Cultural Diary

VI Festival de Músicas Contemplativas: The New London Consort

Tue, 22 Mar 2011 11:44:00 +0100

18/04/2011 - 18/04/2011

The New London Consort inaugura esta tarde o programa do VI Festival de Músicas Contemplativas, que inclúe este ano trece recitais en igrexas e claustros monumentais de Compostela. O Oratorio de Pascua de Bach será o programa elixido para o primeiro concerto, na igrexa de San Agustín.

The New London Consort (Inglaterra)

Philip Picket, director

Oratorio de Pascua: J. S. Bach – M. Praetorius

O New London Consort é un dos conxuntos de Música Antiga máis versátiles e aclamados do mundo. O grupo explora uns repertorios medieval, renacentista e barroco únicos e coloridos, ademais de presentar interesantes programas deseñados con gran coidado que combinan a seriedade académica co máis fino entretemento.
Os seus artistas principais son solistas de renome no seu campo, que comparten a mesma preocupación polo estilo e forma de traballar, do que resulta unha reputación artística, intuición e virtuosismo indiscutibles. Os seus concertos e gravacións inclúen frecuentemente primeiras interpretacións modernas de obras inéditas, redescubertas e reconstruídas, así como de pezas coñecidas vistas desde unha perspectiva nova, moitas veces controvertida.
A orquestra visita con regularidade os festivais e as salas de concerto máis importantes do mundo. As súas actuacións máis recentes inclúen unha xira mundial de L`Orfeo de Monteverdi (producida por Jonathan Miller) con actuacións en todo o Reino Unido así como en Róterdan, Luxemburgo, París, Bergen, Varsovia, Aranxuez, Pamplona, Xerusalén, Guanajato e Cidade de México; o Oratorio de Pascua no Perth International Arts Festival
e na Filarmónica de Estrasburgo; The Indian Queen de Purcell en Sevilla e Don Quixote de Purcell/Eccles en Cité da Musique en Paris. Recentemente New London Consort finalizou unha extensa xira europea presentando a súa nova reconstrución de Dido & Aeneas 1700 (producida por Jonathan Miller) con representacións no Reino Unido, España, Países Baixos, Polonia, Hungría, Luxemburgo e Austria.
Ademais de actuar frecuentemente no South Bank Centre de Londres (onde o conxunto foi a orquestra residente de 1995 a 2006) actúa tamén habitualmente nos festivais británicos máis importantes e asumiu cinco xiras en Early Music Networks por todo o país.

Durante a Semana Santa de 2011 diferentes igrexas da cidade histórica de Santiago de Compostela acollerán a sexta edición do Festival de Músicas Contemplativas, un certame musical que aposta polo diálogo intercultural no que participarán trece agrupacións representativas de distintas tradicións musicais de Oriente e Occidente e das súas espiritualidades.

VI Festival de Músicas Contemplativas: Mohamma Motamedi Ensemble

Tue, 22 Mar 2011 12:10:00 +0100

19/04/2011 - 19/04/2011

O segundo concerto do día programado polo VI Festival de Músicas Contemplativas celébrase na Igrexa da Universidade. Mohamma Motamedi Ensemble, formación que chega desde Irán, interpretará un repertorio de pezas agrupadas baixo o nome de 'Música e poesía mística do imperio persa'.

O cantante iraní Mohammad Motamedi chegará a Santiago para ofrecer un recital de música tradicional persa, acompañado de dous expertos músicos, Abbos Kosimov (que tocará o doyra) e Sirojiddin Juraev (que tocará o dutar).

Mohammad Motamedi, autodidacta desde a adolescencia, converteuse nun modelo a seguir a partir de cancións de mestres como Taf Esfahani e Khansari Adib, beneficiándose tamén da orientación do desaparecido Hossein Omoumi. Traballa con varios grupos, cos que realiza extensas xiras dentro e fóra de Irán. O seu repertorio, clásico da música persa, perpetúase a través da tradición oral e consta dun corpus de pezas coñecidas como Radif. Os modos persas constrúense a semellanza dos do antigo sistema grego, é dicir, mediante a conxunción de dous tetracordios (fragmentos de escala de catro notas). Estas escalas ou modos sempre teñen sete notas, sen cromatismos, aínda que a súa afinación varía algo en relación á occidental. Os ritmos resultantes afunden as súas raíces nas músicas folclóricas da rexión de Asia Central e que poderiamos denominar música clásica popular, da que é un dos seus máximos instrumentistas o mestre Abbos Kosimov.

VI Festival de Músicas Contemplativas: The Gustaf Sjökvist's Chamberchoir

Tue, 22 Mar 2011 12:04:00 +0100

19/04/2011 - 19/04/2011

A Igrexa das Ánimas serve como privilexiado escenario para o primeiro concerto do día programado polo VI Festival de Músicas Contemplativas. Nesta ocasión, The Gustaf Sjökvist´s Chamberchoir, prestixiosa formación sueca, ofrece un repertorio de pezas dos séculos XV e XVI titulado 'Magnum Mysterium'.

The Gustaf Sjökvist´s Chamberchoir ( Suecia)
Gustaf Sjökvist, director
Jan Lundgren, piano
Jesper Lundgaard, violoncello e contrabaixo
Magnum Mysterium: Varios autores (Ingmar Bergman, in memoriam)

Gustaf Sjökvist's Chamberchoir. O Coro de Cámara, foi fundado en 1994 con base na Catedral de Estocolmo en Suecia. Considerado como un dos coros máis famosos de Suecia, levou a cabo extensas xiras internacionais, ofrecendo concertos en todos os países nórdicos, en moitos países de Europa, África, Norte América e Asia.
Debido á diversidade do repertorio que interpreta colabora habitualmente con artistas internacionais como Barbara Hendricks, Edita Gruberova, Kiri Che Kanawa, Anne Sofie von Otter, The Real Group e Håkan Hagegård, entre outros moitos.
O Coro de Cámara Gustaf Sjökvist é tamén un promotor acérrimo da interpretación da música contemporánea. Durante estes anos acumula un amplo repertorio neste campo abarcando desde a maioría da obra de Francisc Poulenc, pasando pola obra de Olivier Messiaen, Arnold Schönberg, Rautavaara, Tormis, etc.
Desde os seus inicios traballaron con orquestras como a Swedish Radio Symphony Orchestra, Royal Stockholm Philharmonic Orchestra, a Drottningholm Baroque Ensemble, e con directores invitados como Eric Ericson, Emmanuelle Haïm e Perter Dijkstra, entre outros.
Ademais de música a capella, o seu repertorio inclúe oratorios como a Misa en mi menor e o Oratorio de Nadal de Bach, o Requiem de Brahms, Verdi, Mozart e Britten.
Dentro dos actos de celebración do décimo aniversario na tempada 2004-2005, varios compositores suecos compuxeron obras para o coro con letras do poeta Thomas Tranströmmer.

PROGRAMA

Magnum Mysterium
(Ingmar Bergman, in memoriam)
Adaptación de Jan Lundgren
- Vinea mea
Anónimo
- Prophetiae Sibyllarum
Orlando Di Lasso (1532-1594)
- Pastores dicite, quidnam vidistis?
Cristóbal de Morales (1500-1553)
- Se nel partir da voi
Claudio Monteverdi (1567-1643)
- Crux fidelis
John IV, Rey de Portugal (1604-1656)
- Missa de Carneval
Franchino Gaffurio (1451-1522)
- O quam gloriosum
Tomás Luis de Vitoria (1548-1611)
- Dominica CVIII. Post Pentecosten
Introitus
- Maria Magdal ene et altera Maria
Andrea Gabrieli (1510-1586)
- O Magnum Mysterium
William Byrd (1540-1623)
- Instrumental improvisation
- Parts from Missa Papae Marcelli
G. P. da Palestrina (ca.1525-1594)

VI Festival de Músicas Contemplativas: Deba

Thu, 07 Apr 2011 18:42:00 +0200

20/04/2011 - 20/04/2011

O Festival de Músicas Contemplativas, organizado polo Consorcio de Santiago, ofrece o último concerto do día, case ao fío da media noite, que se celebrará na Igrexa da Universidade. Nesta ocasión, Deba, procedente da illa africana de Mayotte, no Océano Índico, interpreta un repertorio de cantos místicos.

Debaa (ou deba), sinónimo de qasida no arquipélago de Comores, é o termo utilizado para o canto da poesía mística. A día de hoxe, aínda fai referencia a un tipo de canto masculino acompañado de tambores, sen unha coreografía específica. Ao parecer, o nome debaa xurdiu simplemente do estudo sobre as cancións dos traballos publicados de Abdurahmân al-Dayba’. A narrativa e os poemas a partir das devanditas compilaciones poida que sexan, con toda probabilidade, a fonte de inspiración da tradición debaa. O canto Dayba (Debaa) é como dicir o canto “Brel” ou “Serrat”. É dicir: “o canto dos poemas épicos de al-Dayba’”. Ata agora, non temos probas de se o mesmo al-Dayba’ tamén os cantaba, aínda que esta información sería inestimable. Hoxe en día, unha das principais fontes da canción debaa é unha colección de poemas e narrativa co nome de al-Dayba’. A hipótese é que este erudito do século XV chegou a identificarse gradualmente co canto dos poemas e a narrativa mawlid que o mesmo recompilara.
Os temas do debaa son aqueles que pertencen aos poemas místicos que invocan a Alá, que glorifican ao Profeta, encomian aos homes santos, recordando o comportamento ético moral, cantando ao amor. Estes mesmos poemas están acompañados por tambores e declamanse durante as cerimonias conmemorativas do mawlid, o nacemento do Profeta.

VI Festival de Músicas Contemplativas: Rheinische Kantorei

Thu, 07 Apr 2011 18:32:00 +0200

20/04/2011 - 20/04/2011

A terceira xornada do VI Festival de Músicas Contemplativas prosegue no Convento de Santa Clara co concerto da formación xermana Rheinische Kantorei, que ofrecerá ao público un repertorio de Motetes de Bach.

Desde a súa fundación en 1977, o Rheinische Kantorei converteuse en sinónimo da interpretación exemplar na música histórica: un grupo que combina a austeridade coa brillantez e a creación dun son radiante, de precisión absoluta na entoación e a harmonización, que realiza un coidadoso traballo na dicción e que emite sempre un halo de transparencia e de sinxeleza. Todo iso convérteo sen dúbida nun dos grandes coros europeos da música antiga. O tamaño do coro, dependendo dos repertorios, establécese entre os doce e os trinta e dous cantantes e todos os papeis solistas son habitualmente asumidos polos propios membros do coro. Nos seus máis de trinta anos de existencia o coro abordou un gran número de recuperacións e de estreas modernas de grandes obras de compositores alemáns e europeos. O seu traballo ampliouse nos últimos anos ao repertorio romántico.

PROGRAMA

Integral de Motetes BWV 225-230
Johann Sebastian Bach
SINGET DEM HERRN EIN NEUES LIED
BWV 225
Singet dem Herrn ein nenes Lied
Gott, nimm dich Ferrer unser an
Wie sich ein Vater erbarmet
Gott, nimm dich Ferrer unser an
Die Gottesgnad alleine
Loret den Herrn in seinen Taten
Alles, was Odem hat, lobe den Herrn
DER GEIST HILFT UNSER
SCHWACHHEIT AUF BWV 226
Der Geist hilft unser Schwachheit auf
Der aber die Herzen forschet
Du heilige Brunst, süßer Trost
JESU, MEINE FREUDE BWV 227
Jesu, meine Freude
Es ist nun nichts Verdammliches
Unter deinem Schirmen
Denn das Gesetz des Geites
Trotz dem alten Drachen
Ihr aber seid nicht fleischlich
Weg mit allen Schätzen
So aber Christus in euch ist
Gute Nacht, o Wesen
So nun der Geist
Weicht, ihr Trauergeister
FÜRCHTE DICH NICHT BWV 228
Fürchte dich nicht
Denn ich habe dich erlöset
KOMM, JESU, KOMM BWV 229
Komm, Jesu, Komm
Drum schließich mich ene Hände
Drum schließich mich ene Hände
LOBET DEN HERRN, ALLE HEIDEN BWV 230
Lobet den Herrn
Halleluja

VI Festival de Músicas Contemplativas: Fargana Qasimova Ensemble

Thu, 07 Apr 2011 18:14:00 +0200

20/04/2011 - 20/04/2011

O conxunto Fargana Qasimova Ensemble, procedente de Azerbaixán, ofrece esta tarde no Claustro do Hotel San Francisco un concerto no que interpretarán un repertorio de pezas titulado 'Spiritual Music of Azerbaijan'.

Ávida estudante de mugham, práctica informalmente co seu pai desde os 15 anos. Aos vinte é xa, plenamente e polo seu propio dereito, unha recoñecida cantante e é neste momento cando Alim Qasimov decide introducila no seu ensemble.
Fargana aparece por primeira vez en 1997 no programa The Legendary Art of Mugham, no que os dous comparten as tarefas vocais na canción getme getme. O seu seguinte album inclúe unha pista, Bagishlamani, dedicado ao seu antecesor, Nusrat Fateh Ali Khan. O lanzamento deste album marcou un punto álxido para Fargana Qasimova pois era a súa primeira versión amplamente dispoñible para o público occidental e resultou un éxito de crítica. Desde este momento Fargana actuou en moitos dos máis importantes teatros e auditorios de Europa, Estados Unidos e Asia. Fargana conecta con novas xeracións, non só é atractiva ás tradicionais islámicas e sectores da poboación de Acerbaixán, senón tamén a un público moderno e occidentalizado.

VI Festival de Músicas Contemplativas: Noureddine Khourchid & Derviches de Damasco

Fri, 08 Apr 2011 11:11:00 +0200

21/04/2011 - 21/04/2011

A cuarta xornada do VI Festival de Músicas Contemplativas péchase esta noite coa actuación, na Igrexa da Universidade, de Noureddine Khourchid & Derviches de Damasco, unha formación procedente de Siria que presentará un repertorio de música e rituais místicos do seu país.

Nacido en 1966 en Damasco, Noureddine Khourchid é iniciado aos cinco anos polo seu pai o xeque Abou al-Nour no ritual místico musulmán. No seu país considéraselle un dos máis grandes recitadores do Corán.
Logo dalgúns anos na facultade de económicas, dedícase finalmente á vida espiritual. A súa gran mestría da recitación coránica permítelle fundirse perfectamente no inshad, o canto relixioso. O grupo sufí Noureddine Khourchid da gran mesquita de Damasco funde unha voz profunda e celestial que se pon de manifesto no ritmo do daf e que parece materializarse pola presenza case metafísica dos derviches xiradores.

Neste bulebule ritual infinito no que a terra e o aire parecen xuntarse, o que se esboza é o movemento universal e cosmogónico do mundo. A orde dos Mevlevís, establecida polo gran Jalâl al-Din al-Rûmî, fixo del o seu patrimonio.
O “samâ’”, do verbo árabe “escoitar”, refírese a unha práctica espiritual que consiste en cantar e en bailar para expresar os estados internos e para encomiar a Deus. Esta danza realízase co oído do corazón e revela nalgunhas músicas unha chamada ao coñecemento de si mesmo e ao retorno a un lugar máis aló de calquera espazo físico. Lévase a cabo segundo as regras precisas cargadas de simbolismo e asóciase, a miúdo, a certas prácticas das irmandades sufíes, como o dhikr, a recitación dos versos do Corán, as oracións dirixidas ao profeta Mahoma. Aínda que existiu, de forma esporádica, desde os primeiros séculos do islam, esta práctica experimentou unha reactivación grazas ao
místico Jalâl-al-Din al-Rûmî (1207-1273), quen sentou as bases teosóficas. Hoxe en día, o samâ’ aínda é practicado polos adeptos da súa senda (tarîqa), os Mevlevís otománs, como polos seus semellantes árabes os Mawlawiyya, así como polas numerosas irmandades de Oriente Medio e do Magreb. Ao longo dos séculos, esta práctica foise enriquecendo gradualmente grazas ao contacto con outros repertorios relixiosos e poéticos, ata encarnar unha especie de liturxia do recordo, entre o ceo e a terra, baseando as súas raíces nos fundamentos da mística islámica.
A posta en escena do samâ’ constitúe unha sorte de arte total, na que converxen música e danza, por suposto, pero tamén poesía, arquitectura e unha mínima escenografía. Segundo a maioría dos tratados clásicos do tasawwuf, para o bo desenvolvemento das que son as dúas prácticas sufíes máis relevantes: o samâ ou concerto espiritual e o dhikr ou invocación ritual dos nomes de Deus, é preciso que se cumpran tres condicións: zamân: tempo, makân: lugar e ijuân: as persoas participantes. Os Derviches mostran ca seu admirable plástica corporal que o sacro é tamén carnal, que en palabras do coreógrafo fránces –e musulmán– Maurice Béjart “... a danza como disciplina artística esixe un mínimo de inspiración e moitísima transpiración” en clara alusión, á ascésis transformadora á que se ten que someter o corpo e a consciencia do bailarín.

VI Festival de Músicas Contemplativas: Hilliard Ensemble

Fri, 08 Apr 2011 10:32:00 +0200

21/04/2011 - 21/04/2011

A Igrexa de San Martiño Pinario será o escenario do segundo concerto desta xornada do VI Festival de Músicas Contemplativas, no que a formación británica Hilliard Ensemble, unha das mellores agrupacións vocais do mundo, interpretará a 'Passio Domini Nostri Jesu Christi secundum Joannem', unha das composicións iniciais ( 1982) da técnica "tintinnabuli", que recupera a tradición do canto gregoriano.

Hilliard Ensemble. É un dos mellores grupos de cámara vocais, desde a súa formación nos anos 80, cunha reputación sen igual, tanto no campo da música antiga como nova. O seu estilo característico e a súa amplamente desenvolvida musicalidade, achegan ao oínte tanto ao repertorio medieval e do Renacemento como a obras escritas por compositores vivos.
A gravación da Passio, de Arvo Pärt, en 1988 comezou unha frutífera relación tanto con Pärt como coa compañía ECM, en Munich, ao que seguiu a gravación de Litany, de Pärt. O grupo fixo encargos a outros compositores dos Paises Bálticos como Veljo Tormis e ErkkiSven Tüür, engadíndoos ao seu rico repertorio de música xunto con Gavin Bryars, Heinz Holliger, John Casken, James MacMillan, Elena Firsova e moitos outros.
Ademais dos discos a cappella, as súas colaboracións con ECM inclúen Officium e Mnemosyne co saxofonista noruegués Jan Garbarek –con quen continuan desenvolvendo a súa carreira–, e Morimur co violinista barroco alemán Christoph Poppen e a soprano Monika Mauch. Segundo a investigación da Profesora Helga Thoene, é un labor único da Partita en Re menor para violín só de Bach, cunha selección de versos corais rematado pola épica Ciaconna, na que instrumentalistas e vocalistas se unen.
O grupo continúa no seu afán de forxar relacións de colaboración con compositores vivos, ás veces nun contexto orquestral. En 1999, estrearon Miroirs des Temps de Unsuk Chin coa Orquestra Filarmónica de Londres e Kent Nagano. Con Lorin Maazel e a Filarmónica de Nova York estrearon a nivel mundial a 3ª Sinfonía de Stephen Hartke, que foi estreada a continuación en Europa pola Deutsche Radio Philharmonie Saarbrücken Kaiserslautern e Christoph Poppen. Colaboraron, ademais, coa Orquestra de Cámara de Munich nunha obra nova de Erkki-Sven Tüür. En 2007 uníronse á Orquestra Filarmónica de Dresden para estrear Nunc Dimittis do compositor ruso Alexander Raskatov, gravada para ECM. En 2009 traballaron xunto co Cuarteto Arditti no novo traballo de Wolfgang Rihm: Et Lux.
En agosto de 2008 comezou unha nova etapa para o grupo coa estrea, no Festival Internacional de Edimburgo, dun proxecto de teatro musical escrito por Heiner Goebbels, nunha produción do Théâtre Vidy de Lausanne: I went to the house but did not enter. Tras isto foi inmediatamente presentada por toda Europa e Estados Unidos e, a principios de 2011, estrearase en Korea e no Festival de Primavera de Praga.
O máis destacado do seu calendario esta tempada é o lanzamento e os concertos da
súa terceira colaboración con Jan Garbarek para ECM: Officium Novum. Tras isto, o grupo embárcase nunha xira por Europa con Garbarek. O compositor Alexander Raskatov estará moi presente na súa programación, e está previsto que interpreten as súas obras Obikhod e Nunc Dimmittis coa Orquestra de Cámara dos Países Baixos e a Orquestra Sinfónica de Basilea, respectivamente.

VI Festival de Músicas Contemplativas: Diabolus in Musica

Fri, 08 Apr 2011 10:10:00 +0200

21/04/2011 - 21/04/2011

A Igrexa de San Francisco será o escenario do primeiro concerto desta xornada do VI Festival de Músicas Contemplativas, no que o grupo francés Diabolus in Musica, dirixido por Antoine Guerber, ofrecerá un repertorio de pezas agrupadas baixo o nome de 'Sursum Corda! Les chants de la lumière: Ecole de Notre-Dame (1170-1240)'.

Diabolus in Musica. Os teóricos do Medievo denominaban así ao intervalo Fa-Si, esa cuarta aumentada que lles magoaba os oídos e que debía evitarse custe o que custe na polifonía.
Desde 1992, o Ensemble Diabolus in Musica dedícase ao estudo e a interpretación de todas as músicas medievais, desde o canto gregoriano ata as grandes polifonías do século XV, cunha marcada preferencia polos séculos XII e XIII en Francia. Á vangarda da investigación musicolóxica e histórica, o Ensemble traballa directamente sobre fontes manuscritas, dando prioridade aos repertorios e obras inéditas. Os seus programas sempre abordan a Idade Media de xeito orixinal e creativo, situando a música no seu contexto histórico e estético coa intención de captar a mentalidade e sensibilidade medievais.
Diabolus in Musica foi invitado aos máis importantes festivais, tanto en Francia como en Alemaña, Holanda, Bélxica e América. A súa discografía foi galardoada con varios premios.
Entre moitas outras calidades, a crítica destaca a forte personalidade das súas innovadoras interpretacións.

Antoine Guerber. Dirixe Diabolus in Musica desde 1992. Logo de dez anos de práctica de canto coral, coñeceu a Dominique Touron, fundador do Ensemble en Bordeus e a Dominique Vellard, que sería logo profesor no Centro de Música Medieval de París e no Departamento de Música Antiga do CNSM de Lyon. Desde entón a súa paixón pola música medieval foi absoluta. Logo de participar nas actividades dos Ensembles Gilles Binchois, Organum, Perceval e Jacques, Moderne, Antoine Guerber estableceuse en Touraine para dedicarse ao seu propio ensemble, ao descubrimento de repertorios inéditos e á formación de cantantes profesionais.

PROGRAMA

Sursum Corda! Les chants de la lumière
Ecole de Notre-Dame (1170-1240)

Descendit de celis
Deus misertus
Mundus Vergens
Olim Sudor Herculis
O Maria Virginei
Naturas Deus Regulis
Sursum Corda
Benedicamus Domino

VI Festival de Músicas Contemplativas: Sheikh Yasin Al Tuhami

Fri, 08 Apr 2011 12:26:00 +0200

22/04/2011 - 22/04/2011

A quinta xornada do VI Festival de Músicas Contemplativas péchase a media noite coa actuación do artista exipcio Sheikh Yasin Al Tuhami, que interpretará unha selección de cantos sufíes do Alto Exipto na Igrexa da Universidade.

Sheikh Yasîn al-Tuhâmi. Un munshid é un intérprete do inshad dini (canto relixioso islámico). Este canto consta de catro xéneros diferentes: o ibtihalat (poesía cuxo tema é a súplica, é interpretada unicamente polo solista), o tawashih diniyya (poesía relixiosa baseada nun intercambio melódico entre o solista e o coro), os qisas diniyya (historias relixiosas cantadas e narradas á vez polo cantante ao que acompaña a orquestra) e o inshad sufí que contén os temas da mística islámica, a miúdo interpretado durante as reunións sufíes debido aos efectos espirituais que proporciona. O Sheikh Yasîn al-Tuhâmi é indiscutiblemente o munshid sufí máis famoso de Exipto. Nacido en 1948 en Hawatka, unha comunidade de agricultores próxima a Assiout, Sheikh Yasîn recibiu unha educación relixiosa tradicional, estudando a recitación coránica, as ciencias relixiosas e o árabe clásico, coñecementos que lle foron de gran utilidade na súa carreira. Ningún dos membros da súa familia foi munshid, nin tampouco había posibilidade algunha de estudar inshad na escola, polo que aprendeu a cantar imitando o que oía nas reunións sufíes locais. Tamén lle influíron os programas de radio dos munshid-s máis famosos, a salmodia do Corán e as grandes estrelas da música árabe, incluíndo a Nasr al-Din Tubar, Mustafa Isma’il e sobre todo a Umm Kulthum. En 1973, comezou a darse a coñecer nas festas relixiosas (mawlid-s). Alí onde a maioría dos munshid-s cantaban mesturando o árabe clásico co popular, el distinguíase por cantar só en árabe clásico, cunha pronuncia perfecta. Incitado e asistido polos sheikhs sufís e os profesores, impresionados pola súa voz refinada, obrigouse a ampliar o seu repertorio, memorizando poesía mística a partir de diferentes libros e para enriquecer o seu son, aumentando o grupo de percusión tradicional mediante instrumentos melódicos. Nuns poucos anos recibiu invitacións para actuar por todo Exipto e conseguiu un contrato para gravar.
Actualmente ten contratadas actuacións con varios meses de antelación, con máis de 30 discos no mercado, e unha gran cantidade de gravacións privadas de audio e vídeo de gran circulación entre os seus fans. Desde a súa casa en Hawatka, percorre todo Exipto actuando máis de 200 noites por ano, durante as reunións sufíes, desde Asuán a Alexandría. As súas innovacións estilísticas, a súa arte e o seu éxito deron lugar a unha gran cantidade de imitadores que forman unha verdadeira escola virtual madrasa (escola), situada no centro de Exipto, pero irradiando a súa influencia por todo o país. No último ano, empezou a darse a coñecer no estranxeiro.

O sufismo é ante todo unha práctica e unha experiencia. Como din os sufíes, “quen o proba, sábeo”. Un musulmán é aquel que se somete a Alá. Cumprindo as esixencias básicas da Lei Divina (shari’a), un espera entrar no Paraíso na outra vida. Pero o sufí, motivado por un amor profundo e vehemente, busca achegarse a Alá e ao Profeta nesta vida. Esfórzase en imitar ao Profeta en todos os aspectos; practica devocións extraordinarias co fin de purificar os seus baixos instintos (nafs), e elevar o seu espírito cara a Deus (ruh).

VI Festival de Músicas Contemplativas: Il Complesso Barocco

Fri, 08 Apr 2011 12:10:00 +0200

22/04/2011 - 22/04/2011

A Igrexa das Ánimas acolle o segundo dos concertos programados polo VI Festival de Músicas Contemplativas para esta xornada. Il Complesso Barocco, formación holandesa dirixida por Alan Curtis, ofrecerá a interpretación de diversos responsorios de Xoves Santo.

Il Complesso Barocco. Fundado en Amsterdam en 1979 por Alan Curtis, un dos especialistas máis aclamados na interpretación de música prerromántica, converteuse nunha orquestra barroca de renome internacional, especializada en ópera e oratorios do Barroco italiano. O seu alto nivel de interpretación, a entonación e a exactitude estilística levouna a ser solicitada regularmente nas principais salas de concerto e festivais de Europa e América.
O director Werner Herzog escolleu ao conxunto como protagonista para a súa película “Morte a cinque voci” (Prix Italia 1996 e Premio Rembrandt, Amsterdam 1996) dedicada ao compositor Carlo Gesualdo. Il Complesso Barocco tamén gravou o Primeiro Libro do Madrigal de Michelangelo Rossi (cualificado como “increiblemente belo “ por The Guardian) e concedéronlle o Preis der Schallplattenkritik Alemán e o Premio de Gravación Internacional “Antonio Vivaldi”.
Il Complesso Barocco, xogou un papel fundamental na recuperación de óperas Barrocas, sobre todo de Monteverdi, Vivaldi e Handel. “Admeto”, a primeira ópera de Handel, foi recuperada con instrumentos orixinais, incluíndo a tiorba, sendo dirixido por Alan Curtis no Concertgebouw de Amsterdam en 1979 e gravada por EMI, obra moi eloxiada.
Proximamente a orquestra presentará unha xira e gravará “Giove in Argo” de Handel, un recital con Ann Hallenberg e un programa de arias e dúos de Handel en torno ao bestiario con textos de Donna León.

PROGRAMA

Responsoria: FERIA V. Responsorios para el Jueves Santo. In Coena Domini
- Toccata Prima del Iº tomo finto
Giovanni Salvatore
- I Responsorio
Gesualdo
- Durezze e Ligature
Giovanni Salvatore
- II Responsorio
Gesualdo
- Canto Fermo Secondo del secondo tono (del libro IIº)
Giovanni Maria Trabaci
- III Responsorio
Gesualdo
- Toccata Quarta (del Iº libro)
Ascanio Mayone
- IV Responsorio
Gesualdo
- Consonanze Stravaganti
Giovanni de Macque
- V Responsorio
Gesualdo
- Seconda Stravaganza
Giovanni de Macque
- VI Responsorio
Gesualdo
- Canto Fermo Secondo del secondo tono (del libro IIº)
Giovanni Maria Trabaci
- VII Responsorio
Gesualdo
- Ricercar
Giovanni de Macque
- VIII Responsorio
Gesualdo
- Verso Primo per il Sanctus delle Domeniche
Giovanni Salvatore

VI Festival de Músicas Contemplativas: Vishwa Mohan Bhatt & Divana Ensemble

Fri, 08 Apr 2011 11:29:00 +0200

22/04/2011 - 22/04/2011

O guitarrista indio Vishwa Mohan Bhatt, acompañado pola formación Divana Ensemble, ofrece esta tarde na Igrexa de San Martiño Pinario un repertorio de pezas agrupadas baixo o nome de 'Desert Slide'.

Pandit Vishwa Mohan Bhatt. Literalmente “o encantador do mundo”, reivindica a súa filiación con Tansen, mestre de música na corte de Akbar (século XVI). Gañador dun Grammy polo proxecto gravado a dúo con Ry Cooder en 1994 “A meeting by the river”, é un dos poucos músicos indios que se coñece en Occidente. Este antigo alumno de Ravi Shankar construíu a Mohan Veena, unha guitarra que combina as características dos instrumentos de corda tradicionais indios cos da slide guitar norteamericana, da que mantén de forma subliminar as súas características máis fermosas. A creación do mohan veena, instrumento divino, que é guitarra e cítara á vez, parecido ao sarod, á que engadiu 14 cordas para incrementar o seu potencial, con sons de blues e hawaianos, obriga ao intérprete a ir máis aló dos límites do son tradicional, tamén fascinante.
Para este proxecto, este virtuoso, nacido en Raxasthán, asóciase cos seus compatriotas xitanos de Divana Ensemble, cuxo talento é ben coñecido hoxe en día. Como parte da caste dos músicos Langas e Manganyars, que antigamente se dedicaban aos Rajás, estes artistas levan actuando con éxito dende hai 25 anos en diversos eventos musicais dedicadas aos xitanos.

VI Festival de Músicas Contemplativas: The King's Consort

Fri, 08 Apr 2011 12:52:00 +0200

23/04/2011 - 23/04/2011

A VI edición do Festival de Músicas Contemplativas chega hoxe á súa fin coa actuación, na Igrexa das Ánimas, do prestixioso conxunto británico The King's Consort, dirixido por Robert King, que estará acompañado para a ocasión polas sopranos Sophie Junker & Mhairi Lawson e ofrecerá un repertorio de pezas titulado 'Trois Leçons de Ténèbres: F. Couperin – Sainte-Colombe - Marais'.

The King’s Consort. É unha das máis destacadas orquestras europeas de instrumentos de época. Fundada en 1980 por Robert King, TKC e o seu igualmente prestixioso Coro de The King´s Consort estiveron de xira polos 5 continentes, actuado en case todos os países de Europa, extremo oriente, así como Norte e Suramérica. Con 95 CDs en catálogo e máis dun millón de copias vendidas TKC é unha das orquestras de instrumentos históricos con maior número de gravacións.
Durante 30 anos TKC presentou unha extraordinaria variedade de repertorio, que abarca desde 1550 ata a actualidade, nas mellores salas de concertos. Destacan varias intervencións nos BBC Proms; representacións da espectacular Coroación de Jorge II, a reconstrución veneciana Lo Sposalizio, A Misa en si menor e A Paixón segundo San Mateo de Bach e do Elías de Mendelssohn por toda Gran Bretaña e Europa; versións escénicas de The Fairy Queen de Purcell en España e o Reino Unido; o concerto inaugural de “As Celebracións de Purcell” para BBC Televisión e o Réquiem de Mozart no glorioso palacio da Alhambra de Granada. Outras óperas escenificadas foron Ottone de Händel en Xapón e Gran Bretaña, Ezio, tamén de Händel, no Théâtre deas Champs-Elysées de París e The Indian Queen de Purcell no histórico teatro de Schwetzingen en Alemaña. En xiras máis afastadas ofreceron concertos e funcións de ópera en Xapón, Hong-Kong e Filipinas, en México, Brasil e Arxentina e por todos os EEUU e Canadá. No ámbito cinematográfico o Coro de TKC participou nas bandas sonoras das películas O Reino dos Ceos de Ridley Scott, As Crónicas de Narnia, Piratas do Caribe, Flushed Away e O Código Da Vinci.

Robert King. Nacido en 1960, King foi membro do Coro do St John’s College de Cambridge onde as súas interpretacións solistas inclúen unha gravación con gran éxito de vendas do Réquiem de Duruflé. En 1980 durante a súa estancia na Universidade de Cambridge fundou a orquestra de instrumentos de época e coro The King’s Consort. Fixo o seu debut nos BBC Proms como director en 1991 e desde entón foi invitado en sete ocasións máis.
A apertada axenda como director de Robert King, logo de 30 anos dunha dinámica carreira que lle levou por todo o mundo cun repertorio dunha amplitude pouco habitual. Aparte do especial recoñecemento que recibe polas súas interpretacións da música barroca, tamén inclúe un amplo espectro de obras clásicas e románticas temperás, tanto sinfónicas como
corais, con especial énfase na música de Mozart, Haydn e Mendelssohn e unha continua especialización nos compositores ingleses de comezos do S. XX, particularmente nos traballos de Ralph Vaughan Williams. Está considerado un destacado experto na música de
Henry Purcell. A máis diso as súas extensas edicións discográficas de obras deste compositor, foi Director Artístico do Festival do Terceiro Centenario de Purcell celebrado no Wigmore Hall e autor da “biografía definitiva” do compositor.

PROGRAMA

Trois Leçons de Ténèbres
François Couperin ‘Le Grand’
Magnificat anima mea
Monsieur de Sainte-Colombe le fils
Prélude en mi menor
Marin Marais
Tombeau pour Sieur de Ste. Colombe
Marin Marais
Chaconne en La mayor
François Couperin
Motet pour le jour de Pâques
François Couperin
Trois Leçons de Ténèbres
Première leçon
Deuxième leçon
Troisième leçon

V 'Compostela Organum Festival': Ciclo de primavera

Fri, 29 Apr 2011 16:01:00 +0200

01/05/2011 - 29/05/2011

O Consorcio de Santiago e a Asociación Musical Berenguela presentan o Compostela Organum Festival, ciclo de Primavera, unha iniciativa que promove a acción cultural no patrimonio histórico de Santiago a través de cinco concertos de órgano na Catedral e nas igrexas das Ánimas e da Universidade.

PROGRAMA

- 1 de maio. Catedral. Recital de órgano a cargo de Loreto Aramendi, organista da Basílica Santa María de San Sebastián, coa participación do coro da Capela da Catedral.

- 7 de maio. Igrexa da Universidade. O organista Bruno Forst e solistas da Capela de Extravagantes proporán un repertorio de música ibérica, mesturando o órgano, a voz e instrumentos de percusión.

- 14 de maio. Igrexa das Ánimas. Catro solistas da Real Filharmonía de Galicia actuarán co organista e compositor galego Fernando Buide, estreando unha obra especialmente escrita para a ocasión.

- 21 de maio. Igrexa da Universidade. David López Peláez e o coro Francisco de Montanos, de Valladolid, ofrecerán un concerto de música medieval ao redor do Libro Vermell de Montserrat, outro importante lugar de peregrinación na Península Ibérica.

- 29 de maio. Igrexa das Ánimas. Actuación do Ensamble Alamire, agrupación que une o órgano, o sacabuche (predecesor do noso moderno trombón) e a percusión nun programa titulado “Tres Séculos de Música para Ministriles”.

O festival continuará en agosto con 6 novos concertos, entre o 23 e o 28 de agosto, e en outubro, cos catro últimos concertos.

Concerto do Coro da Universidade

Wed, 18 May 2011 14:27:00 +0200

19/05/2011 - 19/05/2011

O Coro da Universidade de Santiago, coa participación de solistas da Catedral de Santiago, a Capela Compostelana e baixo a dirección de Miro Moreira, presenta esta tarde o programa 'Luces e Cariños' sobre o centenario de José de Vaquedano (1642-1711).

Obras de Vaquedano (1642-1711), D. Buxtehude (1637 - 1707), A. Corelli (1653. 1713), Purcell (1659-1695), G. Carissimi (1605-1674) e de Domenico Zipoli (1688-1726).

V 'Compostela Organum Festival': David López Peláez + Coro Francisco de Montanos

Fri, 20 May 2011 11:05:00 +0200

21/05/2011 - 21/05/2011

A V edición do Compostela Organum Festival prosegue esta tarde o seu ciclo de primavera, que nesta ocasión ofrece un concerto a cargo do organista David López Peláez e o Coro Francisco de Montanos. O concerto terá lugar na igrexa da Universidade.

PROGRAMA
“El Llibre Vermell de Montserrat”
ÓRGANO:
ROBERTSBRIDGE CODEX, CA.1330
     Estampie 1
     Estampie 2
CODEX FAENZA (S. XIV)
     De ce fol penser
     Bel fiore
     Non ara may pieta questa mia dona
J.OCKEGHEM (CA. 1410- CA.1497)
      D,ung aultre amer
G. DE MACHAUT (CA. 1300-CA.1377)
      BALLADES 3 y 4
J.OCKEGHEM (CA. 1410- CA.1497)
      KYRIE de la misa "L' homme armé”
CORO:
       O VIRGO Splendens
      Stella Splendens
      Laudemus Virginem
      Mariam Matrem
      Los Set Gotx
      Cuncti Simus Concanentes
      Polorum Regina
      Splendens Ceptigera
      Inperayritz de la Ciutat Joyosa
      Ad Mortem Festinamus
Nota: A alternancia de obras será anunciada ao comezo do concerto.

A música do Llibre Vermell de Montserrat consitutye unha das xoias da música relixiosa medieval. As pezas que chegaron até nós neste manuscrito son dez: tres canons ou caças, dous cantos polifónicos e cinco danzas. O propósito desta pequena colección musical era entreter con cánticos e danzas aos peregrinos que chegaban ao Mosteiro de Montserrat, que era un dos sitios de peregrinación máis importantes da época, ou mentres se protexían na igrexa durante a noite e nas prazas próximas durante o día, segundo se explica no propio manuscrito.
Os cantos son en catalán, occitano e latín, e son todos de autor descoñecido. A pesar de que a colección foi copiada a finais do século XIV, crese que a maior parte da música é anterior. Por exemplo, o motete "Imperayritz de la Ciutat Joyosa" posúe un texto distinto para cada unha das dúas voces, estilo que xa non se utilizaba cando o manuscrito foi copiado.

DAVID LÓPEZ órgano
Cursa estudos de órgano nos Conservatorios de Salamanca con Rosa Delgado e de Madrid con Anselmo Serna obtendo o título de grao medio, no Real Conservatorio Superior de Música de Madrid co catedrático Miguel del Barco e desde 2006 recibe clases maxistrais de técnica e interpretación de Pilar Cabrera. Realiza cursos de interpretación de órgano barroco español con Montserrat Torrent en Música en Compostela obtendo en 2006 o premio "Rosa Sabater". Así como outros cursos de interpretación con Jan Willem Jansen e J. Maria Mais i Bonet.
Como intérprete participou en ciclos de órgano en Castela e León como "Los conciertos del Realejo", "El órgano en el Camino", "Arte, Música y Sacralidad", "Las Edades del Hombre" e nos concertos de inauguración do órgano restaurado en San Andrés (Valladolid).
É licenciado en ciencias físicas pola Universidade de Valladolid e actualmente reside en Ávila onde compaxina o seu labor musical coa docente.

CORO DE CÁMARA “FRANCISCO DE MONTANOS”
Comezou a súa andaina en Valladolid en novembro de 1989, co propósito de servir de instrumento de investigación, promoción e difusión pública da música coral de cámara de todas as épocas.
Integrado por unha vintena de cantores ofreceron numerosos concertos, entre o cales destacan a participación nos ciclos “Las Edades del Hombre”, “Encuentros ’92 – Valladolid en Salamanca” e “Cuando la voz se hace arte” así como nas “Mañanas de la Biblioteca” (Casa Cervantes de Valladolid), e en concertos para corais organizados polo Concello de Valladolid. En conmemoración do seu 20º Aniversario realizaron a montaxe do Llibre Vermell, interpretándoo na Colexiata de Toro xunto ao grupo Dulsica.

V 'Compostela Organum Festival': Ensemble Alamire

Thu, 26 May 2011 12:39:00 +0200

29/05/2011 - 29/05/2011

A V edición do Compostela Organum Festival finaliza esta tarde o seu ciclo de primavera ofrecendo un concerto a cargo da formación especializada en música antiga Ensemble Alamire. O concerto terá lugar na Igrexa das Ánimas, recentemente restaurada.

PROGRAMA
“Tres siglos de música para ministriles”
JACOB DE PAIX (1556-1623) E BERNHART SCHMID LE VIEUX (1577)
      Entrada y danzas
          Entrada
          Hungaresca und Saltarello
          Einschöner Englisc her Dantz
          Alemando novelle
          Schirazula Marazula
          La cuorante du Roi
DIEGO ORTIZ (CA. 1519-CA. 1570)
     Recercada Primera
ANTONIO VALENTE (1520-1580)
     La Romanesca
ANDREA FALCONIERO (CA. 1585-1656)
     Pasacalle a 3
MIGUEL MANZANO (1936-)
     Rogativa
SAMUEL SCHEIDT (1587-1654)
     Gallliard-Battaglia
JUAN BAUTISTA CABANILLES (1642-1712)
     Corrente Italiana
Henry PURCELL (1659-1695)
      Sonata nº 1 in D
          Allegro
          Andante
          Allegro
ANDRÉ PHILIDOR (CA. 1652-1730) ET JACQUES PHILIDOR (1657-1708)
      Marcha para dous pares de timbales (Arr: Juan A. Martin)
FRANCISCO DE TEJADA (S. XVIII: 1721)
      Tonos de Palacio
          San Juan de Lima
          La Españoleta
ANTONIO MARTÍN I COLL (¿ -CA.-1735?)
      Batalla de V tono
          Llamada de clarines
          Ayroso
          Llamada
          Canción grave
          Otra canción
          Torneo
          Ayroso
          Batallas
          Final victorioso

O programa abrangue un amplo panorama de tres séculos de música europea para conxuntos de menestreles, nos seus xéneros e formas máis variadas, dende a Suite ata as batallas, todos eles xéneros moi coñecidos e difundidos por toda Europa. Dende Ortiz a Martín i Coll vaise debullando unha festa sonora para os sentidos, co fin de recrear momentos de alegría ou de tristura, de pasear polas cortes e amplos corredores de nobres e cortesáns.
A suite sitúanos en varios enclaves centroeuropeos e franceses fascinados polo boato e elegancia das festas tardo renacentistas, que queda perfectamente deseñado no xénero variación do tan xenial músico e tratadista Diego Ortiz. Algunhas melodías circularon por todas as partes duns portos a outros e distintas épocas, caso da Romanesca (danza romana), caso da Españoleta (danza ao español de orixe tamén italiana) e que alcanzaron dun consumo e gusto en varias cortes e foron acollidas con interese por compositores como Valente ou máis tarde Francisco Tejada. Entre medio non faltan outras danzas, como a Gallarda do xermano Scheidt ou as Pasacalles do avezado Falconiero e a Corrente ternario do músico barroco español Cabanilles, aderezadas coa mestría do anglosaxón Henry Purcell, cunha das súas sonatas máis celebérrimas.
Xunto ás Marchas para os timbaleiros reais do rei Luis XIV, rematan a exposición unha batalla, xénero descritivo, que relata musicalmente os acontecementos bélicos e que remata coa grande apoteose ou vitoria final, neste caso do músico franciscano Martín i Coll, e cuxo orixinal se conserva na Biblioteca Nacional de Madrid.

'Via Stellae 2011': 'Bach e as Variacións Goldberg'

Mon, 11 Jul 2011 11:24:00 +0200

20/07/2011 - 20/07/2011

A Igrexa da Universidade acolle esta tarde un concerto gratuíto a cargo do reputado músico Dani Espasa (clave), que ofrecerá unha interpretación das Variacións Goldberg BWV 988 de Johann Sebastian Bach (1685-1750).

Dani Espasa é un dos músicos máis polifacéticos da música antiga actual. É licenciado en arquitectura pola T.E.S.A. de Barcelona. Foi pianista e director musical de programas de televisión en TV3 e TVE e creador de sintonías para RNE e TV3. Foi director musical en diversas obras de teatro e produtor e compositor de diferentes discos (Lidia Pujol e María del Mar Bonet). Despois de estudar piano nos conservatorios de Tarragona e Barcelona, gañou os premios Piano Royale 1986 e Ciutat de Berga 1992 e no 2000 iniciou os estudos de clavicémbalo no Conservatorio de Barcelona (M. Lluïsa Cortada) e na ESMUC (Béatrice Martin), onde ademais estudou música de cámara con Jordi Savall, Pedro Memelsdorff, J. P. Canhiac e Manfredo Kraemer. Colaborou cos grupos Acadèmia 1750, Mala Punica, La Hispanoflamenca, Les Sacqueboutiers e La Caravaggia e actuou en prestixiosos festivais de música e salas de concerto (Concertgebouw de Ámsterdam, Carneggie Hall e Summerstage de Nova York, Auditorio Nacional de Madrid, Barbican Center de Londres, Musikverein de Viena, Auditorium de Roma, Liceo de Barcelona, Alte Oper de Frankfurt, Teatro da Ópera do Cairo, Grant Park Music Festival de Chicago, Teatro Nacional de San João de Porto, etc.). Dende 2003 é pianista e clavecinista colaborador da Sinfónica de Barcelona e Nacional de Cataluña e dende 2005 é director musical de Vespres d’Arnadí, orquestra barroca coa que gravou para o selo Musiépoca.

'Via Stellae 2011': 'O Manuscrito Guerra, volume 4'

Mon, 11 Jul 2011 14:02:00 +0200

21/07/2011 - 21/07/2011

Esta tarde, a Igrexa da Universidade acolle a gravación das pezas recollidas no Manusrcito Guerra (século XVII) a cargo do grupo Ars Atlantica, José Antonio López (barítono), Bruno Forst (órgano) e Manuel Vilas (arpa e dirección).

JOSÉ ANTONIO LÓPEZ barítono
ARS ATLÁNTICA
MANUEL VILAS arpa de dúas ordes e director
BRUNO FORST clave

Manuscrito Guerra
Biblioteca da Universidade de Santiago de Compostela, manuscrito 265
(2ª metade do século XVII)

Juan Hidalgo (1614-1685): Zagalejos del valle
Juan Hidalgo: Recelos, cuidados
Anónimo: No lloren más mis ojos

Anónimo: ¿A quién me quejaré? (clave só)

José Marín (1619-1699): Aquella Sierra Nevada
José Marín: Apostemos

Anónimo: Pues de la beldad que adore
Anónimo: Que quiere el sol

Tres pezas para arpa
Diego Fernández de Huete (fl.699-1704): Canción alemana
Santiago de Murcia (c.1682-c.1740): El cotillón
Lucas Ruiz de Ribayaz (s.XVII): Jácaras

Anónimo: A las penas
Juan Hidalgo: Porque no es alta
Juan Hidalgo: Al aire se entregue

Anónimo: Por no merecer
Anónimo: Ya madre del ciego Dios

* gravación do selo discográfico Naxos en colaboración co Festival Via Stellae

'Festival dos Abrazos': Melante's Band

Tue, 16 Aug 2011 17:21:00 +0200

19/08/2011 - 19/08/2011

Melante's band é un conxunto de cámara especializado na interpretación da música do Barroco e do primeiro período do clasicismo, cun interese especial polas pezas para instrumentos de vento de autores como Georg Philipp Telemann, Johann Sebastian Bach e os seus contemporáneos. O conxunto toma o nome do anagrama italiano preferido de Telemann, «Melante», que o compositor usou entre os anos 1712 e 1733 para asinar numerosos manuscritos e coleccións impresas das súas obras.

Os membros do conxunto son músicos novos que, procedentes de países tan diversos como a República Checa, Italia, México, Australia e Xapón, coincidiron nos Países Baixos, onde se formaron no ámbito da interpretación con criterios históricos e instrumentos de época no Real Conservatorio d’A Haia e nos conservatorios de Amsterdam e Rotterdam. Nestes prestixiosos centros, estudaron con mestres como Reine-Marie Verhagen, Peter van Heyghen, Heiko ter Schegget, Frank de Bruine, Barthold Kuijken, Wilbert Hazelzet, Marten Root, Jaap ter Linden, Ton Koopman, Tini Mathot e Patrick Ayrton.

Eva Harmuthová, frautas de pico
Reiko Tsuiki, frauta traveseira
Roberto Bando, frautas de pico e traveseira
Anton Baba, violonchelo
Lorenzo Feder, clave

O festival dos Abrazos, que celebra a súa cuarta edición, ofrecerá do 8 ao 27 de agosto, en espazos singulares da cidade, 66 actividades de diferentes disciplinas. Organizado pola Concellaría de Cultura, conta co patrocinio do Consorcio de Santiago e a colaboración da Asociación Cultural Cidade Vella, que organiza a programación de Feitoaman, integrada no Festival dos Abrazos; o Festival de Cine Euro-Árabe Amal; La Caixa de Barcelona e a Vicerreitoría de Estudantes, Cultura e Formación Continua da USC.

O Festival dos Abrazos é un certame internacional que proxecta Santiago de Compostela como escenario da creación e da imaxinación, como cidade universal á vangarda dunha cultura aberta, moderna e plural promovendo iniciativas culturais que constitúen un importante atractivo turístico. Os espazos onde se desenvolven as diversas actividades, máis de 20, non son só escenarios senón que son tamén protagonistas da programación Clasifícanse en tres categorías: Campo Aberto, os parques e xardíns que rodean a cidade vella ou que se agochan nela; Estacións de paso, as rúas e prazas máis coñecidas e transitadas da cidade histórica; e Espazos íntimos, recunchos, calexas, menos coñecidas pero cheas de encanto.

'Festival dos Abrazos': Concordi Musici

Tue, 16 Aug 2011 18:44:00 +0200

20/08/2011 - 20/08/2011

Concordi musici toma o nome da palabra latina concordia, que foi particularmente significativa durante los períodos renacentista e barroco, cando expresaba unha fascinante idea filosófica arredor da la relación de harmonía que se establecía entre a música e as leis naturais, éticas e metafísicas do universo. Inspirado por este ideal de equilibrio, o grupo dedícase principalmente á investigación e á interpretación da música barroca con instrumentos orixinais.

O conxunto está integrado por novos músicos procedentes de diferentes lugares do mundo (Corea do Sur, Países Baixos, Cataluña, Estados Unidos, Polonia e Italia) que coincidiron como profesionais e estudantes de posgrao nos Países Baixos, onde se especializaron no ámbito da música antiga con algúns dos persoeiros máis relevantes neste campo. O seu primeiro proxecto incluía concertos para frauta dunha gran beleza, de autores como Antonio Vivaldi, Francesco Mancini e Alessandro Scarlatti.

Leonard Kwon, flauta de pico
Hanna Lindeijer, óboe
Josep Casadellà, fagot
Rebecca Huber, violín
Ania Katynska, violonchelo
Edoardo Valorz, clave

V 'Compostela Organum Festival': Ciclo de verán

Thu, 18 Aug 2011 11:45:00 +0200

23/08/2011 - 28/08/2011

O Consorcio de Santiago e a Asociación Musical Berenguela presentan o Compostela Organum Festival, ciclo de verán, unha iniciativa que promove a acción cultural no patrimonio histórico de Santiago a través de seis concertos de órgano na Catedral e nas igrexas das Ánimas, San Miguel, San Paio e da Universidade.

PROGRAMA

- 23 de agosto. Igrexa das Ánimas. Concerto de Vicent Bru (órgano) e Calpul Múrice.
- 24 de agosto. Igrexa de San Miguel dos Agros. Recital do organista Luis Lledias.
- 25 de agosto. Catedral. Recital do organista Esteban Landart.
- 26 de agosto. Igrexa da Universidade. Recital da organista Ana Aguado.
- 27 de agosto. Igrexa da Universidade. Concerto de Bruno Forst (órgano) e a Capilla de Extravagantes.
- 28 de agosto. Igrexa de San Paio. Concerto de Andrés Cea (órgano) e Ishbylia Consort.

O festival se pechará en outubro, cos catro últimos concertos.

V 'Compostela Organum Festival': Vicent Bru + Calpul Múrice

Thu, 18 Aug 2011 10:44:00 +0200

23/08/2011 - 23/08/2011

O Ciclo de Verán do Compostela Organum Festival dá comezo esta noite na Igrexa das Ánimas, recentemente restaurada, cun concerto gratuíto a cargo do organista valenciano Vicent Bru, quen estará acompañado polo grupo Calpul Múrice. O programa, titulado 'Festum omnium sanctorum', inclúe obras compostas no século XVII.

O Compostela Organum Festival está estreitamente ligado ao patrimonio relixioso da cidade e á revitalización dos órganos dos templos, herdeiros dunha tradición musical secular na historia de Santiago e nos que se xuntan escultura e pintura con elementos propiamente sonoros, o que fai destes órganos auténticas pezas de arte con entidade propia no conxunto arquitectónico ao que pertencen. Por iso, e grazas ao labor de concienciación deste festival, nos últimos anos levouse a cabo un importante labor de restauración e recuperación dos órganos da cidade, como os da Catedral, San Paio, San Miguel dos Agros ou o das Ánimas.
A tradición organística de Santiago de Compostela vén de lonxe, con nomes tan importantes como os fabricantes Baltasar Machado, Manuel de la Viña, Alberto de la Peña ou Mariano Tafall.

V 'Compostela Organum Festival': Ignasi Jordá + Lambert Climent

Thu, 18 Aug 2011 12:26:00 +0200

24/08/2011 - 24/08/2011

A V edición do Compostela Organum Festival prosegue esta tarde o seu ciclo de verán na igrexa de San Miguel dos Agros, cun concerto a cargo do organista Ignasi Jordá e o tenor Lambert Climent. O programa leva por título 'Teatralidade na música relixiosa' e inclúe obras de Victoria, Monteverdi e Bach.

V 'Compostela Organum Festival': Ana Aguado

Thu, 18 Aug 2011 12:56:00 +0200

26/08/2011 - 26/08/2011

A V edición do Compostela Organum Festival prosegue esta tarde o seu ciclo de verán, que nesta ocasión ofrece un concerto a cargo da nova organista palentina Ana Aguado. O programa leva por título 'Tañendo danzas y discursos'.

V 'Compostela Organum Festival': Bruno Forst + Capilla de Extravagantes

Thu, 18 Aug 2011 13:06:00 +0200

27/08/2011 - 27/08/2011

A Igrexa da Universidade acolle esta tarde un novo concerto do ciclo de verán do V 'Compostela Organum Festival', nesta ocasión a cargo do reputado organista francés Bruno Forst e solistas da formación Capilla de Extravagantes. O programa leva por título 'Pues no me quereys hablar'.

BRUNO FORST órgano
Nado en Troyes (Francia), iniciouse ao piano e ao órgano con Paule Rochais en Cognac, antes de cursar estudos completos no Conservatorio Nacional de Rexión de Bordeus, co mestre Francis Chapelet. Despois de obter medalla de ouro trasladouse a España, onde vive na actualidade dedicado ao estudo das tablaturas ibéricas para tecla, aos seus alumnos e á preparación dos seus concertos e gravacións.

LAURA ALCALDE voz
Realiza a carreira de canto no Conservatorio de Madrid e na Escola Superior de Canto de Madrid, con Pilar Pérez Iñigo, Julio A. Muñoz e Miguel Zanetti, entre outros. Recibiu clases de Itziar Álvarez Arana, Nancy Argenta, Evelyn Tubb e Gerd Türk. Desde 1995, forma parte do grupo Ars Combinatoria, co que participou en máis de cen concertos con programas de música antiga por toda España. Tamén colaborou como solista con grupos como Rosa Antiqua, interpretando as Leccións de Tebras de M.R. Delalande no Mosteiro de las Huelgas (Valladolid), e con Capela Compostelá na interpretación do oratorio de D. Buxtehude “Membra Jesu nostri” no Mosteiro dos Jerónimos de Lisboa e xunto con X. L. Saqués e Alexis Delgado, participa no Festival Artes no Camiño, no Círculo das Artes de Lugo, cun recital de música española sobre textos galegos.
Colabora desde 2005 co pianista Juan Antonio Álvarez Parejo no RCSM de Madrid e aínda que o seu repertorio céntrase na música antiga, actualmente realiza concertos - recitais de música e poesía, do período romántico e contemporáneo da canción de concerto.

XOSÉ LUÍS SAQUES percusións
Comeza a traballar como percusionista co grupo Ars Combinatoria, baixo a dirección de Canco López, formando parte del desde fai máis de quince anos e ofrecendo regularmente concertos de música medieval e barroca por toda España. Tamén colabora ocasionalmente con grupos de repertorio antigo como Antífona, Hexacordo e Esquivel.
Nun campo máis próximo ao século XXI colabora con grupos de música de jazz e experimental como A Caricia da Serpe e Queyi, con quen participa no Festival de Teatro para Nenos “Rompiendo el cascarón” como percusionista e narrador e no Festival Artesles entre outros. E con Kimuru, con quen acaba de gravar o seu primeiro disco. Alterna a súa actividade de percusionista coa de narrador, locutor e actor de dobraxe en diversos espectáculos escénico-musicais.

MERCEDES RUBIO CONDADO castañuelas
Nace en Barcelona. Castañuelista con titulación superior nas disciplinas de solfexo, teoría, harmonía e pedagoxía musical especializada. Investiga e publica traballos no terreo da etnomusicología, algúns deles premiados. Vive entregada á práctica das castañuelas, á análise e adaptación de obras a tal instrumento, ao ensino a través da súa escola privada e aos seus concertos.

V 'Compostela Organum Festival': Andrés Cea + Ishbilya Consort

Thu, 18 Aug 2011 13:19:00 +0200

28/08/2011 - 28/08/2011

A V edición do Compostela Organum Festival finaliza esta tarde o seu ciclo de verán ofrecendo un concerto a cargo do organista Andrés Cea e da formación de violas Ishbilya Consort. O concerto, que leva por título 'Sebastián Raval y la música del Seicento italiano para órgano y concerto di viole', terá lugar na Igrexa de San Paio de Antealtares.

V 'Compostela Organum Festival': Tasto Solo

Thu, 06 Oct 2011 21:25:00 +0200

08/10/2011 - 08/10/2011

A Igrexa da Universidade acolle esta tarde o primeiro dos catro concertos do ciclo de outono do V 'Compostela Organum Festival', nesta ocasión a cargo do grupo Tasto Solo, composto polo organista Guillermo Pérez e David Catalunya. O programa leva por título 'Os ministriles de teclado na corte de Juan I de Aragón'.

O grupo caracterízase por reivindicar e redescubrir repertorios dos séculos XIV e XV de gran refinamento e virtuosismo, onde os instrumentos de teclado góticos son a pedra angular. O conxunto combina a investigación histórica e a reconstrución organolóxica cun traballo experimental no que os compoñentes imaxinan e recrean as técnicas e modos de expresión propios dos clavisimbala, organetti e arpas da época. Tasto Solo traza un fío condutor a partir do cal nace a espontaneidade creativa, a linguaxe da improvisación e o diálogo entre os artistas. Eles coidan minuciosamente todos os detalles: a posta en escena, o ritmo dramático, e a interacción entre as pezas do programa. Esta agrupación foi seleccionada como “Grupo Recomendado 2010-2011” pola comisión de música antiga de FestClásica, Asociación Española de Festivais de Música Clásica.

V 'Compostela Organum Festival': Ciclo de outono

Thu, 06 Oct 2011 14:35:00 +0200

08/10/2011 - 08/10/2011

O Consorcio de Santiago e a Asociación Musical Berenguela presentan o Compostela Organum Festival, ciclo de verán, unha iniciativa que promove a acción cultural no patrimonio histórico de Santiago a través de catro concertos en diversas igrexas da cidade vella. Entre os músicos que participarán destacan Canco López, Gianluca Libertucci, Norbert Petry e o grupo Tasto Solo.

PROGRAMA

- Sábado 8 de outubro, 20:30 h. Igrexa da Universidade
Tasto Solo
“Os ministriles de teclado na corte de Juan I de Aragón”
Johan dels Orguens

- Domingo 16 de outubro, 20:30 h. Igrexa de San Paio de Antealtares
Ars Combinatoria
Canco López, director
“J.S. Bach, concertos e cantatas”

- Sábado 22 de outubro, 21:00 h. Catedral
Gianlucca Libertucci, órgano
Bach, Liszt, Franck

- Sábado 29 de outubro, 20:30 h. Igrexa da Universidade
Norbert Petry, órgano
“Glosas, danzas e variacións”

V 'Compostela Organum Festival': Ars Combinatoria

Thu, 13 Oct 2011 10:54:00 +0200

16/10/2011 - 16/10/2011

O segundo concerto do Ciclo de outono no V Compostela Organum Festival terá lugar esta tarde, na igrexa de San Paio de Antealtares, onde o grupo Ars Combinatoria baixo a dirección de Canco López interpretará un repertorio baseado en cantatas de Bach.

Ars Combinatoria
Canco López, director

“J.S. Bach, concertos e cantatas”

Ars Combinatoria posúe a capacidade de abranguer calquera forma musical dentro da súa historia, facendo que non só o material sonoro gobernado por unha unidade musical sexa o que chega a producir o acto en si do concerto. Unha parte é a montaxe e a convivencia entre os músicos que traballan durante todo o ano en retiros temporais, dos que pouco a pouco algúns vanse integrando en toda unha forma de pensar e facer. Estes encontros preséntanse como algo “aberto”, contando con músicos especializados para interpretar un variado repertorio de diferentes características cronolóxico estilísticas, dende o medievo ata o século XXI: cada idea e programa dispón dunha formación vocal e instrumental adaptada a ese fin.

V 'Compostela Organum Festival': Norbert Petry

Thu, 13 Oct 2011 11:21:00 +0200

29/10/2011 - 29/10/2011

O Compostela Organum Festival conclúe esta tarde o seu Ciclo de Outono na igrexa da Universidade, co concerto titulado 'Glosas, danzas e variacións' a cargo do organista Norbert Petry, que interpretará obras de Francisco Correa de Arauxo, Girolamo Frescobaldi e Joan Cabanilles, entre outros.

Concerto solidario do coro 'Si vis me canere'

Tue, 27 Mar 2012 11:52:00 +0200

30/03/2012 - 30/03/2012

O Coro de cámara 'Si vis me canere', dirixido por Juan Carlos Dorgambide, ofrece esta tarde un concerto solidario a beneficio do Centro Social Albergue Juan XXIII. A entrada é libre, con aportación voluntaria.

O sábado 31 de marzo, ás 17.30 h, a formación ofrecerá un novo concerto solidario, a beneficio do mesmo centro, na igrexa de San Antonio de Herbón.

PROGRAMA:

I PARTE - Ave Maria (Tomás Luis de Victoria) – Popule meus (Tomás Luis de Victoria) – Sicut cervus (G. P da Palestrina) – Cum Audisset Joannes (Diego Muelas) – Ductus est (Diego Muelas) – Locus Iste (Anton Bruckner) – Stabat Mater (Zoltan Kodaly)

II PARTE - Jesu meine Freude (Johan Sebastian Bach) – Tantum Ergo (Gabriel Faure) – Ave Verum (Charles Gounod) – Misa en Do (Charles Gounod) Kyrie Sanctus-Benedictus Agnus Dei – Ave Verum (Edward Elgar) – Panis Angelicus (Cesar Franck)

SI VIS ME CANERE

Sopranos: Isabel Pereiro Raposo, Isabel Villoch Villoch, Olga Raíces Silva
Contraltos: Chus Álvarez, Adela Maroño
Tenores: Javier Blanco Blanco, Luis López García
Baixos: Juanjo Raíces Silva, Bernardo Dios Loureiro, Eduardo Bangueses
Piano: Mateo Iglesias Seoane

Máis información: sivismecanere.wordpress.com

Concerto homenaxe ao Padre Calo

Mon, 23 Apr 2012 12:21:00 +0200

27/04/2012 - 27/04/2012

A Asociación de Amigos da Ópera de Santiago de Compostela organiza un concerto en homenaxe a quen foi o seu primeiro presidente, o xesuíta José López Calo, con motivo do seu 90 aniversario. Un evento cuxo obxectivo é o de homenaxear a súa prolífica traxectoria e o seu papel decisivo na posta en marcha da Asociación.

Atendendo á súa condición de universitario e personaxe central da vida musical compostelá, o acto terá lugar na Igrexa da Universidade e conta co apoio e patrocinio da Universidade de Santiago de Compostela e da Fundación Araguaney-Puente de Culturas. Consistirá nun concerto do grupo E-Ultreia cun programa composto fundamentalmente por obras transcribidas polo Padre Calo. Nel estrearase un motete de Xerónimo de Carrión e farase entrega ao homenaxeado dunha placa conmemorativa, acompañada da pertinente laudatio.

A continuación, celebrarase unha cea na súa honra no Restaurante Araguaney, momento para que o homenaxeado charle dunha forma máis distendida con aqueles integrantes da Asociación de Amigos da Ópera de Santiago, á fin e ao cabo amigos e coñecidos dun personaxe que fixo tanto pola ópera e a música das catedrais de España. José López Calo leva traballando moitos anos da súa vida na recuperación da música das catedrais españolas.

Concerto do Coro Universitario USC

Thu, 03 May 2012 10:39:00 +0200

29/05/2012 - 29/05/2012

A Igrexa da Universidade será escenario esta tarde dun concerto protagonizado polo Coro Universitario da USC, dirixido por Miro Moreira e acompañado polos solistas Aída Lopez (soprano), Martín Viaño (alto), Diego Neira (tenor) e Xurxo Varela (baixo).

Entrada libre ata completar aforamento.

PROGRAMA

    “LA NUEVA ESPAÑA”. Música do período virreinal. Catedrais de México, Puebla e Santiago de Compostela

    Pedro Bermúdez (Granada, España 1558 - Puebla, México 1605)
    Christus natus est (Invitatorium in natali Domini)
    Juan Gutiérrez de Padilla (1629 - 1664). Mestre na catedral de Puebla
    Stabat mater
    Juan de Lienas (1600-1654)
    Salve
    Francisco López Capillas (1605 - 1673)
    Aleluia. Dic Nobis, Maria (Victimae Paschali laudes)
    J. Vaquedano (1640 - 1711)
    Misa a 4
    Vexila regis
    Ave regina
    Luces y cariños
    Juana Inés de la Cruz (1648 - 1695)
    Madre la de los primores
    Gaspar Fernández (1570 - 1629)
    Xicohi Conetzintle
    Francisco Escalada (1677)
    Canten dos jilguerillos
    Anónimo
    Dulce Jesús mío
    Francisco Céspedes (Puebla, México 1619 - 1678)
    Convidando está la noche

Director: Miro Moreira

Coro da Universidade de Santiago de Compostela

Capela Compostelana:
Francisco Luego, Viola e dirección
Hugo Kesteman, Fagot
Manuel Vilas, Arpa
Juan Manuel Varela, Clave e órgano

Solistas:
Aida Lopez. Soprano
Martin Viaño. Alto
Diego Neira. Tenor
Xurxo Varela. Bajo

Festival Internacional de música Euro-Vía

Fri, 25 May 2012 18:40:00 +0200

02/06/2012 - 03/06/2012

O festival Internacional de Música Euro-Vía chega a Compostela os días 2 e 3 de xuño e ten como actividade principal un concerto no que o Europa Antiqua Consort interpreta as Vésperas da Beata Virxe de Claudio Monteverdi nun concerto na Catedral.

O Euro–Vía Festival é unha proposta de programación musical con vocación itinerante. Baixo o lema ‘Praceres musicais ao longo dos camiños de peregrinación’ ven programando música a través dos camiños de peregrinación europeos dende o ano 2005: música para órgano, programas corais, música orquestral, recalando en cidades como París (Notre Dame), Londres (Westminster), Porto, Munich, Copenhagen, Venecia, Roma, etc. Dende 2011 o Festival peregrina de Roma a Santiago de Compostela pasando por Baviera, Francia, Portugal e España (Barcelona, Burgos e León) e chegará o día 2 de xuño a Compostela cun programa repleto de citas musicais.

PROGRAMA

** 2 de xuño

- 18.00 h. Conferencia sobre a iconografía musical do ‘Pórtico da Gloria’ a cargo do Prof. Dr. Carlos Villanueva Abelairas, no Paraninfo da Facultade de Xeografía e Historia da USC, acompañado musicalmente polo grupo Martin Codax.

- 19.30 h. Igrexa da Universidade. Concerto de órgano, conxunto coral e guitarras con obras para dúas e catro guitarras e órgano de Bach, Rodrigo, Hakim e outros, da man do Duo Gruber & Maklar e Amadeus Guitar Duo e o organista Jürgen Geiger, xunto ao coro xuvenil de Landsberg am Lech.

** 3 de xuño

- 10.00 h. Celebración da Santa Misa oficiada na catedral, que contará coa presenza do coro xuvenil de Landsberg am Lech, dirixido por Marianne Lösch e Jürgen Geiger ao órgano.

- 21.00 h. Interpretación das Vésperas da Beata Virxe de Monteverdi, nun concerto na catedral compostelana. O programa será interpretado polo conxunto Europa Antiqua Consort, integrado por membros dos máis importantes grupos de música antiga de Europa (Freiburger Barockensemble, Les Cornets Noirs, Cantus Cölln, Collegium Vocale Gent, Huelgas Ensemble ou La Petite Bande) baixo a dirección de Johannes Skudlik.

Todos os concertos e actividades son de balde até completar aforamento.

Máis información en www.euro-via-festival.org

Via Stellae 2012: 'Labyrinth, a conexión cretense'

Wed, 27 Jun 2012 13:21:00 +0200

11/07/2012 - 11/07/2012

A Igrexa da Universidade será o escenario esta noite dunha nova cita musical no festival Via Stellae. Música antiga e world-music chegadas desde Creta da man de Ross Daly e o seu 'Labyrinth'.

'Labyrinth, a conexión cretense'

ROSS DALY QUARTET

Ross Daly lira de Creta, tarhu
Kelly Thoma lira de Creta
Efrén López ud, zanfona, lauto de Creta
Miriam Encinas bendir, frautas

PROGRAMA

Earpigon (Ross Daly)
Ask-Efza Saz Semaisi (Ross Daly)
Küdilihicazkar Yürük Semai (Ross Daly)
Beyati Shiraz (Ross Daly)
Makrinitsa (Ross Daly)
Synkathistos Neveser (Ross Daly)
Khammaj Syrto (Ross Daly)
Istampitta Belicha / Houdetsianes Kontylies / Pentozalis (anónimo italiano, s. XIV / Ross Daly / tradicional cretense)
Hicaz (Ross Daly)
Acemkürdi Yürük Semai (Ross Daly)

Moitos anos antes da aparición do termo World Music, algunhas persoas xa comprenderan o enorme valor e gran variedade das diferentes tradicións musicais do mundo e dedicaran a súa vida ao seu estudo. Unha desas persoas foi Ross Daly. Aínda que de ascendencia irlandesa, Ross non encaixa en ningún estereotipo étnico en particular tendo en conta que a súa vida foi pasar por moitas partes do mundo e o seu fogar durante os últimos 35 anos é a illa de Creta, onde se recoñece universalmente como un dos máis destacados expertos na rica tradición musical da illa. Ross Daly dedicouse ao estudo das grandes tradicións modais do Medio Oriente, Asia Central e o subcontinente indio. Nestas tradicións descubriu que a música non era simplemente un vehículo de expresión propia, senón que era capaz de levarnos máis alá do que normalmente se percibe como os límites dun mesmo ata outros reinos transpersoais de experiencia.

Este descubrimento cambiou todo na vida de Ross Daly e posteriormente renunciou a todas as demais actividades e dedicou a súa vida ao estudo dos segredos máis íntimos destas tradicións musicais, así como á arte da composición. Publicáronse máis de trinta e cinco álbums das súas propias composicións, así como dos seus propios arranxos de melodías tradicionais. Tamén é especialmente coñecido e apreciado pola súa capacidade de unir artistas de diferentes tradicións e sen relación aparente en colaboracións de gran calidade e profundidade. En 1982 fundou o Labyrinth Musical Workshop que actualmente se encontra en Houdetsi, preto de Heraklion, onde se exhibe a colección de 250 instrumentos de todo o mundo recollida por Ross e onde cada ano centos de estudantes de todo o mundo chegan co fin de estudar con algúns dos máis renomeados mestres da música modal de todo o mundo.

Via Stellae 2012: 'Monodia barroca en España e Italia'

Wed, 27 Jun 2012 13:48:00 +0200

12/07/2012 - 12/07/2012

O tenor sevillano Juan Sancho, acompañado polo arpista compostelán Manuel Vilas, ofrece esta tarde na Igrexa da Universidade un recital lírico con cantos barrocos de España e Italia.

Canto latino

monodia barroca en España e Italia

JUAN SANCHO tenor
MANUEL VILAS arpa doppia / arpa de dúas ordes

PROGRAMA

Italia
Girolamo Frescobaldi (1583-1643)
Vanne, o carta amorosa
Claudio Monteverdi (1567-1643)
Rosa del Ciel, da ópera L´Orfeo
Ohime ch`io cado
Quel sguardo sdegnosetto
Giovanni Maria Trabaci (c. 1575-1647)
Versos de primeiro ton
Benedetto Ferrari (s. XVII)
Cantata espiritual Queste pungente spine

España
Tres tonos humanos
Niña si encontrares (anónimo)
A quien me quejaré? (anónimo)
Frescos airecillos (anónimo)
Lucas Ruiz de Ribayaz (1630-1672)
Cuatro danzas para arpa
Vacas
Rugero
Galería del amor
Zarambeques
Tres tonos humanos
Dichoso yo que adoro (anónimo)
Ojos pues me desdenáis (José Marín, 1618-1699)
Calla no cantes (anónimo)

Canto latino é unha breve mostra da arte musical que xurdiu no século XVII en torno ás fermosas linguas italiana e castelá. Dúas linguas derivadas do latín e que desenvolveron un papel vital na historia da música, sirva de exemplo o coñecido “Rosa del ciel” do Orfeo de Claudio Monteverdi, considerada a primeira ópera da historia. Dúas linguas e dous estilos de canto (o italiano e español) que, malia teren algúns puntos en común, son máis evidentes as súas diferenzas. Agora teremos a oportunidade de escoitar xuntos os dous estilos para que vostedes saquen as súas conclusións e noten a gran distancia que atopamos entre eles: dende a liberdade que transmite o estilo italiano ata a importancia do ritmo do estilo español: cada unha das partes será acompañada coa arpa representativa do seu país: a arpa doppia (Italia) e a arpa de dúas ordes (España).

** Sancho, tenor. Iniciou a súa carreira vocal na Escola Superior de Música de Cataluña con Lambert Climent e posteriormente con Raphaël Sikorski e Raúl Giménez. Traballou baixo a dirección de Christie, Leonhardt, Savall, Egarr, Fasolis, Biondi, e coa Orchestra do Maggio Musicale Fiorentino, Real Filharmonía de Galicia, Orquestra de Euskadi, Orchestra della Svizzera Italiana, Orquestra Barroca de Sevilla, Concerto Köln, Accademia Bizantina, etc. Entre a súa discografía recente sobresae a triloxía de óperas de Monteverdi no Teatro Real de Madrid con Willian Christie.

** Manuel Vilas, arpa. Naceu en Santiago de Compostela. Estudou arpas antigas dos século XII a XVIII en Madrid con Nuria Llopis e en Milán con Mara Galassi. Colaborou con numerosos grupos como Les Musiciens du Louvre, Al Ayre Español etc., nos máis importantes festivais de Europa. Realizou concertos como solista de música barroca española, americana e italiana en Europa e América. Ten participado en máis de 50 discos con diferentes grupos e discográficas e en producións operísticas en París, Viena, Madrid, Xenebra, Múnic, e México. Foi o primeiro arpista en ofrecer un curso de arpa barroca española nos Estados Unidos e en Cuba.

Concerto da Orquestra do Espazo de Cámara da USC

Wed, 20 Feb 2013 16:54:00 +0100

20/02/2013 - 20/02/2013

A Orquestra do Espazo de Cámara da USC ofrece esta tarde un concerto na Igrexa da Universidade. Baixo o título 'A Música Descritiva. Grieg, Biber, Gounod', a formación interpretará pezas destes tres destacados compositores.

Concerto da Orquestra Barroca Música Acordada

Tue, 26 Feb 2013 08:35:00 +0100

26/02/2013 - 26/02/2013

A Universidade compostelá organiza esta tarde unha nova cita musical na Igrexa da Universidade. Nesta ocasión, o concerto estará a cargo da orquestra barroca Música Acordada.

VII Festival de Músicas Contemplativas: Ruta 'Espazos para a reflexión'

Mon, 04 Mar 2013 08:53:00 +0100

15/03/2013 - 31/03/2013

Como complemento a actividade musical, o VII Festival de Músicas Contemplativas organiza este ano a ruta dos Espazos para a reflexión, de maneira que un grupo de igrexas permanecerán abertas durante os días do Festival, permitindo que veciños e visitantes poidan trazar a súa propia ruta e descubrir o rico patrimonio que atesouran estes templos e as confrarías que nelas teñen as súas sedes.

** Santa María do Camiño
As orixes desta igrexa remóntanse ao século XV, mantendo esta estrutura ata o século XVI. A mediados do XVIII e nas primeiras décadas do XIX é cando sofre unha profunda transformación. O retablo maior foi trazado polo entallador Manuel de Leis en 1758, encargándose das esculturas Benito Silveira. Destaca no seu interior o tímpano coa escena da Epifanía, que procede do templo medieval.

22-31 marzo: 11 h-13:30h e 16 h-19 h

Sede da Confraría da Humildade. Procesión: Luns Santo, 21:30h.

Festival de Músicas Contemplativas. 22 de marzo, 19:30h. Jiri Bárta violoncello.

** Igrexa das Ánimas
Érguese segundo os planos do arquitecto Miguel Ferro, sobre un terreo irregular, sendo o mestre de obras Juan López Freire. Templo cunha nave única, articulada en capelas laterais que orixinan un sistema de comunicación perimetral entre elas, onde se representa un programa iconográfico sobre o Vía Crucis, realizado polo escultor Manuel de Prado e Mariño, entre 1803 e o 1814, que segue un discurso iconolóxico ideado polo seu irmán o arquitecto Melchor de Prado e modelado en estuco veneciano.

22-31 marzo: 11 h-13:30h e 16 h-19 h

Sede da Confraría da Esperanza. Procesión: Domingo de Ramos, 18h.

Festival de Músicas Contemplativas. 25 de marzo, 19:30h. Accademia del Piacere / 30 de marzo, 20h. Resonet

** Igrexa de San Bieito do Campo
De orixe medieval reconstruíuse a finais do XVIII seguindo os planos de Melchor de Prado Mariño con planta de salón, unha soa nave con bóveda de canón, presbiterio con cuberta de canón e cuarto de esfera e capela maior, abrindo nos muros laterais oito altares. Destes destaca o que abeira o tímpano gótico da Epifanía e o relevo da Visitación. A capela maior está decorada con cadros ao óleo e pinturas ao fresco do pintor academicista Plácido Fernández Arosa, recentemente restauradas.

22-31 marzo: 11 h-13:30h e 16 h-19 h

Festival de Músicas Contemplativas. 27 de marzo, 22h. Grupo de cámara da Real Filharmonía: Trío de cordas

** San Félix de Solovio
Esta igrexa está estreitamente unida ao descubrimento do corpo do Apóstolo Santiago, pois, segundo a tradición, aquí se encontraba orando o eremita Pelayo, cando enxergou as luminarias que lle indicaban o lugar onde se encontraba o sepulcro apostólico. Reedificada polo bispo Sisnando, foi destruída por Almanzor no 997 pero reconstruída polo bispo Pedro de Mezonzo e por Xelmírez no 1122 seguindo a tipoloxía típica dunha construción románica dunha nave e teitume de madeira. Nos séculos XVII e XVIII engadíronse unha serie de pequenas capelas alterando a súa configuración orixinal quedando coas tres naves actuais. No tímpano da súa portada consérvase un fermoso relevo da Epifanía, de 1316.

Sábados, 16h.

Festival de Músicas Contemplativas. 24 de marzo, 21:30h. Ars Atlántica.

** San Fructuoso
A construción da igrexa parroquial de San Fructuoso (ou Nosa Señora da Angustia de Abaixo) é obra de Lucas Ferro Caaveiro realizada entre 1754 e 1765. Érguese sobre o terreo que antes ocupaba a capela da Vera Cruz. O retablo maior constrúese cara a 1769 segundo as trazas de Luis Lorenzana, quen nos deixou nos capiteis das columnas a orde española, ideada por el. Os retablos colaterais do cruceiro contrátanse en 1783 a Francisco Lens.

22-31 marzo: 11 h-13:30h e 16 h-19 h

Festival de Músicas Contemplativas. 29 de marzo, 20h. Grupo de Cámara da Sinfónica de Galicia: Cuarteto Atlántico.

** Colexiata de Santa María de Sar
As orixes da súa fundación como mosteiro agostiño debense a Munio Alfonso, estreito colaborador do arcebispo Xelmírez, comezando as obras no século XII. A inclinación dos seus piares debido probablemente a un erro na construción e ao terreo pantanoso sobre o que se levanta, é un dos atractivos deste edificio románico; este feito resumiuno perfectamente o poeta Gerardo Diego cando escribiu: La colegiata del Sar / se tambalea de sueño. / Sueña que se va a acostar / y que el cielo es muy pequeño. No século XVIII refórzase a edificación cuns enormes e macizos arcobotantes, pois ameazaba con derrubarse. Do primitivo claustro románico tan só se conservan nove arcos no seu lado norte.

22-31 marzo: 11 h-13:30h e 16 h-19 h

Festival de Músicas Contemplativas. 27 de marzo, 20h. Eloqventia.

** Santo Domingo de Bonaval
Segundo a tradición, foi Santo Domingo de Guzmán quen fundou, a principios do século XIII, este convento. En 1230 xa se consagra a igrexa que se amplía a finais do mesmo século, renovándose por completo a súa cabeceira. Entre os séculos XVI e XVIII realízanse novas obras na igrexa, cámbianse as cubertas de madeira por outras de pedra, ábrense capelas, levántanse retablos e constrúese o coro alto. Domingo de Andrade traza as liñas do retablo maior, desmontado e trasladado á igrexa parroquial de Santiago, en Carril. Na nave do Evanxeo encóntrase o Panteón de Galegos Ilustres, cos sepulcros de Rosalía de Castro, Alfredo Brañas, Domingo Fontán, Francisco Asorey, Ramón Cabanillas e, moi preto, Castelao.

22-31 marzo: Martes a sábado: 10:30h-14 h e 16 h-19:30h. Domingos e festivos: 11 h-11h-14h. Luns pechado. (Entrada por Museo do Pobo Galego).

Sede da Confraría do Rosario. Procesión do Santo Enterro: Venres Santo, 20h.

Festival de Músicas Contemplativas: 26 de marzo, 20:30h. Zefiro Baroque Orchestra. / 28 de marzo, 21h. Divna Ljubojevic e Coro Mélodi.

** Santa María de Conxo
A primitiva igrexa relaciónase co arcebispo Xelmírez, quen a consagra en 1129; desta obra consérvanse restos do claustro. No XVII iníciase a reedificación do convento e acométense as obras do claustro, que rematan en 1651. En 1669 realízanse as obras da igrexa atribuída a varios autores como Fernández Lechuga, fray Gabriel de Casas, Melchor de Velasco ou Diego de Romay. En 1729 inícianse as obras da nova capela do Cristo que acolle a imaxe do crucificado, obra de Gregorio Fernández. Esta capela e retablos son obra de Simón Rodríguez.

22-31 marzo: 11 h-13:30h e 16 h-19 h

Sede da Confraría do Santo Cristo da Paciencia. Procesión: Martes Santo, 21h. (saída do Convento das Mercedarias).

Festival de Músicas Contemplativas. 24 de marzo, 19:30h. Real Filharmonía de Galicia. Maximino Zumalave director.

** San Francisco
A súa orixe relaciónase co santo de Asís cando peregrinou a Compostela cara o ano 1213-14. A igrexa actual levantouse sobre os terreos da precedente, da que apenas quedaron vestixios. Cara a 1730 a igrexa ameaza ruína, polo que en 1740 se decide unha nova construción máis ampla con planos de Simón Rodríguez, quen dirixe as obras ata a súa morte en 1752, concluíndose en 1787. Presenta unha planta de cruz latina, con amplos presbiterio e sancristía. As capelas abertas a ambos os dous lados, ao estar comunicadas entre si, dan a sensación de naves laterais.

22-31 marzo: 11 h-13:30h e 16 h-19 h

Sede da Confraría da Vera Cruz. Procesión da Última Cea: Xoves Santo, 19h. Procesión de Xesús Resucitado: Domingo de Pascua, 11 h

Orde Franciscana Segrar. Procesión da Entrada en Xerusalén: Domingo de Ramos, 11h.

Festival de Músicas Contemplativas. 23 de marzo, 21:30h. Los caminos de Serkeci.

** San Martiño Pinario
A igrexa foi trazada polo arquitecto portugués Mateo López a finais do século XVI. Esta magna obra e a do mosteiro foi continuada por un número considerable de mestres como Ginés Martínez, González de Araújo, Peña de Toro, Bartolomé Fernández Lechuga, Gabriel de Casas, Tomás Alonso ou Fernando de Casas. A Mateo López débeselle a formulación xeral da obra, o que o leva a configurar o esquema na súa totalidade. A inmensa nave central está cuberta con bóveda de canón con falsos casetóns. Tamén hai que resaltar os magníficos retablos que posúe e o cadeirado do coro baixo. O retablo do altar maior (1730) e os dous do cruceiro son deseño de Fernando de Casas executándoos o entallador Miguel de Romay.
22-31 marzo: 11 h-13:30h e 16 h-18:30h (Entrada: 2,50 euros)

Festival de Músicas Contemplativas. 23 de marzo, 19:30h. Coro Novo e Nenos Cantores da Sinfónica de Galicia.

** Santa María Salomé
Fundada cara a 1140 con nave única e teito de madeira, da fábrica medieval apenas quedan restos, pois foi reformada no barroco ao engadírselle unha serie de capelas. Na portada destacan as imaxes dunha Anunciación, con María á esquerda e o anxo á dereita e sobre a clave a Virxe do Leite. O interior é de planta cadrada con cúpula de media laranxa sobre pendentes. En 1743 levántase o campanario que segue as trazas do da igrexa de San Félix. O pórtico de entrada é do século XVI.

Horario de culto

Sede da Confraría da Virxe da Soidade. Procesión da Virxe da Soidade: Venres Santo, 23h.

** San Miguel dos Agros
A data da fundación desta igrexa descoñécese. Sábese que en época de Diego Xelmírez (1122) se reconstrúe. O interior é de tres naves con cuberta de bóveda de aresta na central; as capelas da Dolorosa e o Nazareno cóbrense con bóveda de canón e a Da nosa Señora e san Xerónimo péchase con bóveda de crucería estrelada. O retablo maior é obra de 1786. A fachada da igrexa segue os canons das igrexas neoclásicas.

22-31 marzo: 11 h-13:30h e 16 h-19 h

Sede da Confraría Do noso Pai Xesús Nazareno e a Santa Virxe das Dores. Procesión da Virxe das Dores: Venres 22 de marzo, 21h. Procesión do Encontro: Venres Santo, 11 h (dende a praza da Quintana).

** San Agostiño
Levántase sobre o terreo que ocupaba a igrexa de Nosa Señora da Cerca. Na súa construción participan Francisco González Araújo, Bartolomé Fernández Lechuga e os Jácome Fernández, pai e fillo. Lévase a cabo a construción -segundo trazas de Lechuga- no primeiro terzo do século XVII. O interior é de planta de cruz latina inscrita nun rectángulo dunha soa nave, con capelas laterais, cruceiro e cúpula que realiza Jácome Fernández fillo. Do conxunto escultórico da igrexa hai que sinalar o gran talle procesional de Xesús Flaxelado, vinculada á forma de traballar de Diego de Sande e peza fundamental nas procesións da Semana Santa compostelá.

22-31 marzo: 9 h-12:45h e 18:15h-19:45h

Sede da Confraría de Noso Pai Xesús Flaxelado. Procesión de Xesús Flaxelado: Xoves Santo, 23:30h.

** Igrexa do Convento de Santa Clara
A orixe do convento de Santa Clara remóntase á segunda metade do século XIII, atribuíndose a súa fundación á raíña dona Violante de Castilla, esposa de Alfonso X o Sabio. Do primitivo edificio apenas quedan restos, xa que foi moi modificado entre os séculos XVII e XVIII. Os seus principais arquitectos foron Domingo de Andrade, fray Gabriel de Casas, Pedro de Arén e, sobre todo, Simón Rodríguez. O retablo maior foi labrado por Bugarín a principios do século XVIII, seguindo trazas de Andrade. A fachada principal -de gran plasticidade urbana-, trazada por Simón Rodríguez, destaca pola súa orixinalidade, xa que non nos leva ao interior da igrexa, senón que dá paso a un patio onde si se encontra a entrada á igrexa propiamente dita.

22-31 marzo: 11 h-13:30h e 16 h-19 h

** San Roque
A orixe desta pequena capela está na promesa feita polo Cabido e o Concello en 1520 como acción de grazas a San Roque por librar da peste á cidade. A igrexa remátase en 1576 e un ano máis tarde o arcebispo Francisco Blanco funda o hospital, para "curar e procurar remedio aos pobres enfermos das bubas e outros males... ". No interior da pequena igrexa podemos ver un gran retablo de Simón Rodríguez, quen entrega as trazas en 1742 executándoo Romay. Este fermoso retablo está formado por unha parte central de tres corpos e dous laterais, recorda o retablo da igrexa da Compañía. Os dous corpos laterais avanzan cara ao espectador como querendo facernos partícipes da súa imaxinaría.

22-31 marzo: 11 h-13:30h e 16 h-19 h

** Igrexa do Convento do Carmen
O convento fundado pola nai María Antonia de Jesús, coñecida como "A monxiña do Penedo", a mediados do século XVIII e foi o primeiro que esta orde tivo en Galicia. Érguese sobre os terreos que pertenceron ao conde de Priegue. O proxecto para a obra débese a Fray José de los Santos. O 23 de outubro de 1758 as Nais Carmelitas trasládanse dende a súa casa en San Roque a este novo edificio. O interior da igrexa, de arquitectura sinxela -que comunga con consignas desta orde como a austeridade e sobriedade- é de planta de cruz latina. Non obstante esta sinxeleza construtiva non resta monumentalidade ao conxunto, acrecentada pola bóveda de canón reforzada por arcos faixones e a cúpula cega de media laranxa no cruceiro. O retablo maior contrátase en 1800 e segue un deseño neoclásico no que se imita, por medio da policromía, mármores xaspeados e bronces nos capiteis das catro columnas de orde composta.

22-31 marzo: 11 h-13:30h

** Igrexa das Orfas
As trazas encárganselle ao arquitecto Melchor de Velasco cara a 1664, quen deseña un interior dunha soa nave, capela maior rectangular e cabeceira recta cunha sancristía a cada lado. A sobriedade é a nota principal do seu interior arquitectónico, alterada pola traza do seu retablo actual, obra que Francisco de Lens contrata en 1756 e no que traballará José Gambino, realizando as imaxes de san José, san Francisco e a do Apóstolo Santiago. No lado da epístola, no muro do cruceiro encontramos o monumento fúnebre do cardeal Martín de Ferreira obra do escultor Francisco Asorey.

22-31 marzo: 9 h-13:30h e 17:30h-19 h

Sede da Irmandade do Stmo Cristo da Misericordia. Procesión dos Estudantes: Mércores Santo, 23h.

** Capela de Nosa Señora do Portal - Convento de Belvís
Foron os dominicanos de Bonaval os que suscitaron a súa fundación en 1306, como o primeiro convento feminino da súa orde en Galicia. O edificio sofre ampliacións durante o século XVII, como a capela da Virxe do Portal, dunha soa nave e cúpula sobre o camarín da Virxe. A capela levantouse grazas ás esmolas dos fieis, pola crenza nas propiedades curativas dunha fonte que alí se localiza.

22-31 marzo: 11 h-13:30h e 16 h-19 h

** San Paio de Antealtares
A construción da igrexa iniciouse en 1700 no terreo que ocupaba a anterior que foi derrubada. A obra encárgaselle ao arquitecto bieito fray Gabriel de Casas proseguíndoas Pedro García que a conclúe en 1707, seguindo as trazas de Casas. A planta é de cruz grega con dous brazos curtos no cruceiro; aos pés, o brazo é máis alongado para acoller o coro. Entre 1708 e 1714 procédese a executar os retablos da igrexa. Érguense primeiro os retablos colaterais e o maior en último lugar. Hai que destacar que tanto o retablo relicario -trazado por Andrade- como o púlpito -obra de Diego de Romay- pertencían ao mobiliario da antiga igrexa.

22-31 marzo: 11 h-13:30h e 16 h-19 h

** Igrexa da Universidade
A igrexa da Compañía (Xesuítas) ou da Universidade levántase a mediados do século XVII sobre o terreo que antes ocupaba a medieval de Santa María a Nova. Ten planta de cruz latina inscrita nun rectángulo, con tribuna sobre as capelas laterais, nave abovedada, cúpula gallonada e lanterna rematando o cruceiro. A importancia desta igrexa reside no seu interior, nos retablos que adornan o altar maior, o cruceiro e as naves laterais. O do altar maior foi contratado en 1727 con Miguel de Romay, Ignacio Romero e Diego de Sande e segue as trazas que deseñou Simón Rodríguez.

Festival de Músicas Contemplativas: 22 de marzo, 22h. Jiri Bárta violoncello / 25 de marzo, 21:30h. Grupo instrumental Século XX / 29 de marzo, 22h. Il Concordu d'Orosei / 30 de marzo, 22h. Neopercusión

VII Festival de Músicas Contemplativas

Fri, 01 Mar 2013 13:49:00 +0100

15/03/2013 - 31/03/2013

Un ano máis, as igrexas da cidade histórica de Santiago de Compostela acollen unha nova edición do Festival de Músicas Contemplativas. Unha iniciativa cultural que une os conceptos de cultura e patrimonio, a través da música. Unha serie de concertos, representativos de diversas sensibilidades culturais e espirituais, que xiran en torno á idea de franquear camiños e abrir diálogos entre pobos e culturas.

O Festival de Músicas Contemplativas celébrase no ámbito da Semana Santa de Compostela. Está organizado polo Concello e polo Consorcio de Santiago, e conta co apoio do Ministerio de Cultura.

En total serán 18 concertos entre o 21 e o 31 de marzo, en diferentes igrexas e no Auditorio de Galicia, aos que se lle suma un concerto de presentación, a cargo dos alumnos da Escola de Altos Estudos Musicais, o 15 de marzo.

PROGRAMA

** 15 de marzo
- 20:30 h. Hostal dos Reis Católicos
Concerto de presentación
Grupos de cámara da Escola de Altos Estudos Musicais

** 21 de marzo
- 21:00 h. Auditorio de Galicia
Inauguración 'Réquiem segundo Mozart'
Real Filharmonía de Galicia
The Sixteen Coro
HARRY CHRISTOPHERR, director
JULIE COOPER, soprano
SIAN MENNA, contralto
MARK DOBELL, tenor
EAMONN DOGAN, baixo
Obras de Mozart, MacMillan e Haydn

** 22 de marzo
- 19:30 h. Santa María do Camiño
'Cantus Rogans, música contemporánea checa para violoncello'
JIŘÍ BÁRTA, violoncello
Obras de Zemek, Graham, Kopelent

- 22:00 h. Igrexa da Universidade
'Jazz Bach'
JIŘÍ BÁRTA, violoncello
MILAN SVOBODA, piano
Obras de Bach e Svoboda

** 23 de marzo
- 19:30 h. San Martiño Pinario
'Suite litúrxica: momentos corais'
CORO NOVO DA SINFÓNICA DE GALICIA
NENOS CANTORES DA SINFÓNICA DE GALICIA
Obras de McGlynn, Alcaraz, Alfonso X, Butler, Sarasola, Artés

- 21:30 h. Igrexa de San Francisco
'Ussak Sarki cancións e músicas tradicionais dos xudeos españois exilados en Turquía'
LOS CAMINOS DE SERKECI

** 24 de marzo
- 19:30 h. Santa María de Conxo
'As sete últimas palabras de Cristo na Cruz'
REAL FILHARMONÍA DE GALICIA
MAXIMINO ZUMALAVE, director
Obras de Vivaldi e Haydn

- 21:30 h. Santa María do Camiño
'A palabra oculta. Poemas, textos e música de monxas de clausura (España/América, s. XVI-XVII)'
ARS ATLÁNTICA
MÓNICA DE NUT, voz
MANUEL VILAS, arpa de dúas ordes

** 25 de marzo
- 19:30 h. Igrexa das Ánimas
'Ecco l’alba luminosa, luce serena. Música espiritual en Roma e Nápoles'
ACCADEMIA DEL PIACERE
FAHMI ALQHAI, director

- 21:30 h. Igrexa da Universidade
'Chamber Symphony, os mestres das vangardas'
GRUPO DE CÁMARA DA SINFÓNICA DE GALICIA
GRUPO INSTRUMENTAL SIGLO XX
FLORIAN VLASHI, director
Obras de Adams, Ligeti e Schoenberg

** 26 de marzo
- 20:30 h. San Domingos de Bonaval
'Lamento e Paixón'
ZEFIRO BAROQUE ORCHESTRA
ALFREDO BERNARDINI, director
FULVIO BETTINI, baixo
Obras de Zelenka, Zellbell, Vivaldi, Pez, Platti, Marcello, Bach

** 27 de marzo
- 20:00 h. Colexiata Santa María a Real de Sar
'Peregrinatio: cánticos e miragres no Camiño'
ELOQVENTIA

- 22:00 h. San Bieito
'As variacións Goldberg'
FORMACIÓNS DE CÁMARA DA REAL FILHARMONÍA DE GALICIA
ELINA VIKSNE, violin
TIMUR SADYKOV, viola
BARBARA SWITALSKA, violoncello

** 28 de marzo
- 21:00 h. San Domingos de Bonaval
'Cristo resucitou entre os mortos: Canto bizantino'
DIVNA LJUBOJEVIC
MÉLODI, coro

** 29 de marzo
- 20:00 h. San Frutuoso
'A morte e a doncela'
GRUPO DE CÁMARA DA SINFÓNICA DE GALICIA
CUARTETO ATLÁNTICO
DOMINICA MALEC, violín
BEN SMITH, violin
ANDREI KEVORKOV, viola
SCOTT HARDY, violoncello
Obras de Mozart e Schubert

- 22:00 h. Igrexa da Universidade
'Voces profanas e cantos sacros de Cerdeña'
IL CUNCORDU D’OROSEI

** 30 de marzo
- 20:00 h. Igrexa das Ánimas
'Códex Calixtinus. A música no Libro de Santiago, s. XII'
RESONET
FERNANDO REYES, director
MERCEDES HERNÁNDEZ, soprano
DAVID SAGASTUME, contratenor
TOMÁS MAXÉ, tenor
JOSÉ ENRIQUE PEDROSA, baixo

- 22:00 h. Igrexa da Universidade
'Voices: órgano e percusión'
NEOPERCUSIÓN
ANNA FERNÁNDEZ, órgano
Obras de Mertens, Pärt, Glass

** 31 de marzo
- 20:00 h. Auditorio de Galicia
'Ritos fúnebres e resurrección'
ORQUESTRA NOVA DA SINFÓNICA DE GALICIA
ORQUESTRA DE NENOS DA SINFÓNICA DE GALICIA
DIEGO GARCÍA RODRÍGUEZ, director
MARÍA VICTORIA PEDRERO, violoncello
Obras de Vivaldi, Chaikovski e Mahler

VII Festival de Músicas Contemplativas: 'Jazz Bach'

Sat, 02 Mar 2013 17:34:00 +0100

22/03/2013 - 22/03/2013

A Igrexa da Universidade será escenario esta noite dun novo concerto do VII Festival de Músicas Contemplativas. Nesta ocasión, o violoncelista checo Jiří Bárta, recoñecido a nivel mundial, actuará acompañado polo violinista Milan Svoboda cun programa que inclúe obras de Bach e Svoboda.

22 de marzo, 22:00 h.
Igrexa da Universidade

'Jazz Bach'
JIRÍ BÁRTA, violoncello
MILAN SVOBODA, piano

Obras de Bach e Svoboda

Durante a Semana Santa, diferentes igrexas de Santiago de Compostela acollen a sétima edición do Festival de Músicas Contemplativas, unha iniciativa cultural que une os conceptos de cultura e patrimonio a través da música. Unha serie de concertos, representativos de diversas sensibilidades culturais e espirituais, que xiran en torno á idea de trazar camiños e abrir diálogos entre pobos e culturas.

En total serán 18 concertos que terán como escenario igrexas emblemáticas da zona antiga, entre o 21 e o 31 de marzo, sumándose aos actos organizados con motivo da Semana Santa. A cidade de Santiago de Compostela, declarada Patrimonio da Humanidade pola UNESCO, convértese así, por uns días, en escenario para as músicas do mundo, polo que pasarán grupos e solistas procedentes de países como República Checa, Serbia, Turquía ou Italia. Ademais, participará a Real Filharmonía de Galicia e un bo número de grupos galegos.

VII Festival de Músicas Contemplativas: 'Cantus Rogans'

Sat, 02 Mar 2013 17:20:00 +0100

22/03/2013 - 22/03/2013

O prestixioso violoncelista checo Jií Bárta, que conta cunha longa traxectoria concertística por numerosos escenarios de todo o mundo, actúa esta tarde na igrexa de Santa María do Camiño dentro do VII Festival de Músicas Contemplativas.

22 de marzo, 19:30 h.
Santa María do Camiño

'Cantus Rogans, música contemporánea checa para violoncello'
JIRÍ BÁRTA, violoncello
Obras de Zemek, Graham, Kopelent

Bárta estudou violoncelo en Praga, Colonia e Los Ángeles. Grazas ao seu talento e laboriosidade fíxose acredor de varios premios nacionais e internacionais e tivo a posibilidade de actuar con destacados conxuntos musicais, como a Orquestra Filharmónica de Berlín. Entre os compositores nacionais predilectos de Bárta ocupa un importante lugar Antonín Dvořák.

VII Festival de Músicas Contemplativas: 'A palabra oculta'

Sat, 02 Mar 2013 19:42:00 +0100

24/03/2013 - 24/03/2013

A cantante Mónica de Nut e o arpista Manuel Vilas protagonizan esta noite un concerto centrado en pezas musicais dos séculos XVI e XVII escritas para monxas de clausura.

24 de marzo, 21:30 h.
Santa María do Camiño

'A palabra oculta. Poemas, textos e música de monxas de clausura (España/América, s. XVI-XVII)'
ARS ATLÁNTICA
MÓNICA DE NUT, voz
MANUEL VILAS, arpa de dúas ordes

VII Festival de Músicas Contemplativas: 'As 7 últimas palabras de Cristo na Cruz'

Sat, 02 Mar 2013 18:18:00 +0100

24/03/2013 - 24/03/2013

A Real Filharmonía de Galicia, dirixida por Maximino Zumalave, ofrece esta tarde un concerto titulado 'As sete últimas palabras de Cristo na Cruz' no marco do VII Festival de Músicas Contemplativas.

24 de marzo, 19:30 h.
Santa María de Conxo

'As sete últimas palabras de Cristo na Cruz'

REAL FILHARMONÍA DE GALICIA
MAXIMINO ZUMALAVE, director
Obras de Vivaldi e Haydn

VII Festival de Músicas Contemplativas: 'Chamber Symphony'

Sat, 02 Mar 2013 20:28:00 +0100

25/03/2013 - 25/03/2013

A Igrexa da Universidade acolle unha nova cita musical dentro do VII Festival de Músicas Contemplativas. O concerto desta noite, titulado 'Chamber Symphony, os mestres das vangardas,' reunirá nun mesmo escenario ao grupo de cámara da Orquestra Sinfónica de Galicia, ao grupo instrumental Siglo XX e ao director Florian Vlashi.

25 de marzo, 21:30 h.
Igrexa da Universidade

'Chamber Symphony, os mestres das vangardas'
GRUPO DE CÁMARA DA SINFÓNICA DE GALICIA
GRUPO INSTRUMENTAL SIGLO XX
FLORIAN VLASHI, director
Obras de Adams, Ligeti e Schoenberg

Ciclo 'Ad Musicum': 'Cantares de Rosalía'

Tue, 26 Mar 2013 11:33:00 +0100

26/03/2013 - 26/03/2013

Comeza o ciclo de concertos 'Ad Musicum' no mosteiro de San Martín Pinario. Nesta primeira cita, titulada 'Cantares a Rosalía', actuarán Haruna Takebe -piano- e Miki Mori -soprano- conmemorando o 150 aniversario da publicación de Cantares Gallegos de Rosalía de Castro.

A pianista Haruna Takebe e a soprano Miki Mori son dúas xaponesas namoradas da cultura do noso país que presentan o seu proxecto “Cantares de Rosalía” no que homenaxean os Cantares Gallegos de Rosalía de Castro no 150 aniversario da súa publicación.

Máis info e programa completo aquí

VII Festival de Músicas Contemplativas: 'Peregrinatio'

Sun, 03 Mar 2013 09:10:00 +0100

27/03/2013 - 27/03/2013

O ensemble de música medieval Eloqventia interpreta na Colexiata de Sar un repertorio de pezas agrupadas baixo o título de 'Peregrinatio: cánticos e milagres no Camiño'.

27 de marzo, 20:00 h.
Colexiata Santa María a Real de Sar
'Peregrinatio: cánticos e miragres no Camiño'
ELOQVENTIA

O ensemble Eloqventia toma o seu nome da obra escrita por Dante Alighieri a comezos do século XIV "De vulgari eloqventia", un texto estreitamente vinculado á música profana medieval e de obrigada referencia cando se fala de poesía trovadoresca. Está integrado por músicos que atesouran unha dilatada experiencia no campo da música antiga, colaboradores habituais de formacións como Hespèrion XXI, Le Concert des Nations, L'Arpegiatta, Forma Antiqva, Accademia del Piacere, Elyma, Orphenica Lyra...

O grupo formula un novidoso enfoque da monodia lírica e do repertorio instrumental do medievo. As súas orixinais interpretacións veñen sempre precedidas dun exhaustivo traballo de investigación, e para iso fai uso de todas as fontes que proporciona a moderna musicoloxía, outorgando unha especial importancia ao folclore tradicional europeo e das culturas orientais veciñas.

VII Festival de Músicas Contemplativas: 'Canto bizantino'

Sun, 03 Mar 2013 09:31:00 +0100

28/03/2013 - 28/03/2013

A recoñecida cantante serbia Divna Ljubojevic, especializada na interpretación de música sagrada, ofrece esta noite un concerto acompañada polo coro Mélodi e baixo o título de 'Cristo resucitou entre os mortos: Canto bizantino'.

28 de marzo, 21:00 h.
San Domingos de Bonaval

'Cristo resucitou entre os mortos: Canto bizantino'
DIVNA LJUBOJEVIC
MÉLODI, coro

VII Festival de Músicas Contemplativas: 'Voces e cantos de Cerdeña'

Sun, 03 Mar 2013 11:42:00 +0100

29/03/2013 - 29/03/2013

Unha nova cita musical do VII Festival de Músicas Contemplativas leva á Igrexa da Universidade ao grupo vocal Il Cuncordu d'Orosei, nun concerto no que interpretarán diversas polifonías sagradas da illa de Cerdeña.

29 de marzo, 22:00 h.
Igrexa da Universidade

'Voces profanas e cantos sacros de Cerdeña'
IL CUNCORDU D’OROSEI

VII Festival de Músicas Contemplativas: 'A morte e a doncela'

Sun, 03 Mar 2013 09:51:00 +0100

29/03/2013 - 29/03/2013

Dominica Malec (violín), Ben Smith (violín), Andrei Kevorkov (viola) e Scott Hardy (violoncello) protagonizan un concerto dentro do VII Festival de Músicas Contemplativas. O programa de concerto, que leva por título 'A morte e a doncela', inclúe obras de Mozart e Schubert.

29 de marzo, 20:00 h.
San Frutuoso

'A morte e a doncela'
GRUPO DE CÁMARA DA SINFÓNICA DE GALICIA
CUARTETO ATLÁNTICO
DOMINICA MALEC, violín
BEN SMITH, violín
ANDREI KEVORKOV, viola
SCOTT HARDY, violoncello
Obras de Mozart e Schubert

VII Festival de Músicas Contemplativas: 'Códex Calixtinus'

Sun, 03 Mar 2013 20:32:00 +0100

30/03/2013 - 30/03/2013

O grupo compostelán Resonet, dirixido polo seu fundador, o laudista Fernando Reyes, ofrece esta tarde na Igrexa das Ánimas un concerto titulado 'Códex Calixtinus. A música no Libro de Santiago, s. XII'.

30 de marzo, 20:00 h.
Igrexa das Ánimas

'Códex Calixtinus. A música no Libro de Santiago, s. XII'
RESONET
FERNANDO REYES, director
MERCEDES HERNÁNDEZ, soprano
DAVID SAGASTUME, contratenor
TOMÁS MAXÉ, tenor
JOSÉ ENRIQUE PEDROSA, baixo

Resonet fórmase en 1990 en Santiago de Compostela, baixo o impulso do laudista Fernando Reyes, que dirixe o grupo, e a soprano Mercedes Hernández, tomando o seu nome dunha peza do Códice Calixtino.

O fin de contribuír á reprodución das obras de arte musicais coa maior fidelidade posible, lévalles a empregar instrumentos orixinais ou copias e técnicas vocais axeitadas aos diferentes períodos estéticos, buscando que estas obras afastadas no tempo adquiran significación musical e cultural na actualidade e poidan ser gozadas con toda a súa mensaxe e emoción. Isto lévaos a realizar os seus propios proxectos de investigación. Os concertos levan consigo ademais un gran compoñente dramatúrxico.

'Litonor_Arte: Edición'

Wed, 19 Oct 2011 10:57:00 +0200

01/10/2011 - 25/10/2011

A Igrexa da Universidade acolle ata o 25 de outubro unha escolma da colección de arte contemporánea da empresa de artes gráficas compostelá LITONOR, comisariada por Mercedes Rozas.

'Cerimonial, festa e liturxia na Catedral de Santiago'

Fri, 14 Oct 2011 10:41:00 +0200

14/10/2011 - 19/02/2012

A Igrexa de San Domingos de Bonaval acolle a exposición conmemorativa do 800 Aniversario da Catedral de Santiago, 'Cerimonial, festa e liturxia na Catedral de Santiago', unha mostra que reúne boa parte dos tesouros da Catedral, relacionados co culto ao Apóstolo e ás diferentes celebracións litúrxicas que teñen como escenario a basílica xacobea.

Con pezas procedentes do Museo e Arquivo da Catedral de Santiago e a colaboración dos Museos das Peregrinacións e de Santiago, de León ou dos Camiños de Astorga, entre outros, a mostra realiza un percorrido polo cerimonial compostelán, desde as orixes do Locus Sancti Iacobi ata a actualidade, pasando polo renacemento e os esplendores do barroco.

Tamén haberá un lugar especial para o cerimonial no Camiño de Santiago: a saída do peregrino, o cerimonial de despedida, o encontro no camiño co milagre, as reliquias, os monxes, centros de hospitalidade, a praza do paraíso en Compostela e a propia Catedral, símbolo da Xerusalén Celeste, escenificando no abrazo ao Apóstolo, a vixilia ante o altar maior, a visita a outras reliquias da Basílica Xacobea ou a doazón de exvotos.

No acto de inauguración estarán presentes Xerardo Conde Roa, Alcalde e Presidente do Consorcio de Santiago, José María Díaz Fernández, Deán da Catedral de Santiago, Xosé Manuel Villanueva Prieto, Xerente do Consorcio de Santiago e Ramón Yzquierdo Peiró, Director do Museo da Catedral e Comisario da Exposición.

• Organiza: Consorcio de Santiago / Cabido da Catedral
• Comisarios: José María Díaz Fernández / Ramón Yzquierdo Peiró

'Amal Filatélico 2012'

Wed, 03 Oct 2012 10:56:00 +0200

10/10/2012 - 24/10/2012

Ata finais do mes de outubro, a Igrexa da Universidade expón unha mostra de selos árabes, recopilados de sobres e selos enviados este ano por directores e produtores árabes participantes no X Festival Internacional de Cine EuroÁrabe Amal 2012. A través destes documentos e a súa iconografía faise un percorrido polos países e culturas participantes neste consolidado festival.

A exposición é o resultado do proceso de reciclaxe de todo ese material, mediante o cal se pretende recoñecer a riqueza orixinal dalgúns selos e outorgarlles un valor diferente, dende outra perspectiva e cunha finalidade novidosa: transmitir e difundir a cultura para facer do noso ámbito un mundo mellor, máis xusto e amable.

A exposición está comisariada por Coralie Yap-Chine, coordinadora do Festival Internacional de Cine Euroárabe Amal, e Julia Crespo, licenciada en Belas Artes na USC. Está organizada en colaboración coa Universidade de Santiago de Compostela.

Amal Filatélico 2012 xira en torno a 8 países (Alxeria, Marrocos, Túnez, Exipto, Líbano, Qatar, Bahréin e Iraq) e varias decenas de selos que nos informan sobre os eventos máis relevantes que marcaron a actualidade en diferentes países do mundo árabe, pero tamén sobre o legado histórico e artístico de certos países árabes ao mundo.

Alfonso Rivero de Aguilar: 'Eclecticismo en estado puro'

Tue, 13 Nov 2012 19:41:00 +0100

16/11/2012 - 14/12/2012

A Igrexa da Universidade acolle ata mediados do mes de decembro a exposición 'Eclecticismo en estado puro' do escultor Alfonso Rivero de Aguilar, unha mostra coordinada por Cristina Carballedo. O acto de inauguración contará coa actuación do saxofonista Olivier Cano e no transcurso deste servirase un viño Alberte cortesía de adegas Nairoa.

A colección que presenta Alfonso Rivero de Aguilar é unha selección na que pode comprobarse como traballa coa ductilidade dos distintos soportes extraendo formas nas que a natureza é a súa máis importante inspiración. As obras que poderemos contemplar a través dun discurso coherente durante este mes de novembro son o resultado do traballo dos últimos dez anos nos que o artista, como os escultores africanos, pasa directamente do concepto á execución cunha rápida velocidade de transmisión aproveitándose das luces e as sombras para crear volumes naturalistas baixo unha forma academicista. Para este escultor, a sensibilidade do rematado da pedra é un dos máis importantes factores da súa obra, unha obra que nos seus comezos era claramente figurativa e que está a evolucionar cara a unha escultura na que os espazos empezan a cobrar protagonismo, debido ao interese e estudo do artista pola obra de escultores máis conceptuais.

Semana Santa 2012

Sat, 10 Mar 2012 17:48:00 +0100

30/03/2012 - 15/04/2012

Comezan os actos relixiosos tradicionais da Semana Santa Compostelá. Este ano, o programa inclúe un total de 16 procesións ademais de diversos actos litúrxicos.

PROGRAMA 2012

**PROCESIÓNS**

VENRES 30 DE MARZO
- 21.00 h. Procesión da Virxe das Dores. Igrexa de San Miguel dos Agros.

DOMINGO 1 DE ABRIL
- 11.00 h. Procesión da Entrada en Xerusalén. Igrexa da Orde Franciscana Segrar.
- 18.00 h. Procesión da Esperanza. Igrexa das Ánimas.

LUNS 2 DE ABRIL
- 21.30 h. Procesión da Humildade. Igrexa de Sta. María do Camiño.

MARTES 3 DE ABRIL
- 21.00 h. Procesión do Cristo da Paciencia. Igrexa das NN. Mercedarias.

MÉRCORES 4 DE ABRIL
Exercicio do Via Crucis
- 19.30 Hs Eucaristía. Igrexa de San Francisco.
- 20.00 Hs Procesión. Igrexa de San Francisco.
- 23.00 h. Procesión dos Estudantes. Colexio das Orfas.

XOVES 5 DE ABRIL
- 19.00 h. Procesión da Última Cea do Salvador. Igrexa de San Francisco.
- 23.30 h. Procesión de Xesús Flaxelado. Igrexa de Santo Agostiño.

VENRES 6 DE ABRIL
- 11.00 h. Procesión do Santo Encontro. Igrexa de San Miguel dos Agros.
- 18.00 h. Procesión da Quinta Angustia. Igrexa da Quinta Angustia.
- 20.00 h. Procesión do Santo Enterro. Igrexa de San Domingos.
- 23.00 h. Procesión da Virxe da Soidade. Igrexa de Salomé.

SÁBADO 7 DE ABRIL
- 19.30 h. Procesión dos Irmáns. Colexio da Inmaculada.

DOMINGO 8 DE ABRIL
- 11.00 h. Procesión de Cristo Resucitado. Convento de San Francisco.

DOMINGO 15 DE ABRIL
- 11.00 h. Procesión do Cristo da Paciencia. Praza do Obradoiro.

**CULTOS E LITURXIA**

DOMINGO 1 DE ABRIL
- 11.30 h. Praza da Quintana. Bendición de Palmas e Ramos
- 12.00 h. Catedral. Misa Estacional. Preside Sr. Arcebispo

MARTES 3 DE ABRIL
- 12.00 h. Catedral. Santa Misa Crismal. Preside Sr. Arcebispo
Consagración de Santos Óleos e Santo Crisma

XOVES 5 DE ABRIL
- 12.00 h. Catedral. Celebración comunitaria da Penitencia
- 18.00 h. Santa Misa da Cea do Señor

VENRES 6 DE ABRIL

- 12.00 h. Catedral. Celebración Comunitaria da Penitencia
- 12.00 h. Capela das Ánimas. Sermón das Sete Palabras
- 17.00 h. San Francisco. Desencravo
- 18.00 h. Catedral. Celebración Litúrxica da Paixón

SÁBADO 7 DE ABRIL
- 12.00 Catedral. Celebración do Oficio de Lecturas
- 18.00 Catedral. Vía Crucis e Sermón da Soidade
- 22.00 Catedral. Solemne Vixilia Pascual

DOMINGO 8 DE ABRIL
- 11.30 h. Catedral. Celebración de Laudes. Con procesión de chirimías e botafumeiro
- 12.00 h. Catedral. Santa Misa Estacional. Con Bendición Apostólica, concedendo “indulxencia plenaria“.

Semana Santa 2012: Exercicio do Vía Crucis

Sat, 10 Mar 2012 20:13:00 +0100

04/04/2012 - 04/04/2012

A Coordinadora de Asociacións Relixiosas Segrares celebra o exercicio do Vía Crucis, unha procesión na que as 14 estacións se reparten polo percorrido, para rememorar o camiño da cruz, o camiño de Xesús en direción ao Calvario.

- 19:30 horas: Eucaristía
- 20:00 horas: Procesión

PERCORRIDO

Campiño de San Francisco - San Francisco - Praza do Obradoiro - Fonseca - Praza das Praterías - Conga - Praza da Quintana - Conga - Praza das Praterías - Fonseca - Praza do Obradoiro.

En caso de choiva estos actos trasladaranse o interior da SAMI Catedral.

Semana Santa 2012: Procesión do Santo Enterro

Sun, 11 Mar 2012 11:04:00 +0100

06/04/2012 - 06/04/2012

Os 150 confrades da Confraría Numeraria do Rosario conmemoran o Santo Enterro con cruz parroquial, música de banda de cornetas e tambores e banda de música municipal.
Os confrades visten de frac. O Cristo xacente é obra de Pedro Taboada; a urna na que xace é obra de Tomás Fontenla e foi ampliada por Bonome en 1955; a Virxe dos Coitelos é unha talla de 1960 de Castor Lata, e loce un manto regalo da Raíña Isabel II á confraría.

PERCORRIDO
Rúa de San Domingos de Bonaval – Porta do Camiño – Rúa das Casas Reais – Praza de Cervantes – Rúa da Acibechería – Praza da Inmaculada – Estación de Penitencia na Catedral – Praza das Praterías – Rúa do Vilar – Praza do Toural – Rúa Nova – Rúa da Conga – Rúa do Preguntoiro – Praza de Cervantes – Casas Reais – Porta do Camiño – Rúa de San Domingos de Bonaval

Semana Santa 2012: Procesión da Quinta Angustia

Sun, 11 Mar 2012 10:59:00 +0100

06/04/2012 - 06/04/2012

A Confraría da Nosa Señora da Quinta Angustia percorre o casco histórico con cruz parroquial, música de banda de cornetas e tambores e banda de música municipal.
Os seus nazarenos visten hábito de sarga negro con puños, faixa e carapucha de tea de raso verde, os de acompañamento do Cristo, e de tea de raso branco os de acompañamento da Virxe.
A imaxe da Virxe da Quinta Angustia é unha obra do século XX do imaxineiro Jesús Picón.

PERCORRIDO
Campo da Angustia – Rúa do Rosario – Rúa de Bonaval – Porta do Camiño – Rúa das Casas Reais – Praza de Cervantes – Rúa da Acibechería – Rúa de Tras San Paio de Antealtares– Rúa da Conga – Rúa do Preguntoiro – Praza de Cervantes – Rúa das Casas Reais – Porta do Camiño – Rúa de San Pedro – Campo da Angustia.

Semana Santa 2012: Vía Crucis polo Monte Pedroso

Tue, 27 Mar 2012 13:30:00 +0200

07/04/2012 - 07/04/2012

A parroquia de Santa María a Maior e Real de Sar conmemora a Semana Santa co seu tradicional Vía Crucis polo Monte Pedroso.

O Sábado Santo (7 de abril) celébrase o tradicional Vía Crucis polo Monte Pedroso -ao que están todos os veciños invitados- que partirá ás 10:30 horas de Casas Novas ata o cume do Monte Pedroso. Os penitentes seguirán a senda de cruces situadas dende a faldra do monte ata o cume, como se facía antano, malia que a día de hoxe non estean todas as estacións fisicamente representadas.

Nacemento da Colexiata de Sar

Fri, 14 Dec 2012 11:59:00 +0100

16/12/2012 - 07/01/2013

A Colexiata de Sar abre ao público o seu tradicional Belén de Nadal, formado por máis de 250 figuras e con varias escenas en movemento. O Nacemento -que ocupa en total 64 metros cadrados e está situado no Claustro do templo- estrea este ano novo portal de Belén e reproduce varios momentos da vida cotiá, dende o nacemento de Xesús ou a adoración dos Reis Magos ata a cova cos pastores nas que o anxo anuncia a boa nova, entre outras moitas. Máis de vinte e cinco destas escenas teñen movemento e os seus dous muíños de auga con pedra de moer traballan coa auga do río.

Para a súa posta en marcha, preto dunha decena de veciños do barrio traballaron nos últimos meses para participar dunha tradición que conta con máis de 25 anos de historia. Así, co paso do tempo e a medida que foron aumentando as súas dimensións ao incorporar cada ano novas escenas, o Nacemento tivo que trasladar a súa situación e dende hai uns anos está instalado no Claustro do Templo.

A partir do domingo 16 de decembro estará aberto ao público xeral, en horario de 10:00 a 13:00 horas e de 16:00 a 19:00 horas. Tamén se poderá visitar os domingos, tras as celebracións eucarísticas. O acceso ao Claustro deberá facerse polo museo, no baptisterio da Colexiata.

Sermón das Sete Palabras

Mon, 12 Mar 2012 16:01:00 +0100

29/03/2013 - 29/03/2013

29 de marzo, 12:00 h.

Capela Xeral de Ánimas

Tradicional Sermón das Sete Palabras do Vernes Santo na Capela Xeral de Ánimas.

Visita guiada á Capela Xeral de Ánimas

Sun, 15 Apr 2012 10:13:00 +0200

14/04/2012 - 14/04/2012

A Asociación Profesional CRG da Conservación e Restauración de Bens Culturais de Galicia organiza una visita os recentemente restaurados retablos da Capela Xeral das Ánimas.

O acto, que correrá a cargo da autora do proxecto para a intervención, Ángeles Fernández Santiago, encádrase dentro das iniciativas que está levando a cabo a CRG para difundir o traballo dos seus asociados e dar a coñecer as peculiaridades da labor dos conservadores restauradores.

O encontro será na Capela das Ánimas e nel expoñeranse os resultados dos estudios realizados para elaborar o proxecto de intervención e describiranse os traballos para a conservación da obra. O proceso que foi financiado polo Consorcio da Cidade de Santiago nun programa de investimento, ao longo de catro anos, que permitiu a recuperación deste impresionante e único conxunto artístico.

A Capela Xeral de Ánimas alberga no seu interior nove retablos realizados en estuco de xeso, algo insólito no norte da Península Ibérica, que representan diferentes escenas da Paixón, Morte e Resurrección de Xesucristo. Foron realizados entre 1805 e 1814 por Manuel de Prado e a tradición conta que moitos dos rostros representados foron sacados de veciños santiagueses da época.

O paso do tempo foi deteriorando os retablos, que perderon a maior parte da policromía, sufrindo desperfectos e mutilacións nas figuras. A suciedade e as humidades tamén contribuíron ao seu deterioro polo que durante moitos anos o conxunto escultórico presentaba unha apariencia grisácea e de abandono.

En 2006, o Consorcio de Santiago decidiu proceder á súa recuperación integral, axudando así a devolver o seu aspecto orixinal ao mellor exemplo de neoclasicismo en Santiago. Dous anos e medio de estudo e traballo serviron de base de actuación para o conxunto artístico. Nese tempo o Consorcio asinou un convenio de colaboración co Opificio delle Pietre Dure (OPD) de Florencia e creou un obradoiro de formación para restauradores conservadores, o que permitíu coñecer as dificultades técnicas que encerra a elaboración do estuco de xexo. Os técnicos da OPD centraron a atención no problema de consolidación do estuco. Das conclusións obtidas en colaboración co OPD desenvolveuse un primeiro proxecto para a intervención sobre dous retablos, de tal xeito que éstes serviran de mostra para a elaboración do proxecto definitivo dos sete restantes retablos da Capela das Ánimas. Precisamente en abril de 2009, o Consorcio de Santiago presentaba ao público a espectacular recuperación do primeiro dos retablos, o da Caída. A partir de aí procedeuse á restauración dos restantes retablos. En paralelo púxose en marcha obras de consolidación e eliminación de humidades no exterior da capela. Tamén procedeuse a limpar o grupo escultórico que preside a fachada exterior da igrexa e que representas ás almas no lume do purgatorio, que permitiu recuperar os seus cores orixinais. Por último instalouse un sistema novo de iluminación, que realza os detalles dos retablos.

Programa 'Fai túa Compostela': 'Os espazos claustrais I: San Domingos de Bonaval'

Fri, 15 Mar 2013 12:49:00 +0100

20/03/2013 - 20/03/2013

O ciclo de roteiros guiados 'Fai túa Compostela' programa para esta tarde 'Os espazos claustrais I: San Domingos de Bonaval', unha actividade na que os participantes visitarán un dos espazos claustrais extramuros máis importantes da cidade e coñecerán as súas características arquitectónicas e o seu uso na actualidade.

Saída: Porta do Camiño

** Percorridos de aproximadamente 2 horas e media.

** Destinatarios: Grupos e persoas de todas as idades interesadas en teren unha experiencia formativa e lúdica a través dos espazos naturais e culturais do concello de Santiago.

** Idioma: Galego

** Como participar? Poden participar todas as persoas interesadas que reúnan un mínimo de condicións físicas para camiñar ou se sintan capacitadas para desenvolver a actividade.
Os menores de idade deberán acudir acompañados por unha persoa adulta que se faga responsable deles.
As prazas son limitadas: máximo de 20 persoas por roteiro.

** Data límite de inscrición formal: Ata 72 horas antes do roteiro nos Centros Socioculturais (inscrición previa presencialmente ou por teléfono).

Ata xuño de 2013, a rede de Centros Socioculturais de Santiago pon en marcha un completo programa de roteiros didácticos para todos os públicos que percorrerán a cidade compostelá e as súas parroquias. 'Os gremios de Compostela', 'O castelo da Rocha', 'O Barrio de San Pedro', 'Os balcóns da cidade histórica' ou 'As casas da cidade' son só algunhas das propostas incluídas neste novidoso programa.

Os roteiros abranguerán aspectos da nosa cidade como natureza, historia, arte, patrimonio, literatura ou artesanía.

Cultura Viva é un programa educativo promovido pola Concellaría de Centros Socioculturais e Participación Cidadá a través do que coñeceremos o pasado e o presente artístico e cultural de Santiago, desde a tradición á actualidade. Percorrendo edificios, prazas, carballeiras, camiños, regatos... achegarémonos á paisaxe cultural compostelá, descubríndoa e facéndoa nosa.

Máis info aquí

Semana cultural de Xapón

Tue, 29 May 2012 10:26:00 +0200

04/06/2012 - 07/06/2012

A Casa Galicia Xapón, en colaboración coa Universidade de Santiago de Compostela, organiza durante 4 xornadas consecutivas unha serie de actividades culturais gratuítas que pretenden achegar á nosa sociedade a cultura xaponesa.

SEMANA CULTURAL DE XAPÓN - xuño 2012 na Universidade de Santiago
Entrada: de balde

PROGRAMA

- Día 4
12:30-14:00 h. Proxección da película xaponesa "Cuarteto" (na aula 15 da facultade de Dereito da USC)

- Día 5
20:00 h. Concerto de arpa xaponesa KOTO (na Igrexa da Universidade)

- Día 6
20:00 h. Demostración de cerimonia de té (na Igrexa da Universidade)

- Día 7
19:30-21:00 h. Obradoiro de arte en papel-ORIGAMI (na aula 15 da facultade de Dereito da USC)

Festas patronais no Barrio de Sar

Mon, 13 Aug 2012 18:49:00 +0200

15/08/2012 - 17/08/2012

O barrio de Sar celebra durante 3 días as súas festas patronais en honor a Santa María, San Roque e Santa Mariña con numerosas actividades populares e conmemoracións relixiosas. Este ano, e por primeira vez dende hai case medio século, a Virxe sairá en procesión coroada cun arco floral que os propios veciños recuperaron despois de que se perdese na década dos anos 40.

Utilizando fotografías antigas dun fregués, un grupo de veciños impulsaron a recreación do arco composto por catro columnas de ferro entrelazadas e recubertas con flores de tea.

** 15 DE AGOSTO
Festas en honor a Santa María.

- 09.30 h. 21 bombas de palenque darán o pistoletazo de saída a tres días de celebracións. Pasarrúas e charangas.
- 10.30 h. Misa na Colexiata.
- 11.30 h. Procesión co rezo do Rosario dende o convento da Ensinanza en dirección á Colexiata.
- 12.30 h. Eucaristía na Colexiata cantada pola coral Colexiata de Sar.
- 13.00 h. Sesión vermout coa orquestra Abanico.
- 22.00 h. Verbena coas orquestras Abanico e Paraíso.

** 16 DE AGOSTO
Festas en honor a San Roque.

- 10.30 h. Misa na Colexiata.
- 11.30 h. Procesión dende o convento da Ensinanza.
- 12.30 h. Misa na Colexiata, neste caso cantada pola Coral Colexiata de Sar.
- 13.00 h. Sesión vermout a cargo da orquestra Panamá.
- 22.00 h. Actuación da orquestra Panamá e o grupo Zeltia.

** 17 DE AGOSTO
Festas en honor a Santa Mariña.

- 11.30 h. Procesión dende a Praza da Colexiata ata a Capela de Santasmariñas.
- 12.30 h. Misa solemne cantada pola coral Colexiata de Sar.
- 13.00 h. Sesión vermout a cargo da Orquestra Fania Blanco Show.
- 22.00 h. Actuación da Orquestra Fania Blanco Show e a Orquestra Atenas.

VII Festival de Músicas Contemplativas: Ruta 'Espazos para a reflexión'

Mon, 04 Mar 2013 08:53:00 +0100

15/03/2013 - 31/03/2013