O último concerto da VI edición do festival de música Via Stellae terá lugar esta noite na Sala Capitol. Co título de 'Disco Barroco 2011', contará coa participación da mezzosoprano checa Magdalena Kozena, o contratenor Xavi Sabata, o DJ LN Ripley e a Orquestra Barroca de Venecia, dirixida por Andrea Marcon.

Sesión de música blues, soul e funk ao aire libre previa á proxección do 'Palmarés Curtocircuíto 2011' da man do DJ Álvaro DC.

Alvaro DC leva uns anos pinchando música negra en varios locais de Compostela coma Cachán Clube (DJ residente), Ultramarinos, Curruncho ou Modus Vivendi. Sesións que repasan a parte máis bailable do blues, o soul e o funk de tódalas épocas. Pois iso, a bailar!!!

Sesión musical a cargo do DJ Javier Amosa previa a proxección de 11 curtas experimentais englobadas na categoría 'Explora' do Festival de curtametraxes Curtocircuíto.

Indie-rock/electrónica

Javier Amosa

Dende 2008, Javier Amosa levou a súa mestura de estilos polas cabinas de diversos clubs galegos como El Manco, Mondo Club, La Fiesta de los Maniquíes, Alma (Vigo), La Velvet (A Coruña), Moon Music Club o Ultramarinos (Santiago) onde é residente. As súas sesións, sempre en constante evolución, son un combinado bailable e divertido de indie-rock e electrónica. www.soundcloud.com/javi_a

Sesión musical a cargo do DJ Kowe previa á proxección de 6 curtas englobadas na categoría 'Feito en España' do Festival de curtametraxes Curtocircuíto.

Soul/R and B/Acid Jazz Latino/ Funk

DJ Kowe

Kowe Xoan Komba Aloy sempre estivo relacionado co mundo da música e o espectáculo, e segundo as súas propias verbas, pinchar é co que máis disfruta, cousa que practica en sitios tan típicos composteláns coma os pubs Cachán, A Reixa ou O Embora. Influenciado pola súa afición á música negra, a súa actuación traeranos ritmos tan dispares coma interesantes a través dos estilos Soul, R and B, Blues, Acid Jazz Latino ou Funk Music.

Sesión musical a cargo do DJ Amn3m3sis previa á proxección de 8 curtas englobadas na categoría 'Volta ao Mundo' do Festival de curtametraxes Curtocircuíto.

trip hop/downtempo/breakbeat

Amn3m3sis é un vello coñecido das nosas sesións nas prazas e que este ano nos deleitará cunha sesión na que o downtempò dará paso a todo tipo de ritmos internacionais dende México ata Asia pasando por Europa. Un percorrido dende o Nortec ata o breackbeat máis londinense. Así que xa sabedes, animádevos a tomar as prazas e a gozar co mellor do cine e da música do noso tempo.

O ciclo 'Ruído de fondo', programado pola Cidade da Cultura, ofrece esta noite a actuación de Esmeralds, unha das formacións máis atractivas do underground norteamericano.

Este trío, formado por John Elliot, Mark McGuire e Steve Hauschildt, debuxa paisaxes sonoras a base de ritmos electrónicos dunha beleza asombrosa. Amantes do minimalismo de Terry Riley e da kosmiche musik alemá de Cluster, Klaus Schulze ou Popol Vuh, Emeralds móvese entre a electrónica e o rock espacial, situándose no top internacional dos medios especializados.

O artista barcelonés Juan Magan estará esta tarde no Multiusos Fontes do Sar, acompañado no escenario polo Dj Rivero. O show comezará a partir das 20 h, aínda que a actuación de Juan Magan está prevista para as 23:30 h.

Juan Magan ten traballado como produtor, remixer, DJ, compositor e cantante. O seu último hit foi o tema “Bailando por ahí”, un dos maiores éxitos do verán 2011, que ocupou os postos máis altos da lista das cancións máis vendidas en España e foi Disco de Ouro e nº1 nos 40 Principales e na lista Spotify España, con máis de tres millóns de visitas ao seu vídeo en YouTube. Nos últimos tres anos Juan Magan tivo máis de 30 millóns de plays en YouTube, ten máis de 30.000 fans en Facebook, de 18.000 en Twitter e de 700.000 visitas en MySpace.

Juan Magan ten colaborado con Shakira, Juanes, Nelly Furtado, Enrique Iglesias, Paulina Rubio, Diego Torres, Alejandro Fernández, Luis Fonsi, Carlos Baute, Soraya, Don Omar ou Pitbull. O seu espectáculo foi visto en escenarios de todo o mundo, dende Ibiza a Beirut pasando por Madrid, México DF, París, Tirana, Milán, Barcelona, Dubai, Londres, Bucarest, Lisboa, San Francisco, Munich, Rabat, Ginebra, Marsella, Lima, París, Quito, Miami, Saint Tropez ou El Salvador.

Os asturianos Fasenuova ofrecen a súa música electrónica nun concerto que terá lugar esta noite na Zona “C”. Presentan ‘A la quinta hoguera’, que pretende ser unha alegoría, á vez divertida e profunda, dos misterios da vida: o amor, a morte, a linguaxe. A música é tratada como elemento alquímico capaz de conectar ao ser humano co descoñecido.

Como xa vén sendo habitual, o Ultramarinos colabora co Festival Internacional de Curtametraxes Curtocircuíto, un festival que este ano celebra a súa IX edición. A festa de clausura celebrarase no Ultramarinos cunha sesión musical a cargo de Iván DZ.

Máis info: www.curtocircuito.org

'Indie & Tronic djs' traerá todos os xoves, venres e sábados a partir das 23.00 horas, o mellor do panorama dj galego á sala compostelá Kunsthalle. Dj Nano Vinilo, Dj Xaby, Abelvisión, Manu Tf, Nonmechamescarlos Dj., Dj Gafapasta, Dj Curtis, Carlos Montilla, Nano Vinilo, Javi Amosa, Hangtheguille ou Dj Schulz compoñen o espazo sonoro deste inicio de verán na sala.

PROGRAMA

- Xoves 7. Nano Vinilo (Ogrobe-Kunsthalle)
- Venres 8. Dj Xaby (Minimoog-Caldas)
- Sábado 9 / Revival Night. Abelvisión (Compostela), Funk&Grooves
- Xoves 14. Manu Tf (Twist&Shout-Ogrobe)
- Venres 15. Nonmechamescarlos Dj. (Ogrobe-Kunsthalle)
- Sábado 16. Dj Gapapasta (Boiro)
- Xoves 21. Dj Curtis (Loft-Vilagarcía).
- Venres 22. Carlos Montilla (Kunsthalle), Nano Vinilo (Ogrobe-Kunsthalle)
- Sábado 23. Javi Amosa (Compostela)
- Xoves 28. Nano Vinilo (Ogrobe-Kunsthalle)
- Venres 29. Hangtheguille (14!-A Coruña)
- Sábado 30. Dj Schulz (Milk Pub-A Coruña)

A Zona C acolle esta noite unha velada musical amenizada polo trío compostelán Dr. Gringo e unha sesión DJ a cargo de Nano Vinilo e Javi Amosa.

Un ano máis a Mostra de creación emerxente Feito A Man chega a Compostela e terá lugar entre o 6 e o 25 de agosto en espazos singulares da cidade. Feito A Man promóvese como unha iniciativa asociada á intensa actividade desenvolvida pola Asociación Cultural Cidade Vella, integrada por establecementos emblemáticos do casco histórico compostelán. A Asociación e os establecementos que lle dan vida, crean o festival no ano 2003 como un espazo natural de encontro, interdependencia, reflexión, formación e intercambio entre músicos, espectadores, artistas, creadores e a propia cidade, que cobra vida en comunidade, en diferentes espazos e con diferentes miradas, amables e fusionadas. Nas nove edicións anteriores, cerca de 30.000 espectadores participaron da completa programación que o festival deseña desde os seus inicios. Neste tempo, Feito A Man consolidouse como un festival de referencia e cita ineludible para os amantes da cultura libre, comprometida, urbana e de calidade.
Co convencemento de que a implicación social é a vía máis idónea para a dinamización activa da cidade, a décima edición de Feito A Man ve a luz grazas á organización e soporte dos establecementos: Momo... A Rúa, Mercromina, Fraggle Rock, Ultramarinos, Casa Das Crechas, Borriquita De Belém, Modus Vivendi, Embora, Babel, A Reixa, Atlántico, Metate e Literarios.

Work on Sunday volve á carga coa segunda edición do seu TriCiclo. Seguindo a fórmula que triunfou hai poucos meses na sala Capitol, a produtora volve a amalgamar a tres bandas de procedencia galega, nacional e internacional respectivamente para ofrecer un concerto único e inimitable.

Esta vez serán os londinienses The Oscillation os encargados de pór a nota internacional ao evento. A banda de Demian Castellanos está a triunfar no underground internacional e visita por primeira vez Galicia para mostrar a súa exitosa fórmula que combina o drone, a psicodelia e o krautrock.

Con ascendencia balcánica e procedencia de Castellón, Sutja Gutiérrez é o artista nacional seleccionado para o noso segundo TriCiclo. Aínda de incriblemente escasa transcendencia no noso país, tocou, editou e foi apuntado xa en medios de todo o mundo. A súa electrónica rock dacabalo entre o hit e a estrañeza ten visos de arrasar no futuro próximo e ninguén debería perdelo.

Para marcar a casa de banda galega, a formación elixida será Lendrone, unha das grandes promesas da canteira galaica con moito que dicir no futuro da música independente. Recentemente fichados e a piques de sacar o seu disco do trinque en Matapadre, presentarán os seus temas ante un público que cada vez quere saber máis deles.

The Oscillation (DC Recording, Londres, UK): Drone / Krautrock / Psicodelia

Sutja Gutiérrez (Bleeding Gold Records, Castellón): Electrónica Rock

Lendrone (Matapadre, A Coruña): Rock Experimental / Drone