O festival de música 'Espazos sonoros', organizado pola Dirección Xeral de Promoción e Difusión Cultural da Consellería de Cultura e Turismo, ofrece esta tarde un concerto a cargo de Oh! Trio, proxecto acústico formado por Antonio Bravo (guitarra), Germán Díaz (zanfoña) e Diego Martín (percusións), que interpreta melodías tradicionais galegas.

Comeza a nova tempada do ciclo Sons da Diversidade, que inicia a súa programación cun concerto a cargo do prestixioso grupo Berrogüetto, estandarte do folk galego máis innovador, que presentará ante o público compostelán os temas do seu novo traballo, 'Kosmogonías'.

Berrogüetto mestura a paixón pola música tradicional galega e a experimentación máis contemporánea, estilo que lles levou a converterse nunha das bandas máis importantes da escena world music.

Kosmogonías, o seu último disco, lévanos ao momento de partida por excelencia, ao Big-Bang, ao triunfo da materia sobre a antimateria. O berro inicial do universo que coa súa radiación chega ata nós.

Kosmogonías é unha reflexión entre a humanidade e o universo, unha chamada chea de optimismo cara á consecución dun sistema de organización máis xusto. Berrogüetto párase e destaca todas aquelas vontades colectivas ou individuais que cos seus xestos e actitudes traballan para mellorar o seu contorno.
O seu directo transcende máis alá do son, supón unha experiencia na que se unen a música, a danza e a imaxe.

O Pub Casa das Crechas organiza esta noite unha sesión musical da man de Banda Broa, un quinteto galego inspirado na música tradicional con reminiscencias de banda de música pasando por orquesta de sesión vermú.

Un dos grupos máis alimenticios para o oído. Música con miolo.
Ingredientes:
-Base forneada de acordeón de Santiago
-Moitos kilos de percusión amiense
-Unha cantidade xenerosa de bonito saxofón de Burela
-Unha dose perfecta de gaita da Estrada
-Varias culleradas de voz dóce de Touro
Preparación:
Móese todo en calquera muíño dos nosos ríos, mestúrase nun quinteto inspirado na música tradicional con reminiscencias de banda de música pasando por orquesta de sesión vermú, cócese nun forno de leña de carballo e sírvese en quente.

Guadi Galego e Guillerme Fernández regresan ao Ultramarinos un Nadal máis, desta vez acompañados por Xabier Díaz (cantante de Berrogüetto). Son tres dos músicos máis importantes do panorama musical galego e estarán no pub compostelano para pechar a programación do ano 2010 por todo o alto.

Roi Casal presenta esta noite o seu novo traballo, segundo en solitario, titulado 'Maxicamente vello'. Tras o enorme éxito do seu primeiro disco, 'Lendas d­ouradas', un dos discos máis vendidos en Galicia en 2009, Roi Casal volve ao primeiro plano da escena musical galega cun traballo máis íntimo e persoal, iniciando unha xira que pasará por 12 cidades.

Roi Casal empezou aos catorce anos a tocar a arpa, despois de formarse durante seis como pianista. Con só dezanove, entrou a formar parte do buque insignia da música tradicional galega, Milladoiro. Case dez anos despois, decidiu seguir carreira en solitario. En 2009 editou o seu primeiro álbum, 'Lendas douradas'.

Un mércores máis, o pub Casa das Crechas celebra unha das súas tradicionais foliadas con música en directo improvisada polos asistentes.

Ophiusa publicou a comezos de 2010 o seu segundo disco de estudio 'Sen Planeta', onde a música do grupo, xa identificable e recoñecible, experimenta unha evolución cara á parte máis eléctrica e ecléctica dentro do seu propio son.
Gravado nos seus propios estudios (Pink) a banda traballou sen presións e con liberdade, e iso tradúcese na posibilidade de experimentar sen présas, de probar, de xogar coa música e coas posibilidades que ofrecen aparatos coma os sintetizadores analóxicos ou os secuenciadores. De novo os temas incluídos no disco son compostos na súa totalidade. De novo optóuse pola autoprodución.
"Sen Planeta" é o resultado desa liberdade creativa absoluta, fillo da imaxinación e da creatividade sen cortapisas e enfrontado directamente aos convencionalismos ao uso. Unha metáfora case dadaísta fronte a unha realidade cando menos turbadora e pouco real.

Cóllanse por un lado os estilos musicais que catro melómanos poidan ter escoitado ó longo das tres décadas (máis ou menos) que levan sobre o mundo. Inxíranse con fruición e sen deixar que arrefríen, mastíguese ben, e por último, regurxítense debidamente aderezadas cun enorme respecto pola cultura tradicional do noso país, tomándoa como base, pero tendo tomado antes a pílula antiendogámica.
A finais do ano 2005, Ramón Feáns, Paco Nogueiras e Antonio Presedo volven xuntarse de novo (xa tocaran xuntos na década dos 80) con vistas a facer unha sinxela posta en común das súas respectivas traxectorias musicais. Como resultado de dita toma de contacto, e despois de comprobar a grande cantidade de ideas estético-musicais que seguen tendo en común, deciden retomar o antigo proxecto musical, incorporando nas súas filas a Paulo Gacio.

A nova etapa

En 2008 Ophiusa entra no estudio de gravación para rexistrar o seu primeiro disco Paos un traballo autoproducido no que se recolle unha boa mostra do que se deu en chamar sonido Ophiusa, é decir: un repertorio do século XXI onde se combinan diferentes influencias estilísticas coas posibilidades que ofrecen as novas tecnoloxías. O resultado é un son directo e apaixoante, unha viaxe que, con marcada entidade galega, interactúa cos diferentes ritmos das músicas populares globales, e onde se fai unha sincera homenaxe ás cousas cotiás, que precisamente pola súa cotidianeidade nos pasan desapercibidas a maioría das veces.
Paos foi moi ben acollido pola crítica especializada e os medios de comunicación. Persoeiros reputados do mundo do folk coma Emilio Españadero (Lume na Palleira, RTVG), Oscar Losada (La Opinión), Uxía Senlle (Diario Cultural, RTVG), Javier Cachafeiro (Aires Celtas, Radio Granada), Juan A. Vazquez (Mapamundi radio, Madrid) entre outros, coincidiron en valorar moi positivamente o disco, dicindo de él que aportaba frescura e sangue nova á escena folk.
Nesta nova etapa o grupo xa ten tocado nos máis salientables escenarios do eido do folk, tales como o Escenario Runas do Festival de Ortigueira, o Festival Irmandiño de Moeche, Esmorga Folk de Bandeira, o Festival Folk Cuartu de los Valles en Asturias, a festa do Lugnasad en Bretoña, nas Festas do Apóstolo de Compostela, por citar algúns.
Son tamén de destacar as xiras que o grupo realizou polas illas británicas (País de Gales, Escocia) representando a Galicia no Eisteddfod de Llangollen, (País de Gales).
Ophiusa ademáis é finalista da XIII edición dos prestixiosos Premios de la música no apartado de mellor canción cantada en galego

Dous grandes da música habituais na escena galega, Mónica de Nut (voz) e Paco Dicenta (baixo eléctrico), embárcanse nun novo proxecto que toma o nome de Litanei. O repertorio é unha mestura experimental que vai do pop ao clásico pasando polo cabaré, jazz e música étnica.

A Praza da Quintana acolle esta noite un dos pratos fortes das Festas do Apóstolo deste ano. Berrogüetto, un dos grupos de música folk máis prestixiosos de Galicia cuxo repertorio conxuga con destreza a música tradicional e a modernidade, ofrece un concerto no que realizarán un repaso por toda a súa discografía.

A viaxe épica de Berrogüetto comeza na primavera de 1995 en Galicia, cando seis músicos de procedencias dispares se xuntaron coa intención de levar a música celta tradicional do seu país un paso máis alá, cara ao futuro, e experimentar novas sonoridades.

Nun prazo moi breve, sen abandonar a súa sensibilidade inicial, Berrogüetto converteuse nunha das formacións de world music máis importantes do mundo. Unha das marcas galegas que funcionan no mercado musical internacional pola súa mestura de paixón pola tradición musical e a experimentación na contemporaneidade. As dúas caras dunha mesma figura nun mercado global onde periga a pluralidade cultural.

Atlántica Vapora Orquestra (AVO) naceu coma un proxecto saído das investigacións sobre Desenvolvemento Local e Cultura Mariñeira que a Central Folque (Centro Galego de Música Popular) leva facendo en Vilaxoán de Arousa desde o 2009. Converteuse desde o seu inicio nunha formación musical de prestixio, avalada polas traxectorias dos seus membros, a produción artística da Central Folque e o recoñecemento e apoio das institucións e entidades de carácter local.

Atlántica Vapora Orquestra constrúese como unha orquestra de música popular urbana a semellanza das de tango arxentinas ou das danzoneras cubanas, formacións de estética contemporánea con repertorio e instrumentos tradicionais: voces, zanfonas, acordeón e gaita conviven co violín, contrabaixo e clarinete que fan da gravación desta formación un dos mais fermosos proxectos da produción discográfica galega.

Trece músicos en escena nunha versión folk sobre o repertorio recuperado da zona mariñeira de Arousa coa dirección musical de Óscar Fernández (Cempés, bOnOvO, Descarga ao Vivo)

O festival dos Abrazos, que celebra a súa cuarta edición, ofrecerá do 8 ao 27 de agosto, en espazos singulares da cidade, 66 actividades de diferentes disciplinas. Organizado pola Concellaría de Cultura, conta co patrocinio do Consorcio de Santiago e a colaboración da Asociación Cultural Cidade Vella, que organiza a programación de Feitoaman, integrada no Festival dos Abrazos; o Festival de Cine Euro-Árabe Amal; La Caixa de Barcelona e a Vicerreitoría de Estudantes, Cultura e Formación Continua da USC.

O Festival dos Abrazos é un certame internacional que proxecta Santiago de Compostela como escenario da creación e da imaxinación, como cidade universal á vangarda dunha cultura aberta, moderna e plural promovendo iniciativas culturais que constitúen un importante atractivo turístico. Os espazos onde se desenvolven as diversas actividades, máis de 20, non son só escenarios senón que son tamén protagonistas da programación Clasifícanse en tres categorías: Campo Aberto, os parques e xardíns que rodean a cidade vella ou que se agochan nela; Estacións de paso, as rúas e prazas máis coñecidas e transitadas da cidade histórica; e Espazos íntimos, recunchos, calexas, menos coñecidas pero cheas de encanto.

Bos coñecedores das tradicións das catro provincias galegas, Ruote conquista ao público co seu xeito de tocar e de vivir a  nosa tradición. O obxectivo é a interpretación fiel das músicas e melodías, tal cal as aprenderon dos nosos maiores.

A posta en escena con clarinete, gaitas, acordeón, pandeiretas é sinxela e ao mesmo tempo é quen de involucrar, divertir e emocionar facéndonos partícipes dunha experiencia única na que pasado e presente, tradición e contemporaneidade,  se mesturan no mesmo momento e lugar.

O festival dos Abrazos, que celebra a súa cuarta edición, ofrecerá do 8 ao 27 de agosto, en espazos singulares da cidade, 66 actividades de diferentes disciplinas. Organizado pola Concellaría de Cultura, conta co patrocinio do Consorcio de Santiago e a colaboración da Asociación Cultural Cidade Vella, que organiza a programación de Feitoaman, integrada no Festival dos Abrazos; o Festival de Cine Euro-Árabe Amal; La Caixa de Barcelona e a Vicerreitoría de Estudantes, Cultura e Formación Continua da USC.

O Festival dos Abrazos é un certame internacional que proxecta Santiago de Compostela como escenario da creación e da imaxinación, como cidade universal á vangarda dunha cultura aberta, moderna e plural promovendo iniciativas culturais que constitúen un importante atractivo turístico. Os espazos onde se desenvolven as diversas actividades, máis de 20, non son só escenarios senón que son tamén protagonistas da programación Clasifícanse en tres categorías: Campo Aberto, os parques e xardíns que rodean a cidade vella ou que se agochan nela; Estacións de paso, as rúas e prazas máis coñecidas e transitadas da cidade histórica; e Espazos íntimos, recunchos, calexas, menos coñecidas pero cheas de encanto.

Na primavera do 2005 naceu o dúo Bellón Maceiras, gaita galega e acordeón, co fin de interpretar melodías de diferentes culturas pero tamén temas da súa propia autoría, primando sempre a variedade que define as múltiples posibilidades dos dous instrumentos.
Daniel Bellón posúe un dos currículos máis importantes do mundo da música tradicional galega, sendo hoxe un dos gaiteiros máis laureados da historia de Galicia, que percorre o mundo impartindo clases de gaita.

Diego Maceiras acordeonista iniciado da man do Mestre Manuel Cociña pero tamén de Roberto Grandal ou Javier Díaz, segue coa súa formación no conservatorio de música de A Coruña.

Despois de tocar por todo o mundo, pasando por Nova York, Xenebra, Varsovia ou Lorient este dúo de virtuosos apoiase agora nunha formación en quinteto, con contrabaixo, batería, guitarra e saxo: sen dúbida, unha renovación de forzas para a música galega.

O disco do quinteto, Folkfusión, presentouse en maio do 2010.

O festival dos Abrazos, que celebra a súa cuarta edición, ofrecerá do 8 ao 27 de agosto, en espazos singulares da cidade, 66 actividades de diferentes disciplinas. Organizado pola Concellaría de Cultura, conta co patrocinio do Consorcio de Santiago e a colaboración da Asociación Cultural Cidade Vella, que organiza a programación de Feitoaman, integrada no Festival dos Abrazos; o Festival de Cine Euro-Árabe Amal; La Caixa de Barcelona e a Vicerreitoría de Estudantes, Cultura e Formación Continua da USC.

O Festival dos Abrazos é un certame internacional que proxecta Santiago de Compostela como escenario da creación e da imaxinación, como cidade universal á vangarda dunha cultura aberta, moderna e plural promovendo iniciativas culturais que constitúen un importante atractivo turístico. Os espazos onde se desenvolven as diversas actividades, máis de 20, non son só escenarios senón que son tamén protagonistas da programación Clasifícanse en tres categorías: Campo Aberto, os parques e xardíns que rodean a cidade vella ou que se agochan nela; Estacións de paso, as rúas e prazas máis coñecidas e transitadas da cidade histórica; e Espazos íntimos, recunchos, calexas, menos coñecidas pero cheas de encanto.

O ciclo musical Autor 3.0, que conta co apoio da AGADIC, presenta nesta ocasión o grupo folk Kérkennai, de orixe ourensá. Trátase dun proxecto musical  que mestura diversas sonoridades e influencias con sabor galego. Partindo dun folk de corte contemporáneo, o cuarteto achégase co seu propio repertorio  ás chamadas novas músicas. Kérkennai teñen participado en diversas bandas sonoras e anticipan en exclusiva neste concerto o cancioneiro do seu terceiro disco: Xirovagos. O evento é de acceso libre e será gravado para a súa emisión posterior en Radio Galega Música.

O Salón Teatro acolle un novo concerto do ciclo 'ST Música Presente'. Nesta ocasión poderemos gozar do directo de Vaamonde, Lamas & Romero, unha das formacións de referencia na música galega actual, que presenta o seu segundo traballo discográfico, 'O tambor de prata', combinación de música e bo humor.

O concerto pechará a terceira entrega do devandito programa 'ST Música Presente', creado pola Agadic co obxectivo de facilitar a promoción de novos traballos discográficos galegos a través de actuacións dirixidas preferentemente a un público especializado, pero abertas tamén a todos os espectadores.

Suso Vaamonde, Pedro Lamas e Xosé Lois Romero son tres nomes referenciais na música galega actual e as súas traxectorias individuais están ligadas aos mellores momentos e artistas da música contemporánea do país como son Nova Galega de Danza, Mercedes Peón, Xabier Díaz, Pel e Madeira, Fuxan os Ventos, Susana Seivane, Leilía, Uxía, Luvas Verdes, Quique Peón Cía, Faltriqueira, Guadi Galego, Galeoke, Grupo Tradicional do IGAEM ou Xosé Manuel Budiño.

Guadi Galego, Ugia Pedreira e Abe Rábade poñen fin ao seu proxecto cun concerto moi especial, no mesmo escenario que viu nacer hai anos esta exitosa formación.

Nordestin@s está formado por tres dos músicos máis relevantes da nova escena galega: Abe Rábade, Guadi Galego (Berrogüetto, Espido) e Ugia Pedreira (Chouteira, Marful).

Neste proxecto musical as voces de Guadi Galego e Ugía Pedreira, modelan o repertorio mariñeiro do norte de Galicia, achegándose á música popular da súa infancia, transmitida durante xeracións, uníndoa coas súas propias composicións que tamén miran ao mar.

Sol de Farofa fusiona a voz e a guitarra de Hector Lorenzo (Lobalú), xunto co violín de Quim Farinha (Berrogüetto), dando como resultado un proxecto de pequeno formato e estritamente acústico, no que se mesturan temas propios coa reinterpretación de algúns clásicos do Jazz ou a Bossa, así como outros temas instrumentais provintes de culturas tan afastadas como a nórdica ou a portuguesa. Todo isto, aliñado gorentosamente con unha boa dose de música improvisada, que fai que cada concerto sexa tan diferente como imprevisible.

Nun concerto integrado no ciclo musical 'Sons 2012', o grupo Leilía presenta o seu último traballo, 'ConSentimento', unha homenaxe a todas as mulleres que fixeron e fan realidade a creación, conservación e transmisión da tradición oral galega.

ConSentimento é un homenaxe a todas as mulleres que fixeron e fan realidade a creación, a conservación e a transmisión da tradición oral galega. Un agradecemento personificado na figura de Eva Castiñeira, unha cantadora, unha pandereteira, unha muller como tantas e tantas mulleres que dende case o anonimato sementaron a nosa terra de arte, cultura e beleza.
Coa inestimable colaboración do músico e arranxista compostelán Xoán Porto, propoñemos neste quinto traballo unha concepción musical acorde a unha nova realidade. Un disco no que apenas tres instrumentos: guitarra, acordeón e contrabaixo, abrigan á perfección a beleza do canto tradicional os versos de varias das mellores poetas galegas da actualidade: Ana Romaní, Yolanda Castaño, Eva Moreda, Mariña Pérez, Eva Veiga, Ana Amado e Marilar Aleixandre. O deseño do espectáculo corre por conta doutro dos grandes profesionais da escena galega: Quico Cadaval.

LEILÍA somos: Ana, Patri, Merchi, Montse, Felisa e Rosario.

Leilía nace no ano 89, da man de seis mulleres, que cunha aposta pioneira e atrevida, nos propuxemos recuperar do esquecemento a tradición oral galega. Ao son de pandeiretas e voces, pronto agromaron os froitos, grazas á singularidade e beleza da música de raíz.
É así como abrimos un camiño propio ao publicar a mediados dos 90 “Leilía” (Dismedic) composto exclusivamente por pezas tradicionais. Nesta mostra etnográfica as melodías evocan un tempo pasado, que a pesares de agonizar, resístese a esvaecer. Con esta publicación obtivemos un fondo recoñecemento de crítica e público, que descobre un xeito de expresión oral, ata daquela practicamente descoñecido na nosa sociedade.

Unha vez sentados os cementos da nosa razón de ser, atrevémonos a dar un paso máis: achegar a música do pasado ao presente, por medio da incorporación de instrumentos e polifonías non tradicionais. Así nace “I é verdade i é mentira” (Virgin Records) (1998) baixo a produción musical de Nando Casal e Antón Seoane, membros de Milladoiro. Este novo paso permitiunos achegarnos a un novo público. Conquerindo así o noso obxectivo: dar continuidade ó pasado a través do presente. A tradición oral galega é xa parte da nosa música actual.

No ano 2003, publicamos «Madama« (Discmedi) no que seguindo a estela do anterior traballo, incorporamos un novo elemento: letras de temática actual. Para iso contamos, coas mans amigas de Xoan Porto, quen fixo a produción musical e coa inestimable colaboración de Suso de Toro, que dixo que eramos “as voces secretas do canto galego”.

No ano 2005, coincidindo co noso 15º aniversario, publicamos «Son de Leilía« (Leilear), un percorrido pola historia do grupo, no que se reflectiran as raíces tradicionais, así como as pezas máis evolucionadas, pasando polas diferentes colaboracións que tiñamos feitas ó longo dos nosos 15 anos de historia. Así a mestura dá lugar a un traballo no que o pasado convive coa actualidade e no que teñen cabida os temas que fomos gravando con artistas como Milladoiro, Budiño, Bleizi Ruz, e outros, xunto a temas inéditos como a peza central da banda sonora da película Fisterra.

Ás portas do 2012 sae á luz CONSENTIMENTO, un traballo donde as melodías tradicionais recollidas por Leilía se engalanan coas letras creadas por destacadas escritoras para a ocasión e tamén polos arranxos musicais feitos por Xoan Porto. Un disco, que sen deixar de soar a Leilía, ten corpo e gusto propio.

O grupo Liorna abre unha nova entrega do ciclo de concertos promocionais "ST Música Presente", coa presentación do seu cuarto traballo discográfico, 'Sarahyba'.

Comeza unha nova entrega do ciclo de concertos promocionais "ST Música Presente", dirixido preferentemente á difusión de traballos discográficos galegos diante dun público especializado. A este recital, seguirán en datas posteriores os de Riobó, Borja Cao Trío, Ugía Pedreira & Fred Martins e Loaira. Dentro do apartado musical está prevista tamén a actuación do compostelá Coro da Ra os días 16 e 17 de xuño.

Desde 1996, Liorna elixiu o camiño máis difícil para converterse nunha das realidades máis frescas e puxantes do panorama folk de Galicia. Mentres resulta habitual que as formacións e solistas do xénero recorran ao repertorio tradicional para configurar os seus discos, a banda marinense apostou desde o principio polas súas letras e a súa música, á procura dunha linguaxe propia diferenciada.

Os Liorna conseguiron chegar á final do Certame Folk de Galicia 1996 sendo aínda uns descoñecidos dentro dos circuítos musicais deste estilo, e dous anos despois fixeron o seu debut discográfico coa compañía de Mercedes Peón por medio de cinco cancións que serviron para que a crítica musical os considerase un dos grupos revelación máis interesantes da música folk galega. Tras unha xira de concertos por toda Galicia, Edicións do Cumio ofreceulles a oportunidade de publicar o seu primeiro disco de longa duración, que viu a luz en 2000. Os once temas deste traballo, titulado Liorna, reflectían a inquietude e a creatividade do grupo, e supuxeron unha verdadeira declaración de principios con grande acollida por parte da crítica. Os propios membros do grupo encargáronse da escrita, da composición e dos arranxos dos temas. En 2005 publicaron un novo disco de estudio, Ruído Branco, que tamén edita Edicións do Cumio, onde se plasma de xeito especial a distinta visión que teñen os seus compoñentes de abordar o xénero folk e a súa fusión con distintas tendencias. En 2008 participaron xunto á Sinfónica de Melide no espectáculo Gallaecia, que fai un percorrido a través das etapas polas que evolucionou a música galega.

No seu cuarto traballo discográfico, Sarahyba (Edicións do Cumio, 2010), preséntanse dez composicións que retroceden á orixe do grupo en canto á estrutura e temática das súas cancións, aderezadas con novas sonoridades. Para a súa produción, contaron coa colaboración do cantautor brasileiro Gustavo Almeida e da violinista Begoña Riobó. Ademais, dous temas foron gravados en directo no Teatro Colón da Coruña dentro do espectáculo Gallaecia, acompañados pola Orquestra Sinfónica de Melide e das Pandereteiras da Agrupación Trompos aos Pés.

Xunto a Alberto Lago (gaita e piano), forman parte de Liorna os seus irmáns Carlos (batería) e Luis (percusións), Javier Rabanal (baixo), Jaime Reboyo (zanfona e saxo soprano), Rafael Maquieira (guitarra), Montse Ogando (voz e piano) e Tania Garrido (voz).

Os composteláns Mónica de Nut Trío presentan o seu novo disco, baixo o mesmo nome, dentro do ciclo ‘Íntimo&Acústico’ que organiza a concellería de Cultura.

Mónica de Nut Trío formouse baixo a tutela da música Mónica de Nut, voz do trío. Despois de actuacións por numerosas salas da península e a participación en festivais de jazz como o Festival de Jazz de Mariñas en A Coruña ou o Imaxinasóns en Vigo, están a estrear o seu primeiro disco, ‘Mónica de Nut Trío’. Totalmente autoxestionado está gravado e producido por Paco Dicenta.

A música de Mónica de Nut Trío mestura a linguaxe do jazz coas dinámicas da música clásica, a experimentación con sons acústicos e electrónicos e a música de raíz galega. O seu repertorio combina temas propios con versións de estándares da tradición jazzística, composicións de música clásica e arranxos de cancións populares galegas, todo isto fiado nun concerto performático titulado "HABIÁMONOS DE FELICITAR POLA NOSA RESISTENCIA".

COMPOÑENTES
- Paco Dicenta, baixo eléctrico, percusións e bases electrónicas,
- Virxilio da Silva, guitarras e efectos
- Mónica de Nut, voz e efectos

Despois de Mónica de Nut Trío, o ciclo ‘Íntimo&Acústico’ ofrécenos aínda catro novos concertos nos vindeiros meses. En maio teremos a Abe Rábade Trío o día 23 e xa o 29 a Sumrrá. E en xuño, o 7 poderemos escoitar a Ariel Rot e o 13 poderemos asistir á presentación de aCadaCanto.

O ciclo 'ST Música Presente' continúa o seu programa coa violinista folk Begoña Riobó, que chega ao Salón Teatro para presentar o proxecto musical que lidera. Riobó é o nome do grupo de Begoña e tamén o título do seu primeiro traballo discográfico, que se caracteriza polo virtuosismo dos seus músicos á hora de arranxar e interpretar melodías da tradición galega, sendo fieis ás súas formas e orixe.

Begoña Riobó, unha das violinistas con maior proxección no panorama musical galego, lidera esta formación como primeiro proxecto propio nunha destacada traxectoria artística durante a que formou parte das bandas de Carlos Núñez, Susana Seivane, Anxo Lorenzo e da orquestra folk Sondeseu, entre outras. Ademais do violín, domina outros instrumentos como a zanfona e a arpa céltica, da que é mestra na escola de música tradicional e-Trad de Vigo.

Pero Riobó non é o seu proxecto como solista xa que, canda ela, atópanse catro recoñecidos músicos que atesouran unha sólida bagaxe e son habituais nos principais proxectos de música galega: Fernando Barroso (guitarra), Marcos Campos (gaita, acordeón e frautas), Xosé Liz (bouzouki) e Fernando Pérez (frautas e requinta). O virtuosismo destes músicos á hora de arranxar e interpretar melodías, fieis ás formas e á orixe da tradición galega, converten cada concerto nunha mostra de sensacións, onde conviven as raíces culturais máis puras con fórmulas interpretativas actuais.

O grupo Loaira xorde por mor das inquedanzas que os seus tres compoñentes amosan na busca de sons novos e versátiles, que beban directamente da música tradicional galega e aposten forte pola música de autor. Deste xeito e partindo das raíces, o trío fai unha mestura de ritmos e melodías que van desde o Swing ata a Bossa Nova, pero tamén recalan na música de reelaboración en temas como Alalá do Vikingo. Clara Pino (harpa celta e voz), Rubén Abel (guitarra) e Roi Adrio (percusións) son os integrantes desta formación. Os tres teñen unha gran bagaxe musical, tanto como instrumentistas solistas, como parte de coñecidas agrupacións como son Sete Saias ou Quempallou.

A proposta musical de Loaira está intrinsecamente ligada á literatura, con letras sumamente coidadas, escritas coa colaboración da poetisa Mariña Pérez. Asemade, a calidade dos seus músicos fixo que este disco se gravase case como un directo ao que se lle engadiron recordings de guitarra e, pese a súa sinxeleza, constitúe un traballo compacto e ben estruturado. Este primeiro disco, titulado xenericamente Loaira (Sons Galiza, 2011), é a porta de entrada ao mundo da fusión e que nos trasladan a territorios de músicas e ritmos de diferentes latitudes.

A terraza do pub Casa das Crechas será escenario esta tarde dun concerto de música folk galega a cargo do dúo Verdegaio.

Xabier Blanco acordeón diatónico, melodeón e mandolina
Alexandre Cadarso "Cano" gaita, frauta e acordeón cromático de botón

O dúo Verdegaio nace no ano 2005 co ánimo de gozar facendo música tradicional e compartila en bailes, festivais e foliadas. Ao longo destes anos viaxaron co seu repertorio a Irlanda, Francia, Portugal e Estados Unidos onde participaron en diferentes festivais, impartiron cursos de música tradicional galega para gaita, mandolina e acordeón e aprenderon novas pezas que incluiron no seu repertorio. O pasado ano sacaron o seu primeiro traballo discográfico titulado "Repenicoque na Pedra" que recolle unha selección de temas tradicionais galegos que homenaxean aos que no pasado contribuíron a enriquecer o patrimonio musical de Galicia.

Doa xorde na Coruña en 1978, e o seu estilo ten como base a música popular e medieval galegas, incluíndo de cando en vez, composicións propias.

Doa utiliza modos de expresión contemporáneos; a improvisación como forma de traballo e a mestura de instrumentos populares (gaitas, zanfoñas etc) con tecnoloxías de última xeración (midis, intrumentación electrónica etc).

Un ano máis a Mostra de creación emerxente Feito A Man chega a Compostela e terá lugar entre o 6 e o 25 de agosto en espazos singulares da cidade. Feito A Man promóvese como unha iniciativa asociada á intensa actividade desenvolvida pola Asociación Cultural Cidade Vella, integrada por establecementos emblemáticos do casco histórico compostelán. A Asociación e os establecementos que lle dan vida, crean o festival no ano 2003 como un espazo natural de encontro, interdependencia, reflexión, formación e intercambio entre músicos, espectadores, artistas, creadores e a propia cidade, que cobra vida en comunidade, en diferentes espazos e con diferentes miradas, amables e fusionadas. Nas nove edicións anteriores, cerca de 30.000 espectadores participaron da completa programación que o festival deseña desde os seus inicios. Neste tempo, Feito A Man consolidouse como un festival de referencia e cita ineludible para os amantes da cultura libre, comprometida, urbana e de calidade.
Co convencemento de que a implicación social é a vía máis idónea para a dinamización activa da cidade, a décima edición de Feito A Man ve a luz grazas á organización e soporte dos establecementos: Momo... A Rúa, Mercromina, Fraggle Rock, Ultramarinos, Casa Das Crechas, Borriquita De Belém, Modus Vivendi, Embora, Babel, A Reixa, Atlántico, Metate e Literarios.

A Praza dos Gatos será escenario esta noite da actuación musical do dúo Verdegaio, unha formación galega nacida no ano 2005 co ánimo de gozar facendo música tradicional e compartila en bailes, festivais e foliadas.

Verdegaio compóñeno Xabier Blanco (acordeón diatónico e mandolina) e Alexandre Cadarso (gaita e acordeón cromático de botóns).

Un ano máis a Mostra de creación emerxente Feito A Man chega a Compostela e terá lugar entre o 6 e o 25 de agosto en espazos singulares da cidade. Feito A Man promóvese como unha iniciativa asociada á intensa actividade desenvolvida pola Asociación Cultural Cidade Vella, integrada por establecementos emblemáticos do casco histórico compostelán. A Asociación e os establecementos que lle dan vida, crean o festival no ano 2003 como un espazo natural de encontro, interdependencia, reflexión, formación e intercambio entre músicos, espectadores, artistas, creadores e a propia cidade, que cobra vida en comunidade, en diferentes espazos e con diferentes miradas, amables e fusionadas. Nas nove edicións anteriores, cerca de 30.000 espectadores participaron da completa programación que o festival deseña desde os seus inicios. Neste tempo, Feito A Man consolidouse como un festival de referencia e cita ineludible para os amantes da cultura libre, comprometida, urbana e de calidade.
Co convencemento de que a implicación social é a vía máis idónea para a dinamización activa da cidade, a décima edición de Feito A Man ve a luz grazas á organización e soporte dos establecementos: Momo... A Rúa, Mercromina, Fraggle Rock, Ultramarinos, Casa Das Crechas, Borriquita De Belém, Modus Vivendi, Embora, Babel, A Reixa, Atlántico, Metate e Literarios.

Vídeoproxección e música en directo do acordeonista Carlos Quintá, que goza dunha ampla traxectoria dentro da música popular galega.

Carlos Quintá presenta 'A propósito de Niza'. Ao longo da súa traxectoria como músico, Carlos Quintá demostrou un claro interese pola investigación dentro da música popular e de vangarda. O descubrimento desta obra de Jean Vigo, musicada por Marc Perrone setenta anos despois de ser filmada, supón un importante traballo de interpretación e montaxe no que redescubrir a obra dun dos cineastas máis irreverentes da historia e dun dos máis importantes compositores para acordeón diatónico.

Un ano máis a Mostra de creación emerxente Feito A Man chega a Compostela e terá lugar entre o 6 e o 25 de agosto en espazos singulares da cidade. Feito A Man promóvese como unha iniciativa asociada á intensa actividade desenvolvida pola Asociación Cultural Cidade Vella, integrada por establecementos emblemáticos do casco histórico compostelán. A Asociación e os establecementos que lle dan vida, crean o festival no ano 2003 como un espazo natural de encontro, interdependencia, reflexión, formación e intercambio entre músicos, espectadores, artistas, creadores e a propia cidade, que cobra vida en comunidade, en diferentes espazos e con diferentes miradas, amables e fusionadas. Nas nove edicións anteriores, cerca de 30.000 espectadores participaron da completa programación que o festival deseña desde os seus inicios. Neste tempo, Feito A Man consolidouse como un festival de referencia e cita ineludible para os amantes da cultura libre, comprometida, urbana e de calidade.
Co convencemento de que a implicación social é a vía máis idónea para a dinamización activa da cidade, a décima edición de Feito A Man ve a luz grazas á organización e soporte dos establecementos: Momo... A Rúa, Mercromina, Fraggle Rock, Ultramarinos, Casa Das Crechas, Borriquita De Belém, Modus Vivendi, Embora, Babel, A Reixa, Atlántico, Metate e Literarios.

A praza da Quintana acolle ao longo da tarde de hoxe o Certame Folk, un festival organizado por Voz de Galicia en colaboración co Concello de Santiago co que se quere contribuír á proxección da música folk realizada na nosa comunidade. Un espectáculo que promete bo ambiente e mellor son grazas á participación de coñecidos grupos galegos que aseguran continuidade á tradición musical de Galicia.

O certame preséntase como unha proposta lúdica na que toda a familia poderá participar de xeito activo grazas á realización de varios obradoiros que comezarán a partir das 17.00 horas e que abranguerán actividades como a confección de xoguetes tradicionais, iniciación ao baile tradicional e sesións de percusión, pandeireta e instrumentos pobres, entre outros. Os obradoiros darán paso a partir das 19.30 horas á actuación do primeiro dos grupos invitados. Está previsto que sexan catro as formacións que se suban ao escenario da Quintana, aínda que serán os gaiteiros do Recobio de Vaamonde os encargados de ir caldeando antes o ambiente pola zona monumental cos seus pasarrúas.

O certame contará coas actuacións de Kérkenai, Pablo Seoane Grupo, Saltanocribo, Carapaus e O Recobio de Vaamonde.

Un mércores máis, o pub Casa das Crechas celebra unha das súas tradicionais foliadas con música en directo improvisada polos asistentes.

Maghúa, termo empregado tradicionalmente para denominar un banco de  peixe azul, son un grupo de mozos afincados na Coruña interesados en recuperar e transmitir unha pequena porción da tradición do País.  Fuxindo de prexuízos, reivindican o espazo da voz masculina na música tradicional de Galicia. Só voz, pel e madeira para nos facer bailar.

http://maghua.blogspot.com.es/
http://www.youtube.com/watch?v=8r1lTQqnTzU

O Nadal arranca no Gaiás cunha actuación moi especial do grupo Berrogüetto. A banda ofrecerá a oportunidade de gozar dunha actuación única, onde os asistentes descubrirán os segredos de cada instrumento e achegaranse un pouco máis ao que hai detrás dunha actuación musical.

Pais e nenos aprenderán xuntos o funcionamento da zanfona, do violín ou do acordeón ao ritmo dunha das mellores bandas de folk galego nunha experiencia musical didáctica sen precedentes. Unha oportunidade única de coñecer como traballan os músicos e a mellor forma, sen dúbida, de comezar as vacacións de Nadal.

Lugar: Centro de innovación Cultural (CINC)

Berrogüetto chega ao Teatro Principal coa súa Xira de andar por casa dentro do ciclo 'Íntimo & Acústico'. Con este concerto ofrecen unha recreación semiacústica dos temas máis aclamados da súa discografía. Unha revisitación inzada de intimidade, optimismo, frescura nunha envoltura acústica que busca na audiencia unha sensación o máis próxima posible á que pode experimentar cando escoita música no salón da súa casa.

“Berrogüetto, corpo aberto en sete latexares, trasládanos esa infinita sinfonía, unha voz que xorde de tan dentro que mesmo doe porque é a nosa propia voz feita música. Eles fannos soñar que outra música, outra orde cósmica é posible.” Rosa Aneiros, Escritora e gañadora do Premio Xerais 2009 pola novela Sol de inverno. A viaxe épica de Berrogüetto comeza na primavera de 1995 na Galiza, cando seis músicos de procedencias dispares se xuntaron coa intención de levar a música celta tradicional do seu país un paso máis aló, cara o futuro, e experimentar novas sonoridades.

Nun prazo moi breve, sen abandonar a súa sensibilidade inicial, Berrogüetto converteuse nunha das formacións de world music máis importantes do mundo. Unha das marcas galegas que funcionan no mercado musical internacional pola súa mestura de paixón pola tradición musical e a experimentación na contemporaneidade. As dúas caras dunha mesma figura nun mercado global onde a pluralidade cultural corre perigo.

Contra esa tendencia, Berrogüetto segue ofrecendo música galega cun radio de acción que transcende as fronteiras de Galiza. Máis alá da música, cren na diversidade cultural coma fonte de riqueza. Hoxe, a súa música, co mesmo selo de sempre - multiplicidade e homoxeneidade, unha das cousas máis difíciles de conseguir nunha banda - ten cabida en calquera escenario do mundo.

A súa inquietude pola música e as súas ganas de innovar leváronos a investigar con sons e instrumentos diferentes. Grazas a esta determinación sempre conseguiron os favores da crítica e recibiu numerosos galardóns e recoñecementos por todo o mundo: Premio da Asociación da Crítica Alemá do Disco ao Mellor Disco de World Music en varias ocasións, Premio Opinión ao Mellor Disco de Folk, finalistas dos Premios da Música da Academia das Artes Escénicas e Musicais como Mellor Álbum en Galego e dos Grammy Latinos ao Mellor Disco Folk, entre outros.

Ao longo da súa traxectoria a formación foise modificando. O equipo fundador estaba composto por: Santiago Cribeiro, Paco Juncal, Quico Comesaña, Guillerme Fernández, Anxo Pintos e Isaac Palacín. No segundo álbum Viaxe por Urticaria (1999), trala marcha do violinista Paco Juncal, incorpóranse Guadi Galego á voz e Quim Farinha ao violín. Con esta banda gravarían dous discos máis: Hepta (2001) e 10.0 (2006). No ano 2008 Guadi Galego deixa o grupo e intégrase o cantante Xabier Díaz, con quen editan Kosmogonías (2010).

Luís Emilio Batallán ofrece esta noite un concerto de música popular na Casa das Crechas. O veterano artista volve aos escenarios logo de moitos anos e o seu novo traballo verá a luz a finais de ano.

Luís Emilio Batallán nunca foi moi prolífico cos directos e agora regresa aos escenarios logo de moito tempo afastado deles. Batallán está a preparar novo disco (que verá a luz a finais de ano) e nesta xira testará os seus novos temas.

Médico rural, ex-presidente do Pontevedra Club de Fútbol, amigo de Pablo Milanés e Joaquín Sabina, contador de historias... pero sobre todo cantautor. En 1975 publicou o disco Aí ven o maio, no que musicaba poemas de Curros Enríquez, Celso Emilio Ferreiro, Ramón Cabanillas, Rosalía de Castro e Álvaro Cunqueiro, e do que se venderon nada máis e nada menos que douscentos mil exemplares. En 1989 apareceu o seu segundo disco, Ballet da nena, con letras propias e de Uxío Novoneyra, Neira Vilas ou Manuel Antonio. En 1992 apareceu o seu terceiro elepé, e no 2007 o último: Tu retrato.

Volve Luís Emilio Batallán aínda que nunca marchou. Certo é que Batallán leva moitos anos nun semi-retiro voluntario exercendo a su profesión de médico en Moraña (Pontevedra), pero nas últimas décadas -e sempre en ocasións excepcionais- o gran cantante galego ofreceu ou participou en recitais nos que demostrou a súa calidade como artista e tamén a validez do seu repertorio na actualidade.

Luís Emilio Batallán (Compostela, 1948) é o autor dun dos discos máis notables da música galega de todos os tempos: Aí ven o maio. Publicado en 1975, Batallán sorprendeu a tirios e troianos coa súa revisión musical de poemas de Celso Emilio Ferreiro, Cunqueiro, Curros e Rosalía. Para algúns entendidos, ese disco está máis preto da música pop ca da canción de autor.

Ata aquel momento, a maioría dos cantantes galegos utilizaran, case sempre, o lado máis social ou ?comprometido? dos poetas galegos para compoñeren o seu repertorio. Pero, sorprendentemente, e nun tempo no que aínda se lles esixía aos intérpretes un compromiso político definido, Batallán optou polo lado máis íntimo dos poetas galegos para elaborar un traballo que permanece na memoria de todos.

E, como diciamos, Batallán volve á primeira liña da música galega. Xa no pasado 2012 puidemos escoitalo nalgunha ocasión -homenaxes a Celso Emilio en Celanova e Vigo- pero, agora, o cantante regresa con intención de non baixar dos escenarios nunha longa tempada.

Un mércores máis, o pub Casa das Crechas celebra unha das súas tradicionais foliadas con música en directo improvisada polos asistentes.

Un mércores máis, o pub Casa das Crechas celebra unha das súas tradicionais foliadas con música en directo improvisada polos asistentes.

A Casa das Crechas acolle esta noite a Festa do X Aniversario da web de actualidade e axenda Musical Ábrete de Orellas, un evento que inclúe o concerto do portugués Luís Peixoto e do ferrolán Fernando Barroso que presentan en sociedade o seu último disco, ‘Pop’.

Barroso (Riobó, Coanhadeira, Os Cempés) e Peixoto (Anxo Lorenzo, Galandum Galundaina, Dazkarieh) son dous músicos novos pero experimentados que xa traballaron xuntos no trío Assembly Point. Agora presentan "POP", un novidoso proxecto que se afasta do estrictamente tradicional para afondar na música instrumental de diferentes estilos. Gravado, arranxado e producido por eles mesmos, POP, segundo os dous, é o resultado "de desprendernos dos nosos referentes”.

O portugués Luis Peixoto (Coímbra) e o galego Fernando Barroso (Ferrol) volven traballar xuntos na creación deste proxecto, que veu a luz grazas á colaboración de micromecenas que o  financiaron a través da plataforma de ‘crowdfunding’ Verkami.
Peixoto e Barroso, recentes gañadores dun Premio Opinión co disco homónimo da banda, Assembly Point (2011), xunto ao irlandés Eoghan Neff, conforman tamén unha parte importante do panorama folk actual, con agrupacións como Os Cempés, Anxo Lorenzo Band, Riobó e Sebastião Antunes & Quadrilha.

Logo do concerto haberá pinchada orelluda a cargo do responsable de Ábrete de Orellas, Pepe Cunha, e sorteo de discos de música galega, xentileza do selo DoFol e o Colectivo Galeoke.

En 2009 crúzanse os camiños destas catro mulleres, multiinstrumentistas, de ampla traxectoria no mundo da música tradicional. Habelas Hainas exploran outros eidos artísticos, como a teatralidade e as artes plásticas e visuais, facendo de cada espectáculo algo diferente e senlleiro. Crean os seus propios temas e experimentan coa tradición, ademais de indagar e aproveitar os diferentes recursos dos instrumentos tradicionais. O resultado é un son enérxico, fresco e orixinal.

É a música de Luar na Lubre, suxestiva, variada, que permite o baile e a fantasía. Son cancións vitais, con alma, ben elaboradas e con vocación de permanencia. De gran alcance colectivo e que voan por encima das fronteiras.

Luar na Lubre está formado por Bieito Romero (gaitas, acordeón, zanfoña), Paula Rey (voz), Xulio Varela (bouzouki, voz, percusión), Eduardo Coma (violín), Paxti Bermúdez (bodhran, tambor, djimbek), Pedro Valero (guitarra acústica), Xavier Ferreiro (percusión latina, efectos) e Xan Cerqueiro (frautas). Ao longo deste cuarto de século de vida, pola banda pasaron voces como as de Ana Espinosa, Rosa Cedrón e Sara Louraço Vidal, até chegar á actual de Paula Rey. Todas, xunto ao elevado e preciosista carácter instrumental de Luar na Lubre, marcaron a música dun grupo único e referencial polo seu tratamento das músicas tradicionais de raíz fundamentalmente galega.

Luar na Lubre fundouse en 1986 na Coruña coa vocación de desenvolver e dar a coñecer a música e a cultura galegas. Cun repertorio baseado fundamentalmente en músicas de raíces galegas, Luar na Lubre é actualmente a banda máis internacional de Galicia e actuou desde Palestina a Canadá, desde Alemaña a Arxentina. En 1996, Mike Oldfield incluíu no seu álbum Voyager unha versión da canción O son do ar, que daba título ao primeiro disco da banda coruñesa, publicado en 1988. Tras este debut, Luar na Lubre lanzou álbums como Beira atlántica (1990), Plenilunio (1997), Cabo do mundo (1999), XV aniversario (2001), Espiral (2002), Hai un paraíso (2004), Saudade (2005), Camiños dá fin dá terra (2007), Ao vivo (2009), Solsticio (2010) e Mar maior (2012).

Ao longo da súa carreira, Luar na Lubre vendeu máis de 300.000 exemplares dos seus álbums (Plenilunio e Cabo do mundo foron discos de ouro) e recibiu nove Premios da Música (concedidos pola Academia das Artes e as Ciencias da Música), dous Premios Luar (outorgados polo programa Luar de TVG) e un Premio Ideal (concedido polo Ideal Galego), entre outros recoñecementos. Nos seus máis de 25 anos de traxectoria, Luar na Lubre deu máis de mil concertos en máis de 23 países, participando nos principais festivais de World Music xunto a artistas como Mike Oldfield, The Waterboys, The Corrs ou Bob Geldof. É unha xira permanente que continúa nos próximos meses.

Dous anos despois de presentar o seu primeiro traballo, Pradairo volve cunha nova proposta chea de tradición e innovación, sentimento e creatividade na que se mesturan sen complexos o mellor da música de raíz e do folk actual. Pateado é a reafirmación das nosas músicas como punto de partida irrenunciable para chegar a unha proposta musical diferente coa que nos poidamos sentir identificados.

Máis info aquí

Pandeiromus é un grupo de música tradicional nacido en Santiago no ano 1992. Composto nas súas diferentes etapas por un grupo de 3 a 7 membros, adicados á investigación e interpretación de música galega de tradición oral, tentando recoller o repertorio masculino existente.

Coa experiencia de case 20 anos participando en foliadas, seráns, festas e festivais, Pandeiromus propón neste novo espectáculo un repertorio exclusivo para baile tradicional galego chamado “Pica na Pedra”. Muñeiras, jotas, maneos, valses, pasodobres, mazurcas, interpretados con pandeiretas, cunchas, latas, sachos, tambores, bombos, gaitas ou acordeón… Estes son os ritmos que se propoñen neste espectáculo que ten por obxecto que os pés do espectador piquen na pedra do chan.

Un programa formativo a cargo de oito artistas internacionais, charlas, obradoiros e debates, jam session e concerto no Museo de Galicia. Esta é a oferta da segunda edición de Galician Connection, un laboratorio de música, pensamento  e difusion dirixido por unha das nosas figuras máis internacionais: Cristina Pato. Serán catro xornadas onde, ao redor da música, terán lugar actividades e accións relacionadas coa formación, a colaboración, o pensamento e a difusión da experiencia cultural  dos participantes en Galician Connection.

O Galician Connection 2013 contará coa presenza do saxofonista e frautista recoñecido recentemente como mellor artista de Jazz europeo, Jorge Pardo; Wu Tong, considerado unha das figuras máis importantes da música tradicional chinesa; o compositor e pianista de jazz cubano Omar Sosa; o violinista e emprendedor americano residente en Afganistán William Harvey; o percusionista e especialista en músicas tradicionais Eliseo Parra; o acordeonista de jazz galego residente nos Estados Unidos Víctor Prieto; a cellista e cantante galega Rosa Cedrón e o percusionista galego Isaac Palacín.

Programa formativo exclusivo
Galician Connection ofrece un innovador programa con foros de debate, asistencia a ensaios e clases prácticas e encontros "cara a cara" nos que os asistentes poderán compartir experiencias directas cos artistas convidados.

Foro de Emprendemento Cultural
Xunto o programa formativo, o Galician Connection celebrará un Foro de emprendemento cultural con catro exemplos de proxectos a cargo dos seus responsables: Laura Freid, directora executiva do Silk Road Project e impulsora do Cultural Entrepreneurship Challenge da Harvard University; o músico e fundador da Afghan Youth Orchestra William Harvey; un dos fundadores da empresa Piranha Musik, responsable e fundador do Feira Internacional Womex; e Joaquín Martínez, director de Esmerarte Servicios Artísticos; unha das empresas galegas con alta actividade cultural.

Concerto
As experiencias de Galician Connection abriranse cara o público cun gran concerto, o sábado 20 de abril, a cargo dos músicos convidados, que interpretarán os resultados de tres días de experimentación e colaboración.

Jam Session
Como novidade desta segunda edición, aberta ao público e de balde, os participantes poderán ser os protagonistas durante a última xornada, o domingo 21 de abril, dunha jam session na que demostrar non só o talento e os coñecementos adquiridos ao longo das últimas tres xornadas, senón interactuar con outros músicos e establecer sinerxías que poidan desembocar en futuros proxectos musicais.

Máis info aquí

O músico galego Budiño presenta no Teatro Principal o seu novo disco.

Músico galego de orixe e universal polo seu fado, viaxeiro convencido, creador incansable, innovador por convicción, soñador de melodías imposibles. Budiño é un artista atípico: é difícil atopar alguén que esperte tanta admiración entre os seus. Inspírase nos pequenos sabores da música tradicional, pero sempre coa intención de crear unha música con estilo propio: a música que se pode converter nun futuro, pode que non tan afastado.

Un mércores máis, o pub Casa das Crechas celebra unha das súas tradicionais foliadas con música en directo improvisada polos asistentes.

O Salón Teatro acolle esta tarde unha actuación do grupo de música tradicional Os Melidaos. No concerto, de entrada libre ata completar a capacidade, soarán os temas do seu novo traballo discográfico, 'Axudádeme a cantar', no que por vez primeira incorporan as voces dos propios músicos.

Ademais desta novidade, este segundo disco dos “gaiteiros que cantan” –como se presentan eles mesmos– mantén o respecto polos xeitos de executar e de interpretar tradicionais, ao tempo que ofrece un repertorio compensado que inclúe os ritmos máis representativos da música galega, como foliadas, muiñeiras, pasodobres, xotas, polcas, valses e cantos de arrieiro.

Con doce anos de traxectoria, o grupo naceu en Melide da unión de sete intérpretes de diferentes xeracións e procedencias musicais co obxectivo común de poñer en valor a música tradicional como tesouro que cómpre conservar e difundir. Os Melidaos son Marcelino Vázquez Fernández, gaita; Pepe Taboada Sánchez, clarinete, gaita e voz; Pepiño Blanco López, bombo e voz; Xosé Luis Casal Lema, tamboril, pandeireta e voz; Antonio Raposo Vidal, gaita, cunchas e voz; Xele Barrio Blanco, acordeón, pandeireta e voz, e Diego González Vázquez, gaita, pandeireta e voz.

O seu repertorio nútrese de pezas do cancioneiro tradicional, dos arquivos dos coros históricos e doutras agrupacións relevantes, así como de pezas recollidas por eles mesmos como traballo de campo e doutras da súa composición, como é o caso dos pasodobres Pasando pola vila de Arzúa, de Antonio Raposo, e Pasodobre de Marcelino, de Marcelino Vázquez.

A entrada para asistir a este concerto promocional dos Melidaos é gratuíta e as localidades poden retirarse no despacho de billetes do teatro, que abrirá ao público a partir das 18.30 horas.

Desde Vigo chega un proxecto froito das inquedanzas de seis músicos de diferentes estilos na procura dunha linguaxe única. O seu grande coñecemento da música tradicional galega, o gusto polas músicas doutros países e unha particular visión artística, fan que a Banda Baile Asalto sexa un proxecto apetecible e inetiquetable. Música do mundo feita no noso país.

O presidente da Xunta de Galicia, Alberto Núñez Feijóo, o alcalde de Santiago, Gerardo Conde Roa, e os copresidentes de Novacaixagalicia, Julio Fernández Gayoso e Mauro Varela, presiden esta tarde a inauguración oficial do Auditorio que completa a rede sociocultural da institución galega en Compostela, nun acto que rematará cun pequeno recital de Carlos Núñez.

Acompañados polo arquitecto responsable da reforma do inmoble, José Luis Pereiro, ao acto, que rematará cun pequeno recital de Carlos Núñez, asistirán centos de invitados do mundo da cultura, a política, as finanzas e da sociedade civil compostelá.

Comezan as esperadas Festas do Apóstolo, unha celebración que se extende ata finais do mes de xullo e que trae cada ano á cidade a miles de visitantes.

PROGRAMA

** VENRES 20 DE XULLO
- 23:00 h. Pregón a cargo de Moncho Fernández, compostelán e entrenador do Obradoiro.
- 23:30 h. Concerto de Milladoiro na Quintana (GRATUÍTO)

** SÁBADO 21 DE XULLO
- 22:30 h. Concerto da Real Filharmonía na Quintana (GRATUÍTO)

** DOMINGO 22 DE XULLO
XXXVIII FESTA DO ESCALO EN CHAIAN
XXXIV DÍA DO TRAXE GALEGO

** LUNS 23 DE XULLO
- 23:00 h. “Ellas en Concerto” Vanessa Martin e Georgina

** MARTES 24 DE XULLO
- 23:00 h. Espectáculo nocturno
FOGOS DO APÓSTOLO 2012
- 00:30 h. ROBER RAMIREZ E COTI

** MÉRCORES 25 DE XULLO
OFRENDA AO APÓSTOLO
- 13.00 h. Zona C. Sesión Vermú “Festas do Apóstolo”. Coas actuacións dos rapeiros Maladrómeda, o garage-pop bailable de Novedades Carminha e Crebinsky dj. De balde.
- 22:30 h. CALLE 13 NA QUINTANA presentando a xira ENTREN LOS QUE QUIERAN
Prezo único: 25 euros
Venda de entradas: www.ticketmaster.com

** XOVES 26 DE XULLO
- 22.30 h. TOM JONES EN CONCERTO. PRAZA DA QUINTANA
Cadeira non numerada: 35 euros
De pé ou grada: 25 euros. Venda: www.ticketmaster.com, www.servinova.es

O ARTISTA TOM JONES APRAZA O SEU CONCERTO ATA O 27 DE AGOSTO POR MOTIVOS DE SAÚDE

No seu lugar, actuará o grupo galego Aerolíneas Federales. Entrada de balde.

** VENRES 27 DE XULLO
DÍA DE PADRÓN EN SANTIAGO
- 21.00 h. Praza da Quintana. “Quintana de Vivos”. Concerto de Budiño para presentar o seu último traballo, Volta. Estará acompañado no escenario por Kepa Junquera, Uxía e os pandereteiros O Fiadeiro. O cartel completarano Vaamonde, Lamas e Romero e Astarot.
Prezo: 6 € (un euro destinarase á Asociación de Loita contra o Cancro).
Entradas á venda na billeteira do Teatro Principal e nos establecementos organizadores: Pub A Quintana, Café Bar El Santiagués, Crepería Cre-Cotté e Café Literarios.

** SÁBADO 28 E DOMINGO 29 DE XULLO
XORNADAS DO FOLCLORE GALEGO

** DOMINGO 29 DE XULLO
- 13.00 h. Zona C. Sesión Vermú “Festas do Apóstolo”. Cos ye-yés Los Chavales e Bigote Mix Dj. De balde.

** LUNS 30 de XULLO
- 21.00 h. Praza da Quintana. “Quintana de Vivos”. Concerto de oito Djs do colectivo Ibiza Music. De balde.

** MARTES 31 DE XULLO
- 23:30 h. FOGOS FIN DE FESTA
LÚAR NA LUBRE EN CONCERTO presentando MAR MAIOR

Durante toda a xornada, San Miguel de Sarandón (Vedra) acolle a súa tradicional festa gastronómica para enxalzar as cualidades do Viño da Ulla. Degustación gratuíta de viños a partir das 13 h. e postos de pratos típicos: polbo, filloas, empanadas, etc. O programa de actividades inclúe tamén a duodécima 'Mostra dos viños Rías Baixas, subzona Ribeira do Ulla', e a XVI 'Feiravedra', mostra da industria, a agricultura a artesanía e o turismo de Vedra, así como unha exposición fotográfica con imaxes de edicións anteriores e sorteos de lotes de produtos da bisbarra do Ulla.

Entrada libre.

PROGRAMA

- 12:00 h. Entrada de gaiteiros e nenos coas ofrendas. Santa Misa en galego no campo da festa, oficiada polo Sr. D. Manuel Varela Duro, cantada pola Coral da Terceira Idade de Vedra.
** Abillamento das botas pola 'Orde dos Amigos e Amigas da Bota do Viño da Ulla'.
** Saúda do Exmo. Presidente da Deputación da Coruña e do alcalde de Vedra.
** Pregón a cargo da actriz María Bouzas (Francisca Montenegro na serie 'El secreto de Puente Viejo' de Antena 3).

Durante o día actuarán:
- A Gaita de Sarandón: Requinteiros da Ulla
- Grupo de música tradicional 'Pena do Corvo' (Boqueixón)
- Grupo de música tradicional 'Os Laxeiriños'
- Grupo de baile tradicional 'Tequexetéldere' (A Estrada)
- Charanga TNT (Teo)

- 18:00 h. Tarde Folk con:
A Requinta da Laxeira, O Sonoro Maxín e Ulträqäns

E para rematar a festa, unha orquestra.

Descarga o programa en PDF aquí

Máis info en www.festadovinodaulla.com

Un programa formativo a cargo de oito artistas internacionais, charlas, obradoiros e debates, jam session e concerto no Museo de Galicia. Esta é a oferta da segunda edición de Galician Connection, un laboratorio de música, pensamento  e difusion dirixido por unha das nosas figuras máis internacionais: Cristina Pato. Serán catro xornadas onde, ao redor da música, terán lugar actividades e accións relacionadas coa formación, a colaboración, o pensamento e a difusión da experiencia cultural  dos participantes en Galician Connection.

O Galician Connection 2013 contará coa presenza do saxofonista e frautista recoñecido recentemente como mellor artista de Jazz europeo, Jorge Pardo; Wu Tong, considerado unha das figuras máis importantes da música tradicional chinesa; o compositor e pianista de jazz cubano Omar Sosa; o violinista e emprendedor americano residente en Afganistán William Harvey; o percusionista e especialista en músicas tradicionais Eliseo Parra; o acordeonista de jazz galego residente nos Estados Unidos Víctor Prieto; a cellista e cantante galega Rosa Cedrón e o percusionista galego Isaac Palacín.

Programa formativo exclusivo
Galician Connection ofrece un innovador programa con foros de debate, asistencia a ensaios e clases prácticas e encontros "cara a cara" nos que os asistentes poderán compartir experiencias directas cos artistas convidados.

Foro de Emprendemento Cultural
Xunto o programa formativo, o Galician Connection celebrará un Foro de emprendemento cultural con catro exemplos de proxectos a cargo dos seus responsables: Laura Freid, directora executiva do Silk Road Project e impulsora do Cultural Entrepreneurship Challenge da Harvard University; o músico e fundador da Afghan Youth Orchestra William Harvey; un dos fundadores da empresa Piranha Musik, responsable e fundador do Feira Internacional Womex; e Joaquín Martínez, director de Esmerarte Servicios Artísticos; unha das empresas galegas con alta actividade cultural.

Concerto
As experiencias de Galician Connection abriranse cara o público cun gran concerto, o sábado 20 de abril, a cargo dos músicos convidados, que interpretarán os resultados de tres días de experimentación e colaboración.

Jam Session
Como novidade desta segunda edición, aberta ao público e de balde, os participantes poderán ser os protagonistas durante a última xornada, o domingo 21 de abril, dunha jam session na que demostrar non só o talento e os coñecementos adquiridos ao longo das últimas tres xornadas, senón interactuar con outros músicos e establecer sinerxías que poidan desembocar en futuros proxectos musicais.

Máis info aquí

[5 maio 2013] Festa gastronómica que se celebra na Carballeira do Souto na parroquia de San Fins de Sales (Vedra) con degustación gratuíta durante toda a xornada de orella de porco acompañada de actuacións musicais durante todo o día. Tamén hai postos de venda de orella doce, polbo, churrasco...

PROGRAMA 2013

- 13.00 h. Presentación da nova edición da festa a cargo de Inés Dopazo Mella.
Actuación da Asociación Cultural Agarimo de San Fins.
- 16.00 h. Festa rachada coas actuacións de pandereteiras SILANDEIRA de San Xulián, música tradicional TRÉCOLA da Poboa do Caramiñal e as charangas SON DO SOUTO e o GHUSTO DO BOI de Lestedo.
- 18.00 h. Actuación da orquestra PARÍS DE NOIA.

Máis info aquí

[1 xuño 2013] Os Encontros de Música Tradicional no Mosteiro de Carboeiro son a festa que sae da xente, das súas ganas de gozar do que é noso. Vellos e vellas, mozos e mozas e, mesmo pequerrechos e pequerrechas, xúntanse no entorno máxico do Mosteiro de Carboeiro o primeiro sábado de xuño para encontrárense coa nosa cultura. Chegan artistas e artesáns de toda Galicia, pero o importante é que non hai estrelas que suban a un escenario: todas as persoas poden cantar, bailar, tocar, botar un conto, ou simplemente xogar cos zancos ou tomar algo e gozar da festa.

E non hai romaría sen a súa patroa: A Santa Ferreña sorrí cada ano, co seu pano na cabeza, a súa saia de flores, e, dende logo, a pandeireta na man, dende que a levan en procesión pola mañá (logo da poxa das andas, como é tradición) ata que os últimos bailadores e bailadoras, xa coa luz dun novo día, deixan o lugar. Porque os Encontros sempre comezan na sesión vermú e duran... ata que o corpo aguante. Nesta xornada máxica pódense ver exposicións, escoitar contos, mirar teatro, gorentar o xantar popular... pero, sobre todo, participar. Botar unhas coplas, sacar uns puntos, pasalo coma nunca. Ou pasalo como sempre: recuperar a diversión tal e como sempre foi nas festiñas tradicionais; construídas entre todos e para todos.

[16 agosto 2013] O Festival Esmorga Folk, de claro contido celta e raíces populares, comezou celebrándose o mesmo día da Festa da Empanada, e desde hai anos vénse realizando o día anterior a este gran acontecemento festivo-gastronómico.

Polo festival teñen pasado artistas e grupos do máis alto nivel nacional e internacional. Carlos Núñez, Leilía, Mercedes Peón, Xosé Manuel Budiño, Quempallou, A Roda, Os Cempés, Milladoiro ou Chieftains son algúns dos grupos que reuniron neste festival a miles de persoas.