Xa está dispoñible na páxina web da Fundación Eugenio Granell o foro no que calquera usuario que o desexe poderá intercambiar os seus libros de arte. 'Libro por Libro' é unha actividade na que a Biblioteca da Fundación Granell pon a disposición do público a oportunidade de adquirir algúns dos seus exemplares. Os libros ofrecidos pola Fundación, novos e usados, das áreas de arte, cultura, ciencias sociais e libros editados pola propia Fundación, poden ser adquiridos por aqueles que queiran intercambiar os seus propios exemplares sobre Surrealismo, Vanguardas ou Arte Étnico. Así mesmo, os particulares que o desexen poderán realizar trocos de libros sobre calquera temática do mundo da arte con outros participantes. Tamén serán benvidas aquelas bibliotecas que queiran participar. O foro, en funcionamento desde o 11 de maio, serve como plataforma virtual para facilitar estes intercambios, tanto coa propia Fundación como entre usuarios. É, polo tanto, a antesala da feira, onde os interesados poden consultar o listado de obras ofrecidas e incluso iniciar o troco. Finalmente, os intercambios terán lugar os días 19 e 20 de maio, no Pazo de Bendaña. A actividade 'Libro por Libro' forma parte das actividades programadas pola Fundación Granell para a conmemoración do Día Internacional dos Museos, desenvolvidas na semana do 18 ao 24 de maio.

A Biblioteca Pública de Santiago Ánxel Casal sae á rúa durante todos os sábados de setembro e outubro. Os composteláns poderán coñecer a colección da Biblioteca a través dunha pequena representación dos seus fondos constituída por libros, revistas e audiovisuais. O público terá a oportunidade de consultar estes materiais e obter información sobre os servizos que ofrece a biblioteca: préstamo, actividades culturais (contacontos, monicreques, concertos, presentacións de libros...), clubs de lectura, "biblioteca accesible", consulta de internet, préstamo de portátiles, de e-readers e de e-books, etc.

Esta pequena mostra irá acompañada da proxección dun vídeo explicativo sobre as instalacións, servizos e organización da biblioteca. Nos propios postos se facilitarán os trámites ás persoas interesadas en facerse socias: tan só terán que cubrir un impreso de inscrición e o persoal da biblioteca destinado durante estes días na rúa faralles unha fotografía tamaño carné nese mesmo intre. Os novos lectores recibirán a tarxeta por correo postal no seu domicilio.

Postos e horarios:
- Praza de Abastos: Por primeira vez a Biblioteca Pública de Santiago estará presente neste espazo cunha actividade que, baixo a denominación de "Bibliomercado", quere achegar os seus servizos e a súa colección a todos os composteláns que fagan as súas compras nesta emblemática praza de abastos.
Horario: Todos os sábados de setembro e outubro de 8.30 a 14.00 h.
- Praza Cervantes: Como en anos anteriores, a Biblioteca Pública de Santiago súmase a
esta iniciativa da Libraría Couceiro que busca a promoción da lectura, obxectivo compartido polo sector libreiro e as bibliotecas públicas.
Horario: Todos os sábados de setembro de 10.30 a 14.00 h.

A Libraría Aenea quere celebrar o día das librarías organizando unha velada moi especial. Con horario de apertura ata as 22.00 horas, convida a todos, grandes e pequenos, a que se acheguen para participar nunha lectura colectiva de poesía xunto ao poeta Arturo Vázquez Sánchez.

Podedes traer as vosas poesías, as que tedes gardadas no caixón. Recitándoas e sabéndose escoitadas recobrarán VIDA.
Tamén teremos ocasión de escribir espontaneamente, o que nos evoquen as palabras dos outros. Tamén teremos ocasión de escribir espontaneamente, o que veña a conto, o que xurda, o que nos evoquen as palabras dos outros.

Para todo isto nos acompañará un poeta de raíces mexicanas, Arturo Vázquez Sánchez, que xa nos deleitou, noutras ocasións, co seu saber e o seu sentir. Un mestre do difícil oficio de deixar saír as palabras dende as mesmas entrañas. E que sabe como deixar no outro o gusto pola POESÍA.

5% Dto na compra de libros
A libraría estará aberta ata as 22:00 h.

Esta tarde, o Teatro Principal acolle o acto de presentación de 'Taller de la Memoria de la Escena', as biografías de Dorotea Bárcena, José Antonio Jiménez, Vicente Montoto, Pilar Pereira e Jorge Ricoy.

A galería de arte A.dFuga acolle esta tarde a presentación do novo libro, 'Ensaios Radioativos', de Márcio-André, editado por Axóuxere Editora.

Axóuxere Editora (www.axouxerestream.com) presentará o libro Ensaios Radioativos, do poeta e performer brasileiro Márcio-André, continuando así a liña da colección Polimnia. Cadernos de combate, centrada en textos de pensamento crítico contemporáneo de carácter breve, e na que se dedica especial atención a novas voces do ámbito galego e internacional.

O evento, que contará coa presenza de Márcio-André, e será presentado polo tamén poeta e profesor de literatura portuguesa da Universidade de Santiago, Carlos Quiroga, rematará cunha intervención do autor.
Márcio-André (Rio de Janeiro, 1978). Escritor, artista sonoro e visual. Deu clases de escrita creativa e poesía sonora na Universidadede Coimbra e na Universidade Federal do Rio de Janeiro. Como tradutor, publicou textos de Ghérasim Luca, Gilles Ivain, Serge Pey, Mathieu Bénézet,Hagiwara Sakutaro e Forrest Gander.
No 2008, recibeu a Bolsa Fundação Biblioteca Nacional, polo libro de ensaios Poética das Casas e, no 2009, foi poeta residente en Monsanto, Portugal. É tamén editor da editoria brasileira Confraría do Vento e curador de Cidade aTravessa, evento literario e performático que acontece nas cidades de Lisboa, Rio de Janeiro e São Paulo.

Autor de catro libros de poesía e ensaios, colaborou con diversos xornais, entre eles O Globo, Jornal do Brasil ou O Estado de Minas; e con revistas brasileiras e internacionais. Os seus poemas foron traducidos a oito idiomas. Está integrado en diversas antoloxías como Poesia do Mundo; O que é poesia?; Todo começo é involuntário – a poesia brasileira no início do Sec. 21; Poétes Brésiliens d´aujourd´hui; e 24 letras por segundo; entre outras. Poeta experimental, con obras na área da poesía visual e sonora, da instalación e da performance, realizou traballos no Reino Unido, Francia, Portugal, Ucrania, Perú, así como tamén en diversas cidades do Brasil, traballando con poetas como Bruce Andrews, Stephen Rodefer, Arjen Duinker e Jonathan Morley. Actualmente vive en Lisboa.

Con motivo do Día Mundial do Libro, a Fundación Eugenio Granell organiza a actividade "Libro por Libro."
 
Excepcionalmente a Fundación Eugenio Granell abre as portas da súa tenda o luns 23 de abril (de 11-14 h e  16-19 h) para acoller esta actividade.
 
Esta proposta está dirixida a persoas e institucións que desexen cambiar os seus libros co stock ofrecido pola biblioteca da Fundación. A biblioteca conta nos seus fondos con libros duplicados (novos e usados) das áreas de cultura, arte, ciencias sociais e publicacións propias da Fundación, que serán facilitados ao público, co fin de trocalos por libros sobre o surrealismo, vangardas e arte étnica.
 
Para facilitar este intercambio, a partir do día 18, todos os interesados poderán consultar a seleción de títulos que se ofrecerán o día 23 na páxina web da Fundación www.fundacion-granell.org e na páxina oficial de Facebook www.facebook.com/fundacioneugeniogranell.

Ata o 6 de maio, Compostela acolle a XXXI Feira do Libro, un tradicional encontro que fai do parque máis señorial da cidade, a Alameda, un lugar onde atopar, a bo prezo, publicacións moi variadas, incluíndo libros sobre Santiago e Galicia.

PROGRAMA

**Día 28. Sábado
- 12.45 h. Actuación da Banda de Música de Santiago de Compostela.
- 13.00 h. Inauguración oficial, coa participación da Asociación do Traxe Galego.
Pregón inaugural a cargo de Víctor F. Freixanes.
- 18.00 h. Actividade infantil
- 19.00 h. Firma de exemplares do libro Historia de Santiago de Compostela, publicado por Vía Láctea Editorial. Participarán Mercedes López-Mayán, Beatriz Castro Díaz e Alfonso Iglesias Amorín, autores do libro.
- 20.00 h. Presentación do libro Morgana en Esmelle, de Begoña Caamaño. Xunto coa autora, participan no acto Víctor F. Freixanes, director xeral de Galaxia e María Xesús Nogueira, profesora de Filoloxía Galega na USC
- 21.15 h. Sorteo dun lote de libros.

**Día 29. Domingo
- 13.00 h. Actuación da Banda e Orquestra da Escola Municipal de Música do concello de Santiago.
- 18.00 h. Obradoiro de narración oral e contacontos a cargo do narrador senegalés Boniface Ofogo. Ao remate do acto, o autor asinará exemplares do seu libro O león Kandinga, publicado por Kalandraka Editora.
- 19.00 h. O renacer da literatura fantástica en galego: Urco editora e Contos estranos editora. Presentación das novidades das dúas editoras.
- 21.15 h. Sorteo dun lote de libros

**Día 30. Luns
- 18.30 h. Presentación Ponteceso
- 19.00 h. O escritor Xosé Neira Vilas presenta o seu libro 100 anos do himno de Galicia publicado por Edicións Embora. Ao remate do acto, o autor asinará exemplares das súas obras.
- 20.00 h. Presentación do libro A praza é nosa. Quen constrúe a democracia? de varios autores, coordinado polo xornalista Marcos Pérez Pena e publicado por 2.0 Editora. Participan no acto Marcos Pena, o editor, Antón Lado e varios dos autores da mesma.
- 21.15 h. Sorteo dun lote de libros.

**Día 1. Martes
- 18.00 h. Actividade para nenos.
- 19.00 h. Presentación dos libros Medievalario, de Fran Zabaleta e Mi padre comía botones, de Juan Sacha Full, editados por Redelibros. Participarán no acto os autores e un representante da editorial
- 20.00 h. Mesa redonda: Segredos da novela histórica, coa participación de Marcos Calveiro (autor de Settecento, Ed. Xerais), Pere Tobaruela (autor de Poñente, Ed. Xerais) e Fran Zabaleta (autor de Medievalario, Redelibros). Ao final do acto, os autores asinarán exemplares dos seus libros.
- 21.15 h. Sorteo dun lote de libros.

**Día 2. Mércores
- 19.00 h. Presentación do libro Por un común denominador. A esquerda da nación, de Martiño Noriega, publicado por 2.0 Editora. Participan no acto Martiño Noriega e o editor Manuel M. Barreiro.
- 20.00 h. Presentación do libro O silencio, de Mario Regueira, publicado por Edicións Xerais de Galicia. Xunto co autor, participará no acto Manuel Bragado, director xeral da editorial.
- 21.15 h. Sorteo dun lote de libros.

**Día 3. Xoves
- 18.00 h. Actividade infantil
- 19.00 h. Presentación dos libros Ruído de fondo, de Daniel Salgado e Os fillos do mar, de Pedro Feijóo, publicados por Edicións Xerais de Galicia. Acompañará aos autores Manuel Bragado Rodríguez, director xeral da editorial. Ao remate do acto, os escritores asinarán exemplares dos seus libros.
- 21.15 h. Sorteo dun lote de libros.

**Día 4. Venres
- 17.30 h. Actividade infantil.
- 19.00 h. Presentación do libro Herdeiros pola forza, de Xurxo Ayán e Manuel Gago, publicado por 2.0 Editora. Xunto cos autores, participa no acto o editor, Manuel Lado.
- 20.00 h. Presentación do libro Un pozo moi fondo, do doutor José Luís Iglesias Díaz, publicado por Editorial Galaxia. Xunto co autor, participarán no acto Nieves Herrero, vogal de ABAGAL (Asociación de Bulimia e Anorexia de Galicia) e o editor Francisco Castro.
- 21.15 h. Sorteo dun lote de libros.

**Día 5. Sábado
- 12.30 h. Presentación da colección Cociña infantil e familiar, da editorial Ouvirmos, coa celebración de cursos de cociña para nenos en horario de 12.30 a - 14.00 horas, pola mañá e de 17.30 a 19.00 horas, pola tarde.
- 19.00 h. Presentación dos libros Iria, de Anxo Angueira e Transmuta, de Xabier Cordal, publicados por Edicións Xerais de Galicia. Acompañará aos autores Manuel Bragado Rodríguez, director xeral da editorial. Ao remate do acto, os escritores asinarán exemplares dos seus libros.
- 21.15 h. Sorteo dun lote de libros.

**Día 6. Domingo
- 18.00 h. Paula Carballeira e un representante de Kalandraka Editora presentan O principio, novo álbum desta autora e narradora, ilustrado por Sonja Danowski. Unha historia sobre a crueldade da guerra, cunha mensaxe de esperanza.
- 19.00 h. Sinatura do libro Almas opuestas, de Cristina Prieto Solano e Irene Castelos Cortizas, publicado por Ediciones Hades.
- 21.15 h. Sorteo dun lote de libros
- 21.30 h. Peche da Feira do Libro.

Un ano máis, e durante dúas semanas, o Paseo Central da Alameda alberga a tradicional Feira do Libro Antigo e de Ocasión, que na súa XXI edición conta coa participación de librerías de distintas comunidades españolas, de contrastada calidade, con máis de 100.000 exemplares que se poñerán á venda durante os 15 días de feira.

Dentro do gran número de materiais expostos, poderanse atopar curiosidades bibliográficas editadas nos séculos XVII e XVIII, primeiras edicións de libros de autores dos séculos XIX e inicios do XX (Rosalía, Curros, Valle Inclán, Pardo Bazán, Baroja, Alberti, Neruda, Gómez de la Serna) e documentacións profesionais, carteis, prensa e revistas, todo tipo de materiais impresos, cartas postais, mapas, papel moeda, facsímiles e libros de ocasión que polo seu prezo, poden constituír unha boa equipaxe para as vacacións de verán e para fondo de biblioteca, así como unha excelente ocasión para os coleccionistas e bibliófilos.

O salón de Actos do Hotel Eurostars Araguaney acolle esta tarde a presentación do último libro de Ignacio Castro Rey, 'Sociedad y barbarie'. Branca Novoneyra (poeta) e Javier Turnes (profesor de filosofía e músico), serán os encargados de presentar ao autor, quen tamén dará unhas palabras e charlará cos asistentes á presentación do seu libro, editado por Melusina.
 
A Fundación Araguaney-Puente de Culturas (www.fundacionaraguaney.org) colabora na presentación deste libro, na súa liña de apoio á cultura de Santiago, de Galicia e de todos os lugares do mundo.
 
Que se ataca en Sociedade e barbarie a contrafío da filosofía de Marx? Critícase o fetichismo da mercancía chamada Sociedade, toda esta socioloxía, teórica e informativa, que hoxe vai por diante de calquera posible experiencia, interferindo o peso de existir, o risco de cada forma de vida. Este pequeno libro analiza a atenuación existencial en que fomos encerrados en nome dunha mitoloxía histórica que non deixou de crecer desde o século XIX, con Marx como un garante de fondo na cobertura cultural do pragmatismo económico. Sociedade e barbarie fustiga a redución da liberdade individual, nas democracias occidentais, en nome dunha economía que conserva o prestixio do neutral porque goberna a nosa neutralización, unha silenciosa expropiación da épica de vivir.

Doutor en filosofía pola Universidade Autónoma de Madrid, é filósofo e crítico de arte. Influído pola heterodoxia do pensamento occidental (Leibniz, Nietzsche, Lacan, Deleuze), desenvolve desde fai anos un traballo filosófico nunha dobre dirección. Dun lado, unha afirmación ontológica da singularidade, do seu impacto irrepresentable. Doutro, unha crítica da violencia microfísica do poder postmoderno. En ambos os rexistros intenta rescatar a potencia conceptual de distintos creadores contemporáneos, de Baudrillard a Badiou, de Agamben a Sokurov.
É autor de numerosas obras, de entre as que destacan: La represión informativa del sujeto (Grama, Buenos Aires, 2011), Votos de riqueza (A. Machado Libros, Madrid, 2007), Crítica de la razón sexual (Serbal, Barcelona, 2002), La sexualidad y su sombra (Altamira, Buenos Aires, 2004), La explotación de los cuerpos (Debate, Madrid, 2002).

A Fundación Granell acolle esta tarde o acto de presentación dunha nova edición do volume 'Federica no era tonta y otros cuentos', de Eugenio Fernández Granell. A nova publicación, elaborada pola editorial Auga Editora, conta cunha introdución de Claudio Rodríguez Fer e unha cronografía a cargo de Xosé A. Perozo.

“Galicia é unha potencia literaria”. Con esta frase, a Cidade da Cultura iniciou en 2011 unha andaina dedicada a festexar aos nosos meirandes autores clásicos. Esa mesma frase, esa mesma convición, é a que nos incita agora a celebrar unha nova edición do ciclo “Galicia, Ceo das Letras”.

Sen dúbida, James Joyce (Dublín, 1882 – Zúric, 1941) un dos literatos con maior relevancia na escrita do século XX. Autor de pezas mestras como Dublineses, Retrato do artista cando novo, ou Finnegans wake, acadou o seu cumio creativo no monumental Ulises, emblema do modernismo literario a partir do uso do monólogo interior ou fluxo da consciencia.

A súa influencia é palpable na obra de Beckett, Borges, Burroughs e tantos outros. Entre nós, Otero Pedrayo acometeu unha das primeiras traducións dun fragmento do Ulises a unha lingua ibérica.

PROGRAMA

- 12:00 h. Diálogo: Francisco García Tortosa & Antonio Raúl de Toro Santos
Francisco é Catedrático de Filoloxía Inglesa na Universidade de Sevilla, presidente da Asociación Española James Joyce e autor de numerosos libros sobre o xenio irlandés, ademais de responsable da tradución canónica do Ulises para a editorial Cátedra (1999).
Antonio é Catedrático de Filoloxía Inglesa na Universidade da Coruña, director do Instituto Universitario de Investigación de Estudos Irlandeses AMERGIN e tamén un sobresaínte investigador e divulgador da obra de Joyce. Recentemente dirixiu a prestixiosa antoloxía de literatura galega Breogan`s Lighthouse (Francis Boutle Publishers, 2010).

- 13:15 h. Dedalus en Compostela (15’)
Proxección audiovisual na que unha voz en off narra un suposto diálogo entre Vicente Risco e Stephen Dedalus, alter ego de James Joyce, nun paseo polas rúas compostelás.

 - 13:30 h. Concerto: Chamber Music (30’)
A mezzosoprano Marion Sarmiento e o pianista  Nicasio Gradaille interpretan seis cancións do compositor estadounidense Samuel Barber (1910 – 1981) que poñen música a seis dos poemas da obra Chamber Music de Joyce. Produción propia do ciclo Galicia, Ceo das Letras.

Presenta Bieito Iglesias, membro da directiva do Centro Pen Galicia.

Durante sete sesións e ata final de ano desfilarán polo auditorio da Biblioteca de Galicia tres autores cumio das letras galegas (Celso Emilio Ferreiro, Otero Pedrayo e Castelao), unha escritora de nós prodixio da literatura castelá (Emilia Pardo Bazán) e un elenco de talentos mundiais aos que nos unen a veciñanza, a lingua ou o mesto universo da imaxinación (Federico García Lorca, Jorge Amado e James Joyce).

Cada unha das sete sesións que darán vida a estes ‘Sábados de autor’ constará dunha charla inicial impartida por un experto de referencia para, a continuación, dar paso a unha actuación artística -música, cine, teatro…- ligada ao espírito do escritor homenaxeado.

Dentro do programa de actividades organizado pola Asociación de Amigos da Ópera de Santiago de Compostela, o Hotel Araguaney acolle a presentación do libro 'Alma Mahler Gropius' a cargo da súa autora, Almudena de Maeztu. A entrada será libre e gratuíta ata completar aforamento.
 
'Alma Mahler Gropius'
Centroeuropa, primeiro cuarto do século XX. Un mundo axitado e en crise vive momentos cruciais como a Primeira Guerra Mundial, a Revolución Rusa ou a República de Weimar mentres se xesta un dos períodos máis fascinantes da creación artística: o nacemento das vangardas, os “ismos” e o deseño industrial. Este libro é un percorrido por unha Europa convulsa a través dos ollos de Alma Mahler, esposa de Gustav Mahler, Walter Gropius e Franz Werfel: tres xenios da música, a arquitectura e a poesía.
 
Almudena de Maeztu e Manso de Zúñiga naceu en Madrid, pasou a adolescencia na Movida, estudou Historia da Arte no Hammersmisth&West London College de Londres e cursou un Master en expertización e tasación de obras de arte na Universidade de Alcalá de Henares. traballou en varias institucións culturais e exercido o xornalismo en distintos medios nacionais e internacionais. Pertence a unha familia de gran soleira intelectual: é neta do escritor Ramiro de Maeztu e sobriña neta da pedagoga María de Maeztu e do pintor Gustavo de Maeztu. Está casada co musicólogo José Luís Pérez de Arteaga, con quen traballou estreitamente na redacción e investigación da biografía de Gustav Mahler. Actualmente exerce como anticuaria en Madrid á vez que prepara un libro sobre a súa familia.

A escritora Charo Pita ofrece esta tarde na Libraría Aenea unha sesión de narración oral que levará por título 'Contos de morte e vida'.

A cargo de Charo Pita: lectora, escritora, contadora, oínte, coleccionista de pedras azules e pensadora de historias.

Aforo limitado

Data límite de reserva de praza: 15 de novembro.

“Galicia é unha potencia literaria”. Con esta frase, a Cidade da Cultura iniciou en 2011 unha andaina dedicada a festexar aos nosos meirandes autores clásicos. Esa mesma frase, esa mesma convición, é a que nos incita agora a celebrar unha nova edición do ciclo “Galicia, Ceo das Letras”.

(Fuente Vaqueros, Granada, 1898 – Viznar, Granada, 1936). Membro da xeración do 27, Federico García Lorca é unha das iconas da cultura española do século XX. Poeta sublime e excepcional dramaturgo, a súa obra é reivindicada polas clases populares e polas máis altas instancias da crítica literaria.

O seu vínculo con Galicia foi temperán e intenso, trabando amizade, entre moitos outros, con Ernesto Guerra da Cal e Eduardo Blanco Amor. Aínda hoxe é motivo de acalorados debates quen dos dous influíu máis na escrita e edición dos Seis poemas galegos.

PROGRAMA

- 12:00 | Relatorio: Luis García Montero

Poeta, ensaísta, crítico literario e Catedrático de Literatura Española na Universidade de Granada, foi merecedor, entre outros, do Premio Federico García Lorca, Premio Adonáis, Premio Loewe de Poesía, Premio Nacional de Poesía e Premio Nacional da Crítica. Editor de Lorca, é un fondo coñecedor da obra do seu ilustre paisano.

- 13:00 | Seis Poemas Galegos (35')

Os músicos Ugia Pedreira e Marcos Teira, compoñentes do grupo Marful, na compaña de Fran Pérez "Narf" e Pepe Sendón, interpretarán en exclusiva para o ciclo Galicia, Ceo das Letras os Seis poemas galegos de Lorca, nun concerto inédito.

Reserva praza aquí

A Fundación Eugenio Granell presenta esta tarde o recital libre de poesía 'Relacións textuais', de Jóvenes sin Talento 2. Esta formación de spoken word, composta por María López e Moisés Fernández, propón unha actividade interdisciplinaria a modo de recital/concerto onde ten cabida a música, o vídeo e a poesía.

Relaciones textuales achega ao público as creacións deste grupo de novos poetas, que nesta ocasión contarán coa colaboración videográfica de Eduardo Fernández e estarán acompañados polo artista Andrés Ibáñez, quen se encargará da presentación de micro aberto, espazo no que o público poderá interactuar recitando un poema propio ou alleo.

Este recital pretende funcionar a modo de presentación dun espazo multidisciplinar partindo do feito poético relacionado con diferentes creadores. Unha invitación aberta á participación do público en xeral, non só como lugar de reflexión senón tamén como espazo de expresión persoal, xerando diferentes materiais que se amosarán ao público en diversas sesións.

A Sala Lucernario da Fundación Eugenio Granell acolle a presentación do libro infantil 'Contos para nenos un pouquiño modernos' de José Carlos Bermejo Barrera, o primeiro libro en galego da editorial Enxebrebooks, que ofrece as súas obras tanto en formato electrónico coma en papel.

A presentación correrá a cargo de Alicia Romero, editora da obra, e Claudio Rodríguez Fer, poeta e ensaísta; e contará tamén coa presenza do autor, José Carlos Bermejo Barrera, catedrático de Historia Antiga da Universidade de Santiago de Compostela.

O libro, ilustrado por Santi Jiménez, promove valores tan importantes como a igualdade, o respecto aos maiores e a disposición a axudar aos demáis, etc., a través das historias de Xulia e Ximena, dúas rapazas aventureiras que viven nunha Galicia medieval e contemporánea ao mesmo tempo.

Verónica Martínez Delgado presenta na libraría Couceiro a súa última publicación, 'Lusocuria', nun acto no que estará acompañada por Teresa Moure.

Lusocuria
Verónica Martínez Delgado
O Figurante edicións

Hai palabras que doen e hai palabras que liberan. Un work in progress, no cal Veróniva Martínez Delgado lanza unha impresión que evoluciona ao camiñar nunha espiral de reflexións íntimas nunha realidade en transformación, que cambia a percepción, vítima de acontecementos, descobre novos camiños. Un libro sempre inacabado, apresado pola forza e a intensidade do amor e o sexo, como a primeira expresión.

O salón de actos da Biblioteca pública Ánxel Casal acolle esta tarde a presentación de 'Um sopro de alma', libro escrito por Helena Magalhaes e publicado pola editorial Seleer.

O escritor Manuel Portas falará sobre creación literaria na Biblioteca Ánxel Casal, nunha sesión aberta ao público que continuará cos encontros con escritores e escritoras dispostos a compartir as súas experiencias no mundo da literatura e a axudar a superar obstáculos comúns tanto á hora de escribir unha novela como á hora de publicala.

A actividade está organiza pola Asociación Cultural O Galo.

Un ano máis, e durante dúas semanas, o Paseo Central da Alameda alberga a tradicional Feira do Libro Antigo e de Ocasión, que na súa XXII edición conta coa participación de librerías de distintas comunidades españolas, de contrastada calidade, con máis de 100.000 exemplares que se poñerán á venda durante os 15 días de feira.

Dentro do gran número de materiais expostos, poderanse atopar curiosidades bibliográficas editadas nos séculos XVII e XVIII, primeiras edicións de libros de autores dos séculos XIX e inicios do XX (Rosalía, Curros, Valle Inclán, Pardo Bazán, Baroja, Alberti, Neruda, Gómez de la Serna) e documentacións profesionais, carteis, prensa e revistas, todo tipo de materiais impresos, cartas postais, mapas, papel moeda, facsímiles e libros de ocasión que polo seu prezo, poden constituír unha boa equipaxe para as vacacións de verán e para fondo de biblioteca, así como unha excelente ocasión para os coleccionistas e bibliófilos.

A Biblioteca Galicia da Cidade da Cultura acolle ata finais do mes de xullo 'Un Percorrido polo Universo Borgeano', unha mostra na que se poden ver os diferentes aspectos que formaron a vida e a obra de Jorge Luis Borges, desde a súa mocidade ate a súa morte, ocorrida hai 25 anos.

Na mostra, que ten carácter foto-biblio-hemerográfica e documental, ten especial significación, como non podía ser doutro xeito, os seus libros. Exemplares de todas as primeiras edicións dos libros de Jorge Luis Borges, ademais de libros asinados e dedicados por el, libros da súa biblioteca persoal, edicións especiais, libros prologados e traducións.

A parte hemerográfica cobra tamén destaque. Como se sabe, Borges nunca escribiu novelas, só poesías, contos e ensaios, e dado que a súa extensión así o permitía, foron publicados en moitos casos de inicio en revistas literarias, revistas de interese xeral ou xornais. Expóñense algunhas destas publicacións.

Así mesmo poderán apreciarse diferentes retratos de Borges tomados por algúns dos máis importantes fotógrafos, e en diferentes etapas e situacións da súa vida, algunhas delas poñendo en evidencia o seu extraordinario sentido do humor.

Inclúese ademais un apartado documental, onde se presenta correspondencia persoal, selos postais, moedas conmemorativas, artigos xornalísticos, etc.

Este conxunto permitiralle ao espectador achegarse ao mundo fascinante deste escritor imprescindible.

Ao longo do mes de agosto, a Biblioteca Pública Ánxel Casal ofrece unha exposición de literatura infantil con propostas clásicas e novidosas para os máis pequenos.

Durante todo o mes de agosto, a Biblioteca Pública Ánxel Casal acolle a exposición ' Festas de Galicia', unha mostra bibliográfica sobre as numerosas tradicións festivas galegas na época estival.

Ata finais de ano, a Biblioteca Pública Ánxel Casal organiza unha exposición bibliográfica sobre a vida e obra da escritora cubano galega casada con Xosé Neira Vilas e falecida en 2009.

A libraría Aenea organiza ata mediados do mes de xaneiro unha exposición na que os visitantes poderán contemplar as ilustracións realizadas por Iván Valladares para o libro 'O mundo secreto de Basilius Hoffman', de Fernando M. Cimadevilla.

Durante o mes de marzo, o Hall da Biblioteca pública Ánxel Casal acolle unha exposición sobre apicultura. A Asociación Galega de Apicultura (AGA) tratará de introducir o mundo das abellas na biblioteca a través desta e outras actividades.

Exposición sobre bibliografía apícola, apicultura en Galicia e outro material divulgativo da Asociación Galega de Apicultura e da biblioteca Ánxel Casal.

Durante todo o mes de marzo, a Sala infantil da Biblioteca pública Ánxel Casal acolle unha mostra bibliográfica titulada 'Emocións, sentimentos e valores'.

As mostras bibliográficas poden visitarse durante o horario de apertura da biblioteca.

Os libros son moito máis que un espazo para albergar contidos. Así o entenden o escritor e pintor Baldo Ramos e o artista plástico Caxigueiro que, a través da exposición “Os ollos das palabras”, exploran a interferencia entre a plástica e a literatura.

Partindo da súa particular obra -na que os libros convidan a entrar na súa materia, na súa cerna poética, a traspasar a convención da lectura literal-, este proxecto conxunto persegue enfiar un diálogo entre o libro como continente e explorar as súas posibilidades visuais e literarias.

Instalacións, libros en papel de gran formato, esculturas en gres, poemas visuais, versos escritos en diálogo coas creacións plásticas… son algunhas das achegas persoais coas que Baldo Ramos e Caxigueiro convidan a ollar o libro dende as palabras e habitar as palabras dende a materia que manipula o artista e que conta con dúas homenaxes: unha a Díaz Pardo en forma de instalación e outra a Celso Emilio Ferreiro a través dun volume único.

Un diálogo radical coas entrañas deses libros que nunca se pechan ao terminar de lelos.

Máis info: aquí

Exposición que xira arredor da figura de Chankecham, veciño de Pontecesures que creou a súa propia imprenta para autoeditarse. A mostra inclúe os libros publicados baixo este sistema artesanal, así como o propio obradoiro do artista.

Chankecham, pseudónimo de Francisco Barros Cascallar (Pontecesures, 1931), é un poeta, escritor e artista que con grande ambición e teimosía levou adiante a 'reinvención' da imprenta de Gutenberg, construíndo polos seus medios unha prensa e un tórculo, labrando a man os tipos, fabricando rodetes, calibradores e outros instrumentos de impresión, e finalmente estampando curtas tiraxes de cada un dos títulos, facendo deles uns asombrosos incunables contemporáneos.

De formación autodidacta, en Madrid mercou os seus primeiros libros, que como explica, viaxaron sempre con el nunha maleta, primeiro ao Brasil no 1956, logo no retorno a Galicia no 1968. Desta maneira, a súa maleta de libros converteuse nunha "universidade portátil, ao gusto persoal". Na Casa de Galicia de São Paulo publicou o seu primeiro libro, Lira celta (1964), con prólogo de Ángel Nieto Vicente.

A súa obra literaria consta de cantigas e odas poéticas, e tamén ensaios literarios de carácter político entre as que destacamos as súas utopías galácticas Galitopia e Viagem ao fim dos tempos.

O esforzo literario, artístico e editorial de Chankecham é escasamente coñecido, e esta exposición é unha ocasión para mellor coñecer e apreciar a súa obra. A exposición "Do it yourself!", presenta o Legado Chankecham á Biblioteca de Galicia, composto por nove libros case-incunables, o tórculo, a imprenta, os tipos e o instrumental, as pranchas de gravado e outros elementos, e documentación sobre o seu prodixioso e secreto labor creativo.

A exposición ábrese cunha enorme pintura mural –feita polo artista Kukas– que reproduce unha das súas estampas, a Conversa do Home da Barba Florida coas Estrelas da Noite.

Acompañando a exposición preséntase un documentario sobre a súa obra e persoa realizado por Simón Vázquez.

Nos primeiros días de maio, un obradoiro de autoedición, dirixido polo artista Federico Guzmán e titulado "Candura & Coraxe", porá en funcionamento por derradeira ocasión a imprenta inventada por este fabuloso e descoñecido artista impresor.

Con motivo do Día Internacional do Libro Infantil, a Biblioteca Novacaixagalicia organiza durante o mes de abril unha mostra bibliográfica dedicada a un dos escritores de contos máis importantes de toda a historia da literatura, Hans Christian Andersen.

Os nenos e nenas que se acheguen durante o mes de abril á Biblioteca Novacaixagalicia terán acceso a un extenso fondo bibliográfico vinculado cos contos de Andersen. Títulos tan importantes como O parruliño feo, A sereíña ou O soldadiño de chumbo forman parte das obras expostas.

O Salón de actos da Biblioteca pública Ánxel Casal acolle ata finais do mes de maio a exposición 'Un paseo ilustrado', de David Pintor e Óscar Villán, unha escolma dos traballos destes dous autores nos últimos anos no eido da ilustración.

Os autores convídannos a dar un paseo polo seu persoal mundo cheo de fantasía, lirismo e imaxinación. Ilustracións acompañadas dunha mostra bibliográfica da nosa biblioteca.

Ata mediados do mes de xuño, a Fundación Granell acolle a mostra 'Encadernando', unha exposición organizada pola Consellería de Economía e Industria a través da Fundación Centro Galego da Artesanía e do Deseño, que achegar á sociedade o traballo dos artesáns galegos, contribuíndo á súa promoción e posta en valor.

'Encadernando' é unha antoloxía de pezas e de creadores de encadernación artesanal elaborada en colaboración coa Asociación Galega de Encadernación de Arte (AGEA), coa que se representa a gran diversidade existente neste oficio en Galicia. O exquisito traballo cos diferentes materiais, así como o uso dunha variedade de técnicas artesanais, contribúen a facer da encadernación unha actividade económica na que os artesáns galegos son un referente a nivel nacional e internacional.

A mostra 'Encadernando', que se pode ver na Fundación Granell tras o seu paso pola Coruña, está formada por 26 pezas coas que se mostra como a encadernación contribúe a converter os libros en pezas de gran beleza estética, persoal e única. As obras foron elaboradas por sete profesionais da encadernación inscritos no Rexistro Xeral de Artesanía da Xunta, e que representan, polo tanto, a marca Artesanía de Galicia.

A Cidade da Cultura organiza ata principios de xaneiro de 2013 unha exposición irrepetible con doce xoias da produción documental da Igrexa na Idade Media.

'Códices, xoias das catedrais galegas na Idade Media' propón unha inmersión nunha Idade Media afastada dos tópicos oscurantistas; unha Idade Media de luminosidade e desenvolvemento cultural, de miniaturas, imaxes, cores, manuscritos e imprentas... Folios e pergameos que translocen toda unha organización social, económica e política. A viaxe levará ao visitante polas principais mostras de códices e libros medievais entre os séculos X e XV, con exemplares únicos en Europa, como o Códice Calixtino e os diversos tombos, o primeiro libro impreso en Galicia, caso do Misal Auriense, ou magníficas copias miniadas, como a Legenda Maior ou o Pasionario Tudense.

Todo un percorrido formulado dende a sinxela dobre perspectiva do coñecemento e do desfrute, e facendo sempre fincapé na importancia, individualidade e particularidade de cada un dos volumes.

Unha exposición irrepetible con doce xoias da produción documental da Igrexa na Idade Media que se mostran ao público en todo o seu esplendor:

Códice Calixtino (½ s. XII)
Tinta sobre pergameo
31,0 x 28,4 x 6 cm

Breviario Auriense (S.XV)
Tinta sobre pergameo
25,0 x 19,0 cm

Libro X de Pergameos Reais (Séculos X-XV)
Tinta sobre pergameo
61 x 56 x 6,5 cm

Tombo A (Cc. 1130-1140)
Tinta sobre pergameo
49,4 x 35,4 x 3,7 cm

Tombo Pechado (Ss. XIV-XV)
Tinta sobre pergamiño
34,5 x 24,5 x 9,0 cm
   
Misal Auriense (1494. Monterrei)
Impreso sobre vitela
34 x 24 x 8,5 cm

Pontifical de Tui (Século XIV)
Tinta sobre vitela
33 x 22 cm

Legenda Maior (Finais s. XIII-comezos s. XIV)
Tinta sobre pergamiño
15,0 x 11,0 x 2,5 cm

Libro XI de Bulas Papais (Séculos XII-XV)
Tinta sobre pergameo
61 x 56 x 6,5 cm

Pasionario Tudense (Primeiro terzo do século XIII)
Tinta sobre pergameo
45,7 x 29,5 cm

Breviario de Miranda (½ s. XV)
Impreso sobre vitela
21,7 x 17,2 x 10,4 cm

Historia Compostelá (S. XVI)
Tinta sobre papel
29,8 x 23,3 x 8,3 cm

Ao longo do mes de novembro, o salón de actos da Biblioteca pública Ánxel Casal acolle unha exposición en torno á vida e a obra do escritor polaco Czeslaw Milosz, Premio Nobel de Literatura do ano 1980.

A mostra está organizada polo Instituto Polaco de Cultura.

Ata comezos do mes de xaneiro, o Hall da Biblioteca pública Ánxel Casal acolle 'A Terra Media: do Hobbit ao Señor dos Aneis', unha exposición na que se recrea o mundo fantástico creado por J. R. R.Tolkien.

Ata o 7 de xaneiro, a Biblioteca pública Ánxel Casal organiza, na súa Sala Infantil, a mostra bibliográfica titulada 'O Nadal', na que se expoñen os materiais infantís máis destacados da Biblioteca que teñen como temática o Nadal (contos, películas, etc.).

A Fundación Gonzalo Torrente Ballester organiza durante o mes de xullo un curso-obradoiro titulado 'A casa do escritor: Encontros coa literatura'. O curso, impartido por Carmen Becerra, profesora titular de Literatura española e Teoría da Literatura da Universidade de Vigo e Directora Cultural da Fundación, é de asistencia libre e gratuíta.

CURSO-TALLER DE TEXTOS NARRATIVOS 'A CASA DO ESCRITOR: ENCONTROS COA LITERATURA'
   
    IMPARTIDO POR: Carmen Becerra, Profesora titular de Literatura española e Teoría da Literatura da Universidade de Vigo e Directora Cultural da Fundación Gonzalo Torrente Ballester.
    SEDE: Fundación Gonzalo Torrente Ballester. Rúa do Vilar, 7, Santiago de Compostela.

    PROGRAMA:

    1ª Semana. Martes 5 e xoves 7 de xullo, de 11:00 a 13:00 horas:
        “O que se conta e como se conta: a implicación do lector”
   
    2ª Semana. Martes 12 e xoves 14, de 11:00 a 13:00 horas:
        “A presenza e a función do espazo na literatura”

    3ª Semana. Martes 19 e xoves 21, de 11:00 a 13:00 horas:
        “Os mitos na literatura”

INSCRICIÓN:
fgtb@fgtb.org
981 552304, de 9:30 a 14:00 h.

    A asistencia será libre e gratuíta, podendo asistir á totalidade das sesións ou a algunhas delas, polo que se roga confirmen asistencia o día antes, enviando un correo electrónico ao seguinte enderezo: fgtb@fgtb.org, ou chamando ao número 981 552304, de 9:30 a 14:00 h.
    Todos os interesados en recibir un diploma de asistencia, deberán ter asistido ao 70% das sesións e aboado 15 €.

A editorial Páginas e a Libraría Aenea organizan para esta tarde un obradoiro de lectura que estará a cargo do escritor Andrés Neuman, autor do volume de contos 'Hacerse el muerto'.

Aforamento limitado. Recomendamos recoller convite.

Unha cadeira esperando alguén que non chega. Un zapato con memoria. Unha nai que corre en soños. Unha parella namorada do que non fai. Un psiquiatra atendido polo seu paciente. Unha moeda voando nun hospital. Unha muller que se excita con Platón. Dous ensaístas no baño. Un político perseguido por revolucionarios invisibles. Un asasino cubista. Un mundo onde os libros se borran. Un fusilado que pensa. Monólogos. Mirons. Todo isto, e máis, vive en Hacerse el muerto.

Nestes novos contos, Neuman explora o rexistro traxicómico ata as últimas consecuencias, desprazándose do conmovedor ao absurdo, da dor da morte ao máis agudo sentido do humor. Breves pezas que buscan, simultaneamente, a emoción e a experimentación. Un traballo atrevido co estilo, a voz e a temporalidade. Unha impactante serie de reflexións sobre a perda como xeito lúcido de intensificar a vida, de interpretar a nosa asombrada fugacidade.

Do autor escribiron: "Ningún bo lector deixará de percibir nas súas páxinas algo que só é posible encontrar na alta literatura, a que escriben os poetas verdadeiros" (Roberto Bolaño, Entre paréntesis); "Conxuga o sentido da narración cun criterio do lirismo punzante e conmovedor" ( J. E. Ayala-Dip, El País); "Moi intelixente e dono dun idioma escintilante" (M. García-Posada, Abc); "Dotado da tradición arxentina e española, e condenado a elaborar unha obra única" (V. L. Amora, Diario Córdoba); "Un dos mellores contistas da súa xeración" (S. Friera, Página/12); "Prosa exquisita, personaxes absolutamente singulares" (S. Rosano, Clarín); "Non é só unha noticia brillante para Latinoamérica, senón tamén para a literatura europea" (M. Steenmeijer, De Volkskrant, Holanda); "Neuman multiplica a linguaxe literaria e ten o paso dun clásico" (D. Galateria, La Repubblica, Italia).

A Cidade da Cultura de Galicia, dentro das súas actividades de Literatura e Pensamento, pon en marcha o Laboratorio de Pensamento Breve, unha serie de encontros nos que, da man de expertos, exploraremos o valor da brevidade en campos como a Arte, a Filosofía, a Ciencia ou a Socioloxía. A segunda sesión está dedicada á literatura, da man do doutor en Ciencias da Comunicación Manuel Outeiriño.

Manuel Outeiriño é licenciado e doutor en Ciencias da Comunicación pola Universidade Autónoma de Barcelona e profesor de Teorías da Comunicación na USC.

Recuperou e editou textos de Vicente Risco e Ramón Otero Pedrayo. É membro do consello de redacción da revista de pensamento crítico A Trabe de Ouro, na que vén publicando ensaios sobre literatura e cultura contemporáneas.

Recompilou o libro “Globalización e imperialismo cultural”, recentemente editado por Galaxia.

Foi tamén, en certa medida, culpable dos libros “Depósito de espantos”(1994), “Letras vencidas” (1999) e “É” (2005), todos eles de pequeno formato.

Desde tempos inmemoriais o pensamento dos pobos transitou en pequenos enunciados que sintetizaban os saberes básicos e as crenzas constitutivas da comunidade. A oración, o poema, a máxima ou o proverbio, entre outras formas, teceron unha rede textual que nutría e sostiña a cosmovisión de cada cultura.

Nunca deixou de haber eruditos que cristalizaron o seu coñecemento en aforismos, haikus ou micro ensaios. No entanto, na conxuntura actual, co advento da comunicación de masas e a revolución tecnolóxica, o pensamento en pílulas semella vivir unha eclosión inaudita que se evidencia na proliferación de novas variantes como o slogan publicitario ou o tweet.

Desde a Cidade da Cultura quixémonos preguntar sobre a natureza e o devalo do pensamento breve, desde a súa función social e cognitiva ata as súas derivadas estéticas ou políticas.

Para obter unha resposta rica en matices convocamos a unha pluralidade de disciplinas (metafísica, literatura, neurociencia, socioloxía, artes…) e apoiámonos na obra de autores de referencia como Heráclito, Lao Tse, Nietzsche, Cioran, John Cage, Castelao ou Dieste. Por outra parte, como a sabedoría comprimida nunha sentencia non é privativa dos grandes pensadores, dedicamos un apartado a tratar os xéneros populares, sexa o refrán ou a pintada.

En total son seis as sesións que compoñen este Laboratorio. En cada unha delas combinaremos un relatorio inicial a cargo de destacados expertos, cun coloquio aberto a todos os asistentes, e un terceiro tempo, a modo de obradoiro, onde exploraremos a potencia dos formatos breves como ferramenta para a transmisión de saberes, e no que exercitaremos as nosas destrezas na elaboración de aforismos.

Coincidindo coa representación de 'Hamlet...a work in progress', de William Shakespeare, na Zona "C", o actor Alfredo Padilla, especializado no Teatro shakespeareano no Royal Academic of Dramatic Art de Londres, imparte un obradoiro de creación escénica a partir da mestura de técnicas de traballo tradicionais do teatro inglés e as máis innovadoras, onde mostrará os procesos creativos actorais, e conceptos de dirección de actores en Shakespeare, finalizando cunha mostra pública sobre unha peza do dramaturgo inglés.

Prazas: 15 participantes e 10 oíntes
Prezo: 120 € participantes e 50 € oíntes

Este taller é unha variante dos cursos sobre William Shakespeare para actores profesionais que Alfredo Padilla impartiu no Centro Dramático Galego en setembro de 2010, e sobre dirección de actores en Shakespeare nos cursos de verán da ESAD de Vigo (xullo de 2011).

Na Biblioteca pública Ánxel Casal os nenos celebran o Día Internacional do Libro cun obradoiro a cargo de Eduvia, no que se elaborará un libro cheo de imaxinación. Para rapaces de 5 anos en diante.

Duración aproximada de 90 minutos.

Precísase inscrición previa, máximo 30 nenos. Prégase presentarse 10 minutos antes do inicio da actividade.

Neste obradoiro, grazas a imaxinación de todos os rapaces participantes, chegaremos a creación dun libro entre todos e todas que logo quedará exposto na biblioteca, para que o poidan amosar aos seus compañeiros/as, e facerlles ver que a súa obra é tan importante ou máis que calquera outra.

Con motivo da celebración do Día do Libro, a Biblioteca Novacaixagalicia quérese sumar os múltiples actos que se desenvolverán a nivel internacional para conmemorar un produto cultural, o libro, que nos invita a realizar viaxes insospeitadas por mundos fantásticos.

Todos aqueles nenos e nenas con idades comprendidas entre os 5 e os 8 anos poderán asistir, previa inscrición, á actividade de dinamización que terá lugar ás 18:30 h.

A data límite para anotar os nenos e nenas que queiran formar parte desta actividade é o xoves 19 de abril.

Máis información en www.obrasocialncg.com.

Durante tres xornadas consecutivas, a galería A.dfuga organiza un curso de introdución á escritura creativa impartido por Pedro Ramos e titulado 'Cómo contar historias'. A actividade está relacionada coa exposición temporal que estes días acolle a galería, 'Tic, tac...' de Laura Piñeiro.

TEMARIO
A través de diversas lecturas, explicarase aos participantes os seguintes conceptos teórico-prácticos: Estrutura clásica en tres actos: inicio, nó e desenlace ; Diálogos e descricións. A construción de escenas; Cine e Literatura. Formas de mirar.

OBXECTIVOS
Coñecer os mecanismos do conto actual; Proporcionar as ferramentas conceptuais básicas para estruturar e escribir un conto ou un relato curto; Fomentar a creatividade dos participantes.

3 sesións de 2 h + 3 h + 3 h. O segundo día, a clase comezará coa lectura dos traballos dos alumnos seguida dunha crítica construtiva por parte dos participantes e do profesor. Garántese así a participación de cada un de eles e o seu máximo aproveitamento.

www.apuntodfuga.com
A.dFuga_galería de arte
Rúa do Preguntoiro, 28
15704 Santiago de Compostela

INSCRICIÓN
Prezo por persoa: 90 €
En paulacabaleiro@apuntodfuga.com ou chamando ao 667823112

Durante dúas xornadas, a galería A.dfuga acolle un curso de creación literaria inicial impartido pola escritora Espido Freire. A actividade vai dirixida a profesores de literatura, escritores afeccionados, xornalistas e outros profesionais relacionados coa creación literaria.

Imparte: ESPIDO FREIRE
 
Máximo de alumnos: 20
Duración: 8 horas repartidas en 2 días
Datas: Venres 29: 16:00h - 20:00h
Sábado 30: 10:00 - 14:00h
Inscrición en: paulacabaleiro@apuntodfuga.com / 667823112

** A quen vai destinado?
_Profesores de lingua e literatura
_Escritores afeccionados
_Xornalistas
_Profesionais que pola súas circunstancias laborais deban coñecer os rudimentos de escribir ou contar unha historia

** Obxectivos
O obxectivo final deste curso será desenvolver un sistema propio e individual de creación literaria, que nun futuro axude á redacción definitiva de contos ou novelas. Con todo, existen outros obxectivos secundarios, como recoñecer e incorporar estímulos literarios e extraliterarios, a desmitificación de crenzas respecto á creación literaria, a lectura ou o comentario crítico de obras clave, e a incorporación de obras propias e alleas ao proceso creativo.

A.- Desenvolver un sistema propio e individual de creación literaria. Anímase a cada alumno a que se apoie nos seus puntos fortes e a que desenvolva aqueles dos que carece. O trato a cada asistente é individualizado e moi intenso.
B.- Chegar á redacción definitiva de polo menos un conto ou esquema de novela. Os alumnos deberán estar preparados para esbozar ideas en clase e desenvolvelas logo fóra do curso.
C.- Recoñecer e incorporar estímulos literarios e extraliterarios. Gran parte do curso xirará en torno aos estímulos que os alumnos empregan para escribir, e en amosarlles outros nos que poden apoiarse: brainstorming, fragmentos de obras narrativas, poemas, cancións, vídeos musicais, cadros, fotografías, películas...
D.- A desmitificación de crenzas respecto á creación literaria. A inspiración. A necesidade de escribir co corazón. A proxección autobiográfica. A disciplina e os impulsos. As lendas de malditismo. É posible vivir da literatura sen venderse? O mercado literario. As estratexias comerciais.
E.- A lectura e o comentario crítico de obras clave. As obras de obrigada lectura elixidas neste curso serán:
Cumbres borrascosas, -E. Brontë
El adversario -E. Carrere (Anagrama)
Las vírgenes suicidas - J. Eugénides (Anagrama)
La lluvia amarilla - J.Llamazares (Seix Barral)
Aínda que non resulta obrigatorio, recoméndase que os alumnos coñezan algunha das obras de Espido Freire.
F.- A incorporación dos debates e as discusións sobre obras propias e alleas ó proceso creativo. Debido á brevidade do curso, non se traballará sobre o proceso de escritura e corrección da mesma, senón sobre a estrutura profunda da historia.

TEMARIO
Aínda que o desenvolvemento das clases non será ríxido, senón que se adaptará ás necesidades dos alumnos, ao final do curso teranse estudado os seguintes puntos:
1.- Como se orixina unha historia? O que se quere contar.
2.- De que lugar se extraen as ideas? O que se quere transmitir
3.- Como personalizalo? Como transmitir a historia?
4.- Como crear no posible un mundo propio? Como disfrazar a historia
5.- O proceso de tallado: o punto de vista, o narrador, e a psicoloxía da personaxe. Como facer accesible a historia.

www.apuntodfuga.com
A.dFuga_galería de arte
Rúa do Preguntoiro, 28
15704 Santiago de Compostela

INSCRICIÓN
En paulacabaleiro@apuntodfuga.com ou chamando ao 667823112

A Biblioteca Infantil e Xuvenil Novacaixagalicia de Compostela acolle un ano máis o seu curso sobre literaturas Ibéricas. Esta edición leva por título «Narrativas xuvenís no século XXI (2000-2010). Tendencias e correntes».

O presente curso ten como finalidade formar e informar o alumnado participante dunha temática, as Literaturas Infantís e Xuvenís dos ámbitos lingüísticos ibéricos, xeralmente excluída dos planos de estudo das licenciaturas, diplomaturas e graos e, con todo, dunha transcendencia fundamental en ámbitos básicos como a formación lectora e a expresión escrita no mundo das Tecnoloxías da Información e Comunicación (TIC). Tenta analizar estas literaturas dende un enfoque comparativo para dar a coñecer que axentes literarios se presentan máis débiles en cada ámbito lingüístico.

PROGRAMA

** 4 de setembro

- 9,00 h. Recollida de material.
- 10,00 h. Inauguración: Directora do curso e Director da Biblioteca NovaCaixaGalicia.
- 11,00 h. Informe sobre docencia e investigación 2011-2012 na LIX a partir dos Informes de Literatura (CRPIH): Carmen Ferreira Boo e Mar Fernández Vázquez (AELG/USC).
- 12,00 h. Pausa.
- 12,30 h. Os inicios da Literatura Xuvenil: Xosé Neira Vilas. Conversa con Blanca -Ana Roig (AELG/USC).
- 16,00 h. A ficción científica: Ramón Caride e Anxo Fariña. Conversa con Isabel Mociño (AELG/USC).
- 18,00 h. Pausa.
- 18,30 h. Misterio e humor: Santiago Jaureguizar e Pepe Carballude. Conversa con Eulalia Agrelo (AELG/USC).

** 5 de setembro

- 9,00 h. A tradución das narrativas xuvenís ao galego. Pilar Bendoiro (USC).
- 10,30 h.Técnicas tradutolóxicas nas narrativas xuvenís. Lourdes Lorenzo (UVigo).
- 12,00 h. Pausa.
- 12,30 h. Novela histórica e Guerra Civil: An Alfaya e Francisco Castro. Conversa con Marta Neira (AELG/UVigo.CEU).
- 16,00 h. Novas formas literarias: Rosa Aneiros e Marcos Calveiro. Conversa con Vanessa Ferreira da Silva (USC).
- 18,30 h. Pausa.
- 19,00 h. A construción literaria nas obras de Marilar Aleixandre e António Mota. Conversa con Ana Margarida Ramos (Universidade de Aveiro).

** 6 de setembro

- 9,00 h. A ilustración destinada ao público xuvenil no proxecto de El Patito Editorial. Fausto Isorna e Gemma Sesar (El Patito Editorial).
- 11,30 h. Pausa.
- 12,00 h. A fotografía como ilustración para as narrativas xuvenís. José Mª Mesías (UdC).
- 16,00 h. Informes dos investigadores da Rede sobre a LX nos ámbitos castelán, catalán, galego, portugués, vasco e no ámbito iberoamericano. Conversa con Isabel Soto (AELG/USC) e Blanca -Ana Roig (AELG/USC).
- 17,45 h. Os novos portais da Biblioteca Virtual Miguel de Cervantes de autores de LIX: Agustín Fernández Paz (Galicia) e Ema Wolf (Arxentina). Ramón Llorens (Universitat d’Alacant).
- 18,15 h. Pausa.
- 18,30 h. Taller de creación literaria. AELG

** 7 de setembro

- 9,00 h. Contos do demo. Espectáculo de narración oral. Inacio
- 11,00 h. Presentación do libro A narrativa xuvenil a debate (2000-2011). Manuel Bragado, Blanca -Ana Roig e Alexia Dotras.
- 12,00 h. Pausa.
- 12,30 h. Clausura
- 13,30 h. Entrega de certificados de participación. Reitor ou representación, Director do Departamento de Filoloxía Galega, Presidente da AELG, Directora do curso.

Durante dúas xornadas, a galería A.dfuga acolle un curso de creación literaria inicial impartido pola escritora Espido Freire. A actividade vai dirixida a profesores de literatura, escritores afeccionados, xornalistas e outros profesionais relacionados coa creación literaria.

Imparte: ESPIDO FREIRE
 
Máximo de alumnos: 20
Duración: 8 horas repartidas en 2 días
Datas: Venres 19: 16:00h - 20:00h.
Sábado 20: 10:00 - 14:00h.
Inscrición en: paulacabaleiro@apuntodfuga.com / 667823112

** A quen vai destinado?
_Profesores de lingua e literatura
_Escritores afeccionados
_Xornalistas
_Profesionais que pola súas circunstancias laborais deban coñecer os rudimentos de escribir ou contar unha historia

** Obxectivos
O obxectivo final deste curso será desenvolver un sistema propio e individual de creación literaria, que nun futuro axude á redacción definitiva de contos ou novelas. Con todo, existen outros obxectivos secundarios, como recoñecer e incorporar estímulos literarios e extraliterarios, a desmitificación de crenzas respecto á creación literaria, a lectura ou o comentario crítico de obras clave, e a incorporación de obras propias e alleas ao proceso creativo.

A.- Desenvolver un sistema propio e individual de creación literaria. Anímase a cada alumno a que se apoie nos seus puntos fortes e a que desenvolva aqueles dos que carece. O trato a cada asistente é individualizado e moi intenso.
B.- Chegar á redacción definitiva de polo menos un conto ou esquema de novela. Os alumnos deberán estar preparados para esbozar ideas en clase e desenvolvelas logo fóra do curso.
C.- Recoñecer e incorporar estímulos literarios e extraliterarios. Gran parte do curso xirará en torno aos estímulos que os alumnos empregan para escribir, e en amosarlles outros nos que poden apoiarse: brainstorming, fragmentos de obras narrativas, poemas, cancións, vídeos musicais, cadros, fotografías, películas...
D.- A desmitificación de crenzas respecto á creación literaria. A inspiración. A necesidade de escribir co corazón. A proxección autobiográfica. A disciplina e os impulsos. As lendas de malditismo. É posible vivir da literatura sen venderse? O mercado literario. As estratexias comerciais.
E.- A lectura e o comentario crítico de obras clave. As obras de obrigada lectura elixidas neste curso serán:
Cumbres borrascosas, -E. Brontë
El adversario -E. Carrere (Anagrama)
Las vírgenes suicidas - J. Eugénides (Anagrama)
La lluvia amarilla - J.Llamazares (Seix Barral)
Aínda que non resulta obrigatorio, recoméndase que os alumnos coñezan algunha das obras de Espido Freire.
F.- A incorporación dos debates e as discusións sobre obras propias e alleas ó proceso creativo. Debido á brevidade do curso, non se traballará sobre o proceso de escritura e corrección da mesma, senón sobre a estrutura profunda da historia.

TEMARIO
Aínda que o desenvolvemento das clases non será ríxido, senón que se adaptará ás necesidades dos alumnos, ao final do curso teranse estudado os seguintes puntos:
1.- Como se orixina unha historia? O que se quere contar.
2.- De que lugar se extraen as ideas? O que se quere transmitir
3.- Como personalizalo? Como transmitir a historia?
4.- Como crear no posible un mundo propio? Como disfrazar a historia
5.- O proceso de tallado: o punto de vista, o narrador, e a psicoloxía da personaxe. Como facer accesible a historia.

www.apuntodfuga.com
A.dFuga_galería de arte
Rúa do Preguntoiro, 28
15704 Santiago de Compostela

INSCRICIÓN
En paulacabaleiro@apuntodfuga.com ou chamando ao 667823112

A Fundación Eugenio Granell presenta o primeiro obradoiro de poesía asociado aos Picaversos: 'Últimas tendencias da poesía española actual', coordinado pola poeta Ana Gorría. Nel analizaremos a poética dos autores máis recentes e diversos do panorama estatal. Revisaremos a tradición que desenvolven e as súas diferenzas. Atenderemos á pluralidade de voces poéticas, incluídas as vascas, galegas e catalás.

O obradoiro está dirixido para todo aquel que teña como interese o mundo da poesía e todo o que a rodea.

Gorría é mestra en Estudos Literarios pola Universidade Complutense de Madrid e licenciada en Filoloxía Hispánica pola UCM: Durante catro anos formouse como investigadora en artes escénicas no CSIC cunha bolsa do programa de formación de Profesorado Universitario. Como poeta, publicou os libros Clepsidra, Araña y los cuadernillos De lo real y su contrario y El presente desnudo, proxectos nos que a súa poesía dialoga con compositores como Juan Gómez Espinosa ou artistas plásticas como Pepa Cobo, Cristina Martos Vela ou Sonia Pulido. Realizou versións de poetas ingleses, como John Ash, e de poetas galegos como Chus Pato. Exerceu a crítica literaria no diario Público e publicou artigos en monográficos e revistas de especialidade como Cuadernos Hispanoamericanos, Ínsula, Nuevos Hispanismos, Afinidades o Sesión no numerada, da que forma parte do consello editorial.

Datas: 11, 12 e 13 de decembro de 18:00 a 20:00 h.
Lugar: Lucernario da Fundación Eugenio Granell
Inscricións: 30 € / Prazas limitadas
Máis información: 981557242 / 659 888 709
http://picaversos.wordpress.com/

'A arte de falar en público' é o título do curso de oratoria que, ao longo deste fin de semana, a escritora Espido Freire impartirá no espazo de arte Bus Station Space.

** Imparte: Espido Freire, directora do curso e escritora.
Estudou Filoloxía Inglesa e licenciouse en Ciencias
Políticas.
Directora Xeral da empresa E+F

** Número de alumnos: 25

** Duración do curso: 8 horas

A quen está destinado?
O curso intenta cubrir as demandas dos que, polo seu traballo, deben expresarse de xeito habitual en público en termos correctos, literarios ou non, ou ben en medios de comunicación, pero non saben crear as súas propias historias, ou transmitilas ante unha audiencia con propiedade:
- Profesores de lingua e literatura.
- Escritores afeccionados
- Xornalistas
- Profesións que demandan presentacións públicas, tanto presenciais como por escrito.

OBXECTIVOS

1. Desenvolver un sistema propio de creación de historias e argumentos.
O curso ensinará a crear un discurso ou historia a partir dos elementos dados e a dotalos de interese. Remátase así coa improvisación fronte ao público, coa dependencia de apuntamentos, power points ou discursos escritos.

2. Estímulos literarios e extra literarios.
Como se transforman unha serie de datos ou anécdotas nunha historia que teña sentido no ámbito empresarial ou profesional? Incorporar os coñecementos xerais e culturais ao discurso diario. Literatura para executivos: Por que triunfa en Estados Unidos?

3. A desmitificación de crenzas e a perda do medo.
Fronte ás crenzas públicas de que as intervencións teñen que ser dunha forma determinada, o curso propón unha parte práctica de oratoria, técnicas de emisión de voz - xeito de falar e técnicas de emisión da voz -, linguaxe corporal, importancia da imaxe, etc.

4. Posta en escena.
Planificación por parte dos alumnos de como as técnicas aprendidas no curso poden ser levadas a cabo na área laboral. Persuasión, manipulación, sedución.

PROGRAMACIÓN

INTRODUCIÓN Á ORATORIA E A CREACIÓN LITERARIA
- Presentación. Exposición do modelo de traballo.
- Entrega de lecturas de apoio.
- Desmitificación de crenzas respecto á creación de historias e falar en público. Técnicas para estimular a inventiva.
- Como se orixina unha historia.
- O esquema. Os tres niveis dunha historia.
- Tratamento do tema. Opóñense a inspiración e a elaboración minuciosa dunha idea?
- DAFO- Puntos débiles, puntos fortes. Que facer con eles?

QUE QUEREMOS CONTAR, POR QUE E A QUEN
- O argumento.
- A sub-trama. Porqué hai xente que conta ben unha historia e xente que non?
- Transmitir a historia.
- Busca da propia linguaxe. A intensidade. O estilo. A extensión.
- A análise da audiencia. Que sabemos, como saber máis, como conseguir a identificación. Técnicas de simpatía e empatía.

OS ESTÍMULOS EXTRALITERARIOS. QUE NOS CONTA A SOCIEDADE?
- Exercicios de recoñecemento e recordo de anécdotas, elementos de cultura popular, día a día... como lograr o interese do oínte?
QUEN FALA, QUEN ESCOITA
- O narrador. Quen es e por que contas esa historia.
A proximidade e distancia.
- Diálogos Cando falar e cando escoitar? Debe abrirse unha quenda de preguntas? Como se contesta as preguntas?
- O ritmo no relato. Como se consegue o axeitado?

QUE MENSAXES ENVÍAS EN SILENCIO
LINGUAXE CORPORAL.
- Actitude física
- Posición corporal
- O vestido, os zapatos, o pelo
- Os xestos que se poden controlar
- Os xestos que non se poden controlar
- As muletas
- Que proxectas cando te ven?
- Que dis cando non dis nada?

Prazas limitadas.

Máis info: www.busstationspace.es, arte@busstationspace.es, 625342065

A Biblioteca Ánxel Casal acolle esta tarde a presentación dos Obradoiros de Creación Escrita organizados pola Asociación Cultural O Galo.

O Obradoiro de Creación Literaria está orientado a aqueles e aquelas que gozan da lectura e que queren comezar a escribir as súas propias obras, pequenas ou grandes. O Obradoiro de Creación Crítica busca axudarlles a plasmar por escrito as súas opinións e ideas de forma estruturada e organizada, que permita unha mellor e rápida comprensión e facilite o debate razoado.

A primeira clase é gratuíta. É posible inscribirse na web da asociación.

Toda a info aquí

Teresa Moure imparte na Biblioteca Ánxel Casal un obradoiro sobre creación literaria. A sesión, aberta ao público, iniciará a xeira de encontros cun grupo de escritores e escritoras que colaboran desinteresadamente co Obradoiro de Creación Literaria da Agrupación Cultural O Galo, co único interese de axudar na transmisión de coñecementos e experiencia a aqueles e aquelas que o necesitan.

Teresa Moure é autora dunha obra moi variada, que vai desde a literatura infantil e xuvenil, con obras como A casa dos Lucarios ou Mamá, ti si que me entendes!, ao ensaio, xénero no que publicou recentemente Queer-emos un mundo novo. Sobre cápsulas, xéneros e falsas clasificacións polo que recibiu o Premio Ramón Piñeiro 2011, pasando tamén polo teatro, con obras como Unha primavera para Aldara e Cínicas, e por suposto a novela, con títulos como A xeira das árbores ou a máis recente A intervención.

Sen dúbida, esa versatilidade dálle un especial interese a este encontro, pois poderá resolver dúbidas referentes á creación literaria dentro de varios xéneros, ademáis de poder falar sobre o proceso que segue á conclusión dun libro: a inscrición en premios e certames, a edición, a publicitación, a presentación pública da obra, etc.

Con motivo do Día Internacional do Libro, a Biblioteca pública Ánxel Casal organiza un obradoiro infantil, a cargo de CREARTE, para nenos e nenas de 5 a 14 anos.

Duración aprox. 75 min.

Imaxes proxectadas, lecturas e actividades conforman a dinámica destes obradoiros.

Precísase inscrición previa, máximo 25 rapaces.

Prégase presentarse 10 minutos antes do inicio da actividade.

O Paraninfo da facultade de Historia acolle durante catro xornadas as IV Leccións Xacobeas Internacionais 'Os sentidos no Camiño', un congreso divulgativo durante o que varios estudosos presentarán as últimas investigacións sobre o Camiño, o fenómeno xacobeo, o culto ao Apóstolo e a Catedral de Santiago.

PROGRAMA

Sección 1 -800 ANIVERSARIO DA CONSAGRACIÓN DA CATEDRAL DE SANTIAGO

**20 de xullo

- 9.00 h. Inauguración do curso
- 9.30 h-11 h. (conferencia inaugural): José María Díaz (Deán da Catedral de Santiago): Rito e protagonistas da Consagración da Catedral de Santiago.
- 11 h-12.30 h: Corina Rohn (catedrática de Historia da Arquitectura da Universidade Hochschule RheinMain de Wiesbaden): As pedras falan. A construción da Catedral románica de Santiago de Compostela: últimas investigacións.
- 12.30 h-14 h: Rafael López Guzmán (catedrático de Historia da Arte da Universidade de Granada): A primeira misa do Apóstolo en España. O Sacromonte granadino e os libros plúmbeos.
- 16 h-19 h: Visita guiada á exposición Domus Iacobi: a historia da Catedral de Santiago e Visita guiada nocturna á Catedral de Santiago.

Sección 2 - OS SENTIDOS NO CAMIÑO

**21 de xullo

O TACTO
- 9.30 h-11 h: Clinete Lacativa (presidenta da Confraría do Glorioso Apóstolo Santiago de Río de Janeiro): Do Sol ata a Luz: adestramento para o Camiño de Santiago en Brasil.

A VISTA
- 11 h. -12.30 h: Javier Gómez Montero (catedrático de Literaturas Románicas, Centro de Estudos Galegos da Universidade de Kiel): As lecturas contemporáneas do Camiño.
- 12.30 h. -14 h: Luis Hueso Montón (catedrático de Cine da USC): O Camiño en imaxes cinematográficas.
- 16 h-19 h: Visita guiada a igrexa e museo de San Martiño Pinario

**22 de xullo

O OIDO
- 9.30 h-11 h: Carlos Villanueva Abelairas (catedrático de Música da USC): Os sons do Camiño.
O OLFACTO
- 11 h-12.30 h: Jesús Izco Sevillano (Catedrático de Botánica da USC): Cores e perfumes do Camiño.
O GUSTO
- 12.30 h-14 h: Xavier Castro Pérez (catedrático de Escola Universitaria de Historia Contemporánea da USC): Xantares dos peregrinos.
- 16 h-19 h: Visita guiada ás coleccións do Museo das Peregrinacións e de Santiago.

Sección 3 - ANDANDO O CAMIÑO

**23 de xullo
"Andaina" dun tramo do Camiño da Costa da Morte - Monte Pindo - guiado por socios da AGACS, profesores da USC e relatores das Leccións.
- 9 h.- Saída de autobuses da Praza de Galicia.
- 11 h.- Camiñada de varios quilómetros polo tramo do Camiño de Santiago no Monte Pindo coñecendo as rochas e as súas lendas. Comida pic-nic no Pindo. (Nivel de dificultade baixa).
- 17 h.- Visita ao patrimonio da vila de Corcubión.
- 19 h.- Visita a Fisterra.
- 20 h.- Posta de sol en barco dende Fisterra (prazas limitadas).
- 22 h.- Regreso a Santiago

Encontro co autor angolano Ondjaki organizado por AGAL en colaboración con Carlos Quiroga, profesor de Literatura portuguesa da USC.

Ondjaki é un dos máis coñecidos autores de Angola e está a facer unha xira por Portugal e Galicia. O evento é organizado pola AGAL en colaboración con Carlos Quiroga, profesor de Literatura Portuguesa na USC. Instalarase unha mesa con libros do autor.

Ondjaki naceu en Luanda, no 1977. Escribe prosa e poesía, e tamén para o cine. Co-realizou un documental sobre a cidade de Luanda (“Oxalá cresçam pitangas – histórias de Luanda”, 2006). É membro da União dos Escritores Angolanos e da Associação Protectora do Anonimato dos Gambuzinos. Algúns libros seus están traducidos ao francês, español, italiano, alemán, inglés, sérvio, sueco e polaco.

Web do autor: www.kazukuta.com/ondjaki/ondjaki.html

Lugar: Salón de Actos, ás 19:30 h. (Duración aprox. 90 minutos)

A Casa do Lector, a Embaixada dos Estados Unidos e a Fundación Gonzalo Torrente Ballester organizan un encontro anual entre escritores estadounidenses e españois. O primeiro escritor estadounidense en participar no ciclo será Dinaw Mengestu, que se encontrará na sede compostelá da Fundación Torrente Ballester con Manuel Rivas.

Os encontros celebraranse en Santiago de Compostela, Salamanca e Madrid.
Casa de Lector, a Embaixada dos Estados Unidos e a Fundación Gonzalo Torrente Ballester
organizan un encontro de escritores estadounidenses e españois que se iniciará no
mes de febreiro e que continuará con dous ciclos máis nos meses de marzo e setembro.

O ciclo, que se organiza en colaboración con Matadoiro Madrid, a Universidade de Salamanca e
Bureau of International Information Programs (IIP) está coordinado por Valerie Miles, directora da revista Granta en Español. O principal obxectivo deste ciclo é xerar encontros, ao longo dun ano, entre escritores de ficción españois e estadounidenses e mostrar, a través deles, a riqueza e diversidade de ambas as dúas literaturas. Trátase tamén de explorar as singularidades e preocupacións comúns dos autores participantes, ademais de subliñar como vehículo de transmisión de valores culturais e atraer novos lectores.

Os escritores deben de ser representativos da súa xeración e, idealmente, personificarán a
diversidade xeográfica, étnica e socio cultural dos Estados Unidos e de España. Os debates xirarán sobre o oficio de escritor, as influencias comúns, as diferenzas de cada literatura, as preocupacións actuais, o mercado literario, etc.

O primeiro encontro será con Dinaw Mengestu. Escritor estadounidense, nacido en Etiopía (Addis
Abeba, 1978), Dinaw Mengestu logrou o apluso da crítica coas súas dúas primeiras novelas, conseguindo premios como o Guardian First Book ou o de Los Angeles Times, ademais de entrar entre os "20 under 40", seleccionado polo New Yorker. Mengestu tamén é coñecido polos seus artigos e reportaxes xornalísticas para medios como Rolling Stone, Harper's ou Wall Street Journal. O seu último libro publicado en España leva o título de El lugar del aire (ed. Lumen, 2012). Nel, Yosef e Mariam, un matrimonio de inmigrantes etíopes, emprenden unha viaxe por Estados Unidos en busca dunha nova oportunidade como parella. Trinta anos despois, Yosef morre e Jonas, o fillo de ambos os dous, deixa atrás o seu traballo e un matrimonio falido para repetir aquela viaxe. Jonas recrea así a historia dos seus pais, ansiando encontrar no pasado as claves para enxergar o seu futuro. Na súa segunda novela, entrelaza diversas historias e voces cun dominio asombroso. Constrúe un retrato realmente poderoso de Etiopía e Estados Unidos, da inmigración, as relacións familiares e o mundo da parella realmente poderoso.

O programa de encontros de Dinaw Mengestu será o seguinte:

**Dinaw Mengestu / Manuel Rivas
Día 6 de febreiro ás 19.30 horas
Fundación Gonzalo Torrente Ballester (Santiago de Compostela)

**Dinaw Mengestu / Pablo Nacach
Día 7 de febreiro ás 19.30 horas
Matadero Madrid.

**Dinaw Mengestu / Javier Ruescas Sánchez
Día 8 de febreiro ás 19.30
Universidade de Salamanca.

O segundo ciclo, que se celebrará no mes de marzo, será co escritor Benjamin Kunkel.

A Asociación Profesionais da Tradución e a Interpretación organiza no Kunsthalle unha mesa redonda titulada 'A tradución literaria: unha cadea de pensamento' con motivo do Día Internacional da Tradución 2012.

Este ano, polo Día Internacional da Tradución, a Asociación Profesionais da Tradución decidiu reunir representantes dos diferentes momentos da cadea de pensamento que é a tradución literaria e brindar un espazo no que conversar. Na mesa redonda 'A tradución literaria: unha cadea de pensamento' tomarán parte:

- Manolo Bragado, editor
- John Rutherford, tradutor
- Antonio Martín, revisor
- Pablo Couceiro, libreiro
- Concha Costas, lectora

Modera: Belén Regueira

Máis info en: www.agpti.org

A sede da Fundación Granell acolle esta mañá a presentación do epistolario entre Eugenio Granell e Rubia Barcia 'Correspondencia con José Rubia. Almas gemelas (1940 – 1993)', nun acto que estará a cargo do prologuista da publicación Javier Herrera, Doutor en Historia da arte e Director da Biblioteca da Filmoteca Española. Ademáis se presentará a edición facsimilar do volume 'Umbral de sueños', editado por Anthropos en 1985 escrito por Rubia Barcia e ilustrado por Granell, da man do Catedrático da USC Claudio Rodríguez Fer.

A Fundación Araguaney-Puente de Culturas acolle hoxe a presentación da novela 'Regalo de memoria', unha obra escrita conxuntamente por Ghaleb Jaber Ibrahim, presidente da Fundación Araguaney e a escritora ourensá Noe Martínez. A edición da obra correu a cargo de Teófilo Comunicación a través da súa división editorial Teófilo Edicións.

LUGAR: Salón de actos do Hotel Araguaney. Montero Ríos, 25-27. Santiago.
PRESENTES: Ghaleb Jaber Ibrahim, autor; Noe Martínez, escritora e José Luis Teófilo, editor.

Se trata dunha nova publicación que sairá a rúa cun prólogo da prestixiosa pluma de Maruja Torres e que está asinada conxuntamente por Ghaleb Jaber Ibrahim e pola escritora galega Noe Martínez, que cun claro xénero biográfico, nos conta unha historia de verdade.
 
A obra somerxe ao lector nun relato das vivencias máis persoais e dos recordos de infancia e adolescencia de Ghaleb Jaber Ibrahim. Cunha coidada narración, o autor revive con nostalxia un tempo pasado nun doloroso presente marcado pola terrible enfermidade da súa irmán, que padece o alzheimer, e que hai unas semanas falecía en Xordania. Non é máis cunha narración que conta as vivencias deste palestino afincado en Galicia, que nos amosa un texto no que se percibe unha loita contra as adversidades dende a forza dos recordos.
 
Esta publicación conta coa participación da escritora ourensán Noe Martínez quen irrompeu no panorama literario no ano 2005 coa obra “Señálame un imbécil y me enamoro”, opera prima á que lle seguiron cinco novelas máis, todas elas baixo o denominador común do seu estilo fresco e divertido.
 
Pola súa parte, Ghaleb Jaber Ibrahim, Licenciado en Medicina pola USC, Doutor en Xornalismo e Máster en Dirección de empresas, é autor tamén dos ensaios “Crónicas de una injusticia” (ano 2002), e “Génesis de Israel” (2004) xunto con outras publicacións sobre o problema do pobo palestino.

O Consorcio de Santiago presenta o libro La catedral de Santiago en época contemporánea, coeditado con Teófilo Edicións. O libro é un estudo pormenorizado da historia e da arte da catedral de Santiago no período comprendido entre 1833 e 1923, un momento de grande importancia para comprender a configuración actual do conxunto catedralicio.

Lugar: Sede da Confederación de Empresarios de Galicia (Rúa do Vilar, 54, Santiago de Compostela)

Asistentes:
Gerardo Conde Roa, Alcalde e Presidente do Consorcio de Santiago
Irene Mera Álvarez, autora do libro

Trátase dun estudo obxectivo e sistemático elaborado por Irene Mera que ven encher un importante oco no conxunto dos estudos publicados sobre a basílica xacobea, unha época chea de importantes nomes como os cardenais García Cuesta, Payá y Rico ou Martín de Herrera, e, sobre todo, a figura do coengo Antonio López Ferreiro.

Foi nesta época cando a catedral foi obxecto de reformas importantes (logo do redescubrimento das reliquias do Apóstolo, en 1879), en especial a configuración da cripta apostólica, tal e como hoxe a coñecemos, coa fabricación da nova arca para conter as reliquias do Apóstolo e a ordenación deste espazo, cheo de simbolismo.

A Galería Caroní da Fundación Araguaney acolle esta tarde a presentación do novo libro de Xavier Navaza, 'El último amante de Marilyn', publicado por Alvarellos Editora. O acto será ás 20,00 h e os encargados da presentación serán o autor Xavier Navaza e o editor Quique Alvarellos.

Na obra, o xornalista Xavier Navaza (Lalín, 1948) reconstrúe os últimos meses de vida da actriz Marilyn Monroe e a súa relación co produtor de cine de orixe galega José Bolaños. Coma se se tratase dunha daquelas impactantes reportaxes que Navaza elaboraba para as revistas Interviú ou La Calle nos anos 70 e 80, El último amante de Marilyn ten todos os ingredientes dunha potente crónica xornalística mais tamén os atractivos dunha grande novela.
E vai máis alá de Marilyn. Fuxe do mito e regresa constantemente a el, nunha trama de historias entrelazadas. Aparecen Luis Buñuel, Richard Nixon, Al Capone, Jean Leon, o Che Guevara, Fidel Castro... Ao seu carón, seres anónimos —emigrantes e exiliados galegos e españois— engaiolados polos neóns daquel gran “soño” americano.

'El último amante de Marilyn' inclúe fotografías moi pouco coñecidas de Marilyn Monroe con José Bolaños ou cos irmáns Kennedy; imaxe de Luis Buñuel, Richard Nixon, Jean Leon, Fidel Castro, o Che Guevara, Carlos Velo ou Juan Rulfo. O libro saíu á venda estes días, e pódese adquirir tamén na propia Galería Caroní da Fundación Araguaney, na Rúa do Vilar 21. Santiago de Compostela.

A escritora e experta en intelixencia emocional Begoña Ibarrola presentará o seu último libro, 'Crisol e a súa estrela', publicado en Primerapersona (idade recomendada 3 a 7 anos) e aproveitará para charlar sobre o modo de xerar confianza nos máis pequenos e que debemos buscar nunha lectura para reforzar a autoestima, a propia imaxe e a adquisición de compromisos do neno/a consigo e co resto do mundo.

Non vos perdades a oportunidade de escoitar a autora, aínda que os que teñades na casa superen a idade de 7 anos. Begoña Ibarrola é unha pioneira da intelixencia emocional en España e a súa dilatada carreira de terapeuta e formadora en centros educativos avala o seu traballo.

A sede da Fundación Granell acolle esta tarde o acto de presentación do libro 'Objetividad, conocimiento y valores en la ciencia. Análisis del pensamiento filosófico de Ilkka Niiniluoto', da autora Arantxa Serantes.

O acto será na Sala Lucernario da Fundación e nel tomará parte a autora Arantxa Serantes, acompañada de Marcos Fernández (Subdirector da revista Código Cero).
 
'Objetividad, conocimiento y valores en la ciencia. Análisis del pensamiento filosófico de Ilkka Niiniluoto', publicado pola editorial Meubook, constitúe un ensaio filosófico que analiza algúns interrogantes relativos á conexión entre tecnoloxía, ciencia e sociedade a través do pensamento do prestixioso filósofo finlandés Ilkka Niiniluoto.
 
Arantxa Serantes é Licenciada en Humanidades pola Universidade de A Coruña, Diplomada en Estudios Avanzados en Historia Antigua e Experta en Pensamiento y creatividad pola Universidad Francisco de Vitoria de Madrid. Na actualidade, realiza unha investigación no campo da Filosofía e estudios de Xénero na Universidade de Santiago de Compostela.

Eduardo Galeano, un dos máis salientables escritores da literatura hispanoamericana, estará na Cidade da Cultura para presentar o seu novo libro "Los hijos de los días" (Siglo XXI de España Editores), xa á venda dende a segunda semana de abril.

O complexo do Gaiás é o escenario elixido para pechar a xira española de presentación de "Los hijos de los días", o novo libro do autor uruguaio que abrangue os días do ano, dende o 1 de xaneiro ata o 31 de decembro. De cada día nace unha historia que atravesa as fronteiras do mapa e do tempo.

Lugar: Servizos centrais. Mapa de acceso aquí

"Los hijos de los días" vén precedido por "Espejos", unha historia case universal (2008) que foi o libro de non ficción máis vendido durante varias semanas en España e en boa parte de América Latina.

Eduardo Galeano naceu en Montevideo, no 1940. Dende principios do 1973, viviu exiliado na Arxentina e na costa catalá de España. A principios do 1985 regresou a Montevideo, onde actualmente vive, camiña e escribe.

É autor de varios libros, traducidos a numerosas linguas. Neles comete, sen remordementos, a violación das fronteiras que separan os xéneros literarios.

Ao longo dunha obra onde conflúen a narración e o ensaio, a poesía e a crónica, os seus libros recollen as voces da alma e da rúa e ofrecen unha síntese da realidade e a súa memoria.

Recibiu o premio José María Arguedas, outorgado pola Casa de las Américas de Cuba, a medalla mexicana do Bicentenario da Independencia, o American Book Award da Universidade de Washington, os premios italianos Mare Nostrum, Pellegrino Artusi e Grinzane Cavour, o premio Dagerman, de Suecia, a medalla de ouro do Círculo de Bellas Artes de Madrid, e o premio Vázquez Montalbán do Fútbol Club Barcelona. Foi elixido primeiro Ciudadán Ilustre dos países do Mercosur e foi tamén o primeiro galardoado co premio Aloa, dos editores de Dinamarca, e o  primeiroo en recibir o Cultural Freedom Prize, outorgado pola Fundación Lannan nos Estados Unidos.

A galería de arte A.dFuga acolle esta tarde o acto de presentación do volume 'Un libro diferente', de Jose A. Rodinández. A presentación contará coa actuación musical do artista Pilo Sierra, que interpretará a súa versión do tema Hallelujah.

Entrada libre.

A nova sede do Museo das Peregrinacións e de Santiago acolle esta tarde o acto de presentación e conferencia sobre o libro 'La ciudad donde las piedras florecen', a primeira guía botánica sobre as plantas que habitan os muros de Compostela realizada polo botánico José Antonio Díaz Peromingo.

O Alcalde e Presidente do Consorcio de Santiago presenta esta tarde a nova publicación do Consorcio de Santiago, 'La ciudad donde las piedras florecen', coeditado coa Editorial Alvarellos. Foi escrito por José Antonio Díaz Peromingo e ideado como unha guía botánica sobre as plantas que habitan os muros de pedra na cidade de Santiago. Trátase da primeira obra editada destinada a descubrir esas plantas que —emerxendo da pedra como da nada— florecen espontáneas nos muros históricos da cidade de Santiago. O libro, que acaba de saír ao mercado, xa está dispoñible nas principais librerías. Móstranos como identificar e localizar as 50 plantas con flores máis representativas de once muros históricos de Compostela (Conxo, San Lourenzo, Belvís, San Francisco, Hostal dos Reis Católicos, Raxoi, Santa Clara, Mazarelos, Mercedarias, Bonaval e Colexiata do Sar).

O doutor José Antonio Díaz Peromingo é especialista en Botánica e levou a cabo, durante dous anos, un intenso traballo de campo do que xurdiu esta sorprendente, didáctica e atractiva obra. Cada ficha inclúe os datos básicos da flor silvestre, as súas denominacións populares en castelán e en galego, a localización na cidade e unha fotografía. Tamén conta con apartado de curiosidades e un breve dicionario botánico. O título do libro procede do texto que o escritor colombiano e Premio Nobel de Literatura Gabriel García Márquez escribiu sobre este fenómeno da capital de Galicia: “Y uno se encuentra a cada paso, como la cosa más natural del mundo, con el milagro de las piedras florecidas”, afirmou, abraiado, tras a súa visita a Santiago de Compostela na primavera de 1983.

Peromingo naceu na Pobra de Trives (Ourense) en 1966. Licenciouse en Medicina e Bioloxía —na especialidade de Botánica— na Universidade de Santiago de Compostela e, posteriormente, especializouse en Medicina Interna, eido onde exerce a súa vida laboral.

A presentación inclúe unha conferencia do autor, que repasará diferentes especies que crecen nos muros composteláns.

O Salón de actos da Biblioteca pública Ánxel Casal acolle esta tarde o acto de presentación do libro de poesía infantil 'Verdedades', escrito por Yolanda Castaño.

Esta tarde a nova sede do Museo das Peregrinacións e de Santiago, na praza de Praterías, acolle a presentación do libro 'Barroco. La arquitectura sagrada del antiguo Reino de Galicia (1658-1763)', editado polo Consorcio de Santiago en colaboración con Teófilo Edicións. O acto inclúe unha breve conferencia a cargo do autor, Alfredo Vigo.

A publicación é un profundo estudo levado a cabo polo profesor Alfredo Vigo sobre a arte barroca en Galicia, no que incorpora as últimas investigacións no tema e no que converxen aspectos non só estritamente artísticos, senón tamén históricos e sociodemográficos, ofrecendo unha visión completa do asunto.

Alfredo Vigo, catedrático de historia da arte pola Universidade de Santiago, defende neste estudo que a evolución do estilo barroco en Galicia en xeral, e en Santiago en particular, supón unha renovación sistemática que non foi froito dunha casualidade, senón dunha clara intención histórica.

O libro repasa aspectos históricos trascendentais para o desenvolvemento da arte barroca en Galicia como foi a institución da Ofrenda Real ao Apóstolo Santiago, que permitiu en boa medida a impresionante transformación arquitectónica da basílica xacobea e, en paralelo a ela, do urbanismo compostelán.

Este libro ve a luz precisamente no ano que se conmemora o terceiro centenario do pasamento de Domingo de Andrade, sen dúbida un dos mellores artistas barrocos e autor de innumerable obras artísticas, entre as que destaca a Torre do Reloxo da Catedral de Santiago.

O Hostal dos Reis Católicos acolle esta tarde o acto de presentación do libro 'Santiago. La leyenda del santo oculto', publicado pola división editorial de Teófilo Comunicación. O acto contará coa participación do xuíz José Antonio Vázquez Taín, autor do libro, e de José Luis Teófilo Piñeiro, editor.

Esta tarde, na nova sede do Museo das Peregrinacións e de Santiago, terá lugar a presentación do libro 'La ciudad de Santiago de Compostela en 1669. La peregrinación del Gran Príncipe de la Toscana Cosimo III de Medici', coeditado polo Consorcio de Santiago e Teófilo Edicións. A presentación incluirá unha breve conferencia a cargo do autor, Miguel Taín.

O Consorcio de Santiago presenta unha nova publicación do seu departamento de estudos históricos. Nesta ocasión trátase dun libro do profesor Miguel Taín que aborda a viaxe que fixo o Príncipe da Toscana Cosimo III, da poderosa familia dos Medici. O traballo, coeditado con Teófilo Edicións, é o resultado dun minucioso estudo e análise  da viaxe deste italiano, auténtico “homo viator”, que no século XVII percorreu diferentes países e cidades europeas, entre elas Compostela.

Xunto a el viaxaba toda unha verdadeira corte, que o acompañaba e asistía, entre eles artistas que debuxaban vistas e planos das cidades que visitaban. Un deles, Pier Maria Baldi, debuxou unha famosa vista de Santiago, dende o outeiro de Santa Susana, e que hoxe é considerado un valiosísimo documento gráfico do aspecto de Santiago en 1669. Nese ano, a cidade se atopaba nun proceso trascendental de cambio, nun tránsito de cidade amurallada medieval con casas de madeira e rodeada de ruinosas murallas, a unha urbe de pétreos e monumentais edificios e construcións barrocas.

O historiado de Arte Miguel Taín plasma nesta publicación o traballo de investigación levado a cabo en arquivos e bibliotecas italianas, aportando a base documental e crítica para comprender mellor a cristalización barroca en Compostela.

Ademais da crónica da viaxe do príncipe toscano, o libro inclúe a vista de Baldi, comparándoa con imaxes de edificios actuais, de maneira que se pode observar en que consistiron as transformacións urbanas. Tamén inclúe a transcrición orixinal do diario da viaxe que se conserva na Biblioteca Medicea Laurenziana de Florencia.

A Asociación Cultural Rocha Forte organiza no local social da Rocha Vella a presentación de 'Herdeiros pola Forza. Patrimonio cultural, poder e sociedade na Galicia do século XXI', un libro de Xurxo Ayán e Manuel Gago.

Será unha presentación intensa, porque a antiga fortaleza episcopal de Santiago de Compostela, o auténtico Castel Sant'Angelo de Santiago de Compostela, está a piques de vivir outra nova fase de intervención arqueolóxica. E será de luxo porque a actividade contará con Xosé Manuel Sánchez, doutor en Historia Medieval e historiador do Archivium Sancti Iacobi, o arquivo da Catedral de Santiago, para facer, despois da presentación, unha visita guiada a unha das fortalezas máis fascinantes e, sen dúbida, máis novelescas da historia galega.

Unha chamada á acción para recuperar o noso inmenso patrimonio cultural no horizonte do século XXI. Xurxo Ayán e Manuel Gago escolman en Herdeiros pola Forza vivencias de quince anos de traballo profesional desde a investigación e a comunicación cultural ao longo de todo o país, escribindo episodios que combinan a reflexión coa acción e un amplo anecdotario vivido e sentido en proxectos e iniciativas.

En 'Herdeiros pola Forza', Ayán e Gago avogan por transformar un modelo enquistado e esclerotizado de xestión do noso patrimonio cultural, devolvendo ás sociedades a relación coa súa propia memoria, e recuperando o sentido da nosa enorme herdanza e da nosa memoria. A sociedade galega do século XXI: urbana, usuaria das novas tecnoloxías e sometida a fortes procesos de tensión identitaria interna, precisa darlles novos sentidos ao patrimonio cultural. Este libro está escrito desde a crenza en que a nosa sociedade está a cambiar con rapidez, e está converténdose, gradualmente, ela mesma, en protagonista dese proceso de recuperación.

A Fundación Araguaney-Puente de Culturas acolle nos seus salóns a presentación do libro '20 Poemas solidarios' de María Jesús Reboredo.

A pintora compostelana María Jesús Reboredo presenta o seu libro '20 Poemas solidarios', cuio prólogo foi redactado por Monseñor D. Julián Barrio Barrio, Arzobispo de Santiago, quen á vez fará a presentación do mesmo, e cuia recaudación vai íntegramente destinada a Cáritas Diocesana. No acto estarán tamén presentes o director de Cáritas e o alcalde de Santiago, Ángel Currás Fernandez.

A Fundación Granell organiza un ciclo de charlas arredor da figura de Valle-Inclán impartidas por especialistas na obra do autor que nos achegarán á súa obra de xeito rigoroso e divulgativo.

PROGRAMA DE ACTIVIDADES

**28 de setembro. 18:00 – 19:15 h 19:45 – 21:00h. 'Rosas de Oriente e Occidente: unha achega a obra e á figura de Valle-Inclán'.
Rosario Mascato, investigadora da Cátedra Valle-Inclán da USC deseña este cursiño cunha forma eminentemente didáctica, idónea para todo tipo de públicos. Unha iniciativa da Fundación Eugenio Ganell que ten como obxectivo achegar a obra de Valle, escurecida polo franquismo e esquecida fóra do ámbito académico, ao tempo actual. Trataranse aspectos fundamentais sobre Valle-Inclán e a súa obra.

**30 de setembro. 19:30 h. Camilo Franco, reputado escritor e crítico teatral, impartirá a charla: 'O tempo presente: a ollada do esperpento. Unha aproximación á historia das interpretacións da obra teatral de Valle-Inclán'. En palabras do escritor: O que no primeiro terzo do século XX foi considerado esperpento, hoxe podería ser considerado realismo. O teatro de Valle non cambiou, pero o mundo si. E co mundo cambiou a mirada dos espectadores. Os xeitos de ver da contemporaneidade foron aproximándose aos xeitos de enfocar de Valle.

Esta tarde, a sede da Fundación Caixa Galicia acolle unha nova conferencia enmarcada no ciclo do Ateneo de Santiago 'Os luns do Ateneo'. Nesta ocasión, D. Darío Villanueva, profesor de Literatura na USC e Secretario da Real Academia Española, falará sobre 'No centenario de Marshall McLuhan (1911-2011) dende a aldea global'.

Con motivo da celebración do bicentenario do nacemento de Dickens, o Ateneo de Santiago organiza na sede da Fundación Novacaixagalicia Claudio San Martín, situada na Rúa do Vilar, 19, a conferencia titulada 'A singularidade de Charles Dickens (1812-1870), vista por un lector medio', que estará impartida polo Dr. Anthony H. Clarke, Profesor da Universidade de Birmingham (Inglaterra).

O filólogo e investigador literario Xosé Antonio López Silva imparte esta tarde unha conferencia centrada nas figuras de Gertrude Stein e Alice Toklas.
 
'París, escritoras e vangarda: a relación de ferro de Gertrude Stein e Alice Toklas'

QUEN? Impartida por Xosé Antonio López Silva
CANDO? Xoves 27 de setembro ás 20.00 h.
ONDE? Na galería A.dFuga, na rúa do Preguntoiro 28, Santiago de Compostela
PARA QUEN? Para todos os públicos. Entrada libre ata completar aforamento

Xosé Antonio López Silva. Filólogo, investigador externo do ILGA, profesor e tradutor. Traballa no ámbito da influencia das literaturas clásicas na literatura galega, a literatura latina da Gallaecia e o teatro grecolatino. Ten traducido, entre outras obras, a «Crónica» do historiador galaico-romano Hidacio de Chaves, a comedia «Os Xemelgos», de Plauto, e a «Electra» de Sófocles, así como «Concubinas», «Memoria de ciudades sin luz» de Inma López Silva, e a novela de Víctor Freixanes, «Caballo de oros» (Madrid, Siruela, 2012). A súa última obra é a antoloxía de textos inéditos de Álvaro Cunqueiro, «De santos y milagros» (Madrid, Fundación Santander, 2012).

Como cada terceiro sábado de cada mes, o Centro Comercial Área Central acolle un Rastro de antigüidades, curiosidades e obxectos de coleccionismo.

Perto de 25 expositores procedentes de diferentes puntos de Galicia daranse cita todos os terceiros sábados de cada mes en Área Central nun Rastro de

antigüidades no que os visitantes do complexo comercial poderán admirar e conseguir valiosos obxectos que dificilmente se poden localizar nos establecementos clásicos.

Libros, moedas, mobles auxiliares rústicos galegos, porcelanas, obxectos de marfil e prata, cerámica, roupa de cama, reloxos, encaixes, teas, vaixelas de Bristol, tarxetas postais, radios, teléfonos, pendentes e plumas son só algúns dos materiais que se poderán atopar neste Rastro de antigüidades composto por centos de obxectos cun denominador común: formar parte da vida dos nosos antepasados.

Este Nadal, a Bibliotecapública Ánxel Casal estará presente en Área Central amosando a todos os composteláns que se acheguen a ese centro comercial os seus servizos e unha selección da súa colección de libros (incluídos libros electrónicos), películas, portátiles, música, etc.

A compañía Alfredo Padilla presenta este traballo de investigación e laboratorio teatral sobre o lendario texto de William Shakespeare.

'Hamlet'

Dirección: Jorge Rey
Tradución ao galego: Alfredo Conde
Música: Alejandro Casquero
Axudante de direción: Josito Porto
Produción: Fran Sanz
Adestrador para voz inglesa: Raúl Villares
Elenco: Alfredo Padilla

Interpretada por Alfredo Padilla, na montaxe o único limite e marco fixo é o propio texto do autor, onde o actor investiga e explora as posibilidades desestruturando a orde orixinal da fábula; así, a obra comeza polo final no momento en que Hamlet lle pide ao seu amigo Horatio que conte a súa historia. O actor que interpreta a Horatio convértese en Hamlet e representa a súa historia.

Trátase dunha proposta escénica e de investigación permanente, un work in progress sobre o texto, a historia e as súas posibilidades.

Alfredo Padilla, actor especializado en teatro shakesperiano pola Royal Academy of Dramatic Art (RADA) de Londres, comezou a súa traxectoria interpretativa na súa Arxentina natal, con varios grupos de teatro independente e dentro da compañía La Comedia da provincia de Bos Aires.

Instalado en España desde hai catro anos, traballou na produción da Sala Yago A natureza do animal e, a seguir, coa compañía Cámara Negra en En la soledad de los campos de algodón de Bernard-Marie Koltès, baixo a dirección de Carlos Álvarez Ossorio. Coa compañía A Internacional Teatro estreou durante 2007 e 2008 as montaxes Perón-Perón e Frida, baixo a dirección de Jorge Rey.
Ademais, en 2009 representou en Londres e baixo as ordes de John Adams, director de escena da Royal Academy of Dramatic Art desde hai trinta anos, The Fall of Anthony, unha versión de textos de Skakespeare a partir de Xulio César e Antonio e Cleopatra na que interpretou os papeis de Xulio César e Marco Antonio.

Durante a súa estadía no Reino Unido para realizar o seu posgrao sobre o teatro de Shakespeare, Padilla estudou con Nona Shepphard, John Adams, Hugh Fraser (monólogos), Nick Hutchison (monólogos e escenas de multitudes en Shakespeare), Katya Benjamin e Alexander Technique (movemento e Physical Performance), Andrew Charity (canto shakesperiano), Greg De Polnay (linguaxe e estilo), Tim Hardy, Michael Gieleta (a personaxe dentro do texto), Alison Skilbeck (sonetos shakesperianos), Brigid Panet, Darren Royston (danza de época), Brett Yount (loita escénica), Adrienne Thomas (técnica vocal), Jessica Turner (sonetos) e Andrew Visnevski. Cada un destes docentes teñen unha forte vinculación ao mundo de William Shakespeare no Reino Unido, ben desde a BBC, a Royal Shakespeare Company, o Old Vic Theatre, o Young Vic Theatre ou o mesmo Globe Theatre.

A compañía Ditea Teatro cumpre 50 anos de vida e o celebra sobre as táboas dun escenario repoñendo unha obra de 1982 de Agustín Magán, 'Farsa plautina', baseada en textos do autor latino Tito Maccio Plauto.

Ditea fai desfilar por esta farsa, un maremagnum de personaxes arquetípicos da Roma clásica: cidadáns, matronas, políticos, cortesás, deuses... e, en primeiro plano, escravos e escravas. Personaxes, todos eles, moi queridos por Plauto.
        
"Cada vez que desde a dirección de escena nos enfrontamos á obra de Tito Maccio Plauto, xorden un fato de preguntas que non sempre teñen resposta axeitada. Debemos ser absolutamente fieis á literatura? Ou pola contra... podemos mexar fóra do texto? Practicamos a arqueoloxía teatral? ou facemos unha lectura actual da obra para chegar aos espectadores de hoxe en día? Finalmente, decidimos mesturar estas dúas opcións. Si! Pero, como amosar ao público do século XXI, a carpintería teatral, o intríngulis de comedias artelladas para xente do século II... antes de Cristo?

Acadamos a solución, da man do profesor Sánchez-Rivas, poriamos en práctica a técnica da contaminatio, procedemento que consiste en fundir varios asuntos orixinais para producir unha comedia distinta. Un recurso que empregaron ademáis de Plauto, outros egrexios autores latinos como o dramaturgo Terencio ou o poeta Ennio, principal cultivador da comedia palliata.

Da contaminatio naceu, pois, esta Farsa Plautina. E para elaborala, tivemos en conta o xogo histriónico e a entidade dos personaxes, máis que as estruturas ou os anecdóticos contidos das obras escolmadas. Que non vos estrañe, pois, a conxunción de protagonistas tan desemellantes como a parella dos irmáns Filócrates, extraidos da comedia de dobres titulada “Os Menecmos”. Gurgullo, o parásito galloufeiro ensaltador da astucia e a picaresca, recollido do “Corculio”. Ou o capitán fanfurriñeiro e o seu fiel asistente de “O Miles Gloriosus”, no que o poeta civil arremete contra a soldadesca e outras sobranceiras figuras".

Ditea Teatro

Durante dúas xornadas, a compañía Teatro Arte Livre ofrece a representación de 'O retrato de Dorian Grey', a obra de Oscar Wilde nunha posta en escena dirixida por Roberto Cordovani.

'O retrato de Dorian Grey'

Director: Roberto Cordovani
Elenco: Roberto Cordovani, Bruno Portela, Javi Toste, Cristina Collazo

'Calisto' é un espectáculo unipersoal intrepretado por máis de vinte e catro personaxes. Calisto, o mozo da Celestina rememora os seus cincocentos anos de existencia, transcorridos a medias percorrendo Europa e os seus escenarios, e a medias encerrado no limbo onde os personaxes imaxinarios reflexionan.

Texto: Julio Salvatierra
Actor: Álvaro Lavín
Deseño de vestiario: Marta Carreiras
Realización de vestiario: Ana Campos
Fotografía e video: Julio Salvatierra
Técnico de iluminación e son: Lalo Gallego
Dirección: Miguel Seabra
Deseño: Susana Salerno
Concepción do espectáculo, produción xeral e deseño de luces: Teatro Meridional

Mentres intenta comprender a súa existencia e a do actor que cada vez o encarna, relátanos os momentos cruciais da súa andaina, as anécdotas cómicas e tráxicas, os personaxes reais ou fantásticos que deron sentido á súa vida e a todo o período histórico que vai dende La Celestina a Shakespeare.

A súa historia é tambien a do teatro, pero sobre todo, a do conflito entre os soños e as realidades, entre o espírito e a carne, visto dende un ton fundamentalmente irónico e humorístico.

O espectáculo ten unha hora e quince minutos de duración, e está dirixido a todos os públicos, pero fundamentalmente ao adulto.

O grupo de teatro lucense Pinchacarneiro, compañía que impulsa a Fundación Ánade, representará esta tarde a versión en galego dun clásico de Molière, 'O médico a paus'.

O Salón Teatro da Consellería de Cultura, Educación e Ordenación Universitaria está a desenvolver este mes unha carteleira dedicada en exclusiva á produción teatral galega, no marco da cal Cándido Pazó presenta esta semana a súa particular adaptación do Decamerón de Giovanni Boccaccio. O espazo escénico do Centro Dramático Galego (CDG) ofrece un total de cinco funcións deste monólogo, das que catro son para público xeral (de xoves a sábado, ás 20.30 h, e o domingo, ás 18.00 h) e unha para escolares (xoves, ás 12.00 h).

Trátase dun espectáculo unipersoal no que, baixo o subtítulo Historias para tempos ruíns, Cándido Pazó adapta algúns dos contos máis divertidos e mordaces deste clásico italiano do século XIV, buscando tirar o máximo proveito das metáforas que poden establecerse respecto da actual situación social e económica. Esta nova creación escénica de Pazó –na que el mesmo se encarga da adaptación, dirección e interpretación como cómico-narrador– está producida por Abrapalabra Creacións Escénicas.

Seguindo a fórmula híbrida que xa empregara en Memorias das memorias dun neno labrego, a combinación de teatro e narración oral da man dun dos máis destacados narradores da escena galega ten como resultado un espectáculo cómico de gran carga irónica e ritmo moi dinámico, na procura dunha continua conexión entre actor e espectadores.

Neste caso, o punto de partida é o libro de contos de Boccaccio, considerado un dos fitos narrativos da literatura europea. A obra, prohibida pola Inquisición, racha co tenebrismo medieval a través do humor, o erotismo e a celebración da vida que se desprenden de cada un dos contos cos que os mozos protagonistas se entreteñen mentres se refuxian da peste bubónica que nese tempo asola Europa. Cándido Pazó propón aquí un refuxio teatral e a risa como catarse fronte ao noso andazo contemporáneo, que define como “a peste económica”.

A escenografía e o vestiario deseñados por Carlos Alonso inciden na potencia metafórica e estética da montaxe, que se reforza así mesmo coas atmosferas –cómicas ou poéticas, segundo a ocasión– creadas pola iluminación que asina Afonso Castro, quen exerce ademais de axudante de dirección e de xefe técnico. Tamén contribúe de xeito definitivo á ambientación a música especialmente composta para este Decamerón por Manuel Riveiro, gravada por el mesmo nas guitarras, percusión, piano e programación, xunto a Harry C na viola, violín e mandolina.

A compañía Teatro del Temple presenta esta tarde no Teatro Principal 'Luces de Bohemia', a obra escrita por Valle-Inclán en 1920.

Dirección: Carlos Martín
Reparto: Ricardo Joven, Pedro Rebollo,  Rosa Lasierra, Gema Cruz, Félix Martín, Francisco Fraguas, Javier Aranda, Gabriel Latorre.
Coordinación: Alfonso Plou
Produción: María López Insausti
Escenografía: Tomás Ruata
Vestiario: Beatriz Fdez. Barahona
Iluminación: Bucho Cariñena
Caracterización: Virginia Maza
Fotografía: Galagarfoto
Música orixinal: Miguel Ángel Remiro

A compañía Elefante Elegante representa esta fin de semana o espectáculo 'Iliria', a súa particular revisión da obra 'Noite de reis' de William Shakespeare.

Nesta comedia de enredo o texto se fusiona coa música e o movemento para –a través da danza, o mimo e as acrobacias aéreas– dotar dun fondo plástico e poético o desenvolvemento da trama cómica.

Fredi Muíño, Iria Pinheiro, María Torres e Gonçalo Guerreiro asinan e interpretan esta creación colectiva arredor da facilidade coa que amamos e deixamos de amar. Iliria fala, así mesmo, da identidade masculina e feminina, cuestionándose o que realmente somos e o que parecemos. De feito, nesta peza os personaxes enmaráñanse nunha tea de cambios de personalidade que os leva a poñer en cuestión a súa propia identidade.

'Iliria'

SINOPSE
Os enredos comezan cando dous irmáns xemelgos, Violeta e Sebastián, naufragan na costa da illa de Iliria, territorio gobernado polo duque Orsino quen, á súa vez, sofre polo amor non correspondido da bela Olivia. Para poder sobrevivir nun país estranxeiro, Violeta vese obrigada a se disfrazar de home e entra a servir na corte de Orsino. Pero Sebastián tamén se salvou do naufraxio e, sen saber un do feliz destino do outro, acaban por crear toda serie de equívocos amorosos.

Novacaixagalicia convoca outro ano máis o seu Premio Literario Escolar ao que se poden presentar todos os alumnos e alumnas de Galicia que estean cursando terceiro ciclo de primaria, ESO ou bacharelato. Os escritos, que deben ser orixinais e inéditos, pódense enviar por correo postal ao Centro Social Novacaixagalicia de Vigo ata o 13 de abril.

Os centros educativos son os responsables de realizaren unha primeira peneira dos textos que se presenten a esta convocatoria, xa que se estipula un máximo de doce traballos por colexio. Cada ciclo escolar, dos comprendidos entre os niveis de terceiro ciclo de primaria e bacharelato, poderá achegar tres traballos. A narrativa e mais a poesía son os dous xéneros literarios a que se abre este concurso, que ofrece como premio unha Tablet Android e mais un iPod Touch para os alumnos ou alumnas gañadores. Ademais, Novacaixagalicia recoñece o labor de promoción da lectura e da escritura por parte dos docentes e outorgará aos mestres que figuren como asesores das obras premiadas unha Tablet Android.

Aqueles escolares que opten pola poesía terán a posibilidade de desenvolver un conxunto de tres poemas de tema e de forma libres. Pola súa banda, aqueles que se decanten pola narrativa poden presentar unha composición dun máximo de cinco folios mecanografados a dobre espazo e de temática libre.

O xurado, composto por profesionais do ámbito literario, dará a coñecer o seu fallo o 10 de maio de 2012. 

Máis información en www.obrasocialncg.com

A Federación Española de Asociacións de Amigos do Camiño de Santiago organiza e convoca, por medio da súa revista Peregrino e web www.caminosantiago.org, a edición 2010-2013 do Premio Internacional PENTAFINIUM XACOBEO, ás Belas Artes, Música, Imaxe, Literatura e Investigación, referido ao feito da peregrinación jacobea e os seus Camiños de Santiago.
O Premio adquire o sobrenome de PENTAFINIUM XACOBEO, de clara resonancia greco-latina e europea, como expresión de cinco ("penta"; grego) territorios ("finium"; latín): as mencionadas artes e ciencias, que ao longo dos séculos conformaron o ser xacobeo de Europa e, pola súa esencia cristiá, da cultura universal a través dos peregrinos a Santiago de Compostela e representan o ser xacobeo de Europa e, pola súa esencia cristiá, da cultura universal a través dos peregrinos a Santiago de Compostela.

A Federación Española de Amigos do Camiño de Santiago organiza e convoca o Premio Internacional PENTAFINIUM XACOBEO para promover tanto a Investigación, coma a expresión artística xacobea por medio das Belas Artes, Música, Imaxe e Literatura, sobre a rica e diversa realidade que o fenómeno da Peregrinación creou ao longo dos séculos e do Camiños de Santiago.

Data límite recepción de obras: 31 de xullo de 2013

Descarga as bases do concurso e o folleto de inscrición aquí

A campaña 'Ler, contar e gozar coas letras' desenvólvese entre os meses de abril e xuño nos centros socioculturais de Santiago. Obradoiros, contacontos, recitais poéticos e máis dun cento de actividades lúdicas e divulgativas compoñen esta proposta dinamizadora de animación á lectura.

A elección dos meses de abril, maio e xuño está motivada polo feito de que nestas datas se producen feitos significativos para a literatura, como a celebración (2 de abril) do nacemento de Hans Christian Andersen, do Día Internacional do Libro Infantil e Xuvenil, o Día Mundial do Libro (23 de abril) ou o Día das Letras Galegas (17 de maio), que este ano está dedicado a Valentín Paz Andrade.

**Obradoiros
Entre as actividades previstas destacan os obradoiros, como o que permitirá imprimir un pequeno libro de 12 follas grazas ás técnicas e ferramentas de mediados do século XX. Rapaces e rapazas de 9 a 16 de anos poderán participar nesta actividade, na que se lles dará aos libros un depósito legal, numerando os exemplares, personalizándoos e entregándoos á biblioteca e aos participantes. O libro tratará sobre a vida de Valentín Paz Andrade.
'Vestimos as letras', 'Pintamos as letras', 'Xogamos con Rosalía', 'Elaboramos as nosas libretas' ou 'Facemos marcapáxinas' son os títulos dalgúns outros obradoiros de ilustración, creación plástica e escrita creativa previstos para diversas idades.

**Contacontos
A cargo de expertos contadores e outros coas achegas dos animadores e dos propios usuarios dos centros, en sesións compartidas como 'Estamos de contada' ou 'A hora do conto'. Outros obradoiros previstos: 'O rato ilustrador', con Trinke-Trinke; 'Bicoca de boca en boca', con Celso Sanmartín; ou 'Os contos do bardo Abelardo', co bardo Abelardo.

**Recitais, actividades lúdicas e divulgación
A campaña ten entre as súas actividades destacadas un recital poético infantil con Paula Carballeira e a lectura do manifesto que este ano conmemora o Día do Libro infantil, escrito por Manuel Hinojosa, o martes 10 de abril, ás 19:00 horas, no CSC das Fontiñas.

No apartado lúdico figura a xincana de contos, o roteiro fotográfico ou os xogos no Paseo das Letras do Parque da Alameda. Ademais, realizarase unha actividade de divulgación da práctica da liberación de libros (bookcrossing). En adhesión á proposta da Asociación Galega de Libros Galix, do 10 ao 13 de abril, dende as 17:00 ata as 18:30 horas, no CSC das Fontiñas, desenvolveranse sesións informativas sobre cómo é o proceso para liberar un libro, e amosarase o punto de intercambio de libros da Bilblioteca.

Outra actividade destacada é a denominada Retallos, un convite de lecturas suxeridas por usuarios e persoas que se achegan aos centros e locais socioculturais, co animo de facer participes a todos da dinamización dos libros e da lectura e de facer relevantes as suxestións das persoas próximas. Desenvolverase durante estes meses nos distintos centros socioculturais. A campaña inclúe tamén diversas achegas de obradoiros e contacontos a cargo da Concellaría de Normalización Lingüística e aquelas vinculadas á colaboración anual no programa da Xunta de Galicia Letras Vivas.

Estas 105 accións repartiranse entre os seguintes centros e locais socioculturais: Vite, Fontiñas, Conxo, A Trisca, Castiñeiriño, Marrozos, A Peregrina, Busto, A Gracia, Nemenzo, Lamascal, Eixo, Laraño, Marantes, Figueiras e Villestro. Os destinatarios son tanto nenos e mozos, como o público adulto.

Todas as actividades son de balde.

Máis info e programa completo: aquí

O Centro Cultural Novacaixagalicia de Santiago acolle esta fin de semana unha función teatral destinada ao público familiar. 'O Quirico lambón', de Bernardiño Graña, é o conto no que se basea esta obra de monicreques representada por Títeres Seisdedos, unha compañía integrante de Viravolta que se centra na produción de obras máis tradicionais e de montaxe de pequeno formato.

Bernardino Graña deu esta peza súa ao prelo no ano 1997, interpretando unha das historias infantís populares que enchen o rexistro galego de tradición oral. O galo Quirico, un galo fachendoso, terá que relacionarse co resto dos animais co gallo de estar invitado á voda do burro Perico. Esta montaxe teatral concibiuse como parte do espectáculo que serviu de homenaxe ao autor de Cangas, prolífico no eido da literatura infantil e xuvenil, no ano 2007. 

Viravolta é unha compañía galega nacida no ano 1982 da man de Anxo García, Pilar Álvarez e Xulio Balado en Lalín. A súa actividade está centrada nos monicreques, tanto creando obras de teatro, como ofrecendo cursos de formación relacionados con estas pezas artesanais, exposicións ou mesmo festivais. Con motivo do décimo quinto aniversario da creación da compañía, celebrouse unha exposición no Museo Municipal de Lalín que foi o primeiro chanzo para a realización do Museo Galego da Marioneta.

As entradas para o evento están á venda no propio centro en horario de 12:00 a 14:00 h e de 17:00 a 21:00 h. O día mesmo da representación, poderanse adquirir tamén, ata unha hora antes do comezo do espectáculo, na tenda do edificio.

Máis información en www.obrasocialncg.com.

Galicia, Ceo das Letras prestará nesta segunda edición especial atención aos pequenos lectores, aos que introducirá no mundo dos grandes autores da nosa literatura dun xeito lúdico e didáctico. Dirixida a nenos de Primaria –de 6 a 11 anos- co obxectivo de estimular a súa expresividade e introducilos no hábito da lectura, a versión infantil de “Galicia, Ceo das Letras” tratará de que os participantes descubran a vida, época e obra de autores universais a través de tres pasos: “Vexo, Fago, Falo”.

Dúas horas que correrán paralelas á sesión dos adultos nas que os rapaces gozarán dun espectáculo artístico, convertiranse en protagonistas a través de obradoiros, xogos, plástica ou música; e debatirán entre eles sobre todos os coñecementos aprendidos ao longo da sesión.

** JORGE AMADO

Novelista, xornalista e memorialista, Jorge Amado (Itabuna, 1912 – Salvador da Bahia, 2001) é con certeza o escritor brasileiro de maior proxección universal.

A súa obra, traducida a preto de cincuenta linguas distintas, e adaptada ao cine, teatro e televisión, mostra un acentuado compromiso social cos desposuídos, condimentado con humor, maxia e sensualidade.

Finalista do Nóbel, entre os seus innúmeros premios e distincións consta o Luís de Camoes e o doutoramento honoris causa por universidades do Brasil, Portugal, Italia, Israel e Francia.

En 2012 celebramos o seu centenario.

** PROGRAMA

Artello Teatro: "Unha de Amor" [Adaptación da obra "O gato gaiado e a andoriña seña", de Jorge Amado]

O grupo teatral vigués Artello realizará unha adaptación da súa obra "Unha de amor", baseada na obra "O gato gaiado e a andoriña seña", do escritor brasileiro Jorge Amado. Cun grupo de monicreques como protagonistas, a historia contará cunha narración dramatizada a cargo da actriz Marta Ríos.

Sinopse

Os animais que moran nunha pequena vila viven atemorizados pola inquedante presenza dun conviciño díscolo, o Gato Gaiado. A el atribúen os crimes máis arrepiantes e a orixe de tódalas desgrazas que alí acontecen. Coa chegada da Primavera, unha xoven e ousada andoriña consegue o nunca visto: ante o abraio de toda a veciñanza, o Gato Gaiado sorriu. A partir dese momento, desenvólvese unha relación entre o Gato e a Andoriña que convulsiona a esa comunidade.

Tras a peza teatral, os rapaces achegaranse á figura de Jorge Amado a través de actividades lúdicas e educativas  nas que se pintará ao escritor, porémoslle música e moitas actividades máis nas que a aprendizaxe e a diversión serán a mesma cousa.

** INSCRICIÓN E RESERVAS
Galicia, Ceo das Letras infantil dispón de sistema de inscrición online.  A actividade terá lugar na Biblioteca de Galicia e será de balde ata completar o aforo, limitado a 30 prazas. Reservas en www.cidadedacultura.org.

Os voluntarios de Médicos Sen Fronteiras levan á Biblioteca Novacaixagalicia un conto sobre enfermidades esquecidas baseado no libro '¿Qué me pasa, Ntumba?, cuentos sobre enfermedades olvidadas' escrito por Feli Ibáñez. Nel nárranse seis historias con finais positivos protagonizadas por nenos de distintas culturas que nos falan de enfermidades que afectan a moitas persoas noutros países e que descoñecemos no primeiro mundo.

No contacontos presentaráse unha desas seis historias: a dedicada ao mal de Chagas, unha enfermidade parasitaria tropical.

Para nenos e nenas de 4 a 10 anos.

O novo Don Juan renuncia ás responsabilidades que se presupoñen a un cabaleiro de nobre ascendente para gañarse o título de “burlador” e engánchase nunha cadea de terribles enganos. As mulleres ofrécenselle e el as “burla” sen pudor, de maneira que o mesmo motor dos seus caprichos convértese na condena á súa propia destrución.

Dirección e versión: Gonzala Martín Scherman
Intérpretes: Iñigo Asiaín, Lola Manzanares e Salvador Sanz
Escenografía e gráfica: Arturo Martín Burgos
Vestiario e caracterización: Juan Ortega
Máscara e pantasma do Comendador: Íñigo Tricio
Asesora de verso: Montse Dez
Asesoramento musical e cancións: Marcos León
Espazo sonoro: Pepo Scherman
Iluminación: Rosana García
Produción: FACTORÍA TEATRO

Cun reparto compacto, só tres actores libres de prexuízos, damos xogo aos variados personaxes que se suceden vertixinosamente no burlador de Sevilla, para achegarnos a este fillo do Barroco, icona da lixeireza, que coñeceu infinidade de seguidores como Molière, Zorrilla, Mozart e Lord Byron. Un "vendaval" que non se detén ata que dá contra a pedra.

O Principiño é un clásico da literatura universal que cativou millóns de lectores. O escritor e aviador francés Antoine de Saint-Exupéry escribiu o libro en 1943 e, dende a súa publicación, foi traducido a máis de 250 idiomas e dialectos, sendo a obra literaria francesa máis lida no século XX e a terceira máis difundida do mundo despois da Biblia e Das Kapital de Karl Marx.

En 1974 tivo lugar a estrea da súa adaptación cinematográfica, dirixida por Stanley Donen (Sete noivas para sete irmáns, Cantando baixo a chuvia, Un día en Nova York...). Curiosamente, o papel protagonista do aviador ofrecéuselle en primeiro lugar a Richard Burton, que non o aceptou. A película tivo 2 nominacións aos Oscar, nas categorías de Mellor canción e Canción orixinal da BSO.

SINOPSE
Había unha vez un neno que habitaba un planeta apenas máis grande que el e que tiña necesidade dun amigo..." O principiño vive só nun pequeno planeta, o asteroide B612, onde pasa os seus días limpando os seu tres volcáns e quitando as árbores baobab que constantemente tentan botar raíces alí -de permitirlles crecer, as árbores partirían o planeta en pedazos. A súa única distracción é ver as postas de sol. Un día, dunha semente extraviada, nace no seu planeta unha fermosa flor... O famoso relato de Antoine de Saint-Exupéry contado en clave de teatro musical, pero sen deixar de ser absolutamente fiel ao texto.

Música orixinal, un coro de nenos e unha posta en escena chea de imaxinación e poesía, fan deste musical unha experiencia única para compartir en familia: os nenos aprenden a mirar as cousas cun pouquiño máis de profundidade e os maiores aprenden a ser nenos outra vez.

Desde setembro de 2012 ata xuño de 2013, a rede de Centros Socioculturais de Santiago pon en marcha un completo programa de roteiros didácticos para todos os públicos que percorrerán a cidade compostelá e as súas parroquias. 'Os gremios de Compostela', 'O castelo da Rocha', 'O Barrio de San Pedro', 'Os balcóns da cidade histórica' ou 'As casas da cidade' son só algunhas das propostas incluídas neste novidoso programa.

Os roteiros abranguerán aspectos da nosa cidade como natureza, historia, arte, patrimonio, literatura ou artesanía.

Cultura Viva é un programa educativo promovido pola Concellaría de Centros Socioculturais e Participación Cidadá a través do que coñeceremos o pasado e o presente artístico e cultural de Santiago, desde a tradición á actualidade. Percorrendo edificios, prazas, carballeiras, camiños, regatos... achegarémonos á paisaxe cultural compostelá, descubríndoa e facéndoa nosa.

** Percorridos de aproximadamente 2 horas e media.

** Destinatarios: Grupos e persoas de todas as idades interesadas en teren unha experiencia formativa e lúdica a través dos espazos naturais e culturais do concello de Santiago.

** Idioma: Galego

** Como participar? Poden participar todas as persoas interesadas que reúnan un mínimo de condicións físicas para camiñar ou se sintan capacitadas para desenvolver a actividade.
Os menores de idade deberán acudir acompañados por unha persoa adulta que se faga responsable deles.
As prazas son limitadas: máximo de 20 persoas por roteiro.
De non acadarse o número mínimo de 10 persoas, a saída anularase logo do aviso ás persoas inscritas.

** Data límite de inscrición formal: Ata 72 horas antes do roteiro nos Centros Socioculturais (inscrición previa presencialmente ou por teléfono).

** Prezos:

- Veciños e veciñas do concello: 1,5 €
- Bono 5 roteiros: 5 €
- De balde para desempregados e menores de 18 anos.
- Outros participantes (non empadroados no concello): 15 € /roteiro.

** Inscrición:

- CSC Conxo: 981 528 740
- CSC Ensanche: 981 543 001
- CSC Fontiñas: 981 528 750
- CSC Castiñeiriño: 981 542 459
- CSC Vite: 981 542 490

*** Consulta o programa completo de roteiros ata decembro aquí

O Restaurante Caney inicia un ciclo de faladoiros formado por comensais do mundo do xornalismo e a literatura. Os faladoiros celebraranse dous luns ao mes, á hora de comer (14,30 h), en torno ás delicias gastronómicas creadas polo equipo do Restaurante Caney.

O restaurante Caney, do Hotel Eurostars Araguaney, organiza un ciclo de faladoiros, que se levarán a cabo dúas veces ao mes, ás 14,30 h e nas que cinco persoas fixas e unha convidada sacarán a debate ou a conversación un tema de actualidade e preferiblemente elixido polo convidado ou con relación ao seu ámbito de traballo.

O escritor Alfredo Conde foi o motor desta iniciativa, á que se quixeron unir como tertulianos habituais Miguel Anxo Fernán Vello, escritor e editor, Chema Paz Gago, escritor e catedrático da universidade, Darío Villanueva, catedrático e membro da Real Academia Española e Luís González Tosar, profesor e escritor galego.

Durante a comida, os cinco tertulianos falarán sobre temas de actualidade. O convidado será Xurxo Fernández, xornalista galego. As persoas interesadas en sumarse aos faladoiros poderán facelo á hora do café, sobre as 15.30 h.

O obxectivo destes faladoiros é o de promover o diálogo e o intercambio de opinións ao redor dun tema de actualidade, permitindo que todos os asistentes amplíen e compartan os seus coñecementos.

O restaurante Caney, do Hotel Eurostars Araguaney, acolle este luns o seguinte dos seus faladoiros, integrado polos habituais Alfredo Conde, escritor; Miguel Anxo Fernán Vello, escritor e editor; Chema Paz Gago, escritor e catedrático da universidade; Darío Villanueva, catedrático e membro da Real Academia Española e Luís González Tosar, profesor e escritor galego.

Compartirá mesa con eles Camilo Franco, escritor e xornalista, invitado nesta ocasión. A iso das 14,30 h iniciarán o faladoiro degustando durante o mesma as ledicias servidas polo equipo do Restaurante Caney. Quen desexe sumarse a esta comida, poderá facelo comunicándoo previamente por correo electrónico (deberá enviar un email a prensa2@araguaney.com), asumindo o seu propio menú. O que prefira poderá unirse abertamente á hora do café, sobre as 15,30 h, para manter unha charla cos tertulianos.

Esta tarde, o Centro Sociocultural das Fontiñas acolle o espectáculo 'O señor das dunas', un contacontos dirixido a todos os públicos, dende os nenos e as súas familias ata os máis vellos da casa. A actividade forma parte do programa FalaRedes, realizado pola Secretaría Xeral de Política Lingüística para as entidades adheridas á Rede de Dinamización Lingüística.

Baseado na literatura oral galega, o contacontos 'O señor das dunas' complétase coa ilustración en directo do relato feita con area. Os asistentes recibirán como agasallo un libriño cos contos que escoitaron. Complementariamente, na web do programa estarán ao dispor dos usuarios os Contos ao redor do microondas en versión dixital, unha iniciativa encamiñada a mellorar as técnicas de expresión oral.

'O señor das dunas'

Hai moitos anos, durante unha viaxe intercontinental, un barco naufragou á altura da Costa da Morte. As correntes mariñas arrastraron a un vello bibliotecario, amante da literatura e das historias ben contadas, ata a praia de Corrubedo. Alí comezou a contar contos tradicionais, que acompañaba e enriquecía con debuxos feitos con area…

E de Corrubedo ás vilas de Galicia. O señor das dunas visítanos contando cinco contos populares galegos, xunto cun alumno aventaxado que ilustra sobre a area a historia que nos narra a medida que se vai relatando. O espectáculo dura en torno aos 50 minutos.

A Asociación Cultural Rocha Forte organiza no local social da Rocha Vella a presentación de 'Herdeiros pola Forza. Patrimonio cultural, poder e sociedade na Galicia do século XXI', un libro de Xurxo Ayán e Manuel Gago.

Será unha presentación intensa, porque a antiga fortaleza episcopal de Santiago de Compostela, o auténtico Castel Sant'Angelo de Santiago de Compostela, está a piques de vivir outra nova fase de intervención arqueolóxica. E será de luxo porque a actividade contará con Xosé Manuel Sánchez, doutor en Historia Medieval e historiador do Archivium Sancti Iacobi, o arquivo da Catedral de Santiago, para facer, despois da presentación, unha visita guiada a unha das fortalezas máis fascinantes e, sen dúbida, máis novelescas da historia galega.

Unha chamada á acción para recuperar o noso inmenso patrimonio cultural no horizonte do século XXI. Xurxo Ayán e Manuel Gago escolman en Herdeiros pola Forza vivencias de quince anos de traballo profesional desde a investigación e a comunicación cultural ao longo de todo o país, escribindo episodios que combinan a reflexión coa acción e un amplo anecdotario vivido e sentido en proxectos e iniciativas.

En 'Herdeiros pola Forza', Ayán e Gago avogan por transformar un modelo enquistado e esclerotizado de xestión do noso patrimonio cultural, devolvendo ás sociedades a relación coa súa propia memoria, e recuperando o sentido da nosa enorme herdanza e da nosa memoria. A sociedade galega do século XXI: urbana, usuaria das novas tecnoloxías e sometida a fortes procesos de tensión identitaria interna, precisa darlles novos sentidos ao patrimonio cultural. Este libro está escrito desde a crenza en que a nosa sociedade está a cambiar con rapidez, e está converténdose, gradualmente, ela mesma, en protagonista dese proceso de recuperación.

Amancio Prada canta a Chicho Sánchez Ferlosio, Léo Ferré e Agustín García Calvo nun novo concerto do ciclo 'Sons 2013'.

Un círculo vinculado pola amizade e o fervor desde os anos da utopía e o exilio. Amancio coñece a Agustín García Calvo en París, nun restaurante universitario no Barrio Latino, a comezos dos setenta, cando ía pregoando e repartindo exemplares do Manifesto da CAZ, Comuna Antinacionalista Zamorana, que levaba no seu zurrón e descobre a súa poesía, as súas cancións e soliloquios. El foi quen lle falou por primeira vez de Chicho Sánchez Ferlosio como exemplo á hora de facer cancións sobre poemas propios ou alleos.

A Chicho coñéceo uns anos máis tarde na casa de Carmen Martín Gaite, considérao o cantor con máis graza e talento que coñeceu. En 2003, pouco despois da súa morte, dedícalle o libro-disco “Hasta Otro Día Chicho”. Con Chicho e con Agustín deu un recital no Teatro Español de Madrid.

E Léo Ferré, unha das estrelas máis brillante do elevado firmamento da chanson, e unha das máis rebeldes. En “Vida de Artista”, (2007) Amancio Prado tratou de sementar noutra terra, con outro acento, a semente da súa permanente rebelión e beleza.

O soliloquio do sorriso contra toda forma de poder que negue a liberdade. Lámpadas da conciencia. Así é a vida que merece ser vivida, así as palabras que merecen ser cantadas. Un ramo de cancións, como rosas con espiñas.

Amancio Prada (Dehesas, León, 1949). O seu traballo como compositor e intérprete tivo sempre unha base literaria que ao longo da súa discografía vén conformando un percorrido antolóxico pola lírica peninsular, desde as Cantigas dos primeiros trobadores galego-portugueses (Ss. XII e XIII), pasando polo Romancero, Juan del Enzina, Jorge Manrique,  San Juan de la Cruz e Rosalía de Castro, até a obra de numerosos autores contemporáneos como García Lorca, Agustín García Calvo, Manuel Vicent e Álvaro Cunqueiro, entre outros a quen dedicou gravacións monográficas.
Recibiu a Medalla Castelao de Galicia (1995),  o Premio Castilla e León de las Artes (2005), Grand Prix du Répertoire Sacem (París, 2008), Premio Tenco (Sanremo, 2010) e a Medalla de Oro al Mérito de las  Bellas Artes (2010).

Santiago acolle ata o 5 de maio a XXXII Feira do Libro, un tradicional encontro que fai do parque máis señorial da cidade, a Alameda, un lugar onde atopar a bo prezo publicacións moi variadas, incluíndo libros sobre Santiago e Galicia.

Os volumes terán un desconto do 10% no seu prezo.

Presentacións de libros, sinaturas por parte de autores, obradoiros, contacontos, numerosas actividades infantís, ganchillo, recitais de poesía, música a cargo da Banda de Música municipal… forman parte do seu programa.

PROGRAMA

** Sábado 27
- 13.00 h. Inauguración. Banda de Música. Intervencións institucionais. Monólogo de Carlos Blanco. Nova actuación Banda de Música. Participa no acto a Asociación do Traxe Galego.
- 18.00 h. Escola de maxia. Obradoiro infantil de maxia impartido polo Mago Toño.
- 19.00 h. A xornalista María Solar, asinará exemplares do seu libro As meigas de Lupa publicado por Edicións Xerais de Galicia
- 19.00 h. Presentación do libro La luz dormida en el espejo. Memorias de Diego Velázquez, de Francisco Singul, publicada por Editorial Alvarellos.
- 20.00 h. Reverso Edición presenta a colección Xornalistas. Participarán no acto Xosé Manuel Pereiro, Xosé Precedo, Daniel Salgado e Antón Lado, editor.

** Domingo 28
- 12.45 h. Concerto da Banda Municipal de Música de Santiago de Compostela.
- 17.45 h. Actividade infantil. Contacontos musical a cargo de Avoa Youja.
- 19.30 h. Contos Extraños Editora e Urco Editora, celebran o 3º Encontro da Nova Fantasía Galega, coa presentación dos libros Ninguén lembra, de Vanesa Santiago Vázquez, Contos de soños e sombras, de Ariza Piñeiro, Galiza mutante: Poder nuclear, de Tomás González Ahola e As crónicas de Bran: A revolta dos Mestres, de Xosé Duncan. Tamén haberá una charla coloquio entre editores, autores e lectores.

** Luns 29 
- 18.30 h. Presentación do libro de Os Bolechas O reloxio de Carlos, de Pepe Carreiro, publicado por Ediciones Bolanda S.L. No acto, participará o autor do libro.
- 19.00 h. O escritor Agustín Fernández Paz asinará exemplares dos seus libros.
- 19.30 h. Presentación do libro O Códice do Santo Lugar, de Pere Tobaruela, publicado por Edicións Xerais de Galicia. Participan Luz Méndez, Manuel Bragado e o autor.
- 19.30 h. Os autores dos libros presentados e o escritor Miguel Otero, autor do libro El asedio, asinarán exemplares na caseta da Libraría Cartabón.
- 20.15 h. Presentación do libro Costa do Solpor, de Xosé Mª Lema. Participan no acto Manuel Bragado e o autor.

** Martes 30 
- 18.00 h. Actividade infantil. Crea o libro das palabras. Obradoiro de origami.
- 18.00 h. Presentación do poemario Viaxe sen cancelas, de Xesús Bermúdez Tellado, publicada por Redelibros.
- 18.30 h. Presentación do libro Fugaz coincidencia, de Xosé Estévez López Publicado por Redelibros.
- 19.00 h. Presentación do libro Nada se esquece, de Puri Ameixide, publicado por Redelibros.
- 19.00 h. Actividade de ganchillo da Asociación de Veciños A Xuntanza.
- 19.30 h. Actuación da coral da Asociación Cultural A Solfa, interpretando poemas de Rosalía de Castro, Castelao e temas da tradición popular galega.
- 20.00 h. Encontro virtual con Gaia (protagonista da novela En vías de extinción, de María Reimóndez, publicado por Edicións Xerais de Galicia). Participa no acto Ana Romaní e a autora do libro.

** Mércores 1
- 13.00 h. Actividade infantil. Servando Barreiro. Contacontos poético musical.
- 18.00 h. Contacontos en verso para nenos, con Yolanda Castaño xogando co seu libro Verdades, ilustrado por Xosé Tomás e publicado por Biblos. Tamén aparecerán historias dos seus libros Cando eu saiba ler e Punver.
- 19.00 h. Presentación do libro Lo que dijimos nos persigue do poeta macedonio Nikola Madzirov , con traducción de Yolanda Castaño, publicado pola editorial Pre-Textos, na súa colección La Cruz del Sur. Neste acto, participarán o autor do libro e tradutora, e a poeta María Reimóndez, que farán un recital dos poemas da obra.
- 20.00 h. Presentación do libro e audiovisual Un chapeu negro e un nariz de paiaso. Tras os pasos de Roberto Vidal Bolaño, con textos de Montse Penas Presas e imaxes e son de Gonzalo Enríquez Veloso, publicado por Editorial Galaxia. Xunto coa autora, participa no acto Francisco Castro.

** Xoves 2 
- 18.00 h. Actividade infantil. Obradoiro Letras na corda, impartido por Larraiz Urruzola, da compañía de Títeres Babaluva.
- 19.30 h. Presentación de Trastarabás. Enciclopedia dos brinquedos tradicionais do escritor Antón Cortizas, publicado por Edicións Xerais de Galicia. Xunto co autor, participa no acto Manuel Bragado, director da editorial.
- 20.30 h. A escritora Valentina Formoso presenta o seu libro Do estigma á estima, publicado por Edicións Xerais de Galicia. Participan no acto Carlos Negro, Manuel Bragado e a autora do libro.

** Venres 3 
- 18.00 h. Actividade infantil. Un reino complicado. Contacontos a cargo de Fátima Fernández.
- 19.00 h. O escritor Manuel Portas, presenta o seu libro Faneca Brava, publicado por Edicións Xerais de Galicia. Xunto co autor, participarán no acto o crítico Ramón Nicolás e Fran Alonso.
- 20.00 h. A noite no deserto. Un diálogo sobre a novela e a construción da memoria, con Chisco Fernández Naval, autor de Noite branca, publicado por Edicións Xerais de Galicia e Antón Riveiro Coello, autor de Laura no deserto, publicado pola Editorial Galaxia.

** Sábado 4
- 12.30 h. Actividade para nenos. Contacontos Viaje de una gota de agua alrededor del mundo, a cargo de Pepa, la Mariscadora de cuentos, baseado nun relato publicado por Editorial Nívola.
- 13.30 h. Actividade infantil. Touporroutou. Contacontos baseado na obra de teatro infantil de Roberto Vidal Bolaño, realizado por Ana Carreira.
- 18.00 h. Actividade infantil: Babacontos. Divertido espectáculo de narración de contos a cargo dos integrantes da compañía de Títeres Babaluva.
- 19.00 h. Barriga Verde. Acto de presentación dos libros Biografía de José Silvent e do DVD – libro Morreu o demo, acabouse a peseta, publicados pola Asociación Cultural Morreu o Demo.
- 20.00 h. Presentación do libro +cd + dvd De roda en roda. Música e danzas do mundo, de Suso Cancela, Pilar Sampil e Javier Jurado, publicado por Editorial Galaxia. Participarán no acto, xunto cos autores, Luís Prego e Víctor Freixanes, director xeral de Galaxia. Ao remate, haberá unha demostración de danzas do mundo a cargo de bailadores e bailadoras á que poderá sumarse todo o público que o desexe.

** Domingo 5
- 13.00 h. Actividade infantil. Descubrindo os mandalas. Obradoiro de manualidades e reciclaxe.
- 18.30 h. Urdime Teatro presenta Vida e obra de Roberto Vidal Bolaño, coa actuación de Laura Ponte e e Roi Vidal Ponte.
- 19.00 h. Encontro literario sobre Rosalía de Castro, realizado pola Asociación Cultural O Galo, coa celebración do coloquio Rosalía de Castro: nos 150 anos de Cantares Gallegos, coa participación de Katlheen March, Helena Villar Janeiro e Pilar García Negro, que presentará neste acto o libro Cantares gallegos hoxe. Unha lectura actualizada de Rodsalía de Castro, publicado por Alvarellos Editora.
- 20.00 h. Recital poético de José Luís Salamanca García, con proxección de vídeos, presentación do libro El arte de Amar. Ao remate do acto, o autor asinará exemplares do seu libro de poemas e da novela Las flores muertas.

Feira anual que se celebra durante máis dunha semana no Paseo Central da Alameda, entre finais de abril e a primeira quincena de maio. Alí expóñense e comercializan libros de diferentes editoriais, librerías e organizacións, tanto galegas coma do resto de España, que aproveitan estes días para achegar os seus produtos ao público e vendelos a bos prezos. Nesta feira pódense atopar una gran variedade de libros sobre Santiago e sobre Galicia. 

Ademáis da exhibición e compra de libros hai unha serie de actividades complementarias: firma de libros por parte de autores coñecidos, sorteos, campañas de promoción da lectura, visitas guiadas, etc. 

Exemplares de publicacións recentes a bo prezo, libros con décadas e incluso séculos de antigüedade, documentos sobre Santiago e Galicia... Unha excusa para pasear en primavera por un dos mellores parques da cidade.