O ciclo 'Diarios Sonoros', organizado pola Cidade da Cultura, despídese hoxe da man do etnomusicólogo corso Michel Giacometti e os seus rexistros da música popular portuguesa.

“Filmografía dun pobo” constará da proxección de dous documentais que recollen as gravacións que Giacometti realizou do patrimonio inmaterial luso na década dos sesenta e unha introdución á súa obra a cargo de José Moças, programador e director da editorial independente lusa Tradisom; e Paulo Lima, o máximo investigador en Portugal do traballo feito polo realizador corso.

Como broche final, Pedro Mestre ofrecerá un concerto de viola campanisa do Alentejo, instrumento que gravou Giacometti nos anos 60.

Descobre as semellanzas culturais entre Galicia e Portugal da man de Giacometti este sábado na Cidade da Cultura.

A intérprete e compositora Ana Alcaide presenta o seu terceiro disco, 'La Cantiga del fuego', nun concerto que se celebrará esta noite na Sede SGAE de Santiago.

A formación musical coa que a artista presenta o seu novo disco está composta por:

- Ana Alcaide: Voz, Nyckelharpa, Violin
- Rafa del Teso: Mandola, Guitarra
- Bill Cooley: Santur, Psalterio, Oud, Percusións
- Lorenzo Ruggiero: Baixo, Nyckelharpa
- Jaime Muñoz: Clarinete, Frautas

Ana Alcaide é unha intérprete e compositora que desenvolve unha actividade investigadora en torno a antigas tradicións e culturas. Mentres estudaba Bioloxía, viaxou a Suecia e alí coñeceu a Viola de Teclas, un instrumento medieval minoritario que en sueco se chama 'Nyckelharpa'. Ana namorouse del e aprendeuno a tocar de forma autodidacta nas rúas de Toledo, fóra e lonxe da súa tradición orixinal. Como froito da súa busca de novas linguaxes co instrumento, publicou "Viola de Teclas" no 2006, traballo co que comeza a súa carreira musical.

A súa música é unha creación nova inspirada na antiga tradición sefardí. Sintetiza estilos musicais de diferentes culturas. Dende o marco de inspiración que lle brinda a cidade de Toledo, Ana escribe e produce as súas cancións, engade composicións e adapta o seu instrumento a melodías ancestrais que viaxaron polo Mediterráneo e que tiveron a súa orixe na España medieval.
Tras o éxito de "Como la Luna y el Sol" (2007/2008), por fin presenta o seu terceiro disco, "La Cantiga del Fuego", iniciando unha extensa xira de concertos durante o inverno de 2012.

O disco defínese pola gran variedade de tímbricas, instrumentos e estilos que converxen na linguaxe común que Ana propón: unha síntese de estilos que busca os nexos comúns entre diversas culturas musicais.
O traballo foi producido pola propia Ana e gravado durante os meses de novembro e decembro xunto a Jose Manuel Castro, técnico e asistente na produción. Está en proceso de finalización e será publicado proximamente. O adianto destes tres temas pódese escoitar aquí: MUSICA ONLINE

A canción 'El pozo amargo', está inspirada na lenda toledana co mesmo nome que conta a dramática historia dunha moza xudía namorada dun cristián. A letra do tema foi escrita por B. Moreno-Cervera, amiga da infancia de Ana á que pediu colaborar para este traballo. Tamén inclúe o tema 'Baila donde el mar' é outra nova composición cuxa letra foi adaptada do pouco coñecido romance xudeo-español 'El culebro raptor', conservado en Tánxer. Finalmente o tema 'El agua del río' foi escrito para o 'Jardín de la Memoria', dentro do proxecto Toledo Judío, e que agora se mostra de forma permanente no Museo Sefardí de Toledo.

MUSICOS INVITADOS:
Renzo Ruggiero (Italia): Baixo, Santur. Sergey Saprichev (Rusia): Percusións. Bill Cooley (USA): Psalterio, Santur, Oud, Laud Medieval. Ido Segal (Israel): Hansa Vea. Dimitri Psonis (Grecia): Lyra grega, Santur. Reza Shayesteh (Irán): Voz. Jaime Muñoz: Frautas de madeira, kaval, ney, Gaida, Acordeón. Josete Ordoñez: Guitarras, Mandola. Rafa del Teso: Guitarra, Bouzouki, Mandola. Diego López: Percusións

O segundo concerto do ciclo musical 'Sons 2012' está protagonizado por The Idan Raichel Project. Será o único concerto en España desta fascinante formación de artistas capitaneada por Idan Raichel, israelí que cambia por completo a imaxe da música popular do seu país ofrecendo unha mensaxe de amor, paz e tolerancia.

Idan Raichel, o arquitecto deste proxecto único, é un tecladista, produtor e compositor de 34 anos procedente de Kfar Saba, Israel. Idan naceu en 1977 nunha familia de raíces do este de Europa, e aínda que a música foi un elemento importante na súa vida, os seus pais nunca lle deron demasiada importancia á interpretación da música da súa propia orixe cultural.

Comezou a tocar o acordeón á idade de 9 anos, e con tan poucos anos xa lle interesaban os sons exóticos da música xitana e o tango. De adolescente, Idan comezou a tocar o teclado, e estudou jazz na escola secundaria, o que agudizou a súa habilidade na improvisación e no traballo con outros músicos. En Israel, o servizo militar é obrigatorio e aos 18 Idan foi reclutado pola armada israelí. Pero en lugar de ocupar as primeiras liñas desta fráxil rexión, Idan uniuse á banda de rock da armada e percorreu as bases militares interpretando covers de éxitos pop israelíes e europeos. Como director musical do grupo, volveuse un experto en arranxar e producir concertos en vivo, convertendo así o seu paso pola milicia nunha experiencia produtiva e positiva.

Despois de cumprir co servizo militar, Idan comezou a traballar como conselleiro nunha escola de pupilos para inmigrantes e mozos problemáticos. Curiosamente, á escola asistían moitos mozos de Etiopía pertencentes á crecente comunidade de xudeus etíopes. Foi alí onde Idan se familiarizou coa música folk e pop etíope. Idan comezou a explorar a música e a cultura etíope. Empezou a frecuentar bares e clubs etíopes e máis tarde a asistir ás sinagogas etíopes, ás vodas e ás cerimonias; o seu vínculo coa comunidade reforzouse.
 
Para entón, Idan xa era un prestixioso músico de acompañamento e de sesión dalgúns dos artistas máis populares de Israel. Entón decidiu que xa era hora de encarar un proxecto que reflectise os seus ideais musicais, e comezou a gravar unha demo nun pequeno estudo que armou no soto da casa dos seus pais. Idan convidou a máis de 70 dos seus amigos e colegas da rica escena musical de Israel a participar das gravacións. Xamais imaxinou que os seus experimentos musicais o converterían nun dos maiores fenómenos musicais de Israel nos últimos anos.
 
Aínda que a maioría dos selos israelís consideraron o seu traballo como demasiado étnico e afastado das normas da escena convencional pop israelí, o encargado de A&R de Helicon Records, Gadi Gidor, inmediatamente recoñeceu o potencial da súa arte e enseguida o sumou ao seu selo. O álbum seguinte foi un éxito inmediato. O encantador refrán etíope do seu primeiro corte, “Bo’ee” (Ven comigo), soaba completamente diferente ao que os israelís estaban afeitos a escoitar; con todo, grazas á letra exquisitamente poética de Idan que fala do amor e a devoción e as sofisticadas técnicas de produción, o single foi un éxito impresionante. O álbum terminou vendendo máis de 150.000 copias (triplo platino) e converteu a Idan nun novo tipo de estrela pop israelí.
 
O interese no seu álbum comezou a medrar a medida que se incrementaba a demanda polos seus concertos en vivo, que incluíu unha proposta da prestixiosa Opera House de Tel Aviv. Dado o número de músicos que participaron no álbum, foi imposible incluílos a todos en escena. Ademais de si mesmo, Idan elixiu a sete membros que eran tan versátiles como grandes artistas por dereito propio.
 
Tanto no álbum como en escena, The Idan Raichel Project presentou a unha fascinante formación de artistas que inclúen a Cabra Casay, Mira Anwar Awad e Sergio Braams. A vocalista Cabra Casay é de descendencia etíope e naceu nun campo de refuxiados de Sudán durante a viaxe dos seus pais a Israel. A artista coñeceu a Idan cando ambos realizaban o servizo militar.
 
Coñecido en todo o mundo, sobre todo no circuíto de comunidades xudías, etíopes e israelís, o Idan Raichel Project adoita esgotar as entradas para os seus concertos realizados en grandes salas. En novembro de 2005, o Idan Raichel Project presentouse no destacado Kodak Theater dos Anxeles, sala onde se realiza a entrega dos premios Óscar. O Project tamén ofreceu dous aclamados concertos no afamado Apollo Theater no Harlem de Manhattan.
 
En xaneiro de 2006, The Idan Raichel Project viaxou a Etiopía, a terra que inspirou gran parte da súa música. A viaxe marcou o momento en que dous vocalistas da banda lograron retornar á súa terra natal ademais de ser a primeira vez en que un artista israelí tocaba en Etiopía.
 
En novembro de 2006, o traballo de The Idan Raichel Project foi lanzado por primeira vez fóra de Israel a través do novo selo Cumbancha.
                   
BANDA
Idan Raichel – Piano\voz
Cabra Casay- Voz
Amit Carmeli - Voz
Ravid Kahalani - Voz
Eyal sela- Ventos
Gilad Shmueli- Percusión
Yankale Segal- baixo eléctrico e Laúde

O mítico grupo eslavo-galaico volve despois dun silencio de 5 anos. Vloando Libre, ou a busca da liberdade na arte, ofrece un programa de concerto titulado 'O Camaleón Musical', de carácter didáctico.

Vadim Yukhnevich (acordeón), Alfredo Gómez Sieiro (clarinete), Andrey Volodin (guitarra) e Pablo Pérez Fernández (contrabaixo) seguen dispostos a facernos vibrar coas súas maxistrais interpretacións cheas de lume e liberdade.

A banda galaico-arxentina Phantom Club, que presenta actualmente o seu DVD en vivo "Muchas noches, buenas gracias", e Mighty Calacas, o novo proxecto de raíz chicana do armonicista Marcos Coll, compoñente de Los Reyes del K.O., inauguran esta noite na sala Capitol a primeira edición do festival 'Mundosons Compostela'.

'Mundosons Compostela' é un evento de vocación anual que na súa primeira edición dedica o seu cartel ás músicas de raíz afroamericana, con propostas de cuño mexicano, arxentino, galego e madrileño.

Os composteláns Bakin Blues Band abren o segundo dos concertos programados polo I festival 'Mundosons Compostela. O cartel complétase coa actuación dos madrileños Mama Funko, que despregarán un ambicioso homenaxe a James Brown que tratará de reanimar o mito interpretando con precisión relixiosa mantras do funk universal como "Papa's gotta brand new bag", "Funky good times" ou "Cold sweat".

'Mundosons Compostela' é un evento de vocación anual que na súa primeira edición dedica o seu cartel ás músicas de raíz afroamericana, con propostas de cuño mexicano, arxentino, galego e madrileño.

Galician Connection ao Vivo reúne por primeira vez sobre un escenario a sete dos mellores mestres da World Music: o recoñecido músico cubano Paquito D'Rivera, o arxentino Emilio Solla, o indio Sandeep Das, o chinés Wu Tong, o valenciano Josep Vicent e os galegos Guadi Galego e Anxo Pintos, baixo a dirección artística de Cristina Pato.

A actuación, que estreará o Museo de Galicia como escenario para concertos, interpretarán un repertorio único orquestrado ao longo de tres xornadas de convivencia na Cidade da Cultura formado por pezas de cada unha das tradicións culturais que representan. Un concerto único e exclusivo que todo amante da World Music non debe perderse.

Durante o mes de abril, o Centro Galego de Arte Contemporánea acolle unha serie de concertos a cargo de alumnos de diversas escolas musicais galegas e europeas. Na segunda cita, varios alumnos de diferentes centros galegos ofrecen un recital de piano, comentado polo pianista e compositor cubano Andrés Alén, no que se interpretarán obras dos principais compositores cubanos dos séculos XIX e XX como Lecuona, Cervantes, Saumell ou Botet, entre outros.

A asistencia a este concerto é de balde.

O lisboeta Gonçalo Guerreiro presenta un concerto de fados da súa cidade natal acompañados á guitarra eléctrica e pedal de loops. Os fados gardan o seu encanto orixinal gañando unha dimensión contemporánea e orixinal.

Esta tarde a Sala Lucernario da Fundación Eugenio Granell será o escenario no que Carlos Arias ofreza un concerto coa técnica milenaria das cuncas tibetanas.
 
As cuncas tibetanas son un tipo de campá utilizado arredor do mundo para a música, a relaxación e o benestar persoal. Tratase dunha actividade diferente, dirixida ós máis pequenos, que poderán participar e coñecer máis sobre este instrumento.
 
Esta proposta corre a cargo de Carlos Arias, escritor e investigador. Ten colaborado con diferentes medios de comunicación, entre eles El Correo Gallego. Como escritor, destacan a súa novela Libro das capitulacións de Xulio Corveira Andrade e a biografía de Eugenio Granell.

Orquesta Voland estarán esta noite no Teatro Principal presentando ‘Oito pezas europeas’. O proxecto está concibido como un cruzamento artístico entre música e literatura. A parte musical, orixinal de Roberto Somoza, comprende unha viaxe a través de varios países europeos tendo como punto de partida as súas raíces folclóricas e a obra literaria que acompaña á gravación, de Quinito López Mourelle tamén é, en orixe, unha amálgama entre a novela e o conto.

O proxecto Orquestra Voland* está concibido como un cruzamento artístico entre música e literatura, cristalizado nun formato de libro-disco. Aínda que ambos os universos se deron a man desde as súas primeiras manifestacións (as óperas ou os poemas sinfónicos son dous claros exemplos), o encontro que aquí propoñemos difire bastante do uso máis estendido desa relación e pretende atraer, ademais, non só ao público potencial dese tipo de obras híbridas senón tamén ao que busca o goce de literatura e música por separado. Nese sentido, a parte creativa do proxecto está encabezada por dous artistas que teñen o seu propio público (un como músico e o outro como novelista) e que, por tanto, poden sumar no canto de dividir á hora de difundir a obra e chegar ao gran público.

A Música
A parte musical de Orquestra Voland comprende unha viaxe a través de varios países europeos (Bulgaria, Rumania, Moldavia, Ucraína, Polonia, Alemaña, Francia e España) tendo como punto de partida as súas raíces folclóricas. As melodías e os ritmos elixidos para as composicións implican un alto grao de destreza interpretativa e, con todo, garanten unha fácil comprensión e goce por parte do público. Ao poderoso atractivo da música únese a vistosidade dunha formación variada e pouco usual: unha sección de catro clarinetes, un saxo tenor, un acordeón, un violín, un contrabaixo, unha guitarra e percusión. Outro valor engadido desta proposta musical é a súa localización fronteiriza entre o folk e o jazz, resultando finalmente outro motivo importante á hora de sumar públicos e de estar presente, como espectáculo, en festivais de moi diferente condición.

A novela
A obra literaria que acompaña á gravación tamén é, en orixe, unha amálgama entre a novela e o conto. De feito, podería definirse como unha novela curta na que se intercalaron oito contos. A historia narra as peripecias dun grupo de músicos e as relacións que se dan entre eles durante unha xira en microbús. Cada conto ten como escenario algún do oito países que o grupo visita, aínda que non pretenden ser unha guía ilustrada de viaxe senón tan só o pretexto para a narración dunha novela moderna que non perde o seu sentido se prescindimos da música que a acompaña. Os protagonistas deses contos son membros da Orquestra Voland e personaxes que aparecen ao longo da viaxe, utilizando para iso diferentes puntos de vista que ramifican o tronco da narración central. Os contos correspóndense coas oito composicións musicais e achégannos ao espírito deses países fuxindo dos tópicos dos libros de viaxes e incidindo, en cambio, nunha visión máis introspectiva e persoal.

* O nome Voland é unha homenaxe ao personaxe homónimo da novela O mestre e Margarita do soado escritor ucraíno Mijaíl Bulgákov.

MÚSICA ORIXINAL DE: ROBERTO SOMOZA
NOVELA: QUINITO LÓPEZ MOURELLE
COORDINACIÓN: XOCAS MEIJIDE

ROBERTO SOMOZA, SAXO TENOR
ALFONSO MORÁN, CONTRABAIXO
NIKOLAY STOYANOV VELIKOV, VIOLÍN
GALINA BOTNAR, ACORDEÓN
XOCAS MEIJIDE, CLARINETE
RAFAEL ESPIDO, CLARINETE
JESÚS E. SÁNCHEZ MONTERO, CLARINETE
JUAN PÉREZ, CLARINETE
PEDRO VARELA, GUITARRA
MIGUEL CABANA, PERCUSIÓN

A artista islandesa Björk, unha das máximas referencias da música contemporánea dos últimos 20 anos, actuará na Cidade da Cultura dentro da xira de presentación do seu novo disco 'Biophilia', que a levará polas principais cidades do mundo.

Cunha traxectoria impecable, poucos artistas poden presumir dunha carreira tan brillante como transgresora. Falar de Björk é falar de talento, dunha artista cun afán creativo desbordante. A súa persoal voz, o seu carisma e unha personalidade asoballante levárona a vender máis de 15 millóns de discos e a atesourar unha inmensa lexión de fans en todo o mundo. Igual que para definir sensacións extremas, os adxectivos remátanse para acoutar o perfil da islandesa máis universal, auténtica musa da música contemporánea. Ela foi a precursora en demostrar que do xeo podían emanar emocións.

Björk Guðmundsdóttir (Reykjavik, Islandia 1966) pertence a esa rara avis de artistas que supuxeron un punto de referencia para compositores dos máis variados estilos. Durante toda a súa traxectoria, cada paso seu revolucionou o mapa sonoro do momento.

A diva islandesa é unha artista absolutamente única, audaz e necesaria. Un dos nomes clave para entender a evolución do pop e a música electrónica. Co seu novo traballo, "Biophilia", a islandesa máis universal volve dar renda solta á emotividade que despregou nas súas mellores obras e renova todas as formas de crear e consumir música.

Durante 2012 percorrerá o mundo nunha ambiciosa xira que supoñerá toda unha experiencia sensorial e que a levará polos escenarios máis importantes do planeta.

A música conéctanos coas emocións, alívianos, prodúcenos pracer, sérvenos como alento, alimenta a nosa capacidade de imaxinación e é unha linguaxe universal que transcende fronteiras.

Na Cidade de la Cultura animamos a emocionarnos, a gozar e a imaxinar xuntos, achegando a música á sociedade como linguaxe de entendemento universal, internándonos nun crisol de harmonías, melodías e ritmos onde se funden a música clásica, o jazz, o blues, o folk, o pop, o rock, a vangarda, a experimentación...

A música únenos na Cidade da Cultura.

O festival Via Stellae propón para esta tarde unha sesión de World Music co debut en Galicia de Iva Bittová, a exitosa violinista e cantante checa, que leva vintecinco anos dedicada ao que ela mesma define como a seu “folclore persoal”.

Obras propias de Bittová comparten programa coas súas particulares lecturas de Mozart, Purcell, Rodgers e mesmo os Beatles neste seu primeiro concerto en Galicia, na Igrexa da Universidade, froito da colaboración co Centro Checo de Madrid.

Un proxecto que afonda nas raíces populares da música culta é o programa que transita entre Brasil e Galicia, entre as cancións de Villa-Lobos e Chané ou Montes, coa cantante galega Uxía á cabeza dun conxunto de músicos galegos, portugueses e brasileiros.

'Melodía sentimental de Galicia a Brasil, de Chané a Vila-Lobos'

UXÍA  canto
SÉRGIO TANNUS  guitarra, cavaquinho, viola caipira e percusión
JED BARAHAL  violoncello
CHRISTINA MARGOTTO  piano

PROGRAMA

Heitor Villa-Lobos  (1887-1959)
Melodía Sentimental
Modinha (Seresta núm. 5)
Francisco Mignone (1897-1986)
Modinha para cello e piano
Heitor Villa-Lobos
Coral (Canto do Sertão) da Bachianas núm. 40
Aria (Cantiga do Caicó) da Bachianas núm. 4
Canção de Amor
O Trenzinho do Caipira
Melodías Galegas
Negra Sombra (Rosalía de Castro / Xoan Montes)
Lonxe da Terriña (Aureliano J. Pereira / Xoan Montes)
Os Teus Ollos (Curros Enríquez / José Castro ’Chané’)
Unha Noite na Eira do Trigo (Curros Enríquez / José Castro ’Chané’)
Xente da Festa (Trad.)
Alalá da Mariñas (Trad./adaptación Uxía / Tannus)
Volvendo a Brasil, das cirandas e brinquedos de roda:
A Condessa
Nesta Rua tem um Bosque
Teresinha de Jesus
História da Caipirinha (instrumental)
Zangou-se o Cravo com a Rosa
A Maré Encheu

A música popular exerceu unha especial atracción sobre Heitor Villa-Lobos que, desde os 11 anos, frecuentaba a casa dun dos amigos do seu pai onde adoitaban reunirse con músicos populares. As famosas rodas de choro (música instrumental,  virtuosa, que apareceu en Río de Xaneiro nas últimas décadas do século XIX, como ocupación da xente da pequena clase media que tocaba a cambio de bebida ou comida, animando festas), onde a improvisación era a alma da reunión, foron unha das grandes iniciacións e fonte de inspiración de Villa-Lobos.

A paixón por este tipo de música levouno a progresar na guitarra, clarinete e saxo, facendo tamén do piano, o violoncello e a voz os seus instrumentos de predilección. A gran forza de Vila-Lobos foi a querer explotar e enaltecer os inmensos recursos musicais do seu país. Realizou recollidas de material folclórico en diversos estados brasileiros e converteuse non símbolo máis aclamado do nacionalismo musical de Brasil. Acabou por mostrar todo o Brasil na súa obra, tanto o Brasil colosal e informe da planicie amazónica, como o Brasil dos cantos folclóricos e das melodías seresteiras do suburbio carioca.

Tamén en Galicia naceu un movemento paralelo que cristalizou nunha espléndida xeración de músicos galegos (Chané, Xoan Montes, entre outros) que souberon traducir en música a alma galega. Melodías sentimentais que fan vibrar a calquera que sinta a súa terra e que se fixeron inmensamente populares pola súa sinxeleza e beleza, e ademais espallaron ou sentimento galeguista por todo o mundo.

Foi dentro deste espírito que, Uxía, Sérgio Tannus, Christina Margotto e Jed Barahal desenvolveron este proxecto onde, cada un na súa vertente artística, unidos pola amizade e a paixón pola música, escolleron un material que retrata a vida e a obra dos seus países para homenaxear a estes creadores que por unha intuición adiviñatoria, uniron a tradición popular e a sensibilidade culta. Cantar, onte e hoxe, continúa a ser unha das formas máis belas de afirmar ben alto os máis nobres valores da dignidade humana, unha forma extrema de celebrar a vida, de celebrar o amor. Como dicía Heitor Villa-Lobos: “Um povo que sabe cantar está a um passo da felicidade; é preciso ensinar o mundo inteiro a cantar”

Christina Margotto, piano. De nacionalidade brasileira, iniciou os seus estudos musicais aos oito anos e concluíu o bacharelato en piano na Facultade de Artes Santa Marcelina e en Oporto a licenciatura en piano de acompañamento na Escola Superior de Música e Artes do Espectáculo. Obtivo varios primeiros premios en concursos no Brasil: Concurso Nacional Villa-Lobos, Concurso Mozos Solistas da Orquestra Sinfónica do Estado de São Paulo, I e II Concurso Estadual de Piano do Espírito Santo, Concurso da Universidade Federal da Bahia, entre outros. Ten actuado como concertista en Brasil, Portugal, Francia, España, Inglaterra e Estados Unidos. Recentemente gravou un cd para dous pianos e piano a catro mans con obras do compositor Fernando Correia de Oliveira, xunto ao pianista Jairo Grossi.

Jed Barahal, violoncello. Concertista con máis de 25 anos de carreira, é mestre en música pola Yale University e licenciado pola Juilliard School de Nova York. Frecuentou clases maxistrais con Pierre Fournier, Paul Tortelier e Janos Starker. Nas súas actuacións en Portugal, Estados Unidos, Brasil e outros países, rexístranse ducias de concertos como solista con orquestra, recitais con piano, e de música de cámara nas máis variadas formacións. Posúe un extenso repertorio que abrangue todos os estilos. Foi violoncello da Orquestra Sinfónica do Estado de São Paulo, Orquestra do Capitólio de Toulouse, e da Régie Sinfonia do Porto, entre outras. Natural de California e residente en Portugal, é profesor adxunto da Escola Superior de Música e Artes do Espectáculo do Instituto Politécnico do Porto desde 1993, e membro do Taller Musical do Porto desde 1996.

Sérgio Tannus, guitarra, cavaquinho, viola caipira e percusión. É un dos máis completos artistas da colleita brasileira. Virtuoso en instrumentos variados de corda como guitarra, baixo, cavaquinho, mandolina e percusións, comezou a tocar cando tiña oito anos. Autodidacta, perfeccionouse procurando novas sonoridades, sen deixar de lado a súa brasilidade. Nacido en Niterói vive en Santiago de Compostela, onde vén divulgando ou seu traballo en varios países de Europa. No espectáculo Múltiples Camiños, alén de cantar e tocar composicións propias, presenta o traballo dunha nova xeración de compositores, podéndose destacar Fred Martins, Marcelo Diniz e Lenine.

Uxía, canto. Este ano celebra 25 anos de carreira artística. Integrante do grupo Na Lúa ata 1991 cando emprendeu un camiño en solitario e publicou, nese mesmo ano, Entre cidades. Catro anos despois, Estou vivindo no ceo; e en 2007 O sal da vida. Con Eterno Navegar, percorre camiños de sonoridades atlánticas e ritmos e co recente Meu Canto conta co talento e a complicidade do virtuoso instrumentista Sérgio Tannus e de Lenine. Ten participado en numerosas experiencias musicais con artistas da talla de Perico Paris, Jessie Norman, Dulce Pontes, Noa, João Afonso ou Chico César. É tamén salientable ou seu labor como produtora musical. Directora artística do Festival Internacional da Lusofonía Cantos na Maré, punto de encontro das mellores voces de Portugal, Brasil, Cabo Verde, Guinea Bissau, etc.

A Igrexa da Universidade será o escenario esta noite dunha nova cita musical no festival Via Stellae. Música antiga e world-music chegadas desde Creta da man de Ross Daly e o seu 'Labyrinth'.

'Labyrinth, a conexión cretense'

ROSS DALY QUARTET

Ross Daly  lira de Creta, tarhu
Kelly Thoma  lira de Creta
Efrén López  ud, zanfona, lauto de Creta
Miriam Encinas  bendir, frautas

PROGRAMA

Earpigon (Ross Daly)
Ask-Efza Saz Semaisi (Ross Daly)
Küdilihicazkar Yürük Semai (Ross Daly)
Beyati Shiraz (Ross Daly)
Makrinitsa (Ross Daly)
Synkathistos Neveser (Ross Daly)
Khammaj Syrto (Ross Daly)
Istampitta Belicha / Houdetsianes Kontylies / Pentozalis (anónimo italiano, s. XIV / Ross Daly / tradicional cretense)
Hicaz (Ross Daly)
Acemkürdi Yürük Semai (Ross Daly)

Moitos anos antes da aparición do termo World Music, algunhas persoas xa comprenderan o enorme valor e gran variedade das diferentes tradicións musicais do mundo e dedicaran a súa vida ao seu estudo. Unha desas persoas foi Ross Daly. Aínda que de ascendencia irlandesa, Ross non encaixa en ningún estereotipo étnico en particular tendo en conta que a súa vida foi pasar por moitas partes do mundo e o seu fogar durante os últimos 35 anos é a illa de Creta, onde se recoñece universalmente como un dos máis destacados expertos na rica tradición musical da illa. Ross Daly dedicouse ao estudo das grandes tradicións modais do Medio Oriente, Asia Central e o subcontinente indio. Nestas tradicións descubriu que a música non era simplemente un vehículo de expresión propia, senón que era capaz de levarnos máis alá do que normalmente se percibe como os límites dun mesmo ata outros reinos transpersoais de experiencia.

Este descubrimento cambiou todo na vida de Ross Daly e posteriormente renunciou a todas as demais actividades e dedicou a súa vida ao estudo dos segredos máis íntimos destas tradicións musicais, así como á arte da composición. Publicáronse máis de trinta e cinco álbums das súas propias composicións, así como dos seus propios arranxos de melodías tradicionais. Tamén é especialmente coñecido e apreciado pola súa capacidade de unir artistas de diferentes tradicións e sen relación aparente en colaboracións de gran calidade e profundidade. En 1982 fundou o Labyrinth Musical Workshop que actualmente se encontra en Houdetsi, preto de Heraklion, onde se exhibe a colección de 250 instrumentos de todo o mundo recollida por Ross e onde cada ano centos de estudantes de todo o mundo chegan co fin de estudar con algúns dos máis renomeados mestres da música modal de todo o mundo.

Dende Valparaíso de Chile chega a cantante acordeonista e compositora Pascuala Ilabaca xunto á súa banda Fauna, nova promesa da música chilena e latinoamericana.

Despois de homenaxear a Violeta Parra no seu primeiro disco, viaxou á India para estudar canto e explorar novos territorios musicais, dado ao seu potencial e co apoio do selo "Petit Indie" realiza unha serie de concertos por diferentes países do mundo.
Logo de mostrar o seu traballo en diferentes festivais e escenarios de Europa, regresa a Galicia para presentar o seu último disco "Buscando Paraíso"

Pascuala Ilabaca participará no festival "Feito A Man" de Santiago coa colaboración de Fernando Figueroa Pereira como músico convidado.

Un ano máis a Mostra de creación emerxente Feito A Man chega a Compostela e terá lugar entre o 6 e o 25 de agosto en espazos singulares da cidade. Feito A Man promóvese como unha iniciativa asociada á intensa actividade desenvolvida pola Asociación Cultural Cidade Vella, integrada por establecementos emblemáticos do casco histórico compostelán. A Asociación e os establecementos que lle dan vida, crean o festival no ano 2003 como un espazo natural de encontro, interdependencia, reflexión, formación e intercambio entre músicos, espectadores, artistas, creadores e a propia cidade, que cobra vida en comunidade, en diferentes espazos e con diferentes miradas, amables e fusionadas. Nas nove edicións anteriores, cerca de 30.000 espectadores participaron da completa programación que o festival deseña desde os seus inicios. Neste tempo, Feito A Man consolidouse como un festival de referencia e cita ineludible para os amantes da cultura libre, comprometida, urbana e de calidade.
Co convencemento de que a implicación social é a vía máis idónea para a dinamización activa da cidade, a décima edición de Feito A Man ve a luz grazas á organización e soporte dos establecementos:
Momo...A Rúa, Mercromina, Fraggle Rock, Ultramarinos, Casa Das Crechas, Borriquita De Belém, Modus Vivendi, Embora, Babel, A Reixa, Atlántico, Metate e Literarios.

'Noites en Cervantes. Sons da Cidade Vella' contará coa actuación de Fran Pérez Narf e Pascuala Ilabaca.

FRAN PÉREZ. NARF
De novo Fran Pérez NARF parte rumbo ás costas do océano Indico na procura de aventuras musicais. Destino Mozambique tocando e compoñendo novas cancións na compañía de artistas mozambicanos. Será por tanto un concerto especial de despedida e de bos auspicios que compartirá co percusionista Paulo Silva como convidado.

PASCUALA ILABACA- COMPOSITORA, CANTANTE E ACORDEONISTA CHILENA, ACOMPAÑADA DA SÚA BANDA FAUNA E FERNANDO FIGUEROA COMO CONVIDADO.
Nova promesa de música chilena e latinoamericana Desde Valparaiso de Chie chega a cantante acordeonista e compositora Pascuala Ilabaca xunto á súa banda Fauna. Presentan o seu ultimo disco “Buscando Paraiso” con Fernando Figueroa como convidado.

Un ano máis a Mostra de creación emerxente Feito A Man chega a Compostela e terá lugar entre o 6 e o 25 de agosto en espazos singulares da cidade. Feito A Man promóvese como unha iniciativa asociada á intensa actividade desenvolvida pola Asociación Cultural Cidade Vella, integrada por establecementos emblemáticos do casco histórico compostelán. A Asociación e os establecementos que lle dan vida, crean o festival no ano 2003 como un espazo natural de encontro, interdependencia, reflexión, formación e intercambio entre músicos, espectadores, artistas, creadores e a propia cidade, que cobra vida en comunidade, en diferentes espazos e con diferentes miradas, amables e fusionadas. Nas nove edicións anteriores, cerca de 30.000 espectadores participaron da completa programación que o festival deseña desde os seus inicios. Neste tempo, Feito A Man consolidouse como un festival de referencia e cita ineludible para os amantes da cultura libre, comprometida, urbana e de calidade.
Co convencemento de que a implicación social é a vía máis idónea para a dinamización activa da cidade, a décima edición de Feito A Man ve a luz grazas á organización e soporte dos establecementos: Momo... A Rúa, Mercromina, Fraggle Rock, Ultramarinos, Casa Das Crechas, Borriquita De Belém, Modus Vivendi, Embora, Babel, A Reixa, Atlántico, Metate e Literarios.

O grupo galego-brasileiro formado por Paulo Silva, Sergio Sales, Alberte Rodriguez e Fabio Bão fan música para divertir e bailar, mesturando os ritmos brasileiros Baião, Forró, Sambalanço e Afoxé aos ritmos máis internacionais, como o Reggae e Ska.

Un ano máis a Mostra de creación emerxente Feito A Man chega a Compostela e terá lugar entre o 6 e o 25 de agosto en espazos singulares da cidade. Feito A Man promóvese como unha iniciativa asociada á intensa actividade desenvolvida pola Asociación Cultural Cidade Vella, integrada por establecementos emblemáticos do casco histórico compostelán. A Asociación e os establecementos que lle dan vida, crean o festival no ano 2003 como un espazo natural de encontro, interdependencia, reflexión, formación e intercambio entre músicos, espectadores, artistas, creadores e a propia cidade, que cobra vida en comunidade, en diferentes espazos e con diferentes miradas, amables e fusionadas. Nas nove edicións anteriores, cerca de 30.000 espectadores participaron da completa programación que o festival deseña desde os seus inicios. Neste tempo, Feito A Man consolidouse como un festival de referencia e cita ineludible para os amantes da cultura libre, comprometida, urbana e de calidade.
Co convencemento de que a implicación social é a vía máis idónea para a dinamización activa da cidade, a décima edición de Feito A Man ve a luz grazas á organización e soporte dos establecementos: Momo... A Rúa, Mercromina, Fraggle Rock, Ultramarinos, Casa Das Crechas, Borriquita De Belém, Modus Vivendi, Embora, Babel, A Reixa, Atlántico, Metate e Literarios.

A Casa das Crechas organiza esta noite un concerto a cargo da cantante e compositora brasileira Déa Trancoso, quen viaxa desde Minas Gerais para celebrar os seus 25 anos de carreira no 25 aniversario do emblemático local compostelán. Voz, rabeca, violino e percusión acompáñannos nun percorrido polas músicas populares desta rexión do Brasil.

O ciclo de música Ghazal 2012 péchase esta noite coa actuación do grupo Muhsilwán e a cantante etíope Sarah Habasha.

Muhsilwán é un trío musical de raíz africana e con compoñentes naturais do continente. Muhsilwán é a unión dos nomes Muhammed El Bouzidi, da cultura gnawa; Syla Babakar, embaixador da música en Guinea Conakry e Wafir, un músico sudanés. É un grupo que utiliza instrumentos pouco frecuentes orixinais de cada un dos países dos músicos. Muhsilwán é unha agrupación multicultural, polo que fan unha música moi rica, que reúne influencias diferentes e timbres variados, que casan entre si cunha boa harmonía musical e persoal. Veñen a Santiago acompañados de Sarah Habasha, cantante etíope que completará o concerto permitindo que o público faga unha viaxe polas distintas culturas e se engaiole coa dozura do canto melismático de Sarah, os ritmos hipnóticos da música gnawa, a expresión feminina máis íntima e o encontro da voz e as cordas do guimbri, o oud e o ngoni, instrumentos árabes.

O artista Sérgio Tannus, un dos máis completos artistas da safra brasileira, presenta esta noite os temas do seu último traballo discográfico, 'Son Brasilego'.

Virtuoso en instrumentos variados, como violões, guitarra, baixo, cavaquinho, bandolín e percusións, comezou a tocar dende cedo, cando tiña oito anos. Autodidacta, o músico foise perfeccionando na busca de novas sonoridades, aliadas ás influencias e estilos universais, sen deixar de lado a súa brasilidade.

Rodrigo Rodríguez é un músico mestre internacionalmente coñecido especialista na frauta Xaponesa shakuhachi, ten actuado en numerosas salas de concerto en Asia, Europa, Sur do Pacífico e Latinoamérica.

Cabe destacar que entre as súas importantes xiras actuou no "Tokyo Imperial Hotel", eventos da NHK, no templo emblemático do Gran Buda de Kamakura, ou no Conservatorio Tchaivkosky, Moscú Rusia.

AFORAMENTO LIMITADO

DATA LÍMITE DE RESERVA DE PRAZA: ATA COMPLETAR AFORAMENTO

AGRADECEMOS CONFIRMAR ASISTENCIA ANTES DO 31 DE DECEMBRO

Non hai outra voz no fado como a de Ana Moura (Ribatejo, Santarém, 1979). Unha voz que se pasea libremente pola tradición, pero que flirtea elegantemente coa música pop, ampliando o espectro do fado, tan típico de Lisboa, dunha maneira moi persoal. Pero o que a sitúa á parte é non só o timbre grave e sensual, tan único: Ana Moura transforma instantaneamente calquera melodía á que presta a súa voz e convértea en fado. É unha faísca inmediata, unha explosión emocional dirixida implacablemente ao corazón do oínte.

Desfado, quinto álbum de Ana Moura, toma o seu nome dun dos dous temas compostos para a artista por Pedro da Silva Martins, da banda Deolinda. Desfado é un punto de inflexión na carreira de Ana Moura, denotando a súa influencia pop e dirixido a un mercado internacional e a unha nova audiencia portuguesa.

O principal propósito era cantar cancións compostas especialmente para ela por persoas da súa propia xeración, pero que eran alleos ao fado: Virgem Suta, Miguel Araújo, Luísa Sobral, Pedro
Abrunhosa e Manuel Cruz son algúns dos participantes. O primeiro single, Até ao Verão, foi escrito por Márcia. Aquí, Ana Moura parécese extraordinariamente a Lhasa de Sela.
En canto aos músicos, Ana Moura mantén a referencia ao fado –guitarra portuguesa de Ângelo Freire e viola de fado interpretada por Pedro Soares–, incorporando tamén a colaboración do contrabaixista David Piltch (Bob Dylan, k.d.lang), o guitarrista Dean Parks (Marvin Gaye, Stevie Wonder), o percusionista Jay Bellerose (Aimee Man, Ani DiFranco), o teclista Patrick Warren (Fiona Apple, Bruce Springsteen), o violinista Freddy Koella (Lhasa, Carla Bruni) e o saxofonista quintaesencial Tim Ries, o home que a presentou aos Rolling Stones e levouna a cantar No Expectations e Brown Sugar.

Ana Moura prepara unha revolución na súa música, convocando ao seu lado a unha estrela convidada especial internacional: o lendario músico de jazz Herbie Hancock que foi incorporado ao proxecto por Larry Klein quen produciu Desfado.

Dous dos maiores artistas da música brasileira contemporánea, que viven en diferentes puntos do planeta, xúntanse contando historias e cantando cancións.

Ambos os dous compositores, cada un no seu tempo: Vinicius Cantuaria regalou a Caetano Veloso o tema Lua e Estrela - un dos maiores éxitos da súa carreira - Pierre Aderne á súa vez ofreceu a Seu Jorge Mina do Condomínio, o tema que máis soou nas emisoras brasileiras en 2010.

Un ano máis, as igrexas da cidade histórica de Santiago de Compostela acollen unha nova edición do Festival de Músicas Contemplativas. Unha iniciativa cultural que une os conceptos de cultura e patrimonio, a través da música. Unha serie de concertos, representativos de diversas sensibilidades culturais e espirituais, que xiran en torno á idea de franquear camiños e abrir diálogos entre pobos e culturas.

O Festival de Músicas Contemplativas celébrase no ámbito da Semana Santa de Compostela. Está organizado polo Concello e polo Consorcio de Santiago, e conta co apoio do Ministerio de Cultura.

En total serán 18 concertos entre o 21 e o 31 de marzo, en diferentes igrexas e no Auditorio de Galicia, aos que se lle suma un concerto de presentación, a cargo dos alumnos da Escola de Altos Estudos Musicais, o 15 de marzo.

PROGRAMA

** 15 de marzo
- 20:30 h. Hostal dos Reis Católicos
Concerto de presentación
Grupos de cámara da Escola de Altos Estudos Musicais

** 21 de marzo
- 21:00 h. Auditorio de Galicia
Inauguración 'Réquiem segundo Mozart'
Real Filharmonía de Galicia
The Sixteen Coro
HARRY CHRISTOPHERR, director
JULIE COOPER, soprano
SIAN MENNA, contralto
MARK DOBELL, tenor
EAMONN DOGAN, baixo 
Obras de Mozart, MacMillan e Haydn

** 22 de marzo
- 19:30 h. Santa María do Camiño
'Cantus Rogans, música contemporánea checa para violoncello'
JIŘÍ BÁRTA, violoncello
Obras de Zemek, Graham, Kopelent
 
- 22:00 h. Igrexa da Universidade
'Jazz Bach'
JIŘÍ BÁRTA, violoncello
MILAN SVOBODA, piano
Obras de Bach e Svoboda

** 23 de marzo
- 19:30 h. San Martiño Pinario
'Suite litúrxica: momentos corais'
CORO NOVO DA SINFÓNICA DE GALICIA
NENOS CANTORES DA SINFÓNICA DE GALICIA
Obras de McGlynn, Alcaraz, Alfonso X, Butler, Sarasola, Artés

- 21:30 h. Igrexa de San Francisco
'Ussak Sarki cancións e músicas tradicionais dos xudeos españois exilados en Turquía'
LOS CAMINOS DE SERKECI

** 24 de marzo
- 19:30 h. Santa María de Conxo
'As sete últimas palabras de Cristo na Cruz'
REAL FILHARMONÍA DE GALICIA
MAXIMINO ZUMALAVE, director
Obras de Vivaldi e Haydn

- 21:30 h. Santa María do Camiño
'A palabra oculta. Poemas, textos e música de monxas de clausura (España/América, s. XVI-XVII)'
ARS ATLÁNTICA
MÓNICA DE NUT, voz
MANUEL VILAS, arpa de dúas ordes

** 25 de marzo
- 19:30 h. Igrexa das Ánimas
'Ecco l’alba luminosa, luce serena. Música espiritual en Roma e Nápoles'
ACCADEMIA DEL PIACERE
FAHMI ALQHAI, director

- 21:30 h. Igrexa da Universidade
'Chamber Symphony, os mestres das vangardas'
GRUPO DE CÁMARA DA SINFÓNICA DE GALICIA
GRUPO INSTRUMENTAL SIGLO XX
FLORIAN VLASHI, director
Obras de Adams, Ligeti e Schoenberg

** 26 de marzo
- 20:30 h. San Domingos de Bonaval
'Lamento e Paixón'
ZEFIRO BAROQUE ORCHESTRA
ALFREDO BERNARDINI, director
FULVIO BETTINI, baixo
Obras de Zelenka, Zellbell, Vivaldi, Pez, Platti, Marcello, Bach

** 27 de marzo
- 20:00 h. Colexiata Santa María a Real de Sar
'Peregrinatio: cánticos e miragres no Camiño'
ELOQVENTIA

- 22:00 h. San Bieito
'As variacións Goldberg'
FORMACIÓNS DE CÁMARA DA REAL FILHARMONÍA DE GALICIA
ELINA VIKSNE, violin
TIMUR SADYKOV, viola
BARBARA SWITALSKA, violoncello

** 28 de marzo
- 21:00 h. San Domingos de Bonaval
'Cristo resucitou entre os mortos: Canto bizantino'
DIVNA LJUBOJEVIC
MÉLODI, coro

** 29 de marzo
- 20:00 h. San Frutuoso
'A morte e a doncela'
GRUPO DE CÁMARA DA SINFÓNICA DE GALICIA
CUARTETO ATLÁNTICO
DOMINICA MALEC, violín
BEN SMITH, violin
ANDREI KEVORKOV, viola
SCOTT HARDY, violoncello
Obras de Mozart e Schubert

- 22:00 h. Igrexa da Universidade
'Voces profanas e cantos sacros de Cerdeña'
IL CUNCORDU D’OROSEI

** 30 de marzo
- 20:00 h. Igrexa das Ánimas
'Códex Calixtinus. A música no Libro de Santiago, s. XII'
RESONET
FERNANDO REYES, director
MERCEDES HERNÁNDEZ, soprano
DAVID SAGASTUME, contratenor
TOMÁS MAXÉ, tenor
JOSÉ ENRIQUE PEDROSA, baixo

- 22:00 h. Igrexa da Universidade
'Voices: órgano e percusión'
NEOPERCUSIÓN
ANNA FERNÁNDEZ, órgano
Obras de Mertens, Pärt, Glass

** 31 de marzo
- 20:00 h. Auditorio de Galicia
'Ritos fúnebres e resurrección'
ORQUESTRA NOVA DA SINFÓNICA DE GALICIA
ORQUESTRA DE NENOS DA SINFÓNICA DE GALICIA
DIEGO GARCÍA RODRÍGUEZ, director
MARÍA VICTORIA PEDRERO, violoncello
Obras de Vivaldi, Chaikovski e Mahler

Fran Pérez (NARF) é un compositor e cantor de longo percorrido ligado ao entorno do mundo lusófono. Presentou a súa música en multitude de festivais internacionais. Actualmente retornado da súa estadía en Mozambique trae a maleta chea de novas experiencias: encontros artísticos, contacto coa cultura e os costumes tradicionais, festivais, concertos e novas cancións creadas man a man con músicos daquelas terras austrais. Todas e cada unha das cancións que compoñen este repertorio teñen unha historia detrás relacionada coa viaxe, co encontro e coa “Lingua Viaxeira”, incansable e curiosa. E todas, tamén, responden  á forte identidade dun artista aventureiro pero cun estilo propio  xa consolidado e moi persoal.

O prestixioso violoncelista checo Jií Bárta, que conta cunha longa traxectoria concertística por numerosos escenarios de todo o mundo, actúa esta tarde na igrexa de Santa María do Camiño dentro do VII Festival de Músicas Contemplativas.

22 de marzo, 19:30 h.
Santa María do Camiño

'Cantus Rogans, música contemporánea checa para violoncello'
JIRÍ BÁRTA, violoncello
Obras de Zemek, Graham, Kopelent

Bárta estudou violoncelo en Praga, Colonia e Los Ángeles. Grazas ao seu talento e laboriosidade fíxose acredor de varios premios nacionais e internacionais e tivo a posibilidade de actuar con destacados conxuntos musicais, como a Orquestra Filharmónica de Berlín. Entre os compositores nacionais predilectos de Bárta ocupa un importante lugar Antonín Dvořák.

Durante a Semana Santa, diferentes igrexas de Santiago de Compostela acollen a sétima edición do Festival de Músicas Contemplativas, unha iniciativa cultural que une os conceptos de cultura e patrimonio a través da música. Unha serie de concertos, representativos de diversas sensibilidades culturais e espirituais, que xiran en torno á idea de trazar camiños e abrir diálogos entre pobos e culturas.

En total serán 18 concertos que terán como escenario igrexas emblemáticas da zona antiga, entre o 21 e o 31 de marzo, sumándose aos actos organizados con motivo da Semana Santa. A cidade de Santiago de Compostela, declarada Patrimonio da Humanidade pola UNESCO, convértese así, por uns días, en escenario para as músicas do mundo, polo que pasarán grupos e solistas procedentes de países como República Checa, Serbia, Turquía ou Italia. Ademais, participará a Real Filharmonía de Galicia e un bo número de grupos galegos.

'Ussak Sarki. Cancións e músicas tradicionais dos xudeus españois exiliados en Turquía' é o título do concerto que o grupo Los Caminos de Serkeci ofrece esta noite na Igrexa de San Francisco dentro do VII Festival de Músicas Contemplativas.

23 de marzo, 21:30 h.
Igrexa de San Francisco

LOS CAMINOS DE SERKECI

SPYRIDOULA BAKA voz
SOFIA LAMBROPOULOU kanun
EFRÉN LÓPEZ ud, lavta, cümbüs, kopuz, tambur
MIRIAM ENCINAS flautas, viella, percusións
ELENI KALLIMOPOULOU kemençe

Durante a Semana Santa, diferentes igrexas de Santiago de Compostela acollen a sétima edición do Festival de Músicas Contemplativas, unha iniciativa cultural que une os conceptos de cultura e patrimonio a través da música. Unha serie de concertos, representativos de diversas sensibilidades culturais e espirituais, que xiran en torno á idea de trazar camiños e abrir diálogos entre pobos e culturas.

En total serán 18 concertos que terán como escenario igrexas emblemáticas da zona antiga, entre o 21 e o 31 de marzo, sumándose aos actos organizados con motivo da Semana Santa. A cidade de Santiago de Compostela, declarada Patrimonio da Humanidade pola UNESCO, convértese así, por uns días, en escenario para as músicas do mundo, polo que pasarán grupos e solistas procedentes de países como República Checa, Serbia, Turquía ou Italia. Ademais, participará a Real Filharmonía de Galicia e un bo número de grupos galegos.

A recoñecida cantante serbia Divna Ljubojevic, especializada na interpretación de música sagrada, ofrece esta noite un concerto acompañada polo coro Mélodi e baixo o título de 'Cristo resucitou entre os mortos: Canto bizantino'.

28 de marzo, 21:00 h.
San Domingos de Bonaval

'Cristo resucitou entre os mortos: Canto bizantino'
DIVNA LJUBOJEVIC
MÉLODI, coro

Durante a Semana Santa, diferentes igrexas de Santiago de Compostela acollen a sétima edición do Festival de Músicas Contemplativas, unha iniciativa cultural que une os conceptos de cultura e patrimonio a través da música. Unha serie de concertos, representativos de diversas sensibilidades culturais e espirituais, que xiran en torno á idea de trazar camiños e abrir diálogos entre pobos e culturas.

En total serán 18 concertos que terán como escenario igrexas emblemáticas da zona antiga, entre o 21 e o 31 de marzo, sumándose aos actos organizados con motivo da Semana Santa. A cidade de Santiago de Compostela, declarada Patrimonio da Humanidade pola UNESCO, convértese así, por uns días, en escenario para as músicas do mundo, polo que pasarán grupos e solistas procedentes de países como República Checa, Serbia, Turquía ou Italia. Ademais, participará a Real Filharmonía de Galicia e un bo número de grupos galegos.

Unha nova cita musical do VII Festival de Músicas Contemplativas leva á Igrexa da Universidade ao grupo vocal Il Cuncordu d'Orosei, nun concerto no que interpretarán diversas polifonías sagradas da illa de Cerdeña.

29 de marzo, 22:00 h.
Igrexa da Universidade

'Voces profanas e cantos sacros de Cerdeña'
IL CUNCORDU D’OROSEI

Durante a Semana Santa, diferentes igrexas de Santiago de Compostela acollen a sétima edición do Festival de Músicas Contemplativas, unha iniciativa cultural que une os conceptos de cultura e patrimonio a través da música. Unha serie de concertos, representativos de diversas sensibilidades culturais e espirituais, que xiran en torno á idea de trazar camiños e abrir diálogos entre pobos e culturas.

En total serán 18 concertos que terán como escenario igrexas emblemáticas da zona antiga, entre o 21 e o 31 de marzo, sumándose aos actos organizados con motivo da Semana Santa. A cidade de Santiago de Compostela, declarada Patrimonio da Humanidade pola UNESCO, convértese así, por uns días, en escenario para as músicas do mundo, polo que pasarán grupos e solistas procedentes de países como República Checa, Serbia, Turquía ou Italia. Ademais, participará a Real Filharmonía de Galicia e un bo número de grupos galegos.

A Casa das Crechas dá comezo á celebración das Descargas Cubanas, que nesta primavera terán lugar dous xoves ao mes. Os protagonistas serán o grupo galego-cubano Dinero Negro.

O seu repertorio está composto dos máis famosos sons cubanos, boleros, bachatas, merengues, cumbias e chachachás, pero tamén propoñen algúns dos éxitos das grandes orquestras cubanas: Los Van Van, Manolito Simonet y su Trabuco, Isaac Delgado, etc…

O cuarteto componse do pianista Cristian Leggiero, o percusionista Iago Muiño, o trompetista e percusionista Franky Valencia e a marabillosa e inconfundible voz da sonera Mabel Guevara.

O pianista Roberto Fonseca declara abertamente que en YO (Jazz Village 2012) atoparémonos con “todas estas ideas que gardaba nun recuncho da miña cabeza, sen ter a oportunidade de levalas a cabo.” Ben sexa por atopar a oportunidade ou por alcanzar a madurez necesaria para esa materialización, o certo é que neste último traballo do cubano asistimos ao máximo esplendor da súa creatividade e á cristalización dunha longa experiencia acumulada como intérprete, compositor, arreglista e produtor. Esfinxes da música cubana como Ibrahim Ferrer, Rubén González, Omara Portuondo, Cachaíto, Bebo e Chucho Valdés... reclamaron os seus servizos nalgunha desas facetas.

ROBERTO FONSECA
Roberto Fonseca - Piano
Joel Hierrezuelo - Percusión
Jorge Chicoy - Guitarra
Ramsés Rodríguez - Batería
Yandy Martínez - Contrabaixo
Sekuo Kouyate - Kora

Lonxe de estancarse nunha visión tradicionalista da música de raíz e nos meles saboreados en grandes escenarios como o Royal Albert Hall ou o Sydney Opera House, Fonseca colaborou con músicos de moi variados estilos seguindo o ronsel dunha inquietude innata. O DJ Gilles Peterson ou o artista electrónico Mala son un bo exemplo dese eclecticismo do que Fonseca se preza. O ingrediente africano cobra un especial protagonismo en YO, que, como afirmación contundente e irresistible dunha personalidade irrepetible, acolle tamén fórmulas do pop e o rock, dinámicas pegadizas e momentos de delicioso repouso. Prepárache para saborear unha fusión intensa de cores afrocubanos, sons acústicos e electrónicos e, sobre todo, non te esquezas de traer os pés para levar o ritmo.

O ciclo Jazz 1906 volve ofrecer aos afeccionados ao jazz intérpretes de incontestable calidade e que percorren as diferentes correntes do jazz actual. No 2012 tivemos, enmarcado no Jazz in Blue dentro deste Jazz 1906, un elenco de artistas de primeiro nivel relacionados con Blue Note Records. O selo de jazz máis prestixioso brindou a oportunidade de escoitar e ver a figuras da categoría do trompetista francés Erik Truffaz, do saxofonista estadounidense Joe Lovano e do trío The Bad Plus.

Jorge Pardo, Wu Tong, Omar Sosa, William Harvey, Eliseo Parra, Víctor Prieto, Rosa Cedrón, Isaac Palacín e Cristina Pato reunidos por primeira vez nun mesmo escenario. O Museo Centro Gaiás acolle o sábado 20 de abril un exclusivo concerto con estes nove grandes mestres da música e un repertorio que aglutina o mellor das tradicións musicais de Galicia, España, Cuba, EEUU ou Afganistán.

O Galician Connection Festival é unha produción de Nordesía dirixido por Cristina Pato que contará coa presenza do saxofonista e frautista recoñecido recentemente como mellor artista de Jazz europeo, Jorge Pardo; Wu Tong, considerado unha das figuras máis importantes da música tradicional chinesa; o compositor e pianista de jazz cubano Omar Sosa; o violinista e emprendedor americano residente en Afganistán William Harvey; o percusionista e especialista en músicas tradicionais Eliseo Parra; o acordeonista de jazz galego residente nos Estados Unidos Víctor Prieto; a cellista e cantante galega Rosa Cedrón e o percusionista galego Isaac Palacín.

As experiencias de Galician Connection abriranse cara ao público cun gran concerto, o sábado 20 de abril ás 21:00h no Museo Centro Gaiás, a cargo dos músicos invitados, que interpretarán os resultados de tres días de experimentación e colaboración.

+ info e inscricións: www.cidadedacultura.org

Ana Deus e Alexandre Soares chegan dende Portugal para presentarnos o seu proxecto Osso Vaidoso.

A eles gústalles dicir que traballan en nome das cancións do futuro, belas e inspiradoras ambicións. Teñen unha longa traxectoria por separado e agora unen os seus talentos neste proxecto  musical no que lle dan unha enorme importancia á poesía.

Antes da actuación do Ultramarinos, ás 20 h, estarán na librería CIRANDA (Rúa Travesa, nº7) presentando a editora Helastre con Regina Guimarães.

A artista Celina da Piedade ten compartido palcos con Rodrigo Leão ou Mayra Andrade, levando o seu acordeón ate os mais diferentes contextos. E agora, Celina da Piedade estréase a solo, con 'Em Casa', un disco cheo de sorpresas.

Nalgún lugar entre as formas e as cores tradicionais, con viaxes polas danzas portuguesas e un sentir mais moderno e universalista, Celina deseña unha música chea de alma e de personalidade.

A Orquestra de Ouro Preto, que difunde música contemporánea de concerto brasileira, inicia a súa xira en Portugal e Galicia, onde conta coa participación especial como solista da cantante galega Uxía.

O proxecto denominado 'Turnê Países e Comunidades de Lingua Portuguesa' arranca en Coimbra o 4 de maio. O Teatro Principal de Santiago de Compostela acolle a orquestra o día 6. A xira continuará por varias cidades portuguesas, incluída a capital, Lisboa. Ademais de Europa (Portugal continental e Galicia), a turnê comprende tamén o continente Africano (Cabo Verde, Mozambique e Angola) e Asia (Timor Leste e Macao). Durante 3 anos, este grupo de 24 músicos, teñen como obxectivo promover o diálogo entre os ricos acervos musicais dos países de lingua portuguesa e difundir a música contemporánea de concerto brasileira.

Cancións iemenís con sabor napolitano nunha deliciosa homenaxe á cultura mediterránea.  A voz inigualable de Noa envolverá o Museo Centro Gaiás en compañía do cuarteto de cordas napolitano Solis String Quartet que estrearán o ciclo Pel de galiña cun repertorio no que novas composicións se combinarán cos grandes temas da artista israelí.

Posuidora dunha voz única, Noa (Tel-Aviv, 1969) soubo combinar as súas raíces iemeníes con influencias dos cantautores dos 60 como Paul Simon, Joni Mitchell ou Leonard Cohen. Un son que se convertiría en único coa incorporación de Gil Dor, compañeiro e colaborador ao longo da súa carreira, que aportaría os seus antecedentes musicais no campo do jazz, a música clásica e o rock.

Cunha carreira brillante e internacionalmente recoñecida, Noa comezou en 2003 a colaborar con Solis String Quartet, dando lugar a un espectáculo no que a inédita fusión de instrumentos e estilos amosa o mellor de Noa, sacando á luz a súa gran variedade de rexistros.

O canto de Noa enriquécese cunha nova paleta de cores e sentimentos e as súas cancións, arranxadas para corda por Gil Dor e o Solis String Quartet, soan vibrantes e emocionantes: sons napolitanos cun toque israelí que constitúe unha viaxe marabillosa polo Mediterráneo.

O Museo Centro Gaiás converterase durante cinco noites nun escenario aberto á fusión, ritmos suxerentes, voces poderosas e cálidas e sons únicos baixo unha premisa: ofrecerlles aos espectadores música que emociona. Será a través do ciclo 'Pel de galiña', cinco actuacións que van directas á pel, que trascenden de estilos e xéneros, música que podería definirse coas emocións que transmite.

Noa & Solis String Quartet, Silvia Pérez Cruz & Javier Colina Trío, Gabriela Montero, Uxía e Gregory Porter serán os responsables de subir ao escenario e ofrecer cinco concertos pensados para saborear sen présas, para deixarse levar con cada acorde, con cada nota. Un cartel marcado pola diversidade de estilos pero unidos por un denominador común: facer do Museo Centro Gaiás un lugar onde gozar da música cos cinco sentidos.

Malevaje naceu á sombra dun local madrileño onde Antonio Bartrina, alma carismática do grupo, entoaba melodías tangueiras con estraña paixón. No seu máis de 25 anos de traxectoria, con 12 discos no mercado, o grupo defendeu a inmortalidade do tango modernizando as súas composicións en busca dun xeito de cantar os sentimentos de sempre pero sen esquecer nunca o respecto ás raíces do xénero.

Malevaje camiña cara ao seu 30 aniversario en plena forma, tras actuar por toda Europa e Arxentina. A esta banda tangueira con máis soleira de España gústalle tocar en teatros onde o público escoita en silencio. Para o seu cantante "o público do tango é moi internacional". Non é raro ver nos seus concertos pais, fillos e avós. O noso espectáculo é para tres xeracións. O tango é a música da xuventude dos maiores, pero a súa forma de facelo faino accesible a todas as idades e os mozos poden sentirse cómodos.

Un programa formativo a cargo de seis mestres da World Music, charlas e debates e un concerto de clausura no Museo de Galicia. Esta é a oferta de Galician Connection, tres xornadas dedicadas ás músicas do mundo baixo a dirección artística de Cristina Pato e coa participación especial do recoñecido músico cubano Paquito D’Rivera. 

Compartindo experiencias ao longo destas tres xornadas estará un dos máximos expoñentes da cultura tradicional China e posuidor de varios Grammys, Wu Tong; o mestre de táboa india Sandeep Das; unha das figuras máis influíntes dentro do ‘tango-jazz’, o arxentino Emilio Solla; o percusionista e director da 'The World Orchestra', o valenciano Josep Vicent; ademais do músico, arranxista e compositor de jazz cubano Paquito D’Rivera. Pola súa banda, un dos fundadores de Berrogüeto, Anxo Pintos, e a que foi a súa voz durante máis dunha década, Guadi Galego, serán os encargados de representar a tradición galega.
Programa formativo exclusivo

Dirixido preferentemente a profesionais do sector musical, Galician Connection ofrece un programa de formación exclusivo impartido por estes seis mestres da música, que  inclúe foros de debate ao redor da World Music, asistencia a ensaios e clases prácticas e encontros "cara a cara", ademais dunha sesión especial con Paquito D’Rivera.
Foro de debate

A World Music tamén será abordada desde o punto de vista da programación e a busca de novos mercados a través do Foro Diálogo Intercultural e Desenvolvemento Cultural Sostible, que contará coa presenza de responsables de festivais como o APAP de Nova York, o Festival Internacional de Jazz de Barcelona ou o HUM Ensemble da India.

O Museo de Galicia acollerá o concerto de clausura a cargo dos seis músicos convidados, que interpretarán pezas de cada unha das tradicións culturais que representan.

Consulta o programa completo: aquí

Coincidindo coa Semana Santa, o festival ofrece concertos gratuítos nas igrexas monumentais da cidade. Cantigas medievaise obras mestras do Barroco e do Renacemento conviven coa tradición espiritual de distintas culturas, relixións e continentes, da man de recoñecidas formacións ou artistas que moitas veces actúan por primeira vez en España.

Organizador: Consorcio de Santiago

A cantante portuguesa Celina da Piedade ofrece esta tarde un obradoiro de canto tradicional alentejano. O obradoiro precede a un concerto que a artista ofrecerá na Casa das Crechas ás 22:30 h.

Inscricións en aitanacrechas@gmail.com