Compostela convértese durante dez días na capital da reflexión con 'Camiño ao Andar', unhas xornadas que reunirán en Santiago algunhas das máis relevantes figuras nacionais e internacionais de diversos ámbitos da cultura e o pensamento.

O arquitecto Rafael Moneo, o filósofo e escritor Félix de Azúa, o diplomático Shlomo Ben Ami e o investigador Michel Bauwens, teórico de internet e autor dun texto esencial para entender a cultura da rede de redes como "Peer to Peer and Human Evolution", son algúns dos nomes que conforman o programa deste encontro concibido coma un convite á reflexión a partir das achegas de toda unha serie de intelectuais de primeira liña.

PROGRAMA

18/10/2010

-19:00 h. María del Mar Villafranca Jiménez. 'A Alhambra: o patrimonio como mediación cultural'
-20:00 h. Roger Chartier. 'Os camiños das letras. Intercambios e hibridacións nas literaturas europeas da primeira modernidade (séculos XVI-XVII)'

19/10/2010

-19:00 h. Félix de Azúa. 'No meu final está o voso principio. Camiños de vida e morte en Proust'
- 20:00 h. Beat Wyss. 'Ningún lugar. O meu camiño a Santiago'

20/10/2010

-19:00 Shlomo Ben-Ami. 'O valor da diplomacia'
-20:00 Juan Miguel Hernández León. 'Der Weg'

21/10/2010

-19:00 Carmelo Lisón Tolosana. 'A fascinación da errante viaxe ao descoñecido (Razón antropolóxica)'
-20:00 Gerard Mortier. 'Os camiños da ópera'

22/10/2010

-18:30 Luis Alberto de Cuenca. 'Os camiños da literatura'
-19:30 Mohamed Metalsi. 'Europa e o Islam. Un patrimonio compartido'

25/10/2010

-19:00 Michel Bauwens. 'A Xeografía da Afinidade: Procomún neonómada, g-localidades habilitadas e tempo integral'
-20:00 Vicenzo Vitiello. 'Topoloxía: o espazo, os lugares, o camiño'

26/10/2010 (na Fundación Cidade da Cultura)

-19:00 Félix Duque. 'Via Crucis - Via Stellarum: Do centro da Terra ao Finis Terrae'
-20:00 Rafael Moneo. 'Os camiños e os sendeiros da arquitectura'

27/10/2010

-19:00 Georges Didi-Huberman. 'Os camiños do coitelo, da imaxe e do coñecemento'
- 20:00 Peter Sloterdijk. 'Camiño, Exercicio, Ascese. Sobre a antropoloxía da vida práctica'

28/10/2010

-19:00 Erri de Luca. 'O camiño en zigzag da liberdade'
-20:00 Antonio Gamoneda. 'Creación estética de e sobre o Camiño: forma, iconografía, escritura'

Máis info en:

http://caminoaoandar.xacobeo.es/gl

Baixo o título 'Fomento da Lectura: Unha fronteira para o libro' e co patrocinio de CEDRO, a Asociación Galega de Editores organiza un ano máis o seu simposio sobre libro e lectura. A sede de Caixanova será o escenario no que se desenvolverán as dúas xornadas deste encontro.

Expertos  do panorama nacional e internacional presentarán as súas propostas ao redor da promoción da lectura.

Xoves, 18 de novembro

A xornada do xoves día 18 comezará ás 9:30 horas coa recollida da documentación e a inauguración oficial. Ás 10:30 terá lugar a conferencia inaugural a cargo do editor e escritor Antonio Ventura. De seguido, Cristina Novoa falará sobre Bibliotecas escolares, a lectura desde o ensino; para pasar ao panel de experiencias no que intervirán Joan Portell, do Municipi Lector; Albino Alonso e David Pérez falarán sobre o fomento da lectura na Biblioteca Municipal do Porriño (Premio Nacional María Moliner de animación á lectura 2006).  Pola tarde seguirá o panel de experiencias co tema do fomento da lectura dende a libraría e relatorios a cargo de Pep Durán, da libraría Robafaves; e Sandra Senra, de Libros para soñar. Finalizará a xornada coa experiencia de Gracia Sanctorum, autora do blog Trafegando Ronseis.

Venres, 19 de novembro

A segunda xornada do Simposio comezará ás 10 horas co relatorio de Eloy Matos Núñez, da Rede de Universidades Lectoras. No panel de experiencias intervirán: Itziar Zubizarreta da Bularretik Mintzora; Concha Costas, de Espazo Lectura (Premio Irmandade do Libro 2009 / Premio de Dinamización Sociocultural Everest 2009); Nuno Marçal, co seu BiblioMóvel Proença-a-nova (Proxecto candidato ao Astrid Lindgren Memorial Award); Mercedes Caballud, de Ler xuntos en Ballobar (Premio Nacional ao Fomento da Lectura do Ministerio de Cultura 2005). Xa na xornada da tarde, celebrarase o relatorio da lectura: un novo modelo para as feiras do libro, a cargo de Javier López Yáñez, da Asociación Feira do Libro de Sevilla (Premio Nacional ao Fomento da Lectura do Ministerio de Cultura 2010); e finalizarase co relatorio O editor e o fomento da lectura, que realizará Constantino Bértolo, director de Caballo de Troya.

O Salón de Graos da Facultade de Ciencias Económicas e Empresariais da Universidade de Santiago acolle durante o día de hoxe a Xornada Técnica "Iniciativas Exitosas de Turismo Sostible”.

O Benchmarking podería definirse como o proceso sistemático de identificar, comparar e aprender das mellores prácticas ou de experiencias exitosas dun determinado sector localizadas en diversos ámbitos xeográficos, desagregando e analizando ordenadamente o conxunto de factores que condicionan o éxito das mesmas. O resultado permítenos mellorar procesos clave do sector o transferir as mellores prácticas que, despois dunha busca ampla se considerasen como exitosas.

Nestas xornadas recóllense de xeito ordenado e sintético as diversas experiencias exitosas que garantan un modelo de turismo sostible dende o punto de vista social, ambiental e económico, de catro tipos de turismo: turismo cultural o patrimonial, turismo urbano, turismo lingüístico o idiomático e turismo rural. En total, se analizaran máis de corenta experiencias de éxito, dez por cada tipo de turismo, en doce países europeos diferentes: Italia, Francia, España, Holanda, Dinamarca, Inglaterra, Polonia, Alemaña, Grecia, Noruega, Austria e Irlanda.

Por outro lado, baixo a metodoloxía “Benchmarking” permitiunos que as iniciativas excelentes ou exitosas fosen transferibles a realidade do sector turístico de Galicia de xeito que podan ser empregadas pola administración autonómica, polos empresarios turísticos, e por organismos varios que están involucrados na xestión turística.

As experiencias aquí descritas foron realizadas no marco dun proxecto de investigación “Benchmarking de produtos turísticos e a súa aplicación en Galicia” (ref. 08TUR006210PR) financiado por la Xunta de Galicia: Innovación, Ciencia e Tecnoloxía-INCITE e desenvolto pola Universidade de Santiago de Compostela entre os anos 2009 e 2010.

PROGRAMA

- 10.00-10.30 h: Conferencia
O proxecto “Benchmarking de produtos turísticos e a súa aplicación en Galicia”
D.ª Montse Iglesias

- 10.30-12.00 h: MESA REDONDA Experiencias exitosas de Turismo Rural
Moderador: D. Valerià Paül Carril,Facultade de Xeografía da USC, D. Guillermo Vergara Múñoz, Fundación Paideia Galiza, D. José Antonio Amoeiro Mosquera, Director do Parque Natural Baixa Limia-Serra do Xurés, D.ª Almudena Bouza, Tüv Rheiland Group

- 12.00-12.30 h: Pausa

- 12.30-14.00 h: MESA REDONDA Experiencias exitosas de turismo cultural e idiomático
Moderador: D. Carlos Valcarcel Ribeiro, Profesor da Universidade de Vigo, D.ªMaría José Piñeira Mantiñan, Facultade de Xeografía da USC, D.ª Lanzada Calatayud, Cursos Internacionais da USC, D.ª Pilar Taboada de Zuñiga, Universidade de Santiago de Compsotela, D.ª Mª del Carmen Mahía Neira, Liceo Internacional Agarimo.

- 16.30-18.30 h: MESA REDONDA Experiencias exitosas de Turismo litoral e mariñeiro
Moderador: D.ª Anxos Piñeiro, IDEGA-USC, D.ª Montserrat Álvarez, Centro Superior de Hostelería de Galicia, D.ª Nuria Patiño Vieites, Oficina de Turismo de Vigo, D. José Carlos Fernández-Barja Martínez, Xerente da Fundación Comarcal Muros-Noia.

Para asistir debe enviarse un e-mail a mariadulce.costas@usc.es con nome e apelidos

O Paraninfo da facultade de Historia acolle durante catro xornadas as IV Leccións Xacobeas Internacionais 'Os sentidos no Camiño', un congreso divulgativo durante o que varios estudosos presentarán as últimas investigacións sobre o Camiño, o fenómeno xacobeo, o culto ao Apóstolo e a Catedral de Santiago.

PROGRAMA

Sección 1 -800 ANIVERSARIO DA CONSAGRACIÓN DA CATEDRAL DE SANTIAGO

**20 de xullo

- 9.00 h. Inauguración do curso
- 9.30 h-11 h. (conferencia inaugural): José María Díaz (Deán da Catedral de Santiago): Rito e protagonistas da Consagración da Catedral de Santiago.
- 11 h-12.30 h: Corina Rohn (catedrática de Historia da Arquitectura da Universidade Hochschule RheinMain de Wiesbaden): As pedras falan. A construción da Catedral románica de Santiago de Compostela: últimas investigacións.
- 12.30 h-14 h: Rafael López Guzmán (catedrático de Historia da Arte da Universidade de Granada): A primeira misa do Apóstolo en España. O Sacromonte granadino e os libros plúmbeos.
- 16 h-19 h: Visita guiada á exposición Domus Iacobi: a historia da Catedral de Santiago e Visita guiada nocturna á Catedral de Santiago.

Sección 2 - OS SENTIDOS NO CAMIÑO

**21 de xullo

O TACTO
- 9.30 h-11 h: Clinete Lacativa (presidenta da Confraría do Glorioso Apóstolo Santiago de Río de Janeiro): Do Sol ata a Luz: adestramento para o Camiño de Santiago en Brasil.

A VISTA
- 11 h. -12.30 h: Javier Gómez Montero (catedrático de Literaturas Románicas, Centro de Estudos Galegos da Universidade de Kiel): As lecturas contemporáneas do Camiño.
- 12.30 h. -14 h: Luis Hueso Montón (catedrático de Cine da USC): O Camiño en imaxes cinematográficas.
- 16 h-19 h: Visita guiada a igrexa e museo de San Martiño Pinario

**22 de xullo

O OIDO
- 9.30 h-11 h: Carlos Villanueva Abelairas (catedrático de Música da USC): Os sons do Camiño.
O OLFACTO
- 11 h-12.30 h: Jesús Izco Sevillano (Catedrático de Botánica da USC): Cores e perfumes do Camiño.
O GUSTO
- 12.30 h-14 h: Xavier Castro Pérez (catedrático de Escola Universitaria de Historia Contemporánea da USC): Xantares dos peregrinos.
- 16 h-19 h: Visita guiada ás coleccións do Museo das Peregrinacións e de Santiago.

Sección 3 - ANDANDO O CAMIÑO

**23 de xullo
"Andaina" dun tramo do Camiño da Costa da Morte - Monte Pindo - guiado por socios da AGACS, profesores da USC e relatores das Leccións.
- 9 h.- Saída de autobuses da Praza de Galicia.
- 11 h.- Camiñada de varios quilómetros polo tramo do Camiño de Santiago no Monte Pindo coñecendo as rochas e as súas lendas. Comida pic-nic no Pindo. (Nivel de dificultade baixa).
- 17 h.- Visita ao patrimonio da vila de Corcubión.
- 19 h.- Visita a Fisterra.
- 20 h.- Posta de sol en barco dende Fisterra (prazas limitadas).
- 22 h.- Regreso a Santiago

A relación entre os museos e as novas tecnoloxías será abordado do 7 ao 9 de novembro na Cidade da Cultura de Galicia no marco do II Foro Internacional de Espazos para a Cultura (FIEC) no que se darán cita destacados profesionais independentes e de centros internacionais e nacionais como a Tate Modern, The British Museum, o Museo Thyssen-Bornamisza ou o MACBA-Museu D’Art Contemporani de Barcelona. Baixo o título A Araña na rede, a consellería de Cultura, Educación e Ordenación Universitaria busca con esta segunda edición do FIEC analizar as estratexias postas en marchas por diferentes institucións para achegar a oferta artística a un maior número de xente, convertendo aos museos en verdadeiros motores dunha oferta cultura que incluso reactive o sector turístico.

O FIEC volve ao Gaiás tras o éxito da súa primeira edición na que representantes das principais institucións culturais no mundo como o MoMA de Nova York, o IRCAM-Pompidou de París o Barbican Centre de Londres ou a Biblioteca de Alexandría, entre outros, analizaron durante tres xornadas o papel das infraestruturas culturais como factores de desenvolvemento económico, como polos para atraer proxectos empresariais ou como plataformas para a proxección da imaxe dunha comunidade no exterior. Con este foro, a Cidade da Cultura abre un espazo onde as infraestruturas culturais poderán cuestionarse e intercambiar estratexias para afrontar os novos retos derivados dun tempo cambiante.

O programa contará coa presenza de representantes de destacadas institucións culturais que, ademais do seu patrimonio cultural, destacan pola optimización das novas tecnoloxías no seu día a día. Museos e Novas Tecnoloxías será a conferencia inaugural deste II FIEC, que estará a cargo de Jasper Visser, fundador de The Museum of the Future, profesional de primeiro nivel que leva anos prestando asesoramento ou desenvolvendo estratexias dixitais para importantes institucións culturais como Museum of National History en Holada, o Qatar Museum Authority de Doha ou o Duthc Centre for International Cultural Activities de Amsterdam.
Xunto a el estarán representantes de destacadas entidades internacionais como Marc Sands, director de Novos Medios e Formación de Públicos da Tate Modern de Londres; Shelley Mannion, responsable do programa de Educación Dixital de The British Museum; Susan Hazan, Conservadora de Novas Tecnoloxías e Responsable de Internet no Israel Museum de Jerusalem; Samuel Bausson, webmaster do Muséum de Tolouse; ou Merete Sanderhoff, Investigadora e Directora de proxectos da SMK-National Gallery of Denmark. Do mesmo xeito, o FIEC contará con expertos de centros nacionais como Rufino Ferreras Marcos, responsable de Desenvolvemento Educativo do Museo Thyssen-Bornemisza de Madrid e director do portal educativo www.educathyssen.org; ou Anna Ramos, responsable de Ràdio Web MACBA-Muse d’Art Contemporani de Barcelona.

O II Foro Internacional de Espazos para a Cultura dispón de 155 prazas destinadas a profesionais do ámbito da cultura e estudantes, que poden inscribirse ata o mércores 31 de outubro. Para as cen primeiras prazas, o custe será de 30 € para estudantes e 50 para profesionais. Os interesados atoparán en www.fiec-cidadedacultura.org o boletín de inscrición e toda a información necesaria para participar.

Consulta o programa completo aquí

Los Auténticos Decadentes, a gran banda popular arxentina por excelencia, con máis de 20 anos de traxectoria e 11 discos de estudo, presenta na Sala Capitol o seu novo traballo, 'Irrompibles'. Xunto a eles, Notevagustar, grupo uruguaio que se move entre os ritmos tradicionais da súa terra e a mellor sangue do rock arxentino.

"Irrompibles", é o nome do novo álbum de estudo de Los Auténticos Decadentes. Como é habitual nos discos da banda, en "Irrompibles" hai unha variedade de ritmos, estilos musicais, orquestración, temática e lírica, que é propia deste monstro de 12 cabezas.

Notevagustar
Herdeiros da fina tradición musical uruguaia e influenciados polo mellor sangue do rock arxentino, NoteVaGustar (NTVG) transita un camiño singular dentro do panorama rioplatense. Con letras sentidas e intelixentes, e posuidores dunha musicalidade que os libera de calquera etiqueta, constrúen un son que viaxa entre o autóctono e o cosmopolita.

Con cinco discos de estudo e dous DVD que recollen a solidez das súas presentacións en vivo, a banda uruguaia levou a súa música polo mundo presentándose en diversas cidades de Alemaña, Austria, Suíza, Italia, España, Brasil, Chile, Paraguai, México e Arxentina, onde a súa popularidade é cada vez maior.

NTVG presentaranse en España no marco de "O Camiño Mais longo Tour", que os levou a percorrer exitosamente os principais escenarios e festivais de Latinoamérica e Estados Unidos durante o último ano.

Os Auténticos Decadentes
A gran banda popular arxentina por excelencia, con máis de 20 anos de traxectoria e 11 discos de estudo, un DVD con toda a súa historia e 2 discos recompilando todos os seus éxitos, comezou a súa xira en México a fins de abril, presentándose no Festival Vive Latino ante máis de 60.000 persoas, confirmando unha vez máis o seu lugar entre as mais grandes bandas Latinas.

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

O ciclo 'Feito a man', organizado pola Asociación Cultural Cidade Vella no marco do Festival dos Abrazos, ofrece esta noite unha nova cita musical da man de Velcro, banda compostelana de pop rock acústico.

Banda de pop rock acústico afincada en Santiago composta por:
Isabel Cobo: teclados
Javi Bermejo: baixo
Lucas Fernández: percusións
Curro Marcos: guitarra e voz

O festival dos Abrazos, que celebra a súa cuarta edición, ofrecerá do 8 ao 27 de agosto, en espazos singulares da cidade, 66 actividades de diferentes disciplinas. Organizado pola Concellaría de Cultura, conta co patrocinio do Consorcio de Santiago e a colaboración da Asociación Cultural Cidade Vella, que organiza a programación de Feitoaman, integrada no Festival dos Abrazos; o Festival de Cine Euro-Árabe Amal; La Caixa de Barcelona e a Vicerreitoría de Estudantes, Cultura e Formación Continua da USC.

O Festival dos Abrazos é un certame internacional que proxecta Santiago de Compostela como escenario da creación e da imaxinación, como cidade universal á vangarda dunha cultura aberta, moderna e plural promovendo iniciativas culturais que constitúen un importante atractivo turístico. Os espazos onde se desenvolven as diversas actividades, máis de 20, non son só escenarios senón que son tamén protagonistas da programación Clasifícanse en tres categorías: Campo Aberto, os parques e xardíns que rodean a cidade vella ou que se agochan nela; Estacións de paso, as rúas e prazas máis coñecidas e transitadas da cidade histórica; e Espazos íntimos, recunchos, calexas, menos coñecidas pero cheas de encanto.

Concerto Nosolomonologos do grupo Sin Cejilla, dúo uruguaio que compón temas propios con gran personalidade. Dúas grandes voces acompañadas de guitarras e en ocasións utilizando sintetizadores.

Durante a fin de semana do 15 ao 17 de abril capoeiristas procedentes de diversos países europeos se reunirán en Compostela para participar no III Encontro Internacional de Capoeira Angola, que ten como máxima a de converterse nun espazo de intercambio cultural.  Os asistentes gozarán da presenza de prestixiosos capoeiristas brasileiros como son o Mestre Laercio, o Mestre Pedrinho, o Contramestre Dirceu, o Trenel Ricardo, Victoria Cristina Aranha e o Mestre Boca do Rio.
 
O proxecto ten como eixe central a práctica da Capoeira Angola (actividade física, ximnástica, atlética e deportiva de carácter recreativo) e o seu intercambio cultural. Durante as datas do encontro os asistentes traballarán con movemento e musicalidade dentro de aulas prácticas e teóricas. O programa complétase coa proxección documentais e a organización de debates sobre temas como os fundamentos da Capoeira Angola e a súa ancestralidade.
 
Esta actividade crease co obxectivo de xerar un espazo de produción  de sentidos en relación a diversos temas, promovendo a participación activa de todos os asistentes, xa sexan nenos, adolescentes ou adultos. É un espazo que propón a reflexión e o intercambio  cultural de pensamentos e sentimentos vinculados co seu presente e articulados co pasado e o futuro. Os distintos temas xorden de acordo ás necesidades actuais do grupo.
 
O encontro está organizado pola Asociación Deportiva e Cultural Capoeira Angola Zimba de Compostela e polo Grupo Zimba de Salvador de Bahia. Patrocina o evento o hotel Hesperia Peregrino. Colaboran na organización o A Rede Municipal de Centros Socioculturais, Don Bosco e a Gentalha do Pichel.

PROGRAMA:
Todas as atividades se realizarán no Centro Cultural Jose Saramago de Vite (Rua Carlos Maside 7, Santiago de Compostela)
 
VIERNES 15 DE ABRIL
 
De 19 a 23 h
Abertura do encontro
Presentación da Exposición Fotográfica de Vitória L. Aranha
 
Presentación dos mestres:
M. Boca do Rio (Grupo Zimba)
M. Pedrinho de Caxias
C. M. Dirceu
Trenel Ricardo
Vitoria Cristina Aranha

Roda de Capoeira Angola (Aberta ao público)
 
Cócktel de froitas

SABADO 16 DE ABRIL
 
De 10 a 12:40 h
Aula de movemento
De 13 a 14.30 h
Almorzo
De 14.35 a 15:30 h
Mostra do vídeo "Vida e obra de Mestre Felipe"
Debate
De 15:40 a 17.00 h
Aula de movemento
De 17.00 a 18:30 h
Danza Galega
De 19:45 a 21:30 h
Roda de capoeira Angola
De 22:00 a 1:00
Samba Reggae con Mestre Pedrinho e os seus alumnos
(Grupo: Os Mandinga)

DOMINGO 18 DE ABRIL
 
De 10 a 12.40 h
Aula de movemento
De 13 a 14:40 h
Almorzo
De 14:45 a 15.30 h
Debate: "A capoeira e a negritude" Vitoria L. Aranha
De 15.40 a 17 h
Aula de movemento
De 17:10 a 18.40 h
Debate: "A orquesta de berimbaus na roda de Capoeira Angola"
De 18.50 a 20.50 h
Roda de peche (Aberta ao público)

 
ASOCIACIÓN DEPORTIVA CULTURAL CAPOEIRA ANGOLA ZIMBA
Prensa: Teresa de la Hera. Tel. 653631806
prensagrupozimba@gmail.com