A Staatskapelle Berlin, unha das máis antigas e prestixiosas agrupacións sinfónicas de Europa, chega a Santiago da man do ciclo 'Galicia Classics para ofrecer un concerto dirixida polo seu mestre titular, Daniel Barenboim, o máis importante director de orquestra dos nosos días, que ofrecerá un programa monográfico centrado en Anton Bruckner, coas dúas primeiras sinfonías deste compositor alemán.

O ciclo Galicia Classics trae a Santiago ao gran director e pianista Daniel Baremboim xunto á prestixiosa Staatskapelle Berlin, formación da que é titular, nun único concerto en Galicia que abre a súa xira española de 2011. O programa -sinfonías números 1 e 2 de Bruckner, consideradas ‘catedrais' da música sinfónica- conmemora de maneira extraordinaria os 800 anos da Catedral de Santiago.