A pista de cristal instalada no centro comercial Área Central acolle durante seis xornadas a quinta edición do Torneo Internacional PSA e WISPA "Camiño de Santiago", unha competición na que participarán 200 xogadores de 20 países diferentes, algúns deles situados nos primeiros postos da clasificación mundial nas categorías masculina e feminina. Este é o torneo máis importante de squash que se realiza España e un dos máis importantes de Europa.

Do 11 ao 13 de maio, o Pavillón Municipal de Vite, na rúa do Pintor Carlos Maside, acolle a celebración do III Campionato de España Clubes 2012 sub -16 de Hockey sobre patíns.

No evento tomarán parte o Club de Hockey Compostela, o Biesca Gijón Hockey Club, o Club Patín Alcobendas, o Club Patín Alcorcón, o Colexio Sta. María del Pilar, o Club Patí Manlleu, o CHP Bigues i Riells e o Reus Deportiu.

Do 15 ao 17 de xuño, Santiago acolle a primeira edición dos Xogos Interautonómicos de Atletismo, organizados por Special Olympics, un evento que busca a integración social e pretende contribuir a potenciar as capacidades das persoas con discapacidade intelectual.

Ademais de contar coa participación de máis de 100 deportistas con discapacidade intelectual de toda Galicia, Santiago acollerá neste evento a atletas con discapacidade chegados das Comunidades de Andalucía, Asturias, Canarias, Castela e León e Cataluña acompañados dun total de 28 adestradores. As probas desenvolveranse durante todo o fin de semana nas pistas de atletismo do pavillón da Universidade de Santiago.

PROGRAMA

** XOVES 14
- 19.00 h. Percorrido do facho dos xogos polas rúas de Santiago: saída da rúa Neira de Mosquera, Parlamento, Praza de Galicia, Alameda, Praza do Toural, Mazarelos, Cervantes, Inmaculada e Praza do Obradoiro.
- 19.45 h. Na praza do Obradoiro, o alcalde compostelán, Ángel Currás, recibe o facho dos Xogos e aos participantes no percorrido.

** VENRES 15
- 20:00 h. Acto de inauguración pavillón da Universidade.

** SÁBADO 16
- 09:30 - 14:30 h. Competición e entregas de premios - Pistas de atletismo da Universidade.
- 16:00 - 20:00 h. Competición e entregas de premios- Pistas de atletismo da Universidade.
- 22:00 - 00:00 h. Festa deportistas - Pavillón 14 - Monte do Gozo.

** DOMINGO 17
- 09:30 - 12:30 h. Competición e entregas de premios - Pistas de atletismo Universidade.
- 13:30 h. Acto de clausura - Pistas de atletismo ou Pavillón (segundo o tempo).

Máis información aquí

O estadio de San Lázaro será esta tarde o escenario do partido que enfronta á selección española de rugby coa portuguesa, dentro do Campionato de Europa de Nacións FIRA-AER 2013. España e Portugal loitarán en Santiago por alzarse co título continental de seleccións fronte a outras como Xeorxia, Romanía, Rusia e Ucraína.

A Liga ACB Endesa de Baloncesto 2012-2013 celebra hoxe a súa vixésimo oitava xornada cun partido que enfrontará ao Blu:Sens Monbus e ao Regal Barcelona.

A piscina municipal de Santa Isabel acolle esta tarde o segundo partido do play off final da Liga Galega de Waterpolo entre o Club Waterpolo Santiago e o Club Waterpolo Galaico Pontevedra. De gañar este partido os composteláns, disputarían o terceiro e último partido tamén na casa.

Os santiagueses precisan gañar este partido para forzar o desempate, xa que perderon o primeiro en Pontevedra por 14-12.

O equipo compostelán ten o factor cancha a favor por ter sido primeiros na liga regular. De aí que, de gañar este sábado, o último e definitivo partido disputaríase tamén en Santa Isabel, o sábado 18 de maio. De conseguir o título, sería o cuarto consecutivo do Club Waterpolo Santiago, feito destacado especialmente pola xuventude dun equipo con apenas dez anos de existencia.

As aspiracións do CWS non rematan aí, xa que do 3 ao 5 de maio disputarán en Portugalete (Biscaia) a fase nacional de ascenso a Segunda División.

Máis info aquí

Concurso de creación de curtametraxes Amal Express, unha actividade que conta coa colaboración de adnstream.tv e co apoio da Universidade de Santiago de Compostela. Consiste na realización dunha curta baseada nunha palabra crave proporcionada pola organización do Festival Amal nun tempo “Express”: 96 horas.

Bases dispoñibles en: www.festivalamal.es

A I Fase da XXII Liga Galega de Bandas de Gaitas celébrase esta mañá no Palacio de Congresos e Exposicións de Galicia. O acceso é libre e gratuíto.

Ás 20.30 h, clausura.

Consultar o horario completo aquí

Durante dúas xornadas o Multiusos Fontes do Sar acolle a segunda edición da Feira Internacional de Emprego (FIE), un evento organizado polo Concello de Santiago que permitirá ás persoas demandantes de emprego da cidade entrar en contacto directo cun número importante de empresas, tanto españolas como estranxeiras (de todos os sectores económicos: tecnoloxía, turismo, industria, banca, seguros, comercio, servizos, sanidade,...), que aproveitan a oportunidade que lles ofrece a Feira para seleccionar e dimensionar os seus cadros de persoal.

O prazo de inscrición online para participar nos procesos de selección que se desenvolverán durante os dous días de Feira remata o 13 DE XULLO. Unha vez inscrito, o candidato pode enviar o seu currículo ás ofertas que máis lle interesen.

Toda a info aquí

Inscricións: aquí

Facebook: https://www.facebook.com/pages/II-Feira-Internacional-de-Emprego-FIE/103766666433625

Twitter: @FIE_Santiago

Ao longo de dúas xornadas, o Auditorio Novacaixagalicia acolle o VI Foro Open Your Mind, unha fantástica oportunidade para as relacións profesionais e os negocios no Networking e a Cea de Gala.

Dende que naceu o movemento Open Your Mind sempre tivemos un obxectivo claro, xerar oportunidades nun foro vivo onde ti te convertes en protagonista:

- Establecer contactos con outros profesionais con inquietudes que buscan como ti a mellora continua e desexan xerar negocio nas súas actividades como emprendedores, empresarios, directivos, profesionais...
- Obter ferramentas, solucións... a través de profesionais de recoñecido prestixio nacional e internacional que nos permitirán poñer en práctica nas nosas empresas, proxectos ou carreiras profesionais.
- Potenciar o talento e a creatividade nun ámbito competitivo onde a flexibilidade, a capacidade de adaptación e a evolución son as claves do éxito.
- Xerar ilusión e motivación entre todos os participantes que buscan mellorar e sacar adiante a súa carreira, o seu proxecto, a súa empresa...

Nun ámbito onde o importante es ti como participante, para que goces das actividades que imos desenvolver no VI foro Open Your Mind.

Programa de relatorios dos mellores expertos:
MARIO ALONSO PUIG // ELSA PUNSET // SERGIO FERNÁNDEZ // ALEJANDRO HERNÁNDEZ // GABRIEL GINEBRA // ROBERTO P. MARIJUAN // JUAN J,. ROMERO CRUSAT // FERNANDO SALINERO // ELOY GESTO // MARISOL VÁZQUEZ // BELEN VARELA // MARIO LÓPEZ GUERRERO

Consulta o programa completo aquí

Descarga o programa en PDF aquí

Toda a info na web www.openyourmindscq.es

[10-12 maio 2013] Coincidindo co segundo fin de semana de maio, Oroso celebra a súa Festa da Troita, un evento declarado de Interese Turístico que ten como obxectivo servir como punto de encontro para todos os veciños e visitantes que desexen gozar dunhas xornadas festivas. En 2103 celebra a súa XVII edición.

A Festa da Troita inclúe actividades para todos os gustos e públicos. Terá lugar unha nova edición do festival Oroso en Vivo, que nos traerá a actuación das mellores orquestras na Alameda de Gois: Paris de Noia e Olympus (venres día 10), Marbella e Claxxon (sábado día 11) e Fania (domingo día 11). A feira de artesanía e oficios, xunto coa exposición de coches antigos, atraeran a curiosidade dos visitantes. As rúas encheranse de actuacións musicais e folclóricas, sen esquecer aos máis cativos, que serán partícipes de divertidas actividades.

No presente ano, o campionato de pesca para adultos terá lugar o sábado. O domingo, a troita tomará todo o seu protagonismo coa degustación da mesma nos bares colaboradores e na Alameda de Gois. As 13:30 horas terá lugar a lectura do pregón a cargo de Federico Pérez (Era visto, Padre Casares, TVG), seguido do Xantar Popular. As entradas para participar neste xantar poden adquirirse nos puntos seguintes: Bar Tapas, Tapería Martan, Bar Manuela, Bar Xesto e na caseta situada na Praza do Concello.

PROGRAMA

** Venres 10 de maio
- Exposición Museo Hortensia Ramos no Centro Cultural Fernando de Casas e Novoa
- 19:00 h. Teatro Musical “A Nena e o Grilo nun Barquiño”
FalaRedes (Programa de Dinamización Lingüística)
Centro Cultural Fernando de Casas e Novoa
- 20:00 h. Sorteo Campionato de Pesca
Centro Cultural Fernando de Casas e Novoa
- 22:30 h. FESTIVAL OROSO EN VIVO na Alameda de Góis
    - Orquestra París de Noia
    - Orquestra Olimpus
 
** Sábado 11 de maio
- 09:00 a 13:00 h. Campionato de Pesca Adultos
- 10:30 a 13:45 h. “II Torneo Pitch & Putt Festa da Troita Oroso” en Porto Avieira
- 11:30 a 13:00 h. Obradoiros Infantís na Praza de Isaac Díaz Pardo
- 11:30 a 21:00 h. Exposición Museo Hortensia Ramos no Centro Cultural Fernando de Casas e Novoa
- 11:30 a 21:30 h. Feira de Artesanía e Oficios na Praza de Isaac Díaz Pardo
- 16:00 a 20:00 h. Campionato de Pesca Adultos
- 18:00 h. “Roi o Cagabolos” na Praza de Isaac Díaz Pardo
- 19:00 h. Pasarrúas da A.F. Lembranzas do Tambre
- 19:30 h. Baile Hip Hop, Break Dance na Praza de Isaac Díaz Pardo
Actuación: A.F. Lembranzas do Tambre e A.C. Néboas no Cumio
- 22:30 h. FESTIVAL OROSO EN VIVO na Alameda de Góis
    - Orquestra Marbella
    - Grupo Claxxon

** Domingo 12 de maio
- 09:00 a 13:00 h. Campionato de Pesca Infantil
- 10:30 h. Pasarrúas da Charanga N.B.A.
- 11:30 13:30 h. Garabato de Xogos: Xogos de Habilidades na Praza de Isaac Díaz Pardo e Arredores
- 11:30 a 21:00 h. Exposición Museo Hortensia Ramos no Centro Cultural Fernando de Casas e Novoa
- 11:30 a 20:00 h. Concentración de Coches Clásicos e Antigos na Alameda de Góis
- 11:30 a 21:30 h. Feira de Artesanía e Oficios na Praza de Isaac Díaz Pardo
- 12:00 h. Pasarrúas e Baile “A. F. Buxos Verdes” na Praza de Isaac Díaz Pardo e Arredores
- 12:30 h. Degustación de Troitas en Bares colaboradores e na Alameda de Góis
- Pasarrúas Charanga N.B.A. na Alameda de Góis
- 13:30 h. Pregón: Federico Pérez (Era Visto, Padre Casares, TVG)
Entrega de premios e trofeos do Campionato de Pesca na Alameda de Góis
- 14:15 h. Sesión Vermú coa Orquestra Fania na Alameda de Góis
- 14:30 h. Xantar Popular no Centro Deportivo
- 16:00 h. Pasarrúas e Charangas coa Charanga N.B.A.
- 17:30 19:30 h. Garabato de Xogos: Xogos de Habilidades na Praza de Isaac Díaz Pardo e Arredores
- 20:00 h. Verbena coa Orquestra Fania na Alameda de Góis

EN CASO DE MAL TEMPO AS PROGRAMACIÓNS INFANTÍS E O FESTIVAL FOLCLÓRICO TRASLADARANSE Á CARPA NA ALAMEDA DE GÓIS

[22-23 xuño 2013] A subida automovilística a A Estrada celebra en 2013 a súa XVIII edición. A carreira, puntuable para o Campionato de Montaña, inclúe entre os seus participantes a pilotos chamados a disputar o título autonómico. No trazado destacan zonas de todo tipo, mesturando sectores privados con outros lentos e zonas máis técnicas.

Saída: As Cobas (Paradela)
Chegada: Aldea Grande (Aguións)

Máis info aquí