Todos os martes e xoves do mes de decembro, a concellería de Participación Cidadá e a Asociación de Hostalería de Santiago organiza un curso de cociña tradicional, con degustación incluída, dirixidos aos colectivos sociais e veciñais e que será impartido no Centro de Formación e Cultura da entidade.

Ao longo do curso elaboraranse oito menús tradicionais, consistentes en primeiro, segundo e sobremesa. Ao remate da sesión degustarase o menú cociñado esa tarde. Na sesión do día 23, prepararase un menú de Noiteboa.

Os interesados en asistir ao curso poden anotarse persoalmente na Casa das Asociacións (rúa Manuel Beiras, 3) ou por correo electrónico na seguinte dirección: participacioncidada@santiagodecompostela.org.

O prazo de inscrición remata o 30 de novembro. Cada persoa recibirá un mandil, un gorro de cociña e material didáctico para o curso e, ao final, o seu certificado de asistencia.

Todos os martes e xoves do mes de xaneiro, a concellería de Participación Cidadá e a Asociación de Hostalería de Santiago organiza un curso de cociña tradicional, con degustación incluída, dirixidos aos colectivos sociais e veciñais e que será impartido no Centro de Formación e Cultura da entidade.

Ao longo do curso elaboraranse oito menús tradicionais, consistentes en primeiro, segundo e sobremesa. Ao remate da sesión degustarase o menú cociñado esa tarde. Na sesión do día 25, prepararase un menú de Entroido.

Os interesados en asistir ao curso poden anotarse persoalmente na Casa das Asociacións (rúa Manuel Beiras, 3) ou por correo electrónico na seguinte dirección: participacioncidada@santiagodecompostela.org.

Cada persoa recibirá un mandil, un gorro de cociña e material didáctico para o curso e, ao final, o seu certificado de asistencia.

Entre os profesores que impartirán os cursos atópase o recoñecido chef  Xosé Torres Cannas, cuxo restaurante Pepe Vieira conta cunha Estrela Michelín. El e o seu equipo encargaranse de tres obradoiros: ‘As masas con Pepe Vieira’, ‘Curso sobre frituras con Pepe Vieira’ e ‘Pequenas lambetadas con Pepe Vieira’.

A oferta complétase con obradoiros prácticos que serán dirixidos por unha gran profesional na arte dos fogóns, Marián Rodríguez Piñeiro. As súas propostas abarcan áreas tan diversas como a cociña vexetariana, a oriental ou os menús de Nadal. Ademais, están previstas dúas convocatorias dun obradoiro pensado para iniciarse nas artes culinarias e tamén haberá dúas oportunidades para os que estean interesados en introducirse no mundo da cociña creativa: ‘Cociñando delicias creativas con produto galego’ e ‘Cociña gourmet con ingredientes do día a día’.
Xunto cos obradoiros de cociña convocaranse varios cursos de cata de viños, que se desenvolverán baixo a dirección de Xoán Cannas, sumiller do restaurante Pepe Vieira, e o seu equipo. As propostas preséntanse baixo nomes suxestivos como ‘Claves para comprender o mundo do viño’ ou ‘A volta ao mundo en 80 viños, a volta ao viño nos seus 80 mundos’, que agrupa tres xornadas independentes nas que se viaxará a Borgoña, Burdeos e Champagne. A novidade para este outono será o taller de ‘Iniciación á cata de cervexas’.

** PROGRAMA OUTUBRO

- Pratos deliciosos de cociña vexetariana – 70 €
Luns 3, 10, 17 e 24 de outubro, de 17.00 a 19.00 horas
Receitas: ensalada variada de pasta con tofu, champiñóns e granada; berenxenas ao forno recheas ao estilo italiano; crema de cenoria, pataca e cabaciño con paliños de sésamo; rissotto de espinacas con noces e grana padano; wok de verduras ao curry suave con pasta oriental; roliños de paté de olivas con salsa de pemento; hamburguesas vexetais de espinacas e noces; tortiña semiintegral de mazá e crocante de améndoa.

- Cociñando sushi creativo – 70 €
Luns 3, 10, 17 e 24 de outubro, de 20.30 a 22.30 horas
Receitas: roliños de salmón afumado, aguacate e queixo de untar; roliños california de cangrexo cuberto de falso caviar e ovas de salmón; roliño tempurizado de teriyaki de polo e shiitakes; roliño sen arroz tempurizado de salmón, cangrexo e aguacate con salsa de anguía; roliños california arco da vella, de aguacate, salmón e xamón serrano; roliños con ventresca de bonito, pementos asados e maionesa de wasabi; roliños de udon, lagostinos e verduras son salsa yakisoba; roliños sen arroz mini tempurizados de salmón fresco e mango con chutney.

- A volta ao mundo en 80 viños. A volta ao viño nos seus 80 mundos – Borgoña – 25 €
Martes 11 de outubro, de 20.30 a 22.00 horas
Viaxe por esta zona vitivinícola cuxos caldos están considerados entre os mellores do mundo. O traxecto inclúe paradas en Madame Leflaive, Meo Camuzet, Aubert de Villaine, Morey Coffinet, Jean Clude Bessin, Lechenaut…

- Claves para comprender o mundo do viño – 95 €
Mércores 5, 19 e 26 de outubro e 2 de novembro, de 19.30 a 22.30 horas

- Curso de masas con Pepe Vieira – 95 €
Mércores 5, 19 e 26 de outubro e 2 de novembro, de 20.30 a 22.30 horas
Masa de coca, masa para pizza, plum cakes, pan de especias, masa de empanada, filloas caseiras e tortiñas.

- Cociñando delicias creativas con produtos galegos – 70 €
Xoves 6, 13, 20 e 27 de outubro, de 17.00 a 19.00 horas
Receitas: tartar de polvo á feira con pataca e salsa de pementón; empanada hojaldrada con recheo de centola; revolto de grelos con bacallau e sal de xamón; arroz negro cremoso con choco na súa tinta con tella de grelos; carrilleiras ao viño con salsa de queixo afumado San Simón; torta tatin de mirabeles, noces e mel; rissotto de lagostinos e zamburiñas ao albariño; tiramisú versión bica galega e licor café.

- Aprendendo a cociñar – 60 €
Xoves 6, 13, 20 e 27 de octubre, de 20.30 a 22.30 horas
Receitas: champiñóns á crema con taquiños de xamón; tortilla caseira de patacas; revolto de lagostinos e espárragos trigueiros; empanada hojaldrada de carne, ovo e olivas; ensalada fresca de pasta rechea e setas; pescada en salsa verde con lagostinos; verduras con polo salteadas ao wok; torta tipo brownie con salsa de chocolate.

** PROGRAMA NOVEMBRO

- Cociña gourmet con ingredientes do día a día – 70 €
Luns 7, 14, 21 e 28 de novembro, de 17.00 a 19.00 horas
Receitas: tostas de paté de sardiñas e cebola caramelizada con balsámico de Módena; pementos de piquillo recheos de bechamel de atún e champiñóns ao forno; espárragos crocantes recheos de paté con salsa á pementa; quiche de cebola, mazá e touciño deshidratado; tortilla de espaguetes á carbonara; crepes con chocolate negro e crema tipo stracciatella; empanadillas triangulares de zamburiñas de lata en salsa de vieira; pastel de pataca, grelos de bote e ovo con salsa choriceira picante.

- Cociñando sushi creativo – 70 €
Luns 7, 14, 21 e 28 de novembro, de 20.30 a 22.30 horas
Receitas: roliños de salmón afumado, aguacate e queixo de untar; roliños california de cangrexo cuberto de falso caviar e ovas de salmón; roliño tempurizado de teriyaki de polo e shiitakes; roliño sen arroz tempurizado de salmón, cangrexo e aguacate con salsa de anguía; roliños california arco da vella, de aguacate, salmón e xamón serrano; roliños con ventresca de bonito, pementos asados e maionesa de wasabi; roliños de udon, lagostinos e verduras son salsa yakisoba; roliños sen arroz mini tempurizados de salmón fresco e mango con chutney.

- A volta ao mundo en 80 viños. A volta ao viño nos seus 80 mundos – Burdeos – 25 €
Martes 15 de novembro, de 20.30 a 22.00 horas
O traxecto inclúe paradas en Pomerol, Medoc, Saint Emilion, Saint Julien, Fronsac, Lalande, Graves, Pessac-Leognan, Margaux…

- Iniciación á cata de cervexa – 95 €
Mércores 9, 16, 23 e 30 de novembro, de 19.30 a 22.30 horas
O obxectivo deste curso é que o alumno coñeza como se elaboran os diferentes estilos de cervexa e aprenda a diferencialos polo seu aroma, cor e sabor. Tamén se aprenderá a servir a cervexa e a maridala coa comida máis idónea para cada estilo.

- Curso sobre frituras con Pepe Vieira – 95 €
Mércores 9, 16, 23 e 30 de novembro, de 20.30 a 22.30 horas
Receitas: como facer un ovo frito envolto nunha tempura; como fritir unhas gambas envoltas en pan de gamba chino acompañado de maionesa de alcaparras; tempura de verduras; masas fritas con diferentes recheos.

- Cociñando delicias creativas con produtos galegos – 70 €
Xoves 10, 17 e 24 de novembro e 1 de decembro, de 17.00 a 19.00 horas
Receitas: tartar de polvo á feira con pataca e salsa de pementón; empanada hojaldrada con recheo de centola; revolto de grelos con bacallau e sal de xamón; arroz negro cremoso con choco na súa tinta con tella de grelos; carrilleiras ao viño con salsa de queixo afumado San Simón; torta tatin de mirabeles, noces e mel; rissotto de lagostinos e zamburiñas ao albariño; tiramisú versión bica galega e licor café.

- Aprendendo a cociñar – 60 €
Xoves 10, 17 e 24 de novembro e 1 de decembro, de 20.30 a 22.30 horas
Receitas: champiñóns á crema con taquiños de xamón; tortilla caseira de patacas; revolto de lagostinos e espárragos trigueiros; empanada hojaldrada de carne, ovo e olivas; ensalada fresca de pasta rechea e setas; pescada en salsa verde con lagostinos; verduras con polo salteadas ao wok; torta tipo brownie con salsa de chocolate.

** PROGRAMA DECEMBRO

- Cociña de Nadal con ingrediente galego – 70 €
Luns e martes 12, 13, 19 e 20 de decembro, de 17.00 a 19.00 horas
Receitas: cazoletas de ameixas á mariñeira; crepes de lagostinos e grelos con salsa de tetilla; bacallau con bechamel de coliflor e salsa de pemento; torrijas con crema de orujo, mel e sorpresa de turrón; empanada hojaldrada de chocos na súa tinta; saquiños ao forno de mexillóns en bechamel; arroz cremoso de zamburiñas e berberechos; torta de Santiago versión de Nadal; sufflé con chocolate.

- Alta cociña de Nadal na túa mesa – 70 €
Luns e martes 12, 13, 19 e 20 de decembro, de 20.30 a 22.30 horas
Receitas: ensalada de Nadal de bogavante; brocheta de bacallau e vieira con flan de coliflor; pastel de grelos, lagostinos e ourizo de mar; hojaldre de solombo e mazá con salsa de foie; ostras en tempura con salsa de cava; lasaña doce de filloas aos tres chocolates e salsa de turrón; saquiños crocantes de marisco en pasta brick; trufas de Nadal de chocolate, cognac e améndoa crocante.

- A volta ao mundo en 80 viños. A volta ao viño nos seus 80 mundos – Champagne - 25 €
Martes 13 de decembro, de 20.30 a 22.00 horas
O traxecto inclúe paradas en Andre Clouet, Claude Cazals, Aubry, Diebolt Vallois, Tarlant, Lamandier-Bernier, David Leclapart…

- Pequenas lambetadas con Pepe Vieira – 95 €
Mércores e xoves 14, 15, 21 e 22 de decembro, de 20.30 a 22.30 horas
Receitas: nubes de café; rocas de praliné e coco; profiteroles de crema montada; gominolas de mango; piruletas de chocolate branco e pementa rosa.

Obradoiros de cociña para os máis pequenos: espazos lúdicos e participativos nos que os nenos elaboran pratos e pinchos fríos con produtos sans e convenientemente seleccionados. Cociñar, aprender, divertirse, degustar…

O feito de que os obradoiros coincidan en horario e lugar de realización coas catas facilita que os adultos asistan ás catas mentres os nenos participan no obradoiro.

Data: 25 de febreiro de 2012

Idades: de 6 a 12 anos

 **   Taller 1
Hora:    12.00 h

**    Taller 2
Hora:    17.00 h

Sede:    Parador Hostal RR.CC. – Sancristía Baixa
Prazas:    25 c/u
Prezo:    10 €

** Venda anticipada (ata 24 de febreiro, ás 14 horas):
Central de Reservas Oficial de Santiago de Compostela
Reserva aquí o obradoiro das 12.00 h
Reserva aquí o obradoiro das 17.00 h.
Mesmo día: na sede da actividade, 15 minutos antes do comezo da mesma

Colabora: Ouvirmos Cociña infantil e familiar

Descarga programa completo Fórum Cidade aquí

+ info:
Oficina de Turismo de Santiago
T. 981 55 51 29 – Rúa do Vilar, 63 – Todos os días
Punto de Información Fórum Cidade en Mercado de Abastos
23, 24 & 25 feb, de 10.00 a 14.00 h
www.santiagoturismo.com • www.forumsantiago.com

Os participantes realizarán a compra no tradicional Mercado de Abastos para a continuación cociñar os produtos adquiridos. Ao final, os asistentes poderán degustar os pratos elaborados.

'Merco e cociño con…' Iago Pazos  e Marcos Cerqueiro (Abastos Espazo GastroCultural)

Data: 25 de febreiro de 2012

** Hora: 09.30 -13.00 h
** Sede: Mercado de Abastos + Abastos Espazo GastroCultural
** Prazas: 18
** Prezo: 30 €

    Venda anticipada (ata 24 de febreiro, ás 14 horas) clicando aquí

** Venda mesmo día: Sede da actividade, 15 minutos antes do comezo da mesma

Descarga programa completo Fórum Cidade aquí

+ info:
Oficina de Turismo de Santiago
T. 981 55 51 29 – Rúa do Vilar, 63 – Todos os días
Punto de Información Fórum Cidade en Mercado de Abastos
23, 24 & 25 feb, de 10.00 a 14.00 h
www.santiagoturismo.com • www.forumsantiago.com

O Hotel Gastronómico Casa Rosalía organiza ata mediados do mes de abril as XII Xornadas Gastronómicas do Polbo, unhas xornadas nas que se poderá degustar esta especialidade tan típica da nosa dieta galega.

Os pratos que este ano poderemos degustar son:

Ensalada Morna de Polbo e Espárragos con vinagreta de cherry ( 9,25 €)
Polbo á Grella (12,00 €)
Polbo a Feira (11,25 €)
Polbo con Cachelos (11,00 €)
Refogado A Lume Vivo de Polbo e Lagostinos (11,00 €)
Refogado A Lume Vivo de Polbo, Gambas e Setaki (11,00 €)
Espeto de Polbo e Lagostinos (12,00 €)
Polbo con Ameixas (15,50 €)
Arroz con Polbo e Verduriñas (2 persoas 25,00 €)
Polbo con Fabas de Lourenzá (13,25 €)
Polbo á Mugardesa (11,00 €)

Máis información en http://hotelruralensantiago.com/2011/03/14/jornadas-gastronomicas-del-pulpo/

O Fórum Gastronómico celebrase por terceiro ano en Compostela, consolidando o éxito da súas anteriores edicións galegas nos anos 2008 e 2010. E unha vez máis, o Concello de Santiago, a través de Turismo de Santiago, promove que o Fórum se traslade á cidade para goce de todos: cidadáns e visitantes, profesionais e apaixonados da gastronomía: é o FÓRUM CIDADE.

A cidade enteira convertese desde o 23 ao 28 de febreiro nun grande foro da gastronomía, cunha oferta de actividades moi substanciosa e para todos os públicos.

ALGO se está a cocer… en todos os recunchos da cidade

PROGRAMA DE ACTIVIDADES:

23-28 feb Fórum Tapas
23-28 feb Fórum Noite

Venres 24 feb Cociña con Café
Venres 24 feb Dieta Atlántica
Venres 24 feb Ópera & Gastronomía
Venres 24 feb CineCena
Sábado 25 feb Merco e Cociño
Sábado 25 feb Catas con Maridaxe
Sábado 25 feb Fórum Nenos: Obradoiros Gastronómicos para Nenos/as
Todos os días Fórum Nenos: Santiago mmm... que rico! Xogo-guía
Sábado 25 feb Cocido no Mercado
Sábado 25 feb Gustorama
Domingo 26 feb Gastronovena
Luns 27 feb Fórum Viños

E ademáis...

23-28 feb Fórum Off

Descarga programa completo aquí

+ info:
Oficina de Turismo de Santiago
T. 981 55 51 29 – Rúa do Vilar, 63 – Todos os días
Punto de Información Fórum Cidade en Mercado de Abastos
23, 24 & 25 feb, de 10.00 a 14.00 h
www.santiagoturismo.com • www.forumsantiago.com

O Fórum Gastronómico vén celebrándose cun éxito innegable desde 1999. Conseguiu consolidarse como un punto de encontro imprescindible para empresas agroalimentarias, cociñeiros, profesionais, restauradores…  A solidez e o éxito do modelo fixeron que se converta nun referente e un modelo a seguir.
O programa consiste en sesións de cociña en directo, no que os asistentes poden degustar as elaboracións realizadas, catas, diálogos e un largo etcétera deseñado co obxectivo de proporcionar ao profesional as mellores ferramentas de formación.
Paralelamente foise consolidando unha feira de empresas de produtos gastronómicos de alta calidade, complemento ideal das actividades programadas.
Son moitos os eventos inspirados neste, e que foron aparecendo desde a súa creación, pero o Fórum segue ofrecendo ano tras ano novos conceptos que crean escola.

** Datas:    26, 27 e 28. feb. 2012

** Sede:    Palacio de Congresos e Exposicións de Galicia

** Frecuencia:    Anual, con alternancia de sedes entre Xirona e Santiago

**Actividades:    Gran formato: espectáculos de cociña en vivo e directo
    Formato reducido: sesións temáticas con degustacións, catas e maridaxes.
    Feira, Fórum Viño, Aula Activa, Fórum Doce, Espazo Nenos, Innofórum…

**Horarios:    Domingo • 26 – 10.00 a 20.00 h. – público xeral
    Luns • 27 _ Martes • 28 – 10.00 – 20.00 h. – profesional

**Prezos entrada:    Domingo • 26 – 5 €
    Luns • 27 _ Martes • 28 – 15 €
    (o prezo da entrada inclúe acceso ao recinto feiral e as sesións no Auditorio)

**Prezos actividades:    Domingo • 26 –  Obradoiros: 3 € / Espazo Nenos: 5 € / Aula Activa: 10 €
    Luns • 27 _Martes • 28 – Obradoiros: 20 € / Aula Activa: 50 €

Alberto González • Alfonso González • Ángel León • Beatriz Sotelo • Benigno Campos • Chef Rivera • Concepción Pérez • Cristo García • Dani García • Eloy Cancela • Enric Rovira • Enrique Castelló • Flavio Morganti • Germán Blanco • Gonzalo Rei • Héctor López • Iago Castrillón • Iago Pazos • Iñigo Lavado • Iván Domínguez • Javier Olleros  • Javier Torres • Joan Roca • Jordi Farrés • Jordi Roca • José Carlos Capel • Josean Alija • Josep de Haro • Josep Maria Ribé • Josep Roca • Juan Luis Fernández • Lucía Freitas • Luís Paadín • Mercedes González • Nuno Mendes • Oriol Rovira • Paco Morales • Paco Pérez • Pedro Roca • Pedro Santana • Pepe Solla • Quico Sosa • Rafael Centeno • Ramon Morató • Raquel Alonso • Ricardo Sanz • Rodrigo de la Calle • Rubén Álvarez • Salvador Lucena • Santiago Orts • Sergio Arias • Sixto Tovar • Xavier Pellicer • Xoán Cannas • Xosé Cannas

+ info: www.forumsantiago.com

Diversos produtos de alta calidade serán os protagonistas destas catas con maridaxe: catas comentadas que combinan a degustación das mellores bebidas coas máis afamadas viandas.
O feito de que as Catas coincidan en horario e lugar de realización cos Obradoiros gastronómicos para nenos facilita que os adultos asistan ás catas mentres os nenos participan nos obradoiros.

Data: 25 de febreiro de 2012

** Hora:    12.00 h.
    Cervexas & Conservas
    Estrella Galicia + Conservas Cuca

** Hora:    17.00 h.
    Rons & Chocolates
    Bardinet + Barry Callebaut

** Hora:    19.00 h.
    Embutidos de Galicia & Tintos D.O. Somontano
    Embutidos Lalinense + Saavedra Boado

Sede:    Parador Hostal RR.CC. – Salón San Marcos
Plazas:    40 c/u
Prezo:    10 €

** Venda anticipada (ata 24 de febreiro, ás 14 horas) clicando nos seguintes enlaces:

Cervexas & Conservas

Rons & Chocolates

Embutidos de Galicia & Tintos D.O. Somontano

Venda mesmo día:    Sede da actividade, 15 minutos antes do comezo da mesma

Descarga programa completo Fórum Cidade aquí

+ info:
Oficina de Turismo de Santiago
T. 981 55 51 29 – Rúa do Vilar, 63 – Todos os días
Punto de Información Fórum Cidade en Mercado de Abastos
23, 24 & 25 feb, de 10.00 a 14.00 h
www.santiagoturismo.com • www.forumsantiago.com

Coincidindo coa celebración do Fórum Gastronómico e do Fórum Cidade os establecementos de restauración de Santiago propóñennos menús e experiencias gastronómicas especiais de alta calidade. É o Fórum Off.

CALDERÓN
O Restaurante Calderón ofrécenos 2 opcións de Menú Forum
Do 23 ao 28 de febreiro (comidas e ceas).

1. Menú Forum Gastronómico no lounge bar
Degustación de:
3 pratos salgados da nosa carta
1 prato doce da nosa carta
Deixa que te sorprendamos

Prezo: 25 euros (bebidas non incluídas)

****
2. Menú Forum Gastronómico nos reservados
4 pratos salgados da nosa carta
   - Xeado de foie con figos e mazá acaramelada
   - Ensalada morna de vieira con codium e froitos secos
   - Medallón de xurelo afumado
   - Croca con miolos

2 pratos doces da nosa carta
   - Sopa de maracuxá con xeado de caramelo
   - Berenguelas

Prezo: 36 euros (bebidas non incluídas)

Reservas: teléfono: 981 55 43 46

________________________________________

GARUM
Un menú exclusivo para un día especial. O Gárum dá a benvida ao Forum Gastronómico e ao Fórum Cidade cunha proposta que tan só poderás degustar nesta data. Unicamente 12 prazas baixo reserva nunha mesa e nunha noite única que non debes perderte.

Domingo, 26 de febreiro, pola noite

MENÚ EFÉMERO

SNACS
Tella de lura con ali‐oli e ovo xl a 65º
Orella “crunch” co seu guiso tradicional
Terra

PRIMEIROS
Polbo en tempura con mousse de aguacate e aire de lima
Ceviche de lagostinos + codium + flores + nube de tomate e xeado de vinagre‐piña

SEGUNDOS
Faisán cofeitado con ceboliñas ao porto, mollo de chocolate amargo e fresas e framboesas frescas
Robaliza salvaxe con pemento e allete asado, mousse de pataca ao xamón e trufa negra

SOBREMESAS
Crema de chocolate con granizado de menta e escuma de ron
Biscoito de cenoria con noces, xeado de chocolate branco, crema de abelás e rúcula salteada
Café e bodega maridada incluídos

PREZO DO MENÚ EFÉMERO
• 45,00 € por persoa, ive incluído

RESERVA DE PRAZAS
• Tel 981062631 | eventosgarum@gmail.com . Lembra que unicamente hai 12 prazas

________________________________________

ABASTOS 2.0
Sábado, 25 - 13-16 h: Un día na Feira (Sesión vermú.. polbo, mariscos e música)
Luns, 26 - Restaurante Efémero. Menús Taberna 2.0 Arquivos 2010-2011 Menú Especial Fórum (Xantar e Cea)
Martes, 27 - Restaurante Efémero. Menús Taberna 2.0 Arquivos 2010-2011 Menú Especial Fórum (Xantar)

Descarga programa completo Fórum Cidade aquí

+ info:
Oficina de Turismo de Santiago
T. 981 55 51 29 – Rúa do Vilar, 63 – Todos os días
Punto de Información Fórum Cidade en Mercado de Abastos
23, 24 & 25 feb, de 10.00 a 14.00 h
www.santiagoturismo.com • www.forumsantiago.com

Durante 6 días, 12 establecementos da cidade ofrecerán a súa Tapa Fórum, deseñada en exclusiva para esta ocasión. Os clientes poderán ademais optar a distintos premios só por participar nesta apetitosa ruta.

Cartón de participación e normas en páxinas finais do folleto Fórum Cidade, dispoñible en Turismo de Santiago.

** Horario: 20.30-23.30 h (mínimo)

** Prezo/tapa: 2 €

** Establecementos

Abastos 2.0
Un cacho de escacho

Acio
A nosa berza á galega

Calderón
Pescada á galega
Día de peche: domingo

Casal do Cabildo
Bolo do pote e lacón sobre crema de grelos e espuma de chourizo
Día de peche: domingo noite e martes

Garum Bistró
Orella crocante
Día de peche: domingo noite

La Bodeguilla de San Lázaro
Terrina de polbo co seu cachelo
Día de peche: domingo

Mesón de Lázaro
Bertón con berberechos
Día de peche: sábado

O Catro
Disfrace de entroido
Día de peche: domingo e luns mediodía

O Curro da Parra
Ravioli de carne ao caldeiro
Día de peche: domingo noite e luns

Puerta del Camino
Lombo de xurelo ao punto sobre escalibada ecolóxica e crema suave de allo

Tafona Casa de xantar
Verdinas con tripa de bacallau e crestas de galo

Tapería Castelao
Caldo galego
Día de peche: domingo

Descarga programa completo Fórum Cidade aquí

+ info:
Oficina de Turismo de Santiago
T. 981 55 51 29 – Rúa do Vilar, 63 – Todos os días
Punto de Información Fórum Cidade en Mercado de Abastos
23, 24 & 25 feb, de 10.00 a 14.00 h
www.santiagoturismo.com • www.forumsantiago.com

A gastronomía salta da pantalla á mesa cos protagonistas de "18 comidas". Despois dun pase privado da película, gozaremos da cea elaborada polo chef Pedro Roca, inspirada directamente no filme. E á sobremesa falaremos de cine e gastronomía. Contaremos coa presenza do director, Jorge Coira, e algúns dos actores.

Hora: 20.30 h.
Sede: Fundación Autor/SGAE + Restaurante Pedro Roca
Prazas: 45
Prezo: 50 €

Reservas (ata o 24 de febreiro): relacionespublicas@trevisani.es – T: 981 59 23 33

Colabora: Fundación Autor

Descarga programa completo Fórum Cidade aquí

+ info:
Oficina de Turismo de Santiago
T. 981 55 51 29 – Rúa do Vilar, 63 – Todos os días
Punto de Información Fórum Cidade en Mercado de Abastos
23, 24 & 25 feb, de 10.00 a 14.00 h
www.santiagoturismo.com • www.forumsantiago.com

Unha experiencia cinematográfica e gastronómica única. Os espectadores deberán exercitar imaxinación, padal, visión e audición. Obxectivo: espertar a nosa memoria gustativa mentres se goza dunha proxección de múltiples sensacións.

Sede:    Abastos Espazo GastroCultural
Horario:    20.30 -23.00 h – Varios pases de 12 minutos c/u
Prazas:    12-15 persoas/pase
Prezo:    2 €
Reservas (ata o 24 de febreiro):    relacionespublicas@trevisani.es / egc@abastosdouspuntocero.es – T: 981 59 23 33 / 645 053 470
Mesmo día: sede da actividade

Descarga programa completo Fórum Cidade aquí

+ info:
Oficina de Turismo de Santiago
T. 981 55 51 29 – Rúa do Vilar, 63 – Todos os días
Punto de Información Fórum Cidade en Mercado de Abastos
23, 24 & 25 feb, de 10.00 a 14.00 h
www.santiagoturismo.com • www.forumsantiago.com

Tres colectivos de cociña de Galicia reúnense en torno a un dos pratos tradicionais por excelencia, o cocido. Galicia Gourmand, Grupo Nove e Xantares unidos fronte aos fogóns nun dos lugares máis emblemáticos de Compostela. Degustación popular.

Sede:    Mercado de Abastos
Horario:    09.00 - 13.00 h

Entrada libre

Descarga programa completo Fórum Cidade aquí

+ info:
Oficina de Turismo de Santiago
T. 981 55 51 29 – Rúa do Vilar, 63 – Todos os días
Punto de Información Fórum Cidade en Mercado de Abastos
23, 24 & 25 feb, de 10.00 a 14.00 h
www.santiagoturismo.com • www.forumsantiago.com

Do 5 ao 31 de marzo, o Restaurante Enxebre, no Hostal dos Reis Católicos, ofrece unha proposta gastronómica que xira arredor dos diversos queixos galegos.

PROPOSTA GASTRONÓMICA

**Sopa dourada de cebola e queixo Arzúa-Ulloa con láminas de touciño entrefebrado 3,50 €
**Ensalada de follas, requeixo e froitos secos con vinagreta de mel 7,50 €
**Refogado a lume vivo de fungos con pasta rechea e queixo afumado de San Simón da Costa 7,60 €
**Salmón asado, salsa de tetiña e alfábega sobre pisto de hortalizas 12,00 €
**Carrilleira de ibérico ao Cebreiro con estufado de grelos 12,00 €

Un percorrido gastronómico ao longo de todo o ano que nos permitirá descubrir o patrimonio culinario de Galicia e outras terras de España. Queixos, guisos e pucheiros, guisos de caza, moluscos de cuncha... Un morea de sabores para que os desfrutes nun ámbito único.

Esta proposta gastronómica está aberta tanto para o deleite dos clientes aloxados no noso Parador como para que aqueles que desexen sentarse á mesa do noso restaurante.

Do 9 ao 22 de xullo, Santiago acolle 'Tapéate Compostela', unhas xornadas nas que once dos máis importantes restaurantes santiagueses ofrecerán tapas de vangarda. Turistas e composteláns poderán gozar de saborosas tapas especiais creadas para a ocasión a tan só 2 €/u.
A acción ten como finalidade a dinamización turística da capital galega e o achegamento da oferta gastronómica de locais de vangarda. Segundo os organizadores, é unha grande oportunidade para que, dende Santiago, poidamos coñecer toda a riqueza da nosa gastronomía.

Locais participantes
Os locais participantes son once e agrúpanse en dúas rutas: Zona Vella e Zona Nova. As tapas que se degustarán son as seguintes:

ZONA VELLA
- O Curro da Parra: Volandeira "O Curro da Parra"
- Garum Bistró: Ovo Atlántico
- A Tafona do Peregrino: Kokotxa con arroz meloso de Codium
- Acio: Bocadillo de mexillóns con zume de ensalada.
- A bodeguilla de san Roque: Filloa rechea de grelos e mexillóns

ZONA NOVA
- Tapería Castelao: Ensalada de robaliza
- La Cavita: Tosta mariñeira con tomate, parmesano e xarda afumada das Rías Baixas
- Manso: Fritura de chipiróns, cebola e amendoa
- Descorche: Polbo fritido en fariña de millo con pimento de Arnoia
- Bistró Leal: Huevo sorpresa
- A Viña de Xabi: Piruleta de polo de curral con gambas pasado por panko de millo e mahonesa de curri vermello

Premios
Os participantes que completen cada unha das rutas propostas participarán en sorteos de 10 ceas para dúas persoas, unha noite en AD no Hostal dos Reis Católicos e un bono de 300 € para consumir produtos do Mercado de Abastos da cidade. Para entrar no concurso só terán que selar as casiñas pertencentes a cada un dos locais, nunha cartilla onde aparecen todos eles. Unha vez completadas todas as casiñas dunha ruta, poderán depositala nalgunha das urnas dispostas para tal efecto en calquera dos restaurantes.
O folleto pódese encontrar nos propios restaurantes, a oficina de información turística de Santiago e na web www.tapeatecompostela.com.
O sorteo efectuarase o 24 de xullo ás 12:00 no Mercado de Abastos.
Ademais, na páxina de Facebook de "Tapéate Compostela" terá lugar un concurso fotográfico entre os que degusten as tapas e suban a súa fotografía. O premio serán outras dúas ceas dobres.
Pódense seguir as novidades na web de "Tapéate Compostela", na páxina de Facebook e seguindo a conta de Twitter.

www.tapeatecompostela.com
info@tapeatecompostela.com
Facebook http://www.facebook.com/TapeateCompostela
Twitter: @TapeateCompos

Colaboran Turismo de Santiago, Mercado de Abastos e Estrella Galicia

Do 22 ao 31 de marzo de 2013 celébrase 'Santiago Paixón', un programa gastronómico no que participan os restaurantes da cidade que ofrecen menús temáticos para estas datas a prezo fixo reducido especial de 18 €(*): pratos de vixilia e coresma, cociña de mosteiros, etc.

¡¡¡E ademáis, agasallo especial!!!
Todos os clientes de SANTIAGO PAIXÓN recibirán ademáis un obsequio (pack de publicacións gastronómicas).

(*) Inclúe menú composto por primeiro, segundo, postre, café, auga e  pan (dous menús a elixir en cada restaurante). Menús dispoñibles en horario de comida e cea.

Restaurantes SANTIAGO PAIXÓN:

    Restaurante AC Palacio del Carmen
    Restaurante A Charca
    Restaurante Balboa
    Restaurante Calderón
    Restaurante Crecotte
    Restaurante El Bocalino
    Restaurante El Cayado
    Restaurante Góndola II
    Hotel Husa Santiago Apóstol
    Restaurante La Codorniz
    Restaurante Los Caracoles
    Restaurante O Afiador
    Restaurante O Celme do Caracol
    Restaurante Pecaditos
    Restaurante Rey
    Restaurante San Francisco

SANTIAGO PAIXÓN 2013 é unha iniciativa da Asociación de Hostelería Compostela, en colaboración con Turismo de Santiago de Compostela.

Moitas máis propostas para Semana Santa en Santiago aquí: www.semanasantasantiago.com

Compostela é a cidade perfecta para ir de viños e tapas, e celébrao ao comezo do verán co Concurso ‘Santiago(é)Tapas’. O público percorre varias rutas de bares e restaurantes probando propostas tradicionais e creativas a un precio único, para elixir e votar polas súas tapas favoritas. Nun orixinal ‘Tapasporte’ colecciónanse os selos que acreditan esta ‘peregrinación’ gastronómica que premia aos máis golosos.

Máis información: www.santiagoetapas.com

A Banda Municipal de Música de Santiago ofrece un concerto cunha selección do seu repertorio clásico e popular.

A Banda Municipal de Música de Santiago de Compostela é unha das máis antigas de Galicia, xa que foi fundada en 1849. Foi un centro educativo para a formación de instrumentistas, e á ela acudiron durante moitos anos os nenos acollidos na Casa Hospicio, paliando en parte as restricións educativas no ámbito musical que sufría a poboación infantil máis desfavorecida, e que en moitos casos supuxo un medio de vida para moitos deles.
Durante os primeiros anos é unha agrupación de afeccionados ata que en 1876 o Municipio decide facerse cargo dela e comeza a profesionalizarse. Unha das súas actividades máis importantes eran os concertos, denominados paseos, na Alameda ou na Rúa do Vilar, o que supuxo o traslado da música das veladas privadas a un ámbito público onde puidesen gozar del cidadáns de todos os estamentos sociais.

Na actualidade, o seu director titular é Xosé Carlos Seráns Olveira. A Banda realiza os seus concertos na tempada de inverno no Teatro Principal, construído en 1840-1841, no terreo que ocupara a Casa de Comedias; e na tempada de verán, os concertos son na Rúa do Vilar. Actualmente conta con 38 compoñentes e a súa actividade baséase fundamentalmente nos concertos dominicais ao longo de todo o ano; concertos de verán os xoves e domingos; concertos didácticos en período lectivo, nos que participan centos de mozos de Santiago e bisbarra, intercambios culturais, e todos aqueles actos protocolarios para os que sexa requirida polo Municipio.

CERSIA Empresa acolle esta tarde unha charla de presentación aberta ao público do proxecto do GDR Terras de Compostela para a dinamización do sector hortofrutícola. Este proxecto ten como finalidade potenciar o sector hortofrutícola do territorio Terras de Compostela (Concello de A Baña, Ames, Boqueixón, Brión, Negreira, Santa Comba, Santiago de Compostela, Teo, Val do Dubra e Vedra), como unha alternativa de emprego, potenciando e diversificando as producións, promoción do produto local e a súa comercialización, mediante accións de animación e titorización.

 - Data: Xoves 9 de Febreiro
- Hora: De 20:00 h - 21:00 h
- Lugar: Edificio CERSIA Empresa, Calle Alcalde Raimundo López Pol, s/n Santiago de Compostela (Situado preto do Estadio de Fútbol de San Lázaro, edificio ó carón do parque infantil).
- Concellos: Ames, Boqueixón, Santiago de Compostela, Teo e Vedra.

Está destinado a:
- Desempregados, mozos, mulleres, que vexan na agricultura unha fonte de empregabilidade.
- Agricultores de recente incorporación na agricultura.
- Profesionais do sector hortofrutícola.

Os obxectivos do proxecto son:
1.       Apoiar ós produtores potenciais ou existentes no territorio, mediante asesoramento, formación e acompañamento, tanto na fase de produción como na fase de comercialización.
2.       Promover o intercambio de experiencias e metodoloxías de traballo, así como a búsqueda de liñas de actuación conxunta e favorecer a emerxencia de novas actuacións no eido agrario.
3.       Fomentar a colaboración entre os produtores locais, a industria agroalimentaria e a restauración no territorio, establecendo liñas de produción – comercialización en rede.
4.       Concienciar no consumo de produtos locais en centros públicos, privados e no ámbito do consumo familiar.
5.       Desenvolver as zonas rurais do territorio Terras de Compostela, a través da promoción e diversificación das producións locais.

Para máis información podedes contactar co GDR Terras de Compostela no teléfono 981 818 357, ou a través do e-mail: info@terrasdecompostela.org.

O Barrio de Conxo convida a todos a pasar unha tarde de lecer cos seus veciños, na avenida de Vilagarcía e nas rúas de García Prieto, Sánchez Freire e Doutor Maceira. Durante toda a tarde os que se acheguen a este singular barrio poderá participar en diversos sorteos, degustacións de produtos, manualidades para nenos e moitas actividades máis, amenizadas pola Comparsa Os Conformistas.

Haberá 4 sorteos ao longo da tarde. Durante a semana previa ao evento, darase aos compradores un número para os sorteos. Pediráselle o nome e un email ou teléfono de contacto. Aos agraciados no sorteo comunicaráselles vía email ou teléfono para que pasen a recoller os agasallos no comercio correspondente.
Pepe Carreiro, creador dos populares Bolechas, firmará libros e fará entrega de debuxos aos que se acheguen á Librería Nobel.

Degustación de:
- Tapa de Filloas Recheas en Café Os Mallos
- Orellas en Pastelería Carlisa
- Tapa de Carne Guisada en Mesón O Pico Sacro
- Tapa de Orellas e Callos en News
- Tapa de Tortilla de chourizo máis empanada en Mesón Pajueleira

** Eleká Perruqueiros terá abertas súas portas a todos os nenos, que contarán con maquillaxe de fantasía
** Exposición e venda de mobiliario de deseño galego en Domo Homo
** Droguería González terá unha exposición de antigüedades
** Floristería Uripe exhibirá cuadros e algunha que outra sorpresa
** En Castelcan se pintarán las uñas de los perros de colores, y de 17:00 a 19:00 profesionais en habilidades caninas farán demostracións. Os donos de cans poden intentar estas actividades con eles. Haberá un punto informativo do Refuxio de Bando na entrada de Castelcan.
** Proyetsa abrirá as súas portas aos “grandes da casa” para facer portalápices con materiais reciclados. Os nenos que teñan cans, poderán facerlle un adorniño ao seu mellor amigo
** ESPS Escola Europea Parasanitaria fara sesións de alongamentos de balde en camillas e demostración de técnicas parasanitarias
** Manicura expréss en Salón de Beleza Myriam

Grandes descontos en todos os comercios neste día y só por entrar a coñecernos recibiredes un agasallo.

Un ano máis, o pub Ultramarinos celebra o seu aniversario por todo o alto. A celebración desta tarde inclúe unha exposición fotográfica, música e festa con orellas e sorteo de agasallos.

A partir das 19.00 h. poderemos ver unha exposición fotográfica do que foron estes catro anos de vida… as obras, a inauguración, os primeiros aniversarios, os concertos, os artistas que pasaron polo noso escenario, etc…

A partir das 22.00 h. comeza a festa! E, como xa é tradición, haberá orellas a fartar e sortearemos dúas fins de semana para dúas persoas en balnearios galego, que tamén hai que relaxarse…

E como a música non pode faltar, este ano, bailaremos sin parar grazas á selección musical de Ivan DZ!

O 15 de febreiro de 2008 nacía o Pub Ultramarinos. Este venres 15 ímolo celebrar por todo o alto!! Haberá orellas a fartar, sorteo de 2 fins de semana en balnearios galegos, chupiños (a fartar tamén)... e poñédevos mon@s que teremos "fotocol"!

E a música?? Da man dos nosos dous Dj's residentes... VILOUTA & JAVI AMOSA!!!

Santiago vístese de gala para celebrar, durante 5 días, a entrada á Coresma; un evento tradicional que converterá a cidade compostelá nun gran escenario de festividades presidido polos desfiles de disfraces, as fanfarras, as actuacións teatrais, os obradoiros de maquillaxe, disfraces e máscaras. Un conxunto de acontecementos que se poderán gozar degustando os típicos pratos de tempada como o cocido galego, as filloas ou as orellas.

PROGRAMACIÓN

**Sabado 18
- 20.00 h. e 21.00 h. Animación a cargo das comparsas OS CONFORMISTAS DE CONXO e A RULIÑA DE LARAÑO | Praza do Toural
DESFILE DO MECO desde a praza de Cervantes ata a praza do Toural pasando polas rúas Nova e do Vilar ata o Pazo de Bendaña, donde permanecerá ata o día 22
- 20.30 h. PREGÓN DO ANTROIDO a cargo de MOFA E BEFA e subida do MECO aos balcóns do Pazo de Bendaña.
Animación a cargo das charangas Os Atrevidos, Os Celtas e BB+ | Praza do Toural

**Domingo 19
- 13.30 e 20.00 h. Animación de rúa a cargo da comparsa OS CONFORMISTAS DE CONXO e a charanga Os Atrevidos
- 17.00 h. FESTIVAL INFANTIL DE DISFRACES Sala Capitol. Entrada libre (participantes ata 14 anos) (Inscricións para o concurso de 16.30 a 17.45 h.)
- 18.00 h. Animación, baile-discoteca, premios, concurso de disfraces, sorteo de agasallos, entrega de bolsas-cotillón...

PREMIOS
Grupo
(mínimo 5 persoas):
1º.- 200 €
2º.- 150 €
3º.- 100 €
Parella:
1º.- Dúas consolas
2º.- Dous libros electrónicos
3º.- Dúas cámaras dixitais
Individual:
1º.- Unha consola
2º.- Un libro electrónico
3º.- Unha cámara dixital
4º e 5º.- Un equipo de música

**Martes 21
- 13.00 h. Animación de rúa
- 16.30 h. CONCENTRACIÓN de carrozas, comparsas e charangas Estación do Ferrocarril
- 17.30 h. DESFILE DE ANTROIDO polas rúas Romero Donallo, Santiago de Chile, Frei Rosendo Salvado, Praza Roxa, República do Salvador, Hórreo, Senra, para rematar na Avda de Xoán Carlos I.
- 19.30 h. Actuación da ORQUESTRA FANIA BLANCO SHOW Paseo Central da Alameda
- 21.00 h. Decisión do xurado e ENTREGA DE PREMIOS dacordo coas seguintes categorías:

Premios Carrozas:
1º...................... 2.000 €
2º...................... 1.300 €
3º...................... 600 €
4º...................... 450 €
5º...................... 300 €

Premios comparsas:
1º...................... 2.000 €
2º...................... 1.300 €
3º...................... 600 €
4º...................... 450 €

5 accésit de 150 € c/u
(A comparsa deberá estar formada por un mínimo de 10 persoas)
Premios especiais á mellor comparsa formada nas parroquias e barrios do Concello de Santiago (incompatibles cos anteriores):
1º......................600 €
2º......................450 €
3º......................300 €

A CRITERIO DO XURADO concederanse:
Ó grupo mellor caracterizado (de tres a nove persoas):
1º..................400 €
2º..................250 €
3º..................150 €

Á parella mellor caracterizada:
1º..................300 €
2º..................180 €
3º..................120 €

Ó mellor disfraz individual:
1º.................. 150 €
2º..................  90 €
3º..................  60 €

Bases completas do Desfile-Concurso aquí

**Mercores 22

- 20.00 h. ACOMPAÑAMENTO DO MECO polas comparsas e participantes no Antroido desde a praza do Toural ata a Praza Roxa facendo o percorrido seguinte: Rúa Nova, Rúa do Vilar, Rúa da Senra, Doutor Teixeiro, República do Salvador, para rematar na Praza Roxa.
(Prégase aos acompañantes vistan de rigoroso loito para a ocasión)
- 21.00 h. QUEIMA DO MECO e animación Acompañamento: BANDA MUNICIPAL DE SANTIAGO
Animación: MOFA E BEFA Praza Roxa
Obradoiros e actividades lúdicas de Antroido en centros socioculturais durante todo o mes de febreiro.

Xenerais da Ulla

Día 11: Marrozos. Campo da Festa. 19.30 h.
Día 18: Aríns. Campo da Festa. 18.30 h.
Día 19: O Eixo. Carballeira do Souto-Santa Lucía. 19.00 h.

Ata finais do mes de xuño, o fotógrafo compostelán Juan Guerrero exhibe na Praza de Abastos de Santiago unha exposición fotográfica que nos amosa un estraño e descoñecido retrato dunha bucólica estampa turística da cidade: o seu mercado.

Nunha serie fotográfica realizada na primavera do 2011, Guerrero lévanos a centrar a nosa mirada e reflexionar sobre xestos e escenas cotiás dalgúns personaxes do mercado: os traballadores do matadoiro que cargan a carne dende os camións de repartición ata cada unha das carnizarías.

Lonxe da fotografía documental, a exposición móstrase como unha metáfora, este proceso que sucede case a diario no mercado se converte en ollos do fotógrafo nun exemplo do efecto alienante do traballo. Imaxes cunha rechamante aparencia visceral suxestionan o espectador ata chegar a ver corpos e figuras realizando tarefas mecanizadas duras e tediosas, tarefas máis propias de seres menos humanos.

Juan Guerrero García, Enxeñeiro Agrícola e Paisaxista de profesión, realizou ao longo da súa traxectoria numerosos e dispares proxectos relacionados coa Paisaxe, unha disciplina na que, dende sempre, desenvolveu unha vertente non só técnica, senón tamén creativa. Nos últimos anos, ampliou os seus horizontes no campo da Fotografía con proxectos de moi diversa índole que recibiron diferentes recoñecementos (finalista no concurso Fotografías polo territorio, da Asociación Adega...). En 2010, realiza a súa primeira exposición, Instantáneas de Vietnam e Cambodja tras a súa viaxe por estes dous países. Algúns dos seus traballos poden consultarse na web www.juanguerrero.net/.

A fadista portuguesa María do Ceo será protagonista da velada organizada por Casa Grande do Bachao, un establecemento de turismo rural situado na parroquia compostelá de Santa Cristina de Fecha. María do Ceo protagonizará unha noite na que a música e a súa voz se unen a unha oferta gastronómica singular. A cea, creada especificamente para esta ocasión por Belén Taibo, chef do restaurante O Figón do Bachao, combina o mellor das gastronomías de Galicia e Portugal.

Nacida en Porto e residente en Galicia dende moi nova, María do Ceo desenvolveu no seu país de adopción unha concepción persoal e inconfundible da canción portuguesa. Na actualidade é unha das intérpretes máis recoñecidas internacionalmente no panorama do fado tradicional, aínda que pola traxectoria vital nas súas cancións se advirten tamén rastros da música galega, do bolero e doutras músicas de raíz hispanoamericana.

Durante a súa longa carreira, que comezou a mediados dos anos noventa, María do Ceo gravou unha decena de discos, dende o inicial Cartas de amor ao máis recente, Fado com outro acento, de 2012. Nestes traballos incorporou a vertente máis coñecida do fado, a que a entronca coa tradición de Amalia Rodrigues, pero tamén explorou temas tradicionais de ambos os dous lados do río Miño, musicando poemas galegos ou vilancicos.

Tendendo pontes entre Galicia e Portugal, a fadista pisou escenarios de medio mundo, dende a Península ao resto de Europa e o norte de África. Os seus espectáculos conxugan o intimismo coa intensidade da interpretación tan persoal que María do Ceo fai do fado.

A proposta realízaa Casa Grande do Bachao, un establecemento de turismo rural adherido á organización Pazos de Galicia, coñecido pola súa vinculación á cultura e as letras galegas.

A velada con María do Ceo inclúe unha cea que pretende incorporar o mellor da gastronomía de Galicia e Portugal, que coinciden na utilización de produtos naturais e de gran calidade. O coñecido Queixo da Serra, os viños Verde e de Porto ou o bacallau, son algúns dos produtos que elixiu Belén Taibo para o menú desta ocasión.

[5 maio 2013] Festa gastronómica que se celebra na Carballeira do Souto na parroquia de San Fins de Sales (Vedra) con degustación gratuíta durante toda a xornada de orella de porco acompañada de actuacións musicais durante todo o día. Tamén hai postos de venda de orella doce, polbo, churrasco...

PROGRAMA 2013

- 13.00 h. Presentación da nova edición da festa a cargo de Inés Dopazo Mella.
Actuación da Asociación Cultural Agarimo de San Fins.
- 16.00 h. Festa rachada coas actuacións de pandereteiras SILANDEIRA de San Xulián, música tradicional TRÉCOLA da Poboa do Caramiñal e as charangas SON DO SOUTO e o GHUSTO DO BOI de Lestedo.
- 18.00 h. Actuación da orquestra PARÍS DE NOIA.

Máis info aquí

[10-12 maio 2013] Coincidindo co segundo fin de semana de maio, Oroso celebra a súa Festa da Troita, un evento declarado de Interese Turístico que ten como obxectivo servir como punto de encontro para todos os veciños e visitantes que desexen gozar dunhas xornadas festivas. En 2103 celebra a súa XVII edición.

A Festa da Troita inclúe actividades para todos os gustos e públicos. Terá lugar unha nova edición do festival Oroso en Vivo, que nos traerá a actuación das mellores orquestras na Alameda de Gois: Paris de Noia e Olympus (venres día 10), Marbella e Claxxon (sábado día 11) e Fania (domingo día 11). A feira de artesanía e oficios, xunto coa exposición de coches antigos, atraeran a curiosidade dos visitantes. As rúas encheranse de actuacións musicais e folclóricas, sen esquecer aos máis cativos, que serán partícipes de divertidas actividades.

No presente ano, o campionato de pesca para adultos terá lugar o sábado. O domingo, a troita tomará todo o seu protagonismo coa degustación da mesma nos bares colaboradores e na Alameda de Gois. As 13:30 horas terá lugar a lectura do pregón a cargo de Federico Pérez (Era visto, Padre Casares, TVG), seguido do Xantar Popular. As entradas para participar neste xantar poden adquirirse nos puntos seguintes: Bar Tapas, Tapería Martan, Bar Manuela, Bar Xesto e na caseta situada na Praza do Concello.

PROGRAMA

** Venres 10 de maio
- Exposición Museo Hortensia Ramos no Centro Cultural Fernando de Casas e Novoa
- 19:00 h. Teatro Musical “A Nena e o Grilo nun Barquiño”
FalaRedes (Programa de Dinamización Lingüística)
Centro Cultural Fernando de Casas e Novoa
- 20:00 h. Sorteo Campionato de Pesca
Centro Cultural Fernando de Casas e Novoa
- 22:30 h. FESTIVAL OROSO EN VIVO na Alameda de Góis
    - Orquestra París de Noia
    - Orquestra Olimpus
 
** Sábado 11 de maio
- 09:00 a 13:00 h. Campionato de Pesca Adultos
- 10:30 a 13:45 h. “II Torneo Pitch & Putt Festa da Troita Oroso” en Porto Avieira
- 11:30 a 13:00 h. Obradoiros Infantís na Praza de Isaac Díaz Pardo
- 11:30 a 21:00 h. Exposición Museo Hortensia Ramos no Centro Cultural Fernando de Casas e Novoa
- 11:30 a 21:30 h. Feira de Artesanía e Oficios na Praza de Isaac Díaz Pardo
- 16:00 a 20:00 h. Campionato de Pesca Adultos
- 18:00 h. “Roi o Cagabolos” na Praza de Isaac Díaz Pardo
- 19:00 h. Pasarrúas da A.F. Lembranzas do Tambre
- 19:30 h. Baile Hip Hop, Break Dance na Praza de Isaac Díaz Pardo
Actuación: A.F. Lembranzas do Tambre e A.C. Néboas no Cumio
- 22:30 h. FESTIVAL OROSO EN VIVO na Alameda de Góis
    - Orquestra Marbella
    - Grupo Claxxon

** Domingo 12 de maio
- 09:00 a 13:00 h. Campionato de Pesca Infantil
- 10:30 h. Pasarrúas da Charanga N.B.A.
- 11:30 13:30 h. Garabato de Xogos: Xogos de Habilidades na Praza de Isaac Díaz Pardo e Arredores
- 11:30 a 21:00 h. Exposición Museo Hortensia Ramos no Centro Cultural Fernando de Casas e Novoa
- 11:30 a 20:00 h. Concentración de Coches Clásicos e Antigos na Alameda de Góis
- 11:30 a 21:30 h. Feira de Artesanía e Oficios na Praza de Isaac Díaz Pardo
- 12:00 h. Pasarrúas e Baile “A. F. Buxos Verdes” na Praza de Isaac Díaz Pardo e Arredores
- 12:30 h. Degustación de Troitas en Bares colaboradores e na Alameda de Góis
- Pasarrúas Charanga N.B.A. na Alameda de Góis
- 13:30 h. Pregón: Federico Pérez (Era Visto, Padre Casares, TVG)
Entrega de premios e trofeos do Campionato de Pesca na Alameda de Góis
- 14:15 h. Sesión Vermú coa Orquestra Fania na Alameda de Góis
- 14:30 h. Xantar Popular no Centro Deportivo
- 16:00 h. Pasarrúas e Charangas coa Charanga N.B.A.
- 17:30 19:30 h. Garabato de Xogos: Xogos de Habilidades na Praza de Isaac Díaz Pardo e Arredores
- 20:00 h. Verbena coa Orquestra Fania na Alameda de Góis

EN CASO DE MAL TEMPO AS PROGRAMACIÓNS INFANTÍS E O FESTIVAL FOLCLÓRICO TRASLADARANSE Á CARPA NA ALAMEDA DE GÓIS

[10-19 maio 2013] Este ano, o concello da Estrada celebra a 40 edición da súa Festa do Salmón, un evento que homenaxea ao peixe rei dos nosos ríos.

A degustación popular do peixe constitúe o evento principal da festa. Durante a semana previa se levan a cabo diversas actividades de exaltación do salmón, tales como o Concurso Internacional de Pesca ou o Concurso de tapas no que participan os restaurantes do concello.

PROGRAMA

** Venres, 10 de maio
- 12.00 h. Inauguración da Feira do Libro (Praza da Constitución)
- 17.00 h. Presentación oficial da 40ª Festa do Salmón da Estrada (Couto de Ximonde)
- 20.00 h. Inicio do concurso de tapas de salmón nos locais de hostalaría
- 22.00 h. Concerto de Treixadura (Teatro Principal)

** Sábado, 11 de maio
- 8.00 h. Arranque do 37º Concurso Internacional de Pesca de Salmón (río Ulla)
- 10.00 h. 41ª Feira de Antigüidades e Cousas Curiosas (Fundación de Exposicións)
- 12.00 h. Segunda xornada do concurso de tapas de salmón nos locais de hostalaría
- 16.00 h. Quenda de tarde do 37º Concurso Internacional de Pesca do Salmón (río Ulla)
- 20.00 h. Concurso de tapas de salmón nos locais de hostalaría

** Domingo, 12 de maio
- 8.00 h. Segunda xornada do 37º Concurso Internacional de Pesca do Salmón (río Ulla)
- 10.00 h. 41ª Feira de Antigüidades e Cousas Curiosas (Fundación de Exposicións)
- 12.00 h. Terceira xornada do concurso de tapas de salmón nos locais de hostalaría
- 16.00 h. Quenda de tarde do 37º Concurso Internacional de Pesca do Salmón (río Ulla)
- 19.00 h. Representación de “Días sen gloria”, do CDG (Teatro Principal)
- 20.00 h. Concurso de tapas de salmón nos locais de hostalaría
- 21.30 h. Entrega de premios do 37º Concurso Internacional de Pesca do Salmón

** Xoves, 16 de maio
- 12.00 h. Cuarta xornada do concurso de tapas de salmón nos locais de hostalaría
- 20.00 h. Concurso de tapas de salmón nos locais de hostalaría
- 21.00 h. Representación de “Románticos”, de Mofa e Befa (Teatro Principal)

** Venres, 17 de maio
- 12.00 h. Ofrenda floral do Día das Letras Galegas (estatua de Marcial Valladares)
- 12.00 h. Quinta xornada do concurso de tapas de salmón nos locais de hostalaría
- 20.00 h. Concurso de tapas de salmón nos locais de hostalaría

** Sábado, 18 de maio
Feira de Artesanía (Alameda Municipal)
- 12.00 h. Sexta e derradeira xornada do concurso de tapas de salmón nos locais de hostalaría
- 18.00 h. Gala Máxica para Nenos (Praza da Constitución)
- 21.00 h. Festival Folclórico do Salmón organizado por Tequexetéldere (Praza da Constitución)

** Domingo, 19 de maio
Feira de Artesanía (Alameda Municipal)
- 10.00 h. XVII Ruta de Salmón en BTT (Estadio da Baiuca)
- 11.00 h. Concentración de Harley Davidson (rúa Calvo Sotelo)
- 12.00 h. Lectura do pregón a cargo do médico Ramiro Varela Cives (Teatro Principal)
- 12.30 h. Imposición dos Salmóns de Ouroaopregoeiro, o pianista Javier Otero Neira e o secretario xeral de Política Lingüística, Valentín García Gómez (Teatro Principal)
- 13.00 h. Photocall do Salmón (Alameda Municipal)
- 13.00 h. Degustación popular (Praza da Constitución)
- 15.00 h. Comida de menús de salmón nos restaurantes colaboradores

Máis info aquí

[17 maio 2013] Festa gastronómica que se celebra no Campo da Festa da parroquia de San Xián de Sales (Vedra), fronte á igrexa parroquial. En 2013 se celebra a XI edición.

O lume, feito con leña de carballo, con alto poder calorífico, préndese ás 6 da mañá. Ás 2 horas xa se colocan nas brasas os carneiros crucificados (ao espeto) que se irán cociñando lentamente durante máis de 6 horas. Durante ese tempo os carneiros vanse untando cunha salsa especial. O ritual é todo un espectáculo visual.
Ás 14.30 h comeza a comida.
Hai música toda a xornada.

Menú: Entremeses, carneiro ao espeto, patacas e ensalada. Pan, viño, refrescos, postre e café con gotas.

PREZO:
Adultos: 18 €
Menores de 10 anos: 12 €

Venda anticipada de entradas ata o día 13 de maio na cantina da Comisión, no Bar Barreiro e no Bar Os Cruces (Santa Lucía) ou facendo un ingreso na conta de Novagalicia Banco 2080-0386-30-3000013333, indicando o nome completo e o menú elixido (carneiro ou xamón).

Máis info aquí ou chamando aos teléfonos 649809077 - 616437602

[19 maio 2013] Festa gastronómica que se celebra anualmente na que se degustan grandes porcos asados durante horas á brasa e aliñados cunha salsa especial. Hai actuacións musicais ao longo de todo o día. En 2013 se celebra a VII edición.

PROGRAMA

- 12.00 h. Degustación de porco á brasa.
- 14:00 h. Pregón  a cargo de Federico Pérez (Josito).
- 14:30 h. Xantar.

Durante a xornada contarase coa actuación da orquestra TRÉBOL e con diversas charangas e grupos de gaitas.

Prezo adultos: 16 €
Nenos: 2 €

Venda de entradas en Bar Tacón, Bar A Dorna, e no local da Comisión de Festas en Trobe e no Bar a Colmena en Pontevea (Teo)

Máis info aquí e aquí e nos teléfonos 650916322 – 636399009 - 981503283

[23 xuño 2013] A festa de San Xoan de A Estrada, que se celebra no areal de Berres, consolídase cada ano como unha das celebracións de San Xoan máis atractivas da zona.

O bucólico entorno no que se leva a cabo, a praia fluvial de O Areal, atrae en cada edición a centos de persoas, que viven a máxica noite de San Xoan degustando sardiñas e polbo, saltando a fogueira e gozando de actuacións en directo de música folk e rock.

[2 agosto 2013] Trátase dunha festa gastronómica moi popular e asentada no calendario do Concello de Silleda. Cada ano danse cita máis de 10.000 persoas para saborear unhas 2.000 racións de tortilla e 1.000 litros de viño de forma gratuíta. A festa comezouse a celebrar no ano 1989, contando con XXII edicións no ano 2010.

Actos: Pregón por personaxes convidados. Concurso-degustación. Poxa de tortillas gañadoras. Cea na carballeira e actuacións musicais de grupos tradicionais, charangas e orquestras.

Cada ano a comisión organizadora e as amas e amos de casa esfórzanse por ter listas centos de tortillas en todas as súas variedades: con bacallau, pementos, chourizo, carne, gambas...
Repártense unhas 2.000 racións, xa que moito público achégase coa comida da casa, mentres que se dan uns 1.000 litros de viño de balde a quen merque tazas e xerras. As tazas véndense a 2 € mentres que a xerra con taza custa 10 €. Tamén hai á venda camisetas, polos, porróns e viratortillas.

Como servizos de loxística, a organización dispón de autobuses ata Laro dende Silleda, A Bandeira e Lalín.

[3 agosto 2013] Festa gastronómica por excelencia do municipio de Padrón, celébrase o primeiro sábado de agosto na parroquia de Herbón. Posúe a denominación de Festa de Interese Turístico de Galicia e a súa primeira edición tivo lugar en 1978.

Son miles as persoas que cada ano se achegan nesta data sinalada no calendario festivo de Padrón para gozar de forma totalmente gratuíta deste manxar e correr o "risco" de comprobar o vello dito que di que "Os pementos de Herbón, uns pican e outros non". É a esta parroquia padronesa a onde chegou por primeira vez a planta do Pemento de Herbón, traída dende terras americanas por un dos frades da orde que alí vive dende hai mais de 600 anos.

A celebración conta co seguinte programa:
- 10:30 h. Misa campestre.
- 11:30 h. Bendición e inauguración da Festa.
- 12:30 h. Recepción de autoridades na Casa Consistorial e desfile agrícola motorizado ata Padrón.
- 13:30 h. Lectura do pregón por unha personalidade sobresaínte e acto de nomeamento dos Cabaleiros e Damas, entrega de Pementos de Prata, o premio Xove Pementeiro e o premio Sabio Pementeiro. Nomeamento do Presidente de Honra da Orde do Pemento.
- 14:30 h. Entrega de premios aos tractores mellor engalanados e degustación gratuíta dos afamados pementos de Herbón.
- 22:00 h. Actuacións musicais e verbena.

[25 agosto 2013] Romaría de carácter relixioso. Celébrase a finais do mes de agosto preto do lugar de Beca, na parroquia de Bastavales. Os romeiros acoden a un bosque no que se venera a figura de pedra de Santo André, posiblemente procedente de Castro Lupario. Nesta popular romaría pódense degustar sardiñas, broa, cachelos e viño.

[21 e 22 setembro 2013] A Festa do Cabalo de Brión é un evento hípico que se celebra no mes de setembro nos Montes de Rañalonga, habitualmente o fin de semana anterior á celebración da Romaría de Santa Minia.

Nun espazo habilitado para a ocasión, a festa reúne durante dous días a numerosos afeccionados ao mundo do cabalo que asisten a unha ruta cabalar e a diversas competicións hípicas: carreiras de cabalos, carreira de burros, embretada de xovencas, ximcana, arrastre e doma. Nas últimas edicións introduciuse tamén unha solta de vaquiñas. A nivel gastronómico, non falta un establecemento onde os asistentes poden degustar o tradicional polbo á feira.

O evento está organizado pola Asociación Festa do Cabalo de Brión e conta coa colaboración do Concello de Brión e a Deputación da Coruña.

Máis info aquí

[26 e 27 setembro 2013] A Romaría de Santa Minia é, con diferenza, a festa máis importante do concello de Brión pola súa popularidade e número de visitantes. Milleiros de romeiros acoden cada ano ata a capela da santa mártir dende distintos puntos da xeografía galega para participar nunha celebración que mestura o fervor relixioso coa celebración profana.

O capela onde se lle rende culto está situada na localidade de Pedrouzos, a beira dunha frondosa carballeira que leva o nome de Santa Minia. No seu arredor reúnense todos os anos os devotos que acoden ao santuario con exvotos e pregarias para a santa.

Xunto coas misas e a obrigada visita ao templo, onde se pode contemplar a figura de cera da nena mártir dentro dunha furna de cristal, os visitantes poden gozar dun gran ambiente festivo onde os principais atractivos son as verbenas e fogos de artificio, así como as atraccións de feira, os postos de venda e as “pulperías”, onde os visitantes poden gozar do principal atractivo gastronómico da festa: o polbo á feira.

Santa Minia foi una moza romana martirizada pola súa fe no S. IV. A mediados do S. XIX, Luis Tobío, un emigrante brionés que traballaba en Cádiz, trasladou os restos da santa dende a cidade andaluza a súa localidade natal. Axiña se estendeu o seu culto ata o punto de que, en 1885, xa figuraba entre as máis célebres romaxes galegas.

Máis info aquí

[13 outubro 2013] A Romaría de San Breixo, no Concello de Touro, inclúe unha celebración relixiosa con misa Solemne e a posterior festa campestre con degustación de polbo á feira. Ao longo da xornada ofrécense diversas actuacións musicais e outras actividades festivas.

Máis info aquí e aquí

[4 marzo 2014] Evento declarado Festa de Galicia de Interese Turístico que recibe cada ano un importante número de visitantes de toda a comunidade. Esta festa foi unha das primeiras exaltacións gastronómicas da filloa celebradas en Galicia, centrándose nun produto exclusivamente galego, como autóctonos son tamén os produtos típicos que o acompañan (mel, chourizos...) aínda que haxa postres similares noutras rexións e países. Dada a súa antigüidade pódese determinar que naceu como unha verdadeira posta en valor deste produto característico do Entroido galego.

A raíña da festa e produto gastronómico típico das mesas galegas dende hai máis de 300 anos é a filloa, coñecida tamén nalgunhas zonas como "freixó" ou "marrucho". Elabórase con ovo, leite, auga, fariña e sal, mesturando ata facer unha masa, unha crema lixeira e líquida chamada "almoado"; a súa grande calidade débese á mestría dos artesáns para manter a temperatura axeitada das pedras e dos filloeiros onde se pasan as filloas e da finura das mesmas.

A Comisión de Festexos da parroquia organiza esta festa contando sempre coa inestimable colaboración de case a totalidade da parroquia de Lestedo, que participa durante toda a semana e moito máis intensamente o propio día da celebración deste evento, xa que os fogóns están preparando as filloas dende primeiras horas da mañá ata ben entrada a noite. Toda a xornada festiva está amenizada polas actuacións de  comparsas, orquestras e charangas.

Dende o ano 2004 cóntase cunha máquina artesanal que permite producir unha media de entre 1.200-1.600 filloas cada hora sen que este produto perda o seu sabor e textura orixinal. A máquina, que ten case sete metros de diámetro, baséase nun rotor central cun motor eléctrico que fai xirar os corenta filloeiros, que coce cada un á súa vez catro filloas, sobre un círculo de fogo. Para atender a máquina precísanse sete persoas.

A Festa da Filloa non só marca unha data no calendario como festa gastronómica de relevancia, senón que a súa singularidade tamén radica na labor de promoción e conservación da cultura, mediante a incorporación á mesma dos "altos" e "atranques" dos famosos Xenerais e Correos do Entroido da Ulla.
Máis info aquí