O Museo do Pobo Galego celebra unha nova edición de 'Contos e Historias de Orixe Popular'. Esta, que é xa a cuarta, está dedicada ás e aos portadores é dicir, ás fontes principais da narración oral, posuidores dun saber tan noso como universal. Son algúns dos e das veciñas da parroquia de Zobra (Lalín) acompañados por Celso Fernández Sanmartín, as persoas que van representar a quen desde un traballo comprometido contribúen a xeración de espazos onde continuar recuperando e recreando a nosa tradición oral.

Interveñen: Hortensia, Amparo, Celso, Preciosa, Celsa, Samuel, Lolita... da parroquia de Zobra
Coordinación: Carme Campo e Ana Estévez

"Cheguei de fóra, presentéimelle a Hortensia que foi a primeira persona que atopei en Zobra,
estaba na horta sachando, eu viñera en bicicleta desde Lalín un día de moita calor, ía en
pantalón curto, inda hoxe Hortensia, que segue traballando no tear, me recorda que levaba
aquel primeiro día uns pantalóns rabeliños, e fun atendido nas miñas preguntas, e fun
indagado nas súas, e fun aceptado. E despois apareceu Amparo que co fillo e a nora e as netas
cura o mel á vista do monte Coco, e a Amelia que inda ata hai pouco tiña a súa nai, eran elas
dúas na casa, e a Samuel con Francia e o lobo e as ovellas e que coida de súa irmá Preciosa, e a
Rosa que lle trouxeron polas cimas da Serra do Candán desde Portugal un anel de ouro de
parte de seu irmau, e a Celsa do Acebedo co seu home e o acordeón, e a Elisa que lle subín polo
balcón á casa e me dou a merenda, e a Lolita que sabe os romances, e a quen me contou un día
que saíndo da taberna de Osita unha forza o colleu, levantouno e levouno polo aire desde alí ó
lugar da Cerdeiriña e o pousou na cima dunha cerdeira e non daba baixado dela… Cheguei sen
presa e sempre fun ben recibido, sempre regresei con alegría. Cando marcho contar fóra teño
antes que ilas ver, entrar nas cociñas, escoitalas, agradecerlles, contar o contar delas".
Celso Fernández Sanmartín

A Cidade da Cultura acolle a iniciativa ‘Cancións por regalos’, unha actividade coa que achegarse á música pop nun formato acústico a cambio de facer feliz a un neno.

Organizado pola Cidade da Cultura, coa colaboración de Ernie Producciones e a Asociación Iniciativa Social Berce, o evento contará cun nutrido grupo de artistas galegos que interpretarán na Sala de Columnas da Biblioteca de Galicia parte do seu repertorio, aínda que adaptado para a ocasión a un formato máis íntimo e a todos os públicos, dende os máis pequenos aos que xa non o son tanto. Estamos ante unha oportunidade única para fomentar a solidariedade e repartir ilusión á vez que se tenta difundir a música entre a cidadanía.

O prezo da entrada? Un agasallo. Ti decides o que é máis axeitado: dende un xoguete novo ou usado, sempre que estea en boas condicións, ata roupa, libros…

A Asociación Iniciativa Social Berce, que presta especial atención aos nenos en situación de desprotección, encargarase de repartilos entre os que máis o precisen durante estas datas. Desta forma, ti levarás para casa unhas cantas cancións para o recordo e algún pequeno terá unha sorpresa o Día de Reis.

PROGRAMA

**Mehnai
O soño que cada día se volve máis real
**La Familia
Pop normal para un mundo normal
**Jane Joyd
Aposta do panorama independente
**Alondra Bentley
Sensibilidade, candor e sentimentos encontrados
**Abraham Boba
Voz, piano, guitarra, acordeón... Un universo musical propio

Antes de deixar os agasallos nas casas, os Reis Magos visitarán un ano máis aos pequenos con todo o seu séquito, que percorrerá as principais rúas da cidade compostelá.

Saída da estación do tren: 17.30 h.

Ás 19:00 horas os Reis Magos chegarán á praza do Obradoiro, onde recibirán aos nenos e nenas que o desexen. Ás 19:30 horas comezará un espectáculo de personaxes de debuxos animados.

No ano de Rosalía, o Consello da Cultura Galega e a Cidade da Cultura poñen en marcha "Has de cantar! Os nenos e nenas cantan a Rosalía", unha iniciativa coa que os escolares de entre 8 e 12 anos encherán coas súas voces a praza exterior da Cidade da Cultura e a Praza da Quintana de Santiago de Compostela o 7 de xuño, cantando catro poemas emblemáticos de Rosalía de Castro e facéndoa moi coñecida en todo o mundo.

PROGRAMA

- 11:00 h. Chegada en autobuses á Cidade da Cultura
- 11:30 h. Visita guiada á exposición do Museo
- 13:00 h. Ensaio
- 14:00 h. Xantar
- 16:00 h. Traslado á cidade
- 17:30 h. Actuación  na praza da Quintana
- 19:00 h. Saída de autobuses

** Pezas seleccionadas

- Maio longo (Follas Novas), José Baldomir
- Rosa de abril (Cantares Gallegos), Andrés Gaos
- En Cornes (Follas Novas), Octavio Vázquez
- Negra Sombra (Follas Novas), Juan Montes

** Músicos

Director | Maximino Zumalave Caneda
Música | Grupo de metais Hércules Brass (dous cornos, dúas trompetas, trombón e tuba).

Organiza:
Consello da Cultura Galega
Cidade da Cultura

+info aquí

Con motivo da inauguración da exposición 'Os vellos non deben de namorarse 1961-2011', o Salón de actos da Biblioteca pública Ánxel Casal acolle esta tarde unha mesa redonda na que se renderá homenaxe aos actores e actrices da primeira representación da obra de Castelao.

O acto contará coa intervención de Ezequiel Méndez, único dos actores vivos que participaron nela.

A libraría Aenea organiza esta tarde un recital-presentación de 'A máquina do tempo', un disco-libro de Juan Carballo e Ramón Núñez. Durante o acto os asistentes terán a oportunidade de coñecer e escoitar en vivo e directo aos protagonistas, Juan Carballo, Ramón Núñez e Nuria Díaz, poeta, músico e ilustradora.

Un disco para ler, un libro para escoitar. Juan Carballo e Ramón Núñez protagonizan esta viaxe íntima e persoal na que mesturan poemas musicados e cancións.

Once composicións que contan coa colaboración de prestixiosos artistas e amigos como Alejandro Martínez, Guadi Galego, Guillerme Fernández, Jose A. Vilas, Maite Dono, Paco Cifuentes, Quim Farinha, Sito Suárez...

'A máquina do tempo' conta coas ilustracións e o deseño de Nuria Díaz, que fai realidade a intención de construír unha obra dentro dunha mesma obra, procurando acadar a mesma maxia cando se escoite e cando se teña entre as mans.

Máis info en:
www.amaquinadotempo.org
http://aeneasantiago.blogspot.com.es/