A rede municipal de Centros Socioculturais de Santiago organiza, entre febreiro e decembro de 2012, un variado programa de viaxes e excursións destinados a todo tipo de público.

Máis información e listaxe de viaxes e excursións: aquí

A rede municipal de Centros Socioculturais de Santiago organiza, entre febreiro e decembro de 2013, un variado programa de viaxes e excursións destinados a todo tipo de público.

O programa 'Imos de excursión' consolidouse xa coma un proxecto de lecer que atrae durante todo o ano a variados sectores da poboación compostelá, tanto a persoas individuais como a pequenos grupos familiares que gozan desta variada oferta de viaxes. A iniciativa promove o descubrimento do patrimonio histórico, natural e cultural de Galicia, España e Portugal, e tamén o encontro e o intercambio de experiencias.

Máis información e listaxe de viaxes e excursións: aquí

A Galería Factoría Compostela reúne nun mesmo espazo expositivo 'Proxecto Costa da Morte', de Luis González Palma, Fran Herbello e Graciela Sacco, e 'Crebas', de Manuel Sendón.

**'Proxecto Costa da Morte' é o resultado de invitar tres artistas (Luis González Palma Graciela Sacco, Fran Herbello) a traballar na bisbarra, sen ningunha esixencia narrativa ou descritiva. Non se trataba de realizar tres reportaxes sobre esta zona, senón de convertela en territorio de creación artística, de modo que aparecese reflectida só na medida que eles o determinasen libremente en función dos seus proxectos estéticos.

**'Crebas' de Manuel Sendón. A dureza do mar dá lugar a sucesos sorprendentes. Pero é moito máis sorprendente, sen dúbida, a forma en que son vividos e, sobre todo, en que son relatados posteriormente. Estas imaxes non pretenden describir as crebas, que é como as chaman os que as buscan pola ribeira, senón suxerir. Un intento de achegarse ao potente imaxinario do mar que existe na Costa da Morte.

A sede do Parlamento de Galicia acolle unha exposición retrospectiva sobre a orixe da institución e o autogoberno da Comunidade Autónoma que leva por título 'Aqueles primeiros anos (1981-1989)'. A mostra, de entrada libre e gratuíta, ofrece ao visitante unha visión plural sobre a etapa preautonómica e as dúas primeiras lexislaturas da Cámara lexislativa, explicando o nacemento e desenvolvemento a través dun percorrido documental, fotográfico e audiovisual.

Trátase de 24 paneis e un gran número de fotografías explicativas a través das cales o visitante pode efectuar un percorrido pola historia e as primeiras lexislaturas do Parlamento de Galicia.

Os visitantes que o desexen tamén poden efectuar unha visita guiada á sede do Parlamento de Galicia, concertando unha cita telefónica (981 55 13 00) ou a través da páxina web da institución: www.parlamentodegalicia.es

O Centro Social Novacaixagalicia de Santiago (Praza de Cervantes, 17) acolle ata marzo de 2012 a mostra 'As corres do mar de Galicia', unha selección de medio centenar de sorprendentes fotografías realizadas por José Luis González ao longo da súa carreira como fotógrafo submarino.

'As corres do mar de Galicia' propón ao espectador un fascinante percorrido a toda cor polos exuberantes fondos mariños das costas galaicas, nos que conviven especies coñecidas popularmente, das que descubrimos novas facetas, e outras especies por coñecer. Unha boa oportunidade para redescubrir, a través do ollo artístico de José Luis González, a rica biodiversidade que existe no noso mundo submarino, e sensibilizar á sociedade en torno aos desafíos que se nos formulan en relación coa defensa e o benestar do noso mar e as nosas costas.
Este é un dos grandes obxectivos do Centro interactivo de Educación Ambiental de Novacaixagalicia, Naturnova, que busca dar a coñecer o noso ámbito e concienciarme da necesidade de preservalo. Dende o ano 2003, o Centro Naturnova, situado en Vigo, achega á cidadanía o noso medio e as curiosidades da natureza de forma lúdica, dinámica e participativa. O seu obxectivo é facer reflexionar o visitante sobre cal é o noso papel na conservación e mellora do noso ámbito e a importancia de evitar a súa degradación, analizando os problemas do noso planeta e fomentando a implicación dos cidadáns na busca de solucións.

O medio mariño ocupa un lugar relevante dentro dos módulos que integran Naturnova, xa que é un dos elementos fundamentais da identidade galega, tanto a nivel paisaxístico coma no ámbito económico.

Ao longo dos seus máis de 25 anos como fotógrafo do mundo subacuático de Galicia, o artista de orixe galega José Luis González acumulou importantes premios e recoñecementos ao seu labor profesional. No apartado internacional, recibiu a Medalla de Prata e o primeiro premio por Equipos no VII Campionato do Mundo de fotografía submariña de Noruega de 1998. Tamén foi galardoado na Bienal Europea de Fotografía submariña, no concurso fotográfico de National Geographic de 1995, no certame BC-BBG Wildlife de 1999, 2000 e 2001, e no IX Campionato do Mundo de Fotografía Submariña de Marsella de 2002. En canto aos galardóns nacionais, foi premiado no Campionato de España de fotografía submariña de 1993 e 1997, recibiu en 2002 a Medalla de Ouro ao Mérito Deportivo da Federación Española de Actividades Subacuáticas, e a Real Orde do Mérito Deportivo Medalla de Bronce Consello Superior de Deportes.

A Agrupación Fotográfica O Potiños, composta por Hector Guzmán, J. L .Diz, Juan Rúa, Luisa Lorenzo, Manolo Celta e Mila Fernández, presenta no Centro Sociocultural da Trisca un percorrido polo parque do Carballiño en pleno inverno.

Os fotógrafos-camiñantes recollen nunha serie de imaxes toda a quietude do entorno natural desta vila ourensá ó tempo que as follas mortas das árbores fan de alfombra e os musgos do inverno danlle ese contraste de colorido verde, misturado cos amarelos e vermellos de algunhas especies de árbores foráneas. É a propia esencia do parque en contraste co verán e especialmente coa celebración da Festa do Polbo.

A mostra bibliográfica 'A Isaac Díaz Pardo “In memoriam”', que durante todo o mes de febreiro ocupará o hall da Biblioteca Pública Ánxel Casal, pretende render homenaxe ao ilustre intelectual galego recentemente falecido.

A Fundación Araguaney-Puente de Culturas quere facer visible o labor dos fotoxornalistas nunha exposición na que unha trintena de profesionais gráficos de toda Galicia mostran imaxes aparecidas en prensa ao longo do ano 2011.

A mostra parte con dous obxectivos principais: recoñecer o labor dos reporteiros gráficos galegos e mostrar os mellores momentos do pasado ano a xuízo dos seus autores. Esta iniciativa da Fundación Araguaney pretende render un merecido recoñecemento a todos aqueles que, no desempeño deste oficio, poucas veces teñen a posibilidade de visibilizar o seu traballo identificado con eles. A mostra pretende así deixar constancia das mellores instantáneas do 2011 dende a perspectiva dos seus autores.

A exposición itinerante 'Un canto e unha luz na noite. Asociacionismo cultural en Galicia (1961-1975)', ideada e organizada polo Consello da Cultura Galega en colaboración coa Fundación 10 de marzo, rescata e destaca en vinte paneis explicativos o papel dinamizador e transformador dos axentes e das asociacións culturais en Galicia nos últimos quince anos da ditadura franquista. Arranca en 1961, ano de creación en Compostela da primeira asociación cultural galega “O Galo”.

Na presentación do libro-catálogo o presidente do Consello da Cultura Galega, Ramón Villares, salienta que a mostra “foi ideada para recoller, recoñecer e difundir o traballo das xentes e os colectivos pioneiros do asociacionismo cultural, rescatando ese seu legado da brétema do tempo, activando a memoria e incorporando eses activos a este tempo noso”. E engade: “Para cumprir ese obxectivo terá a mostra carácter itinerante pola Galicia que as entidades asociativas propulsoras da cultura converteron en argumento para o estudo e o coñecemento e en argumento para a reflexión e a transformación da sociedade”.

O comisario da exposición, Ricardo Gurriarán, chama a atención o xeito de traballo das asociacións culturais daquel tempo, que resume nunha metodoloxía integradora e na súa penetración no tecido social. Subliña tamén o feito de que “co seu quefacer tenaz e unha metodoloxía de prudencia moi acaída, malia os numerosos atrancos que impoñía a ditadura, aquelas asociacións culturais dos anos sesenta e setenta e os seus axentes deron os primeiros pasos na construcción dunha cultura nacional ao servizo dunha cidadanía de país, en constante pulso coas instancias do Réxime”.

Gurriarán lembra que a mostra baséase nunha importante recolleita de material, máis de vinte mil documentos escaneados -depositados agora no Consello da Cultura Galega a disposición dos investigadores- e en entrevistas con duas ducias de persoas relacionadas con aquela dinámica asociativa. Elaborouse asemade un libro-catálogo no que 19 autores analizan outras tantas facetas daquel legado asociativo orientado á defensa e á promoción da lingua e da cultura de Galicia. Figuran aí as contribucións de Antón Snatamarina, Henrique Harguindey, Camilo Nogueira, Xosé Luís Chao, Xosé Carlos Sierra, Lalo Gutiérrez, Manuel Lourenzo, Tino Caamaño, Alfonso Vázquez Monxardín, Antón Costa, Miguel Anxo Seixas, Manuel F. Rodríguez, Euloxio R. Ruibal, Elías Torres, Martinho Montero, Luíos Álvarez Pousa, Xesús Alonso Montero, Xosé María G. Palmeiro, Manolores Villanueva e  Manolo Caamaño.

A exposición, conformada por 20 paneis explicativos, detalla e ilustra o contexto sociopolítico e cultural, os antecedentes do asociacionismo, o xurdimento asociativo, a organización do traballo, as relacións co exterior e o exilio, o asociacionismo como primeira fase da normalización cultural, “O Galo” (Compostela, 1961), “O Facho” (A Coruña, 1963), a Asociación Cultural de Vigo (1965), o asociacionismo en Pontevedra, Ourense e Lugo, a eclosión asociativa no exterior (1967-1968), a vida asociativa, a lingua, o teatro, o libro, a liturxia, a música, a cinematografía e a plástica, os medios de comunicación e a política. Un accionar polìtico que, pouco despois, se orientaría prioritariamente á dialéctica da conquista da autonomía e a recuperación das liberdades e os dereitos democráticos, nalgunha medida debedores deses e doutros esforzos e contributos anteriores.

O resultado do traballo de análise do Grupo Etnográfico das Mariñas sobre o traxe tradicional muradano exhíbese ata o mes de xuño no Museo do Pobo Galego.

A mostra está integrada por pezas e recreacións fidedignas de traxes de loito, de festa e cerimonia, xunto con fotografías familiares que datan entre mediados do século XIX ata os anos vinte do século pasado.

Talvez sexa polo seu illamento xeográfico que a vila de Muros gardou e conservou durante séculos as súas tradicións e costumes, entre elas, o seu afamado traxe. O primeiro impacto é de asombro pola súa beleza, elegancia e, sobre todo, pola súa sinxeleza, pero non podemos esquecer que está integrado nun contexto sociocultural no que cobra pleno sentido: unha economía complexa de autosuficiencia, da pesca e fabricación da sardiña, enriquecida co foráneo que chegaba polo mar, e que recorría a traballos recíprocos, colectivos e de balde, cunha forte carga lúdica e de sociabilidade.

Este contexto é unha clave fundamental para entender esta indumentaria e relacionarnos co seu ambiente: moitas veces a mesma rapaza muradá que cultivou o liño, que fiou a la das súas ovellas era muller dun lobo de mar, vendía peixe, arranxaba a casa e bordaba tanto o enxoval coma os panos ou garabatas que logo poría nos días das festas locais de San Pedro, Corpus, Reis ou o Carme. Neste contorno o traxe evolucionou día a día, e desenvolveu as características que o individualizan, e é por esta razón que é entendido como un espello dun modo de vida tradicional. particularmente da identidade da Vila de Muros e, en xeral, da vida galega.
 
A mostra é froito dun traballo de recollida de campo in situ, e está integrada por pezas e recreacións fidedignas de traxes de loito, de levar a cote, de festa e cerimonia, xunto con fotografías familiares cedidas polas casas, que datan entre mediados do século XIX a máis antiga ata os anos vinte do século pasado, onde podemos ver e apreciar o traxe en todo o seu esplendor. Todo un extenso e rigoroso labor que está recollido no libro O Traxe Muradán.

Con motivo da celebración, o 17 de maio, do Día das Letras Galegas, a Biblioteca pública Ánxel Casal rende homenaxe ao escritor Valentín Paz Andrade por medio dunha mostra bibliográfica que poderá ser visitada durante todo o mes de maio en horario de apertura da Biblioteca.

Lugar da mostra: 2º andar

Con motivo da celebración do seu 25 aniversario, a Libraría Komic organiza unha exposición no centro Sociocultural e Xuvenil O Ensanche cos orixinais da banda deseñada 'Castelao o pobre tolo', de Inacio Vilariño e Iván Suárez.

Ata mediados do mes de xuño, a Fundación Granell acolle a mostra 'Encadernando', unha exposición organizada pola Consellería de Economía e Industria a través da Fundación Centro Galego da Artesanía e do Deseño, que achegar á sociedade o traballo dos artesáns galegos, contribuíndo á súa promoción e posta en valor.

'Encadernando' é unha antoloxía de pezas e de creadores de encadernación artesanal elaborada en colaboración coa Asociación Galega de Encadernación de Arte (AGEA), coa que se representa a gran diversidade existente neste oficio en Galicia. O exquisito traballo cos diferentes materiais, así como o uso dunha variedade de técnicas artesanais, contribúen a facer da encadernación unha actividade económica na que os artesáns galegos son un referente a nivel nacional e internacional.

A mostra 'Encadernando', que se pode ver na Fundación Granell tras o seu paso pola Coruña, está formada por 26 pezas coas que se mostra como a encadernación contribúe a converter os libros en pezas de gran beleza estética, persoal e única. As obras foron elaboradas por sete profesionais da encadernación inscritos no Rexistro Xeral de Artesanía da Xunta, e que representan, polo tanto, a marca Artesanía de Galicia.

Do cultivo do liño no Val de Vea sabemos por diversas fontes que dan fe da súa importancia, igual que a elevada produción está testemuñada pola existencia dun trillo para o liño no lugar de Curuxeiras (Santeles). Pero é o instrumental máis miúdo,espadelas e espadeleiros, o que, unido ao anterior, nos dá unha idea da importancia económica da produción do liño e do seu alto valor social no que concorren as relacións de veciñanza que levan parellos os traballos comunitarios.

O traballo de transformación do liño, case exclusivamente feminino, era un proceso moi longo e laborioso que requiría un grande esforzo por parte de numerosas persoas. Consta de catro fases principais: o cultivo e a colleita, a obtención da fibra, a transformación en fío e a elaboración de tecidos. Na maioría das fases o volume de traballo era tal que as mulleres da casa non eran suficientes para afrontalo, razón pola que pedían axuda ás parentes e veciñas. Estas xuntanzas, baseadas na reciprocidade e na gratuidade, remataban sempre nunha festa á que acudían os mozos e a veciñanza, converténdose nun acontecemento social, sobre todo para as mulleres, pola vinculación do seu lecer cos traballos colectivos femininos.

Cada muller acudía ás espadelas levando a propia ferramenta, espadela e espadeleiro, profusamente adobiadas cos máis diversos motivos decorativos (rosáceas, soles, rodas, abanos, cordóns, custodias e corazóns con incrustacións de cristais e espellos) e con policromía variada. Non cabe dúbida de que esta ferramenta tamén outorgaba certo prestixio social á propietaria, que a amosaba nas concorridas espadelas e presumía da súa feitura.

Para estas mulleres a súa ferramenta contaba cun valor engadido: o feito de tratarse de obxectos que pasaban de xeración en xeración. Algúns, regalos de mozos coma sinal de compromiso, outros encargados a carpinteiros da zona e, nas casas de menos recursos, algún membro da familia –pai, tío, avó ou irmán– copiaba agarimosamente os modelos dos carpinteiros simplificando tallas e motivos.

Esta mostra pretende, pois, dar testemuño dunha singular manifestación, xa non só laboral, senón tamén artística, onde a cultura popular aínda garda sorpresas.

A galería de arte Espacio48 presenta ata mediados do mes de xullo a exposición “Finis Terre” de Marta Moreiras, unha nova fotógrafa compostelana que vive dacabalo entre Londres e Santiago.

Marta Moreiras (Santiago de Compostela, 1981), é unha fotógrafa que vive dacabalo entre Londres e Santiago de Compostela. Os seus proxectos deambulan entre a fotografía documental e a arte, xa que as súas obras non só se constitúen nunha evidencia respecto da realidade, se non que exploran os límites que hai entre o real e o ficticio. Deste xeito, Marta Moreiras consegue que o espectador non só perciba a imaxe en si, senón que senta a emoción que emana a súa representación e reflexione sobre a mesma. En 2009 cursa o Máster en Fotoperiodismo e Fotografía Documental da UAL (University of the Arts London). Esta formación representa un punto de inflexión na súa carreira, xa que é a partir de entón cando comeza a desenvolver proxectos que combinan unha base documental cunha aproximación conceptual da realidade. O seu traballo expúxose en España, en Gran Bretaña e nos Estados Unidos, entre outros lugares.

“Finis Terre” é un proxecto artístico-documental que explora os límites entre mito e realidade a través da fotografía e o son. O escenario elixido é Galicia, un lugar onde a lenda fúndese coa historia e a ficción confúndese coa realidade desde a orixe dos tempos. Marta Moreiras aposta por unha paisaxe contemplativa e silenciosa, representada naqueles lugares que permanecen impasibles ante o caos, alleos a calquera alteración que os desvirtúe. Deste xeito, consegue atrapar a través da súa cámara un instante concreto, deteno e conxélao no tempo, e aprisiona ese momento único e irrepetible para sempre, e tal e como reflexionaba Roland Barthes sobre a fotografía, grazas a este xesto “permite repetir mecanicamente o que nunca poderá repetirse existencialmente”. Aproveitándose das incontables posibilidades que ofrece a fotografía, Marta Moreiras logra facernos partícipes dun momento máxico que lonxe de quedarse no esquecemento, podemos volver gozar ata nun espazo pechado como é a sala expositiva dunha galería de arte.

As suxerentes e misteriosas imaxes que se presentan en caixas de luz rodeadas dunha atmosfera visual e sonora creada especificamente para a mostra, irradian unha forza magnética que atrae a nosa mirada. Unha mirada que viaxa a escenarios reais pero ao mesmo tempo cargados da fantasía onírica que se
produce durante as noites de lúa chea, e que vai máis aló da apreciación humana. Esta sensación apóiase á súa vez no complemento sonoro que envolve o espazo, un elemento decisivo que funciona como o verdadeiro catalizador nunha viaxe onde a percepción non ten límites. O son corre a cargo do músico e sound artist Marc Bonet (Barcelona, 1982). A súa obra explora temas de comunicación abstracta, percepción e a interrelación entre realidade, ilusión e identidade cultural.

Segundo a propia autora “Finis Terre volve á orixe da paisaxe contemplativa e rende homenaxe a unha rexión onde a natureza recorda constantemente a quen a habita que a súa forza e o seu dominio son superiores a calquera cousa imaxinada”. E como consecuencia destas intencións, na exposición ten un gran protagonismo o pracer visual que se produce ao descubrir dita natureza dunha forma tan auténtica e inusual.

Ata mediados do mes de setembro, o centro cultural Novacaixagalicia de Santiago ofrece un repaso pola obra de Eugenio Granell repartida en coleccións institucionais e privadas. 'O espello do pintor. Eugenio Granell nas coleccións institucionais galegas' recolle, ao longo de 77 obras, todas elas pertencentes aos fondos de diferentes institucións galegas, toda a traxectoria pictórica de Granell: o encontro con André Breton, os seus primeiros pasos como pintor, a influencia de Picasso e a idea da metamorfose, as súas «Paisaxes máxicas» de Nova York, o encontro coa figura humana nos anos setenta, os paxaros como símbolos do seu universo máis íntimo, o mundo da literatura e da palabra, as mulleres, as construcións e o seu espello de pintor dos últimos anos.

Os fondos que alimentan a exposición pertencen á Fundación Granell, Consellería de Cultura Xunta de Galicia, Consorcio de Santiago, Auditorio de Galicia, Deputación da Coruña, Fundación María José Jove, Museo de Pontevedra, Museo Carlos Maside de Arte Contemporánea, Museo de Arte Contemporánea Gas Natural Fenosa, Novagalicia Banco e Novacaixagalicia.

Por toda a xeografía galega celébranse anualmente máis de mil festas, tanto gastronómicas, como relixiosas como tradicionais. Todas son diferentes e teñen o seu espírito. Esta exposición trata de amosar con grandes fotografías panorámicas as festas máis destacadas de Galicia.

A mostra está baseada no libro 'Festas de Galicia', que contén todas as principais festas declaradas de interese turístico pola Consellería de Turismo de Galicia.

O Pazo de Xelmírez acolle a exposición titulada 'O Códice Calixtino', unha mostra didáctica que ofrece a posibilidade de contemplar durante uns días o orixinal deste manuscrito do século XII e coñecer o seu contido.

A mostra conformouse tras a localización a principios do mes de xullo do Códice Calixtino, que fora roubado hai un ano da Catedral de Santiago e que pasou 12 meses oculto nun garaxe do Milladoiro.

Durante os primeiros catro días da exposición, o orixinal do Códice estará depositado nunha urna antibalas, fabricada especialmente para a ocasión. A continuación será substituído por un facsímile. No Pazo de Xelmírez quedarán tamén ata fin de ano os paneis informativos sobre distintos elementos do Códice e unha versión dixital que permite coñecer, páxina a páxina, este libro.

Ademais de paneis informativos, os asistentes poderán ver un facsímile do Tumbo A e o orixinal da Historia Compostelá de Diego Xelmírez, do século XV, aberto pola páxina na que fala do Códice Calixtino. Así mesmo, tamén están presentes traducións da peza e estudos sobre esta.

Ata finais do mes de outubro, o Museo do Pobo Galego presenta a mostra 'Suite Galicienne', unha colección de fotografías realizadas polo artista Claude Le Gall.

"Eu nacín bretón, ao bordo do mar, na costa setentrional de Finistère, pero por veces penso que en lugar de se ter detido en Armórica, os meus ancestros, sen dúbida chegados de Cornualles ou de Gales, ben poderían ter continuado deica Galicia.

Antes de pisar terras galegas, dedicárame a fotografar durante varios anos a vida cotiá en Irlanda, antes de que o desenvolvemento económico dos anos 90 modificase considerablemente o país. En Galicia atopei unha atmosfera semellante, que me lembraba a Bretaña da miña infancia.

Desde aquel ano de 1987 ata hoxe puiden contemplar moitos cambios en Galicia: a apertura ao turismo de masas, por exemplo. No entanto, as tradicións mantéñense vivas e a hospitalidade dos galegos apenas mudou. Iso é o que me fai volver case todos os anos."

Grial, 187, xullo-setembro 2010.

A Cidade da Cultura organiza ata principios de xaneiro de 2013 unha exposición irrepetible con doce xoias da produción documental da Igrexa na Idade Media.

'Códices, xoias das catedrais galegas na Idade Media' propón unha inmersión nunha Idade Media afastada dos tópicos oscurantistas; unha Idade Media de luminosidade e desenvolvemento cultural, de miniaturas, imaxes, cores, manuscritos e imprentas... Folios e pergameos que translocen toda unha organización social, económica e política. A viaxe levará ao visitante polas principais mostras de códices e libros medievais entre os séculos X e XV, con exemplares únicos en Europa, como o Códice Calixtino e os diversos tombos, o primeiro libro impreso en Galicia, caso do Misal Auriense, ou magníficas copias miniadas, como a Legenda Maior ou o Pasionario Tudense.

Todo un percorrido formulado dende a sinxela dobre perspectiva do coñecemento e do desfrute, e facendo sempre fincapé na importancia, individualidade e particularidade de cada un dos volumes.

Unha exposición irrepetible con doce xoias da produción documental da Igrexa na Idade Media que se mostran ao público en todo o seu esplendor:

Códice Calixtino (½ s. XII)
Tinta sobre pergameo
31,0 x 28,4 x 6 cm

Breviario Auriense (S.XV)
Tinta sobre pergameo
25,0 x 19,0 cm

Libro X de Pergameos Reais (Séculos X-XV)
Tinta sobre pergameo
61 x 56 x 6,5 cm

Tombo A (Cc. 1130-1140)
Tinta sobre pergameo
49,4 x 35,4 x 3,7 cm

Tombo Pechado (Ss. XIV-XV)
Tinta sobre pergamiño
34,5 x 24,5 x 9,0 cm
   
Misal Auriense (1494. Monterrei)
Impreso sobre vitela
34 x 24 x 8,5 cm

Pontifical de Tui (Século XIV)
Tinta sobre vitela
33 x 22 cm

Legenda Maior (Finais s. XIII-comezos s. XIV)
Tinta sobre pergamiño
15,0 x 11,0 x 2,5 cm

Libro XI de Bulas Papais (Séculos XII-XV)
Tinta sobre pergameo
61 x 56 x 6,5 cm

Pasionario Tudense (Primeiro terzo do século XIII)
Tinta sobre pergameo
45,7 x 29,5 cm

Breviario de Miranda (½ s. XV)
Impreso sobre vitela
21,7 x 17,2 x 10,4 cm

Historia Compostelá (S. XVI)
Tinta sobre papel
29,8 x 23,3 x 8,3 cm

Coincidindo coa Semana Santa, e durante dúas xornadas, o claustro do Pazo de Fonseca acolle a exposición 'Camelia, flor de Galicia', unha mostra que reúne os máis fermosos exemplares desta flor emblemática de Galicia, onde chegou no século XV procedente de Oriente para adornar os pazos e casas señoriais da nobreza e que hoxe pode contemplarse na maior parte dos xardíns e parques públicos e privados da comunidade.

A exposición, na que participan máis de 20 viveiristas e coleccionistas de toda a comunidade, céntrase nas distintas variedades de camelia e está organizada por Turgalicia en colaboración coa Sociedade Española da Camelia, o Concello de Santiago e a Universidade de Santiago.

A mostra, ademais, dá a coñecer a denominada Ruta da Camelia, unha viaxe a unha variedade de xardíns, públicos e privados, que poden ser visitados e que presentan o seu mellor aspecto no momento de floración dos camelios, que ten lugar nos meses de novembro a marzo.

Nas inmediacións de Santiago, destacan os exemplares de "camelia reticulata" dos Pazos de Oca e Santa Cruz de Ribadulla, quizais os máis antigos de Europa, con pazos e paisaxes dunha elegante decadencia, auténticos xardíns botánicos creados con esmero e sabedoría, que figuran entre os máis destacables de España, verdadeiramente imprescindibles. Para coñecelos, recomendámosche esta excursión organizada de medio día: "Ruta da Camelia: Pazos de Ribadulla e Oca".

En Santiago de Compostela podemos ver camelias en diversos parques e xardíns: as máis espectaculares sitúanse no parque da Alameda, o parque de Belvís, o parque de San Domingos de Bonaval e no xardín da Praza de Fonseca. Tamén destacan as camelias do Parlamento de Galicia, as do Pazo de San Lourenzo de Trasouto, as do Campus Universitario Sur, as da Rúa da Trinidade ou as do Hostal dos Reis Católicos.

A Alameda, unha das zonas verdes máis importantes e con máis historia da cidade, conta con magníficos exemplares de camelias, entre os que poden encontrarse representación de diversas variedades: Camellia japónica, Camellia sinensis, Camellia reticulata e Camellia sasanqua.

Pola súa banda, o Parque de Belvís conta cos chamados "Labirintos de Camelias", tres espazos sumamente singulares e case únicos, xa que a especie non adoita empregarse para este tipo de formacións xeométricas.

No parque de San Domingos de Bonaval, na zona que antigamente ocupaba a horta onde os monxes cultivaban diversas especies aromáticas, poden admirarse tamén fermosos exemplares de camellia japónica. Merecen mención, así mesmo, as camelias situadas no xardín da Praza de Fonseca, en pleno corazón do casco histórico e a moi poucos metros da Praza do Obradoiro.

+ información sobre camelias e sobre parques e xardíns de Santiago de Compostela en:
Centro de Información Municipal de Parques e Xardíns
Parque da Alameda. T: 650 125 589
Horario: luns a venres, 9:00-14:00 h.

+ información Ruta da Camelia:
Turgalicia

O Museo do Pobo Galego garda nos seus fondos unha interesante colección de mapas antigos. Nesta exposición mostramos os mapas de Galicia, como unidade diferenciada, pertencentes á colección de Clodio González Pérez, mestre, etnógrafo e patrón do Museo do Pobo Galego. A exposición pretende facer un repaso pola historia da cartografía para ver como se vai representando Galicia e a evolución desta representación ata os comezos da cartografía oficial.

Todos sabemos que un mapa é unha representación a escala dunha superficie terrestre que posibilita unha lectura global, e desde unha dimensión humana, do conxunto dos elementos que configuran ese territorio. O mapa convértese así nun gran colector de información e un elemento necesario na vida humana, tanto para os cidadáns, que podemos utilizalos cando queremos desprazarnos ou localizar algún lugar, como para a administración pública, que os precisa para unha mellor planificación e xestión do territorio, desde a creación de novas infraestruturas ata a conservación das mesmas, pasando pola ordenación do territorio ou fomento do turismo.

Mais a realización dos mapas foi cambiando xunto á evolución das técnicas de reprodución e o progreso social. Pasaron de ser unha arma secreta do poder, que permitía un mellor control dun territorio, a ser un elemento de información preciso para a cidadanía, un elemento cunha dimensión sociopolítica.

Pero os mapas deixan de ter a utilidade práctica para a que foron concibidos. Entón, podémolos contemplar atendendo aos intereses de cada quen, mais sempre nos atraerán pola súa imaxe visual, pola información que nos dan do pasado, pero tamén porque son unha expresión do sentimento de orgullo local.

Cartografía nos fondos do Museo do Pobo Galego
Colección Clodio González Pérez

Abre a mostra o mapa de Fernando Ojea, Descripcion del Reyno de Galizia, que aparece publicado no atlas Theatrum Orbis Terrarum de Abraham Ortelius a partir da edición de 1603. É o primeiro no que aparece Galicia como espazo particular de representación, fixando unha imaxe da mesma. Ata entón só a costa galega fora representada nas cartas náuticas, como nas de Lucas Jansz Waghenaer.

Deste mapa fanse posteriormente varias edicións nas que se vai retocando o perfil da liña de costa, corríxese o percorrido do río Miño ou queda trazado o límite oriental de Galicia no río Navia. Na exposición pódense ver distintas edicións.

O percorrido continúa coa cartografía do italiano Giacomo Cantèlli da Vignola ou de Tomás López, entre outros, para rematar cos inicios da cartografía oficial e pasando tamén polos mapas que representan as vías de comunicación, desde os vellos camiños reais ata proxectos non realizados de vías férreas, ou mapas de estradas, algúns utilizados tamén como soportes de propaganda turística.

A Praza de Mazarelos acolle esta noite 'By Galicia', unha sesión na que se proxectarán as mellores curtametraxes galegas do pasado ano.

PROXECCIÓNS

- Rural Pretérito
Sonia e Miriam Albert Sobrino
Experimental, Documental / España / 2010 / 6'47''
- Gato Encerrado
Peque Varela
Animación / España, Argentina / 2010 / 12'30''
- Mañana Me Voy / Mañán Voume
Gael Herrera
Ficción / Galicia / 2011/19'52''
- Un Día Normal
Alex Sampayo
Ficción / Galicia / 2010 / 11'40''
- Amigos del Género Humano
Javier Camino
Vídeo Musical / Galicia / 2010 / 3'25''
- Tourettes
Martín Fiallega
Ficción / Galicia / 2010 / 18'18''
- Polaroids
Javier Álvarez
Experimental / España / 2011 / 6'00''

+ info: www.curtocircuito.org

O Salón de actos da Biblioteca Pública Ánxel Casal acolle esta tarde, en colaboración co CGAI, a proxección dun documental histórico filmado en Galicia no ano 1929.

'Un viaje por Galicia 1929'

Director: Luís R. Alonso
Duración: 105 minutos
Ano de producción: 1929

O Salón de actos da Biblioteca Pública Ánxel Casal acolle esta tarde, en colaboración co CGAI, a proxección dun documental histórico filmado en Galicia no ano 1958.

'Un viaje por Galicia (1958)'

Tipo: Documental
Autor: Manuel Arís
Duración: 110'
Ano: 1958

SINOPSE
Realizado en tres etapas, entre 1953 e 1958, na medida en que o autor viaxaba a Galicia e ía recompilando material. A película arranca en Bos Aires, sendo unha excursión polas catro provincias galegas, onde non faltan festas e romarías. Restaurado polo CGAI.

O Cineclube de Compostela acolle esta noite unha sesión especial construída arredor de Galicia, o filme incompleto de Carlos Velo que foi recuperado, en parte, en decembro de 2010. A sesión estará composta polo estudo 'Galicia 1936-2011. Estudos sobre o filme de Carlos Velo' (Ramiro Ledo / Pablo Cayuela, Galicia, 2011), á que acompañará a curtametraxe 'Vertov en Blum. Unha investigación' (Vertov in Blum. An Investigation, Adelheid Heftberger / Michael Loebenstein / Georg Wasner, Austria, 2009). A sesión, que vai estar presentada por Pablo Cayuela e Ramiro Ledo, terá lugar no lugar e horario habituais, ás 21:30 no CS O Pichel (Santa Clara, 21).
 
Carlos Velo remata de montar Galicia en 1936, o ano en que estoupa a Guerra Civil. Mais a fita perdeuse na fronteira con Francia ao remate da contenda. Entre as ruinas del castelo de Figueres, o produtor cinematográfico Fernando Gamboa encontrou unha copia de 8 minutos, que se exhibiu nas Xociviga en 1985 e que era, até hai moi pouco, a única pista deste filme histórico. Mais en 2009, as pescudas para a elaboración de Liste pronunciado Líster, Margarita Ledo Andión detecta imaxes capturadas en Galicia no filme soviético Spanija, de Esfir Shub, apuntando a unha orixe veliana. E un ano despois, o profesor ruso Vladimir Magidov descubre unhas cinco horas de cinema español depositado nun arquivo de Moscú. No medio dese material, máis de vinte minutos de Galicia revolucionaban a historia do cinema galego.

O traballo de edición sobre as distintas fontes que conteñen imaxes de Galicia permitiu a Pablo Cayuela, Ramiro Ledo e Margarita Ledo achegar, en marzo de 2011, unhas primeiras conclusións sobre as bobinas recuperadas polo profesor ruso Vladimir Magidov. Nesta sesión poderemos visionar parte dese labor de reconstrución, presentado polos seus autores, e considerar conxuntamente as diversas fugas e contradicións derivadas da montaxe hipotética dun dos principais piares do cinema feito en Galicia.

Galicia 1936-2011 consta así de tres estudos. Os dous primeiros están orientados a demostrar as conexións entre as tres fontes onde se encontran imaxes de Galicia. O terceiro consiste nunha proposta de montaxe, baseada nos indicios atopados durante a edición e a comparación das fontes, e tamén nos datos ou declaracións que se conservan do propio Velo falando sobre a montaxe de Galicia. Logo da presentación abriremos o debate para quen queira facer algunha achega ou discutir as conclusións expostas.

Xunto con este estudo, proxectaremos tamén a curtametraxe Vertov en Blum. Unha investigación, de Adelheid Heftberger, Michael Loebenstein, Georg Wasner. Conectada coa obra sobre Galicia polo uso de material alleo e a investigación sobre as coincidencias entre fitas, Vertov en Blum reflexiona sobre as coincidencias e influencias entre a obra de Dziga Vertov e a do cineasta Albrecht Viktor Blum.

A vindeira semana, o Cineclube de Compostela continuará coa reflexión sobre o cinema coa proxección de Chaplin descoñecido. Os meus anos máis felices (Unknown Chaplin. My Happiest Years), o primeiro capítulo da serie televisiva de Kevin Brownlow e David Gill sobre o traballo de Charles Chaplin.

O filme vai ser proxectado na súa versión orixinal. A entrada é de balde, puidendo adquirir un bono axuda para colaborar co Cineclube. O Cineclube tenta ser unha asociación autoxestionada, polo que para manter o noso funcionamento, propoñemos unha aportación económica persoal, cunha cota mensual de 5 euros para traballadoras e de 3 para estudantes e paradas. Os socios e socias poderán dispor do fondo do Cineclube antes das proxeccións, os mércores de 21:00 a 21:30.

Novacaixagalicia proxecta a película de animación galega O apóstolo no seu Centro Cultural de Santiago de Compostela da rúa do Vilar durante os vindeiros 18, 19, 20, 25, 26 e 27 de xaneiro. A hora da sesión, ás 20.00 h, é común para todos estes días. As entradas terán un prezo de 3 € e, con elas, os asistentes ao filme poderán participar no sorteo dunha viaxe para dúas persoas a través do Camiño de Santiago, partindo de Sarria.

A fundación súmase a esta iniciativa como parte da súa estratexia de apoio e promoción ao cinema e á industria audiovisual galega. A entidade colaborou, ademais, no proceso de produción da banda sonora do filme a través do seu Orfeón Terra A Nosa.

'O Apóstolo', de íntegra produción galega e con subtítulos en inglés, ten entre os seus méritos ser a primeira película europea realizada en animación stop-motion estereoscópica, ademais de ter comezado o seu percorrido internacional o pasado mes de xuño no Festival Internacional de Cine de Moscova, que por primeira vez presentou unha fita de animación para competir na Sección Oficial. Recibiu tamén o Primeiro Premio no Festival EXPOTOONs de Bos Aires, o galardón audiovisual máis recoñecido de América Latina, e o Gran Prix do Festival CINEHORIZONTES de Marsella. Estes galardóns avalan a calidade desta película que conta coa interpretación de actores como Geraldine Chaplin, Jorge Sanz, Paul Naschy, Carlos Blanco, Luís Tosar, Celso Bugallo, Isabel Blanco ou José Manuel Olveira, Pico. Todos eles defenden unha historia na que un convicto recentemente fuxido do cárcere tratará de recuperar un botín agochado, anos atrás, nunha solitaria e afastada aldea; pero o que alí encontrará supón unha condena aínda maior da que fuxiu. Sinistros anciáns, estrañas desaparicións, espíritos, un peculiar sacerdote e ata o mesmo arcipreste de Santiago cruzarán os seus camiños nun relato de terror, humor e fantasía. Nos catro anos que durou a produción do proxecto déronse cita profesionais da talla de Philip Glass, que participou na composición da banda sonora, ou os máis de cen técnicos internacionais que participaron en películas do nivel de A noiva cadáver, Coraline ou O señor dos aneis.

Máis información en www.obrasocialncg.com / www.oapostolo.es ou en Artefacto Producciones (695799798).

Durante unha semana, o Hostal dos Reis Católicos acolle a celebración da Galicia Fashion Week, cun amplo abano de desfiles e exposicións. Pese a súa xuventude, o evento tense consolidado como a plataforma para a presentación das últimas tendencias de autor dos sectores da moda e dos complementos de Galicia. Nesta edición participan 35 deseñadores galegos.

**5 de novembro
19 h. Hostal dos Reis Católicos
Desfile Galicia Moda
Pase de moda de deseñadores galegos. Cocktail final.


**6 de novembro
19 h. Hostal dos Reis Católicos
Desfile Zona E / Zona Zero
Pase de moda de deseñadores galegos. Cocktail final.

Máis información: www.semanadelamodadegalicia.com

O Music Way tomará este ano o relevo do Rock in Way, apostando por darlle continuidade a un festival rock de primeiro nivel en Galicia. Celebrarase o venres 28 e o sábado 29 de setembro no Recinto feiral de Amio e vaino facer cun cartel encabezado por dúas espectaculares bandas de rock: os combativos e incombustibles Manic Street Preachers (venres 28) e os enérxicos The Hives (sábado 29).

Os galeses levan máis de dúas décadas regalándonos algúns dos mellores himnos do rock alternativo británico, mentres que os suecos son uns dos principais responsables do rexurdir do garaxe-rock no século XXI. Encabezan un cartel que se completa con máis bandas internacionais e con grupos como Layabouts ou os galegos Heredeiros da Crus, Holywater, Maryland e Munich.

Toda a info aquí

Setenta e tres tendas da cidade abren esta noite as súas portas ao público, nunha xornada de compras nocturnas na que cada establecemento ofrece unha promoción ou actividade específica, que inclúe dende descontos ata degustacións, co obxecto de presentar os seus produtos e incentivar as vendas.

A Compostela Fashion Night, patrocinada pola Concellería de Comercio e coa colaboración de Acotés, Compostela Monumental e Santiago Centro, é o xeito de unir a moda galega e o comercio compostelán a través da plataforma de promoción que é a Galicia Fashion Week. Trátase ademais dunha acción que ten coma un obxectivo concreto dinamizar o comercio da cidade, permitindo que teña maior coñecemento entre os propios composteláns e galegos e incentivar as vendas.

A Fundación Araguaney-Puente de Culturas, en colaboración coa Revista Tintimám, o salon de beleza Espazo Belo, Coralie Yap Chine Quartet e a Xunta de Galicia, presentará esta tarde o desfile de moda e complementos "Quen dixo moda?" a cargo do deseñador de roupa Marc Lago e a firma de toucados Toca Fedella Toca.

É a primeira vez que a Galería Caroní acolle no seu espazo un desfile de moda. O evento, que reunirá a expertos en imaxe e beleza, mostrará a colección de roupa outono/inverno de Marc Lago, que leva o nome de "Hypothermia 4.0", e a de toucados e complementos "Km. 0", de Toca Fedella Toca. O desfile terá dúas partes. As modelos lucirán nun primeiro momento os toucados e complementos de "Toca Fedella Toca". A continuación desfilarán coas pezas da Colección "Hypothermia 4.0" de Marc Lago.

Daniel é Técnico Superior de Artes Plásticas e Deseño con formación no encaixe de bolillos. É o creador dos toucados que utilizaron as actrices da serie "Piratas" de Telecinco. Ademais recibiu unha masterclass impartida por José Castro, en Camariñas. A colección que presentará Daniel titúlase "Km. 0". Unha mostra inspirada no mar e a montaña de Galicia, na percusión musical plasmada de xeito mudo nunha das pezas, na cestaría tradicional, nas diferentes razas de galiñas galegas, peles de animais e no encaixe de bolillos. Toca Fedella Toca mostrará unha proposta arriscada e novidosa, cun grande protagonismo da sombreiraría feita con materiais como o centeo trenzado con formato Sancosmeiro, plumas de galiñas, abelorios, acibechería, lonas finas, algodóns, peles de cabra, encaixes de torchón e técnicas contemporáneas a base de arame. Todas as pezas de Toca Fedella Toca teñen en común a presenza do encaixe de Camariñas.

Marc Lago encargarase de mostrar aos asistentes a súa colección de pezas. Cores neutras e liñas depuradas caracterizan a súa última colección. Marc é un mozo vigués de 24 anos, que lanza a súa propia marca en novembro de 2009, data dende a que participa en numerosos eventos de moda. Marc Lago foi finalista no Certamen Nuevos Diseñadores Nordress 2011, colaborou na presentación de Incisión Collection P/V 12 en Infame Fashion Show (Vigo), foi coordinador do Infame Fashion Show, é estilista da revista Tintimán e Fashion Communication de InfameGallery.

Será un desfile innovador, tanto polo ámbito onde se levará a cabo, coma polas sorpresas que se sucederán ao longo deste. Os asistentes poderán gozar das coleccións máis frescas e diferentes destes deseñadores galegos. Ao finalizar o desfile servirase un cóctel.

O evento terá lugar o xoves día 16 ás 20,30 h na Galería Caroní de la Fundación Araguaney (Rúa do Vilar, 21. Santiago de Compostela).

Entrada gratuíta.

O 26 de maio o Parlamento de Galicia celebra a súa xornada anual de Portas Abertas.  Dende as 10 da mañá e ata ás 18 horas, a sede da Cámara galega (Rúa do Hórreo, 63) abre as súas portas en horario ininterrompido para dar a coñecer as súas instalacións.

Esta xornada, que celebra este ano a súa terceira edición, enmárcase nas actividades para achegar o Parlamento á sociedade.

Máis información en www.parlamentodegalicia.es

O Jazz Club Dado Dadá organiza esta noite unha nova sesión da mellor música jazz integrada no ciclo 'Galicia Cinco EstreJazz'. Nesta ocasión, a velada, que constará de concerto e posterior jam session, estará protagonizada por Telmo Fernández Trío, grupo formado por Dani Domínguez (batería), Juan Cañada (contrabaixo) e Telmo Fernández (guitarra).

Telmo Fernández Trío

Dani Domínguez - batería
Juan Cañada - contrabaixo
Telmo Fernández - guitarra

A Banda Sinfónica do Conservatorio Superior de Música da Coruña, dirixida por Abrahan Cupeiro, ofrece esta noite un concerto no Auditorio de Galicia acompañada polo pianista Álvaro Blanco. O programa inclúe obras de Bernstein, Gershwin, Van Delft e Aparicio.

PROGRAMA   

L. BERNSTEIN Overture to Candide
G. GERSHWIN Rhapsody in Blue
MARC VAN DELFT Choral for a Solemn Ocasion
T. APARICIO BARBERÁN States of Mind

A I Fase da XXII Liga Galega de Bandas de Gaitas celébrase esta mañá no Palacio de Congresos e Exposicións de Galicia. O acceso é libre e gratuíto.

Ás 20.30 h, clausura.

Consultar o horario completo aquí

Galician Connection ao Vivo reúne por primeira vez sobre un escenario a sete dos mellores mestres da World Music: o recoñecido músico cubano Paquito D'Rivera, o arxentino Emilio Solla, o indio Sandeep Das, o chinés Wu Tong, o valenciano Josep Vicent e os galegos Guadi Galego e Anxo Pintos, baixo a dirección artística de Cristina Pato.

A actuación, que estreará o Museo de Galicia como escenario para concertos, interpretarán un repertorio único orquestrado ao longo de tres xornadas de convivencia na Cidade da Cultura formado por pezas de cada unha das tradicións culturais que representan. Un concerto único e exclusivo que todo amante da World Music non debe perderse.

O festival Internacional de Música Euro-Vía chega a Compostela os días 2 e 3 de xuño e ten como actividade principal un concerto no que o Europa Antiqua Consort interpreta as Vésperas da Beata Virxe de Claudio Monteverdi nun concerto na Catedral.

O Euro–Vía Festival é unha proposta de programación musical con vocación itinerante. Baixo o lema ‘Praceres musicais ao longo dos camiños de peregrinación’ ven programando música a través dos camiños de peregrinación europeos dende o ano 2005: música para órgano, programas corais, música orquestral, recalando en cidades como París (Notre Dame), Londres (Westminster), Porto, Munich, Copenhagen, Venecia, Roma, etc. Dende 2011 o Festival peregrina de Roma a Santiago de Compostela pasando por Baviera, Francia, Portugal e España (Barcelona, Burgos e León) e chegará o día 2 de xuño a Compostela cun programa repleto de citas musicais.

PROGRAMA

** 2 de xuño

- 18.00 h. Conferencia sobre a iconografía musical do ‘Pórtico da Gloria’ a cargo do Prof. Dr. Carlos Villanueva Abelairas, no Paraninfo da Facultade de Xeografía e Historia da USC, acompañado musicalmente polo grupo Martin Codax.

- 19.30 h. Igrexa da Universidade. Concerto de órgano, conxunto coral e guitarras con obras para dúas e catro guitarras e órgano de Bach, Rodrigo, Hakim e outros, da man do Duo Gruber & Maklar e Amadeus Guitar Duo e o organista Jürgen Geiger, xunto ao coro xuvenil de Landsberg am Lech.

** 3 de xuño

- 10.00 h. Celebración da Santa Misa oficiada na catedral, que contará coa presenza do coro xuvenil de Landsberg am Lech, dirixido por Marianne Lösch e Jürgen Geiger ao órgano.

- 21.00 h. Interpretación das Vésperas da Beata Virxe de Monteverdi, nun concerto na catedral compostelana. O programa será interpretado polo conxunto Europa Antiqua Consort, integrado por membros dos máis importantes grupos de música antiga de Europa (Freiburger Barockensemble, Les Cornets Noirs, Cantus Cölln, Collegium Vocale Gent, Huelgas Ensemble ou La Petite Bande) baixo a dirección de Johannes Skudlik.

Todos os concertos e actividades son de balde até completar aforamento.

Máis información en www.euro-via-festival.org

Con motivo da celebración do Día de Galicia, a Real Filharmonía de Galicia actuará esta noite no Hostal dos Reis Católicos para ofrecer un concerto institucional previo aos Fogos do Apóstolo. Baixo a dirección de Maximino Zumalave, interpretará obras de Gaos, Bach e Schubert. Ao día seguinte, 25 de xullo, Día de Galicia, a orquestra volverá subirse ao escenario, nesta ocasión no Palacio de Congresos para participar no acto de entrega das Medallas de Ouro de Galicia. Amenizará a gala con pezas de dous compositores galegos: Castro “Chané” e Roxelio Groba. Culminará o acto coa interpretación solemne do Himno Galego.

As Medallas Galicia, máxima condecoración que concede a Xunta a persoas que destacaron polo seu labor, serán entregadas, a título póstumo, aos tres axentes do Corpo Nacional de Policía que falecían o pasado 27 de xaneiro cando trataban de rescatar a un estudante eslovaco que se afogaba na praia do Orzán, na Coruña. Tamén recibirán a condecoración a Academia Galega de Medicina e Cirurxía e o grupo musical Milladoiro, pola súa tarefa de recuperación e modernización da música tradicional galega.

Tras superar os problemas de saúde que impediron o seu concerto o 26 de xullo, o cantante galés actuará esta noite en Compostela.

Acompañado da súa reputada banda e en medio dunha xira mundial que un ano máis o levará polos principais escenarios do planeta, Tom Jones demostrará en Santiago que está nun dos mellores momentos da súa carreira, conxugando a súa experiencia, carisma e un repertorio demoledor, cunha voz que envelleceu como os mellores viños, mantendo a súa potencia intacta.

O legado que obtivo Tom Jones ao longo dos seus máis de 50 anos de carreira está ao alcance de moi poucos. As súas cancións figuran na memoria colectiva de fans dos 5 continentes que abranguen case 3 xeracións e conseguiu todo tipo de éxitos e recoñecementos, sendo destacado o seu nomeamento de cabaleiro por parte da Raíña de Inglaterra no 2006. É sen dúbida unha lenda vivente. O seu espectáculo atravesa as épocas e xéneros musicais, é un chamamento a novos e maiores, homes e mulleres, convencionais e de vangarda. Padriño da alma moderna, Sir Tom sempre foi sobre o poder da canción, o poder da voz.

A calidade das súas composicións, a potencia da súa voz e a súa innata capacidade para reinventarse mantivérono sempre entre os mellores intérpretes da historia da música. A súa obra abrangue dende himnos xeracionais como "Delilah" ou "It's not unusual" ou versións que fixo propias como o "Kiss" de Prince, ata temas góspel e soul que Mr. Jones sabe levar ao seu terreo. Alcumado "o Tigre de Gales", ao longo da súa dilatada carreira vendeu máis de 100 millóns de discos en todo o mundo e obtivo importantes galardóns entre os que se encontra o Grammy ao mellor "performer" e a distinción que recibiu en 2006 de mans da mesma raíña Isabel II que o nomeou Cabaleiro da Coroa Británica xunto a outros ilustres como Paul McCartney ou Eric Clapton.

Dentro do ciclo musical 'Íntimo & acústico', a Zona C de Santiago acolle esta noite o concerto ofrecido pola cantante coruñesa Jane Joyd, que presentará o seu novo disco, titulado 'The dramatic tale of her animals'.

Non deberiamos ver a proliferación de artistas femininas, máis ou menos enmarcadas no folk, unicamente como unha moda. Detrás dos fenómenos mediáticos hai un barullo molesto para o público ao que só lle interesa a música. Pero ás veces, cando todo orbita ao redor dun formato ou dun artista concreto, tamén descubrimos talentos que se cadra non terían tido unha oportunidade se o contexto fose distinto. A coruñesa Elba Fernández chegou na edición do pasado ano do Proxecto Demo, o concurso que busca novos valores organizado polo Festival Internacional de Benicàssim e Radio 3.

Elba fai música como Jane Joyd, un nome sacado dunha curtametraxe que conta a tráxica vida dunha estrela do cinema; un detalle que dá pistas sobre o tipo de historias que lle interesan. Presentouse cunhas cancións rexistradas uns meses antes nos Estudos Abrigueiro de Lugo polo mero feito de ter algo gravado, segundo contou. E dese modo, sen grandes ambicións, coma se fose un paso máis no proceso de chegar a ter unha voz propia, acabou levando o triunfo e tocando no festival castellonense. Desde entón, a cálida acollida que recibiu a súa música empuxa unha carreira que avanza lentamente, aínda que con máis inconformismo e intelixencia que a de moitas das artistas coas que foi comparada.

De feito, este traballo pouco ten que ver co folk de inspiración estadounidense dos seus inicios. Trátase dun EP que só se achega á música tradicional nas interpretacións vocais con espírito blues (‘The Cage’, ‘Renard Came To My House, Stole My Smile And Left Forever’). O formato non é un detalle secundario: a intención era dar cohesión ás cancións polo seu contido conceptual e polo seu son. Son catro historias en forma de fábula, protagonizadas por animais que portan desexos, medos e traxedias humanas: un paxaro engaiolado, un cabalo sen corazón, un peixe morto e o raposo Renard, personaxe da literatura medieval francesa que mantivo vivo o mundo dos libros para nenos. Domina a atmosfera solemne, os decorados escuros, a gravidade e o transfondo de dor, como adianta o título: ‘Shy Little Jane Presents: The Dramatic Tale of Her Animals’. Pero tamén condensa unha enerxía e unha rabia que estala cando menos o esperas axudada polas coidadas instrumentacións (‘Dead Fish’, ‘Heartless Horse (The Disappearing Act)’).

Na súa xestación participaron 16 persoas, sen contar á propia Elba e a Xulio Vázquez, man dereita, coprodutor e percusionista da súa banda. Un equipo formado por músicos de vento, un teclista, un grupo de corda, un baixista e un coro que tamén a acompañará nos seus directos. Todo eles axudaron a crear unha música que destaca por ir directamente a activar imaxes no noso cerebro. Digamos que Jane Joyd moveuse cara á música para cinema ou o imaxinativo pop de artistas nórdicas como Hanne Hukkelberg, Ane Brun ou Jenny Hval. E o detalle e o mimo co que se fixo este mini-álbum chega tamén ao seu envoltorio, unha preciosa caixa que se achega á idea do disco-obxecto. Ademais de escribir bonitas cancións, Elba é deseñadora e fotógrafa. Coa mesma paixón coa que interpreta, creou a portada e unha postal para cada corte, nas que presenta aos protagonistas das súas historias; por se alguén non é capaz de dar renda solta á imaxinación escoitando a súa música.

O compositor e guitarrista español, ex líder do grupo de rock madrileño Los Enemigos, presenta en concerto o seu cuarto LP en solitario, 'Lecciones de vértigo', con 13 novas cancións nas que amosa a súa faceta máis roqueira.

A perplexa vitalidade de Josele Santiago
Notas sobre Lecciones de Vértigo

““Eu levántome ás sete da mañá”, sóltame socarrón cando o chamo ao mediodía, hora prudente, para vernos as caras. “Pero o artista queda na cama, até as doce ou a unha”, sentenza con retranca. Moito cambiaron as cousas para Josele Santiago desde que en 2002 se separaran Los Enemigos. Superou voluntarioso adiccións varias “xa non tomo nin un mal Gelocatil”, as comúns a un ramo de insalubres tentacións como a farándula. Matrimoniou o gato madrileño en Barcelona e está empadroado en Castefa, Castelldefels en vulgo. Afastado da praia, iso si, pegado ao monte; intúese que absorto nas súas menudencias, sempre observando desde fóra do meollo. Pequeneces que en ocasións, por íntima alquimia, deveñen cancións tan memorables e rozagantes como as que deron ás aos seu tres anteriores discos en solitario, traballos onde a inconfundible e rueira voz dos Enemigos vestía os trapos do cantautor, ou dunha versión castiza e nada solemne do mesmo, bañada en instrumentos acústicos e antigas nocturnidades. ‘Las Golondrinas Etcétera’ (2004), ‘Garabatos’ (2006) e ‘Loco Encontrao’ (2008) cartografaron a madurez dun artesán da canción en castelán, autor de cantigas que se pegan á cotiá perplexidade como o musgo á cortiza do carballo, a pel arrincada ao asfalto quente. Letras e músicas a unha modesta pero vivificante escala, a do cronista sen outra pretensión que a de retratar -e quizais atrasar- o seu indiscreto traxecto vital.

Hoxe Josele, aos seus 46 invernos, volve dar un xiro á súa carreira nun cuarto traballo, Lecciones de Vértigo, que o viu recuperar a guitarra eléctrica e o pálpito dun rock soterrado e elocuente, nada ornamentado nin agresivo, nos ósos dunha poética cada vez máis certeira por indirecta. “Trátase de tentar dicir as cousas con menos palabras e sobre todo menos raras”, razoa. “As cousas xa son complicadas de seu, non é sinxela a vida cotiá, ninguén dixo que ía ser fácil. Un tenta reflectir esa complexidade implícita”. Sempre soubo expresarse desde unha perspectiva esquinada e estimulante, que é como mellor se achega ao oínte, saltándose a obviedade pero nunca a sinxeleza, dando etéreos rodeos para derramarse frutífera no inconsciente. Por iso a súa voz e as súas cancións permanecen no noso interior, tamén ao noso arredor en cómplice órbita social; son personalísimo e intransferible espello deformado da súa realidade, que é por extensión a nosa. Desde estas harmonizadas invencións entre irónicas e existenciais -e Lecciones de Vértigo inclúe trece exemplos palmarios- resplandece a liberdade do descrido, o chispazo do artista ao seu aire. Que é quen ao final importa cando as leis do mercado pugnan por desterrarlle á invisible condena da auga pasada que segue emporiso movendo muíño. É a música popular voraz negociado industrial que se alimenta de carne nova e desbotábel, de aí en parte o seu actual estado crítico, pero ocorre que a experiencia cala máis fondo. Moito máis.

Unha mostra. Sendo mozo e estúpido, como o fomos todos, resultaría farto improbable ser capaz de abrir función con algo como «Hagan Juego» e o seu metafísico primeiro disparo: ’Puede que no sea volar / No tenerle apego al suelo / Alto sólo es un lugar / Vulgar / Para el cielo’’. Toma xa lírica lercha! Ou bordar un só de guitarra -entrecortado, sentido, brioso- como o que deleitoso cerna «Fractales», unha desas baladas que só alguén como Josele sabería afastar da melancolía na vía central para darlle acubillo na verea do anhelo. Ou cachondearse dese novo espécime de fanfurriñeiro ibérico que arrasa as nosas rúas patrias virilmente maqueado, en «Canción de Próstata», e sentir incrédula repulsa ante a estupidez contemporánea do culto ao corpo que desvela «Sin Dolor». “Trata desa teima coa puta felicidade, que é unha enfermidade tremenda”, reflexiona mentres sorbemos auga da fonte e fumamos coma se fose podrecer todo o tabaco do mundo. “Ti podes aspirar a ser mellor persoa, a gozar máis das cousas, grandes ou pequenas, como queiras, pero a ser feliz…?”. Sempre nos quedará aos maduritos ese día máis que concede o «Sol de Invierno», apunto; outro fermoso tempo medio na beirarrúa luminosa do calexón, reverso daquela canción de hai uns anos que lembraba a tantos caídos da nosa xeración. “É como a arenga a unha tripulación que vai deixar o barco para baixar a terra: tentade pasar desapercibidos e non deades moito o cante”, explica con sorna. “Caladiños e iso, sen facer moito ruído”.

É Lecciones de Vértigo un álbum rexuvenecedor, case primaveral, ancorado en vellas formas de canción rock e sons eléctricos que, por gustosamente clásicos, non se murcharán cando regrese o outono e caia daquela outro inverno. Intúo que o é, en parte, como inconsciente resposta a xestarse en lucuosos tramos vitais. A reacción hipócrita xeneralizada ante a desaparición de Antonio Vega, por exemplo, exposta en «El Lobo»: “Ao meu modo de entender, dixéronse moitas sandeces. Ás veces a envexa disfrázase de compaixón. Viviu como lle saíu dos collóns… e punto. A canción vai de supervivencia e liberdade, de ir á túa bóla?”. Tamén a composición máis especial do álbum para el, «Pae», evocando a longa e absurda agonía do seu pai, nun hospital de Cádiz, en pleno entroido. “Morreu de fumar, dun cancro de pulmón”, lembra cando aínda non pasou un ano. “Estaba o hospital xusto á beira de onde facían os concursos de chirigotas, aquilo era demencial, surrealista”. A portada do disco asínaa o pintor Santiago Bo, amigo do seu pai. Merece pois mención.

Que non se me esquezan outros transcendentes datos técnicos: a diferenza de anteriores gravacións, esta vez non se respectou o directo rigoroso e prescindiuse do antes moi presente piano, non así do sedoso toque do órgano Hammond. “O método había de ser distinto se eu me ía encargar das guitarras solistas e todo o demais, tiñamos que gravar as bases antes e logo ir pulindo arestas”, recoñece dando pistas de porqué Lecciones de Vértigo recupera en certo xeito a dinámica dun rock festivo e estiloso, tamén por momentos sentimental a pesar seu. “Gravamos primeiro guitarra, baixo e batería, co cal tiven máis espazo, como guitarrista e como cantante, que tamén me apetecía moito, facía moitísimo que non me puña así a cantar”.

Lecciones de Vértigo conclúe en naturalista interpelación a un deus descoñecido por inexistente, tal vez encarnado nese oceánico demiurgo que representa «El Estibador». Canta co seu inconfundible deixe aquel raparigo do madrileño barrio de Caño Roto: “El cielo es azul / Se llega en autobús / Reparten caramelos / Y apagan la luz” E non podo resistirme a lembrarlle o que din os boxeadores: a dor é inevitable, o sufrimento opcional. Josele sorrí e asente, o moi canalla. Seguro que xa lle está sacando punta a outra canción.”

IGNACIO JULIA

Por sexto ano consecutivo, o Auditorio de Galicia acolle durante tres xornadas o Certame Galego de Bandas de Música. No evento, organizado pola Federación Galega de Bandas de Música Populares, participarán 14 bandas e máis de 1000 músicos chegados de toda a Comunidade.

PROGRAMA

** 16 de novembro. 20.00 h.
Sección terceira
Obra obrigada: A Batalla de Elviña de Manuel A. López Pérez

Banda Municipal de Música de Lousame
Director: Fernando Froján Canle
Pasodobre: Aires de Pontevedra de A. Ferreiro
Obra libre: Escenas do Atlántico de Manuel Blanco Dosíl

Banda de Música A Lira de Ribadavia
Director: Francisco Pérez Rodríguez
Pasodobre: Ribadavia de Manuel Vázquez Gregorio
Obra libre: Pórtico de Antón Alcalde Rodríguez
I. Amencer en Santiago de Compostela, s. XIII
II. No Pórtico da Gloria, s. XIII
III. Batalla contra a Taifa de Sevilla e Victoria

Banda de Música de Chapela
Director: Santiago Barreira Davila
Pasodobre: Sangre de Artista de J. Texidor
Obra libre: Of Castles and Legends de Thomas Doss

Unión Musical de Cabral
Director: Eduardo González López
Pasodobre: Pusiano de Simón Couceiro Riveira
Obra libre: Music for a Festival de Philip Sparke

Banda de Música Santiago de Arteixo
Director: Alfredo Casanova Blasco
Pasodobre: Cantigas e Agarimos de Bernardo del Río
Obra libre: Goddess of Fire de Steven Reineke


** 17 de novembro. 18.00 h.

Sección segunda
Obra obrigada: Camiños da Fin da Terra de Antón Alcalde Rodríguez

Banda de Música Xuvenil de Xinzo
Director: Juan Carlos Díaz Álvarez
Pasodobre: Ponteareas de Reveriano Soutullo
Obra libre: Symphonie de Paris de Serge Lancen
I. Andantino
II. Allegro Giocoso
III. Moderato

Agrupación Músico-Cultural de Ribadumia
Director: Víctor Manuel Fernández Vázquez
Pasodobre: Aires de Pontevedra de A. Ferreiro
Obra libre: Jidai de Stephen Melillo

Banda da Escola de Música de Rianxo
Director: Rafael Collazo Moares
Pasodobre: Os labregos de José Carracedo
Obra libre: Polifemo de Andrés Valero Castells

Unión Musical Ponte Ledesma
Director: Roberto Hermida Rey
Pasodobre: Enrique López de Antón Alcalde Rodríguez
Obra libre: Miticaventura de Ferrer Ferran
I. Iberia
II. Grecia
IV. Egipto

Banda de Música Cultural de Teo
Director: Álvaro Varela Ferradáns
Pasodobre: Agarimo de Manuel Abelleira
Obra libre: Dolmen de Antón Alcalde Rodríguez
I. Alla alborada
II. Alla balada
III. Alla muiñeira

** 18 de novembro. 17.00 h.

Sección primeira
Obra obrigada: O misterio do Castelo de Pambre de Víctor Enguídanos Royo

Banda de Música Municipal de Valga
Director: Manuel Villar Touceda
Pasodobre: Fervenza Valguesa de Marcos Mato Collazo
Obra libre: Flor de Azahar de Gregory Fritze
I. Introducción
II. Intermezzo
III. Baile de la felicidad
IV. Música de la noche
V. Fuga

Agrupación Musical de Vincios
Director: Juan Luís Costas Álvarez
Pasodobre: Pusiano de Simón Couceiro Riveira
Obra libre: Rubicon de Bert Appermont
I. Meditation
II. The Battle of Pharsallus
III. Dance
Soprano: Indra Sesti Di Lucca

Banda Artística de Merza
Director: José Luís Quintáns Carreira
Pasodobre: López Parreño de Indalecio Fernández Groba
Obra libre: Sinfonía nº 1 en Re Mayor (Titán) de G. Mahler, transc. José Luís Quintás Carreira
IV. Stürmisch bewegt

Banda de Música Municipal de Caldas de Reis
Director: Daniel Portas González
Pasodobre: Suso de Juan Lois Diéguez
Obra libre: Da Capo de Juan Lois Diéguez

A Orquestra Sinfónica de Galicia ofrece esta noite un concerto no que estará dirixida por Víctor Pablo Pérez. O programa inclúe diversas obras de Shostakovich, Dvorák e Bal e Gay.

PROGRAMA

ORQUESTRA SINFÓNICA DE GALICIA
Victor Pablo Pérez, director

J. Bal y Gay: Tres pezas para orquestra
A. Dvorák: Abertura Entroido, op. 92.
D. Shostakovich: Sinfonía núm. 15 en La maior op.141.

Chega a Galicia o "festival de gorra" Caravana de Emerxencias. Skarallaos, Chotokoeu, Swindigentes e Skarnivals únense para multiplicar a festa por 1000.

O acceso será gratuíto, só limitado pola capacidade da sala. Será unha vez dentro cando o público poida recompensar a cada grupo, tanto cos seus bailes coma con diñeiro, en función da súa valoración do espectáculo.

Concerto gratuíto ata completar aforamento (o prezo polo ti ao finalizar).

O ciclo 'Galicia Importa' trae a Santiago aos canadenses Danko Jones, nunha das citas musicais máis esperadas da tempada. Seguindo a filosofía coa que o ciclo naceu no ano 2008, unha vez máis, un grupo de primeiro nivel internacional actuará en Galicia presentando o seu novo traballo nun formato reducido.

O ciclo 'Galicia Importa' pechaba a súa edición de 2012 o pasado mes de decembro co concerto do prestixioso guitarrista americano Steve Vai, que vendía todas as entradas para o seu espectáculo con máis dun mes de antelación e deixaba outro concerto para o recordo. Durante este pasado ano, o ciclo presentou 7 propostas de primeiro nivel que permitiron achegar por primeira vez a Galicia nomes ilustres como os de Mavis Staples, St. Etienne, The Jon Spencer Blues Explosion, Thurston Moore ou The Jayhawks. Máis de 4.000 persoas puideron gozar dos 7 concertos programados en cidades como A Coruña, Vigo e Santiago.

Camiño da súa 5ª edición, o ciclo consolidouse como un referente musical indiscutible na nosa comunidade e recibiu eloxios dos medios nacionais máis prestixiosos. Durante os seus poucos anos de vida xa acumulou un curriculum de artistas que pasaron por el, que non ten nada que envexar a outras propostas que se desenvolven nas grandes capitais europeas. Dende lendas como Joan Baez, Alice Cooper ou Mavis Staples ata artistas contemporáneos de referencia como Mark Lanegan, Rufus Wainwright ou Richard Hawley pasando por bandas de culto como Mudhoney, Interpol ou Teenage Fanclub.

En 2013 a programación do ciclo arranca con forza coa confirmación dos canadenses Danko Jones, un dos grupos habituais nos principais festivais europeos debido ao seu poderoso directo. Danko Jones acaban de editar 'Rock and Roll is Black and Blue'. Por fin temos de regreso a unha das bandas máis destacadas dentro do hard rock dos últimos anos. Un grupo que se soubo mover por diversos xéneros, empapándose de distintas influencias, pero sempre conservando ese espírito e esencia rockanroleira que os colocou como un dos piares actuais do rock e os fixo xirar por todo o mundo encabezando os principais festivais de rock.

Danko Jones é un grupo que sabe moi ben o que fai, preocupándose, especialmente, por conservar un núcleo musical que non se despegue nunca do rock máis potente, guiado sempre por un traballo de guitarras centrado en crear riffs pegadizos e con prestancia. En seis discos, o grupo creou un son capaz de inspirarse no blues, no garage dos '60 s, no hard rock dos '70 s, no hardcore dos '80 s, ata no power-pop e no metal escandinavo, sen deixar nunca que unha parte domine sobre as outras.

Esta noite o pub musical Bloody Mary contará coa actuación de Sebas Méndez, que presenta o seu monólogo humorístico 'Joselito, Ángel Cristo e Maradona son a mesma persoa'.

Os Xenerais da Ulla chegan esta mañá dacabalo á praza do Obradoiro para escenificar un típico 'atranque' ou 'alto'. Trátase do espectáculo máis destacado do Entroido tradicional da Ulla, que se produce nas inmediacións da cidade de Santiago desde a primeira metade do século XIX: os Xenerais van dacabalo, disfrazados con vistosas vestimentas militares similares ás de aquela época, pero que ademais inclúen tamén adornos puramente carnavalescos, que locen tamén os cabalos.

Os atavíos, tanto dos Xenerais como dos seus cabalos, chaman a atención pola súa tradición, orixinalidade, colorido e grao de elaboración, o que fai que teñan un gran valor.

Unha vez no Obradoiro, os Xenerais da Ulla representarán o típico “alto” ou “atranque”: un debate dialéctico por parellas para tratar temas de actualidade no ton de mofa característico das coplas do Entroido.

Nesta presentación no Obradoiro, participarán oito Xenerais da Ulla das parroquias compostelás de Aríns, Marrozos e O Eixo.

Esta presentación pública na principal praza de Santiago de Compostela pretende ser un só un aperitivo dos actos que terán lugar durante todo o mes de febreiro nos oito concellos onde se celebra esta festividade tradicional e única no seu xénero, e que por primeira vez colaboran na súa promoción conxunta: Boqueixón, A Estrada, Santiago, Silleda, Teo, Touro, Vedra e Vila de Cruces.

O Entroido da Ulla remonta as súa orixes a primeira metade do s. XIX e baséase nos enfrontamentos bélicos que se viviron na comarca nese século: a invasión do exército napoleónico, a revolución do 1846 ou as guerras carlistas. Así os seus principais protagonistas son vistosas figuras que recrean estes momentos históricos.

Xenerais e correos engalanados conforman a espectacularidade desta auténtica expresión do Entroido tradicional galego.

CALENDARIO

* 29/01/2012
- 20.00 h. Rarís (Campo da festa) Concello de Teo GPS: 42º 46' 50.8" / 8º 33' 48.1"

* 05/02/2012
- 12.30 h. Touro (Fonte Díaz) Concello de Touro GPS: 42º 51' 5" / 8º 18' 5"
- 20.00 h. Oza (Campo da festa de Agoso) Concello de Teo GPS: 42º 47' 21.1" / 8º 31' 51.5"

* 11/02/2012
- 17.30 h. Vilanova (Campo da festa de Picón) Concello de Vedra GPS: 42º 47' 17.28" / 8º 26' 34.98"
- 18.00 h. Lamela (Campo da festa) Concello de Silleda GPS: 42º 44' 15" / 8º 19' 21"
- 19.30 h. Marrozos (Campo da festa) Concello de Santiago de Compostela GPS: 42º 50' 22" / 8º 29' 50"
- 20.00 h. Reis (Campo da festa) Concello de Teo GPS: 42º 46' 17.9" / 8º 33' 10.1"

* 12/02/2012
- 16.00 h. Bama (Campo da festa) Concello de Touro GPS: 42º 52' 45" / 8º 21' 58"
- 17.00 h. Merza (Campo da Igrexa) Concello de Vila de Cruces GPS: 42º 46' 9" / 8º 15' 34"
- 20.00 h. Reis (Campo da festa) Concello de Teo GPS: 42º 46' 17.9" / 8º 33' 10.1"

* 18/02/2012
- 17.30 h. A Bandeira (Praza da Feira) Concello de Silleda GPS: 42º 43' 49" / 8º 18' 10"
- 18.00 h. Cora (Campo da festa) Concello da Estrada GPS: 42º 45' 01" / 8º 31' 24"
- 18.00 h. Entroido Municipal de Vedra (Campo da festa de Vedra) Concello de Vedra GPS: 42º 46' 33.26" / 8º 28' 30.80"
- 18.30 h. Aríns (Campo da festa, rúa San Martiño) Concello de Santiago de Compostela GPS: 42º 51' 50" / 8º 30' 14"
- 19.00 h. Loimil (Campo da festa) Concello da Estrada) GPS: 42º 44' 51" / 8º 21' 56"

* 19/02/2012
- 16.30 h. Piloño (Campo da festa) Concello de Vila de Cruces GPS: 42º 47' 55" / 8º 15' 31"
- 19.00 h. Couso (Campo da festa) Concello da Estrada GPS: 42º 44' 56" / 8º 32' 52"
- 19.00 h. O Eixo (Carballeira do Souto- Santa Lucía) Concello de Santiago de Compostela GPS: 42º 50' 52.74" / 8º 31' 25.36"
- 19.00 h. Sergude (Campo da festa) Concello de Boqueixón) GPS: 42º 49' 38" / 8º 27' 48"
- 19.00 h. Trobe (Campo da festa, local multiusos) Concello de Vedra GPS: 42º 45' 57.5" / 8º 30' 20.4"
- 20.00 h. Cacheiras (Campo da festa) Concello de Teo) GPS: 42º 49' 17.8" / 8º 32' 38.2"

* 21/02/2012
- 16.00 h. Fao (Campo da festa) Concello de Touro GPS: 42º 50' 53" / 8º 17' 58"
- 19.30 h. Entroido Municipal da Estrada (Campo da feira) Concello da Estrada GPS: 42º 41' 25" / 8º 29' 12"

* 25/02/2012
- 18.00 h. Dornelas (Campo da festa) Concello de Silleda GPS: 42º 45'30" / 8º 20' 33"
- 19.00 h. San Xián de Sales (Campo da festa) Concello de Vedra GPS: 42º 48' 55.1" / 8º 30' 41.4"

* 26/02/2012
- 16.00 h. Salgueiros (Campo da festa) Concello de Vila de Cruces GPS: 42º 49' 2" / 8º 15' 42"
- 18.00 h. Lestedo (Campo da festa) Concello de Boqueixón GPS: 42º 47' 55" / 8º 28' 11"
- 19.00 h. Illobre (Campo da festa) Concello de Vedra GPS: 42º 47' 38.4" / 8º 30' 14.3"

Máis info: www.xeneraisdaulla.com

Alberte Montes visita un ano máis o noso palco, desta vez para presentarnos o seu espectáculo: 'De paliqueiro por Galicia'. Farto xa de tanta crise, paro e Urdangarín, Alberto decidiu facer as maletas e refuxiarse no auténtico entroido, o galego. Palique xa ten, festa, licor café e colesterol non lle van faltar.

No seu novo espectáculo de transgresión carnavaleira disfrazaranos a realidade con retranca e amosaranos o seu mellor repertorio histriónico e surrealista.
É tempo de rir, que para sufrir xa están os ricos...

Dentro das actividades de Cineuropa, a Zona C acolle durante tres xornadas 'O fantabuloso cine ambulante dos Irmáns Lumieira' dirixido por Víctor Mosqueira.

O FANTABULOSO CINE AMBULANTE DOS IRMÁNS LUMIEIRA

Suso Alonso, Tomás Lijó, Carlos Meixide
Víctor Mosqueira dirección
Zona C (Bonaval)

Os irmáns Lumieira son tres: Irmán Maior, que se encarga de dirixir a presentación do cinematógrafo e das diferentes películas que se proxecta; Irmán Mediano, o técnico da familia, o que realmente coñece o funcionamento do cinematógrafo e o responsable de que os irmáns viñesen desde París a Fisterra; e Irmán Pequeno, o músico da familia, quen acompaña as proxeccións e que ten como peculiaridade que non dá chío.
A súa presenza en Galicia débese a que Irmán Mediano foi contratado como óptico do faro de Fisterra e as súas habilidades, xunto á relación de Luís Lumieira (o pai) cos irmáns Lumière, provocaron a iniciativa emprendedora dos 3 irmáns de presentar por Galicia adiante o CINEMATÓGRAFO.
En cada sesión, patrocinada polo Ungüento Chino do Doutor Dong, os Irmáns Lumieira amosan o funcionamento desta marabillosa máquina, mostran películas propias, rodadas por eles mesmos en Fisterra e introducen, tamén, filmes mudos de produción estadounidense e francesa. Harold Lloyd, Buster Keaton, Meliès ou Charles Chaplin son tan só algunhas das estrelas que os irmáns Lumieira achegan a Galicia.

Ata mediados do mes de febreiro, diversas parroquias da comarca do Ulla ofrecen os espectáculos ligados a unha tradición de entroido con características e orixe moi particulares. Trátase dos chamados Xenerais da Ulla, que implica toda unha escenificación na que interveñen diferentes personaxes.

A comarca natural da Ulla posúe un orixinal entroido rural do que temos testemuños dende mediados do século XIX.

Os personaxes máis importantes son os xenerais e correos a cabalo, que percorren as parroquias ao longo do día dando vivas a veciños e visitantes, acompañados dun "exército" de abandeirados, coros, comparsas e parrandas.

Rematan escenificando un atranque ou alto, enfrontamento dialéctico por parellas, aproveitado para facer burla e sátira de asuntos locais, de política ou do corazón, acontecidos durante o ano.

Dunha parroquia a outra, o Entroido da Ulla presenta pequenas diferenzas, mantendo cada un deles trazos definitorios que os fan únicos.

Xenerais e correos engalanados conforman a espectacularidade desta auténtica expresión do entroido tradicional galego.

CALENDARIO

* 29/01/2012
- 20.00 h. Rarís (Campo da festa) Concello de Teo GPS: 42º 46' 50.8" / 8º 33' 48.1"

* 05/02/2012
- 12.30 h. Touro (Fonte Díaz) Concello de Touro GPS: 42º 51' 5" / 8º 18' 5"
- 20.00 h. Oza (Campo da festa de Agoso) Concello de Teo GPS: 42º 47' 21.1" / 8º 31' 51.5"

* 11/02/2012
- 17.30 h. Vilanova (Campo da festa de Picón) Concello de Vedra GPS: 42º 47' 17.28" / 8º 26' 34.98"
- 18.00 h. Lamela (Campo da festa) Concello de Silleda GPS: 42º 44' 15" / 8º 19' 21"
- 19.30 h. Marrozos (Campo da festa) Concello de Santiago de Compostela GPS: 42º 50' 22" / 8º 29' 50"
- 20.00 h. Reis (Campo da festa) Concello de Teo GPS: 42º 46' 17.9" / 8º 33' 10.1"

* 12/02/2012
- 16.00 h. Bama (Campo da festa) Concello de Touro GPS: 42º 52' 45" / 8º 21' 58"
- 17.00 h. Merza (Campo da Igrexa) Concello de Vila de Cruces GPS: 42º 46' 9" / 8º 15' 34"
- 20.00 h. Reis (Campo da festa) Concello de Teo GPS: 42º 46' 17.9" / 8º 33' 10.1"

* 18/02/2012
- 17.30 h. A Bandeira (Praza da Feira) Concello de Silleda GPS: 42º 43' 49" / 8º 18' 10"
- 18.00 h. Cora (Campo da festa) Concello da Estrada GPS: 42º 45' 01" / 8º 31' 24"
- 18.00 h. Entroido Municipal de Vedra (Campo da festa de Vedra) Concello de Vedra GPS: 42º 46' 33.26" / 8º 28' 30.80"
- 18.30 h. Aríns (Campo da festa, rúa San Martiño) Concello de Santiago de Compostela GPS: 42º 51' 50" / 8º 30' 14"
- 19.00 h. Loimil (Campo da festa) Concello da Estrada) GPS: 42º 44' 51" / 8º 21' 56"

* 19/02/2012
- 16.30 h. Piloño (Campo da festa) Concello de Vila de Cruces GPS: 42º 47' 55" / 8º 15' 31"
- 19.00 h. Couso (Campo da festa) Concello da Estrada GPS: 42º 44' 56" / 8º 32' 52"
- 19.00 h. O Eixo (Carballeira do Souto- Santa Lucía) Concello de Santiago de Compostela GPS: 42º 50' 52.74" / 8º 31' 25.36"
- 19.00 h. Sergude (Campo da festa) Concello de Boqueixón) GPS: 42º 49' 38" / 8º 27' 48"
- 19.00 h. Trobe (Campo da festa, local multiusos) Concello de Vedra GPS: 42º 45' 57.5" / 8º 30' 20.4"
- 20.00 h. Cacheiras (Campo da festa) Concello de Teo) GPS: 42º 49' 17.8" / 8º 32' 38.2"

* 21/02/2012
- 16.00 h. Fao (Campo da festa) Concello de Touro GPS: 42º 50' 53" / 8º 17' 58"
- 19.30 h. Entroido Municipal da Estrada (Campo da feira) Concello da Estrada GPS: 42º 41' 25" / 8º 29' 12"

* 25/02/2012
- 18.00 h. Dornelas (Campo da festa) Concello de Silleda GPS: 42º 45'30" / 8º 20' 33"
- 19.00 h. San Xián de Sales (Campo da festa) Concello de Vedra GPS: 42º 48' 55.1" / 8º 30' 41.4"

* 26/02/2012
- 16.00 h. Salgueiros (Campo da festa) Concello de Vila de Cruces GPS: 42º 49' 2" / 8º 15' 42"
- 18.00 h. Lestedo (Campo da festa) Concello de Boqueixón GPS: 42º 47' 55" / 8º 28' 11"
- 19.00 h. Illobre (Campo da festa) Concello de Vedra GPS: 42º 47' 38.4" / 8º 30' 14.3"

Máis info: www.xeneraisdaulla.com

Santiago vístese de gala para celebrar, durante 5 días, a entrada á Coresma; un evento tradicional que converterá a cidade compostelá nun gran escenario de festividades presidido polos desfiles de disfraces, as fanfarras, as actuacións teatrais, os obradoiros de maquillaxe, disfraces e máscaras. Un conxunto de acontecementos que se poderán gozar degustando os típicos pratos de tempada como o cocido galego, as filloas ou as orellas.

PROGRAMACIÓN

**Sabado 18
- 20.00 h. e 21.00 h. Animación a cargo das comparsas OS CONFORMISTAS DE CONXO e A RULIÑA DE LARAÑO | Praza do Toural
DESFILE DO MECO desde a praza de Cervantes ata a praza do Toural pasando polas rúas Nova e do Vilar ata o Pazo de Bendaña, donde permanecerá ata o día 22
- 20.30 h. PREGÓN DO ANTROIDO a cargo de MOFA E BEFA e subida do MECO aos balcóns do Pazo de Bendaña.
Animación a cargo das charangas Os Atrevidos, Os Celtas e BB+ | Praza do Toural

**Domingo 19
- 13.30 e 20.00 h. Animación de rúa a cargo da comparsa OS CONFORMISTAS DE CONXO e a charanga Os Atrevidos
- 17.00 h. FESTIVAL INFANTIL DE DISFRACES Sala Capitol. Entrada libre (participantes ata 14 anos) (Inscricións para o concurso de 16.30 a 17.45 h.)
- 18.00 h. Animación, baile-discoteca, premios, concurso de disfraces, sorteo de agasallos, entrega de bolsas-cotillón...

PREMIOS
Grupo
(mínimo 5 persoas):
1º.- 200 €
2º.- 150 €
3º.- 100 €
Parella:
1º.- Dúas consolas
2º.- Dous libros electrónicos
3º.- Dúas cámaras dixitais
Individual:
1º.- Unha consola
2º.- Un libro electrónico
3º.- Unha cámara dixital
4º e 5º.- Un equipo de música

**Martes 21
- 13.00 h. Animación de rúa
- 16.30 h. CONCENTRACIÓN de carrozas, comparsas e charangas Estación do Ferrocarril
- 17.30 h. DESFILE DE ANTROIDO polas rúas Romero Donallo, Santiago de Chile, Frei Rosendo Salvado, Praza Roxa, República do Salvador, Hórreo, Senra, para rematar na Avda de Xoán Carlos I.
- 19.30 h. Actuación da ORQUESTRA FANIA BLANCO SHOW Paseo Central da Alameda
- 21.00 h. Decisión do xurado e ENTREGA DE PREMIOS dacordo coas seguintes categorías:

Premios Carrozas:
1º...................... 2.000 €
2º...................... 1.300 €
3º...................... 600 €
4º...................... 450 €
5º...................... 300 €

Premios comparsas:
1º...................... 2.000 €
2º...................... 1.300 €
3º...................... 600 €
4º...................... 450 €

5 accésit de 150 € c/u
(A comparsa deberá estar formada por un mínimo de 10 persoas)
Premios especiais á mellor comparsa formada nas parroquias e barrios do Concello de Santiago (incompatibles cos anteriores):
1º......................600 €
2º......................450 €
3º......................300 €

A CRITERIO DO XURADO concederanse:
Ó grupo mellor caracterizado (de tres a nove persoas):
1º..................400 €
2º..................250 €
3º..................150 €

Á parella mellor caracterizada:
1º..................300 €
2º..................180 €
3º..................120 €

Ó mellor disfraz individual:
1º.................. 150 €
2º..................  90 €
3º..................  60 €

Bases completas do Desfile-Concurso aquí

**Mercores 22

- 20.00 h. ACOMPAÑAMENTO DO MECO polas comparsas e participantes no Antroido desde a praza do Toural ata a Praza Roxa facendo o percorrido seguinte: Rúa Nova, Rúa do Vilar, Rúa da Senra, Doutor Teixeiro, República do Salvador, para rematar na Praza Roxa.
(Prégase aos acompañantes vistan de rigoroso loito para a ocasión)
- 21.00 h. QUEIMA DO MECO e animación Acompañamento: BANDA MUNICIPAL DE SANTIAGO
Animación: MOFA E BEFA Praza Roxa
Obradoiros e actividades lúdicas de Antroido en centros socioculturais durante todo o mes de febreiro.

Xenerais da Ulla

Día 11: Marrozos. Campo da Festa. 19.30 h.
Día 18: Aríns. Campo da Festa. 18.30 h.
Día 19: O Eixo. Carballeira do Souto-Santa Lucía. 19.00 h.

Na véspera do día do Apóstolo, Compostela inúndase de actividades festivas. Á animación de súas rúas nas primeiras horas do día, seguirá, ao fío da medianoite, o extraordinario espectáculo de luz e son na Praza da Quintana e os diversos concertos gratuítos organizados polo Concello.

MARTES 24

- 12:00 h. Encontro de xigantes e cabezudos de Santiago (reaparición da figura do dragón mitolóxico "A Coca")
Praza da Quintana
Sesión de pirotecnia entre o Cabildo e o Concello de Santiago de Compostela

- 12:30 h. Encontro de xigantes e cabezudos de Santiago
Praza do Toural

- 20:00 h. Animación de rúa

- 23:30 h. Espectáculo nocturno FOGOS DO APÓSTOLO 2012
(Multimedia e pirotecnia)
(GPD-Pirotecnia Ricasa)
Praza do Obradoiro

- 00:00 h. Orquestra CHARLESTON
Paseo central da Alameda

- 00:30 h. COTI en Concerto
Lo dije por boca de otro
Robert Ramírez
Praza da Quintana
Entrada libre

Comeza a undécima edición do Festigal, un espazo aberto que une espazos de animación, de ideas, de lecer, de literatura... e sobre todo, de música, diversidade e reivindicación festeira. As claves do Festigal: Músicas, cultura, tendencias e diversidade.

PROGRAMA

** MARTES 24

Galería Central
- 11:00 h. Apertura
- 17:15 h. Presentación publicacións da Fundación Galiza Sempre
- 17:45 h. Presentación do libro e recital de poesia: "18 (Dezaoito voces nunha antoloxía poética galego-portuguesa)!" coa participación de: Iolanda Aldrei, Alexandre Insua Moreira, Virgílio Liquito, Cruz Martínez Vilas, Jaime Moreda Santamaría e Rosanegra (Rosa Martínez Vilas)
- 19:15 h. Presentación do libro: A rota do sol de Camilo Nogueira Román na editorial Laiovento.
- 21:30 h. Presentación do libro: Onde o mundo se chama Celso Emilio Ferreiro de Ramón Nicolás en Edicións Xerais de Galicia.

Café Concerto
- 16:00 h. AUDIOVISUAL
Making of e Curtas de ficción e animación premiadas no Festival de CANS
- 22:00 h AID

- 23 h. Concerto de ATAQUE ESCAMPE + BANDA CREBINSKY + LA PHAZE + ZËNZAR

** MÉRCORES 25

Galería Central
- 17:00 h. Presentación do libro: Cartografías do derrubo de Carme Adán na editora Difusora das Letras. Falarán: Tereixa Navaza, xornalista; Xabier Paz, editor e a autora, Carme Adán.
- 17:35 h. Presentación do libro: Queer-mos un mundo novo de Teresa Moure na editorial Galaxia.
- 18.15 h. Presentación do libro: Para unha crítica do españolismo de Camilo Nogueira en Edicións Xerais de Galicia. Falarán: Suso de Toro, escritor e profesor e Camilo Nogueira.
- 20:30 h. Presentación do libro: Como falar e escribir en galego con corrección de Carlos Callón en Edicións Xerais de Galicia.
Galeria da Cultura Tradicional
Asociacion de Gaiteiros galegos
Galería infantil | Espazo de animación

Café Concerto
- Desde as 18 h. Actuacións musicais

- 20 h. Concerto de aCadaCanto + SÉS + TERBUTALINA

Feira de Asociacións

Galería artesanal
Exposición e venda de artesanía galega

Tendas

Zona de xantar/bar
Postos para xantar e cear os dous días con oferta gastronómica variada

Máis info en www.festigal.com y en http://www.facebook.com/ofestigal

Esta tarde, a parroquia compostelá de O Eixo celebra o seu tradicional entroido co espectáculo dos chamados Xenerais da Ulla, que implica toda unha escenificación na que interveñen diferentes personaxes.

- 19.00 h. O Eixo (Carballeira do Souto- Santa Lucía) Concello de Santiago de Compostela

GPS: 42º 50' 52.74" / 8º 31' 25.36"

A comarca natural da Ulla posúe un orixinal entroido rural do que temos testemuños dende mediados do século XIX.
Os personaxes máis importantes son os xenerais e correos a cabalo, que percorren as parroquias ao longo do día dando vivas a veciños e visitantes, acompañados dun "exército" de abandeirados, coros, comparsas e parrandas.
Rematan escenificando un atranque ou alto, enfrontamento dialéctico por parellas, aproveitado para facer burla e sátira de asuntos locais, de política ou do corazón, acontecidos durante o ano.
Dunha parroquia a outra, o Entroido da Ulla presenta pequenas diferenzas, mantendo cada un deles trazos definitorios que os fan únicos.
Xenerais e correos engalanados conforman a espectacularidade desta auténtica expresión do entroido tradicional galego.

Ver calendario completo

Máis info: www.xeneraisdaulla.com

O Salón de Actos da Biblioteca Pública Ánxel Casal acolle esta tarde o acto de presentación do libro de relatos 'Libro de deshoras' de Xavier Lorenzo, publicado por Edicións Positivas.

Xavier Lorenzo Tomé, autor xa veterano, amosa neste libro, de escritura pausada, os seus relatos, todos vernizados de humor, de reflexión e mesmo de crítica aceda da nosa realidade.

Lugar: Salón de Actos, ás 19:00 h.

Esta mañá, Novacaixagalicia acolle na sede da súa fundación na rúa do Vilar a presentación do tomo LXIII do Proxecto Galicia de Hércules Edicións, dedicado a Galicia e á súa inserción exterior. Asistirán ao acto Fernando González Laxe, coordinador da serie, Luis Pousa, xornalista e autor dun capítulo e Manuel Jaime Barreiro Gil, Director da Fundación de Ferrocarriles Españoles e colaborador na serie.

O Consorcio de Santiago presenta o libro La catedral de Santiago en época contemporánea, coeditado con Teófilo Edicións. O libro é un estudo pormenorizado da historia e da arte da catedral de Santiago no período comprendido entre 1833 e 1923, un momento de grande importancia para comprender a configuración actual do conxunto catedralicio.

Lugar: Sede da Confederación de Empresarios de Galicia (Rúa do Vilar, 54, Santiago de Compostela)

Asistentes:
Gerardo Conde Roa, Alcalde e Presidente do Consorcio de Santiago
Irene Mera Álvarez, autora do libro

Trátase dun estudo obxectivo e sistemático elaborado por Irene Mera que ven encher un importante oco no conxunto dos estudos publicados sobre a basílica xacobea, unha época chea de importantes nomes como os cardenais García Cuesta, Payá y Rico ou Martín de Herrera, e, sobre todo, a figura do coengo Antonio López Ferreiro.

Foi nesta época cando a catedral foi obxecto de reformas importantes (logo do redescubrimento das reliquias do Apóstolo, en 1879), en especial a configuración da cripta apostólica, tal e como hoxe a coñecemos, coa fabricación da nova arca para conter as reliquias do Apóstolo e a ordenación deste espazo, cheo de simbolismo.

A cociña do Centro de Formación e Cultura Gastronómica de Hostelería Compostela acolle a presentación do número 155 da revista CompHostelería, Santiago é gastronomía, un número centrado no enorme potencial enogastronómico de Santiago e Comarca. Este número contén unha entrevista exclusiva con Joan Roca e conversas con outros cociñeiros e profesionais destacados do sector da restauración, ademais dunha reportaxe en profundidade sobre o Fórum Gastronómico e as seccións xa habituais da nosa publicación: na mesa, na barra, na cama, historia da hostelería, a escapada, o socio opina e as novas seccións de cata de viños e bebidas e a de coctelería creativa.

O espazo escollido desta vez para a presentación é a cociña do Centro de Formación e Cultura Gastronómica de Hostelería Compostela, onde están a desenvolver as súas clases prácticas, estes días centradas na elaboración de carnes, os doce alumnos do Curso de Cociña dirixido a menores de 30 anos en situación de desemprego.

O acto de presentación vai contar coa presenza de María Castelao, concelleira de Medio Ambiente de Santiago, protagonista da sección Na mesa con... o xerente de Hostelería Compostela, Andrés Condide, o director de CompHostelería, Aser Álvarez, e varios colaboradores desta publicación de referencia en Santiago e Comarca. Neste número da nosa publicación tamén incluímos unha interesante reportaxe sobre a Barbanza máis gastronómica, as blogstronomías selectas de Manuel Gago e Miguel Vila e as leccións de gastrosexoloxía de Monica Novas.

Ao remate do breve acto de presentación deste número de CompHostelería, Mónica Novas, psicóloga e sexóloga, coa axuda dos alumnos do Curso de Cociña, vai facer unha cata e degustación dun produto cárnico moi novidoso, a galeguesa, maridada con cervexa 1906 e auga Magma, que será presentado e degustado dende a sempre suxerente perspectiva multisensorial da gastrosexoloxía.

O Fórum Gastronómico celebrase por terceiro ano en Compostela, consolidando o éxito da súas anteriores edicións galegas nos anos 2008 e 2010. E unha vez máis, o Concello de Santiago, a través de Turismo de Santiago, promove que o Fórum se traslade á cidade para goce de todos: cidadáns e visitantes, profesionais e apaixonados da gastronomía: é o FÓRUM CIDADE.

A cidade enteira convertese desde o 23 ao 28 de febreiro nun grande foro da gastronomía, cunha oferta de actividades moi substanciosa e para todos os públicos.

ALGO se está a cocer… en todos os recunchos da cidade

PROGRAMA DE ACTIVIDADES:

23-28 feb Fórum Tapas
23-28 feb Fórum Noite

Venres 24 feb Cociña con Café
Venres 24 feb Dieta Atlántica
Venres 24 feb Ópera & Gastronomía
Venres 24 feb CineCena
Sábado 25 feb Merco e Cociño
Sábado 25 feb Catas con Maridaxe
Sábado 25 feb Fórum Nenos: Obradoiros Gastronómicos para Nenos/as
Todos os días Fórum Nenos: Santiago mmm... que rico! Xogo-guía
Sábado 25 feb Cocido no Mercado
Sábado 25 feb Gustorama
Domingo 26 feb Gastronovena
Luns 27 feb Fórum Viños

E ademáis...

23-28 feb Fórum Off

Descarga programa completo aquí

+ info:
Oficina de Turismo de Santiago
T. 981 55 51 29 – Rúa do Vilar, 63 – Todos os días
Punto de Información Fórum Cidade en Mercado de Abastos
23, 24 & 25 feb, de 10.00 a 14.00 h
www.santiagoturismo.com • www.forumsantiago.com

Coincidindo coa celebración do Fórum Gastronómico e do Fórum Cidade os establecementos de restauración de Santiago propóñennos menús e experiencias gastronómicas especiais de alta calidade. É o Fórum Off.

CALDERÓN
O Restaurante Calderón ofrécenos 2 opcións de Menú Forum
Do 23 ao 28 de febreiro (comidas e ceas).

1. Menú Forum Gastronómico no lounge bar
Degustación de:
3 pratos salgados da nosa carta
1 prato doce da nosa carta
Deixa que te sorprendamos

Prezo: 25 euros (bebidas non incluídas)

****
2. Menú Forum Gastronómico nos reservados
4 pratos salgados da nosa carta
   - Xeado de foie con figos e mazá acaramelada
   - Ensalada morna de vieira con codium e froitos secos
   - Medallón de xurelo afumado
   - Croca con miolos

2 pratos doces da nosa carta
   - Sopa de maracuxá con xeado de caramelo
   - Berenguelas

Prezo: 36 euros (bebidas non incluídas)

Reservas: teléfono: 981 55 43 46

________________________________________

GARUM
Un menú exclusivo para un día especial. O Gárum dá a benvida ao Forum Gastronómico e ao Fórum Cidade cunha proposta que tan só poderás degustar nesta data. Unicamente 12 prazas baixo reserva nunha mesa e nunha noite única que non debes perderte.

Domingo, 26 de febreiro, pola noite

MENÚ EFÉMERO

SNACS
Tella de lura con ali‐oli e ovo xl a 65º
Orella “crunch” co seu guiso tradicional
Terra

PRIMEIROS
Polbo en tempura con mousse de aguacate e aire de lima
Ceviche de lagostinos + codium + flores + nube de tomate e xeado de vinagre‐piña

SEGUNDOS
Faisán cofeitado con ceboliñas ao porto, mollo de chocolate amargo e fresas e framboesas frescas
Robaliza salvaxe con pemento e allete asado, mousse de pataca ao xamón e trufa negra

SOBREMESAS
Crema de chocolate con granizado de menta e escuma de ron
Biscoito de cenoria con noces, xeado de chocolate branco, crema de abelás e rúcula salteada
Café e bodega maridada incluídos

PREZO DO MENÚ EFÉMERO
• 45,00 € por persoa, ive incluído

RESERVA DE PRAZAS
• Tel 981062631 | eventosgarum@gmail.com . Lembra que unicamente hai 12 prazas

________________________________________

ABASTOS 2.0
Sábado, 25 - 13-16 h: Un día na Feira (Sesión vermú.. polbo, mariscos e música)
Luns, 26 - Restaurante Efémero. Menús Taberna 2.0 Arquivos 2010-2011 Menú Especial Fórum (Xantar e Cea)
Martes, 27 - Restaurante Efémero. Menús Taberna 2.0 Arquivos 2010-2011 Menú Especial Fórum (Xantar)

Descarga programa completo Fórum Cidade aquí

+ info:
Oficina de Turismo de Santiago
T. 981 55 51 29 – Rúa do Vilar, 63 – Todos os días
Punto de Información Fórum Cidade en Mercado de Abastos
23, 24 & 25 feb, de 10.00 a 14.00 h
www.santiagoturismo.com • www.forumsantiago.com

Durante 6 días, 12 establecementos da cidade ofrecerán a súa Tapa Fórum, deseñada en exclusiva para esta ocasión. Os clientes poderán ademais optar a distintos premios só por participar nesta apetitosa ruta.

Cartón de participación e normas en páxinas finais do folleto Fórum Cidade, dispoñible en Turismo de Santiago.

** Horario: 20.30-23.30 h (mínimo)

** Prezo/tapa: 2 €

** Establecementos

Abastos 2.0
Un cacho de escacho

Acio
A nosa berza á galega

Calderón
Pescada á galega
Día de peche: domingo

Casal do Cabildo
Bolo do pote e lacón sobre crema de grelos e espuma de chourizo
Día de peche: domingo noite e martes

Garum Bistró
Orella crocante
Día de peche: domingo noite

La Bodeguilla de San Lázaro
Terrina de polbo co seu cachelo
Día de peche: domingo

Mesón de Lázaro
Bertón con berberechos
Día de peche: sábado

O Catro
Disfrace de entroido
Día de peche: domingo e luns mediodía

O Curro da Parra
Ravioli de carne ao caldeiro
Día de peche: domingo noite e luns

Puerta del Camino
Lombo de xurelo ao punto sobre escalibada ecolóxica e crema suave de allo

Tafona Casa de xantar
Verdinas con tripa de bacallau e crestas de galo

Tapería Castelao
Caldo galego
Día de peche: domingo

Descarga programa completo Fórum Cidade aquí

+ info:
Oficina de Turismo de Santiago
T. 981 55 51 29 – Rúa do Vilar, 63 – Todos os días
Punto de Información Fórum Cidade en Mercado de Abastos
23, 24 & 25 feb, de 10.00 a 14.00 h
www.santiagoturismo.com • www.forumsantiago.com

Tras o éxito obtido o pasado 2010, volve a Gastronovena, unha experiencia inesquecible: dezaseis cociñeiros do Grupo Nove presentarán as súas creacións en 8 establecementos da cidade, aproximando a alta cociña a todos os cidadáns e visitantes e a prezos sorprendentes: por só 2 € poderemos gozar da cociña de vangarda nos locais de sempre.

Horario:    20.30 - 23.30 h
Prezo/tapa:    2 €

A Casa do Medio
•    Miguel Ángel Campos (A Gabeira)
Bacallau giraldo con coliflor e garavanzos

•    Javier Rodríguez “Taky”
Costela de tenreira galega con ceboletiñas bañadas ao Cebreiro

A Moa
•    Iñaqui Bretal (Eirado da Leña)
Caldeirada

•    Pablo Romero (Allo e aceite)
Tartar de atún vermello con cebola crocante e curry

Central
•    Antonio Botana (Pandemonium)
Guiso de xibia con xugo de trigueiros á brasa

•    Yayo Daporta (Yayo Daporta)
Feixóns con cocochas ao pilpil

La Bodeguilla de San Roque
•    Pepe Solla (Casa Solla)
Sobre un escabeche cremoso, lombo de xarda mariñado e lixeiramente picante

•    Alberto González (Silabario)
Lamprea afumada e glaseada, xugo de pementos á grella e tirabeques tenros

La Flor
•    Gonzalo Rei (El Mercadito)
Ceviche de robaliza con limón aireado

•    Rafael Centeno (Maruja Limón)
Capuchino de fungos con xema callada e touciño entrefebrado

O Afiador
•    Héctor López (España)
Empanada "en lata" de berberechos e brona

•    Javier González (A Reixidora)
Sopa de castañas para beber co acompañamento preciso

Negreira 'O Patata'
•    Xosé Cannas (Pepe Vieira-Camiño da Serpe)
Torrada de pan de trigo embebida en caldo de ceviche, con lascas de xurelo e pel de lima

•    Beatriz Sotelo & Xoan Manuel Crujeiras (La Estación)
Longuirón de Finisterre con pesto de San Simón e froitas

Porta Faxeira
•    Eduardo Pardo (Domus)
Encebolado de zamburiñas cunha escuma de pataca e San Simón

•    Manuel García (O Retiro da Costiña)
Cacheira de porco celta sobre canto rodado e aroma de chourizo

Descarga programa completo Fórum Cidade aquí

+ info:
Oficina de Turismo de Santiago
T. 981 55 51 29 – Rúa do Vilar, 63 – Todos os días
Punto de Información Fórum Cidade en Mercado de Abastos
23, 24 & 25 feb, de 10.00 a 14.00 h
www.santiagoturismo.com • www.forumsantiago.com

Do 5 de maio ao 3 de xuño, o Restaurante Enxebre, no Hostal dos Reis Católicos, ofrece unha proposta gastronómica que xira arredor dogalo de curral. Un maridaxe de gastronomía e cultura xunto á exposición pictórica da artista Marga Modelo.

O concello de Vedra organiza durante todo o sábado 26 de maio unha xornada enogastronómica que inclúe a visita guiada e gratuíta ás adegas da comarca, menús a prezos especiais, incluíndo viño D.O. Rías Baixas (subzona Ribeira do Ulla), ademais da posibilidade de visitar de balde os pazos e xardíns históricos da zona.

A xornada comprende a visita guiada e gratuíta ás adegas participantes na promoción. Todas elas terán as súas portas abertas durante este día. Dependerá da túa elección visitar unha ou varias. Ao finalizar a visita ofreceranche como agasallo unha degustación dos mellores viños Rías Baixas.

Establecementos participantes:

- Adega Pazo de Galegos (portas abertas - visita)
- Adega Valdés (portas abertas - visita)
- Destilería Aguardientes de Galicia (portas abertas - visita)
- Casa Suárez Turismo Rural (descontos especiais)
- Restaurante Villa Verde (Menús enogastronómicos)

Tamén atoparás unha serie de restaurantes onde poderás xantar aproveitando a oferta especial deste día.

Os menús compoñeranse de primeiro e segundo prato, acompañados ambos con viños da Denominación de Orixe na que te atopes. O prezo final, con IVE, será de 25 € e levará incluída a sobremesa.

Os restaurantes adheridos a esta promoción ofrecerán, ademais, menús infantís para os nenos menores de 12 anos que acompañen aos adultos. O prezo destes menús infantís será de 10 € (ive incluído). E en cada Ruta poderás atopar ademais un programa especial para ese sábado 26 de maio.

** Programa especial gratuíto 'Ruta polos pazos e xardíns históricos'

Visita aos Pazo de Santa Cruz de Ribadulla, Pazo de Ximonde e Pazo de Galegos.

Dende o Concello  de  Vedra propoñemos unha visita gratuíta polos pazos e xardíns históricos do concello. A ruta comezará as 11:00 da mañá e partirá da Casa dos Peóns (Oficina de Turismo en San Pedro de Vilanova, estrada Santiago-Ourense -pasando Lestedo á dereita- N525 PK 326, 42º 47.418´ N  008º 26.650´ W).

Reserva a túa praza ata o 24 de maio no telefono 981 814 612 ou en casadospeons@concellodevedra.com.

Os establecementos adheridos á Ruta do Viño Rías Baixas súmanse a esta iniciativa con varias propostas:

- Pazo de Galegos, Adega Valdés e a destilaría Aguardientes de Galicia propoñen unha xornada de portas abertas con visitas gratuítas aos seus establecementos.
- O Restaurante Villa Verde propón dúas variantes de menú especial para este día, acompañados de viños da DO Rías Baixas, a un excelente prezo  de 25 euros por persoa.
- Os aloxamentos Casa Suárez e Pazo de Galegos ofrecen descontos especiais para a ocasión.

Lembra que o Concello de Vedra forma parte da denominación de orixe Rías Baixas, subzona Ribera do Ulla, da Ruta da Camelia e posúe a única Ruta do viño da D.O. Rías Baixas da provincia da Coruña.

Para a organización desta xornada enogastronómica o Concello de Vedra está a colaborar con Turgalicia e coa Ruta do Viño Rías Baixas.

As terrazas do Parque de Belvís acollen, un martes máis, o mercado 'Entre Lusco e Fusco', un mercado de produtos ecolóxicos e de proximidade coordinado por Andaime, en colaboración coa coooperativa Eirado e os colectivos de produtores A Hortiña e Lentura.

Ademáis, esta tarde o Mercado 'Entre Lusco e Fusco' tamén  acollerá o mercado de troco.

Máis info na páxina de Facebook: aquí

O Restaurante Enxebre, no Hostal dos Reis Católicos, ofrece ao longo desde mes unha proposta gastronómica que xira arredor do polbo galego. A proposta complétase coa posibilidade de admirar as últimas obras da pintora coruñesa Nany Osende.

Tras o recoñecido éxito alcanzado na súa primeira edición, Retro Galicia celebra a súa segunda convocatoria este fin de semana no Recinto Feiral de Amio en Santiago de Compostela. A elección da capital de Galicia como sede deste evento foi fundamental para alcanzar o éxito tanto na calidade dos expositores, coma na sorprendente cantidade de afeccionados e profesionais que de todo o noroeste peninsular visitaron Retro Galicia.

Outro dos determinantes motivos, ademais do máis que coñecido número de afeccionados ao mundo do automóbil e, en especial, ao vehículo clásico, que existen na Comunidade Galega, así como nas súas rexións limítrofes do norte de España e Portugal, é a excelente infraestrutura feiral que ofrece a Feira de Santiago de Compostela e as boas comunicacións viarias que enlazan Santiago, capital e centro neurálxico e xeográfico de Galicia, coas principais cidades galegas, de Asturias, Portugal, etc.

Retro Galicia, estará de novo dirixida por Eventos do Motor, S.L., empresa con máis de vinte anos de experiencia na organización de monográficos comerciais vinculados ao mundo da automoción, que foi a encargada de poñer en marcha, entre outros, os Salóns do Automóbil de Vigo, Sevilla, Valencia, Coruña, Zaragoza, etc., que dende hai nove anos leva a cabo AutoClássico Porto (Portugal), considerado como o certame de clásicos máis importante da península e Retro Bilbao.

Ao igual que na pasada edición, a actividade comercial do monográfico completarase cun intenso programa de actividades paralelas. Neste sentido, cabe destacar as que se celebraron en 2011, na que houbo numerosas concentracións de coches e motos, a chegada do Rally Rias Baixas de Clásicos, o día da moto, o MotorShow e as sesións Co-Drive realizados nun do aparcadoiros do Recinto, a retrospectiva Saab ou a conferencia levada a cabo polo Campión de Rallys Antonio Zanini, que permitiron dinamizar o desenvolvemento do evento e atraer o numeroso público ata o recinto feiral.

Sectores exposición: Automóbiles e Motocicletas (Compra, Venda, Restauración, Pezas e Accesorios), Clubes e Museos, Ralis e Concentracións, Libros, Medios de Comunicación e Revistas Especializadas, Seguros, Asistencia en Viaxe, Financeiras, Miniaturas de Colección, Maquetas, Vestiario de Época, etc.

Web oficial: www.eventosmotor.com

Tras o éxito das súas dúas primeiras edicións, Retro Galicia celebra a súa terceira convocatoria este fin de semana no Recinto Feiral de Amio.

A elección da capital de Galicia como sede deste evento foi fundamental para alcanzar o éxito tanto na calidade dos expositores, coma na sorprendente cantidade de afeccionados e profesionais que de todo o noroeste peninsular visitaron Retro Galicia.

Outro dos determinantes motivos, ademais do máis que coñecido número de afeccionados ao mundo do automóbil e, en especial, ao vehículo clásico, que existen na Comunidade Galega, así como nas súas rexións limítrofes do norte de España e Portugal, é a excelente infraestrutura feiral que ofrece a Feira de Santiago de Compostela e as boas comunicacións viarias que enlazan Santiago, capital e centro neurálxico e xeográfico de Galicia, coas principais cidades galegas, de Asturias, Portugal, etc.

Retro Galicia, estará de novo dirixida por Eventos do Motor, S.L., empresa con máis de vinte anos de experiencia na organización de monográficos comerciais vinculados ao mundo da automoción, que foi a encargada de poñer en marcha, entre outros, os Salóns do Automóbil de Vigo, Sevilla, Valencia, Coruña, Zaragoza, etc., que dende hai dez anos leva a cabo AutoClássico Porto (Portugal), considerado como o certame de clásicos máis importante da península e Retro Bilbao.

Ao igual que nas pasadas edicións, a actividade comercial do monográfico completarase cun intenso programa de actividades paralelas. Neste sentido, cabe destacar as que se celebraron en 2012, na que houbo numerosas concentracións de coches e motos, a chegada do Rally Rías Baixas de Clásicos, o MotorShow realizado nun do aparcadoiros do Recinto, a retrospectiva Porsche ou a conferencia levada a cabo polos pilotos Beny Fernández, Julio Gargallo, Jesús Ferreiro e Sergio Vallejo, que permitiu dinamizar o desenvolvemento do evento e atraer o numeroso público ata o recinto feiral.

O Concello de Santiago promove ao longo de 2012 un programa de sendeirismo a cargo do clube de sendeirismo Via Láctea.

Poden participar todas as persoas interesadas que reúnan un mínimo de condicións físicas e se sintan capacitadas para desenvolver a actividade, os menores de idade deberán acudir acompañados por unha persoa adulta que se faga responsable del.
Para obter información sobre solicitudes e follas de inscrición poden achegarse á Casa das Asociacións, ou por consulta telefónica no 981 542 350, no horario de atención do programa, ou a través do enderezo electrónico: participacioncidada@santiagodecompostela.org.
A entrega da documentación farase na Casa de Asociacións no horario de atención indicado.

O pago farase efectivo unha vez confirmada a disposición de praza, a través do pagamento na conta do Club Vía Láctea 2080-0396-01-3040001740 de NovaGalicia Banco, e presentarase na Casa das Asociacións o resgardo do pagamento bancario. Aquelas persoas que teñan a licenza da Federación Galega de Montañismo, deberán presentar fotocopia do recibo pagado do ano 2012 para que se lle aplique o prezo de federado na ruta a realizar. A diferenza no prezo radica na inclusión do pagamento dun seguro de accidentes para as persoas que non estean federadas.

O prazo de inscrición no programa, tanto en rutas dunha xornada como de varias, abrirase a partir do martes 14 de febreiro de 2012 no horario de atención establecido, e seguirase a rigurosa orde na inscrición para a adxudicación da praza. Non se admitirán inscricións nas rutas que non teñan a antelación de catro días con respecto á data da mesma, agás para as rutas: Val do Jerte, Parque Nacional de Ordesa, Picos de Europa, Os Ancares, Illa de Ons e Ribeira Sacra, nas que deben realizarse cunha antelación mínima de 15 días. O número mínimo de inscricións para a realización das rutas será de 35 participantes por autocar, e máximo 104 para as dun día e 50 para as de varios días. De non acadarse o número mínimo, anularase a saída e procederase á devolución do pagamento ás persoas inscritas. Únicamente haberá devolución da cuota, cando xustificadamente e cunha antelación mínima de catro días, esta se comunique por escrito e presentado na Casa das Asociacións.

*** Consulta o calendario de saídas aquí

**Puntos de saída/ chegada e horarios:
1º Punto recollida: Na Avenida Rodríguez de Viguri, pola parte de atrás da estación de autobuses.
Hora: 20 minutos antes do horario indicado no calendario de cada ruta.
2º Punto saída: Diante da Casa das Asociacións (Antiga estación de Cornes).
Hora: A indicada no calendario de rutas.

Os puntos de chegada, serán os mesmos puntos que os de saída, os horarios dependerán da duración de cada ruta. O horario de chegada aproximadamente será ás 21:00 para ás rutas dun día. No caso das rutas do Val do Jerte, Parque Nacional de Ordesa, Picos de Europa, Os Ancares, a chegada será aproximadamente ás 24:00 h. do día sinalado. Despois de cada ruta e sempre que se poida, desenvolveranse visitas a aqueles monumentos, pobos, museos ou zonas próximas a ruta realizada e que esperten un certo interese cultural.
A organización resérvase o dereito de modificar ou anular os itinerarios programados así como as datas, horarios, e outros factores se existiran causas alleas como poden ser o número insuficiente de participantes, climatoloxía adversa ou calquera outra que impida o normal desenvolvemento da actividade ou supoña un risco para a integridade das persoas. Os participantes estarán acompañados en todas as rutas por persoal da organización.

**Recomendacións
Indumentaria: Botas de Trekking (nunca estrees calzado nunha camiñada longa). Roupa adecuada, comoda e transpirable que permita liberdade de movementos, pantalóns e calcetíns suaves e sen costuras para evitar rozaduras. Unha muda de reposto, chuvasqueiro, sombreiro, lentes de sol, protección solar, e pequena mochila de non máis de 5 kg.

Alimentación: Bocadillo, froita, froitos secos ou galletas, barras de cereais, chocolate, etc (evitar produtos salgados). Líquidos (auga, bebidas enerxéticas ou isotónicas). Cómpre beber cada hora e non agardar a ter sede.

De utilidade: Unha vara ou bastón para terreos accidentados, inestables ou con desniveis. Cantimplora térmica, crema hidratante, bolsas para lixo e a roupa sucia.

Seguridade: Móbil coa batería cargada. Camiñar sempre en compañía doutros participantes.

**Máis información e inscricións:
Casa das Asociacións de Cornes
Rua Manuel Beiras, nº 3 (antiga estación de Cornes), Tlfno. 981 542 350
participacioncidada@santiagodecompostela.org

**Horario de atención do programa:
De Martes a Venres de 16:30 h a 21:30 h e Sábados de 10:00 h a 14:00 h e de 16:30 h a 21:30 h.

No marco das festas da Ascensión, o Mercado Nacional de Gando de Amio acolle a tradicional Feira Cabalar que contará coa celebración de diversos concursos oficiais, exhibicións de doma de alta escola e fantasías ecuestres con cabalos de pura raza galega e española.

Concurso cabalar Ascensión 2012
Mercado nacional de gando de Santiago (Amio)

PROGRAMA:
- 09.30 h. Apertura de inscricións
- 10.30 h. Concurso puntuable para a copa Galicia de pura raza galega
- 11.30 h. Concurso morfolóxico de Cabalos cruzados
- 12.00 h. Concurso morfolóxico de Eguas cruzadas
- 12.30 h. Entrega de premio de todas as categorías en concurso e do gran premio Dragóns de Santiago
- 13.25 h. Espectáculo ecuestre
De 11 a 13.45 h. Escola infantil de monta en ponis

Consulta o programa completo da Ascensión aquí

O Grupo Correo Gallego organiza en colaboración co Concello de Santiago o IX Día Autonómico do Minibásquet, que se celebrará ao longo de todo o sábado 9 de xuño no Multiusos Fontes do Sar.

O torneo terá a mesma dinámica que en anos anteriores. Como en edicións pasadas, disporase de espazos para o esparcemento dos nenos que non estean xogando nas pistas centrais, que estará a cargo dos monitores da Escola de Tempo Libre e Animación Sociocultural Don Bosco.

O Día Autonómico do Minibásquet xa é unha cita obrigada no calendario dos equipos galegos. Nestes momentos de crise a colaboración dos participantes foi esencial para que un ano máis este torneo puidese celebrarse. Tamén, coma en edicións anteriores, os inscritos exceden as limitacións das instalacións. O número de participantes é de 98 equipos, que disputarán 104 encontros, nas categorías de Mini (alevín) e Premini (benxamín), desde as 09.30 ata as 19.30, en 9 pistas simultaneamente.

A organización conta coa colaboración do Concello de Santiago, que este ano farase cargo do traslado dos equipos á capital galega, tamén da Federación Galega de Baloncesto, con 30 árbitros de toda a comunidade autónoma, así como con 60 colaboradores que velarán para que os 1.400 participantes, chegados de distintos puntos da xeografía galega, gocen dun día dedicado ao baloncesto.

Haberá 70 equipos procedentes de municipios como: Verín, Viveiro, Cangas do Morrazo, Xinzo de Limia, As Pontes e O Barco de Valdeorras, entre outros. Algúns dos clubes participan por primeira vez na presente edición. Todos eles desprazaranse en 22 autobuses. Os restantes equipos pertencen a Santiago e comarca.

Tamén contamos coa colaboración dos habituais patrocinadores de esta cita: Consellería de Educación e Ordenación Universitaria, Concello de Santiago, Coca Cola, Blu:sens, Federación Gallega de Baloncesto e Multiusos Fontes do Sar. Así como coa inestimable axuda de: o Grupo Scout Chan, 061, Cruz Vermella e Protección Civil. 

PROGRAMA:

- 9:00 h. RECEPCIÓN DE EQUIPOS (Entrega de documentación)

•    Calendario, horario, pistas de xogo e plano do pavillón.
•    Bonos comida: Bono por equipo; teñen que presentarse todos xuntos á xantar. As quendas son:13.00h, 13.30h e 14.00h.
•    Bonos almorzo e merenda: Tickets individuais para que cada participante poida retiralo na caseta correspondente, situada na entrada do pavillón.
•    Horario do almorzo: 10.00 a 11.30 horas e o de merenda de 16.30 a 18.00 horas.
•    Horario concurso tiro e habilidades. Ás 11.00h e ás 17.00h

- 19:00 h. CLAUSURA

- 20:00 h. FINALIZACIÓN DA XORNADA E SAÍDA DOS AUTOBUSES

Un ano máis, Novacaixagalicia convoca o seu Premio de Xornalismo Francisco Fernández del Riego. O prazo de presentación dos traballos estará aberto ata o 31 de marzo de 2012, e poderán concorrer artigos de opinión e de xornalismo literario publicados entre o 1 de xaneiro e o 31 de decembro de 2011, en calquera medio de comunicación impreso ou dixital de cabeceiras recoñecidas.

Poderán presentarse ao concurso artigos tanto por iniciativa dos seus propios autores coma pola de organismos e institucións públicas ou privadas. Deberán estar escritos en lingua castelá, no caso do premio Julio Camba, e en galego, no do premio Fernández del Riego. Para a presentación dos traballos é necesario remitir tanto o documento orixinal como a páxina completa da cabeceira en que se reproduciu, e pode escollerse entre o envío a través do correo electrónico ou do correo postal. En todos os casos cómpre indicar os datos persoais do autor (nome, apelidos, enderezo, teléfono e NIF).
Novacaixagalicia designará, en cada un dos certames, o xurado, que estará constituído por persoas de recoñecido prestixio no ámbito xornalístico, literario ou académico, e que contarán coa capacidade para resolver cantas cuestións merecesen ser consideradas para a interpretación das bases. Novacaixagalicia, inmediatamente despois de dar a coñecer a resolución dos xurados, procederá á destrución dos orixinais presentados e reservarase o dereito de reprodución dos traballos premiados, así como de calquera outro que, presentado aos concursos, mereza esa consideración por parte dos xurados.
Ambos premios, que non poderán ser divididos nin declarados desertos e deberán ser resoltos no primeiro semestre do 2012, teñen unha contía de 12.000 euros cada un.

Máis información en: www.obrasocialncg.com

Un ano máis, Novacaixagalicia convoca o Premio de Periodismo Julio Camba. O prazo de presentación dos traballos estará aberto ata o 31 de marzo de 2012, e poderán concorrer artigos de opinión e de xornalismo literario publicados entre o 1 de xaneiro e o 31 de decembro de 2011, en calquera medio de comunicación impreso ou dixital de cabeceiras recoñecidas.

Poderán presentarse ao concurso artigos tanto por iniciativa dos seus propios autores coma pola de organismos e institucións públicas ou privadas. Deberán estar escritos en lingua castelá, no caso do premio Julio Camba, e en galego, no do premio Fernández del Riego. Para a presentación dos traballos é necesario remitir tanto o documento orixinal como a páxina completa da cabeceira en que se reproduciu, e pode escollerse entre o envío a través do correo electrónico ou do correo postal. En todos os casos cómpre indicar os datos persoais do autor (nome, apelidos, enderezo, teléfono e NIF).
Novacaixagalicia designará, en cada un dos certames, o xurado, que estará constituído por persoas de recoñecido prestixio no ámbito xornalístico, literario ou académico, e que contarán coa capacidade para resolver cantas cuestións merecesen ser consideradas para a interpretación das bases. Novacaixagalicia, inmediatamente despois de dar a coñecer a resolución dos xurados, procederá á destrución dos orixinais presentados e reservarase o dereito de reprodución dos traballos premiados, así como de calquera outro que, presentado aos concursos, mereza esa consideración por parte dos xurados.
Ambos premios, que non poderán ser divididos nin declarados desertos e deberán ser resoltos no primeiro semestre do 2012, teñen unha contía de 12.000 euros cada un.

Máis información en: www.obrasocialncg.com

Este luns o Ateneo de Santiago organiza na sede da Fundación Novacaixagalicia Claudio San Martín, situada na Rúa do Vilar, 19, a conferencia do Ciclo “Cambio Climático” titulada 'Impacto do cambio climático nos ecosistemas mariños de Galicia', que estará impartida por D. Xosé Antón Álvarez Salgado, Investigador científico do CSIC.

A Historia da pedra en Galicia chega á Cidade da Cultura en forma de fábula. Os canteiros Garabullo e Mangarrias son os protagonistas de “O Arxina e o Felo”,  dous monicreques que entre reflexións e cantareiras amosarán o día a día dun dos oficios máis vencellados a Galicia. Unha obra de teatro a cargo da compañía Viravolta que combina historia, cultura e, sobre todo, humor pensado para gozar en familia.

Idade recomendada: a partir de 4 anos

Texto: Francisco Rozados
Dirección: Anxo García
Manipulación: Xulio Balado, Pilar Álvarez, Anxo García
Produción: Viravolta Títeres

Garabullo e Mangarrias son dous afamados canteiros que entre picar e filosofar, e filosofar e picar cantan unha cantilena.

Escurria Purruncho!..... Purruncho escurria!...
(latín dos canteiros)

Os arxinas Garabullo e Mangarrias no seu afán de ensinarlle os segredos da pedra e o verbo -latín dos canteiros- ao seu morrón -aprendiz- Faxurdín tropezan cun raposo turrón empeñado en brindarlle a súa protección e un demo teimudo que lles encarga unha fermosa ponte de pedra.

Arxinas nobis xaramos
xorufos e xidavantes
e alí onde mariñamos
xara un despois e un antes

Pulgas acróbatas, pompas de xabón xigantes, cepelíns, labirintos, “zancudos”, pallasos, malabaristas… Todo un “exército” de artistas volverá desembarcar no Gaiás este sábado para celebrar un festival cheo de espectáculos ao aire libre para toda a familia: a Cidade Imaxinaria.

Con actividades totalmente de balde, de 11:30 a 21:30 horas, o Gaiás volverá ao mundo máxico do circo, ao balbordo das feiras de principios de século e aos inventos e ilusións ópticas nun ambiente cheo de cor, humor e música no que gozarán grandes e pequenos.

Divertidos espectáculos de rúa que nos transportarán ao mundo do circo, ao dos charlatáns e vendedores ambulantes  e aos dos primeiros aviadores; xogos cheos de enigmas, misterios e diversión; teatro de monicreques para toda a familia e unha peculiar caravana reconvertida en sala de cine ocuparán a praza central do Gaiás para que o público goce ata o último momento.

Cidade Imaxinaria contará ademais con divertidos obradoiros para nenos e adultos, unha ludoteca para bebés e animación durante todo o día que converterán o Gaiás nunha explosión de creatividade e imaxinación.

Máis info en www.cidadedacultura.org

Entre o 10 e o 15 de xullo, Compostela acolle a VII edición de Galicia Fasion Week, a plataforma do deseño galego que mostrará as tendencias de moda e complementos para a próxima tempada outono-inverno 2012-2013. A edición deste ano conta ademais cun programa de actividades paralelas.

Nesta edición, a GFW organiza un programa de desfiles de moda galega presentados pola actriz María Mera na Praza da Quintana, coa Porta Santa como privilexiado escenario. O acceso ao espazo dos desfiles será de entrada libre.

GFW converteuse en poucas edicións no referente a nivel nacional do deseño galego e a pesar da crise actual, tanto Galicia Fashion Week, coma os seus participantes e colaboradores realizaron un grande esforzo para posicionar o evento como referente internacional da promoción do deseño galego dende Santiago de Compostela, motivo polo que este ano se apostará novamente pola promoción das coleccións de moda e complementos artesanais de autor e do deseño "Made in Galicia".

GFW integrará dentro das actividades culturais, espazos significativos e de gran relevancia na cidade que acollerán varias exposicións. Estes espazos serán o Hostal Parador dos Reis Católicos, Área Central e o Jazz Club Dado Dadá. Tamén se fusionarán a moda e a música coas actuacións previas aos desfiles da cantante Alba Messa o día 15 e o dj santiagués Pablo Arnejo cunha actuación de electrónica alternativa o día 14.

DESFILES

** 14 de xullo
- 19:00 h. Praza da Quintana
GFW: Katuxa Platero, Cabuxa, Livob, Perdona Bonita, Ana Paradelo, Eva Outeiral.

** 15 de xullo
- 16:00 h. Praza da Quintana
Zona E: Leticia Priegue, Veronica Ouro, Nuria Piñeiro, Pily Montes, Alejandra Couza, Alicia Santomé, Raquel Martínez, María Viqueira, Alba Pereira, Estefanía Brea
Zona Zero: deseñadores de escolas de deseño
- 19:00 h. Praza da Quintana
OFF: Matteos, Antía Castro, Divina de la Muerte, Nicanora, Mónica Guillán, Cristóbal Vidal

ACTIVIDADES

- 7 de xullo ás 18:00 h "Cool People Fashion Show" en Area Central.
- Do 10 ao 31 de xullo. Exposición "Andante" en Area Central.
- Do 11 ao 24 de xullo. Exposición "Museo do Traxe Juanjo Linares" no Parador dos Reis Católicos.
- Do 12 ao 31 de xullo. De 21:00 a 02:00 exposición fotográfica "The Fashion View" no Dado Dadá.
- 14 de xullo ás 18:30 Actuación musical do Dj Pablo Arnejo.
- 15 de xullo ás 18:30 Actuación musical da cantante e actriz Alba Messa
- 14 e 15 de xullo "GFW Blogger Meeting" na Praza da Quintana

Durante dúas xornadas o Multiusos Fontes do Sar acolle a segunda edición da Feira Internacional de Emprego (FIE), un evento organizado polo Concello de Santiago que permitirá ás persoas demandantes de emprego da cidade entrar en contacto directo cun número importante de empresas, tanto españolas como estranxeiras (de todos os sectores económicos: tecnoloxía, turismo, industria, banca, seguros, comercio, servizos, sanidade,...), que aproveitan a oportunidade que lles ofrece a Feira para seleccionar e dimensionar os seus cadros de persoal.

O prazo de inscrición online para participar nos procesos de selección que se desenvolverán durante os dous días de Feira remata o 13 DE XULLO. Unha vez inscrito, o candidato pode enviar o seu currículo ás ofertas que máis lle interesen.

Toda a info aquí

Inscricións: aquí

Facebook: https://www.facebook.com/pages/II-Feira-Internacional-de-Emprego-FIE/103766666433625

Twitter: @FIE_Santiago

Durante una semana, o orixinal do Códice Calixtino pode contemplarse no Pazo de Xelmírez, dentro dunha exposición organizada polo Museo da Catedral de Santiago sobre esta peza.

O acceso á sala onde se pode contemplar o Códice Calixtino realízase pola Catedral. O horario de visitas desenvolverase entre as 11.00 e as 14.00 horas e entre as 16.00 e as 20.00 horas (o domingo só de mañá).

A entrada é totalmente gratuíta.

Máis info sobre a exposición aquí

UniRede é un espazo de intercambio para amosar á sociedade os logros da web 2.0 en Galicia. Pretende fomentar a interacción entre os diferentes actores da Social Media en Galicia e difundir entre a sociedade as vantaxes e as posibilidades de desenvolver a web 2.0 nos diferentes sectores económicos da nosa comunidade. Neste ano 2012 teremos novedades e incorporaremos novos sectores.

PROGRAMA

- 9:30 h. PONENCIA 1
Clara Ávila: “Social Media Hipsterism: Novas plataformas en redes sociais”

- 10:30 h. PONENCIA 2:
Roberto P. Marijuán: “Sácalle partido ao Neuromárketing na web”

- 11:30 h. COFFEE-BREAK

- 12:00 h. CASO DE ÉXITO ESPECIAL
Código Cero

- 12:30 h. CASOS DE ÉXITO / BOAS PRÁCTICAS
Nyxstyle
Sabor a Vida
Sentinel Wardrobe
Tekuidamos 2.0 | Olga Navarro
Elena Gallego Abad

- 14:00 h. COMIDA NETWORKING

- 16:00 h. PONENCIA 3:
Blanca Zayas: “Tres poderosas forzas que transforman as viaxes: UGC, redes sociais e móviles”

- 17:00 h. OBRADOIROS:

**Turismo e Gastronomía
Manuel Bustabad | Expreso.info
Rubén Amorín – Blogger gastronómico nimataniengorda.com
Eliseo Real e Verónica Vilar LugOtea!

**Industrias Culturais
Contos extranos
Fervenzas Literarias
Quique Alvarellos

**Moda e Tendencias
Gonzalo Vázquez - Diseñador
Sandra Cuíña – Blogger de moda en yonosoyunaitgirl
María Paz Caballero – Coolhunter e Blogger en trendsandtopic
Paula Deiros - Blogger de moda en pauladeiros

**Saúde 2.0
Olga Gallego
Rodrigo Gómez – Plataforma de Innovación Sanitaria
Carlos Peña – Plataforma de Innovación Sanitaria
Xosé Manuel Meijome -Enfermeiro e blogger

**Comunicación e Tecnoloxía
Lacon Network
Carmen Fernández | Nós Comunicación
José Manuel García | Programa Come e Fala Radio Galega
José Lus del Campo Villares | Blogger e CEO Socialmedia Network

Toda a info en forounirede.com

O Salón de Actos do Edificio CERSIA Empresa acolle esta mañá a celebración do Foro Aeroportuario Galicia - Norte de Portugal, dentro do programa Santiago Investors Support, organizado pola Asociación de Hostelería de Santiago de Compostela en colaboración co departamento de Economía do Concello de Santiago.

O obxectivo deste Foro Aeroportuario é servir de espazo común para a reflexión e o intercambio de ideas e argumentos, dende un punto de vista técnico e empresarial, para orientar a toma de decisións en materia de política aeroportuaria e facer posible a internacionalización do sector turístico e da economía da Eurorrexión e a optimización das infraestruturas existentes.

Os ponentes do I Foro Aeroportuario Galicia - Norte de Portugal son:
- Javier Losada. Consultor aeroportuario internacional e Xerente da Área de Aeroportos de IDOM.
- Fernando G. Vieira. Director do Aeroporto Sá Carneiro de O Porto.
- Francisco Camino e Nicolás A. Rouco. Bloggers especializados en turismo, viaxes e aeroportos.
- Abilio Álvarez y Diego Otero. Responsables da Asociación Galega de Axencias de Viaxes.
- Pablo Gómez. Xerente do Clúster de Loxística, Mobilidade e Transporte de Galicia.

Tras as presentacións iniciais, de 10 minutos cada unha, abrirase un debate e intercambio de ideas onde poden participar todos os asistentes para afondar nos mecanismos que operan na relación entre o deseño e a planificación dun sistema aeroportuario eficaz e eficiente, a conectividade aérea e a internacionalización da economía e do sector turístico da Eurorrexión.

O domingo 24 conmemórase o Día de Rosalía de Castro. Este ano, ademáis, se celebra o 150 aniversario da publicación de 'Cantares Gallegos', o libro que marcou o comezo do Rexurdimento da literatura galega.

PROGRAMA DE ACTIVIDADES

- De 10.00 a 12.00 celebraráse a Alborada para Rosalía, un acto no que milleiros de gaiteiros de toda Galicia renderán tributo á escritora. En Santiago, esta Alborada terá lugar ás 10 da mañá na Praza de Vigo. Ao remate, lerán un manifesto. Trátase dunha iniciativa da Fundación Rosalía de Castro xunto coa Asociación de Gaiteiros Galegos. Os gaiteiros que queiran participar poden anotarse na web da Fundación.

- Ás 10:00 h, ofrenda oral ao pé do monumento que lembra onde naceu a escritora (Praza de Vigo). E a continuación, acto na Casa de Rosalía en Padrón onde personalidades culturais, sociais e políticas de toda Galicia interveñen e recitan na honra da escritora. Alí presentaranse ademais os actos conmemorativos do 150 aniversario de Cantares Gallegos. Actuación musical de Uxía e Sérgio Tannus.

- Ás 12:00 h, no Panteón de Galegos Ilustres, onde está enterrada Rosalía de Castro, terá lugar un acto nacional onde serán lidos poemas de Cantares gallegos, ademais da realización dunha ofrenda floral.

Venres 22 marzo 2013: PROCESIÓN DA VIRXE DAS DORES
Confraría do noso Pai Xesús Nazareno e a Santísima Virxe das Dores

Celebración
Venres de Paixón: 22 de marzo

Horario
21 h

Punto de saída
Igrexa de San Miguel dos Agros

Percorrido
Praza de San Miguel dos Agros – Rúa de Abril Ares – Rúa das Campás de San Xoán – Rúa da Acibechería – Catedral – Praza das Praterías – Rúa do Vilar – Praza do Toural – Rúa Nova – Rúa da Conga – Rúa do Preguntoiro – Praza de Cervantes – Rúa da Algalia de Arriba – Praza de San Miguel dos Agros – Igrexa de San Miguel dos Agros

A ter en conta...
Procesiona o Venres de Paixón (procesión das Dores) e o Venres Santo (procesión do Santo Encontro).
Procesiona con cruz parroquial, música de banda de cornetas e tambores e banda de música municipal.
Os seus confrades visten hábito de sarga negro con puños, faixa e carapucha de moiré morado.
As imaxes da Virxe das Dores e do noso Pai Xesús Nazareno visten manto de veludo confeccionado e bordado nos obradoiros de costura Porto na segunda metade do século XX.
Na procesión do Santo Encontro procesionan ademais as figuras de San Xoán e da Verónica.

Fundación
Século XVIII

Sede
Igrexa de San Miguel dos Agros
 
Historia
A confraría foi fundada por aristócratas cabaleiros en 1731, sendo a súa sede orixinal na Igrexa de San Caetano e o seu fin primario a consolación, asistencia, o acompañamento e a realización dos funerais dos sentenciados a morte.
Con motivo de poder atender aos seus fins, foille concedida boa parte do cemiterio de Pastoriza.
En 1738 a confraría incorporouse á de San Xoán Degolado da Nación Florentina de Roma, valéndolle esta "alianza" para a concesión dunha bula de privilexio.
En 1742 a sede da confraría trasládase á capela de San Miguel, que en 1752 foi vendida xunto coas súas sepulturas e a súa sancristía á confraría.
A confraría funerou dende a súa creación a trinta e dous reos de morte.
A confraría do Noso Pai Xesús Nazareno e a Santísima Virxe das Dores ten a súa sede na Igrexa de San Miguel dos Agros onde posúe dous altares en propiedade dende o século XVIII.

Domingo 24 marzo 2013: PROCESIÓN DA ESPERANZA
Confraría da Esperanza 

Celebración

Domingo de Ramos: 24 de marzo

Horario
18 h

Punto de saída
Igrexa de Ánimas

Percorrido
Praza das Ánimas - Rúa das Casas Reais – Praza de Cervantes – Rúa do Preguntoiro – Rúa da Caldeirería – Rúa de Tras de Salomé – Rúa Nova – Praza do Toural – Rúa das Orfas – Rúa da Caldeirería – Rúa do Preguntoiro – Praza de Cervantes – Rúa das Casas Reais – Praza das Ánimas.

A ter en conta...
Procesiona o Domingo de Ramos.
Procesiona con cruz de guía infantil, música de banda de tambores e hábito de sarga negra con escapulario, puños, faixa e carapucha vermella.
O paso é portado integramente por raparigas.

Fundación
Ano 2005

Sede
Igrexa de Ánimas

Historia   
A confraría nace en 2005 dentro do seo da sección xuvenil da confraría do Santísimo Cristo da Misericordia coa intención de dinamizar a presenza e o protagonismo dos nenos nas manifestacións artístico–relixiosas relacionadas coa Semana Santa.

Domingo 24 marzo 2013: PROCESIÓN DA ENTRADA EN XERUSALÉN
Orde Franciscana Segrar

Celebración
Domingo de Ramos: 24 de marzo

Horario
11:00 h

Punto de saída
Igrexa da Orde Franciscana Segrar

Percorrido
Campiño de San Francisco – Rúa de San Francisco – Praza do Obradoiro – Fonseca - Praterías - Praza da Quintana - Praterías - Fonseca - Praza do Obradoiro - Campiño de San Francisco.

A ter en conta...
Procesiona o Domingo de Ramos.
Procesiona con cruz parroquial, música de banda de cornetas e tambores e banda de música municipal.
Os seus confrades visten hábito de sarga branca con puños, faixa e carapucha amarela.
O grupo escultórico da “Entrada Triunfal de Xesús en Xerusalén” é obra de Roberto G. del Blanco.

Fundación
Ano 1215

Sede
Igrexa da Orde Franciscana Segrar

Historia
Dende que San Francisco visitou Compostela en 1215 e fundou a súa orde existen en Santiago os terciarios franciscanos, dos que se fala nas crónicas máis antigas que se conservan, datadas en no século XVII.

Luns 25 marzo 2013: PROCESIÓN DA HUMILDADE
Confraría da Humildade

Celebración
Luns Santo: 25 de marzo

Horario
21:30 h

Punto de saída
Igrexa de Sta. María do Camiño. Rúa Travesa

Percorrido
Rúa Travesa - Casas Reais - Praza de Cervantes - Preguntoiro – Caldeirería - Orfas - Toural - Rúa do Vilar - Xelmírez - Conga - Preguntoiro - Praza de Cervantes - Casas Reais - Rúa Travesa.

A ter en conta...
A Confraría da Humildade, que foi fundada no ano 2008 por un grupo de mozos composteláns, desfilará por terceira vez polas rúas do casco histórico. O seu hábito componse de bocamangas, capuchón e cíngulo amarelo e traxe negro.

Sede
Igrexa de Sta. María do Camiño

Martes 26 de marzo 2013: PROCESIÓN DO CRISTO DA PACIENCIA
Confraría do Cristo da Paciencia

Celebración
Martes Santo: 26 de marzo

Horario
21 h

Punto de saída
Convento de Nais Mercedarias

Percorrido
Convento de Nais Mercedarias – Rúa Fonte de Santo Antonio – Rúa das Orfas – Praza do Toural – Rúa do Vilar – Praza das Praterías – Catedral

A ter en conta...
Procesiona o Martes Santo e o domingo “Dominica in albis”.
Procesiona con cruz de guía parroquial, música de banda de cornetas e tambores e banda de música municipal.
O seus confrades visten hábito de sarga branca con puños, faixa e carapucha vermella.
A talla do Santísimo Cristo da Paciencia é un crucificado que substitúe ao titular, obra de Gregorio Fernández, na procesión.

Fundación
Ano 1629

Sede   
Igrexa da Mercé (Conxo)

Historia
A Confraría e Escravitude da Nosa Señora Nai María Santísima das Mercés convértese en confraría da escravitude do Cristo e da Mercé no ano 1732.
A imaxe do crucificado, obra de Gregorio Fernández (Valladolid, 1628), faise famosa en Compostela, acudindo masivamente o pobo a venerar a sagrada imaxe o Mércores de Cinza, e á procesión o segundo domingo de resurrección (Dominica in albis), procesión que discorría dende a Catedral ate o mosteiro dos Pais Mercedarios en Conxo.
A procesión e a confraría foron restituídas no ano 1980 tras longos anos de ausencia na Semana Santa.

Mércores 27 marzo 2013: PROCESIÓN DOS ESTUDANTES
Irmandade do Stmo. Cristo de la Misericordia, Noso Pai Xesús da Esperanza e Nosa Señora dos Remedios

Celebración
Mércores Santo: 27 de marzo

Horario
23:00 h

Punto de saída
Colexio das Orfas

Percorrido
Porta do Colexio das Orfas. Rúa das Orfas, 5 (23:00) - Toural (23:15) - Rúa do Vilar (23:20) - Praterías (23:45) Xelmírez (23:50) - Conga (23:55) - Rúa Nova (00:00) - Igrexa de Santa María Salomé (00:30) - Toural (00:40) - Colexio das Orfas (00:45) - Peche das portas do Colexio (01:00).

Este cronograma procurará respectarse cunha variación máxima de 15 minutos sobre as horas programadas.

A ter en conta...
Procesiona o Mércores Santo.
Procesiona coa cruz de guía acompañada de nenos de gala, agrupación musical da Nosa Señora da Misericordia de Viveiro e música de capela.
Os seus nazarenos visten hábito de sarga e capuz de raso negro con escapulario, bocamangas e cíngulo en cor marfil.
A talla do Santísimo Cristo da Misericordia é un ecce homo tallado por Leopoldo Rodríguez, derradeiro imaxineiro compostelán de orixe.
A confraría organiza todos os anos un acto procesional especial de reverencia o Apóstol na praza de Praterías, único punto da súa estación de penitencia na que a comitiva se encontra ante a Catedral.

Fundación
Ano 1997

Sede
Igrexa de Orfas

Historia
A Confraría de Estudantes, como é coñecida popularmente, está “irmandada” con confrarías de toda Galicia e España e tratou de se converter nunha fonte de evanxelización e compromiso co seu contorno mediante o desenvolvemento de accións anuais culturais e sociais.  
Irmandada coa Irmandade da Carretería de Sevilla dende abril de 2012.

Máis info
www.hermandaddeestudiantes.com

Mércores 27 marzo 2013: EXERCICIO DO VÍA CRUCIS
Coordinadora de Asociacións Relixiosas Segrares

Celebración
Mércores Santo: 27 de marzo

Horario
- 19:30 horas: Eucaristía
- 20:00 horas: Procesión

Punto de saida
Igrexa de San Francisco

Percorrido

Campiño de San Francisco - San Francisco - Praza do Obradoiro - Fonseca - Praza das Praterías - Conga - Praza da Quintana - Conga - Praza das Praterías - Fonseca - Praza do Obradoiro.

En caso de choiva estes actos trasladaranse o interior da SAMI Catedral.

A ter en conta...
Procesiona o Mércores Santo.
Orixinariamente procesionaba coa Cruz de Damasco dos PP. franciscanos, pero dende 1957 esta se sustitúe polo Cristo da Paciencia de Conxo.
Sempre está presidido polo arcebispo de Santiago de Compostela, participando no seu desnvolvemento unha representación de todas as cofrarías compostelás.

Fundación
Ano 1955; suspéndese en 1967 e vólvese a organizar en 1988.

Historia
O Vía Crucis o funda a confraría de Noso Pai Xesús Flaxelado, colaborando con ela as confrarías de Noso Pai Xesús Nazareno e a Santísima Virxe das Dores e a confraría do Santo Cristo da Unción e Nosa Señora da Serenidade.
En 1988, tras 21 anos de ausencia da Semana Santa, a Coordinadora de Asociacións Relixiosas Segrares o retoma por expreso desexo do arcebispo, D. Antonio María Rouco Varela, non volvéndose a suspender nos últimos 20 anos, nos que foi gañando esplendor.
Actualmente as 14 estacións do Vía Crucis repártense polo percorrido e se sinalan por outras tantas cruces de madeira nas que se realizan as meditacións que o Papa Juan Pablo II inaugurou no coliseo romano o Venres Santo de 1991.

Xoves 28 marzo 2013: PROCESIÓN DE XESÚS FLAXELADO
Confraría do Noso Pai Xesús Flaxelado

Celebración   
Xoves Santo: 28 de marzo  

Horario   
23:30 h

Punto de saída
Igrexa de Santo Agostiño

Percorrido
Praza de Santo Agostiño – Cantón de San Bieito – Praza de Cervantes – Rúa da Algalia de Arriba – Praza de San Miguel dos Agros – Rúa de Abril Ares – Rúa das Campás de San Xoán – Rúa da Acibechería – Rúa de Tras San Paio de Antealtares – Rúa da Conga – Rúa do Preguntoiro – Rúa da Caldeirería – Rúa das Orfas – Praza do Toural – Rúa do Vilar – Rúa de Xelmírez – Rúa da Conga – Rúa do Preguntoiro – Praza de Cervantes – Cantón de San Bieito – Praza de Santo Agostiño

A ter en conta...
Procesiona a noite do Xoves Santo.
Ten carácter penitencial, con cruces e cadeas.
Os nazarenos visten hábito negro, con carapucha, puños e cíngulo azul celeste.
A imaxe do Noso Pai Xesús Flaxelado foi tallada por Diego de Sande no primeiro terzo do século XVIII.
A angarella na que procesiona foi realizada en 1953 polo ebanista Pose inspirándose nun estilo barroco.   

Fundación
Ano 1953   

Sede
Igrexa de Santo Agostiño

Historia    
A súa orixe remóntase á congregación mariana de San Luís Gonzaga da igrexa de Santo Agostiño, dirixida polo Pai Villamil, asociación que agrupaba a mozos universitarios daquela altura.
O seu primeiro presidente foi José Besada Varela, que reuniu ao seu redor a 26 confrades fundadores para saír en procesión en 1953.
Hoxe a confraría congrega a 350 confrades na noite do Xoves Santo.

Xoves 28 marzo 2013: PROCESIÓN DA ÚLTIMA CEA DO SALVADOR
Confraría da Vera Cruz

Celebración
Xoves Santo: 28 de marzo

Horario
19:00 h

Punto de saída
Igrexa de San Francisco

Percorrido
San Francisco – Praza do Obradoiro – Praza das Praterías – Rúa do Vilar – Rúa Nova – Rúa da Conga – Praza das Praterías – Praza do Obradoiro – San Francisco

A ter en conta...
Procesiona con cruz parroquial acompañada de carraca, música de banda de cornetas e tambores e música da banda municipal.
Os seus nazarenos visten hábito de sarga negra con bocamangas, capuz e faixa verde oliva.
O paso da Última Cea do Salvador, premiado na Exposición Universal de París, é unha talla do escultor compostelán Sanmartín que data de 1864.
O Nazareno de Medinacelli que se saca en procesión foi doado á confraría recentemente polas relixiosas da Compañía de María, igrexa compostelá na que se conserva unha réplica do mesmo.
A Dolorosa que procesiona é unha talla propiedade da orde franciscana segrar atribuida ao imaxineiro galego Ferreiro.

Fundación
Existe constancia da súa existencia datada en 1548.

Sede
Iglesia de San Francisco

Historia
A confraría da Vera Cruz fúndase a mediados do século XVI no convento de San Francisco para conmemorar a institución da eucaristía ao procesionar co paso da Última Cea do Salvador.
A procesión, que foi asumida sucesivamente polos gremios primeiro e polos veciños de Santiago despois, finalmente depende -dende 1615- do concello.
A finais do século XX foi precisamente este quen, tras moitos anos sen saír á rúa, a rehabilitou no ano 1993 e transferiu a súa organización aos pais franciscanos en 1997, momento a partir do que se refunde, se recupera e se erixe canonicamente con novos hábitos e estatutos.

Venres 29 marzo 2013: PROCESIÓN DA VIRXE DA SOIDADE
Confraría da Virxe da Soidade

Celebración
Venres Santo: 29 de marzo

Horario
23 h

Punto de saída
Igrexa de Santa María Salomé

Percorrido
Rúa Nova - Praza do Toural - Rúa do Vilar - Praza das Praterías - Conga - Preguntoiro – Rúa do Castro - Praza da Universidade - Cardenal Payá - Orfas - Toural - Rúa Nova

A ter en conta...
Procesiona o Venres Santo.
Procesiona con cruz parroquial, música de banda de cornetas e tambores. O seus confrades visten hábito negro con carapucha, puños e faixa de moiré branco.   
Procesiona con imaxes da Santísima Virxe da Soidade, cuberta con manto de acibeche do artesán compostelán Marcelino, e con paso alegórico do Calvario.   

Fundación   
Século XVII   

Sede
Igrexa de Santa María Salomé

Historia
Na honra da Virxe foi fundada a Confraría da Soidade no século XVII con sede na Igrexa de Santa María de Salomé.
Ate os anos 30 a procesión saía o Domingo de Paixón. Daquela foi trasladada á noite do Venres Santo.   
Durante moito tempo recibiu o nome popular de procesión “dos Caladiños” e desfilaban nela só con mulleres.

Venres 29 marzo 2013: PROCESIÓN DO SANTO ENTERRO
Confraría Numeraria do Rosario

Celebración   
Venres Santo: 29 de marzo

Horario   
20 h

Punto de saída   
Igrexa de San Domingos de Bonaval

Percorrido   
Rúa de San Domingos de Bonaval – Porta do Camiño – Rúa das Casas Reais – Praza de Cervantes – Rúa da Acibechería – Praza da Inmaculada – Estación de Penitencia Catedral – Praza das Praterías – Rúa do Vilar – Praza do Toural – Rúa Nova – Rúa da Conga – Rúa do Preguntoiro – Praza de Cervantes – Casas Reais – Porta do Camiño – Rúa de San Domingos de Bonaval
Nota: en caso de choiva celebrarase no interior da Igrexa de San Domingos de Bonaval.

A ter en conta...
Procesiona o Venres Santo.
Procesiona con cruz parroquial, música de banda de cornetas e tambores e banda de música municipal.
Os seus 150 confrades visten de frac.
O Cristo xacente é obra de Pedro Taboada; a urna na que xace é obra de Tomás Fontenla e foi ampliada por Bonome en 1955; a Virxe dos Coitelos é unha talla de 1960 de Castor Lata, e loce un manto regalo da Raíña Isabel II á confraría.

Fundación   
Século XV

Sede
Capela do Rosario, na Igrexa de San Domingos de Bonaval

Historia   
A confraría ten por obxecto o culto e a veneración a Nosa Señora baixo o título do Rosario.
Foi fundada no século XV tras as predicacións do dominico Alain de la Roche en Compostela.
Dende os Reis Católicos todos os monarcas españois posúen o título de irmáns maiores desta confraría. Afonso XIII levou o seu Santo Calvario en 1909.
Esta confraría, con números clausus de confrades, posúe capela e cemiterio propios.

Venres 29 marzo 2013: PROCESIÓN DA QUINTA ANGUSTIA
Confraría da Nosa Señora da Quinta Angustia   

Celebración
Venres Santo: 29 de marzo

Horario
18 h   

Punto de saída
Igrexa da Nosa Señora da Quinta Angustia

Percorrido
Campo da Angustia – Rúa do Rosario – Rúa de Bonaval – Porta do Camiño – Rúa das Casas Reais – Praza de Cervantes – Rúa da Acibechería – Rúa de Tras San Paio de Antealtares– Rúa da Conga – Rúa do Preguntoiro – Praza de Cervantes – Rúa das Casas Reais – Porta do Camiño – Rúa de San Pedro – Campo da Angustia.

A ter en conta...
Procesiona o Venres Santo.
Procesiona con cruz parroquial, música de banda de cornetas e tambores e banda de música municipal.
Os seus nazarenos visten hábito de sarga negro con puños, faixa e carapucha de tea de raso verde, os de acompañamento do Cristo, e de tea de raso branco os de acompañamento da Virxe. A imaxe da Virxe da Quinta Angustia é unha obra do século XX do imaxineiro Jesús Picón.   

Fundación
Ano 1694   

Sede
Igrexa da Nosa Señora da Quinta Angustia

Historia
A esta confraría pertencían os freires de San Martiño.
A procesión adoitaba saír o Luns de Pascua, sendo trasladada ao Venres Santo en 1968.

Venres 29 marzo 2013: PROCESIÓN DO SANTO ENCONTRO
Confraría do Noso Pai Xesús Nazareno e a Santísima Virxe das Dores   

Celebración
Venres Santo: 29 de marzo

Horario
11 h

Punto de saída
Praza de San Miguel dos Agros

Percorrido
Praza da Quintana (Sermón del Encuentro) – Rúa da Conga – Praza das Praterías – Rúa do Vilar – Praza do Toural – Rúa Nova – Rúa da Conga – Rúa do Preguntoiro – Praza de Cervantes – Rúa da Algalia de Arriba – Rúa de San Roque – Rúa do Hospitaliño – Praza de San Martiño – Praza de San Miguel dos Agros

A ter en conta...
Procesiona o Venres de Paixón (procesión das Dores) e o Venres Santo (procesión do Santo Encontro).
Procesiona con cruz parroquial, música de banda de cornetas e tambores e banda de música municipal.
Os seus confrades visten hábito de sarga negro con puños, faixa e carapucha de moiré morado.
As imaxes da Virxe das Dores e do Noso Pai Xesús Nazareno visten manto de veludo confeccionado e bordado nos obradoiros de costura Porto na segunda metade do século XX.
Na procesión do Santo Encontro procesionan ademais as figuras de San Xoán e da Verónica.

Fundación
Século XVIII

Sede
Igrexa de San Miguel dos Agros

Historia
A confraría foi fundada por aristócratas cabaleiros en 1731, sendo a súa sede orixinal na Igrexa de San Caetano e o seu fin primario a consolación, asistencia, o acompañamento e a realización dos funerais dos sentenciados a morte.
Con motivo de poder atender aos seus fins, foille concedida boa parte do cemiterio de Pastoriza.
En 1738 a confraría incorporouse á de San Xoán Degolado da Nación Florentina de Roma, valéndolle esta "alianza" para a concesión dunha bula de privilexio.

Sábado 30 marzo 2013: PROCESIÓN DOS IRMÁNS
Confraría do Cristo da Unción e Nosa Señora da Serenidade

Celebración
Sábado Santo: 30 de marzo

Horario
19:30 h

Punto de saída
Colexio da Inmaculada

Percorrido
Concepción Arenal - Fonte de Santo Antonio - Orfas - Rúa Nova - Praza das Praterías - Rúa do Vilar - Porta Faxeira - Senra - Fonte de San Antonio - Concepción Arenal   

A ter en conta...
Procesiona o Sábado Santo.
Procesiona con de cruz de guía, música de banda de tambores, banda da Brilat, e Real Banda de Gaitas de Ourense.
Os seus nazarenos visten hábito de sarga branca, carapucha negra e puños e faixa celeste.
Tanto a talla do Santo Cristo da Unción como a de Nosa Señora da Serenidade son obras realizadas no século XX polo imaxineiro compostelán Castor Lata.
Procesiona ademais coa cruz dos infantes, un dos símbolos identificadores da confraría, que é portada por 22 nenos.
O Santo Cristo da Unción sae á rúa dende 2003 sobre un trono do prateiro Ramón Orovio traído de Cidade Real.   
Dende 2006 conta cunha sección xuvenil de 31 mozos.   

Fundación
Ano 1953

Sede
Colexio da Inmaculada

Historia
De 1974 a 1993 a confraría non procesionou por diversos avatares.
Hoxe en día, a confraría está irmandada coa da Nosa Señora das Angustias de Ferrol, coa da Santa Cea de Baeza en Xaén, e coa da Flaxelación do Noso Pai Xesús da Bondade e María Santísima do Consolo.   
Son confrades de honra da irmandade SS.AA.RR. os Príncipes de Asturias, a cidade de Santiago, a BRILAT, os irmáns lasalianos Tirso Verdugo e Salvador Revilla e Juan José Cebrián Franco.

Domingo 31 marzo 2013: PROCESIÓN DO CRISTO RESUCITADO
Confraría da Vera Cruz

Celebración
Domingo de Pascua: 31 de marzo

Horario
11.00 h

Punto de saída
Igrexa de San Francisco

Percorrido
Praza da Quintana - Rúa da Conga - Rúa Nova - Praza do Toural - Rúa do Vilar - Praza das Praterías - Rúa da Conga – Preguntoiro - Praza de Cervantes - Acibechería - Praza da Inmaculada - Val de Deus - Rúa de San Francisco para recollerse no convento de San Francisco.

A ter en conta...
O Domingo de Pascua, a Confraría da Vera Cruz realiza a solemne procesión para celebrar o encontro co Resucitado na Praza da Quintana.

Sede
Igrexa de San Francisco

Historia
A confraría da Vera Cruz fúndase a mediados do século XVI no convento de San Francisco.

Domingo 7 abril 2013: PROCESIÓN DO CRISTO DA PACIENCIA
Confraría do Cristo da Paciencia

Celebración
“Dominica in Albis”: 7 de abril

Horario
11 h   

Punto de saída
Praza do Obradoiro

Percorrido
Praza do Obradoiro - Praza das Praterías – Rúa do Vilar – Porta Faxeira – Avenida de Xoán Carlos I – Avenida de Rosalía de Castro – Avenida de Vilagarcía – Rúa de García Prieto – Rúa de Sánchez Freire – Igrexa da Mercé (Conxo)

A ter en conta...
Procesiona o Martes Santo e o domingo “Dominica in albis”.
Procesiona con cruz de guía parroquial, música de banda de cornetas e tambores e de banda de música municipal.
Os seus confrades visten hábito de sarga branca con puños, faixa y carapucha vermella. A talla do Santísimo Cristo da Paciencia é un crucificado que substitúe ao titular, obra de Gregorio Fernández, na procesión.

Fundación
Ano 1629

Sede
Igrexa da Mercé (Conxo)

Historia
A Confraría e Escravitude da Nosa Señora Nai María Santísima das Mercés convértese en confraría da escravitude do Cristo e da Mercé no ano 1732.
A imaxe do crucificado, obra de Gregorio Fernández (Valladolid, 1628), faise famosa en Compostela, acudindo masivamente o pobo a venerar a sagrada imaxe o Mércores de Cinza, e á procesión o segundo domingo de resurrección (Dominica in albis), procesión que discorría dende a Catedral ate o mosteiro dos Pais Mercedarios en Conxo.
A procesión e a confraría foron restituídas no ano 1980 tras longos anos de ausencia na Semana Santa.

[14-22 setembro 2013] A Feira do Moble de Galicia ten a súa orixe no Salón do Moble, fundado en 1985, promovido polos industriais do moble de A Estrada. Máis tarde acadou unha forte repercusión, pasando a converterse nun referente no sector do moble. Trátase dun evento de carácter anual que actualmente vai pola súa XXVII edición e que congrega cada ano a gran número de expositores.

Máis info aquí