusar dos recursos en favor da emoción, conseguindo transmitir ao público unha enerxía especial. Unha música tecida ao detalle, con tranquilidade e delicadeza. Dous músicos complices que entenden a música como unha fonte de sensacións e divertimento sen límite.

Con só 28 anos Sophie Cavez vive profesionalmente de tocar nos palcos de media Europa, tendo xa un nome establecido no folc continental. Forma parte da escena musical de Bélxica e forma parte do dúo UrbanTrad con Yves Barbieux (obtivo o disco de ouro), así como de outros proxectos como Dazibao (flamenco oriental); KVExpress trio; JeffCaresse, música de baile; ou Knopf Quartet de acordeóns.

Baltazar Montanaro (1983) leva tocando o violín desde os nove anos. Músico profesional,  goza do violín e da proximidade do público e constrúe o seu seu virtuosismo como unha tea sobre a cal os diferentes motivos atopan un lugar de forte expresión. O seu repertorio e o seu tocar inspíranse nas orixes das melodías tradicionais e de técnicas propias de Europa Central.

Un mércores máis, o pub Casa das Crechas celebra unha das súas tradicionais foliadas con música en directo improvisada polos asistentes.

Un mércores máis, o pub Casa das Crechas celebra unha das súas tradicionais foliadas con música en directo improvisada polos asistentes.

Un mércores máis, o pub Casa das Crechas celebra unha das súas tradicionais foliadas con música en directo improvisada polos asistentes.

'Noite Meiga en Compostela' reúne esta noite sobre o escenario da Praza da Quintana a artistas galegos do talle de Rosa Cedrón ou Roi Casal xunto ao grupo salmantino Mayalde de música tradicional castelá.

Consulta aquí o programa completo da Ascensión 2013.

Un mércores máis, o pub Casa das Crechas celebra unha das súas tradicionais foliadas con música en directo improvisada polos asistentes.

Xurxo Fernandes e Quique Peón son dous referentes no eido da investigación etnográfica en Galicia. As melodías utilizadas neste proxecto pertencen aos seus arquivos de gravacións de campo, traballo que levan facendo por todo o país desde hai décadas.

Agora preséntannos o seu primeiro disco acompañados de tres prestixiosos músicos: Pedro Lamas, Nikolay Velikov e Xan Pampín. Este traballo, concibido con forza e alegría, quere mostrar a invisibilidade que sufren as culturas minorizadas a pesar de estar aí, de rodearnos, de ser verdades manifestamente palpables.

Continúa a nova temporada de 'Seráns da Nasa', unha cita mensual para quen guste da música e dos bailes tradicionais. Valses, muiñeiras, pasodobles, xotas e outros ritmos para bailar en grupo, en parella ou individualmente. E agora cun obradoiro de iniciación para novatos durante a primeira hora.

A cita os ‘Seráns dá nasa' convida a unha noite de ritmos populares a todos os afeccionados á música galega e a gozar de verbenas tradicionais animadas por distintas agrupacións musicais ao son de pandeiretas e gaitas.

A artista vallisoletana, especialista en folklore de Castela, Vanesa Muela impartirá en aCentral Folque, Centro Galego de Música Popular, un novo curso monográfico co título de 'Músicas da fortuna, percusión tradicional con instrumentos de cociña'. O curso forma parte da oferta dos Monográficos aCF 2011.

O curso será de 6 horas e ten un prezo de 100 €
+info: info@folque.com ou no +34 881 031 829
 
Breve descrición do curso:
Monográfico de instrumentos da fortuna, eses que non foron deseñados pra fins musicais pero acaban sendo parte da creación sonora neste caso percusión con obxectos de cociña. Aprendizaxe de técnicas percusivas, cantos e repertorio tradicionais para instrumento de cociña como as culleres, mortero, tixola ou a tapa dunha pota.
Imparte Vanesa Muela, nova cantante e percusionista cunha sólida carreira profesional coma solista e mestra de canto e percusión tradicional.

aCentral Folque, Centro Galego de Música Popular
Salvadas 22, baixo. 15705. Santiago de Compostela
+34 881 013 829
info@folque.com

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

A República Checa será a protagonista esta fin de semana en Compostela. O programa ‘Soños de Chequia’ trae o mellor da cultura checa á nosa cidade a través de concertos, jam sessions, cata de produtos, cinema e exposicións. O programa está organizado polo Ministerio de Cultura checo, o Concello de Santiago e o Consorcio da cidade e conta coa colaboración da Embaixada da República Checa en España e o Centro Checo de Madrid.

A que chega a Compostela é xa a terceira edición deste proxecto cultural europeo ‘Czech Dreams’ (‘Soños de Chequia’) que ten entre os seus obxectivos a presentación dos principais artistas e músicos checos polo mundo así como o apoio á cooperación entre as cidades checas e doutros países de Europa, e establecer ou fortalecer as relacións entre as institucións culturais e educativas checas cos seus colegas europeos. Nesta edición estarán en 100 vilas e cidades de 19 países diferentes sendo Compostela a primeira cidade de España na que participan.

A selección de concertos realizada para esta especial fin de semana de cultura checa en Santiago de Compostela é sen dúbida unha das presentacións máis amplas e variadas realizada por ‘Czech Dreams’ nesta edición de 2011. Ademais dos catro concertos principais nos que se poderá escoitar música clásica, jazz, música sacra, música popular ou swing interpretada por algúns dos máis reputados artistas checos, haberá outras actividades paralelas sobre cine (incluído cine para nenos), exposicións, jam sessions e mesmo a degustación de viños checos.

O programa ten como prato forte a música. Inaugurase o venres 4 no Principal cun concerto do Zuzana Lapcíková Quinteto baixo o nome ‘A fusión do jazz e a música popular morava’ e a partir das 23.00h, no Dado Dada haberá Jam Session con Felipe Villar Trío que farán de anfitrións e estarán acompañados por algúns membros do Quinteto Lapcíková. O sábado, na Igrexa das Ánimas, teremos un concerto de música sacra co Collegium 1704 e o Collegium Vocale 1704 ás 19.00h e, xa ás 21.00h, de novo no Teatro principal, concerto con Ondrej Havelka & his Melody Makers baixo o nome ‘Swing e jazz, Rapsody in blue’ onde estará Karel Kosárek  ao piano.

A partir das 23.00h de novo haberá Jam Session no Dado Dada con Felipe Villar Trío que nesta ocasión estarán acompañados por membros dos Melody Makers. O domingo pecharase o programa cun concerto de novo de Kosárek baixo o nome ‘O piano, Chequia e Bohemia’ ás 13.00h na Igrexa da Universidade.

Pero non só haberá música xa que a mostra trae o mellor de Chequia en diversas disciplinas. Así, o venres ás 19.00h inaugurarase no Museo do Pobo Galego a mostra do fotógrafo Jiri Vsetecka, ‘Praga, cidade da música’, que poderá verse durante toda a fin de semana. E o Teatro Principal, será o lugar onde poderemos gozar da proxección, sábado e domingo en dúas sesión cada día, de ‘Eu servín ao rei de Inglaterra’ de Jiri Menzel e ‘As aventuras da pequena toupa’ de Zdenek Miller, esta última para os máis pequenos da casa.

Por último, contaremos cunha degustación de viños checos o sábado 5 de novembro onde os anfitrións, Abastos 2.0, acompañaran con diversas tapas. Todo aderezado pola música de Cimbalon Musik os Antonin Stehlik. Propostas variadas e para todos os gustos que traen o mellor da cultura checa á nosa cidade durante tres días.

[16 agosto 2013] O Festival Esmorga Folk, de claro contido celta e raíces populares, comezou celebrándose o mesmo día da Festa da Empanada, e desde hai anos vénse realizando o día anterior a este gran acontecemento festivo-gastronómico.

Polo festival teñen pasado artistas e grupos do máis alto nivel nacional e internacional. Carlos Núñez, Leilía, Mercedes Peón, Xosé Manuel Budiño, Quempallou, A Roda, Os Cempés, Milladoiro ou Chieftains son algúns dos grupos que reuniron neste festival a miles de persoas.